Manx,English,Diplomatic,Notes
"     Myr ta shin eisht er n’irree marish Chreest, shirr shiu ny reddyn shen ta er nyn skyn. ","As we have therefore risen with Christ, look for the things that are above you. ","Mor ta shin esht er nirree marish Chreest, Shir shiu ny reddyn shen ta er nyn skyn. ",
"     Cooinnee shiu Chreesteeyn deyr, nagh vel shiu ny sodjey marroo ayns peccah. Myr va Chreest troggit seose ass yn oaie, myr shen ta shiu er ve troggit seose ass yn vaase dy pheccah, as eisht cha bee shiu taitnyssagh er reddyn thallooinagh myr va shiu keayrt, agh bee ny ta leaghyn eu ayns Niau, as nyn greeaghyn myrgeddin. ","Remember dear Christians, that you are no longer dead in sin. As Christ was raised out the grave, so you have been raised up out of the death of sin, and therefore, you will not take pleasure in earthly things as you were once, but that which will be your rewards in Heaven, and also in your hearts.","Cooinnie shiu chreesteeyndeyr, nagh vell shiu ny sodjey marroo ayns peccah. Mor va Chreest throggyt seose as yn oaie, mor shen ta shiu er ve throggyt seose as yn baase dy peccah as esht cha bee shiu taitnysagh er reddyn thallooinagh mor va shiu cheayrt agh bee ny laghgaghyn eu ayn Niau, as nyn ghreeghyn morgheddyn.",
"     Dy voddagh shiu clamberagh seose er slieau feer ard, as jeeaghyn sheese er ny biljyn as ny magheryn as baljyn, yinnagh shiu goaill yindys, cre cha beg as v’ad er n’aase, yn logh dy ushtey myr gless tuarystal as yn awin lhean myr ardnieu dy argid. Yn fainagh ailagh myr braddag ghoo rouail mygeayrt er yn raad, ny deiney as mraane myr spuit veggey as, myr shen, my ta shiu er n’irree marish Creest nee ooilley ny reddyn thallooinagh va shiu coontey wheesh jeu keayrt jeeaghyn ny sloo gys nagh jean shiu goaill kiarail sodjey mygeayrt-y-moo. Myr syrjey ta shiu goll, wheesh shen sloo t’ad gaase gys t’ad er ny yarrood ooilley cooidjagh. Myr smoo dy ghraih t’ain er Yeesey, as myr smoo ta shin smooinniaght er nyn gummal ayns Niau, shen myr sloo dy haitnys vees ain ayns ny reddyn ommijagh ta’n sleih seihlltagh coontey wheesh jeu. ","If you could climb up onto a very high mountain, and look down on the the trees and the fields as towns, you would be amazed at how small they had grown, the lake of water like a mirror and the broad river like a snake of silver. The firey chariot (train) like a black caterpillar wandering around on the road, the men and women as little spots and, so, as you have risen with Christ will all the earthly things you were thinking so much of once look smaller until you will no longer care about them. As the higher you go, so much less they become, until they are forgotten altogether. As the greater the love we have for Jesus, and the more we think about our dwelling place in Heaven, the less pleasure we will have in silly things the people of the world think so much of."," Dy voddagh shiu clambeeragh seose er slieu feer ard, as jeaghyn sheese er ny biljyn as ny magh-ryn as baljyn, yannagh shiu ghoaill yindys, cre cha beg as va’d er naase, yn logh dy ushtey mor gless thuroustal as yn awin lheayn mor ardnieu dy argid. yn fainagh Ailagh mor braddag ghoo rouail mygheayrt er yn raaid ny dheinney as mraane mor spuyt veggey as mor shen my ta shiu er nierree marish Chreest nee ooilley ny reddyn thallooinagh va shiu coontey wheesh jiu cheayrt jeaghyn ny sloo gys nagh jean shiu ghoaill kairaill sodjey mygeayrt y moo. Mor syrjey ta shiu gholl wheesh shen sloo la’d gaase gys ta’d er ny yarrood ooilley cudjagh Mor smoo dy graih ta ain er Yeesey, as mor smoo ta shin smooinniaghter nyn choammal ayns Niau, shen mor sloo dy haitnys vess ain ayns ny reddyn ommi-jagh ta yn sleih seihlltagh coontey wheesh jiu. ",
"     Ta shin curmit dy baghtal dy hoieagh nyn aignaghyn er ny reddyn te’r-nyn-skyn. Cha vel shin ynrican dy yannoo shen ny ta cairagh, agh dy ve graihagh er yn lheid cheddyn. ","We are clearly charged to set our minds on the things above us. We are not only to do that which is right, but to love the same such.",Ta shin curmyt dy baghtal dy hoieagh ny aignaghyn er ny reddyn te’r nyn skin. cha vel shin ynrican dy yannoo shen ny ta cairagh agh dy ve graihagh er yn lheid cheddyn. ,
"     Vel shiu dy bragh geddyn shiu hene goaill yindys jeh sleih elley, nagh vel gimmeeaght myr ta shiu hene as coontey dy vel ad ass yn chassan coon? Te cowrey feer olk dy ve coontey shin hene ny share na sleih elley. Bee reddyn dooyteilagh myr shen dy mennick eu dy resooney orroo, agh adsyn ta streeu dy ghoaill soylley jeh taitnysyn fardailagh yn teihll wheesh as t’ad abyl, bee ad dy mennick ayns dooytyn, agh my ta’n chree as yn aigney soit er reddyn t’er-nyn-skyn cha jean[1] ny reddyn ta glen as casherick bee ny reddyn share shynney lhieu, as ny reddyn dooyteilagh cha jean boirrey shiu ny smoo.","Are you ever finding yourself wondering about other people, that aren’t going as you yourselves and reckoning that they have left the narrow path? It is a very bad sign to be considering ourselves better than other people. You will often have doubtful things like that to reason uopn, but those that strive to enjoy the vain pleasures of the world as much as they can, they will often be in doubt.  But if the heart and mind are set on things above us, the things that are pure and holy wont be the things they love most, and the doubtful things will not trouble you anymore.","Vell shiu dy braagh gheddyn shiu hene ghoaill yindys jeh sleih elley, nagh ve gimmyagh mor ta shiu hene as coontey dy vel ad as yn chassan coon. Te cowrey feer olk dy ve coontey shin hene ny share ny sleih elley. Bee reddyn dooytteilagh mor shen dy mennick eu, dy resooney orroo, agh adsyn ta strieu dy ghoaill solley jeh taitnysyn fardaalagh yn seihll, wheesh as ta’d abyl, bee ad dy mennick ayns dooytyn, agh mor ta’n chree as yn aigney soit er reddyn te’r nyn skin cha jean ny reddyn ta ghlen as casheryc. be ny reddyn share shinney lieu, as ny reddyn dooyt-eilagh cha jean boirrey shiu ny smoo.",cha bee?
           Yn un laa jeig jeh mee veanagh yn touree ayns yn vlein hoght cheead yeig kiare feed as nuy jeig.     ,The eleventh of June in the year eighteen hundred and ninety-nine.     ,           Yn un laa jeig jeh mee veanagh yn theuree ayns yn vlein hoght cheead yeig kair feed as nuiy jeig.     ,
Farquhar.,Farquhar.,Farquhar.,