Manx,English,Diplomatic
Skeeal beg jeh Saggyrt va er gheddyn ayns lhiastynyn.,A short story of a Priest who had go into financial difficulties.,Skeeal beg jeh Saggyrt va er gheddyn ayn lhastynyn
"     Va Saggyrt keayrt ren geddyn ayns lhiastynyn, cha nee jeh e yoïn, as cha row eh yn foill echey hene. As v’eh ayns seaghyn mooar mygeayrt-y-mysh. As v’eh goaill eh gys yn Çhiarn ayns padjer laa lurg laa, son tammylt dy hraa, agh cha row ansoor erbee çheet. Ec y jerrey, ren eh briaght jeh e ven-heshey dy phrayal marish, agh dobb ish. Dooyrt ee nagh voddagh ee jannoo shen er yn oyr dy row ee shicker jeh, dy jinnagh Jee cur daue dy chooilley nhee veagh son yn foays oc fegooish prayal huggey er y hon. ","     There once was a priest who got into financial difficulties, not on purpose, and it wasn’t his own fault, and he was greatly sorry about it. And he was taking it the Lord in prayer day after day, for a spell of time, but no answer was forthcoming. In the end, he asked his wife to pray with him, but she refused. She said that she couldn’t do that because, she was sure of it, that God would give them everything that would be for their benefit, without praying to him for it. ","Va Saggyrt cheayrt ren gheddyn ayns lhastynyn cha ne jeh y yoin, as cha row eh yn fooyl eck hene. As ve ayns seaghyn mooar mygheayrt y mysh. As ve ghoaill eh gys yn Chiarn ayns padjer laa lurg laa, son tamylt dy chra agh cha row ansoor erbee cheet. Eck y jerrey, Ren eh briagh jeh y ven heshey dy freeayl marish, agh dhob ish dooyrt ee nagh voddagh ee jannoo shen. Er yn oyr dy row ee shicker jeh, dy jeanagh Jee chur daue dy chooilley nhee vagh son yn foays ock. fegoish preeayl hug Eh er y hon "
"     Dooyrt e sheshey ree dy row Jee gra “Shir shiu as nee shiu geddyn.” Ren yn ven eisht fakin dy row ee er shaghryn as goaill rish. Eisht, ren ee prayal lesh ooilley e cree dy jinangh Jee cooney as chur huick argid dy eeck yn lhiastynys. Cha lheah as va shoh jeant, ren yn Çhiarn coyrt cooney huick. Hie yn Saggyrt magh ayns yn traid as ren carrey meeitteil eh nagh row eh er vakin son ymmodee bleintyn, as vrie eh jeh’n saggyrt row eh ayns feme jeh cooney souyrid erbee , as ren eh sheeney y laue huggy lesh kiart yn chuse dy argid va geeck yn lhiastynys. Myr shoh, va padjer er ny ansoor ayns aght yindyssagh, as Jee er ny gloayraghey.","      The husband said to her that God was saying  “Seek and you will find.” The woman then saw that she was mistaken and admitted it. Then she prayed with all her heart that God would help and send them money to pay the debt. As soon as this was done, the Lord sent help to them. The priest went out in the street and a friend met him that he hadn’t seen for many years, and he asked the priest if he needed any prosperity assistance at all, and he reached out his hand to him and gave him just the amount of money that was paying the debt. So, a prayer was answered in a wonderful way, and God glorified..","Dooyrt y sheshey ree dy row Jee gra shir shiu as nee shiu gheddyn. Ren yn ven vee esh fakin dy row ee er shaghryn as ghoaill rish. Esh ren ee preeayl lesh ooilley y chree dy jeangh Jee cooney as chur huck argid dy eeck yn lhastynys. Cha lheay as va shoh jeant. Ren yn Chiarn curt cooney huck. Hie yn Saggyrt magh ayns yn traaid as ren charrey meeitteil eh nagh row eh er vakin son ymmydee bleintyn As vrie eh jeh’n Saggyrt row eh ayns feme jeh cooney sowred erbee , as ren eh sheeney y laue hug eh lesh kiart yn kuise dy argid va geeck yn lhastynys. Mor shoh va padjer er ny ansoor ayns aght yindyssagh As Jee er ny gloayraghey."
,,
"Screeuit er lhiattee Chronk Veayl, yn çheyoo laa jeh yn chied vee dy ouyr ayns yn vlein hoght cheead yeig kiare feed as nuy jeig.","Written on the side of Cronk Veayl, the sixth day of August, in the year eighteen hundred ninety-nine.","Scrieut er lhattie cronk vule, yn sheoo laa jeh yn ched vee dy ouyr ayns yn vlein hoght cheead yeig kair feed as nee jeig"
Liorish Edward Faragher ,By Edward Faragher.,Liorish Edward Faragher 
"Creneash, Skylley Chreest Rushen ayns kione sheer ass Ellan Vannin","Cregneash, Parish of Kirk Christ, Rushen, in the south-west end of the Isle of Man.",Cregnaish skeeley Chreest Rushen ayns kione sheer ass Ellan Vannin