Manx,English,Notes
SHENN SKEEAL SON YN CHLOAN VEGGEY. ,AN OLD STORY FOR THE LITTLE ONES. ,
YN GHOAYR GLASS.,THE GRAY GOAT.,
Cheayll meee myr shoh dy row goayr glass ayn.,"I heard, as I am going to tell you, about a gray goat. ",
     As keayrt dy row va goayr glass ayn. ,"     And there once was once a gray goat, ",
V’ee goll un Jeheiney-Chaisht dys y traie dy hymsagh barnee. ,she was going one Good Friday  to the shore to garner shell-fish.,
Ren ee faagail ny three mannanyn veggey glassey as yn guilley-bock ec y thie .,She left the three small gray kids and the little he-goat at home. ,
As dooyrt ee roosyn nagh row ad dy osley yn dorrys da peiagh erbee dys harragh ee thie reesht. ,And she said to them that they were not to open the door to any one until she herself came home again.,
"“As dooyrt ish, “Tra higyms thie ver shiu enn dy re mee hene t’ayn cha leah’s nee shiu fakin my chass stiagh fo bun ny coolley, son bee snaie jiarg as snaie gorrym mysh my chass.”","“And,”says  she, “when I come home, you will know that it is myself that's in as soon as you see my foot under the edge of the door, for there will be a red and a blue thread about my foot.”",
"     Cha row yn ghoayr glass foddey ersooyl magh ass y thie tra haink yn kayt dys y dorrys, as dooyrt eh, “Foshil shoh, foshil shoh, mish dty vummig, mish dty vummig, mish dy vummig.” ","The gray goat has not long gone out of the house when the cat comes to the door, and says he, “Open this, open this, I am thy mother, I am thy mother.”",
"     “Cur dty spaag veg stiagh fo bun ny coolley, as neem’s cur enn ort my t’ou uss my vummig.” dooyrt yn guilley-bock. ","“Put thy little paw in under the edge of the door, and I shall know if thou art my mother,” says the little goat, ",
"     Hug yn kayt e spaag stiagh fo bun ny coolley, as dooyrt yn guilley-bock, ","     The cat puts his little paw in under the edge of the door, and says the little goat, ",
"“Cha nel oo, cha nel oo my vummig: ta snaie jiarg as snaie gorrym mysh spaag veg my vummig hene.” ","“Thou art not, thou art not my mother ; there is a red thread and a blue thread about the little paw of my own mother.”",
"     Cha leah as ren yn kayt clashtyn shen, hie eh roish. ",     As soon as the cat heard this he went away. ,
"     Tammylt beg lurg shen, quoi haink dys y dorrys agh yn coo, as dooyrt eh, “Foshil shoh, foshil shoh, mish dty vummig, mish dty vummig, mish dty vummig.” ","     A little while after that, who comes to the door but the hound, and says he “Open this, open this, I am thy mother, I am thy mother, I am thy mother.” ",
"“Cur dty spaag veg stiagh fo bun ny coolley, as neem’s cur enn ort my t’ou uss my vummig,” dooyrt yn guilley-bock.","“Put thy little paw in under the edge of the door, and I shall know if thou art my mother,” says the little goat.",
"     Çhelleeragh hug yn coo e spaag stiagh fo bun ny coolley, as dooyrt yn guilley-bock, ","     Straightaway the hound puts his paw in under the edge of the door, and says the little goat,",
"“Cha nel oo, cha nel oo my vummig; ta snaie jiarg as snaie gorrym mysh spaag veg my vummig hene.”","“Thou art not, thou art not my mother ; there is a red thread and a blue thread about the little paw of my own mother.”",
"      Cha leah as ren yn coo clashtyn shen, hie eh roish. ",     As soon as the hound heard that he went away. ,
"     Agh cha row yn coo foddey ersooyl tra haink yn shynnagh dys y dorrys, as dooyrt eh, “Foshil shoh, foshil shoh, mish dty vummig, mish dty vummig.” ","     But the hound has not long gone away when the fox comes to the door, and says he “Open this, open this, I am thy mother, I am thy mother, I am thy mother.”",
“Cur dty spaag veg stiagh fo bun ny coolley as neem’s cur enn ort my t’ou uss my vummig.” dooyrt yn guilley-bock. ,"“Put thy little paw in under the edge of the door, and I shall know if thou art my mother,” says the little goat.",
"Çhelleeragh hug yn shynnagh e spaag stiagh fo bun ny coolley, as dooyrt yn guilley-bock, ","     Straightaway the fox puts his paw in under the edge of the door, and says the little goat,",
"“Cha nel oo, cha nel oo my vummig; ta snaie jiarg as snaie gorrym mysh spaag veg my vummig hene.”","“Thou art not, thou art not my mother ; there is a red thread and a blue thread about the little paw of my own mother.”",
"Cha leah as ren yn shynnagh clashtyn shen, hie eh roish, cha skybbylt as yinnagh e chraueyn cur kied da, as cha ren eh fuirraghtyn dys haink eh dys thie yn chabbil.","     As soon as the fox hears that he runs away as swiftly as his bones can go, and he does not stop until he comes to the home of the horse. ",
,,
"Ren eh siyr mooar dy chleiy avns y thorran, as cha ren eh fuirraghtyn dys hooar eh snaie jiarg as snaie gorrym. Chiangle eh ad mygeayrt e spaag as hie eh reesht dys thie ny goayr, as dooyrt eh,  ","He makes haste to dig in the midden, and he does not stop until he gets a red and a blue thread. He ties them about his paw, and he returns again to the house of the goat, and says he, ",
"“Foshil shoh, foshil shoh, mish dty vummig, mish dty vummig.” ","“Open this, open this, I am thy mother, I am thy mother.”",
“Cur dty spaag veg stiagh fo bun ny coolley as neem’s cur enn ort my t’ou uss my vummig.” dooyrt yn guilley-bock. ,"“Put thy little paw in under the edge of the door, and I shall know if thou art my mother,” says the little goat.",
"Çhelleeragh hug yn shynnagh e spaag stiagh fo bun ny coolley, as tra honnick yn guilley-bock yn snaie jiarg as snaie gorrym er, dooyrt eh, ","Immediately the fox puts his paw in under the edge of the door, and when the little goat sees the red and the blue thread on him, says he,",
"“T’ou uss, t’ou uss my vummig,” as ren eh fosley yn dorrys da.","“Thou art, thou art my mother.” and he opens the door to him. ",
"Cha leah as hooar yn shynnagh stiagh gow eh greim er ny mannanyn, as hug eh lesh thie marish yn aym nagh voddagh eh gee jeu, as ren eh gra :","     As soon as the fox gets in he lays hold of the kids and takees home with him the portion he does not eat of them, and says he:",
"“Oie vie noght, ","“Good night tonight, ",
"Laa mie mairagh, ",Good day to-morrow. ,
Fooilliagh ny Shibberagh,The leavings of supper ,
Jean eh jinnairagh.”,They will do for dinner.”,
"Er-y-gherrit haink yn ghoayr glass thie voish y traie, as cha row roee agh thie follym.","By and bye the gray goat comes home from off the shore, and sees before her but an empty house.  ",
"Hug ee er cheayney dy sharroo son thootchey beg, eisht, fegooish cumrailys erbee roie ee dy yeeaghyn ayns thieyn ny ainjyssee eck son ny mannanyn. ","She sets herself to crying bitterly for a little' while, then without any delay she runs to look for the kids in tlie house's of her acquaintances .",
"Haink ee dys thie yn chayt, as gow ee jeeragh seose dys mullagh yn thie, myr ta’n cliaghtey ny keint cheddin dy yannoo.","     She comes to the cat’s house, and goes straight up to the roof of the house, as is the custom with her kind.",
"“Quoi t’ayns shen er mullagh my waag veg screebey-scrabey, screebey-scrabey ; nagh lhig dou broie my soddagyn, ny cloie my sollaghyn?” Dooyrt yn kayt.","“Who is there on top of my little hut scratching-scraping, scratching-scraping; not letting me bake my bonnags, nor boil my soup?” says the cat.",
"“She mish t’ayns shoh, y ghoayr glass shirrey son ny three mannanyn veggey glassey as yn guilley-bock.”","     “It is I that am here, the gray goat, seeking for three small gray kids and the little he-goat,”",
"“Er y thalloo ta foyd as ayns yn aer t’er-dty-skyn, cha naik mee rieau dty vannanyn,” dooyrt yn kayt. ","     “On the earth that is under thee, and in the air that is above thee, I never saw thy kids,” says the cat,",
"Hie ee roee dys thie yn choo, as myr ta’n cliaghtey lesh y cheint, gow ee jeeragh soese dys mullagh yn thie. ","     She goes away to the house of the hound, and as is usual with her kind, she goes straight up to the roof of the house.",
"“Quoi t’ayns shen er mullagh my waag veg screebey-scrabey, screebey-scrabey ; nagh lhig dou broie my soddagyn, ny cloie my sollaghyn?” Dooyrt yn coo.","     “Who is there on top of my little hut scratching-scraping, scratching-scraping; not letting me bake my bonnags, nor boil my soup?” says the hound.",
"“She mish t’ayns shoh, y ghoayr glass shirrey son ny three mannanyn veggey glassey as yn guilley-bock.”","     “It is I that am here, the gray goat, seeking for three small gray kids and the little he-goat.”",
"“Er y thalloo ta foyd as ayns yn aer t’er-dty-skyn, cha naik mee rieau dty vannanyn,” dooyrt yn coo. ","     “On the earth that is under thee, and in the air that is above thee, I never saw thy kids,” says the hound.",
"Hie ee roee dys thie yn çhynnagh, as myr ta’n cliaghtey lesh y cheint, gow ee jeeragh soese dys mullagh yn thie. ","     She goes away to the house of the fox, and as is usual with her kind, she makes straight for the roof of the house.",
"“Quoi t’ayns shen er mullagh my waag veg screebey-scrabey, screebey-scrabey ; nagh lhig dou broie my soddagyn, ny cloie my sollaghyn?” dooyrt yn shynnagh.","     “Who is there on top of my little hut scratching-scraping, scratching-scraping; not letting me bake my bonnags, nor boil my soup?” says the fox.",
"“She mish t’ayns shoh, y ghoayr glass shirrey son ny three mannanyn veggey glassey as yn guilley-bock.”","     “It is I that am here, the gray goat, seeking for three small gray kids and the little he-goat.”",
"“Er y thalloo ta foyd as ayns yn aer t’er-dty-skyn, cha naik mee rieau dty vannanyn. Agh trooid stiagh as gow aash, my ’neen, as verryms dhyt bolgum çheh. Er-lhiams dy vel oo skee as accryssagh lurg wheesh rouail choud jeeaghyn son dty vannanyn.” Dooyrt yn shynnagh.","     “On the earth that is under thee, and in the air that is above thee, I never saw thy kids. But come in and rest, my dear, and I will give thee a hot mouthful. Methinks thou art tired and hungry after wandering as far looking for thy kids,” says the fox. ",
"Myr shen va drogh-yerrey er yn ghoayr glass, hie ee stiagh ayns thie yn çhynnagh, as tra hooar ee stiagh, varr eh ee myr ren eh ny mannanyn, as ren eh gra :—","     Such was the unfortunate end of the gray goat; she went into the fox’s house, and when he got her within he killed her as he did the kids, and says he :—",
"“Oie vie noght, ","“Good night tonight, ",
"Laa mie mairagh, ",Good day to-morrow. ,
Fooilliagh ny Shibberagh,The leavings of supper ,
Jean eh jinnairagh.”,They will do for dinner.”,