[{ "chapter": 1, "versesCount": 7, "verses": ["Ngon Nama Allah lon peuphon surat Tuhan Hadharat nyang Maha Murah Tuhanku sidroe geumaseh that-that Donya akhirat rahmat Neulimpah", "Sigala pujoe bandum lat batat Bandum nyan meuhat milek Potallah Nyang peujeut alam timu ngon barat Bandum lat batat peuneujeuet Allah", "Tuhanku sidroe geumaseh that-that Donya akhirat rahmat Neulimpah", "Droeneuh nyan raja uroe akhirat Amai dum meuhat sinan Neubalah", "Keu Droeneuh hai Po kamoe ibadat Tulong meularat Droeneuh nyang peuglah", "Neutunyok kamoe wahe Hadharat Bak jalan teupat beu roh meulangkah", "Bak jalan ureueng nyang Neubri nikmat Jalan seulamat bek jalan salah Bek roh bak jalan ureueng nyang sisat Ureueng nyang batat muruka Allah"] }, { "chapter": 2, "versesCount": 286, "verses": ["Alif Lam Mim Tuhan nyang teupue meukeusud ayat - Sabab Hadharat hana Neupeugah", "Teuma Neupeugah nyan keuh nyang kitab Peutunyok meuhat keu hamba Allah Hana peue tachok peutunyok meuhat Keu soe nyang taʻat takwa keu Allah", "Dum geumeuiman bah han geulihat Peucaya that-that nyang Tuhan peugah Pubuet seumbahyang geubri ngon zakeuet Raseuki meuhat Neujok le Allah", "Lom geumeuiman keu bandum kitab Nyang tron dum meuhat nibak Potallah Nyang tren keu gata wateenyoe meuhat Meunan cit kitab nyang dilee leupah Lom pih geuyakin uroe akhirat", "Ureueng nyan meuhat peutunyok Allah Peutunyok bak Po keu gopnyan meuhat Mubahgia that hana peue peugah", "Teuma di kaphe di jih saban that ‘Oh tapeuingat di jih jibantah Han tapeuingat got tapeuingat Di jih cit batat tungang sileupah Han jimeuiman akan Hadharat", "Ate ka Neucap di jih le Allah Pendengaran jih pih cit ka Neucap Mata jih meuhat Neutop le Allah Keu jih dum teuma azeub raya that Meunan Hadharat ka Iheuh Neupeugah", "Teuma na insan nyang ladom meuhat Jikheun di jih that iman keu Allah Lom jimeuiman uroe akhirat Tapi sulet that narit jipeugah Hana meuiman jih nyan dum meuhat", "Jikheun ibarat jitipee Allah Ureueng meuiman sang-sang bangai that Bandum jipeungeut meunan jipeugah Padahai di jih tipee droe meuhat Hana jitupat droejih nyang salah", "Dalam ate jih peunyaket sisat Neutamah lom brat keu jih le Allah Neutamah saket keu jih leubeh brat Azeub peudeh that keu jih Neukeubah Sabab jih sulet narit nyang sisat Nyang jeut meukarat azeub sileupah", "‘Oh geukheun bak jih bek pubuet jeuheut Jijaweub ligat kamoe jroh leupah", "Beu na tateupue bit jih buet jeuheut Hana jitupat droejih nyang salah", "‘Oh geuyue iman jih keu Hadharat Lagee dum rakyat iman keu Allah Peue iman kamoe jijaweub ligat Lagee sibatat jeuheut sileupah Beu na tateupue jih keuh si batat Hana jitupat droejih nyang salah", "Watee meureumpok awak nyan meuhat Deungon dum rakyat iman keu Allah Jikheun kamoe pih meuiman that-that Tapi sulet that narit jipeugah ‘Oh watee jiwoe bak rakan sahbat Chetan dum meuhat jikheun beurakah Kamoe peuulok awak nyan meuhat Tanyoe meusapat hana meusiblah", "Tuhan peubiyeu jih nyan lam sisat Ulok jih meuhat akan Neubalah", "Jiboh peutunyok jibloe nyang sisat Rugoe meuneukat jih that sileupah Hana peutunyok keu jih nyan meuhat", "Miseu jih teupat Neuboh le Allah Ban ureueng peudep apui raya that Hingga dum teumpat trang meujeureulah Tuhan boh teuma cahya nyan meuhat Hingga seupot that han sapeue le drah", "Tuloe klo buta jih nyan meularat Jiwoe u teumpat han meuho langkah", "Atawa miseu ujeun raya that Rudok ngon kilat seupot lom leupah Aneuk jaroe jih jiculok ligat Lam geulinyueng that jiculok leupah Sabab geulanteue meusu raya that Teumakot jih that mate jih reubah Kuasa Tuhan keu kaphe sisat Bandum Neutupat peue nyang jipeugah", "Ka rap jisama bandum le kilat Mata jih meuhat seupot sileupah Watee meucahya jijak le ligat ‘Oh seupot siklap jidong le bagah Meunyo Neukheundak uleh Hadharat Tuloe jih ligat hana peue peugah Buta ngon mata lam siklep-siklap Kuasa Neuh that sidroe Potallah", "Hai manusia pubuet ibadat Seumah Hadharat bek sagai malah Tuhan nyang peujeut gata dum meuhat Ngon bandum ibad masa nyang sudah Mudah-mudahan takwa teuh beu that", "Bumoe nyoe meuhat peuneujeut Allah Teuleung sang tika bumoe nyoe meuhat Bandum keu teumpat gata Neukeubah Langet sang bubong meugom raya that Ie ujeun meuhat sinan Neucurah Teubiet boh kayee teuma lat batat Keu gata meühat raseuki boh bah Teuma bek gata peujeut charikat Tuhan Hadharat laen tapeugah", "Meunyo chok gata teuma keu Kitab Takheun Muhammad nyang peugot ulah Cubaci peugot meusaboh surat Nyang saban that-that ngon Kitab Allah Tahoi dum rakan keu saksi meuhat Nyang carong that-that laen bak Allah Meunyo bit gata takheun beuna that Tapeugot ligat bek le peue peugah Ż", "Teuma meu goh ek tapeugot surat Keubit han dapat tayakin sudah Apui nuraka beu tatakot that Kayeejih meuhat dum hamba Allah Insan ngon batee patong charikat Keu kaphe sisat bandum Neukeubah", "Teuma tapeugah haba mangat that Keu bandum umat iman keu Allah Amai nyang jroh-jroh jipubuet meuhat Churuga teumpat keu jih Neukeubah Ile deungon krueng di yup jih meuhat Raseuki pih that mangat sileupah Jan troh raseuki keunan geuintat Boh kayee meuhat sambot le bagah Raseuki kamoe geukheun le ligat Taeu saban that lagee nyang sudah Geujok makanan sang-sang saban that Judo lom meuhat suci sileupah Bandum cit keukai sinan meusapat Keubit seunang that churuga indah", "Hana Neumalee Tuhan Hadharat Jamok ubit that miseu Neupeugah Rayek nibak nyan pih saban cit that Han jeut keu cacat kuasa Allah Ureueng meuiman geuteupue meuhat Keubit beuna that nyan nibak Allah Teuma di kaphe jikheun le ligat Peue roe Hadharat miseu Neupeugah Le that dum ureueng Tuhan peusisat Teuma le cit that peutunyok Allah Teuma kon laen nyang Neupeusisat Nyang pasek meuhat batat sileupah", "Jiubah janji jih ngon Hadharat ‘Oh Iheuh jiikat janji ngon Allah Nyang Neuyue seumong uleh Hadharat Jikoh dum meuhat di jih jiubah Di dalam bumoe jipubuet jeuheut Keubit roe jih that rugoe sileupah", "Pakri takaphe akan Hadharat Gata dilee that mate aruwah Neupeuudep le gata jan siat Mate lom meuhat gata ka reubah Neupeuudep lom gata le meuhat Dudoe meusapt tawoe bak Allah", "Tuhan nyang peujeut bandum lat batat Keu gata meuhat bak bumoe Allah Lheuh nyan kuasa Neupeugot langet Tujoh boh tingkat Neupeugot sudah Abeh Neuteupue bandum lat batat Tuhan Hadharat ‘eleumee luah", "Yoh watee Neukheun bak malaikat Uleh Hadharat yoh nyan Neupeugah Di Lon di bumoe Ku keumeung peujeut Ku keumeueng sipheut jih keu khaliphah Teuma seuot le dum malaikat Pakri Neupeujeut jih keu khaliphah Di dalam bumoe jipubuet jeuheut Jipubuet fased jiro ngon darah Di kamoe sabe pujoe Hadharat Teuseubeh meuhat sabe di babah Maha Suci Droeneuh kamoe ucap Hana meusiat meupiyoh payah Di Lon Kuteupue jaweub Hadharat Gata dum meuhat han ek taulah", "Tuhan peureunoe Adam le siat Na bandum alat abeh Neupeugah Lheuh nyan Neutanyong bak malaikat Gata dum meuhat tacuba peugah Meunyo cit beuna gata dum meuhat Tapeugah ligat bek le meuubah", "Teuma seuot le dum malaikat Maha Suci that Droeneuh ya Allah Hana ‘eleumee kamoe nyoe meuhat Meu kon Hadharat bandum nyang peugah Droeneuh nyang teupue ‘eleumee hikmat Di kamoe meuhat han ek meuulah", "Bak Adam Neuyue uleh Hadharat Na bandum alat tacuba peugah Adam peugah le bandum lat batat Dum malaikat ka teuhah babah Teuma kheun Tuhan bak malaikat Nyan ka talihat lagee Lon peugah Lon keuh nyang teupue bandum lat batat Bumoe ngon langet bak Lon cit mudah Bah le di gata han deuh talihat Lon teupue cit that hana meuilah Got tapeulahe got tasom meuhat Di Lon Lonlihat Lonteupue sudah", "Watee Kamoe kheun bak malaikat Bak Adam meuhat tasujud bagah Teuma geusujud bandum le ligat Di Iblih jeungkat teuma jibantah Han jitem sujud teukabo jih that Tblih jeuheut that kaphe keu Allah", "Bak Adam teuma Kamoe kheun meuhat Churuga teumpat tapiyoh payah Dua ngon judo teuh sinan teumpat Pajoh mangat that peue nyang na mudah Peue nyang h‘eut gata tapajoh ligat Nyang bek tapeurap bak kayee teugah Ubak kayee nyan meunyo tapeurap Gata pih jeungkat lalem sileupah", "Teuma di chetan jiboh peurangkap Mangat roh sisat Adam buet salah Dua ngon judo ka jipeusisat Boh teubiet ligat Neuyue le Allah Tajak tron bandum Kamoe kheun ligat Han le sipakat bandum cit salah Dawok meupake musoh siat-at Di sinan teutap bak bumoe Allah Dalam bumoe nyan seunang cit siat", "Bak Adam ligat Tuhan peurintah Dumna peurintah nibak Hadharat Teurimong tobat Adam le Allah Tuhanku sidroe Maha Rahim that Teurimong tobat geumaseh leupah", "Tajak tron bandum Kamoe kheun meuhat Teubiet bak teumpat churuga indah Teuka peutunyok bak gata meuhat Soe nyang tem pakat ikot peurintah Bak peutunyok Lon jiikot ligat Han le teumakot hana le gundah", "Teuma nyang kaphe han pateh ayat Nuraka teumpat keu jih geukeubah Keukai dum sinan sabe meularat Apui tutong that hana peue peugah", "Hai cot Israil Tuhan kheun meuhat Taingat beu that keu nikmat Allah Padumna Lon bri keu gata nikmat Beuna taingat janji ngon Allah Janji deungon Lon beu tapeuteupat Di Lon pih meuhat meunan Lon balah Teuma keu Lon nyoe beu tatakot that", "Meuiman ligat keu kitab Allah Keu gata bandum Lon peutron Kitab Lagee ban sot that hana meuubah Lagee nyang ka na bak gata meuhat Teuma bek sisat kaphe keu Allah Bek roh takaphe keu asoe kitab Bek peubloe ayat deungon yum murah Beu tatakwa keu Lon nyoe beu that", "Bek tapeusapat beuna ngon salah Tasom nyang beuna tacok nyang sisat Tateupue meuhat atra nyan salah", "Pubuet seumbahyang tabri ngon zakeut Taruku‘ sujud bandum keu Allah", "Keu peue tayue gop pubuet jroh-jroh that Di gata meuhat hana taindah Padahai gata dum tabeut kitab Akai teuh le that ho ka takeubah", "Talakee tulong ngon saba beu that Seumbahyang meuhat pubuet lom bagah Teuma seumbahyang cit meunyuem that brat Meu kon bak umat khusyu‘ keu Allah", "Umat nyang yakin akan jilihat Meureumpok meuhat dudoe ngon Allah Bandum cit jiwoe keudeh dum meuhat Yakin jih that-that hana meuilah", "Hai cot Israil taingat beu that Padumna nikmat Neubri le Allah Nikmat dum Lon bri keu gata meuhat Lagi leubeh that gata Lon peugah Ngon bandum alam gata leubeh that", "Teuma bek lambat takwa keu Allah Beu na tatakot uroe nyang hebat Barangsoe meuhat han ek jibalah Takeumeung balah keu rakan sahbat Bandum hana wat laen bak Allah Han ek meusidroe lakee chupeu‘at Barangri umat sinan han leupah Hana soe tulong meu kon Hadharat Uroe nyan beu that takot sileupah", "Yoh masa dilee kon na taingat Gata dum meuhat Kamoe peuleupah Kawom Peuraʻun gata jiazeub Keubit that jeuheut kaphe seurakah Aneuk agam teuh jisie dum meuhat Meu sidroe sapat hana jikeubah Aneuk inong teuh nyang jipeuudep Keubit that saket gata dum susah Cobaan Tuhan keu gata meuhat Bala raya that Neubri le Allah", "Taingat yoh nyan Kamoe plah laot Gata jiseutot Tuhan peusiblah Kamoe peukaram Peuraʻun sisat Bandum talihat kuasa Allah", "Meunan cit dilee yoh Kamoe akad Ngon Musa meuhat janji meupeugah Na peut ploh malam Musa munajat Gata dum meuhat tapeugot ulah ‘Oh leupah Musa keudeh beurangkat Ka tamupakat leumo taseumah Keubit buet lalem gata jeuheut that", "Di Kamoe meuhat meutem peumeu‘ah € Kamoe peumeuʻah bandum nyan meuhat Mangat tatobat chuko keu Allah", "Watee Kamoe bri keu Musa kitab Nyang peumeukleh meuhat beuna ngon salah Peutunyok bandum keu gat meuhat Beudoh cok ligat peutunyok Allah", "Musa bak kawom geupeugah ligat Pakon that jeungkat tapubuet salah Taseumah leumo buet nyang lalem that jinoe tatobat laju bak Allah Tacang beu mate droe gata meuhat Meunan keuh nyang got tapubuet bagah Bak Tuhan gata meunan tatobat Teurimong meuhat teuma le Allah Tuhan teurimong ngon nyan tatobat Geumaseh that-that sidroe Potallah", "Watee dum takheun bak Musa meuhat Kamoe han dapat iman keu Allah Han kamoe pateh gata hai sahbat Meu kon beu trang that meukalon Allah Teuka geulanteu meusu raya that Cit trang talihat gata dum reubah", "Lheuh mate teuh nyan teuma meubangket Tachuko keubit kadang keu Allah", "Kamoe ba awan keu gata meuhat le mon mangat that meupeutron bagah Ngon cicem puyoh meupeutren ligat Pajoh mangat that raseuki mudah Raseuki nyang jroh keu gata meuhat Droeneuh nyang jeungkat bukon Potallah Kon taelanya akan Hadharat Keu droeteuh meuhat meutulak balah", "Yoh Kamoe kheun boh tamong ligat Nanggroe nyoe teumpat gata geukeubah Peue-peue nyang hawa pajoh mangat that Tatamong ligat sujud bak Allah Takheun Aiththatun Neuampon ligat Uleh Hadharat peue nyang ka salah Soe nyang pubuet got meutamah lom that Kamoe Hadharat keubit that murah", "Awak nyang lalem teuma laen that Jigantoe ligat peurintah Allah Di jih nyang laen teuma jipeugot Kon le lagee sot Kamoe peurintah Kamoe peutron treuk keu jih nyan azeub Sabab jih jeuheut jipubuet salah Azeub di langet meupeutron meuhat Sabab jih jeungkat pasek sileupah", "Yoh watee Musa geulakee hajat Te that meularat kawom dum ka grah Kheun Tuhan tapoh batee ngon tungkat Jiteubiet ligat laju ie boh bah Duablah boh lueng jeut sinan meuhat Bandum jitupat maseng kabilah Beudoh jak jep ie dum keunan ligat Pajoh peue hajat jep peue nyang mudah Raseuki Tuhan keu gata meuhat Teuma bek jeungkat di bumoe Allah", "Bak saboh watee tapeugah hajat Bak Musa meuhat bandum tapeugah Han ek le saba kamoe nyoe meuhat Makanan sot-sot hana meuubah Talakee jinoe ubak Hadharat ‘Tanaman meuhat nyang jeut keu buah On gulee rampoe boh timon rambat Kacang ijo that ngon bawang mirah Lom bawang puteh bandum lat batat Kamoe meuhʻeut that meunan tapeugah Kheun Musa pakon gata laen that Han tatueng nyang got lakee nyang murah Boh jak u Meuse tajak tron ligat Troh ban tahajat sinan le bagah Hina ngon gasien keu jih dum geucap Lom keu jih meuhat muruka Allah Sabab jikaphe dum jih keu ayat Titah Hadharat hana jiindah Lom jipoh mate Rasul Hadharat Keubit raya that jipubuet salah That darohaka buet jih nyan meuhat Elanya that-that lalem sileupah", "Ureueng meuiman akan Hadharat Yahudi sapat soe nyang meutuah Nasrani sapat muallap sapat Meunyo mupakat iman keu Allah Lom jimeuiman uroe akhirat Amai pih got that hana tom salah Pahla Neubalah uleh Hadharat Han le teumakot hana le gundah", "Yoh watee kamoe janji meuikat Gata dum meuhat teuma taubah Buket Tursina teuma meuangkat Keu gata meuhat kamoe peureubah Kamoe yue tacok nyang kamoe intat Tabaca ayat beu sunggoh leupah Jeut gata takwa akan Hadharat", "Lheuh nyan tajeungkat tabalek kisah Tapaleng teuma ho laen ligat Teuma Hadharat rahmat Neulimpah Meu kon karonya nibak Hadharat Gata dum meuhat rugoe sileupah", "Ka roe tateupue buet ureueng jeungkat Bak uroe Sabat jipubuet salah Bak uroe Sabtu jijak mupakat Kamoe kheun ligat jinoe kutok kah Beu jeut keu bukreh jinoe kah meuhat Nyang hina that-that hana meutuah", "Kamoe peujeut treuk nyan keu ibarat Keu bandum umat masa nyang sudah Meunan cit teuma keu bandum umat Nyang dudoe meuhat akan troh langkah Keu soe nyang takwa akan Hadharat Jeut keu nasehat raya phaedah", "Bak saboh masa Musa kheun meuhat Gata raya that dum pubuet salah Tajak sie leumo suroh Hadharat Di kawom meuhat jikheun beurakah Gata meuayang ngon kamoe meuhat Hana Hadharat meunan Neupeugah Aʻuzubillah kheun Musa ligat Bek roh lon ucap narit nyang salah", "Kawom kheun teuma tatanyong siat Ubak Hadharat pakriban ulah Pakriban leumo nyang tameuhajat Musa kheun ligat leumo nyang ceudah Bek leumo balee ka lheuh seumeutot Bek nyang dara that hana lom beukah Antara balee deungon dara that Tapubuet ligat ban nyang peurintah", "Pakriban bulee tatanyong ligat Meunan jisasat lom masaalah Musa jaweub le suroh Hadharat Bulee kuneng that hu meujeureulah Galak that ate soe-soe nyang lihat Leumo ceudah that harok sileupah", "Jikheun tatanyong lom bak Hadharat Pakri nyang teupat leumo meutuah Di kamoe ragu mantong cit meuhat Mangat meutupat nyang kheundak Allah", "Musa jaweub le suroh Hadharat Leumo bek cacat meuʻue di sawah Lom bek jiweng ie keurija nyang brat Bek ayeb cacat leumo meutuah Meunyo ka meunan kawom kheun ligat Gata beuna that peue nyang tapeugah Teuma jisie le leumo ceudah that Sang-sang ka rap-rap han jadeh sudah", "Yoh masa tapoh lom sidroe sahbat Teuma ‘adawah gata meubantah Tuhan peuleumah nyang tasom meuhat Cit meusoe ligat nyang pubuet salah", "Ngon asoe leumo taseupot siat Udep lom ligat ureueng nyang reubah Ureueng nyang mate udep le ligat Meunan muʻjizat Tuhan peuleumah Mangat ngon akai gata tasipat", "Teuma cit batat ate teuh sudah Saban ngon batee ate teuh batat Leubeh kreuh meuhat sang-sang si ulah Lam batee nyang kreuh teubiet ie meuhat Teupanca siat ie krueng dum boh bah ‘Oh teuplah batee teubiet ie ligat Nyang ladom meuhat batee meuruwah Sabab teumakot akan Hadharat Batee rhet ligat keudeh u bawah Di Tuhan han tom lale meusiat Buet gata meuhat Neungieng le Allah", "Gata dum teuma peue harok teuh that Awak nyang sisat iman keu Allah Peue nyang tapeugah jipateh ligat Han peue takarat meuhat jibantah Ladom jideungo kalam Hadharat Jibalek ligat jiboh nyang salah Bandum jiteupue atra nyan meuhat Akai jih le that jipubuet salah", "Ngon ureueng mukmin watee meusapat Jipeugah ligat kamoe jroh leupah Kamoe meuiman akan Hadharat ‘Oh woe u teumpat laen jipeugah Deungon rakan droe ‘oh ka meusapat Jikheun le ligat peue tajak peugah Keu peue tapeugah salah teuh meuhat Peue nyang tadapat Neubri le Allah Jeut keu alasan awak nyan meuhat Jijak peudapat tanyoe bak Allah Hana teupike ngon akai sehat", "Peue han jitupat ‘eleumee Allah Bah le nyang jisom Neuteupue meuhat Nyang lahe cit that Neuteupue sudah", "Nyang buta hurup hana jeut kitab Dijih nyan meuhat angan jih leupah Jisangka mantong jirabong meuhat", "Teuma soe jeungkat ceulaka leupah Deungon jaroe droejih tuleh kitab Jikheun le ligat nyoe nibak Allah Ngon yum that murah jipeubloe ayat Ceulaka meuhat keu jih that leupah Ceulaka jaroe nyang tuleh surat Ceulaka jih that jipubuet salah", "Jikheun lom kamoe han apui jilat Meulengkan siat hana trep leupah Cit padum uroe sagai meularat ‘Oh Iheuh nyan meuhat kamoe pih leupah Takheun peue gata ka lheuh mupakat Deungon Hadharat janji teuh sudah Han tom na ubah janji Hadharat Atawa cit that sulet tapeugah Nyang tan tateupue tapeugah meuhat", "Cit roe Hadharat dudoe Neubalah Meunyo di donya tapubuet jeuheut Ka jeut keu sipheut tapubuet salah Asoe nuraka gata cit meuhat Keukai sinan that saket sileupah", "Ureueng meuiman amai pih got that Keu gop nyan meuhat churuga indah Asoe churuga ureueng nyan meuhat Keukai sinan that seunang sileupah", "Ngon cot Israil ka Kamoe ikat Janji nyang kuat masa nyang sudah Bek roh taseumah nyang laen meuhat Meu kon Hadharat sidroe Potallah Ayah deungon ma horomat beu that Kawom keurabat bek na meusalah Aneuk yatim lom ureueng gasien that Lom ‘oh tamarit beu jroh sileupah Ngon manusia narit beu jroh that Seumbahyang meuhat pih bek takeubah A AEE E E E E E EN EE N A S Tabri ngon zakeut ‘oh ka troh nisab Teuma sayang that gata tabantah Padum droe sagai nyang na tem turot Laen u likot bandum talangkah", "Teuma ngon gata na Kamoe ikat Janji nyang kuat bek taro darah Lom pih droe gata bek tapeuteubiet Lam nanggroe teumpat tapiyoh payah Teuma meungaku gata dum meuhat Ka jeut sipakat gata ngon Allah", "‘Oh dudoe teuma ka laen pakat Tapoh droe meuhat tapubuet salah Nyang ladom gata ka tapeuteubiet Han jeut di teumpat meunan tapeugah Meurame-rame jih tapeuteubiet Dachateuh keubit tapubuet salah Tamita musoh keudroe-droe meuhat Keubit that jeungkat tapeugot ulah Meunyo tawanan jaroe meuikat Tateuboh ligat laju le bagah Padahai hareum jih tapeuteubiet Peue ladom kitab meunan geupeugah Peue tameuiman keu ladom kitab Takaphe meuhat ladom takeubah Teuma barangsoe pubuet nyan meuhat Donya akhirat keu jih geubalah Lam udep donya ayep keuji that Uroe kiamat azeub sileupah Di Tuhan han tom lale meusiat Buet gata meuhat Neungieng le Allah", "Nyan keuh awak nyan publoe akhirat Udep donya that harek sileupah Han keuh geupeuphui keu jih nyan azeub Tulong pih han jeut jih nyan ka salah", "Dilee Kamoe bri keu Musa kitab ‘Oh Iheuh nyan meuhat keu Rasul Allah Rasul nyang laen teuma cit le that Isa pih meuhat Kamoe peurintah Kamoe bri dali keu gop nyan ayat Kamoe peukuat ngon ruh gleh leupah Ngon ruh nyang suci Kamoe peukuat Teuma cit batat gata tabantah ‘Oh teuka Rasul bak gata meuhat Geujak peuingat bek teuka salah Bek tapeuturot napsu jeuheut that Gata dum meuhat teukabo leupah Nyang ladom rasul takheun sulet that Nyang ladom meuhat tapoh tan salah Dum tapoh mate nyang ladom meuhat", "Tapeugah ligat kamoe tan salah Ate dum kamoe ka teutop rapat Bahkan laknat muruka Allah Sabab jikaphe akan Hadharat Neupeutron laknat keu jih le Allah Nyang na meuiman ka keuh jih mit that", "Teuma tron kitab le nibak Allah Peue nyang na bak jih peubeuna meuhat Hana meuilat saban sileupah Yoh dilee masa ka lheuh sipakat Kaphe nyang sisat han jeut takeubah Beu tapeutalo kaphe nyang sisat ‘Oh ban tron kitab ka laen ulah Han jipateh le haba lam kitab Nyan keuh jeut laknat di jih bak Allah Bandum soe kaphe laknat Hadharat", "Dijih meuneukat rugoe sileupah Jipeubloe droejih ngon yum jeuheut that Sabab jih meuhat kaphe keu Allah Sabab beunci jih Tuhan bri nikmat Keu gop dum le that ban kheundak Allah Soe nyang hʻeut Tuhan jih Neubri nikmat Nyan keuh beungeh that kaphe seurakah Pr EE Era EEES EEE A A E LEN E ETAS I NE E Neupeumuruùka jih le Hadharat Neubri ngon azeub hina sileupah", "‘Oh geuyue bak jih iman keu kitab Uleh Hadharat Neupeutron sudah Jikheun meuiman di kamoe meuhat Di kamoe kitab cit ka geukeubah Nyang di likot nyan jikaphe teuma Padahai beuna beutoi sileupah Peue nyang na bak jih peubeuna meuhat Hana meuilat saban sileupah Takheun meu gata keubit meuiman Pakon buet meunan tapubuet salah Pakon cit tapoh dum Rasul Tuhan Meunyo meuiman gata keu Allah", "Yoh masa dilee Musa ba ayat Di dalam kitab bandum geupeugah Teuma di gata laen talakee Bak aneuk leumo keunan taseumah ‘Keubit buet gata elanya that-that", "Teuma taingat janji nyang sudah Yoh masa Kamoe janji meuikat Gata dum meuhat teuma taubah Kamoe buot le buket Tursina U ateuh gata Kamoe peureubah Kamoe yue tacok nyang Kamoe intat Tadeungo beu that nyang Kamoe peugah Ka kamoe deungo meunan jikheun le Maksiet lam ate teuma jipeugah Cit aneuk leumo di jih jipike Keubit si kaphe _jeuheut sileupah Takheun keubit brok iman di gata Meu keunan jiba jiyue peurintah Meunyo cit keubit gata meuiman Teuntee han meunan gata roh salah", "Takheun meu gata gaseh Hadharat Nanggroe akhirat Neubri le Allah Kon ureueng laen cit gata meuhat Taci lakee treuk mate beu bagah Lakee beu mate teuh jinoe teuma Meunyo cit beuna lagee tapeugah", "Cit han jilakee silama-lama Sabab elanya buet jih ka leupah Buet jaroe keudroe jih that beuragoe Tuhan Neuteupue buet jih dum salah", "Keubit cit taeu di jih harek that Keu seunang udep harok sileupah Awak nyang muchrek na nyang meunapsu Beu panyang umu Neubri le Allah Siribee thon troh beu panyang umu Meunan meunapsu di jih that leupah Tapi han ek glah di jih bak azeub Umu panyang that hana phaedah Tuhan Neukalon peue nyang jipubuet ‘Oh dudoe azeub keu jih that leupah", "Takheun soe musoh deungon Jibrail Nyang peutron wahyu ngon izin Allah Lam ate gata geupeutron wahyu Peubeuna lagee kitab nyang sudah Keu ureueng mukmin jeut geupeutunyok Lom geupeugalak hana le susah", "Barangsoe musoh deungon Hadharat Ngon malaikat ngon rasul Allah Lom ngon Jibrail deungon Mikail Hana chok lagee jih musoh Allah Allah cit musoh deungon sikaphe Han peue tapike meuteuntee leupah", "Ka Kamoe peutron ayat keu gata Nyang trang ngon nyata bandum peurintah Teuma soe pasek meuhat jikaphe Musoh lam ate raya sileupah", "Asai barangpeue ‘oh jimeujanji Meuhat meuungki saboh kabilah Bahkan nyang le that lam kawan jih nyan Han jimeuiman akan Potallah", "‘Oh teuka Rasul ubak jih meuhat Geujakba ayat Neuyue le Allah Peue nyang na bak jih peubeuna meuhat Hana meuilat saban sileupah Saboh parikah dum ahli kitab Han jitueng meuhat nyang kitab Allah Jitiek u likot jih laju meuhat Sang jih bangai that takalon ulah", "Jiikot di jih bacaan chetan Watee Sulaiman leupah meulangkah Ateuh keurajeun Nabi Sulaiman Chetan di sinan jikheun peurintah Kon sagai kaphe Nabi Sulaiman Teutapi chetan jeuheut sileupah Jipeuruenoe dum ‘eleumee sihe Chetan jeut kaphe insan jihilah Peue nyang geupeutron bak malaikat Harut ngon Marut nyan pih jipeugah Di tanoh Babil Harut ngon Marut Keunan jisujud jak lakee rajah ‘Oh teuka ureueng bak gop nyan dua Geukheun le lanja kamoe nyo salah Kamoe piteunah keunoe Tuhan ba Teuma bek gata kaphe keu Allah Bak gopnyan dua jijak meureunoe Atra nyang paloe ‘eleumee salah ‘Eleumee peucre lakoe ngon binoe Tapi han paloe meukheundak Allah Han ek jipeucre teuma barangsoe Meu kon kheundak nyoe nibak Potallah Jijak meureunoe buet nyang meularat Nyang tan munaphaʻat keu jih meuube drah Sit ka jiteupue soe bloe nyan meuhat Uroe akhirat tan na phaedah Mupakat jih nyan keu jih jeuheut that Sangkira meuhat jiteupue sudah", "Sangkira jitem iman ngon takwa Keubit le pahla di jih bak Allah Nyan pih sangkira di jih jiteupue Han roe jijakgo bak buet nyang salah", "Wahe dum ureueng nyang na meuiman Bek sagai takheun narit nyang salah Bek roh Râʻina takheun le gata Sabab jeut jiba makna nyang salah Takheun neukalon neungieng keu kamoe Tadeungo jinoe peue nyang geupeugah Teuma kakaphe sabab jih sisat Azeub peudeh that keu jih geukeubah", "Teuma si kaphe nyang geubri kitab Beunci jih that-that keu nikmat Allah Sabab Neupeutron keu gata nikmat Han sagai mangat ate jih gundah Ngon awak muchrek pih cit lagee nyan Padahai meunan kheundak Potallah Keu soe Neukheundak cit Neubri rahmat Karonya Neuh that raya sileupah", "Peue nyang Kamoe boh bak saboh ayat Meugantoe meuhat nyang leubeh indah Atawa laen nyang saban meuhat Cit na hikeumat ‘oh Kamoe ubah Meunan pih meunyo Kamoe peulupot Nyang leubeh patot Kamoe jok bagah Kon na tateupue Tuhan kuasa Bandum peukara kuasa Allah", "Peue han tateupue milek Hadharat Bumoe ngon langet keurajeun luah Hana roe wali di gata bandum Hana soe tulong meunyo kon Allah", "Peue na di gata takeumeung lakee Lagee yoh dilee masa nyang sudah Lagee bak Musa kawomgeuh lakee Teuma cit teuntee atra nyan salah Soe nyang boh iman kaphe geulantoe Sisat jih keudroe bak jalan luah", "Le ahli kitab galak keu gata Jimeung peugisa bak kaphe bagah Lheuh tameuiman beu tatem kaphe Jih saket ate gata ka leupah Sabab ka nyata gata nyang beuna Bit meunan teuma jih tapeumeu‘ah Bek that tahitong pulang bak Tuhan Cit na urusan di jih ngon Allah Keubit roe Tuhan kuasa Neuh that Dumpeue cit meuhat kuasa Allah", "Teuma seumbahyang tapubuet beu got Tabri ngon zakeut ‘oh ka na mudah Peue nyang tapubuet untuk droe gata Buet nyang mulia miseu seudeukah Tateumeung balah teuma bak Tuhan Dum seukalian Neueu le Allah", "Jikheun han tamong dalam churuga Meu kon Nasara Yahudi meugah Angan-angan jih atra nyan meuhat l Tatanyong ligat dali jih nyang sah Cuba tapeugah toh dali gata Meunyo cit beuna ban gata peugah", "Keubit roe teuma soe nyang Iseulam Peujok droe rijang keudeh bak Allah Lom pih jipubuet nyang keubajikan Pahla bak Tuhan keu jih Neukeubah Han le teumakot teukabo inoe Meunan lom lagee hana le susah", "Yahudi jikheun awak Nasara Han sapeue pih na nyang jeut keu meugah Nasara jikheun awak Yahudi Hana cit sakri nyang jeut keu meugah Padahai bandum jibaca kitab Meunan keuh adat jimeuparikah Saban ngon ureueng hana ‘eleumee Jikheun meuteuntee lagee jih peugah Tuhan nyang hukom bandum jih meuhat Uroe kiamat bandum Neubalah Sabab narit jih dum macam-macam Hana nyang saban lagee yue Allah", "Soe teuma ureueng nyang leubeh lalem Nibak awak nyan nyang buet jih salah Jitham dum ureueng jak u meusijid Bek geujak seubot dike keu Allah Jiusaha lom reuloh meusijid Awak nyan keubit jeuheut sileupah Han jijeut tamong dalam meusijid Teumakot keubit sabab jih salah Di dalam donya hana ngon ayeb Uroe akhirat azeub that leupah 1Ì", "Tuhan keuh nyang Po timu ngon barat Ho nyang tahadap sinan zat Allah ‘Eleumee Tuhan keubit luah that Dumpeue Neutupat hana ek peugah", "Teuma jipeugah Tuhan na aneuk Maha Suci that sidroe Potallah Teutapi Tuhan Po langet bumoe Jisujud keunoe bandum jiseumah", "Neucipta keudroe langet ngon bumoe Neukheun mantong nyoe beu jeut keuh di kah Peue nyang Neukheundak Neukheun narit nyoe Jeut laju jinoe ban kheundak Allah", "Awak nyang hana ‘eleumee jikheun Pakon di Tuhan hana Neupeugah Pakon ngon tanyoe hana Neumarit Atawa ayat Neubri le Allah Saban awak nyan ngon awak dilee Jikheun meuteuntee lagee jih peugah Meusaban ate bandum awaknyan Padahai kä tfang ayat meupeugah Ureueng nyang yakin nyang tem meuiman Bandum ureueng nyan meuphom sileupah", "Keubit di Kamoe meukirem gata Dengon sibeuna yue Rasul Allah Tajak peugalak tajak peutakot Nyang han tem turot droejih nyang salah Nyang han tem turot asoe nuraka Teuma di gata hana le salah", "Awak yahudi deungon Nasara Di jih keu gata sabe jihilah Meu goh taikot agama jih nyan Han sagai seunang sabe jih susah Takheun nyang beutoi peutunyok Tuhan Laen sibarang teuntee ka salah Meunyo taikot napsu awaknyan Han Neutem tulong gata le Allah Sabab ‘eleumee ka troh bak gata Bek tasereuta napsu seurakah Tuhan han Neutem keu wali gata Meunyo seureuta tapubuet salah", "Na ahli kitab nyang bit beut kitab Meuiman ligat di jih keu Allah Teuma nyang kaphe han pateh kitab Awak nyan meuhat rugoe sileupah", "Hai cot Israil taingat beu that Padumna nikmat Neubri le Allah Nikmat dum Lon bri keu gata meuhat Lagi leubeh that gata Lon peugah Ngon bandum alam gata leubeh that", "Teuma bek lambat takwa keu Allah Beu na tatakot keu saboh uroe Han jeut barangsoe meubalah-balah Han geuteurimong bah beu tateuboh Adak meureutoh pih tan phaedah Hana soe tulong hansoe chupeuʻat Hana munaphaʻat peue nyang tapeugah", "Watee Ibrahim Neuci le Tuhan Neubri cubaan deungon peurintah Teuma geupubuet laju le gopnyan Neukheun phireuman teuma le Allah Lon peujeut gata jinoe keu imum Manusia dum gata peurintah Ibrahim geukheun aneuk cucolon Tuhan kheun bak Lon bek nyan tapeugah Keu soe nyang lalem hana janji Lon Han jeut tatulong meunyo nyang salah", "Taingat dilee na saboh teumpat Yoh Kamoe peujeut dilee Baitullah Teumpat dum ureueng jak peutroh hajat Sinan aman that Neubri le Allah Maqam Ibrahim tacok keuteumpat Seumbahyang meuhat sujud bak Allah Ubak Ibrahim deungon Ismail Kamoe meujanji yue peugleh bagah Peugleh rumoh Lon gata bandua Teumpat dum hamba keunan jitawaf Jiniet iʻtikaf ruku‘ ngon sujud Jiseumah Maʻbud sidroe Potallah", "Yoh nyan Ibrahim geukheun bak Tuhan Nanggroenyo aman Neubri le Allah Neubri raseuki ureueng duek sinan Nyang tem meuiman di jih keu Allah Jimeuiman lom uroe akhirat Boh kayee meuhat Neubri meulimpah Kheun Tuhan teuma soe-soe nyang kaphe Seunang jih ube keut‘ʻeut sileupah ‘Oh lheuh nyan teuma jih nyan Kupaksa Dalam nuraka azeub sileupah Sijeuheut-jeuheut teumpat tagisa Nyan keuh nuraka tutong ngon juah", "Yoh nyan Ibrahim deungon Ismail Keunan geujakme keunaleung ka‘bah Geubuot batee geukheun ya Tuhan Teurimong laman wahe ya Allah Droeneuh Neudengo lom that Neuteupue Dum pinta kamoe wahe ya Allah", "Neupeujeut kamoe ureueng Iseulam Peujok bak Tuhan darah ngon gapah Ngon aneuk cuco kamoe pih meunan Jijok bak Tuhan asoe ngon darah Beuleumah teumpat kamoe ibadat Teurimong tobat kamoe ya Allah Droeneuh keuh nyang bit teurimong tobat Lom geumaseh that Droeneuh ya Allah", "Neupeujeut rasul lam kawan jih nyan Dum ayat Tuhan mangat jipeugah Nak jipeureunoe dum asoe kitab Deungon hikeumat bandum jipeugah Jipeugleh ate bandum awaknyan Jiyue meuiman keu Droeneuh Allah Droeneuh Tuhanku Maha Perkasa Ngon bijaksana utoh sileupah", "Soe roe nyang beunci keu agama nyoe Ibrahim peuwoe sideh bak Allah Nyang beunci keu nyoe meuhat si sapheh Droejih cit paleh muruka Allah Ka Kamoe pileh gop nyan lam donya Akhirat teuma saleh ngon ceudah", "Watee Tuhan kheun Neuyue Iseulam Geujaweub rijang taʻat sileupah Ka lon peujok droe jinoe bak Tuhan Nyang Po dum alam deungon blah bicah", "Ibrahim wasiet bak aneuk gopnyan Ya‘qob pih meunan wasiet geupeugah Wahe aneuk lon bandum soelangna Nyoe keuh agama Neubri le Allah Nyoe keuh agama keu gata bandum Tajok droe keu yum Iseulam meugah Bek roh tamate lam kon Iseulam Muruka Tuhan meunyo tabantah", "Adak na gata yoh Ya‘qob wapheut Geukheun bak aneuk wasiet geupeugah Soe nyang taseumah ‘Oh leupah lonjak Jaweub meusigak aneuk meutuah Kheun aneuk teuma bandum na kamoe Tuhanku sidroe nyang kamoe seumah Tuhan Po gata ngon indatu gata Ibrahim bapa Ismail ayah Ishak teuma ayah droe gata Bandum seurupa hana meuubah Kamoe pih keunan bandum meujok droe Bak Tuhan sidroe kamoe meunyerah", "Nyan keuh dum umat nyang ka hana le Usaha sare geutueng phaedah Gata pih meunan bandum usaha Keudroe dum gata Tuhan bri balah Peue nyang jipubuet le ureueng dilee Gata dum teuntee han geupeusalah", "Jikheun tatamong agama nyang got Yahudi pih jeut Nasrani pih sah Sinan tateumee bandum peutunyok Takheun han Neujok keunan le Allah Tapi agama Nabi Ibrahim Nyan keuh nyang salem peutunyok Allah Keunan keuh Neujok peutunyok Tuhan Gleh lua dalam hana peue peugah Hana charikat gop nyan keu Tuhan Ibrahim tuan suci that leupah", "Takheun di kamoe iman keu Tuhan Deungon phireuman lam kitab Allah Peue nyang geupeutron keunoe bak kamoe Dilee nibak nyoe bak Nabiyullah Nabi Ibrahim Nabi Ismail Ishak lagi Ya‘qob pih sudah Ngon aneuk cuco ureueng nyan teuma Musa ngon Isa pih lom meutamah Lom nyang geupeutron bak Nabi-nabi Nyang laen lagi peurintah Allah Bandum ureueng nyan hana meubeda Kitab nyang sama tren nibak Allah Kamoe peujok droe bandum bak Tuhan Tamong Iseulam hana meuubah", "Meunyo jih jitem cit jimeuiman Lagee gata nyan iman keu Allah Meuhat peutunyok keu jih bak Tuhan Tapi meunyo han ceulaka sudah Meunyo han jitem jipeudong dawa Ka sep di gata pulang bak Allah Tuhan Neudeungo lom that Neuteupue Hana meusapeue meusom bak Allah", "Seuneupoh Tuhan ka Neucap keunan Hana lagee nyan nyang leubeh indah Kamoe ibadat ubak Droeneuhnyan Hana soe laen nyang kamoe seumah", "Takheun ubak jih wahe Muhammad Teuntang Hadharat pakon jihujah Nyan Tuhan kamoe ngon Tuhan gata Pakon tadawa bak sidroe Allah Teuma di kamoe ban kamoe pubuet Di gata ban buet teuh cit geubalah Di kamoe Ikhlah ate keu Tuhan", "Di gata tuan peue lom tapeugah Takheun Ibrahim deungon Ismail Ishak lagi Ya‘qob pih sudah Ngon aneuk cuco ureueng nyan lagi Bandum Yahudi meunan tapeugah Got pih Nasrani takheun ureuengnyan Sulet that kaman narit nyang salah Peue gata leubeh nibak Hadharat Gata carong that sang-sang tapeugah Soe leubeh lalem nibak buet gata Tasom beurita sang-sang bak Allah Di Tuhan han tom laloe meusiat Buet gata meuhat Neungieng le Allah", "Nyan keuh dum umat nyang ka hana le Usaha sare geutueng phaedah Gata pih meunan bandum usaha Keu droe dum gata Tuhan bri balah Peue nyang jipubuet le ureueng dilee Gata dum teuntee han geupeusalah JUZ", "Ureueng nyang sapheh cit akan jikheun Pakon jeut meunan kiblat ka salah Barokon keudeh jinoe ka keunoe Takheun kiblatnyoe milek Potallah Cit milek Tuhan timu ngon barat Neutunyok meuhat soe nyang h‘eut Allah Neutunyok ubak jalan nyang teupat Na meubek sisat jalan nyang salah", "Meunan pih Kamoe meupeujeut gata Ngon umat gata seudang wasithah Seudang di teungoh kon keudeh keunoe Keu saksi dudoe dum hamba Allah Gata dum teuma rasul keu saksi Meunan Kamoe bri Neukheun le Allah Meunan pih Kamoe meupeujeut kiblat Nyang gata hadap masa nyang sudah Nyang ikot gata mangat meutusoe Nyang ladom jakwoe bak buet nyang salah Atranyan cit brat bak jikeurija Meu kon soe nyang ka peutunyok Allah Teuma di Tuhan han Neupeusia Iman dum gata got that Neukeubah Cit that Neusanyang keu bandum hamba Geumaseh raya sidroe Potallah", "Kamoe meukalon tatangah muka U langet nyata tahadap wajah Jinoe meupaleng kiblat keu gata Nyang gata rila seunang that leupah Masjidil Haram jinoe keu kiblat Keunan tahadap ho nyang talangkah Nyang ahli kitab meuhat jiteupue Bit peurintah nyoe nibak Potallah Di Tuhan han tom laloe meusiat Peue nyang jipubuet Neungieng le Allah", "Dum ek le taba keu jih dum ayat Dum ahli kitab meuhat jibantah Han jitem ikot kiblat gatanyan Gata pih meunan han tatem salah Sabe keudroejih pih han jiikot Jipeugah karot buet ngon jih salah Meunyo taikot napsu awaknyan Han Neutem tulong gata le Allah Sabab ‘eleumee ka troh bak gata Bek tasereuta napsu seurakah Ureueng nyang lalem bandum jeut gata Meunyo seureuta tapubuet salah", "Awak nyan nyang ka Kamoe bri kitab Jiteupue meuhat atra nyan sudah Lagee jituri aneuk agam droe Meuhat jitusoe han sagai salah Teurimong ladom nibak awaknyan Jisom atra nyan han jitem peugah Jisom nyang beuna han jitem pakoe Beu that jiteupue buet jih nyan salah", "Keubit nyang beuna bak Tuhan gata Bek chok sangka gata meube drah", "Bandum ureueng na teumpat jihadap Nyang jeut keu kiblat keunan jiarah Teuma gata dum beu tameulet-let Ubak buet nyang got Neuyue le Allah Barangpat gata Tuhan troh Neujak Barangpeue cit hak kuasa Allah", "Barangho napsu takeumeung teubiet Laju tahadap muka bak kaʻ‘bah Masjidil Haram keunan tahadap Meunan beuna that peurintah Allah Di Tuhan han tom laloe meusiat Peue nyang tapubuet Neungieng le Allah", "Barangho napsu takeumeung teubiet Laju tahadap muka bak ka‘bah Masjidil Haram keunan tahadap Bah le barangpeue keunan taarah Bek jeut keu dawa bak manusia Taikot sigra peue nyang peurintah Awak nyang lalem nyang han tem turot Jih bek tatakot laen bak Allah Tatakot keu Lon bandum na gata Nikmat that raya ka lheuh Lon keubah Lon peuseumporna nikmat keu gata Peutunyok teuma hana peue peugah", "Lagee meukirem rasul bak gata Mangat geubaca dum ayat Allah Geupeugleh gata ngon geupeureunoe Asoe Kitab nyoe bandum geupeugah Lom ngon hikeumah pih geupeureunoe Nyang han tateupue bandum geupeugah", "Teuma taingat di gata keu Lon Di Lon pih meunan hana meuubah Mangat Lon ingat di Lon keu gata Tachuko teuma sabe keu Allah Nyang bek takaphe han ingat guna Lagee nyan teuma meuhat buet salah", "Wahe dum nyang ka meuiman Talakee tuľoñg ‘oh na musibah Tasaba beu that ngon taseumbahyang Tuhan cit sajan gata Neupeugah Tuhan cit sajan ngon ureueng saba Meunan trang nyata Neukheun le Allah", "Bek takheun mate keu ureueng chahid Nyang meuprang keubit bak jalan Allah Hana tateupue ureueng nyan udep Uleh Hadharat meunan Neupeugah", "Keubit di Kamoe meucuba gata Ngon bacut bala teumakot leupah Teumakot ngon dok susot areuta Susot lom nyawa meunan cit buah Susot boh kayee ase usaha Teuma tasaba Neuyue le Allah Haba nyang mangat keu ureueng saba", "‘Oh teuka bala gopnyan han susah Geukheun le laju ‘oh teuka bala Tanyoe dum hamba milek Potallah Bandum gatanyoe cit keudeh tawoe Bak akhe dudoe keudeh bak Allah", "Ureueng nyan bandum meuteumee rahmat Lom Neugaseh that gopnyan le Allah Neubri peutunyok uleh Hadharat Uroe akhirat pih seunang leupah", "Shafa ngon Marwah syiar Hadharat Dua boh buket di tanoh Makkah Keulileng sinan soe nyang ek haji Meunan pih lagi nyang pubuet umrah Barangsoe pubuet leubeh nibaknyan Chuko bak Tuhan keu jih Neulimpah Tuhan Neuchuko akan ureuengnyan Neuteupue bandum uleh Potallah", "Ureueng nyang jisom nyang Kamoe peutron Dalam Kitab Lon dumna peurintah Ayat nyang nyata peutunyok Tuhan ‘Oh lheuh Kamoe trang dum Kamoe peugah Teuma soe nyang som dum peurintah nyan Laknat bak Tuhan keu jih Neubalah Geulaknat jih lom le soe nyang laknat", "Meulengkan tobat le jih beu bagah Lom jipubuet got jipeutrang ayat Meu ka jitobat na ampon sudah Lon nyoe cit ureueng teurimong tobat Lom geumaseh that Neukheun le Allah l", "Teuma nyang kaphe sampoe ‘an mate Mantong jikphe nyawong ka leupah Nyan laknat Tuhan keu jih nyan meuhat Ngon malaikat sumpah seurapah Lom bandum ureueng keu jih geulaknat", "Keukai lam azeub saket sileupah Hana geupeuphui meuube sawi Tanggoh han geubri meuube seupah", "Tuhan gata dum Tuhan nyang sidroe Laen sinaroe han jeut taseumah Nyang Maha Murah nyang geumaseh that Laen kon meuhat meulengkan Allah", "Peuneujeut Tuhan langet ngon bumoe Malam ngon uroe han tom meusalah Kapai di laot jiplueng that lanja Dum manusia jitueng phaedah Tuhan peutron lom ujeuen di langet Kayee dum udep kayee ka basah ‘Oh Iheuh baroekon ka mate bandum ‘Oh teuka ujeun udep jroh leupah Bandum binatang di dalam bumoe Seunang dum jinoe makanan mudah Neupeutron angen Neupeujeut awan Dum seukalian kuasa Allah Antara langet taeu ngon bumoe Awan dum sinoe cit le sileupah Bandum nyan tanda kuasa Tuhan Soe na pikiran cit han jibantah", "Nyang ladom ureueng jicok keu Tuhan Nyang dalam alam laen bak Allah Tuhan nyang jicok jigaseh that-that Sang-sang jih meuhat gaseh keu Allah Di ureueng mukmin nyang that jigaseh Hana nyang leubeh nibak Potallah Sangkira jieu uleh silalem Azeub bak Tuhan saket sileupah Jiteupue teuga sidroe Hadharat Azeub saket that dudoe Neubalah", "Soe nyang keupala peulheuh-peulheuh droe Kon salah kamoe meunan jipeugah Cit keudroe gata kon salah kamoe Tarasa jinoe azeub that leupah Putoh hubungan gata ngon kamoe", "Peungikot jih nyoe teuma jipeugah Adak meuek roe keudeh lom tawoe Jeut tapeulheuh droe lagee jih peugah Lagee jih bandum peulheuh-peulheuh droe Meunan pih tanyoe tapeugot ulah Meunan keuh jih dum meunyesai keudroe Amai jih dum nyoe Tuhan peuleumah Teutap jih dalam apui nuraka Han le keulua azeub that leupah", "Wahe sigala dum manusia Pajoh peue nyang na di bumoe Allah Makanan haleu nyang jroh tamita Bek taseureuta chetan meulangkah Di jih cit musoh keu bandum gata Musoh that nyata Neukheun le Allah", "Nyang jiyue le jih buet-buet nyang keuji Nyang jeuheut lagi nyang jipeurintah Jiyue kheun peue nyang hana tatuban Jiyue kheun Tuhan nyang bukon Allah", "‘Oh watee geukheun ubak awaknyan Nyoe Kitab Tuhan taikot bagah Tuhan Neupeutron kitab-kitab nyoe Jikheun le kamoe meuikot ayah Peue nyang geupeugah le ayah kamoe Nyan keuh di kamoe meuikot sudah Meunyo yah-yah jih tan meuphom sapeue Ka geupeulangue dum jih le ayah Hana peutunyok dum keu ureuengnyan Pakri ek seunang jiikot ayah", "Miseu sikaphe lagee situloe Tameuhoi beu toe su raya leupah Di jih jimeuhoi han deuh jideungo Tulo deungon klo buta lom sudah Hana jipike di jih ngon akai Keubit that beubai kaphe seurakah", "Wahe dum ureueng nyang ka meuiman Pajoh makanan nyang jroh bak Allah Ka lheuh Kamoe bri raseuki gata Tachukosigra laju bak Allah Meunyo taseumah Tuhan Hadharat Tachuko beu that bek na meuilah", "Nyang Neupeuhareum sagai le Tuhan Keu gata bandum bangke ngon darah Teuma lom sie bui lom ngon binatang Nyang tasie bukon ngon Nama Allah Teuma barangsoe nyang ka meularat Bek peugot-peugot bek leupah-leupah Nyan hana dacha bagi ureueng nyan Tuhan Pengampon lom that Pemurah", "Ureueng nyang jisom peue nyang Neupeutron Lam kitab Tuhan jipubloe murah Lampruet jih teuma apui nuraka Han Neubicara ngon jih le Allah Uroe kiamat di jih that jaeh Hana Neupeugleh jih nyan le Allah Neubri ngon azeub leupah that peudeh Kareuna yoh jeh buet jih that salah", "Jibloe nyang sisat di jih nyan keu droe Teuma jipubloe peutunyok Allah Jibloe nyang azeub jipeubloe ampon Pakri ek jitheun nuraka juah", "Sabab di Tuhan Neupeutron kitab-kitab nyoe Keubit beuna that nyoe nibak Allah Nyang han tem pateh jipeudong dawa Ka keuh ceulaka bantahan leupah", "Buet keubajikan kon meutahadap Timu ngon barat muka taarah Teutapi teuma nyang keubajikan Beu tameuiman keu sidroe Allah Lom tameuiman uroe akhirat Keu malaikat ngon kitab Allah Meunan pih Nabi Rasul Hadharat Areuta meuhat lom bek takeubah Areuta nyang got nyang galak teuh that Beu tajok ligat keu ureueng susah Aneuk yatim ngon kawom keurabat Ureueng gasien that pih tajok bagah Ureueng meudagang ureueng meulakee Meunan lom teuntee namiet rap leupah Pubuet seumbahyang tabri ngon zakeut Janji meubacut bek na taubah Lom pih tasaba watee susah that Watee meularat pih bek tagundah Watee teuka prang pih bek teumakot Nyan keuh nyang patot ureueng meutuah Ureueng nyang beuna buet deungon haba Ureueng takwa keupada Allah", "Wahe dum ureueng nyang ka meuiman Tueng bila meunan Neuyue le Allah Barangsoe poh gop wajeb tueng bila Ureueng merdeka ngon ureueng bebah Ureueng nyang namiet ngon ureueng namiet Inong meunan cit inong tueng balah Meunyo chedara geutem peumeu‘ah Geuikot maʻ‘ruf geubri beunalah Geujok deungon jroh gantoe tueng bila Allah Taʻala Neupeuphui balah Nyan rahmat Tuhan Neubri keu tanyoe Lheuh nyan barangsoe han jeut le balah Meunyo jilangga azeub peudeh that Uleh Hadharat meunan Neupeugah", "Bak tatueng bila sinan jeut udep Hana le saket ate meudarah Meunyo na gata pikiran sehat Takwa meuhat gata keu Allah", "Soe-soe nyang mate tinggai areuta Wajeb bak gata wasiet jikeubah Wasiet keu ma-ku kawom keurabat Nyang maʻ‘ruf meuhat wasiet jipeugah Nyan hak bak ureueng nyang na takwa", "Meunyo jituka nyan dacha leupah Ka Iheuh jideungo teuma jituka Nyan jeut keu dacha sabab ka salah Teuma di Tuhan Neudeungo that-that Neuteupue ilat beuna ngon salah", "Meunyo tatakot keu ureueng wasiet Dacha jipubuet atawa salah Jeut tapeudame ureueng nyan teuma Han jeut keu hina tapubuet salah Maha Pengampon Allah Taʻala Meunan cit juga Maha Pemurah", "Wahe dum ureueng nyang ka meuiman Puasa teuh nyan han jeut takeubah i Wajeb puasa u ateuh gata Lageeban nyang ka ureueng nyang sudah Ureueng dilee pih wajeb puasa Mangat takwa gata keu Allah", "Lam-padum uroe nyang jeut tabileung Takheun sibuleun ‘oh tajumeulah Ureueng nyang saket atawa jak-jak Sabab jak jarak nyan jeut jikeubah Jigantoe laen teuma puasa Meu hana teuga jeut boh fidyah Jibri makanan keu ureueng gasien Fidyah meunan Neukheun le Allah Teuma barangsoe nyang pubuet sunat Nyan leubeh that got pahla meutamah Nyang leubeh that got cit tapuasa Sangkira gata tateupue sudah", "Qur'an Neupeutron buleun Ramadhan Peutunyok insan bek roh buet salah Ayat nyang nyata peutunyok sinan Mangat bek saban beuna ngon salah Meunyo ka leumah buleun Ramadhan Puasa rijang laju beu bagah Ureueng nyang saket ngon ureueng jak-jak Sabab jak jarak nyan jeut jikeubah Jigantoe laen teuma puasa Allah Taʻala cit Neupeumudah Hana meunapsu peususah gata Bilangan teuma beu cukop sudah ‘Oh Iheuh ka cukop bileung puasa Teukeubi teuma tapujoe Allah Sabab Tuhan ka Neutunyok gata Tachuko sigra teuma keu Allah", "Meunyo hamba Lon tanyong bak gata Pat Lon roe teuma tajaweub bagah Rap that Lon ngon jih teurimong duʻa Jilakee sigra meunan tapeugah Cit Lon teurimong ‘oh jimeuduʻa Di jih pih beu na turot peurintah Keu Lon pih teuma beu jimeuiman Mangat jeut jih nyan ureueng got leupah", "Ka geupeuhaleu teuma keu gata Malam puasa han jeut keu salah Tameusiteuboh ngon inong gata Pakaian gata jih nyan dum sudah Meunan pih gata pakaian jih nyan Atra nyan Tuhan Neuteupue sudah Tuhan Neuteupue gata rap paloe Khianat keudroe tapubuet salah Teuma tatobat Tuhan teurimong Neupeumeuʻah lom peue nyang ka leupah Teuma nyoe ka jeut tameusiteuboh Deungon peurumoh han jeut keu salah Ka jeut tamita lom jinoe lagee Peue nyang Allah bri ka Iheuh Neukeubah Pajoh makanan deungon minuman Sampoe bak itam puteh ka leumah Lam seupot malam ka leumah fajar Nyan ka puasa tapuphon bagah Sampoe troh malam baro tabuka Nyan keuh puasa Neuyue le Allah Teuma nyang han jeut tameusiteuboh Teungoh gata roh dalam iʻ‘tikaf Gata iʻtikaf dalam meusijid Watee nyan keubit larangan Allah Bek roh tapeuto peurumoh gata Meunyo cit gata teungoh iʻtikaf Meunan keuh Tuhan ka Neupeunyata Keu manusia dum ayat Allah Mudah-mudahan jih nyan takwa Jipübuet sigra dumna peurintah", "Bek roh tapajoh areuta gata Lam kawan gata meunyo hana sah Han jeut tapajoh areuta hareum Tajak bak hakim laen tapeugah Pajoh atra gop raya that dacha Cit bandum gata tateupue sudah", "Jitanyong teuntang buleun bak gata Pakon phon nyata ubit that leupah ‘Oh Iheuh nyan rayeok teuma ka nyata Tajaweub sigra hikeumat Allah Mangat jeut watee keu manusia Miseu jih masa jak u Baitullah Soe nyang ek haji ka meujan watee Teuma beu tateupue buet nyang jroh leupah Tamong rumoh gop bek jak rot likot Nyan hana patot ka roh buet salah Tapi nyang patot pubuet takwa U rumoh tangga rot keue talangkah Tamong rot pinto ngon tatakwa Gata bahgia Neubri le Allah", "Tajak prang kaphe bak jalan Tuhan Meu gata jiprang le musoh Allah Teuma bek gata leupah elanya Nyang meunan hana gaseh bak Allah", "Taprang jih bandum pat nyang meureumpok Teuma tayue jak teubiet beu bagah Lagee gata dum ka jipeuteubiet Di jih meunan cit bek le takeubah Teuma fiteunah leupah that saket Tacang ngon tatop hana that parah Bek taprang jih lam Masjidil Haram Meu kon ka jiprang gata jigagah Teuma meu jiprang gata di sinan Gata pih yoh nyan jeut jih tagagah Meunan keuh balah keu bandum kaphe", "‘Oh jikheun han le baro takeubah Meu ka jipiyoh han le jimeuprang Tuhan Pengampon lom that Pemurah", "Taprang awak nyan sampoe ‘an mate Fiteunah pih han tanle jipeugah Agama teudong milek Hadharat Awak nyan meuhat jipiyoh payah Meu ka jipiyoh han meumusoh le Meulengkan lagi nyang lalem salah", "Buleun nyang hareum keu buleum hareum Nyang lingkeu hareum beu tatueng balah Meu leupah buet jih u ateuh gata Beu saban juga teuma tabalah Teuma bak Allah beu tatakwa Soe nyang takwa sajan ngon Allah", "Tabri napakah bak jalan Tuhan Tapoh droe teuma raya that salah Tapubuet nyang jroh Tuhan Neugaseh Ureueng nyan meuceh geunaseh Allah", "Beu sampureuna tapubuet haji Meunan lom lagi tapubuet umrah Meunyo cit jitham gata ek haji Nyan payah tabri bacut hadiyah Teuma bek dilee ok teuh tacuko Meu goh waktu teumpat hadiyah Meunyo hadiyah goh troh bak teumpat Tapiyoh siat dang troh hadiyah Barangsoe gata teuma nyang saket Got singkee bacut ulee jipeugah Jiboh fidyah jibayeu deunda Ngon jipuasa got pih seudeukah Got pih hadiyah deungon jisie dam Deunda jih meunan Tuhan Neupeugah Meunyo ka aman hana le soe tham Tapubuet rijang haji ngon umrah Haji tamatto“ taumrah dilee Tabayeu teuntee bacut hadiyah Meunyohadiyah han ek tapeuna Puasa teuma sinan di Makkah Lhee uroe sinan puasa wajeb Tujoh uroe treuk dudoe tatamah ‘Oh troh u gampong nyang tujoh uroe Jeut siploh uroe ‘oh tajumeulah Nyan meunyo ureueng kon tinggai sinan Masjidil Haram di tanoh Makkah Bak surah tanyoe ureueng dilua Teuma takwa keupada Allah Beu na tateupue Tuhan kuasa Brat that Neusiksa soe-soe nyang salah", "Buleun haji dum cit ka meuteuntee ‘Oh ka peureulee tapubuet bagah Meu ka tahaji bek le mupake Bek pubuet jahe pasek sileupah Bek meusiteuboh ngon ureueng binoe Meu tapubuet nyoe haji hana sah Meu tapubuet got Tuhan Neuteupue Sabab nyan beukai mita napakah Beukai nyang got that nyan keuh takwa Tapubuet sigra laju beu bagah Takwa keu Lon le gata bandum Nyang na pikiran akai nyang ceudah", "Hana meudacha tajak beulanja Got tabloe ija peue-peue nyang mudah Karonya Tuhan jeut tajak mita Lheuh nyan jak lanja u blang Arafah Woe di Arafah ‘oh Iheuh tawukuf Teuma tajak troh u Muzdalifah Masyaril Haram di sinan teumpat Sabe taingat dike keu Allah Ka Neupeutunyok gata le Tuhan Deungon sabab nyan taingat Allah Taingat dilee gata lam sisat Jinoe ka dapat peutunyok Allah", "Teuma tajakwoe lagee gop laen Jak pubuet jinoe thawaf ifadhah Talakee ampon dacha bak Tuhan Tuhan Pengampon lom thta Pemurah", "‘Oh ka abeh lheuh manasik haji Bek taberhenti taseubot Allah Lagee taingat keu du-du gata Leubeh lom juga taingat Allah Nyang ladom ureueng jikheun hai Tuhan Neubri seunangan keu lon beu bagah Neubri seunangan keu lon lam donya Akhirat teuma di jih that parah", "Nyang ladom lakee ubak Hadharat Donya akhirat Neubri beu leupah Neubri beu seunang donya akhirat Bek roh lam azeub nuraka juah", "Meuteumeung bahgi teuma ureueng nyan Ban nyang buet jih nyan masa nyang sudah Masa di donya buet jroh meupadan Keunira Tuhan leupah that bagah", "Taseubot Tuhan lom teuma dudoe Jeut dua uroe nyang napsu bagah Teuma nyang ladom napsu lhee uroe Bandua ban nyoe han jeut keu salah Nyang peunteng that jih pubuet takwa Bek sagai lupa keupada Allah Lom beu tateupue bandum meusapat Uroe akhirat keudeh bak Allah", "Nyang ladom ureueng hireun that gata Udep keu donya galak jih leupah Jitarek ate gata keu donya Atejih teuma musoh that leupah Tuhan keu saksi lam ate jih nyan", "Jiteubiet sinan jipubuet salah Jipubuet fased lam bumoe Tuhan Peurusak ladang tanaman luah Aneuk binatang dum jipeurusak Tuhan han galak Neuh keu buet salah", "‘Oh geukheun bak jih geuyue takwa Di jih lam dacha droe jipeumeugah Meuhat sep keu jih teuma nuraka Teumpat tagisa nyang brok sileupah", "Nyang ladom ureueng nyawong geupubloe Napsu geuh that nyo keu ridha Allah Allah that sayang Neuh keu dum hamba Neubri bahgia seunang sileupah", "Wahe dum ureueng nyang ka meuiman Dalam Iseulam tatamong bagah Bandum tapubuet nyang suroh Tuhan Bek ikot chetan nyang laknat Allah Jih cit nyan musoh gata nyang nyata", "Teuma meu gata ka roh buet salah Atra nyang salah ka Iheuh geupeutrang Tapi tariwang keunan cit bagah Nyan beu tateupue Tuhan that teuga Lom bijaksana bak Neupeurintah", "Peue jipreh teuma troh bak jih Tuhan Neuba ngon awan keu jih Neuruwah Malaikat ba bala lam awan Bandum meutimphan binasa sudah Meuwoe bak Allah bandum urusan Meusapeue pih tan nyang ek taubah", "Tatanyong ubak Bani Israil Padum Kamoe bri ayat le leupah Ayat nyang nyata nyan nikmat Tuhan Soe nyang gantoe nyan rugoe sileupah Jigantoe nikmat ‘oh Iheuh troh teuka Ingat that siksa Tuhan brat leupah", "Geupeungui indah keu ureueng kaphe Udep nyoe sabe seunang sileupah Udep lam donya keu jih seunang that Han tom meularat sabe lam mewah Jipeujaeh dum ureueng meuiman ‘Oh dudoe teuma Tuhan Neubalah Ureueng takwa uroe kiamat Di ateuh jih that manyang sileupah Neubri raseuki soe nyang h‘eut Tuhan Han ek soe bileung peunulong Allah", "Manusia dum umat nyang saboh Teuma peusuroh Neubri le Allah Peusuroh Tuhan dum Nabi-nabi Neuyue ba wahi teuma le Allah Neuyue peugalak Neuyue peutakot Mangat jiturot dumna peurintah Sajan ureueng nyan Neupeutron Kitab Haba beuna that sinan Neupeugah Mangat geuhukom dum manusia Nyang peugot dawa bek le meubantah Nyang peugot dawa cit ahli kitab Ka lheuh troh ayat bak jih dum sudah Sabab dengki jih jipeugot dawa Han jipeucaya peurintah Allah Tuhan peutunyok ureueng meuiman Nyang jih dawa nyan Tuhan peuleumah Ngon izin Tuhan leumah nyang beuna Neutunyok teuma soe nyang h‘ʻeut Allah Tuhan peutunyok bak jalan teupat Bek roh lam sisat ka rhet lam salah", "Peue na tasangka tamong churuga Yoh goh Neucuba gata le Allah Ngon ureueng dilee dum nibak gata Meuteumeung bala meularat leupah Teuka lom geumpa nyang raya that-that Rasul Hadharat sampoe that susah Geukheun le Rasul ngon ureueng mukmin Pajan Neutulong tanyoe le Allah Beu na tateupue Tuhan Neutulong Karap troh langsong tulongan Allah", "Tanyong awak nyan teuma bak gata Peue jibeulanja jibri napakah Tajaweub nyang jroh jibri areuta Keu ibu bapa keurabat sudah Kawom keurabat ngon aneuk yatim Lom ureueng gasien sabe lam susah Ureueng meudagang mita ‘eleumee Keunan meuteuntee tabri napakah Bandum buet nyang jroh tatem keurija Allah taʻala Neuteupue sudah", "Wajeb bak gata Neuyue prang kaphe Teuma tabeunci atra nyan susah Teuma roe kadang peue nyang tabeunci Keu gata Neubri got that le Allah Meunan pih kadang nyang galak gata Jeut keu ceulaka keu gata malah Tuhan nyang teupue atra nyan bandum Gata han maʻlum ‘eleumee Allah", "Jitanyong buleun hareum bak gata Tamat seunjata prang musoh Allah Lam buleun hareum tajaweub rijang Han jeut tameuprang Neutham le Allah Raya that bala meunyo tameuprang Meunan pih tatham bak jalan Allah Lom ngon takaphe keu jalan Tuhan Masjidil Haram lom meu tateugah Meu tapeutubiet ureueng di sinan Leubeh raya lom dacha bak Allah Teuma fiteunah bala raya that Tacang ngon tatop hana that parah Awak nyan sabe cit jiprang gata Agama gata nyan jiyue keubah Meunyo ek di jih jiusaha that Jipeumureutad gata dum sudah Teuma soe nyang ek jipeumureutad Jitinggai ligat agama Allah Teukeudi mate jih dalam kaphe Amai dum reule anco meuruah Donya akhirat amai binasa Dalam nuraka keukai that parah", "Teuma dum ureueng nyang ka meuiman Geutinggai gampong geujak hijeurah Geujak berjuang bak jalan Tuhan Harap ureueng nyan keu rahmat Allah Teuma cit Tuhan Maha Pengampon Geumaseh that lom Maha Pemurah", "Jitanyong arak pakri bak gata Judi bandua tajaweub bagah Arak ngon judi nyan dacha raya Keu manusia na cit phaedah Dacha jih teuma leupah that raya Meunang that dacha talo phaedah Teuma jitanyong teuntang beulanja Pakri ho cara jibri napakah Takheun peumeuʻah nyang peunteng raya Tuhan peunyata keu gata sudah Bandum ka nyata Neupeugah ayat Tapike beu that teuma bek salah", "Donya akhirat teuma jitanyong Hai aneuk yatim pakriban ulah Takheun pubuet got keu aneuk yatim Le gata bandum leupah that indah Meu tatem duek-duek ngon aneuk yatim Chedara teuh nyan bandum jih sudah Teuma di Tuhan cit Neuturi soe Nyang bit buet got soe nyang buet jih salah Meunyo Neukheundak uleh Hadharat Gata dum sisat tapubuet salah Keubit roe Tuhan leupah that teuga Ngon bijaksana areh that leupah", "Bek tameukawen ngon inong muchrek Meunyo jih han ek iman keu Allah Namiet Iseulam leubeh got tacok Bah le that harok keu muchrek ceudah Agam muchrek pih bek tapeukawen Tamita laen keu aneuk lidah Agam Iseulam bah that jih namiet Got nibak muchrek bah that jih ceudah Awak nyan jihoi teuh lam nuraka Di Tuhan Neuba churuga indah Lom Neupeuampon ngon izin Tuhan Ayat Neupeutrang lom uleh Allah Keu manusia Neupeutrang ayat Mangat teuingat jih bek roh salah", "Teuma jitanyong teuntang darah haidh Takheun peunyaket meunan tapeugah Watee teuka haidh nyan bek tapeutoe í Inong gata nyoe peujioh bagah Hingga suci haidh hana le teuka Baro tagisa lagee yue Allah Ureueng nyang tobat ngon ureueng nyang gleh Cit that Neugaseh uleh Potallah", "Peurumoh gata nyan umong gata Ban nyang hʻeut gata tapubuet bagah Tapubuet dilee amai droe gata Ngon tatakwa keupada Allah Lom beu tateupue gata ‘oh dudoe Meureumpok keudroe deungon Potallah Beu tapusaka ureueng meuiman", "Sumpah gata nyan bek jeut keu hilah Sabab sumpah nyan han jeut pubuet got Takwa pih han jeut nyan keuh nyang salah Han jeut peudamee dum manusia Bandum nyan teuma bek tameusumpah Tuhan Neudeungo lom that Neuteupue", "Kon roe sabab nyan gata jeut salah Kon salah sumpah Neusiksa gata Tapi lam dada ate teuh salah Teuma di Tuhan Maha Pengampon Lom pih that halim Maha Peumeu‘ah", "Soe nyang meusumpah keu peurumoh jih Nyan payah jipreh peut buleun idah ‘Oh lheuh peut buleun jiwoe lagee phon s Tuhan Pengampon lom that Pemurah", "Meunyo jitaleuk inong jih teuma Tuhan Neudeungo Neuteupue sudah", "Di ureueng inong nyang ka geutaleuk Preh lhee go kuruk baro troh idah Lhee go suci haidh jipiyoh dilee Peue na meuteuntee hamel jih sudah Han jeut jisom nyan meunyo ka teuntee Bek peugot lagee peuneujeut Allah Meunyo jih keubit ureueng meuiman Lam rahim jih nyan wajeb jipeugah Iman keu Tuhan uroe akhirat Dua nyan sapat han tom jikeubah Lakoejih teuma woe leubeh that hak Meu mantong galak jih ban dua blah Teuma nyang hak jih wajeb bak lakoe Kon meu jih keudroe turot peurintah Menurot urof jijok hak jih nyan Teuma nyang agam na leubeh siblah Leubeh deurajat keu ureueng agam Bak ureueng inong tapham beu ceudah Teuma cit Tuhan Maha Perkasa Lom bijaksana han peue tapeugah", "Taleuk dua go mantong jeut tawoe Urof tapeuwoe na bek meuilah Got pih tapeulheuh hana le tawoe Beu got tapeudoe jih tapeuleupah Peue nyang ka tabri yoh masa dilee Han jeut talakee peue nyang ka leupah Meulengkan meunyo takot awaknyan Han ek peutimang le bandua blah Peurintah Allah han ek peutimang Nyan di inong nyan jeut jijok upah Jeut jiteuboh droe bak jaroe lakoe Nak jeut jijakwoe meunyo ka leupah Nyan bek talingkeu peurintah Tuhan Soe nyang lingkeu nyan lalem sileupah", "Meunyo ka leubeh jitaleuk dua Han jeut le gisa bah that ka teulah Inong nyan payah meukawen laen Meu ka cre ngon nyan jeut lom jih nikah Meu ka iheuh jicre le lakoe laen Jeut ruju‘ yoh nyan lakoe nyang teulah Asai jipikė ka ek jimeugot Ka ek jiseutot atoran Allah Meunan atoran Tuhan Neupeutrang Keu soe nyang meuphom ‘eleumee luah", "Meu ka tataleuk inong di gata Hingga troh masa ka abeh idah Nyan jeut tameuwoe taba ngon urof Got pih tapeulheuh hana cit salah Meunuroturof tapeulheuh beu got Bek peumeularat inong takeubah Bek tatueng balah keu saket ate Meunyo jih tacre bek pubuet salah Meunyo tapubuet nyan taelanya Droe gata teuma meuteumeung susah Bek tapeueleh dum ayat Tuhan Taingat rijang keu ayat Allah Padumna Neubri keu gata nikmat Neupeutron kitab hikmat Potallah Neubri peuingat keu bandum gata Teuma takwa gata keu Allah Beu na tateupue Tuhan kuasa Bandum peukara Neuteupue sudah", "Meu ka tataleuk inong di gata Hingga troh masa ka abeh idah Bek tahalangi meujimeukawen Asai ka jitem got bandua blah Menurot urof jih ka mupakat Meunan nasehat Neubri le Allah Neubri nasehat keu gata bandum Soe nyang meuiman keupada Allah Lom jimeuiman uroe akhirat Meunan nyang got that suci sileupah Tuhan Neuteupue atra nyan bandum Gata han maʻlum ‘eleumee Allah", "Geupeumom aneuk le ibu-ibu Meunyo meunapsu beu got sileupah j Beu troh dua thon ka sempureuna i Raseuki teuma tanggongan ayah Raseuki ibu deungon pakaian Tanggong atra nyan bandum le ayah Ube ek geume geukira meuhat Kon na geupuebrat bek jeut keu susah Ibu ngon ayah han jeut meularat Aneuk nyan meuhat milek geuh nyang sah Teuma di wareh pih peugot meunan Saban lagee nyan bek na meusalah Geumeulhah aneuk meunyo ka pakat Lheuh muchawarat ibu ngon ayah Yue peumom aneuk bak ureueng laen Jeut cit nyang meunan hana meusalah Menurot urof upah takira Teuma takwa gata keu Allah Lom beu tateupue Tuhan Neueu that Peue nyang tapubuet Neukalon sudah", "Ureueng inong nyang ka mate lakoe Nyan jipiyoh droe preh abeh iddah ‘Oh lheuh peut buleun ngon siploh uroe Nyan jeut barangsoe meu jimeunikah Menurot urof peue nyang jipubuet Neuteupue cit that bandum le Allah", "Hana jeut keupeue adak tasinde Meu napsu ate tameung meunikah Meunapsu ate keu ureueng inong Neuteupue bandum teuma le Allah Adak taseubot akan inong nyan Nyang han jeut teuma narit hana sah Narit nyang urof jeut tabicara Bek na rahsia keu buet nyang salah Teuma han lom jeut meu tameukawen Meu gohlom baen ka abeh iddah Reu na taingat Tuhan Neuteupue Ban le barangpeue keudroe tapeugah Sabab nyan beu got tajaga keudroe Lom beu tateupue Tuhan peumeu‘ah Maha Pengampon lom pih Halim that Tuhan Hadharat hana peue peugah", "Tataleuk inong yoh goh siteuboh Gohlom sapeue roh ‘oh Iheuh meunikah Jeulamee pih gohlom abeh tabri Hana peue tabri Neukheun le Allah Teuma beulanja mut‘ah beu tajok Ube-be nyang ek balaku hilah Ureueng nyang kaya balaku kaya Nyang gasien teuma ube nyang mudah Nyan hak mut‘ah menurot urof Tapubuet nyang jroh raya phaedah", "Meunyo tataleuk gohlom situboh Jeulamee taboh bandum ka sudah Nyan jeut siteungoh mantong nyang taboh Meulengkan di jih ka jipeumeuʻah Got pih le wali got pih suami Bandum nyan asai peumeu‘ah-meu‘ah Peumeuʻah nyan toe that ngon takwa Lom bek talupa guna nyang sudah Guna nyang leubeh antara gata Buet nyan dum nyata Neueu le Allah", "Beu that tajaga bandum seumbahyang Lom pih seumbahyang nyang sama teungoh Tadong meuduʻa taseumah Tuhan Ate di dalam beu khuchu‘ leupah", "Meunyo tatakot jeut sira tajak Got deungon tapak got ngon kaphilah Got pih ngon keundraan hana jeut keupeue ‘Oh aman tawoe lagee yue Allah Meunyo ka aman tawoe lagee sot Tapubuet beu got lagee peurintah Tapubuet lagee Tuhan peureunoe Yoh goh atranyoe tateupue sudah", "Ureueng inong nyang ka mate lakoe Wasiet keu jih nyoe beu na jikeubah Napakah mut‘ah keu jih nyan sithon Dalam rumoh nyan sinan jikeubah Bek jipeuteubiet jih nyan di sinan Meunyo droe jih nyan ka laen sudah Meunyo jiteubiet han peue takira Nyang beu tajaga urof bek salah Teuma cit Tuhan Maha Perkasa Ngon bijaksana areh sileupah", "Teuma keu inong nyang ka tataleuk Han jeut han tajok keu jih napakah Ureueng takwa cit hak lageenyan Geujok bagian ban urof peugah", "Meunan keuh Tuhan Neupeutrang ayat Keu gata meuhat pike beu ceudah", "Peue hana taeu awak nyang dilee Meuribee-ribee jiteubiet bagah Jitinggai gampong takot keu mate Tuhan Neukheun le mate bandumkah Teuma iheuh mate Tuhan peuudep Keubit that ajeb karonya Allah Karonya Tuhan keu manusia Le cit nyang hana chuko keu Allah", "Teuma tameuprang bak jalan Tuhan i Beu tateupue lom kuasa Allah Bandum Neudeungo Neuteupue bandum", "Teuma soe nyang tem peuutang Allah Soe tem peuutang deungon buet nyang got Uleh Hadhrat teuma Neubalah Meulipat ganda teuma lom Neubri Neucok ngon Neubri kuasa Allah Gata pih bandum keudeh Neupeuwoe U hadapan Droe teuma Neubalah", "Peue hana taeu na saboh bahgi Bani Israil masa nyang sudah Watee Iheuh Musa awak nyan dilee Jiyue meulakee bak Nabiyullah Neukiremraja sidroe keu kamoe Meujak prang jinoe nyang musoh Allah Kheun nabi kadang ‘oh geuyue meuprang Ka tajak riwang han tatem susah Jikheun pakri han tatem jak meuprang Abeh jisimbang tanyoe jipisah Ka jipeuteubiet tanyoe di gampong Ngon aneuk kandong teuh pih jipisah ‘Oh ban ka wajeb geuyue jak meuprang Ka laen padan teuma jipeugah Abeh jisurot dum ka jijakwoe Tinggai padum droe nyang na got tuah Tuhan Neuteupue sipheut si lalem Jipubuet laen laen jipeugah", "Teuma kheun Nabi ubak awaknyan Hajat gata dum Neubri le Allah Jeh raja Thalut ka Tuhan kirem Bandum beu tatem turot peurintah Jikheun pakon nyan nyang jeut keu raja Kamoe nyoe kon na nyang leubeh pantah Meu jih keu raja areuta pih tan Nabi kheun nyoeban pilihan Allah Neupeuleubeh lom deungon ‘eleumee Badan pih teuntee rayok ngon gagah Nyang pileh raja urusan Tuhan Ri nyang hʻeut Tuhan jeut Neupeurintah", "Teuma kheun Nabi lom saboh tanda Yue gopnyan raja kireman Allah Jiteuka tabot keunan bak gata Di dalam jih na haba sakinah Peuteunang ate nibak Po gata Lom ngon pusaka dilee geukeubah Pusaka Harun ngon Nabi Musa Malaikat ba keunoe geulangkah Atra nyan teuma cit jeut keu tanda Meunyo dum gata iman keu Allah", "‘Oh ban geuteubiet Thalut ngon teuntra Geumarit lanja haba sipatah Allah Taʻala Neucuba gata Bineh krueng raya beu ek tatheun grah Soe nyang jep ie krueng nyan kon rakanlon Nyang han jep langsong nyan nyang meutuah Meulengkan nyang jeut teumok ngon jaroe Nyan nyang han meupaloe han jeut keu salah Ji jep treuk bandum ie krueng nyan teuma Padum droe saja nyang pateh tuah Leupah nibak krueng jikheun le laju Han ek tamaju Jalut that gagah Teuntra jih pih le han ek talawan Teuma kheun yoh nyan nyang raya tuah Kawom nyang yakin meureumpok Tuhan Geukheun hai rakan ngon tulong Allah Talo ureueng le ngon ureueng nyang nit Atra nyan keubit meu izin Allah Allah cit sajan ngon ureueng saba", "Leumah le teuka dum musoh Allah ‘Oh leumah Jalut ngon bala teuntra Geukheun le sigra ureueng meutuah Wahe Tuhanku Neubri keu hamba Beu ek meusaba ngon musoh Allah Neubri beu teutap dum gaki kamoe Neutulong kamoe prang musoh Allah", "Ngon izin Tuhan ureueng nyan meunang Jalut pahlawan binasa sudah Le Nabi Daod Jalut ka neucang Laen jiriwang bandum meunyerah Neubri keurajeun keu Nabi Daod Lom ngon hikeumat Neubri le Allah Peue nyang Neukheundak ‘eleumee Neubri Keu Daod Nabi nyang raya tuah Adak kon Tuhan Neutulak bala Bak manusia ngon macam hilah Teuntee bumonyoe fased dum rusak Jimeutop meu tak jipubuet salah Tapi karonya Tuhan that raya Keu bandum hamba lam alam luah", "Nyoe ayat Tuhan nyang kamoe baca U ateuh gata beuna sileupah Gata pih beuna yue Rasul Tuhan Seluruh alam utusan Allah JUZ", "Rasul-rasul nyan Kamoe peuleubeh Na nyang meupileh marit ngon Allah Nyang meupeuleubeh pih na lom laen Deurajat manyang Neubri le Allah Kamoe bri kitab keu Nabi Isa Ayat dum nyata sinan meupeugah Kamoe peukuat ngon ruh nyang suci Keu ngon Jibrail Isa Ruhullah Teuma di Tuhan meunyo Neukheundak Han jimeutak-tak meubantah-bantah Ureueng nyang dudoe nibak awaknyan Nyang ladom iman teuma keu Allah Teuma nyang ladom kaphe keu Tuhan Meukheundak Tuhan han jimeubantah Teutapi Tuhan han ek soe tulak Ban nyang Neukheundak Neupubuet sudah", "Wahe dum ureueng nyang ka meuiman Areuta teuh nyan tabri napakah Raseuki gata nyang ka Kamoe bri Laju tabagi bek le takeubah Yoh gohlom teuka uroe that hebat Han jeut le meukat meu kabeh langkah Hana le rakan han soe chupeuʻat Nyang kaphe laknat lalem sileupah", "Allah tan laen Tuhan nyang esa Nyang udep teuga cit sidroe Allah Hana Neuhajat keu barangkasoe Teungeut hana toe nibak Potallah Teupako han tom teungeut Neuh pih tan Dum milek Tuhan langet nyang luah Dum asoe langet ngon asoe bumoe Bandum sinaroe milek Potallah Han jeut chupeuʻat le barangkasoe Meu kon izin Droeneuh uleh Allah Di keu geutanyoe di likot tanyoe Bandum Neuteupue uleh Potallah Han ek tateupue ‘eleumee Tuhan Hanya meulengkan nyang kheundak Allah Kursi Tuhan luah han bagoe Langet ngon bumoe dumnan keuh luah Hana hek Tuhan Neuplihara nyoe Langet ngon bumoe lam jaroe Allah Maha Suci that Maha Manyang that Maha Raya that cit sidroe Allah", "Hana paksaan dalam agama Sisat ngon beuna nyata sileupah Kaphe keu patong kaphe keu chetan Iman keu Tuhan soe nyang meutuah Nyan ka jimumat bak taloe nyang kong Han putoh sagai cit kong that leupah Di Tuhan teuma dumpeue Neudeungo Bandum peue nyang na Neuteupue sudah", "Allah keu wali ureueng meuiman Dalam seupot klam Neucok le Allah Neuba bak cahya nyang trang beunderang Di kaphe chetan walijih nyang sah Walijih chetan jiba lam seupot Cahya di likot jitiek jikeubah Awak nyan bandum asoe nuraka Keukai seungsara lam apui mirah", "Hana roe taeu musoh Ibrahim Jitanyong Tuhan jipeudong hujah Tuhan bri jih nyan ka jeut keu raja Ibrahim teuka meunoe neupeugah Tuhan lon sidroe ek Neupeuudep Lam siklep-siklap mate lom sudah Jiseuot di lon ek kupeuudep Lam siklep-siklap mate lom sudah Jaweub Ibrahim mata uroe hu Teubiet di timu Neubri le Allah Cuba tabalek tubiet di barat Kaphe pih seungap teuhah ngon babah Han Neupeutunyok teuma le Tuhan Kawom nyang lalem kaphe keu Allah", "Atawa miseu na saboh gampong Troh sidroe ureueng keunan geulangkah Gampong ka talo bumoe ka mate Bangunan tan le ka anco reubah Geukheun treuk pakri Tuhan peuudep Bumo nyang ka trep anco that parah Teuma ureueng nyan Tuhan peumate Hana udep le padum thon sudah Lheuh sireutoh thon mate ureuengnyan Neubangket gopnyan teuma le Allah Teuma Neutanyong padum trep tach Geujaweub meuceh siuroe sudah Meu kon siuroe sang sikhan uroe Jinoe ka sampoe lon beudoh bagah Ka sireutoh thon di gata taeh Meunan keuh meuceh Neukheun le Allah s Teuma takalon makanan gata Deungon ie gata hana meuubah Lom pih takalon keulidee gata Nyan jeut keu tanda keu hamba Allah Takalon tuleung ka Kamoe peukreuh Meuboh di ateuh dageng nyang basah ‘Oh ban ka nyata bagi ureuengnyan Geukheun le yoh nyan kuasa Allah Nyoe ka lon teupue sigala rupa Tuhan kuasa hana peue peugah", "Yoh masa dilee Ibrahim geukheun Wahe yan Tuhan Neuci peuleumah Bak Neupeuudep ureueng nyang mate Neupeuleumah roe pakriban ulah Kheun Tuhan teuma peue han taiman Seuot Ibrahim lon iman leupah Teutapi ate lon mangat teunang Lon lakee eu nyan kuasa Allah Neukheun boh tacok leh peut boh ticem Teuma tacang-cang ‘oh lheuh taplah-plah Lheuh nyan tapeuduek bak padum boh gle í Tameuhoi sare lheuh nyan beu bagah Bandum jih jijak keunan bak gata Di sinan nyata kuasa Allah Tateupue Tuhan Maha Perkasa Lom bijaksana areh that leupah", "Ureueng bri harta bak jalan Tuhan Miseu jih nyoe ban Neukheun le Allah Sineuk pade tatanom laju Jeut tujoh boh mu timoh le bagah Tiep-tiep saboh mu sireutoh aneuk Tuhan ek Neujok beu le lom leupah Soe nyang Neukheundak Neubri meuganda Tuhan kuasa ‘eleumee luah", "Ureueng bri harta bak jalan Tuhan Hana jitasong jipeugah-peugah Hana peusaket ate gop laen Pahla keu jih nyan Neujok le Allah Han le teumakot ateuh ureuengnyan Meunan pih gopnyan hana le susah", "Narit nyang jroh-jroh deungon ampunan Leubeh got that nyan nibak seudeukah Meunyo lheuh tabri peusaket ate Han keuh na ase pahla seudeukah Teuma cit Tuhan Maha that kaya Halim lom teuma Maha Peumeuʻah", "Wahe dum ureueng nyang ka meuiman Seudeukah teuh nyan bek jeut keu salah Bek tapeubateu peusaket ate Ureueng nyang tabri tapeugah-peugah Nyan lagee ureueng nyang bri areuta Ngon cara riya bak gop peuleumah Hana meuiman lom jih keu Tuhan Akhirat pih tan di jih jipeugah Miseujih tanoh ateuh batee gleh Teupeuro abeh watee ujeun rah Rhet ujeun tunjai ateuh batee nyan Tinggai batee nyan gleh lagee tarah Han ek usaha jipeugot sapeue Meunan keuh miseu luroh seudeukah Peutunyok Tuhan hana Neubri le Keu kawom kaphe hana hidayah", "Ureueng bri harta bak jalan Tuhan Hanya tujuan keu rila Allah Ikhlah ngon ate teutap keu Tuhan Nyan miseu jih nyan lampoh nyang luah Lampoh bineh gle tanoh subur that Tron ujeuen leubat ase jroh leupah Ase boh kayee dua seun lipat Ate seunang that takalon indah Adak han tunjai ujeun meupret-pret Tanaman cit got hana meuubah Tuhan Neukalon peue nyang tapubuet", "Peue na meukeusud keu lampoh luah Lampoh kureuma anggor ngon inab Te krueng pih le that ile di bawah Ngon boh kayee le dum macam-macam Ate that curam galak sileupah Umu ka lanjut tanyoe ka tuha Teuingat lanja keu aneuk lidah Aneuk ngon cuco leumoh usaha Teuma lom teuka badei that leupah Jiba ngon apui le angen badei Angoh tutong le keubon nyang indah Meunan keuh Tuhan Neupeutrang ayat Tapike beu that dudoe bek teulah", "Wahe dum ureueng nyang ka meuiman Nyang jroh-jroh mantong tabri seudeukah Raseuki gata nyang ka Kamoe bri Got pih tagali lam bumoe Allah Bek sagai tabri atra nyang brok-brok Meunyo han tajok raya that salah Meu keudroe gata han roh meutamat Sabab that luat atra brok leupah Tapet ngon mata dumnan keuh luat Teuma Hadharat kaya sileupah Beu na taingat kaya Hadharat Tapujoe meuhat cit sidroe Allah", "Chetan peuingat keu gata gasien Jiyue pubuet lom peue-peue nyang salah Tuhan peuingat teuma keu gata Ampon karonya Neubri le Allah ‘Eleumee Tuhan keubit luah that", "Neubri hikeumat keu soe nyang tuah Soe nyang h‘eut Tuhan hikeumat Neubri Soe nyang got bahgi nikmat le leupah Teuma nyang ingat bandum atranyan Nyang na pikiran nyang raya tuah", "Peue nyang ka tabri napakah gata Atawa nazar kaoi bak Allah Bandum Neuteupue uleh Hadharat Soe lalem meuhat nyang hana tuah Hana soe tulong keu jih nyan meuhat", "Teuma meu hajat tabri seudeukah Meu tapeulahe seudeukah tabri Nyang nyan hai akhi cit got sileupah Teuma meu tajok keu ureueng fakir Cara seumbunyi leubeh that indah Beu bek jiteupue le ureueng laen Leubeh that meucen meunan bak Allah Tapubuet dacha dum barangkapeue Jeut keu beunayeu deungon nyan sudah Teuma di Tuhan peue nyang tapubuet Neuteupue that-that hana meuilah", "Kon gata uroh peutunyok hamba Nyang nyan cit saja urusan Allah Jeut Neupeutunyok soe nyang Neukheundak Meunan pih nibak tabri napakah Peue-peue nyang tabri bak keubajikan Keu droeteuh rakan meuwoe phaedah Teuma nyang tabri ikhlah keu Tuhan Peue nyang tabri nyan meuhat Neubalah Hana elanya sagai keu gata Allah Taʻala ade sileupah", "Atra nyan tajok keu ureueng fakir Nyang ka jitaki le musoh Allah Han ek geujak-jak di dalam bumoe Berjuang jinoe bak jalan: Allah Jisangka gopnyan le ureueng jahe Areuta that le kaya that leupah Sabab di gopnydn han tom meulakee Taturi teuntee ureueng meutuah Han tom geulakee leubeh bak sigo Got that geuhiro sipheut muruah Peue-peue nyang tabri bak keubajikan Bandum di Tuhan Neuteupue sudah", "Ureueng bri harta uroe ngon malam Lahe ngon meusom geubri seudeukah Pahla bak Tuhan akan ureuengnyan Teumakot pih han lom han le susah", "Nyang pajoh riba watee geubangket Lagee meurampot ngon jen seurakah Lagee meurampot jimat le chetan Sabab di jih nyan narit ka salah Jikheun bloe peubloe saban ngon riba Padahai beda Neukheun le Allah Tuhan peuhaleu tameubloe peubloe Tapi riba nyoe hareum bak Allah Soe nyang ka piyoh ‘oh troh nasehat Nibak Hadharat sabab Neuteugah Riba nyang ka lheuh hana peupulang Teuma urusan meuwoe bak Allah Nyang han tem piyoh woe lom bak riba Keu jih nuraka teuma Neubalah Keukai di sinan barangjan masa", "Neusampoh riba teuma le Allah Tabri seudeukah leubeh meuganda Leubeh bak riba pahla le leupah Teuma di Tuhan hana Neusuka Kaphe meudacha raya that salah", "Ureueng meuiman amai pih got that Seumbahyang meuhat han tom geukeubah Geubri ngon zakeut meu ka troh nisab Pahla raya that Neubri le Allah Han le teumakot ateuh ureuengnyan Meunan pih gopnyan hana le susah", "Wahe dum ureueng nyang ka meuiman Takwa keu Tuhan bek na meuilah Peue nyang na tinggai jeuneh bak riba Beu laju sigra jinoe takeubah Meunyo bit gata ureueng meuiman", "Meunyo han tatem meuprang ngon Allah Meu han takeubah jeuneh bak riba Ka roh jeut gata meuprang ngon Allah Meuprang ngon Rasul teuma lom meuhat Meunyo tatobat nyan gaseh Allah Cok pulang pangkai bek taelanya Gata pih hana muruka Allah", "Ureueng nyang gasien tapreh dang kaya Nyang got that teuma ta meuseudeukah Adak tateupue padum le pahla Teuntee talomba tabri seudeukah", "Lom beu tatakot keu saboh uroe Keudeh dum tawoe ubak Potallah Lheuh nyan geubalah dum amai gata Han geuelanya meuube seupah", "Wahe dum ureueng nyang ka meuiman Tatuleh utang yoh goh tapeuglah Hingga meuteuntee pajan tabayeu Mita keurani laju beu bagah Charat keurani ureueng nyang ade Geusurat inoe bek roh meusalah Teuma keurani han jeut han geutem ‘Eleumee gopnyan Neubri le Allah Di ureueng po hak geupeugah meuceh Meunoe tatuleh bek na meusalah Teuma bek salah sagai meubacut Lagee meukeusud meunan geupeugah Beu na takwa teuma keu Tuhan Nyang Po hak meunan bek na meusalah Meunyo nyang po hak ureueng nyang sapheh Atawa bak eh leumoh sileupah Atawa han jeut geupeugah keu droe Wali geulantoe teuma nyang peugah Teuma beu ade nyang jeut keu wali Teuma lom saksi dua droe nyang sah Ba ureueng agam dua droe saksi Meunyo seundiri tamita tamah Sidroe nyang agam dua droe inong Meunan pih keunong keu saksi ka sah Bandum saksi nyan nyang galak gata Nyang inong teuma kadang cit salah Meu sidroe salah sidroe peuingat Meunan amanat inong meutuah Nyang jeut keu saksi meunyo ka geuhoi Han jeut le cantoi geujak beu bagah Teuma bek seugan tapeugot surat Bah yum jih nit that bah le sileupah Ubit ngon rayek beu na tatuleh Watee troh meuceh cit ka geupeugah Meunyo na meunan ade bak Tuhan Saksi pih ka kong han le meusalah Chok ngon teujalok pih ka hana le Sabab ka meuri ateuh keureutah Teuma bloe peubloe seuhari-hari Hana berhenti tapiyoh payah Hana meuutang sinoe ngon sideh Han peue tatuleh nyan bak keureutah Tameubloe peubloe beu na cit saksi Lagee keurani tuleh keureutah Bek jeut peusaket teuma keurani Meunan cit saksi bek tapeusalah Meunyo ureueng nyan jeut keu meularat Gata salah that pasek sileupah Teuma takwa gata keu Tuhan Neupeureunoe nyan gata ka ceudah Tuhan cit teuma dumpeue Neutukri", "Meu tan keurani pakriban ulah Meunyo dum gata lam perjalanan Keurani pih han han pat tapeugah Nyan jeut peugala barangpeue nyang na Lam jaroe teuma laju geukeubah Meunyo na sidroe nyang jeut keu tuha Nyang tapeucaya sinan takeubah Teuma amanah bek geupeutuka Beu na takwa gopnyan keu Allah Bek tasom teuma gata keu saksi Bek tameuungki tateupue sudah Meunyo cit tasom ngon tameuungki Dacha lam ate gata bak Allah Peue nyang tapubuet Tuhan Neuteupue", "Langet ngon bumoe milek Potallah Barangkapeue buet got taplihara Got pih lam ate han tatem peugah Bandum Neukira uleh Hadharat Neuampon meuhat soe nyang h‘eut Allah Got pih Neuazeub soe nyang h‘eut Tuhan Bandum atra nyan kuasa Allah", "Peue nyang Neupeutron Kitab le Tuhan Rasul meuiman pateh sileupah Ureueng mukmin pih bandum meuiman Lagee jonjongan iman keu Allah Lom pih meuiman keu malaikat Keu kitab-kitab ngon Rasul Allah Hana meubeda bandum na Rasul Bandum cit geukheun taʻat keu Allah Ka kamoe deungo ka kamoe taʻat Neuampon meuhat kamoe ya Allah Bandum bak gata kamoe woe meuhat", "Hana Neupeubrat teuma le Allah Sidroe-droe ureueng ube kuasa Ban nyang usaha teuma Neubalah Usaha nyang got munaphaʻat keu droe Teuma nyang rugoe nyang pubuet salah Wahe Tuhanku Tuhan Po kamoe Bek roh keu kamoe Neuhukom salah Soe leh pih tuweo hana meu sahja Neuampon sigra kamoe ya Allah Wahe Po kamoe bek Neuboh nyang brat Ateuh kamọe that teumakot salah Lagee nyang brat-brat keu ureueng dilee Nyan kamoe lakee beu Neupeusiblah Wahe Po kamoe bek brat keu hamba Nyang han kuasa kamoe meuteugah Beu Neupeumeuʻah dum salah kamoe Neuampon kamoe wahe ya Allah Neugaseh kamoe Droeneuh Po kamoe Neutulong kamoe wahe Potallah Neutulong kamoe ateuh sikaphe Kawom nyang jahe kaphe keu Allah"] }, { "chapter": 3, "versesCount": 200, "verses": ["Alif Lam Mim Tuhan nyang teupue meukeusud ayat Sabab Hadharat hana Neupeugah", "Allah tan laen Tuhan nyang esa Nyang udep teuga cit sidroe Allah Hana Neuhajat keu barangkasoe Cit Neudong keu droe kuasa leupah", "U ateuh gata Neupeutron Kitab’ Nyang beuna that-that hana meusalah Nyang peubeuna lom kitab nyang dilee Cit that meuteuntee hana meuubah Neupeutron Taurat ngon Injil teuma", "Yoh dilee masa uleh Potallah Jeut keu peutunyok keu bandum insan Neupeutron Furqan teuma lom sudah Teuma nyang kaphe keu ayat Tuhan Dudoe balasan azeub that leupah Tuhan cit teuma Maha Perkasa Hana soe bila ‘oh Neutueng balah", "Hana nyang meusom sapeue bak Tuhan Dum seukalian Neukalon leumah Peue nyang di langet got nyang di bumoe", "Tuhan nyang peudo rupa nyang indah Dalam rahim phon Neupeugot rupa Kri-kri nyang suka Neuh han meuubah Tan laen Tuhan nyang that perkasa Ngon bijaksana meulengkan Allah", "Tuhan nyang peutron keu gata Kitab Dalam nyan ayat hana jeut ubah Sabab ayat nyan keubit that padat Nyan keuh nang kitab Neukheun le Allah Ayat nyang ladom mutasyabihat Nyan nyang payah that bak taboh surah Teuma barangsoe atejih sisat Ayat nyan meuhat jicok le bagah Napsu fiteunah jalan bek teupat Jitakwi ligat bah le beusalah Hana nyang teupue keu takwi ayat Meu kon Hadharat keudroe Potallah Teuma dum ureueng nyang lhok ‘eleumee Geukheun meuteuntee meuiman bagah Kamoe meuiman bandum ayatnyoe Cit Tuhan kamoe nyang peutron sudah Teuma nyang tem cok jeut keu peuingat Ureueng nyan keubit akai that ceudah", "Bek Neupeubalek wahe Po kamoe Ate dum kamoe ‘oh lheuh hidayah Lheuh Neupeutunyok bandum na kamoe Neubri lom jinoe rahmat Neulimpah Droeneuh keuh sidroe geumaseh that-that", "Droeneuh peusapat kamoe ya Allah Bandum na insan Droeneuh peusapat Uroe kiamat hana soe teugah Hana peue tachok uroe kiamat Janji Hadharat han tom Neuubah", "Teuma soe kaphe hana meuguna Di jih areuta meulimpah-limpah Hana meuguna aneuk jih le that Tuhan Hadharat han ek jibantah Bandum jih dujoe apui nuraka Keunan geuhila lam apui mirah", "Lagee hai wareh koi biek Peureuʻun Lom ureueng jameun nyang ka meusalah Jipeugah sulet dum ayat Tuhan Dacha jih dum nyan Tuhan Neubalah Hukoman Tuhan leupah that hebat", "Tapeugah siat bak kaphe jadah Takheun bak kaphe meuhat jih talo Keudeh meusaho lam apui mirah Dalam nuraka dum geupeusapat Sineubrok teumpat nuraka juah", "Ka na roe tanda dilee keu gata Watee prang raya dua kaphilah Nyang saboh meuprang bak jalan Tuhan Saboh treuk teuma kaphe seurakah Jieu le kaphe musoh sang le that Dua go lipat jieu sang leumah Soe nyang Neukheundak Tuhan peukuat Meunang le ligat ngon tulong Allah Atra nyan bandum jeut keu ibarat Keu soe nyang dapat pikiran ceudah Nyang na pikiran ngon mata ate Laju geupike kuasa Allah", "Geupeungui indah keu manusia Galak that cinta keu inong ceudah Galak keu aneuk ngon le areuta Meuganda-ganda meulimpah-limpah Le meuh ngon pirak guda nyang ragoe Leumo ngon keubeu beu le sileupah Lampoh tanaman umong meuligoe Bandum sinaroe udep nyang mewah Bandum nyan seunang udep lam donya Leubeh got teuma sideh bak Allah Sideh bak Tuhan leubeh got teumpat", "Takheun leh siat jinoe lon peugah Lon peugah teuma jinoe bak gata Peue jeuneh atra nyang leubeh mewah Keuneubah Tuhan keu soe nyang takwa Lampoh churuga leubeh that indah Ile ngon ie krueng di yup churuga Ngon keukai baka seunang sileupah Ngon judo-judo nyang mantong suci Ridha Ilahi nyang peunteng leupah Tuhan Neukalon bandumna hamba", "Nyang kheun berkata wahe ya Allah Wahe Po kamoe kamoe meuiman Neubri amponan kamoe nyoe salah Ka le that dacha nyang kamoe pubuet Bek roh lam azeub nuraka juah", "Ureueng nyan bandum ek that geusaba Narit that beuna sujud keu Allah Geubri seudeukah zakeut areuta Dum keluarga geubri napakah ‘Oh teungoh malam geumohon pinta Neuampon dacha kamoe ya Allah", "Allah meungaku tan laen Tuhan Meu kon Droeneuh nyan nyang laen salah o Malaikat lom ngon ureueng ahli Bandum keu saksi sidroe Potallah Tuhan ade that tan laen Tuhan Meu kon Droeneuh nyan laen dum salah Droeneuh nyan sidroe nyang that Perkasa Lom bijaksana areh sileupah", "Keubit agama nyang nyo bak Tuhan Nyan keuh Iseulam agama Allah Dum ahli kitab han jimeusapeue Bah ka jiteupue ka lheuh geupeugah Sabab jih deungki sabe keudroe-droe Han le jipakoe nyan Kitab Allah Soe-soe nyang kaphe keu ayat Tuhan Keunira Tuhan leupah that bagah", "Meunyo awak nyan jipeudong dawa Jilawan gata jipeudong hujah Takheun di lon nyoe ka lonpeujok droe Muka deungon dhoe ubak Potallah Ureueng ikot lon pih saban cit that Iseulam meuhat bandum menyerah Teuma lom takheun bak ahli kitab Ngon muchrek Arab nyang buta harah Peue gata bandum tatem Iseulam Meu jitem meunan peutunyok Allah Meunyo han jitem ka Iheuh tapeutroh Hana peue le roh gata cok langkah Tuhan Neukalon bandum buet hamba Teuma di gata hana le salah", "Awak nyang kaphe keu ayat Tuhan Jipoh jonjongan dum Nabiyullah Buet nyan jipubuet kon nyang sibeuna Jipoh lom teuma ureueng tan salah Ureueng yue bak jih pubuet beu ade Nyan jipoh mate sayang sileupah Tapeugah bak jih azeub peudeh that Uroe akhirat Tuhan Neubalah", "Luroh dum amai awak nyan meuhat Uroe akhirat rugoe that leupah Hana soe tulong jih nyan meusidroe Han ek barangsoe jilawan Allah", "Hana roe taeu dum ahli kitab Geuhoi geupakat bak Kitab Allah Keunan tahukom bandum gatanyoe ‘Oh jideungo nyoe jipaleng bagah Jijak ho laen han jitem pateh Keubit that paleh jih musoh Allah", "Jikheun kamoe dum tamong nuraka Hana trep saja kamoe kabebah Bah tutong kamoe dua lhee uroe Keubit that rugoe haba jipeugah Ka keunong tipee jih lam agama Jipeuna-peuna narit nyang salah", "Pakri teuma jih ‘oh meupeusapat Uroe kiamat nyang hebat leupah Hana peue tachok uroe kiamat Tuhan peusapat rakyat barollah Watee nyan di jih pih geupeusapat Buet dilee ligat teuma geubalah Meù sidroe hana nyang geuelanya Droeteuh peubeuna meunyo na salah", "Takheun hai Tuhan nyang Po keurajeun Neujok keurajeun keu hamba Allah Soe nyang hʻeut gata keunan keuh tajok Meunan pih tacok hana soe teugah Soe nyang takheundak tapeumulia Soe nyang h‘eut gata hina ngon rendah Dum keubajikan bak jaroe gata Sigala rupa kuasa Allah", "Gata nyang peulop malam lam uroe Tapeulop uroe lam seupot leupah Lam atra mate teubiet nyang udep Keubit that ajeb buet Neuh ya Allah Lam atra udep teubiet nyang mate Han ek soe pike kuasa Allah Tabri raseuki soe nyang hʻeut gata Han ek soe kira le that-that leupah", "Ureueng meuiman bek cok keu wali Dum awak kaphe han pateh Allah Pakon han tacok sabe meuiman Nyang got that meunan hana roh salah Barangkasoe cok kaphe keu wali Han sapeue na le di jih ngon Allah Meulengkan meunyo gata terpaksa Teumakot keu kha jih teuga leupah Teuma taingat Neukheun le Tuhan Teuga nibak nyan lom sidroe Allah Bandum cit tawoe teuma bak Tuhan Dum seukalian tawoe bak Allah", "Takheun bah tasom peue nyang lam dada Got takeulua tapeugah-peugah Allah Taʻala bandum Neuteupue Langet ngon bumoe Neuteupue sudah Peue nyang di langet got nyang di bumoe Bandum Neuteupue uleh Potallah Tuhan kuasa ateuh barangpeue", "Bak uroe dudoe cit Neupeuleumah Bandum buet tanyoe dilee nyang got-got Got pih nyang jeuheut bandum cit leumah Adak jeut nyang brok beujioh that-that Watee talihat buet teuh nyang salah Teuma taingat Neukheun le Tuhan Hana soe lawan sidroe Potallah Di Tuhan teuma Neusayang that-that Bek roh lam sisat dum hamba Allah", "Takheun meu gata gaseh keu Tuhan Ikot lontuan nyang Rasul Allah Teuntee Neugaseh gata le Tuhan Neubri amponan sibarang salah Dum dacha gata cit Neupeuampon Tuhan Pengampon lom that Pemurah", "Takheun tataʻat Allah ngon Rasul Meu han takabui Tuhan jeut marah Han galak Tuhan keu ureueng kaphe Sabab jih jahe paleh sileupah", "Ka Neupeuleubeh Adam le Tuhan Noh pih cit meunan pilihan Allah Ahli Ibrahim ngon ahli Imran Di ateuh alam ureueng nyan meugah", "Aneuk cuco nyan siteungoh saho Bandum Neudeungo hai nyan le Allah Lom that Neuteupue bandum le Tuhan", "Peurumoh Imran yoh nyan geupeugah Wahe Tuhanku lon nazar jinoe Dalam pruet lonnyoe anèuk meutuah Keu Droeneuh hai Po lon harap that-that Teurimong ligat wahe ya Allah Droeneuh keuh sidroe nyang that deuh deungo Lom that Neuteupue ‘eleumee luah", "‘Oh ban ka lahe geukheun le meunoe Aneuk lon binoe lagoe ya Allah Wahe Tuhanku pakon roh inong Cit meunan keunong ‘eleumee Allah Bah that jih inong Tuhan Neuteupue Ngon ureueng lakoe han sabe ceudah Lon boh nama jih teuma Mariyam Beu jioh chetan Neubri ya Allah Aneuk cuco jih teuma pih meunan Beu jioh chetan kutokan Allah", "Teuma di Tuhan Neukabui pinta Aneuk nyan sigra rayek ngon ceudah Timoh ngon badan takalon leuhu Lagee bak meulu meutamah indah Teuma le Tuhan Neuyue plihara Bak Zakaria sibagoe ayah Jan Zakaria tamong bak mihrab Di sinan teumpat Maryam meutuah Geukalon raseuki ka na di sinan Geutanyong yoh nyan pane soe keubah Mariyam seuot atra bak Tuhan Soe kheundak Tuhan raseuki mudah Meu ka Neukheundak uleh Hadharat Han ek tahisab cit le that leupah", "Sinan keuh duʻa geumohon pinta Le Zakaria lakee bak Allah Tuhanku Neubri keturunan lon Nyang lakee ampon peue-peue nyang salah Aneuk nyang saleh keu lon beu keunong Droeneuh teurimong duʻa ya Allah", "Zakaria dong sinan bak mihrab Seumbahyang hadap ubak Potallah Teuma geumeuhoi le malaikat Cit troh ban hajat hai Nabiyullah Tuhan kheun Yahya aneuk di gata Nyang that mulia disisi Allah Gopnyan peubeuna kalimah Tuhan Pangulee insan gopnyan lom sudah Saba raya that Nabi nyang saleh Tuhan peuleubeh raya that tuah", "Geukheun Tuhanku pakri ek mungken Na aneuk di lon umu ka leupah Lon ka that tuha peurumoh male Pane ek lahe aneuk meutuah Geukheun cit meunan kheundak bak Tuhan Ban nyang hʻ‘eut Tuhan han ek soe teugah", "Geukheun Tuhanku Neubri keu tanda Allah Taʻala teuma Neupeugah Keu tanda gata hana tamarit Lhee uroe keubit tagampet babah Tamarit mantong deungon isyarat Teuma taingat beu le keu Allah Takheun teuseubeh malam ngon uroe Meunan keuh bagoe Tuhan peurintah", "Bak saboh masa malaikat kheun Wahe Mariyam pilehan Allah Gata le Tuhan ka Neupeusuci Neupileh lagi raya that tuah Ngon bandum inong nyang na lam alam Gata Mariyam leubeh that ceudah", "Wahe Mariyam pubuet ibadat Tasujud ligat tapujoe Allah Ruku‘ ngon sujud ngon ureueng saleh Ureueng teuleubeh geunaseh Allah", "Nyan haba gaeb Kamoe bri wahyu Bak gata Nabi jinoe meupeugah Hana roh gata sajan awaknyan Watee awak nyan meutaroh tuah Meutiek-tiek kalam soe-soe nyang meunang Nyan nyang peutimang Maryam meutuah Hana roe gata sajan awaknyan Watee awak nyan meubantah-bantah", "Malaikat kheun wahe Mariyam Amanah Tuhan saboh kalimah Nyang akan lahe sinan bak gata Al-Masih Isa Tuhan Neupeugah Jeut keupemuka donya akhirat Deungon Hadharat pih toe that leupah", "Seujak lam ayon ka jeut geumarit € Yoh mantong ubit manyak sileupah Sampoe ‘oh tuha Tuhan peuleubeh Ureueng nyang saleh Neubri le Allah", "Han tom teupeh lon ngon ureueng agam Pane jeut meunan aneuk tan ayah Geukheun ka meunan Neukheun le Tuhan Ban nyang h‘eut Tuhan Neupeujeut bagah Neukheun \"kun\" mantong ‘oh Neumeung peugo Sit jeut le siat hana meupayah", "Neupeureunoe lom kitab ngon hikmat € Meunan pih Taurat kitab nyang sudah Ngon kitab Injil dum seukalian", "Lom rasul Tuhan gopnyan Neupeugah Rasul Tuhan bak Bani Israil Tanda bak Rabbi nyoe lon peuleumah Lon peugot ticem nibak tanoh kliet Lon buliet-buliet lon pruh lon rajah Ka jeut keu ticem jipe le ligat Nyan saboh ayat ngon izin Allah Jeut lon peupuleh lom ureueng buta Ngon seupot lanja puleh le bagah Jeut lon peuudep ureueng nyang mate Kon deungon sihe ngon izin Allah Lom pih lon peugah peue nyang tapajoh Lom peue nyang tatroh nyang jeut takeubah Nyang jeut takeubah di rumoh gata Bandum sigala abeh lon peugah Di sinan sit jeut keu saboh tanda Meunyo na gata iman keu Allah", "Taurat nyang dilee pih lon peubeuna Peuhaleu teuma ladom nyang salah Nyang dilee hareum ladom keu gata Jinoe haleu ka Neukheun le Allah Lon ba ngon ayat bak Tuhan gata Teuma takwa bandum keu Allah Tataʻat keu Lon teuma dum gata", "Allah Taʻala sidroe taseumah Allah Tuhanlon ngon Tuhan gata Laen sigala Tuhan nyang salah Nyoe keuh nyang lon ba jalan nyang teupat Nyang laen meuhat bandum takeubah", "‘Oh ban geurasa le Nabi Isa Awak nyan nyata kaphe keu Allah Geukheun bak rakan teuma wateenyan Soe tem bantu lon bak jalan Allah Teuma seuot le dum kawariyyun Kamoe nyang tulong agama Allah Kamoe meuiman gata keu saksi Kamoe seurah diri keupada Allah", "Hai Tuhan kamoe kamoe meuiman Peue nyang Neupeutron beuna sileupah Lom kamoe ikot peurintah Rasul Teuma Neukabui nyang kamoe peugah Neutuleh kamoe sajan ngon saksi Nyang gaseh Rabbi ureueng meutuah", "Teuma jitaki dum le awaknyan Teuma di Tuhan taki Neubalah Nyang leupah that got bak balah taki Tan laen lagi meulengkan Allah", "Yoh masa Tuhan Neukheun bak Isa Bah Lon cok gata tawoe bak Allah Bah keunoe bak Lon Lonpeuek gata Lon peugleh gata bak kaphe jadah Lon peujeut soe-soe nyang ikot gata Leubeh mulia nibak sijadah Leubeh manyang lom di ateuh kaphe Sampoe ‘an page kiamat sudah ‘Oh lheuh nyan tawoe bandum ubak Lon Sinan Lon hukom beuna ngon salah Peue nyang barokon tapeudong dawa Uroe nyan nyata hana meuilah", "Teuma sikaphe Lon azeub that-that Donya akhirat han ek soe peuglah Hana soe tulong bandum awaknyan", "Ureueng meuiman teuma meutuah Lom pih nyang pubuet amai nyang saleh Pahla cit leubeh Neubri le Allah Nyang han Neugaseh sagai le Tuhan Ureueng nyang lalem nyang pubuet salah", "Nyan keuh dum ayat nyang kamoe baca U ateuh gata hana meuilah Ayat ngon dike nyang le hikeumah Bijaksana that sidroe Potallah", "Miseujih Isa meunyo bak Tuhan Saban ngon Adam Neupeujeut mudah Adam bak tanoh Neupeujeut ngon \"kun\" Cit jeut le rijang ban kheundak Allah", "Atra nyang beuna nibak Po gata Bek na chok sangka meuube seupah", "Nyang peudong dawa jilawan gata ‘Oh lheuh di gata tateupue sudah Takheun leh tajak keunoe dum gata ‘Oh Iheuh di gata tateupue sudah Takheun leh tajak keunoe dum gata Teuma tamaba dum aneuk lidah Dum aneuk kamoe ngon aneuk gata Lom ngon wanita dum bandua blah Teuma droe kamoe ngon droe dum gata Bandum tamaba tameuba hilah Talakee duʻa keu soe nyang sulet Beu Neubri laknat keu jih le Allah", "Keubit nyoe teuma haba that beuna Nyang Tuhan teuma cit sidroe Allah Tan Tuhan laen nibak Droeneuhnyan Cit sidroe Tuhan nyang teuga leupah That bijaksana hana bandingan", "Meunyo jipaleng bek sang jih ka glah Tuhan Neuteupue soe pubuet fased Nyang pubuet jeuheut sabe lam salah", "Takheun jak keunoe hai ahli kitab Meusapeue pakat saboh kalimah Kamoe ngon gata beu saban that-that Taseumah meuhat sidroe Potallah Bek na peue laen tapeucharikat Tuhan Hadharat cit sidroe Allah Bek roh tacok droe ladom keu Tuhan Tapeugah Tuhan nyang bukon Allah Meunyo jipaleng han jitem pateh Gata pih ka gleh hana le salah Takheun boh jinoe beu na tama‘lum Kamoe Iseulam jok droe bak Allah", "Hai ahli kitab pakon that tangieng Akan Ibrahim nyang Rasul Allah Taurat ngon Injil kon dudoe teuka Peue nyang tadawa tapeudong hujah Ibrahim dilee kitab nyoe dudoe Pakon hana roe tapike bagah", "Ka tameudawa nyang na tateupue Nyang tan tateupue pakon tahujah Hana tateupue bandum di gata Nyang teupue saja cit sidroe Allah", "Ibrahim nyan kon ureueng Yahudi Lom kon Nasrani ban gata peugah Gopnyan Iseulam nyang gleh that ate Kon ureueng kaphe muchrek keu Allah", "Nyang patot kheun droe awak Ibrahim Teuntee soe nyang tem ikot peurintah Nyang ikot gopnyan lom pih Nabi nyoe Ngon mukmin jinoe ureueng meutuah Allah keu wali ureueng meuiman", "Nyang laen teuma saboh thaifah Saboh thaifah bak ahli kitab Jimeung peusisat gata nak salah Tapi kon gata nyang jipeusisat Droejih dum meuhat jiba lam salah Hana jiteupue droejih nyan sisat", "Hai ahli kitab pakon buet salah 7 Pakon takaphe keu ayat Tuhan Où Padahai ka trang tateupue sudah", "Hai ahli kitab pakon beureugo Nyang hak ngon bateu talawok sudah Tasom nyang beuna gata tateupue Keubit beureugo buet teuh that salah", "Na saboh kawom di ahli kitab Geuiman ligat peue nyang jipeugah Peue nyang geupeutren bak ureueng mukmin Takheun taiman beungeh beu bagah Takheun taiman bak awai uroe ‘Oh seupot uroe teuma takeubah Takaphe teuma ‘oh akhe uroe Kadang jitem woe ubak buet salah", "Soe nyang han ikot agama gata Bek tapeucaya taiman bagah Takheun peutunyok- peutunyok Tuhan Neubri keu insan nyang raya tuah Hana roe Neubri keu ureueng laen Lagee miseu nyan keu gata sudah Atawa di jih jihujah gata Jituntut gata teuma bak Allah Takheun karonya bak jaroe Tuhan Neujok atra nyan soe nyang h‘eut Allah Leupah that luah ‘eleumee Tuhan", "Soe nyang hʻeut Tuhan rahmat Neulimpah Karonya Tuhan keubit that raya Í Han ek tahingga cit le sileupah", "Na ahli kitab nyang tapeucaya Tajok areuta meulimpah-limpah Pulang amanah teuma keu gata Hana meutuka sagai meuubah à Nyang ladom teuma ‘oh tapeucaya Saboh rupia pih han jipeuglah Meulengkan tadong talakee sabe Cit brat that ate adak jipeuglah Jikheun lom kamoe hana meudacha Lagee nyan cara hana meusalah Sabab awak nyan dum buta huruf Sulet that jipruh Neukheun le Allah Narit jih sulet meuhat jiteupue Jikheun cit meunoe sulet keu Allah", "Teuma soe peutroh balaku janji Takwa keu Rabbi hana tom salah Ureueng nyan meubat geunaseh Tuhan Takwa barangjan sabe keu Allah", "Ureueng nyang peubloe janji ngon Tuhan Sumpah pih meunan deungon yum murah Uroe akhirat hana bagian Neumarit pih han ngon jih le Allah Han meu Neukalon bak jih nyan meuhat Uroe kiamat azeub that leupah Jan Neupeugleh jih uleh Hadharat Azeub peudeh that keu jih Neubalah", "Na ahli kitab saboh golongan Jikheun Qur’an jilipat lidah Mangat tasangka nyan keuh Qur'an Padahai nyang nyan ka lheuh jiubah Jikheun kitab nyan asai bak Tuhan Padahai nyang nyan kon kitab Allah Atra nyang sulet jipeugah beuna Jipeuna-peuna sulet keu Allah Padahai di jih cit roe jiteupue", "Hana barangsoe Neubri le Allah Lheuh Neubri kitab Neubri hikeumat Geukheun amanat teuma nyang salah ‘Oh jeut keu nabi bak gop dum geukheun Gata hamba lon kon hamba Allah Tapi beu jeut teuh keu Rabbaniyyin Nyang pateh Tuhan nyang seumah Allah Jeut tapeureunoe dum asoe kitab Keudroe teuh meuhat meureunoe sudah", "Hana roe geuyue gata dum meuhat Cok malaikat geulantoe Allah Lom nabi-nabi geulantoe Tuhan Hana roe meunan geuyue buet salah Na patot geuyue kaphe keu Tuhan Lheuh taiseulam jok droe bak Allah", "Yoh masa Tuhan Neuakad janji Ngon nabi-nabi dilee ka sudah Peue nyang ka Lon bri bak gata kitab Deungon hikeumat nyang le that 1eupah ‘Oh Iheuh nyan teuka rasul bak gata Geupeugah beuna peue nyang takeubah Kitab nyang dilee geukheun sibeuna Tajanji teuma iman beu bagah Tatulong keubit gopnyan tabantu Boh tameungaku lagee lon peugah Tatanggong nabi teuma lagee nyan Seuot ureueng nyan meungaku sudah Kamoe meungaku bandum atranyan Teuma kheun Tuhan deungo Lon peugah Gata keu saksi bandum deungon Lon Gatanyoe bandum bek le meusalah", "Soe-soe nyang paleng ‘oh lheuh nyan teuma Nyan jih ceulaka pasek sileupah", "Keu peue jimita agama laen Jimita nyang kon agama Allah Padahai asoe langet ngon bumoe Bandum peujok droe ubak Potallah Tatem han tatem keunan tajok droe Bandum teuh tawoe teuma bak Allah", "Takheun meuiman kamoe keu Tuhan Deungon phireuman lam kitab Allah Peue nyang geupeutron keunoe bak kamoe Dilee nibak nyoe bak Nabiyullah Nabi Ibrahim Nabi Ismail Ishak lagi Yaʻqob pih sudah Ngon aneuk cuco ureueng nyan teuma Musa ngon Isa pih lom meutamah Lom nyang geupeutron bak nabi-nabi Nyang laen lagi peurintah Allah Bandum ureueng nyan hana meubeda Kitab nyang sama tron nibak Allah Kamoe peujok droe bandum bak Tuhan Tamong Iseulam hana meuilah", "Barangsoe mita nyang kon Iseulam Agama jih nyan agama salah Han Neuteurimong uleh Hadharat Uroe akhirat rugoe that leupah", "Pane Neutunyok jih nyan le Tuhan Lheuh jimeuiman jikaphe sudah Ka jimeungaku rasul pih beuna Ayat nyang nyata bandum ka leumah Han Neupeutunyok teuma di Tuhan Awak nyang lalem kaphe keu Allah", "Balasan keu jih laknat Hadharat Lom malaikat geukutok marah Meunan pih laknat dum manusia Meuhat nuraka keu jih nyan balah", "Keukai di sinan di jih lam apui Hana geupeuphui azeub that leupah k Han geubri tanggoh keu jih meusiat", "Meulengkan tobat dilee beu teulah ‘Oh lheuh jitobat jipubuet nyang got Buet-buet nyang jeuheut bandum jikeubah Nyan teuma Tuhan Maha Pengampon Meunan pih Tuhan Maha Pemurah", "Teuma nyang kaphe ‘oh lheuh meuiman Meutamah Iheuh nyan kaphe lom leupah Nyan tobat jih nyan han geuteurimong Ka jeut awak nyan sisat sileupah", "Ureueng nyang kaphe mate lam kaphe Nyan ka han ek le sagai tapeuglah Bah tamita meuh beu peunoh bumoe Tateuboh jinoe buet nyang ka salah Azeub peudeh that cit keu awaknyan Han ek soe tulong meuube seupah JUZ", "Han ek tacapai nyang keubajikan À Meu kon beusimban tabri napakah Peue nyang tajok nyan nyang that tagaseh Nyan nyang tapileh jok keu seudeukah Teuma nyang tabri bah barangkapeue Bandum Neuteupue uleh Potallah", "Bandum makanan Bani Israil Haleu dum Neubri keu jih le Allah Meulengkan nyang jipeuhareum keudroe Yoh gohlom sampoe bak jih peurintah Yoh masa gohlom geupeutron Taurat ‘Oh Iheuh nyan meuhat teuma geuubah Takheun cok Taurat mangat tabaca Meunyoe bit beuna lagee tapeugah", "Barangsoe sulet jipeuna-peuna Atra nyang hana jikheun keu Allah Keubit ureueng nyan lalem lagoina", "Takheun that beuna cit sidroe Allah Teuma taikot Nabi Ibrahim Agama gopnyan nyang gleh that leupah Ibrahim nyan kon ureueng nyang muchrek Bah that jibalek le kaphe jadah", "Rumoh nyang phon-phon dilee awai that Teumpat ibadat nyan keuh di Makkah Neubri beureukat peutunyok Tuhan Keu bandum alam nyang maha luah", "Dalam rumoh nyan na tanda-tanda Nyang trang ngon nyata hana peue peugah Makam Ibrahim pih na di sinan Soe tamong keunan aman that leupah Bandum geutanyoe wajeb ek haji Bak rumoh suci geukheun Baitullah Soe nyang kuasa ek geujak keunan Jalan pih aman lom sep napakah Soe-soe nyang kaphe han jitem pubuet Tuhan nyang maʻbud kaya sileupah Hana meuhajat Neuh keu gatanyoe Han jeut keu rugoe Neuh di Potallah", "Takheun boh pakon hai ahli kitab Kaphe keu ayat Tuhan peurintah Peue nyang tapubuet Tuhan Neukalon", "Gata dum pakon tham jalan Allah Hai ahli kitab pakon tajak tham Ureueng meuiman bak jalan Allah Napsu tameungba jalan han teupat Gata dum meuhat tateupue sudah Tuhan han lale nibak buet gata Deungon tasahja tapubuet salah", "Wahe dum ureueng nyang ka meuiman Taikot jih nyan rugoe sileupah Meunyoe taikot dum ahli kitab Nyang ladom meuhat saboh parikah Jipeuwoe gata keu kaphe teuman ‘Oh Jheuh taiman keupada Allah", "Pakri takaphe teuma di gata Teungoh geubaca dum ayat Allah Lom pih na Rasul lam kawan gata Ayat keu gata bandum geupeugah Teuma soe nyang mat bak jalan Tuhan Peutunyok Tuhan keu jih that luah Neutunyok jih nyan jalan nyang teupat Donya akhirat seunang sileupah", "Wahe dum ureueng nyang ka meuiman Takwa keu Tuhan beu bit that leupah Bek roh tamate meu kon Iseulam", "Tamumat beukong bak taloe Allah Bandum na gata bek sagai cre-bre Beu sapeue ate bek meuparikah Beu na taingat keu nikmat Tuhan Keu gata tuan Neubri le Allah Yoh dilee gata meumusoh-musoh Jinoe bandum jroh ate ka teuhah Bandum na gata ka seuchedara Nikmat that raya Neubri le Allah Dilee ka rap rhet dalam nuraka Allah Taʻala teuma peusiblah Hana jadeh rhet teuma dum gata Meunan keuh rupa ayat Potallah Neupeutrang ayat Neuh dum keu gata Mangat jeut gata ureueng meutuah Mangat roh gata lam tunyok Tuhan", "Teuma hai tuan beu na tadakwah Beu na golongan lam kawan gata Ureueng nyang jakba seuruan dakwah Geumaba ureueng bak keubajikan Geuyue dum insan turot peurintah Peurintah Tuhan Neuyue buet nyang got Tinggai nyang jeuheut deungon buet salah Ureueng nyan keuh nyang that meųbahgia", "Teuma bek gata laen parikah Bek lagee urgueng nyang ka meucre-bre Dawok meupake ‘oh Iheuh troh dakwah Ka lheuh troh bak jih ayat nyang nyata Azeub that raya keu jih geubalah", "Bak uroe dudoe nyang puteh muka Ngon itam muka dua kaphilah Nyang itam muka teuma geutanyong ‘Oh lheuh meuiman kakaphe di kah Jinoe karasa azeub bukon le Sabab kakaphe raya that salah", "Nyang puteh muka teuma that seunang Bandum ureueng nyan lam rahmat Allah Keukai di sinan sipanyang masa", "Nyan keuh chedara dum ayat Allah Kamoe beut ayat bandum keu gata Deungon sibeuna hana nyang salah Tan hajat Tuhan Neumeung elanya Meusidroe hana hukom meuilah", "Dum asoe langet ngon asoe bumoe Bandum sinaroe milek Potallah Ubit ngon raya dum seukalian Bandum urusan meuwoe bak Allah", "Bandum gatanyoe sineujroh umat Nyang Neupeutubiet keunoe le Allah Tayue buet nyang got tatham buet jeuheut Teuma lom meuhat iman keu Allah Dum ahli kitab meu jimeuiman Teuntee awak nyan jeut jroh sileupah Teuma nyang ladom na jimeuiman Nyang le that teuman pasek buet salah", "Han ek meularat jibri keu gata Peukaru sahja di jih ngon babah Adak jimeuprang di jih ngon gata Jiplueng le sigra langkah meutuah: Hana soe bantu di jih nyan teuma", "Ka Neucap hina keu jih le Allah Barangho jijak di jih lam hina Meulengkan beu na taloe ngon Allah Lom beu na taloe ngon manusia Beu na bandua baroe ek leupah Teuma ka jiwoe ngon beungeh Tuhan Neucap keu jih nyan gasien lom leupah Sabab jikaphe keu ayat Tuhan Nyan jeut keumeunan Neubri le Allah Lom pih ka jipoh dum Nabi-nabi Ureueng nyang suci hana tom salah Nyan sabab di jih jidarohaka Buet salah raya laem that leupah", "Hana roe saban dum ahli kitab Na ladom umat iman keu Allah Simalam beungoh geubeuet Qur'an Sujud bak Tuhan khuchu‘ sileupah", "Iman keu Tuhan ngon uroe page Pubuet got sabe geuyue peurintah Geutham buet jeuheut bek takeurija Buet nyang got teuma meubagah-bagah Nyan keuh ureueng nyan ureueng nyang saleh Cit Neupeuleubeh teuma le Allah", "Han sia-sia peue nyang geupubuet Bandum buet nyang got akan Neubalah Tuhan Neuteupue soe nyang takwa Allah Taʻala ʻeleumee luah", "Teuma sikaphe hana meuguna Di jih areuta meulimpah-limpah Hana meuguna aneuk jih le that Tuhan Hadharat han ek jibantah Bandum jih teuma asoe nuraka Lam keukai baka azeub that leupah", "Peue-peue nyang jibri lam udep donya Miseu jih teuma angen kreuh leupah Ngon sijuek that-that puteng beuliyong Bak ladang kawom jipeukeu bagah Kawom nyang lalem droe jih ceulaka Abeh bianasa ladang nyang luah Atra droe keudroe jih nyang elanya Kon Neu elanya jih nyan le Allah", "Wahe dum ureueng nyang ka meuiman Bek tacok keu ngon ureueng nyang salah Bek tacok keu ngon nyang kon droe gata Di jih han reuda jimita ilah Jimita lagee peurusak gata Galak jih raya meu gata susah Babah jih taeu beunci keu gata Ate jih teuma leubeh lom marah Atra nyang jisom di dalam dada Leubeh that raya lom nibak babah Ka Kamoe peutrang ayat keu gata Meunyoe cit gata akai teuh ceudah", "Nyan keuh di gata galak teuh keu jih Teutapi di jih beunci jih leupah Hana galak jih sagai keu gata Lom pih di gata tapateh Allah Tapateh kitab nyang Tuhan peutron Di jih pih jikheun meunan bak babah Meu dikeu gata jikheun meuiman ‘Oh jiwoe bak ngon sang-sang jimuntah Jikap ngon igoe ngon aneuk jaroe Meunan keuh bagoe beunci jih leupah Takheun bah mate keuh kakap igoe Ate keuh seungkoe hana ban peugah Tuhan Neuteupue peue nyang lam dada Hana rahsia meunyoe bak Allah", "Meunyoe hai nyang got keunong keu gata Beungeh jih raya mukajih mirah Tapi nyang saket keuneng bak gata Atejih suka galak sileupah Meunyoe tasaba lom tatakwa Bandum usahajih abeh patah Jipeumeularat han ek keu gata Allah Taʻala bandum peusiblah Peue nyang jipubuet Tuhan Neuteupue Dum barangkapeue hana meuilah", "Yoh masa gata tubiet di rumoh Aneuk peurumoh tinggai takeubah Tajak bri teumpat keu ureueng mukmin Nyang geujak meuprang ngon musoh Allah Pat teumpat geuduek nyang meuseunia Geupreh troh teuka musoh seurakah Di Tuhan teuma Neudeunge dumpeue Lom that Neuteupue hana meuilah", "Dua pasukam lam kawan gata Bak saboh masa ka rap meungalah Teumakot talo dua ureuengnyan Padahai gopnyan wali geuh Allah Teumpat geujok droe ureueng meuiman Hana soe laen nibak Potallah", "Biet ka lheuh dilee Neutulong gata Dalam prang Badar nyang keubit meugah Gata hana le sagai masanyan Teuma han jeut han takwa keu Allah Mangat taachuko mudah-mudahan Gata ka meunang seunang that leupah", "Masa nyan takheun bak ureueng mukmin Han sep Neutulong gata le Allah ? Na Ihee ribee droe dum malaikat Bak gata meuhat Neupeutren bagah", "Keubit nyoe gata meu ek tasaba Lom tatakwa keupada Allah Meu jijak jinoe musoh bak gata Neubantu gata laju le Allah Limong ribee droe troh malaikat Meutanda meuhat dum gagah-gagah", "Neubri nyan bandum nak seunang gata Ate bek goga teumakot kalah Mangat jeut teunang ate dum gata Nyang tulong teuma cit sidroe Allah Allah Taʻala nyang that Perkasa Lom bijaksana areh that leupah", "Neumeung koh taloe saboh golongan Nibak kaphe nyan nyang raya salah Got pih mangat jih talo ngon hina Jiwoe dum teuma malee sileupah", "Di gata teuma hana urusan Bandum buet Tuhan nyang Maha Murah Got Neuteurimeng tobat awaknyan Atawa pih han urusan Allah Got pih Neuazeub jih nyan le Tuhan Sabab awak nyan lalem sileupah", "Dum asoe langet ngon asoe bumoe Bandum atranyoe milek Potallah Jeut Neupeuampon soe nyang h‘eut Tuhan Neuazeub meunan soe nyang h‘eut Allah Teuma cit Tuhan Maha Pengampon Meunan pih cit lom Maha Pemurah", "Wahe dum mukmin bek pajoh riba Meuganda-ganda buet nyan cit salah Mangat jeut gata ureueng bahgia Beu tatakwa keupada Allah", "Lom beu tatakot apui nuraka Nyang geuseudia keu kaphe jadah", "Lom beu tataʻat Allah ngon Rasul Mangat Neugaseh gata le Allah", "Beubagah-bagah talakee ampon Keudeh bak Tuhan nyang Maha Murah Beu bagah tajak mita churuga Han ek takira leupah that luah Luah jih saban langet ngon bumoe Bandum atranyoe ka lheuh geukeubah Geukeubah keu soe nyang tem takwa", "Nyang tem beulanja geubri napakah Geubri seudeukah hana geutimang g Bak watee seunang got watee susah C Ek geutheun ate ‘oh watee beungeh Geukhem teuseuheh han jadeh marah Lom geupeumeu‘ah keu manusia Allah Taʻala Neugaseh leupah Soe nyang pubuet got keu ureueng laen Ureueng nyan meucen geunaseh Allah", "Meunan pih ureueng nyang ka meudacha Teuma geurasa ka roh buet salah Atawa lalem geuelanya droe Teutapi dudoe gopnyan pih teulah Lheuh geupubuet nyan ingat keu Tuhan Geulakee ampon laju bak Allah Geulakee ampon dacha bak Tuhan Soe teuma ampon meunyoe kon Allah ‘Oh Iheuh nyan han le geupubuet dacha Meunyeusai raya ka roh buet salah Teuma ureueng nyan bandum geuteupue", "Nyan keuh ureueng nyoe amponan Allah Neubri balasan teuma amponan Lom pih keu gopnyan churuga indah le krueng dum ile diyup churuga Han le keuluwa sinan geukeubah Keukai geuh dalam nikmat churuga Sabab usaha amai that ceudah", "Atoran Tuhan ka Neupeuteuntee Keu ureueng dilee bandum le Allah Tajak leh bandum di dalam bumoe Takalon sinoe kuasa Allah Pakriban balah keu soe han pateh Soe nyang peujaeh keu Rasul Allah", "Nyoe peunerangan keu bandum insan Peutunyok Tuhan bandum Neupeugah Lom pih nasehat keu soe nyang takwa Nyang han tom lupa sabe keu Allah", "Bek peuleumiek droeteuh dum di gata Lom pih bek gata ate teuh gundah Gata cit bandum ureueng nyang manyang Meunyoe taiman keu sidroe Allah", "Meunyoe di gata dum keunong luka Di jih pih luka dilee that parah Di jih pih saban cit lagee gata Meugisa-gisa meunang ngon kalah Meunan keuh uroe dum Kamoe puta Keu manusia seunang ngon susah Lom nak Neuteupue teuma di Tuhan Soe nyang meuiman nyang leubeh tuah Soe nyang ka chahid soe jeut keu saksi Bandum Neuturi teuma le Allah Ureueng nyang lalem droe jielanya Hana Neusuka sagai le Allah", "Lom Neumeung peugleh teuma le Tuhan Ureueng meuiman bek na meusalah Neupeubinasa teuma dum kaphe Di jih lam sabe ungki keu Allah", "Boh na tapike tamong churuga Sigohlom gata meususah payah ? Meu goh Neuturi gata le Tuhan Soe nyang berjuang bak jalan Allah Soe nyang ek saba lam kawan gata Cukop derita seunang ngon susah", "Uroejeh gata napsu that mate Nyawong bek na le jiwoe bak Allah Napsu keu mate yoh gohlom teuka Jinoe ka nyata takalon sudah", "Muhammad teuma kon ureueng laen Meulengkan Rasul utusan Allah Lagee yoh dilee na rasul-rasul Duʻa Neukabui bandum le Allah “Oh mate rasul atawa jipoh 7 Di gata yoh goh ka tacok langkah Peue teuma gata takeumeung surot Tawoe u likot bak jahiliyah Barangsoe surot hana jeut keupeue Tuhanku sidroe han jeut keu susah Ureueng nyang chuko hana jikaphe Allah Taʻala akan Neubalah", "Hana roe mate sidroe-droe ureueng í Meu kon ka izin sideh bak Allah d Ajai geutanyoe cit ka geutuleh Bandum ka meuceh watee geukeubah Teuma soe nyang hʻeut keu pahla donya Kamoe jok teuma keu jih nyan bagah Nyang meuhʻeut galak pahla akhirat Kamoe bri ligat hana meuilah Ureueng nyang chuko hana jikaphe ‘Oh uroe akhe cit Kamoe balah", "Padum le Nabi dilee jak meuprang Le nyang jak sajan rakan meutuah Hana nyum leumoh teungøh geumeucang Bah keunong parang bak jalan Allah Hana teumakot hana meukuyu Hana meunapsu sagai meunyerah Tuhan Neugaseh ureueng nyang saba", "Geumarit sahja wahe ya Allah Wahe Po kamoe Neuampon kamoe Dacha dum kamoe cit le sileupah É Peue nyang teukeuse bak kamoe pubuet À Wahe ya Maʻbud Neuampon bagah Beu teutap gaki bek le meusurot Bek meupeulikot bak jalan Allah Neutulong kamoe ateuh sikaphe Awai ngon akhe beu raya tuah", "Keu ureueng nyan dum Tuhan bri teuma t Di dalam donya pahla meulimpah Leubeh jroh teuma pahla akhirat Meubahgia that dudoe Neubalah Tuhan Neugaseh ureueng pubuet got Donya akhirat geunaseh Allah", "Hai ureueng mukmin meunyoe taikot Kaphe nyang karot raya that salah Jiyue woe gata keudeh u likot A Mangat tasurot rugoe sileupah", "Teutapi Tuhan keuh nyang Po gata Nyang tulong hamba nyang jroh that leupah", "Kamoe tiek geusuen lam ate kaphe Sabab buet jahe di jih that salah Jipeucharikat laen ngon Tuhan Hana alasan buet that geugabah Hana Neupeutron dali le Tuhan Í Teumpat jih teuma nuraka juah Nyan keuh nyang teumpat nyang paleng jeuheut Soe lalem meuhat sinan geukeubah", "Peue nyang Neujanji Tuhan ngon gata Ka Neupeubeuna hana meuilah Talo awak nyan ngon izin Tuhan Dudoe nibak nyan gata pih salah Ka meunyuem leumoh teuh sang di gata Tapeugot dawa teuma tabantah Sabab ka leumah taeu areuta Tadarohaka akan peurintah Ka leumah taeu nyang galak gata Galak keu donya saboh parikah Na cit nyang galak akan akhirat Neupisah ligat gata le Allah Neumeung ci ujoe keu iman gata Teuma jinoe ka Tuhan peumeuʻah Le that karonya Neubri le Tuhan Ureueng meuiman geunaseh Allah", "Watee nyan taplueng hana tangieng-ngieng U wie ngon uneun hana taindah Nyansa di Rasul geumeuhoi gata Sajan ngon gata sinan takeubah Neubri treuk susah keu gata ganda Mangat peue nyang ka bek le tagundah Peue nyang lupot bek le takira Ka keunong bala bek weuh that leupah Peue nyang tapubuet bah barangkapeue Cit that Neuteupue bandum le Allah", "Lheuh nyan Neupeutron keu gata aman Hingga ‘oh lheuh nyan hana le susah Teuka teupako saboh golongan Teungeut sang yoh nyan ka gadoh susah Golongan laen susah cit mantong Sabab nyang kon-kon jikheun keu Allah Jisangka Tuhan lagee dileekon Yoh masa mantong jih jahiliyah Jikheun urusan peue di geutanyoe Talo cit tanyoe ngon kaphe jadah Takheun hak Tuhan talo ngon meunang Lam ate jih nyan kon ban jih peugah Jikheun sangkira urusan tanyoe Kon han roe meunoe tanyoe dum punah Jicang le kaphe bandum teuh sinoe Takheun atranyoe hana peue peugah Bah that beu taeh di rumoh keudroe Teuka cit keunoe nyang cok areuwah Teuka cit mawot jijak cang gata Lom pih Neucuba gata le Allah Neumeung ujoe peue lam dada gata Neupeugleh sigra ate nyang patah Teuma di Tuhan Neuteupue sahja Peue nyang lam dada beuna ngon salah", "Awak nyang paleng jitinggai gata Uroe prang raya dua kaphilah Ka jipeusireuk jih nyan le chetan Usaha jih nyan ladom ka salah e E NE EEE ee a EN EEE EE a E EA E ES E S E EENE Atra nyan teuma han peue le kira Allah Taʻala ka Neupeumeuʻah Maha Pengampon Allah Taʻala Peumeuʻah sigra halim that leupah", "Hai ureueng mukmin bek sagai gata Lagee bicara kaphe seurakah Jikheun bak ngon jih got nyang jak meuprang Got nyang berjalan di bumoe Allah Adak meujiduek sajan geutanyoe Han roe meupaloe keu jih musibah Han mate jitop got mate jicang Meunan jikheun ban kaphe seurakah Neupeujeut meunan uleh Hadharat Meunyeusai jih that ate jih teulah Tuhan peuudep Tuhan peumate Neukalon sabe buet hamba Allah", "Sangkira mate gata got jicang Amponan Tuhan leubeh that indah Nibak areuta nyang jih peusapat Leubeh got rahmat Neubri le Allah", "Sangkira mate gata got jicang Meusapat bandum keudeh bak Allah", "Ngon rahmat Tuhan gata meusipheut Ngon leumah leumbot hana pemarah Meu gata ceuken ngon rijang beungeh Meuhat dum jiweh jibuot langkah Han jitem deunge dum narit gata Sabab nyan gata beu tapeumeu‘ah Talakee ampon dum keu awaknyan Laen nibak nyan tamusyawarah Peue-peue urusan takeumeung peugot Beu tamupakat pakriban ilah Meunyoe putusan ka na bak gata Peujok droe teuma keudeh bak Allah Allah Neugaseh ureueng tawakai Barangkapeue hai peujok bak Allah", "Meunyoe Neubantu gata le Tuhan Hana roe insan nyang ek jibantah Meunyoe han Neutem Neubantu gata Soe teuma teuka nyang ek jak peuglah Soe bantu gata meunyoe kon Tuhan Dum seukalian hana le ilah Sabab nyan jok droe bandum bak Tuhan Soe nyang meuiman keupada Allah", "Hana roe Nabi peungot areuta Sabab cit nyata buet nyan buet salah Uroe kiamat raya that bala Bandum geuyue ba areuta salah Lheuh nyan geubalah ban nyang usaha Tan geuelanya meuube seupah", "Ureueng nyang ikot nyang rila Tuhan Peue nyan ek saban ngon ureueng salah Teumpat soe nyang woe muruka Tuhan Meuhat jahannam nuraka juah Nyan keuh teumpat woe nyang jeuheut raya", "Ureueng jeh teuma raya that tuah Ureueng nyan bandum Neubri derajat Meutingkat-tingkat Neubri le Allah Teuma di Tuhan peue nyang tapubuet Neukalon deuh that hana meuilah", "Tuhan bri nikmat keu ureueng mukmin Deungon Neukirem utusan Allah Neukirem Rasul ubak ureuengnyan Geubeut keu gopnyan dum ayat Allah Lom pih geupeugleh bandum ureuengnyan Geupeureunoe lom ngon kitab Allah Lom geupeureunoe keu jih hikeumah Dilee dum sisat nyata that leupah", "Watee musibah keunong bak gata Di jih ka dua keunong musibah Dua go talo jih ka ngon gata Takheun cit teuma pakon keu Allah Pakon jeut meunoe takheun keu Tuhan Takheun jeut meunan cit droeteuh salah Ateuh barangpeue Tuhan kuasa", "Nyang teupeh gata uroe prang bicah Uroe meureumpok dua pasukan Bandum atra nyan ngon izin Allah Lom pih di Tuhan mangat Neuturi Soe nyang bit sudi iman keu Allah", "Soe nyang munaphek pih ka Neuturi Di jih jibeunci bak jalan Allah Watee geumeuhei jak tajak meuprang Got pih tapeutheun agama Allah Jikheun sangkira meuteupue na prang Kamoe pih meucang meubuot langkah Meuseutot gata laju berjuang Meunan uroe nyan jikheun bak babah Nibak meuiman jih toe keu kaphe Sabab lam ate kon ban jipeugah Peue nyang jisom nyan Tuhan Neuteupue", "Jikheun lom meunoe bak ngon jipeugah Sira jidue-duek han jijak meuprang Adak awak nyan jipateh teugah Adak jipateh nyang geutanyoe tham Han roe jih jicang mate meudarah Takheun boh tulak bak droe keuh mawot Meunyoe beutoi that peue nyang kapeugah", "Bek na ta sangka mate ureuengnyan Nyang chahid lam prang bak jalan Allah Teutapi udep bandum ureuengnyan Raseuki gopnyan Neubri le Allah", "Seunang that gopnyan karonya Tuhan Galak hanaban ureueng meutuah Seunang lom geueu ureueng nyang turot Mantong di likot sideh geukeubah Bahthat beu gohlom sajan geuikot Hana teumakot lom hana gundah", "Ureueng nyan bandum seunang geuh that-that Sęunang lam nikmat karonya Allah Ureueng meuiman han sia-sia Teutapi pahla Neubri le Allah", "Peurintah Tuhan peurintah Rasul Bandum geukabui hana geubantah Bahthat ka luka tubohgeuh cacat Suroh Hadharat geupubuet bagah Ureueng pubuet got lom ngon takwa Raya that pahla Neubri le Allah", "Beuthat jipeugah dum bak ureuengnyan Rame that sinan musoh dum gagah Jijak preh gata bandum di sinan Bek tajak keunan teumakot leupah Tapi tan takot nibak ureuengnyan Nyang na cit iman maken meutamah Geukheun di kamoe cukop ngon Tuhan Peujok droe keunan nikmat sileupah", "Teuma ‘oh geuwoe nikmat ilahi Karonya Rabbi han ek ban peugah Han keuh na teupeh ureueng nyan nyang brok Geuikot seuntok nyang rila Allah Karonya Tuhan teuma raya that", "Chetan jikarat jakba piteunah Dum rakan jih nyan jijak peutakot Jih bek tatakot meuube seupah Meunyoe cit gata ureueng meuiman Tatakot keu Lon nyang that Pemurah", "Bek gundah gata dum keu sijahe Di jih jikaphe meubagah-bagah Meuseunoh-seunoh jijak lam sisat Han ek meularat jibri keu Allah Meukeusud Tuhan uroe akhirat Di jih han sapat pih na phaedah Azeub raya that keu jih dum Neubri", "Awak bloe kaphe deungon yum murah Jipeubloe iman jibloe nyang sisat- Han ek meularat jibri keu Allah Jipike Tuhan jipeumeularat Azeub peudeh that keu jih Neukeubah", "Bek na jisangka le kaphe biyoh Kamoe bri tanggoh keu jih got leupah Padahai nyang jeut Kamoe bri tanggoh Mangat lom tanggoh jipubuet salah Azeub hina that ka meuseudia Nyan keuh nuraka lam apui mirah", "Han Neupeubiyeu roe uleh Tuhan Ureueng meuiman sabe lam susah Lagee gata dum bak masa jinoe Hingga leumah nyoe beuna ngon salah Hingga ka meuri nyang brok ngon nyang got Teuma nyang gaeb teuntee han leumah ‘Eleumee gaeb ‘eleumee Tuhan Neupeuleumah nyan soe nyang h‘eut Allah Lam kawan Rasul Neupileh sinan Teuma meuiman bandum keu Allah Lom pih keu Rasul nyang na meuiman Takwa keu Tuhan pih bek meuilah Meunyoe na meunan raya that pahla Bandum keu gata Neubri le Allah", "Bek na jisangka le ureueng nyang kriet Han jipeutubiet karonya Allah Atra ka neubri keu jih le Tuhan Bek jisangka nyan ka got sileupah Tapi ceulaka keu jih nyan dumpeue Geuboh bak takue dudoe geubalah Atra nyang jikriet cit jeut keu rante Gantung bak lihe ureueng kriet leupah Meunan Neubalah uroe kiamat Bumoe ngon langet pusaka Allah Peue nyang tapubuet Neuteupue bandum Han ek tamaklum ‘eleumee Allah", "Tuhan Neudeunge narit awaknyan Jipeugah Tuhan gasien that leupah Kamoe nyoe bandum ureueng nyang kaya Narit jih teuma cit Kamoe keubah Cit Kamoe tuleh peue nyang jikheun kri Jipoh lom Nabi nyang hana salah Kamoe kheun teuma jinoe karasa Azeub nuraka tutong that leupah", "Atra nyan bandum buet jaroe gata Nyang tausaha beuna ngon salah Meu bacut Tuhan han Neuelanya Bandum na hamba hana meuilah", "Jikheun di Tuhan ka Neumeujanji Kamoe han Neubri meuiman bagah Bek tameuiman dilee keu Rasul Meu goh geukabui peue nyang tapeugah Geuba keureubeun jitot le apui Nyan baro Rasul taiman bagah Takheun padumna Rasul dileekon Dum ayat Tuhan keunoe geupeugah Ayat nyang nyata ka geuba keunoe Ngon keureubeun nyoe lagee tapeugah Pakon cit tapoh dum rasul-rasul Meunyoe cit beutoi peue nyang tapeugah", "Meunyoe cit jikheun sulet keu gata Ka dilee masa meunan jipeugah Rasul nyang dilee dum nibak gata Watee geujakba dum ayat Allah Geujakba Zabur ngon kitab nyata Sulet that gata bandum jipeugah", "Bandum gatanyoe tarasa mate ‘Oh uroe page teuma geubalah Soe nyang meusiblah nibak nuraka Dalam churuga keudeh geukeubah Nyan keuh ureueng nyan nyang meubahgia Udep di donya palsu leupah Seunang cit siat sagai lam donya", "Keubit Neucuba gata le Allah Areuta gata Neubri cubaan Droe gata meunan hana meuilah Bak ahli kitab sigohlom gata Tadeungo haba nyang jeut keu susah s Meunan pih muchrek jikheun keu gata Meu han tasaba saket that leupah Meunyoe tasaba ngon tatakwa Nyan jeut treuk gata ureueng meutuah", "Tuhan meujanji ngon ahli kitab Tapeutrang ayat dum bek takeubah Bek tasom ayat bak manusia Teuma ka nyata di jih ka salah Jitiek janji nyan keudeh u likot Jipeubloe lagot deungon yum murah Jibloe nyang laen nyang jeuheut that-that Keubit that jeungkat peurangei ceulah", "Galak jih that peue nyang jikeurija Bek roe tasangka ek na phaedah Nyang goh jipubuet napsu geupujoe Bek tasangka nyoe jih nyan ek leupah Han ek peuleupah jih nibak azeub y Peudeh that azeub keu jih geukeubah", "Langet ngon bumoe cit milek Tuhan Dum seukalian kuasa Allah", "Bak Tuhan peujeut langet ngon bumoe Í Malam ngon uroe meusiblah-siblah Bandum atranyoe cit jeut keu tanda Bak ureueng nyang na akai geuh ceudah", "Ureueng nyang sabe ingat keu Tuhan Geuduek ngon geudong geuingat Allah ‘Oh watee geueh pih ingat sabe Lom pih geupike ajeb that leupah Tuhan Neupeujeut langet ngon bumoe Hai Tuhan kamoe pakriban ulah Han ek troh pike kamoe dum hamba Kon sia-sia peuneujeut Allah Maha Suci Droeneuh bek roh kamoe Lam azeub dudoe nuraka juah", "Wahe Po kamoe nyang that kuasa Neubri nuraka keu soe nyang salah Soe nyang ka Neuboh dalam nuraka Ayeb that raya jih han ban peugah Ureueng nyang lalem hana soe tulong Han ek soe tanggong raya that salah", "Wahe Po kamoe ka kamoe deunge Ureueng hei geuyue iman keu Allah Meuiman bandum akan Po gata Kamoe pih sigra iman le bagah Wahe Po kamoe Neuampon kamoe Dum dacha kamoe cit le sileupah Neuteuboh kamoe bak jeuheut kamoe ‘Oh mate kamoe beuroh meutuah Ngon ureueng nyang jroh Neupeuroh kamoe", "Wahe Po kamoe janji Neubalah Janji dum rasul peugah bak kamoe Beunalah jinoe beu jroh that leupah Bek ayeb kamoe uroe kiamat Droeneuh Hadharat nyang ek top salah Kamoe harap that kamoe Neubantu Janji Tuhanku hana tom ubah", "Tuhan teurimong duʻa ureueng nyan Buet gata tuan raya phaedah Soe nyang got amai dum gata tuan Inong ngon agam Tuhan Neubalah Saban that bahgi gata bandua Teuma nyang bangka geujak hijeurah Jipeuteubiet geuh lam nanggroe gopnyan Jielanya lom gopnyan tan salah Gopnyan berjuang bak jalan Tuhan Bak geujak meuprang chahid lom mudah Cit Ulon teuboh bandum ureuengnyan Dum keujahatan hana le salah Lon peutamong geuh dalam churuga Diyup churuga ie krueng meulimpah Nyan keuh balasan pahla bak Tuhan Sideh bak Tuhan pahla that indah", "Bek roh teutipee gata ngon kaphe Jijak-jak sabe sang seunang leupah", "Seunang cit siat ‘oh Iheuh nyan teuma Dalam nuraka laju geukeubah Nyan keuh nyang teumpat leupah that jeuheut", "Tapi nyang got that takwa keu Allah Soe nyang takwa tamong churuga Diyup churuga ie krueng meulimpah d Keukai di sinan Tuhan bri teumpat Ureueng pubuet got jroh that bak Allah", "Na roe cit teuma nyang ahli kitab Ate ka teutap iman keu Allah Iman keu kitab nyang tren bak gata Meunan pih juga kitab nyang sudah Kitab nyang keu jih geupeutren dilee Nyan pih meuteuntee iman ka sudah Lom khuchu‘ ate akan Hadharat Tan peubloe ayat deungon yum murah Ureueng nyan teuma meuteumee pahla Allah Taʻala ka Iheuh Neukeubah Bagah that Tuhan peugot keunira Hana sagai sa ngon makhluk Allah", "Wahe dum mukmin beu that tasaba A Ate dum gata bek sagai patah Sira tasaba tapeukong kuta Lom tatakwa keupada Allah Meunyoe na meunan gata bahgia Bak akhe masa Neubri le Allah"] }, { "chapter": 4, "versesCount": 176, "verses": ["Wahe dum insan beu tatakwa Keu Tuhan gata nyang Maha Murah Neupeujeut gata bak sidroe ureueng Nibak ureueng nyan Neupeujeut zaujah Peurumoh gopnyan Neupeujeut sinan Teuma ‘oh lheuh nyan ka jeut le leupah Abeh meusiseu inong ngon agam Ban saboh alam meulimpah ruah Teuma takwa gata keu Tuhan Nyang barangkajan takheun di babah Lom beu tajaga silaturrahim Kaya ngon gasien bek na meuilah Tuhan Neutilek sabe buet gata Lom pih Neujaga gata le Allah", "Atra si yatim beu tajok pulang Puteh ngon itam bek sagai ubah Bek tacok nyang got tapulang nyang brok Bek keu jih tajok atra nyang murah Pajoh atrajih raya that dacha Beu got tajaga bek roh meusalah", "Meunyoe tatakot han ade gata Si yatim dara ‘oh tameunikah Tajak leh laju tamita laen Dara kon yatim cit le sileupah Dua lhee dara atawa peut droe Ri nyang got bak droe jeut tameunikah Meunyoe tatakot han ade gata Sep sidroe sahja bek le tatamah À Atawa namiet hamba tebusan Milek gata nyan han jeut keu salah Na bek roh gata buet meuelanya Dalam agama bek roh meusalah", "Teuma jeulamee keu ureueng inong Beu jiteurimong laju beu bagah Jeulamee wajeb u ateuh gata f Meunyoe jirila nyan laen surah Ngon seunang ate jijok keu gata Ube nyang suka han jeut keu salah Seunang tapajoh teuma di gata Saban cit juga jijok hadiah", "Meunyoe areuta ureueng nyang sapheh Gohlom jeut di jih jibri napakah Di Tuhan Neuyue gata peutimang Bek areuta nyan bak jih takeubah Raseuki keu jih deungon pakaian Gata peutimang Neuyue le Allah Narit nyang jroh-jroh tapeugah bak jih Ureueng majeulih cit han meusalah", "Keu aneuk yatim beu na taujoe Beu tapeureunoe yohgoh meunikah Yohgoh troh umu peutimang keudroe Takalon ujoe bek bagah-bagah Meunyoe bak taeu ka jeut jikira Ka jeut jibeda beuna ngon salah Nyan tajok pulang keu jih areuta Bek keudroe gata tapajoh bagah Meu ka rayek jih tapulang sigra Teuma di gata nyang got ikheulah Bek tacok sapeue meu gata kaya Meu gasien gata tacok phaedah Ban laku patot tacok di gata Meunyoe cit gata pih ureueng susah Ube sep pajoh di gata tacok Nyang laen tacok bek na meuilah prar a E A O SE A SE S Meunyoe ka tacok saksi tapeuna Teuma keunira pulang bak Allah", "Got ureyeng agam got ureueng inong Cit na meuteumeung pusaka nangbah Keuneubah ma-ku kawom keurabat Geubagi meuhat peue-peue nyang mudah Got nit deungon le cit na bagian Inong ngon agam meuteumeung jatah", "Watee geubagi meunyoe na teuka Keurabat gata keunan geulangkah Lom pih na teuka ngon aneuk yatim Ngon ureueng gasien udep lam susah Tajok raseuki akan ureuengnyan Narit nyang takheun bek na meusalah", "Lom beu tatakot aneuk nyang tinggai Nyang leumoh akai kureueng tapapah Teuma takwa gata keu Tuhan Tamarit sajan nyang le phaedah", "Ureueng nyang pajoh areuta si yatim Ngon jalan lalem jalan nyang salah Nyan dalam pruet jih pajoh nuraka Geutiek jih teuma lam apui mirah", "Tuhan Neuwasiet keu aneuk gata Nyang agam dua bagi takeubah Nyang saboh bagi keu aneuk dara Allah Taʻala meunan Neupeugah Meunyoe nyang inong leubeh bak dua Dua pertiga keu jih takeubah Meunyoe jih sidroe siteungeh bagi Ayah ngon ummi teuma lon peugah Bagi nam sidroe meunyoe na aneuk Meu hana aneuk di ma ngon ayah Keu ma bagi lhee teuma meunyoe na Tinggai chedara laen lom ulah Keu ma bagi nam meu na chedara Keu wasiet teuma dilee geukeubah e E S E S N ASS E E E E EE I Ea AS E E T Meunan pih utang geubayeu dilee Lheuh nyan meuteuntee bagi keuneubah Ayah ngon aneuk teuh han taturi Soe nyang got budi ngon le phaedah Soe nyang munaphaʻat jih toe ngon gata Han ek taduga Neubri le Allah Nyang nyan peurae Neubri le Tuhan Tajok bahgian bek na meusalah Dumpeue Neuteupue Tuhan Hadharat Bijaksana that areh sileupah", "Meunyoe di gata mate peurumoh Bagi siiteungoh nibak keuneubah Nyan meunyoe hana jitinggai aneuk Meunyoe na aneuk taweuk lom siblah Tinggai bagi peut mantong di gata Keu wasiet teuma dilee takeubah Meunan cit utang tabayeu dilee Meunan meuteuntee aturan Allah Peurumoh gata tajok bagi peut Atoran nyang got bek na meuubah Nyan meunyoe hana tatinggai aneuk Meunyoe na aneuk taweuk lom siblah Jeut bahgi lapan meunyoe na aneuk Utang ngon wasiet teuma bek salah Meunyoe na ureueng saboh macam treuk Hana meuaneuk hana meuayah Nyang mate agam atawa inong Pusaka keunong hana meuubah Nyang na jitinggai chedara si-ma Pusaka teuma bahgi nam sudah Bahgi nam sidroe jih maseng-maseng Agam got inong hana meuubah Teuma meu leubeh nibak dua droe Bahgi lhee jinoe sinan meureupah Dalam bahgi lhee sinan meusapat Utang ngon wasiet teuma bek ubah Wasiet ngon utang bek jeut meularat Meunan amanat nibak Potallah Tuhan Neuteupue ngon halim Neuh that Peumeuʻah ligat meunyoe ka salah", "Nyan keuh ban hukom bak Tuhan sidroe Teuma barangsoe taʻat keu Allah Taʻat keu Rasul ‘oh Iheuh nibaknyan Nyan Neupeutamong churuga indah Ile deungon krueng di yup churuga Keukai simasa sinan Neukeubah Nyan keumenangan nyang leupah raya That meubahgia Neubri le Allah", "Teuma barangsoe maksiet keu Tuhan Ngon Rasul Tuhan teuntee that salah Lom pih jilingkeu atoran Tuhan Teumpat di jih nyan nuraka juah Keukai jih sinan silama-lama Azeub that hina keu jih Neukeubah", "Dum inong gata nyang pubuet zina Peut droe tapeuna saksi bek salah ‘Oh Iheuh ek saksi inong tahukom Teuma takurong sideh takeubah Tinggai di rumoh sampoe ‘an mate Hingga Neuade teuma le Allah Hingga Tuhan bri jalan nyang laen Hukom Neupeutron keu jih nyang mudah", "Bandua droejih nyang pubuet zina Lam kawan gata tahukom bagah Hingga jitobat jipubuet buet got Han peue taseutot jih nyan ka leupah Cit sipheut Tuhan teurimong tobat Lom geumaseh that hana ban peugah", "Teuma di Tuhan tobat Neukira Nyang kon jisaja jipubuet salah Hana jiteupue buet jih nyan dacha Jitobat sigra teuma le bagah Tuhan teurimong tobat ureuengnyan Teuma di Tuhan Neuteupue leupah Lagi pih Tuhan bijaksana that", "Teuma kon tobat nyang plueng bek salah Jipubuet jeuheut pih sabe-sabe ‘Oh ka rap mate tobat jipeugah Jikheun boh jinoe ka keuh lon tobat Sabab meularat teumakot leupah Meunan cit ureueng nyang mate kaphe Tobat hana le keu jih geupeuhah Keu bandum jih nyan Kamoe seudia Azeub nuraka peudeh sileupah", "Hai ureueng mukmin han jeut di gata Tatueng pusaka inong geukeubah Ngon cara paksa tueng keu pusaka Lom pih bek gata jih tapeususah Bek tacok ladom peue nyang ka tabri Nyan keucuali jipubuet salah Ta muʻasyarah ngon inong gata Bek na nyang cupa beu got that leupah Meunyo tabeunci jih beu taingat Kadang peue nyang got takira salah Peue nyang tabeunci Neubri le Tuhan Kadang na sinan nyang got sileupah", "Meunyo tagantoe peurumoh gata Laen tamita kadang peue salah Peue nyang ka tajok keu jih areuta Bek le takira buet nyang ka leupah Han jeut tacok le peue nyang ka tajok Buet nyan geukutok nyata that salah", "Pakriban tacok atra ka tabri Ka padum le woe ta mu ʻasyarah Janji deungon jih ka Iheuh taikat Janji nyang kuat han jeut meuilah", "Peurumoh ayah bek tameukawen Teuma meulaen buet nyang ka leupah Meu tameukawen nyan buet that keuji Tuhan Neubeunci jalan nyang salah", "(Ka geupeuhareum u ateuh gata Ma droe digata ngon aneuk lidah Aneuk inong droeteuh ngon chedara Macut ngon nyakwa pih hareum nikah Lom aneuk inong chedara gata Ma susu gata pih hareum nikah Chedara susu ngon ma peurumoh Aneuk peurumoh pih hareum nikah Meu ka siteuboh majih ngon gata Meu gohlom teuma nyan jeut tanikah Lom pih peurumoh aneuk droe gata Lom adoe ngon a han jeut tanikah Han jeut peusapat adoe deungon a Meulengkan nyang ka masa nyang sudah JUZ 5) Teuma cit Tuhan Maha Pengampon Geumaseh Tuhan pih han ban peugah", "Meunan pih hareum inong gop laen , Han jeut meukawen atra nyan salah 5 Meulengkan namiet nyang milek gata Allah Taʻala ka Iheuh Neupeugah Nyang laen teuma haleu keu gata Meu na areuta jeut tameunikah Taplihara droe bek buet nyang keuji Peurintah Rabbi bek roh buet salah Ka seunang gata tajok jeulamee Nyan cit peureulee Neuyue le Allah Meu ka jeulamee tajok le gata Meunyo jih suka jibri seudeukah Meunyo karila bandua gata Tidak mengapa Neukheun le Allah Tuhan Neuteupue sigala rupa Lom bijaksana areh sileupah", "Meunyo cit gata kureueng beulanja Inong merdeka han ek tanikah Jeut tameukawen hamba sahaya Inong nyang muda iman keu Allah Tuhan Neuteupue dum iman gata Agam ngon dara Neuteupue sudah Talake izin bak nyang po hamba Tabayeu lanja jeulamee murah Teuma inong nyan taeu nyang suci Bek na buet keuji dilua nikah Bek na jimeungon ngon agam laen Nyan tameukawen bek jeut keu susah Meu ka meukawen jipubuet keuji Hukom beu tabri keu jih bek salah Siteungoh hukom inong merdeka Allah Taʻala meunan Neupeugah Kawen ngon namiet keu soe nyang takot Bek roh jiturot napsu seurakah Meunyo tasaba nyan leubeh got that Napsu taikat be-be nyang mudah Teuma cit Tuhan Maha Pengampon Lagi pih Tuhan Maha Pemurah", "Meukeusud Tuhan Neumeung peunyata Keu bandum gata dum hukom Allah Lom Neupeutunyok keu gata jalan Lagee dileekon Neubri peurintah Ureueng nyang dilee dum nibak gata Bandum ka nyata Tuhan Neupeugah Lom pih di gata mangat tatobat Teuma Hadharat teurimong bagah Tuhan Neuteupue sigala rupa Lom bijaksana areh that leupah", "Meukeusud Tuhan peutobat gata Awak nyan teuma niet jih dum salah Di jih peuturot dum napsu hawa Ji meungba gata singet sileupah Jimeung peupaleng gata bak sisat", "Di Tuhan meuhat Neumeung peumudah i Neuepeuphui gata dalam atoran Sabab dum insan leumoh that leupah", "Wahe dum ureueng nyang ka meuiman Areuta rakan bek taseurakah Areuta rakan nyang kon hak gata Nyan bateu raya areuta salah Meulengkan nyang jeut tameuniaga Suka ngon suka bloe peubloe mudah Lom pih bek sagai tapoh droe gata Di Tuhan gata Neugaseh leupah", "Nyang pubuet meunan deungon elanya Lom musoh teuma di jih ngon Allah Kamoe peulopjih dalam nuraka Atra nyan teuma leupah that mudah Meunyo bak Tuhan buet nyan mudah that", "Meu tatem meuhat gata pih leupah Tatem peujioh dum dacha raya Nyang Neutham gata buet nyan le Allah Nyan Kamoe teuboh dum salah gata Dudoe roh gata lam teumpat indah Meuboh bak teumpat nyang that mulia Sinan keuh gata teuma meukeubah", "Bek na tacita peue nyang ka Neubri Uleh Ilahi areuta nyang mewah Neubri karonya keu rakan gata Sang-sang di gata tinggai di bawah Di ureueng agam cit na bahgian Nyang that sipadan ban laku payah Keu ureueng inong pih na bahgian Nyan pih cit saban ban laku payah Ban nyang usaha meunan meuteumee Teuma talakee karonya Allah Bandum peukara Tuhan Neuteupue Hana meusapeue pih na meuilah", "Areuta ma-kų kawom keurabat Na po jih meuhat nyang ka geukeubah Meunan pih ureueng sumpah seutia Dilee ngon gata tajok napakah Bandum nyan Tuhan cit jeut keu saksi Bandum beu tabri bek na meuilah", "Ureueng nyang agam jeut keu peumimpin Keu ureueng inong bek na meusalah Tuhan peuleubeh teuma ureuengnyan Lagi pih gopnyan mita napakah Sabab nyan ureueng inong nyang saleh Taʻat that leubeh lagee peurintah Bah that beu lakoe hana di rumoh Plihara beu jroh peue nyang geukeubah Inong nyang taeu sang darohaka Nasehat gata dilee tapeugah Teuma tatinggai bek taeh sapat Meunyo nasehat han jitem ubah Teuma jeut tapoh meunyo bit batat Meunyo ka teupat bek le tamarah Bek mita jalan peusaket ate Meunyo hana le sipheut jih salah Keubit cit Tuhan Maha Manyang that Maha Raya that hana ek peugah", "Meunyo ka pake lakoe ngon binoe Beu na dua droe ureueng peuteupat Sidroe blah lakoe sidroe blah binoe Mupakat jinoe peue-peue nyang salah Meunyo bandua meunapsu keu got Tuhan Hadharat Neubri hidayah Keubit roe Tuhan Neuteupue that-that Dumpeue Neutupat ‘eleumee luah", "Taseumah Allah bek peucharikat Barangpeue meuhat han sa ngon Allah Keu ma ngon ayah pubuet nyang jroh that Kawom keurabat pih bek meuilah Laen nibak nyan keu aneuk yatim Ngon ureueng gasien beu got tapapah Jiranteuh nyang toe jiran nyang jioh Beu got tapeupoh bek na meuilah Rakan sahbat ngon ureueng meudagang A Budak beulian pih bek meuilah Han gaseh Tuhan soe nyang teukabo Soe nyang cot baho droejih peumeugah", "Ureueng nyang kriet that jiyue gop laen Beu lagee jih nyan beu kriet sileupah Lom jisom di jih karonya Tuhan Neubri keu jih nyan dilee le Allah Teuma keu kaphe Kamoe seudia Azeub nuraka hina that leupah", "Ureueng nyang jijok dumna areuta Kareuna riya nyan jipeuleumah Hana jiiman akan Hadharat Uroe akhirat pih jipeubeueh Barangsoe chetan jicok keurakan Nyan keuh nyang rakan jeuheut sileupah", "Boh peue ek susah meu jimeuiman Atra cit meunan Neuyue le Allah Iman keu Tuhan ngon uroe page Teuma bek lale jibri napakah Raseuki keu jih Neubri le Tuhan Teuma di Tuhan Neuteupue leupah", "Hana meubacut Tuhan elanya Buet got Neuganda hana ban peugah Lom Neubri keu jih pahla that raya", "Boh pakri teuma droejih jipeuglah Bandum na umat cit ka na saksi Kamoe ba Nabi utusan Allah Gata pih saksi ateuh ureuengnya", "Teuma uroe nyan kaphe that susah Awak nyang kaphe maksiet keu Rasul Meu geutem kabui bah lam tanoh crah Bah jeut keu tanoh nibak lagee nyoe Hana meusapeue meusom bak Allah", "Wahe dum mukmin bek taseumbahyang Meu gata tuan akai teuh salah Meu gata mabok tapreh dang puleh Bek roh peujaeh takheun keu Allah Lom bek tatamong dalam meusijid Meunyo meujunub gata meuhadah Jeut sigo lalu meunyo peureulee Lheuh nyan meuteuntee jak manoe bagah Meu gata saket got pih musaphir Meunyo hana ie tatayammom bagah Atawa gata tajak u kakoh Got pih taseuntoh kulet sinyak jih Taseuntoh inong teuma hana ie Nyang nyan hana peue tatayammom bagah Dhoi tanoh nyang got tasampoh muka Ngon jaroe gata pih banduablah Sipheuet peumeuʻah ngon Neupeuampon Nyan sipheut Tuhan Maha Pemurah", "Hana roe taeu dum ahli kitab Jijak bloe sisat jipubuet salah Napsu jih gata jimeung peusisat Bak jalan teupat bek roh talangkah", "Tuhan Neuturi dum musoh gata Teuma di gata waliteuh Allah Tuhan keu wali nyang tulong gata Sep ngon nyan saja han peue tatamah", "Nyan keuh Yahudi nyang balek ayat Kon le bak teumpat di jih jipinah Jikheun lom di jih ka kamoe deunge Han kamoe pakoe teuma jibantah Boh hai tadeunge han deuh tadeunge Lagee sipungo narit jipeugah Jikheun raina lidah jigulong Jitop jisirong agama Allah Adak meu jikheun ka kamoe deunge Ka kamoe peunge taʻat keu Allah Neudeunge Neungieng akan hai kamoe Adak meu meunoe leubeh that ceudah Leubeh that beutoi nyang meunan keu jih Teutapi di jih ka laknat Allah Sabab jikaphe han jimeuiman Nyang na meuiman cit nit that leupah", "Hai ahli kitab jak leh meuiman Nyang Kamoe peutren taiman bagah Cit geupeubeuna peue nyang bak gata Bek le chok gata iman keu Allah Yoh gohlom Kamoe sampoh dum muka Kamoe peugisa bak rhueng teuh leupah Yoh goh meulaknat keu bandum gata Lagee peue nyang ka meulaknat sudah Lagee nyang lingkeu keu uroe Sabtu Cit keunong laju meunyo buet Allah", "Han Neupeuampon uleh Hadharat Tapeucharikat laen ngon Allah Dacha nyang laen bandum na ampon Soe nyang h‘eut Tuhan Neuampon bagah Nyang peucharikat laen ngon Tuhan Sulet hanaban di jih jipeugah Jimita dacha nyang raya that-that Hana le ubat raya that salah", "Hana roe taeu awak nyang peugleh Droejih beureuseh meunan jipeugah Tuhan Neupeugleh teuma barangsoe Ri nyang meuh‘eut Droeneuh nyang tan salah Teuma di Tuhan han peue takira Han Neuelanya jih meuube seupah", "Takalon pakri jipeuna-peuna Cit that duseuta jikheun keu Allah Ka keuh sep ngon nyan di jih meudacha Ka trang ngon nyata raya that salah", "Kon na roe taeu dum ahli kitab Jiiman that-that di jih nyang salah ? Patong ngon chetan di jih jiiman Jipeugah bak ngon lom kaphe jadah Leubeh that teupat jalan sikaphe Mukmin hana le ka sisat leupah", "Ka keuh Neulaknat jih nyan le Tuhan Hana soe tulong bak laknat Allah", "Sangkira geujok keu jih keurajeun Meuube kumeun hana phaedah Sapeue han jibri keu ureueng laen", "Peue dengki jih nyan karonya Allah ? Sabab Tuhan bri keu ureueng laen Kon keu jih mantong beu le sileupah Teuma di Kamoe keu biek Ibrahim Kamoe bri mantong kitab hikeumah Hikeumah lom ngon keurajeun raya", "Nyang ladom teuma jiiman bagah Nyang ladom jitham han jibri iman Di jih jahannam teumpat geukeubah", "Awak nyang kaphe keu ayat Kamoe Teumpat jih dudoe nuraka juah ‘Oh masak kuletjih lam nuraka Nyang laen sigra meugantoe bagah Mangat jirasa pakriban azeub Bek sang mangat that jipubuet salah Keubit cit Tuhan Maha Perkasa Ngon bijaksana areh that leupah", "Ureueng meuiman ngon buet geuh pih got Kamoe bri teumpat churuga indah Ie krueng dum ile di yup churuga Sipanyang masa sinan geukeubah Judo nyang suci dum na di sinan Keukai di sinan han le meuminah Kamoe peutamong bak teumpat nyaman Teudoh ngon teunang hana peue peugah", "Neuyue bak gata uleh Hadharat Amanah beu that beu got tapapah Tapeutroh laju bak ureueng po hak Bek na meusikrak pih nyang meusalah Watee tahukom beu ade that-that Bek jeut meularat keu ureueng siblah Tuhan peureunoe bak gata meuhat Nyan keuh nasehat leupah that ceudah Tuhan Neudeunge lom pih Neukalon Sabe barangjan hana tom salah", "Hai ureueng mukmin taʻat keu Tuhan Ngon Rasul Tuhan bek na meuilah Lom keu peumimpin lam kawan gata Teuma meunyo na hai nyang meusalah Hana sapeuekheun kadang di gata Ka roh meudawa bak masaalah Tapeuwoe laju keudeh bak Tuhan Ngon Rasul Tuhan bek na meuilah Meunyo na gata iman keu Tuhan Lom tameuiman peue nyang Neupeugah Tapateh akan uroe akhirat Nyan nyang leubeh got hana meusalah Leubeh got tawoe bandum bak Tuhan Meunyo na meunan han sagai salah", "Hana roe taeu jikheun meuiman Peue nyang Neupeutron Kitab le Allah Got nyang Neupeutron keunan bak gata Got pih peue nyang ka masa nyang sudah Narit nyan di jih di babah mantong Padahai hukom di jih ka salah Jijak meuhukom ubak beurhala Allah Taʻala di jih jikeubah Ka Neuyue kaphe bak jih atranyan Bek kajak keunan buet nyan that salah Teuma di chetan cit galak jih that Jimeung peusisat beu jioh leupah", "‘Oh geukheun bak jih keunoe hai rakan Bak nyang Neupeutron uleh Potallah ; Keunoe hai tajak bak Rasul Tuhan Munaphek laen teuma jipeugah Awak munaphek jikheun bek kajak Bek that kasimak peue nyang jipeugah", "Boh pakri teuma ‘oh teuka bala ‘Oh watee teuka bak jih musibah Sabab buet droejih nyang jiusaha Neubri treuk bala keu jih le Allah Watee nyan jijak treuk ubak gata Jikheun le sigra ngon jimeusumpah Demi Allah tan meukeusud laen Kamoe peugah nyan ngon niet jroh leupah Napsu keu damee bek roh meudawa", "Suletjih raya Neukheun le Allah Tuhan Neuteupue dalam atejih Narit majeulih hanya di babah Bek that tadeungo peue nyang jikheun nyan Nasehat mantong keu jih tapeugah Narit nyang mangat mesra lam ate Kadang ek han le jipubuet salah", "Teuma di Kamoe meukirem Rasul 3 Mangat takabui peue nyang geupeugah Tataʻat gopnyan ngon izin Tuhan Bek na bantahan peue nyang peurintah Adak meujitem jijak bak gata Lheuh jielanya droejih ka salah Jilakee ampon teuma bak Tuhan Di Rasul Tuhan pih geupeumeu‘ah Geulakee ampon keu jih le Rasul Teuntee Neukabui teuma le Allah Cit jieu Tuhan teurimong tobat Keubit Hadharat Maha Pemurah", "Demi Po gata teuma awaknyan Hana meuiman di jih keu Allah Meu gohlom jijak keunan bak gata Jijak peunyata droejih ka salah Jijak tanyong lom hukom bak gata Di jih ka dawa meubantah-bantah Peue nyang tahukom pih jiteurimong Bandum cit keunong hana nyang salah", "Teuma sangkira meukheun le Kamoe Tapoh droe jinoe Neuyue le Allah Atawa teubiet dari nanggroe nyoe Han roe di jih nyoe turot peurintah Sidroe duadroe nyang na tem turot Laen u likot bandum jilangkah Adak meujitem turot nasehat Teuntee cit got that keu jih Neubalah Teutap ngon iman meutamah kuat", "Pahla raya that Kamoe bri bagah", "Kamoe peutunyok keu jih lom meuhat Jalan nyang teupat nyang jroh sileupah", "Teuma barangsoe taʻat keu Tuhan Ngon Rasul Tuhan pih han jibantah Ureueng nyan teuma Kamoe peusapat Uroe akhirat ngon Nabiyullah Lom ngon shiddiqin ngon ureueng chahid Lom ureueng nyang bit saleh sileupah Bandum ureueng got rakan ureuengnyan", "Karonya Tuhan seunang that leupah Cukop ngon Tuhan nyang that Neuteupue Hana meusapeue pih na meuilah", "Hai ureueng mukmin meukeumah beu got Kaphe taseutot bek tabri leupah Bagi pasukan got pih meusapat Ate beu teutap bek na meupisah", "Na nyang peutrep-trep lam kawan gata Jipreh-preh gata keunong musibah Watee nyan jikheun ka Neubri nikmat Uleh Hadharat keu lon Neupeuglah Hana roh chahid sajan ureuengnyan Adak kon meunan tan le aruwah", "Sangkira gata karonya Tuhan Meunang dalam prang tawoe dum gagah Hana meugaseh sang jih ngon gata Jikheun le sigra meunoe jipeugah Pakon han roh lon sajan ureuengnyan Mangat roh meunang bahgia leupah", "Soe nyang tem peubloe udep lam donya Akhirat teuma jitueng keu upah Beudoh jak meuprang soe nyang tem meunan Beudoh jak meuprang bak jalan Allah Soe nyang jak meuprang chahid got meunang Pahla ureueng nyan raya that leupah", "Pakon han tatem roe tajak meuprang Tapeutheun jalan agama Allah Ureueng nyang leumoh inong ngon agam Aneukmiet sajan di dalam susah Bandum meuduʻa wahe Po kamoe Lalem that sinoe ureueng peurintah Bahle meuteubiet dalam nanggroe nyoe Peuteubiet kamoe wahe ya Allah Droeneuh keuh sidroe nyang wali kamoe Nyang tulong kamoe Droeneuh ya Allah", "Ureueng meuiman meuprang keu Tuhan Di kaphe meuprang keu jalan salah Di kaphe meuprang peutheun beurhala Rakanjih teuma chetan seurakah Beudoh tajak prang dum rakan chetan Teumipee chetan leumoh sileupah", "Kon na roe taeu awak nyang geukheun Jaroe teuh tatheun bek bagah-bagah Bek that takarat gata jak meuprang Tajak seumbahyang tabri seudeukah Seudeukah wajeb tajakboh dilee ‘Oh ka meuteuntee teuma geupeugah ‘Oh ka geupeugah ka wajeb meuprang Teumakot han ban saboh kaphilah Yo jih keu ureueng lagee keu Tuhan Leubeh nibak nyan teumakot leupah Jikheun lom teuma wahe Po kamoe Pakon roe keunoe Neuyue meulangkah Keu peue bak kamoe Neuyue jak meuprang Leupah that rijang Neuyue peurintah Neupeupreh siat hana peue that trep Meupiyoh siblet bek bagah-bagah Takheun lam donya seunang cit siat Uroe akhirat leubeh that indah Seunang that sideh keu soe nyang takwa Han geuelanya teuh meuube seupah", "Barangho tajak meuteumee mate Bah lam kutagle tapeukong leupah Meunyoe awak nyan meuteumee nyang got Jikheun nyoe keubit teuka bak Allah Meunyo hana got ubak jih teuka Jipeugah gata laju nyang salah Takheun bandum nyan teuka bak Tuhan Pakon jih meunan jahe sileupah Pakon roe meunan alah hai kawom Rap-rap han meuphom peue nyang tapeugah", "Peue-peue nyang keunong bak gata nyang got Atra nyan meuhat sideh bak Allah Meunyo bak gata keunong hana got Nyan gata meuhat bak droe teuh salah Ka Kamoe kirem gata keu Rasul Mangat jikabui le soe meutuah Sep sidroe Tuhan mantong keu saksi", "Nyang pateh Nabi nyan nyang meutuah Nyang pateh Rasul jipateh Tuhan Teuma nyang han tem ka keuh jih salah Teuma di Kamoe meukirem gata Kon meuyue jaga jih nyan nyang salah", "Jikheun jitaʻat jipateh gata ‘Oh troh uluwa laen jipeugah ‘Oh watee malam jipeugot komplot Jikheun hana got nyang gata peugah s Tuhan Neutuleh peue nyang jipeugot Bek that taseutot tapaleng bagah Bak Tuhan mantong gata peujok droe Teumpat peujok droe sep sidroe Allah", "Hana jitilek peue lam Qur’an Meu kon bak Tuhan teuntee le salah Meu kon atra nyan asai bak Tuhan Cit macam-macam taeu ikhtilaph", "‘Oh troh beurita bak jih ka aman Mukmin ka meunang dalam prang bicah Got pih teumakot haba ka talo Jiteubiet laju jak peugah-peugah Adak nyang jijak keudeh bak Nabi Got pih bak ahli jitanyong kisah Teuntee jiteumeung haba nyang beuna Hana chok teuma beurita nyang sah Í Adak kon rahmat karonya Tuhan Keu gata tuan teuntee that payah Teuntee taikot chetan ceulaka f Padum droe saja nyang ikot Allah", "Teuma tameuprang bak jalan Tuhan Nyan keuwajiban Neuyue le Allah Hana Neupeubrat teuma bak gata Ube kuasa kon brat that leupah Soe nyang meuiman teuma tamaba Nyang tan kuasa bek tapeurintah Peue roe di Tuhan Neutham kreuh kaphe Han ek roe ase niet jih nyang salah Leubeh kreuh Tuhan nibak awaknyan Teuga that Tuhan hana peue peugah", "Soe-soe nyang lakee chupheuʻat nyang got Meuteumeung nyang got di jih Neubalah Soe-soe nyang lakee keu buet nyang jeuheut Droejih cit meuhat dudoe nyang susah Ateuh barangpeue Tuhan kuasa Ban nyang usaha meunan Neubalah", "‘Oh geuhormat gata ngon saleum Tajaweub rijang beu leubeh indah Got pih tabalah ban laku geuba Bandum Neukira cit nyan le Allah", "Allah tan laen meu kon Droeneuhnyan Bandum kon Tuhan nyang bukon Allah Bandum na gata cit Neupeusapat Uroe kiamat sinan Neubalah Hana peue tachok uroe kiamat Tuhan beuna that peue nyang Neupeugah Soe teuma laen nyang leubeh beuna Nyang bit-bit beuna cit narit Allah", "Pakon di gata dua peureute Bak taseumike keu awak salah Awak munaphek cit ka jikaphe Iman hana le Neubri le Allah Usaha droejih galak keu sisat Pakon napsu that tabri hidayah Napsu tatunyok awak nyang sisat Uleh Hadharat ka Neupeusalah Meunyo di Tuhan ka Neupeusisat Hana le teumpat keu jih Neukeubah", "Meunapsu di jih gata takaphe Lagee jih kaphe saban that leupah Teuma bek tacok jih nyan keu wali Gata jitaki han jihijeurah Han jijak di jih bak jalan Tuhan Meunyo jipaleng tadrop jih bagah Tapoh beumate pat nyang tateumee Meunan meuteuntee Neuyue le Allah Bek cok keu wali nyang tulong gata Sabab ka nyata jih nyan that salah", "Meulengkan awak nyang jak meulindong Keudeh bak kawom nyang mu ‘ahadah Kawom nyang ka lheuh janji ngon gata ‘Akad seutia dame sileupah Atawa awak nyang jak bak gata Nyang dalam dada jih tan meusalah Han jitem meuprang di jih ngon gata Kawom jih teuma pih han meusiblah Padahai meunyo na kheundak Tuhan Gata ek jiprang bandum jigagah Teuma nyoe di jih jidong diluwa Han jiprang gata jipubuet salah Di jih meudame gata jipadan Nyan hana jalan jih tapeusalah Tuhan han Neubri jih taelanya", "Nyang laen teuma saboh kaphilah Di kaphilah nyoe napsu keu aman Teumakot jih nyan keu bandua blah Aman bak gata ngon bak kawom jih Bandua di jih napsu peusiblah Watee jimaba woe jih bak kaphe Seunang that ate jikaphe bagah Awak nyan meu han jidong diluwa Dame ngon gata pih tan jipeugah Han jitheun jaroe jih ateuh gata Nyan musoh gata jih bek takeubah Tadrop ngon tapoh pat nyang tateumee Bandum jih teuntee ek tapeurintah Kamoe bri jih nyan bandum keu gata Ek takuasa jih bek takeubah", "Han roe jeut geupoh le ureueng mukmin Mukmin nyang laen meu kon roh salah Meunyo roh salah hana geusaja Nyan peumerdeka saboh raqabah Namiet nyang mukmin tamah ngon sayeum Geuĵakjok rijang le ureueng salah Geujok bak wareh ureueng nyang geupoh Geupeujok ngon jroh bek na meuilah Meulengkan wareh han jitueng bela Ka keuh jikira nyan keu seudeukah Meunyo nyang geupoh nyan kawom musoh Tapi jih karoh iman keu Allah Nyan peumerdeka namiet nyang mukmin Teuma nyang laen jinoe geupeugah Meunyo jih kawom janji seutia Di jih ngon gata na mu ‘ʻahadah Nyan keu warehjih beu tabri sayeum Teuma tamah lom saboh raqabah Namiet nyang mukmin jipeumerdeka Meu han ek peuna gantoe ngon payah Payah puasa nyan keu geulantoe Dua buleun roe han jeut jikeubah Bandua buleun meuturot-turot Meunan jitobat di jih bak Allah Bandum Neuteupue Allah Taʻala Lom bijaksana areh that leupah", "Soe nyang jisaja jìpoh gop laen Ureueng meuiman keupada Allah Beunalah keu jih apui jahannam Keukai di sinan beungeh that Allah Muruka Tuhan jih nyan Neulaknat Lom Neubri azeub raya sileupah", "Wahe dum ureueng nyang ka meuiman ‘Oh tajak meuprang bak jalan Allah Soe nyang bri saleum sinan keu gata Beu na takira peue nyang jipeugah Bek takheun kon kah ureueng meuiman Napsu keu barang takeumeung rampah Napsu areuta udep lam donya Ka taelanya ureueng tan salah Jeh pat bak Tuhan le that rampasan Gata pih meunan masa nyang sudah Teuma keu gäțła Tuhan bri nikmat Nyang jeut seulamat hana roh salah Sabab nyan beu na takira-kira Tatilek nyata mangat bek salah Peue nyang tapubuet Tuhan Neuteupue Hana meusapeue pih na meuilah", "Hana roe saban ureueng duek mantong Ngon ureueng meuprang bak jalan Allah Dum ureueng mukmin nyang hana ‘uzor Hana meusaho deungon kaphilah Kaphilah jihad pane ek saban Harta ngon nyawong geujok keu Allah Tuhan peuleubeh teuma ureuengnyan Nibak nyang laen saboh darajah Jihad ngon harta jihad ngon nyawong Ngon nyang duek mantong han saban tuah Teuma di Tuhan ka Neumeujanji Keu bandum Neubri nyang jroh Neubalah Teuma nyang leubeh keu ureueng jihad Pahla raya that Neubri le Allah", "Pangkat pih le that ampon ngon rahmat Ureueng nyan meuhat geunaseh Allah Teuma cit Tuhan Maha Pengampon Laen nibak nyan geumaseh leupah", "Malaikat troh bak ureueng lalem Teuma geutanyong pakon dum di kah Jijaweub kamoe ureueng leumoh that Hana le kuat di bumoe that Teuma lom geukheun le malaikat Bumoe Hadharat kon that-that luah Pakon han kajak barangho laen Sabab di Tuhan Neuyue hijeurah Teumpat awak nyan teuma jahannam Jeuheut that sinan teumpat geukeubah", "Meulengkan ureueng nyang keubit leumoh Seupot got beungoh hana ek hilah Agam ngon inong got pih aneuk miet Cit laʻeh keubit jalan tan leumah", "Teuma ureueng nyan pulang bak Tuhan Mudah-mudahan Tuhan Peumeu‘ah Maha Peumeuʻah cit sidroe Tuhan Maha pengampon cit sidroe Allah", "Soe nyang hijeurah bak jalan Tuhan Cit leumah jalan mita : napakah Luah that jalan teumpat usaha Han sia-sia soe nyang hijeurah Taniet hijeurah teubiet di rumoh Ate beu peunoh karena Allah Lom pih hijeurah karena rasul Nyan cit Neukabui niet teuh le Allah Sangkira mate bak jak usaha Meuteumeung pahla Neubri le Allah Keubit cit Tuhan Maha Pengampon Laen nibak nyan Maha Pemurah", "Meunyo cit gata ureueng musaphir Mita raseuki di bumoe Allah Nyan jeut tapeuʻet seumbahyang gata Takot jiteuka kaphe seurakah Takot jiteugom u ateuh gata Musoh that nyata sikaphe jadah", "Meu gata rame keumeung seumbahyang Saboh rombongan tayue dong bagah Pubuet seumbahyang sigo ngon gata Teuma seunjata bek roh jikeubah ‘Oh lheuh jisujud saboh rakaʻat U likot ligat keudeh jilangkah Rombongan laen teuma seumbahyang Seunjata sajan pih bek jikeubah Meujaga sabe meugantoe-gantoe Seumbahyang meunoe cit tapeurintah Di kaphe jipreh-preh silap gata Jicok seunjata deungon blah bicah U ateuh gata jiteugom laju Na bek tateumeung meubuot langkah Jan na halangan umpama ujeun Saket pih meunan tacok keu ilah Nyan jeut takeubah siat seunjata Tajaga-jaga beu got that leupah Teuma di Tuhan ka Neuseudia Azeub that hina keu kaphe jadah", "Teuma meu ka lheuh dum taseumbahyang Taingat Tuhan bek sagai salah Tadong got taduek got watee taeh Ate lam meuceh taingat Allah Meunyo ka aman gata ka teunang Pubuet seumbahyang lagee sot bagah Keubit seumbahyang perlee that-that Mukmin dum meuhat han jeut jikeubah Bek sagai tinggai bak jeut-jeut watee Ka Iheuh meuteuntee bandum geupeugah", "Bek meunyuem leumoh bak talet musoh Bandum taparoh kaphe seurakah Meunyo di gata tatunyum saket Di jih pih saket that apoh-apah Teuma di gata na peue taharap Janji Hadharat ka Iheuh Neukeubah Di kaphe teuma hana jiharap Di jih ka nekad jipubuet salah Í Teuma Neuteupue Allah Taʻala f Ngon bijaksana Neuh han ban peugah", "Ka Kamoe peutron kitab keu gata Deungon sibeuna kon na meusalah À À Mangat tahukom dum manusia Lagee peue nyang ka Tuhan peurintah Teuma bek gata blah soe khianat Lawanjih meuhat ureueng tan salah", "Talakee ampon teuma bak Tuhan Tuhan Pengampon lom that Pemurah", "Ureueng khianat keu droejih teuma Bek tameudawa meubantah-bantah Soe nyang khianat jipubuet dacha Hana Neusuka jih nyan le Allah", "Jisom droe di jih bak manusia Han meusom teuma jih nyan bak Allah Tuhan sajan jih cit bak malam nyan Watee awak nyan meupeugah-peugah Narit jipeugah nyang hana patot Narit nyang karot han galak Allah Peue nyang jih pubuet Tuhan Neuteupue Hana meusapeue pih na meuilah", "Nyan kon gata dum ka tameudawa Takeumeung bela awak nyang salah Di jih galak that keuudep donya Peue ek tabila jih dikeu Allah Uroe kiamat cit hukom Tuhan Teuma awak nyan soe keumeung peuglah", "Barangsoe teuma nyang pubuet jeuhuet Droejih lalem that jipubuet salah Jielanya droe sinoe di donya Jilakee teuma ampon bak Allah Cit jieu Tuhan Maha Pengampon Lagi pih Tuhan Maha Pemurah", "Barangkasoe pih nyang pubuet dacha Meularat teuma cit droejih salah Bandum Neuteupue Allah Taʻala Lom bijaksana areh that leupah", "Teuma barangsoe jeuheut keurija Atawa dacha jipubuet salah Teuma jitudoh ureueng nyang teupat Jipeugah meuhat gopnyan nyang salah Nyan ka jipeuna narit sulet that Dacha raya that di jih bak Allah", "Adak meu hana karonya Tuhan Ngon rahmat Tuhan nyang le sileupah Bandum atra nyan Neubri keu gata Adak han cit ka gata roh salah Saboh golongan nibak awaknyan Ka jiniet yoh nyan jimeung peusalah Jimeung peusisat le jih dum gata Teuma droejih ka nyang keunong geutah Droe keudroe jih nyan nyang jipeusisat Keu gata meuhat han sapeue salah Teuma Neupeutron keu gata kitab Deungon hikeumat Neubri le Allah Lom Neupeureunoe gata barangpeue Nyang goh tateupue masa nyang sudah Karonya Tuhan Neubri keu gata Leupah that raya hana ban peugah", "Hana roe nyang got nyang jimeus‘ah-s‘ah Hana nyang leumah laen bak salah Meulengkan ureueng nyang s‘ah buet nyang go Geuyue beu le that tabri seudeukah Geuyue lom pubuet nyang keubajikan Ngon perdamaian bek meuparikah Soe nyang pubuet nyan karena Tuhan Pahla keu jih nyan raya that leupah Akan Kamoe bri pahla raya that Uleh Hadharat meunan Neupeugah", "Soe-soe nyang teuntang keu Rasul Tuhan Padahai ka trang beuna risalah Ka trang jiteupue atra nyan beuna Jiikot teuma jalan nyang salah Han jitueng jalan ureueng meuiman Kamoe bri jih nyan peue jipeurintah Teuma meunyo ka cukop jih seunang Dalam jahannam Kamoe tiek bagah Teumpat paleng brok nyan keuh jahannam Jeut keu makanan nuraka juah", "Han Neupeuampon uleh Hadharat f Tapeucharikat laen ngon Allah Dacha nyang laen bandum Neuampon Soe nyang h‘eut Tuhan Neuampon bagah Nyang peucharikat laen ngon Tuhan Sisat that jih nyan jioh sileupah", "Nyang jiseumah nyan inong berhala Chetan ceulaka nyang peugot ulah Cit kon peue laen nyang jiseumah nyan Bandum buet chetan nyang laknat Allah", "Cit ka Neulaknat jih nyan le Tuhan Jikheun meunoe ban teuma jipeugah Lon cok hamba Droeneuh wahe Tuhan Saboh bagian nyang ek lon papah Deungon izin Droeneuh hai Hadharat", "Lon meungpeusisat jih nyan bak salah Lon meungpeuleumah dum angan-angan Bek jijak keunan bak jalan Allah Lon yue koh bak jih geulinyueng unta Jipubuet sigra hana meuubah Keubeu ngon leumo kameng keubiri Meunan cit lagi geulinyueng jiplah Lon yue ubah dum peuneujeut Tuhan Jipubuet rijang hana meuilah Teuma barangsoe jipeujeut chetan Keu wali jih nyan rugoe that leupah", "Cit jimeujanji dum macam-macam Ngon angan-angan dum jipeuleumah Chetan meujanji cit han jeut tamat Jitipee meuhat peue nyang jipeugah", "Teumpat awak nyan meuhat jahannam € Geutiek dum keunan lam apui mirah Hana le jalan teubiet di sinan", "Ureueng meuiman teuma meutuah Lom pih geupubuet amai nyang saleh Kamoe bri leubeh teumpat nyang indah Kamoe peutamong dalam churuga Di yup churuga ie krueng dum boh bah Keukai geuh sinan silama-lama Janji sibeuna Neubri le Allah p f Soe teuma laen nyang leubeh beuna Meunyo kon teuma narit Potallah", "Kon ban taangan le bandum gata Bandum hana sa meukeusud Allah Kon ban jiangan le ahli kitab Nyang pubuet jeuheut meuhat Neubalah Hana walijih hana soe tulong Hana nyang laen meunyo kon Allah", "Teuma barangsoe jipubuet buet got Iman pih kuat di jih keu Allah Agam ngon inong bandum pih saban Tamong u dalam churuga indah Han geuelanya jih pih meubacut", "Soe nyang leubeh got tacuba peugah Na nyang leubeh got dalam agama Nibak soe nyang na harap keu Allah Jihadap muka sabe bak Tuhan Peujok droe keunan nyang got sileupah Lom pih jiikot agama nenek Ibrahim Nabi nyang gleh that leupah Nabi Ibrahim Neucok le Tuhan Neutueng keu rakan ureueng meutuah", "Dum asoe langet ngon asoe bumoe Bandum atranyoe milek Potallah Teuma di Tuhan dumpeue Neuteupue Hana meusapeue pih na meuilah", "Jitanyong hukom teuma bak gata Teuntang wanita pakriban ulah Takheun bak Tuhan hukom nyan cit na Cit jeut tabaca lam kitab Allah Yatim wanita nyang hana tabri Peue nyang Neuyue bri keu jih le Allah Meunapsu gata meukawen ngon jih Hana Majeulih tatheun napakah Meunan pih aneuk nyang leumoh-leumoh Bek tapeusingoh tahiroe bagah Keu aneuk yatim gata beu ade Meunan keuh sabe Neuyue le Allah Tapubuet nyang got ngon niet beu jroh that Neuteupue that-that bandum le Allah", "Meunyo wanita takot keu lakoe Jih sabe paloe jipubuet salah Got pih teumakot lakoe han jiwoe Tinggai jih sidroe di dalam susah Nyan jimeudame jih nyan bandua Meurela-rela kadang na leupah Beuthat lam ate han jitem rela Tabiat jiwa cit kriet sileupah Teuma meu tatem meujroh ngon takwa Allah Taʻala maklum that leupah", "Han ek taade meu le peurumoh Beuthat beumeh-moh tamita hilah Teuma bek roe brat nyang nyoe tagaseh Tinggai treuk nyang jeh lam apoh-apah Lagee tagantung kon deungon taloe Meunan keuh bagoe inong takeubah Adak meu got buet lom tatakwa Allah taʻala Neugaseh leupah Keubit cit Tuhan Maha Pengampon Lagi pih Tuhan Maha Pemurah", "Meunyo jimeucre dua awaknyan Raseuki jih nyan cit na bak Allah Bandum raseuki ka Neuseudia Jih nyan bandua han jeut keu susah Luah that Tuhan ngon kaya raya Lom bijaksana areh that leupah", "Dum asoe langet ngon asoe bumoe Bandum atranyoe cit milek Allah 3 Ka Kamoe peusan bak ahli kitab Yoh dilee meuhat ka Kamoe peugah Yoh gohlom gata ka Kamoe peusan Gata pih meunan takwa keu Allah Meunyo takaphe nyan milek Tuhan Dum seukalian han ek tapeugah Peue nyang di langet peue nyang di bumoe Bandum atranyoe cit milek Allah Teuma cit kaya Tuhan han Padok Nyang hak tapujoe cit sidroe Allah", "Peue nyang di langet peue nyang di bumoe Bandum atranyoe cit milek Allah Teumpat peujok droe sep roe bak Tuhan", "Meu kheundak Tuhan gata dum sudah Neupinah gata hai manusia f Neumeung peuteuka laen kaphilah Neugantoe gata ngon ureueng laen Atra nyan Tuhan kuasa leupah", "Soe nyang meunapsu keu pahla donya Bandua cit na sideh bak Allah Pahla di donya pahla akhirat Soe nyang meuhajat cit ka Neukeubah Teuma bit Tuhan Neudeungo that-that d Dumpeue Neulihat beuna ngon salah", "Hai ureueng mukmin beu ade keubit Got bak tapubuet got bak tapeugah Meunyo cit gata tadong keu saksi Bek na meulisoe karena Allah Í Beuthat ateuh droe tadong keu saksi Got ma ngon abi pih bek meusalah Atawa ateuh kawom keurabat Bek na meuilat narit tapeugah Bah lawan gata ureueng nyang kaya y Nyang le areuta hana ban peugah Got ureueng gasien pih bandum saban Dumpeue di Tuhan Neuteupue bagah Teuma bek gata taikot napsu Jiyue peulaku atra nyang salah Meunyo tabalek takheun nyang laen Got pih tapaleng han tatem peugah Teuma di Tuhan Neuteupue sigra Peue nyang buet gata beuna ngon salah", "Hai ureueng mukmin iman keu Tuhan Ngon Rasul Tuhan bek na meuilah Iman keu kitab nyang tron bak Rasul Bandum takabui bek roh tabantah Meunan pih kitab nyang ka tron dilee Meuiman teuntee kitab bak Allah Soe-soe nyang kaphe akan Hadharat Ngon malaikat ngon kitab Allah Ngon Rasul pih lom uroe akhirat Ureueng nyan sisat jioh sileupah", "Soe nyang meuiman lheuh nyan jikaphe Iman hana le bah that jipeugah Jimeuiman lom lheuh nyan jikaphe Teuma jikaphe meutamah-tamah Ureueng nyang meunan han Neupeuampon Neutunyok jalan pih han le Allah", "Bak si munaphek tapeugah siat Azeub peudeh that keu jih Neukeubah", "Jicok dum kaphe keu wali jih nyan Ureueng meuiman bandum jikeubah Peue jijak mita dum bak awaknyan Sang-sang awak nyan teuga that leupah Nyang teuga keubit cit sidroe Tuhan Dum seukalian teuga That Allah", "Ka lheuh Neupeutron bak gata ayat Di dalam kitab ka Iheuh Neupeugah Meunyo tadeungo jikaphe ayat Ulok-ulok that jikhem meuhah-hah Bek taduek ngon jih di sinan sapat Tapreh dang teupat narit jipeugah Meunyo cit taduek sajan awaknyan Gata pih saban ka roh lam salah Keubit di Tuhan bak uroe page Munaphek kaphe keudeh Neukeubah t Cit Neupeusapat bandua jih nyan Dalam jahannam nuraka juah", "Jipreh-preh di jih pakriban gata Dalam prang raya soe nyang le tewah Meu gata meunang Neubri le Tuhan Kamoe kon sajan meunan jipeugah Kamoe kon sajan lam kawan gata Laen keunira meu gata kalah Meu kaphe meunang cit jikheun laju Kon kamoe bantu gata di bawah Ureueng meuiman dum hana jithee Kamoe peulagee mangat jih kalah Í Teuma Tuhan roe nyang hukom jih nyan Gata pih meunan nak meuri salah Uroe kiamat cit bandum meuri Kaphe nyang deungki han sagai leupah Tuhan han Neubri jalan keu kaphe Jimeung peumate mukmin tan salah", "Awak munaphek jitipee Tuhan Padahai Tuhan keu jih Neubalah Tuhan nyang tipee bandum awaknyan Jidong seumbahyang beue that leupah Jijak seumbahyang meukeusud riya Bak manusia jimeung peuleumah Hana jiingat di jih keu Tuhan Jiseubot Tuhan bacut sileupah", "Meulang-lang di jih keudeh pih han rap Keunoe pih han rap ate meupisah Lam kaphe pih kon lam mukmin pih kon Ka sisat meunan Neubri le Allah Teuma barangsoe Tuhan peusisat Jalan nyang teupat hana le leumah í", "Hai ureueng mukmin bek tacok kaphe Tatueng keu wali rakan meutuah Sabe meuiman tatueng keu wali Jalan ka neubri keunan le Allah Meunyo sikaphe tatueng keu wali Nyan jeut keu dali gata ka salah Watee Neuhukom gata le Tuhan Hana alasan takeumeung bantah", "Awak munaphek dudoe ceulaka Punggong nuraka teumpat geukeubah Nyang paleng miyup lam krak nuraka Hana kuasa soe keumeung peuglah", "Meulengkan meunyo di jih jitobat Pubuet jroh meuhat han le buet salah Jimumat beukong bak taloe Tuhan Agama jih nyan keubit ikheulah Nyan teuma sapat ngon ureueng mukmin Neubri le Tuhan pahla le leupah", "Pane Neuazeub gata le Tuhan Meu gata meunan chuko keu Allah Lagi pih gata ka tameuiman Chuko bak Tuhan keu gata limpah Tuhan Neuchuko Neuteupue dumpeue Hana meusapeue pih na meuilah JUZ", "Han galak Tuhan narit nyang jeuheut Takheun ube buet saket sileupah Meulengkan ureueng nyang jielanya Han ek le saba roh narit salah Teuma di Tuhan Neudeungo dumpeue Neuteupue dumpeue hana peue peugah", "Meu tapeuleumah buet keubajikan Atawa tasom han tapeuleumah Got tapeuleumah salah gop laen Nyan cit di Tuhan Maha Peumeuʻah Lagi pih Tuhan Maha Kuasa", "Di kaphe teuma cit laen ulah Kaphe keue Allah kaphe keu Rasul Allah ngon Rasul jimeung peubicah Jikheun meuiman keu ladom hukom Teuma nyang ladom jikaphe sudah Jimeucok di jih jalan antara Í Keudeh han nyata keunoe han leumah", "Nyan keueh nyang kaphe nyang keubit teuma ‘Azeub that hina keu jih meukeubah", "Soe nyang meuiman teuma keu Tuhan Ngon Rasul Tuhan hana jipisah Keu bandum Rasul hana meulaen Nyan keueh ureueng nyan nyang raya tuah À Pahla raya that akan ureueng nyan Sideh bak Tuhan cit ka Neukeubah 5 Keubit cit Tuhan Maha Pengampon Lagi pih Tuhan Maha Pemurah", "Dum ahli kitab lakee bak gata A Tapeutron sigra kitab meutuah Sideh di langet peutron keu kamoe Dilee pih meunoe ka lheuh jipeugah Leubeh nibak nyan ka lheuh jilakee f Bak Musa dilee masa nyang sudah Jilakee bak deuh jikalon Tuhan Beu leupah that trang bek na meuilah Teuka geulanteue jitak awaknyan Sabab awak nyan lalem that leupah Aneuk leumo lom teuma jiseumah Ate jiminah kon le bak Allah Biek meunan kamoe hana meuitong Bandum atra nyan kamoe peumeu‘ʻah Teuma kamoe bri keu Nabi Musa d Mvwʻjizat raya nyata sileupah", "Lom Kamoe beuet buket Tursina Ateuh jih teuma yo jih that leupah Sabab meujanji ka lheuh ngon Kamoe Boh tamong jinoe sujud beu bagah Kamoe kheun bak jih lom teuma laju Bak uroe Sabtu bek pubuet salah Ka Kamoe janji deungon awaknyan", "Teuma janji nyan di jih jiubah Lom pih jikaphe keu ayat Tuhan Jipoh lom jicang dum Nabiyullah Jikheun lom ate kamoe ka teutop Keubit ka Neucap teuma le Allah Sabab jikaphe hana jiiman Nyang na meuiman cit nit that leupah", "Jikaphe jikheun lom keue Mariyam Haba nyang tan-tan sulet sileupah", "Jikheun lom kamoe kamoe poh Isa Ka mate sigra meunan jipeugah Al-Masih Isa aneuk Mariyam Ka kamoe hantam nyan Rasul Allah Padahai Isa hana roe mate Bah that bak ate jih bit ka tewah Hana jiteupang bak kayee salib Meunan nyang keubit Neukheun le Allah Neupeuserupa bak ureueng laen Nyan keuh nyang jikheun ka mate sudah Teuma dum awak nyang peugot dawa Peue Nabi Isa keubit ka tewah Awak nyan teuma dalam chok sabe Peue nyoe ka mate lagee jipeugah Hana jiyakin peue nyoe ka mate ‘Eleumee han le sangka nyang salah", "Tapi di Tuhan Neuangkat gopnyan Ubak Droeneuh nyan keudeh Neukeubah Teuma cit Tuhan Maha Perkasa Lom bijaksana areh that leupah", "Di ahli kitab ladom meuiman Yoh gohlom gopnyan geuwoe bak Allah Uroe kiamat gopnyan keu saksi Peue nyang jiungki bandum geupeugah", "Sabab elanya awak Yahudi Ka keuh Kamoe bri keu jih musibah Kamoe peuhareum keu jih makanan Peue nyang barokon han jeut keu salah Barokon haleue jinoe ka hareum Sabab le jitham bak jalan Allah", "Jipajoh riba bah that ka geutham Areuta gop lom jipajoh sudah Areuta hareum hak ureueng laen Di jih atra nyan pajoh seurakah Azeub peudeh that saket bukon le Keu bandum kaphe ka Kamoe keubah", "Tapi ngon jih dum nyang lhok ‘eleumee Iman meuteuntee di jih keu Allah Meunan pih bandum ureueng meuiman Bandum meuiman keu Kitab Allah Peue nyang Neupeutron keunan bak gata Meunan cit juga masa nyang sudah Kitab nyang dilee pih geumeuiman Lom pih seumbahyang han tom geukeubah Geubri ngon zakeuet watee troh nisab Meuiman that-that teuma keu Allah Lom pih meuiman uroe akhirat Bandum beuna that hana meusalah Keu ureueng nyan dum Neukheun Hadharat Pahla raya that ka Kamoe keubah", "Kamoe bri wahyu keunan bak gata Saban cit juga masa nyang sudah Ubak Nabi Noh ngon Nabi laen Watee Iheuh gopnyan peusuroh Allah Lom keu Ibrahim Kamoe bri wahyu Deungon Ismail nyang aneuk lidah Ishak Ya‘qob aneuk cuconyan Isa pih meunan peusuroh Allah Aiyub ngon Yunoh Harun Sulaiman Daod pih meunan ureueng meutuah Kamoe bri Zabur keu Nabi Daod Kitab nyang patot sinan meukeubah", "Lom rasul-rasul bak masa dilee Bandum nyang dilee ka Kamoe peugah Lom nyang goh Kamoe peugah bak gata Laen dum teuma cit le that leupah Di Tuhan teuma pernah berkata Ngon Nabi musa langsong peurintah", "Bandum nyan rasul nyang ba beurita Got pih nyang suka got pih nyang susah Soe nyang pubuet got beurita suka £ Nyang jeuheut teuma beurita susah Bek na le jalan keu manusia Jidarohaka ‘oh na peurintah ‘Oh Iheuh troh rasul hana'alasan Peurintah Tuhan soe keumeung bantah Teuma cit Tuhan Maha Perkasa Lom bijaksana areh that łeupah", "Teutapi Tuhan cit Neuek saksi Keu gata Neubri Kitab Neuh nyang sah Tuhan keu saksi peue nyang Neupeutron Keu gata cit nyan ‘eleumee Allah Dum malaikat pih jeut keu saksi Teuma nyang saksi sep sidroe Allah", "Si kaphe teuma jitham lom lagi Jalan han jibri bak jalan Allah Keubit di jih nyan bandum ka sisat Ka jioh that-that dalam buet salah", "Keubit si kaphe ngon lalem jih that Ampon Hadharat hana meurimbah Han Neupeuampon jih nyan le Tuhan Neutunyok jalan pih han le Allah", "Meulengkan jalan ubak jahannam Keukai di sinan han le soe peuglah Atra nyan teuma meunyo bak Tuhan Hana sukaran leupah that mudah", "Hai manusia ka troh bak gata Rasul nyang beuna peusuroh Allah Teuma taiman nyan got keu gata Meunyo han teuma rugoe that leupah Meunyo takaphe teuma di Tuhan Dum seukalian milek Potallah Peue nyang di langet got nyang di bumoe Bandum sinaroe cit milek Allah Dumpeue Neuteupue Allah Taʻala Lom bijaksana areh that leupah", "Hai ahli kitab buet ube beuna Dalam agama bek leupah-leupah Bek na nyang kon-kon takheun keu Tuhan Nyang keubenaran mantong tapeugah Al-Masih Isa aneuk Mariyam Nyan Rasul Tuhan bek takheun Allah Kalimat Tuhan Neutiek bak Mariyam Ngon roh bak Tuhan keunan Neukeubah Teuma taiman Allah ngon Rasul Bandum takabui bek na meuubah Bek takheun lhee droe tapeugah Tuhan Tapiyoh rijang bek le tapeugah Meunan keuh nyang got keu bandum gata Allah Taʻala cit sidroe Allah k Maha Suci that Tuhan na aneuk Narit hana hak meunan jipeugah Dum asoe langet ngon asoe bumoe Bandum atranyoe milek Potallah Cukop ngon Tuhan teumpat peujok droe Laen sinaroe makheuluk Allah", "Hana roe seugan Al-Masih Isa Geukheun droe hamba peuneujeut Allah Meunan pih teuma dum malaikat | Ureueng nyang toe that keupada Allah Barangsoe seugan han jiibadat Di jih Hadharat jianggap rendah Sabab teukabo jipeurayok droe Beu ingat dudoe Tuhan Neubalah Bandum jih teuma cit Neupeusapat Dikeue Hadharat meupeuglah-peuglah", "Teuma di ureueng nyang na meuiman Lom pih buet gopnyan sabe jroh leupah Tuhan bri pahla bandum ureueng nyan Karonya Tuhan Neutamah-tamah Ureueng nyang seugan jipeurayok droe Azeub that dudoe peudeh sileupah Hana soe wali meunyo kon Tuhan Hana soe tulong meunyo kon Allah", "Hai manusia ka troh bak gata Dali nyang nyata sideh bak Allah Ka Kamoe peutron cahya nyang nyata Keu bandum gata hu meujeureulah", "Teuma barangsoe iman keu Tuhan Jimumat ngon kong bak taloe Allah Nyan Neupeutamong teuma le Tuhan Rahmat Droeneuh nyan keunan Neulimpah Lom Neupeutamong dalam karonya Neutunyok teuma bak jalan Allah Jalan nyang teupat tajak bak Tuhan Nyan keuh nyang jalan nyang han tom salah", "Jitanyong hukom teuma bak gata Tapeugah sigra hukom kalalah Meunyo na sidroe ureueng nyang mate Ureueng nyan male Neubri le Allah Aneuk geuh hana ‘oh mate gopnyan Chedara inong nyang na geukeubah Teuma siteungoh di jih pusaka Meunan keunira Neukheun le Allah Meu inong mate tinggai nyang agam Chedara agam jitueng asabah Nyan meunyo hana aneuk jitinggai Lagee beunoe hai nyang ka geupeugah Chedara inong meunyo dua droe Dua bagi lhee keu jih geukeubah Meunyo chedara inong ngon agam Nyan bahagian di jih asabah Keu inong saboh keu agam dua Meunan keunira Neukheun le Allah r Tuhan Neupeutrang bek sisat gata Tajok pusaka mangat bek salah Teuma di Tuhan dumpeue Neuteupue Hana meusapeue pih na meuilah y 7 7 s y"] }, { "chapter": 5, "versesCount": 120, "verses": ["Wahe dum ureueng nyang ka meuiman Janji teuh dum nyan bek na meusalah Meu ka tajanji ngon barangkasoe Bah barangkapeue bek sagai ubah Ka geupeuhaleu bandum keu gata Leumo ngon unta kameng ngon kibah Laen lom miseu keubeue keubiri Nyang kecuali teuma geupeugah Nyang hana haleue talet binatang Teungoh taihram di nanggroe Makkah Tuhan Neularang buet perburuan Nyan hukom Tuhan ban nyang h‘eut Allah", "Wahe dum mukmin bek roh talingkeue Neutham got Neuyue gata le Allah Bek roh talingkeue dum syiar Tuhan Lom buleun hareum pih bek tabantah Dam keu hadiah lom ngon qalaid Untuk geulilet bak takue kibah Lom pih ureueng jak u Baitul Haram Karonya Tuhan mita napakah Sira ibadat keu rila Tuhan Geupubuet sajan mita napakah ‘Oh Iheuh ibadat ka haleue gata Jeut talet rusa hana le salah Teuma bek sabab tabeunci kawom Sabab jijak tham tamong u Makkah Masjidil Haram han jibri tamong Ka jeut roh keunong tapubuet salah Roh taelanya deungon sababnyan Han Neubri meunan teuma le Allah Mentulong-tulong bak buet mulia Ngon buet takwa Neuyue le Allah Teuma bek gata meutulong-tulong Bak buet nyang sirong ngon buet nyang salah Buet nyang meudacha meumusoh-musosh Nyan bek sagai roh keunan talangkah Teuma takwa gata keu Tuhan Hukoman Tuhan cit brat sileupah", "Ka geupeuhareum bangke keu gata Meunan cit juga darah nyang mirah Sie bui lom pih sie binatang haleue Teutapi geusie kon ngon Nan Allah Meunan pih mate sabab meuceukiek Atawa tatiek geuhantam reubah Mate rhot lam mon got pih ateuh sok Mate jimeupok hareum geupeugah Jikap le rimueng got pih peue laen Meunyo tateumeung tasie beu bagah Meunyo ka tasie teuma ka haleue Tasie nyan Neuyue deungon Nan Allah Meunan pih hareum tasie keu patong Talakee tulong bak nyang kon Allah Lom tameutaroh ngon leumbeng panah Buet nyan fiteunah pasek that leupah Uroenyoe kaphe ka putoh asa Agama gata ka kong sileupah Teuma bek gata yo keue awaknyan Tatakot keu Lon Neukheun le Allah Uroenyoe di Lon ka Lon peumada Agama gata ka lengkap sudah Nikmat Lon ka sep Lon bri keu gata Agama gata nyang rila Allah Tuhan Neurila agama Islam Keu gata bandum bek na meuubah Teuma barangsoe nyang ka meularat Miseu ka deuek that nyan hana salah Bek pike-pike jipubuet dacha Nyan Tuhàri' Esa Neuampon bagah Keubit cit Tuhan Maha Pengampon Meunan pih Tuhan Maha Pemurah", "Jitanyong peue lom haleue keu kamoe Tapeugah dumpeue nyang jroh-jroh leupah Lom pih nyang jikap le binatang buah Asee tapeulheuh jiteugom bagah Ka tapeureunoe binatang buah nyan Jiteugom keunan seupet ngon babah Nyang jikap le jih nyan jeut tapajoh Takheun bek teudoh ngon Nama Allah Teuma takwa gata keu Tuhan Keunira Tuhan leupah that bagah", "Uroenyoe bandum haleue keu gata Nyang jroh-jroh raya hana meusalah Haleu makanan dum ahli kitab Keu gata meuhat tapajoh bagah Makanan gata pih haleue keu jih Meunan majeulih Neukheun le Allah Jeut tameukawen ngon inong mukmin Nyang got lakuan bek na buet salah Lom jeut meukawen ngon ahli kitab Dilee jih meuhat Neubri le Allah Teuma jeulamee tabayeue laju Meunyo meunapsu tameung meunikah Kon na meunapsu pubuet hana got Kon napsu hajat rakan nyang salah Barangsoe kaphe han jimeuiman Amai jih dum nyan abeh meuruah Amai jih abeh bandum sayang that Uroe akhirat rugoe sileupah", "Hai ureueng mukmin ‘oh taseumbahyang Phon-phon beu rijang mukateuh tarhah Tarhah lom jaroe beu troh bak singkee Tasampoh ulee teuma beu basah Tarhah lom gaki beu troh bak gatok Ban peut nyan tacok han jeut takeubah Meunyo meujunub beudoh jak manoe Meu saket teuh nyoe jeut laen ulah Atawa gata teungoh musaphee U kakoh lagi teuma talangkah Atawa teupeh ngon ureueng inong Teuma ie pih tan hana meurimbah Ka leuh tamita teuma hana ie Nyan jeut hana peue tatayammom bagah Dhoi tanoh nyang got tasampoh muka Ngon jaro gata pih bandua blah Hana meunapsu Allah Taʻala Meularat gata na jeut keu susah Tapi meunapsu mangat gleh gata Lom seumpurna nikmat bak Allah Nikmat keu gata mangat tachuko", "Sabe bek teuwo keu nikmat Allah Taingat nikmat Neubri keu gata Janji ngon gata masa nyang sudah Watee nyan takheun kamoe deungo that Lom kamoe taʻat turot peurintah Teuma takwa gata keu Tuhan ‘Eleumee Tuhan leupah that luah Peue nyang lam dada bandum Neuteupue Hana meusapeue pih na meuilah", "Hai ureueng mukmin beu teutap ate Tapubuet sabe kareuna Allah Tadong keu saksi gata beu ade Bek jeut keu pake dum hamba Allah Bek sabab beunci gata keu kawom Watee tahukom ka roh meusalah Ka hana ade hukom di gata Tahukom teuma beu ade leupah Meu gata ade toe ngon takwa Teuma takwa gata keu Allah Tuhan Neuma‘lum peue nyang tapubuet Hana meubacut pih na meuilah s", "Tuhan Neujanji keu ureueng mukmin Amai ureueng nyan pih jroh sileupah Neubri amponan Allah Taʻala s Neubri lom pahla raya that leupah", "Teuma si kaphe nyang han tem pateh Ayat dum meuceh jipeugah salah Jipeugah sulet dum ayat Kamoe Bandum jih asoe nuraka juah", "Hai ureueng mukmin beu na taingat Keu gata nikmat Neubri le Allah Watee kawom nyan ka jitang jaroe Gata jikiloe jimeupoh beukah Teuma jaroe jih Neumat le Tuhan Han ek jipadan gata jikeubah Teuma takwa gata keu Tuhan Ureueng meuiman jok droe bak Allah", "Dilee di Tuhan ka Neumeujanji Bani Israil janji ngon Allah Ka Kamoe pileh lam kawan jih nyan Na duablah droe ureueng meutuah Tuhan kheun di Lon sajan ngon gata Teuma meu gata turot peurintah Pubuet seumbahyang tabri ngon zakeuet Taiman meuhat keu Rasul Allah Bandumna Rasul tapeumulia F Peuutang teuma tabri keu Allah À Peuutang Tuhan deungon buet nyang jroh Nyan bit Lon teuboh dum buet nyang salah Buet nyang hana got dum Lon peuampon Lon peutamong lam churuga indah Te krueng dum ile di yup churuga Nyang kaphe teuma sisat that leupah í Soe-soe nyang kaphe ‘oh lheuh nyan teuma Ka'keuh jiraba jalan nyang salah Sisat di jih bak jalan nyang teupat", "Sabab khianat janji ngon Allah Sabab jiubah janji nyan di jih Kamoe laknat jih Neukheun le Allah Kamoe peujeuet lom ate jih batat Jibalek ayat jiubah-ubah Narit lam kitab jituka-taki Tan teuingat le peue geupeurintah Ka geupeuingat di jih yoh dilee Jinoe meuteuntee teuwo jih sudah Jinoe takalon awak nyan sabe Khianat ate jipubuet salah Na meupadum droe nyang kon lagee nyan Teuma bandum nyan beu tapeumeuʻah Tapeuhah ate teuh keu awaknyan Ureueng got meunan galak that leupah Tuhan Neugaseh ureueng pubuet got", "Awak nyan meuhat cit sabe salah Awak nyang jikheun kamoe Nasara Ladom jih teuma janji ngon Allah Lheuh Kamoe janji teuwo jih teuma Nyang ladom nyang na ka Iheuh geupeugah Teuwo jih teuma Iheuh geupeuingat Kamoe peusisat treuk jih lam salah Meumusoh-musoh sabe keudroe-droe Beungeh barangsoe ate jih marah Sampoe ‘an uroe kiamat donya Sipheut jih hana meuubah-ubah Teuma peue nyang ka jipubuet le jih Neupeudeuh bak jih teuma le Allah", "Hai ahli kitab ka troh bak gata Rasul Kamoe ba peutroh peurintah Geujak peunyata geukheun bak gata Le that rahsia nyang ka taubah Le that ka tasom atra lam kitab Teuma le cit that ka geupeumeu‘ah Cahya bak Tuhan ka troh bak gata Kitab nyang nyata Neubri le Allah", "Tuhan peutunyok deungon kitabnyan Soe ikot jalan nyang rila Allah Jalan seulamat ngon meubahgia Neubri keu gata trang meujeureulah Neupeuteubiet teuh bak seupot suklip Nyoe ka trang keubit ngon izin Allah Neupeutunyok bak jalan nyang teupat", "Di kaphe meuhat jalan jih salah Jikheun Al-Masih aneuk Mariyam Jipeugah Tuhan jikheun nyan Allah Soe nyang kheun meunan meuhat jih kaphe Takheun meu mate soe keumeung bantah Meunyo Al-Masih Neupeubinasa Mariyam juga Neumeung peutewah Ngon asoe donya bandum binasa Soe nyang ek peubla meunyo buet Allah Han ek jitulak le barangkasoe Langet ngon bumoe keurajeun Allah Peue nyang antara langet ngon bumoe Bandum sinaroe hana meuubah Neupeujeut dumpeue peue nyang h‘eut Tuhan Dumpeue cit Tuhan kuasa leupah", "Kheun si Yahudi ngon si Nasara Kamoe aneukda geunaseh Allah Takheun pakon cit Neuazeub gata Sabab le dacha tapubuet salah Tapi gata dum pih manusia Bandum teuh hamba peuneujeut Allah Neuampon dacha got pih Neuazeub Soe-soe nyang meuh‘eut Neuh buet Potallah Langet ngon bumoe got antaranyan Bandum atra nyan keurajeun Allah Bandum teuh tawoe ubak Hadharat", "Hai ahli kitab deungo Lon peugah Hai ahli kitab ka troh Kamoe ba Rasul bak gata geume peurintah Trep hana rasul bak saboh masa Takheun le sigra hana peurintah Tan troh bak kamoe soe ba beurita Got pih nyang suka got pih nyang susah Teuma nyoe ka troh nyang ba beurita Beurita suka beurita susah Soe nyang pubuet got beurita suka Nyang jeuheut teuma beurita susah Teuma cit Tuhan Maha Kuasa Bandum peukara Kuasa Allah", "Yoh masa geukheun bak kawom Musa Le Nabi Musa dilee geupeugah Wahe kawomlon beu na taingat Keu gata nikmat Neubri le Allah Neupeujeut Nabi lam kawan gata Ngon raja-raja nyang mat peurintah Lom pih le Tuhan keu gata Neubri Nyang han tom Neubri masa nyang sudah Nyang han tom Neubri keu ureueng laen Keu gata meucen Neubri le Allah", "Wahe kawomlon tatamong keunan Dalam nanggroe nyan nyang suci leupah Tuhan peuteutap sinan keu gata Bek le tagisa ho laen arah Meunyo tasurot rugoe that gata", "Jikheun hai Musa peue roe tapeugah Di sinan kawom gagah perkasa Han meutem teuka keunan meulangkah Meu goh jiteubiet awak nyan sinan Di kamoe pih han keunan meulangkah Meu ka jiteubiet kamoe meutamong Meunan nyang keunong bandum jipeugah", "Geumarit teuma dua droe ureueng Lam kawan: jih nyan ureueng meutuah Takot keu Allah bandua gopnyan Nikmat keu gopnyan Neubri le Allah Geukheun tatamong laju bak pinto Awak nyan talo laju meunyerah Gata nyang meunang Neubri le Tuhan Tajok droe keunan ubak Potallah Tawakai gata bandum bak Tuhan Meunyo na iman gata keu Allah", "Hai Musa teuma seuot awaknyan Han meutem keunan kamoe meulangkah Han meutem tamong barangjan keunan Meu mantong sinan awak nyan gagah Tajak leh gata ngon Tuhan gata Tameuprang dua gata ngon Allah Di kamoe sinoe bah meuduek mantong Gata nyang carong tajak leh bagah", "Kheun Musa teuma wahe Tuhanku Han jitem bantu lon nyoe pakrì bah Cit lon nyoe sidroe deungon aduen lon Nyang laen bandum han jitem langkah Neupeungkleh kamoe deungon kawom nyan Keubit awak nyan pasek sileupah", "Neukheun nanggroe nyan hareum peuet ploh thc Ateuh awak nyan han jeuet jisinggah Bah le meuwot-wot jih ateueh bumoe Jijak ngon jiwoe bingong sileupah Teuma di gata bek putoh asa Bah kawom gata pasek that leupah", "Tapeugah teuma ubak awaknyan Hai aneuk Adam dilee nyang salah Dua droe aneuk di Nabi Adam Geujok keureubeun Neuyue le Allah Teuma nyang sidroe ka Neuteurimong Sidroe treuk keunong atra nyang salah Han Neuteurimong teuma le Tuhan Beungeh jih yoh nyan teuma that leupah Jikheun bak adoe kupoh beu mate Hana sayarig le di lon nyoe keu kah Jiseuot adoe teuma di Tuhan Nyang Neuteurimong nyang hana salah Nyang bit takwa tajok keureubeun Meunan keuh Neukheun uleh Potallah", "Meutatang jaroe tapoh mate lon Teuma jaroe lon han keuh lonbalah Han lon poh gata yo lon keu Tuhan Nyang Po dum alam kuasa leupah", "Napsu lon gata tawoe ngon dacha Lon deungon gata lon pubuet salah Teuma jeut gata asoe nuraka Allah Taʻala meunan Neubalah Soe-soe nyang lalem akhe ceulaka", "Napsu jih teuma han ek jibantah Jikheun le napsu jipoh chedara Jipoh le sigra mate meudarah Raya that rugoe di jih nyan teuma Jipoh chedara ngon hana salah", "Teuma Neukirem gagak le Tuhan Jijak ticem nyan bak bumoe Allah Deungon gakijih jikreh tanoh Jimeung peuleumah pakriban ulah Pakri jitanom adoe jih mate Nyawong hana le ho jime beukas Oh ban jikalon jikheun le meunoe Ceulaka lon nyoe han sapeue keumah Pakon han di lon lonpeugot meunoe Lagee ticem nyoe lon tanom beukas Oh lheuh jitanom meunyesai teuka Han le meuguna ‘oh dudoe teulah", "Sabab nyan teuma Kamoe peuwajeb Hanajan meutrep Kamoe peurintah Bak cot Israil Kamoe kheun rijang Soe nyang poh rakan ngon hana salah E Kon na jipoh gop kon na buet jeuheut Jipoh keu dochat atejih marah r Nyan sa ngon jipoh dum manusia Ban saboh donya mate meudarah Teuma barangsoe peuudep rakan Bah sidroe insan nyang jipeuleupah Sang jipeuudep dum manusia Ban saboh donya seunang sileupah E Ka teuka bak jih dum rasul Kamoe Geujak peureunoe beuna ngon salah A Teuma le cit that lam kawan jih nyan Dudoe nibak nyan jipubuet salah Jipubuet salah sinoe di bumoe", "Teuma bandum nyoe akan Neubalah d Soe nyang prang Tuhan ngon Rasul Tuhan Di bumoe Tuhan jipubuet salah 2 Nyan geupoh mate balah keu jih nyan Got pih geuteupang keu jih geubalah Got geukoh jaroe gaki geusilang í Got pih geubuang bak bumoe Allah Meunan jih ayeb sinoe di donya Oh dudoe teuma azeub sileupah 7 Ayeb di donya lom di akhirat ‘Azeub raya that Tuhan Neubalah", "Meulengkan ureueng nyang jitem tobat Sigohlom neukat hukom ka leupah Gohlom tahukom awai jitobat r Beu tateupue that Tuhan Pemurah Tuhan Pengampon ngon Geumaseh that Soe nyang tem tobat Neuampon bagah d", "Hai ureueng mukmin takwa keu Tuhan Tamita jalan beu rap ngon Allah Beu na tajihad bak jalan Tuhan í Gata jeut teuman bahgia leupah r", "Teuma si kaphe sangkira di jih Bandum atra jih lam bumoe Allah Sidumnan teuma jimita laen Jiteuboh ngon nyan droejih nyang salah Bek keunong azeub uroe kiamat Han cit Hadharat Neutueng keu upah Bah sidumnan le han Neuteurimong Azeub jih keunong peudeh sileupah", "Napsu jiteubiet nibak nuraka Han ek keulua han soe peuleupah Azeub keu jih nyan lam keukai sabe Hana teubiet le lam apui mirah", "Hukom pancuri beu takoh jaroe Lakoe got binoe hana meuubah Agam ngon inong hukoman saban Nyan keuh balasan jipubuet salah Meunan keuh balah ateuh buet jih nyan Nyan keu hukoman Neubri le Allah Teuma cit Tuhan Maha Perkasa Lom bijaksana areh that leupah", "Meunyo jitobat lheuh salah jih nyan Buet jih ‘oh lheuh nyan ka got sileupah Nyan Neuteurimong tobat le Tuhan Tuhan Pengampon lom that Pemurah", "Peue teuma gata hana tateupue Langet ngon bumoe keurajeun Allah Soe-soe nyang kheundak Neuh jeut Neuazeub ; Soe-soe nyang meuh‘eut Neuh ampon salah Tuhan kuasa ateuh barangpeue Hana meusapeue pih na meusalah", "Wahe ya Nabi bek susah ate Jitamong kaphe dum bagah-bagah Awak nyan jikheun droe jimeuiman Tapi meuiman di jih bak babah Dalam atejih hana meuiman Nyan jeut keuh meunan jikaphe bagah Ladom Yahudi pih na cit teuma Nyang deungo haba sulet sileupah Galak jideungo haba gop laen Ubak gata han jitanyong nyang sah Jibalek haba kon ube teupat Nyang kon bak teumpat haba jipeugah Jikheun meunyo nyoe geuba bak gata Teurimong lanja lagee geupeugah Meunyo kon meunan teuma nyang geuba Beu ingat gata mangat bek salah 7 Meunyo cit Tuhan Neumeung peusisat Barangsoe meuhat han ek jibantah Hana kuasa talawan Tuhan Awak nyan meunan ka kheundak Allah Han Neumeung peugleh ate awaknyan Nyan jeut keuh meunan di jih lam salah Í Ayeb awak nyan di dalam donya ‘Oh dudoe teuma azeub that leupah Azeub that raya uroe akhirat", "Jideungo that-that haba nyang salah h Haba nyang sulet jideungo that-that Nyang hareum meuhat jipajoh bagah Teuma meu jijak keunan bak gata Í Tahukom sigra beuna ngon salah Jeut cit tapaleng han tapeuduli Adak jibeunci pih hana hilah Han ek meularat keu gata jibri Han tapeuduli han jeut keu salah Meunyo tahukom hukom nyang ade d Bek jeut keue pake jih banduablah", "Pakri jilakee hukom bak gata Bak droejih cit na nyan Kitab Allah Lam kitab Taurat na hukom Tuhan Teuma ‘oh Iheuh nyan jipaleng sudah Bandum awak nyan hana meuiman", "Nyang Kamoe peutron cit got sileupah Meupeutron Taurat peutunyok Kamoe Cahya lom jih nyoe hu meujeureulah Dum nabi-nabi cok hukom sinan Bandum ureueng nyan jok droe bak Allah Geupeugah hukom dum keu Yahudi Nyoe hukom Rabbi bek na meuilah Imum-imum jih deungon pendeta Geuyue plihara dum Kitab Allah Awak nyan dudoe bandum keu saksi Kitab ka Neubri pakon ek salah Bek yo neuh teuma keu manusia Takot le gata keu Lon nyang Allah Lom bek tapeubloe ayat-ayat Lon Bek tatueng keu yum leupah that murah Teuma barangsoe han jitem hukom Ban nyang Neupeutron hukom le Allah Awak nyan kaphe beu na taingat", "Teuma lam Kitab ka Kamoe peugah Soe nyang cok nyawong nyawong keu bela Mata ngon mata ‘oh geutueng balah Idong ngon idong meunan geulinyueng Balah geulinyueng bek jeut keu salah Igoe ngon igoe luka ngon sayeum Meunan hukoman Neubri le Allah Teuma barangsoe seudeukah jibri Hana jisudi han jitueng balah Nyan jeut tebusan keu dacha jih nyan Sabab jih seunang jibri seudeukah Teuma barangsoe han jitem hukom Ban nyang Neupeutron hukom le Allah Awak nyang lalem jielanya droe", "Teuma ‘oh dudoe lom Kamoe peugah Meukirem Isa di likot jih nyan Aneuk Mariyam geunaseh Allah Peue nyang na bak jih di dalam Taurat Bandum beuna that teuma geupeugah Nan Kitab Injil meubri keu gopnyan Dalam kitab nyan peutunyok Allah Cahya lom sinan taeu meukilat Peue nyang lam Taurat meunan geupeugah Sinan peutunyok deungon nasehat Keu bandum umat takwa keu Allah", "Teuma geuhukom le ahli Injil Meunan cit lagi nyang tron bak Allah Peue nyang lam Injil ka Tuhan peutron í Meunan geuhukom bek na meusalah Teuma barangsoe han jitem hukom Ban nyang Neupeutron hukom le Allah Awak nyan pasek beu na taturi Nyang hukom Rabbi ka jipeusalah", "Teuma di Kamoe peutron keu gata Kitab nyang beuna nyang Kamoe peugah Peue nyang na dilee dum dalam kitab Bandum beuna that sinan geupeugah Jeut keu ukuran teuma kitabnyan Tahukom meunan Neuyue le Allah Peue nyang Neupeutron meunan taikot Bek tapeuturot napsu seurakah Bek tapeuturot napsu awaknyan Di jih roe cit han lagee yue Allah Di jih han jitueng meunyo nyang beuna Di gata teuma deungo Lon peugah Keu gata Kamoe peugot atoran Cara ngon jalan nyang bek roh salah Meunyo Neukheundak teuma le Tuhan Bandum teuh rakan hana meupisah Neupeujeut bandum teuh saboh umat Tapi hikeumat cit na bak Allah Neuuji gata bak peue nyang Neubri Neukalon pakri tapeugot ulah Teuma meulet-let bak buet nyang got-got ‘Oh dudoe meuhat tawoe bak Allah Bandumna gata cit keudeh tawoe Takalon keùdroe beuna ngon salah Pete nyang tapeugah dum macam-macam Dudoe le Tuhan cit Neupeuleumah", "Teuma tahukom dum hai awaknyan Lagee Neupeutron hukom le Allah Napsu awak nyan bek tapeuturot Beu na tatakot jiba bak salah Hukom nyang Tuhan peutron bak gata Cit jiusaha mangat taubah Meunyo jipaleng han jitem pakoe Nyan beu tateupue hikeumat Allah Neumeung bri bala ateuh awaknyan Sabab awak nyan jipubuet salah Le that nyang pasek dum manusia", "Hukom jimita peue jahiliyah Peue jahiliyah hukom jimita Hukom nyang Esa di jih jikeubah Peue na leubeh jroh nibak hak Tuhan Hukom nyang laen nyang leubeh indah Meunyo bak ureueng yakin meuiman Hana nyang laen nyang leubeh indah", "Hai ureueng mukmin bek cok keu wali Awak Yahudi nyang musoh Allah Meunan pih teuma awak Nasara Bah jih nyan dua nyang pubuet salah Di jih jiwali sabe keudroe jih Di gata bek jih tueng keu khaliphah Barangsoe nyang cok jih nyan keu wali Ka saban sakri hana meuubah Saban cit ngon jih teuma ureueng nyan Meu jicok jih nyan jeut keu khaliphah Han Neupeutunyok teuma le Tuhan Ureueng nyang lalem elanya leupah", "Taci keuh kalon awakjeh teuma Peunyaket ka na di jih jikeubah Dalam atejih ka na peunyaket Jijak meulet-let meubagah-bagah Ubak Yahudi ubak Nasara Keunan jiteuka jijak meusiblah Jikheun di kamoe meutakot talo Kamoe pih anco keunong musibah Mudah-mudahan Tuhan bri meunang Atawa Tuhan hana Neupeugah Putosan Tuhan hana tateupue Awak nyan dudoe meunyesai teulah Peue nyang lam ate jisom barokon ‘Oh ban jikalon meunyesai teulah", "Teuma geukheun le ureueng meuiman Peue roe awak nyan nyang ka meusumpah Meusumpah keubit jijak ngon gata Luroh sigala amai jih sudah Keubit awak nyan hana meulaba Akhe keunira rugoe that leupah", "Hai ureueng mukmin soe-soe nyang murtad Agama meuhat di jih jikeubah Di jih nyan teuma lam kawan gata Teuma cit teuka laen kaphilah Tuhan peuteuka kawom nyang laen Nyang gaseh Tuhan gopnyan Neupeugah Di ureueng nyan pih gaseh keu Tuhan Keu ureueng mukmin gopnyan meurendah Tapi ngon kaphe gopnyan kreuh that-that Laju geujihad bak jalan Allah Hana teumakot geuh keu jicaci Jikheun barangkri gopnyan jipeugah Atranyan teuma karonya Tuhan Keu soe h‘ʻeut Tuhan Neujok nyan bagah Maha luah that ‘eleumee Tuhan Dum seukalian Neuteupue sudah", "Nyang jeut keu wali di gata bandum Allah ngon Rasul utusan Allah Laen nibaknyan ureueng meuiman Nyang tem seumbahyang han tom geukeubah Geutem bri zakeuet taʻat keu Tuhan Geupubeut rijang peue nyang peurintah", "Soe nyang cok Tuhan di jih keu wali Meunan pih nabi nyang rasul Allah Meunan pih bandum ureueng meuiman Keubit nyang meunang pasukan Allah", "Hai ureueng mukmin bek tueng keu wali Awak nyang ungki agama Allah Jih ahli kitab sigohlom gata Agama gata jikheun beurakah Jipeuwayang ngon jiulok-ulok Jih nyan bek tacok jeut keu khaliphah Lom awak kaphe saban cit meunan Meu gata mukmin takwa keu Allah", "Meunyo tameuhoi tayue seumbahyang Cit jipeuwayang jimaen ulah Sabab awaknyan kawom nyang jahe Hana jipike ngon akai ceudah", "Takheun le gata bak ahli kitab Pakon beungeh that kamoe tamarah Peue sabab kamoe iman keu Tuhan Ngon kitab Tuhan Neupeutron sudah Peue nyang Neupeutron keunoe bak kamoe Dilee ngon jinoe bandum peurintah Le that nyang pasek lam kawan gata", "Takheun peue teuma tango lon peugah Na nyang leubeh brok balah nibak nyan Laknat bak Tuhan jih keunong marah Na nyang Neupeujeut keu bue ngon keu bui Dijih ranbalui cit nyang jiseumah Jiseumah thaghut patong berhala Teumpat jih teuma cit brok that leupah Nyan keuh awaknyan nyang leubeh sisat Jalan nyang teupat di jih jikeubah", "‘Oh watee jijak keunan bak gata Meuiman sigra di jih jipeugah Watee jitamong di jih cit kaphe Jiteubiet kaphe cit hana ubah Bandum Neuteupue teuma di Tuhan Peue nyang jisom nyan abeh Neupeuhah", "Takalon le that nibak awaknyan Meulet-let keunan bak buet nyang salah Bak dacha ngon bak meumusoh-musoh Atra jipajoh pih hareum leupah Jeuheut that keubit nyang jipubuet nyan", "Peue imum jih nyan hana jiteugah Peue hana jitham jih le pendeta Narit meudacha teubiet lam babah Jipajoh hareum keubit that jeuheut Bandum jipubuet nyang brok sileupah", "Teuma Yahudi jikheun lom meunoe Meuikat jaroe Tuhan jipeugah Allah Taʻala jaroe meurante Keubit si kaphe narit that salah Jaroe jih teuma nyang ka meurante Neulaknat lagi jih nyan le Allah Sabab narit jih ka keunong laknat Tapi Hadharat jaroe Neuh teuhah Jaroe Neuh teuleung hana meuikat Ban-ban nyang hajat Neubri napakah Teuma awaknyan meutamah batat ‘Oh jieu nikmat Neubri le Allah Maken le Neubri keu gata nikmat Make leubeh that di jih buet salah Maken meutamah jih darohaka Jikaphe pih ka meutamah-tamah Kamoe peujeut treuk meumusoh-musoh Sabe keudroe jih meumarah-marah Sampoe ‘an teuka uroe kiamat Meumusoh that-that hana meuubah ‘Oh jipeuudep apui jimeuprang Neupeulon rijang apui le Allah Teuma lam bumoe jipubuet fased Jipubuet jeuheut sabe lam susah Hana Neugaseh teuma le Tuhan Nyang fased meunan han galak Allah", "Meunyo meuiman dum ahli kitab Takwa lom meuhat di jih keu Allah Nyan Kamoe teuboh bandum dacha jih Meupeutamong jih lam keubon indah Meupeutamong jih dalam churuga", "Meu jitem baca lom kitab Allah Taurat ngon Injil meu jitem baca Jipubuet sigra lagee peurintah Peue nyang Neupeutron bak jih le Tuhan Jipubuet rijang hana jibantah Meu jitem meunan meubri makanan Di ateuh jih nyan cit Kamoe ruah Di yup gakijih pih na makanan Lam kawan jih nyan na nyang meutuah Na roe nyang seudang udep jih teupat Teuma nyang le that nyang buet jih salah", "Hai gata rasul tapeuroh rijang Peue nyang Neupeutron keunan le Allah Peue nyang Neupeutron keunan bak gata Meunyo han gata pih ka roh salah Hana tapeutroh risalah Tuhan Gata di Tuhan cit Neupeusiblah s Neujaga gata bak manusia Cit Neuplihra bek keunong hilah Han Neupeutunyok teuma di Tuhan Kawom kaphe nyan nyang le that salah", "Takheun le gåta bak ahli kitab Gata goh teupat pubuet peurintah Meu goh tapubuet lagee lam Taurat Ngon injil meuhat hana meuubah Nyang Tuhan peutron bandum keu gata Tapubuet sigra bek na tabantah Teuma awaknyan meutamah batat ‘Oh jieu nikmat Neubri le Allah Maken le Neubri keu gata nikmat Maken leubeh that di jih buet salah Maken meutamah jih darohaka Jikaphe pih ka meutamah-tamah Teuma di gata bek putoh asa Í Kaphe ceulaka cit musoh Allah ‘", "Ureueng meuiman akan Hadharat Yahudi sapat soe nyang meutuah Muallaf sapat Nasrani sapat Meunyo mupakat iman keu Allah Lom jimeuiman uroe akhirat Amai pih got that hana tom salah Ureueng nyan bandum teumakot han le Susah pih han le lam teunang leupah", "Ka Kamoe janji ngon cot Israil Rasul bak jih le meukirem bagah ‘Oh teuka rasul bak jih nyan meuhat Geujak peuingat bek pubuet salah Bek jipeuturot napsu jeuheut that Jikheun le ligat sulet sileupah Nyang ladom rasul jikheun sulet that Nyang ladom meuhat jipoh tan salah Dum jipoh mate nyang ladom meuhat", "Jisangka mangat han jeut keu salah Í Jisangka di jih hana jeut keupeue Buta ngon tuloe bandum jih sudah Hana musibah keu jih jisangka Jitobat teuma lakee bak Allah Tuhan teurimong tobat jih teuma Lheuhnyan lom buta jih hana ubah Nyang le jih teuma buta ngon tulo d Tuhanku sidroe Neukalon ulah k Peue nyang jih pubuet Tuhan deuh Neueu Hana meusapeue pih na meuilah", "Soe nyang kheun Allah Isa Al-Masih Ka keuh kaphe jih raya that salah Kheun treuk Al-Masih aneuk Mariyam Wahe dum rakan taseumah Allah Hai cot Israil Allah Tuhanlon Tuhan gata dum nyan nyang taseumah Soe peucharikat Tuhan ngon laen Hareum keu jih nyan churuga indah Tuhan peuhareum keu jih churuga Tapi nuraka keu jih geukeubah Sinan keuh teumpat ureueng nyang lalem Hana soe tulong meularat leupah", "Soe nyang kheun Allah Tuhan nyang keu lhee Kaphe ka teuntee ureueng`\\nyan sudah Nyang keubit Tuhan Tuhan nyang Esa Laen dum hana nyang jeut taseumah Teuma meunyo jih hana jipiyoh Í Jikheun cit sunggoh lagee jih peugah Nyan teuntee keunong bak bandum kaphe í Azeub bukon le peudeh that leupah Cit le nyang kaphe lam kawan jih nyan", "Boh pakon jih han tobat bak Allah Boh pakon jih han jilakee ampon 3 Tuhan Pengampon lom that Pemurah", "Kon roe Al-Masih aneuk Mariyam Meulengkan gopnyan utusan Allah Lagee dum rasul masa dileekon Teuma ma gopnyan pih beuna leupah Bandua gopnyan pajoh makanan Taeu pakriban nyang Kamoe peugah Cit Kamoe peutrang ayat dum bak jih Taeu pakri jih jeut keu roh salah", "Takheun peue bandum nyang gata seumah k Peue hana leumah nyan bukon Allah Han ek keu gata jibri meularat Jibri munaphaʻat pih han ek hilah Teuma di Tuhan Neudeungo dumpeue Ņeuteupue dumpeue hana meuilah", "Takheun le gata bak ahli kitab Bek roe leupah that narit hana sah Dalam agama bek roe leupah that Hana le teupat meunyo that leupah Bek tapeuturot napsu kawomnyan Dilee cit jih nyan ka sisat leupah Dumna le ureueng ka jipeusisat Bak jalan teupat di jih ek salah Bak jalan nyang got di jih ka sisat", "Ka keuh Neulaknat dum jih le Allah Bani Israil nyang ka jikaphe Neulaknat sare jih nyan le Allah Daod ngon Isa aneuk Mariyam Ngon lidah gopnyan laknat Neupeugah Sabab awaknyan ka darohaka Ngon lalem raya jipubuet salah", "Hana jitham-tham bak buet nyang jeuheut Bandum jipubuet nyang brok sileupah", "Takalon le that nibak awaknyan Jitulong mulong ngon kaphe jadah Brok that jikeubah amai keudroe jih Nyan keuh awak jih beungeh that Allah Keukai lam azeub di jih di sinan", "Meunyo jiiman han roe jih salah Tuhan ngon nabi meunyo jiiman Lom nyang Neupeutron bak nabiyullah Teuntee han jitueng kaphe keu wali Sabab di nabi ka lheuh neupeugah Tapi nyang le that nibak awaknyan Hana meuiman pasek that leupah", "Nyang leupah musoh keu ureueng mukmin Keubit takalon Yahudi jadah Sabe ngon muchrek kaphe harbi Awak Yahudi hana meuubah Teuma takalon nyang laen lagi Awak Nasrani droejih jipeugah Di jih leubeh toe ngon ureueng mukmin Silatur rahim han that meupisah Sabab na raheb dalam kawan jih í Pendeta di jih pih na jikeubah (QUZ 7) Awaknyan teuma hana teukabo d Han that jitajo bak buet nyang salah", "(Watee geudeungo peue nyang Neupeutro) Bak rasul Tuhan geumoe le bagah Teujoh ie mata sabab geuteupue i Beuna atranyoe tron nibak Allah Teuma geukheun le meuiman kamoe Hai Tuhan kamoe peue nyang Neupeugah Í Neutuleh kamoe lam kawan saksi Peue beuna nabi nyang ba risalah", "Boh pakon teuma han meu meuiman f Atra bak Tuhan beuna that leupah Beu Neupeutamong napsu that kamoe Le Tuhan kamoe bak teumpat indah Í Ngon ureueng saleh kamoe beu sapat", "Teuma Hadharat laju Neubalah Peue nyang geulakee Neujok le sigra Dalam churuga keunan Neukeubah Ile deungon krueng di yup churuga Sipanyang masa seunang sileupah f Meunan keuh balah ureueng pubuet got Churuga teumpat Neubri le Allah", "Teuma nyang kaphe keu ayat Kamoe y Jikheun ayat nyoe sulet that leupah Nyan keuh awaknyan asoe nuraka Hana soe bela saket sileupah", "Hai ureueng mukmin bek tapeuhareum Nyang haleue bandum Neukheun le Allah Lom pih bek gata pubuet elanya Soe nyang elanya han gaseh Allah", "Tapajoh laju bandum raseuki Nyang ka Tuhan bri haleue sileupah Barang nyang haleue nyan keuh nyang got-got Lom gata beu that takwa keu Allah Ka tameuiman gata keu Tuhan Takwa yohnyan bek na meuilah", "Hana meudacha teuma di gata Meu kon tasaja ka tameusumpah Teuma di Tuhan Neuhukom gata Meunyo tasaja keubit meusumpah Meunyo nyang meunan payah tateuboh Tamita siploh ureueng nyang susah Ureueng nyang gasien mita siploh droe Makanan keunoe tajok kifarah Tabri makanan saban ngon keudroe Keu famili droe tabri napakah Atawa teuma tabri pakaian Akan ureueng nyan pakaian sudah Atawa namiet tapeumerdeka Meu han kuasa teuma jeut mudah Jeut tapuasa Ihee uroe mantong Meunan geuhitong kifarat sumpah Teuma tajaga dum sumpah gata Allah Taʻala meunan Neupeugah Meunan Neupeutrang keu gata ayat Mangat gata that chuko keu Allah", "Wahe dum mukmin arak ngon judi Got takhanduri bak patong jadah Got tatop taroh bak mata leumbeng Bandum atranyan larangan Allah Nyan keuh buet chetan dacha raya that Peujioh ligat mangat bek salah Mudah-mudahan gata bahgia Allah Taʻala akan Neubalah", "Meukeusud chetan jimeung peupake Peusaket ate gata nak salah Meu tajep arak ngon tameujudi Ate lam dengki tamita ilah Jitham lom gata ingat keu Tuhan Bek taseumbahyang taingat Allah Teuma peue gata tatem peujioh Jinoe tapiyoh bek le buet salah", "Taʻat keu Tuhan taʻat keu rasul Bandum takabui peue nyang peurintah Teuma tajaga bek roh tabalek Meunyo tabalek droeuteuh nyang susah Meunyo tabalek nyan beu tateupue Di rasul Kamoe ka Iheuh geupeugah Di rasul Kamoe ka lheuh geupeutroh Ngon sunggoh-sunggoh beuna ngon salah", "Ureueng meuiman lom geupubuet got Makanan pih got hana meusalah Hana jeut keupeue ateuh ureueng nyan Pajoh makanan ‘oh lheuh geuulah Asai takwa gopnyan keu Tuhan Lom geumeuiman lagee yue Allah Bandum buet nyang got nyang geukeurija Lheuhnyan geutakwa iman keu Allah Lheuhnyan geutakwa geupubuet ihsan Buet keubajikan cit le that leupah Tuhan Neugaseh ureueng pubuet jroh Hana meusaboh pih na nyang salah", "Wahe dum mukmin Tuhan Neucuba Berburu gata hana that payah Tadrop ngon jaroe tatop ngon leumbeng Bandum binatang nyang na phaedah Mangat meuri soe takot keu Tuhan Bah azeub Tuhan hana lom leumah Barangsoe lalem teuma jih Iheuhnyan Azeub keu jih nyan peudeh that leupah", "Hai ureueng mukmin bek berburuan Meu gata ihram di tanoh Makkah Soe nyang jisaja jilet binatang Ka mate rijang jidrop jireupah Balasan di jih jibayeu deunda Leumo ngon unta kameng ngon kibah Beu na dua droe ureueng nyang ade Geuhukom miseue bek na meuilah Geuba bak kaʻ‘bah saban deungon dam Geusie di sinan beunayeue salah Atawa geubri teuma kifarat Makanan meuhat keu ureueng susah Keu ureueng gasien geubri kifarat Meunyo han meuhat han puleh salah Atawa teuma jeut geupuasa Uroe geukira padum napakah Lagee makanan keu ureueng gasien Saban deungon nyan puasa payah Atranyan bandum mangat jirasa Beuna keunira tapubuet salah Buet masa dilee hana geukira Allah Taʻala ka Neupeumeuʻah Meunyo tapubuet cit lom tagisa Allah Taʻala akan Neubalah Tuhan cit teuma Maha Perkasa Soe nyang meudacha meuhat Neubalah", "Haleu berburu binatang laot Takawe eungkot han jeut keu salah Peue nyang di laot jeuneh makanan Haleu atranyan Neubri le Allah Makanan mangat keu gata Neubri Ureueng musafer pih mangat leupah Teuma nyang hareum binatang darat Uleh Hadharat nyang nyan Neuteugah Han jeut berburu atranyan teuma Seulama gata ihram di Makkah Teuma takwa gąta keu Tuhan Dum seukalian bek na meuilah ‘Oh dudoe bandum teuh geupeusapat Ukeue Hadharat nyang Maha Murah", "Neupeujeut kaʻbah teuma le Tuhan Rumoh larangan suci that leupah Teumpat ibadat dum manusia Ban saboh donya keunan geuarah Lom buleun hareum ngon sie binatang Saban deungon dam jeut keu hadiyah Teuma galaid untuk bak takue Tanda untanyoe geujok bak kaʻbah Bandum atranyan mangat tateupue Tuhan Neuteupue beuna ngon salah Peue nyang di langet peue nyang di bumoe Bandum Neuteupue hana meuilah", "Beu na tateupue brat siksa Tuhan Teuma Pengampon ngon that Pemurah", "Wajeb bak rasul hanya geupeutroh Nyang teupue putoh cit sidroe Allah Nyang tapeuleumah got pih nyang tasom Neuteupue bandum ‘eleumee Allah", "Takheun han saban nyang brok ngon nyang got Bah le beu le that takalon salah Takalon nyang brok le that meunarek Atra meubalek kon ban nyang leumah Teuma hai ureueng nyang lhok pikiran Takwa keu Tuhan bek na meuilah Mudah-mudahan gata bahgia Allah Taʻala ka Iheuh Neupeugah", "Hai ureueng mukmin bek roh tatanyong Nyang han meukeunong watee geupeugah Meunyo geupeugah peue nyang tatanyong Gata jeut bingong meutamah susah Watee geupeutron ayat Qur'an Meunyo watee nayn tatanyong bagah Nyan cit geujaweub peue nyang tatanyong Nyoe teuma Tuhan ka Neupeumeu‘ah Tuhan Pengampon lom pih halim that Beu salah that-that pih Neupeumeu‘ah", "Yoh gohlom gata na saboh kawom ‘Oh Iheuh jitanyong teuma geupeugah ‘Oh lIhueh geupeugah teuma jikaphe Iman hana le kabeh jiruah", "Hana Neupeujeut hukom le Tuhan Unta gata nyan takheun bahirah Saibah hana wasilah hana Got kam pih hana Neuyue le Allah Jipeuna-peuna bandum le kaphe Jikheun dum sare Tuhan peurintah Le that awaknyan hana jipike", "Watee geupangge jiweh le bagah Watee geumeuhoi bak keubenaran Nyang ka Neupeutron sideh le Allah Meunan pih watee geuhoi bak rasul Han jitem kabui di jih jibantah Jikheun di kamoe ka sep lagee nyoe Le ayah kamoe dilee geukeubah Meunyo yah-yah jih tan meuphom sapeue Ka geupeulangue dum jih le ayah Hana peutunyok dum keu ureueng nyan Pakri ek seunang jiseutot ayah", "Hai ureueng mukmin jaga droe gata Bek that takira gop laen salah Gop laen sisat bek susah gata Asai di gata peutunyok Allah Han ek meularat jibri keu gata Bandum teuh teuma tawoe bak Allah Peue nyang tapubuet yoh masa dilee Bandum meuteuntee teuma Neupeugah", "Hai ureueng mukmin meunyo tawasiet Meu gata keubit na peue takeubah Ureueng nyang ade beu na dua droe Dalam kawan droeteuh hamba Allah Got pih dua droe ureueng nyang laen Meunyo di jalan gata musibah Meunyo cit mate gata di jalan Tatheun ureueng nyan wasiet tapeugah Tatheun ureueng nyan ‘oh lheuh seumbahyang Bandua gopnyan tayue meusumpah Meunyo chok gata ureueng nyan geukheun Demi nyo Tuhan kamoe meusumpah Kamoe nyoe hana meuteurimong yum Peue nyang kamoe kheun hana meusalah Beu that beu keunong chedara kamoe Famili kamoe han meupeusiblah Kamoe han meusom saksi keu Tuhan Sabab nyang meunan kamoe that salah Teuntee kamoe jeut ureueng meudacha", "Teuma meunyo ka ureueng nyan salah Ureueng nyan dua nyata meudacha Tagantoe sigra nyang laen bagah Dua droe laen nyang leubeh patot Teuma geuseubot kalimah sumpah Demi nyo Tuhan saksi kamoe nyoe Kon lagee beunoe saksi nyang salah Kamoe beuna that han meuelanya Sabab elanya raya that salah Meunyo roh kamoe pubuet elanya Jeut kamoe teuma lalem sileupah", "Nyan jeut leubeh toe saksi nyang beuna Bek peuna-peuna saksi beurakah Lom pih leubeh toe teumakot saksi Geutulak lagi nyang jimeusumpah Teuma takwa gata keu Tuhan Tadeungo sajan peue nyang peurintah Han Neupeutunyok teuma di Tuhan Meunyo kawomnyan pasek sileupah", "Uroenyan teuma Tuhan peusapat Keunan meuhadap dum rasul Allah Neutanyong teuma bak bandum rasul Peue na jikabui nyang gata peugah Seuot dum rasul hana meuteupue ‘Eleumee kamoe bacut that leupah Droeneuh nyang teupue sigala rupa Nyang hana nyata bak hamba Allah", "Watee bak Isa Neukheun le Tuhan Aneuk Mariyam deungo Lon peugah Ingat nikmat Lon Lonbri keu gata Deungon ma gata hana meuilah Lon peukong gata ngon roh nyang suci Meutamah lagi gata meutuah Di phon lam ayon ka jeut tamarit Yoh mantong ubit manyak sileupah Ka jeut tamarit ngon manusia Sampoe ‘an Tuhan hana meuilah Lon peureunoe lom kitab ngon hikmat Meunan pih Taurat kitab nyang sudah Ngon kitab Injil pih Lon peureunoe Laen nibaknyoe pih na lom tuah Tapeugot ticem nibak tanoh kliet Tabuliet-buliet tapruh tarajah Ka jeut keu ticem deungon izin Lon Jipo le lansong hana meupayah Buta ngon supak gata peuubat Izin Lon meuhat puleh le bagah Yoh tapeuteubiet mayet lam kubu Udep le laju ngon izin Allah Bandum tapubuet deungon izin Lon Teuma lom Lon tham Israil jadah Bani Israil jimeu poh gata Sabab tajakba keu jih peurintah Teuma hana troh meukeusud jih nyan Sabab ka Lon theun rijang le bagah Teuma kheun kaphe lam kawan jih nyan Sihe atranyan nyata that leupah Cit kon peue laen bandum nyan sihe", "Kamoe bri wahyu teuma le bagah Bak Hawariyyin Ulon bri wahyu Gata bek lunto iman keu Allah Taiman keu Lon ngon keu rasul Lon Teuma ureueng nyan meuiman bagah Kamoe meuiman gata keu saksi Kamoe jok diri keupada Allah Kamoe nyoe bandum awak Iseulam", "Aneuk Mariyam geukheun le bagah Wahe ya Isa aneuk Mariyam Hawariyyun kheun teuma geupeugah Ek Neutem peutron le Tuhan gata Keu kamoe nyang na saboh maidah Saboh hidangan sideh di langet Teuma neujaweub Isa Ruhullah Takwa gata bandum keu Tuhan Meunyo meuiman gata keu Allah", "Geukheun di kamoe napsu makanan Keu maidah nyan harok that leupah Lom mangat teunang ate dum kamoe Beuna atranyoe peue nyang Neupeugah Nak kamoe teupue atranyan beuna Jeut kamoe teuma keu saksi sudah", "Teuma kheun Isa aneuk Mariyam f Allah ya Tuhan Neubri maidah Idang di langet peutron keu hamba Jeut uroe raya seunang that leupah Jeut uroe raya keu bandum kamoe Keu ureueng dudoe pih jeut meukeubah Lom jeut keu ayat Droeneuh kuasa Neubri keu hamba napsu that leupah Neubri raseuki teuma keu kamoe Droeneuh keuh sidroe kuasa leupah Droeneuh sineujroh nyang bri raseuki", "Boh ka jeut Lon bri Neukheun le Allah Lon peutron idang teuma keu gata Teuma di gata bek le buet salah Meu soe nyang kaphe lam kawan gata ‘Oh lheuh keu gata Lon bri maidah Meuhat Lon azeub nyang that sengsara Nyang han tom nyang ka beu brat sileupah Hana meusidroe nyang lagee gata Nyang that Lon siksa sidumnan salah", "Watee bak Isa Neukheun le Tuhan Aneuk Mariyam peue na tapeugah Peue na tayue kheun bak manusia Gata bandua Tuhan kon Allah Gata ngon ma teuh takheun droe tuhan Geujaweub yohnyan Isa Ruhullah Maha Suci Droeneuh hana lon kheun Narit nyang kon-kon raya that salah Hana hak bak lon lonkheun naritnyan Meunyo na lonkheun Neuteupue sudah Peue nyang na bak lon dumpeue Neuteupue Di lon han meupeue peue nyang bak Allah Nyang Droeneuh pubuet hana lon teupue Droeneuh nyang teupue nyang hana leumah", "Hana lon peugah laen meusapeue Peue nyang Droeneuh yue nyan nyang lon peug Allah Tuhanlon ngon Tuhan gata Nyang nyan keuh saja nyang jeut taseumah Lon keuh keu saksi ateuh awaknyan Seulama mantong di lon areuwah Meunyo mantong lon sajan awaknyan Teuma ‘oh lheuh nyan pulang bak Allah Pulang bak Droeneuh meunyo mate lon Droeneuh ngieng keu lon bandum ya Allah Bandum awaknyan Droeneuh nyang jaga Dumpeue cit nyata bak Droeneuh teuhah", "Meunyo Neuazeub bandum awaknyan Teuma awaknyan hamba Neuh nyang sah f Meu Neupeuampon teuma awaknyan Droeneuh pih Tuhan nyang Maha Murah Droeneuh Perkasa ngon Bijaksana", "Allah Taʻala teuma Neupeugah Uroe nyoe untong ureueng nyang beuna Sabab jih beuna hana meusalah Teumpat ureueng nyan Neubri churuga Diyup churuga krueng dum meulimpah Keukai geuh sinan sipanyang masa Gopnyan Neurila bandum le Allah Gopnyan pih rila bandum keu Tuhan Í Nyan keumenangan nyang raya leupah", "Keurajeun langet keurajeun bumoe Bandum ngon asoe cit milek Allah Maha Kuasa Droeneuhnyan sidroe Ateuh barangpeue hana meuilah f"] }, { "chapter": 6, "versesCount": 165, "verses": ["Sigala pujoe milek Hadharat Nyang peujeut langet sidumnan luah Meunan pih bumoe Neupeujeut siat Tuhan Hadharat kuasa leupah Neupeujeut seupot Neupeujeut cahya Di kaphe teuma jibalek ulah", "Tuhan nyang peujeut gata bank tanoh Watee Iheuh timoh ajai troh langkah Ajai seuneulheuh ka na bak Tuhan Gata dum teuman chok teuh sit leupah", "Tuhan kuasa langet ngon bumoe Bandum Neuteupue beuna ngon salah Rahsia gata batin ngon lahe Neuteupue sare bandum le Allah Usaha gata bandum Neuteupue Hana meusapeue pih na meuilah", "Awaknyan teuma laju jipaleng Jijak ho laen watee geupeugah Dum ayat Tuhan ‘oh taba bak jih Teuma bandum jih jiweh le bagah", "‘Oh teuka bak jih nyang keubenaran Jikheun atranyan sulet sileupah Teuma akan troh balasan Tuhan Ulok-ulok jih bandum geupeugah Ulok-ulok jih yoh masa dilee Bandum meuteuntee akan geubalah", "Peue hana jieu padumna nyang ka Meupeubinasa sabab buet salah Padum angkatan dilee nibak jih Kamoe bri keu jih bumoe nyang luah Leubeh nibak nyang meubri keu gata Jeut jikuasa hana soe bantah Meubri lom ujeun teuka ie raya Je krueng dum raya peunoh meulimpah Di yup jih ie krueng bak tanoh rata Di jih cit nyata jipubuet salah Teuma sabab jih jipubuet dacha Meupeubinasa bandum le bagah Di likot jih nyan teuma meukirem Kawom nyang laen ka lheuh meukeubah", "Sangkira Kamoe peutron keu gata Meutuleh nyata ateuh keureutah c Jimat ngon jaro jikalon lahe Meuhat si kaphe meunoe jipeugah Kon roe peue laen jikheun le kaphe Atranyoe sihe nyata sileupah", "Jikheun lom pakon han malaikat Keunoe geuintat geupeutron bagah Meu Kamoe peutron cit malaikat Urusan meuhat ka abeh sudah Hana geupeupreh pih jih meusiat Binasa ligat hana peue peugah", "Meunyo cit rasul nyan malaikat Han deuh jilihat haloh sileupah Teuntee tan laen Kamoe peurupa Sang manusia agam nyang ceudah Meuhat jih ragu han le jituri Jeut teuma lagi laen jipeugah", "Padumna rasul sigohlom gata Bandum jipeukra jikheun beurakah Teuma meubalah meupeutron bala d Sabab jipeukra utusan Allah", "Takheun boh tajak leh dalam bumoe Takalon jinoe nyang pubuet salah Nyang peugah sulet rasul Hadharat Teuma akibat taeu pakri bah", "Takheun boh seupo dum asoe langet Bintang meublet-blet dum jai sileupah Meunan cit seupo dum asoe bumoe Takheun atranyoe dum milek Allah Ka Neupeuwajeb bak Droeneuh rahmat Keu bandum umat rahmat Neulimpah Bandum na gata cit Neupeusapat Uroe kiamat ukeu Potallah Hana peue tachok uroe kiamat Teuma rugoe that ureueng nyang salah Nyang han meuiman raya that rugoe", "Malam ngon uroe milek Potallah Peue nyang lam malam peue nyang lam uroe Bandum atranyoe cit milek Allah Dumpeue Neudeungo dumpeue Neuteupue Hana meusapeue pih na meuilah", "Takheun peue laen lon cok keu wali Peue nyang ek jibri meunyo kon Aflah Tuhan nyang peujeut langet ngon bumoe Makanan tanyoe Neubri le Allah Hana keu Tuhan tabri makanan Takheun Neuyue lon nyang phon meunyerah Neuyue lon phon-phon tamong Iseulam Jok droe bak Tuhan nyang Maha Murah Bek peuchrikat gata keu Tuhan", "Takheun lom di lon takot keu Allah Meu darohaka lon keu Tuhanlon Teumakot that lon azeub sileupah Bak uroe chik that lon takot azeub", "Nyang han geuazeub nyan gaseh Allah Nyang han Neuazeub teuma uroenyan Nyan keumenangan nyata that leupah", "Meunyo meularat Neubri keu gata Allah Taʻala hana soe peuglah Meulengkan Tuhan nyang peuglah gata Meunyo got teuma kuasa Allah Meunyo roh nyang got Neubri keu gata Tuhan kuasa hana peue peugah Ateuh barangpeue Tuhan kuasa", "Droeneuh Perkasa teuga sileupah Ateuh hamba Neuh Tuhan Perkasa Ngon bijaksana areh sileupah Tuhan that maʻlum sigala rupa", "Takheun toh teuma saksi nyang meugah Toh teuma saksi nyang raya that-that Nyan keuh Hadharat meunan tapeugah Tuhan keu saksi lon deungon gata Teuma sit nyata beuna ngon salah Nyoe keuh Qur’an Neuwahi bak lon Mangat jeut di lon haba lon peugah Jeut lon peuingat gata dum ngon nyan Meunan pih ureueng nyang troh risalah Peue teuma gata na taek saksi Na laen lagi Tuhan kon Allah Peue le takheun dum Tuhan nyang laen Takheun di lon han saksi nyang salah Han lon ek saksi di lon lagee nyan Takheun nyang Tuhan cit sidroe Allah Tuhan cit sidroe teuma bek roh lon Lam kawan ureueng nyang pubuet salah Kheun gata dumna charikat Tuhan Han roh lon keunan lagee tapeugah", "Awaknyan nyang ka Kamoe bri kitab Jiteupue meuhat atranyan sudah Lagi jituri aneuk-aneuk jih Teuma bandum jih rugoe that leupah Rugoe droe di jih han jimeuiman", "Boh teuma soe nyang lalem sileupah Jipeuna-peuna sulet keu Tuhan Dum ayat Tuhan pih jikheun salah Soe leubeh lalem nibak awaknyan Ureueng nyang lalem han keuh na tuah Hana bahgia ureueng nyang lalem", "Watee Kamoe reun bandum cit teuhah Watee uroenyan Kamoe peusapat Kamoe kheun ligat bak jih meupeugah Kamoe kheun bak jih nyang peucharikat Boh toh charikat keuh pat kakeubah Nyang kakheun dilee tuhan charikat", "Teuma laen that jaweub jipeugah Jikheun dum demi Allah Po kamoe Hana di kamoe meunan meupeugah Hana kamoe kheun tuhan charikat Keubit sulet that kaphe seurakah", "Taeu keuh pakri jipeusulet droe Jih keubit paloe sisat sileupah Peue nyang jipeuna yoh masa dilee Han meuho ente jinoe le sudah", "Na cit awaknyan nyang jak bak gata Jideungo haba peue nyang tapeugah Teuma Kamoe top dalam ate jih Ka keuh jeut di jih seureuba salah Kamoe boh sumpai bak geulinyueng jih Han deuh le di jih peue nyang geupeugah Adak jikalon dum ayat Tuhan Han cit jiiman kaphe seurakah Teuma ‘oh jijak keunan bak gata Jimeujak dawa peue nyang tapeugah Jikheun le kaphe nyan kon peue laen Meulengkan dongeng haba beurakah Atranyan dongeng dum ureueng jameun", "Jitham dum ureueng keunan geulangkah Di jih han jijak gop laen jitham Keubit that suwang kaphe seurakah Hana jithee droe jipeubinasa Kaphe ceulaka muruka Allah", "Adak meu taeu watee geuba jih Geupeudong dum jih bak apui mirah Watee nyan jikheun adak meu jeut roe Tanyoe geupuewoe bak asai liah Bek le tabantah dum ayat Tuhan Tanyoe meuiman bandum keu Allah", "Tapi ka keuh deuh peue-peue nyang jisom Masa dilekon bandum ka leumah Sangkira jih nyan keubit geupeuwoe Dalam donya nyoe meuhat jih salah Jiwoe lagee sot jipubuet dacha Keubit ceulaka jih sulet leupah", "Jikheun lom teuma tanyoe lam donya Udep ban nyang na seunang sileupah Hana geubangket geutanyoe bandum", "Adak takalon jih di keu Allah Adak nyang taeu ‘oh geupeudong jih Dikeu Tuhan jih teuma geupeugah Boh dum atranyoe kon nyo sibeuna Jiseuot teuma beuna that leupah Demi Po kamoe keubit nyo beuna Geukheun treuk teuma rasa treuk di kah Sabab yoh dilee di kah kakaphe", "Keubit that jahe rugoe sileupah Nyang peugah sulet uroe kiamat Rugoe raya that hanaban peugah Hana meureumpok tanyoe ngon Tuhan Jikheun haba nyan sulet sileupah Hingga ‘oh ban troh uroe kiamat Di jih ban mangat jipubuet salah Ban tanjo ka troh jikheun treuk meunoe Teulah that tanyoe rugoe sileupah Atra tapeugah uroe jeh hana Nyoe jinoe ka na pakri tapeubah Jime ngon dacha di ateuh rueng jih Geuhon that awih jih brat sileupah", "Udep lam donya cit maen-maen Meuangen-angen preh dang-dang reubah Nanggroe akhirat nyan nyang leubeh got Keu soe nyang takot takwa keu Allah Pakon gata dum hana tapike", "Di Kamoe sare meuteupue sudah Gata susah that keu narit jih nyan Sabab jikheun nyan gata jeut gundah Atra kon jikheun sulet keu gata Tapi jih nyata lalem that leupah Awak nyang lalem jiungki ayat Tuhan Hadharat pih jikheun salah", "Teuma dum rasul dile-dilekon Cit jipeubukon sulet jipeugah Bandum ureueng nyan ka jielanya Teuma geusaba han jeut keu susah Kamoe bri bantu ureueng nyan teuma Han ek soe tuka kalimah Allah Ka troh bak gata roe dum haba nyoe Dum rasul Kamoe jakba peurintah", "Meunyo meunyum brat sang ateuh gata Sabab di jih ka jibeuot langkah Di jih ka jijak laju ho laen Muka jipaleng gata jikeubah Teuma meunyo brat nyan ateuh gata Ek talop teuma dalam tanoh crah Tapeugot uruek talop lam bumoe Atawa keunoe taek talangkah Tamita rinyeun taek u langet Tapeuwoe ayat teuma tapeugah Meunyo Neukheundak teuma le Tuhan Neupeujeut jih nyan ureueng meutuah Meunyo hʻeut'Tuhan Neumeung peusapat Bandum jih dapat peutunyok Allah Teuma bek gata jeut keu si jahe Han ek tapike nyan mangat leupah", "Soe nyang tem deungo peurintah Tuhan Dum seukalian jipubuet bagah Teuma nyang mate atejih teutop Dudoe Neubangket teuma le Allah Bandum jih teuma keudeh geupeuwoe", "Jinoe barangpeue pih jeut jipeugah Jikheun pakon han geupeutron ayat Jeut keu muʻjizat Neubri le Allah Takheun bit Tuhan Kuasa Neuh that Neupeutron ayat leupah that mudah Tapi nyang le that nibak awaknyan Hana ek meuphom peue nyang geupeugah", "Bandum binatang nyang na di bumoe Ticem sinaroe makheuluk Allah Ngon dua sayeup ticem teureubang Ngon gata saban cit hana ubah Umat binatang got manusia Bandum cit ka na lam kitab Allah Hana nyang tinggai bandum cit ka na Meusapat teuma meuhadap Allah", "Teuma awaknyan nyang kheun sulet nyoe Dum ayat Kamoe sulet jipeugah Tuloe klo di jih lam seupot seupeut Teuma ban nyang h‘eut Neuh jeut le Allah Meunyo Neukheundak jih Neupeusisat Meunyo han meuh‘eut Neubri meutuah Meunyo hʻeut Neubri jalan nyang teupat Kri-kri nyang hajat Neubri le Allah", "Takheun boh pakri meunyo troh teuka Azeub keu agta Neubri le Allah Atawa teuka uroe kiamat Mantong cit tamat nyang bukon Allah Meunyo bit gata ureueng nyang beuna", "Allah Taʻala tahoi le bagah Tapi watee nyan cit tahoi Tuhan Meu kheundak Tuhan cit gadoh susah 1 Watee nyan teuwo teuh bandum ligat Tuhan charikat han le tapeugah", "Ka Kamoe kirem rasul yoh dilee À Keu umat dilee masa nyang sudah Kamoe bri bala lom pih meularat Mangat jitaʻat bek le buet salah", "Pakri teuma jih ‘oh teuka bala Han jitem gisa taʻat keu Allah y 3 Tapi atejih kreuh lagee batee Lom jih jitipee le chetan jadah Jipeungui sang got buet jih le chetan f", "Hingga ‘oh simban jipubuet salah Ka abeh teuwo jih dum nasehat A Nyang geupeuingat keu jih dum sudah Kamoe peuhah treuk pinto dum keu jih Peue-peue nyang hʻeut jih bandum ka teuhah r ‘Oh ka sep seunang jih ngon atranyoe À Ban tanjo Kamoe meucok le bagah Meuhukom treuk jih ngon tiba-tiba Meupeutoh asa treuk jih dum teulah", "Puntong treuk iku kawom nyang lalem i; Tinggai treuk laen al-Hamdulillah s Sigala pujoe meuwoe keu Tuhan f Nyang Po dum alam deungon blah bicah", "Takheun boh pakri meunyo di Tuhan Dum pendengaran gata Neukeubah Ngon penglihatan teuh han Neubri le Neutop ngon ate teuh dum le Allah Teuma soe nyang bri keu gata laen Na Tuhan laen nyang bukon Allah Boh taeu pakri Kamoe bri ayat Di jih dum meuhat jipaleng sudah", "Takheun boh pakri meu troh bak gata Ngon tiba-tiba troh azeub Allah Atawa leumah takalon azeub Boh soe teuma jeut binasa sudah Nyang jeut binasa cit kon soe laen Awak nyang lalem nyang pubuet salah", "Duñ rasul-rasul nyang Kamoe kirem Kon na peue laen nyang meuyue peugah Haba peusuka haba peutakot Soe nyang han turot lam apui mirah Soe nyang meuiman ngon jipubuet got Han le teumakot hana le susah", "Nyang peugah sulet dum ayat Kamoe Bandum awaknyan azeub that leupah Sabab jih pasek han jitem pateh", "Takheun beu meuceh nyoe kon beurakah Takheun kon bak lon na gudang Tuhan Peue nyang hana trang pih han lon peugah Peue-peue nyang gaeb hana lon tupat Lom malaikat kon lon lonpeugah Peue-peue nyang wahyu nyan nyang lon ikot Nyan Neuyue turot bak lon le Allah Takheun ek saban teuma si buta Ngon si trang mata dumpeue deuh leumah Peue gata bandum hana tapike Ngon mata ate Neubri le Allah", "Lom tapeuingat ureueng nyang takot Beu geutem turot bandum peurintah Yue geuh meusapat dum dikeu Tuhan Hana soe rakan meunyo kon Allah Tan soe chupeu‘at bandum sigala Mangat takwa gopnyan keu Allah", "Bek hai tause ureueng meuduʻa Seunantiasa geumeuhoi Allah Geumeuhoi Tuhan geuh beungoh seupot Sabab that meuhʻeut keu wajah Allah Hana meularat u ateuh gata Bandum keunira gopnyan kon salah Buet gata pih han meularat gopnyan Tause gopnyan raya that salah Meunyo tause lalem that gata Allah Taʻala meunan Neupeugah", "Meunan pih Kamoe meucuba kawom Hingga nyang ladom meunoe jipeugah Ek Neubri nikmat dum keu awaknyan Neubri le Tuhan jalan nyang mudah Meunan keuh jikheun keu ladom ngon jih Sabab ladom jih ka udep mewah Teuma kon Tuhan nyang leubeh teupue Nyang chuko meusoe bandum bak Allah", "Teuma meunyo troh bak gata keunan Ureueng meuiman keu ayat Allah Keu ayat Kamoe bandum jiiman Tapeugah saleum keu jih le bagah Keu gata bak Lon ucap seulamat Karena rahmat Neubri le Allah Ka Neupeuwajeb keu gata rahmat Keudroe Hadharat meunan Neupeugah Buet-buet hana got nyang ka tapubuet Kon sabab jeuhuet tapi roh salah Teuma ‘oh lheuhnyan laju tatobat Lom tapubuet got han le takeubah Meunyo na meunan teuma cit Tuhan Maha Pengampon lom that Pemurah", "Teuma meunan keuh Kamoe peutrang that Dum ayat-ayat beuna ngon salah Lom mangat meuri jalan nyang sisat Dacha raya that nyang pubuet salah", "Takheun lon geutham bek lon ibadat Keu laen meuhat nyang bukon Allah Peue nyang gata kheun tuhan charikat Bak lon geutham that bek roh lon seumah Takheun di lon han lonikot hawa Napsu dum gata raya that salah Meunyo lon ikot ka keuh lon sisat d Peutunyok meuhat hana bak Allah", "Takheun di lon nyoe cukop that dali Tuhanku Rabbi keu lon Neupeugah Gata dum takheun sulet atranyoe Teuma bak lon nyoe hana beunalah Talakee azeub bak lon beu sigra Hana kuasa di lon kon Allah Hukom bak Tuhan kon bak soe laen Nyan keubenaran bandum Neupeugah Tuhan keuh sidroe sineujroh Hakim Hana nyang laen meunyo kon Allah", "Takheun sangkira peue nyang talakee Bak lon meuteuntee Neubri le Allah Ka putoh hukom treuk lon ngon gata Hana le haba ka abeh sudah Teuma Neuturi bandum le Tuhan Ureueng nyang lalem raya that salah", "Gunci nyang gaeb bandum bak Tuhan Nyang laen dum tan bah le jipeugah Bah that jipeugah le that jiteupue Tuhan nyang teupue daratan luah Tuhan nyang teupue darat ngon laot On kayee nyang rhet hana meuilah Sineuk pade lam seupot bumoe Bandum sinaroe nyang tho ngon basah", "Bandum meutuleh di dalam kitab Ka Iheuh meusurat Tuhan Neukeubah Tuhan peumate gata ‘oh malam Teungeut sang pingsan Subhanallah Peue nyang tapubuet ‘oh watee uroe Bandum Neuteupue cit nyan le Allah Teuma Neubangket ‘oh jaga gata ‘Oh dudoe teuma ajai pih sudah ‘Oh lheuhnyan tawoe bandum bak Tuhan Amai teuh yohnyan bandum Neupeugah", "Tuhan Perkasa di ateuh hamba Neuh Neuyue jaga dum hamba Allah Bandum gata nyoe sit na soe jaga Hinga troh teuka ajai teuh sudah r Meu ka troh mawot malaikat ba Hana le daya tameung peusiblah", "Lagee yue Tuhan meunan geupubuet Hana meubacut pih na geuubah a ‘Oh Iheuhnyan pulang keudeh bak Tuhan, Nyang laen cit tan meunyo kon Allah Bandumna hukom lam jaroe Tuhan Keunira Tuhan leupah that bagah", "Takheun soe teuma nyang peuglah gata Lam seupot buta sapeue tan leumah Seupot di darat karam di laot Dvuʻa taseubot lakee bak Allah Wateenyan gata dum tamunajat Ubak Hadharat khuchu‘ that leupah Meu leupah kamoe nibak bala nyoe Meuteuntee kamoe chuko keu Allah", "Takheun cit Tuhan peuleupah gata Bak bandum bala le that Neupeuglah ‘Oh Iheuhnyan Tuhan tapeuchrikat", "Takheun Hadharat cit ek Neubalah Keu bandum gata ek Neubri azeub Di ateuh di yup azeub that leupah 7 Atawa gata meukawom-kawom Neubri nyang ladom meupicah-picah Hana sapeue kheun lam kawan gata Nyang ladom teuga droe jipeuleumah Jielanya treuk nyang tan kuasa Le ureueng teuga lawan meunyerah Takalon pakri meupeudeuh ayat Mangat jih meuhat meuphom sileupah", "Di kawom gata jikheun nyan sulet Padahai keubit beuna that leupah Takheun le han jeut keu waki gata f Urusan gata bandum bak Allah", "Bandum beurita cit na watee jih Cit tapeujioh ‘oh troh jilangkah", "Watee takalon awaknyan meuproe Keu ayàt Kamoe macam jipeugah Teuma bek tajak keunan tapeutoe Tapreh jimeuproe laen jipeugah Meunyo cit chetan peuteuwo gata Tadeungo haba narit jih salah Bek roh taduek le watee teuingat Tabeudoh ligat minah beu bagah Bek taduek sagai sajan si lalem", "Keunira jih nyan meuhat bak Allah Keunira jih kon bak ureueng takwa Peuingat saja takheun ngon babah Kadang pih jitem takwa keu Tuhan", "Teuma meunyo han ka keuh takeubah Taiem droe mantong meunyo awaknyan Jijak peumeuen agama Allah Agama jih nyan jiulok-ulok Di jih ka jicok udep nyang mewah Jih ka jitipee le udep donya Peue nyang sibeuna bak jih dum salah Teuma deungon nyan jih tapeuingat Bek jeut meularat meunan tapeugah Bek dudoe teulah jeut keu binasa Sabab usaha di jih ka salah Hana le wali jih dudoe meuhat Han soe chupeuʻat meunyo kon Allah Adak jiteuboh sigala macam Bandum wateenyan hana phaedah Bandum awaknyan ka keuh binasa Sabab usaha di jih ka salah Jijep minyeuk glue itam ngon jayeh Azeub that peudeh kaphe seurakah", "Takheun peue kamoe meuseumah laen Nyang hana mungken nyang bukon Allah Keu kamoe han ek jibri munaphaʻat Jibri meularat pih hana hilah Ka keuh gata nyoe dum geupeusurot Keudeh u likot bandum talangkah ‘Oh heuh Neutunyok tanyoe le Tuhan Ka roh tariwang lom bak buet salah Säában ngon ureueng jihoi le chetan Tahe jih bimbang di bumoe Allah Tarakan-rakan jih jimaba jak Keunoe tajak bak peutunyok Ailah Keunoe hai tajak sapat ngon kamoe Takheun atranyoe kon buet that mudah Peutunyok Allah nyan keuh peutunyok Meunyo tatem cok seunang sileupah Neuyue peujok droe tanyoe bak Tuhan Nyang Po dum alam deungon blah bicah", "Lom bandum gata pubuet seumbahyang l Takwa lheuh nyan teuma keu Allah Bandumna gata cit geupeusapat ‘Oh dudoe meuhat meuhadap Allah", "Tuhan nyang peujeut langet ngon bumoe Bandum atranyoe beuna that leupah Lom pih yoh Neukheun \"kun\" jeut kah jinoe Lam sikeujap nyoe cit jeut le bagah Narit Neuh beuna hana soe kheun kon Bandum keurajeun cit milek Allah Bak uroe geuyup ngon sangka kala Bandum kuasa lam jaroe Allah Nyang han deuh taeu bandum Neuteupue Lom pih Neuteupue nyang lahe leumah Lom bijaksana Neuma‘lum dumpeue Hana meusapeue pih na meuilah", "Watee Ibrahim geupeugah haba Bak yah geuh Azar meunoe geupeugah Ek patot patong neupeugah Tuhan Lon pike buet nyan raya that salah Droeneuh ngon kawom neuh keubit sisat Ka trang talihat hana phaedah", "Meunan keuh Kamoe meupeudeuh yakin Ubak Ibrahim ureueng nyang ceudah Kamoe peuleumah dum alam langet Bintang meublet-blet hu meujeureulah Lom alam bumoe deuh bak Ibrahim Mangat that yakin kuasa Allah", "‘Oh watee malam ka leumah bintang Geukheun nyoe Tuhan di lon lonpeugah Ban sare suboh ka gadoh bintang O nyo kon Tuhan ka gadoh sudah", "Teuma geukalon cit teubiet buleun Geukheun nyo Tuhan di lon lonseumah ‘Oh ban ka gadoh teuma di buleun Wateenyan geukheun nyoe pih ka salah Meu han Neutunyok lon le Tuhanlon Meuhat sisat lon jinoe le bagah", "‘Oh ban geukalon cit teubiet uroe Peungeuh dum nanggroe caya trang leupah Geukheun nyo Tuhan lon nyang raya that ‘Oh troh u barat gadoh le bagah Geukheun treuk laju wahe kawomlon Bek tapeuroh lon dalam buet salah Taseumah patong charikat Tuhan Bek roh lon keunan di lon lonseumah", "Keubit nyo di lon lonhadap muka Ubak nyang Esa cit sidroe Allah Allah nyang peujeut langet ngon bumoe í Meuhat lon keunoe lon hadap wajah Agama nyang gleh hana charikat Di lon cit meuhat keunoe lon langkah Bek roh lon keunan bak peucharikat Atranyan sisat raya that salah", "Teuma jiteuntang gopnyan le kawom Geuh geukheun di lon han peue tahujah Peue tajak'hujah lon teuntang Tuhan Peutunyok Tuhan di lon ka sudah Hana lon takot keu Tuhan gata Tapeuna-peuna charikat Allah Hana ek jibri meularat keu lon Meulengkan di Ion ka kheundak Allah ‘Eleumee Po lon teuma luah that Bandum lat batat Neuteupue sudah Pakon gata han jeut keu peuingat", "Pane lon takot atra nyang salah Pakri lon takot charikat gata Kon lagee gata cit meunan ulah Di gata bandum pih tan teumakot Tapeucharikat laen ngon Allah Hana Neupeutron sapeue di Tuhan Nyang jeut alasan peue nyang tapeugah Teuma soe nyang hak gatanyoe dua Aman bak bala Neubri le Allah Meunyo tateupue bandum atranyan", "Ureueng meuiman nyang hak that leupah Nyang hak that leupah nibak balanyan Ureueng meuiman nyang tan meusalah Hana geulawok lalem ngon iman Patot nyan aman bak bala Allah Tuhan peutunyok keu dum ureueng nyan", "Nyan keuh haba nyan nyang Kamoe kisah Hujah Kamoe bri akan Ibrahim Jeut gopnyan yakin hana peue peugah Alasan kawom geuh ek geutulak Soe nyang meukheundak Kamoe bri hujah Soe nyang meukheundak Kamoe bri pangkat Meubri deurajat manyang that leupah Bit Tuhan gata that bijaksana Han ek takira ‘eleumee luah", "Kamoe bri teuma Ishak keu gopnyan Yaʻqob ‘oh Iheuhnyan meubri hidayah Kamoe peutunyok bandum ureueng nyan t Bak Noh pih meunan dilee ka sudah t Kamoe tuħýok Noh bak masa dilee Meunan cit teuntee ladom zurriyah Aneuk cuco nyan ladom pih meunan Daod, Sulaiman raja nyang meugah Aiyub ngon Yusop Musa ngon Harun Ureueng nyan bandum ureueng meutuah Meunan meubalah ureueng pubuet got Hana geuseutot ubak buet salah", "Lom Zakaria, Yahya ngon Isa ‘Oh lheuhnyan teuka teuma Ilyas Ureueng nyang salach bandum ureueng nyan", "Ismail meunan cit hana ubah Ilyasa‘, Yunus ngon Luth pih meunan Bandum ureueng nyan ureueng meutuah à Kamoe peuleubeh bandum ureueng nyan Nibak dum alam deungon blah bicah", "Meunan pih ayah-ayah ureueng nyan Aneuk cuco nyan nyang hana salah Ngon chedara nyan dum Kamoe pileh Kamoe peuleubeh nyang raya tuah Kamoe peutunyok ureueng nyan meuhat 1 Jalan nyang teupat bandum geulangkah", "Atranyan bandum peutunyok Tuhan Soe nyang hʻeut Tuhan Neutunyok bagah Soe nyang Neukheundak bak hamba Neuhnyan Teuma meunyo han ka keuh roh salah Meunyo awaknyan jipeucharikat Luroh ibadat bandum meuruah Peue nyang na amai nyang ka jipubuet Abeh dum teusuet rugoe sileupah", "Ureueng jeh teuma Kamoe bri kitab Lom ngon hikeumat pikiran ceudah Nyang ladom Kamoe peujeut keu nabi 3 Teuma nyang ungki cit Kamoe balah Kamoe gantoe jih ngon kawom laen Nyang Kamoe kirem nyang hana salah Nyang han jikaphe han jimeuungki", "Ureueng nyan Neubri peutunyok Allah Ureueng nyang Neubri peutunyok Tuhan Taikot rijang dum bek tabantah Takheun tan di lon lakee bak gata Meubacut hana lon lakee upah Haba peuingat nyang lon ba mantong Keu bandum alam beuna ngon salah", "Di jih dum teuma hana hormat Akan Hadharat nyang Maha Murah Tan jihormat balaku kada Jikheun lom haba sulet keu Allah Hana Neupuetron bak manusia Meu sapeue hana Tuhan Neukeubah g Takheun soe peutron kitab keu Musa Nyang jeut keu cahya hu meujeureulah Lom jeut peutunyok keu manusia Teuma dum gata tapriek keureutah Nyang tapeuleumah nyang ka meulata Nyang laen teuma tasom takeubah Ngon tapeuleumah le that nyang tasom Neupeureunoe lom gata le Allah Nyang tan tateupue dum Neupeureunoe Ngon yah-yah teuh nyoe pih hana ubah Dum yah-yah gata pih han geuteupue Nyang peutron dum nyoe takheun cit Allah Teuma takeubah jih nyan bah meunan Jimeuen-meuen dalam buet salah", "Kitab nyoe teuma nyang Kamoe peutron Beureukat sinan cit le that leupah Geupeunyo peue nyang lam kitab dilee Peuingat teuntee beuna ngon salah Jeut tapeuingat dum ummul Qura Ngon ureueng lingka sinan di Makkah Soe nyang meuiman akan akhirat Jiiman ligat peue nyang tapeugah Pubuet seumbahyang pih hana reuda Lom jiplihara mangat bek salah", "Soe teuma ureueng nyang leubeh lalem Nibak awaknyan nyang keubit salah Jipeuna-peuna sulet keu Tuhan Atawa jikheun lon wahyu Allah Ka teuka wahyu keunoe tron bak lon Padahai cit tan lagee jipeugah Hana tron wahyu bak jih meusapeue Nyang laen bagoe pih na jipeugah Lon keumeung peutron jinoe beu saban Lagee Neupeutron nyang ka le Allah Sangkira taeu ‘oh seukreut mawot Han ek jimeumat si lalem jadah Teuka le keunan dum malaikat Geupoh jih ligat sira geupeugah Peuteubiet keudroe keuh nyawong jinoe Nibak uroenyo azeub that dikah Azeub hina that di kah geusiksa Jinoe karasa teuma le bagah Kakheun nyang kon-kon dilee keu Tuhan Dum ayat Tuhan sulet kapeugah Teukabo di kah han pateh ayat Jinoe Hadharat ka Neutueng balah", "Tajak bak Kamoe jinoe sidroe-droe Lagee gatanyoe phon-phon meupisah Meupisah ngon ma meupeujeut gata Sidroe teuh saja meunan keu ulah Peue nyang Kamoe bri dilee keu gata Tinggai sigala bandum takeubah Hana Kamoe eu pih sajan gata Peue nyang tadawa dilee taseumah Tuhan charikat takheun ngon gata Nyang peuglah gata dilee tapeugah Putoh hubungan jinoe ngon gata Hana meuhoka peue nyang taseumah", "Tuhan nyang peuhah sineuk pade Bijeh timoh le ‘oh Iheuh beureutah Meunan cit bijeh boh kayee laen Miseu aneuk drien ngon aneuk panah Nibak nyang mate teubiet nyang udep Nibak nyang udep nyang mate teuhah Nibak nyang udep teubiet nyang mate Bandum nyan sare kuasa Allah Nyan keuh nyang Allah hana tatilek Pakri meubalek gata dum salah", "Neupeuhah suboh ‘oh teubiet fajar ‘Oh malam teuka teunang that leupah Uroe ngon buleun teupat keunira Ka Iheuh neukada bandum le Allah Tuhan Perkasa dumpeue Neuteupue Hana meusapeue pih na meuilah", "Tuhan nyang peujeut keu gata bintang ‘Oh watee malam tatuho arah Tatupat jalan di dalam seupot Darat ngon laot han le meusalah Ka Kamoe peutrang bandumna ayat Kawom nyang teupat jiteupue sudah", "Tuhan nyang peujeut. gata nyoe bandum À Bak sidroe ureueng phon asi liah Bak teumpat teutap teumpat simpanan Lam rahim aman sinan Neukeubah Ka Kamoe peutrang bandumna ayat Kawom nyang teupat meuphom sileupah", "Tuhan nyang peutron ujeun di langet Timoh le ligat bungong ngon buah Kamoe peuudep tanam-tanaman Hijo on jih nyan galak teuh leupah Kamoe peuteubiet bijeh tanaman Meususon -suson takalon indah Manyam kureuma meugantung-gantung Awak charibanun sang-sang ka leupah Dum keubon anggor, zaitun, geulima Nyang ladom sama ladom meuubah 7 Nyang saban-saban nyang hana saban Le macam-macam bungong ngon buah Watee jimeuboh taeu boh kayee Nyang masak teuntee galak teuh leupah Bandum nyan 'ayat keu soe meuiman Nyata dum sinan kuasa Allah", "Jipeugah lom jen charikat Tuhan Padahai jen nyan peuneujeut Allah Nyang kon-kon jikheun lom akan Tuhan Aneuk Neuh agam pih dum jipeugah Ngon aneuk inong pih le di Tuhan ‘Eleumee jih tan meu ka jipeugah Allah Taʻala Maha Suci that Maha manyang that kon ban jih peugah", "Tuhan nyang cipta langet ngon bumoe Pakri ek meunoe na aneuk Allah p Hana peurumoh Neuh pih di Tuhan Peuneujeut Tuhan bandum blah bicah Bandum peukara Tuhan Neuteupue Hana meusapeue pih na meuilah", "Nyan keuh nyang Allah Tuhan Po gata Nyang laen hana bandum kon Allah Tuhan nyang peujeut sigala macam Taseumah Tuhan mangat bek salah Bandum peujok droe keunan bak Tuhan Laen dum saban peuneujeut Allah", "Dum mata han deuh jikalon Tuhan Teuma bak Tuhan bandumpeue leumah Tuhan haloh that Neuma‘ʻlum dumpeue Hana meusapeue pih na meuilah", "Ka troh bak gata dum taeu meuri Padumna dali kuasa Allah p Atranyan bandum nibak Po gata í Nyang deuh eu nyata nyan nyang meutuah Teuma nyang buta droejih meularat Han deuh jilihat kuasa Allah Lon nyoe kon ureueng plihara gata Tapi tajaga droeteuh bek salah", "Meunan keuh Kamoe meupeuleumah dum Ayat meupeutron jikalon sudah Mangat jeut jikheun keu gata jinoe Ka tameureunoe ka jeut tapeugah À Lom Kamoe peutrang bandum atranyoe keu soe nyang teupue akai jih ceudah", "Taikot wahyu nyang tron bak gata Nibak Po gata nyang Maha Murah Tan laen Tuhan meu kon Droeneuhnyan Teuma awaknyan laen jipeugah Bek tapeuduli keu awak muchrek Di jih jibalek peurintah Allah", "Meunyo Neukheundak uleh Hadharat Han roe charikat jikheun keu Allah Han roe jiseumah Tuhan nyang laen Han jikheun Tuhan berhala jadah Teuma di Kamoe kon meuyue jaga d Jih nyan bak gata han meupeugah Lom kon bak gata urusan jih nyan Urusan jih nyan bandum bak Allah", "Bek roh tacarot peue nyang jiseumah Bah nyang jiseumah nyan bukon Allah Teuma jibalah jicarot Tuhan ‘Eleumee jih tan jicarot Allah Sabab beungeh jih jeut keu jih meunan Keu jih dum meunan Kamoe peuindah Ban bandum umat jieu got buet droe Jih teuma jiwoe bandum bak Allah Bak Po jih bandum cit teuma jiwoe Teuma dum buet droejih cit geupeugah", "Ka jimeusumpah demi nyo Tuhan Keubit kon wayang ‘oh jimeusumpah Meu troh muʻjizat ubak awaknyan Keubit meuiman dum jimeusumpah Takheun muʻjizat ayat bak Tuhan Tateupue cit tan kon ban jipeugah Meu troh muʻjizat han jimeuiman Beu that beu dumnan ka jimeusumpah", "(Meubalek ate jih dum le Kamoe Mata pih meunoe Kamoe peusalah Lagee phon dilee tan jimeuiman Jinoe pih meunan hana meuubah JUZ 8) Kamoe peubiyeu lam sisat jih nyan Bah le jimeuen dalam buet salah", "Meunyo meupeutron dum malaikat Ubak jih meuhat dum geujak peugah Kamoe peuuedep lom ureueng mate Geukheun bak jih le tanyoe ka salah Bandum peue nyang na Kamoe peusapat Ngon jih meuhadap meupeugah-peugah Meuhat di jihnyan cit jimeuiman Bah that beudumnan ka tapeuleumah Meulengkan meunyo ka kheundak Tuhan Baro jiiman meukheundak Allah Tapi le that jih hana jiteupue Nyang na jiteupue cit jahiliyah", "Meunan pih Kamoe ka Kamoe peujeut Musoh nyang jeuheut keu nabiyullah Keu bandum nabi na musoh gopnyan Dum chetan-chetan nyang hareum jadah Insan deungon jen nyan keuh dum chetan Nyang jijak padan yue pubuet salah Jis‘ah jitipee dum manusia Narit jih jiba leupah that indah Meunyo Neukheundak teuma di Tuhan Han jipubuet nyan takot keu Allah Taiem droe mantong teuma di gata Bah le jipeuna peue nyang jipeugah", "Jitarek ate meukeusud jihnyan Soe nyang tan iman jimeung beureukah Soe nyang han iman akan akhirat Cit galak jih that peue nyang jih peugah Jipubuet laju peue nyang buet chetan Hana pikiran beuna ngon salah", "Ek patot teuma lon mita hakim Nyang bukon Tuhan nyang Maha Murah Tuhan nyang peutron kitab keu gata Bandum peukara sinan Neupeugah Satu persatu dum Neupeunyata Keu peue tamita laen nyang salah Dum ahli kitab meuhat jiteupue Keubit kitab nyoe tron nibak Allah Keubit sibeuna tron bak Po gata Bek na chok sangka teuh meube seupah", "Seumpurna that narit Po gata Narit nyang beuna hana tom salah Narit nyang ade hana jeut gantoe Hana barangsoe pih ek jiubah Tuhan Neudeungo dum barangkapeue Bandum Neuteupue beuna ngon salah", "Le that awaknyan nyang na di bumoe Han jijak keunoe bak jalan Allah Meu taikot jih cit jipeusisat Teuh jiba ligat teuh bak buet salah Jiikot di jih nyang chok ngon waham Sangka-sangkaan nyang tan phaedah Jipeuna-peuna sulet keu Tuhan", "Teuma di Tuhan Neuteupue leupahn b Tuhan Po gata Neuteupue that-that Soe nyang ka sisat bak jalan Allah Hana roh jijak bak jalan Tuhan Bandum di Tuhan Neuteupue leupah Neuturi ureueng nyang na peutunyok Ureueng nyang tem cok bak jalan Allah", "Teuma tapajoh peue nyang na geukheun Ngon Nama Tuhan geukheun Bismillah Meunyo cit gata ureueng meuiman Dum ayat Tuhan hana tabantah", "Teuma boh pakon han tatem makeun Peue nyang ka geukheun ngon Nama Allah Tuhan ka Neutrang nyang toh nyang hareum Han jeut tamakeun ka lheuh Neupeugah Meulengkan meunyo ka that meularat Nyan haleue siat han jeut keu salah Keubit awaknyan teuma nyang le that Jijak peusisat dum hamba Allah Hawa napsu jih dum jipeuturot Hana jitakot jipubuet salah Jipubuet nyan dum kon na jiteupue Tuhan Neuteupue ureueng nyang salah Neuturi ureueng nyang elanya droe", "Teuma bek hai roe tapubuet salah Dacha nyang lahe got dacha baten Bandum atranyan taboh takeubah Keubit barangsoe nyang pubuet dacha ‘Oh dudoe teuma akan geubalah", "Teuma bek gata pajoh makanan Nyang hana geukheun ngon Nama Allah Sabab nyang meunan geukheun buet pasek Chetan jibalek laen jipeugah Jijak s‘ah di jih bak rakan-rakan Jih jiyue lawan peue nyang tapeugah Gata jeut muchrek meunyo taikot Meunyo taturot ban nyang jih peugah", "Ek saban teuma ureueng nyang mate Teuma udep le Neubri le Allah Kamoe peuudep Kamoe bri cahya Jijak-jak lanja han le meusalah f Jijak lam kawan dum manusia Ek saban teuma ngon ureueng salah Ureueng nyang tinggai lam seupot buta s Han jeut keulua sinan geukeubah Meunan keuh kaphe jisangka buet jih í Geupeudeuh bak jih sang jroh sileupah", "Meunan pih Kamoe meupeujeut ureueng Nyang dalam gampong rayok ngon meugah Tapi buet jeuheut di jih jipubuet Abeh jipeungeut dum hamba Allah f Hana jirasa droejih jipeungeut Bandum buet jeuheut jihnyan geubalah", "‘Oh teuka ayat ubak awaknyan Han jimeuiman di jih jipeugah Hingga keu kamoe teuma beu geubri Lagee nyang geubri keu Rasulullah Teuma di Tuhan cit that Neutusoe Kon barangsoe Neujok risalah Awaknyan teuma nyang pubuet dacha Cit Neupeuhina dudoe le Allah Lom Neubri azeub nyang brat that keu jih d Sabab brat di jih jipubuet salah", "Soe nyang Neukheundak Neumeung peutunyo Le Tuhan Neucok Neubri hidayah Neupeuhah dada tamong Iseulam k Jeut keu ureueng nyan peutunyok Allah Teuma barangsoe Neumeung peusisat Atejih batat tan na hidayah 7 Dada jih meusak taeu meuseupet Han jilop nyang got watee tapeugah Lagee jiek gle keudeh u langet Dada meuseupet seunak ngon naphah Meunan keuh Tuhan Neupeujeut hina Soe-soe nyang hana iman keu Allah", "Nyoe jalan teupat jalan Po gata Keunan tateuka Neuyue meulangkah 4 Ka Kamoe peutrang padumna ayat Soe nyang tem ingat nyan nyang meutuah", "Geubri keu gopnyan meuligoe salam Sideh bak Tuhan ka lheuh Neukeubah Nibak Po gopnyan nyang wali gopnyan Sabab buet gopnyan hana meusalah", "Uroenyan bandum jih Neupeusapat Uleh Hadharat teuma Neupeugah Wahe kawom jen le that di gata Bak manusia tayue buet salah Kheun manusia nyang rakan ngon jen Kamoe dum seunang mangat sileupah Teuma nyoe ka troh watee di kamoe Ajai keu kamoe ka Neubri sudah Kheun Tuhan teumpat di kah nuraka Han le keulua di sinan di kah Keukai keuh sinan sipanyang masa Meulengkan ‘oh ka kheundak bak Allah Keubit Po gata that bijaksana f Bandum peukara Neuteupue sudah", "Meunan pih Kamoe meupeurakan jih Sabe lalem jih jimusahabah Sabab bandum jih usaha saban Nyang jeut keu rakan bak pubuet salah", "{Wahe kawom jen ngon manusia Peue hana teuka dum rasul Allah Padum le rasul geujak bak gata Lam kawan gata cit asai liah Geujak peuingat keu gata bandum Ayat-ayat Lon bandum geukisah Geukheun uroenyo bit dudoe teuka Jijaweub sigra bit na geupeugah b} Kameo ek saksi ateuh droe kamoe Teuma awaknyoe dilee ka salah Ka keunong tipee ngon udep donya Baronyoe teuma meungaku salah Jimeungaku droe dum ka jikaphe", "Meunan keuh ade meunyo buet Allah Hana roe Tuhan Neupeubinasa Deungon elanya dum hamba Allah Hana jithee-thee nanggroe binasa Han roe binasa meu kon ka salah", "Bandum geutanyoe cit na deurajat Meuteumeung pangkat balaku payah Han tom laloe Tuhan Po gata Peue nyang keurija meunan Neubalah", "Tuhan Po gata ureueng kaya that Padum le rahmat Neubri le Allah Meunyo Neukheundak Neuboh dum gata Neugantoe sigra laen khaliphah Soe nyang hʻeut Tuhan di likot gata Saban ngon gata masa nyang sudah Gata pih dilee cuco gop laen", "Peue janji Tuhan hana meuubah Meu ka troh janji han ek tatulak Barangho tajak keunan troh langkah", "Takheun hai kawom tapubuet laju Ube nyang mampu tapubuet bagah Di lon pih meunan lonpubuet keu droe Tateupue dudoe teuma soe salah Dalam donya nyoe soe nyang le untong Ureueng nyang lalem han roe meutuah", "Jibagi le jih peuneujeut Tuhan Ladom tanaman jikheun keu Allah Ladom binatang pih jikheun meunan Laen nibak nyan jibalek hilah Jikheun nyoe ladom keu Tuhan kamoe Berhala jih nyoe Tuhan jipeugah Nyang ka jipeugah hak berhala jih Í Jipeugah le jih han troh keu Allah í Nyang bagi Allah troh keu berhala Jipeuna-peuna hukom nyang salah", "Le cit si muchrek nyang jipoh aneuk Sabab poh aneuk nyan kon buet salah Poh mate aneuk buet that majeulih Kheun peumimpin jih buet nyan that indah Mangat ceulaka jeut jikheun meunan Agama jihnyan mangat roh salah Meunyo Neukheundak teuma le Tuhan Han jipubuet nyan lagee jih peugah Bek tapeuduli bah le jih meunan Bah le lagee nyan jipubuet salah", "Dum binatang nyoe atra larangan Lom pih tanaman meunan jipeugah Han jeut jipajoh le barangkasoe Meu kon ureueng nyoe nyang kamoe peugah 5 Han jeut tagiduek nyang ladom teuma Leumo ngon unta saban meusalah Ladom binatang jisie kureubeun d Teuma han jikheun ngon Nama Allah Jipeuna-peuna bandum keu Tuhan Teuma di Tuhan akan Neubalah y Bandum nyang salah cit na balasan", "Teuma lom jikheun meunoe jipeugah Peue nyang na lam pruet dum binatang nyoe Keu agam tanyoe mantong guekeubah Keu ureueng agam mantong atranyoe 2 Keu inong jihnyoe hareum jipeugah Meunyo lam pruet jih binatang mate Nyan sare-sare jeut bandua blah í Agam ngon inong jeut pajoh saban Keubit le macam di jih jipeugah Dudoe Neubalah keu jih le Tuhan k Nyang jipeugah nyan bandum cit salah Keubit roe Tuhan that bijaksana Bandum peukara Neuteupue sudah", "Rugoe that awak nyang poh aneuk jih Hana sayang jih keu aneuk lidah Bangai that jihnyan hana jiteupue Barang nyang haleue hareum jipeugah Raseuki keu jih Neubri le Tuhan Jipeugah hareuem han jeut takeubah Jipeuna-peuna narit keu Tuhan Sisat jih dumnyan jalan ka salah Hana peutunyok bak Tuhan keu jih Nyan keuh jeut di jih sisat lam salah", "Tuhan nyang peujeuet keubon tanaman Panteu di sinan tapeugot indah Nyang ladom hana tapeugot panteu Tanaman pageue bineh peuratah Lom bak kureuma ngon palawija Meubagi rasa mangat sileupah Zaitun, geulima nyang boh jih saban Nyang hana saban pih taeu indah Watee jimeuboh tapajoh boh jih Nyang laen hak jih zakeut seudeukah Watee keumeukoh beu taboh zakeuet Atranyan dum jeut tapi bek leupah Meu leupah pajoh han galak Tuhan Nyang pertengahan nyang gaseh Allah", "Leumo ngon keubeue tagiduek unta Keuleudee, guda, kameng ngon kibah Ladom tagiduek nyang ladom tasie Pajoh raseuki Neubri le Allah Nyang bek taikot dum langkah chetan Gata ngon jihnyan musoh trang leupah", "Lapan binatang meupasang-pasang Keubiri, kameng takheun ci peugah Dua nyang agam got dua inong Nyang toh nyang hareum tacuba peugah Peue dih nyang mantong di dalam rahim Dua nyang inong nyang gohlom leumah Tapeugah bak lon deungon ‘eleumee Meu gata teuntee beuna kon salah", "Unta pih dua leumo pih dua Takheun toh teuma tacuba peugah Dua nyang agam got dua inong Nyang toh nyang hareum cubaci peugah Peue dih nyang mantong di dalam rahim Dua nyang inong nyang gohlom leumah Atawa gata dum na takalon Watee Neukheunnyan bandum le Allah Watee Neuwasiet dumnyoe bak gata Peue na dum gata watee Neupeugah Jipeuna-peuna sulet keu Tuhan Soe leubeh lalem cuba tapeugah Hana nyang lalem leubeh nibak jih Sisat sabab jih dum hamba Allah Jipeusisat gop ‘eleumee jih tan Muruka Tuhan keu jih that leupah Teuma di Tuhan han Neupeutunyok Soe nyang han tem cok ban nyang peurintah Han Neupeutunyok kawom nyang lalem Sabab han jitem turot peurintah", "Takheun bak wahyu nyang troh ubak lon Hana nyang hareum lagee tapeugah Peue nyang tapajoh dumna makanan Bandum atranyan haleu that leupah Meulengkan hareum tapajoh bangke Ngon darah ile hanyi sileupah Meunan pih sie bui han jeut tapajoh Beu tapeujioh sang taboh seupah Bandum atranyan najih ngon kuto Meunan pih meunyo sie kon nan Allah Tan Nama Allah bak watee tasie Saban ngon bangke nyang khek sileupah Teuma barangsoe nyang ka meularat Bek peugot-peugot bek leupah-leupah Nyan Tuhan gata Maha Pengampon Meunan pih Tuhan Maha Pemurah", "kamoe peuhareum ubak Yahudi Padum boh bagi peuneujuet Allah Bandum binatang nyang na megukee Hareum lom teuntee jipajoh gapah Gapah bak leumo ngon gapah kameng Nyang na ateuh rhueng nyan hana salah r Teuma asoe pruet nyang na di dalam Gapah bak tuleung pih hana salah Atranyan bandum hukoman keu jih Sabab awakjih tulak peurintah Kamoe hukom nyan ateuh sibeuna Di Kamoe hana buet meuh nyang salah", "Meu jikheun sulet teuma keu gata Takheun Po gata rahmat that luah Hukoman Tuhan han ek soe tulak í Cit ka meunan hak nyang pubuet salah", "[Akan jipeugah le awak muchrek Kamoe han muchrek meu kon h‘eut Allah í Meunyo Neukheundak uleh Hadharat Han roe charikat kamoe jak seumah y Ayah-yah kamoe pih teuntee meunan Han meupeuhareum lom dum blah bicah Meunan pih kawom dilee nibak jih À Han jitem pateh peue nyang peurintah F Hingga jirasa dum azeub Kamoe Tatanyong meunoe bak jih tapeugah j] Boh na ‘eleumee teuma bak gata Tapeugah lanja bak kamoe bagah y Kon na peue laen ikotan gata Waham ngon sangka nyang keubit salah Tapeuna-peuna sulet keu Tuhan", "Teuma di Tuhan cit kong that hujah Alasan cukop kuat bak Tuhan Meanyo hʻeut Tuhan gata han salah Meunyo Neukheundak Neubri peutunyok Bandum teuh tacok peurintah Allah", "Takheun ba keunoe dum saksi gata Nyang jipeubeuna peue nyang tapeugah Nyang jiek saksi ureueng nyan bandum Atranyoe hareum Neukheun le Allah Meunyo jih keubit jijak ek saksi Di gata saksi bek roh lam salah Bek taek saksi sajan awaknyan Napsu awaknyan bandum takeubah Napsu awaknyan bek tapeuturot Bek roh taikot jipubuet salah Jipeugah sulet dum ayat Kamoe Akhirat pih nyo sulet jipeugah Han jimeuiman akan akhirat Di jih ka sisat bak jalan salah Hana jitem jak bak jalan Tuhan", "Takheun hai rakan keunoe talangkah Mangat lon peugah nyang toh nyang hareum Po gata Neukheun meunoe Neupeugah Bek peucharikat sapeue ngon Tuhan Ayah deungon nang beu got tapapah Tapubuet beu jroh keu ma-ku gata Lom bek tasiksa keu aneuk lidah Bek tapoh aneuk teumakot papa Raseuki gata Neubri le Allah Kamoe nyang tanggong raseuki gata Ngon aneuk gata saban that leupah Bek roh tapeutoe bak buet nyang keuji Baten ngon lahe bandum takeubah Bek tapoh mate barangpeue nyawong À Buet nyan that hareuem Neukheun le Allah Meulengkan meunyo ateuh sibeuna Allah Taʻala meunan Neupeugah Meunoe Neuwasiet keu bandum gata Mangat takira ngon akai ceudah", "Areuta yatim bek cit tapeutoe Meu kon tagantoe nyang leubeh indah Meunyo niet nyang got tameung plihara Nyan jeut tamita nyang le phaedah Hingga ka rayok teuma aneuknyan Sukat ngon timang beu ade leupah Teuma di Kamoe hana meupeubrat Ube nyang mangat tapubuet mudah Watee tamarit nyan pih beu ade À Beu that beu bah le wareh toe leupah Janji ngon Tuhan beu seumpureuna Bek na meutuka bek na meuubah Meunan keuh wasiet Tuhan bak gata Mangat bek lupa taingat leupah", "Nyoe keuh jalan Lon jalan nyang teupat Nyoe nyang taikot bek sagai salah Bek taikot dum jalan nyang laen Jipeuteung bayeung teuh dum meupisah Jipeucre gata bak jalan Tuhan Meunan le Tuhan wasiet Neupeugah Meunan keuh wasiet Tuhan bak gata Mangat takwa gata keu Allah", "Lheuhnyan Kamoe bri kitab keu Musa Peuseumpureuna keu soe nyang tuah Ureueng pubuet jroh nak meubahgia í Sigala rupa sinan geupeugah Satu persatu peurintah Tuhan f Peutunyok Tuhan keu soe nyang tuah Meubri ngon rahmat mudah-mudahan Jitem meuiman dum akan Allah Jipateh dudoe meureumpok Tuhan Nyata wateenyan beuna ngon salah", "Ka Kamoe peutron nyoe keuh nyang kitab Nyang that beureukat taikot bagah J Teuma gata dum beu tatakwa Mangat jeut gata geunaseh Allah", "Cit takheun teuma asoe kitabnyan Dua golongan nyang tueng phaedah Geupeutron kitab cit keu awaknyan Dua golongan masa nyang sudah Teuma di kamoe wateenyan lale Hana meureunoe peue nyang geupeugah", "Atawa takheun meunyo kitab nyoe Keubit keu kamoe geupeutron sudah Keu kamoe teuntee leubeh peutunyok Nibak awak cok masa nyang sudah Atra cit dali ka troh bak gata Nibak Po gata nyang Maha Murah Jeut keu peutunyok rahmat lom sinan Boh soe nyang lalem tacuba peugah Soe leubeh lalem nibak awaknyan Nyang kheun atranyan kon ayat Allah Jipeugah sulet dum ayat Tuhan Jipaleng yohnyan sinan jikeubah Soe-soe nyang paleng nyang han teurimong Keu jihnyan bandum cit Kamoe balah Kamoe bri azeub keu jih that sangkeng Sabab jipaleng jijak bak salah", "Peue teuma jipreh troh malaikat Geujak tanyong pat nyawong jikeubah Atawa Tuhan keu jih Neuhukom Atawa ladom Neubri musibah Meunyo ka teuka uroenyan teuma Han le meuguna iman jipeugah Yoh masa dilee han jimeuiman Buet jih wateenyan sabe lam salah Hana tom nyang got yoh dilee buet jih Takheun boh tapreh balasan Allah Kamoe pih meupreh cit lagee gata Allah Taʻala akan Neubalah", "Soe nyang peubicah dalam agama Meusapeue hana meupisah-pisah f Saboh golongan nyang peugah meunoe Golongan nyang nyoe laen jipeugah Hana urusan gata keu jihnyan Urusan jihnyan pulang bak Allah Peue nyang jipubuet dalam donya nyoe Bandum ‘oh dudoe bak jih geupeugah", "Barangsoe pubuet nyang keubajikan Siploh balasan Neubri le Allah d Nyang pubuet jeuheut balah pih jeuheut Ube jipubuet sagai Neubalah Hana meusidroe pih geuelanya", "Takheun lom teuma peutunyok Allah 3 Ka Neupeutunyok lon le Tuhanlon Mangat bek roh lon bak jalan salah & Mangat roh lonjak bak jalan teupat Agama kuat Neubri le Allah Nyan keuh agama nabi Ibrahim Teuma nyang laen agama salah Nyoe keuh agama nyang gleh ngon beuna Di sinan hana charikat Allah Nabi Ibrahim kon ureueng muchrek Í Han tom geubalek ban nyang peurintah", "Takheun seumbahyang ngon ibadat lon ! Udep mate lon bandum keu Allah Nyang Po dum alam timu ngon barat Bandum lat batat peuneujeut Allah", "Hana charikat keusidroe Tuhan i; Neuyue le meunan turot peurintah Lon nyang phon peujok droelon bak Tuhan Tamong Iseulam agama yang sah y", "Takheun peue laen lon mita Tuhan A Lon cok keu Tuhan nyang bukon Allah h Allah nyang peujeut sigala rupa Bandum usaha akan Neubalah Nyang pubuet dacha meularat keudroe Hana meusidroe nyang han geubalah Hana jitanggong dacha gop laen Di ureueng laen tanggong droe salah ‘Oh dudoe bandum woe bak Po gata Peue nyang keurija teuma Neupeugah Yoh masa dilee tapeugot dawa Jinoe tarasa bandum geubalah", "Tuhan nyang peujeut gata di bumoe Di sinan jinoe gata khaliphah Deurajat manyang nyang ladom Neubri Neumeung cubaci pakri taulah Neumeung ci gata bak peue nyang Neubri Keu ureueng faki na tapeusiblah Keubit cit teuma Tuhan Po gata Watee Neusiksa leupah that bagah Droeneuhnyan keubit Maha Pengampon Laen nibak nyan Maha Pemurah"] }, { "chapter": 7, "versesCount": 206, "verses": ["Alif Lam Mim Shad Tuhan nyang teupue meukeusud ayat Sabab Hadharat hana Neupeugah", "Geupeutron Kitab keunan bak gata Mangat bek gata meurasa susah Meunyo ka gadoh susah lam dada Peuingat sigra keu soe nyang salah Di dalam Kitab haba peuingat Sinan amanat keu hamba Allah Jeut keu peuingat soe nyang meuiman", "Ikot Kitabnyan nyang tron bak Allah Kitabnyoe nyang tron nibak Po gata Taikot sigra bek roh takeubah Bek roh taikot laen keu wali Gata jitaji ubak buet salah Nit that teuingat teuh keu atranyoe", "Padum le nanggroe nyang ka beh punah Padum le nanggroe nyang ka binasa Kamoe bri bala keunan musibah Bala ‘oh malam bala ‘oh uroe Teungoh jih laloe jipiyoh payah", "‘Oh teuka bala Kamoe bri keu jih Han sapeue di jih pih jeut jipeugah Nyang na jeut jikheun lalem that kamoe Meuelanya droe meupubuet salah", "Teuma di Kamoe akan meutanyong Bak bandum ureueng nyang troh risalah Nyang ka troh rasul ubak ureueng nyan Bandum meutanyong pakriban ulah Bak rasul teuma pih Kamoe tanyong Na jiteurimong peue nyang tapeugah", "Teuma Neupeugah ubak ureueng nyan Amai jih dumnyan beuna ngon salah Bandum meuteupue hana meusilee Deungon ‘eleumee bandum meupeugah Hana tom jarak Kamoe deungon jih Barangpeue buet jih bandum meukeubah", "Uroe nyan teuma timbangan beutoi Nyang brat ngon nyang phui di sinan leumah Barangsoe nyang brat timbangan jihnyan Nyan keuh ureueng nyan nyang raya tuah Nyang meubahgia lam keumenangan", "Nyang phui timbangan rugoe sileupah Jipeurugoe droejih di ureueng nyan Sabab di jihnyan jipubuet salah Hana jipateh dum ayat Kamoe Jielanya droe di jih that leupah", "Teuma di Kamoe ka meubri teumpat Keu gata meuhat bak bumoe Allah Kamoe bri jalan untuk taudep Rijang deungon trep Kamoe peumudah Tapi gata dum nit tatem chuko ‘Oh dudoe baro meunyesai teulah", "Di Kamoe dilee meupeujeut gata Meupeujeut rupa takalon indah Lheuhnyan Kamoe kheun bak malaikat Tabri hormat tasujud bagah f Sujud bak Adam hai malaikat Geusujud ligat hana geubantah Di iblih teuma han jitem sujud", "Tuhan nyang maʻbud teuma Neupeugah Boh pakon di kah han katem sujud Ka Lon yue pubuet pakon kabantah Jikheun ulon nyoe leubeh nibak jih ý Ulon nyoe iblih manyang that leupah Nibak apui hu di lon Neupeujeut Di jih Neupeujeut bak tanoh basah", "Kheun Tuhan boh tron bek le di sinoe Peuteukabo droe sinoe that salah Jak teubit laju di kah hina that Han jeut meusiat sinoe le di kah", "Jikheun boh keu lon Neubri meutanggoh Jinoe sampoe troh uroe beunalah Sampoe ‘oh bangket lon Neubri tanggoh", "KĶa Ķubri tanggoh Neukheun le Allah Kubri tanggoh kah lagee kalakee", "Iblih peuteuntee teuma jipeugah í Sabab ka sisat Neupeujeut lonnyoe Bah lon peupaloe jihnyan lam salah Lon tham bek jijak bak jalan teupat Lon meungpeusisat jih lon tueng balah", "Di keu di likot jih lon jak linteung Rot wie rot uneun jih lon beureukah Han keuh Neuteume awak nyang chuko Teutapi nyang le nyang pubuet salah", "Kheun Tuhan teubiet laju kah keudeh Hina ngon paleh hana meutuah Soe nyang ikot kah dum cuco Adam Bandum Kuseumpom lam apui mirah Bandum jih ngon kah Kupeubinasa Tamong nuraka peunoh meulimpah", "Teuma hai Adam tinggai di gata Ngon judo gata seunang sileupah X Tinggai teuh sinan dalam churuga Peue-peue nyang hawa tapajoh bagah Nyang bek tapeutoe ubak kayeenyoe Meunyo tapeutoe raya that salah Jeut lalem gata taelanya droe À Meunyo tapeutoe larangan Allah", "Jipeuweh-weuh treuk gopnyan le chetan Ija bak badan jimeung peubeukah Jimeung boh ija bandua gopnyan Meunalee gopnyan jimeung peuleumah Baro-barokon geutop meunalee Jinoe meuteuntee abeh dum teuhah Kheun iblih Neutham gata le Tuhan Ubak kayee nyan bek ta meulangkah Padahai boh jih meunyo tarasa Meuhat jeut gata ureueng meutuah Bandua teuh jeut keu malaikat Keukai lam teumpat churuga indah", "Iblih meusumpah lon lonpeuingat Lon bri nasehat gata bek salah", "Bandua gopnyan keumah jipadan Bit tipee chetan carong that leupah ‘Oh ban geurasa pajoh boh kayee Leumah meunalee bandum ka teuhah Geuplueng bandua jak cok on kayee Ngon top meunalee mangat bek leumah Neuhoi treuk gopnyan teuma le Tuhan Neukheun bak gopnyan kon ka Kupeugah Ka Iheuh Ku peugah bak dua gata Bek sagai gata keunan talangkah Bek tajak keunan ubak kayee nyan Gata le chetan jimeung beureukah Gata bandua musoh ngon chetan Sabe jipadan gata beu salah", "Kheun dua gopnyan hai Tuhan kamoe Lalem that kamoe meupubuet salah Meuelanya droe bandua kamoe Neuampon kamoe wahe ya Allah Meu han Neuampon Neugaseh kamoe Rugoe that kamoe meunyesai teulah", "Kheun Tuhan jak tron leh bandum gata f Hana le tom reuda tameuparikah Sabe gata dum meumusoh-musoh Sinan tapiyoh bak bumoe Allah Meuseunang-seunang dang-dang troh watee", "Taudep dilee Neukheun le Allah r Sinan taudep sinan tamate Neupeuteubiet le dudoe le Allah Dudoe geubangket teubiet di sinan", "Hai aneuk Adam badan bek teuhah Ka Kamoe peutron pakaian gata Jeut aurat gata teutop le bagah Pakaian indah lom keu hiasan Takwa keu Tuhan nyang leubeh indah Pakaian takwa nyang leubeh that got Bandum nyan ayat kuasa Allah Mangat jeut jitueng dum keu peuingat", "Chetan nyang laknat bek jifiteunah Hai aneuk Adam beu ingat chetan Beu roh jipadan gata buet salah Lagee yoh dilee ma ngon ku gata Dalam churuga ek cit jipinah Ek jipeuteubiet nibak churuga Han le meuija aurat geuh teuhah Bandum awakjih deuh jieu gata Teuma di gata jih hana leumah Ka Kamoe peujeut soe han meuiman Walijih chetan jipubuet salah", "Watee jipubuet dacha nyang keuji Jikheun ka meukri lagee buet ayah Ayah-yah kamoe pubuet lageenyan Kamoe pih meunan Neuyue le Allah Takheun di Tuhan hana Neuyue nyan Buet keuji dumnyan raya that salah Peue tapeugah nyan nyang tan tateupue Bit that beuragoe takheun keu Allah", "Takheun Tuhanlon Neuyue beu ade Muka teuh sabe hadap keu Allah Bak tiep meusijid tahadap Tuhan Pubuet seumbahyang deungon ikheulah s Talakee duʻa ikheulah keu Tuhan Agama Tuhan teupat that leupah Lagee Neupeujeut gata dilee phon Tawoe pih meunan teuma bak Allah", "Saboh golongan Neubri peutunyok Teuma saboh treuk sisat sileupah Keu hak jih sisat Neubri le Tuhan Jicok keu rakan chetan seurakah Jicok keu wali di jih dum chetan Jikeubah Tuhan nyang bri hidayah Peutunyok chetan jisangka got that Ka keuh roh sisat di jih lam salah", "Hai aneuk Adam tacok pakaian ‘Oh taseumbahyang bek roh takeubah 7 Jak u meusijid beu got pakaian D Neuyue le Tuhan nyang Maha Murah Teuma gata dum pajoh makanan Tajep minuman bek leupah-leupah Nyang leupah pajoh han galak Tuhan Tajep pih meunan ube puleh grah", "Takheun soe teuma nyang ka peuhareum Dum perhiasan nyang indah-indah Atranyan bandum Neubri le Tuhan Jeut keusenangan keu Hamba Allah Raseuki haleu Neubri makanan Takheun atranyan karonya Allah Neubri keu bandum ureueng meuiman Udep di sinan lam bumoe luah Udep lam donya beu gleh ngon teupat Uroe kiamat teuma Neubalah Meunan meupeutrang ayat le Kamoe Keu soe nyang teupue hikeumat Allah", "Takheun Tuhanlon nyang Neupeuhareum Buet keuji bandum nyang jahat leupah Lahe ngon baten meunan pih dacha Hak manusia lom pih tareupah Boh nyan hana hak dum takeurija Charikat teuma takheun keu Allah Hana Neupeutron dali bak Tuhan Lom pih takheun ban narit nyang salah Takheun keu Tuhan nyang tan tateupue", "Ajai geutanyoe cit ka geukeubah Bandumna umat cit ka na ajai Meu ka troh ajai han jeut taubah Ý Meu siat tanggoh han jeut talakee Lom pih meuteuntee han jeut peubagah", "Hai aneuk Adam meu troh bak gata Lam kaom gata cit rasulullah Geuba ayat Lon bandum rasulnyan Bak gata keunan bandum geupeugah Teuma soe takwa ngon jipubuet got Han le teumakot hana le gundah", "Nyang han tem pateh keu ayat Kamoe Teuma awaknyoe teukabo leupah Jeut treuk jih bandum asoe nuraka Sipanyang masa sinan geukeubah", "Boh soe dih teuma nyang leubeh lalem Nibak awaknyan nyang sulet leupah Jipeuna-peuna sulet keu Tuhan Lom ayat Tuhan pih jikheun salah Keu jihnyan bandum ka na bagian Lam Kitab Tuhan ka Iheuh Neukeubah Hingga troh bak jih dum rasul Kamoe Geutanyong jinoe ho nyawong di kah Ho ka berhala nyang kakheun Tuhan Kaseumah jihnyan nyang bukon Allah Jiseuot kamoe hana meuteupat Soe leh ngon sisat ka jimeulangkah Jimeungaku droejih bandum kaphe Hana guna le dudoe that teulah", "Kheun Tuhan teuma boh tamong keunan À Sajan ureueng nyan nyang saban ngon khah Jen deungon insan nyang masa dilee Bandum meuteuntee lam apui mirah Soe nyang troh keunan umat ban teuka Paleh that gata laju jipeugah y ‘Oh ban meusapat bandum jih keunan Jikheun le yohnyan nyang ban troh langkah Bandum na kamoe jih nyang peusisat Neuazeub beu brat keu jih ya Allah Jitunyok ubak nyang awai teuka Keu jih Neuganda siksa brat leupah Neukheun bandum kah azeub meuganda Azeub nuraka hana peue peugah Hana kateupue hana karasa", "Awak phon teuka teuma jibantah f Jikheun bak rakan jih nyang ban teuka Kamoe ngon teuka saban that leupah Tan leubeh kamoe tan kureueng gata Jinoe tarasa azeub geubalah Sabab salah droeteuh dilee masa Tajak usaha lawan peurintah", "Nyang han tem pateh keu ayat Kamoe Teuma awaknyoe teukabo leupah Dum pinto langet han keuh geubuka Keu jih bahgia hana geuruah Han sagai tamong jih lam churuga Meu gohlom unta jilop lam babah Lam ruhung jarom lot jilop unta Pajan keuh masa tacuba peugah Meunan keuh Kamoe meubalah jasa Awak meudacha nyang pubeut salah", "Teumpat awaknyan dalam nuraka Geulheung ngon tika lam apui mirah Di ateuh jihnyan dum geuboh tutop 3 Tutong ngon hugop hana peue peugah Meunan keuh Kamoe meubri balasan Keu ureueng lalem nyang pubeut salah", "Teuma dum ureueng nyang na meuiman Ngon buet di gopnyan pih got that leupah Di kamoe teuma kon na meupeubuet Barangsoe meuhʻeut hana that payah Ube kuasa Kamoe yue pubuet Kon na meutuntut nyang jeut keususah I Ureueng nyan bandum asoe churuga Sipanyang masa sinan geukeubah", "Kamoe bot deungki lam dada gopnyan Di yup ureueng nyan ie krueng meulimpah Te krueng dum ile di yup ureueng nyan Geukheun le yohnyan al-Hamdulillah Pujoe keu Tuhan nyang bri peutunyok Kamoe dum Neucok Neubri hidayah Hana roe kamoe roh lam peutunyok Meu kon Neutunyok kamoe le Allah Rasul Po kamoe dum jak bak kamoe Geujak peureunoe bek roh buet salah Wateenyan geuhoi bandum ureueng nyan Teumpat gatanyan churuga indah Nyan keuh pusaka geujok keu gata Sabab buet gata dilee jroh leupah", "Teuma geukheun le asoe churuga Bak ureueng nyang na lam apui mirah Peue nyang Neujanji le Tuhan kamoe Ka meueu jinoe beuna that leupah Teuma dum gata asoe nuraka Na taeu beuna janji geupeugah Janji Po gata dilee ngon gata 3 Jinoe peue haba tacuba peugah Jikheun nyoe beuna kamoe meungaku Teuma geumeusu le ureueng peugah Nyan laknat Tuhan keu ureueng lalem", "Di jih han jitem bak jalan Allah Jitham lom ureueng bak jalan Tuhan Jijak bak jalan nyang ceukok leupah Han jipateh na uroe akhirat Jikaphe meuhat peue nyang geupeugah", "Antara kawom dalam churuga Deungon nuraka na ateung luah Di ateuh ateung na ureueng-ureueng Geuturi bandum ureueng dua blah Asoe churuga asoe nuraka Cit ka na tanda geuturi mudah Geukheun bak ureueng asoe churuga Seulamat gata ureueng meutuah Salam ‘alaikom asoe churuga Mantong dilua geupreh peurintah Napsu that ate tamong beu sigra Sang han ek saba meunan keuh ulah", "Watee na siat geupaleng muka Asoe nuraka leumah le bagah Geukheun treuk teuma wahe Po kamoe Bek Neubri kamoe keunan Neukeubah Ngon awak lalem kamoe bek sapat Wahe Hadharat nyang Maha Murah", "Ureueng bak ateung teuma kheun meunoe Ubak awaknyoe lam apui mirah Cit ka na tanda jihnyan geuturi Geukheun hana kri gata nyang meugah Areuta teuh le dum tapeusapat Hana munaphaʻat meuube seupah Dilee teukabo gata riya that Jinoe meularat nyang na geubalah", "Peue nyoe awaknyan nyang takheun dilee Han ek jiteumee rahmat bak Allah Ka tameusumpah dum bak watee nyan Barangban jih han keunan jilangkah Boh jak tamong dalam churuga Han peue curiga han peue tagundah", "Asoe nuraka teuma dum jikheun Bak ureueng nyang lam churuga indah Taple ie bacut keunoe keu kamoe Got pih barangpeue peue nyang na mudah Raseuki gata Ņeubri le Tuhan Seuot ureueng nyan Neutham le Allah Keu ureueng kaphe hareum atranyan Meunan bak kamoe ka lIheuh Neupeugah", "Di ureueng kaphe agama jihnyan Jimeuen-meuen jikheun beurakah Ka jitipee jih le udep donya Uroenyo teuma Kamoe tueng balah Dilee jih teuwo akan uroenyo Meureumpok jinoe baro jih teulah Teuma di Kamoe pih teuwo keu jih Uroenyo di jih jeut jitop babah Lom pih dilee jih bandum jiungki Ayat Kamoe bri sulet jipeugah", "Kamoe bri keu jih dum saboh kitab Kamoe peutrang that asoe meupeugah Deungon ‘eleumee Kamoe peugot nyan Peutunyok mukmin nyang jroh sileupah Lom pih jeut rahmat keu soe meuiman", "Boh peue awaknyan jipreh troh balah Jipreh troh takwi lagee geujanji Meu ka troh takwi tan le phaedah Awak nyang teuwo akan janjinyan Jikheun wateenyan beu na risalah Rasul Po kamoe keubit beuna that Neubri chupeuʻat kamoe ya Allah h Na soe tem lakee chupeuʻat Kamoe Neuampon kamoe dum buet nyang salah Got pih Neupeuwoe keudeh lom kamoe Meupubuet jinoe ban nyang peurintah Han le meupubuet lagee nyang ka-ka s Teulah meuh raya rugoe sileupah Jipeurugoe droejih dum awaknyan Tuhan jih dum nyan ka gadoh sudah Tuhan jih dum nyang jipeuna-peuna Abeh dum phana tan le meurimbah", "Tuhan nyang peujeut langet ngon bumoe Po gata dumnyoe cit sidroe Allah Di ateuh arasy teuma Neupiyoh Neungieng bandum troh hana meuilah Neupeujeut malam jiseutot uroe Meutaloe-taloe hantom meuubah Lom mata uroe buleun ngon bintang Lam jaroe Tuhan bandum peurintah Beu na tateupue Droeneuh nyang peujeut Teuma ban nyang h‘eut Droeneuh peurintah Tuhan Po alam Maha Suci that Maha Beuruekat cit sidroe Allah", "Tahoi Po gata ‘oh tameuduʻa Droe gata hina tapandang rendah Meusunyi-sunyi ngon khuchu‘ ate Beu na tapike kuasa Allah Soe-soe nyang riya leupah-leupah that Ureueng nyan meuhat han gaseh Allah", "Bek pubuet fased di dalam bumoe ‘Oh Iheuh got dumnyoe takalon indah Teuma meuduʻa lakee bak Tuhan Tatakot yohnyan keu azeub Allah Lom pih taharap keu rahmat Tuhan Bit rahmat Tuhan cit toe that leupah Rahmat Tuhan toe keu ureueng nyang got Nyang buet jih dum got hana meusalah", "Tuhan nyang kirem angen gembira Nyan jeut keu tanda tron rahmat Allah Hingga troh awan jiba le angen Kamoe yue keunan awan brat leupah Jiba awannyan bak nanggroe mate Kamoe peutron le ujeun dum boh bah Kamoe peutubiet deungon ujeun nyan Tanam-tanaman bijeh ngon buah Kamoe peubangket ureueng nyang mate Í Meunan keuh miseu hana meuubah Mangat jeut gata dum keu peuingat Keubit Hadharat kuasa leupah", "Bak tanoh nyang got teubiet tanaman Í Ngon izin Tuhan ijo sileupah Meunyo hana got tanoh meubatee Barangpeue lagee tapula salah Adak pih timoh bak jih keureukep Sapeue hana got keunan takeubah Meunan keuh ayat dum Kamoe ato Mangat jichuko ureueng nyang ceudah", "Rasul Kamoe Noh ka Kamoe kirem Bak kawom gopnyan teuma geupeugah Wahe kawom lon taseumah Tuhan f Tan laen Tuhan meulengka Allah Di lon lontakot keu gata azeub Sabab tapubuet dum buet nyang salah Haro-hara that ‘oh uroe dudoe", "Kawom geuh meunoe jiseuot bagah Kamoe meukalon gata ka sisat Keubit nyata that hana meuilah", "Kheun Noh hai kawomlon nyo kon sisat Rasul Hadharat lon ba peurintah Ulon nyoe rasul nibak Po alam", "Neuyue le Tuhan lon ba risalah Peurintah Po lon lonba bak gata Neuyue peunyata beuna ngon salah Nyoe keuh nasehat lonbri keu gata Mangat dum gata turot peurintah Peurintah Tuhan nyang tan tateupue Di lon lon teupue Neubri le Allah", "Ek hireun gata meunyo troh teuka Keunan bak gata utusan Allah Rasul nyan meuhat lam kawan gat Nibak Po gata geuba peurintah Geujak peuingat keu bandum gata Beu tatakwa bandum keu Allah Lom nak jeut gata geunaseh Tuhan", "Kheun treuk awaknyan sulet sileupah Han jitem pateh narit Nabi Noh Teuma Nabi Noh Kamoe peuleupah Geuek lam kapai ngon rakan gopnyan Nyang pateh gopnyan ureueng meutuah Nyang han tem pateh dum ayat Kamoe Karam jimanoe lam laot luah Kamoe peukaram bandum lam laot Nyang han tem turot buta sileupah", "Ubak kawom ‘Ad Kamoe kirem Hud Geukheun tasujud taseumah Allah Wahe kawomlon taseumah Tuhan Tan laen Tuhan meulengkan Allah Pakon han tatem dum tatakwa", "Jiseuot lanja kaphe seurakah Awak nyang kaphe lam kawom gopnyan Peue roe atranyan nyang gata peugah Sang-sang ka rabue meukalon gata Keubit roe gata sulet that leupah Kamoe meuyakin gata sulet that", "Geuseuot ligat le Hud geupeugah Lon nyoe kon rabue wahe kawomlon Tapi jinoe lon utusan Allah Rasul Po alam lonjak bak gata", "Bak lon Neuyue ba keunoe peurintah Risalah Po lon lonba bak gata Neuyue peunyata beuna ngon salah Bak gata bandum lonbri nasehat Di lon cit kong that lon mat amanah", "Ek hireun gata meunyo troh teuka Keunan bak gata utusan Allah Rasul nyan meuhat lam kawan gata Nibak Po gata geuba peurintah Geujak peuingat keu bandum gata Taingat gata jeut keu khaliphah Neupeujeut gata gantoe kawom Noh Sabab kawom Noh raya that salah Neupeujeut gata lom leubeh teuga Tuboh perkasa takalon gagah Teuma taingat dum nikmat Tuhan Meunyo na meunan untong that leupah Mangat jeut gata dum meubahgia", "Jiseuot lanja peue roe tapeugah Jikheun peue tajak keunoe bak kamoe Tayue bak kamoe jak seumah Allah Takheun le gata Tuhan nyang sidroe Nyang Tuhan kamoe beu kamoe keubah Ayah-yah kamoe nyan dum keu Tuhan Geuh tayue seumayang bek le meuseumah Boh nyang tajanji jinoe peuteuka Meunyo bit beuna peue nyang tapeugah", "Kheun Hud bit jinoe ka beungeh Tuhan Nyoe azeub Tuhan teuma ateuh kah Peue tameudawa gata deungon lon Teuntang nan Tuhan teuh nyang le leupah Ayah-yah gata ngon gata saban Taboh nan Tuhan teuh nyang kon Allah Hana Neupeutron dali le Tuhan Bandum nan Tuhan teuh nyang tapeugah Tapreh treuk jinoe kamoe pih meupreh Soe-soe nyang teupeh nyan keuh nyang tewah", "Kamoe peuleupah treuk teuma gopnyan Ngon rakan gopnyan nyang pateh Allah € Kamoe bri rahmat dum keu ureueng nyan Sabab meuiman bandum keu Allah Teuma nyang kaphe Kamoe koh taloe Abeh rhet pangphoe sinan ka reubah Jipeugah sulet dum ayat Kamoe Han jitem pakoe peue nyang peurintah Han jimeuiman di jih keu Tuhan Nyan keuh di Tuhan ka Neutueng balah", "Kamoe kirem lom Saleh bak Tsamud Geukheun tasujud taseumah Allah Wahe kawomlon taseumah Tuhan Tan laen Tuhan meulengkan Allah Nyoe ka troh dali bak Tuhan gata Nyang trang ngon nyata takalon mudah Nyoe unta Tuhan dali keu gata Nyang jeut keu tanda kuasa Allah Bek tapeukaru teuma unta nyan Jimeurot sinan bak bumoe Allah Meunyo tapoh jih azeub peudeh that Keu gata meuhat Neubri le Allah", "Neupeujeut gata lom beu taingat ‘Oh Iheuh kawom ‘Ad jeut keu khaliphah Di dalam bumoe gata kuasa Bak tanoh data tatueng phaedah Peugot meuligoe bak tanoh santeut Buket pih tapheut bak piyoh payah Takurek buket peugot keu rumoh Taudep dameuh hana le susah Teuma taingat keu nikmat Tuhan Bek geulandangan tapubuet salah Bek pubuet jeuheut di dalam bumoe", "Jikheun le meunoe teukabo leupah Awak nyang rayok dum teuma jikheun Bak ureueng mukmin rakyat nyang rendah Na roe tateupue soe dih Saleh nyan Nyoe rasul Tuhan lagee jih peugah Teuma geuseuot bandum ureueng nyan Kamoe meuiman peue nyang geupeugah Gopnyan nyoe rasul kamoe meuiman", "Jikheun le yohnyan le awak meugah Kamoe meukaphe han tem meuiman Nyang gata iman rijang that leupah", "Jitop ngon leumbeng treuk bak pruet unta Jidarohaka larangan Allah Jikheun hai Saleh peuteuka jinoe Bala keu kamoe lagee tapeugah Meunyo bit gata nyoe rasul Tuhan Janji gata nyan tapeutroh bagah", "Teuka treuk geumpa ateuh awaknyan Reubah meutimphan hana soe peuglah Di dalam rumohjih dum ka mate", "Geujak teubiet le Saleh meutuah Geukheun hai kawom lon ka lonpeutroh Nyang Neuyue peutroh bak lon le Allah Risalah Po lon Neuyue ba siat Lon bri nasehat keu gata sudah Teuma han tatem deungo nasehat Nyan keuh akibat Neubri le Allah", "Nabi Luth teuma geukheun bak kawom Geuh pakon bandum gata ka salah Buet nyang that keuji nyang gata pubuet Han tom soe pubuet masa nyang sudah Han tom soe pubuet ban saboh alam", "Ngon sabe agam teuh tameunikah Bak sabe agam tapeulheuh syahwat Inong ceudah that bandum takeubah Inong nyang ceudah hana tahawa Leupah that gata dum pubuet salah", "Jaweub kawom geuh cit kon peue laen Bek that tameucen peue nyang jipeugah Peuteubiet keudeh jihnyan di sinoe Bek sajan tanyoe jihnyan gleh leupah Han jeut tinggai jih lam gampong tanyoe Ngon rakan jih nyoe yue teubiet bagah", "Teuma di Kamoe meupeuglah gopnyan Ngon ahli gopnyan Kamoe peuleupah Nyang han tem teubiet peurintah gopnyan Tinggai treuk sinan binasa sudah", "Ateuh awaknyan Kamoe bri ujeun Teuka sang tupban tunjai sileupah Nyan keuh takalon pakriban bala Akibat dacha awak buet salah", "Meukirem Syuib teuma u Madyan Gopnyan cit sinan geuh asai liah Geukheun hai kawom taseumah Tuhan Tan laen Tuhan teuh meu kon Allah Nyoe ka troh dali bak Tuhan gata Nyang troh ngon nyata hana meuilah Watee tasukat deungon tatimang Beu keubit timang bek sagai salah Bek tapeukureueng timang ngon sukat Peurugoe rakyat tamita hilah Bek pubuet fased di dalam bumoe Watee lheuh bumoe ka jroh geupeugah Meunyo bit gata ureueng meuiman Nyang got that meunan tapubuet bagah", "Bek tajak duek-duek sinan bak jalan Peutakot rakan bak jalan Allah Tajak tham ureueng bak jalan Tuhan Ureueng meuiman tayue buet salah Tajak peukiwieng jalan nyang teupat Beu na taingat masa nyang sudah Yoh dilee gata hana padum droe Teuma watee nyoe ka le that leupah Neubri le gata bandum le Tuhan Tangieng pakriban ureueng nyang salah Ureueng nyang salah jipubuet fased Taeu akibat pakriban ulah", "(Meu na golongan nyang tem meuiman Jipateh peue nyang lon ba risalah Teuma na cit nyang han tem meuiman Tapreh teuma nyan ban hukom Allah Tapreh Neuhukom antara tanyoe Meuri di sinoe beuna ngon salah JUZ 9) f Tuhan keuh sidroe nyang got keu hakim í Nyan keuh nyang hakim nyang paleng ceudah", "Awak nyang chik-chik lam kaom gopny« Jikheun le yoh nyan meunan jipeugah Kamoe peuteubiet gata hai Syuʻib Meunyo cit keubit gata han ubah Ngon awak mukmin sajan gata nyoe Lam gampong kamoe bek le meurimbah Adak pih tawoe lom sajan kamoe é Agama kamoe bek le tabantah Tatem ikot lom agama kamoe Syuʻib kheun meunoe pakri tapeugah Meunyo dikamoe han meutem teubiet Peue tapeuteubiet kamoe tagagah", "Meunyo meuwoe bak agama gata Ka kamoe peuna sulet keu Allah Ka Neupeuleupah kamoe nibak nyan Han meuwoe ke nan meu kon yue Allah Meu kon ka kheundak nibak Po kamoe Hankeuh kamoe woe bak buet nyang salah Cit ka Neuteupeue dumpeue le Tuhan ‘Eleumee Tuhan leupah that luah Bandum bak Tuhan kamoe peujok droe í Hai Tuhan kamoe pinto Neupeuhah Neubuka pinto antara kamoe Ngon kaom kamoe nyang peubuet salah Neubri beu leumah nyang kebenaran Wahe ya Tuhan Nyang Maha Murah Droeneuh sineujroh ureueng nyang buka Pinto nyang beuna Neubri beu teuhah", "Awak nyang kaphe lam kaọm gopnyan Jikheun bek keunan kajak dum dikah Meunyo kaikot akan Suʻib nyan Jeuet bandum kah nyan rugoe sileupah", "Teuka treuk geumpa ateueh awak nyan Reubah meutimphan hana soe peuglah Mate di rumoh jih dom meuseupet", "Jipeugah Syuʻib sulet that leupah Lheueh nyan sang hana ureueng di sinan Seungue gampong nyan lagee blang luah Awak nyan peugah Syuʻib sulet that Jihkeuh nyang meuhat rugoe sileupah", "Teuma geuminah Syuʻib di sinan Geukheun le yoh nyan ka lheueh lon peugah Wahe kaom lon ka Iheueh lon peutroh Nyang Neuyue peutroh bak lon le Allah Risalah Po lon Neuyue ba siat Lon bri nasehat keu gata sudah Teuma pakri lon ek sosah ate Kaom nyan kaphe bandum keu Allah", "‘Oh Kamoe kirem sidroe-droe nabi Kamoe yue jak bri keunan peurintah Bak ureueng nanggroe nyang han tem turot Kamoe peuikot teuma musibah Meubri seungsara dengon meularat Mangat jih teupat ikot peurintah", "Lheueh nyan Meugantoe sosah ngon seunang Aneuk deungon nang ka le mautamah ; Le aneuk cuco lom le hareuta í Han ek takira meulimpah ruah Teuma jikheun treuk ayah-ayah kamoe Dilee phon meunoe meularat leupah Teuma jeuet seunang laju meugantoe ‘Ohban jikheun nyoe troh le musibah Kamoe hukom jih ngon tiba-tiba Abeh binasa rijang sileupah Hana jithee-thee bala troh keunan", "Adak meuiman roe jih keu Allah Sangkira jitem jih nyan meuiman Awak gampong nyan han keunong teulah Jitem taqwa lom keu Hadharat Teuntee beureukat dum Kamoe peuhah Beureukat langet beureukat bumoe Bandum keu jih nyan Kamoe hadiah Tapi dijih dum han jitem pateh Kamoe peuabeh treuk jih Meubalah Sabab buet droejih yoh dilee masa Jijak usaha jalan nyang salah", "Ek teuma aman awak lam nanggroe Meunyo le Kamoe Meubri musibah Watee teungeut jih Kamoe bri bala Lam seupot buta ho jimeu langkah", "Ek teuma aman awak lam nanggroe ‘Oh beungoh uroe pih troh musibah Teungoh jimeuʻen galak hana ban", "Ek jih dum aman bak hukom Allah Tuhan Neubalah tipee daya jih Hankeuh aman jih bak azeueb Allah Meulingkan cit jih kaom nyang rugoe Jisangka jih nyoe aman sileupah", "Peue hana teuka pikeran bak jih Bumoe nyoe keu jih ka lheueh geukeubah Jitueng pusaka bak ureueng dilee Bandum meuteuntee cit bumoe Allah Nyang Kamoe kheundak Kamoe hukom jih Sabab deicha jih Meubri musibah Lom jeuet Kamoe cap dalam ate jih Han le deuh dijih deungo peurintah", "Nyankeuh dum nanggroe nyang Kamoe rawi Peue nyang teurjadi dum Kamoe kisah Teuka dum rasul ubak awak nyan Geuyue meuiman keu ayat Allah Ayat nyang nyata peurintah Tuhan Han jimeuiman dijih jipeugah Dileekon cit ka han jimeuiman Jinoe pih meunan hana meuubah Meunankeuh Tuhan Neucap ate jih Sabab kaphe jih akan peurintah", "Le that Kamoe eu bandum awak nyan Sabab jih meunan janji jiubah Awak nyang fasek nyan le takalon Jipeubuet nyang kon peurintah Allah", "Meukirem Musa teuma ‘oh lheueh nyan Ubak Peuraʻeun geuba peurintah Dum ayat Kamoe geuba ubak jih Ngon bak kaom jih bandum geupeugah Teuma lalem jih han jitem pateh Akibat meuceh keu jih musibah Pakri akibat soe peubuet fased Takalon sabet Neubri le Tuhan", "Geukheun le Musa wahe Peuraʻeun Ulon nyoe rasul utosan Allah Utosan nibak Tuhan Po alam", "Dilon han jeuet han lon ba peurintah Han jeuet han lon ba narit nyang beuna Nyang trang ngon beutoe Neuyue le Allah Lon ba ngon dali nibak Po gata Teuma bak gata jinoe lon peugah Tabri keu ngon lon Bani Israi Tuhanku Rabbi meunan geupeugah", "Jikheun meunyo bit na taba ayat Peuleumah ligat bek le takeubah Meunyo bit gata ureueng nyang beuna", "Teuma le Musa geutiek treuk bagah ‘Oh geutiek tungkat ka jeuet keu uleue Keunan jipeukeue bak musoh Allah", "Lom geusuet jaroegeuh leumah puteh Jikalon peungeuh hu meujeureulah", "Kheun treuk awak nyan sihe atra nyoe Carong that jih nyoe ‘eleumee luah", "Jimeung peuteubiet gata lam nanggroe Teuh pakri jinoe teuma tapeugah", "Jikheun treuk teuma tayue preh bak jih Deungon aduen jih jipiyoh payah Tajak krah rakyat dum dalam nanggroe Tayue jak keunoe bandum beubagah", "Tayue jak bandum ngon tukang sihe Nyang carong pike bak mita ilah", "Tukang sihe troh dum bak Peuraʻeun Watee nyan jikheun na tabri upah Upah keu kamoe meu kamoe meunang", "Seuot Peuraʻeun bandum na upah Gata dum teuma lom toe ngon raja Ureueng mulia hana ban peugah", "Kheun treuk awak nyan hai Musa pakri i Soe nyang mulai peuleumah tuah Kamoe tiek dilee atawa gata", "Gata phon mula Musa kheun bagah ‘Oh ban dum jitiek ‘eleumee sihe Teumakot ate ureueng yo leupah Jimevʻen sulap jibalek mata Sihe that raya ‘ajeb sileupah", "Kamoe beri wahyu teuma bak Musa Tiek tungkat gata jinoe tabalah ‘Oh ban ka geutiek tungkat le Musa Jiʻuet le sigra peue nyang meurimbah Abeh dum jiʻuet sihe awak nyan", "Nyata le yoh nyan beuna ngon salah Kakeuh beh bateue peue nyang jipeugot Musa beuna that ka trang sileupah", "Ka abeh talo bandum jih sinan Jiwoe le yoh nyan malee that leupah", "Tukang sihe dum teuma jisujud", "Jikheun cit patot kamoe nyang kalah Kamoe meuiman jinoe keu Tuhan Nyang Po dum alam deungon blah bicah", "Keu Tuhan Musa ngon Tuhan Harun", "Kheun treuk Peuraʻeun beungeh jih leupah Peue tameuiman keu jih dum gata Bak lon nyang raja hana tapeugah Goh lom kuidin dilon keu gata Bit tipee daya tapeugot ulah Tapeugot kaco di dalam kuta Tayue keulua rakyat tan salah Tameung peuteubiet rakyat u lua Tateupeue sigra akan kubalah", "Kukoh jaroeteuh beu sirong sareng Gaki wie uneuen kukoh siblah-blah Lheueh nyan kusula bandum kuteupang", "Seuot awak nyan kamoe ikheulah Kamoe keumeung woe bak Tuhan kamoe", "Digata jinoe tameung tueng balah Gata tueng balah teuma bak kamoe Sabab dum kamoe iman keu Allah Kamoe meupateh ayat Po kamoe Ka troh bak kamoe Musa jak peugah Beu ek meusaba wahe Po kamoe Beu mate kamoe dalam meunyeurah Beu mate kamoe dalam Iseulam", "Kaom Peuraʻeun teuma kheun bagah Peue tapeubiyeue Musa lagee nyan Ngon kaom jih nyan jipeugot ulah Jimeung peurusak dum dalam bumoe Tuhan geutanyoe pih jipeusalah Jikeubah gata ngon Tuhan gata Peuraʻeun teuma jiseuot bagah Tapoh beumate aneuk awak nyan Nyang agam-agam bek na takeubah Tinggai nyang inong mantong nyang udep Nyang jeuet tapiret bek jimeuulah", "Kheun Musa teuma bak kaom gopnyan Talakee tulong tanyoe bak Allah Gata nyoe bandum beu that tasaba Tuhan kuasa tanyoe Neupeuglah Bumoe nyòe’Neubri jeuet keu pusaka Keu soe nyang kada ban nyang hʻeut Alla Keu soe Neukheundak Neubri le Tuhan Milek Droeneuh nyan beurangban jih sah Teuma akibat keu soe nyang taqwa Nyang meubahgia seunang that leupah", "Kheun kaom gopnyan kamoe disiksa Yoh gohlom gata keunoe talangkah Jipeugot meunoe lom ‘oh troh gata Geuseuot Musa teuma geupeugah Bah jipeubuet nyan dang-dang binasa Akan troh teuka Neubri le Allah Musoh gata nyan Neupeubinasa Gantoe le gata teuma khalifah Gata khalifah teuma lam bumoe Neukalon jinoe buetteuh le Allah", "Teuma dikamoe Meubri hukoman Kaom Peuraʻeun teuka khueng leupah Padum thon sabe tan jeuet tanaman Boh kayee meunan kureueng sileupah Mangat jeuet jitueng keu peulajaran", "‘Oh watee seunang jikheun jih tuah ‘Oh watee sosah ka salah Musa Siai that gata meunan jipeugah 5 Gata nyang salah ngon kaom gata s Nyang keubit teuma droejih nyang salah Nyang le awaknyan hana jiteupeue Siai jih keudroe hukoman Allah", "Jikheun beurangpeue taba bak kamoe Han jeuet dikamoe meutueng phaedah Bek taba ayat peusihe kamoe Tayue dum kamoe iman keu Allah Peue nyang tapeugah han meumeuiman", "Teuka treuk tophan angen kreueh leupah Kamoe bri tophan teuka meuree-ree Daruet ngon gutee cangguek ngon darah Musibah teuka meutaloe-taloe Meubagoe-bagoe Neubri le Allah Teuma jih teutap peuteukabo droe Biek kaom pandoe jipeubuet salah", "‘Oh ban ka teuka ‘azeueb meuree-ree Teuma jilakee bak nabi Allah Jikheun hai Musa talakee doʻa í Bak Tuhan gata kamoe Neupeuglah Digata cit na janji ngon Tuhan Dum permintaan Neubri le bagah Kamoe meuiman teuma keu gata Meunyo le gata kamoe tapeuglah Bani Israi pih jeuet cit taba Jeuet keu ngon gata kamoe peuleupah", "Ban kamoe peuglah jih nibak bala Ka troh bak Musa jih dum ka leupah Lalu jibalek narit jih nyang ka", "Sabab nyan teuma kamoe tueng balah Kamoe peukaram treuk jih lam laot Han jitem turot nyang kamoe peugah Han jipadoli Kamoe bri ayat Bandum sulet that meunan jipeugah", "Teuma Kamoe bri treuk keu pusaka 3 Bandum peue nyang na Peuraʻeun keubah Awak nyang leumoh dijajah dilee Jinoe meuteuntee jeuet keu khaliphah Jeuet jikuasa timu ngon barat Jinoe seunang that ka raya tuah Bandum Kamoe bri keu jih beureukat Bumoe nyoe meuhat ka ek jijajah Ka sampureuna narit Po gata Dum kaom Musa jinoe ka mewah Bani Israi ka meubahgia Sabab jisaba Tuhan Neubalah È Kamoe peuanco treuk buet Peuraʻeun Peuneugot jih dum Kamoe peubicah Peue nyang jipeugot dum dilee le jih Deungon kaom jih watee jih mewah Meuligoe indah dilee jipeudong Ka anco bandum jeuet keu seujarah", "Kamoe peuleupah Bani Israi ‘Oh lheueh jititi laot nyang luah ‘Oh ka troh keunan bak saboh kaom Nyang seumah patong Tuhan jìpeugah Kheun kaom Musa teuma bak gopnyan Tanyoe pih meunan jinoe taseumah Tapeugot Tuhan jinoe keu kamoe Lagee awak nyan tuhan le leupah Musa kheun teuma jahe that gata Nyang kon-kon haba nyan dum tapeugah", "Peue nyang jipeugot dum le awak nyan Bandum atra nyan raya that salah Anco dum bateue nyang jipeugot nyan", "Kheuen Musa nyang nyan han jeuet taseumah Ek patot lon jok tuhan keu gata Nyang tan kuasa nyang bukon Allah Ka Neupeuleubeh gata lam alam", "Nibak Peuraʻeun gata pih ka g’ Kaom Peuraʻeun jiseksa gata Hana takira kamoe peuleupah Aneuk agamteuh dum jipeumate Inong nyang male mantong jikeubah Tinggai nyang inong jipoh nyang agam Pakriban keujam buet jih seurakah Cobaan Tuhan nyan dum keu gata Raya that bala Neuuji tuah", "Ka Kamoe janji teuma ngon Musa Lhee ploh malam ka geujak meusiblah Kamoe peucukop lom siploh malam Jeuet peuet ploh malam geujak munajah Geukheun le Musa teuma bak Harun Gata hai aduen sinoe lon keubah Lon tinggai gata gantoe lon siat Kaom lon batat beu na tateugah Tapeubuet nyang got bek roh taikot Kaom nyang karot jipeubuet salah", "‘Oh ban troh watee Musa munajat Ngon Kamoe meuhat ka Iheueh Meupeugah ‘Oh ban Tuhan-geuh marit ngon gopnyan Geulakee yoh nyan geukalon Allah Tuhan Neubri lon lonkalon gata Allah Taʻala teuma Neupeugah Han ek roe gata deuh takalon Lon Tapi takalon keudeh beu leupah Buket manyang jeh keudeh takalon Meunyo na mantong cit taeu leumah Meunyo buket nyan mantong di sinan Ulon watee nyan takalon leumah ‘Oh ban ka nyata deuh cahya Tuhan Anco buket nyan teupeuro bicah Sira geukalon buket ka rata Pansan treuk Musa sinan ka reubah Puleh tak pansan geukheun treuk meunoe Maha Suci Droeneuh hai ya Allah Lon toubat bak Droeneuh jinoe dilon Ulonkeuh nyang phon iman keu Allah", "Kheun Tuhan teuma jinoe hai Musa Lon pileh gata nyang ba risalah Risalah Lon nyoe ngon narit Lon nyoe Tapeutroh jinoe bak hamba Allah Tamat beu kong that peue nyang ka Lon bri Tachukor lagi teuma keu Allah", "Lom Kamoe tuleh teuma keu Musa Sigala rupa nyang meuphaedah Kamoe tuleh dum bak papeuen kayee Ngon papeuen batee dum na peurintah Nasehat nyang jroh dum peulajaran Bandum Neupeutrang nyata ngon mudah Tacok hai Musa tamat nyan beukong Lom tayue kaom turot peurintah Beu jitem peubuet bandum nyang got-got Nyang han tem seutot cit Lon peuleumah Awak nyang fasek cit ka na teumpat ‘Oh dudoe meuhat cit Lon peuleumah Lon peu eu teuma bak gata bandum", "Awak nyan bandum teukabo leupah Kon hak teukabo dijih lam bumoe Bak ayat Lon nyoe jih Lon peusiblah Beurangpeue ayat watee jikalon Han jimeuiman laju jipeugah Watee jikalon jalan peutunyok Dijih han jicok jipeugah salah Watee jikalon jalan nyang sisat Keunan jikarat jijak le bagah Han jipadoli Kamoe bri ayat Bandum sulet that meunan jipeugah", "Soe nyang kheun sulet dum ayat Kamoe Akhirat meunoe saban jipeugah Hana meurumpok uroe akhirat Amai jih meuhat abeh meuruah", "‘Oh leupah Musa dikaom gopnyan Jicok hiasan dum nyang jikeubah Jipeusapat meuh jih bacut sapo Keu aneuk leumo jipeugot bagah Aneuk leumo nyan pih na suara Patong beurhala saban jiulah Peue hana jieu han jeuet jimarit Sang-sang aneuk miet hana meuubah Han jeuet jitunyok keu jih nyan jalan Jikheun nyan Tuhan bangai sileupah Keubit lalem that bandum awak nyan", "Teuma ‘oh lheueh nyan meunyeusai teulah ‘Oh ban jiteupeue jih dum ka sisat Jikheun le leugat lakee bak Allah Meu han Neugaseh tanyoe le Tuhan Meu han Neuampon tanyoe le Allah Meu han Neupeuglah dum deecha tanyoe Bandum geutanyoe rugoe sileupah", "‘Oh ban troh geuwoe Musa bak kaom- Geuh jiek seuuem beungehgeuh leupah Geukheun treuk brok that kukeubah gata Dum gata puja nyang bukon Allah Peue han ek tapreh yue Tuhan gata Goh lom lon gisa tapeubuet bagah Geutiek ngon papeuen kayee ngon batee Geumat bak ulee aduen-geuh bagah Geutarek bak ok ukeue geuh keunan Teuma kheun aduen adoe meutuah Nyan kaomteuh nyan hai aneuk ma lon Han jideungo lon peue nyang lon peugah Rap jipeumate lon le kaom nyan Teuma bek meunan lon tapeusalah Meu jieu meunoe tapeubuet ke lon Seunang jih bandum galak jih leupah Bek takheun saban lon ngon kaom nyan Keubit jih dum nyan lalem sileupah", "Geukheun Tuhanku Neuampon keu lon Ngon chedara lon ka roh meusalah Neupeuroh kamoe dalam rahmat Droe- Neuh Droeneuh sidroe geumaseh leupah Nyang paleng gaseh keu bandum hamba Cit Droeneuh saja nyang Maha Murah Di antara dum ureueng geumaseh Leubeh that gaseh Droeneuh ya Allah", "Awak nyang seumah dum aneuk leumo Mureuka that Po jih han ban peugah Mureuka Tuhan Neubri jih hina Lam udep donya jih keunong culah f Meunankeuh ureueng nyang peuna-peuna Hana trep teuma cit Kamoe balah", "Teuma dum ureueng nyang peubuet jahat Lheueh nyan jitoubat sabab ka salah f Lom jimeuiman dijih keu Tuhan Ngon teuma Tuhan Peungampon leupah Lagi pih Tuhan Maha Geumaseh", "Teuma ‘oh puleh Musa bak marah Geucok treuk papeuen kayee ngon batee Asoe jih teuntee peutunyok Allah Lom rahmat Allah keu soe nyang takot Keu soe nyang turot peurintah Allah", "Teuma geupileh le Nabi Musa Ngon nyang seutia turot peurintah Na tujoh ploh droe ureueng peunileh Geuyue jak keudeh bak migat Allah Teuma ‘oh ban troh geumpa nyang raya Geukheun le Musa wahe ya Allah Meunyo Neukheundak Neupeubinasa Kaom ngon hamba binasa sudah Sabab soe jahe dum peubuet deicha Kamoe binasa wahe ya Allah Ekkeuh dum kamoe Neupeubinasa Meuhat Neucuba peue kamoe tabah Jeuet Neupeusisat soe nyang Neukheundak Soe nyang Neukheundak Neubri hidayah Í Neuampon kamoe Neugaseh kamoe Nyang wali kamoe Droeneuh ya Allah Droeneuh sineujroh ureueng peuampon", "Neutuleh keu lon ureueng meutuah Neutuleh kamoe got lam donya nyoe Meunan cit dudoe akhirat nyang sah Jinoe bak Droeneuh ka kamoe toubat Neukheun treuk ingat keunong musibah ‘Azeueb Lon keunong bak soe nyang hʻeut Lon Teuma rahmat Lon leupah that luah Rahmat Lon leupah jilop beurangho Hana meu saho pih nyang han leupah Akan Lon tuleh keu soe nyang takwa Zakeuet hareuta jitem peusiblah Jijok keu ureueng nyang hak teurimong Lom jimeuiman keu ayat Allah Keu ayat Kamoe dum jimeuiman", "Rasui pih meunan jiikot bagah Nabi nyang ummi nyang buta huruh Nyang jikalon deuh dilee geupeugah Ka lheueh geutuleh di dalam Tourat Lam Injil meuhat pih na geupeugah Geuyue buet nyang got geutham buet jeuheut Nyang jeuet ngon han jeuet beuna ngon salah Geupeugah haleue makanan nyang got Nyang brok-brok han got hareuem geupeugah Ubena awih nyang geuhon-geuhon Rante baroekon bandum geupeuglah Teuma beurangsoe iman keu gopnyan Jitulong gopnyan bak watee sosah Jipeumuliageuh ngon jiturot Lom pih jiikot cahya nur Allah Nur nyang Geupeutron keunan bak gopnyan Nyankeuh ureueng nyan bahgia leupah", "Takheun bak insan lon rasui Tuhan Bak gata bandum geuyue jak peugah Tuhankeuh nyang Po langet ngon bumoe Keurajeuen sinan cit sidroe Allah Tan Tuhan laen nibak Droeneuh nyan Nyankeuh nyang Tuhan kuasa leupah Tuhan peuudep ngon Neupeumate Meuiman sare gata keu Allah Iman keu Tuhan deungon keu Rasui- Neuh Beu takabui bandum perintah Nabi nyang ummi nyang buta huruf Nyankeuh nyang makruf iman keu Allah Iman keu Tuhan ngon narit Tuhan Geutanyoe sajan Neuyue peurintah Tanyoe taikot bandum bak gopnyan Mudah-mudahan Neubri hidayah Neubri peutunyok gata le Tuhan Bek roh lam kawan awak nyang salah", "Lam kaom Musa na ladom umat Nyang bri nasehat bek roh buet salah Geutunyok umat ubak nyang beuna Ngon nyan jeuet teuma ade that leupah", "Awak nyan teuma Kamoe peubagoe Duablah bagoe ‘oh tajumeulah Teuma kaom nyan meuhajat keu ie Meunyo hana ie leupah that sosah Kamoe bri wahyu teuma bak Musa Nyan tungkat gata tatueng phaedah Ateueh batee nyan tapoh ngon tungkat Jiteubiet leugat laju ie boh bah Duablah boh lueng jeuet sinan meuhat Bandum jitupat maseng kabilah Kamoe ba awan keu jih lom meuhat Ie mon mangat that Meupeutron bagah Ngon cicem puyoh Meupeutron leugat Pajoh mangat that raseuki mudah Raseuki nyang jroh keu gata meuhat Droeteuh nyang jungkat kon sagai Allah Kon taelanya akan Hadharat Keu droeteuh meuhat meutulak balah", "Watee nyan geukheun jak keunan ligat Nanggroe nyoe teumpat gata geukeubah Peue-peue nyang hawa tapajoh ligat Ampon Hadharat talakee bagah Takheun hiththatun peubuet ibadat Tatamong ligat sujud bak Allah Kamoe peuampon dachateuh ligat Bandumteuh meuhat hana le salah Soe nyang peubuet got meutamah lom that Kamoe Hadharat keybit that Murah", "Awak nyang lalem teuma laen that Jigantoe ligat peurintah Allah Dijih nyang laen teuma jipeugah Kon le lagee sot Kamoe peurintah Kamoe kirem trek keu jih nyan ‘azeueb Sabab jih jeuheut jipeubuet salah ‘Azeueb di langet Meukirem ligat Sabab jih jungkat lalem sileupah", "Teuma tatanyong bak awak nyan dum Na saboh gampong awak nyang salah Gampong nyan teuma bak bineh laot Teuma nyang karot buet jih na salah Han jeuet u laot bak uroe sabtu Jijak cit laju dijih jibantah Sabab le eungkot bak uroe sabtu Leumah dum iku jiceuek le leupah Bak uroe laen hana le eungkot Jeuet jipeuturot napsu seurakah Meunan Kamoe bri cobaan keu jih Sabab fasek jih jipubuet salah", "Saboh golongan lam kawan jih nyan Jikheun bak jih nyan peue tajak peugah Awak nyan bandum akan binasa Got pih Neuseksa jih nyan le Allah Neubri ‘azeueb that dum keu awak nyan Geukheun bak Tuhan tanyoe ka leupah Ka jeuet keu ‘uzor bak Tuhan gata Kadang taqwa lom jih keu Allah", "‘Oh ban ka tuwo jih keu nasehat Nyang geupeuingat jih bek roh salah Kamoe peuglah treuk ureueng nyang beuna Nyang kheun bek gata tapeubuet salah Awak nyang lalem Kamoe bri ‘azeueb Sabab jih jeuheut fasek that leupah ‘Azeueb nyang peudeh Kamoe bri keu jih", "Bit meunan dijih teukabo leupah ‘Oh ban teukabo jih bak nyang geutham Kamoe kheun tajam jeuet keu bue dikah Beu jeuet keu bue kra jinoe keuh meuhat Nyang hina that-that hana meutuah", "Lom ‘oh Neubri thee le Tuhan gata Kaom nyang that kha keu jih Neubalah Mangat jiazeueb awak nyan bandum Mangat jihukom nyang brat sileupah Jinoekon sampe uroe kiamat Seksa Hadharat leupah that bagah’ Teuma Dreoneuh nyan Maha Pengampon Lom pih Droeneuh nyan Maha Peumurah", "Kamoe bagi jih padum boh umat Jeuet saboh sapat di bumoe Allah Nyang ladom saleh nyang ladom batat Ban laku batat beuna ngon salah Kamoe cuba jih ngon hai nyang got-got Lom hai nyang jeuheut ban laku tuah Kadang pih jiwoe bak keubeunaran", "Teuma awak nyan meugantoe bagah Di likot jih nyan meugantoe umat Pusaka kitab keu jih jikeubah Teuma dum jicok hareuta donya Neuampon teuma tanyoe le Allah Meunan jipeugah jeuet keu alasan Meunyo troh laen jicok le bagah Peue kon ka geucok janji ngon jih nyan Lam kitab jih nyan ka Iheueh geupeugah Bek jikheun narit nyang kon keu Tuhan Nyang keubeunaran nyang geuyue peugah Atra nyoe bandum ka jimeurunoe Pakon ‘oh jinoe ka laen ulah Nanggroe akhirat teuma leubeh got Soe nyang tem seutot takwa keu Allah Peue gata bandum hana tapike", "Teuma nyang pike nyan nyang meutuah Nyang tem mat beu kong asoe lam kitab Pubuet ibadat ban nyang peurintah Pubuet seumbahyang suroh Hadharat Nyan Kamoe meuhat cit Meubri upah Han roe di-Kamoe Meusia-sia Cit ka na pahla sideh Meukeubah Soe nyang peubuet got han sia-sia Bak saboh masa cit Kamoe balah", "Watee Kamoe bet buket sang awan Ateueh awak nyan jikalon ulah Jisangka ka rheut buket ateueh jih Teumakot dum jih hana ban peugah Kamoe yue tacok nyang Kamoe intat Tabaca ayat beu sunggoh leupah Mudah-mudahan gata takwa Ban dumna gata keupada Allah", "Watee Po gata Neucok bak badan Dum aneuk Adam masa nyang sudah Aneuk ngon cuco dum keuturonan Jih Neukheun yoh nyan bak dum aruah Kon nyo Lon teuma Po gata bandum Jiseuot yoh nyan beuna that leupah Kamoe ek saksi Droeneuh Po kamoe Nyankeuh bek dudoe ka takheun salah Bek takheun teuma uroe kiamat Tan soe peuingat teuma tapeugah Kamoe nyang lale meunan dum takheun", "Atawa takheun du kamoe salah Ayah-yah kamoe nyang peucharikat Dikamoe meuhat tron nibak ayah Aneuk cucogeuh kamoe lheueh gopnyan Jeuet lagee gopnyan meuseutot langkah Pakon jeuet kamoe Neupeubinasa Nyang peubuet deicha laen nyang salah Ureueng nyang dilee nyang peubuet sisat", "Meunankeuh ayat dum Kamoe peugah Ayat-ayat nyan dum Kamoe peutrang Kadang jiriwang han le buet salah", "Tapeugah haba ubak awak nyan Na ureueng yoh nyan jipeubuet salah Ayat Kamoe dum Meubri keu jih nyan Jisuet droe sinan dijih jipeuglah Teuka treuk cheitan jiseutot jih nyan Meu jeuet treuk jih nyan sisat sileupah", "Meu Kamoe kheundak Kamoe bot jih nyan Deungon ayat nyan mangat jih meugah Teuma napsu jih teutap di donya Peuturot hawa napsu seurakah Jeuet jih nyan teuma saban ngon asee Beurangban lagee dijih suet lidah Tayue beurangpeue lidah jih teusuet Hana tayue buet pih teusuet lidah Nyankeuh ban miseue awak nyang jeuheut Jipeugah sulet dum ayat Allah Han jitem pateh dum ayat Kamoe Tapeugah jinoe bak jih takisah Mudah-mudahan jitem seumike", "Jeuheut that mise kaom nyang salah Jipeugah sulet dum ayat Kamoe Jielanya droe keubit that leupah", "Beurangkasoe nyang Tuhan peutunyok Ka na peutunyok han roh lam salah Teuma beurangsoe Tuhan peusisat Awak nyan meuhat rugoe sileupah", "Kamoe peujeuet asoe nuraka Jen manusia nyang le that leupah Bah beu na ate jih dum awak nyan Tan na pikeran beuna ngon salah Adak na mata han deuh jikalon Na ngon geulinyueng hana phaedah Han deuh jideungo keu peue geulinyueng Alat nyan bandum jingui bak salah Binatang teurnak leumo ngon keubeue Meunankeuh miseue hana meuubah Bahkan awak nyan leubeh lom sisat Lale jih that-that dalam buet salah", "Asmaulhusna nama nyang got-got Bandum nyan sipheuet bak nama Allah Talakee doʻa tameuhei Tuhan Deungon nama nyan tameuhei Allah Bek tapadoli keu kaphe sisat Nama Hadharat jibalek salah Peue nyang jipeugah sinoe di donya ‘Oh dudoe teuma akan geubalah", "Teuma lam kawan makheuluk Kamoe Na cit di sinoe ureueng meutuah Nyang tem peutunyok bak keubeunaran Deungon sabab nyan ade jih leupah", "Nyang peugah sulet dum ayat Kamoe Meutarek keunoe lam apui mirah Kamoe tarek jih seuen-seuen sigeutu Phon-phon Meupeulu seunang sileupah Seuen-seuen sigeutu hana meujithee", "Ka keunong tipee nyang licen leupah Ulon peutanggoh keu jih balasan Kong that atoran hana soe peugah", "Hana jipike teuma dijih nyan Keu rakan jih nyan pungo jipeugah Kon sagai pungo rakan jih sehat Haba peuingat nyang geujak peugah Haba peuingat nyang trang ngon nyata", "Peue tan jikira peuneujeuet Allah Peue hana jieu dum alam langet Bumoe pih meuhat peuneujeuet Allah Makhluk nyan bandum Tuhan nyang peujeuet Han ek tasipheuet macam le leupah Ajai jih kadang pih ka rap teuka Peue lom beurita jipreh geupeugah Peue lom beuriia nyang jimeuiman ‘Oh Iheueh Qur’an ka jipeusalah", "Beurangkasoe nyang Tuhan peusisat Hana le ubat dijih ka salah Han ek jitunyok jih le beurangsoe Udep jih jinoe hana phaedah Tinggai jih sinoe lam darohaka Meusuka-suka dalam buet salah", "Jitanyong le jih dum ubak gata Kiamat teuka pajan tapeugah Takheun nyang teupeue nyan cit Tuhan lon Atra nyan bak lon hana Neupeugah Droeneuh nyang teupeue pajan watee jih Meunyo ka troh jih cit brat sileupah Get nyang di langet got nyang di bumoe Meu ka troh jih nyoe raya that sosah Teuka jih teuma hana tathee-thee Ban tanjo dudoe bandum ka reubah Jitanyong sang-sang gata teupeue that Tapeugah siat ʻ‘eleumee Allah Nyang na teupeue nyan cit Tuhan sidroe Laen beurangsoe meuganceng lidah Le manusia hana jiteupeue", "Takheun han sapeue milek lon nyang sah Got nyang munapha’at got nyang meularat Bandum cit meuhat ban kheundak Allah Sangkira lon nyoe teupeue nyang ghaeb Han le lon peutrep sagai lam sosah Sabe lam seunang han tom meularat Nyoe dilon meuhat cit ba peurintah Haba peutakot haba peusuka Keu kaom nyang na iman keu Allah", "Tuhan nyang peujeuet ban dumna gata Yoh dilee masa sidroe khaliphah Neupeujeuet gata bak saboh njawong Neupeujeuet inong sidroe keu zaujah Mangat jeuet teunang ‘oh geu-eh malam Ka na soe peungon hana le sosah ‘Oh lheueh seutuboh na padum na trep Hame le leugat sang-sang phui leupah Peurumoh peugah bak ureueng agam Sang-sang di dalam makheuluk Allah Hingga ‘oh ka brat hame peurumoh Meudoʻa dameuh laju bak Allah Ban dua gopnyan ka geumeudoʻa Ubak Rabbana geulakee tuah Sangkira aneuk keu kamoe Neubri Nyang got that budi saleh sileupah Teuntee kamoe nyoe meuchuko that-that Akan Hadharat nyang Maha Murah", "‘Oh ban ka Neubri aneuk nyang saleh Ka hana jadeh lagee jipeugah Ban dua jih cok Tuhan charikat Jeuet bandum meuhat jih ka lam salah Aneuk nyang saleh pih ka lagee jih Kakeuh bandum jih jibalek ulah Tuhan Nyang Esa Maha Suci that Nibak charikat jipeugot salah", "Peue atra nyan nyang jipeucharikat Peue na jipeujeuet meu sibak birah Meu jih beurhala pih Gopnyan peujeuet", "Han ek jipeubuet nyang meuphaedah Han ek jitulong bandum awak nyan t Meu droe jih pih han cit ek jipeuglah", "Teuma awak nyan meunyo tamaba Bak nyang sibeuna peutunyok Allah Dijih han cit roe jiikot gata Adak tamaba pih tan phaedah À Saban cit dijih adak tamaba Taiem droe saja pih hana ubah", "Peue nyang taseumah nyang bukon Tuhan Ngon gata saban cit hana ubah Bandum jih hamba cit lagee gata Peue nyang tamita han jeuet jipeugah Tacuba lakee beurangpeue bak jih Ek jibri dijih peue nyang tapeugah? Meunyo bit gata ureueng nyang beuna", "Peue gaki jih na ngon jibot langkah Peue na jaroe jih ngon jimat beu kong Na mata jih lom jieu peue leumah Geulinyueng jih na ngon jideungo su Takheun hai laju keunoe beubagah Tuhan charikatteuh tahoi keunoe Lon meung eu jinoe peue na jihilah Yue tipee lon nyoe bek le meutanggoh Meunyo jih sunggoh Tuhan tapeugah", "Wali lon Allah nyang peutron kitab Soe-soe nyang teupat waligeuh Allah Ureueng nyang saleh waligeuh Tuhan Nyang lindong gopnyan nibak buet salah", "Teuma gata dum nyang takheun Tuhan Laen sibarang nyang bukon Allah Han ek jitulong dijih dum gata € Meu droe jih saja han ek jipeuglah", "Meunyo tahoi jih bak jalan teupat Tunyok Hadharat keu jih tapeugah Hana jideungo geulinyueng jih tan Mata jih mandang han tom meuubah Takalon jingieng sang ateuh gata Adak taraba jieu tan leumah", "Sipheuet peumeu‘ah tacok le gata Tayue keurija nyang meuphaedah Bandum buet nyang got tayue keurija Nyang jahe buta bek that neuindah Ureueng nyang jahe bek tapeutimang", "Meunyo troh cheitan diyue nyang salah Talakee lindong laju bak Tuhan Sabab di-Tuhan ‘eleumee luah Bandum Neudeungo bandum Neuteupeue Hana meusapeue lupot bak Allah", "Ureueng nyang takwa ‘oh ieuka chetan Jirampot gopnyan geu ingat Allah B ‘Oh ban teuingat ka leumah dumnoe 5 Han troh le jigeue le chetan jadah", "Teuma chedara jih dum dichetan y Jibantu jih nyan mangat roh salah Hana jipiyoh bantu meubantu Jipeugot laku meubagoe hilah", "‘Oh hana taba ubak awak nyan Dum ayat Tuhan jikheun le bagah Pakon han taba tapeugah laen Takheun han dilon lonpubuet salah Dilon lonikot peue nyang Neuwahyu Baklon le Rabbi mangat bek salah Nyoekeuh dum ayat nyang jeuet keu dali Sideh bak Rabbi nyang ahli leupah Jeuet keu peutunyok lom rahmat Tuħan Keu kaom mukmin nyang pateh Allah", "‘Oh watee geubeuet ayat Qur'an Tadeungo beu trang taiem le bagah Beu got tadeungo bek peugah haba Mangat jeuet gata geunaseh Allah", "Taseubot Tuhan lam ate gata Bek leumah ria beu khuchu‘ leupah Takot keu Tuhan ngon su bek ria Sabe bek reuda taingat Allah Beungoh ngon seupot bek sagai lupa Mangat jeuet gata ureueng meutuah", "Ureueng nyang toe dum deungon Po gata Hana tom lupa geuseumah Allah Ucap teuseubeh sujud keu Tuhan Bah beurangkajan hana tom meulah AL-ANFAL (HAREUTA RAMPASAN PRAN Ngon nama Allah lon peuphon surat Tuhan Hadharat nyang Maha Murah ; Tuhanku Sidroe geumaseh that-that Donya akhirat rahmat Neulimpah)"] }, { "chapter": 8, "versesCount": 75, "verses": ["Jijak tanyong dum hukom bak gata Teuntang hareuta bak jalan Allah Harta rampasan ‘oh talo musoh Takheun nyoe sunggoh cit milek Allah Allah ngon rasui nyang po harta nyan Takwa keu Tuhan teuma tapeugah Beugot hubungan sabe droe gata Bek na meudawa taʻ‘at keu Allah Meunyo cit gata ureueng meuiman Taʻat keu Tuhan ngon rasui Allah", "Teuma nyang keubit ureueng meuiman Geuseubot Tuhan dijih yo leupah Watee jideungo geuseubot Tuhan Lam ate jih nyan teumakot leupah Watee geubaca dum ayat Tuhan Meutamah iman dijih keu Allah Tawakkai jok droe keudeh bak Tuhan", "Peubuet seumbahyang han tom jikeubah Nibak raseuki nyang ka Kamoe bri Seudeukah jibri lom ngon nafakah", "Nyoekeuh nyang mukmin nyang that sibeuna Pangkat that raya Neubri le Allah Neubri amponan dengon raseuki Nikmat han sakri cit ka Neukeubah", "Lagee yoh Neuyue uleh Po gata Tateubiet sigra keudeh talangkah Bek le di rumoh teubiet u lua Di rakan gata sang-sang geubantah Siteungoh mukmin sang hana seunang", "Geubantah yoh nyan bek tameulangkah Geubantah gata teuntang nyang beuna ‘Oh Iheueh trang nyata kon na meusalah Sang-sang geumaba keudeh bak mate Jikalon lahe teumakot leupah", "Watee Neujanji Tuhan ngon gata Saboh lam dua beu ek tapapah Beu ek talawan jih nyan le gata Teuma digata napsu nyang mudah Bek nyang le syaukat bek nyang teuga that Nyang laen meuhat napsu tapeugah Teuma di Tuhan laen Neukheundak Peubeuna nyang hak anco nyang salah Peubeuna nyang hak ngon ayat Tuhan Nyang kaphe yoh nyan anco dum bicah", "Nyang keubeunaran meunang peukuat Nyang bateue meuhat beu abeh sudah Bah that si kaphe hana jigalak Dijih cit nyang hak beunci jih leupah Dijih nyang galak jipeubuet deicha", "Teuma digata lakee bak Allah Watee uroe nyan tamohon pinta Bak Tuhan gata nyang Maha Murah Neubri bantuan Neutulong gata Teurimong sigra Neukheun le Allah Lon bri siribee droe malaikat Meuturot ligat teuka kaphilah", "Haba geumbira Neubri le Tuhan Mangat jeuet seunang ate bek sosah Ate gata dum mangat jeuet teunang Gata ka meunang Neubri le Allah Kon na beurangsoe bri keumeunangan Meulengkan Tuhan nyang Maha Murah Keubit cit Tuhan Maha Peurkasa Ngon Bijaksana Areh that leupah", "Watee nyan gata Neubri teungeut that Teupako siat hana le leulah Jeuet teuma gata ka aman ate Han le tapike keu hai nyang sosah Teuma di langet Neupeutron ujeuen Tamanoe bandum ngon taseumeurhah Hingga gleh gata gleh nibak dacha Cheitan meu daya hana le ilah Meuikat ate sabe chedara Saboh agama saboh kaphilah Teutap ngon gaki kong peundirian Hana le bimbang iman keu Allah", "Yoh nyan Neuwahi uleh Hadharat Bak malaikat laju geupeugah Lon sajan gata jinoe peukuat Ureueng nyan nyang that iman keu Allah Lon meung tiek geusuen lam ate kaphe Takoh beu mate dum kaphe jadah Tatak bak takue troh ucong jaroe Bandum taseudoe bek le takeubah", "Sabab awak nyan dilawan Tuhan Ngon rasui Tuhan dijih jibantah Beurangsoe lawan Tuhan ngon rasul Meugasui-gasui lam apui mirah Cit brat sileupah hukoman Tuhan", "Karasa dum nyan jinoekon dikah Sabab kakaphe dikah geuseksa Azeueb nuraka keu kaphe jadah", "Hai ureueng mukmin meunyo tameucang Ngon kaphe suwang got lam blang luah Bek sagai gata surot u likot", "Meunyo tasurot mureuka Allah Malinkan hilah tasie dalam prang Taeu peuluang tateugom bagah Get pih tameusie ubak pasukan Meunyo kon meunan raya that salah Mureuka Tuhan asoe nuraka Teumpat brok raya lam apui mirah", "Kon gata nyang poh mate awak nyan Nyang poh awak nyan cit keudroe Allah Tarhom ngon leumbeng pih kon le gata Allah Taʻala nyang rhom jih tiwaih Meukeusud Tuhan Neurhom awak nyan Mangat jeuet meunang kaom meutuah Kaom meuiman Neubri bulueng got Neudeungo that got bandum le Allah Lom pih Neuteupeue sigala rupa", "Jeuet meunang gata kaphe jeuet kalah Tuhan peuleumoh daya dum kaphe Hana daya le ka abeh hilah", "Meunyo gata dum lakee bantuan Ka troh bantuan Neubri le Allah Meunyo tapiyoh nyan leubeh that got Meu tawo bak sot kakeuh lom salah Kamoe pih Meuwoe meuhukom gata Han le meuguna ngonteuh le leupah Bahle le beu that taba angkatan Ureueng meuiman cit sajan Allah", "Hai ureueng mukmin taʻat keu Tuhan Ngon rasui Tuhan bek na meuubah Bek roh tapaleng padahai gata Tadeungo rata bandum peurintah", "Bek teuma gata lagee awak nyan Kamoe deungo nyan meunan jipeugah Padahai dijih hana jideungo Jipeuko-peuko mangat roh salah", "Makheuluk Allah nyang jeuheut laku Nyang tuloe bisu meuganchep babah Hana meuakai jih ngon jipike", "Adak meu Neubri keu jih le Allah Meunyo Neuteupeue jih got le Tuhan Neupeugot jih nyan jideungo bagah Teuma meu Neubri jih deuh jideungo Meuhat jipeuko cit han jiubah Meuhat jipaleng jijak ho laen Han roe jih meuchen deungo peurintah", "Wahe dum mukmin tapeubuet laju Suroh Tuhanku ngon rasui Allah ‘Oh geuhoi gata bak keubajikan Jeuet keuhidupan gata jroh leupah Seunang taudep lom beu tateupeue Gata Neupageue ate le Allah Antara ate ngon manusia Allah Taʻala Neupeugot pisah ‘Oh dudoe gata bandum meusapat U keue Hadharat nyang Maha Murah", "Beu na taingat ‘oh teuka bala Goh teuntee gata ek roh meusiblah Kon ureueng lalem mantong nyang keunong Bandumteuh keunong hana meuilah Lom beutateupeue hukoman Tuhan Han ek tatuban cit brat sileupah", "Beu taingat lom yoh gata nit that Leumoh seumangat di bumoe Allah Takot jisama gata le musoh Jiba plueng jioh gata jeuet sosah Neujok treuk teumpat gata le Tuhan Neubri bantuan lom le that leupah Neubri keu gata lom keumeunangan Lom Neubri yoh nyan raseuki mudah Mangat tachuko bandum keu Tuhan Ateuh nikman nyan Neubri le Allah", "Hai ureueng mukmin bek takhianat Tuhan Hadharat ngon rasul Allah Lom bek khianat amanah gata Nyang bandum gata tateupue sudah", "Lom beu tateupue arta ngon aneuk Teuh jeut meusireuk bak tabot langkah Jeut keu fiteunah sabab areuta Ngon aneuk gata pih hana ubah Teuma bak Tuhan pahla raya that Nyan nyang taharap Neubri le Allah", "Hai ureueng mukmin meunyo dum gata Tatem takwa keupada Allah Neubri keu gata jeut tapeubeda Nyang toh nyang beuna nyang toh nyang salah Lom tapeuteuboh lom salah gata Neuampon dacha gata le Allah Keubit cit Tuhan le that karonya Neuh akan hamba raya sileupah", "Watee si kaphe jimita daya Jimeudrop gata jimita hilah Jimeung poh gata jiuse gata Teubiet ulua jiparoh bagah Teuma awak nyan jimita daya Neubalah daya keu jih le Allah Tan laen daya nyang leubeh that got Cit meu Hadharat daya jroh leupah", "‘Oh geubot keu jih dum ayat Kamoe Cit jikheun meunoe laju jipeugah Ka kamoe deungo meunyo h‘eut kamoe Saban lagee nyoe cit jeut meupeugah Cit kon peue laen nyoe bandum dongeng Kheun ureueng jameun masa nyang sudah", "Lom pih watee nyan jikheun ya Tuhan Meu keubenaran nyoe hana salah Meu bit atra nyoe asai nibak Droe Neuh bek le laloe kamoe Neubalah Neubri keu kamoe treuk ujeun batee Di langet teuntee keunoe Neuruwah Atawa Neubri azeub nyang peudeh Keu kamoe jach ureueng nyang salah", "Han roe Neuazeub jih nyan le Tuhan Meu gata sinan mantong Neukeubah Han roe Neuazeub jih meunyo mantong Nyang lakee ampon dacha bak Allah", "Pakri han teuma jih nyan Neuazeub Jijak tham umat bek seumah Allah Han jibri tamong Masjidil Haram Droejih pih meunan tulak peurintah Kon jak kuasa bak meusijid nyan Nyang hak atra nyan ureueng meutuah Soe nyang takwa wali di sinan Nyang hak atra nyan Neubri le Allah Teuma le that jih hana jiteupue", "Nyang na jiteupue meuyup-yup babah Jiyup-yup babah jiprok-prok jaroe © Seumbahyang jih nyan meunan keuh ulah Meunan keuh macam seumbahyang jih nyan Karasa jinoe azeub that di kah Sabab yoh dilee di kah kakaphe", "Keubit si kaphe buet jih that salah Jibri areuta nak jitham dum gop Bek geujak pubuet bak jalan Allah Bah jibri laju areuta jih nyan Meunyesai lheuh nyan hana peue peugah Lheuh nyan lom talo teuma dalam prang Dudoe jahannam teumpat geukeubah Bandum na kaphe keunan meusapat Uroe akhirat lam apui mirah", "Mangat le Tuhan Neupeungkleh nyang brok Bek sapat tumpok ngom nyang got ulah Nyang brok sabe brok jih Neupeutamon Dalam jahannam nuraka juah Bandum jih sinan Neuyue peusapat Awak nyan meuhat rugoe that leupah", "Takheun bak kaphe meunyo jipiyoh Bek hana teudoh jipubuet salah Nyan geupeuampon buet jih nyang ka-ka Meunyo jigisa nyan laen ulah Nyan hukom Tuhan cit ka dileekon Keu jih pih mantong Tuhan Neukeubah", "Taprang awak nyan sampoe ‘an aman Fiteunah pih han tan le jipeugah Agama teudong milek Hadharat Awak nyan meuhat jipiyoh payah Meu ka jipiyoh hana le meuprang Nyan teuma Tuhan Neukalon sudah Peue nyang jipubuet Tuhan Neukalon", "(Meunyo jipaleng pulang bak Allah Beu na tateupue Tuhan Po gata Sineujroh raja Po gata nyang sah JUZ 10) Sineujroh teumpat talakee tulong Nyang bri peulindong keu hamba Allah", "Lom beu tateupue harta rampasan Nyang tacok lam prang be tapeusiblah Tabagi limong nyang saboh bagi Tuhan ngon nabi milek takeubah Kawom keurabat ngon aneuk yatim Ngon ureueng gasien han sep napakah Ureueng meudagang pih na bahgian Meunyo na iman gata keu Allah Meunan pih keu peue nyang Kamoe peutron Bak uroe meuprang meucre meupisah Uroe meureumpok dua pasukan Teuma cit Tuhan kuasa leupah Ateuh barangpeue Tuhan kuasa", "Watee nyan gata bak saboh leumbah Bak ureueng nyang toe sinan tapiyoh Bak ureueng jioh musoh beurakah Sangkira gata tapeugot janji Jeut keu meuungki meubantah-bantah Tapi bak Tuhan cit ka meuteuntee Han jeut meusilee tamita ilah Mangat jeut meuri soe nyang binasa Soe leubeh teuga pih nak trang leupah Soe nyang ka mate soe nyang ka udep Watee nyan sabet hana meuilah Teuma cit Tuhan Neudeungo dumpeue Neuteupue dumpeue hana meusalah", "Yoh Neupeuleumah jih nyan bak gata Lam teungeut gata jih seunang leupah Adak meu le jih leumah bak gata Meuhat jeut lia ateteuh gogah Jeut treuk meubantah sabe droe gata Tapi Neujaga gata le Allah Neubri seulamat keu bandum gata Peue nyang lam dada Neuteupue leupah", "Yoh Neupeuleumah lom jih bak gata Nyang di keu mata teuh tangieng sudah Watee meureumpok jih deungon gata Leumah bak mata teuh jih nit leupah Di jih pih jieu nit awak gata Meunan bak mata jih Neupeuleumah Mangat di Tuhan Neumeung peunyata Han jeut meutuka ban nyang hʻeut Allah Teuma bak Tuhan meuwoe urusan Dum seukalian hana meuubah", "Hai ureueng mukmin meunyo meuteumee Gata ngon sitree ate beu tabah Beu teutap ate lom beu le that-that Ingat Hadharat seubot ngon babah Mudah-mudahan gata cit meunang", "Tataʻat Tuhan teuma that leupah Tataʻat rasul teuma pih meunan Sabab droeneuh nyan utosan Allah Bek tameubantah sabe keudroe-droe Gata jeut rugoe hana phaedah Nan gata nyang got pih gadoh keudroe Mey gata laloe meubantah-bantah Teuma tasaba le bandum gata Mangat jeut gata sajan ngon Allah Allah cit sajan ngon ureueng takwa", "Bek sagai gata teukabo meugah Bek lagee ureueng teubiet di gampong Teukabo that mbong ngon riya leupah Riya peuleumah bak manusia Jitham gop teuma bak jalan Allah Peue nyang jipubuet Tuhan Neuteupue Dumpeue Neuteupue ‘eleumee luah", "Yoh jipeuindah buet jih le chetan Jikheun hai rakan gata han kalah Han soe peutalo gata uroe nyoe Hana barangsoe nyang ek peutewah Lon rakan gata nyang bantu gata Tapi ‘oh teuka dua kaphilah Dua pasukan ‘oh ban meuhadap Jisurot ligat chetan seurakah Jikheun hana roh lon sajan gata Di lon ka nyata lonkalon ulah Nyang han deuh ka deuh lon kalon Teumakot that lon jinoe keu Allah Hukoman Tuhan meuleumpah that brat", "Munaphek meuhat laen jipeugah Yoh nyan munaphek jikheun peue jih nyan Tipee ka keunong bak jih jeut salah Ka keunong tipee jih le agama Jih saban teuma rakan jih peugah Rakan jih nyang na peunyaket ate Sa ngon jih pike hana meuubah Teuma barangsoe tawakai jok droe Bak Tuhan sidroe nyang Maha Murah Teuntee that Tuhan Maha Perkasa Ngon bijaksana areh that leupah", "Sangkira taeu dum awak kaphe ‘Oh watee mate pakriban ulah Meuteumee ngon jih dum malaikat Geupoh jih ligat hanaban peugah Geupoh bak muka di keu di likot Karasa azeub tutong that di kah", "Buet jaroe droe keuh yoh masa dilee Meunoe keuh lagee jinoe geubalah Kon na di Tuhan elanya hamba", "Saban cit juga Peureuʻun jadah Meunan keuh dilee kawom Peuraʻun Dilee lom jameun pih saban leupah Bandum jikaphe keu ayat Tuhan Neubri hukoman teuma le Allah Sabab dacha jih jeut keunong siksa Allah Taʻala teuga that leupah Siksa Neuh teuma meuleumpah that brat", "Atra nyan meuhat cit droejih salah Sabab di Tuhan ‘oh Neubri nikmat Bak saboh umat han roe Neuubah Jiubah keudroe jih han jiingat Neudeungo that-that bandum le Allah Bandum peukara Tuhan Neuteupue Hana meusapeue pih na meuilah", "Saban ngon ilee kawom Peuraʻun Dilee lom jameun pih saban leupah Jipeugah sulet ayat Tuhan jih Kamoe cok treuk jih binasa sudah Sabab dacha jih meupeubinasa Lam laot raya jih dum meukeubah Kamoe peukaram kawom Peuraʻun Sabab jih bandum lalem that leupah", "Nyang paleng jeuheut makheuluk Tuhan è Nyan keuh awak nyang kaphe keu Allah Han jimeuiman di jih keu Tuhan", "Janji ngon jih nyan sabe jiubah Lheuh tameujanji ngon jih han teupat Barangjan meuhat sabe jiubah Hana teumakot jih keu akibat", "Sabab nyan beu that keu jih tabalah Meunyo meureumpok jih dalam meuprang Di likot jih nyan dum tapeubicah Mangat jeut di jih nyan keu peuingat Hana le rakyat ka abeh sudah", "Meunyo khawater gata khianat Bak saboh umat janji jiubah Tapulang janji keu jih ban teupat Sabab khianat raya that salah Tuhan han suka keu soe khianat", "Di kaphe laknat pih bek sang ek glah Bek na jisangka sang ek peuglah droe Han ek di jih roe jilawan Allah", "Ube kuasa beu taseudia Alat cut raya dalam prang bicah Guda nyang pantah beu ka meuikat Musoh Hadharat bek tapeuleupah Jih musoh Tuhan ngon musoh gata Beu jieu gata sang juah-juah Meunyum teumakot ‘oh jieu gata Lom laen pih na nyang hana leumah Awak nyang laen hana taturi Tuhan Neuturi jih musoh Allah Teuma barangpeue nyang na bak gata Nyang tabeulanja bak jalan Allah Bandum Neubalah cukop keu gata Han Neuelanya teuh meuube seupah", "Meunyo jih ceundrong keu perdamaian Gata pih meunan bek na meuubah Teuma tawakai jok droe bak Tuhan Keubit cit Tuhan Neudeungo leupah Lom pih Neuteupue dum ngon ‘eleumee", "Meunyo jitipee teuh bek cit susah Meunyo meunapsu jikeumeung tipee Teuh tameulakee mantong bak Allah Cukop ngon Tuhan nyang tulong gata Neubri keu gata meunang ngon tuah Meunan pih bandum ureueng meuiman Tuhan bri meunang hana peue susah", "Tuhan peusaboh ate ureueng nyan Padahai gopnyan meupeucah-peucah Dum na beulanja di dalam bumoe Meu taboh keumoe tabri napakah Han ek meusaboh ate ureueng nyoe Teutapi jinoe kuasa Allah Ek Neupeusaboh ate ureueng nyan Keubit cit Tuhan perkasa leupah Lom bijaksana han ek takira", "Hai nabi gata cukop ngon Allah í Cukop ngon Tuhan ngon ureueng mukmin Nyang ka meuiman keupada Allah", "Hai nabi tayue mukmin jak meuprang Bah beu le lawan bek tameungalah Meunyo tasaba gata dua ploh Jih dua reutoh ek tapeubicah Gata sireutoh kaphe siribee Meunan meuteuntee Neukheun le Allah Sabab awak nyan cit hana meuphom Nyan keuh nyang kawom sabe lam salah", "Jinoe le Tuhan Neupeuphui gata Neuteupue gata leumoh that leupah Meunyo ngon gata na sireutoh droe Dua reutoh droe musoh beu bicah Teuntee ngon gata dum nyang ek saba Bek ate lia teumakot kalah Gata siribee jih dua ribee Talo jih teuntee ngon izin Allah Tuhan cit sajan ngon ureueng saba Ureueng nyang saba geunaseh Allah", "Sidroe-droe nabi hana bak gopnyan Ureueng tawanan nyang ka geukeubah ‘Oh geupeutalo musoh lam bumoe Baro watee nyoe tawanan nyang sah Napsu gata dum areuta donya Di Tuhan teuma ka lheuh Neukeubah Tuhan meunapsu pahla akhirat Keu gata meuhat nyang got that leupah Teuma cit Tuhan Maha Perkasa Ngon bijaksana areh that leupah", "Adak kon ka na putosan Tuhan Gata dum tuan meuhat ka salah Peue nyang ka tacok nibak awak nyan Keu gata tuan azeub geubalah Azeub raya that keu gata sunggoh", "Jinoe tapajoh hana le salah Tapajoh teuma ube bahgian Haleu that nyang nyan gata ka payah Rampasan lam prang nyang haleue nyang got Takwa teuh beu that teuma keu Allah Keubit cit Tuhan Maha Pengampon Lagi pih Tuhan Maha Pemurah", "Hai nabi takheun ubak awak nyan Nyang lam tawanan gohlom tapeuglah Meunyo Neuteupue got teuh le Tuhan Lam ate teuh nyan hana le salah Cit Neubri teuma bahgian gata Leubeh bak nyang ka geucok geurampah Lom Neupeuampon dum dacha gata Jeut meubahgia tawoe bak Allah Keubit cit Tuhan Maha Pengampon Lagi pih Tuhan Maha Pemurah", "Meu jikhianat napsu keu gata Khianat jih ka dilee keu Allah Teuma ka Neubri ek takuasa Hana le daya droejih jipeuglah Tuhan Neuteupue bandum peukara Lom bijaksana Neuh han ban peugah", "Ureueng meuiman nyang ka beurangkat Geutinggai teumpat geujak hijeurah Lom geuberjuang ngon arta gopnyan Ngon nyawong gopnyan bak jalan Allah Lom geubri teumpat keu ureueng teuka Geubantu teuma seunang ngon susah Ureueng nyan bandum tulong meunolong Sang saboh kawom hana meupisah Teuma mukmin nyang gohlom beurangkat Geutinggai teumpat gohlom hijeurah Han jeut tatulong lom dum ureueng nyan Sampoe ureueng nyan geujak hijeurah Meunyo geulakee bantu bak gata Dalam agama bak jalan Allah Lam hai nyan teuma wajeb tatulong Bek ateuh kawom nyang muahadah Kawom nyang ka lheuh janji ngon gata Nyan bek ta langga bek jeut keu salah Tuhan Neukalon peue nyang tapubuet Tan na meu bacut lupot bak Allah", "Di kaphe wali sabe droe-droe jih Gata deungon jih cit that meusiblah Nyang han tapubuet teuma lagee nyan Teuntee atra nyan jeut keu fiteunah Di dalam bumoe fiteunah meuhat Rusak raya that lom han ban peugah", "Ureueng meuiman nyang ka beurangkat Geutinggai teumpat geujak hijeurah Lom geuberjuang bak jalan Tuhan Nyan keuh nyang mukmin ureueng meutuah Lom geubri teumpat keu ureueng teuka Geubantu teuma seunang ngon susah Nyan keuh ureueng nyan mukmin nyang beuna Amponan teuma Neubri le Allah Neubri raseuki nyang that mulia", "‘Oh lheuh nyan teuma na nyang hijeurah Ureueng meuiman dudoe nibak nyan Beurangkat lheuh nyan geujak hijeurah Lom geuberjuang sajan ngon gataa Nyan lagee gata saban that leupah Kawom keurabat nyang na hubongan Han roe that saban keurabat nyang sah Leubeh sigitu balaku patot Lagee teusebot lam Kitab Allah Keubit cit Tuhan dumpeue Neuteupue Hana meusapeue pih na meuilah AT-TAUBAH (TAUBAT)"] }, { "chapter": 9, "versesCount": 129, "verses": ["Nyoe ka glah gata Neubri le Tuhan Lom rasul Tuhan meunan Neupeugah Janji gata ngon kawom musyrikin Hana le jamin jinoe ka leupah Ka putoh gata dum ngon awak nyan", "Jinoe jak kaman keudeh dum di kah Peuet buleun tempo jeut kajak kawoe Lom beu kateupue droe keuh nyang salah Bandum keuh han ek ka lawan Tuhan Nyang kaphe bandum ayeb that leupah Tuhan peuayeb bandum si kaphe", "Jinoe hana le janji nyang sudah Tuhan ngon rasul ka Neupeunyata Bak manusia bandum Neupeugah Bak uroe haji nyang leupah raya Ka abeh masa janji nyang sudah Janji ngon kaphe han le meukabui Tuhan ngon rasul ka lheuh Neupeugah Teuma meu gata bandum tataubat Nyang keuh nyang got that hana peue peugah Got that keu gata kon keu gop laen Meunyo tapaleng nyan laen ulah Beu na tateupue han ek talawan Peuleumoh Tuhan han ek tahilah Teuma tapeugah bak bandum kaphe Azeub bukon le peudeh that leupah", "Meulengkan kaphe nyang ka meujanji Hana jiungki lagee jipeugah Hana meusapeue kureueng keu gata Lagi pih hana laen jihilah Hana jibantu pih musoh gata Nyan janji gata hana meuubah Nyan jeut tapeutroh balaku janji Bek na meulisi bek jeut keu salah Tuhan Neùgaseh soe nyang takwa", "Meu kabeh masa nyan jeut taubah Meu kabeh bandum buleun nyang hareum Nyan tapoh bandum kaphe seurakah Kaphe musyrikin pat nyang meureumpok Tadrop ngon tatak pat nyang meurimbah i Ladom tatawan ladom taikat Balaku babat dalam prang bicah Taluem tameusom bak jeut-jeut simpang Mangat jeut tacang jih bek takeubah Teuma meunyo jih ka jitem toubat Seumbahyang zakeut han le jikeubah Nyan jeut tapeulheuh teuma awak nyan Meunyo ka meunan hana le salah Keubit roe Tuhan Maha Pengampon Lagi pih Tuhan Maha Pemurah", "Meunyo troh kaphe sidroe bak gata Peulindong hamba meunan jipeugah Jiyue peulindong droejih bak gata Nyan jeut keu gata jih tapeusiblah Mangat jideungo phireuman Tuhan Teuma ‘oh lheuh nyan jih tapeuleupah Jeut tapeutroh jih bak teumpat aman Meukeusud jih nyan hana peue salah Sabab kawom nyan hana jiteupue", "Pakri teuma roe janji ngon Allah Tuhan ngon rasul janji ngon kaphe Pakri ek ase tacuba peugah Meulengkan nyang jih janji ngon gata Bak saboh masa di bineh Makkah Hana jarak ngon Masjidil Haram Nyan janji teuh nyan bek na taubah Meunyo janji jih teupat keu gata Meunan pih gata beu teupat leupah f Tuhan Neugaseh soe nyang takwa", "Pakriban teuma jeut keu roh salah Sabab meunyo jih meunang keunira Meu talo gata seunang jih leupah Hubungan nyang got han le jikira Janji ngon gata laju jiubah Narit bak babah seunang keu gata Ate jiputa sabe meutingkah Nyang le cit pasek bandum awak nyan", "Dum ayat Tuhan jipeuble murah À Jibloe nyang murah jipeubloe ayat Jitham lom umat bak jalan Allah Keubit brok that buet nyang jipubuet nyan", "Ureueng meuiman jianggap mudah Hubungan nyang got tan jiplihara Janji be nyangka bandum jiubah Nyan keuh awak nyan lalem leupah that", "Meunyo jitoubat teuma jih leupah Jitem seumbahyang jibri ngon zakeuet Watee nyan jih jeut ureueng meutuah i Chedara gata dalam agama Bah kon saboh ma kon saboh ayah Kamoe peunyata bandum ayat nyoe Keu soe nyang teupue mangat bek salah", "Meunyo jireuloh sumpah awak nyan I Janji jih heuh nyan teuma jiubah Lom pih jicaci agama gata Nyan kon ngon gata jih musoh Allah Taprang jih bandum imum si kaphe d Han jeut tamat le bah jimeusumpah Mudah-mudahan teuma jipiyoh", "Pakon jeut putoh tapiyoh payah Pakon han taprang laju awak nyan Janji ngon jih nyan dum ka jiubah jireuloh sumpah jimeung peuteubiet Rasul jimeung let ulua Makkah Jih nyang peuphon prang dilee ngon gata Tabeudoh sigra jinoe tabalah Peue ek yo gata dum keu awak nyan Padahai Tuhan kuasa leupah Nyang patot takot gata keu Tuhan Meunyo meuiman gata keu Allah", "Neumeung azeub jih jinoe le Tuhan Teuma tajak prang jih laju bagah Tuhan azeub jih ngon jaroe gata Neumeung peuhina jih musoh Allah Neumeung peumeunang gata ateuh jih Ate teuh puleh ka ek tabalah Puleh dum ate ureueng meuiman", "Hana le yoh nyan tutong sileupah Tuhan peugadoh beungeh lam ate Mukmin hana le rasa geulisah Teuma barangsoe nyang ka jitoubat Teurimong toubat soe nyang hʻeut Allah Dumpeue Neuteupue Allah Taʻala Ngon bijaksana areh that leupah", "Peue na tasangka gata jeut meunan Sang-sang di Tuhan gata Neukeubah Meu goh Neuteupue soe nyang berjihad Gata dum meuhat hana lom leupah Han tatueng keu ngon meunyo kon Tuhan Ngon rasul Tuhan ureueng meutuah Han tatueng meu kon ureueng meuiman Meunyo na meunan meubaro leupah Tuhan Neumaklum peue nyang tapubuet Hana meubacut pih na meuilah", "Han jipeumakmu meusijid Tuhan Meunyo musyrikin hana peue peugah Kaphe musyrikin droejih meungaku Han jipeumakmu meusijid Allah Amai jih bandum cit kabeh luroh Di jih pih geuboh lam apui mirah Di jih cit keukai dalam nuraka Sipanyang masa sinan geukeubah", "Nyang tem peumakmu meusijid Tuhan Ureueng meuiman keupada Allah Lom pih jiiman uroe akhirat Seumbahyang zakeuet han tom jikeubah Hana jitakot laen bak Tuhan Nyan keuh ureueng nyan geunaseh Allah Mudah-mudahan peutunyok Tuhan Akan ureueng nyan hana meusalah", "Taseudia ie keu ureueng haji Peue ek sa Neubri pahla le Allah Got pih tauroh Masjidil Haram Takheun ek saban meunan tapeugah Ek sa ngon ureueng iman keu Tuhan Lom geuberjuang bak jalan Allah Lom pih geuiman uroe akhirat Han saban meuhat meunyo bak Allah Han Neupeutunyok kawom nyang lalem Sabab han jitem iman keu Allah", "Ureueng meuiman nyang ka beurangkat i Geutinggai teumpat geujak hijeurah si Lom geuberjuang bak jalan Tuhan A Arta ngon nyawong geujok keu Allah Ureueng nyan keuh nyang leubeh deurajat Raya that pangkat sideh bak Allah Nyan keuh ureueng nyan ureueng nyang meunar", "Rahmat bak Tuhan Neubri le leupah : Haba gembira nibak Hadharat Keu gopnyan rahmat ngon rila Allah Lom ngon churuga dum peunoh nikmat Keukai seulamat han tom meupisah", "Keukai geuh sinan silama masa Raya that pahla Tuhan Neukeubah", "Hai ureueng mukmin dum ayah gata | Ngon dum chedara teuh beu tateugah 3 Meunyo ureueng nyan galak keu kaphe Iman hana le geutiek geukeubah Jih keu peumimpin bek sagai tatueng Meunyo roh tatueng gata ka salah Soe nyang tueng gopnyan jeut keu peumimpin Ureueng nyang lalem elanya leupah", "Takheun le meunyo dum ayah gata Ngon aneuk gata dum aneuk lidah t Meunan cit meunyo chedara gata Ngon judo gata tagaseh leupah Kawom famili lom ngon areuta Nyang tajak mita ngon susah payah Tameuniaga takot keu rugoe Teumpat taduek droe pih galak leupah Leubeh tagaseh bandum atra nyan Nibak ngon Tuhan ngon rasul Allah Nibak tajihad bak jalan Tuhan Leubeh atra nyan tagaseh leupah Meunyo cit meunan tapreh keuh teuka U ateuh gata Neubri le Allah Teuma di Tuhan han Neupeutunyok Kawom nyang pasek sabe lam salah", "Ka le Neutulong gata le Tuhan Gata ka meunang Neubri le Allah Padum le teumpat gata tameuprang Le that nyang meunang nibak nyang kalah Bak uroe Hunain teuma di gata Teukabo raya le that kaphilah Tapike le droe teuntee ka meunang Hana peue tanyong tanyoe meutuah Keu peue le gata hana meuguna Bumoe nyang raya jeut seumpet leupah ‘Oh jilet gata le awak kaphe Abeh dum cre-bre droe tapeusiblah Taplueng u likot bandum tasurot", "Teuma Neuseubot dudoe le Allah Neubri sakinah lam ate rasul Duʻa Neukabui han jadeh kalah Lam ate mukmin dum Neubri teunang Bala bantuan Neukirem bagah Neukirem teuntra nyang han deuh taeu Kaphe meuseuseu sinan dum reubah Tuhan Neuazeub bandum si kaphe Meunan keuh kaphe bandum Neubalah", "Nyang toubat teuma Tuhan teurimong Dudoe nibak nyan soe nyang hʻeut Allah Soe nyang Neukheundak Tuhan pengampon Lagi pih Tuhan Maha Pemurah", "Hai ureueng mukmin kaphe nyan najih Keubit hana gleh kaphe seurakah Bek keuh jipeutoe Masjidil Haram ‘Oh Iheuh abeh thon jih beu meusiblah Lheuh abeh thon nyan jih han jeut toe le Bek na tapike gata jeut susah Meunyo teumakot gata keu gasien Kaya ngon gasien nyan hukom Allah Cit Neubri kaya gata le Tuhan Karonya Tuhan leupah that luah Soe nyang Neukheundak cit Neubri kaya Allah Taʻala geumaseh leupah Dumpeue Neuteupue Allah Taʻala Lom bijaksana areh sileupah", "Taprang awak nyan nyang han meuiman Keupada Tuhan nyang Maha Murah Lom han jipateh uroe akhirat Jikheun sulet that peue geujak peugah Peue nyang hareum bak Tuhan ngon rasul Han jitem kabui jikheun nyan salah Hana hareum nyan jipeugah le jih Agama di jih pih laen ulah Han jitueng di jih agama beuna Di jih agama laen jipeugah Awak nyan teuma cit ahli kitab Taprang jih ligat bek le takeubah Sampoe jibayeu iyuran neugara Jeut jih nyan teuma hina that leupah", "Awak Yahudi keu Uzair jikheun Nyan aneuk Tuhan meunan jipeugah Nashara jikheun Isa Al-Masih Nyan keuh nyang di jih nyang aneuk Allah Meunan jimarit babah awak nyan Keubit jih saban ngon kaphe jadah Dilee dum kaphe pih meunan jikheun Na aneuk Tuhan meunan jipeugah Pakri awak nyan ek jipeupaleng Keubit beu Neuprang jih nyan le Allah", "Dum na peundeta ngon raheb jih nyan Bandum awak nyan Tuhan jipeugah Lom ngon Al-Masih aneuk Mariyam Bandum nyan tuhan kon sidroe Allah Padahai Neuyue cit Tuhan sidroe Laen barangsoe bek na jiseumah Tan Tuhan laen nibak Droeneuh nyan Allah keuh Tuhan suci that leupah Suci Neuh nibak bandum charikat Peue nyang jipeugot le jih jiseumah", "Napsu jipeulon cahya nur Tuhan Ngon narit jih nyan nyang sulet leupah Teuma di Tuhan hana Neukheundak Lagee jih peujak han izin Allah Cahya nur Allah Neumeung peucukop Bah le jimeung top le kaphe jadah Beu that jibeunci le awak kaphe", "Peutunyok Neubri keu rasul Allah Neukirem rasul Neuba peutunyok K Lom pih Neuyue cok agama Allah Agama beuna Neyue peumeunang Nibak dum laen agama salah Beu that jijanji le kaphe muchrek Beu that beu-han ek di jih jipeugah", "Hai ureueng mukmin le that peundeta Ngon raheb kaya jipubuet salah Areuta gop dum jipajoh le jih Bateu that buet jih peundeta jadah ó Lom jitham gop jak bak jalan Tuhan ; Bek tajak keunan meunan jipeugah k Barangsoe nyang troh meuh deungon pirak Leupah that galak di jih jikeubah Han jitem bri nyan bak jalan Tuhan Takheun bak jih nyan azeub sileupah Azeub that peudeh geukeubah keu jih", "Watee geuboh jih lam apui mirah Geutot meuh pirak dalam nuraka Bak dhoe jih teuma geupleu geuasah j Bak Ihong ngon bak rhueng jih geuseutrika Geukheun lom teuma nyoe nyang kakeubah Ka keubah keudroe keuh masa dilee Jinoe meuteuntee rasa treuk di kah Akibat katroh dilee atra nyoe Karasa jinoe pakri geubalah", "Buleun bak Tuhan duablah buleun Ka dilee jameun lam kitab Allah Uroe Neupeujeuet langet ngon bumoe Peut buleuen nyang nyoe hareuem Neupeugah Nyan keuh aturan dalam agama Nyang that sibeuna hana meusalah Teuma bek gata taelanya droe Buleun hareum nyoe bek pubuet salah Kaphe musyrikin bandum jih taprang Gata pih jiprang lagee nyan ulah Beu na tateupue teuma di Tuhan Meusajan ngon nyang takwa keu Allah", "Peuiseuk watee meutamah kaphe Nyan keuh jeut kaphe sisat sileupah Lam thon nyoe di jih jipeugah haleu v Teuma thon ukeue hareum jipeugah Mangat jipeusa ngon peue nyang hareuem ; Nyang dilee Tuhan ka lheuh Neupeugah Jeut teuma peue nyang Tuhan peuhareuem Haleu nyan jikheun jibalek ulah Jipeugah haleue atra nyang hareuem Buet jeuheut jih nyan ka jipeuindah Han Neupeuteunyok teuma di Tuhan Bandum kawom nyang kaphe keu Allah", "Hai ureueng mukmin pakon meunyum brat i Geuyue beurangkat bak jalan Allah i Tapiyoh sinan ek seunang gata Udep lam donya galak teuh leupah Uroe akhirat hana takira Udep lam donya seunang be seupah Seunang cit siat di dalam donya Akhirat teuma watee that luah", "Meunyo han tatem tajak beurangkat Gata Neuazeub nyang peudeh leupah Neugantoe gata ngon kawom laen Teuma di Tuhan han jeut keu salah Han ek meularat tabri keu Tuhan Bak dumpeue Tuhan kuasa leupah", "Gata dum meuhan tatulong gopnyan Neutulong gopnyan laju le Allah Watee si kaphe peuteubiet gopnyan Dua ngon rakan seutia leupah Watee lam guha geukheun bak rakan Tanyoe na Tuhan bek sagai susah Tuhan na sabe sajan geutanyoe Teuma Tuhan roe peutron sakinah Lam ate nabi Tuhan bri teunang Neukirem keunan teuntra le leupah Hana deuh taeu dum teuntra Tuhan Kaphe dum geucang mate dum bicah Kalimah kaphe ka rhet lam kulam Tinggai nyang manyang kalimah Allah Keubit cit Tuhan Maha Perkasa Ngon bijaksana areh sileupah", "Beudoh beurangkat got nyang phui awih Got nyang brat awih beurangkat bagah Beudoh berjihad ngon arta gata í Ngon nyawong gata bak jalan Allah Meunyo tateupue nyan leubeh that got Keu gata meuhat Neubri le Allah", "Meunyo atra toe jalan pih meunan Han jioh sinan bek jeut keu payah Teuntee jiikot le jih dum gata 3 Tapi jirasa jioh that leupah Teuma ‘oh dudoe bandum awak nyan Å Demi nyo Tuhan cit jimeusumpah $ Meu ek kamoe jak cit kamoe teubiet Meuseutot keubit ho nyang talangkah Jipeubinasa droejih awak nyan Teuma di Tuhan Neuteupue sudah Awak nyan sulet Tuhan Neuteupue", "Keu gata jinoe pih Neupeumeu‘ah Keu peue taizin roe keu awak nyan Goh lom keubit trang nyoban jipeugah Gohlom taturi beuna ngon sulet Awak nyang sulet cit le that hilah", "Han roe jilakee izin bak gata Le ureueng nyang na iman keu Allah Í Lom pih jiiman uroe akhirat d Tayue berjihad cit han jikeubah Arta ngon nyawong jijak berjihad Bandum yakin that hana jibantah Tuhan Neuturi ureueng nyang takwa", "Laen nyang hana iman keu Allah Nyang lakee izin nyan keuh awak nyan Lam ate jih nyan hana ikheulah Lom han jiiman uroe akhirat Atejih sisat ragu sileupah Ragu atejih meusurot-surot U keu u likot ‘oh jibot langkah", "Meunyo meunapsu jikeumeung teubiet Beu sep keubit dumpeue jihilah Beukai ngon alat teuntee jimita Teutapi hana Neuizin Allah Tuhan Neubeunci jih nyan beurangkat Leumoh seumangat Neubri le Allah Geukheun dum bak jih duek tamong sinoe Sajan awak nyoe meusapat ngon kah", "Meunyo jiteubiet jak sajan gata Nyang na cit gata meutamah susah ž Jeut lungkiek gata jijakba haba i Bak rakan gata jiba fiteunah € Na rakan gata nyang ek jipadan Jideungo rijang peue nyang jipeugah Teuma di Tuhan Neuteupue bandum Awak nyang lalem elanya leupah", "Cit ka dileekon jimita-mita - Pakriban cara jiba fiteunah Í Jibalek batang urusan gata Peue-peue nyang beuna jipeugah salah Hingga troh teuka nyang keubenaran Tuhan peumeunang agama Allah Atejih beunci saket leupah that", "Nyang ladom meuhat meunoe jipeugah Taizin keu lon bek roh beurangkat \" Bek roh lon meuhat keunong fiteunah Beu na tateupue ka rhet jih keunoe Lam fiteunah nyoe jih cit ka reubah Teuma jahannam hana ragu le Cit teumpat kaphe sinan geukeubah", "Meunyo hai nyang got keunong keu gata Palak jih raya ngon apoh apah Meunyo musibah keunong keu gata Seunang jih raya laju jipeugah Cit ka meupike kamoe yoh awai Mangat bek kanjai kamoe meusiblah Jijak treuk laju di jih ho laen Sira jipaleng galak jih leupah", "Takheun han keunong sapeue keu tanyoe Meunyo kon meunoe ka kheundak Allah Nyang Po geutanyoe Allah Taʻala Ban nyang Neukada han jeut meuubah Teuma barangsoe ureueng meuiman Tawakai keunan bandum bak Allah", "Takheun peue tapreh teuka keu kamoe Lam dua peue nyoe got bandua blah Teuma di kamoe meupreh keu gata Tuhan peuteuka teuma musibah Azeub keu gata Neubri le Tuhan Meunyo kon Tuhan kamoe peubicah Ngon jaroe kamoe Neuyue le Tuhan Tapreh treuk kaman tanyoe dua blah Gata pih tapreh kamoe pih meupreh Peue-peue nyang jadeh beuna ngon salah", "Takheun peuteubiet laju beulanja Got sukarila got pih peurintah Got pih paksaan han geuteurimong Meu hana keunong tabri seudeukah Kawom nyang pasek gata nyan bandum", "Han geuteurimong sabab ka salah f Han geuteurimong sabab jih kaphe Tuhan ngon nabi pih jipeusalah Jijak seumbahyang tapi jih beuo Jipeukho-peukho tulak peurintah Jibri napakah atejih beunci", "Keu peue meuguni dum peng jikeubah Areuta jih le aneuk jih pih le Gata bek tahe meunarek leupah Tuhan Neukheundak Neuazeub jih nyan Ngon arta jih nyan jiudep mewah Ngon aneuk jih le jipeubangga droe Dalam donya nyoe galak jih leupah ‘Oh abeh nyawong di jih lam kaphe", "Laen lam ate bah jimeusumpah Bah jimeusumpah demi nyo Tuhan Ngon gata rakan meunoe jipeugah Padahai jih kon rakan ngon gata ‘Oh jingieng gata teumakot leupah", "Meunyo na meuh‘eut jipeusiblah droe Lam lungkiek bumoe na guha teuhah Got pih na uruek jeut jilop keunan Teuntee dum keunan jijak lop bagah", "Na cit awak nyan nyang sinde gata Jikheun na cupa tabri seudeukah Meu na bahgian tabri keu jih nyan Jikhem watee nyan seunang jih leupah Meunyo jih hana tabri bahgian Beungeh jih hanban muka jih mirah", "Adak meuseunang jih ban bri Tuhan i Ngon rasul Tuhan teuntee got leupah Jikheun sep kamoe ban nyang Tuhan bri Karonya Neubri teuma le Allah Allah ngon rasul nyang bri keu kamoe Seunang that kamoe harap keu Allah", "Zakeut seudeukah keu ureueng fakir í Keunan hak tabri nyang gasien leupah F č Gasien miseukin ngon ame zakeut y Teuma nyang keupeut ureueng muallaph G Tajinak atejih bak agama Namiet lom teuma nyang ka rap leupah Ureueng meuutang lom pih keu sabil Nyan pih beu tabri bak jalan Allah Teuma keu lapan ureueng meudagang Nyan keuh ureueng nyang wajeb seudeukah Zakeuet beu tajok bahgi ureueng nyan Peureulee meunan Neuyue le Allah s Dumpeue Neuteupue Allah Taʻala Ngon bijaksana Neuh han ban peugah s", "Na cit awak nyan nyang ganggu nabi Jikheun keu nabi neupeubuet salah Geulinyueng lipeh jikheun keu nabi à Neudeungo rawi soe-soe nyang peugah Takheun tadeungo nyang got keu gata C Lagi pih gata iman keu Allah É Lom tapeucaya keu ureueng mukmin Rahmat keu mukmin lom beu tapeugah Soe nyang meuiman nibak dum gata Rahmat cit teuka Neubri le Allah Teuma nyang ganggu rasul Hadharat Azeub peudeh that keu jih Neubalah", "Jimeusumpah dum demi nyo Tuhan Keu gata rakan meunan jipeugah y Jimeung peuseunang lam ate gata Dum watee gata tadeungo sumpah Tuhan ngon rasul han jipeuseunang Nyang hak kon keunan peuseunang leupah Meunyo bit jih nyan ureueng meuiman J", "Keu peue jiteuntang peurintah Allah 7 Peue tan jiteupue soe teuntang Tuhan Ngon rasul Tuhan raya that salah Apui nuraka keukai jih sinan Teumpat jih keunan teuma geukeubah Keubit atra nyan ayeb raya that r Atra nyan meuhat hina that leupah", "Awak munaphek teumakot jih that Geupeutron surat hai jih geupeugah r f Peue lam atejih geupeugah sinan Takheun boh meuen laju ngon Allah Tapeukhem laju peueleh laju Tuhan peulaku dum Neupeuleumah Tuhan peuleumah peue nyang tatakot Bandum Neuseubot lam kitab Allah", "Meunyò tatanyong meuhat jih jikheun Di kamoe meukheun haba beurakah Keu gura-gura keu meuen-meuen Takheun ngon Tuhan meunan tapeugah Ngon ayat Tuhan ngon rasul Tuhan Bandum deungon nyan tapoh beurakah", "Bek lakee meuʻah cit ka takaphe Iman hana le kabeh meuruah Lheuh tameuiman jinoe takaphe Pakri tapike ek geupeumeu‘ah Meu meupeumeu‘ah saboh golongan Nyang laen dum han Kamoe peumeu‘ah Kamoe bri azeub golongan laen Sabab jih meucen dalam buet salah", "Awak munaphek agam ngon inong Bandum meuseumong hana meupisah Jiyue buet jeuheut jitham buet nyang got Artajih jikot han sagai leupah Jireugam jaroe teuwo keu Tuhan Teuma di Tuhan ka keuh Neubalah Teuwo teuh keu jih cit jih munaphek Buet jih cit pasek hana meuubah", "Keu soe munaphek ka janji Tuhan Inong ngon agam lam apui mirah Dalam nuraka saban ngon kaphe Keukai jih sabe sinan geukeubah Sep ngon nuraka dum jih di sinan Ngon laknat Tuhan azeub that leupah Azeub nyang keukai hana tom teudoh Sinan jipiyoh lam apui mirah", "Saban ngon awak yoh gohlom gata Jih leubeh teuga arta pih mewah Areuta jih le aneuk jih pih le Dumpeue leubeh le kaya ngon meugah Meuseunang-seunang ngon bagian jih Gata lagee jih cit seunang leupah Gata pih seunang ngon bagi gata Lagee jih nyang ka masa nyang sudah Narit teuh pih brok lagee jih marit Gata ngon jih bit saban that ulah Amai awak nyan luroh dum meuhat Donya akhirat rugoe sileupah", "Peue tan troh haba keunan ubak jih Kawom yoh goh jih dum pubuet salah kawom Noh ngon ‘Ad Tsamud Ibrahim Bandum kawom nyan lalem that leupah Nyang duek di Madyan ngon nanggroe punah Bandum jih punah muruka Allah Rasul jih teuka geujakba ayat Geuyue peuteupat bek buet jih salah Teuma kon Tuhan elanya jih nyoe Droejih roe keudroe lalem sileupah", "Ureueng meuiman agam ngon inong Bandum meuseumong hana meupisah Geuyue buet nyang got geutham buet nyang bro Seumbahyang dawok han tom geukeubah t Geubri ngon zakeuet taʻat keu Tuhan * Ngon rasul Tuhan hana meuubah Akan Neugaseh bandum ureueng nyan Dudoe le Tuhan nyang Maha Murah Keubit cit Tuhan Maha Perkasa Ngon bijaksana areh that leupah", "Ka janji Tuhan keu ureueng mukmin Agam ngon inong churuga indah Ile dum ie krueng di yup churuga Teumpat dhiet raya hanaban peugah Churuga ‘adnen teumpat dhiet raya Leubeh lom raya rila le Allah Nyan keumenangan nyang raya that-that Bahgia meuhat hana peue peugah", "Hai nabi taprang bandum si kaphe Munaphek sare pih hana ubah Beu kreuh droe gata ateuh awak nyan Dalam jahannam jih dum geukeubah Sibrok-brok teumpat ‘oh tawoe dudoe", "Jimarit jih nyoe pih jimeusumpah Demi nyo Tuhan peue-peue nyang jikheun Padahai jikheun narit nyang salah Jimarit di jih narit jikaphe Ka keuh jikaphe Iheuh jimeusumpah 1 Jikaphe di jih lheuh ji Iseulam Hana troh angan jih bak buet salah Cit hana laen sabab beungeh jih Neupeukaya jih Neubri le Allah Lom Neupeukaya le rasul Tuhan Karonyan Tuhan keu jih le leupah Mew- jitem toubat nyan got that keu jih Meu han jitem jih nyan kon gop salah Meunyo jipaleng nyan jih Neuazeub Donya akhirat azeub that leupah Peudeh that azeub keu jih le Tuhan. Hana soe rakan nyang na ek peuglah Hana soe tulong jih dalam donya ‘Oh dudoe teuma hanaban peugah", "Na cit awak nyan nyang jimeujanji Meunyo cit Neubri keu jih le Allah Meunyo karonya Neubri keu kamoe Teuntee di kamoe meubri seudeukah Jeut ureueng saleh bandum na kamoe Meunan awak nyoe janji ngon Allah", "‘Oh ban ka Neubri karonya Tuhan Meu jeut treuk jih nyan ka kriet sileupah Jijak ho laen laju jipaleng Hana le jichen peue nyang jipeugah", "Neuboh treuk nifaq dalam atejih Troh ‘an watee jih reumpok ngon Allah Sipheut munaphek Neuboh lam ate Jeh sabab janji jih ka jiubah Han jiingat le janji ngon Tuhan Lom sabab jih nyan sulet that leupah", "Peue tan jiteupue ‘eleumee Tuhan Rahsia jih nyan abeh Neupeuhah Neuteupue dumpeue nyang meus‘ah-meus‘ah Bandum cit leumah Neueu le Allah Tuhan Neuteupue bandum nyang gaeb", "Lom jipeuayeb teuntang seudeukah Ureueng meuiman seudeukah geubri Ngon ate suci ngon niet ikheulah Meunan pih ureueng nyang han ek geubri Jikheun that keu jih ayeb sileupah Jipeueleh dum ureueng meuiman Teuma di Tuhan keu jih Neubalah Azeub peudeh that keu jih lom Neubri", "Ampon han Neubri keu jih le Allah Talakee ampon got han talakee Keu jih cit han mee Neubri le Allah Bah tujoh ploh go talakee ampon Keu jih han ampon Tuhan Neupeugah Sabab jikaphe di jih keu Tuhan Ngon rasul Tuhan hana meuubah Teuma di Tuhan han Neupeutunyok Kawom nyang pasek nyang pubuet salah", "Galak that awak nyang duek-duek mantong Han jijak meuprang ngon rasul Allah Han jitem jihad deungon arta jih Deungon nyawong jih bak jalan Allah Jikheun bek tajak uroe tutong that Takheun tutong that Jom apui mirah : Apui nuraka leubeh that tutong Meunyo jih meuphom han roe jiilah", "Boh khem treuk siat jinoe dum di jih ‘Oh Iheuh nyan di jih jikliek that leupah Jikhem cit bacut jikliek nyang le that Buet droejih meuhat meunan geubalah", "Meunyo Neupeuwoe gata le Tuhan Ubak awak nyan saboh parikah Jilakee izin teuma bak gata Keudeh ulua jilakee langkah Takheun sajan lon han jeut tateubiet Barangjan keubit hana phaedah Han jeut tajak prang musoh deungon Lon Gata ka yoh phon seunang sileupah Mangat that taduek di gata mantong Jinoe pih meunan taduek bek payah Sabe-sabe ngon nyang han tem meuprang", "Bek taseumbahyang keu jih jeunazah Soe-soe nyang mate lam kawan jih nyan Bek taseumbahyang jih nyan ka salah Seumbahyang mayet han jeut barangjan Bak kubu jih nyan pih bek tasinggah Ateuh kubu jih pih bek tadong le Sabab jikaphe di jih keu Allah Keu rasul Tuhan pih jih jikaphe Teuma ‘oh mate jih pasek leupah", "Teuma bek gata tatarek keu jih Sabab pih di jih le that jikeubah Areuta jih le aneuk jih pih le Gata bek tahe meunarek leupah Tuhan Neukheundak Neuazeub jih nyan Ngon arta jih nyan jiudep mewah Ngon aneuk jih le jipeubangga droe Dalam donya nyoe galak jih leupah ‘Oh abeh naph‘ah nyawong hanale Di jih lam kaphe cit han jikeubah", "Watee geupeutron surat bak Tuhan Jak tameuiman bandum keu Ałlah Jak taberjihad ngon rasul Tuhan Jikheun kamoe han le awak mewah Jilakee izin le awak kaya jikheun bak gata kamoe Neukeubah Bah tinggai kamoe sabe hana jak", "Keubit jih galak han jimeulangkah Galak jih tinggai ngon awak han tem Ate jipaleng Neucap le Allah Bit hana meuphom bandum awak nyan", "Tapi kon meunan di Rasulullah Di rasul deungon ureueng meuiman Nyang sajan gopnyan bandum meulangkah Bandum berjihad ngon arta gopnyan Ngon nyawong gopnyan hana meuubah Keu gopnyan Neubri dum keubajikan Lom pih ureueng nyan keuh nyang meutuah Meubahgia that bandum ureueng nyan", "Neubri le Tuhan churuga indah Ile dum ie krueng di yup churuga Ka Neuseudia bandum le Allah Seulama masa keukai di sinan Nyan keumenangan nyang raya leupah", "Dum Arab badu jak lakee izin Arab nyang laen kon meunan ulah Nyang bek peusulet Allah ngon rasul Jiduek teukukui han jijak peugah Awak nyang kaphe dalam kawan jih Azeub that peudeh keu jih geukeubah", "Ureueng nyang leumoh ngon ureueng saket Nyan hana wajeb keudeh geulangkah Meunan pih ureueng nyang han sapeue na Tapi seutìa gopnyan keu Allah Keudeh bak rasul geujak peugah hai Nyan hana sagai jeut tapeusalah Ureueng pubuet jroh bandum nyang meunan Tuhan Pengampon lom that Pemurah", "Meunan pih ureueng nyang jak bak gat Droejih jiyue ba keudeh jilangkah Di gata takheun hana ngon lon ba Bañdua gata hana peukakah Teuma jipaleng ngon ro ie mata Hana areuta jih keu napakah Ureueng nyan bandum hana meudacha", "(Ureueng nyang kaya nyan laen ulah Jilakee izin tapi jih kaya Atejih suka meunyo takeubah Ka Neucap atejih nyan le Tuhan Tinggai ngon rakan nyang han tem langkah JUZ 11) Teuma awaknyan hana jiteupue", "Watee gata woe baro jipeugah Watee gata dum tawoe dalam prang 3 Jijak awaknyan jilakee meuʻah 6 Takheun bek lakee meuʻah bak kamoe Sabab di kamoe meuteupue sudah Han le meupateh nyan narit gata Rahsia gata ka Tuhan peuhah Tuhan ngon Rasul Neueu buet gata Dudoe bak gata bandum geupeugah ‘Oh watee gata keudeh geupuwoe Bak nyang that teupue beuna ngon salah Nyang han deuh taeu got nyang deuh taeu Nyang tapeulaku bandum Neubalah", "‘Oh watee tawoe dum bak awaknyan Demi yue Tuhan dum jimeusumpah Mangat bek takheun salah awaknyan Teuma jih meunan jih dalam salah Awaknyan na jih bek tahiroe that Teumpat jih meuhat lam apui mirah À Dalam nuraka sinan teumpatjih Sabab buet droejih meunan geubalah", "Jeut jimeusumpah jijak bak gata Mangat tarila peue nyang jipeugah Teuma di Tuhan hana Neurila Meunyo tarila gata dum salah Pane Neurila awaknyan phasek Sipheut munaphek jeuheut sileupah", "Di Arab badu leupah that kaphe Di jih lam ate munaphek leupah Leupah munaphek ngon leupah kaphe Hana nyang sabe lagei jih salah Patot that di jih hana jiteupue Hukom barangpeue nyang tron bak Allah Peue nyang Neupeutron bak Rasul Neuhnyan Hana di jihnyan jitueng phaedah Tuhan Neuteupue sigala rupa Lom bijaksanaNeuh han ban peugah", "Na Arab badu nyang bri areuta Teuma jikira rugoe that leupah Jipreh-preh pajan ek teuka bala Keunan keu gata mangat jih pih glah Atra roh keu jih nyang teuka bala Allah Taʻala kuasa leupah Dumpue Neudeunge dumpue Neuteupue Hana meusapeue nyang na meuilah", "Na Arab badu nyang bit meuiman Jipateh Tuhan nyang Maha Murah Lom jipateh na uroe akhirat Di jih bit teupat jibri napakah Jiniet jipeutoe droejih ngon Tuhan Ngon Rasul Tuhan jeut keu wasilah Jeut geumeuduʻa keu jih le Rasul Teuma Neukabui nietjih le Allah Keubit Neupeutoe jih deungon Tuhan Neupeuroh jihnyan lam rahmat Allah Keubit cit Tuhan Maha Peungampon Lagi pih Tuhan Maha Pemurah", "Ureueng nyang dilee nyang phon iseulam Nyang muhajirin asai di Makkah Ngon ureueng ansar nyang preh-preh Nabi Geubantu Nabi troh u Madinah Lom ngon peungikot bandum ureueng nyan Deungon niet gopnyan pih jroh sileupah Bandum ureueng nyan ka rila Tuhan Meunan pih gopnyan ridha keu Allah Keu gopnyan bandum ka Neuseudia Lampoh churuga nyang indah-indah Ie krueng dum ile di yup churuga Seulama masa sinan Neukeubah Nyan keumenangan nyang raya that-that Bahgia meuhat han ek tapeugah", "Di Arab badu silingka gata Munaphek raya di jih that leupah Ahli Madinah munaphek cit that Leubeh lom jih brat hana ban peugah Hana taturi di gata jihnyan Di kamoe jihnyan meuturi leupah Kamoe bri azeub keu jihnyan teuma Meukali dua beu brat sileupah Dudoe geupeuwoe bandumjih meuhat Azeub raya that cit ka geukeubah", "Na nyang laen lom nyang ka meungaku Amai jijampu deungon buet salah Di jih meungaku jipubuet dacha Buet nyang got pih na jipubuet sudah Teuma toubatjih mudah-mudahan Neutueng le Tuhan nyang Maha Murah Keubit cit Tuhan Maha Peungampon Lagi pih Tuhan Maha Pemurah", "Tacok seudeukah nibak areuta Ureueng nyang kaya cukop napakah Mangat gleh sipheut ngon suci ate Dengki hana le sabab seudeukah Talakee duʻa akan ureueng nyan Duʻa gatanyan raya phaedah Mangat jeut teunang ate ureueng nyan Sijuek ngon nyaman han le geulisah Teuma di Tuhan Neudeungo dumpue Bandum Neuteupue hana meuilah", "Peue tan jiteupue Tuhan kuasa Toubat dum hamba Neutueng le Allah 1 Neutueng seudeukah jijok le hamba Neupeugleh hamba nibak buet salah Tuhan cit Maha teurimong toubat Lom geumaseh that Maha Pemurah", "Takheun pubuet-buet mangat Neukalon À Teuma le Tuhan ngon Rasulullah Ureueng mukmin dum pih cit geukalon Buet gata dumnyan pakriban ulah Dudoe geupuwoe cit gata bandum Keudeh bak Tuhan nyang Maha Murah Tuhan nyang teupue nyang han deuh taeu Got nyang deuh taeu pih deuh bak Allah Teuma Neupeugah peue nyang tapubuet Bandum meubacut hana meuilah", "{Na ureueng laen nyang preh harapan } Pakribah Tuhan Neutem peumeuʻah Pakri awaknyan ek roh Neuazeub Peue Neutueng toubat jihnyan le Allah Bandum Neuteupue uleh Hadharat Bijaksana that Neuh han ban peugah", "Na saboh kawom peugot meusijid | Meukeusud kon bit kareuna Allah Mangat meularat ureueng meuiman ; Lom kaphe jihnyan jipeubicah blah Mangat meucre-bre ureueng meuiman Jeut jipreh sinan lom musoh Allah Awak prang Tuhan ngon Rasul Tuhan Jipreh di sinan nak buetjih mudah Jitem meusumpah teuma nietjih got Tapi sulet that jih Tuhan peugah Tuhan ek saksi jihnyan sulet that", "Bek roh tapeurap bak buetjih salah Bek taseumbahyang bak meusijidnyan Na jih pat laen meusijid nyang sah Nyang phon geupeudong keu ureueng takwa Keunan tateuka raya phaedah Sinan le ureueng galak keu suci Baten ngon lahe geujok keu Allah Ureueng nyang suci Tuhan Neugaseh", "Teuma soe nyang gleh tacuba peugah Ureueng nyang peugot takwa keu Tuhan Atawa nyang tan takwa keu Allah Ureueng nyang peugot ngon rila Tuhan Soe nyang got nyang tan ngon rila Allah Jibangun rumoh bak bineh urong Teuma peureulong dalam tanoh crah Meuseuruek jih rhot dalam nuraka Hana soe peubla lam apui mirah Han Neupeutunyok teuma le Tuhan Kawom nyang lalem sabe lam salah", "Sabe chok sangka keu bangunanjih Dalam atejih ragu sileupah Meu kon atejih teusie meukoh-koh Bek le meusaboh beukah meuplah-plah Dunpeue Neuteupue Allah Taʻala Ngon bijaksana Neuh han ban peugah", "Nyawong dum mukmin Neubloe le Tuhan Ngon harta jihnyan Neubloe le Allah Keu yum jih teuma Neujok churuga Neubalah jasa ureueng meutuah $ Geutem jak meuprang bak jalan Tuhan Geucang meutimphan dum musoh Allah Gopnyan pih jicang geuh mate chahid Ureueng nyan keubit geunaseh Allah Di dalam Taurat beunar janjinyan Injil Qur‘an pihnyan geupeugah Soe-soe nyang peutroh janji ngon Tuhan Haba sukaan keu jih tapeugah Peue nyang tapubloe dilee keu Tuhan Nyan keumeunangan nyang raya leupah", "Ureueng nyang toubat ureueng ‘ibadat Pujoe Hadharat seunang ngon susah Ureueng meudagang geuruku‘ sujud Geuyue lom pubuet surohan Allah Geutham buet jeuheut lom pih geujaga Hana geulangga bandum peurintah Dum hukom Tuhan hana geulingkeu Bah bangkapeue nyang Tuhan peugah Haba geumbira tapeugah siat Keu soe nyang teupat iman keu Allah", "Hana roh Nabi ngon ureueng mukmin Geulakee ampon keu kaphe jadah Kaphe musyrikin hanjeut talakee Ampon jih han mee Neubri le Allah Beuthat bah jihnyan keurabat gata Meunyo ka nyata jihnyan bit salah Ka nyata jihnyan asoe nuraka", "Ibrahim teuma nyang laen ulah Geulakee ampon keu ayah gopnyan Lam ate gopnyan sabab ka leupah Ka geumeujanji yoh masa dilee ‘Oh ban ka teuntee ka laen ulah ‘Oh ban ka nyata nyan musoh Tuhan Geucabot yohnyan lakee bak Allah Ka leupah gopnyan han le geulakee Ibrahim teuntee ate got leupah Ate peunyanton sayang barangsoe", "Teuma ‘oh dudoe Neukheun le Allah Han Neupeusisat kawom barangri Meu kalheuh Neubri peutunyok Allah Hingga Neupeugah peue nyang peureulee Neuyue meusilee nibak buet salah Keubit roh Tuhan dumpeue Neuteupue Hana meusapeue pih na meuilah", "Tuhan keuh nyang Po keurajeun langet Bumoe pih meuhat keurajeun Allah Jeut Neupeuudep ngon Neupeumate Di gata wali cit sidroe Allah Meunyo kon Allah hana soe tanggong Hana soe tulong ‘oh na musibah", "Neutoubat Nabi Neutueng le Tuhan Lom muhajirin ureueng hijeurah Meunan pih ansar nyang tulong Nabi Nyang ikot Nabi bak watee susah ‘Oh lheuh rap sisat hatejih ladom Oh dudoe Neutueng toubat le Allah Tuhan cit sayang Neuh keu ureueng nyan Lagi pih Tuhan Maha Pemurah", "Meunan pih lhee droe ureueng nyang han tem Geuyue jak meuprang han geutem langkah Ka geupeutanggoh toubat ureueng nyan Picek keu gopnyan treuk bumoe Allah Bumoe nyang luah ka meunyum sempit Ate meuseupet ka jeut keu susah Hingga geuyakin hana ho laen Peujok droe meu kon keudeh keu Allah Bala Tuhan bri bala Tuhan boh Akibat that jroh Neubri le Allah Teuma geutoubat Tuhan teurimong Han jadeh keunong azeub that leupah Keubit roh Tuhan teurimong toubat Lom pih Hadharat Maha Pemurah", "Hai ureueng mukmin takwa keu Tuhan Beu roh teuh sajan ureueng meutuah Ureueng nyang beunar keudeh meusapat", "Hana bak teumpat tapubuet salah Arab Madinah ngon silingka nyan Nyang patot cit han roh dalam salah Han patot tinggai jak sajan Rasul Han minta nyang phui takot keu payah Bek peunteng keu droe hana keu Rasul Hana meureului bak jalan Allah Grah reuoh-reuah bak jalan Tuhan Ngon deuk pih saban rayaa phaedah Tagidong tanoh nyang beungeh kaphe Got tapoh mate dum musoh Allah Cit kon peue laennyan dum geutuleh Jeut amai saleh pahla jai leupah Ureueng pubuet got raya that pahla Han sia-sia Neubri le Allah", "Beulanja tabri ubit ngon raya Tabloh lam paya urong lhok leupah Bandum geutuleh hana geulupa Allah Taʻala dudoe Neubalah Leubeh nibak nyang tapubuet dilee Pahla meuribee han ek tapeugah", "Kon ureueng mukmin jak meuprang bandum Tinggai nyang ladom laen phaedah Pakon han geujak saboh golongan Geujak peudalam agama Allah ‘Oh ka got meuphom hukom agama Geupeuwoe teuma geutueng phaedah Ureueng woe lam prang jeut geupeureunoe Meubagoe-bagoe dum masaalah Mangat jeut teuma dum geujaga droe Bek roh lam rugoe bak buet nyang salah", "Hai ureueng mukmin taprang dum kaphe Bek tabri ate keu kaphe jadah Kaphe dum nyang toe dilingka gata Tapeukreuh jungka peuleumah juah Lom beu tateupue ureueng takwa Sabe seureuta sajan ngon Allah", "Watee tron surat teuma na nyang kheun Toh nyang'ek iman gata meutamah Teuma dum ureueng nyang na meuiman Meutamah iman galak dum leupah", "Nyang meupeunyaket di dalam ate Awaknyan sabe jeuheut meutamah Meutamah na jih mate lam kaphe", "Peue tan jipike cubaan Allah Kon ka Neuujoe lam sithon sigo Got pih dua go teuka musibah Lheuhnyan dum di jih han cit jitoubat Hana teuingat jitueng phaedah", "Watee troh suroh cit jimeungieng-ngìeng Na ureueng mukmin nyang kalon ulah Lheuhnyan jipaleng jijak ho laen Ate Neupaleng di jih le Allah Sabab awaknyan cit hana meuphom Nyan keuh nyang kawom sabe lam salah", "Ka teuka Rasul keunan bak gata Awak droe gata kon ureueng siblah Brat that geupike keu susah gata Napsu beu gata iman keu Allah Adak jeut bandum teuh tameuiman Gata junjungan sayang neuh leupah Lom Neugaseh that keu bandum gata", "Teuma meunyo ka jih laen ulah Í Meunyo jipaleng han jimeuiman Takheun wateenyan sep lon ngon Allah Tan Tuhan laen nibak Droeneuhnyan Tawakai keunan di lon meunyerah Ka lon peujok droe di lon bak Tuhan d Cit Droeneuh Tuhan Po milek ‘arasy ‘Arasy nyang raya han ek tatuban Makheuluk Tuhan raya sileupah"] }, { "chapter": 10, "versesCount": 109, "verses": ["Tuhan nyang teupue meukeusud ayat Sabab Hadharat hana Neupeugah Nyankeuh dum ayat di dalam kitab Nyang le hikeumat han ek tapeugah", "Ek jeut keuhireun bak manusia Kamoe peuteuka ureueng meutuah Kamoe bri wahyu ubak ureueng nyan Peuingat rakan teuh bek roh salah Manusia dum tajak peuingat Tayue dum umat iman keu Allah Ureueng meuiman raya that pangkat Meubahgia that meunan tapeugah Meubahgia that ubak Po gopnyan Di kaphe yohnyan laen jipeugah Meunyo tadeungo narit sikaphe Nyoe ahli sihe yo teuh that leupah", "Tuhan Po gata nyang peujeut langet Bumoe pih meuhat peuneujeut Allah : Dalam nam uroe Neupeujeut bandum ` Neuato bandum di ateuh ‘arasy Urusan bandum sideh Neuato Awai ngon baro bandum blah bicah Han jeut chupheuʻat le barangkasoe Meu kon na izin Droeneuh bak Allah Nyankeuh nyan Allah Po gata bandum Sidroe Droeneuh nyan mantong taseumah Peue teuma han ek jeut keu peuingat Tatueng ‘ibarat tatueng phaedah", "Bandum teuh tawoe ubak Droeuneuhnyan K Bit janji Tuhan beunar tan salah 3 Neupuphon peujeut dilee saboh roe Lheuhnyan Neupeuwoe mangat Neubalah Ureueng meuiman lom jipubuet got i Balasan meuhat ade bak Allah Teuma keu kaphe geubri ie tutong Azeub jitanggong peudeh sileupah Sabab jikaphe han jimeuiman", "Teuma di Tuhan kuasa leupah Neupeujeut cahya bak mata uroe s Hu trang han bagoe that meujeureulah Di cahya buleuen meubagoe-bagoe Tabileung uroe ngon thon jeut mudah Neupeujeut dumnyan deungon sibeunar Kon sia-sia hana phaedah Neupeutrang ayat keu soe nyang teupue Mangat jiteupue bek roh meusalah", "Meugantoe-gantoe malam ngon uroe Langet ngon bumoe peuneujeut Allah Peue nyang di langet ngon nyang di bumoe Bandum atranyan tatueng phaedah Cit jeut keu tanda keu soe nyang takwa", "Nyang han peucaya dudoe cit teulah Hana jiharap mreumpok ngon kamoe © Mangat that sinoe jiudep mewah Udep lam donya di jih that seunang Teunang ngon nyaman gaalak that leupah Di jih ka teuwo keu ayat kamoe Sabab jih laloe dalam buet salah", "Teumpat awaknyan dalam nuraka Droejih usaha masa nyang sudah", "Ureueng meuiman lom geupubuet got Uleh Hadharat Neubri meutuah Neubri peutunyok sabab geuiman Laen nibaknyan churuga indah Ile dum ie krueng di yup ureueng nyan Ni‘mat ngon seunang hana ban peugah", "Dalam churuga duʻa ureueng nyoe Maha suci Droeneuh hai Ya Allah Salam ‘alaikom ucap seulamat Leupah that ni‘mat hana ban peugah Bak akhe duʻa pujoe keu Tuhan Nyang Po dum ‘alam deungon blah bicah", "Manusia dum lakee beurijang Nyang keubajikan beu troh beu bagah Sangkira meunan cit keujahatan Neubri beu rijang keu jih le Allah Teuntee troh ajai bandum jih meuhat Teuma Hadharat han Neupeubagah Soe nyang han pateh reumpok ngon kamoe Bahle di sinoe dum jih meukeubah Bahle jimaen dalam buet jeuheut Oh dudoe meuhat abeh dum sudah", "Di manusia watee meularat 1 Bak Kamoe meuhat meuduʻa bagah ` Jieh ngon jiduek got sira jidong Duʻa jih mantong hana jikeubah Lheuh kamoe peuglah meularat jihnyan Tuwo jih lheuhnyan peue nyang ka leupah Sang-sang tan sagai na jimeuduʻa Bak Kamoe hana jilakee beuglah Meunan keuh awak nyang elanya droe Bandum buetjih nyoe ka geupeuindah", "Padum le umat sigohlom gata Meupeubinasa le Kamoe sudah Sabab awaknyan leupah elanya í Rasul troh teuka geuba peurintah Tapi awaknyan han jimeuiman Teutap di jihnyan jipubuet salah Meunan keuh balah nyang pubuet dacha", "‘Oh Iheuhnyan gata jeut keu khaliphah Kamoe bri gata peurintah bumoe ‘Oh lheuh awaknyoe jipubuet salah Kamoe keumeung eu pakri buet gata Na takeureuja ban nyang peurintah", "Watee geubaca dum ayat Kamoe Ubak jih dumnyoe ngon trang geupeugah Awak han pateh mreumpok ngon Kamoe i Jikheun le meunoe jipeugot ulah Qur‘an laen taba leh keunoe Got pih tagantoe laen tapeugah Takheun di lon han jeut roh lon gantoe Meunyo lon keudroe raya that salah Di lon lon ikot peue nyang geuwahi Hana beurani lon pubuet salah Meu han lon ikot nyang yue Hadharat Azeub raya that keu lon Neubalah Azeub bak uroe that haro-hara", "Takheun meunyo ka kheundak bak Allah Meunyo ka kheundak han roh lon baca Bandum keu gata han lonjak peugah Lom pih di Tuhan han Neupeunyata Keu bandum gata bandum peurintah Di lon trep tinggai ka sajan gata Teuntee di gata ka meuphom sudah Teuma Po gata hana tapike", "Soe nyang lam sabe lalem sileupah À Na leubeh lalem nyang kheun keu Tuhan Narit nyang tan-tan jikheun keu Allah Jipeugah sulet lom ayat Tuhan Han keumeunangan kawom nyang salah", "Lom pih jiseumah nyang bukon Tuhan Meubacut pih tan keu jih phaedah i Han ek meularat jibri keu jihnyan Manphaʻat pih han keu jih jikeubah Nyang bri chupheuʻat teuma keu kamoe Jilakee kamoe ampon bak Allah Meunan jipeugah nyang jiseumah nyan Takheun peue meunan janji ngon Allah Peue dih nyan Tuhan hana Neuteupue Langet ngon bumoe lam jaroe Allah Maha Suci that Maha Manyang that Tuhan Hadharat kon nyang jih seumah", "Manusia dum cit saboh umat ‘Oh dudoe meuhat ka jeut ikhtilaph Hana sapeu kheun salah ngon beunar Ka keuh rap phana Neubri le Allah Adak ken ka na putusan Tuhan Abeh Neusimpan sabab ikhtilaf", "Jikheun pakon han geupeutron ayat Jeut keu muʻjizat nyang hebat leupah Takheun nyang ghaeb urusan Tuhan Tapreh keuh pajan teuka musibah Gata dum tapreh di lon pih lonpreh Peue-peue nyang jadeh beunar ngon salah", "Di manusia Kamoe bri rahmat ‘Oh lheuh meularat jih kamoe peuglah t Ban tanjo di jih jitipee Kamoe Dum ayat Kamoe ka jikheun salah Takheun bagah that lom tipee Tuhan Nibak awaknyan nyang tipee Allah Utusan Kamoe nyang tuleh bandum Tipee gatadum cit ka geukeubah", "Tuhan nyang peujak gata di darat Meunan lom meuhat di laot luah Taek lam kapai angen pih jipot Jijak ban patot seunang sileupah Teungoh got seunang teuka le badei Te lagee geuple kapai sang beukah Bakat raya that ban siseulingka Hana le daya jalan ret peuglah Wateenyan teuma ingat keu Tuhan Meuduʻa yohnyan lakee bak Allah Khuchu‘ ikheulah di dalam ate Tuhanku Neubri kamoe beuleupah Meunyo glah kamoe nibak bala nyoe Meuhat dum kamoe chukor keu Allah", "‘Oh ban Neupeuglah jih nibak bala Ka lom jigisa ubak buet salah Di dalam bumoe jipubuet dacha Hai manusia droeteuh nyang salah Elanya gata cit keu droe gata Galak keu donya seunang that leupah Hana trep seunang udep lam donya ‘Oh Iheuhnyan teuma tawoe bak Allah Wateenyan teuma tawoe bak Kamoe Tadeungo keudroe teuma meupeugah Peue nyang tapubuet meupeugah teuma", "Udep lam donya cit meunoe ulah Udep lam donya lagee ie ujeun Nyang Kamoe peutron keunoe meuruah Bak kayee udep timoh di bumoe ` Hijo sinaroe takalon indah Peunajoh insan deungon binatang Bandum that seunang sabab ujeun rhah Indah ngon ceudah takalon rupa Bandum tasangka tacok phaedah Ban tanjo malam atawa uroe Laju le kamoe kirem musibah Abeh peue nyang na lagee geucang-cang Yoh baroe sang-sang cit padang luah Sang-sang yoh baroe cit han sapeuena Meunan keuh tanda kamoe peuleumah Meupeutrang ayat keu soe tem pike Bek roh meucawo ubak nyang salah", "Tuhan Neumeuhoi u Darussalam $ Nanggroe nyang aman peutunyok Allah Neubri peutunyok soe nyang he‘ut Tuhan Peuleumah jalan teupat sileupah", "Ureueng pubuet got geubalah pih got Lom pih leubeh got Neubri le Allah Hana meuabee muka ureueng nyan £ Hantom ureueng nyan hina ngon susah e Nyankeuh ureueng nyan asoe churuga Keukai simasa sinan geukeubah", "Nyang pubuet jeuheut balah pih jeuheut Lagee jipubuet meunan geubalah y 1 Muka awaknyan susah ngon hina Han soe plihara bak azeub Allah Bak mukajih sang seupot ngon suklip Han deuh meutaglip seupot sileupah Awaknyan bandum asoe nuraka Keukai simasa lam apui mirah", "Bak uroe dudoe kamoe peusapat Bandum jih meuhat kamoe meupeugah Bak awak nyang kheun Tuhan charikat Sinan meusapat bandumkeuh di kah Ngon Tuhan droeukeuh sinan meusapat Meupeumekleh siat teuma meusiblah Tuhan charikat jih jikheun teuma Gata dum hana Kamoe taseumah", "Hana meuteupue taseumah Kamoe Saksi gatanyoe cit sidroe Allah Tuhan keu saksi Kamoe ngon gata", "Bandum meurasa wateenyan susah Bandum ka leumah buetteuh nyang dilee Meuwoe dum teuntee keudeh bak Allah Tuhan nyang keubit Po dum awaknyan Gadoh dum yohnyan tuhan nyang salah Bandum nyang dilee jipeuna-peuna Sisat dum phahna ka gadoh sudah", "Takheun soe nyang bri raseuki teuh nyoe Di langet bumoe deungon blah bicah Geulinyueng mata soe nyang ek peugot 4 Deungo talihat dumpue jeut leumah Neusuet nyang udep nibak nyang mate Neusuet nyang mate bak mantong hayah Teubiet nyang mate nibak nyang udep Neuato keubit nyang jroh sileupah Soe ato bandum nyang jeut lageenyan Jikheun le yoh nyan cit sidroe Allah Takheun boh pakon han tatakeuwa", "Nyan Tuhan gata nyang beunar nyang sah Teuma peue laen lawan nyang beunar Sisat treuk nyang na nyang pubuet salah Pakon cit gata dum roh meupaleng Pakon han tatem ikot peurintah", "Meunankeuh teutap kalimah Tuhan Ateuh awaknyan nyang phasek leupah Awaknyan bandum han jimeuiman", "Takheun na jihnyan nyang keubit ceudah Jipeujeut ‘alam makheuluk bandum ‘Oh lheuhnyan bandum meuwoe areuwah Peue na nyang jeut nyan charikat gata Nyang bandum gata jihnyan taseumah Takheun Allah nyang peujeutnyan bandum ‘Oh dudoe bandum meuwoe areuwah Pakri ek gata meupaleng teuma", "Takheun lom peue na nyang ek peuleumah Ek jipeuleumah jalan nyang beunar Peutunyok teuma mangat bek salah Takheun Allah nyang peuleumah beunar ! Peutunyok teuma pih Droeuneuh Allah Boh teuma nyang toh nyang got taikot Nyang leubeh patot tacuba peugah Nyang ek peutunyok ubak nyang beunar Peue dih nyang hana ek sapeu keumah Bek ‘an gop laen jijak peutunyok Keu jih peutunyok payah gop keubah Pakri roh gata tahukom meunan Nyan keuputusan nyang ka trang salah", "Nyang le awaknyan jiikot sangka Dalam keunira jih hana salah s Padahai sangka han jeut keu beunar Meubacut hana sinan phaedah Peue nyang jipubuet Tuhan Neuteupue", "Teuma Qur'an nyoe tron nibak Allah Kon Qur’an nyan geupeuna-peuna Tapi peubeunar kitab nyang sudah i Peubeunar nyang ka dilee nibaknyan Geupeutrang sinan lom leubeh luah Hana chok cit nyoe kitab bak Tuhan Nyang Po dum ‘alam deungon blah bicah", "Peue jikheun le jih geupeugot-peugot Takheun ci peugot beu saban leupah Tacuba peugot meu saboh surat Nyang saban meuhat ngon nyang bak Allah Tamita rakan nyang na kuasa Dum awak gata nyang bukon Allah Taci treuk peugot le bandum gata Meunyo cit beunar lagee tapeugah", "Tapi cit sulet bandum awaknyoe Nyang tan jiteupue bandum jipeugah Hana troh bak jih dum penjelasan i Dilee pih meunan masa nyang sudah Dum awak dilee pih han jipateh Akibat keu jih hana peue peugah Pakri akibat awak nyang lalem Takalon bandum pakriban sudah", "Teuma awaknyan na nyang meuiman Nyang han meuiman pih le sileupah Nyang pubuet fased awaknyan teuma Tuhan Po gata Neuteupue sudah", "Meu jikheun sulet teuma keu gata Takheun boh nyoe ka tanyoe meupisah Di lon amailon meunan pih gata Amai droe gata lagee tapeugah Gata dum ka glah nibak amailon Meunan pih di lon bak gata ka glah Ka glah lon nibak peue nyang tapubuet Beunar tapubuet atawa salah", "Na nyang jak deungo nibak awaknyan Bak gata keunan peue nyang tapeugah Peue tapeudeungo bak ureueng tuloe Pajan jiteupue beunar ngon salah Cit hana akaijih ngon seumike", "Na cit nyang jak eu peue na tapeugah Jimeujak kalon pakri buet gata Meunyo sibuta ek na phaedah Ek tapeutunyok ureueng nyang buta", "Han Neuelanya sagai le Allah Han Neuelanya dum manusia Meu bacut hana lagee jipeugah Teutapi cit droejih elanya droe", "Teuma bak uroe nyang hebat leupah Uroenyan bandum jih Neupeusapat Sang-sang cit siat watee nyang sudah Meuturi-turi jih dum wateenyan Teuma jih yohnyan rugoe sileupah Jikheun han meureumpok di jih ngon Tuhan Jeut keu jihnyan tan peutunyok Allah", "Meunyo cit Kamoe peuleumah ladom Bak gata jih dum pakri geubalah Peue nyang meujanji keu jihnyan bandum Teuntee jih bandum takalon sudah Atawa gata Kamoe peumate Meuhat jiwoe le bak kamoe bagah Teuma cit Tuhan meuhat keu saksi Buet jih dum pakri masa nyang sudah", "Keu bandum umat cit na troh Rasul Meu ka troh Rasul geuba peurintah Teuma geuhukom ade leupah na Han geuelanya jih meube seupah", "Jikheun lom pajan janjinyan teuka Meunyo bit gata beunar sileupah", "Takheun di lon nyoe hána lonmilek Meularat han ek keudroe lonpeuglah Munapheuʻat pih han ek keudroe lonba Meulengkan meu ka kheundak bak Allah Keu bandum umat cit ka na ajai Han jeut peuawai akhe pih salah Han jeut peuakhe han jeut peuawai Meu ka troh ajai ka abeh sudah", "Takheun jipeugah meunyo troh azeub Teungoh got teungeut teuh peue tapeugah Meunyo kon malam got troh ‘oh uroe Jilakee jinoe cit troh beu bagah Peue nyan jilakee awak meudacha", "‘Oh lheuhnyan teuma iman keu Allah ‘Oh teuka baroe gata meuiman Meu han baroekon lakee beu bagah", "Ubak silalem geukheun treuk teuma Boh jinoe rasa treuk azeub di kah Azeub nyang keukai sipanyang masa Lagee buet gata meunan geubalah", "Jijak tanyong dum le jihbak gata Peue nyoe bit beunar lagee geupeugah Takheun bit beunar demi Tuhanlon Droe gata bandum han ek tapeuglah", "Meunyo silalem le that atrajih Lam bumoe keu jih bandum geukeubah Teuntee jiteuboh droe jih dum ngon nyan Teuma jisom nyan han jipeuleumah Jisom meunyeusai ‘oh jieu azeub Geuhukom jih jeut ade sileupah Hana meusidroe jih geuelanya", "Allah Taʻala Po dum blah bicah Peue nyang di langet ngon nyang di bumoe Beu na tateupue cit milek Allah Lom beu tateupue janji Hadharat Bandum beunar that hana meuubah Tapi nyang le that bandum awaknyoe Hana jiteupue kuasa Allah", "Tuhan peuudep Tuhan peumate Bandum gata le tawoe bak Allah", "Wahe dum insan ka troh bak gata Nibak Po gata nasehat indah Ubat peunyaket nyang na lam dada Peutunyok gata bek roh lam salah Rahmat keu bandum ureueng meuiman", "Takheun atranyan karonya Allah Karonya Tuhan ngon rahmat Tuhan Deungon atranyan seunang jih leupah Leubeh got dum nyan nibak lat-batat Nyang jipeusapat ngon reuoh-reuah", "Takheun na taeu dum na raseuki Keu gata Neubri bandum le Allah Teuma tapeugot nyang hareuem ladom Nyang haleue ladom meunan tapeugah Peue ka Neuizin meunan le Tuhan Atawa cit tan izin bak Allah Atranyan bandum tapeuna-peuna", "Peue dih jisangka ngon nyan ek leupah Pakri jisangka ‘oh dudoe teuma Jipeuna-peuna sulet ke Allah Pakriban keu jih uroe kiamat Ek Neubri rahmat keu jih le Allah Karonya Tuhan keu manusia Han peue takira cit le sileupah Teuma le that jih sang-sang teukabo Han jitem chukor keu ni‘mat Allah", "Barangkapeue hai nyang na bak gata Qur'an tabaca tapujoe Allah Got pih barangpeue buet takeureuja Allah Taʻala Neukalon sudah Meu ka tapubuet bah barangkapeue Hana meusapeue lupot bak Allah Bah ube meumeut nyang na di bumoe Bandum Neuteupue hana meuilah Got pih di langet got pih ubit that Got pih raya that han ek tapeugah Bandum cit ka na di dalam kitab Kalheuh meusurat sideh Neukeubah", "Beu na tateupue dum wali Tuhan Č Bandum ureueng nyan ureueng meutuah Hana teumakot ateuh ureueng nyan Lom pih ureueng nyan hana tom susah", "Ureueng meuiman lom pih takeuwa", "Haba gembira Neubri le Allah Gembira seunang lam udep donya $ Akhirat teuma hana peue peugah Hana soe ubah kalimah Tuhan Nyan keumeunangan raya sileupah", "Bek susah gata narit awaknyan Hana soe lawan kuasa Allah Bandum Neudengo bandum Neuteupue Hana meusapeue pih na meuilah", "Beuna tateupue langet ngon bumoe Bandum atranyoe cit milek Allah ; Lom pih barangpeue nyang na di sinan Teuma awaknyan laen jipeugah Di jih jiseumah Tuhan charikat Jipeugot-peugot nyang bukon Allah Nyang jiikotnyan cit sangka-sangka Jikira-kira sang hana salah Padahai jihnyan sulet simata", "Nyang bit kuasa cit sidroe Allah Tuhan nyang peujeut keu gata malam Jeut tach seunang tapiyoh payah Neupeujeut uroe peungeuh meucahya Jeut tausaha mita naphakah Keubit bandum nyan cit jeut keu tanda Soe nyang bahgia jideungo sudah Kawom nyang deungo cit jeut keu tanda", "Awaknyan teuma laen jipeugah Di jih jipeugah na aneuk Tuhan Padahai Tuhan suci that leupah Maha suci that kaya Neuh pih that Peue nyang di langet dum milek Allah Peue nyang di bumoe pih milek Tuhan Hana alasan peue nyang tapeugah Pakon tapeugah hana meupeue-peue Nyang han tateupue takheun keu Allah", "Takheun keubit soe nyang peuna-peuna Nyang sulet raya jikheun keu Allah Han keuh na sagai jih meubahgia", "Seunang di donya bacut that leupah Lheuhnyan dum jiwoe keunoe bak Kamoe Jirasa jinoe azeub that leupah Kamoe peurasa azeub that keu jih Sabab bandum jih kaphe keu Allah", "Tapeugah bak jih haba Nabi Noh Nasehat nyang jroh keu jih geupeugah Geukheun bak kawomgeuh hai kawomlon Meu tapike lon sang brat sileupah ! Tinggai lon sinoe bak gata sang brat Lom lonpeuingat dum ayat Allah Teuma bak Tuhan lon lonpeujok droe Mupakat jinoe peue nyang tapeugah Mupakat bandum ngon rakan gata Bek na rahsia teuma takeubah Lheuh ban tapubuet laju ateuhlon Tawakai di lon keudeh keu Alah Bek tameutanggoh teuma le ngon lon", "Meunyo tapaleng kon lontueng upah Kon lontueng upah di lon bak gata Upahlon kana sideh bak Allah Di lonnyoe Neuyue beu lonpeujok droe Iseulam jinoe taʻat keu Allah", "Teuma kawomgeuh han jitem pateh Ka jipeujaeh Noh nyang meutuah f Teuma lam kapai Neuyue ek gopnyan Ngon rakan gopnyan Kamoe peuleupah “Oh leupah gopnyan dum nibak bala Kamoe bet sigra jeut keu khaliphah Nyang han tem pateh dum ayat Kamoe Karam dum sinoe lam laot luah Teuma takalon pakri akibat ‘Oh Iheuh nasehat keu jih geupeugah 3 í Ka beh geupeugah jih geupeuingat Tapi jih teutap jipubuet salah", "Dilikot gopnyan teuma di kamoe Meukirem dudoe dum Rasul Allah Peurintah Tuhan geujak ba yohnyan Bak kawom gopnyan dum geujak peugah y Teuma di kawom han jimeuiman Dilee kon meunan sulet jipeugah å Meunan keuh Kamoe meucap lam ate Soe lalem sabe cit lam buet salah", "Dudoe nibaknyan lom Kamoe kirem f Musa ngon Harun jak ba peurintah Ubak Peuraʻun deungon kawomjih Geupeugah bak jih dum ayat Allah Dum ayat Kamoe bak jih geujak ba Di jih dum teuma teukabo leupah Kawomjih bandum jipubuet dacha", "‘Oh troh nyang beunar jikheun nyan salah Geuba nyang beunar asai bak Kamoe f Teuma kawomnyoe sihe jipeugah ‘Eleumee sihe keunoe tajak ba", "Teuma kheun Musa peue roh tapeugah Peue takheun sihe nyoe dum di gata ‘Oh troh bak gata peurintah Allah 2 Han roh ek meunang dum tukang sihe", "Teuma jikheun le bandum jipeugah Peue tajak keunoe tayue bak kamoe Mangat dum kamoe meubalek ulah Peue nyang kamoe eu buet ayah kamoe Meubalek jinoe takheun ka salah Mangat jeut rayok gata lam bumoe Mangat dum kamoe turot peurintah Han kamoe pateh gata bandua", "Peuraʻun teuma meunoe jipeugah Hai rakan meuhoi dum tukang sihe Nyang carong pike akai le leupah", "‘Oh ban troh teuka dum tukang sihe Musa geukheun le tatiek treuk bagah Tatiek le laju peue-peue nyang taba Mangat deuh nyata lonkalon ulah", "‘Oh ban kajitiek geukheun le Musa Keubit nyang taba sihe seurakah Keubit di Tuhan Neumeung peunyata Bandum buet gata raya that salah Han Neupeubiyeu teuma di Tuhan Buet keujahatan phased sileupah Nyang pubuet phased salah lagaina", "Teuma nyang beunar Neumeung peuleumah Ka leumah Tuhan Po beunar nyang hak Bah that beu palak soe pubuet salah", "Teuma nyang iman keu Nabi musa Cit meupeumuda nyang na meutuah Nyan pih teumakot dum keu Peuraʻun Ngon kawom jihnyan jiba fiteunah Teumakot jipoh bandum ureueng nyan Sabab Peuraʻun keujam that leupah Di jih lam bumoe lalem leupah na", "Teuma di Musa meunoe geupeugah Wahe kawomlon meunyo cit gata Ka tapeucaya iman keu Allah Meunyo bit gata ka ta Iseulam Peujok droe rijang bandum bak Allah", "Kheun dum ureueng nyan kamoe tawakai Neubri beu keubai kamoe ya Allah Hai Tuhan kamoe bek Neubri kamoe Nibak kawomnyoe jeut keu fiteunah Kawom nyang lalem keubit jeuheut that", "Keu kamoe rahmat Neubri ya Allah Neupeuglah kamoe bak kawom kaphe Kamoe bek roh le dalam buet salah", "Teuma bak Musa kamoe bri wahyu Dua ngon ahli Harun meutuah Neupeugot rumoh gata bandua Keu kawom gata sinan takeubah Sinan di Meuse rumoh tapeugot Peujeut keu kiblat tapujoe Allah Pubuet seumbahyang bandumteuh meuhat Haba suka that teuma tapeugah Keu ureueng mukmin haba gembira", "Teuma kheun Musa wahe ya Allah Ka Neubri mewah that keu Peuraʻun Ngon kawomjih nyan hana ban peugah Areuta jih le lam udep donya ! Wahe Rabbana jipubuet salah Dum manusia jijak peusisat Bak jalan teupat han jibri langkah Wahe Po kamoe areuta jihnyan Neusampoh bandum beuanco bicah Neutop atejih bek jimeuiman Meugoh jikalon azeub that leupah Mangat jikalon azeub peudeh that", "Teuma Hadharat laju Neupeugah Nyang tameuduʻa bandua gata Han sia-sia ka mustajabah Ka geuteurimong peue nyang talakee Jinoe meuteuntee bek sagai salah Tajak bandua bak jalan teupat Bek jalan sisat roh tameulangkah Jalan awak nyang han teupue sapeue", "Jinoe teupaku bak laot luah Kamoe peuleupah Bani Israil Leupah jititi laot nyang luah Teuma Peuraʻun Seutot dilikot Teuntra jiikot dum ngon peukakah Jimeung elanya bani Israil Nyang jak ngon Nabi keudeh ka leupah Di jih musoh that deungon ureueng nyan Jitamong yohnyan lam laot luah Abeh dum karam dalam laot nyan Jikheun watenyan Peuraʻun jadah Ka lon meuiman jìinoe keu Tuhan Lagee meuiman ureueng ban leupah Lagee meuiman bani Israil Iseulam lagi wateenyoe sudah Ka lon iseulam di lon watenyoe", "Peue baro jinoe iseulam di kah Barokon di kah kapubuet jeuheut Kapubuet phased jeheut sileupah", "Kamoe peuleupah di kah uroenyoe Badankeuh sinoe mantong geukeubah Beujeut keu tanda keu ureueng dudoe Bek le that laloe dalam buet salah Le that nyang tuwo keu ayat Kamoe Insan dum meunoe hana meuubah", "Bani Israil Kamoe bri teumpat Bak teumpat nyang got mangat sileupah Sinan Kamoe bri raseuki keu jih Nyang mangat keu jih haleue ngon mudah ‘Oh troh ‘eleumee teuma bak jihnyan Hana sapeue kheun teuma jih sudah Teuma Po gata uroe kiamat Neuhukom meuhat jihnyan nyang salah Peue nyang awaknyan hana sapeue kheun Bandum atranyan teuma Neubalah", "Nyang kamoe peutron keunan bak gata Meunyo cit gata ragu that leupah Tatanyong bak soe nyang dilee masa Nyang na dibaca dum kitab Allah Keubit nyang beunar teuka bak gata Nibak Po gata nyang Maha Murah Bek ragu-ragu sagai di gata", "Lom bek roh gata lam awak salah Nyang han tem pateh dum ayat Tuhan Meunyo roh meunan rugoe sileupah", "Awak nyang ka na putusan Tuhan Dum keu awaknyan ka lheuh Neupeugah Han jimeuiman di jih barangban Sabab ka meunan kalimah Allah", "Beuthat troh bak jih tanda ngon ayat Azeub peudeh that jikalon sudah", "Pakon roh hana bak saboh nanggroe Kawom di sinoe jitueng phaedah Jitem meuiman meuguna keu jih Cit kawom Yunus nyang na meutuah ‘Oh lheuh meuiman bandum kawomnyan Gadoh le yohnyan ayeb ngon susah Kamoe boh ayeb nibak awaknyan Udep dum yohnyan meunang sileupah Kamoe bri seunang udep lam donya Hingga troh masa watee jih sudah", "Meunyo Neukheundak uleh Po gata Dum manusia iman keu Allah Soe nyang di bumoe bandum meuiman Meusidroe pih han jipubuet salah Teuma peue gata takeumeung paksa Dum manusia iman keu Allah", "Hana meusidroe pih nyang meuiman Meunyo kon izin ka na bak Allah Teuma di Tuhan Neupeumuruka Ureueng nyang hana akai nyang ceudah Ureueng nyang han ngui akai pikiran", "Takheun cikaion peuneujeut Allah Peue nyang di langet ngon nyang di bumoe Teuma atranyoe hana phaedah Nyang han meuiman bah tapeuingat Tapeugah ayat teuboh ie babah Nyang di jih han cit jitem meuiman", "Peue jipreh jihnyan ek na phaedah Nyang jipreh nyan cit kon roh peue laen Lagee yoh jameun cit hana ubah Ureueng nyang dilee nyang han meuiman Ateuh ureueng nyan cit na beunalah Takheun tapreh treuk di lon pih lonpreh Bandum teuh tapreh beunar ngon salah", "Lheuhnyan meupeuglah treuk Rasul Kamoe Meunan cit soe-soe iman keu Allah Cit hak bak Kamoe peuglah ureueng nyan Ureueng meuiman taʻat that leupah", "Takheun hai insan dum meunyo gata ? Salah takira agama Allah È Meunyo gata chok keu agamalon Nyang laen di lon han lontem seumah l Nyang gata seumah nyang bukon Tuhan Di lon nyan nyang han meunyo kon Allah Allah keuh nyang ek peumate gata Allah Taʻala kuasa leupah Teuma Neuyue lon beu lonmeuiman", "Wajah gatanyan hadap keu Allah Beu suci ate teuh keu agama Bek sagai gata laen taseumah Bek peucharikat sagai keu Tuhan", "Nyang bukon Tuhan bek roh taseumah Han ek keu gata jibri munaphaʻat Jibri meularat pih hana hilah Meunyo tapubuet teuma di gata Ka keuh jeut gata dhalem that leupah", "Meunyo Tuhan bri meularat gata Soe laen hana nyang ek jak peuglah Meunyo kon Tuhan nyang peuglah gata Meunan pih juga meu got sileupah d Meunyo hai nyang got Neubri keu gata Han ek soe daya jikeumeung ubah Meunyo ka Neubri karonya Tuhan Soe nyang heʻut Tuhan Neubri le bagah Neubri keu hamba soe nyang Neukheundak Droeneuh nyang Po hak han ek soe bantah Droeuneuh keuh nyang that Maha Peungampor Meunan pih Tuhan Maha Pemurah", "Takheun bak insan ka troh bak gata Peue nyang sibeunar asai bak Allah Barangsoe nyang ka Neubri peutunyok Ka keuh Neutunyok keu jih jroh leupah Soe nyang ka sisat meularat keudroe Bek takheun lonnyoe teuma nyang salah Di lonnyoe cit kon keu waki gata Han ek lonjaga tapubuet salah", "Teuma taikot peue nyang geuwahi Bak gata Nabi peutroh peurintah Teuma tasaba hingga troh watee Neuhukom teuntee teuma le Allah Tuhan keuh sidroe seuneujroh hakim Hana nyang laen nyang ade leupah"] }, { "chapter": 11, "versesCount": 123, "verses": ["Tuhan nyang teupue meukeusud ayat Sabab Hadharat hana Neupeugah Got that meuato ayat kitab nyoe Geupeutrang sinoe peue nyang geupeugah Asai bak Tuhan nyang bijaksana Allah Taʻala ‘eleumee luah", "Mangat gata dum taseumah Tuhan C Meunyo kon Tuhan bek roh taseumah Di Lon keu gata dum lonpeuingat Lom haba mangat Neuyue le Allah", "Talakee ampon lom bak Po gata : Tatoubat teuma nibak dum salah Toubat bak Tuhan nak Neubri nekmat ; Seunang taudep di bumoe Allah Taudep seunang hingga troh watee Nyang ka meuteuntee han jeut meuubah Soe nyang got budi Neubri karonya Nyang han tem teuma azeub that leupah Di lon lontakot meunyo tapaleng Sabab han tatem azeub Neubalah Uroe kiamat that haro-hara", "Bandum na gata tawoe bak Allah Tuhanku sidroe Maha Kuasa Bandum peukara kuasa Allah", "Na roh tateupue jipaleng dada Bek leumah muka Neu-eu le Allah Jimeukeuleubong jilimbot ija Allah Taʻala Neuteupue sudah Tuhan Neuteupue bandum rahsia Got lahe nyata peue nyang tapeugah Peue nyang lam dada bandum Neuteupue Hana Meusapeue nyang na meuilah QUZ", "Dum nyang meulata nyang jak lam bum Raseuki jihnyoe ka na bak Allah Teumpat teutapjih pih ka Neutupat Nyang jitroh meuhat Neuteupue sudah Bandum ka Iheuh na di dalam kitab Sinan nyata that ‘eleumee Allah", "Tuhan nyang peujeut langet ngon bumoe Dalam nam uroe bandum ka sudah y ‘Arasy Neuh teuma sideh ateuh ie Mangat Neuuji soe nyang meutuah Soe nyang leubeh got buet jih disinoe Teuma na cit nyoe nyang laen ulah Meunyo tapeugah keubit dum gata Neubangket teuma dudoe le Allah Neubangket dudoe watee lheuh mate Teuma di kaphe laju jibantah Jikheun nyoe sihe leupah that nyata", "Teuma meunyo ka Kamoe peuleupah i Kamoe peududoe keu jihnyan azeub Hana rijang that Kamoe bri balah Hingga padum trep Kamoe bri watee Yohnyan meuteuntee jikheun le bagah Pakon ka meuthon hana troh lagoe Nyan beu tateupue kon na meuilah Han cit glah di jih teuma bak azeub Ban nyang jipubuet teuntee geubalah Peue nyang uroejeh jiulok-ulok Jinoe jih geucok jeut keubeunalah", "Meunyo keu insan Kamoe bri rahmat Jirasa mangat seunang sileupah Lheuhnyan Kamoe cok rahmat nyan teuma Jeut putoh asa di jih le bagah Han jiingat le keu guna dilee", "Laen lom lagee meunyo jih ka glah Meunyo jih ka glah nibak meularat Kamoe bri nekmat keu jih le bagah Jikheun le di lon hana le bala Galak jih raya seunang sileupah Teukabo raya di jih watee nyan", "Meulengkan nyang han ureueng meutuah Ureueng nyang saba amai pih got that Ampon Hadharat keu gopnyan bagah Lom pih ureueng nyan pahla raya that", "Di gata meuhat peutroh peurintah Sang-sang di gata ka picek dada Tatinggai teuma ladom peurintah Sabab dum jikheun pakon han teuma Gudang areuta Neubri le Allah Pakon han Neubri arta beu le that Got malaikat sajan jak bagah Got malaikat got pih areuta Keunan keu gata Neubri le Allah Teuma di gata meutapeuingat Bek jeut han mangat ateteuh susah Dumpeue cit Tuhan bak tapeujokdroe Jikheun barangpeue bek jeut keugundah", "Atawa jikheun tapeuna-peuna d Atra nyang taba kon nibak Allah Takheun boh jinoe tacuba peugot Siploh boh surat bek le that leupah Tapeugot-peugot beu saban asoe Tahe barangsoe nyang ceudah-ceudah Nyang bukon Tuhan tahoi le gata Meunyo bit beunar lagee tapeugah", "Meunyo han jitem lagee takheunnyoe Beuna tateupue nyan tron bak Allah Tuhan Neuteupue bandum atranyan Cit hana Tuhan meulengkan Allah Boh teuma gata tatem iseulam", "Teuma soe hiram keuudep mewah Soe nyang meunapsu keuudep donya Seunang lagoina harek that leupah Kamoe bri beu sep buetjih di sinan Han sapeue kureueng dumpeue cit mudah", "Teuma awaknyan uroe akhirat Meuteumeung teumpat nuraka juah Luroh dum amai nyang ka jipubuet Hana meubacut pih na geukeubah Meunyo na nyang got abeh dum bateue Hana meusapeue pih na phaedah", "Teuma boh pakri ureueng sidroe treuk Nyang ka Neutunyok keu jih le Allah Saksi pih ka na nyang baca sinan Dilee nibaknyan pih ka geupeugah Lam kitab Musa jeut keu teuladan Ngon rahmat Tuhan sinan meulimpah Gopnyan meuiman bandum atranyan Ek saban ngon nyan ureueng nyang salah Awak nyang kaphe lam kawan nyan dum Teumpat jih bandum nuraka hiwah Ka lheuh geujanji keu jih nuraka Bek na chok gata sagai meuilah Nyan keubeunaran sideh bak Tuhan Teutapi insan le that nyang salah Le manusia nyang han meuiman", "Soe leubeh lalem tacuba peugah Soe leubeh lalem nibak jih meuhat Nyang peuna sulet jikheun keu Allah Ukeu Po jih dum teuma jih geuba Saksi cit teuka dum geujak peugah Nyoekeuh jih nyang kheun sulet keu Tuhan Dum laknat Tuhan keu jih geuruah Tuhan Neulaknat ureueng nyang lalem", "Jijak han jitem bak jalan Allah Jitham jak keunoe jiyue ho laen Jalan nyang licen di jih jikeubah Jalan nyang ceukok di jih galak that Uroe akhirat pih jikheun salah Di jih jikaphe uroe akhirat", "Han ek roh meuhat jilawan Allah Han ek jiteuntang Tuhan di bumoe Tan wali jihnyoe meunyo kon Allah Azeub that keu jih meuganda-ganda : Han ek jideunge peue nyang geupeugah Peue nyang ka nyata han deuh jikalon", "Awaknyan bandum rugoe sileupah Jipeurugoe droe kon ureueng laen Ka sisat bandum peue nyang jiseumah Peue nyang jipeuna hana meuho le", "Rugoe jih kon le hana peue peugah Hana peue tachok uroe akhirat Awaknyan meuhat rugoe that leupah", "Ureueng meuiman lom geupubuet got Khuchu‘ ‘ibadat taʻat keu Allah Nyankeuh ureueng nyan asoe churuga Keukai simasa sinan geukeubah", "Dua peureute miseu jih teuma Lagee sibuta hana meuubah Sibuta tuloe ngon nyang deuh kalon Deunge pih meunan ek saban ulah Nyang deuh keumalon ngon nyang deuh deung Ek saban teuma tacuba peugah Peue han di gata jeut keu peuingat Miseu cit nyoe that hana meuubah", "Kamoe kirem Noh bak kawom gopnyan Geukheun treuk yohnyan lonba peurintah Haba peuingat lonba nyang nyata Keu bandum gata Neuyue le Allah", "Bek roh taseumah meulengkan Tuhan Laen nibaknyan bandum cit salah Allah keuh Tuhan nyang Maha Esa Lontakot gata roh dalam salah Lontakot azeub teuma peudeh that Uroe akhirat Tuhan Neubalah Uroenyan teuma that haro-hara", "Jiseuot teuma kaphe seurakah Awak nyang kaphe lam kawan gopnyan Jikheun peue rohnyan keunoe tapeugah Gata kon insan cit lagee kamoe Bek tapeureunoe kamoe ka ceudah Kamoe eu ureueng nyang ikot gata Rakyat jeulata nyang khek that leupah Awak nyang bangai lam kawan kamoe Nyan rijang jinoe pateh peurintah Gata tan leubeh roh nibak kamoe Keupeue atranyoe dum tajak peugah Bak karoe kira gata sulet that", "Geuseuot ligat le Noh meutuah Wahe kawomlon pakri tapike Meunyo na dali Neubri le Allah Tanda nyang nyata nibak Tuhanlon Rahmat lom keu lon Neubri le Allah Teuma ka padok bak mata gata Peue ek lonpaksa teuma lonpeugah Di gata bandum cit beunci teuh nyan", "Hai kawomlon tan lonlakee upah Kon na meunapśu di lon areuta Upah lon ka na sideh bak Allah Teuma han lonlet ureueng meuiman Meuteumee gopnyan teuma ngon Allah Tapi lonkalon gata han meuphom Gata dum kawom ka roh lam salah", "Wahe kawomlon soe nyang tulonglon Meunyo ureueng nyan lonlet tan salah Soe nyang ek peuglah lon nibak Tuhan Soe nyang ek lawan tacuba peugah Peue gata dum han jeut keu peuingat", "Ken lonkheun le that atralon keubah Gudang areuta Neubri le Tuhan Peue le that bak lon hana lonpeugah ‘Eleumee gaeb hana lonteupue Sabab atranyan ‘eleumee Allah Hana lon peugah lon malaikat Ureueng meularat pih tan lonpeugah Ureueng nyang hina bak mata gata Tan lonkheun hina Neubri le allah Han Neubri nyang got akan ureueng nyan ‘Eleumee Tuhan han jeut lonpeugah Tuhan nyang teupue keu hai ureueng nyan Meunyo lonkheun nyan lon lalem leupah", "Jikheun treuk hai Noh raya that dawa Kamoe ngon gata le that peue peugah Peue nyang tajanji jinoe peuteuka Meunyo bit beunar peue nyang tapeugah", "Geukheun meunyo ka kheundak bak Tuhan Han ek talawan kuasa Allah", "Tan guna gata lonbri nasehat Meu Neupeusisat gata le Allah Meunyo heʻut Tuhan peusisat gata Tuhan Po gata kuasa leupah Bak Tuhan teuma tawoe dum gata", "Boh peuna-peuna meunan jipeugah i Takheun meunyo lon nyang peuna-peuna Lon nyang meudacha teurimong salah Teuma lon ka glah nibak buet gata Raya that dachateuh han ek peugah", "Teuma tron wahi ubak Nabi Noh Bek gata meh-moh keu kawom salah Han jimeuiman bandum keu gata Meulengkan nyang ka kheundak bak Allah Nyang ka meuiman nyankeuh ngon gata Nyang laen teuma bek gata susah Bek susah gata peue nyang jipubuet", "Jinoe peue nyang jeut tapeugot bagah Tapeugot kapai kamoe peureunoe Wahi bak kamoe gata peurintah Nyang bek talakee bak lon silalem Bandum jih karam lam laot luah", "Teuma Nabi Noh neupeugot kapai Jijak kalon hai le awak salah Oh troh jih keunan jiulok-ulok Jikheun ho tajak nyan dum ka keumah Neukheun jinoe jeut taulok-ulok Teuma kamoe cok cit meutueng balah Kamoe peuulok teuma keu gata", "Tateupue teuma azeub that leupah Tateupue keu soe azeub that hina Keukai silama han le meuubah", "Hingga troh watee Kamoe bri balah Bak dapu raya beureutoh bagah Kamoe kheun taba meupasang-pasang Inong ngon agam mantong tapeuglah Ngon ahli gata pih bandum taba Meulengkan nyang ka teukeudi Allah Ureueng meuiman pih bandum taba Padum droe sahja nyang na got tuah Nyang laen bandum hana meuiman", "Kheun Noh le yohnyan boh taek bagah Ngon Nama Allah tanyoe beurangkat ‘Oh dudoe meuhat tapiyoh payah Keubit Tuhanlon Maha Pengampon Lom pih Tuhanlon Maha Pemurah", "Kapai meulayeu deungon ureueng nyan Bakat geulombang sang gle Seulawah Nabi Noh meuhei aneuk agamneuh Neukalon jih deuh jioh meupisah Hai aneuk keunoe ek sajan kamoe Bek karam teuh nyoe ngon kaphe jadah", "Jikheun jeut lon ek keudeh ateuh gle le nyoe han troh le bak pucok meugah Kheun Noh hana soe peusiblah gata Atranyoe bala Neubri le Allah Meulengkan ureueng nyang gaseh Tuhan Bakat troh keunan teuma meuruah Aneuk Noh teuma hana leumah le Karam ka meucre lam laot mirah", "Geukheun hai bumoe kaʻuet ie keuhnyan Hai langet ujeun ka piyoh di kah Je laot karhiet tophan pih abeh Kapai ka teueh ie ka dheu leupah Kapai ka santok bak buket judi Geukheun bak kaphe binasa sudah Kawom nyang lalem abeh binasa", "Teuma kheun sigra Noh Rasul Allah Tuhanku pakri aneuk agamlon Han jipateh lon aneuk meutuah Ka troh janji Droeuneuh wahe Tuhan Droeuneuh keuh hakim ade sileupah", "Kheun Tuhan hai Noh jih darohaka Kon ahli gata amaijih salah Tan amai saleh aneuk gatanyan Bek talakee nyan hana phaedah Hana tateupue hai jih di gata Beu ingat gata bek jeut keu salah Bek roh jeut gata ureueng nyang jahe", "Nabi Noh kħeun le aʻuzubillah Lonlakee lindong bak Droeneuh Tuhan Bek roh lontuan lakee nyang salah Bek roh lonlakee nyang han lonteupue Keubit beuragoe jahe sileupah Meu han Neuampon ngon Neugaseh lon Meuhat jeut treuk lon rugoe sileupah", "Geukheun treuk hai Noh jak le tron jinoe Saleum bak kamoe gata ka leupah Le that beureukat u ateuh gata Ngon umat gata nyang raya tuah Nyang tem jak sajan sapat ngon gata Nyang laen teuma karoh lam salah Dudoe na umat kamoe bri seunang Udep lam aman hana tom susah ‘Oh lheuhnyan di jih azeub peudeh that Nyankeuh akibat meunyo ka salah", "Nyankeuh antara haba nyang gaeb Ka padumna trep dilee geupeugah Kamoe bri wahyu jinoe keu gata Mangat dum gata tateupue sudah Barokon gata hana tateupue Jinoe tateupue ka kamoe peugah Meunan cit teuma dum kawom gata Teuma tasaba beu raya leupah Akibat nyang got keu ureueng saba Nyang that takwa gopnyan keu Allah", "Ubak kawom ‘Ad Hud Kamoe kirem Chedara jihnyan nyang toe sileupah Geukheun hai kawom taseumah Tuhan Tan laen Tuhan meulengkan Allah Kon Tuhan gata tapeugot-peugot Bandum gata jeut tapubuet salah", "Hana lonlakee wahe kawonlon Bak gata keu lon beu tabri upah Upahlon ka na bak nyang peujeut lon Peue gata bandum hana nyang ceudah Peue gata hana nyang got pikiran", "Wahe kawomlon lakee bak Allah Talakee ampon bak Tuhan gata Toubat beu sigra bek le lam salah Mangat Neupeutron ujeun keu gata Han ek takira tunjai sileupah Lom pih meutamah keu gata teuga Beu leubeh teuga nibak nyang sudah Teuma bek gata bandum tapaleng Tajak ho laen tapubuet salah", "Jikheun treuk hai Hud hana roe taba Dali nyang nyata nyang kon beurakah Kamoe han meutiek dum Tuhan kamoe Sabab naritnyoe nyang gata peugah Kamoe keu gata han meu meuiman", "Narit gatanyan cit ka trang salah Na Tuhan kamoe nyang rampot gata Jisandrong gata jiyue seumeugah Meuka jisandrong takheun barangpeue Narit ka rabue akai ka salah Geukheun treuk di lon saksilon Tuhan Gata pih meunan nyang lonnyoe ka glah Han roh bak peue nyang takheun Tuhan", "Bandum nyan cit kon meulengkan Allah Jinoe gata dum tamita daya Jeut tausaha keu lon tailah Bek le peutanggoh pubuet ateuh lon", "Tawakai di lon teuma bak Allah Tuhan Po di lon deungon Po gata Bandum peukara lam jaroe Allah Dum nyang meulata lam jaroe Tuhan Bak ubon jihnyan Neumat han leupah Tuhanlon sabe bak jalan teupat", "Meu gata batat di lon pih ka glah Meunyo tapaleng kalheuh lonpeutroh Nyang Neuyue peutroh bak lon le Allah i Teuma Tuhanlon Neugantoe gata Nyang laen teuka jeut keu khaliphah Peue nyang Neupeugot han ek tatulak Barangho tajak lam jaroe Allah Bandum peue nyang na Tuhan plihara Bandum Neujaga mangat bek salah", "‘Oh troh peurintah bak kamoe teuka Nabi Hud sigra kamoe peuleupah Ureueng meuiman sajan seureuta Rahmat dum rata kamoe bri bagah Meupeuglah gopnyan bandum bak azeub Sabab cit azeub brat that sileupah", "Nyankeuh kawom ‘Ad jiingkar ayat Tuhan Hadharat ka Neubri balah Jidarohaka keu Rasul-rasul Di jih jikabui laen peurintah Peurintah ulee angkara murka Nyang bak jikira teuga that leupah Padahai jihnyan musoh nyang beuna", "Laknat lam donya keu jih geukeubah Dalam donya phon keu jihnyan laknat K Uroe kiamat hana meuubah Beu tateupue ‘Ad kaphe keu Tuhan Binasa yohnyan si ‘Ad seurakah Binasa treuk ‘Ad kawom nabi Hud", "Bak kawom Tsamud jinoe talangkah Meukirem Saleh bak Tsamud keunan Chedara jihnyan teuma geupeugah Wahe kawomlon taseumah Tuhan Tan laen Tuhan meulengkan Allah Tuhan nyang peujeut gata bak bumoe Peumakmu nanggroe gata khaliphah Talakee ampon jinoe bak Tuhan Tatoubat rijang bek le buet salah Tuhanlon that toe teurimong duʻa Talakee teuma nyang mustajabah", "Jikheun hai Saleh di kamoe cit that Gata meuharap ureueng meutuah Meuharap gata keu ulee kamoe Yoh goh narit nyoe meunoe tapeugah Nyang kamoe seumah tajak tham kamoe Dilee di kamoe dumnyan meuseumah Pakri nyang han chok kamoe keu gata Narit nyang taba ragu that leupah", "Geukheun hai kawom pakri tapike Meunyo na dali Neubri le Allah i Tanda nyang nyata nibak Tuhanlon 1 Rahmat lom keu lon Neubri meulimpah Soe ek tulong lon meunyo lontulak Bak gata lonjak Neuyue le Allah Meunyo lon bantah meuhat lon paloe Meulengkan rugoe nyang na tatamah", "Wahe kawomlon nyoe unta Tuhan Keu gata bandum tanda bak Allah Bak bumoe Tuhan bahle jimeuret Bek na buet jeuheut keu jih tailah Meu taelanya jih ngon buet jeuheut Keu gata azeub cit troh le bagah", "Jitop ngon leumbeng teuma untanyan Saleh kheun yohnyan gata dum salah Boh jeut takhem-khem jinoe di nanggroe ‘Oh Iheuh Ihee uroe teuka musibah Nyan janji Tuhan bukon duseuta", "‘Oh ban troh bala Saleh meupeuglah ‘Oh ban troh bala Kamoe bri keunan Meupeungkleh yohnyan Saleh meutuah Ngon ureueng mukmin nyang sajan gopnyan Bandum ureueng nyan Kamoe peuleupah Kamoe bri rahmat bandum ureueng nyan Azeub uroenyan Kamoe peusiblah Keubit Po gata kuat ngon teuga Maha Perkasa hana ban peugah", "Awak nyang lalem teuma teukeupak Ka geulanteu tak sinan dum reubah Dalam rumohjih bandum binasa", "Sang-sang han tom na keunan jisinggah Beuna tateupue Tsamud nyan kaphe Tuhan hana le di jih jipeugah Dum kawom Tsamud ka keuh binasa", "Ibrahim teuma jinoe takisah Utusan Kamoe troh bak Ibrahim € Haba nyang yakin keunan geupeugah Geupeutroh saleum haba nyang mangat Ibrahim suot saleum le bagah Na siat geuduek geubot le hidang Eungkot sie panggang geubot le bagah", "Geueu dum jamee hana geumat sie Ate nyang leupie ka jeut geulisah Meunyuem teumakot ate Ibrahim Teuma ureueng nyan geukheun le bagah Bek ye teuh kamoe utusan Tuhan Neuyue jak keunan bak kawom salah Ubak kawom Luth kamoe Neukirem", "Judo Ibrahim ka teuhah babah Judo Ibrahim na geudong sinan Teuseunyum yobnyan geukalon ulah Teuma kamoe bri haba geumbira Lahe aneukda Ishak meutuah Aneuk Ishak teuma lom Ya‘kub", "Judo teukeujet geudeunge kisah Geukheun pat aneuk di lon ka tuha Hana bahgia Neubri le Allah Lakoelon nyoe pih tuha lagee lon Keubit nyoe di lon ajeb that leupah", "Geukheun le jame pakon tahireun Urusan Tuhan nyan rahmat Allah Lom ngon beureukat u ateuh gata Dum keluarga rasul nyang meugah Tuhan nyang patot teurimong pujoe Meugah hana soe Maha Pemurah", "Gadoh teumakot nibak Ibrahim Haba nyang yakin seunang sileupah Meuteuoh deungon utusan Tuhan Kawom Luth jinoe pakon that salah", "Teuma Ibrahim leumoh that ate Dalam weuh sabe toubat bak Allah", "Wahe Ibrahim bek le tateuoh Meunan keuh nyang jroh hukoman Allah Hukom Po gata ka putoh meunan Azeub keu jihnyan han jeut Neubantah Han ek soe tulak putosan Tuhan", "Bak Luth le yohnyan laju geulangkah Teuma Luth susah ‘oh troh ureueng nyan Takot jipadan jipubuet salah Geukheun uroenyoe that haro-hara", "Kawom geuh teuka keunan le bagah Meusenoh-seunoh jijak bak gopnyan Cit ka dilee kon jipubuet salah Teuma Luth geukheun wahe kawomlon Aneuk daralon dum ceudah-ceudah Bandum jih suci lonbri keu gata Teuma takwa gata keu Allah Bek tapeuʻayeb lon bak jameilon Peue hana kawom gata nyang ceudah Peue hana gata nyang got pikiran", "Kheun treuk awaknyan tateupue sudah Tateupue kamoe hana meuhawa Keu aneuk dara gata nyang ceudah Gata tateupue nyang kamoe hajat", "Adak lon kuat suot Luth bagah Atawa lonjak bak kawom teuga", "Kheun jamei teuma meunoe geupeugah Kamoe utusan nibak Po gata Han troh bak gata jipubuet salah Tatubiet malam ngon rakan gata Keudeh u lua bandum talangkah Bek na meusidroe tinggai tamaba Peureumoh gata teuma jih salah Di jih binasa lagee awaknyan Sabab di jihnyan jitem meulangkah á Bak watee suboh janji troh bala Kon karap teuka leupah that bagah", "‘Oh ban troh bala kamoe bri keunan Meubalek yohnyan bumoe meuruah Nyang siblah rot yup meuboh u ateuh Hana soe ceubeuh meusidroe leupah Ngon ujeun batee Kamoe rhom keunan Mate meutimphan bandum jih sudah", "Bandum bateenyan cit ka meutanda Nibak Po gata nyang Maha Murah Awak nyang lalem keunong bateenyan A Meuseumpom sinan hana peue peugah d", "U Madyan teuma meukirem Syuʻib Chedara jih bit kon ureueng siblah Geukheun hai kawom taseumah Tuhan Tan laen Tuhan meulengkan Allah Tuhan Po gata taseumah rijang Sukat ngon timang bek tapeusalah Lon kalon gata na keubajikan Lon takot tuan azeub bak Allah Uroe kiamat haro-hara that Lon takot meuhat azeub that leupah y", "Wahe kawonlon beugot tasukat Tatimang meuhat beu ade leupah Bek tapeureugoe dum ureueng laen Sukat deungon ceng ka tapeusalah Bek tapubuet brok di dalam bumoe å Rusak jeut sagoe tapeugot ilah", "Peue-peue nyang tinggai nyan got keu gata Meunyo na gata iman keu Allah 7 Di lon keu gata kon ureueng jaga", "Jisuot sigra kawom seurakah Hai Syuʻib peue keuh seumbahyang gata Nyang yue bak gata beu kamoe keubah Peue nyang geuseumah le du-du gata Bek le nyan jinoe nyang kamoe seumah Atawa tatham dum atra kamoe Bek ban heut kamoe meupeugot ulah Keubit nyoe gata ureueng got ate Carong that pike utoh sileupah", "Geukheun hai kawom pakri tapike Meunyo na dali Neubri le Allah Tuhanlon Neubri raseuki keu lon Ek patot di lon tulak peurintah Ken napsu di lon bek sa ngon gata Nyang lon tham gata lon pubuet bagah Kon meukeusud lon meulengkan keu got Ube ek lon that napsu bek salah Teuma lon harap taufik bak Tuhan Tawakai di lon keudeh bak Allah Di lon cit lonwoe teuma bak Tuhan", "Wahe kawonlon bek jeut keu salah Bek sabab dawa gata deungon lon j Keu gata bandum keunong musibah Lagee nyang keunong ubak kawom Noh Kawom Hud Saleh bandum jih salah Kawom Luth pih han jioh ngon gata", "Talakee sigra ampon bak Allah € Talakee ampon bak Tuhan gata Toubat beu sigra bek le buet salah Keubit Tuhan lon Pemurah that-that Geumaseh pih that hana ban peugah", "Jikheun hai Syuʻib di kamoe bandum Le hana meuphom peue nyang tapeugah Kamoe eu gata lam kawan kamoe Leumoh that lagoe kon ureueng meugah Adak kon rame famili gata Meurajam gata hana soe teugah Han jeut keu susah kamoe ngon gata", "Syuʻib kheun sigra teuma geupeugah Wahe kawomlon peue famili lon Leubeh tajunjong jih nibak Allah Tapeujeut Tuhan di likot gata Allah Taʻala Neuteupue sudah Po lon Neuteupue peue nyang tapubuet", "Boh jak le pubuet peue nyang tailah Tapubuet laju nyang ek di gata Di lon pih teuma lon pubuet bagah Akan tateupue keu soe troh azeub Nyang ayeb jih that hana ban peugah Lom pih teteupue soe nyang meusulet Tapreh hana trep meuri nyang salah Di lon pih lonpreh saban ngon gata", "‘Oh ban troh teuka teuma musibah ‘Oh teuka bala sideh bak Kamoe Syuʻib le jinoe kamoe peusiblah Ngon ureueng mukmin nyang sajan gopnyan Rahmat le keunan nyang Kamoe ruah Awak nyang lalem ka geulanteu tak Han jiteumee jak bandum ka reubah Dalam rumohjih sinan meuseumpom", "Sang-sang hana tom keunan jilangkah Awak Madyan bandum binasa Saban cit juga Tsamud seurakah", "Teuma ka Kamoe kirem lom Musa Ayat geujakba Kamoe peurintah Mvʻjizat nyata lom geuba sajan", "Ubak Peureuʻun kaphe seurakah Ubak Peuraʻun deungon kawomjih Jiikot dum jih dalam buet salah Kon ureueng beutoi cit Peuraʻun nyan", "Jiba kawomnyan lam apui mirah Uroe kiamat kawomjih jiba Dalam nuraka azeub that leupah Sijeuheut teumpat tanyoe jak keunan Nyankeuh teumpat nyan nuraka juah", "Sinoekon di jih meuteumeung laknat Uroe kiamat hana peue peugah Nyan keuh beuneulueng nyang leupah jeuheut", "Haba nyan meuhat nyang Kamoe kisah Bak gata Kamoe kisah haba nyan Ladom nanggroe nyoe mantong na beukah Teuma nyang ladom ka abeh reulee Meuencit tan le ka abeh sudah", "Teuma kon Kamoe elanya jih nyoe Lalem jih keudroe jipubuéėt salah Hana guna le tuhan-tuhan jih Nyang jikheun le jih nyang bukon Allah Tan na meubacut pih na meuguna Meu ka troh bala abeh dum bicah Nyang na meutamah keu jih binasa", "Meunan Po gata ‘oh Neutueng balah Sabab jih lalem nangggroe jih abeh Azeub that peudeh hana ban peugah", "Atranyan bandum cit jeut keu tanda Keu manusia takwa keu Allah Keu soe nyang takot azeub akhirat Teumakot jih that jipubuet salah Uroe meusapat dum manusia Jikalon rata hana meuilah", "Atranyan teuma Kamoe peutanggoh Hana trep cit troh keunan jilangkah Ajai jih cit troh hana meutrep le", "Yoh nyan han jeut le sapeue tapeugah Han jeut tamarit sapeue uroe nyan Meu goh lom izin Neubri le Allah Na nyang ceulaka na nyang bahgia Ban nyang usaha masa nyang sudah", "Soe nyang ceulaka asọe nuraka Naphah su raya hana ban peugah Naphah meugro-gro jiteubiet tamong", "Keukai jih sinan hana Neu ubah Seulama mantong langet ngon bumoe Meulengkan cit nyoe na kheundak Allah Meulengkan kheundak nibak Po gata Ban nyang Neukada han ek soe ubah Ban nyang h‘eut Tuhan Neupubuet sigra", "Teuma bahgia soe nyang meutuah Nyang meubahgia asoe churuga y Keukai simasa sinan geukeubah 5 Seulama mantong langet ngon bumoe Meulengkan cit nyoe ka kheundak Allah Kheundak Po gata karonya Neubri Han tom beurhenti sabe Neuruah", "Teuma bek gata cheok deungon ragu Nyang jipeulaku le awak salah Peue nyang jiseumah dum le awaknyan Lagee du jihnyan dilee dum seumah Di Kamoe teuma meupeusep keu jih Bandum bulueng jih ka Kamoe keubah Hana meubacut Kamoe peukureueng Cukop that bulueng hana meuilah", "Teuma Kamoe bri kitab keu Musa Han jipeucaya jipeugot ulah Hana sapeue kheun bandum awaknyan Adak kon Tuhan ka Neubri jatah Adak kon kana putusan Tuhan Meuhat awaknyan ka abeh sudah Teuma awaknyan cit ragu sabe Chok dalam ate nyang tan phaedah", "Bandum jih teuma le Tuhan gata Neupeusep rata bandum Neubalah Peue nyang jipubuet cit that Neumaklum Balasan bandum cit ka Neukeubah", "Teuma beuteugoh tadong di gata Lagee bak gata Neuyue le Allah Lom pih bandum nyang toubat ngon gata Bek darohaka tapubuet salah Peue nyang tapubuet Tuhan Neukalon", "Bek tacok keu ngon si lalem jadah Bek sagai ceundrong keu jih di gata Bek jeut roh gata lam apui mirah Meunyo gata roh dalam nuraka Waliteuh hana meunyo kon Allah Teuma gata dum hana soe tulong", "Teuma seumbahyang bek roh takeubah Beungoh ngon supot pubuet seumbahyang Meunan pih malam tapubuet bagah Amaiteuh nyang jroh jisampoh nyang brok Taingat seuntok bek na meusalah Jeut keu peuingat keu soe tem ingat", "Tasaba meuhat teuma bek susah Ureueng pubuet got han sia-sia Cit le that pahla Neubri le Allah", "Pakon han dilee na ureueng nyang got Lam abad-abad masa nyang sudah Nyang geutem larang buet kerusakan Lam bumoe Tuhan jipubuet salah Meulengkan nyang na padum droe ureueng Nyang jeut tabileung Kamoe peuleupah Meupeuglah gopnyan nibak awaknyan Tinggai treuk jihnyan di dalam salah Jielanya droe jipubuet jeuheut Seunang lam nikmat udepjih mewah", "Hana roe teuma di Tuhan gata Meupeubinasa naggroe tan salah Han Neuelanya dum asoe nanggroe Meunyo buet jihnyoe sabe jroh leupah", "Meunyo Neukheundak uleh Po gata Dum manusia hana meupisah Neupeujeut bandum jeut saboh umat Teuma jih meuhat meubicah-bicah", "Meulengkan ureueng nyang gaseh Tuhan Neupeujeut gopnyan ureueng meutuah Teuma cit ka sep putusan Tuhan Po gata Neukheun han jeut meuubah Asoe nuraka jen deungon insan Lon pasoe keunan bandum nyang salah", "Bandum meukisah jinoe bak gata Rasul dum jakba dilee peurintah Meunapsu Kamoe peuteunang gata Bek na tarasa ateteuh susah Nyoe nyang gata ba haba beuna that Lom ngon nasehat nyang jroh sileupah A Peuingat keu soe nyang tem meuiman f", "Nyang han meuiman takheun boh di kah Ube ek di kah laju kapubuet Kamoe meupubuet cit saban ngon kah", "Di kah dum kapreh kamoe pih meupreh Soe-soe nyang jadeh beuna ngon salah", "Peue-peue nyang gaeb sideh di langet A Bandumnyan meuhat cit milek Allah Meunan pih dumpeue nyang na di bumoe Urusan meuwoe keudeh bak Allah Teuma taseumahngen tapeujok droe Bak Tuhan sidroe bek na meuubah Hana tom lalee Neuh Tuhan gata Peue takeureuja bandum Neubalah"] }, { "chapter": 12, "versesCount": 111, "verses": ["Alif Lam Ra Tuhan nyang teupue meukeusud ayat Sabab hadharat hana Neupeugah Nyankeuh dum ayat di dalam kitab Nyata ngon trang that hana peue peugah", "Kamoe peutron nyan lam bahsa Arab Mangat teuingat tapham beu ceudah", "Kamoe meupeugah haba bak gata Mangat tabaca sineujroh kisah Ka kamoe wahi Qur’an bak gata í Dilee nyang ka-ka hana geupeugah Gohlom tateupue dilee di gata", "Yusuf berkata geukheun bak ayah Wahe ayahlon siblah boh bintang (€ Lonkalon dum sang jitron u bawah Lom mata uroe ngon buleun sajan Jisujud simban bak lon meureundah)", "Geukheun hai aneuk nyan leumpoe gata Ubak chedarateuh bek tapeugah Takot jibenci aneuk keu gata Jipeugot daya jiminta ilah Keubit cit chetan keu manusia Musoh pusaka nyata that leupah", "Meunan pih Tuhan Neupileh gata Jeut teuma taba peue nyang peurintah Lom pih keu gata Tuhan peureunoe Had taʻbi leumpoe bandum tapeugah Lom Neubri nikmat u ateuh gata Ngon keuluarga Yaʻqob meutuah Lagee ka Neubri keu dunek gata Dilee bandua masa nyang sudah d Ibrahim Ishak ureueng nyan dua Aneuk ngon bapa ureueng meutuah Bandum Neuteupue nyan di Po gata Ngon bijaksana Neuh han ban peugah", "Keubit bak Yusuf deungon chedara Geuh sinan tanda nyang got that leupah Keu ureueng tanyong cit jeut keu tanda", "Watee chedarageuh musyawarah Chedara Yusuf jiduek meupakat Ayah ka sisat akai ka salah Leubeh Neugaseh keu Yusuf sidroe Dua ngon adoe geunaseh ayah Padahai tanyoe ken ureueng geusuen Meunan dum aduen meupeugah-peugah", "Tapoh beumate Yusuf nyan sidroe f Got pih tapeubloe laen daerah e Taboh ho laen jih barangkaho A Beu bek neutuho teuma le ayah k Di likot jihnyan teuma ‘oh dudoe Jeut dum gatanyoe geunaseh ayah", "Teuma kheun sidroe lam kawan jihnyan Bek tapoh jihnyan hana got ulah Talhom jih keudeh dalam punggong mon Kadang troh keunan ureueng ziarah Jext jicok jihnyan jiba u darat Meunyoe ka pakat tapubuet bagah", "Kheun treuk awaknyan hai ayah kamoe À Pakon dum kamoe sang-sang neukeubah í Yusuf han neuyue jak sajan kamoe Padahai kamoe kon jeut meupeugah Peue nyang peureulee jeut meupeureunoe", "Bah sajan kamoe singoh jilangkah Bak maen-maen meuseunang ngon jih Í Kamoe jaga jih beugot that leupah", "Kheun Ya‘qob di lon susah lon keu jih j Meunyoe taba jih takot musibah ;: Aleh jipajoh jihnyan le rimueng Di gata taplueng tuwo tapeugah", "Jikheun meunyo jih jikap le rimueng Pane kamoe plueng kamoe le leupah Rugoe that kamoe meunyo kamoe plueng z Han jeut keu ureueng kamoe dum salah", "‘Oh ban ka jijak Yusuf pih jiba Meupakat cit ka lam mon jikeubah Teuma jilhom le dalam punggong mon q Sare troh keunan wahi bak Allah Kamoe bri wahi bak Yusuf yohnyan Bandum buet jihnyan dudoe tapeugah Bak watee gata han jituri le", "Teuma jirile bandum bak ayah ‘Oh troh u rumoh bak watee ‘isya Tadeungo subra jimoe dum joh-jah", "Sira ngon jikheun hai ayah kamoe Di sideh bunoe kamoe meupisah Kamoe meulet-let teuwo keu adoe Ngon barang kamoe bak jih meukeubah Ka keuh bit jikap jihnyan le rimueng Teuma jibaplueng han meuho arah Han roe neupateh dum narit kamoe Beuthat di kamoe beutoi meupeugah", "Watee nyan teuma jipuwoe bajee ‘Oh Iheuh bak bajee jilabo darah Ya‘qob kheun gata dum ka jidaya Hana tarasa buet teuh dum salah Di lon tan laen nyang got lonsaba Bandum buet gata pulang bak Allah Tuhankeuh sagai nyang ek Neutulong Uram ngon ujong beuna ngon salah", "Teuma troh keunan ureueng musaphir Geuyue cok ie le keunan beubagah ‘Oh jilhom tima jikheun le yohnyan Nyoe aneuk agam aleh soe keubah Hana jipeugah jisom bak rakan Teuma di Tuhan Neuteupue sudah Peue nyang jipubuet Tuhan Neuteupue", "Teuma jipeubloe deungon yum murah i Padum direuham sagai yum jibri Sabab jipike aneuk gop keubah Teuntee kureueng yum adak na soe bloe", "Di Meuse jinoe ureueng bloe bagah Ubak peureumoh geukheun lheuh geubloe Beu got tasiboe aneuk meutuah Aneuk agamnyoe tahiroe beu got p Tatueng munaphaʻat raya phaedah i Tatueng jih keu aneuk le gatanyoe Sinan keuh jinoe Yusuf meukeubah Kamoe bri teumpat Yusuf di bumoe Keumeung peureunoe ‘eleumee Allah Mangat jiteupue dum ta‘bi leumpoe Kamoe peureunoe sinan meupeugah Tuhan kuasa peue nyang Neupeugot Insan dum meuhat nyang le that ulah Le manusia hana jiteupue", "Yusuf pih ka toe umu rap leupah ‘Oh ka troh umu Yusuf samlakoe Kamoe bri jinoe hikmah nyang luah Dumna ‘eleumee Kamoe peureunoe Soe nyang got budi meunan meubalah", "Di ureueng inong bak Yusuf tinggai Sidroe jih sagai rumoh pih luah Jipadan Yusuf jitop dum pinto Jikheun hai linto keunoe talangkah Kheun Yusuf di lon lakee bak Tuhan Bek roh ngon tuan lon pubuet salah Dumnoe tuanlon got that buet keu lon Han mungken di lon lalem lonbalah Hana bahgia ureueng nyang lalem", "Teuma jipeukhem le inong ceudah z Yusuf ngon inong ka teupeh ate $ Karap jadeh le dalam buet salah Adak kon Tuhan peuleumah tanda Meunankeuh cara Kamoe peusiblah Bek roh buet jeuheut deungon buet dacha Yusuf nyan hamba Kamoe nyang ikheulah", "Yusuf plueng jilet troh ubak pinto Meureumpok linto pinto ka teuhah Bajee ka beukah nibak rueng Yusuf Jitarek meupruk beunoe jireupah Jikheun bak lakoe aneuk ceulaka Peureumoh gata jikeumeung reupah Meukon tapeulop jih lam penjara Get jih tasiksa beupeudeh leupah Meunoe keuh bala buet darohaka", "Teuma kheun sigra Yusuf meutuah Di lon han lontem gopnyan nyang padan Saksi kheun yohnyan taeu soe salah Saksi famili inong peurumoh Takalon beu jroh bajee pat beukah Meubeukah di keu si inong beuna Nyang agam teuma sulet that leupah", "Meubeukah bak rueng si inong salah Nyang agam keubit beunar peuneugah", "‘Oh geueu bajee ka beukah di rueng Geukheun hai inong gata nyang salah Gata hai inong raya that daya", "Hai Yusuf gata jinoe top babah Talakee ampon gata hai inong Buet hana keunong raya that-salah", "Kheun awak inong dum dalam kota Inong panglima sang laen ulah Aneuk muda nyang na di rumoh jih Jipadan ngon jih jipubuet salah Got that jicinta keu aneuk muda Gadoh bicara ka keunong geutah Sang-sang ka sisat inong panglima Keubit that nyata jipubuet ulah", "‘Oh ban jideungo narit awaknyan z Jimeuhoi yohnyan jilakee langkah 3 Kä jiseudia dum ngon boh kayee Jimevtop malee jipeugot ilah Jijok ngon sikin dum saboh sapo Tujuan meuho hana jipeugah Jikheun bak Yusuf jak teubiet siat Tajak horomat jame troh langkah Ban jieu Yusuf tahe dum keudroe Jisie dum jaroe abeh meudarah Jikheun le bandum kuasa Tuhan Nyoe sang kon insan makheuluk Allah Nyoe kon soe laen cit malaikat Nyang mulia that keunoe troh langkah", "Inong panglima teuma kheun meunoe Takheun keu kamoe dum tapeusalah Bit lonpadan jih beu jitem ngon lon Tapi di jih han jitem buet salah Meunyo han jitem lagee lonpadan Dalam tutopan keudeh lonkeubah Bah jih lam kawan ureueng nyang hina", "Yusuf meuduʻa wahe ya Allah Neubri lon beu roh dalam tutopan Bek le lon sajan ngon inong ceudah Bek jimaba lon bak buet hana got Meuroh lon seutot ceulaka sudah Meuhan Neupeuweh lon bak awaknyan Takot roh keunan lon bak buet salah Leupah that jahe lon meu roh meunan", "Teuma le Tuhan ka mustajabah Tuhan teurimong nyang Yusuf lakee Mangat bek malee Yusuf meutuah Han ek jidaya Yusuf samlakoe Tuhanku sidroe Neudengo sudah Lom pih di Tuhan bandum Neuteupue", "Teuma jimeuproe Yusuf jikeubah { Jikeubah Yusuf dalam penjara Jikalon tanda dum le sileupah Hingga troh watee bak saboh masa}", "Dua peumuda keunan jikeubah Sigo ngon Yusuf tamong penjara Nyang sidroe teuma meunoe jipeugah Lon peugot arak sang-sang lam lumpoe Teuma nyang sidroe laen jipeugah Sang-sang lon suon ruti lam tabak Cicem dum jijak keunan jireupah Ateuh uleelon jipajoh ruti Peue dih nyan ta‘bi tacuba peugah Kamoe eu gata ureueng got pike", "Yusuf suot le hana peue salah Yoh goh makanan teuka keu gata Raseuki gata keunoe jikeubah Dang-dang troh jiba makanan keunoe Taʻbi lam leumpoe ka Iheuh lonpeugah Atranyan di lon Tuhan peureunoe Agama dumnyoe di lon lonkeubah Kawom nyoe hana iman keu Tuhan Akhirat meunan hana jiindah Bandum jikaphe akan akhirat", "Di lon lonikot agama Allah Neklon Ibrahim di lon lonikot Ishak ngon Ya‘qob nyang rasul Allah Hana di kamoe meupeucharikat Akan Hadharat deungon nyang salah Karonya Tuhan keu kamoe dumna Keu manusia pih dum Neukeubah Teuma le taeu dum manusia Hana jikira chuko keu Allah", "Wahe rakanlon lam glap bandua Soe got takira Tuhan tapeugah Peue Tuhan nyang le dum macam rupa Atawa nyang sa cit sidroe Allah Tuhan cit sidroe Maha Perkasa", "Laen dum nyata Tuhan nyang salah Peue nyang taseumah nyan taboh nama Tapeuna-peuna nyang bukon Allah Meunan pih dilee dum du-du gata Dalinyan hana tron nibak Allah C Putusan hukom cit milek Tuhan Neuyue nyang laen bek roh taseumah Meulengkan Allah nyang Po agama Nyankeuh agama nyang beutoe leupah Insan dum nyang le hana jiteupue Ka keuh roh meugeu ubak nyang salah", "Wahe rakanlon iam glap bandua Nyang sidroe gata tateubiet bagah Taidang arak keu tuan gata Lagee biasa masa nyang sudah Teuma sidroe treuk di jih geusula Uleejih teuma cicem meureupah Uleejih teuma jicoh le cicem Meunankeuh lazem ta‘bi lonpeugah Meunan putusan nyang gata tanyong Lon jaweueb keunong ka abeh sudah", "Geukheun bak rakan nyang keumeung teubiet Nyang geusangka bit jihnyan ek leupah Tapeugah hai lon ubak po gata Teuma jidaya le chetan jadah Jijak peutuwo ubak rakannyan Hingga di jih han naroh jipeugah Tinggai treuk Yusuf sinan dalam glap Padum thon teutap sinan jikeubah", "Kheun raja teuma di lon lonleumpoe Leumo meuasoe teumbon sileupah Tujoh boh leumo teumbon meurugoh Bandum jipajoh le leumo patah Tujoh boh leumo nyang pijuet-pijuet Abeh jiseukuet leumo be gajah Lom tujoh boh mu gandom nyang ijo Tujoh mu nyang tho teuma meureupah Wahe dum gata ureueng nyang ahli Tapeugah ta‘bi leumpoe lon bagah Meu jeut tapeugah peue taʻbi leumpoe", "Jikheun le kamoe han jeut meupeuglah Hana meuta‘bi nyang raja leumpoe Nyan jen peuwawoe tingat that leupah", "Agam nyang teubiet dalam penjara Teuingat sigra masa nyang sudah Jikheun di lon jeut lonpeugah ta‘bi Izin lon tabri siat lonlangkah Tajak intat lon dalam penjara", "Yusuf chedara deungo lon peugah Gata beuna that tapeugah taʻbi Nyan laen lagi tatulong peugah i Tujoh boh leumo teumbon meureugoh Bandum jipajoh le leumo patah Tujoh boh leumo nyang pijuet-pijuet Abeh jiseukuet leumo be gajah Lom tujoh boh mu gandom nyang ijo Tujoh mu nyang tho teuma meureupah Tapeugah keu lon taʻbi atranyoe Mangat lonjak woe keudeh lonpeugah Mangat jiteupue le manusia", "Teuma kheun sigra Yusuf meutuah Tujoh thon sabe tameugoe tanggoh Watee keumeukoh bijeh takeubah Meusep tapajoh mantong tapuwoe Laen siparo beu tapeusiblah", "Lheuhnyan tujoh thon teuka khueng that-that Jipajoh meuhat peue nyang takeubah Nyang na takeubah teuma sigitu", "Ngon nyan tabantu ureueng deuk leupah Ureueng prah anggor pih dalam thonnyan Teuma jak keunan minta naphakah", "Kheun raja taba agamnyan keunoe ‘Oh troh rasulnyoe Yusuf kheun bagah Tajak woe bak po tatanyong jinoe Inong sie jaroe pakriban sudah : Teuma Tuhanlon cit ka Neuteupue Meukeusud dumnyoe inong meutuah", "Kheun raja teuma hai gata inong Yusuf peue keunong dilee jih salah Tapadan Yusuf dilee pakriban Kheun inong yohnyan hana meusalah Ya Allah hana nyang kamoe teupue Nyang jeut keu paloe Yusuf meutuah Inong panglima seuot le yohnyan Jinoe baro trang beuna ngon salah Lon keuh nyang padan Yusuf samlakoe Keubit jih sidroe beuna that leupah", "(Peue roe atranyoe mangat geuteupue Hana roe lonnyoe roh lam buet salah Tan lon khianat di likot gopnyan Khianat cit han Neubri le Allah JUZ 13) Han Neupeutunyok soe nyang khianat", "Teuma lon meuhat kon hana salah Kon lon peugah droelon sabe beunar Buet napsu teuma sabe meuilah Sabe lam jiyue buet keujahatan Meulengkan Tuhan geumaseh leupah Soe nyang Neugaseh jihnyan le Tuhan Neubri ureueng nyan hana le salah Keubit Tuhanlon Maha Pengampon Lagi pih Po lon Maha Pemurah", "Kheun raja taba agam nyan keunoe j Meukeusud lonnyoe lontueng phaedah Jeut keu ngon lonnyoe bak mat keurajeun Troh Yusuf geukheun aneuk meutuah Uroe nyoe gata tinggai sajan lon Beu jeut keu ngon lon duek musyawarah", "Kheun Yusuf Neubri lon nyang mat gudang € Perbendahraan bak bumoe Allah Jeut lon plihara lontu‘oh cara", "Sinan keuh teuma Yusuf meukeubah Ka Kamoe keubah Yusuf di bumoe Jipubuet sinoe han le meuteugah Jijak ho nyang hʻeut bebas di sinoe Ngon rahmat Kamoe keu jih meulimpah Soe nyang h‘eut Kamoe Kamoe bri rahmat Ureueng pubuet got Kamoe bri upah Han sia-sia ureueng pubuet got", "Pahla akhirat teuma jroh leupah Keu ureueng bandum nyang na meuiman Lagi ureueng nyan takwa keu Allah", "Chedara Yusuf teuma troh keunan Gata meu yohnyan u dalam leupah Yusuf geuturi ureueng nyan bandum Teuma di aduen ka that meuubah Hana meubacut pih na geuturi", "Geubot khanduri teuma le bagah Jamee nyan bandum geupeumulia Yusuf kheun teuma narit sipatah ‘Oh tajak keunoe teuma beu taba Chedara gata nyang saboh ayah Takalon di lon cukop lonsukat Lonbri ngon teumpat nyang got that leupah", "Meunyo han taba adekteuh keunoe Han le di kamoe meubri hadiah Han peue tajak le keunoe bak kamoe", "Seuot ureueng nyoe jeut kamoe peugah Jeut kamoe lakee ubak ayahjih Lheuh nyan meuba jih keunoe meulangkah", "Yusuf kheun teuma bak bujang gopnyan Barang ureueng nyan bek le taruah Tapulang bandum taboh lam umpang Mangat geuriwang keunoe lom bagah ‘Oh troh u gampong teuntee geukalon", "Teuma ureueng nyan geuwoe bak ayah A Hai ayah kamoe geukheun le ligat £ Han geubri sukat sideh geupeugah Geuyue ba keudeh nyan adek kamoe Meuhan bek keunoe le tameulangkah Adek kamoe nyan jeut kamoe jaga", "Yaqob kheun sigra bek nyan tapeugah Ka lonbri saboh adekteuh dilee £ Jinoe meuʻeuntee han meupat arah Nyang lonbri dilee jinoe pih saban Meukon bak Tuhan nyang Maha Murah Tuhan keuh sagai nyang ek plihara Allah Taʻala geumaseh leupah", "‘Oh ban geubuka geukalon barang Bandum geupulang hana meuubah Hai ayah kamoe geukheun le sigra Peue tajak minta nyoepat napakah Abeh geupulang hana geutueng yum Atranyoe bandum han ek tabalah Chedara kamoe jeut meuplihara Teuma beulanja pat tameung peugah Meunyo di sideh cit le areuta Cukop sigala sukatan mudah", "Kheun Ya‘qob han lonbri jih keu gata Meulengkan gata janji ngon Allah Beu tapuwoe jih bagah lom keunoe Meulengkan sampoe teukeudi Allah Meulengkan han ek tapuwoe jih le Kamoe meujanji jiseuot bagah ‘Oh ban lheuh janji Ya‘qob kheun jinoe Peujok droe tanyoe keudeh bak Allah Peue nyang tapeugah peujok bak Tuhan", "‘Oh troh teuh keunan tamita ilah Wahe aneuklon bek saboh pinto j Watee talalu pinto tapeuhah s Bandum na pinto beuna tatamong Kadang meukeunong Neubri le Allah Nyang hukom Tuhan han ek tatulak Asai ka tajak tamita ilah Di lon tawakai keudeh bak Tuhan", "Beurangkat yohnyan lagee yue ayah Keubit cit teuma ban hukom Tuhan Bah barangkajan hana meuubah Meulengkan hajat lam ate Ya‘qob Nyang geupeuturot nyankeuh geupeugah Teuma di gopnyan na ‘eleumee droe Kamoe peureunoe masa nyang sudah Nyang le that teuma manusia nyoe Hana jiteupue kuasa Allah", "‘Oh ban geutamong bak Yusuf keunan Yusuf kheun yohnyan adek meutuah Keudeh u dalam laju geumaba Lonnyoe chedarateuh hana ubah Teuma bek susah ate di gata Peue nyang chedara dum peugot ulah", "Geubot hidangan teuma le sigra Jamee ban teuka yue piyoh payah Teuma le Yusuf geucok piala Umpang chedara laju geupeuhah Geuboh lam umpang adek nyang muda Bujang hai sigra teuma kaphilah Kaphilah aduen teuma beurangkat Tapiyoh siat gata ka salah Gata pancuri bak kamoe kira", "Geuriwang lanja geutanyong ulah Peue na nyang gadoh wahe chedara", "Jikheun piala teuma le bagah Piala raja ka roh tapeuwoe Tapulang jinoe meuteumeung upah Soe nyang jok pulang sigo brat unta Geubri keu gata hana meuilah Lon tanggong geubri meunyo tapulang", "Geuseuot rijang dum demi Allah Cit ka tateupue kamoe jak keunoe Meukeusud kamoe kon na nyang salah Ken pubuet fased kon jak ceumeucue", "Jikheun tameuproe sulet peuneugah Meu gata sulet pakriban hukom Jeut kamoe maklum pakri meubalah", "Geukheun pat-pat nyang meuteumee barang Ureueng nyan mantong nyang tapeusalah Nyankeuh balasan ureueng nyang lalem Bek ureueng laen nyang keunong geutah", "Teuma geupuphon bak umpang aduen Ë Ka abeh bandum nyata geupeuhah Akhee geupeuhah bak umpang adoe Leumah le sinoe piala meugah Meunan keuh kamoe meupeutroh hajat Yusuf carong that bak minta ilah Han jeut tahukom meunyo bak raja Sidroe chedara lagee nyan salah Meulengkan kheundak Allah Taʻala Pangkat nyang raya Neumeung peuleumah Soe nyang h‘eut kamoe meupeuek pangkat ‘Eleumee le that na lom nyang meugah Bah le ‘eleumee dalam donya nyoe Na lom ateuhnyoe nyang leubeh luah", "Kheun aduen meunyo dicue nyan di jih Dilee aduen jih pih meunan ulah Yusuf geusaba di dalam ate Han geupeulahe bek jeut keususah Geukheun gata dum nyang leubeh jeuheut Neuthee bandum buet gata le Allah", "Kheun aduen wahe Aziz nyang got that Ayah jih meuhat ka tuha leupah Tacok nyang laen lam kawan kamoe Meueu di kamoe gata jroh leupah", "Geukheun lonlakee lindong bak Tuhan Bek roh lontawan nyang hana salah Pat nyang meuteumee di sinan barang Meunyo kon meunan lon lalem leupah", "‘Oh abeh lagee tan le keunira Teubit ulua geujak meus‘ah-s‘ah Kheun aduen tuha hana tapikee Ka tameujanji bandum ngon ayah Janji bak Tuhan meunan pih dilee Tanyoe peulagee Yusuf takeubah Di lon han kuwoe keudeh u gampong Meu hana keu lon izin bak ayah Meu han Neuhukom lon uleh Tuhan Hukoman Tuhan ade that leupah", "Tajak woe keudeh bak ayah gata Takheun aneukda jipubuet salah Jicue atra gop nyang kamoe kalon Teuma nyoe ngon kon ‘eleumee Allah Kamoe nyang gaeb hana meuteupue", "Tatanyong keudroe got bak kaphilah Teumpat kamoe jak bak ureueng gampong Sinan tatanyong mangat geupeugah Lom bak kaphilah sigo ngon kamoe Beunar that kamoe hana meusalah", "Ya‘qob kheun gata dum ka jidaya Hana tarasa buet teuh dum salah Di lon tan laen nyang got lonsaba f Lon harap sahja di lon bak Allah Mudah-mudahan Tuhan Neupeuwoe Bandum jih keunoe nyang aneuk lidah Bandum Neuteupue Allah Taʻala Lom bijaksana Neuh han ban peugah", "Yaʻqob neupaleng neukheun weuh that lon Jantong atelon Yusuf meutuah Duablah mataneuh ka keuh puteh Sabab that seudeh keu aneuk lidah Neusaba that-that di dalam ate", "Aneuk dum kheun le pakon di ayah Sabe neuingat keu Yusuf sidroe Ek jeut keu paloe nyoe demi Allah Atawa cit droeneuh jeut binasa", "Ya‘qob kheun sigra di lon kupeugah Di lon kungadu ubak Tuhanlon Weuh that atelon meutamah susah Di gata le that nyang han tateupue Di lon lonteupue Neubri le Allah", "Wahe aneuklon tajak taseutot Tatanyong beugot Yusuf meutuah Lom pi adoejih tatanyong-tanyong Bandua jihnyan pat dih na meugah Bek putoh asa bak rahmat Tuhan Ureueng meuiman bek jeut keu susah Nyang putoh asa cit ureueng kaphe", "Beudoh geujak le bandum geulangkah *Oh troh geutamong geukheun le sigra Aziz mulia gata that murah Kamoe ka troh lom ureueng meularat Kawom keurabat pih dalam susah Nyang kamoe ba pih hana areuti Bit meunan tabri beule lom leupah Tabri seudeukah beule keu kamoe Tuhanku sidroe teuma Neubalah", "Kheun Yusuf na roe tateupue pakri Yusuf tataki masa nyang sudah Ngon adoejih tapeugot lagee Hana roe tathee buet teuhnyan salah", "Kheun aduen sang-sang gatanyoe Yusuf Geukheun lon Yusuf hana meuubah Nyoe keuh adoelon ka Neubri rahmat Uleh Hadharat keu kamoe sudah Soe nyang takwa ngon geutem saba Han Neupeusia sagai le Allah Pahla buet nyang got han sia-sia", "Kheun aduen teuma demi nyoe Allah Ka Neupeuleubeh gata le Tuhan Kamoe meutimphan jinoe ka reubah Keubit salah that dilee buet kamoe", "Yusuf kheun jinoe bek le tapeugah Beu Neupeuampon gata le Tuhan Keubit cit Tuhan geumaseh leupah Leubeh nibak soe nyang that geumaseh", "Jinoe jak keudeh tawoe bak ayah i Nyoepat bajeelon taboh bak muka Neuh trang lom mata nneuh han le susah ‘Oh lheuhnyan bandumteuh tajak keunoe Ngon ahliteuh nyoe keunoe talangkah", "‘Oh ban kaphilah beurangkat geuwoe Ayahgeuh sinoe laju geupeugah Sang-sang ka meubee Yusuf ubak lon Meu bek takheun lon akai ka salah", "Jikheun dum teuma bit demi Tuhan Droeneuh ka sawan lagee nyang sudah Ka troh lom jiwoe peunyaket dilee", "‘Oh ban troh bajee neucok le bagah Neuboh bak muka teubleut le mata Neukheun le sigra kon ka kupeugah Peue nyang gata dum hana tateupue Di lon kuteupue Neubri le Allah", "Jikheun treuk bandum hai ayah kamoe Neulakee jinoe ampon dum salah Raya that dacha bandum na kamoe Neulakee jinoe ampon bak Allah", "Neukheun jeut teuma lonlakee ampon Ubak Tuhanlon bandum na salah Keubit Tuhanlon Maha Pengampon Lom pih Tuhanlon Maha Pemurah", "‘Oh troh geutamong keudeh bak Yusuf Ta‘dhem le Yusuf ibu ngon ayah ‘Oh lheuh meuwa-wa ayah deungon ma Geukheun le teuma boh tamong bagah Tamong u Meuse bak nanggroe kamoe Aman that sinoe ngon kheundak Allah", "Ayah ngon ma geupeuek sigra U ateuh keuta laju nyang meugah Bandum treuk sujud keunan bak Yusuf Teuma kheun Yusuf neueu hai ayah ù Wahe ayahlon taʻbi leumpoelon , Nyoekeuh ka langsong Tuhan peuleumah Taʻbi ka beunar Neubri le Po lon Tanyoe meuhimpon di sinoe sudah Got that buet Tuhan Neupeugot keu lon Neupeuteubiet lon bak teumpat salah Neupeuteubiet lon dalam penjara Teuma dum gata keunoe talangkah Tatinggai duson keunoe tateuka Chetan jak daya pih nyoe ka leupah Lheuh jipeupake lon ngon chedara Tuhan kuasa bandum Neupeuglah Keubit Tuhanlon cit leumah leumbot Keu peue nyang meuh‘eut Neuh han soe teugal Dumpeue Neuteupue Allah Taʻala Ngon bijaksana Neuh han ban peugah", "Tuhanku Droeneuh ka Neubri keu lon P Lon mat keurajeun bak nanggroe luah ” Lagi pih keu lon ka Neupeureunoe Taʻbi dum leumpoe ka jeut lonpeugah Droeneuh nyang peujeut langet ngon bumoe Wali lon sinoe masa nyang sudah Droeneuh wali lon donya akhirat Mate lon meuhat bek roh lam salah Neubri mate lon dalam Islam Meusapat sajan ureueng meutuah Ngon ureueng saleh Neubri beusapat Wahe Hadharat nyang Maha Murah", "Nyankeuh antara haba nyang gaeb Dilee nyang ka trep nyang kamoe kisah Hana roe gata sajan awaknyan Watee awaknyan pakat buet salah", "Teuma nyang le that dum manusia Hana jikira iman keu Allah Beu that di gata napsu teuh that-that Di jih dum meuhat hana jiindah", "Padahai taba haba peuingat , Hana meuhajat talakee upah Keu bandum alam napsu tajakba", "Cit jieu tanda dum le sileupah Tanda di langet tanda di bumoe Jijak-jak sinoe jikalon mudah Tapi jipaleng han jieu tanda", "Hana jikira iman keu Allah Le that jih nyang han iman keu Tuhan Na laen Tuhan di jih jipeugah", "Peue ek aman jih meunyo troh bala Watee Neusiksa dum jih le Allah Atawa teuka bak jih kiamat Teungoh got mangat jipiyoh payah Hana jithee-thee kiamat teuka", "Takheun leh sigra nyoe jalan Allah Nyoekeuh jalan lon tajak bak Tuhan Leumah taue nyan deungon basirah Jalanlon deungon soe nyang ikot lon Suci Tuhanlon Subhanallah Di lon nyoe cit kon ureueng nyang musyrek Ureueng nyang balek agama Allah", "Rasul meukirem sigohlom gata Ureueng lam kuta duson nyang mudah Kamoe bri wahi ubak ureueng nyan Boh pakon dih han jijak meulangkah 2 Pakon han jijak dum dalam bumoe Jikalon keudroe ureueng nyang salah Pakri akibat yoh masa dilee Bala meuteuntee keu jih dum balah Nanggroe akhirat nyang got that teuma Keu soe nyang takwa keupada Allah Peue bandum gata hana teupikee", "Hingga Rasul le ka gadoh ilah Dum Rasul-rasul tan le na harap Jikheun sulet that geuyakin sudah Watee nyan teuka bantuan kamoe Soe nyang h‘eut kamoe kamoe peuleupah Kawom nyang salah kamoe bri azeub Han keuh na soe jeut keumeung jak peuglah", "Bandum kisahnyoe jeut keu ibarat Keu soe nyang ingat ngon akai ceudah Kon sagai haba geupeuna-peuna Tapi peubeuna atra nyang sudah Lom pih geupeutrang bandum peukara Peutunyok teuma ngon rahmat Allah Atranyan bandum keu ureueng mukmin Nyang keubit yakin iman keu Allah AR-RAʻD (REUDOK) Ngon nama Allah lon puphon surat Tuhan Hadharat nyang Maha Murah Tuhanku sidroe geumaseh that-that Donya akhirat rahmat Neulimpah"] }, { "chapter": 13, "versesCount": 43, "verses": ["Alif Lam Mim Ra Tuhan nyang teupue meukeusud ayat Sabab Hadharat hana Neupeugah Nyankeuh dum ayat di dalam kitab Uleh Hadharat Neupeutron sudah Teuma nyang le that dum manusia Hana jikira iman keu Allah", "Tuhan peumanyang langet tan tameh Takalon sideh manyang sileupah Lheuh nyan kuasa Neuh ban hajat droe Neupiyoh keudroe di ateuh ‘arasy Mata uroe jak lom deungon buleuen Ban nyang Tuhan kheun hana meuubah Bandum nyan jijak watee ka teutap Tuhan Hadharat Neuato ceudah Neuato bandum Neupeutrang ayat Tayakin beu that meureumpok Allah Ngon Tuhan gata meureumpok dudoe", "Neupeujeut bumoe takalon luah Neupeujeut gunong buket deungon krueng Neupeujeut bandum keudroe le Allah Dum na boh kayee meujudo-judo Malam top pinto uroe Neupeuhah Uroe jeut seupot Neutop ngon malam Ayat Neupeutrang keu soe nyang ceudah Soe nyang tem pike leumah dum ayat", "Bumoe nyoe teumpat keubon nyang luah Na keubon anggor deungon tanaman Meusapat sinan meusiblah-siblah Na bak kuruma na nyang meucabeueng a Nyang hana cabeueng pih sulu leupah ‘ Geusibu ngon ie nyang saban bandum Watee tapeunyum rasajih salah Hana roe saban bentuk ngon rasa Bandum nyan tanda kuasa Allah Soe nyang tem pikee leumah dum tanda", "Nyang hireuen teuma ladom jipeugah Patot tahireuen nyang jikheun meunoe ‘Oh badan tanyoe ka anco bicah Ka jeut keu tanoh ek udepteuh lom Ka baro teuh lom Neubri le Allah Peue mungken meunan nyanban jitanyong Nyankeuh awak nyan kaphe keu Allah Rante bak takuejih teuma geuboh Lheuh nyan geuparoh lam apui mirah Nyankeuh awaknyan asoe nuraka Keukai simasa sinan geukeubah", "Jilakee di jih beurijang nyang brok Nyang got gohlom troh hana jipeugah Padahai ka le contoh dum dilee Bandum nyan teuntee hana jiindah Keubit Po gata Maha Pengampon Insan nyang lalem pih Neupeumeu‘ah Teuma Po gata watee Neusiksa Han ek takira pih brat sileupah", "Jikheun le kaphe paken han beu tron i Ayat bak Tuhan Keu jih beu bagah i Di gata teuma nyang tapeuingat Cit bandum umat na soe nyang peugah Na nyang peutunyok keu bandum kawom", "Tuhan cit meuphom peue nyang han leumah Neuteupue janin lam rahim ibu Kureueng sigitu Neuteupue bagah Got na nyang leubeh di dalam rahim Le Tuhan karim Neuteupue sudah Bandum na kada ka Neuboh ka trep", "Neuteupue gaeb bandum le Allah Nyang leumah taeu got nyang han leumah Bandum cit leumah Neueu le Allah Bandum Neuteupue Droeneuh raya that Tuhan manyang that suci that leupah", "Saban bak Tuhan got pih rahsia Lam kawan gata tameus‘ah-meus‘ah Got pih tameusu rayek suara Allah Taʻala Neuteupue sudah Got pih lam malam gata tasom droe Got pih lam uroe tajak-jak bagah", "Manusia dum cit na soe ikot Dikeu dilikot Neuyue le Allah Tuhan yue jaga dum manusia Bandum peukara han roe Neuubah Han Neuubah peue nyang na bak insan Meukon droejih nyan dile jiubah Meu kheundak Tuhan Neumeubri bala Hana kuasa soe keumeung bantah Hana soe laen plihara jihnyan Meunyoe kon Tuhan nyang Maha Murah", "Tuhan peuleumah bak gata kilat Teumakot pih that napsu sileupah Napsu taharap Neupeujeut awan Jime ie ujeun teuma jiruah", "Jikheun teuseubeh reudok jipujoe Tuhanku sidroe nyang Maha Murah Ngon malaikat takot keu Tuhan Dum seukalian geupujoe Allah Neubri geulanteu teuma le Tuhan Soe nyang h‘eut Tuhan keuneng dum reubah Mantong cit di jih jipeudong dawa Peue na kuasa bit sidroe Allah Tuhan kuasa watee Neusiksa", "Duʻa nyang beuna pih hak keu Allah Nyang jikheun Tuhan laen nibaknyan Meusapeue pih han na meuphaedah Hana ek jibri keu jih meusapeue z Miseu jih jaroe di jih jipeuhah Ban ureueng cok ie ngon paleut jaroe Jibeuet jaroe keunoe bak babah Pane keuh troh ie bak babah jihnyan Paleut jih meunan jileung lam teuhah Duʻa sikaphe cit dalam sisat", "Laen dum sujud keudeh bak Allah Soe nyang di langet ngon nyang di bumoe Sujud sinoe roe hana meuilah Got sukarila got pih teupaksa Sujud sigala keupada Allah Deungon bubayang pih badum sujud Beungoh ngon seupot han tom meuilah", "Takheun soe nyang Po langet ngon bumoe Takheun cit sidroe Tuhanku Allah Peue tacok laen cit dum keu wali í Peue na ek jibri meunyo kon Allah Hana ek jibri di jih munaphaʻat Droejih meularat han ek jiteugah Takheun ek saban ureueng nyang buta Ngon nyang got mata deuh geueu leumah Ek saban seupot nyang glap gulita Ngon trang meucahya hu meujeureulah Got pih jipeujeut di jih charikat Nyang kon Hadharat Tuhan jipeugah Jipeugot saban ngon Tuhan peugot Sang-sang atrasot bak jih dum leumah Sang-sang buet makhluk sa ngon buet Tuhan Takheun nyang Tuhan cit sidroe Allah Allah nyang peujeut bandum peukara Sidroeneuh sahja perkasa leupah", "Sideh di langet Neupeutron ujeun Ile dalam krueng ie dum meulimpah Ie raya ile menurut kada Kuboh jih teuma di ateuh leumah Jitot lam apui peugot hiasan . Atawa barang jitot jitatah Ateuh barang nyan kuboh geuratan Meunankeuh Tuhan miseu Neupeugah Lagee nyan Tuhan Neupeugot miseu Nyang hak ngon bateu beuna ngon salah Kuboh geuratan teuboh han meutueng Tinggai nyang geutueng nyang na phaedah Nyang na munaphaʻat keu manusia Tinggai nyan sahja di bumoe Allah Meunankeuh Tuhan Neupeugot miseu Nyang hak ngon bateu beuna ngon salah", "Soe nyang tem taʻat keu Po ureueng nyan 4 Neubri balasan nyang jroh sileupah Nyang han tem taʻat adak jih kaya Le that areuta sinoe jikeubah Bandum peue nyang na di ateuh bumoe Teuma lom dumnoe jiteumeung tamah Bandum atranyan jitem teuboh droe Dumnoe keuh paloe azeub geubalah Geuhisap di jih leupah that saket Lom geubri teumpat nuraka juah Nyankeuh nuraka sineubrok teumpat Keubit meularat hana ban peugah", "Ureueng nyang teupue atranyan beuna Bak Tuhan gata Neupeutron sudah Peue sa ureueng nyan ngon ureueng buta Ureueng trang mata nyan nyang meutuah Geutueng peuingat ngon mata ate Ngon nyan geupike geutueng phaedah", "Lom pih geupeutroh janji ngon Tuhan Janji barangjan hana tom ubah", "Lagi pih peue nyang Tuhan yue seumong Sabe geuseumong hana meuilah Geutakot keu Po geuh lom geutakot Keunira ka rhot hana got balah", "Lom pih geusaba harap keu Tuhan Pubuet seumbahyang geubri napakah Raseuki Kamoe bri hana geupike Baten ngon lahe geubri seudeukah Buet nyang hana got geutulak ngon got Akibat that got keu gopnyan balah", "Chumga ‘Adnen geutamong laju Ayah ngon ibu meusapat sudah Aneuk peureumoh meusapat sinan Ngon keuturunan nyang got silsilah Jeut dum ureueng nyan nyang amai saleh Nyang hana teupeh bak buet nyang salah Bak jeup-jeup pinto na malaikat Geutamong ligat keunan ziarah", "Saleum keu gata asoe churuga Sabab tasaba masa nyang sudah Nyoekeuh akibat Neubri keu gata That meubahgia hana ek peugah", "Teuma nyang lingkeu peurintah Rabbi Lheuh jimeujanji teuma jiubah Nyang Neuyue seumong le Tuhan bak jih Jikoh nyan le jih ka putoh sudah Lom pih jipubuet fased lam bumoe Teuma keu jihnyoe laknat bak Allah ‘Oh dudoe keu jih meuteumeung teumpat Nyang brok saket that nuraka juah", "Tuhan keuh nyang bri bandum raseukí Soe nyang hʻeut Neubri raseuki luah Teuma nyang ladom Neubri sikada Keu udep donya galak jih leupah Padahai peue nyan udep lam donya Akhirat teuma nyang got that leupah Donya nyoe han sa deungon akhirat Seunang cit siat gadoh le bagah", "Jikheun le kaphe pakon han teuma Neupeutron tanda keu jih le Allah Takheun di Tuhan jeut Neupeusisat Soe nyang Neuhajat han ek soe bantah Nyang Neupeutunyok ureueng nyang toubat", "Meu iman got that gopnyan keu Allah Ate geuh teunang geuingat Tuhan Soe ingat Tuhan teunang that leupah Soe ingat Tuhan ate jeut teunang Aman ngon nyaman hana ban peugah", "Ureueng meuiman lom geupubuet got Meubahgia that seunang sileupah Dumsoe meuteumee teumpat nyang jroh that Meuteumee teumpat churuga indah", "Meunankeuh kamoe meukirem gata Bak saboh bangsa nyang meuseujarah Ka le that umat dilee nibaknyan Bandum ureueng nyan masa nyang sudah Nyang kamoe wahi keunan bak gata Mangat tabaca keu jih tapeugah Sabab jikaphe di jih keu Tuhan Tuhan nyang Rahman nyang Maha Murah Takheun nyankeuh Po di lon tan laen Bandum kon Tuhan meulengkan Allah Ulon peujok droe ubak Droeneuh nyan Lon toubat keunan han tom meusalah", "Sangkira meu na saboh Qur'an Nyang ek jiguncang gunong nyang meugah Ube na gunong bandum jipeujak Bumoe teupipak ek jipeubeukah Ureueng nyang mate ek jipeumarit Keu jih dum keubit hana phaedah Tapi urusan bandum atranyan Meuwoe bak Tuhan nyang Maha Murah Kon na sang lagee ka putoh asa Dum ureueng nyang na iman keu Allah Adak na kheundak roe nibak Tuhan Neutunyok insan bandum le bagah k Teuma soe kaphe lam keunong bala Seunantiasa keunong musibah r Sabab buet droejih musibah teuka Got pih rap lingka siblah menyeblah Hingga troh teuma bak janji Tuhan f Bit janji Tuhan han tom Neuubah", "Yoh gohlom gata dum Rasul-rasul Han jitem kabui jikheun beurakah Jiulok-ulok Rasul dum le jih Lonbri treuk keu jih watee nyang luah Keu awak kaphe dum lonbri tanggoh ‘Oh abeh tanggoh teuma Lonbalah Watee nyan Lonbri keu jih hukoman Teuma pakriban siksa Lon keubah", "Tuhan nyang balah keu manusia Peue jiusaha beuna ngon salah Ek sa ngon Tuhan nyang jih dum peugot e Tuhan charikat di jih jipeugah Takheun taboh nan peue-peue nyang taboh Got pih tapeutroh keudeh bak Allah Tapeutron haba nyang tan Neuteupue Di dala bumoe dum tajak peugah Atawa lahe bak narit mantong 4 Nyang keubit dum kon lagee tapeugah Tapi geupeujroh bak mata kaphe Buet jih nyang jahe bak jieu indah Ka geutop keu jih jalan nyang teupat Ka keuh jih sisat Neubri le Allah Teuma barangsoe Tuhan peusisat Hana le ubat ceulaka sudah Han soe peutunyok bak jalan nyang got", "Keu jihnyan azeub teuma geubalah Lam udep donya di jih phon azeub Uroe akhirat nyang brat sileupah Han soe peulheuh jih bak azeub Tuhan Bandum buet jihnyan meunan keuh balah", "Churuga Tuhan nyang ka Neujanji i Keu ureueng suci takwa keu Allah Je krueng dum ile diyup churuga Meunan keuh rupa churuga indah Padum boh kayee dum keu makanan Sabe na sinan han tom meupisah Padum ngon reului taduek yup kayee Meunan meuteuntee Tuhan Neubalah Nyankeuh akibat keu soe nyang takwa Keu kaphe teuma nuraka juah", "Teuma na ureueng kamoe bri kitab Di jih galak that watee tapeugah ‘Oh ban tron kitab keunan bak gata Ate geumbira seunang that leupah € Nyang laen teuma na cit golongan Jikheun atranyan ladom ka salah Takheun di lonnyoe peurintah Tuhan Neuyue bak laman lonseumah Allah Sinan han Neubri lon peucharikat Tuhan Hadharat deungon nyang salah Lon maba bandum bak jalan Tuhan Dudoe pih laman lonwoe bak Allah", "Meunan pih kamoe ka kamoe peutron Aturan hukom dum kamoe peugah Dalam Qur’an ngon bahsa Arab Gata bek sisat teuma roh salah Meunyoe taikot napsu awaknyan Di jih cit dum han turot peurintah Taikot cit jih ‘oh lheuh tateupue Ka keuh han sapeue gata ngon Allah Han Neutem wali han Neuplihara Azeub keu gata han soe peusiblah", "Dum Rasul-rasul si gohlom gata Ka Kamoe yue ba bandum peurintah Na ngon peuruemoh na keturunan $ Bandum ureueng nyan cit hamba Allah i Han jeut di Rasul peugot mukjizat Meukon Hadharat izin peurintah Bak jeup-jeup masa cit na tren kitab", "Neusampoh siat nyang kheundak Allah Na nyang Neusampoh na Neupeuteutap Nyang ummul kitab teuma bak Allah", "Kamoe peuleumah ladom bak gata Janji meusiksa awaknyan bagah Atawa kamoe peuwapheut gata Yoh goh meusiksa keu jih meubalah Teuma di gata tapeutroh mantong Keunira jihnyan kamoe peurintah", "Peue hana jieu pakriban kamoe Meuato bumoe pakriban mudah Bineh-bineh jih kamoe peukureueng Allah nyang hukom han ek soe bantah Bagah that Tuhan peugot keunira", "Dilee dum cit ka jipeugot ulah Pakriban kawom dilee nibak jih Usaha dum jih jitipee Allah Teutapi Tuhan han ek jitipee Ube na tipee lam jaroe Allah Peue nyang jipeugot le barangkasoe Bandum Neuteupue hana meuilah Si kaphe pih dum akan jiteupue Akibat keu soe nyang raya tuah", "jikheun le kaphe gata kon Rasul Han jitem kabui peue nyang tapeugah Takheun sep saksi keu lon ngon gata Allah Taʻala nyang Maha Murah Lom ahli kitab nyang na ‘eleumee Bandum meuteuntee jiteupue sudah"] }, { "chapter": 14, "versesCount": 52, "verses": ["Alif Lam Ra Tuhan nyang teupue meukeusud ayat Sabab Hadharat hana Neupeugah Nyoe saboh kitab nyang Kamoe peutron Keu gata keuna mangat tapeugah Mangat tatarek dum manusia Lam seupot buta mantong geuh leupah Tapeuteubiet jih keunoe bak cahya Mangat trang nyata jikalon leumah Taba jih bandum bak jalan Tuhan Nyang Po awaknyan Perkasa meugah Maha Perkasa nyang hak tapujoe", "Langet ngon bumoe cit milek Allah Peue nyang di langet di bumoe meunan Cit milek Tuhan nyang Maha Murah Teuma ceulaka keu awak kaphe Azeub bukon le saket that leupah", "Galak that di jih keu udep donya Akhirat teuma di jih jikeubah Jitham dum ureueng bak jalan Tuhan Jiba bak jalan nyang ceukok leupah Na keuh awaknyan ka roh lam sisat Ka jioh that-that bak rahmat Allah", "Sidroe-droe Rasul nyang Kamoe kirem Bahasa nyang laen hana meupeugah Dalam bahsa droejih kawom gopnyan Mangat leubeh trang watee geucharah Teuma soe nyang h‘eut Tuhan peusisat Jalan nyang teupat di jih meusiblah Soe nyang h‘eut Tuhan pih Neupeutunyok Ureueng nyang tem cok bandum peurintah Keubit cit Tuhan Maha Perkasa Ngon bijaksana Neuh han ban peugah", "Ka Kamoe kirem Musa saboh roe Ngon ayat Kamoe geuba peurintah Jeh kawom gata tajak peuteubiet i Lam supot ¢:»tip hana soe peuhah Taba jih keudeh bak cahya nyang trang Tapeuingat lom keu jih musibah Peue nyang terjadi masa uroejeh Jiingat le jih mangat bek salah Bandum atranyan cit jeut keu tanda Keu soe ayng saba chuko keu Allah", "Geukheun le Musa bak kawom gopnyan Ingat hai rakan keu nikmat Allah Nikmat nyang Neubri dilee keu gata Neupeulheuh gata bak kawom jadah Kawom Peuraʻun angkara murka Jisiksa gata azeub that leupah Aneuk agamteuh jisie dum meuhat Meu sidroe sapat hana jikeubah Aneuk inongteuh nyang jipeuudep Keubit that saket gata dum susah Cubaan Tuhan keu gata meuhat Bala raya that Neubri le Allah", "Yohnyan Neubri thee uleh Po gata Bandum na gata chuko keu Allah Meunyoe tachuko Lontamah nikmat Teuma nyang batat azeub that leupah Meunyoe takaphe akan nikmat Lon Ingat azeub Lon saket sileupah", "Geukheun le Musa meunyoe takaphe Bandum teuh sare tapubuet salah Ureueng di bumoe pih bandum kaphe Tuhan nyang ade han jeut keu susah Tuhan that kaya nyang hak tapujoe Han jeut keu rugoe Neuh sidroe Allah", "Peue hana teuka keunan bak gata Haba beurita awak nyang salah Yoh gohlom gata awaknyan meuhat Kawom Noh ngon ‘Ad Tsamud seurakah ‘Oh lheuh awaknyan teuma lom dudoe Hana nyang tusoe meulengkan Allah Teuka dum Rasul ubak awaknyan Bandum ureuengnyan geuba peurintah ‘Oh Iheuh geupeutrang bandum sinaroe Jipeuduek jaroe jih dalam babah Jikheun treuk kamoe kaphe keu gata Han meupeucaya peue nyang tapeugah Takheun droe Rasul kamoe that ragu", "Boh pakon ragu kheun Rasulullah Na Patot ragu teuh teuntang Tuhan Nyang peujeut alam kuasa leupah Tuhan nyang peujeut langet ngon bumoe Gata dum Neuyue taseumah Allah Jeut Neupeuampon dum dacha gata Meunyoe na gata pateh peurintah Lom Neubri tanggoh hukom keu gata Hingga troh masa han jeut le ubah Kheun treuk awaknyan gata dum insan Ngon kamoe saban asoe ngon darah Peue nyang geuseumah le yah-yah kamoe Tameutham kamoe bek le meuseumah Boh bri keu kamoe saboh alasan Nyang ek jeut keu trang peue nyang tapeugah", "Seuot dum Rasul kamoe nyoe insan Ngon gata saban hana meuubah Teutapi Tuhan Neubri keu hamba Neuh soe nyang suka Neuh soe nyang meutuah Di kamoe han jeut meubri alasan Meunyoe kon izin dilee bak Allah Soe nyang meuiman bandum peujok droe Bak Tuhan sidroe nyang Maha Murah", "Pakri han meujok droemeuh bak Tuhan Ka Neubri jalan nyang jroh that leupah d Ka Neupeutunyok jalan keu kamoe Hingga jeut kamoe hana le susah Bandum na kamoe ka taelanya Kamoe meusaba hana meubalah Keudeh bak Tuhan bandum tawakai Soe nyang tawakai meuhat bak Allah", "Jikheun bak Rasul teuma le kaphe Gata meuuse jinoe le bagah Meupeuteubiet teuh lam nanggroe kamoe Atawa tawoe bak kamoe seumah Tawoe lom ubak agama kamoe Tuhan kheun meunoe teuma Neupeugah s Ubak dum rasul Neupeutron wahi Tanggoh kamoe bri keu jih ka leupah Jinoe jih bandum meupeubinasa Kawom elanya lalem that leupah", "Lheuh nyan kamoe bri dudoe nibak jih Dalam nanggroe jih gata khaliphah Nyan bandum keu soe nyang jo jih keu Lon Yo keu azeub Lon nyang ka Lon peugah r", "Lom pih jilakee bak Lon beu meunang Teuma soe lalem rugoe sileupah Rugoe si lalem atejih batat", "Nuraka teumpat keu jih geukeubah Ubat puleh grah dalam nuraka r Cit ie ceulaka nanoh ngon darah", "‘Oh jijep karap han leupah jiʻuet Teuka le mawot hana ban peugah y Di jih han mate bah teuka mawot Keu jihnyan azeub nyang brat sileupah", "Awak nyang kaphe di jih keu Tuhan í Amaijih cit tan na meuphaedah Miseu jih abee jipot le angen ‘Oh teuka angen nyang kreuh that leupah Han ek usaha jipeugot sapeue Hana meusapeue pih na jikeubah Nyankeuh nyan miseu meunyoe ka sisat Han le tatupat jioh sileupah", "Peue hana taeu langet ngon bumoe Tuhan peujeut nyoe hana meusalah Tan sia-sia peuneujeut Tuhan Meunyoe hʻeut Tuhan gata pih sudah Ek Neuboh gata laen Neugantoe Makheuluk nyang nyoe baro that leupah", "Han jeut keu susah meunyo bak Tuhan Buet nyang lagee nyan leupah that mudah", "Watee jiteubiet meuhadap Tuhan Troh u keue Tuhan meupeugah-peugah Kheun ureueng leumoh bak nyang meupangkat Nyang teukabo that masa nyang sudah Kamoe nyoe rakyat nyang ikot gata Peue na usaha jinoe tailah Taminta jalan jinoe keu kamoe Ek leupah kamoe bak azeub Allah Jikheun dum teuma pulang bak Tuhan Meunyo le Tuhan Neutem peuleupah Neutem peutunyok jalan keu kamoe Baro jeut kamoe gata meupeuglah Jinoe ka saban bandum geutanyoe Taklik ngon tamoe hana phaedah Got pih tasaba geutanyoe saban Hana le jalan tanyoe ek leupah", "‘Oh ban ka abeh bandum keunira Chetan ceulaka meunoe jipeugah Tuhan Neujanji keu gata beunar Janjilon teuma keu gata salah Hana lon peutroh janji ngon gata Hana kuasa peue lon meupeugah d Kuasalon meu lonba gata Teuma di gata tapateh bagah À Tapateh laju peue nyang naritlon Teuma jinoe lon bek tapeusalah Bek tapeutimplak lon teuma jinoe Tapeutimplak droeteuh nyang ka salah Jinoe lon han ek lontulong gata Meunan pih gata han ek tailah Han ek tatulong lonnyoe le gata Buet dilee nyang ka bek le tapeugah Tapeucharikat lon deungon Tuhan Di lon nyang meunan hana lonpeugah Yoh dilee cit tan lonpeugah meunan Teuma si lalem azeub that leupah Azeub peudeh that keu soe nyang lalem", "Ureueng meuiman nyan nyang meutuah í Ureueng meuiman lom geupubuet got Churuga meuhat dudoe geubalah Peutamong bandum dalam churuga Di yup churuga ie krueng dum boh-bah Keukai geuh sinan ngon izin Tuhan Nyang Po dum gopnyan nyang Maha Murah Geumeubri saleum dalam churuga Í Saleum seujahtra narit jroh leupah", "Peue hana taeu pakriban Tuhan Neuboh misalan kalimah taibah Lagee bak kayee nyang leuhu got that Ukheu jih teupat ngon lhok sileupah Cabeungjih manyang keudeh u langet", "Bohjih dum le that han tom meupisah Jeup-jeup kutika jimeuboh di jih Ngon izin Po jih nyang Maha Murah Tapajoh mangat sabe boh kayee Nyan miseu teuntee Tuhan Neupeugah Tuhan boh miseu nyan dum keu insan Jeut keu teuladan jitueng phaedah", "Kalimah jeuheut miseu kayee brok Bacut tek tathok di jih ka reubah Tatarek bacut mantong lam bumoe Uram kayee nyan teubot le bagah Hana meukeumat meu bacut sinan Ureueng meuiman teuma meutuah", "Tuhan peuteutap ureueng meuiman Ngon kalimah nayn kalimah taibah Lam udep donya deungon akhirat Teuma nyang sisat awak seurakah Awak nyang lalem Tuhan peusisat Kheundak Hadharat han ek soe bantah", "Peue hana taeu awak nyang tuka Nikmat nyang raya jipeujeut salah Peurintah Tuhan di jih jituka Keu kaphe teuma jigantoe sudah Ubak binasa jijakba kawom Jih dalam urong sinan jikeubah", "Dalam nuraka jilop dalam lhok Teumpat paleng lhok hana ban peugah", "Charikat Tuhan di jih jipeugot Jijak peusisat dum hamba Allah Mangat bek jijak bak jalan teupat Takheun seunang that jinoe boh di kah Meuseunang-seunang di kah dum jinoe Teumpatkeuh dudoe nuraka juah", "Takheun bak Hamba-Lon nyang meuiman Pubuet seumbahyang deungon seudeukah Bandum raseuki nyang ka Kamoe bri Baten ngon lahe jibri napakah Yoh goh troh watee han jeut bloe-peubloe Rakan tan sidroe pih nyang tem peuglah", "Allah nyang peujeut langet ngon bumoe Neupeutron keunoe ujeun dum boh-bah Sideh di langet Neupeutron ujeun Boh kavee uteun meulimpah ruah Teubiet boh kayee Neubri keu gata Raseuki gata Neubri le Allah Kapai keu gata Tuhan nyang kheundak Mangat jeut jijak u laot luah Je krueng jeut tangui pih kheundak Tuhan", "Uroe ngon buleun pih kheundak Allah Mata uroe ngon buleun jak sabe Hana tom meucre takalon leumah Malam ngon uroe sabe na teuntee", "Peue nyang ta lakee Neubri le bagah Meunyo tabileung dum nikmat Tuhan Abeh pikiran han ek tapeugah i Han ek takira keu nikmat Tuhan Teutapi insan lalem that leupah Nikmat Tuhan bri di jih jikaphe Jikheun hana le nikmat bak Allah", "Watee Ibrahim geukheun bak Tuhan Neubri beu aman wahe ya Allah Tuhanku Neubri aman nanggroe nyoe Lom bandum kamoe bek roh buet salah Lom ngon aneuklon bandum seureuta Bek roh berhala dum kamoe seumah", "Tuhanku le that ka manusia Jipeuceulaka le patong jadah Ka jipeusisat dum manusia i Rakanlon teuma ikot peurintah Nyang tem ikot lon nyankeuh rakanlon Nyang han ikot lon pulang bak Allah Droeneuh Tuhanku Maha Peungampon Lom Droeneuh Tuhan Maha Pemurah", "Wahe Po kamoe aneuk cucolon Sideh lam urong bandum lonkeubah Urong meuanoe hana tumbuhan Hana tanaman sideh di Makkah Bineh rumoh Droeneuh nyang mulia Meuceuhu nama deungon Baitullah Mangat dum jitem pubuet seumbahyang Wahe ya Tuhan Neubri phaedah Neubri meunarek ate dum insan Napsu jak keunan peugot mahabbah Neubri raseuki lom keu awak nyan Boh kayee sinan Neubri meulimpah Mangat jichuko le dum awak nyan", "Wahe ya Tuhan Neuteupue sudah Peue-peue nyang meusom di dalam ate Got pih nyang lahe kamoe peuleumah Hana meusapeue meusom bak Tuhan Lua ngon dalam bandum cit teuhah Peue nyang di bumoe got pih di langet Hana meusapat lupot bak Allah", "Pujoe keu Tuhan ka Neubri keu lon Watee tuhalon na aneuk lidah Lahe Ismael deungon Ishak Ate lon galak hana ban peugah Keubit Tuhanlon teurimong duʻa Peue nyang lonpinta Neukabui sudah", "Tuhanku Neubri lontem seumbahyang Ngon keturunan lon beu meutuah Wahe Po kamoe teurimeng duʻa", "Neu ampon dacha lon le sileupah Ngon dacha ma-ku lon hai Po kamoe Neuampon jinoe bandum na salah Ngon ureueng mukmin bak uroe hisab Uroe akhirat meuhadap Allah", "Bek na tasangka sang-sang di Tuhan Buet awak lalem han Neupeusalah Kon sagai Tuhan han Neupeuduli Tapi cit Neubri watee jih luah Neupeutanggoh jih sampoe troh masa Teuglong dum mata taeu geulisah", "Uroenyan bandum meukarat-karat Mata u langet ulee meutangah Mata han mumet kosong lam ate Hana peue pike buet cit ka leupah", "Beu tapeuingat dum manusia Keu uroe teuka azeub that leupah Awak nyang lalem jikheun uroe nyan Wahe Po kamoe bek Neupeubagah Neubri meutanggoh hana peue trep that Meujak ibadat turot peurintah Peue nyang Droeuneuh yue ngat kamoe pubuet Rasul meuikot peue nyang geupeugah Kon ka lheuh takheun yoh dilee masa Lon han binasa ka tameusumpah", "{Lom pih ka taduek bak teumpat jihnyoe } Nyang elanya droe lalem sileupah Lom pih ka nyata bandum bak gata Pakriban cara jih kamoe balah Ka kamoe peugah lom miseue-miseue Mangat tateupue meunyo buet salah", "Teuma awaknyan jipeugot tipee Padahai tipee keu jih bak Allah Bah that tipee jih ek anco gunong Tapi jih keunong kon keunong Allah", "Nyankeuh bek gata jeut salah sangka j Allah Taʻala janji Neuubah a Nyang ka Neujanji dilee bak Rasul Hana meukabui lagee tapeugah Allah Taʻala Maha Perkasa Maha Kuasa bak Neutueng balah", "Watee meugantoe bumoe ngon laen Langet pih laen bandum ka ubah Meusapat bandum meuhadap Tuhan c Sidroeuneuh Tuhan Perkasa leupah", "Uroe nyan taeu teuma dum kaphe ¿ Bandum meurante hana meupisah", "Aspal peulaken di jih pakaian È Bak muka jihnyan apui hu mirah", "Bandum Neubalah ban nyang usaha Jih dilee masa beunar ngon salah Bagah that Tuhan peugot keunira", "Bak manusia nyoe dum tapeugah i Bandum tapeutroh nyoe ubak insan í Jeut peuringatan mangat bek salah Lom nak jiteupue Tuhan cit sidroe Le barangkasoe ureueng meutuah Lom pih atranyoe jeut keu peuingat Keu soe nyang teupat akai pih ceudah AL-HIJR (HIJIR) Ngon nama Allah lon puphon surat Tuhan Hadharat nyang Maha Murah Tuhanku sidroe geumaseh that-that Donya akhirat rahmat Neulimpah"] }, { "chapter": 15, "versesCount": 99, "verses": ["Alif Lam Ra Tuhan nyang teupue meukeusud ayat Sabab Hadharat hana Neupeugah Nyankeuh dum ayat di dalam kitab Qur'an meuhat nyata trang leupah QUZ", "Kadang cit harok jih roe di kaphe Han ek jitheun le azeub sileupah Adak meu dilee jih ji Iseulam", "Teuma bah meunan jinoe jih mewah Beh le jipajoh meuseunang-seunang Lale jiangan nyang indah-indah Teuma ‘oh dudoe akan jiteupue", "Teuma di kamoe han tom meusalah Meupeubinasa barangri nanggroe Meu katroh sampoe watee jih nyang sah Meu katroh watee nyang kamoe teutap", "Wateenyan meuhat han jeut meuubah Han jeut peudilee han jeut peududoe Umat barangsoe ajai ka sudah", "Jikheun hai ureueng nyang tron Qur’an Ateuh ureueng nyan gata ka parah Gata ka pungo kamoe eu meuhat", "Kon malaikat taba keu hujjah Ba malaikat keunoe bak kamoe Meunyoe beunar nyoe nyang gata peugah", "Malaikat nyan cit kamoe peutron Beunar that meunan kon sagai salah Teuma watee nyan han jeut tanggoh le Bandum si kaphe ka abeh sudah", "Ka kamoe peutron peue nyang tabaca Kamoe nyang jaga bek na soe ubah", "Keubit di kamoe ka kamoe kirem Rasul-rasul dum jak ba peurintah Yoh gohlom gata meukirem meuhat Ubak dum umat masa nyang sudah", "Teuma ‘oh bantroh Rasul ubak jih Jiulok le jih jikheun beurakah", "Sipheut nyan kamoe peujeut bak kaphe Di dalam atejih jipeue beueh", "Di jih nyan bandum han jimeuiman Bah peungalaman jiteupue sudah Pakriban nyang ka yoh masa dilee Akibat teuntee hana peue peugah", "Sangkira kamoe meubuka pinto Langet nyang biru keu jih meupeuhah Hingga jitamong jiek u dalam", "Cit laen macam teuma jipeugah Jikheun gatanyoe ka keunong sihe Matateuh han le ka geupeuubah", "Ka kamoe peujeut sideh di langet Bintang meublet-blet hu meujeureulah Jeut keu hiasan soe ayng eu rupa", "Kamoe plihara teuma bek salah Kamoe plihara bak daya chetan Nyang ka Neurajam jihnyan le Allah", "Meulengkan nyang na nyang jak cue deungo Jilet le cahya hu meujeureulah", "Kamoe leung bumoe meupeudong gunong Tumbuh-tumbuhan lam bumoe luah Meupeugot bandum deungon ukuran", "Jeut penghidupan keu gata mudah Mangat taudep sinan dum gata Meunan cit juga makheuluk Allah Makheuluk laen dum nyang merdeka Nyang kon le gata tabri napakah Di jih raseuki jimita keudroe", "Bandum atranyoe kamoe peurintah Gudang bak kamoe ka meuseudia 3 Meupeutron teuma ube phaedah", "Meukirem angen jeut keu seulangke Mangat kayee gle jimeuboh bagah Sideh di langet Kamoe peutron ie Kamoe bri treuk ie tajep puleh grah Bandum gudang nyan hana bak gata Bak Kamoe sahja ka Kamoe keubah", "Kamoe peuudep Kamoe peumate Han nyang sabe ngon Kamoe Allah Meunan pih Kamoe nyang tueng pusaka", "Nyang dilee masa meuteupue sudah Ureueng nyang dilee ureueng nyang dudoe Bandum meutusoe hana meuilah", "Po gata teuma ek Neupeusapat Ureueng nyan meuhat meuhadap Allah Bijaksana that Droeuneuh nyan sidroe Neuteupue dumpeue hana meuilah", "Ka Kamoe peujeut si manusia Bak tanoh lata kliet ngon meugeutah Tanoh kliet nyang tho ngon leuhop itam Meupeugot ragam hingga jih gagah", "Teuma kawom jen Kamoe peujeut phon Bak apui tutong hu meujeureulah", "Watee Po gata Neukheun amanah Bak malaikat dilee Neupeugah i Ku keumeung peujeut si manusia Bak tanoh lata kliet ngon meugeutah Tanoh kliet nyang tho ngon leuhop itam Ku peugot ragam hingga jih meugah", "Lheuh Ku peugot jih Kupruh ngon nyawong Asai nibaklon ka Iheuh Kukeubah Wateenyan gata bandum tasujud Tabri horomat keu jih le bagah", "Teuma sujud treuk dum malaikat Suroh Hadharat hana geubantah", "Meulengkan iblih sagai nyang han tem Keubit jih laen peurangui jadah", "Kheun Tuhan pakon di kah hai iblih Kasujud bak jih han katem di kah", "Jikheun di lon han lonsujud keunan Sabab jih insan nyang hina leupah Neupeujeut jihnyan bak tanoh leukiet Han lontem sujud sabab jih rendah Tanoh kliet nyang tho ngon leuhop itam Neupeugot ragam hingga jih gagah", "Kheun Tuhan teubiet di kah di sinan Kah keunong rajam batat sileupah", "Paleh lom keu kah sampoe ‘oh dudoe Sampoe ‘oh uroe dum geubri balah", "Jikheun Tuhanku lon Neubri tanggoh Sampoe uroe troh geubangket sudah", "Kheun Tuhan di kah ka geubri tanggoh", "Sampoe uroe troh lagee ka peugah", "Jikheun Tuhanku nyoe lon ka sisat Ka Neupeusisat lon keunong tulah Sabab nyan di lon lonpeujroh keu jih Lonpeugah bak jih donya jroh leupah Lon meungpeusisat insan nyan bandum", "Meulengkan ladom nyang bit ikheulah Nyankeuh hamba Droeuneuh nyang got teupat", "Nyoe jalan teupat Neukheun le Allah Nyoe urusanlon keu droe peuteupat", "Hambalon meuhat han ek kareupah Hana kuasa di kah ateuhjih Meulengkan bak jih nyang tem ikot kah", "Teuma nuraka Kujanji keu jih Keunan bandum jih dudoe Kukeubah", "Dalam nuraka na tujoh pinto Bak jeut-jeut pinto maseng parikah", "Teuma barangsoe ureueng nyang takwa Dalam churuga bandum geukeubah Ie krueng di sinan ie mon meumata", "Tatamong lanja ureueng meutuah Seulamat aman keu bandum gata", "Asoe lam dada ka gleh sileupah Abeh Kamoe boh peunyaket ate Dengki hana le meuube seupah Meuhadap-hadap duek ngon chedara Bandum gembira ateuh peuratah", "Hana meureuoh hana hek keubit Tan geupeutubiet sinan geukeubah", "Jak leh tapeugah bak dum hambaLon Lon that Peungampon ngon that Pemurah", "Teuma azeub Lon azeub peudeh that Hana meusiat jeut piyoh payah", "Tapeugah haba ubak awaknyan Jamee Ibrahim masa nyang sudah", "‘Oh ban troh jamee tamong bak gopnyan Geumeubri saleum keu gopnyan bagah Seuot Ibrahim kamoe teumakot", "Bek hai neutakot jamee dum peugah Haba gembira kamoe ba keunoe Aneuk agam droeuneuh alem leupah", "Geukheun na patot gembira keu lon Watee umulon ka tuha leupah Pakrinyan takheun haba gembira", "Kheun jamee teuka nyoe kon beurakah Haba sibeunar lonba bak gata Bek putoh asa gata meutuah", "Kheun Ibrahim soe nyang putoh asa Mungken si buta nyang sisat leupah Han putoh asa bak rahmat Po jih Meunyoe kon ka jih sisat sileupah", "Geukheun lom peue lom urusan gata Hai jamee teuka utusan Allah", "Kheun jamee kamoe Neuyue jak keudeh Bak kawom paileh sisat sileupah", "Laen nibak Luth ngon kawom gopnyan Bandum awaknyan ka Kamoe keubah Bandum binasa laen nibak Luth Ngon nyang ikot Luth nyang Kamoe peuglah", "Teuma peureumohgeuh Kamoe kada Karoh binasa lam kawan salah", "‘Oh ban troh rasul ubak Luth keunan", "Geukheun di lon han lonteusoe peugah Hana lonturi bandum na gata", "Kheun jamee teuka hana peue salah Kamoe nyoe teuka meuba peunyaket Nyang jikheun sulet watee tapeugah", "Meuba keu gata haba nyang beunar Kamoe nyoe beunar peue nyang meupeugah", "Tajak ngon kawomteuh euntreuk malam Dilikot kawom gata talangkah Bek na meusidroe nyang ngieng u likot € Tajak taturot peue kamoe peugah", "Ka Kamoe wahyu keunan bak gopnyan Urusan jihnyan ka teutap sudah i Bak watee suboh bandum jih abeh Saba that paleh jipubuet salah", "Awak lam keuta seunang that ate Keunan jijak le bak Luth meutuah", "Kheun Luth uroenyoe bandum jameelon Bek peumalee lon tapeugot salah", "Bandum na gata takwa keu Tuhan Bek peuayeb lon kawom meutuah", "Jikheun kon ka lheuh kamoe tham gata Ureueng nyang teuka bek tapeusiblah", "Kheun Luth jehpat dum aneuk daralon Ka izin bak lon jeut tapeurintah", "Demi umuteuh bandum awaknyan Tan le pikiran ka mabok leupah ‘", "Teuka geulanteue ban teubiet uroe Bandum awaknyoe teukeujet susah", "Kamoe peubalek nyang ateuh uyup Umat nabi Luth ka keunong tulah Ngon batee sijjil Kamoe rhom jihnyan Lagee ujeun tron dum le sileupah", "Bandum nyan tanda cit kon peue laen Keu ureueng nyang tem jitueng phaedah", "Peue nyang terjadi bandum atranyan Bak jalan aman saboh daerah", "Bandum nyan tanda cit kon peue laen Keu ureueng nyang tem iman keu Allah", "Awak di Aikah keubit lalem that", "Hana meutrep that Kamoe tueng balah Nanggroe nyan dua cit bineh jalan Rame disinan dum lalu lintah", "Awak di Hijir pih keubit batat É Jikheun sulet that dum Rasul Allah", "Kamoe bri keu jih dum ayat Kamoe Jikheun atranyoe hana phaedah y Jibeudoh laju jijak ho laen Muka jipaleng jibalek arah", "Awaknyan teuma jikurek gunong d Keunan jitamong han jeut keu susah Jikurek gunong jipeugot rumoh Udepjih manyoh aman that leupah", "Bak watee suboh teuka geulanteu Abeh jih dumpeue binasa sudah", "Hana guna le bandum usaha Nyang ka jipuga ngon susah payah", "Kon Kamoe peujeut langet ngon bumoe P Bandum ngon asoe teusia payah € f Meulengkan beunar cit na hikeumat Uroe kiamat teuma tan salah Han jeut han teuka uroe kiamat Teuma cit got that jih tapeumeuʻah", "Keubit Po gata nyang peujeut dumpeue Neuteupue dumpeue hana meuilah", "Ka lheuh Kamoe bri keu gata ayat c Tujoh boh meuhat sabe tapeugah Teuma Qur’an nyang that-that raya", "Bek roe di gata harok keu salah Harok seunang that keu udep donya Meublek-blek mata taeu jih meugah Le that awak nyan taeu lam seunang Di gata hai nyan teuma bek susah Keu ureueng mukmin teuma di gata Tapeumulia droe tapeureundah", "Takheun ulon nyoe ureueng peuingat Lon bri amanat nyang trang sileupah", "Lagee yoh dilee awak weuk kitab Nyang ladom kitab di jih jikeubah Ka Kamoe peutron bala dum keu jih", "Qur'an di jih jiweuk jipisah", "Demi Po gata cit Kamoe tanyong Bandum atranyan beu ek jipeuglah", "Peue nyang jipubuet bandum meutanyong", "Tapeugah beutrang jinoe peurintah Peugah beutrang-trang peue geuyue gata Muchrek ceulaka bek that taindah Tapaleng muka bak awak muchrek", "Kamoe poh balek soe nyang peu beueh Soe nyang keu gata jiulok-ulok", "Di jih dum jicok Tuhan kon Allah Tuhan nyang laen di jih jipakoe Jiteupue dudoe teuma nyan salah", "Kamoe meuteupue dadateuh picek Sabab meubalek peue nyang jipeugah", "Teuma teuseubeh takheun di gata Pujoe Po gata nyang Maha Murah t Tasujud bandum pubuet ibadat", "Po gata meuhat sidroe taseumah s Sampoe troh ajai taseumah Tuhan Tayakin meunan bek na meuubah"] }, { "chapter": 16, "versesCount": 128, "verses": ["Putusan Tuhan ka teuntee teuka Teuma bak gata talakee bagah Maha suci Neuh ngon Maha Manyang Charikat Tuhan jioh sileupah", "Neujok peurintah bak malaikat Geujakba ligat bak hamba Allah Soe nyang h‘eut Tuhan keunan geuintat Haba peuingat geuyue jak peugah Tan Tuhan laen meulengkan Lonnyoe Takwa jinoe keu Lon beu bagah", "Tuhan nyang peujeut langet ngon bumoe Sibeunar that nyoe buken beurakah Maha suci Neuh nibak charikat Kon sagai meuhat lagee jih peugah", "Neuepeujeut insan bak ie sititek Teuma jibalek jeut musoh leupah í Musoh that nyata di jih keu Tuhan", "Bandum binatang peuneujeut Allah Binatang ternak raya munaphaʻat Tuhan Hadharat Neupeujeut sudah Bulee jih suuem lom guna laen Tapajoh dageng mangat sileupah", "Watee tapeulheuh jijak uluwa ‘Oh jiwoe teuma takalon indah", "Jime ngon awih nyang brat bak taba Watee teubongka jioh talangkah Tame u nanggroe nyang pueh bak tajak Nanggroe pih jarak susah ngon payah Bit Tuhan gata sayang keu hamba Lom Tuhan gata Maha Pemurah", "Guda ngon baghal keuleudee teuma Keu kandran gata ho nyang talangkah Lom pih Neupeujeut jih keu hiasan Neupeujeut laen lom le that leupah Nyang tan tateupue laen Neupeujeut", "Lom hak Neupeujeut jalan bek salah Na jalan teupat nyang ladom ceukok Meunyoe Neukheundak bandum jroh leupah Bandum na gata ek Neupeutunyok Meunyoe Neukheundak meunan le Allah", "Sideh di langet Neupeutron ujeun Tajep ie bandum mangat puleh grah Ijo on kayee bak tageumeubeu Leumo ngon keubeu pih seunang leupah", "Tanam-tanaman timoh keu gata Zaitun kuruma anggor nyang mirah Boh kayee laen pih le that macam Soe-soe nyang tem pham jitueng phaedah Soe nyang tem pike jeut tanda dumnyoe", "Malam ngon uroe peuneujeut Allah Lom mata uroe buleun ngon bintang Urusan Tuhan bandum Neuulah Sinoe pih bandum cit jeut keu tanda Keu kawom nyang na akai nyang ceudah", "Lom nyang Neupeujeut laen di bumoe Meumacam bagoe warna nyang indah Sinoe pih bandum cit jeut keu tanda Keu soe nyang suka jitueng phaedah", "Teuma lom Tuhan Neupeujeut laot Tapajoh eungkot udep ngon basah Lom tapeuteubit sinan hiasan Tangui pakaian nyang indah-indah Takalon kapai meumacam bagoe Meulayeu keu droe jih leupah bagah Ngon nyan tamita karonya Tuhan Chuko keu Tuhan beu le that leupah", "Neutiek lom gunong dum dalam bumoe Teudong jih keudroe han soe peureubah Krueng dum jalan dum tatueng munapha‘ʻat", "Lom ngon alamat di alam luah Ngon alam bintang jìtuho jalan", "Ek sa nyang laen teuma ngon Allah Nyang peujeut dumpeue ngon nyang tan peujeut Peue saban sipheut tacuba peugah Peue hana tatueng sinan ibarat", "Takalon nikmat han ek tailah Meunyoe tabileung dum nikmat Tuhan Abeh pikiran han ek tapeugah Han ek takira keu nikmat Tuhan Bahle barangban tamita ilah Keubit roe Tuhan Maha Pengampon Lagi pih Tuhan Maha Pemurah", "Tuhan Neuteupue peue-peue nyang tasom Leubeuh-leubeh lom nyang tapeuleumah", "Teuma nyang jikheun le dum awaknyan Tuhan jih dumnyan nyang buken Allah Di jih meusapeue hana jipeujeut Jih pih gop peujeut jipheut jitarah", "Atranyang mate pih hana udep ò Pajan geubangket pih hom jipeugah", "Nyang Tuhan gata cit Tuhan sidroe Teuma barangsoe iman ka salah Han jimeuiman uroe akhirat Atejih meuhat ingkar keu Allah Jihnyan teukabo jipeuraya droe", "Hana cheok jihnyan akan geubalah Tuhan Neuteupue peue-peue nyang disom Leubeh-leubeh lom nyang jipeuleumah Hana Neugalak ureueng teukabo", "Narit meutajo watee jipeugah Watee geutanyong peue Tuhan peutron f Cit laju jikheun haba beurakah Nyan haba dongeng ureueng nyang dilee", "Jitanggong teuntee peue nyang jipeugah Jime dachajih uroe kiamat € Bandum cit lengkap lom na geutamah Dacha gob laen nyang jih peusisat Ateuh jih meuhat dum geubeureukah Jiikot dum jih ngon tan ‘eleumee Meuhat jih teuntee nyang bayeu upah Taingat brok that dacha jipubuet Jime ube buet teuma ka salah", "Ureueng nyang dilee nibak awak nyan Buet dum ureueng nyan jeuheut that leupah Neupeuanco treuk teuma le Tuhan Rumoh awaknyan bak tameh bawah Rhot treuk ngon bubong ateuh awak nyan Teuka keu jihnyan azeub that leupah Í Hana jithee-thee ka teuka azeub", "Uroe kiamat jih lom Neubalah p f Neupeuayeb jih uroe kiamat Neukheun charikatkeuh ho dum di kah Tuhan charikat ka peusa ngon Lon Hingga Rasul Lon bandum kabantah Di kah kabila tuhan charikat Teuma kheun ligat le ureueng ceudah Kheun ureueng ceudah nyang na ‘eleumee Ayeb ngon malee keu kaphe jadah Uroenyoe ayeb jeuheut keu kaphe", "Sabab jih sabe lalem that leupah Troh malaikat watee jih maate Lalem jih sabe hana meuubah Wateenyoe jikheun ngon jipeujok droe Hana dì kamoe meupubuet salah f Peue kakheun hana Tuhan Neuteupue Bandum barangpeue nyang dilee buet kah", "Tamong keudeh lam pinto nuraka Keukai simasa di sinan di kah Teumpat nyang brok that keu soe teukabo Sabab teukabo raya that salah", "Ureueng takwa watee gop tanyong Peue Tuhan peutron geukheun jroh leupah Soe nyang pubuet got dalam donya nyoe Keu gopnyan dudoe pih got that leupah Nanggroe akhirat keubit leubeh that Sinankeuh teumpat ureueng meutuah Nanggroe paleng got keu ureueng takwa", "Nyankeuh churuga ‘adnen nyang indah Geutamong laju keunan ureueng nyan Te krueng di sinan ile dum boh-bah Je krueng dum ile di yup churuga Peue-peue nyang hawa geucok le bagah Meuna Neubalah Allah Taʻala Keu soe nyang takwa turot peurintah", "Troh malaikat ubak ureueng nyan Geukalon gopnyan lam jroh sileupah z Geukheun dum saleum keu gata bandum Tatamong dalam churuga indah Sabab yoh dilee ka tausaha", "Teuma ceulaka ureueng nyang salah Peue jipreh di jih troh malaikat Got pih troh ligat keu jih musibah Azeub Po gata teuka ubak jih Dilee nibak jih pih ka Iheuh sudah Awak nyang dilee jidarohaka Kon Neuelanya jihnyan le Allah Tapi jih lalem jielanya droe", "Jirasa jinoe azeub that leupah Sabab buet jeuheut dilee jipubuet Bandum buet nyang got cit jipeubeueh Sira jipeukhen jiulok-ulok Jinoekeuh jicok meunan beunalah", "Kawom musyrikin lom jikheun meunoe Bandum buet kamoe cit kheundak Allah Meunyoe Neukheundak laen le Tuhan Han roe peue laen nyang kamoe seumah À Meunan pih dilee dum ayah kamoe Bandum na kamoe meuseumah Allah Han Neupeuhareuem pih barangkapeue Meu kon kheundak nyoe ka nibak Allah Lagee nyan cit buet awak nyang dilee Jipeugah lagee macam jiilah Teuma di Rasul kon na peue laen Geupeutroh mantong beu trang geupeugah", "Ka Kamoe bangket bak jeut-jeut umat Rasul meuintat jakba peurintah Taseumah Tuhan peujioh thaghut Berhala han jeut sagai taseumah Nyang laen ureueng Tuhan peutunyok Nyang ladom jicok teuma nyang salah Ureueng nyan teuntee ka roh lam sisat Ka Neupeuteutap meunan le Allah Teuma tajak le di dalam bumoe Takalon jinoe pakriban ulah Pakri akibat ureueng peusulet Jipeugah sulet dum Rasul Allah", "Meunapsuteuh that peutunyok keu jih Atranyan di jih ka sisat leupah Han Neupeutunyok nyang Neupeusisat Uleh Hadharat meunan Neupeugah Han ek soe tulong pih le keu jihnyan", "Dilee hana ban ka jimeusumpah Demi tuhanjih meusumpah keubit Hana Neubangket dudoe le Allah Hana Neubangket ureueng nyang mate Tapi nyan janji ka Iheuh Neupeugah Teuma beunar that roe janji Tuhan Teuma le insan nyang jipeubeuoh Le manusia hana jiteupue", "Mangat atranyoe Neupeutrang leupah i Peue nyang jiragu jipeudong dawa 4 Allah Taʻala bandum Neupeugah Mangat jiteupue lom le si kaphe Naritjih kon le sulet sileupah", "Teuma di kamoe sep narit sikrak Peue nyang meukheundak cit jeut le bagah Meukheun \"kun\" mantong kah beujeuet laju Ka keuh jeuet laju hana meupayah", "Ureueng hijeurah lheuh jielanya Geuweh ulua karena Allah Di dalam donya Kamoe bri teumpat Ureueng nyan meuhat ureueng meutuah Kamoe bri jroh that di dalam donya Leubeh lom raya pahla meukeubah Meunyoe jiteupue pahla akhirat Nyan nyang leubeh that raya sileupah", "Ek that geusaba bandum ureueng nyan Ubak Po gopnyan droeugeuh geuseurah", "Rasul meukirem sigohlom gata Ureueng lam keuta duson nyang mudah Kamoe bri wahyu ubak ureueng nyan Teuma tatanyong bak ureueng ceudah Tatanyong meuhat bak ureueng teupue Nyang tan tateupue bek malee babah", "Geuba nyang nyata dum ayat-ayat Geuba ngon kitab dum suroh Allah Teuma keu gata ka Kamoe peutron Nyoekeuh Qur'an nyang trang that leupah Mangat tapeutrang bak manusia Peue nyang geuyue ba dumna peurintah Lom pih bandum jih mangat jipike", "Peue teuma ase keu awak salah Ek teuma aman soe pubuet jeuheut i Bumoe Neupeurhup keu jih le Allah Atawa azeub keu jihnyan teuka Hana jirasa teuka musibah", "Got Neubri azeub teungeh jijak-jak Han ek jitulak meukarat leupah", "Got pih Neuazeub jih bacut-bacut Sira teumakot jih sabe susah Teuma Po gata sayang keu hamba Neuh lom Po gata Maha Pemurah", "Peue hana jieu makheuluk Tuhan Nyang bak bubayang linuet sang reubah U uneun u wie meulingiek linggang Leumoh bubayang sujud bak Allah Hana teukabo droe jipeumiyup", "Bandum jisujud keudeh bak Allah Peue nyang meulata sideh dilanget Bandum jisujud hana jibantah Peue nyang meulata sinoe di bumoe Saban lagee nyoe sujud bak Allah Dum malaikat sujud meululu Hana teukabo meuube seupah", "Bandum teumakot keu Tuhan gopnyan Di ateuh gopnyan kuasa leupah Peue nyang Tuhan yue geupubuet laju Tan meu sigitu lawan peurintah", "Neukheun le Tuhan bek dua tuhan Sep sidroe Tuhan mantong taseumah Beu na tatakot keu Lon nyoe sidroe", "Langet ngon bumoe cit milek Allah Peue nyang di langet ngon nyang di bumoe Agama teuh nyoe sabe keu Allah Keu peue tatakot nyang buken Tuhan", "Dum nikmat Tuhan cit le sileupah Bandum na nikmat nyang na bak gata Asai jih teuka sideh bak Allah ‘Oh watee gata teuka meularat Bak Tuhan meuhat talakee beuglah", "‘Oh lheuh Neupeuglah meularat gata Lam kawan gata ka na nyang salah Jipeucharikat laju keu Po jih Meularat di jih sabab ka leupah", "Peue nyang Kamoe bri ka keuh jikaphe Han jiingat le sabab jih ka glah Meuseunang-seunang leh di kah siat ‘Oh dudoe meuhat ka teupue di kah", "Nyang jiseumah nyan hana jituri Tapi na bahgi keu jih jikeubah Raseuki nyang ka Kamoe bri keu jih Nyang ladom keu jih ka jipeusiblah Demi nyoe Tuhan kapeuna-peuna Geutanyong teuma bandum nyan buet kah", "Jipeugah Tuhan na aneuk inong Di jih han jitueng hina jipeugah Di jih na laen nyang galak droejih", "Meu inong di jih malee jih leupah Meunyoe roh lahe aneukjih inong Mukajih itam jitheun amarah", "Jisom droe malee jih bak kawomjih Sabab aneukjih hana meutuah Jikeubah aneuk jitanggong hina Atawa jiba dalam tanoh crah Jitanom sinan mangat bek malee Nyan beuna tathee buet brok sileupah", "Nyang tan meuiman akan akhirat Sipheut jih brok that hana ban peugah Teuma sipheut got suci ngon manyang Nyan sipheut Tuhan nyang Maha Murah Droeuneuh keuh Tuhan Maha Perkasa Ngon bijaksana Neuh areh leupah", "Meunyo Neuhukom insan le Tuhan Sabab jih lalem jipubuet salah Ka keuh han sapeue Neutinggai sinoe Di ateuh bumoe dum abeh sudah Teuma di Tuhan cit Neubri tanggoh Ajai gohlom troh nyang ka Neukeubah Meu ka troh ajai han jeut tanggoh le Hanjeuet peu akhe meu saboh saʻah Han jeuet peudilee meunan cit lagi Watee Kamoe bri han jeuet meuubah", "Teuma awak nyan peue nyang jibenci Atranyan jibri di jih keu Allah Lidahjih sulet jikheun droe jih got ‘Oh dudoe that got keu jih geubalah Hana peue tachok bandum jih teuma Dalam nuraka jitamong bagah", "Demi nyoe Tuhan ka kamoe kirem Ubak dum kawom masa nyang sudah Dum Rasul-rasul yoh gohlom gata Teuma jidaya kawom seurakah Chetan jak daya teuma kawom nyan Jikheun buet jihnyan keubit that indah Jeuet treuk uroenyoe walijih chetan Azeub keu jihnyan peudeh sileupah", "Kitab nyang Kamoe peutron keu gata Nak tapeunyata beunar ngon salah Peue nyang jiragu jipeudong dawa Jeut tapeunyata bandum tapeugah Jeut keu peutunyok lom jeut keu rahmat Keu bandum umat iman keu Allah", "Tuhan nyang peutron ujeun di langet Kaycee dum udep bumoe ka basah ‘Oh lheuh barokon ka mate bandum ‘Oh teuka ujeun udep jroh leupah Soe nyang tem deungo cit jeut keu tanda Tuhan kuasa hana ban peugah", "Binatang ternak nyang taplihara Sinan pih nyata tatueng phaedah le dalam pruet jih meubri keu gata Susu keulua lam ruweung darah Antara darah deungon kotoran Ie susu sinan teubiet gleh leupah Soe nyang jep mangat lom jeut ibarat", "Boh kayee meuhat pih le phaedah j á Kuruma anggor tapeugot sinan Jeut keu minuman mameh sileupah Raseuki nyang got sinan pih tanda Keu ureueng nyang na akai nyang ceudah", "Bak unoe wahyu nibak Po gata ¢ Keudeh lam rimba kajak leh di kah Bak gunong-gunong kapeugot rumoh Udep dum timoh cong kayee meugah Teuma bak panteu peuneugot insan", "Mita makanan teuma le bagah Dumna boh kayee di kah makanan Beudoh berjalan mita napakah c Di sinan jalan di kah terbuka s Jalan Po gata unoe meutuah Teubiet minuman dalam pruet unoe Meubagoe-bagoe warna jiulah Nyang jeut keu ubat keu manusia Puleh jih sigra sehat sileupah Sinan pih tanda keu soe nyang pike Tuhan that ade ngon Maha Murah", "Bandum na gata cit Tuhan peujeuet ‘Oh Iheuh nyan wapheut Neubri le Allah ' Teuma nyang ladom umu jih panyang i Tapi ka hilang akai nyang ceudah Ka meuwoe manyak han le jiteupue Peue nyang jiteupue masa nyang sudah Keubit cit Tuhan Neuteupue bandum Lagi pih Tuhan kuasa leupah", "Tuhan peuleubeh nyang ladom gata Neubri areuta raseuki mudah Teuma nyang leubeh pih han jitem bri Ladom raseuki keu ureueng susah c Keu namiet jih dum pih han jitem bri Saban roh bahgi jihnyan bak Allah Peue jih jiungki keu nikmat Tuhan Han jipeuesaban jibri napakah", "Tuhan nyang peuejeuet dum judo gata Nibak droe gata bandum Neuulah Neupeujeuet aneuk bak judo teuhnyan Cuco lom sinan rame sileupah Neubri raseuki teuma keu gata Nibak areuta nyang indah-indah Pakon jiiman di jih nyang bateue Teuma jilingkeue lom nikmat Allah Han jiingat le keu nikmat Tuhan", "Nyang bukon Tuhan di jih jiseumah Di langet bumoe tan sapeue di jih Raseuki keu jih tan na jikeubah Meu sapeue di jih hana kuasa", "Teuma bek gata roh dalam salah Bek peucharikat gata keu Tuhan Bek tapeusaban dumnyan ngon Allah Di gata bandum hana tateupue Tuhan nyang teupue beunar ngon salah", "Neupeugot miseu namiet le Tuhan Budak beulian ureueng nyang rendah Hana sapeue na dijih kuasa Ngon ureueng kaya raseuki mudah Raseuki nyang jroh nyang ka Kamoe bri Atranyan geubri dum keu seudeukah Got lam rahsia got lahe nyata Boh teuma ek sa tacuba peugah Tapi le that jih hana jiteupue Sigala pujoe meuwoe keu Allah", "Tuhan boh miseu lom na dua droe Ureueng nyang sidroe han jeut seumeugah Han jeut jimarit klo deungon bisu Tayue peulaku han sapeue keumah Nyang na brat mantong keu ureueng po jih Sapeue tan di jih nyang na phaedah i Ho nyang geuyue jak kon got jipeuwoe Ek saban jihnyoe ngon nyang meutuah Peue sa jihnyoe ngon ureueng yue ade Lom geujak sabe bak jalan Allah Sabe di gopnyan bak jalan teupat Hana tom sisat ho nyang geuarah", "Gaeb di langet deungon di bumoe Bandum atranyoe cit milek Allah Teuka kiamat sigo klip mata c Ban tanjo teuka ka abeh sudah Atawa leubeh bagah nibaknyan Dumpeue cit Tuhan kuasa leupah", "Tuhan peutubiet gata lam pruet ma Teuh sapeue hana tateupue peugah Hana meusapeue pih na tateupue Tadeunge dudoe watee ka teuhah Neupeujeut alat tadeunge meusu Takalon laju teuma ka leumah Neupeujeuet ate ngon tatosuwoe Mangat tachuko teuma keu Allah", "Peue hana jieu cicem teureubang Keudeh lam awan troh jipho bagah Tuhan nyang theun jih bek rhot u bumoe Leumah cit sinoe kuasa Allah Bandum atranyan cit jeut keu tanda Keu kawom nyang na iman keu Allah", "Tuhan nyang peujeut teumpat keu gata ; Di rumoh gata tapeugot indah $ Kulet binatang ladom keu rumoh Hana that meh-moh phui that sileupah Watee tajak-jak got hana tajak Mangat bak tagrak hana meupayah Bulee keubiri ngon bulee unta Lom laen teuma tatueng phaedah Peugot peukakah di rumoh tangga Pakaian gata pih dang-dang beukah", "Lom Tuhan peujeut keu gata reului Gata jeut deurui tapiyoh payah Neupeujeut di gle teumpat tapiyoh Ngon tatop tuboh pakaian indah Í Ngon tatop badan bak tutong uroe Lom bajee beusoe dalam prang bicah À Bek luka tuboh gata dalam prang Nyan nikmat Tuhan cukop that leupah Nikmat nyan Neubri bandum keu gata Mangat dum gata jok droe bak Allah", "Teuma meunyoe jih mantong jipaleng Hana cit jitem ban gata peugah Ka keuh di gata tapeutroh mantong", "Sabab jih carong jibalek surah Jiteupue bandum nayn nikmat Tuhan Meu bacut pih tan di jih jipapah Dum nikmat Tuhan hana leumah le Nyang le jih kaphe sisat sileupah", "Uroenyan teuma bak jeut-jeut umat : d Kamoe yue bangket saksi nyang ceudah Han le geuizin keu awak kaphe Ampon hana le jeut lakee meuʻah", "Ban jieu azeub dum le silalem Peuphui han geutem meu beube seupah í Tanggoh hana le bandum watee nyan", "nyang muchrek yohnyan meunyeusai teulah f ‘Oh ban jikalon tuhan charikat 5 Jingadu ligat bak Tuhan Allah Wahe Po kamoe nyoekeuh awaknyoe Charikat kamoe dilee meuseumah Kon Droeuneuh dilee kamoe kheun Tuhan Nyankeuh awaknyan tuhan meupeugah Suot awak nyan sulet dum gata", "Bandum jih teuma tundok bak Allah A Jok droe bak Tuhan bandum uroenyan Atra nyang laen ka abeh sudah Atra nyang dilee jipeuna-peuna Han meuhoka tan le meubeukah", "Awak nyang kaphe jitham gop laen Mangat geupaleng bak jalan Allah Han jibri geujak bak jalan teupat Kamoe bri azeub nyang brat sileupah Di ateuh azeub meubri lom azeub Sabab jih jeuheut raya that salah", "Nyankeuh uroenyan bak jeut-jeut umat Kamoe yue bangket saksi nyang ceudah í Saksi nyan teuma lam kawan droejih Geupeugah hai jih jipubuet salah Di gata saksi keu bandum gopnyan Lam kitab cit trang mangat tapeugah Kitab nyang Kamoe peutron keu gata Di sinan nyata bandum peurintah Lom pih peutunyok ureueng Iseulam Rahmat bak Tuhan ngon seunang leupah", "Keubit di Tuhan Neuyue beu ade Pubuet got sabe ngon bri napakah Kawom keurabat wajeb tatulong Teuma Neularang nibak buet salah Keuji ngon mungkar lom darohaka Bandum nyan dacha wajeb takeubah Nasehat Neubri uleh Hadharat Mangat teuingat teuh bek roh salah", "Janji ngon Tuhan bek na meuleset Meu ka tajanji han jeut taubah ‘Oh tameusumpah bek tapeubateue Bek roh talingkeue takheun nan Allah Jaminan Tuhan ka lheueh tapeukong Bek takheun mantong bak buet teuh salah Peue nyang tapubuet Tuhan Neuteupue Hana meusapeue pih na meuilah", "Bek roe jeut gata lagee si inong Nyang jirheut beuneung ‘oh lheuh kong leupah Beuneung nyang kong that abeh meuc‘uet-c'uet Bandum ka jirheut hana jikeubah Meunan keuh sumpah meunyo ka taboh Abeh dum reuloh anco ngon bicah Ka jeut keu alat tatipee rakan Sabab golongan teuh sang le leupah Nyan dum ujian Tuhan keu gata Dudoe cit nyata beunar ngon salah Uroe kiamat Tuhan peunyata Peue nyang le gata tameuparikah Peue nyang yoh dilee tapeugot dawa", "Di Tuhan teuma cit ka Neupeugah Meunyoe Neukheundak Neupeujeut gata Keu saboh bangsa hana meupisah Tapi soe nyang h‘eut Neuh Neupeusisat Lom pih soe nyang h‘eut Neubri hidayah Neubri peutunyok bak jalan nyang got Teuma peue nyang buet gata han leupah Geutanyong bandum peue nyang tapubuet Tatanggong jaweub beunar ngon salah", "Bek roh tapeugot sumpah gatanyan Ngon tipee rakan teuh tameusumpah ‘Oh lheuh cot tadong meusireuk gaki Teuh jeut treuk bahgi teuh brok sileupah Tarasa azeub sabab tajak tham Gop dum bak jalan nyang suroh Allah Azeub raya that keu gata geubri", "Bek peubloe janji deungon yum murah Bek peubloe janji gata ngon Tuhan Peue nyang bak Tuhan cit got that leupah Meunyoe tateupue got that keu gata", "Peue nyang bak gata gadoh le bagah Peue nyang bak Tuhan keukai jeut masa Keu ureueng saba cit Kamoe balah Kamoe bri pahla teuma nyang got that Sabab buet got that masa nyang sudah", "Soe nyang pubuet got agam ngon inong Lom jimeuiman di jih keu Allah Kamoe bri udep keu jih nyang got that Pahla lom meuhat keu jih meubalah Leubeh got nibak peue nyang jipubuet", "Teuma ‘oh tabeut lakee bak Allah Talakee lindong bak daya chetan Nyang keunong rajam di jih bak Allah Takheunnyan watee tabeut Qur’an", "Nyan daya chetan cit ek tateugah Han ek jidaya ureueng meuiman Geujok droe gopnyan keudeh bak Allah", "Nyang ek jidaya nyang rakan ngon jih Nyang jitem tueng jih jeut keu khaliphah Lom pih awak nyang tem peucharikat Jih ngon Hadharat nyang Maha Murah", "Meunyoe di Kamoe meugantoe ayat Ngon laen ayat nyang leubeh indah Tuhan Neuteupue peue nyang Neupeutron 3 Di jih cit jikheun keu gata salah Jikheun keu gata tapeuna-peuna Atra nyang han meunan jipeugah Tapi le that jih nyang tan jiteupue", "Takheun atranyoe tron nibak Allah Jibrail peutron nibak Po gata Sibeunar nyata kon sagai salah Neupeukong ate ureueng meuiman Lom keu ureueng nyan peutunyok Allah Haba gembira lom keu barangsoe Nyang tem peujok droe keudeh bak Allah", "Kamoe meuteupue jikheun keu gopnyan Na ureueng laen meunan jipeugah Jijak peureunoe geuh le ureueng nyan Padahai gopnyan meulaen lidah Lidah ureueng nyan kon bahsa Arab Nyoe bahsa Arab nyata that leupah", "Soe nyang han pateh keu ayat Tuhan Keu ureueng nyan tan peutunyok Allah Keu jihnyan teuma azeub peudeh that", "Jipeugah sulet bandum peurintah Nyang hana sulet nyankeuh awaknyan Nyang han meuiman keu ayat Allah Nyankeuh awaknyan awak nyang sulet", "Teuma nyang keubit kaphe keu Allah 1 Barangsoe kaphe lheuh jimeuiman Muruka Tuhan keu jih that leupah Meulengkan ureueng nyang bit jipaksa Iman geuh teuma hana meuubah Lam ate gopnyan teutap meuiman Ureueng nyang meunan hana meusalah Tapi nyang peuhah dada keu kaphe Hana jitem le iman keu Allah Ureueng nyan teuma muruka Tuhan Azeub keu jihnyan raya sileupah", "Sabab awaknyan galak keu donya Akhirat hana di jih jipapah Han Neupeutunyok teuma di Tuhan Barang roe insan kaphe keu Allah", "Awaknyan ka Iheuh Neucap le Tuhan Lam ate jihnyan ureueng nyang salah Geulinyueng mata di jih meucap O Ureueng lale that teuwo keu Allah", "Hana peue tachok awaknyan meuhat Uroe akhirat rugoe that leupah", "Teuma Po gata peulindong hamba ‘Oh Ihueh sengsara jijaK hijeurah Berjuang teuma ngon that jisaba Uleh Po gata Neubri meutuah Keubit Po gata Maha Peungampon Lagi pih Tuhan Maha Pemurah", "Uroenyan teuma bandum bila droe Laen barangsoe han ek jipeuglah Ban nyang jipubuet meunan keuh jumba Han geuelanya jih meube seupah", "Neupeugot miseu saboh le Tuhan Nanggroe nyang aman teunang that leupah Bak jeut-jeut teumpat raseuki teuka Udep gembira raseuki mudah Teuma jikaphe keu nikmat Tuhan Neubri treuk keunan teuka musiabh Deuk ngon teumakot jeut keu pakaian Nyan keuh balasan sabab ka salah", "Ka teuka Rasul ubak awaknyan Jikheun keu gopnyan sulet sileupah Neubri treuk azeub le Tuhan keu jih Sabab lalem jih jipubuet salah", "Teuma tapajoh bandum raseuki j Nyang ka Tuhan bri nyang haleue leupah i Makanan nyang got Neubri keu gata Tachuko teuma keu nikmat Allah Meunyoe taseumah Tuhan Hadharat Tachuko beu that bek na meuilah", "Nyang Neupeuhareum sagai le Tuhan Keu gata bandum bangke ngon darah Teuma lom sie bui deungon binatang Nyang tasie bukon ngon Nama Allah Teuma barangsoe nyang ka meularat Bek peugot-peugot bek leupah-leupah Nyan teuma Tuhan Maha Pengampon Lagi pih Tuhan Maha Pemurah", "{Bek takheun sulet ngon lidah gata } Takheun nyan atra haleue sileupah g Takheun nyoe haleue takheun nyoe hareuem f Atranyan bandum sulet that leupah Tapeuna-peuna sulet keu Tuhan Ureueng nyang meunan raya that salah Hana meuuntong hana bahgia", "Seunang di donya cit meube seupah Seunang di donya keu jihnyan bacut ‘Oh Iheuh nyan azeub peudeh sileupah", "Ka Kamoe peugah haba Yahudi Nyang hareuem meubri dilee meukisah Teuma kon Kamoe elanya jihnyan 2 Tapi jih keudroe elanya leupah Jielanya droe jipubuet lalem", "<Teuma na laen meu kon that salah Nyang pubuet salah hana jiteupue > Jisangka jihnyoe hana meusalah Ú ‘Oh Iheuhnyan teuma laju jitoubat Jipubuet buet got deungon ikheulah Teuma Po gata keu ureueng meunan Maha Pengampon lagi Pemurah", "Keubit Ibrahim umat nyang taʻat Pubuet ibadat sunggoh sileupah Han tom na Tuhan geupeucharikat Tapi geutaʻat deungon ikheulah", "Sabe geuchuko keu nikmat Tuhan Neupileh gopnyan teuma le Allah Neutunyok gopnyan bak jalan teupat", "Kamoe bri teumpat nyang got that leupah 3 Kamoe bri got that gopnyan lam donya Akhirat teuma hana peue peugah Ureueng nyang saleh nanggroe akhirat", "Taikot ligat gopnyan beubagah ; Kamoe bri wahi keunan bak gata Taikot sigra peue nyang geukeubah Agama suci geucok keu gata Charikat hana sagai keu Allah Geupeucharikat han tom keu Tuhan", "Nyan haba pantang teuma Lon peugah Geupeujeut pantang bak uroe Sabtu Masa dahulu keu awak salah Jipeugot dawa awaknyan dilee Neuhukom teuntee jihnyan le Allah Uroe kiamat Tuhan peuputoh Ho-ho nyang Neuboh hana soe bantah", "Tamaba ubak jalan Po gata Ngon bijaksana bek ngon tagagah Nasehat nyang jroh mameh suara Meunyo e jidawa beu got tapeugah Tuhan Neuturi soe nyang ka sisat Jalan nyang teupat di jih jikeubah Lom pih Po gata Neuturi that-that Nyang toh dum umat nyang na hidayah Toh siri umat nyang tunyok Tuhan", "Teuma bek lalem ‘oh tatueng balah Lagee buet jih brok u ateuh gata Meunan cit juga watee tabalah Teuma leubeh got meunyoe tasaba Raya that pahla Neubri le Allah", "Tasaba gata ngon tulong Tuhan Ngon izin Tuhan nyang Maha Murah Teuma bek susah teuh keu awaknyan Buet jeuheut jihnyan bek gata gundah Bek jeut keu picek lam dada gata", "Ureueng nyang takwa sajan ngon Allah Lom Tuhan sajan ureueng pubuet got Meunan nasehat Neubri le Allah AL-ISRA’ (PEUJAK BAK WATEE MALAM)"] }, { "chapter": 17, "versesCount": 111, "verses": ["Maha suci that Tuhan nyang Esa Neujakba hamba Neuh nyang meutuah Neujakba nibak masjidil haram Bak saboh malam Neuyue meulangkah Troh keudeh u masjidil aqsha Nanggroe mulia Neubri le Allah Ka lheuh Kamoe bri beureukat sinan Ban silingka nyan nanggroe meutuah Kamoe peuleumah bak gopnyan sinoe Dum ayat Kamoe nyang le sileupah Tuhan Neudeunge ngon deuh Neukalon Meu bacut pih kon haba nyang salah", "Kamoe bri kitab dilee bak Musa Peutunyok hamba beunar ngon salah Jeut keu peutunyok Bani Israil Bek cok keu wali nyang bukon Allah Laen nibak Lon bek cok keu wali Bala barangri han ek jipeuglah", "Dum keuturunan nyang ek sajan Noh Watee Nabi Noh Kamoe peuleupah Watee Kamoe ba Noh dalam kapai Padum droe sagai ureueng meutuah Keubit Nabi Noh nyan sidroe hamba Nyang hana reuda chuko keu Allah", "Ka lheuh Kamoe boh di dalam kitab Israil teutap jipubuet salah Dua go salah di gata dum nyoe Di dalam bumoe tapeugot ulah Tapeumbong droe teuh manyang ngon raya", "Azeub phon teuka Kamoe bri bagah Kamoe bri nyang phon azeub keu gata Meukirem hamba nyang teuga leupah Hamba Kamoe nyan han ek talawan Nanggroe gatanyan teuma jijajah Nyan janji nyang phon han jeut han teuka", "‘Oh dudoe teuma meubalek arah Kamoe bri gata teuma nyang teuga Ek tageulawa awaknyan kalah Meubri bantuan keu bandum gata Ka le areuta ase takeubah Aneuk teuh pih le Kamoe peujumba Hingga jeut gata rame that leupah", "Meu tapubuet got got keu droe gata Meunyo brok teuma droeuteuh cit salah i Meuwoe brok keu droeteuh kon ho laen Hukoman laen teuma geupeugah Meunyo ka teuka janji nyang akhe Keunan cit troh le laen parikah Jipeukrot muka teuh teuma keubit Daľam meusijid jitameng bagah Lagee jitamong yoh phon-phon dilee Meusapeue teuntee han le jikeubah Abeh jireuloh bandum peue nyang na", "Teuma Po gata bit that Pemurah Mudah-mudahan uleh Hadharat Keu gata rahmat Neubri lom bagah Adak meutawoe lagee set teuma Di Kamoe hana meutukri peugah Kamoe pih meuwoe cit lagee gata Ka meuseudia nuraka juah Kamoe boh kaphe lam glap nuraka Nyankeuh peunjara ureueng nyang salah", "Qur'an nyoe keubit peutunyok jalan Nyang rila Tuhan teupat sileupah Haba gembira pih lom di sinan Ureueng meuiman keupada Allah Soe nyang meuiman ngon jipubuet got Pahla raya that Neubri le Allah", "Nyang han pateh na uroe akhirat Kamoe bri azeub peudeh sileupah", "Insan meuduʻa keu jeuheut di jih Sa ngon duʻa jih keu bak got leupah Ka meunan sipheut si manusia Kurueng that saba leupah that bagah", "Malam ngon uroe cit Kamoe peujeut Dua boh sipheut nyang saban leupah Kamoe sampoh treuk nyang sipheut malam Tinggai uroe trang that meujeureulah Mangat tamita raseuki gata O Nibak Po gata nyang Maha Murah Lom nak tateupue jeut tabileung thon Uroe ngon buleun takira mudah Bandum atranyan ka Kamoe peutrang", "Jumba dum insan pih Kamoe keubah Bak takue insan cit Kamoe gantung Jumba ngon bulueng jih ka meukeubah Kamoe peutubiet uroe kiamat Keu jihnyan kitab jileung le bagah", "Boh kakheun laju kitab droekeuh nyan Uroenyan sinan keunira di kah Sep lam kitab nyan di kah keunira", "Soe nyang bahgia nyan nyang meutuah Nyang pubuet lagee peutunyok Tuhan Keu droe ureueng nyan teurimong balah Teuma nyang sisat meularat keu droe Jih laen han soe jeut jipeusalah Soe nyang meudacha han jeut jitanggong Dacha gob laen nyang pubuet salah Kamoe meuazeub pih han barangsoe Meu goh bak jihnyoe teuka peurintah Lheuh Kamoe kirem Rasul ubak jih Meubaroe jeut jih Kamoe peusalah", "Meunyo na napsu teuma di Kamoe Na saboh nanggroe keumeung peubicah Napsu nanggroe nyan meupeubinasa Bak ureueng kaya Kamoe peurintah Sabab ka le peng jipubuet sigra Peue-peue nyang hawajih pasek leupah ‘Oh ban ka cukop jipubuet dacha Ka trang ngon nyata jihnyan dum salah Yohnyan keuh nanggroe Kamoe peuanco Nyankeuh meubaro bandum jih sudah", "Padum le nyang ka meupeubinasa Yoh dilee masa ‘oh lheuh Noh leupah ‘Oh Iheuh Nabi Noh leupah bak bala Tophan ie raya hana ban peugah Cukop Po gata nyang that Neuteupue Hamba Neuh sinoe jipubuet salah Bandum Neukalon dacha dum hamba", "Nyang hʻeut keu donya Neubri le bagah Soe-soe nyang galak keu udep donya Kamoe bri lanja seunang jih leupah Peue meuh‘eut Kamoe sinapsu Kamoe Meubri le jinoe udepjih mewah ‘Oh Iheuhnyan Meubri keu jih nuraka Jitamong lanja hana soe peuglah Hina ngon saket sinan jirasa Caci ngon ceula meulimpah ruah", "Soe-soe nyang meuh‘eut teuma akhirat Jipubuet buet got sunggoh sileupah Lagi pih jihnyan ureueng meuiman Chuko keu jihnyan teuma le Allah", "Bandua pihak Kamoe bri rata Nibak Po gata bandum hadiah Barangpeue Neubri nibak Po gata Hana soe daya jikeumeung bantah", "Taeu nyan Kamoe peuleupah ladom Ateuh nyang ladom Kamoe peupisah Nyang leubeh raya teuma akhirat Raya that pangkat leubeh that leupah", "Meunyo meunapsu gata keu aman Bek tacok Tuhan laen ngon Allah Meu tatem meunan han keunong ceula Han tinggai gata teuma geukeubah", "Ka Neupeurintah uleh Po gata Taseumah sahja cit sidroe Allah Bek roh taseumah peue-peue nyang laen Teuma beu meucen keu ma ngon ayah c Beu got tahiroe keu ma-ku gata ‘Oh gopnyan tuha beu got tapapah Got salah sidroe got pih bandua Geuh sajan gata sapat takeubah Bek roh takheun ‘euh lom pih bek tadhot Narit nyang patot beu got tapeugah Tamarit nyang got tapeumulia", "Droe tapeuhina han jeut keu salah Sabab tagaseh keu ma-ku gata Talakee duʻa teuma bak Allah Tuhanku Neubri keu ma-ku lonnyoe Rahmat nibek Droeuneuh beu le leupah Lagee phon ubit lon geuplihara", "Teuma Po gata Neuteupue sudah Neuteupue pakri lam ate gata Meunyo bit gata niet teuh ikheulah Tuhan Pengampon keu ureueng toubat Meunyo niet teupat jih hana salah", "Beu na tajok hak kawom keurabat Ureueng gasien that pih beu tapapah Meunan pih teuma ureueng meudagang Bak jalan Tuhan kon jalan salah Lom bek mubazir taboh areuta Hana keunira royai teuh leupah", "Ureueng mubazir chedara chetan Kaphe keu Tuhan chetan seurakah k", "Meunyo tapaleng hana jeut tabri Kadang raseuki teuh kureueng leupah Dang tajak mita nyang laen lagi Mita raseuki rahmat bak Allah Nibak Po gata tamita rahmat Nyan narit mangat laju tapeugah Tapeugah beu got bek saket ate", "Jaroe meurante pih tapeusiblah Meurante jaroe bak takue gata Nyan tausaha beu ek tapeuglah Meunan pih jaroe bek leupah taleung Hana tareugam sabe tapeuhah Mangat bek gata jeut gop ceureuca ‘Oh dudoe gata meunyeusai teulah", "Keubit Po gata Neuleueng raseuki Soe nyang h‘eut Neubri raseuki mudah Meunan pih ladom Neukot raseuki Keu hamba Neubri ban nyang h‘ʻeut Allah Pakri hai hamba bandum Neuteupue Cit Neueu keudroe bandum le Allah", "Bek tapoh aneuk teumakot keu deuk Hana sep beuheuk tabri napakah Raseuki keu jih Kamoe nyang peuna Keu gata pih na cit Kamoe keubah Soe nyang poh mate aneuk dum gata Raya that dacha hana ban peugah", "Lom bek tapeutoe ubak buet zina Buet nyan that hina keuji sileupah Jalan nyang brok that kon jalan nyang got", "Tacok nyawong gop pih brat that salah Barangkasoe pih bek tapoh nyawong Ka Neupeuhareuem buet nyan le Allah Meulengkan meunyoe deungon sibeunar Meu tatueng bila hana peue salah Ureueng nyang poh gop ngon elanya Walijih teuma jeut jak tueng balah Kamoe bri hak nyan ubak si wali Tapi buet wali bek leupah-leupah Bek jitueng bila kon ban aturan Nyan tulong Tuhan ka Neubri mudah", "Areuta yatim pih bek tapeutoe ý Meu kon tagantoe nyang leubeh indah c Hingga troh umu jih saboh watee Tapulang teuntee janji bek ubah Peue nyang tajanji akan geutanyong Meu hana keunong meuhat geubalah", "Peusanteut are watee tasukat Tatimang nyang brat pih ceng bek salah Meunan keuh nyang got beutoi akibat", "Nyang goh tatupat bek takheun bagah j Geulinyueng mata ngon ate gata Geutanyong teuma peue nyang tapeugah Tadeungo tangieng got pih tapike Geutanyong ase peue na nyang salah", "Bek tajak ngon mbong di ateuh bumoe $ Han ek takilo bumoe tameung plah l Han santeut gata ngon pucok gunong Bah gata panyang badan tujoh hah", "Bandum atranyan larangan Tuhan Buet keujahatan nyang brok sileupah Buet brok Neubenci le Tuhan gata", "Nyankeuh bak gata wahyu Neupeugah Hikeumah nyang jroh wahyu Po gata Nyang bek tamita Tuhan kon Allah Bek peucharikat ngon Tuhan laen Meu hana meucen teuh apui mirah Beu na tatakot apui nuraka Keunan keuh gata geutiek geukeubah Caci ceureuca dalam nuraka Jioh lom gata ngon rahmat Allah", "Peue Neubri aneuk agam keu gata Le Tuhan gata nyang Maha Murah Nyang aneuk inong dum malaikat Neucok nyan meuhat keu aneuk lidah Keubit tamarit narit raya that Raya akibat raya that salah", "Padum na sabe teuma di Kamoe Dalam Qur’an nyoe ka Kamoe peugah < Mangat jeut jitueng dum keu peuingat Di jih maken that jioh meutamah Jipleung jioh that laju jipeujak Maken that jarak ngon jalan Allah>", "Takheun meunyo na Tuhan dum le that Nyang kon Hadharat lagee jih peugah Teuntee Tuhan nyan dum mita jalan Jijak bak Tuhan jih nyang Po ‘arasy", "Maha suci that Maha Manyang that Tuhan Hadharat kon ban jih peugah Manyang ngon raya Tuhanku sidroe", "Langet ngon bumoe dum pujoe Allah Ucap teuseubeh ban tujoh langet Bumoe pih meuhat hana meuubah Dum asoe langet ngon asoe bumoe Teuseubeh pujoe bandum keu Allah Tapi gata dum hana tateupue Teuseubeh jihnyoe han jeut tapeugah Keubit cit Tuhan kalim Neuh that-that Peungampon that-that keu hamba Allah", "‘Oh watee gata tabeuet Qur'an Meupeujeuet sinan tutop bek teuhah Gata ngon awak nyang hana iman Na binteh sinan Kamoe peusiblah Hana jipateh uroe akhirat Han jeut peusapat cit meuparikah", "Dalam atejih Kamoe boh tutop Han ek jiikot peue nyang tapeugah Lam geuleinyueng jih Kamoe boh sumpai Han meupłiom sagai tuloe sileupah Watee tabaca dalam Qur'an Po gata Tuhan cit sidroe Allah Jipaleng laju jijak u likot Mukajih pih krot benci jih leupah", "Kamoe meuteupue peue nyang jideungo Jipura deungo peue nyang tapeugah Peue nyang jimeus‘ah ngon awak lalem Nyang kheun bit jihnyan ka keunong rajah Peue taikot jih ka keunong sihe", "Takalon pakri gata jipeugah Jipeugot miseu macam keu gata Sisat jih raya hana le ubah Hana le keu jih jalan nyang teupat", "Akan geubangket pih tan jipeugah Peue ‘oh jeut kamoe keu tuleung anco Ek lom jeut baro kamoe geuubah Makheuluk baro geupeujeut kamoe Geubangket kamoe meunan tapeugah", "Takheun boh jeut kah jinoe keu batee Got pih keu palee beusoe kreuh leupah", "Atawa jeut kah makheuluk hebat Nyang hana sapat lom kadeungo gah Sit jikheun teuma soe bangket kamoe Beu ek lom meuwoe lagee nyang sudah Takheun nyang peujeuet gata phon dilee Jiasek ulee teuma le bagah Jiasek ulee u ateuh gata Boh pajan teuka jitanyong bagah Takheun ka rap troh mudah-mudahan Hana peue nyang nyan tapreh trep leupah", "Uroenyan teuma Neumeuhoi gata Bandum teuh sigra tapujoe Allah Tasangka bandum ban taeh siat Ban tanjo meuhat tabeudoh bagah", "Takheun bak hamba Lon ‘oh jimarit Narit jih keubit nyang got that leupah Teuma di chetan cit jipeupake Keudroe teuh sabe jiyue meubantah Beu na taingat keubit cit chetan Musoh ngon insan nyata sileupah", "Po gata cit that Neutukri gata f Neugaseh gata meunyoe h‘eut Allah Meunyoe Neukheundak Neuazeub gata Bandum na gata ek Neupeurintah Teuma di Kamoe meukirem gata Kon meuyue jaga jihnyan tapapah", "Lom pih Po gata bandum Neuteupue i Di langet bumoe meusoe bak Allah Kamoe peuleubeh nyang ladom Nabi Kamoe jok bahgi nyang leubeh indah Kamoe jok Zabur keu Nabi Daod Ban laku patot Kamoe bri jatah", "Takheun ba keunoe dum Tuhan gata Nyang gata puja nyang bukon Allah Han ek bak gata jiboh meularat Jipinah siat pih han jiilah", "Teuma ureueng nyan nyang jikheun Tuhan Geumita jalan cit jak bak Allah Jalan mangat toe ngon Po ureueng nyan Rahmat Droeuneuhnyan geuharap leupah Lom pih geutakot azeub Droeuneuhnyan Sabab azeubnyan han ek soe peuglah Patot tatakot azeub Po gata", "Nanggroe nyang raya pih anco bicah Padumna Kamoe meupeubinasa Nanggroe nyang raya nyang buet jih salah Yoh gohlom teuka uroe kiamat Kamoe bri azeub nyang brat sileupah Atranyan bandum ka lheuh meusurat Di dalam kitab sideh bak Allah", "Di Kamoe kon han meukirem ayat 5 Nyang jeut mukjizat keu jih tapeugah i Sabab ka dilee meukirem ayat f ‘Oh troh sulet that di jih jipeugah ” Keu kawom Tsamud Kamoe bri unta Jieu ngon matajih trang sileupah Unta inong nyan pih jielanya Padahai hana sapeue meusalah Meukirem ayat Kamoe peutakot Mangat jiturot bek le jibantah", "Watee Kamoe kheun dilee bak gata Dum manusia lam jaroe Allah Peue jimeupeugot u ateuh gata Le Tuhan gata cit ek Neupeuglah Nyan leumpoeteuh nyan Kamoe peuleumah Cit keu phiteunah cubaan Allah Bak kayee laknat dalam Qur’an Nyan pih cubaan nyang Kamoe peugah Kamoe peutakot dum manusia Tapi ceulaka keu jih meutamah Di jih meutamah lom darohaka Leupah that raya keu jih musibah", "Watee Kamoe kheun bak malaikat ; Bak Adam ligat tasujud bagah t Sujud treuk bandum meulengkan iblih Han jitem di jih turot peurintah Jikheun peue jeuneh lon sujud bak jih Ka Neupeujeut jih hina sileupah Neupeujeut jihnyan sit nibak tanoh", "Jikheun peue jeuneh jih Neupeumeugah Neupeumulia jih u ateuhlon Meu Neubri keu lon watee beuluah Neupeutanggoh lon sampoe kiamat Bandum jih meuhat lonba bak salah Lon meu peusisat aneuk cucojih Bandum beu abeh bek meuho arah Tinggai padum droe mantong nyang gleh-gleh", "Neukheun jak keudeh kaman hai di kah Soe nyang ikot kah kaba jih bandum Dalam jahannam keudeh Kubalah Bandum kah cukop sinan balasan Nyankeuh jahannam nuraka juah", "Kamaba dumsoe nyang ek kamaba Mameh suara beu got kapeugah Kaparoh dum jih kalet ngon guda Ngon bala teuntra bala dum kakrah Kapeucharikat jih bak areuta Lom bak aneukda galak jih leupah Kajanji keu jih dum macam-macam Meu janji chetan bandum beurakah Cit tipee bandum meu janji chetan", "HambaLon roe han ek kabeureukah Hana kuasa di kah ateuhjih Tuhankah keu jih sabe Neupapah", "Tuhan dum gata Neubri keu gata Kapai tajakba lam laot mirah Jeut tajak mita karonya Tuhan Keu gata Tuhan Neugaseh leupah", "Watee di laot gata meularat Hana meusapat hai jeut tapeugah Meulengkan Tuhan teumpat talakee ; Laen meuteuntee hana soe peuglah ‘Oh ban ka leupah gata u darat Tapaleng ligat Tuhan takeubah Guna baroekon han le taingat Meunan tabiʻat insan meutuah", "Meunyo Neulungkop tanoh bak tadong Peue gata aman nibak musibah Got pih Neukirem badei raya that Hana meusapat pih soe ek peuglah", "Got pih tatron lom tajak u laot Badei jibapot Neuyue le Allah Abeh dum karam gata sinan le Sabab takaphe teuwo keu Allah Han le soe seutot dum mayet gata Hana meuhoka lam laot luah Hana soe jakcok bila bak Kamoe Hana meu sidroe pih ek tueng balah", "Aneuk Adam dum meupeumulia Jijak uluwa Kamoe peumudah Darat ngon laot dum jih Kamoe ba Peue nyang jimita meuteumee sudah Raseuki nyang got keu jih Kamoe bri Meupeujeut lagi jih leubeh ceudah Leubeh jih nibak makheuluk laen Nyang Kamoe kirem lam alam luah", "Teuma Kamoe hei bandum uroenyan Bandum na insan keunoe talangkah Taba peumimpin teuh bandum keunoe Tajakcok jinoe peue nyang takeubah Soe nyang cok kitab ngon jaroe uneun Wateenyan jikheun seunang that leupah Bandum amaijih di sinan ka na Tan geuelanya jih meube seupah", "Teuma nyang buta atejih sinoe Akhirat dudoe buta that leupah Hana meuho jak sisat bak jalan", "Gata pih meuna karap-rap salah Ka rap jipadan gata jitaki Nyang Kamoe wahi dum jiyue peugah Jiyue bak gata peugot nyang laen Nyang Kamoe peutron bek le tapeugah Nyan jitueng gata teuma keu rakan", "Karap jipadan gata meungalah k Mungken ateteuh Kamoe peuteutap Bacut treuk karap tapateh ilah", "Meunyo roh meunan teuma di gata Azeub meuganda ka Kamoe keubah Meuganda udep meuganda mate Hingga hana le nyang soe ek peuglah Hana nyang beuhe u ateuh Kamoe Jeut gata sidroe han soe peuleupah", "Jimeung peutubiet di sinan gata Hingga rap gata ka jeut keu susah Meu jadeh di jih peutubiet gata Dilikot gata abeh jih sudah Hanajan meutrep ‘oh leupah gata Kamoe bri bala keu jih le bagah", "Dileekon ka jeut keu adat Kamoe Meu Rasul Kamoe le jih jibantah Adat Kamoenyan han jeut tatuka Meunan pih juga han jeut taubah", "‘Oh mireng uroe gata seumbahyang Oh seupot malam gohlom trep leupah Teuma ‘oh suboh jiteubiet phajar Saksi dum teuka wateenyan sudah", "Pubuet tahajod bak watee malam Ngon nyan seumbahyang gata meutamah Mudah-mudahan Neupeuduek gata Le Tuhan gata bak teumpat indah Teumpat nyang manyang meuteumeung pujoe", "Tuhanku sidroe takheun le bagah Wahe Tuhanku Neubri lontamong Bak jalan tamong nyang beunar leupah Meunan pih Neubri watee lontubiet Bek roh lontubiet baak teumpat salah Neubri kuasa bak Droeuneuh keu lon Neubantu tulong keu lon ya Allah", "Takheun nyang beunar ka teuka jinoe ; Bandum nyang bateu ka abeh sudah ; Bandum nyang bateu han jeut han gadoh Atra nyang teuboh hana phaedah", "Nibak Qur'an Kamoe bri teuma Ubat peunawar meupeutron sudah Rahmat keu ureueng nyang na meuiman Nyang han meuiman rugoe sileupah Awak nyang lalem jilawan Kamoe Di jih cit rugoe meutamah-tamah", "Watee Kamoe bri nikmat keu insan i Balek haluan di jih le bagah Jipeumbong droejih sabab ka kaya ‘Oh teuka bala laju meuubah ‘Oh meularat jih ngon teuka bala Cit putoh asa di jih le bagah", "Takheun bandum teuh tapubuet amai Ban laku akai teuh ban nyang mudah Teuma Po gata nyang leubeh teupue Antara jih soe nyang hana salah Soe nyang Neutunyok bak jalan teupat Jalan Hadharat nyang Maha Murah", "Teuma bak gata dum jijak tanyong Pakriban nyawong tacuba peugah Takheun nyawong nyan urusan Po lon Atranyan bak lon hana Neupeugah ‘Eleumee gata cit Neubri bacut Dum ek tatuntut han Neubri luah", "Meu napsu Kamoe sit ek Kamoe boh Wahyu dum gadoh Kamoe peurintah Wahyu nyang Kamoe peutron bak gata Watee nyoe lanja gadoh dum sudah ‘Oh lheuhnyan teuma tinggai treuk gata Han le soe bila talawan Allah", "Meulengkan rahmat nibak Po gata Leupah that raya hana ban peugah Neubri karonya le that keu gata", "Teuma bak nyata bak jih tapeugah Meunyoe mupakat insan deungon jen Jipeugot laen Qur’an jiubah Jipeugot laen beusaban ngon nyoe Hana meu sidroe pih ek jiilah Beuthat bandum jih meubantu-bantu Jilakee bantu bak ureueng ceudah", "Le that Kamoe bri keu manusia Miseu nyang nyata dum Kamoe peugah Dalam Qur’an nyoe Kamoe peunyata Keu manusia le that phaedah Teuma le that jih han jitem pike Di jih jikaphe cit jeuheut leupah", "Jikheun lom Kamoe han meupeucaya Peue nyang le gata bandum tapeugah Ie dalam bumoe beu ek teupanca Jeut kamoe sigra meutueng phaedah Mangat meupateh ban narit gata", "Atawa gata na lampoh luah Kuruma anggor dalam lampohnyan Te krueng lom sinan meulimpah ruah Tapeupanca ie di dalam krueng nyan Ile ie tajam takalon boh-bah", "Atawa langet tapeurhot keunoe U ateuh kamoe lagee tapeugah Ateuh kamoe dum langet tapeuro Hingga dum anco meukrek-krek beukah Atawa Tuhan ngon malaikat Taba meuhadap ngon kamoe bagah", "Got pih na rumohteuh meuh ngon intan Got taek rijang u langet luah Taek u langet pih han meupateh Meunyo kon sideh taba peurintah Tapeutron kitab jeut kamoe baca Nak meupeucaya peue nyang tapeugah Takheun Tuhanlon Maha Suci that Soe lon nyoe meuhat takalon sudah Lon nyoe kon laen cit sidroe insan Nyang Rasul Tuhan jakba peurintah", "Han jimeuiman dum manusia ‘Oh ban troh teuka peutunyok Allah Sabab jipeugah pakon di Tuhan Neukirem insan nyang ba peurintah", "Meu bumoe teumpat dum malaikat k Lon kirem meuhat meunan tapeugah 5 Lon peutron rasul pih malaikat Mangat jeut sapat geuba peurintah", "Takheun keu saksi lon deungon gata Allah Taʻala nyang Maha Murah Sep sidroe Tuhan mantong keu saksi Di lon ka lonbri peue nyang peurintah Tuhan that maklum urusan hamba Neuh Neueu nyata beunar ngon salah", "Soe nyang Neutunyok jih nyan le Tuhan Nyankeuh ureueng nyan nyang na hidayah Teuma barangsoe nyang Neupeusisat Hana meusapat pih ek soe peuglah Hana roe walijih nyang ek bantu Meu kon Tuhanku nyang Maha Murah Uroe kiamat meupeusapat jih Meubu muka jih saket sileupah Buta klo tuloe di jih wateenyan Teumpat jih yohnyan lam apui mirah Dalam nuraka nyang tutong sabe Kamoe peuhu le ‘oh kureueng mirah", "Nyankeuh balah jih kaphe keu Kamoe Dum ayat Kamoe sulet jipeugah Jikheun ‘oh Kamoe tuleung ka anco © Ek jeuet lom baro kamoe geuulah Makheuluk baro geupeujeut kamoe Geubangket kamoe meunan tapeugah", "Peue han jieu langet ngon bumoe Tuhan peujeuet nyoe hana meupayah Teuntee kuasa Neupeujeut lom jih Nyang sa lagee jih hana meuubah Neuepujeut ajai jih jan nyang Neucok Hana peue tachok beunar sileupah Teuma si lalem teutap jikaphe Jideungon han le peue nyang tapeugah", "Takheun meu gata tamilek gudang ; Rahmat Tuhanlon nyang le that leupah Meuhat tagunci han tabeulanja Takot areuta tameunapakah Takot jeut kureueng areuta gata Bit manusia bek kriet sileupah", "Dilee Kamoe bri keu Nabi Musa Sikureueng tanda nyang that trang leupah Tatanyong keuh bak Bani Israil Musa nyan pakri ‘oh troh geulangkah Peuraʻun jikheun di lon kusangka Gata hai Musa ka keunong rajah Ka keunong sihe jiboh keu gata", "Geukheun sit gata tateupue sudah Atranyoe bandum Tuhan nyang peutron Keudeh takalon hana meuilah Tuhankeuh nyang Po langet ngon bumoe Bak kira lonnyoe gata nyang salah Gata Peuraʻun akan binasa", "Peuraʻun teuma beungeh that leupah Jimeuuse geuh dalam nanggroe nyan Ka keuh jih karam lam laot luah Kamoe peukaram jih ngon rakanjih Abeh bandum jih hana meukubah", "Bak cot Israil Kamoe kheun lheuhnyan Taduek dum sinan ka seunang leupah Hingga troh teuma janji nyang akhe Bandum teuh sare meusapat sudah", "Nyang Kamoe peutron-kitab sibeunar Haba that beunar sinan geupeugah Kon keupue laen meukirem gata Haba gembira mangat tapeugah Haba nyang mangat keu soe nyang ikot Haba peutakot keu soe nyang bantah", "Teuma Qur'an nyang Kamoe peutron Siseun dua seun meupisah-pisah í Hana sigohop meupeutron keunan Mangat jeut takheun bek bagah-bagah Meupeutron keunan siseun-seun bacut Mangat tapubuet nyang le phaedah", "Takheun got gata tatem meuiman Akan Qur’an nyang troen bak Allah Atawa pih han tatem meuiman Saban atranyan hana meuubah Teuma di ureueng nyang na ‘eleumee Yoh masa dilee cit raya tuah Yoh hana lom tron dilee Qur’an Bandum ureueng nyan meuiman bagah ‘Oh ban geubaca ubak ureueng nyan Peuduek dhoe rijang sujud bak Allah", "Geukheun le Maha Suci Po kamoe Janji Po kamoe han tom meusalah", "Geuteukui ngon dhoe bak teumpat sujud Geumoe meuʻet-‘et geuingat Allah Meutamah khuchu‘ gopnyan keu Tuhan", "Takheun bak Tuhan tamohon bagah Tamohon duʻa bak Tuhan Rahman Sipheut Droeuneuhnyan nyang Maha Murah Peue nyang talakee bak tameudu‘a Sit le that nama nyang jroh keu Allah Bak tameuduʻa teuma di gata Su bek that raya hana phaedah f Teuma bek cit that halon tameusu Rayok sigitu meubek that leupah Diantaranyan tadeungo keudroe", "Takheuen dum pujoe meuwoe keu Allah Hana meuaneuk Tuhan Hadharat í Hana charikat keurajeuen luah Meu sidroe wali Neuh pih sit hana Meu jipeuhina hana soe balah Jak tateukeubi peuagong Tuhan Keubit sit Tuhan raya that leupah"] }, { "chapter": 18, "versesCount": 110, "verses": ["Sigala pujoe milek Hadharat Nyang peutron kitab keu Rasul Allah Hana nyang ceukok asoe lam kitab", "Beunar ngon teupat hana meusalah ; Neuyue peutakot ureueng nyang sisat i Azeub raya that dudoe Neubalah Neuyue peusuka mukmin nyang taʻat Amai nyang jroh that galak sileupah Tuhan Neubalah pahla nyang got that", "Lam sabe teutap hana meuubah", "Neuyue peutakot kaphe nyang sisat Haba sulet that jikheun keu Allah Jikheun na aneuk Tuhan Hadharat", "Keubit sulet that haba jipeugah ‘Eleumee jih tan jikheun keu batat Dudoe jih meuhat hana meuubah Hana jiteupue narit raya that Raya akibat teubiet lam babah", "Sang-sang di gata wahe Muhammad Gadoh seumangat sabab that gundah Han jitem pateh gata peuingat Gata han mangat droe tapeususah", "Kamoe nyang peujeuet bandum lat-batat Hiasan meuhat bumoe nyang indah Kamoe ci kalon hamba nyang taʻat Amai nyang got that jipubuet bagah", "Kamoe peujeuet lom tanoh subur that Barangsoe hajat jitueng phaedah", "Peue na tasangka wahe Muhammad Saboh riwayat ajeb sileupah l Ureueng lam guha pinto ka meucap Nyoe saboh ayat kuasa Allah", "Padum droe ureueng muda-muda that Lam guha meuhat keudeh geulangkah Teuma geulakee ubak Hadharat C Keu kamoe rahmat Neubri ya Allah Neubri beuleumah jalan nyang teupat Bak buet nyoe meuhat kamoe bek salah", "Teuma ureueng nyan kheundak Hadharat Mate dum siat lam guha beukah Padum thon mate di sinan meuhat", "Teuma Hadharat peubangket bagah Neukeumeung kalon ureueng nyang ceupat Geukira ligat padum thon leupah", "Tadeungo jinoe Kamoe riwayat Tuhan Hadharat meunan Neupeugah Haba sibeunar ureueng muda that Bandum cit meuhat iman keu Allah Meutamah lagi tunyok Hadharat", "Ate meuikat hana meupisah Pemuda beudoh laju mupakat Tuhan Hadharat laju geupeugah Tuhan geutanyoe nyang Po lat-batat Bumoe ngon langet peuneujeuet Allah Han jeuet tapeugah laen Hadharat Dacha raya that tanyoe bak Allah", "Kawom gatanyoe bandum ka sisat Jikheun Hadharat ka le sileupah Hana alasan naritjih meuhat Elanya that-that sulet keu Allah Jipeuna-peuna narit sulet that Keubit raya that jipubuet salah", "Masa uroejeh kon na taingat Wahe dum umat nyang pubuet salah 5 Gata peujioh ureueng nyan meuhat Sampoe beurangkat keudeh geulangkah Padahai sapeue nyang jeuet keu sabab Geukheun Hadharat cit sidroe Allah Teuma ureueng nyan Kamoe bri teumpat Lam guha ligat tamong beubagah Di sinan gata Kamoe bri rahmat Meuteumeung nikmat seunang that leupah", "Di mata uroe guha jilumpat Bek keunong teupat tutong sileupah Beungeh rot uneun han jijak teupat ‘Oh seupot meuhat rot wie jilangkah Hingga ureueng nyan reului bak teumpat Tuhan Hadharat kuasa leupah Tuhan peutunyok ureueng nyang teupat Tuhan peusisat ureueng buet salah Han ek soe tulong meunyo ka sisat Han soe peuteupat meunyo ka salah", "Tasangka jaga ureuengnyan meuhat Padahai teupat teungeut that leupah Ureueng nyan geueh badan han teutap Uleh Hadharat Neubalek balah Rot uneun rot wie balek siat-at Watee talihat sang mantong hayah Di asee jieh jaroe meulipat Di pinto meuhat bak guha beukah Meunyo tajingeuk keunan talihat Taplueng meukarat teumakot leupah", "Kamoe peubangket ureueng nyan meuhat Mangat geusasat meupeugah-peugah Nyang sidroe tanyong padum ka lambat Tanyoe ka teupat teungeut sileupah Geuseuot rakan hana lom lambat Bak lon phirasat si uroe sudah Meu kon si uroe siteungoh meuhat Teuma hakikat teuntee bak Allah Tuhan nyang teupue bandum hakikat Got trep got siat hana peue peugah Beudoh hai rakan sidroe beurangkat Mita peue hajat keudeh talangkah Tajak lam kuta tame peng meuhat Makanan ligat peuwoe beubagah Tapi bak tajak beu meusom that-that Bek na soe lihat bala sileupah", "Meunyo jiteupue tanyoe dum nyoepat Jipoh jiikat tanyoe jireupah Jipeuwoe lom bak agama sisat Ceulaka that-that hana peue peugah Gadoh bahgia donya akhirat Meunyo jitupat tanyoe ka meugah", "Meunan keuh dudoe Tuhan peutupat Keunan troh ligat ureueng geulangkah Neumeung peuleumah uleh Hadharat F Kuasa Neuh that hana ban peugah | Janji Tuhanku sit troh le siat Uróe akhirat pih bek tabantah Watee troh ureueng keunan beurangkat Teuma sayang that kameuparikah Nyang ladom geukheun tapeugot teumpat Geudong nyang got that sinoe takeubah Nyang leubeh teupue sidroe Hadharat Nyang meunang pakat teuma geupeugah Peudong meusijid sinan nyang teupat Teumpat ibadat tapujoe Allah Hingga geupeudong meusijid ligat Meunan riwayat Tuhan Neupeugah", "Ureueng nyan lhee droe ladom riwayat Asee keu eumpat meunan geupeugah Nyang kheun limong droe asee nam meuhat Tapi han meupat dali nyan nyang sah Nyang kheun tujoh droe soe leh ek teupat Ngon asee meuhat lapan jumulah A Tuhan Neupeugah nyang bit hakikat Nit nyang soe tupat Neubri le Allah Bek tameudawa wahe Muhammad Teuntang hai umat nyang ka Lon peugah Dawa bak lahe hana hikeumat Yakin lom ingat bek sagai ubah Bak ureueng laen han peue tasasat Haba nyoe meuhat sinoe keuh nyang sah", "Bek sagai takheun wahe Muhammad Singeh teuntee that buet nyoe ka sudah", "Meu hana kheundak nibak Hadharat Pakri ek teupat janji tapeugah Meunyo ka teuwo jinoe taingat Tuhan Hadharat kuasa leupah Wahe Tuhanku Neutunyok ligat Ulon nyoe meuhat karap roh salah", "Lheuh lhee reutoh thon sikureueng meuhat Ureueng nyan trep that sinan geukeubah", "Nyang leubeh teupue sidroe Hadharat Rijang ngon lambat Neuteupue sudah À Langet ngon bumoe nyang han tatupat Tuhan Neulihat Neudeungo leupah Hana soe tulong meu kon Hadharat Hana charikat bak hukom Allah", "Baca le gata wahyu Hadharat Asoe lam kitab bandum tapeugah Hana soe ubah kalam Neuh meuhat Beu got taingat hai Rasulullah Ý Teumpat tajok droe laen hanapat Meu kon Hadharat nyang that-that meugah", "Ingat droe gata tasaba beu that i z Sajan meusapat ureueng meutuah i Ureueng nyang sunggoh sabe munajat Lakee peue hajat sabe bak Allah Beungoh ngon seupot pubuet ibadat I Ureueng nyan meuhat bek roh takeubah Bek roh tatinggai ureueng nyan meuhat Sabab tahajat donya nyang indah Bek roh taikot ureueng nyang sisat Atejih batat han ingat Allah Peuturot napsu peue-peue nyang hajat Buet jih leupah that diluwa batah", "Takheun le gata wahe Muhammad Putusan meuhat sideh bak Allah Napsu meuiman pih jeuet ban hajat Napsu keu sisat pih han soe teugah Teuma soe kaphe jiingat beu that c Tuhan Hadharat akan Neubalah Soe nyang elanya nuraka teumpat Silingka meuhat tutong sileupah ‘Oh jilakee ie sabab grah that-that Geujok le ligat keu jih ie mirah Glue lagee minyeuk ie nyan tutong that Watee tapeurap muka sang bicah Hana minuman meunan jeuheut that Ngon brok that teumpat nuraka juah", "Ureueng meuiman pateh Hadharat Amai nyang jroh that geupubuet sudah Han sia-sia amai nyan meuhat Pahla raya that Tuhan Neubalah", "Neubri churuga uleh Hadharat Adnen manyang that ngon jroh sileupah Di yup ile krueng ie jeureuengeh that Takalon alat dum meuh meutatah Pakaian ijo sutra bureukat Han tom tatupat sidumnan ceudah Ija sundusen licen haloh that Hana barangpat nyang saban indah Tapiyoh sinan jaroe meulipat Meusadeue ligat ubak peuratah Nikmat churuga sineujroh teumpat Nibak Hadharat sineujroh balah", "Tapeugot miseu dua droe sahbat Uleh Hadharat meunan Neupeugah i r Nyang sidroe kaya na keubon ‘inab Anggor that mangat jitanom luah s Ngon bak kuruma sinan pih le that Laen lom meuhat tanaman indah", "Bandua lampoh boh kayee le that 2 Rasajih lazat mangat sileupah Hana nyang rusak taeu meu sapat Te krueng pih jroh that ile di bawah", "Jieu boh kayee dum lazat-lazat : Ureueng nyan ligat meunoe jipeugah \\ Jikheun bak rakan ulon kaya that Meunan lom pangkat raya sileupah", "‘Oh Iheuh jikheun nyan jitamong ligat i Keubon nyang jroh that jak kalon pantah y Jikhem le teuma keubonlon meuhat Barangjan meuhat han le meuubah", "Hana teujalok di lon meu siat Uroe kiamat dudoe geupeugah Meunyo cit lonwoe ubak Hadharat Teuntee mangat that leubeh lom indah", "Jaweub le rakan geubri nasehat Pakon roh sisat gata ka salah 1 Pakon takaphe akan Hadharat Tuhanku nyang that kuasa leupah d Tuhan nyang peujeuet gata hai sahbat Bak tauoh batat sinan Neuulah Bak ie sititek Neupeujeuet ligat d ‘Oh rayok meuhat agam nyang gagah", "Teutapi di lon wahe e sahbat Tuhan Hadharat di lon keu Allah Han sagai di lon lonpeucharikat Tuhan Hadharat hana lon bantah", "Pakon han takheun meunoe hai sahbat Watee talihat keubon jroh leupah Tuhan nyang kheundak peujeuet nyoe meuhat Hana nyang kuat meunyo kon Allah Bah le takalon lonnyoe gasien that Harta tan sapat Neubri le Allah Aneuk pi di lon hana siurat Di gata meuhat sit le that leupah", "Teutapi Tuhan kuasa that-that : Deungon sikeujap pih ek Neuubah £ Ek Neubri keu lon keubon nyang jroh that Leubeh bak hajat gata nyang mewah Lam keubon gata Neupeutron laknat Geulanteue kilat Neubri le Allah Abeh dum jitak kurma ngon ‘inab Bandum ka seungap anco ngon bicah Tanoh nyang geumbok bandum jeuet batat", "Bala raya that Neubri le Allah Je krueng teuh pih tho han le tatupat Jitron u pusat dalam tanoh crah", "Lheuhnyan teukeudi nibak Hadharat Anco han meupat keubon nyang indah Han le boh kayee nyang lazat-lazat Yohnyan teulah that rugoe- sileupah Padumna rugoe beulanja le that Abeh riwayat bandum ka sudah Watee nyan jikheun ulon teulah that Keu peue Hadharat lonkheun le leupah Adak kon Tuhan lon peucharikat Teuntee lon meuhat han meunoe sudah", "Han le soe tulong jinoe jih meuhat Han troh barangpat keunan kaphilah Rugoe ngon payah hana soe lihat Meu kon Hadharat nyang bri peurintah", "Sinan keuh nyata Tuhan beunar that Nyang jroh akibat pahla bak Allah", "Neupeugot miseu saboh treuk siat Tuhan Hadharat meunan Neupeugah Udep lam donya saban cit that-that z Lagee ibarat ujeuen le leupah Ujeuen Neupeutron uleh Hadharat Timoh lat-batat tanaman indah Na padum na trep kayee ijo that Neubalek ligat teuma le Allah Kayee dum mate angen peuteupat Dalam sikeujap anco dum bicah Sinan keuh nyata Tuhan Hadharat Kuasa that-that teuga sileupah", "Harta ngon aneuk hiasan hayat Gatanyoe meuhat harok teuh leupah Padahai laen na roe nyang got that Amai salihat nyang jroh bak Allah Harapan nyang jroh angan nyang teupat Pahla raya that amai salihah", "Bak saboh uroe watee kiamat Gunong manyang that anco dum bicah Bumoe pih laen watee talihat Uleh Hadharat ka Iheuh Neuubah s Wateenyan bandum ureueng meusapat Bak saboh teumpat Neuyue le Allah Hana meu sidroe nyang tinggai meuhat Bandum meusapat meuhadap Allah", "Yue dong meubareh banja beuteupat Uleh Hadharat teuma Neupeugah Ka troh teuh keunoe bandum meusa^at Lagee yoh phon that gata meuulah Tasangka dilee janji Hadharat Sang-sang han teupat ube Neupeugah", "Wateenyan teuma geujok ngon kitab Kaphe nyang sisat muka pih ubah ‘Oh ban jikalon sinan meusurat Jimarit ligat meunyeusai leupah Ceulaka tanyoe wahe dum sahbat Haba lam kitab abeh geupeuhah Dum buet nyang jeuheut sinan meusurat Bah le ubit that hana geukeubah Ubit ngon raya dacha geusurat Bandum lam kitab sinan geupeugah Peue nyang jipubuet yoh masa hayat Bandum jilihat dalam keureutah Hana elanya meu sidroe meuhat Tuhan Hadharat ade sileupah", "Masa Kamoe kheun bak malaikat : Uleh Hadharat meunan Neupeugah s Sujud bak Adam hai malaikat Bandum sit ligat turot peurintah 2 č Nyang ha: tem turot meu iblih jungkat Tuhan Hau sarat di jih jibantah Neupeujeuet bak jen iblih nyan meuhat Sinan meusapat di jih kaphilah Han jitem pateh suroh Hadharat Keubit pasek that iblih seurakah Peue teuma patot iblih tadaulat Sidumna jungkat batat sileupah Aneuk ngon cuco iblih nyan meuhat Badai Hadharat meunan tapeugah Padahai gata di jih musoh that Meu jih tadaulat rugoe that leupah", "Hana tom lon tueng iblih keu sahbat $ Meunan Hadharat ka Iheuh Neupeugah t Langet ngon bumoe Lon peujeuet siat Bak iblih jungkat han tom Lon peugah Jih nyan pih bandum Lon peujeuet meuhat Pakri tadaulat soe laknat Allah Di Lon hana tom Lontueng keu sahbat Tukang peusisat raya that salah", "Bak saboh uroe teuma jilihat Tuhan Hadharat akan Neupeugah Hoka dum taba tuhan charikat Gantoe Hadharat jihnyan tapeugah Tameuhoi jinoe keunoe taintat Jimeuhoi ligat teuma le bagah Hana soe seuot watee nyan meuhat Tuhan charikat jioh peusiblah", "Watee nyan kaphe bandum jilihat Apui raya that tutong sileupah Yakin lam ate watee nyan ligat Sinan keuh teumpat tanyoe geukeubah Hana ho jiplueng laen meusapat Bandum jilihat nuraka juah", "Ka Kamoe peugah bandingan le that Di dalam kitab Neukheun le Allah Bandum keu contoh mangat jiingat Le bandum umat keupada Allah Teutapi sayang han jitem ingat Peue nyang amanat sabe jibantah", "Pakon han jitem meuiman ligat ‘Oh troh geuintat peutunyok Allah Jilakee ampon ubak Hadharat g Meu jitem meuhat hana soe teugah Pakon han jitem peue jipreh troh had Azeub Hadharat nyang brat sileupah Lagee nyan nyang ka dileekon meuhat Azeub Hadharat keu soe nyang bantah", "Neukirem Rasul uleh Hadharat d Bandum saban that geuba peurintah Peugalak bandum mukmin nyang taʻat Meuteumeung nikmat dudoe bak Allah Neuyue peutakot kaphe nyang sisat Dudoe meularat azeub that leupah Awak nyang kaphe bandum sit batat Rasul Hadharat bandum jibantah Di jih nyang bateu nyang galak jih that ‘Oh geukheun ayat jikheun beurakah ‘Oh geupeutakot azeub Hadharat Jipeukhem ligat ulok sileupah", "Hana dum ureueng elanya that-that Laen bak umat han pateh Allah i Jipaleng muka ‘oh geupeuingat ‘Oh geukheun ayat di jih jiludah ‘Oh lheuh jipubuet teuwo jih ligat Jipubuet sisat jikheun tan salah Ate ka Neutop uleh Hadharat Han le jitupat peue nyang jipeugah Dalam geulinyueng sumpai ka sarat Peue nyang nasehat bandum jibantah Meunyo tayue jak bak jalan teupat Tunyok Hadharat keu jih tapeugah Barangjan di jih sit han le teupat Sabab ka sisat han le meuubah", "Teuma Po gata Pengampon that-that Keu ureueng sisat rahmat Neulimpah Meunyo Neupeutron azeub raya that Jinoe le siat anco dum bicah Sabab han jitem pateh Hadharat Di jih sit batat tungang sileupah Tapi di Tuhan han Neupeuceupat Neuyue preh siat janji Neupeugah Meunyo ka teuka azeub Hadharat Hana le ubat wahe meutuah", "Bandum gampong nyan teumpat duek umat , Nyang han tem ingat peurintah Allah Abeh binasa kheundak Hadharat Sabab jih jungkat elanya leupah Dilee pih meunan Neuyue preh siat Jinoe talihat binasa sudah", "Bak saboh watee Musa beurangkat Dua ngon sahbat mudaʻthat leupah Musa geupeugah laju bak sahbat Jinoe takarat tajak beubagah Bak dua laot atawa liwat Sinan keuh teumpat tapiyoh payah", "Hingga teuk geujak ban laku kasad ; Laot meusapat sinan dua blah s Eungkot nyang geuba han le teuingat Ka lheuh amanat beunoe geupeugah Eungkot ka jigrop laju jilumpat Lam laot ligat jipiyoh payah", "Musa ngon rakan ka leupah liwat Piyoh hai sahbat di lon hek leupah Tacok makanan keunoe me siat Cuba talihat eungkot takeubah", "‘Oh ban geukalon eungkot le sahbat Bak Musa ligat teuma geupeugah Kon na yoh beunoe tapiyoh siat Bak batee bulat beunoe ka leupah Di lon keu eungkot teuwo lon that-that Keubit that jeungkat chetan seurakah Jijak peuteuwo lon bek teuingat Gadoh amanat bandum ka leupah Di eungkot teuma pih ka jilumpat Lam laot ligat ajeb that leupah", "Musa geuseuot tagisa ligat Keunan keuh teumpat tanyoe talangkah ‘Oh ban geugisa u likot siat", "Meuteumeung ligat ngon hamba Allah Musa meureumpok sidroe sahabat Ka Neubri rahmat gopnyan le Allah Neubri ‘eleumee uleh Hadharat Ureueng nyan meuhat ‘eleumee luah", "Teuma di Musa geutanyong ligat G Di lon meuhʻeut that sajan lon langkah Meunyo taizin lon seutot siat Di lon that hajat ‘eleumee Allah", "Teuma geujaweub gata hai sahbat Sang-sang han dapat napsu tateugah Han ek tasaba gata meu siat", "Sabab han meupat taeu phaedah Sabab rahsia hana tatupat Pakri ek dapat napsu tateugah", "Musa geujaweub tulong Hadharat Di lon hai sahbat saba sileupah c Ban nyang gata kheun di lon lonta‘at Sinan lonmumat hana meuubah", "Teuma geujaweub meu ka that hajat é Jinoe nasehat bacut lonpeugah Bek tanyong-tanyong peue nyang talihat ‘Oh dudoe meuhat teuma lonpeugah", "‘Oh Iheuh geukheun nyan laju beurangkat | Dua ngon sahbat u laot luah Meuteumeung kapai geuek le ligat Tapi hireuen that kapai ka geuplah Musa geutanyong pakon hai sahbat Kapai gob jroh that ka tapeubeukah Meunyo sit karam ureueng meularat Teuntee jeuheut that gata geupeugah", "Teuma geujaweub pakon hai sahbat Teuwo nasehat nyang ban lonpeugah Ka lheuh lonpeugah tasaba siat Napsu jeuheut that han tateugah", "Musa geujaweub teuwo lon that-that Meuʻah hai sahbat di lon ka salah Bek tueng keu bulueng ulon meularat Jinoe hai sahbat sipheut lonubah", "(Teuma geubeudoh laju beurangkat e Meureumpok ligat aneukmiet ceudah Ka geupoh mate aneuk nyan ligat Hanajan siat sinan ka reubah Musa geutanyong pakon jeuheut that Tapoh han sasat aneuk tan salah JUZ 16) Hana jipoh gop keupue tajungkat Teuntee salah that gata geupeugah", "Teuma geujaweueb pakon hai sahbat Teuwo nasehat nyang ban lon peugah Han ek tasaba ka lon kheun meuhat Napsu jeuheut that han ek ta teugah", "Musa kheun teuma boh jinoe meuhat p Han le lon sasat tapeubuet salah À Meunyo sigo treuk lon tanyong sabab Ka jeuet hai sahbat lon nyoe takeubah", "Teuma geubeudoh laju beurangkat Bak saboh teumpat ka troh geulangkah Bak saboh gampong ureueng rame that Geulakee ligat peue nyang na mudah Tabri makanan keu kamoe siat Sabab ka deuek that ngon hek sileupah Tapi kaom nyan keubit that batat Makanan sapat pih han jikeubah Han jibri sapeue nyang geumeuhajat Geubeudoh ligat laju geulangkah Meuteumeung saboh tembok meu turab Tapi singet that sang ka rap reubah Teuma geupeudong binteh nyan ligat Musa geulihat laju geubantah Meunyo talakee upahjih meuhat Gadoh meularat geutanyo sosah", "Teuma geujaweueb tanyo hai sahbat Nyoe ka troh bak had tanyoe meupisah Han ek tasaba gata meusiat Hana tatupat keu peue phaedah Akan lon peugah teuma riwayat Peuejeuet keu sabab buet lon sang salah", "Teuntang hai kapai meunoe riwayat Ureueng meupukat mita napakah Udep di laot ureueng nyan meuhat Geuba u darat peue nyang na mudah Teuma di likot raja lalem that Jireubot meuhat kapai jirampah Meunyo ka rusak han le jikarat Nyan jeuet keu sabab kapai nyan lon plah", "Teuntang aneuk miet meunoe riwayat Dijih ka sisat teukeudi Allah Sayang ma-ku jih ureueng taʻat that Takot jipakat kaphe keu Allah Teuntee jipaksa ma-ku jih meuhat Mangat roh sisat geupubuet salah", "Sabab nyan lon poh aneuk nyan ligat Mangat seulamat ibu ngon ayah Neugantoe laen uleh Hadharat Aneuk nyang got that shaleh ngoh ceudah", "Teuntang hai binteh tembok meu turab Meunoe riwayat deungo lon peugah Dua droe aneuk yatim meularat Jih nyang po teumpat binteh ka reubah Di yup binteh nyan harta jih le that Youh dilee meuhat sinan geukeubah Ayah jih dilee ureueng shaleh that Sinankeuh teumpat pusaka ayah Teuma Neukheundak uleh Hadharat Harta nyan meuhat keu jih napakah Meunyo ka rayok aneuk nyan ligat Dudoe jiteupat harta geukeubah Jijak cok keudroe dengan seulamat Harta nyan rahmat Neubri le Allah Abeh lon peugah bandum riwayat Sang-sang talihat lon pubuet salah Padahai dilon kon sagai sisat Tuhan Hadharat nyang yue peurintah Sabab nyan gata lon yue saba that Tapi han kuat napsu tateugah", "Teuma jitanyong bak gata siat Teuntang riwayat Zulkarnain meugah Tajaweueb meunoe wahai Muhammad Deungo riwayat jinoe lon peugah", "Gopnyan di bumoe raja raya that Seutot riwayat galak that leupah Harok that geujak timu ngon barat", "Laju beurangkat seutot seujarah", "Hingga troh geujak bak saboh teumpat Jioh u barat keudeh geulangkah Matauroe lop tujuan meuhat Hingga troh kasad Neubri le Allah Matauroe deuh sinan geulihat Jilop ban bulat lam tanoh bagah Na saboh kaom di sinan meuhat Uleh Hadharat teuma Neupeugah Wahe Zulkarnain meunyo meuhajat Taseksa meuhat kaom nyan bagah Atawa nyang jroh gata meuhajat Tapubuet leugat hana soe bantah", "Geujaweueb teuma laju ban teupat Ureueng nyang sisat dilon lon balah Ureueng elanya lon seksa ligat ‘Oh dudoe meuhat pulang bak Allah Meunyo ka jiwoe ubak Hadharat Azeueb raya that keu jih Neubalah", "Soe nyang pubuet got iman jih kuat Balasan meuhat pih got sileupah Ureueng nyan teuma pih han lon peubrat Peurintah meuhat keu jih nyang mudah", "Beudoh lom teuma gopnyan beurangkat", "Troh saboh teumpat keudeh geulangkah Keudeh u timu geupeukeue ligat Bak ujong teumpat hu meujeureulah Teumpat jiteubiet uroe peungeuh that Tujuan meuhat keunan geulangkah Meuteumeung kaom sinan ganje that Teulanjang bulat tuboh jipeuhah", "Meunankeuh gopnyan ‘eleumee le that Uleh Hadharat Neubri ngon tuah", "Geubeudoh sinan laju beurangkat", "Hingga troh ligat bak saboh lurah Dalam urong gle sinan geulihat Na saboh teumpat nanggroe nyang luah Na saboh kaom mantong biadab Meuphom hana that peue nyang geupeugah", "Ubak Zulkarnain jipeugah ligat Kamoe meularat raya sileupah Yakjut wa makjut leupah that jeungkat Kamoe dum rakyat habeh jirampah Jipubuet jeuheut sabe jeuep teumpat Neutulong siat kamoe beu leupah Neupeugot kuta keu kamoe siat Bek jeuet jilewat keunoe jilangkah Meunyo cit neutem peutroh ban hajat Dikamoe rakyat meutem bri upah", "Geujaweueb teuma dilon tan hajat Na nyang leubeh that Neubri le Allah Lon lakee mantong teunaga rakyat Keunoe meusapat bandum tayue krah Lon peugot kota saboh nyang kuat Hana meuhajat dilon keu upah", "Tayue me beusoe keunoe beu le that t Tatamon ligat beu manyang leupah “Oh santeut ngon gle tatot le ligat Apui raya that peuudep bagah Oh lheueh nyan timah keunoe taintat Tapasoe leugat lam apui mirah", "Meunyo ka abeh bandum ka siap Yakjut meukarat teubiet han leupah Han leupah jiek sabab manyang that Jikurek meuhat hana phaedah", "Teuma Zulkarnain geukheun amanat ; Bandum nyoe rahmat Neubri le Allah Meunyo ka teuka janji Hadharat ‘Oh dudoe meuhat hanco dum bicah Janji Tuhanku beuna nyo that-that Hana meusiat pih na meuubah", "Teuma Neupeugah uleh Hadharat Yakjut nyang jeungkat sinan Neukeubah Sabe keudroe jih karu jih that-that Sabab meukarat teubiet han leupah Geuyup seurunee le malaikat Baro meusapat u keue Potallah", "Masa nyan geuba apui raya that Keu kaphe jeungkat nuraka juah", "Kaphe nyang buta han deuh jilihat Padum le ayat yue ingat Allah Han ek jideungo dijih nyan meuhat Ate ka batat tungang sileupah Mata jih buta ka teutop rapat Han deuh jilihat dumna peurintah", "Nakeuh ek patot dikaphe jeungkat Jipeucharikat laen ngon Allah Dijih meulakee kon bak Hadharat Teutapi meuhat bak hamba Allah Dijih keu hamba pubuet ibadah Meubri treuk teumpat nuraka juah", "Takheun le gata wahai Muhammad Peugah bak umat nyang pubuet salah Deungo lon peugah wahe e sahbat Ureueng rugoe that amal ka salah", "Ureueng nyan bandum nyata ka sisat Udep jih meuhat hana phaedah Jipike keudroe buet jih nyan got that Padahai sisat rugoe sileupah", "Ureueng nyan bandum kaphe keu ayat Tuhan Hadharat dijih jibantah Jikheun han rumpok dengon Hadharat Kaphe jeuheut that lawan peurintah Ubena amai luroh dum meuhat Hana sagai brat meuube seupah Hana harga uroe kiamat Nyang na cit laknat Neubri le Allah", "Nyankeuh nuraka balahjih meuhat Sabab jih sisat kaphe keu Allah Watee jideungo geubaca ayat Dijih paleh that jikhem meuhah-hah Lon jipeukaru Rasul Hadharat Nyankeuh jeuet teumpat nuraka juah", "Ureueng meuiman akan Hadharat Amal nyang got that hantom geukeubah Neubri churuga uleh Hadharat Firdaus manyang that lagi that indah", "Bandumgeuh keukal di sinan teumpat Han tom meularat seunang that leupah Minah holaen han sagai hajat Sabab mangat that churuga indah", "Takheun le gata wahai Muhammad Ubak dum umat meunoe tapeugah Meunyo ie laot bandum meusapat Teuma geusurat kalimat Allah Habeh ie laot keudua meuhat ‘Eleumee Hadharat hana lom sudah Sangkira neubri daweuet lom le that Beu sadum meuhat ngon laot luah Han ek cit habeh ilmee Hadharat Dumnankeuh le that kalimat Allah", "Takheun le gata wahai Muhammad Ulon hai umat cit hamba Allah Lon manusia ban gata meuhat Lagee talihat hana meuubah Teuma bak ulon wahyu Hadharat Neuyue kheun meuhat sidroe-Neuh Allah ý Tuhan gata nyoe cit sidroe meuhat Barangsoe hajat pubuet le bagah Hajat meureumpok deungon Hadharat Peubuet le ligat amal nyang ceudah Tuhanku sidroe bek peucharikat Pubuet ibadat hanya keu Allah MARYAM Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 19, "versesCount": 98, "verses": ["Kaf Ha Ya ‘Ain Shad Tuhan nyang teupeue meukeusud ayat Sabab Hadharat hana Neupeugah", "Rahmat Po gata keu sidroe hamba Neuh Zakaria nyan Neuneuk peugah", "Youh geumeudoʻa ubak Po gopnyan Bak watee teunang gopnyan munajah", "Geukheun Tuhanku leumoh tuleueng lon Ka puteh ok lon hana le hilah Hana daya le lon nyoe ka tuha Doa lon pinta beu mustajabah Hana tom Neubri lon putoeh asa", "Teumakot hamba keu aneuk lidah Saleh pakri dom ‘oh meulikot lon Ureueng inong lon pih hana hilah Ka padum lama inong lon male Harap hana le ka putoeh sudah Neubri Tuhanku sidroe aneuknda", "Ji tueng pusaka bak lon nyang ayah Lom pih pusaka bak wareh Ya‘qob Neubri bek Neutop rahmat Neupeuhah Aneuk nyan bak nyo nyang Droe-Neuh rila", "Hai Zakaria Neukheun le Allah Kamoe peuseunang lam ate gata Aneuk teuh Yahya Kamoe hadiah Goh na baroekon ureueng nan Yahya Nyan keuh keu gata aneuk meutuah", "Geukheun Tuhanku pat aneuk keu lon Ureueng inong lon umu ka leupah Inong lon male ka leupah that trep Dilon pih ka sep umu rap reubah Umu lon jinoe leupah that tuha", "Meunan keuh kada Neukheun le Allah Po gata Neukheun gata bek apon Atra nyan bak Lon leupah that mudah Youh masa dilee Lon peujeuet gata Sapeue pih hana jeuet laju bagah", "Geukheun Tuhanku Neubri keu tanda Kalon (nyoe tanda) Neukheun le Allah Tanda keu gata hana ta marit Lhee malam keubit ta gampet babah", "Beudoh bak Mihrab teuma geuteubiet Hana geumarit meu peue geupeugah Geubri icharat mantong bak kaom Geuh geuyue junjong perintah Allah Ta kheun teuseubeh beungoh ngon seupot Dumpeue taturot bek sagai bantah", "Hai Yahya tacok kitab nyan beu that Meurunoe leugat beuna ngon salah Hikmah Kamoe bri teuma keu gopnyan Youh mantong gopnyan ubeut that leupah", "Lom gaseh sayang meubri bak Kamoe Geupeugleh that droe taqwa keu Allah", "Keu ma ku gopnyan pih that geujunjong Hana sagai mbong sabe meurendah", "Seulamat gopnyan bak uroe lahe Ngon uroe mate geuh that meutuah Lom pih seulamat uroe geubangket Sigo treuk udep meuhadap Allah", "Teuma taingat haba Maryam Dalam Qur‘an sinoe geupeugah Watee geuteubiet geujak rot timu Sidroe geuh laju keunan geulangkah Ahli di rumoh tinggai sinaroe", "Digopnyan sidroe geujak meusiblah Geujak bak padok digopnyan sidroe Keunan Roh Kamoe meukirem bagah Geupeurupa droe geuh lagee insan Leupah that saban geukalon gagah", "Maryam kheuen lon lakee bak Tuhan Bek gata tuan keunoe talangkah Meunyo cit gata ureueng takwa", "Geuseuot sigra lon Rasul Allah Rasul Po gata lon jak bak gata Haba gembira Neuyue jak peugah Neuyue bri aneuk bak lon keu gata Nyang meubahgia ngon gleh sileumpah", "Han tom teupeh lon ngon ureueng agam Pane jeuet meunan aneuk tan ayah Lagi pih lon nyoe kon inong jalang Seuot Maryam meunan geupeugah", "Geukheuen ka meunan kheuen Tuhan gata Buet bacut sahja bak Lon that mudah Lom Kamoe peujeuet nyang nyan keu tanda Keu manusia jitueng phaedah Lom pih nyan rahmat meubri le Kamoe Lagi atra nyoe ka putoh sudah", "Teuma Maryam pih kakeuh hame Ngon aneuk geume geujak peusiblah", "Bak teumpat jioh geujak peungkleh droe Lahe treuk sinoe si manyak mirah Di yup keureuma sinan geuduek le Geukheuen bah mate lon dumnoe sosah Pakon: han mate lon sigohlom nyoe Mangat bek lon nyoe jipeugah-peugah Bahle beu teuwo jih bek jiingat Saket ngon mangat bek jeuet keu gundah", "Teuma geudeungo saboh suara Bak teumpat rata nyang leubeh rendah Di yup gata duek ie jiteubiet le Tuhan peuile bek gata sosah e E a", "Cuba tagrak-grak cabeueng keuruma Rhet boh keureuma nyang mantong basah", "Tapajoh tajep beu seunang ate Sapeue hana le nyang jeuet keu sosah Meunyo meuteume ngon manusia Lon lon puasa meunan tapeugah Hanjeuet lon marit ngon beurangkasoe Kaoi lon meunoe janji ngon Allah", "Geume treuk aneuk bak kaom gopnyan Wahe Maryam jikheuen le bagah Pakon digata buet teuh lagee nyan", "Chedara Harun pakon buet salah Ayah gata kon ureueng nyang jeuheut Ma gata pih got kon inong culah", "Maryam tunyok bak aneuk ubit í Hanjeuet jimarit laju jipeugah y Pakri meutanyong bak aneuk ubit", "Teuma jimarit lon hamba Allah Ngon saboh kitab keulon ka Neubri Ka jeuet keunabi lon nyoe Neupeugah", "Ho ho nyang lon jak Neubri beureukat Sembahyang meuhat lon Neupeurintah Meunan pih bak lon Neuyue bri zakeuet Youh mantong udep lon gohlom leupah y", "Pubuet bakti beu jroh keu ma lon Bek na sipheuet mbong nyang brok sileupah", "Seulamat keulon uroe laher lon Uroe mate lon pih beu meutuah Seulamat lom lon uroe geubangket y Sigo treuk udep meuhadap Allah Nyankeuh nyang Isa aneuk Maryam", "Nyang dum awak nyan meubantah-bantah Narit nyang beuna bak Tuhan sidroe Dijih chok cit roe ragu sileupah", "Hana meuaneuk Tuhan Hadharat Maha suci that nibak jih peugah Wate Neukheundak barang peue meuhat Barang peue hajat Neumeung perintah Neukheuen boh jeuet kah jinoe le leugat Hasel le siat hana nyang payah", "Allah Tuhan lon ngon Tuhan gata O Droe-Neuh nyan sahja wajeb taseumah Nyoe jalan teupat nyang jalan Tuhan", "Teuma awak nyan meupisah-pisah Han jimeusapeue bandum awak nyan Ceulaka youh nyan keu kaphe jadah ‘Oh teuka uroe haro hara that Keubit meukarat kaphe seurakah", "Deuh that jideungo trang that jikalon ‘Oh troh uroe nyan hana peue peugah Tapi si lalem jijak bak Kamoe Nibak uroe nyoe sisat that leupah", "Tapeuingat jih uroe meunyesal Uroe nyang kekal ‘oh habeh sudah Dijih lam lalee han jimeuiman", "Pusaka youh nyan Kamoe cok bagah Pusaka bumoe ngon bandum asoe Bandum keu-Kamoe hana meukeubah Bandum awaknyan teuma Meupuwo Keudeh bak Kamoe beuna ngon salah", "Teuma taingat haba Ibrahim Lam Qur‘an Karim sinoe geupeugah Gopnyan beuna that lom jeuet keu nabi", "Geukheun bak abi geuh wahe ayah Pakon teseumah berhala mate Han jeuet jidengo peue nyang tapeugah Han deuh jikalon hana meuguna Han sapeue pih na dijih phaedah", "Hai ayah dilon nyoe ka lon teupeue Nyang goh neuteupeue le droeneuh ayah Teuma neuikot lon tunyok droeneuh Lon maba droeneuh bak jalan Allah a a i A Jalan nyang beuna jalan nyang teupat", "Bek jalan sisat neujak hai ayah Bek jalan sisat neuseumah chetan Maksiet keu-Tuhan cheitan seurakah", "Hai ayah dilon teumakot lon that ; Keu droeneuh azab Neubri le Allah Droeneuh neujakcok cheitan keuwali", "Seuot le abi peue benci that kah A Wahai Ibrahim peue benci keuh that Tuhan lon sisat bandum kapeugah Meung han kapiyoh ka kheun keu Tuhan Keubit ku rajam keuh han soe teugah Kajak weh keudeh bek le keuh sinoe Bek le kawoe-woe beu trep sileupah", "Geukheun seulamat keu droeneuh bak lon Lon lakee ampon teuma bak Allah Neuampon keudroeneuh le Tuhan lon Neubri doa lon beu mustajabah Baroekon Tuhan cit got that keulon", "Jinoe kakeuh lon keudeh lon langkah Kakeuh tinggai droeneuh dum ngon tuhan Neuh nyang neukheun nyan nyang bukon Allah Jeuet lon meudoa ubak Tuhan lon Kadang Neuampon droeneuh le Allah Mudah mudahan bak Neuteurimong Doa lon ceumong bek jeuet keu salah", "‘Oh ban ka geujak tinggai ureueng nyan Tinggai ngon tuhan jih nyang kon Allah Meubri keu gopnyan Ishaq ngon Ya‘qob Meuturot turot ureueng meutuah Bandua gopnyan pih jeuet keu nabi", "Meubri lom lagi rahmat meulimpah Nama ureueng nyan sabe gop teuoh Sipheuet got that jroh manyang sileupah i", "Teuma taingat lom haba Musa Lam Qur‘an nyata sinoe geupeugah Ikheulah that gopnyan pangkat Tuhan bri Rasul ngon Nabi raya that tuah", "Bineh Tursina Kamoe hei gopnyan Siblah rot uneuen kon jarak leupah € Meupeutoe gopnyan bak geumunajat", "Meubri ngon rahmat keu gopnyan bagah Chedara gopnyan Harun pih Nabi Geubantu akhi rahmat that leupah", "Haba Ismail lom taba ingat Lam Qur‘an meuhat sinoe geupeugah Gopnyan pih Rasul cit deungon Nabi Beuna that janji han tom meuubah", "Geuyue ahligeuh sembahyang zakeuet Rila Hadharat keu gopnyan sudah", "Haba Idris lom taba ingat Lam Qur‘an meuhat sinoe geupeugah Ureueng beuna that gopnyan pih Nabi", "Pangkat nyang tinggi Neubri le Allah", "Bandum ureueng nyan Tuhan bri ni‘mat Nabi dum meuhat geunaseh Allah Turunan Adam dum Nabi-Nabi Ni‘mat Tuhan bri cit le sileupah Meunan pih nyang ek sajan Noh dilee Lam kapai teuntee Kamoe yue langkah Cuco Ibrahim deungon Israi Meunan lom lagi meubri hidayah Nyang Kamoe tunyok ngon Kamoe gaseh Nyang Kamoe pileh dum hamba Allah Watee geubaca ateueh ureueng nyan Dum ayat Tuhan nyang Maha Murah Teukukui laju bandum geusujud Geumoe meuʻeut-‘eut geuingat Allah", "Gantoe ureueng nyan teuma di likot Le that nyang ka rhet ji peubuet salah Han jisembahyang peuturot napsu Dudoe meuteumeng sisat that leupah", "Meulengkan ureueng nyang jitem toubat Meuiman leugat ngon buet jroh leupah Ureueng nyan teuma tamong churuga Han geuelanya geuh meung be seupah", "Neubri keu hamba churuga ‘Adnen ; Ka janji Tuhan nyang maha murah ; Dilee lam ghaeb ka janji Tuhan Janji Droe-Neuh nyan hantom meuubah", "Hantom geudeungo narit nyang sia Dalam churuga Neubri le Allah Meulengkan sabe saleuem seulamat Raseuki le that sinan neukeubah Beungoh ngon seupot raseuki le that", "Pusaka meuhat keu hamba Allah Keu hamba Kamoe meubri churuga Soe nyang takwa sabe keu Allah", "Kamoe han meutron meu kon yue Tuhan g Peue gata tuan nyang bri peurintah Nyang di keue tanyoe di likot tanyoe Bandum atra nyoe cit milek Allah Antara nyan dum pih milek Tuhan Tuwo Neuh hantom barang peue hilah", "Tuhankeuh nyang po langet ngon bumoe Ngon bandum asoe pih milek Allah Ta seumah Tuhan sabab nyan leugat Ta saba beuthat keubit ikheulah Pubuet ibadah akan Droe-Neuh nyan Ek na nyang saban laen ta peugah", "Kheun manusia peue ek lom udep € Lon nyoe geubangket Iheueh mate sudah", "Peue manusia hana jiingat , Kamoe nyang peujeuet dilee jih sudah Watee nyan dijih hana sapeue na", "Demi Po gata jih meubeureukah Kamoe peusapat jih dum ngon chetan Dalam jahannam keudeh meuruwah Ubak nuraka meuba jih mandum Sinan jih meugom lam apui mirah", "Lheueh nyan meutarek bak jeuep golongan c Soe lam kawan nyan nyang beuhe leupah Soe nyang that paleh batat ngon tungang Jiławan Tuhan Nyang Maha Murah", "Kamoe nyang teupeue soe nyang Meucabot Nyang leubeh patot keu apui mirah", "Bandumteuh gata tateuka keunan Putosan Tuhan han jeuet meuubah", "Lheueh nyan meupeuglah si nyang takwa Nyang lalem teuma sinan meukeubah Sinan meulungkop bandum si lalem", "Atra jipeukhem dum ayat Allah ‘Oh geukheuen ayat Kamoe nyang nyata Si kaphe sigra laju jipeugah Bak ureueng mukmin jikheuen soe nyang got Soe nyang jroh teumpat dua kaphilah Mukmin ngon kaphe soe nyang leubeh got Nyang toh nyang teumpat jih leubeh indah", "Padum le Kamoe meupeubinasa Youh dilee nyang ka masa nyang sudah Dilee nibak jih rumoh leubeh got Dumpeue leubeh that takalon mewah", "Takheuen barangsoe nyang ka lam sisat Bah sabe meuhat dijih lam salah Beu panyang unu jih laju sinan Neubri le Tuhan nyang Maha Murah c Hingga jikalon peue nyang geujanji Azeueb han sakri teuka musibah Atawa teuka watee kiamat Jiteupeue leugat watee nyan sudah Soe nyang leubeh brok teumpat jih singoh Soe leubeh leumoh han ek soe peuglah", "Soe nyang ka na keu jih peutunyok Neutamah tunyok lom jih le Allah Amal shalihat nibak Po gata Leubeh mulia phala le leupah Beukal leubeh that untuk tapuwoe", "Teuma taeu roe si kaphe jadah Dijih jikaphe keu ayat Kamoe Arta jih nyoe jikheuen le leupah Arta dilon deungon aneuk lon Cit geubri keu lon hana peue peugah", "Peue atra ghaeb bak jih ka meuri Ka jimeujanji dijih ngon Allah", "Teutapi Kamoe akan meutuleh Bandum beu habeh peue nyang jipeugah Kamoe pupanyang azeueb lom keu jih", "Pusaka bak jih Kamoe tueng bagah Pusaka jih nyan meutueng keu Kamoe Tinggai jih sidroe jiwoe bak Allah Badan jih sidroe jiwoe bak Kamoe", "Awak jih meunoe cit dum lam salah Jipeugot laen dijih keu Tuhan Jih jikheuen tuhan nyang bukan Allah Nyan keu wali jih nyang peulindong jih", "Tapi bandum jih dudoe jikeubah Si kaphe teuma ibadah keu jih Jeuet keu musoh jih teuma that leupah", "Peue hana taeu meukirem chetan Kamoe yue padan dum kaphe jadah i Jipadan jiyue buet darohaka", "Teuma bek gata talakei bagah Dikamoe bandum ka lheueh meukira Bandum keunira keu jih meukeubah", "Ureueng takwa bak saboh uroe Meusapat keu noe Kamoe yue langkah Jeuet keu utosan nyang that mulia", "Dum kaphe teuma meuparoh bagah Dalam nuraka meuparoh bandum Peudeh ngon reukueng jih grah sileupah b", "Beurangsoe han ek jibri chupeu‘at 4 Meu kon Hadharat izin Neupeugah £ Meu ka na janji deungon Hadharat Ureueng nyan meuhat mantong nyang leupah", "Awak nyan jikheuen Tuhan na aneuk", "Keubit that s‘ok mʻok narit ka peugah Keubit narit nyan leupah that jeuheut", "Ubena langet sang-sang ka bicah Beukah ngon bumoe runtoh ngon gunong", "Na aneuk Tuhan narit jipeugah", "Han sagai patot na aneuk Tuhan Ureueng nyang kheun nyan raya that salah", "Soe nyang di langet ngon nyang di bumoe Bandum ureueng nyoe cit hamba Allah Jak peunamiet droe bandum bak Tuhan", "Bandum ureueng nyan Neutudum peugah Ka lheueh Neubileueng bandum le Tuhan", "Jak dum bak Tuhan hana soe papah Uroe kiamat jak dum bak Tuhan Hana ngon rakan nyang jeuet seumeugah", "Soe nyang meuiman lom jipubuet got Tuhan Hadharat Neugaseh leupah", "Kamoe peumudah Qur‘an keu gata Ngon lidah gata bahsa nyang mudah Mangat ta peugah haba geumbira Keu soe nyang takwa keupada Allah Lom ta peuingat azeueb akhirat Keu soe nyang batat sabe buet salah", "Padum le dilei meupeubinasa Han ek ta kira dum le that leupah Peue na ta kalon jinoe meu sidroe Habeh sinaroe tan le meubeukaih Atawa peue na ta deungo meusu Tan meusigeutu habeh dum sudah THAHA Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 20, "versesCount": 135, "verses": ["Tha Ha Tuhan nyang teupeue meukeusud ayat Sabab Hadharat hana Neupeugah", "Kon Kamoe peutron Quran bak gata Mangat jeuet gata tarasa sosah", "Meulengkan mangat jeuet keu peuingat Keu soe nyang takot dijih keu Allah", "Tren nibak Tuhan nyang peujeuet bumoe Ngon langet dum nyoe nyang manyang leupah", "Tuhan Peumurah Maha Perkasa Neumat kuasa di ateueh ‘arasy", "Peue nyang di langet ngon nyang di bumoe Ngon bandum asoe jih milek Allah Nyang di yup tanoh han deueh takalon Pih milek Tuhan nyang Maha Murah", "Adak tamarit rayok suara Mandum rahsia Neuteupeue sudah Bandum Neuteupeue bahle nyang meusom", "Tan laen Tuhan meulengkan Allah Le nama Tuhan bandum nyang got-got Di sinan meuhat Tuhan Neupeugah", "Peue na bak gata troeh haba Musa", "Youh geu-eu cahya apui nyang mirah Geukheun bak ahligeuh tinggal gata Lon kalon cahya apui trang leupah Mangat lon peuwoe apui nyan keu noe Jeuet digata nyoe tatueng phaedah Atawa pih na sinan peutunyok Sinan jeuet tacok kadang phaedah", "Troh Musa keu nan deuh treuk suara Deungo hai Musa jinoe Lon peugah", "Keubit nyoekeuh Lon Tuhan po gata Tasuet le sigra kawoh takeubah g Kawoh bak gaki tasuet bandua Jinoe na gata bak tempat indah Teumpat nyang suci bak urong Thua", "Lon pileh gata nyang raya tuah Lon pileh gata tadeungo jinoe Wahyu bak Kamoe jinoe meupeugah", "Nyoekeuh Lon Allah tan laen Tuhan i Meulengkan cit lon sidroe taseumah Peubuet sembahyang keu lon taingat", "Teuma kiamat deungo lon peugah € Uroe kiamat han jeuet han teuka Teuma rahsia han jeuet Lon peugah Pajan wateejih Lon som bak gata Watee nyan hamba bandum geubalah", "Teuma bek gata roh jipeupaleng Le jih nyang han tem iman keu Allah Nyang han tem iman akan kiamat Dijih peuturot napsu seurakah Meu taturot jih gata binasa", "Teuma hai Musa tacuba peugah Bak jaroe uneunteuh peue nyan tamat", "Geukheun nyoe tungkat lon keu peukakah Ngon tungkat lon nyoe jeuet lon meuteugon Lon paroh kameng meujan ‘oh salah. Maksud laen pih le ngon tungkat ‘Oh watee lon mat cit le phaedah", "Neukheun boh tatiek tungkat hai Musa", "Geutiek treuk sigra sinan geukeubah ‘Oh ban geukalon ka jeuet keu uleue Watee nyan jiʻeue laju that bagah", "Neukheun boh tacok jih bek tatakot Kamoe peusurot tungkat lom bagah Meuwoe lagei sot tungkatteuh teuma", "Bak geutiek teuma jaroeteuh siblah Tapeuduek jaroe lam geutiek gata ‘Oh tasuet lanja hu mejeureulah Puteh meukeuprak kon jeuet keucacat Nyan saboh ayat laen lon peugah", "Kamoe peuleumah nyan ubak gata Mvuʻjizat raya Kamoe bri tuah", "Ubak Peuraʻeun tajak leh gata Jih darohaka jipeubuet salah", "Geukheun Tuhanku Neupeuhah dada Lon Neubri sigra akal nyang ceudah", "Neubri beu mudah urusan lon nyoe", "Bak lidah lon nyoe pih na meukilah Neubri beu teuploh lidah lon beu got", "Watee lon marit jiteupue bagah", "Neubri ahli lon jeuet keumentroe lon", "Harun aduen lon Neubri meutuah", "Neubri beu kuat lon deungon gopnyan", "Beu jeuet keurakan lon ba peurintah", "Jeuet kamoe ucap beu le teuseubeh Keudroe-Neuh lebeh nibak nyang sudah", "Jeuet kamoe ingat droe-Neuh beu le that", "Droe-Neuh nyang lihat kamoe ya Allah", "Neukheun ka geubri peue nyang talakee Hai Musa teuntee hana meuilah", "Saboh treuk nikmat mubri keu gata Youh mantong gata ubit that leupah", "Kamoe bri wahyu ubak ma gata", "Tatiek jih sigra lam tong takeubah Tatiek tong lam krueng jiba u bineh Sinan na soe preh jicok jih bagah Musoh lon nyang cok ngon musoh jih nyan Jigaseh jih nyan sayangjih leupah Ka lon tiek gaseh bak jih keu gata Nyak jipeulihara gata jipapah Lon ngieng ngon kalon na jihiroteuh", "Youh nyan cutdateuh keunan geulangkah Geukheun bak lon na si tem peulihara Keunoe jeuet taba bek le takeubah ` Kamoe peuwoe treuk gata bak mateuh ; Seunang that mateuh hana le susah Teuma na ureueng nyang tapoh mate Kamoe puweh le gata meupeuglah Mangat bek susah gata deungon nyan Teuma ujian gata le leupah Mewuji gata ngon peungalaman Teuma u Madyan keudeh talangkah Padum thon sabe gata di sinan Teuma ‘oh Iheueh nyan mubri peurintah Teuma troh gata laju hai Musa Bak watee kada teupat that leupah", "Lon peujeuet gata keu utusan Lon Geunantoe droe Lon jak ba peurintah", "Tajak ngon aduenteuh jinoe gata Ayat Lon taba dum tajak peugah Bek lalee gata taingat keu Lon", "Ubak Peuraʻeun jinoe talangkah Sabab Peuraʻeun ka darohaka Peue-peue nyang hawa jipeubuet sudah", "Tapeugah beu got le gata dua Bek narit gasa nyang jeuet keusalah Kadang pih jitem jeuet keu peuingat Got pih jitakot watee tapeugah", "Kheun gopnyan dua wahe Po kamoe Teumakot kamoe kamoe jigagah Teumakot kamoe keu jielanya Get darohaka pih jih keu Allah", "Neukheun bek yoteuh Lon sajan gata Lon deungo nyata peue nyang jipeugah Lon kalon keudroe bandum perkara", "Tajak banduateuh laju bagah Tapeugah kamoe Rasul Po gata Neuyue bak gata keu noe meulangkah Bani Israil tajok keu kamoe Bek le lagee nyou buetteuh that salah Bek taazeueb dum Bani Israil Kamoe ba dalil Neubri le Allah Kamcoe ba ayat nibak Po gata Salam seujahtra soe ikot Allah Soe nyang tem ikot peutunyok Tuhan", "Meunyo kon meunan azeueb that leupah Ka Neubri wahyu bak kamoe dua Raya that seksa si nyang buet salah À Si nyang han pateh ji paleng muka", "Peuraʻeun sigra teuma jipeugah Boh soe Tuhanteuh gata bandua Peugah hai Musa bak lon beu bagah", "Geukheun Po kamoe nyang bri peuneujeuet ‘Oh Iheueh Neupeujeuet Neubri hidayah Bandum makhluk peuneujeuet Tuhan", "Seuot Peuraʻeun tacuba peugah Pakriban dilee dum ureueng jameun", "Atra nyan geukheun ileumee Allah Ileumee nyan dum na bak Tuhan lon Lam kitab sinan bandum Neupeugah Hana tom silap sagai Tuhan lon Tuwo-Neuh pih tan hana tom salah", "Tuhan nyang peujeuet bumoe keu gata Takalon rupa lagee sajadah S Neubri jeuet gata tapeugot jalan Jeuet ban sabohnyan tajak meulangkah Sideh di langet Neupeutren ujeuen Tanom tanaman timoh le bagah Kamoe peuteubiet meupasang-pasang Le that tanaman hana ban peugah", "Tapajoh nyan dum jeuet keumakanan Binatangteuh nyan galakjih leupah Binatang ternak jeuet tabri umpeuen Jimeurot sinan umpeuen jih mudah Atra nyan bandum cit jeuet keutanda Soe Ihok bicara jitueng phaedah", "Kamoe meupeujeuet gata bak bumoe U dalam bumoe teuma meukeubah Sigo treuk teuma tateubiet sinan Tinggai bumoe nyan gata talangkah", "Kamoe peuleumah dum ayat Kamoe Jikheun atra nyoe sulet that leupah Han jitem pateh jidarohaka", "Jikheun hai Musa peue tajak peugah Tameung peuteubiet kamoe di sinoe Ngon siheteuh nyoe tapeuget ulah", "Dikamoe pih na siher dum sinoe 1 Gata ngon kamoe saban that leupah Nyan sihe gata cit kamoe lawan Meujanji pajan jinoe bek ubah Janji gata nyoe jinoe mupakat Bak saboh teumpat keudeh talangkah Teumpat nyang lapang keunan meusapat", "Musa kheun leugat janji bek ubah Bak uroe raya ‘oh beungoh uroe Tahei sinaroe rakyat tayue krah", "Beudoh Peuraʻeun jijak hei pakat Tipu muslihat jipeuget ulah Teuma bak teumpat laju jiteuka", "Musa kheun gata ceulaka sudah Bek peuna-peuna sulet keu Tuhan Neubri balasan ‘azeueb that leupah Nyang peuna-peuna raya that rugoe", "Teuma sabe droe ka jimubantah Lheueh jimeus‘ah-s‘ah dum sabe keudroe", "Jikheun treuk meunoe peue jijak peugah Bandua jih nyan cit tukang sihe Jimeung boh sihe tanyoe jirajah JIMEUNE pEurEuvIet tanyoe di Sinoe Lam gampong tanyoe jiyue weh bagah Lheueh jipeusihe ban dumna gata Agama gata pih jimeung ubah", "Peusapat jinoe dum sihe gata Mubareh sigra gata dum siblah Mangat talawan jih nyan bandua Uroe nyoe nyata meunang ngon kalah Soe-soe nyang meunang nyan mubahgia", "Jikheun hai Musa peue han tapeugah Soe tiek phon kamoe atawa gata", "Teuma kheun Musa gata tiek bagah Teuma jitiek le taloe ngon tungkat Dum jigeuriwat geukalon ulah Meunankeuh sihe awak nyan peugot", "Musa teumakot sang-sang beulisah", "Kamoe kheun bek yoteuh gata meunang Leubeh that manyang gata meutuah", "Tatiek laju nyang bak jaroe uneun Teuh jiʻuet bandum peue nyang jiulah Nyang jipeugot nyan cit bandum sihe Han meunang sihe bahle jipeugah", "Teuma jisujud dum tukang sihe C Jikheun dum han le kamoe buet salah Nyo Tuhan Harun ngon Tuhan Musa Kamoe dum sigra meuiman sudah", "Kheun Peuraʻeun peue ka kameuiman Hana kuizin lom keu bandum kah Keubit guree kah jih nyan troh keunoe Jih nyang peurunoe sihe dum keukah Jaroe ngon gakikeuh kukoh bandum Beu surang sareng meusiblah siblah Bandum kusula dicong keureuma Mangat karasa ‘azeueb that leupah Mangat kateupeue soe nyang brat seksa Keukai seumasa lom sinan dikah PEPEN PERR a a Paa A a amamma S", "Seuot awak nyan dikamoe han le Gata ka meucre ngon kamoe sudah Kamoe ka insaf ngon keunyataan Lom pih ngon Tuhan nyang Maha Murah Tuhan nyang peujeuet kamoe nyoe bandum Adak tahukom kamoe han susah Tahukom laju ban dumna kamoe Dalam donya nyoe gata peurintah", "Kamoe meuiman keu Tuhan kamoe Neuampon kamoe sabab ka salah Bandumna kamoe raya that dacha Sabab tapaksa yue peugot ulah Gata yue peugot sihe bak kamoe Watee nyoe kamoe meuwo bak Allah Allah keuh Tuhan nyang that mulia Nyang keukal baqa Maha Peumurah", "Soe nyang le dacha jijak bak Tuhan Keudeh geusimpan lam apui mirah Dalam nuraka mate jih pih han Udep jih pih han meularat leupah", "Nyang jak bak Tuhan lheueh jimeuiman Amai jih youh nyan pih jroh sileupah Ban teuma Neubri akan ureueng nyan Pangkat nyang manyang hana ban peugah", "Churuga ‘Adnen Neubri keu jeumba Di yup churuga ie krueng dum boh bah Keukai di sinan hana teubiet le Ureueng gleh ate nyankeuh beunalah", "Kamoe wahyu treuk teuma bak Musa Teubiet beu sigra watee nyoe bagah Malam tateubiet dum ngon hamba Lon Tapeugot jalan lam laot luah Rot tho ie tajak bek na teumakot Han troh jiseutot gata ka leupah", "Beudoh Peuraʻeun teuma jiseutot Jiba ngon rakyat jih le sileupah ‘Oh troh lam laot karam treuk bandum Kaom Peuraʻeun ka habeh sudah", "Nyankeuh kaom jih ka jipeusisat Peuraʻeun jeungkat han ek jipeuglah Han jipeutunyok kaom jih bandum", "Hai gata bandum deungo lon peugah Hai cot Israil gata ka meunang Bandum ka seunang ka Kamoe peuglah f Ka leupah gata bak musoh gata À Jinoe dum gata sideh meukeubah Bak bineh buket Thur nyang rot uneun Lom Kamoe peutren makanan indah Ie mon ngon puyouh cicem mangat that Makanan leuzat hana ban peugah", "Tapajoh nyang got raseuki gata Nyang ka Kamoe ba bek leupah-leupah Meu leupah pajoh jeuet beungeh Kamoe Meu beungeh Kamoe ceulaka sudah", "Ureueng nyang toubat ngon jimeuiman € Lom amai jih nyan pih got that leupah Lon ampon deecha bandum ureueng nyan Teuma ureueng nyan mubri hidayah", "Pakon rijang troh gata hai Musa Jeh kaom gata sideh takeubah", "Geukheun awak nyan na di likot lon Rila-Neuh keu lon jeuet lon jak bagah Mangat Neurila le Droe-Neuh keu lon", "Teuma kheun Tuhan sayang sileupah Brat that ujian keu kaom gata ‘Oh leupah gata jipeubuet salah Kamoe bri keu jih ujian brat that Ka jipeusisat jih le si jadah Ka jipeusisat jih le Samiri Bandum jitaki jiyue nyang salah", "Geuwo treuk Musa bak kaom gopnyan Beungeh that gopnyan ngon weueh geuh leupah Geukheun hai kaom kon ka Iheuh janji Keu gata Neubri nyang jroh le Allah Peue na treb lon jak janji ngon gata Peue cit tamita murka Allah Jeuet gata ubah janji deungon lon", "Seuot dum kaom kon kamoe salah Kon kamoe ubah deungon seungaja Ò Janji ngon gata masa nyang sudah i Tapi jiyue ba bak kamoe barang Dum perhiasan nyang indah-indah Buet si Samiri jiyue tiek keunan Dijih pih meunan kamoe tiek bagah", "Meung jipeuteubiet treuk aneuk leumo Meusu meuʻo-‘o sang saban leupah Jikheun treuk laju nyoe tuhan gata Ngon Tuhan Musa teuma ka salah Ka tuwo Musa hana geuwoe le", "Peue han jipike nyan patong jadah Han jeuet jijaweueb watee jitanyong Meularat pih han cit ek jipeuglah Hana kuasa jibri meularat Hana munapheuʻat pih meung be seupah", "Ka lheueh geupeugah dilee le Harun i Wahe kaom lon atra nyan salah Ka jifitnah dum nyan keu gata Nyang Tuhan gata cit sidroe Allah Ikot lon jinoe tathaʻat keu lon Beu tapateh lon peue nyang lon peugah", "Jikheuen treuk sabe kamoe seumah nyoe Meu goh troh keu noe Musa geulangkah Meu goh woe Musa meuseumah sabe", "Musa geukheun le aduen meutuah Hai Harun pakon han tatham jih nyan Ka taeu jih nyan sisat sileupah", "Peue gata han le tatem ikot lon Nyang peurintah lon sang-sang tabantah", "Geukheun le aduen hai aneuk ma lon Pakon janggot lon tarinthak bagah r Bek le ulee lon tamat lagee nyan Cit teumakot lon takheun lon salah Ka tapeucre bre Bani Israi Han tapadoli peue nyang lon peugah", "Kheun Musa teuma kah hai Samiri Pakon buet keuji kapeubuet dikah", "Seuot Samiri dilon ka lon eu Nyang hana gop eu lon cok treuk bagah 7 Tanoh sigeupai euncit Rasul jak Lon tiek saboh cak bak patong sudah Jikheun le napsu dilon lagee nyan", "Kheun Musa youh nyan boh jak weh dikah Lam udep donya kakheun bek teupeh Dilon kujakweh meunan kapeugah y Uroe akhirat keu kah ‘azeub that Han ek beurangpat pih na soe peuglah Ka eu Tuhankah nyang ka seumah nyan Kamoe tet jih nyan lam apui mirah Lheueh nyan kamoe tiek keudeh lam laot Keu umpeuen eungkot hanco dum bicah", "Tapi Tuhankah cit sidroe Tuhan Tan laen Tuhan meulengkan Allah Maha kuasa Tuhan Hadharat Dumpeue Neutupat ‘eleumee-Neuh luah", "Meunankeuh Kamoe meupeugah khaba Nyang dilee masa bandum meukisah Teuma keu gata pih ka Kamoe bri y Qur’an suci ziker keu Allah", "Soe nyang han tem ngui Qur'an jimat Uroe kiamat geuhon that salah í Geuhon that jime dacha jih nyang nyan", "Keukai jime nyan ngon brat sileupah Brok that awih jih uroe kiamat i", "Uroe nyan meuhat meuri soe salah € Uroe nyan geuyup ngon Sangkai Kala Ureueng meudacha muka dum mirah Kamoe peusapat sabe meudacha Keulabee muka krot sang beurintah", "Jimeus‘ah-sʻah dum sabe keudoe-droe Sang siploh uroe sagai tasinggah", "Kamoe nyang teupeue nyang dipeugah nyan i Nyang got pikiran teuma kheun bagah Tinggaiteuh sideh siuroe sagai Jinoe nyang keukai hana peue peugah", "Jitanyong le jih dum ubak gata Ol Gunong nyang raya pakriban ulah Takheun bandum nyan Tuhan peuanco Abeh teupeuro anco dum bicah", "Neupeujeuet jih dum keu tanoh data Santeut meuleu-a takalon luah", "Tan le lhok ngon cot takalon sinan", "Bandum uroe nyan turot peurintah a Ho nyang geuyue jak laju jiikot ` Han soe jeuet seuot takot keu Allah Hana suara tadeungo meusu Nyang na sigeutu ureueng meus‘ah-s‘ah", "Uroe nyan bandum han soe syafaat z Han meunapheu‘at keu soe nyang salah Meulengkan ureueng nyang izin Tuhan Nyang rila Tuhan nyang jeuet seumeugah", "Neuteupeue bandum nyang di keue jih nyan Di likot jih nyan Neuteupeue sudah Hana soe teupeue ‘eleumee Tuhan Hana soe tuban Tuhan peurintah", "Muka teukukui takot keu Tuhan Nyang udep-Neuh nyan han tom meuubah Hana meuhajat keu beurangkasoe Cit Neudong keudroe hana soe bantah Soe nyang me lalem raya that rugoe", "Nyang hana rugoe iman keu Allah Soe nyang pubuet got lom jimeuiman Bandum ureueng nyan hanapeue sosah Hanapeue takot jih keu elanya Hak jih nyan teuma hana soe rampaih", "Meunankeuh Kamoe peutron Qur’an Arab pilehan bahsa jroh leupah Haba peuingat keu azeueb dudoe c Kadang jipakoe bek le buet salah 4 Takot keu azeueb got pih na ingat", "Maha suci that cit sidroe Allah Raja nyang beuna Maha Kuasa Teuma bek gata napsu that bagah Napsu that bagah takheun Qur'an Wahyu bak Tuhan goh lom Neupeugah Takheun Tuhanku Neutamah keu lon ‘Eleumee dilon kureueng that leupah", "Ka kamoe janji dilee ngon Adam Tuwo treuk gopnyan ka roh meusalah Hana Kamoe eu gopnyan na cita Nyang kong that jiwa mangat bek salah", "Watee Kamoe kheun bak Malaikat Bak Adam meuhat tasujud bagah Teuma geusujud bandum le leugat Diiblih jeungkat teuma jibantah Han jitem sujud dijih meusiat", "Bak Adam leugat Kamoe kheun bagah Nyoe musoh gata ngon judo gata Beu ingat gata bek jeuet keu salah Bek jipeuteubiet bandua gata Nibak churuga ji mita hilah Meu ek jipadan peuteubiet gata Ceulaka gata hana ban peugah", "Gata cit han deuek dalam churuga Pakaian gata han tom takeubah", "Lom gata han grah han tutong uroe", "Teuma bit paloe chetan seurakah Jipadan gopnyan jikheun hai Adam Deungo lontuan mangat bek sosah Bak kayee khuldi nyan kayee keukai Hana tom sagai pih na meuubah Keurajeuen teutap hantom binasa", "Ka ek jidaya Adam meutuah Bandua gopnyan pajoh boh kayee Leumah meunalee laju ka teuhah Bandua gopnyan mita on kayee Ngon top meunalee bek ‘ayeb leupah Mita on kayee dalam churuga Ka darohaka Adam keu Allah Kakeuh roh sisat geupateh chetan", "Teuma ‘oh lheueh nyan geutoubat bagah ‘Oh ka geutoubat Tuhan teurimong Neupileh gopnyan Neubri hidayah", "Neukheun boh jaktron gata bandua Sabe droe gata mubantah-bantah Meumusoh-musoh sabe keudroe-droe Peutoe bak Kamoe teuma Meupeugah Teuma nyang ikot peutunyok Lon nyoe Han jeuet keu rugoe roh dalam salah Hana rot sisat deungon ceulaka", "Nyang paleng teuma rugoe sileupah Nyang han tem ikot peutunyok Lon nyoe Udep phon sinoe dijih lam sosah ‘Oh Kamoe bangket kiamat teuka Mata jih buta han sapeue leumah", "Jikheun Tuhanku pakon lon buta Dilee trang mata dilon that leupah", "Neukheun cit meunan troh ayat Kamoe Bak gata dum nyoe hana tapapah Digata tuwo keu ayat Kamoe Teuma uroe nyoe kakeuh meubalah Kamoe uroe nyoe tuwo keu gata", "Meunankeuh cara soe-soe nyang salah Nyang han meuiman keu ayat Tuhan Leubeh nibak nyan dudoe meubalah Azeueb akhirat leubeh that saket Keukai kon siblet saket that leupah", "Kon jeuet peutunyok atra nyan keu jih Dilee nibak jih dum ureueng salah a Padum le Kamoe meupeubinasa © Sinoe cit juga jih Kamoe keubah Jijak-jak sinan bak teumpat jih nyan Bandum atra nyan jeuet keu phaedah Jeuet nyan keu tanda keu ureueng ahli Ngon akai budi geupike sudah", "Adak kon ka na putosan dilee Tuhan peuteuntee han jeuet meuubah Meuhat azeueb nyan ka keunong keu jih", "Teuma narit jih bek that tapapah Peue nyang jipeugah beu that tasaba Teusbeh tabaca tapujoe Allah Pujoe Po gata yoh mantong shuboh Mata uroe goh hu meujeureulah Meunan pih seupot goh jilop uroe Beu sabe laloe tapujoe Allah Takheun teuseubeh uroe ngon malam Jeuet gata seunang hana le sosah", "Bek that tahadap roe dua mata Teuh keu peue nyang ka Kamoe bri mewah Padum golongan Kamoe bri meunan Nyan keuseunangan galak jih leupah Atra nyan bungong lam udep donya Cobaan raya keu jih fitnah Raseuki Po gata nyan nyang leubeh got Keukai lom meuhat han le meuubah", "Teuma ahliteuh tayue seumbahyang Tasaba beu kong bek bagah-bagah Hana Meulakee raseuki bak gata Tapi keu gata dum Kamoe keubah Kamoe roe nyang bri raseuki keu gata Teuma takwa bahgia leupah", "Awak nyan jikheun pakon han jiba Ayat nyang nyata sideh bak Allah Tanda bak Tuhan jih keunoe jiba Peue tan jibaca masa nyang sudah Kon ka lheueh nyata lam kitab dilee Sinan dum teuntee ka lheueh geupeugah", "Sangkira Kamoe Meupeubinasa Jih nyan Meuseksa masa nyang sudah Yoh goh Meupeutron keunoe Qur’an Teuntee jikheun ban meunoe jipeugah Hana Neukirem wahe Po kamoe Rasul bak kamoe jak ba peurintah Meunyo Neukirem jeuet kamoe ikot Ban lagee patot mangat bek salah Bandum ayat-Droeneuh kamoe ikot Jeuet kamoe turot bandum peurintah Yoh goh lom kamoe ‘ayeb ngon hina Lagee nyoe teuma meunyeusai teulah", "Takheun boh tapreh bandum geutanyoe Hana trep jinoe tateupeue bagah Soe tanyoe nyang jak bak jalan teupat Soe nyang Hadharat Neubri hidayah AL-ANBIYA’ (NABI-NABI) JUZ 17) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 21, "versesCount": 112, "verses": ["Karab troh watee bak manusia Peugot keunira dijih ngon Allah Mantong cit dijih jipeubuet laen Mantong jipaleng lalee that Ieupah", "Peue-peue nyang teuka ayat bak Po jih Nyang baro dijih jideungo sudah Jipeuileh ngon jimeu‘en-meuʻen", "Ate jih dum nyan lale sileupah Awaknyan lalem jimeurahsia Peue nyan jijakba meunan jipeugah Jih kon insan cit saban ngon gata Jibalek matateuh mangat salah Ka ta eu sihe cit keu noe jiba Pakon cit gata harokteuh leupah", "Neukheun Tuhan lon neuteupeue keudroe Di langet bumoe peue nyang jipeugah That deuh Neudeungo lom that Neuteupeue", "Bah haba lumpoe jikheun beurakah Jipeuna-peuna atra nyan bandum Carong meupanton jih nyan jipeugah Yue ba treuk keunoe saboh mukjizat Nyang jeuet keu ayat nyang kon beurakah Lagee dum Rasul yoh masa dilee", "Ureueng nyan dilee binasa sudah Oh Iheueh jilakee han jimeuiman Nyoe ek jiiman teuma jipeugah", "Dum Rasul Kamoe yoh gohlom gata Wahyu cit geuba Kamoe peurintah Ureueng agam cit bandum ureueng nyan Teuma tatanyong bak ureueng ceudah Meunyo gata dum hana tateupeue Bak ureueng teupeue tatanyong bagah", "Kon gopnyan hana pajoh makanan Meupeujeuet gopnyan tuboh ngon gapah Lom pih kon gopnyan ureueng nyang keukai", "Kamoe bri beukai nyang beuna leupah Lheueh nyan meupeutroh janji ngon gopnyan Bandum ureueng nyan Kamoe peuleupah Meunan pih laen soe nyang h‘eut Kamoe Nyang bantah Kamoe binasa sudah Nyang batat tungang Meupubinasa", "Teuma keu gata Meupeutron sudah Meupeutron kitab nyang jroh keu gata Pakon digata han tatem papah Peue han tapike ngon akai gata", "Padum na nyang ka binasa sudah Nanggroe nyang lalem Meupubinasa Meugantoe teuma kaom nyang ceudah Kaom nyang laen di likot jih nyan", "Teuma keu jih nyan azeueb that leupah ‘Oh ban jirasa azeueb Kamoe bri Jiplueng berlari teumakot leupah", "Bek kaplueng keunan kajak weh keudeh Bak nyang uroejeh udepkeuh mewah U rumoh dilee keudeh kajak woe Gata nyang jinoe mangat kapeugah", "Jikheun ceulaka keubit dum kamoe Lalem that kamoe masa nyang sudah", "Meunankeuh sabe jilakee-lakee Hingga jih lagee jeundrang tho leupah Kamoe peujeuet jih lagee naleueng tho", "Nyang Kamoe ato dum kon beurakah Langet ngon bumoe ngon bandum asoe Kamoe peujeuet nyoe kon tan phaedah Kon Kamoe peujeuet keu gura-gura", "Meunyo cit hawameuh that-that mudah Meu napsu Kamoe keu gura-gura Kamoe keurija hana peue salah", "Teutapi Kamoe Meurhom ngon nyang got Ateueh nyang jeuheut kakeuh jih bicah Gadoh nyang jeuheut gata ceulaka Tapeugah khaba nyang kon keu Allah", "Soe nyang di langet ngon nyang di bumoe Bandum atra nyoe milek droe-Neuh sah Nyang na di sideh dum malaikat Pubuet ibadat sabe keu Allah Teukabo hana hek geuh pih hana", "Teuseubeh teuma sabe di babah Malam ngon uroe hana geupiyoh Teuseubeh sunggoh geupujoe Allah", "Peue le that tuhan sinoe di bumoe Jipeugot keudroejih dum le leupah Ureueng nyang mate jeuet jipeuudep Jeuet jipeubangket teuma jibalah", "Get pih di langet got pih di bumoe Meunyo le sinoe tuhan jipeugah Nyang bukon Allah dum le di sinoe Meunyo bit meunoe anco dum bicah Tuhan dum laen meunyo le sinoe Langet ngon bumoe reuloh meuruah Tuhan po ‘arasy Maha Suci that Kon sagai meuhat lagee jih peugah", "Peue nyang Neupeubuet hana soe tanyong Bak jih geutanyong pakon ka salah", "Peue jicok laen dum jih keu Tuhan Jipeugot tuhan nyang bukon Allah Takheun toh daliteuh dum di gata Jinoe beu sigra laju tapeugah Nyoe kitab bak lon get kitab dilee Bandum nyan teuntee hana geupeugah Geupeugah bandum haba peuingat Keu bandum umat beuna ngon salah Tapi le that jih hana jiteupeue Jicok nyang bateue nyang hak jikeubah", "Dum Rasul Kamoe yoh gohlom gata Bandum geujak ba peue nyang peurintah Nyang Kamoe wahyu ubak ureueng nyan Tan laen Tuhan meulengkan Allah Bandum nyang laen kon sagai Tuhan Lonkeuh nyang Tuhan nyang beu taseumah", "Jipeugah aneuk-Neuh malaikat Maha suci that na aneuk Allah Akan tetapi dum malaikat Nyang mulia that dum hamba Allah", "Tan dilee gopnyan ngon narit Tuhan Peurintah Tuhan geupubuet bagah", "Tuhan Neuteupeue nyang di keue gopnyan Di likot gopnyan hana meuubah o Chupeuʻat keu gob hanjeuet geulakee Meu kon ka teuntee nyang ridha Allah Teumakotgeuh that bandum keu Tuhan Meubacut pih tan lawan peurintah", "Beurangsoe nyang kheun lam kawan jih nyan Lon nyoekeuh Tuhan kon sidroe Allah Nyan Kamoe balah keu jih nuraka Soe nyang elanya nyan keueh beunalah", "Peue di si kaphe hana jiteupeue Langet ngon bumoe rapat that leupah Dilee meukeumat lagee teupatroe Teuma ‘oh dudoe Kamoe peupisah Bandum nyang udep Meupeujeuet bak ie Meunyo hana ie cit jeuet keu sosah Teuma boh pakon han jimeuiman", "Meupeujeuet gunong raya ngon meugah Meunyo di bumoe Meupeujeuet gunong Han that meuguncang ‘oh na mushibah Meupeujeuet jalan dum dalam bumoe Keudeh ngon keu noe jeuet jijak bagah", "Meupeujeuet langet sang lagee loteng Lagee bubong seng Meujaga leupah y Bandum tanda nyan dijih jipaleng Jingieng ho laen sang-sang beurakah", "Tuhan nyang peujeuet malam ngon uroe Ngon mata uroe hu meujeureulah Meunan pih buleven jijak jalan droe Maseng jak keudroe hana soe papah", "Hana nyang keukai dum manusia Yoh gohlom gata keukai meukeubah Peue jih ek keukai ‘oh mate gata", "Bandum jirasa mate han ubah Nyang na meunyawong jirasa mate Kamoe nyang uji beuna ngon salah r Jeuheut deungon got dum Kamoe ujoe Bak Kamoe tawo cit teuma bagah", "‘Oh jieu gata le awak kaphe Jipeukhem teuh le jikheun beurakah Nyoeroh jih nyang kheun keu tuhan tanyoe Bandum jih cit nyoe kaphe keu Allah", "Cit ka Geupeujeuet dum manusia Napsu keu sigra dumpeue beu bagah Cit Lon peuleunmah bak bandum gata Ayat Lon tanda azeueb that leupah Bek roe talakee beu bagah teuka", "Toh janji gata laju jipeugah © Í Peue nyang tajanji pajan troh teuka f Meunyo bit beuna peue nyang tapeugah", "Meunyo jiteupeue dum le si kaphe Watee han ek le droe jipeusiblah 7 Apui bak muka ngon apui bak rueng Hana soe tulong jih nyan jipeuglah", "Azeueb cit teuka hana jithee-thee Ban tanjo jithee teukeujot leupah Han ek jitulak ‘oh teuka azeueb Tanggoh pih hanjeuet keu jih geupeugah", "Rasul nyang dilee dum nibak gata 3 Pih jipeuseunda jikhem meuhah-hah 5 Geubri treuk azeueb keu jih nyan teuma Nyang jipeuseunda masa nyang sudah", "Takheun soe nyang ek jagateuh dum nyan Bak azeueb Tuhan nyang Maha Murah Malam ngon uroe ek na soe jaga Tapi jih nyata han cit meuubah Han cit jiingat dijih keu Pojih Muka jih dijih jipaleng bagah", "Peue na le tuhan laen dum dijih Nyang peulahra jih bak azeueb Allah Han ek soe bantu jih nibak Kamoe G Meunyo kon Kamce nyang ek jak peuglah Hana meusidroe nyang ek peungon jih", "Tapi dilee jih cit seunang leupah Kamoe bri seunang jih ngon du-dujih ; Hingga umu jih panyang trep leupah Peue hana jieu bumoe bak jih duek Ka Kamoe peuseuk bineh meutarah Kamoe peukureueng bineh-binehjih Peue mantong cit jih meunang jipeugah", "Takheun gata dum nyang lon peuingat Wahyu Hadharat kon droe lon peugah Teuma si tuloe meu tapeuingat Hana manfaat meu ube seupah Han deuh jideungo ‘oh tameuhoi jih", "Troh azeueb keu jih meubaro teulah : ‘Oh keunong bacut azęueb ubak jih Nibak Tuhan jih ka apoh apah Jikheun ceulaka geutanyo jinoe Taelanya droe masa nyang sudah", "Kamoe ba treuk ceng uroe kiamat Nyang ade that-that han tom meusalah Hana meusidroe pih meuelanya Meuube seuma hana meuilah Bahle bacut that leumah di sinoe Keunira Kamoe cukop that leupah s", "Ka Iheueh Kamoe bri bak nabi Musa Ngon Harun duageuh ba peurintah Kamoe bri kitab ngon peuneurangan Ngon peuringatan mangat bek salah Soe nyang takwa jitueng teuladan j", "Takot keu Tuhan nyang Maha Murah À: Bah han deuh geu-eu gopnyan teumakot Bandum geuturot peue nyang peurintah Teumakot geuh lom uroe kiamat", "Nyoekeuh amanat beureukat leupah č Nyoe peuringatan nyang Kamoe peutron Pakon gata dum han tatem papah Pakon taungki digata dum nyoe", "Dilee di-Kamoe pih ka meupeugah Ka heueh Meubri nyoe ubak Ibrahim Gopnyan that yakin peutunyok Allah Kamoe Meuteupeue bandum hai gopnyan", "Bak watee gopnyan geukheun bak ayah Geukheun bak ayahgeuh ngon bak kaom f Geuh peue nyoe patong dum tajak seumah", "Jikheun kamoe eu dum du-du kamoe Bandum atra nyoe dilee geuseumah", "Geukheun nyan gata ngon du-du gata y í Leupah that nyata ka sisat leupah X", "Jikheun peue beuna nyan nyang gata ba d Kon pura-pura narit tapeugah", "Geukheun Po gata nyang keubit jinoe Po langet bumoe Neupeujeuet sudah Lon nyoe keu saksi atra nyan bandum Ka Neubri maklum bak lon le Allah", "Demi Allah lon meupeubinasa € Dum patong gata nyang gata seumah ó Meunyo ka tajak bandum u lua", "Geupeubinasa treuk laju bagah Patong nyang rayok geukeubah saboh Nyang laen geuproh hana geukeubah Mangat jitanyong teuma bak jih nyan", "Jikheun treuk soe nyan jeuheut sileupah Q Soe dum peulaku tuhan geutanyoe ; Lalem that jih nyoe hana ban peugah", "Kheun treuk awak nyan na aneuk muda Jikheun beurhala jimeung peubicah Aneuk muda nyan nan jih Ibrahim", "Boh mangat yakin jak eu jih bagah Mangat trang jieu le manusia Bek sang duseuta meunan jipeugah", "Jikheun nyo gata pubuet atra nyoe Ibrahim peue roe buetteuh brok leupah Tuhan dum kamoe tapeubinasa", "Geukheun nyang raya nyan nyang peubicah Bak tuhan rayok tatanyong laju Meunyo jimeusu mangat jipeugah", "Teuingat jih treuk bak droe jih bandum Bit gata bandum lalem that leupah", "Teuma jibalek jiteukui ulee Atra ka tathee teuma jipeugah s Atra cit tathee han jeuet jimarit", "Meu han jeuet marit peue cit taseumah Geukheun taseumah nyang bukan tuhan Meubacut pih tan jibri phaedah Meularat pih han jibri keu gata", "‘Euh bit ceulaka gata dum teulah Lom nyang taseumah nyang bukan Tuhan Peue tan pikeran gata nyang ceudah", "Kheun treuk awak nyan katot jih keudeh C Jijak peujayeh peue nyang taseumah Meu bit tapeubuet tatulong tuhan Teutot jih rijang lam apui mirah", "Kamoe kheun sijuek dikah hai apui Beu kapeureului ureueng tan salah i Ibrahim teuma ka keuh seulamat", "Nyang keunong laknat kaphe seurakah Ibrahim jimeung elanya le jih Kamoe peujeuet jih nyang rugoe leupah", "Gopnyan deungon Luth Kamoe ba jinoe c Keudeh bak bumoe nyang raya tuah Meubri beureukat dalam nanggroe nyan Keu bandum alam nyang got that leupah", "Meubri keu gopnyan Ishak ngon Yaʻkob $ Aneuk nyang patot geunantoe ayah Bandum ureueng nyan ureueng nyang shaleh", "Kamoe peuleubeh meutamah tuah Bandum ureueng nyan peumimpin ummat Peutunyok rakyat geuba peurintah i Wahyu bak Kamoe bandum geujak ba Geuyue keurija buet nyang jroh leupah Peubuet seumbahyang geubri ngon zakeuet Bandum geusujud Kamoe geuseumah", "Ubak nabi Luth hikeumah Meubri Ileum‘ee lagi Kamoe bri luah Meupeuglah gopnyan bak naggroe jeuheut Teumpat jipeubuet jahe sileupah Fasek ngon jeuheut kaom di sinan", "Meuba treuk gopnyan lam rahmat Allah ; Lam rahmat Kamoe Meupeulop gopnyan l Jeuet teuma gopnyan shaleh that leupah", "Nabi Noh teuma geumeungadu droe Dilee bak Kamoe haigeuh geupeugah Kamoe teurimong nyang lakee gopnyan Ngon ahli gopnyan Kamoe peusiblah Bak bala raya meupeuglah gopnyan", "Meutulong gopnyan bak kaom jadah Kaom nyang han tem iman keu Kamoe ja Dum ayat Kamoe sulet jipeugah Kaom nyan jeuheut han jimeuiman Kamoe peukaram treuk dum jih sudah", "Daud Sulaiman watee geuhukom Tanaman kaom kameng jak reupah PÀ D Pakri geuhukom awak nyan teuma Kamoe peunyata Meukalon sudah", "Kamoe peumuphom ubak Sulaiman 65 Bandua gopnyan ureueng meutuah Padum hikeumah dengan ‘eleumee Bak gopnyan teuntee Kamoe bri luah Jikheun teuseubeh gunong ngon cicem Ngon Daud jitem Kamoe peumudah Kuasa Kamoe meupeubuet meunan", "Buet jaroe gopnyan pih keubit ceudah Geupeugot bajee Kamoe peurunoe Nyan bajee beusoe nyang kong that leupah Mangat dalam prang gata bek luka Teuma na gata chukor keu Allah", "Sulaiman teuma Kamoe bri angen r Jijak peumeuʻen ho nyang geupeugah 3 Bak nanggroe nyang ka meubri beureukat Laju beurangkat keunan geulangkah Cit Kamoe teupeue bandum peukara", "Lam laot raya chethan dum geukrah Jilangue jinom keudeh lam laot Bandum jipeubuet ban nyang geupeugah Buet-buet nyang laen lom jikeurija Kamoe meujaga bandum bek salah", "Di Ayyub teuma yoh geungadu droe i Meularat lon nyoe hana ban peugah Droe-Neuh geumaseh han teukira Bandum hana sa ngon gaseh Allah", "Peue nyang geulakee Kamoe teurimong Luka ngon keumong puleh le bagah Kamoe peugadoh meularat gopnyan Ngon ahli gopnyan Meupeuwo sudah Kamoe bri laen lom ahli gopnyan Nyang saban ngon nyan rahmat meulimpah Bandum atra nyan Kamoe bri rahmat Soe nyang ibadat meunan meubalah", "Ismail, Idris deungon Zulkifli Ò; Bandum Kamoe bri saba that leupah", "Kamoe peutamong lam rahmat Kamoe Bandum ureueng nyoe shaleh meutuah", "Nyang Zunnun teuma beungeh that gopnyan Keu kaom gopnyan hana ban peugah Geukeubah kaomgeuh geujak sidroe Geusangka Kamoe han ek meuhilah Sang-sang Kamoe nyoe hana kuasa Lam seupot buta geumeuhoi Allah Tan Tuhan laen meulengkan droe-Neuh Suci that Droe-Neuh lon lalem leupah", "Kamoe teurimong nyang lakee gopnyan Meupeuglah gopnyan hana le sosah Soe nyang meuiman taʻat keu Kamoe Meunankeuh Kamoe sabee meupeuglah", "Di Zakaria pih geungadu droe Tuhanku lon nyoe bek Neubri sosah Sidroe lon sagai aneuk lon hana Nyang tueng pusaka Neubri ya Allah Droe-Neuhkeuh nyang ek bri wareh keu lon", "Kamoe teurimong teuma le bagah Kamoe bri Yahya teuma keu gopnyan Peurumoh gopnyan Kamoe bri tuah Ureueng nyan bandum ubak buet nyang got Laju geuseutot meubagah-bagah Galak meudoʻa gopnyan bak Kamoe Keu ‘azeueb Kamoe teumakot leupah Galak ngon takot ngon khusyu‘ pih that", "Sidroe treuk meuhat inong meutuah Geupeulahra that meunalee gopnyan Kamoe pruh keunan roh Kamoe bagah Meupeujeuet gopnyan ngon aneuk gopnyan Mukjizat sinan raya that leupah Jeuet saboh tanda keu bandum alam", "Gata roe bandum hana meupisah Ummat gata dum cit saboh ummat Po gata meuhat cit Lon nyoe Allah Keu Lonkeuh bandum peubuet ibadat Lon sidroe meuhat nyang beu taseumah", "Teuma awak nyan ka jimeukoh-koh Meuputoh-putoh meupeucah-peucah Jiwoe cit teuma bandum bak Kamoe", "‘Oh troh bak Kamoe bandum meubalah Soe nyang peubuet got lon jimeuiman Usaha jih nyan méuguna leupah Han sia-sia usaha jih nyan Kamoe tuleh nyan bandum meukeubah", "Nanggroe nyang ka lheueh Meupeubinasa Jiwoe dum teuma keudeh bak Allah Han mungken jih han jiwoe bak Kamoe", "Hingga troh sampoe watee geupeuhah Geupeuhah guha Yakjuj wa makjuj Jitron kon bacut rame jih leupah", "Teuma ka rap troh janji nyang beuna Teuglong dum mata watee nyan teuhah Mata dum kaphe watee nyan teuglong Seurta ngon jikheun ceulaka sudah Wahe ceulaka bandum gata nyoe Dilee atra nyoe dum tapeubeu-ah Hana tapike keu troh atra nyoe Tapi gata nyoe lalem that leupah", "Nyoe gata bandum due ju nuraka Ngon nyang tapuja nyang bukan Allah Peue nyang taseumah pih sinan sapat Ngon gata meuhat lam apui mirah", "Meunyo jih Tuhan han jilop keunan Nyoe bandum sinan keukai geukeubah", "Ngon meusu naph‘ah raya meugr‘o-gr‘o í Han deuh jideungo peue nyang tapeugah", "Teuma ureueng nyang dilee peubuet got € Gopnyan jioh that ngon apui mirah", "Meung naph‘ah apui han deuh geudeungo Dalam istanageuh seunang leupah Peue nyang h‘eut napsugeuh na di sinan Keukai geuh sinan seunang ngon mewah", "Haro hara that raya watee nyan Tapi ureueng nyan han jeuet keu sosah 4 Geusambot gopnyan le malaikat Nyoekeuh pat teumpat gata geukeubah Peue nyang geujanji dilee keu gata Uroe nyoe teuka hana meuubah", "Uroe nyoe langet dum Kamoe gulong Lagee geugulong surat keureutah Lagee dilee phon yoh Kamoe peujeuet Jinoe meunan jeuet meuwoe seujarah Ka Kamoe janji meunan meupeubuet", "Lam kitab zabur pih Kamoe peugah Lam kitab zabur ka Kamoe tuleh Oh Iheueh meutuleh peue nyang peurintah Bumoe nyoe teuma jitueng pusaka Bandum le hamba nyang pantah tiwah Hamba nyang shaleh teuʻoh peutimang", "Atra nyan peusan tapeutroh bagah Peusan keu kaom nyang tem ibadat", "Gata cit meuhat rahmat meulimpah Meukirem gata cit jeuet keu rahmat Mangat seulamat dum hamba Allah Seuluroh alam meuteumee rahmat", "Takheun amanat teuma Lon peugah Neuwahyu bak lon Tuhan dum gata Cit sidroe sahja nyan Tuhan Allah Teuma peue gata ka tapeujok droe", "Meu han jijok droe teuma tapeugah Lon ka lon peutroh saban ngon gata Pajan troh masa nyang janji Allah Han ek lon tujan toe got pih jioh Saleh pajan troh hana Neupeugah", "Tuhan Neuteupeue narit nyang lahe Nyang hana lahe pih hana ubah Peue-peue nyang tasom bandum Neuteupeue", "Lom han lon teupeue peue nyoe fitnah i Cubaankeuh nyoe Neubri keu gata Dum got pih gata nak seunang leupah Dang-dang troh watee neubri that seunang", "Nabi lom neukheun wahe ya Allah Neubri putosan nyang beuna jinoe Tuhan Po kamoe nyang Maha Murah Tuhan nyang tulong kamoe meuteuntee Kon sagai lagee nyang gata peugah AL-HAJJ (EK HAJI) Ngon nama Allah lon peuphon surat Tuhan Hadharat nyang Maha Murah ; Tuhanku Sidroe geumaseh that-that Donya akhirat rahmat Neulimpah"] }, { "chapter": 22, "versesCount": 78, "verses": ["Wahe dum insan beu tatakwa Ubak Po gata nyang Maha Murah Raya that bala uroe kiamat Geumpa raya that Neubri le Allah", "Nyang peumom aneuk takalon bingong Sang hana jimom le aneuk lidah Nyang teungoh meume aneuk ka lahe Udep ngon mate saleh pakri bah Manusia dum takalon mabok Atra kon mabok teukeujot leupah Azeueb raya that Neubri le Tuhan", "Teuma na insan ladom seurakah Hana jipateh kuasa Tuhan Peurintah Tuhan dijih jibantah Padahai dijih ‘eleumeejih tan Jiikot chetan nyang jeuheut leupah", "Cit ka meuteuntee sipheuet si chetan Nyang ikot jih nyan cit ureueng salah Nyang cok jih keu ngon cit jipeusisat Jihoi jih meuhat lam apui mirah Jiba jih ubak azeueb nuraka", "Hai manusia chokteuh tapeugah Meunyo chok gata akan geubangket Taingat beusep keu droeteuh bagah Phon-phon bak tanoh meupeujeuet gata ‘Oh lheueh nyan teuma bak ie sicicah Bak ie sititek darah sijaroe Jeuet treuk keu asoe nyang ka geuulah Ladom asoe nyan hana geupeugot Tanda Hadharat kuasa leupah Nak Meupeuleumah kuasa Kamoe Lam rahim jinoe teuma Meukeubah Ban nyang hʻeut Kamoe Meukeubah sinan Troh watee jan nyan teubiet treuk bagah ‘Oh lheueh di sinan Kamoe peuteubiet Jeuet keu aneukmiet galakteuh leupah Lheueh nyan jih rayok ladom ka mate Ladom meuche-che meutot-tot langkah Ka lewat umu akai pih ka deue Tan le jiteupeue peue nyang jipeugah Dilee jiteupeue jinoe hana le Lom bumoe mate taeu bek salah Meupeutron ujeuen meugrak jih udep Hana meung that trep timoh le bagah Timoh tanaman indah hana ban", "Nyan tanda Tuhan kuasa leupah Allah nyo Tuhan ek Neupeuudep Ek Neupeubangket jan nyang hʻeut Allah Ureueng nyang mate ek Neupeuudep Tuhankeuh nyang bit kuasa leupah Ateueh beurangpeue Tuhan kuasa", "Kiamat teuka pih han meuubah Hana peue tachok uroe kiamat Uroe Neubangket bandum le Allah Ureueng lam kubu bandum Neubangket", "Teuma nyan sulet na cit nyang peugah Na ladom ureueng nyang bantah Tuhan Ileumeejih tan jimita hilah Kon na peutunyok kon na lam kitab Nyang bak Hadharat nyata Neupeugah", "Jipaleng keuieng teukabo jih that Jijak peusisat bak jalan Allah Meubri ‘ayeb jih di dalam donya Akhirat teuma pih lom Meubalah Uroe kiamat azeueb tutong that Keu jih nyan teumpat nuraka juah", "Buet jaroe droekeuh atra nyan bandum Tuhan hana tom Neupubuet salah Hantom elanya Tuhan keu hamba", "Cit manusia nyang peugot ulah Na nyang jisambe jiseumah Tuhan 3 Meunyo jih seunang galak jih leupah 3 Meunyo na bala keu jih cubaan Jibalek rijang Tuhan jikeubah Rugoe jih donya deungon akhirat Jeuet jih nyata that rugoe sileupah", "Jicok keu Tuhan nyang kon Hadharat Han ek meularat bak jih jipeuglah Lom pih jih han ek jibri munapheuʻat Kakeuh jih sisat jioh that leupah", "Leubeh toe jih nyan ubak meularat Nibak munapheuʻat nyang na phaedah Sijeuheut tuan sijeuheut rakan Nyankeuh atra nyan dijih jiseumah", "Tuhan peutamong ureueng meuiman Nyang buet ureueng nyan lom got that leupah Dalam churuga nyang na ngon ie krueng Di yup jih meulueng takalon indah Tuhan Neupeubuet ban nyang Neukheundak", "Soe nyang hana hak hana meutuah Soe nyang jisangka han tulong Tuhan Keu hamba-Neuh nyan nyang Rasul Allah Dalam donya nyoe got di akhirat Nyang got jiikat taloejih bagah Keudeh u langet jiikat taloe Lheueh nyan jiek droe jingieng u bawah Jikalon treuk buet jih peue na hase Nyang saket ate jih peue phaedah Nyang beungeh jih keu ajaran Nabi Jikeumeung taki keu Rasulullah", "Meunankeuh Kamoe Meupeutron ayat Nyata beuna that hana meusalah Soe nyang Neukheundak Tuhan peutunyok Soe nyang han tem cok rugoe sileupah", "Ureueng meuiman lom ngon Yahudi Muallaf lagi masa nyang sudah Nashrani teuma dengon Majusi Musyrikin lagi nyang raya salah Bandum ureueng nyang ka na putosan Sideh bak Tuhan akan Neubalah Uroe kiamat putosan Neubri Tuhan keu saksi beuna ngon salah", "Peue han tateupeue bandum jisujud Soe nyang di langet keupada Allah Soe nyang di bumoe uroe ngon buleuen Bintang ngon gunong sujud bak Allah Dumna bak kayee deungon binatang Le cit dum insan turot peurintah Teuma le cit jih nyang hak geu azeueb Han jitem pubuet peurintah Allah Beurangsoe nyang ka Tuhan peuhina Beurangsoe teuma han ek jiubah Beurangsoe han ek peubako jih nyan Ban nyang hʻeut Tuhan Neupeubuet bagah", "Dua ureueng nyoe meumusoh sabe í Tuhan jipike beuna ngon salah i Teuma si kaphe pakaian keu jih Geucok di sideh lam apui mirah Geuple ie hamim tutong hana ban", "Asoe pruet jih nyan anco dum bicah Ngon kulet jih pih anco sinaroe", "Ngon seunuet beusoe keu jih geukeubah", "‘Oh jimeung teubiet sabab saket that Geupeuwoe leugat keunan lom bagah Rasa treuk dikah azeueb tutong that Dilee kah batat kaphe keu Allah", "Tuhan peutamong ureueng meuiman Nyang buet ureueng nyan pih jroh sileupah Dalam churuga nyang kruengjih ile Di yup jih sabe takalon indah Geupeungui gopnyan gleueng meuh ngon intan Lom ngon pakaian sutra dhiet leupah", "Ka geupeutunyok bandum ureueng nyan Geumarit sinan hantom nyang salah Geutunyok gopnyan bak jalan teupat Jalan Hadharat nyang Maha Murah Droe-Neuh nyan nyang hak teurimong pujoe", "Dikaphe pindoe teuma buet salah Jitham dum ureueng bak jalan Tuhan Masjidil haram han jibri langkah Kamoe peujeuet nyan keu bandum insan Bandum cit saban dum hamba Allah Nyang tinggai sinan got nyang troh keunan Bandum jeuet keunan jitamong bagah Teuma nyang tamong napsu buet jeuheut Ngon lalem azeueb keu jih Meukeubah Kamoe peurasa azeueb that peudeh", "Jinoe jameunjih teuma Meupeugah Watee Ibrahim Kamoe bri teumpat Geujak ibadat bak rumoh Allah Bek peucharikat sagai keu Tuhan Peugleh rumoh-Lon ke ureueng thawaf Ureueng seumbahyang ruku‘ ngon sujud Khusyu‘ geupeubuet bandum peurintah", "Tabri thee haji bak manusia Jijak bak gata keunan dum bagah l Nyang jak ngon gaki nyang jak ngon kandran í Dum bansabohnyan keunan jilangkah Bak teumpat jioh dum teuka keunan", "Keumeung jak kalon dumna phaedah Le that munapheu‘at dum keu ureueng nyan Seubot nan Tuhan teuma le bagah Ka meudum uroe taseubot Tuhan Ka Neubri hewan dum le sileupah Tapajoh laju sie binatang nyan Tabri makanan keu ureueng sosah Ureueng meularat ngon ureueng gasien", "Peugleh kotoran lheueh nyan beubagah Tapeutroh nazar nyang tameuhajat Jak thawaf ligat lingka Baitullah", "Nyan tanoh hareuem tapeumulia Nyang Neuyue jaga bandum le Allah Amai nyang that got dum nyan bak Tuhan Keumuliaan hana ban peugah Binatang teurnak haleue keu gata Meulengkan nyang ka hareuem Geupeugah Teuma bek sagai tapuja patong Tamarit langsong pih bek nyang salah", "Khusyu‘ keu Tuhan bek peucharikat p Peubuet ibadat cit meu keu Allah % Beurangsoe jikheun charikat Tuhan < Teuma ureueng nyan seuulah-ulah Sang-sang jih nyan rhot sideh di langet Jisama leugat le cicem siwah Get pih jipeupo jih nyan le angen Jijak peumeuʻen jioh that leupah>", "Nyankeuh beurangsoe nyang peumulia 7 Bandum na tanda peurintah Allah Manasik Haji bek na nyang cupa Nyankeuh takwa ate jroh leupah", "Binatang nyan dum tatueng munapheu‘at x Dang-dang geuintat keu dam hadiah ; Geusie jih teuma bak Rumoh Tuhan Jeuet keu teubosan peue-peue nyang salah", "Ka Kamoe peujeuet keu tiep-tiep ummat Teumpat ibadat jiseubot Allah Binatang teurnak geusie kurubeuen Watee nyan geukheun cit nama Allah Ka Neubri keu jih nyan keu raseuki Bacut beujibri keu ureueng sosah d Jeuet Tuhan gata cit Tuhan sidroe Keunan tajok droe bek sagai salah Tamong Islam lom tapeusuka Soe nyang geumbira turot peurintah", "Watee jideungo geuseubot Tuhan Lam ate jih nyan teumakot leupah i Peue nyang mushibah pih ek jisaba Seumbahyang teuma hantom jikeubah Bandum raseuki nyang ka Kamoe bri Zakeuet dum jibri deungon seudeukah", "Kamoe peujeuet dum unta keu gata ; Nyan jeuet keu tanda keu syiʻar Allah % Manfaatjih le tatueng keu gata c Tasie tabaca ngon nama Allah i Sira jidong dum meubareh-bareh Meunyo ka jieh mate ka reubah Tapajoh sie jih tabri makanan Keu ureueng nyang han lakee seudeukah Meunan pih ureueng nyang tem meulakee Bandum nyan teuntee ureueng nyang sosah Meunan Kamoe bri mudah keu gata Mangat dum gata chukor keu Allah", "Asoe sie unta ngon darah unta Han troh jiteuka keudeh bak Allah Teutapi nyang troh bak Hak Taʻala Takwa gata nyang jroh that leupah Meunankeuh Neubri mudah keu gata Mangat dum gata taagong Allah Takheun teukeubi bek sagai lupa 1 Sabab keu gata Neubri hidayah Teuma ureueng nyang peubuet got sabe Geumbira ate bak jih tapeugah", "Tuhan Neubela ureueng meuiman d Nyang han meuiman khianat leupah Hana Neugalak kaphe khianat", "Neuyue prang leugat jih Neuyue balah Ureueng nyang jiprang gopnyan le kaphe Izin ka neubri neuyue prang bagah Sabab ureueng nyan ka jielanya Neuyue prang teuma jih nyan beubagah Tuhan kuasa Neutulong gopnyan", "Jiuse gopnyan nyang hana salah Jipeuteubiet geuh lam nanggroe gopnyan Sabab kheun gopnyan Po kamoe Allah é Adak kon Tuhan Neutulak bala Bak manusia ngon macam hilah Teuntee ka abeh rumoh ibadat Jireuloh meuhat le ureueng salah Rumoh ibadat awak Nashrani Deungon Yahudi jireuloh sudah Lom ngon meusijid nyang le di sinan Geuseubot Tuhan pih han jikeubah Teuma di Tuhan teuntee Neutulong Soe nyang tem tulong agama Allah Teuma cit Tuhan keubit that teuga Maha Perkasa Kuasa leupah", "Meunyo ureueng nyan Kamoe bri teumpat Kamoe peuteutap di bumoe Allah Meuhat seumbahyang ngon geuboh zakeuet Geuyue buet nyang got han tom geukeubah Geutham lom nibak buet keujeuhatan Bandum urosan meuwoe bak Allah", "Meunyo jipeugah sulet keu gata Dilee cit dum ka meunan jipeugah Kaom nabi Noh ‘Ad deungon Tsamud", "Ibrahim ngon Luth saban that leupah Kaom Ibrahim deungon kaom Luth bandum buet jeuheut han tom jikeubah", "Awak Madyan bandum pih şaban Musa pih meunan jikheun beurakah Lon bri treuk tanggoh keu bandum kaphe Lon azeueb jih le ‘oh Iheueh nyan bagah Pakriban balah Lon keu jih bandum", "Meunyo si lalem han peue peugah Padum le nanggroe Meupeubinasa Sabab jih nyata lalem that leupah Panteue tanaman jih abeh runtoh Monjih ka reuloh bandum jikeubah Meuligoe raya bandum abeh soh Tan le meusaboh pih na soe papah", "Pakon han jijak dum dalam bumoe 7 Lam ate jih nyoe pikiran ceudah É Deungon geulunyueng jideungo dumpeue Mangat jiteupeue beuna ngon salah Kon buta mata buta lam ate Dada jih sare takalon luah", "Jilakee ‘azeueb beurijang teuka Meunan bak gata dum jijak peugah Teuma di Tuhan meu ka Neujanji Bah beurangkakri han tom Neuubah Uroe siuroe sideh bak Tuhan Sang siribee thon dumnan trep leupah Sang siribee thon uroe geutanyoe", "Padum le nanggroe ka abeh sudah Padum le nanggroe Kamoe beri tanggoh Dijih lam gadoh lalem that leupah “Oh lheueh nyan teuma Lon beri treuk azeueb Bak Lon cit meuhat jiwoe dum bagah", "Takheun le gata bak manusia Lon nyoe keu gata cit ureueng peugah Ureueng peuingat cit trang ngon nyata Mangat bek gata tapubuet salah", "Soe nyang meuiman ngon jipubuet got i Ampunan meuhat Neubri le Allah Neubri raseuki nyang that mulia", "Teuma ceulaka keu soe nyang bantah 1 Jiteuntang dijih dum ayat Kamoe Keu Rasul Kamoe pih jipeusosah Jih nyan dum teuma asoe nuraka", "Dilee dum cit ka Rasul jibantah i Rasul ngon nabi nyang Kamoe kirem A Meuhat jipeukhem jikheun beurakah s Watee geubaca dum ayat Kamoe O Chetan troh keunoe jipeuget hilah Jipeuchok ureueng keu bacaan nyan Teuma di Tuhan Neusampoh bagah Chok nyang chetan boh dalam ate jih Neusampoh bak jih teuma le Allah Neupeukong ayat-Neuh teuma lheueh nyan ‘Eleumee Tuhan leupah that luah Lagi pih Tuhan that bijaksana", "Cubaan teuma Neubri le Allah Chok nyang chetan boh jeuet keu cubaan Keu ureueng nyang tan iman jih ceudah Nyang na peunyaket dalam ate jih Lom pih ate jih batat kreueh leupah Teuma si lalem cit lam meupake Meutingkah sabe jioh that leupah", "Teuma di ureueng nyang na ‘eleumee Geuteupeue teuntee nyoe nibak Allah Beuna ayat nyoe nibak Po gata Ureueng nyan teuma meuiman bagah Khusyu‘ ngon ate iman keu Tuhan Keubit le Tuhan Neubri hidayah Tuhan peutunyok ureueng meuiman Bak jalan Tuhan nyang teupat leupah", "Si kaphe teuma dijih chok sabe sr Hingga bak akhe dijih lam salah cs k Ban tanjo teuka kiamat keu jih Get pih troh bak jih azeueb that leupah Azeueb bak uroe that haru hara", "Keurajeuen teuma cit sidroe Allah Nyang mat keurajeuen cit sidroe Tuhan d Hakim uroe nyan cit sidroe Allah Tuhan nyan hukom bandum uroe nyan Si nyang meuiman nyan nyang meutuah Iman keu Tuhan lom jipeubuet got Meuteumeung teumpat churuga indah", "Teuma nyang kaphe hana meuiman : Lom ayat Tuhan jikheun beurakah Dum ayat Kamoe jikheun sulet that Azeueb hina that keu jih geukeubah", "Soe nyang hijrah bak jalan Tuhan Jipoh geuh sinan mate meudarah r Atawa mate lam peurjalanan Raseuki gopnyan Neubri le Allah Raseuki nyang jroh Neubri churuga Allah Taʻala Maha Peumurah Droe-Neuh sineujroh nyang bri raseuki", "Teumpat pih Neubri nyang jroh sileupah Bak teumpat nyang jroh nyang rila Gopnyan 1 Keubit roe Tuhan ileumee luah Tuhan that kalim gaseh keu hamba", "Teuma nyang seksa balah meubalah À Ureueng nyang balah watee jiseksa f Lagee jiseksa han leupah-leupah Lheueh nyan ureueng nyang lom jielanya Neutulong teuma gopnyan le Allah Maha Peumeuʻah Maha Peungampon Nyan sipheuet Tuhan nyang Maha Murah", "Nyankeuh di Tuhan Neupeulop malam : Dalam uroe trang seupot le bagah i Neupeulop uroe teuma lam malam Teungoh seupot klam faja ka teuhah Dumpeue Neudeungo teuma le Tuhan Dumpeue Neukalon hana meuhilah", "Nyankeuh cit Tuhan sidroe nyang beuna Laen dum teuma ka teuntee salah Peue nyang jipuja.nyang bukon Tuhan Badum seubarang bateue dum salah Tuhankeuh sidroe Maha Manyang that Maha Raya that hana peue peugah", "Peue hana taeu pakriban Tuhan Neupeutron ujeuen keunoe Neuruah Neupeutron ujeuen sideh di langet Bumoe pih udep hijo dum indah Keubit cit Tuhan buet-Neuh haloh that Neumaʻlum pih that hana ban peugah", "Peue nyang di langet ngon nyang di bumoe Bandum atra nyoe cit milek Allah 5 Tuhan that kaya hak that tapujoe", "Hana taeu roe kuasa Allah Neujok keu gata peue nyang di bumoe Bandum sinaroe tapeubuet mudah Kapai jilayeue ngon izin Tuhan Jiplueng dum tajam lam laot luah Neupeutheun langet han rhot u bumoe Meu kon izin nyo ka na bak Allah Keubit that sayang Tuhan keu insan Lagi pih Tuhan Maha Peumurah", "Tuhankeuh sidroè peuudep gata Peumate gata teuma lom bagah Neupeuhudep lom gata ‘oh lheueh nyan Teuma dum insan hana jipapah Hana jichukor dum jih keu ni‘mat", "Teuma dum ummat Kamoe bri mudah Kamoe bri keu jih maseng syari ‘at Keunan jimumat hukom bek salah Gata deungon jih teuma bek dawa Urosan gata bek jijak bantah Teuma meuduʻa ubak-Po gata Neutunyok gata bak jalan Allah Jalan nyang teupat jalan nyang beuna", "Meunyo jidawa teuma tapeugah Takheun tapeubuet laju beurangpeue Bandum Nueteupeue teuma le Allah", "Uroe kiamat Neuhukom gata Allah Taʻala Kuasa leupah Teuntang peue-peue nyang tapeudong dawa Oh dudoe nyata beuna ngon salah", "Peue han tateupeue ‘eleumee Tuhan Dumpeue Neutuban ‘eleumee Allah Peue nyang di langet ngon nyang di bumoe Í Lam kitab dum nyoe ka lheueh Neukeubah Atra nyan mudah meunyo bak Tuhan", "Teuma kon Tuhan dijih jiseumah Nyang hana dali tron nibak Tuhan c Jiseumah nyang nyan dijih kon Allah Meu jiteupeue tan nyang jiseumah nyan Keubit roe jih nyan lalem that leupah Hana soe tulong ureueng nyang lalem", "Dijih jipeukhem dum ayat Allah Watee geubaca dum ayat Kamoe Muka jih dum nyoe cit ka le mirah Takalon meuri muka si kaphe Jiungki sabe peue nyang geupeugah Ureueng nyang baca dum ayat Kamoe Sang-sang jikiloe han le jikeubah", "Hai manusia na miseue saboh Tadeungo beujroh miseue geupeugah Peue nyang taseumah nyang bukon Tuhan Meubacut pih tan dijih na hilah Han ek jipeuget meusaboh lalat Bahle meupakat rame jih leupah Meunyo jireupah bak jih le lalat Meubacut that-that han ek jipeuglah Leumoh tan teuga ureueng meulakee Teumpat jilakee pih leumoh leupah", "Hana jituri pakriban Tuhan Jikira saban legee kon Allah Nyang keubit teuma Tuhan that teuga Maha Peurkasa teuga that leupah", "Tuhan Neupileh dum malaikat Rasul Hadharat jak ba peurintah Lom pih Neupileh dum manusia Nyang patot jak ba surohan Allah Keubit roe Tuhan Neudeungo dumpeue Neukalon dumpeue hana meuilah", "Neuteupeue dumpeue nyang na di keue jih Nyang di likot jih pih hana ubah Bandum urosan peuwoe bak Tuhan", "Hai ureueng mukmin taruku‘ bagah Taruku‘ sujud taseumah Tuhan Po gata cit nyan laen dum salah Tapeubuet nyang got mangat jeuet gata Ureueng bahgia seunang that leupah", "Teuma tajihad bak jalan Tuhan Keubit berjuang bek sagai malaih Neupileh gata bandum le Tuhan Agamateuh nyan keubit that mudah Kon Neupeubeurat keu bandum gata Dalam agama bek takheun salah Agama ayahteuh nyang that halim Nabi Ibrahim geunaseh Allah Tuhan Neuboh nan gata Muslimin Ka dilee jameun meunan Neupeugah Meunan pih kana dalam kitab nyoe Saksi gata nyoe nyan Rasulullah Gata keusaksi dum manusia Seumbahyang teuma beuyakin leupah Tabri ngon zakeuet lom pih tamumat Ubak Hadharat nyang Maha Murah Bak taloe Tuhan beukong tamumat Po gata meuhat cit sidroe Allah Sineujroh tuan sineujroh rakan Nyang bri bantuan meuhat cit Allah AL-MU’MINUN (UREUENG-UREUENG M A2 f. Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah)"] }, { "chapter": 23, "versesCount": 118, "verses": ["Meubahgia that ureueng meuiman", "Dalam seumbahyang khuchu‘ that leupah", "Han tom geupeubuet nyang sia-sia Buet deungon kata hana tom salah", "Geubri ngon zakeuet meu na hareuta", "Meunalee teuma geujaga leupah", "Meulengkan ubak peurumoh gopnyan Namiet teubosan teuma geuh nyang sah Meunyo nyan teuma han jeuet keu cupa", "Laen tamita nyankeuh nyang salah", "Bandum amanah ngon janji gopnyan Meubacut pih han sagai geuubah", "Lom geupeulahra seumbahyang gopnyan", "Nyankeuh ureueng nyan teurimong upah Geutueng pusaka upah ureueng nyan", "Pusaka gopnyan churuga indah Churuga Firdaus teumpat ureueng nyan Keukai di sinan gopnyan geukeubah", "Ka Kamoe peujeuet dum manusia Bak tanoh baja phon asai liah", "Lheueh nyan Meupeujeuet bak sititek ie Bak teumpat leupie sideh Meukeubah", "Te sititek nyan teuma Meupeujeuet Keu laen sipheuet saboh cak darah y Meupeujeuet darah teuma keu asoe Keunan Meupasoe tuleueng meugapah Meubalot tuleueng teuma ngon asoe Teuma ‘oh dudoe bandum Meuubah d Kamoe peujeuet jih makhluk laen Keubit that licen peuneujeuet Allah Maha Suci that Tuhan nyang peujeuet Hana soe peujeuet lagee nyan indah", "‘Oh Iheueh nyan teuma gata dum mate", "Neubangket teuh le teuma le Allah Uroe kiamat teuma geubangket Hana padum trep sang-sang that bagah", "Ka Kamoe peujeuet di ateueh gata Tujoh angkasa nyang raya leupah Hana tom lale teuma di-Kamoe Nyang meupeujeuet nyoe sabe meupapah", "Meupeutren ujeuen sideh di langet » Kada jih meuhat hana meupeugah i Kamoe peudong ie sinan di bumoe Teuma di-Kamoe ek lom meuruah Kamoe kuasa meupeuboh ie nyan", "Keu keubon teuh nyan teuma meukeubah Keubon keureuma anggor boh kayee Nyang laen teuntee dum le that leupah Boh kayee dum nyan mangat tapajoh", "Teuma na saboh kayee meutuah Kaycee nyan timoh di Thursina Minyeuk dum jibri bak kayee ceudah Teuma makanan tapajoh leumak", "Binatang teurnak pih saboh tuah le dalam pruet jih meubri keu gata Laen dum teuma le that phaedah Tapajoh sie jih mangat that rasa", "Tagiduek teuma jan tameulangkah Saban ngon kapai keu keundraan gata Bak rueng jih lanja taek le bagah", "Kamoe kirem Noh bak kaom gopnyan Geukheun le gopnyan kaom meutuah Taseumah Allah nyankeuh nyang Tuhan Tan laen Tuhan teuh meu kon Allah Pakon han gata tatem takwa", "Jiseuot sigra le kaphe jadah Awak nyang kaphe lam kaomgeuh nyoe Jikheun peue jih nyoe jikeumeung peugah ô Jih manusia cit lagee gata Napsu mulia jih tapeumeugah Napsu beuleubeh jih nibak gata Nyankeuh jijak ba haba beurakah Meunyo Neukheundak Tuhan Hadharat Cit malaikat Neukirem bagah Han tom tadeungo bak du-du tanyoe Haba lagee nyoe nyang jih jak peugah Han tom tadeungo bak ureueng dilee", "Bit jih ka seudee akai ka salah i Bit meunan tapreh cit meupadum trep", "Jikheun lon sulet wahe ya Allah Neutulong lon nyoe han jitem pateh Nabi Noh meuceh meunan neupeugah", "Kamoe bri wahyu teuma bak gopnyan Meunyo ka meunan tamita hilah Tapeugot kapai jinoe digata Jeuet Kamoe jaga mangat bek salah Ngon wahyu Kamoe meu ka troh watee Gata jak dilee Kamoe peuleupah Meu ka teupancar ie nibak dapu Watee nyan laju gata beukeumah Dua-dua peue meupasang-pasang Tayue ek rijang keunan beubagah Ngon ahli gata nyang seutot gata Nyankeuh nyang taba jan tameulangkah Meulengkan soe-soe nyang ka na kada Keu jih ceulaka Neubri le Allah Awak nyang lalem nyan bek talakee Karam dum teuntee lam laot luah Bek lakee bak Lon teuntang awak nyan", "Digata keunan taek le bagah Meu ka lheueh taek u dalam kapai Bek tuwo sagai tapujoe Allah Alhamdulillah Tuhan tapujoe Ban dumna kamoe ka Neupeuleupah Neupeuglah kamoe nibak si lalem", "Takheun lom laen wahe ya Allah Neupeuduek kamoe bak saboh teumpat Nyang ka beureukat nanggroe meutuah Droe-Neuh sineujroh ureueng bri teumpat", "Bandum nyan ayat kuasa Allah Bandum atra nyan Meubri cobaan", "Di likot jih nyan meugantoe bagah Meugantoe deungon kurun nyang laen", "Teuma meukirem lom Rasulullah Rasul Meukirem dalam kawan jih Geuyue dum bak jih taseumah Allah Tuhan nyang laen bandum kon tuhan Pakon gata han takwa keu Allah", "Jikheun le kaphe lam kaom gopnyan Awak nyan nyang han turot peurintah Uroe akhirat pih jikheun hana Lam udep donya kamoe bri mewah Jikheun dum jih nyoe pih manusia Saban ngon gata hana meuubah Peue nyang tapajoh ngon peue nyang tajep Jipajoh jijep pih saban leupah", "Meunyo taikot cit manusia Nyang sa ngon gata rogoe that leupah", "Peue jimeujanji jikheun bak gata ‘Oh mate gata jikheun geubalah ‘Oh jeuet keu tanoh teuh tinggai tuleueng Geubangketteuh lom meunan jipeugah", "Jioh that jioh nyang jijanji nyan", "Nyang beutoi kon nyan nyang hana sosah Udep lam donya mate ngon udep Hana le bangket tanyoe ka sudah", "Kon laen jih nyan jipeuna-peuna s Sulet lagoena jikheun keu Allah Gata nyoe han jeuet meuiman keu jih", "Pakri nyoe dum jih wahe ya Allah Neutulong lon nyoe han jitem pateh Rasul nyan meuceh meunan geupeugah", "Kheun Tuhan teuma han trep le sagai Jih nyan meunyeusai bandum jih teulah", "Bit jitak treuk jih dum le geulanteue Hana meusapeue jiteumee peugah f Lagee broh teuboh treuk jih dum sinan Kaom nyang lalem jioh that leupah", "Meugantoe treuk jih ngon kuron laen Di likot jih nyan Meugantoe bagah", "Beurangri ummat meu goh troh ajai Han jeuet peuawai meu ube seupah Meu ka troh ajai han jeuet peuakhe", "Kamoe kirem le Rasul lom bagah Meuturot-turot Meukirem Rasul Bandum nyan Rasul sulet jipeugah Bandum jih teuma Meupeubinasa Jeuet treuk jih haba dalam seujarah Jioh that kaom nyang hana iman", "Musa ‘oh lheueh nyan Kamoe yue langkah Musa ngon Harun Meukirem keunoe t Ngon ayat Kamoe geuba peurintah Muʻjizat nyata geujak ba keunan", "Ubak Peuraʻeun kaphe seurakah k Teuma teukabo jih ngon kaom jih Mbong that bandum jih hana ban peugah", "Jikheun peue kamoe meujak meuiman Keu dua insan lagee nyan rendah Bandua jih nyan saban ngon tanyoe Kaom jih tanyoe bandum jiseumah", "Han jitem pateh bandua gopnyan Jeuet treuk awak nyan binasa sudah", "Cit ka Kamoe bri kitab keu Musa Kadang cit ek na keu jih hidayah Kadang Neutunyok dum jih le Tuhan", "Aneuk Maryam teuma meutuah Aneuk Maryam deungon ma gopnyan Tanda bak gopnyan Kamoe peuleumah Kamoe bri teumpat gopnyan bandua Bak tanoh data geupiyoh payah Teumpat nyang teunang saboh geurugoh Sinan geupiyoh ie pih na mudah", "Hai Rasul-Rasul pajoh le gata Makanan gata nyang jroh-jroh leupah Lom pih tapubuet dum buet nyang got-got Peue nyang tapubuet Lon teupeue bagah", "Nyan ummat gata cit saboh bandum Lon Po gata dum nyang beu taseumah Teuma takwa gata dum keu Lon", "Peucah treuk jih dum meupisah-pisah Bandum jih galak keu peureute droe", "Bah meunan keudroe jih bek tapapah Bah sisat jih dum dang-dang troh watee Meu ka troh watee abeh jih sudah", "Peue jisangka dum Kamoe bri keu jih Le that aneuk jih hareuta mewah", "Meupeubagah jih bak keubajikan Jiteupeue pih tan dijih ka salah", "Ureueng nyang takot dum keu Po gopnyan", "Lom geumeuiman keu ayat Allah", "Keu Po gopnyan han geupeucharikat", "Ureueng meularat geubri seudeukah Ureueng nyan geubri peue-peue nyang geubri Teumakot ate gopnyan keu Allah Teumakot gopnyan geuwoe bak Tuhan", "Nyankeuh ureueng nyan nyang got that bagah Meudilee-dilee gopnyan bak buet got", "Hana Meupeubrat teuma bek salah Di-Kamoe Meuyue nyang ek geupeubuet Hana Meuyue buet nyang leupah-leupah Lam kitab Kamoe narit nyang beuna Hana elanya meu ube seupah Jih nyan pih bandum han geuelanya", "Ate jih teuma nyang sisat leupah Hana jipike dijih atra nyoe Laen nibak nyoe pih buet jih salah Buet nyang hana got bandum jipeubuet", "Baro teukeujot ‘oh jieu balah ë Jieu geuazeueb awak nyang chik-chik Meu jigeumeuciek treuk riyoh leupah", "Bek kageumeuciek le dum uroe nyoe Hana troh keu noe soe jak tulong kah", "Watee geubaca dilee ayat Lon Keu kah han katueng kasurot bagah", "Ngon mbong kah kakheun dum macam-macam ‘Oh watee malam kapeugah-peugah", "Peue tan jipike narit nyang jikheun Bak du-du jih kon ka lheueh geupeugah Atawa du-du jih dilee awai Goh lom troh sagai geuba peurintah", "Peue han jituri Rasul jih nyan dum Jeuet jiungki dum peue nyan geupeugah", "Atawa jikheun gopnyan ka gila Tapi nyang geuba keubit risalah Haba nyang beuna geuba ubak jih Teuma le that jih beunci jih leupah Le that jih beunci keu peue nyang beuna", "Peuturot hawa dijih nyang salah Meunyo napsu jih nyan tapeuturot Abeh dum karot peuneujeuet Allah Tatinggai nyang hak taturot jih nyoe Langet ngon bumoe abeh dum cah prah Ngon bandum ureueng nyang na di sinan Rusak bandum nyan hana ban peugah Kamoe bri ayat peuingat keu jih Jipaleng dijih hana jipapah", "Atawa peue na talakee bak jih C Beujibri le jih keu gata upah Upah Po gata nyan nyang leubeh got Tan laen nyang got meu kon bri Allah Tuhan Sineujroh nyang bri raseuki", "Tahei jih lagi bak jalan Allah Jalan nyang beutoi jalan nyang teupat", "Dikaphe meuhat jalan jih salah Han jipateh na uroe akhirat Jalan nyang teupat dijih jikeubah", "Meunyo Meusayang le Kamoe keu jih j Meupeuleupah jih dum han le sosah Teuntee jimeuʻen lam darohaka Hana le reuda jipeubuet salah", "Ka lheueh Kamoe bri roe azeueb keu jih Han cit jitem jih turot peurintah Han jitem teukui keudeh keu Po jih", "Meubri treuk keu jih azeueb that leupah Meujeuet treuk jih nyan dum putoh asa ‘Oh pinto seksa ka Kamoe peuhah", "Tuhan nyang peujeuet geulunyueng mata Ngon ate gata carong ngon ceudah Tapi nit gata nyang tatem chukor", "Neubri gata le di bumoe Allah Meuaneuk cucoteuh dum di bumoe Meusapat dudoe teuma bak Allah", "Tuhan peuhudep Tuhan peumate Malam teuka le uroe pih leupah Malam ngon uroe cit meungkleh sabe Hankeuh tapike ngon akai ceudah", "Tapi kheunjih sa ngon ureueng jameun Saban ngon jih kheun hana meuubah", "Jikheun peue keubit ‘oh mate tanyoe Geubangket tanyoe teuma geupeugah p *Oh jeuet keu tanoh teuh tinggai tuleueng Geubangket teuh lom mustahe leupah", "Keubit geutanyoe ngon du-du tanyoe Geujanji meunoe dilee ka sudah Atranyoe dongeng ureueng nyang dilee Bandum meuteuntee haba beurakah", "Takheun soe nyang po bumoe ngon asoe Bandum sinaroe tacuba peugah Meunyo tateupeue takheun soe po jih", "Teuntee seuotjih nyang po nyan Allah Takheun boh pakon cit han taingat", "Takheun po langet soe lom ci peugah Po langet tujoh po ‘arasy raya", "Jiseuot lanja po jih nyan Allah Takheun boh pakon han tatakwa", "Takheun soe raja lom taci peugah Nyang po keurajeuen seugala rupa Nyang ek neubela soe-soe nyang sosah Beurangsoe laen han ek jibela Meunyo neuseksa soe nyan ci peugah Meunyo tateupeue takheun soe dih nyan", "Teuntee jikheun nyan cit sidroe Allah Takheun peue cit ek gata jitaki", "Tapi ka Meubri keu jih dum sudah Atra nyang beuna ka lheueh Kamoe bri Droe jih nyang taki sulet that leupah", "Hana aneuk-Neuh sagai di Tuhan Tan laen tuhan sajan ngon Allah Sabab meunyo na tuhan nyang laen r Makhluk laen geupeujeuet sudah Meuseunoh-seunoh peugot atra droe 3 Ka keuh rayek droe bandum geupeugah Maha Suci that Allah lagee nyan", "Nyang keubit Tuhan cit sidroe Allah Nyang han deuh taeu got nyang deuh taeu Bandum deuh Neueu meunyo le Allah Bandum deuh Neueu Maha manyang that Nibak charikat lagee jih peugah", "Takheun Tuhanku meunyo Neumeung bri Peue nyang Neujanji Neumeung peuleumah Neumeung peukalon atra nyan bak lon", "Tuhanku bek lon roh lam beurakah Bek roh lon dalam kaom nyang lalem", "Meunyo Kamoe tem ek Meupeuleumah Ek Meupeukalon dum nyan bak gata", "Teuma digata beugot tapapah Tatulak ngon got buet nyang brok jih nyan Kamoe teupeue nyan peue nyang jipeugah", "Takheun Tuhanku Neupeulindong lon Nibak s‘ah chetan jiyue buet salah", "Neupeulindong lon wahe Tuhanku Bek jipeukaru bak lon jilangkah", "Teuma awak nyan ‘oh teuka mawot Han ek le meumot jikheun treuk bagah Tuhanku Neubri lon woe u donya", "Lon peubuet teuma amai jroh leupah Amai nyang shaleh nyang tinggai dilee Jinoe meuteuntee han le lon keubah Tapi atra nyan narit jih mantong Di likot jih dong padang that luah Sampoe geubangket jih han troh teuka", "‘Oh Sangkai kala pih geuyup sudah Uroe nyan han le geutanyong bangsa Han le chedara nyang meugah-meugah Han jeuet teumanyong le bak uroe nyan", "Nyang brat timbangan nyan nyang meutuah Nyankeuh ureueng nyan nyang meubahgia", "Nyang phui ceulaka rugoe sileupah Jipeurugoe droe roh lam nuraka Keukai jeuep masa lam apui mirah", "Jisama muža jitot le apui Meugasui-gasui hanco ngon patah b i", "Kon ka geubaca dilee ayat Lon Keu gata bandum sulet tapeugah", "Kheun treuk awak nyan hai Tuhan kamoe Jigiduek kamoe le buet nyang salah £ Kakeuh meunang jih u ateueh kamoe Jeuet treuk dum kamoe sisat sileupah", "Neubri meuteubiet nibak teumpat nyoe Hai Tuhan kamoe saket that leupah Meunyo kamoe woe buet lagee dilee H Nyan ka meuteuntee kamoe nyang salah Kamoe nyang lalem droe meuelanya", "Neukheun bah hinakeuh sinan dikah Beujrakeuh sinan mangat karasa Bek le meuhaba ngon Lon nyoe dikah", "Saboh jamaʻah nibak hamba Lon Ureueng nyan geukheun wahe ya Allah Wahe Po kamoe kamoe meuiman Neuampon teuma kamoe ka salah Droe-Neuh sineujroh ureueng geumaseh Kamoe Neugaseh wahe ya Allah", "Kaulok-ulok ureueng nyan bandum Hingga jeuet keu Lon tuwokeuh dikah f Bandumkeuh tuwo kaingat keu Lon Dawok kapeukhem ureueng nyan dikah", "Uroe nyoe gopnyan nyang meubahgia k Sabab geusaba jinoe Lon balah", "Neukheun padum thon keuh dalam bumoe", "Sang-sang siuroe jiseuot bagah Meukon siuroe sang sikhan uroe Tatanyong keudroe bak ureueng ceudah Keudeh bak ureueng nyang jeuet meubileueng", "Sideh kah geukheun rijang sileupah Meunyo kateupeue sideh kah tinggai Cit siat sagai leupah that bagah", "Peue bak tasangka Meupeujeuet gata Cit sia-sia hana phaedah p Hana geupeuwoe gata le bak Lon", "Maha Suci Lon Raja nyang meugah Raja nyang beuna nyang mat keurajeuen Kon laen tuhan meulengkan Allah Allahkeuh nyang Po ‘arasy mulia", "Soe nyang tapuja meunyo kon Allah Beurangsoe puja tuhan nyang laen Jikheun na laen sajan ngon Allah Hana meudali nyang jipeugah nyan Neukira dum nyan teuma le Allah Tuhan nyang Po jih peugot keunira Hana bahgia si kaphe jadah", "Takheun Tuhanku beu-Neupeuampon Neugaseh keu lon ureueng nyang salah Droe-Neuh sineujroh ureueng geumaseh Bandum Neugaseh wahe ya Allah AN-NUR (CAHAYA) s Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 24, "versesCount": 64, "verses": ["Nyoe saboh surat nyang Kamoe peutron F Di dalam jih nyan Kamoe peurintah Peue nyang peureulee u ateueh gata Ayat lom nyata sinan Meupeugah Jeuet keu peuingat ban dumna gata", "Soe nyang meuzina jipeubuet salah Soe nyang meuzina inong ngon agam Han jeuet tadiam tahukom bagah Sireutoh go dra keu jih sidroe-droe Bek sayang teuh roe jih nyan ka salah Han jeuet tasayang bak hukom Tuhan Meunyo meuiman gata keu Allah Meu na taiman uroe akhirat Tahukom leugat bek na meuilah Tahukom jih nyan beu na geukalon d Le ureueng mukmin dum beu tapeugah", "Meu jimeukawen agam meuzina Ngon inong zina cit jimeunikah Adak kon ngon nyan ngon inong musyrek Meunyo tabalek pih hana ubah f Meu jimeukawen inong meuzina Ngon agam zina cit jimeunikah Adak kon ngon nyan ngon agam musyrek À Hana meubalek meunankeuh ulah Atra nyan hareuem bak ureueng mukmin", "Tatudoh mukmin pih raya salah Beurangsoe tudoh inong nyang suci d Han ek treuk jibri saksi nyang beusah Peuet droe keu saksi han ek jipeuna Tahukom teuma jih nyan ka salah Lapan ploh go dra tahukom keu jih Keu saksi dijih beurangjan han sah Han jeuet keu saksi jih le beurangjan Nyankeuh awak nyan fasek that leupah", "Meulengkan lheueh nyan jih ka jitoubat Jipeubuet nyang got han le jikeubah Nyan teuma Tuhan Maha Peungampon Lagi pih Tuhan Maha Peumurah", "Ureueng nyang tudoh peurumoh droe jih Keu saksi dijih pih tan jikeubah Keudroe jih mantong nyang jeuet keu saksi Dijih peuet kali beu jimeusumpah Jipeugah bit jih ureueng nyang beuna", "Keulimong teuma laknat bak Allah Beu Neubri laknat keu jih le Tuhan Meu narit jih nyan sulet sileupah", "Teuma diinong bebaih hukoman Meunyo dijih nyan jitulak balah Peuet go meusumpah dijih pih sabet Agam nyan sulet peue nyang jipeugah", "Kali keulimong murka Tuhan Neubri keu jih nyan meunyo jih salah Meunyo agam nyan ureueng nyang beuna Neupeumureuka lon nyoe le Allah", "Adak meukon na karonya Tuhan Ngon rahmat Tuhan keu gata sudah Meuhat hana got teuma keu gata Allah Taʻala teuma that Murah Teuma cit Tuhan teurimong toubat Bijaksana that cit sidroe Allah", "Awak nyang peuna-peuna tudohan Cit saboh kawan awak nyang salah Bek tasangka nyan jeuheuet keu gata Tapi keu gata cit got that leupah Teuma awak nyan teuntee meudacha Ban nyang usaha jih dumnan salah k Teuma nyang pimpin buet nyan peuraya Azeueb that raya keu jih geukeubah", "Pakon han gata ‘oh tadeungo nyan Beugot sangkaan teuh bek meusalah Ureueng meuiman inong ngon agam Beu got dugaan bek na meuilah Sabe keudroe-droe sangkaan beu got Takheun hana got narit nyoe salah Haba nyan nyata jipeuna-peuna", "Saksi pih hana jiyue jak peugah Pakon han jiba peuet droe keu saksi Meu hana saksi nyan sulet leupah Meunyo bak Tuhan jih nyan sulet that", "Lah pih Hadharat Maha Peumurah Sangkira kon na karonya Tuhan Ngon rahmat Tuhan nyang keubit luah Donya akhirat Tuhan bri rahmat Adak han azeueb keu gata sudah Azeueb raya that Neubri keu gata", "Sabab roh gata teurimong salah Tatueng jih laju ngon lidah gata Jeuet takheun lanja meuneu‘en babah 7 Padahai gata hana tateupeue Sang han jeuet keu peue ta sangka mudah Padahai raya buet nyan bak Tuhan", "Pakon watee nyan hana tabantah Oh tadeungo nyan pakon han takheun s Bek dilee hai nyan tapeugah-peugah Maha Suci Droe-Neuh ya Tuhanku Nyoe bek roe laku tuduhan salah Atra nyan narit jipeuna-peuna", "Peuingat gata teuma le Allah Atra lagee nyoe bek le meuulang Bek le beurangjan meunan tapeugah Meunyo bit gata ureueng meuiman", "Tanda bak Tuhan cit trang sileupah Tuhan ka Neutrang keu gata ayat Tuhan Hadharat ‘eleumee luah Bijaksana lom Tuhan Hadharat", "Bek galak teuh that teuma seumeugah € Ureueng nyang galak peugah buet keuji Mangat jap bibi jipeugah-peugah Jipeumalee dum ureueng meuiman Akan ureueng nyan azeueb that leupah Azeueb that peudeh donya akhirat Tuhan Neutupat peue nyang tapeugah Tuhan Neuteupeue nyang han tateupeue", "Karonya-Neuh nyoe le han ban peugah Sangkira kon na karonya Tuhan Ngon rahmat Tuhan keu gata sudah Meuhat hana got teuma keu gata Teuma keu hamba Neusayang leupah Tuhan keu hamba keubit Neusayang Lagi pih Tuhan Maha Peumurah", "Hai ureueng mukmin bek roh taikot Chetan nyang karot ‘oh jimeulangkah Soe nyang roh ikot dum langkah chetan Dijih beurangjan jiyue buet salah Jiyue buet keuji ngon keujahatan Sangkira Tuhan kon that Peumurah Sangkira kon na karonya Tuhan Ngon rahmat Tuhan keu gata sudah Hana meusidroe lam kawan gata Nyang gleh bak dacha hana meusalah Beurangjan hana meusidroe nyang gleh Meu kon Neupeugleh gata le Allah Soe nyang h‘eut Tuhan teuma Neupeugleh Neudeungo meuceh bandum le Allah Lom pih Neuteupeue bandum le Tuhan", "Teuma bek simban gata meusumpah Ureueng nyang kaya na keuleubehan Bek jikheun han jan jibri nafakah Bek jimeusumpah jikheun han jibri Akan famili jih nyang lam sosah Kaom keurabat ngon ureueng gasien Ngon muhajirin bak jalan Allah Beu jipeumeuʻah ngon dada lapang Neubri amponan keu jih le Allah Peue han galakteuh Tuhan peuampon Deecha gata dum nyang na meusalah Keubit cit Tuhan Maha Peungampon Lagi pih Tuhan Maha Peumurah", "Ureueng nyang tudoh inong nyang suci Mukmin nyang lale han tom buet salah Geulaknat jih nyan donya akhirat Azeueb raya that keu jih geukeubah", "Uroe nyan lidah jih jeuet keu saksi Jaroe ngon gaki jih jiseumeugah Peue nyang jipubuet yoh masa dilee", "Uroe nyan teuntee bandum geubalah Balasan keu jih teuma nyang beuna That samporeuna Neubri le Allah Jiteupeue Tuhan nyata that beuna Meu bacut hana buet-Neuh meuilah", "Inong nyang jeuheut keu agam jeuheut Agam nyang jeuheut keu inong ceulah Inong nyang shaleh keu agam shaleh Agam nyang shaleh inong meutuah Bahle jitudoh gopnyan buet dacha Ureueng nyang hana geupubuet salah Keu gopnyan Tuhan amponan Neubri Lom ngon raseuki mulia leupah", "Wahe dum ureueng nyang ka meuiman Bak rumoh laen meunyo talangkah Meunyo rumoh nyan kon rumoh gata Bek that tasigra tatamong bagah Bak ureueng po jih talakee izin Ngon tabri saleuem baro talangkah Keu bandum gata meunan nyang that got Mangat teuingat teuh bek meusalah", "Meu hana taeu di sinan ureueng À Nyan bek tatamong meu goh geupeugah Meu ka geuizin tatamong jinoe Meu geuyue jak woe tawoe beubagah Nyan nyang leubeh gleh keu bandum gata Allah Taʻala Neuteupeue sudah Peue nyang tapeubuet Tuhan Neuteupeue Hana meusapeue pih na meuilah", "Meunyo rumoh soh hana jeuet keu peue Kadang na peue-peue sinan takeubah Nyan jeuet tatamong hana geularang Bandum nyan Tuhan Neuteupeue sudah Got tapeulahe atawa tasom Neuteupeue bandum cit nyan le Allah", "Takheun bak ureueng mukmin nyang agam Bek jingieng tajam mata jih leupah Beu jipeulahra lom meunalee jih Nyan gleh that keu jih hana ban peugah Peue nyang jipeugot Tuhan Neumaklum", "Bak mukmin inong pih meunan ulah Tayue theun mata jaga meunalee Hiasan ulee bek tabri peuhah Hiasan tuboh kalong boh bajee Bandum nyan teuntee bek jipeuleumah Meulengkan peue nyang lahe u lua Nyang leumah nyata sabe cit teuhah Meunan pih jingui ija tob ulee Di ateueh bajee mangat bek leumah Jeuet jipeuleumah perhiasan jih Ubak linto jih deungon bak ayah Ayah droe jih ngon ayah linto jih Got pih aneuk jih jeuet jipeuleumah Aneuk linto jih ngon chedara jih Aneuk keumuen jih jeuet bandua blah Sabe inong jih got pih namiet jih Got peumbantu jih nyang hana syahwat Agam nyang hana napsu keu inong Aneuk cut mantong pih hana salah Mantong cut goh lom malee keu inong Keunankeuh mantong jeuet jipeuleumah Bek jipeumeusu keutʻing gleueng gaki Mangat gob turi hiasan indah Mangat gob teupeue na perhiasan Dijih di dalam nyang hana leumah Teuma tatoubat ban dumna gata Bak Tuhan gata nyang Maha Murah Hai ureueng mukmin tatoubat sigra Mangat bahgia gata meutuah", "Soe-soe nyang lajang lam kawan gata Peukawen sigra bek trep takeubah Meunan pih namiet teuh agam inong Meu ka meukeunong peukawen bagah Meunyo jih gasien Tuhan peukaya Neubri karonya keu jih le Allah Maha luah that karonya Tuhan Dumpeue Neutuban ‘eleumee Allah", "Meunyo meukawen goh lom kuasa , Beugot jijaga bek roh buet salah f Meu ka jih kaya karonya Tuhan Laju watee nyan jijak meunikah Meu namiet gata lakee teuboh droe Surat keu jih nyoe tapeugot bagah Meunyo tateupeue ka got nyan keu jih Lom tabri keu jih hareuta Allah Hareuta Tuhan Neubri keu gata Peugot keunira keu jih takeubah Namiet nyang inong teuh bek tapaksa Jipeubuet dacha ngon tan meunikah Meunyo meunapsu droe jipeulahra Teuma digata napsu nyang salah Napsu areuta udep lam donya Buet nyan that hina hana ban peugah Soe nyang paksa jih teuma cit Tuhan Maha Peungampon lom that Peumurah", "Ka Kamoe peutron ayat keu gata Nyang trang ngon nyata hana meusalah Lom pih na miseue ureueng nyang dilee Sinan meuteuntee raya phaedah Ureueng nyang dilee sigohlom gata Bandum nyan haba dalam seujarah Lom pih nasehat keu soe nyang takwa Ureueng mulia di sisi Allah", "Tuhan po cahya langot ngon bumoe Miseue cahya nyoe na saboh kubah Dalam kubah nyan saboh peulita Di dalam kaca nyang trang that leupah Sang-sang kaca nyan bintang meucahya Intan permata hu meujeureulah Hu jih ngon minyeuk kayee beureukat Zaitun ganje that kayee meutuah Kon blah u timu kon blah u barat Minyeuk jih ka rap meucahya indah Bah that beu apui tan teupeh keunan Cahya di sinan le han ban peugah Di ateueh cahya na lom meucahya Allah Taʻala Neubri Hidayah Soe nyang h‘eut Tuhan Neutunyok keunan Bak cahya-Neuh nyan nyang hu that indah Neupeugot misee dum uleh Tuhan Keu bandum insan jitueng phaedah Bandum perkara Tuhan Neuteupeue Hana meusapeue pih na meuilah", "Dalam meusijid dum izin Tuhan Pangkat that manyang geuseubot Allah Ucap teuseubeh hana tom karot Beungoh ngon seupot geupujoe Allah", "Le ureueng-ureueng nyang han tom laloe Deungon bloe peubloe meukat blah bicah Bahthat geumeukat geuingat Tuhan Pubuet seumbahyang geubri seudeukah Geubri ngon zakeuet meu na hareuta Uroe Keunira geutakot leupah Uroe meuguncang ate ngon mata That haro hara kiamat sudah", "Mangat Neubalah gopnyan le Tuhan Ateueh buet gopnyan nyang got that leupah F Lom Neupeuleubeh karonya Tuhan Raseuki gopnyan hana ban peugah Soe nyang h‘eut Tuhan Neubri raseuki Han ek tatukri cit le sileupah", "Amai si kaphe miseuejih teuma Patamorgana lam padang luah Geuleumbong anoe jisangka nyan ie Napsu keu leupie ka grah that leupah ‘Oh jijak keunan hana sapeue na Patamorgana jipeungot sudah f Nyang na di sinan Allah Taʻala Laju Neukira amai nyang salah Neubri treuk balah keu jih le Tuhan Keunira Tuhan keubit that bagah", "Atawa seupot lagee lam laot Lam kawan eungkot lam laot luah Di ateueh bakat meulapeh-lapeh Jitob jitindeh han sapeue leumah Ateueh nyan awan meususon-suson Seupot meuhimpon teubai sileupah Lam seupot suklip meutindeh lapeh Sinoe ngon sideh itam that leupah Jaroe droe jih sang han deuh jikalon d Cahya bak Tuhan han Neupeuleumah Soe nyang han Neubri cahya le Tuhan Peungeuh keu jih tan seupot sileupah", "Peue hana taeu jikheun teuseubeh Dumpeue cit jadeh jipujoe Allah Soe nyang di langot ngon nyang di bumoe Bandum sinaroe pujoe di babah Cicem dum jipo meubareh-bareh Bandum teuseubeh sabe di babah Bandum jiteupeue ayat seumbahyang Jipujoe Tuhan nyang Maha Murah Peue nyang jipeubuet Tuhan Neuteupeue Hana meusapeue pih na meuilah", "Keurajeuen langet bandum ngon bumoe Bandum atra nyoe cit milek Allah Bandum teuh tawoe keudeh bak Tuhan", "Hana takalon peuneujeuet Allah Neuarak awan meulapeh-lepeh Lheueh nyan Neutindeh meutamon bagah j Lam awan teubai jiteubiet ujeuen Jitreun meureuen-reuen tunjai sileupah Na cit Neupeutron sideh di langet Gunong eh kreueh that ngon leupie leupah Soe nyang h‘eut Tuhan Neubri atra nyan Soe nyang h‘eut Tuhan han Neubri jatah Cahya kilatjih sang-sang rap buta Teuh seupot mata sapeue han leumah", "Neubalek sabe malam ngon uroe Tuhanku sidroe kuasa leupah Uroe ngon malam han tom meusapat Jitueng ibarat soe nyang meutuah Le ureueng nyang na pikiran sehat", "Tuhan nyang peujeuet bandum blah bicah Bandum binatang bak ie Neupeujeuet Nyang jak ateueh pruet takalon ulah Nyang ladom jijak ngon dua gaki : Ladom peuet gaki peuneujeuet Allah J Bandum Neupeujeuet ban nyang h‘eut Tuhan Dumpeue cit Tuhan kuasa leupah À", "Ka Kamoe peutron dum ayat-ayat Meupeutrang meuhat nyata sileupah 3 Teuma Neutunyok soe nyang h‘eut Tuhan Keudeh bak jalan nyang hana salah Jalan nyang teupat bak jalan Tuhan", "Kamoe meuiman teuma jipeugah Iman keu Tuhan iman keu Rasul Bandum meukaboi peue nyang Neupeugah ‘Oh Iheueh jipeugah kamoe meutaʻat Jipaleng leugat saboh farikah Bandum jih nyan kon ureueng meuiman", "‘Oh geuhoi jih nyan bak jalan Allah Geuhoi le Rasul geumeung hukom jih Na antara jih nyang meuparikah Saboh parikah cit laju jiwoe", "Meu laba keu droe jih jitem singgah Meunyo na peue-peue nyang hak jih sinan Jiteuka keunan le bagah-bagah Jiteuka laju taʻat that dijih", "Peue lam ate jih na nyang. meusalah Peue na peunyaket dalam ate jih f Atawa chok jih peue nyang geupeugah Peue teumakot jih Tuhan elanya Keu jih nyan teuma sabab ka salah Meunan pih Rasul geuelanya jih Tapi cit droe jih lalem that leupah", "Teuma nyang narit ureueng meuiman Oh geuhoi jih nyan bak jalan Allah Geuhoi le Rasul geupeugah hukom Teuntee dum jikheun turot peurintah Ka kamoe deungo kamoe meutaʻat Ureueng nyan meuhat bahgia leupah", "Taʻat keu Allah taʻat keu Rasul Bandum jikaboi peue nyang peurintah Takot keu Tuhan takwa keu Tuhan Ureueng nyang meunankeuh nyang meutuah Nyankeuh nyang meunang lam perjuangan Keubit that seunang Neubri le Allah", "Awak nyan teuma meusumpah keubit Meu tayue teubjet jiteubiet bagah Meusumpah-sumpah leupah that dijih Takheun leh bak jih bek tameusumpah Meunyo tataʻat nyan cit ka meuphom Keubit Neumaklum bandum le Allah Peue nyang tapubuet Tuhan Neumaklum", "Takheun boh bandum taʻat keu Allah 3 Meunan pih taat bandum keu Rasul | Meu han takaboi teuntee ka salah Meunyo tapaleng teuma digopnyan Tanggongan gopnyan ke lheueh geupeuglah Tanggongan gata pulang keu gata Di Rasul hana le jeuet keu salah Meunyo tataʻat teuma digopnyan Keu gata Tuhan Neubri hidayah Neutunyok gata jalan nyang teupat Rasul pih meuhat ka lheueh geupeugah Tanggongan Rasul cit meu geupeutroh Peunyata sunggoh bandum peurintah", "Soe nyang meuiman lam kawan gata Allah Taʻala janji Neupeugah Jipeubuet amai pih bandum nyang got Nyan Tuhan peujeuet jih keu khalifah Di dalam bumoe jih mat keurajeuen Lagee yoh jameun ummat nyang sudah Lagee ka Neubri keu ummat jameun Agama jih nyan pih kong sileupah Agama Tuhan nyang ka Neurila Neupeukong sigra keu jih Neukeubah Lom pih jih aman han le teumakot Meunyo jiturot bandum peurintah Jiseumah cit Lon bek peucharikat Beurangpeue meuhat nyang bukon Allah v Meunyo jikaphe teuma ‘oh lheueh nyan 3 Jeuet treuk awak nyan fasek sileupah y", "Peubuet seumbahyang tabri ngon zakeuet Lom pih tataʻat keu Rasul Allah Mangat jeuet rahmat neubri keu gata", "Bek roe tasangka kafirin Makkah Bek tasangka jih teuga di bumoe ý Lam apui dudoe keudeh geukeubah 2 Dalam nuraka jih geubri teumpat Sijeuheut teumpat nuraka juah", "Namiet gata dum hai ureueng mukmin Jilakee izin meunan tapeugah Lhee go siuroe izin jilakee Meunan meuteuntee mangat bek salah a e Meunan pih aneuk nyang goh troh umu Bek tamong laju lam kama bagah Nyang phon yoh goh lom seumbahyang suboh Goh lom tabeudoh tapujoe Allah ‘Oh tasuet bajee bak watee leuho r Watee pajoh bu tapiyoh payah h Meunan pih ‘oh Iheueh sumbahyang ‘isya Nyan ‘aurat gata beu tapeusiblah r Jilakee izin lhee boh watee nyan ‘Oh Iheueh nibak nyan gata pih bebaih Dijih pih ka jeuet jiteubiet tamong Peue nyang meukeunong jipeubuet bagah Meunankeuh Tuhan dum Neupeunyata y Keu gata tanda tatueng phaedah Tuhan Neuteupeue bandum peurkara Lom bijaksana-Neuh han ban peugah", "Meunyo aneukmiet ka troh umu jih Nyan saban dijih hana meuubah Lagee ureueng nyang dilee nibak jih s Lakee izin jih saban that leupah Meunankeuh Tuhan Neupeutrang ayat Keu gata meuhat tatueng phaedah Tuhan Neuteupeue bandum perkara Ngon bijaksana-Neuh han ban peugah", "Ureueng inong nyang hana meuhe le Lom hana mume watee ka leupah $ Lom pih hana le napsu meukawen 7 Nyan jeuet meulaen bacut meuubah Hana peue dijih ija di lua Hana meudacha adak jikeubah Lom hana jingui ngon peurhiasan Jiboh bak badan jimeung peuleumah Leubeh got teuma beu jijaga droe Bek jeuet keu paloe roh dalam salah Tuhan Neudeungo lom pih Neuteupeue Hana meusapeue pih na meuilah", "Bak ureueng buta hana geularang Capiek got pincang hana geuteugah Got ureueng saket got pih droe gata Pajoh bersama saboh maidah Sinan tamakeuen di rumoh gata Got pih seudia di rumoh ayah Rumoh yah gata got pih ma gata j Chedara gata pih hana salah í Ni Agam ngon inong chedara gata J Got pih ngon apateuh hana ubah g Rumoh abua ngon macut gata A Meunan pih mawateuh saban leupah Got rumoh nyang na gunci bak gata Got rakan gata pih hana ubah Hana jeuet keu peue tapajoh sapat Keunan dum meuhat tajak meulangkah Atawa napsu pajoh sidroe-droe Bandum sinaroe han jeuet keu salah Watee tatamong dalam rumoh nyoe Saleuem bri keudroe saleuem bak Allah Saleuem beureukat Neubri keu gata Allah Taʻala Neubri jroh leupah Meunankeuh ayat Neutrang bak gata Mangat jeuet gata pike beuceudah", "Nyang geukheun mukmin soe nyang meuiman Keupada Tuhan ngon Rasulullah Sajan ngon Rasul ‘oh na urosan Lam pertemuan geumuchawarah Han lom geubeudoh geujak ho laen Meu goh na izin bak Rasulullah d Ureueng nyang lakee izin bak gata Keubit jih nyata iman keu Allah Lom jimeuiman keu Rasul Tuhan Teuma urosan jih goh lom sudah 1 Meunyo jilakee izin bak gata Urosan raya jimeung jak peuglah Nyan tabri izin soe nyang hʻeut gata Talakee teuma ampon bak Allah Talakee ampon akan ureueng nyan Tuhan Peungampon lom that Peumurah", "Tameuhei Rasul bek tapeusaban i Ngon tahei rakanteuh saban leupah i Soe nyang ka teubiet Tuhan Neutusoe 2 Jimita sagoe mangat bek leumah Lam kawan gata jipeusiblah droe Ubak rakan droe keudeh jilangkah Soe nyang han peubuet suroh Hadharat Jiingat beuthat keunong musibah Cobaan Neubri uleh Hadharat í Atawa azeueb peudeh that leupah", "Peue nyang di langet got nyang di bumoe Beuna tateupeue nyan milek Allah Hal ihwal gata bandum Neuteupeue Meunan pih uroe tawoe bak Allah Bandumteuh tawoe keudeh bak Tuhan Neubri thee yohnyan buet nyang ka leupah Bandum peukara Tuhan Neuteupeue Hana meusapeue pih na meuilah aa a E a a a a a r a Ai AL-FURQAN (PEUMEUNGKLEH) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 25, "versesCount": 77, "verses": ["Maha Suci that cit sidroe Tuhan Neupeutron Furqan raya phaedah Peumeungkleh nyang got ngon nyang hana got Nyang brok deungon got beda that leupah Neupeutron Qur'an bak Hamba-Neuh nyan Mangat jeuet gopnyan geuba peurintah Haba peuingat keu bandum alam", "Nyang po keurajeuen cit sidroe Allah Langet ngon bumoe nyang po keurajeuen Aneuk-Neuh cit tan kon ban jipeugah Hana charikat Neumat keurajeuen Neupeujeuet bandum sidroe-Neuh Allah Bandum lat batat Neukada keudroe Meubagoe-bagoe peuneujeuet Allah", "Awak nyan jicok nyang laen Tuhan Jipeugah tuhan nyang bukon Allah Nyang sapeue pih tan dijih jipeujeuet Jih pih gop peujeuet jitarah-tarah Keudroejih han jeuet peuglah meularat Lom pih manfaat tan meube seupah Mate ngon udep tan na di jaroe Jih bangket dudoe han jeuet jipeugah", "Dikaphe jikheun atra nyan hana Jipeuna-peuna bandum jipeugah Na kaom laen nyang bantu jih nyan Jeuetkeuh lagee nyan takalon ceudah Lalem paleusu peue nyan jikheun nyan Keubit awak nyan raya that salah", "Jikheun lom dongeng ureueng nyang dilee Haba nyan teuntee na ureueng peugah Teuma jituleh treuk beungoh seupot", "Takheun that karot peue nyang jipeugah Takheun nyang peutron Allah Taʻala Bandum rahsia Neuteupeue sudah Rahsia langet got pih di bumoe Bandum Neuteupeue cit nyan le Allah Keubit Droeneuh nyan Maha Peungampon Lom pih Droeneuh nyan maha Peumurah", "Jikheun peue Rasul nyan geupajoh bu Peue nyang meuteumeung makanan mudah Geujak u peukan bak ureueng meukat Kon malaikat keunoe geulangkah Pakon han geuyue jak malaikat Duageuh meuhat jeuet geujak peugah Geujak peuingat sajan ngon gopnyan", "Adak han gudang peng beule leupah Gudang hareuta geubri keu gopnyan Atawa keubon saboh nyang luah À Pajoh boh kayee dalam keubon nyan Hase makanan sinan le leupah Teuma si lalem jikheun soe roe nyan Nyang taikot nyan ureueng ka basah Kon laen jih nyan ka keunong sihe", "Takalon pakri gata jipeugah Jiboh bandengan dum macam-macam Sisat treuk jih nyan ka roh lam salah Han ek le jalan jilawan gata", "Allah Taʻala Suci that leupah Maha Suci-Neuh meunyo Neukheundak Gata Neubri hak nyang leubeh luah Neubri churuga keu gata meuhat Nyang leubeh that got nibak jih peugah Ie krueng dum jile di yup churuga Neubri keu gata meuligoe indah X", "Tapi dijih dum jipeugah sulet Hana kiamat dudoe jipeugah Ureueng nyang peugah hana kiamat Nuraka teumpat keu jih Meukeubah", "‘Ohban jikalon jih le nuraka Meubura-bura apui jih mirah Jideungo jigr‘oh jih le nuraka Mantong jih teuka jioh that leupah", "‘Oh ban geutiek jih bak teumpat seumpet Meularat keubit jih han ban peugah Meuranthoe-ranthoe jih dum lam rante Sinan jikheun le ceulaka leupah", "Bek kakheun saboh sagai ceulaka Le that ceulaka uroe nyoe dikah", "Takheun peue got nyan nibak churuga Keu soe nyang takwa Neubri le Allah Churuga keukai nyang ka neujanji Soe nyang got budi nyan keu beunalah Sinankeuh teumpat ureueng takwa", "Peue nyang hʻeutgeuh na sinan geukeubah Keukai geuh sinan ka janji Tuhan Meu janji Tuhan hantom meuubah Patot talakee janji bak Tuhan", "‘Oh troh uroe nyan bandum cit teuhah ‘Oh geupeusapat jih ngon awak nyan Nyang jikheun tuhan nyang bukon Allah Kheun Tuhan gata dum nyang peusisat Hamba Lon meuhat tayue nyang salah Atawa droejih nyang sisat jalan", "Seuot ureueng nyang kon kamoe salah Maha Suci Droeneuh han dikamoe Meujak yue jih nyoe lawan peurintah Han patot meucok wali dikamoe Laen nibak Droeneuh hai ya Allah Tapi sabab jih ka Neubri seunang Ngon du-du jih nyan hudep that mewah Hingga tuwo jih ingat keu Tuhan Binasa badan bandum jih sudah", "Awak nyan bandum geukheun kah sulet Hana nyang sabet peue nyang kapeugah Han ek katulak han ek katulong Droekeuh nyang tanggong hana le kilah Teuma nyang lalem lam kawan gata Kamoe peurasa azeueb brat leupah", "Rasul dum dilee nyang Kamoe kirem Pajoh makanan han tom geukeubah Geujak u peukan lagee gop laen Teuma cit lazem meubri fitnah ; Siteungoh gata deungon nyang laen Meubri cobaan bak ba peurintah Teuma peue gata dum ek tasaba Neukalon nyata bandum le Allah QUZ", "Nyang han tem pateh rumpok ngon Kar Awak nyan meunoe teuma jipeugah Kon malaikat geupeutron keunoe Ubak geutanyoe geuba peurintah Atawa taeu Tuhan geutanyoe Keubit awak nyoe teukabo leupah Jipike keudroe sang jih that raya Jidarohaka lalem sileupah", "Uroe nyan jieu treuk malaikat i Hana le mangat jeuet jih beulisah Gadoh geumbira ngon keuseunangan Bandum awak nyan nyang peubuet salah Jikheun hai tuboh nyan jrakeuh jinoe", "Amai jih jinoe Kamoe eu bagah Han le meuguna keu jih amai nyan Bandum di sinan abeh meuruah Ka jeuet keu abee jipo meukeupoi", "Ureueng nyang beutoi teuma meutuah Asoe churuga bandum ureueng nyan Seunang ngon aman hana ban peugah Teumpat geu-eh-eh watee cot uroe Takalon bagoe leupah that indah", "Uroe nyan beukah meukuak langet ; Awan jiteubiet bak langet beukah Malaikat dum geuyue tron keunoe", "Keurajeuen jinoe cit sidroe Allah Keurajeuen nyang hak sit milek Tuhan Kaphe uroe nyan meukarat leupah", "Teuma si lalem jikap ngon jaroe Jikheun uroe nyoe leupah that sosah Adak meu dilee lon jak ngon Rasul Meuhat leubeh phui hana that payah", "Keupeue si paleh lon cok keu rakan Ceulaka badan jinoe that sosah", "Jipeusisat lon bek ingat Tuhan : Geujok Qur’an jiyue tiek bagah 9 Jipeungeut teupat insan le chetan ‘Oh Iheueh jipadan droe jih jipeuglah", "Pakri kaom lon wahe Tuhanku i Rasul meungadu keudeh bak Allah Jikheun Qur’an nyoe hana laku Hana meunapsu jitueng phaedah", "Meunankeuh musoh bandum Kamoe bri Nyang lawan Nabi sit awak salah Cukop Po gata nyang bri peutunyok Gata pih Neucok Neutulong bagah", "Jikheun le kaphe pakon han sigo ; Geupeutron laju Qur’an beu bagah Kamoe peukeumat lam ate gata Mangat got meusra bek le meuruah Nyang jeuet keuh meunan Kamoe yue baca Bek sigo teuka gadoh dum bagah", "Watee na peue-peue jiba bak gata à Meubri keu gata jalan tapeuglah £ Jalan nyang beuna tapeugah bak jih Tapeutrang bak jih nyang got that leupah", "Teuma awak nyan ‘oh geupeusapat Muka jih meuhat geulungkop bagah Geulungkop laju dalam nuraka Teumpat ceulaka hana ban peugah Keunankeuh jalan nyang leupah sisat", "Jinoe riwayat Musa meutuah Kamoe bri kitab dilee keu Musa Ngon Harun dua geuba peurintah Aduen geuh Harun keu wazir gopnyan", "Kamoe kheun yoh nyan jak keudeh bagah Ubak kaom nyan tajak bandua Teuh jih dum nyata raya that salah Jipeugah sulet dum ayat Kamoe Binasa jinoe bandum jih sudah", "Kaom Noh jikheun sulet dum Rasul é Meugasui-gasui lam laot luah Kamoe peukaram bandum jih sinan Mangat dum insan jitueng phaedah Azeueb peudeh that Kamoe seudia Keu si elanya nyang lalem leupah", "‘Ad lom ngon Tsamud bandum jih saban Kaom Ras meunan sit hana ubah Meunan pih le lom kurun nyang laen Di antara nyan bandum buet salah", "Kamoe peugot jih dum keu ibarat Soe nyang tem ingat raya phaedah Kamoe peuanco jih bandum reule Meusapeue tan le ka abeh sudah", "Ka lagi jijak dalam nanggroe nyan Nyang na disinan euncit ujeuen rhah Kon jieu euncit ujeuen ceulaka Jipeubinasa kaom nyang salah Teutapi dijih han cit jipateh Geubangket dum jih dudoe geubalah", "‘Oh jieu gata cit ka ji batok Jiulok-ulok jikhem meuhah-hah 2 Nyoe roe ureuengjih keubit keu Rasul Sang leupah that phui meunan jipeugah", "Rap jipeusisat bandum geutanyoe Tuhan geutanyoe dum jikheun salah Lah pih tasaba taseumah sabe Adak han tan le peue nyang taseumah d Jiteupeue teuma ‘oh jieu azeueb Si nyang bit sisat jalan ka salah", "Taci peugah soe peutuhan napsu Jipeubuet laju peue napsu peugah Ek tatem gata tapeulahra jih", "Peue tasangka jih jideungo leupah 7 Peue tasangka jih nyan na meuakai Hana roe sagai akai jih ceudah 7 Jih nyan saban that lagee binatang Leubeh lom jih nyan sisat that leupah", "Peue hana taeu pakri di Tuhan Neubri bubayangteuh panyang leupah Meunyo Neukheundak ek Neupeuteutap Bubayang meuhat han Neupeuleumah. Dimata uroe nyan jeuet keu dali Bubayang meuri taeu trang leupah", "Lheueh nyan seuen bacut Kamoe cok bayang Kakeuh bubayang hana le leumah", "Tuhan nyang peujeuet keu gata malam E Pakaian hitam sang taeu ulah Taeh got teungeut taistirahat ‘Oh uroe meuhat mita nafakah y", "Neukirem angen haba geumbira Dang-dang troh teuka rahmat bak Allah Kamoe peutren treuk ujeuen di langet Ujeuen nyan rahmat ie gleh sileupah", "Kamoe peuhudep tanoh nyang mate Hijo dum sare takalon indah Dumna binatang nyang Kamoe peujeuet Meubri ie leugat mangat puleh grah Ke manusia sit le Kamoe bri", "Kamoe jok bagi jitueng phaedah 3 Teuma nyang le that dum manusia Hana jikira keu rahmat Allah Dijih jikaphe keu rahmat Kamoe", "Meu na hʻeut Kamoe cit Meujak peugah Meukirem Rasul bak jeuep-jeuep nanggroe Bandum ureueng nyoe jak ba peurintah", "Teuma bek gata taikot kaphe Tajihad sabe jih nyan tahujjah Ngon dali Qur’an jihad nyang raya", "Allah Taʻala kuasa leupah ; Dua boh laot Neupeujeuet sapat Saboh tabeue that tajep puleh grah Saboh laot treuk masen ngon phet that Di teungoh meuhat ka Neuboh bataih Bek meujampu ie sinoe ngon sideh Lagee na binteh sang meunan ulah", "Bak ie jeureuengeh Neupeujeuet insan Jeuet keuturonan jih le that leupah Deungon meukawen jeuet keuturonan Kuasa Tuhan hana ban peugah", "Teuma jiseumah cit nyang kon Tuhan Nyang keu jih sit tan jibri phaedah Jibri meularat pih han ek keu jih Jiseumah cit jih dikaphe jadah Dikaphe jicok keu ngon jih cheitan Jilawan Tuhan nyang Maha Murah", "Tauma di-Kamoe Meukirem gata Mangat tajak ba bandum peurintah Haba nyang mangat haba nyang saket", "Takheun dilon bit kon lon tueng upah t Hana lon lakee upah bak gata Soe nyang tem teuma nyoekeuh lon peugah Soe nyang tem tajak bak jalan Tuhan Nyoekeuh nyang jalan teupat sileupah", "Tawakkal gata teuma bak Tuhan Hudep beurangjan sidroe-Neuh Allah Nyang han tom mate lom sabe keukai Dari phon awai han tom sudah Takheun Teuseubeh Tuhan tapujoe Neumaklum keudroe soe-soe nyang salah Cukop Neumaklum padum le hamba Nyang peubuet deecha le han ban peugah", "Tuhan nyang peujeuet langet ngon. bumoe Bandum ngon asoe nam uroe sudah ‘Oh lheueh nam uroe Neupeujeuet abeh Neupiyoh sideh di ateueh ‘arasy Geumaseh that-that Tuhanku sidroe Tatanyong bagoe bak ureueng ceudah Tatanyong bak soe nyang na ileumee Mangat meuteuntee bek jeuet keu salah", "‘Oh geuyue bak jih sujud keu Tuhan Jikheun toh Tuhan tacuba peugah Peue kamoe sujud bak nyang gata yue Batat jih dum nyoe meutamah-tamah", "Maha Suci that Tuhan nyang peujeuet Sideh di langet teumpat jisinggah Teumpat jipiyoh dum bintang-bintang Mata uroe trang lom hu sileupah Buleuen meucahya pih trang lam nanggroe", "Malam ngon uroe Neupisah-pisah Soe nyang tem ingat bandum atra nyan f Chukor le yoh nyan keudeh bak Allah", "Na hamba Tuhan nyang jak lam bumoe Dum meu glah keudroe han bagah-bagah Geujak ban teupat ban legee seunang Meu na soe tanyong geuseuot bagah Meu narit jahe bak ureueng tanyong Jaweueb digopnyan narit jroh leupah", "‘Oh watee malam teuma ureueng nyan Sujud bak Tuhan nyang Maha Murah Geudong seumbahyang ingat Po gopnyan", "Geukheun ya Tuhan kamoe Neupeuglah i Azeueb nuraka bek roh keu kamoe Ya Tuhan kamoe Neubri meusiblah Azeueb nuraka saket meukeumat", "Sijeuheut teumpat tapiyoh payah Ceulaka teumpat teutap di sinan", "Teuma ureueng nyan geubri napakah Hana leupah that hana hemat that Di teungoh meuhat sabe geulangkah", "Hana geupuja tuhan nyang laen Nyawong gop hareuem pih geupeusiblah Hana geupoh gop Tuhan peuhareuem Meulengkan nyang nyan ka hak bak Allah Geupubuet zina hana digopnyan Ureueng peubuet nyan raya that salah Nyang peubuet nyan dum raya that dacha", "Azeueb Neuganda teuma le Allah Uroe kiamat keukai lam azeueb Sinan hina that hana ban peugah", "Meulengkan ureueng nyang ka jitoubat Jiiman meuhat pih hana ubah Amai nyang got that jipeubuet sabe £ Ureueng nyan han le lam kawan salah Tuhan Neugantoe amai nyang jeuheut Neupeujeuet keu got bandum le Allah Keubit cit Tuhan Maha Peungampon Lagi pih Tuhan Maha Peumurah", "Beurangsoe toubat peubuet amai got Nyankeuh nyang toubat keubit bak Allah", "Han geu-ek saksi meunyo nyang sulet Hana meu siblet pih geutem peugah Watee geukalon buet sia-sia Sagai han teuka keunan geulangkah Geujaga that droe ureueng mulia Buet sia-sia hana phaedah", "Soe nyang peuingat teuma ureueng nyan Ngon ayat Tuhan nyang Maha Murah Geudeungo got that kon buta tuloe", "Geukheun lom meunoe wahe ya Allah Hai Tuhan kamoe Neubri keu kamoe Dum judo kamoe ureueng meutuah d Meunan pih aneuk ngon cuco kamoe Bak mata kamoe beu sijuek leupah í Teutap ngon mata sijuek ngon ate Sabab boh ate ureueng nyang ceudah Neupeujeuet kamoe jeuet keu peumuka Keu ureueng takwa keupada Allah", "Ureueng nyan bandum Neubri balasan Teuma le Tuhan churuga indah y Sabab ureueng nyan ek that geusaba Neupeumulia teuma le Allah Geusambot gopnyan dum ngon hormat Saleuem seulamat jak tamong bagah", "Keukai di sinan teumpat indah that Neubri ngon pangkat manyang that leupah y", "Takheun Tuhan lon han Neungieng gata Sabab kon gata ureueng meutuah Meunyo han tatem pubuet ibadat Sulet ngon jeungkat nyang na di babah Sabab nyan gata teuntee geuazeueb d Ban lagee nyang buet masa nyang sudah y 7 ASY-SYUʻARA‘ (UREUENG-UREUENG ME Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah)"] }, { "chapter": 26, "versesCount": 227, "verses": ["Tha Sin Mim Tuhan nyang teupeue meukeusud ayat Sabab Hadharat hana Neupeugah", "Nyoekeuh dum ayat di dalam kitab Qur’an nyoe meuhat cit trang sileupah", "Sang-sang digata gadoh seumangat Watee taingat jipeubuet salah Pakon jih batat han jimeuiman", "Sabe sit meunan dum kaphe jadah Meu Kamoe kheundak Meupeutron ayat Saboh muʻjizat nyang hebat leupah Sideh di langet Meupeutron ayat Mangat jih teupat jiteukui bagah", "Beurangpeue ayat teuka lom bak jih Teutap sit dijih hana jipapah Ayat nyang baro teuka bak Tuhan Han jipeureumeun jipaleng bagah", "Ka jikheun sulet han jitem pateh Dudoe bak droejih teuma geupeugah Bandum geubalah teuma nyan dijih Nyang jipeu-eleh jikheun beurakah", "Peue hana jieu di dalam bumoe Bak kayee sinoe hijo dum indah Kamoe peuudep dumna tanaman Meupasang-pasang galakteuh leupah", "Bandum atra nyan sit jeuet keu tanda Allah Taʻala Maha Peumurah Teuma le that jih han jimeuiman Dijih bandum nyan hana phaedah", "Keubit Po gata Maha Peurkasa Lom pih Po gata Maha Peumurah", "Watee Neumeuhei uleh Po gata b4 Tajak hai Musa keudeh talangkah 4 Kaom nyang lalem kaphe keu Tuhan", "Kaom Peuraʻeun nyang that seurakah Pakon bandum jih han jitakwa", "Geukheun le Musa wahe ya Allah Lon takot sulet jipeugah keu lon Han jipateh lon jikheun beurakah", "Seumpet dada lon han glah lidah lon Neukirem Harun lom Neuyue peugah", "Dilon na salah pih bak awak nyan Takot jipoh lon jimeung tueng balah", "Neukheun hana peue tajak bandua Ò Kamoe bri tanda nyang raya tuah Kamoe Meudeungo peue-peue nyang jikheun", "Ubak Peuraʻeun keudeh tapeugah Kamoe nyoe Rasul Tuhan Po alam", "Awak kamoe nyan Neuyue peuleupah Bani Israil tajok keu kamoe", "Jiseuot meunoe laju jipeugah Kon gata dilee kamoe peulahra Yoh mantong gata si manyak mirah Padum thon sabe taduek ngon kamoe", "Tapeubuet dudoe buet nyang that salah oi Dum guna kamoe hana tapike Tatem jak kaphe hana tapeugah", "Geukheun buet lon nyan sabab meularat Watee nyan sisat lon ka roh salah", "Nyankeuh jeuet lon plueng keudeh u lua Takot keu gata tameung tueng balah Teuma di sideh Tuhan bri keu lon Hikmah keu lon Neubri got leupah Neupeujeuet treuk lon keu Rasul Tuhan", "Teuma nikmat nyan nyang gata peugah Tapeulahra lon yoh mantong ubit Ka tapeunamiet dum hamba Allah Bani Israil dum tapeunamiet Lalem that keubit elanya leupah", "Peuraʻeun tanyong boh nyang toh Tuhan Nyang Po dum alam bunoe tapeugah", "Geukheun Tuhan Po langet ngon bumoe Ngon bandum asoe bandum blah bicah Meu tatem pateh nyankeuh nyang Tuhan", "Peuraʻeun jikheun bak ngon jih bagah Nyan na tadeungo roe gata bandum", "Musa kheun Tuhan kuasa leupah Tuhan gata dum ngon yah-yah gata Nyang dilee masa dum ka beh leupah", "Jikheun Rasul nyan nyang jak bak gata Jih nyan ka gila akai ka ubah", "Geukheun Tuhan Po timu ngon barat Bandum lat batat peuneujeuet Allah Meunyo tapike ngon akai nyang got", "Jikheun bek le that haba tapeugah Meu takheun tuhan laen nibak lon Gata lam palong keudeh kukeubah Dalam glap seupot kupasoe gata", "Teuma kheun Musa deungo lon peugah Meunyo ek lon bri dali nyang nyata Teuma peue gata tatem meunyeurah", "Jikheun jok keunoe dali bak gata Meunyo bit beuna lagee tapeugah", "Geutiek treuk tungkat ka jeuet keu naga Uleue be raya nyata that leupah", "Geusuet ngon jaroe puteh meukeuprak Soe nyang ngieng rusak mata jih mirah", "Jikheun treuk laju bak rakan lingka Nyoe sihe raya carong jih leupah", "Jimeung peuteubiet gata lam nanggroe Teuh ngon sihe nyoe gata jirajah Boh peue tapeugot teuma keu jih nyoe", "Tayue preh jih nyoe teuma jipeugah Í Ngon aduen jih nyan tayue preh siat Ditanyoe rakyat jinoe dum takrah Ban saboh nanggroe meusapat keunoe", "Sihe geutanyoe pih carong leupah d Sihe nyang utoh bandum tayue jak", "Bandum treuk jijak keunan dum bagah Bak watee uroe nyang ka jimaklum", "Jitanyong bandum ka troh talangkah", "Mangat taikot bandum sihe nyan Meunyo ek meunang lagee jipeugah", "‘Ohban troh keunan dum tukang sihe Ka jitanyong le jilakee upah Jilakee upah ubak Peuraʻeun Meu kamoe meunang peue na hadiah", "Jikheun hadiah cit na keu gata Gata ngon raja lom toe that leupah", "Geukheun le Musa boh tiek peue nyang na Nyang keunoe taba ‘oh Iheueh tarajah", "Jitiek treuk taloe ngon tungkat jih dum Deumi Peuraʻeun raja nyang meugah Geutanyoe meunang meunan dum jikheun", "Geutiek treuk keunan tungkat meutuah ‘Ohban ka geutiek tungkat le Musa Jiʻuet treuk sigra peue nyang meurimbah Abeh dum jiʻuet sihe awak nyan", "Teukeujet yoh nyan tukang meurajah Si tukang sihe bandum jisujud Í Sabab teukeujet jikalon ulah", "Jikheun treuk bandum kamoe meuiman Tuhan Po alam kuasa leupah", "Tuhan Po Musa ngon Tuhan Harun", "Beungeh Peuraʻeun jikheun treuk bagah Peue kameuiman laju keu jih nyan Gohlom kuizin le lon dum keu kah i Keubit gureekah jih nyang raya that Sihe dum meuhat jipeurunoe kah Nyoe beu kateupeue hukoman kubri Jaroe ngon gaki kukoh kutarah Jaroe ngon gaki kusurang sareng Lheueh nyan kupateng beu manyang leupah Bandum kuteupang u ateuh sula Nak bek biasa lawan peurintah", "Seuot awak nyan hana meularat Kamoe dum meuhat meuwoe bak Allah Ubak Po kamoe keudeh dum muewoe", "Neuampon kamoe meulakee bagah Raya that deecha kamoe baroekon Kamoe meuiman jinoe ya Allah Nyoekeuh dum kamoe nyang phon meuiman", "Bak Musa yoh nyan Kamoe kheun bagah Bak watee malam tateubiet sigra Bandum ngon hamba Lon nyang meutuah Gata nyoe bandum jilet di likot", "Keubit jiseutot Peuraʻeun jadah Bansaboh nanggroe jikrah dum rakyat", "Awak nyan meuhat sit nit sileupah", "Jimeung peubeungeh bandum geutanyoe", "Tajaga jih nyoe beu got that leupah", "Kamoe peuteubiet treuk bandum jih nyan Tinggai treuk taman jih dum nyang luah Tinggai mata ie teumpat jimanoe", "Geudong meuasoe bandum jikeubah Tinggai dum pangkat jih nyang mulia", "Bandum pusaka tinggai le leupah Kamoe bri bandum keu cot Israil", "Dijih peureugi jiseutot bagah Ka teubiet uroe keudeh jiseutot", "‘Oh ban meusapat jieu ka leumah Geukheun dum yoh nyan le rakan Musa Musoh ka teuka jehpat le leupah Tanyoe jiteumee han jipeulheueh le", "Musa geukheun le bek sosah-sosah Tuhan lon sajan Neutunyok keu lon À Sit Neubri jalan tanyoe Neupeuglah", "Kamoe bri wahyu teuma bak Musa Nyan tungkat gata tapoh ie bagah Tapoh ie laot ngon tungkat gata Teuhah le sigra jalan dum luah Sang gunong raya dum dalam laot Meuikot-ikot gata meung bagah", "Awak nyang seutot teuma di likot Kamoe peuikot ka toe that leupah", "Kamoe peuleupah Musa ngon rakan", "Laen dum karam lam laot luah", "Bandum atra nyan sit jeuet keu tanda Allah Taʻala kuasa leupah < Teuma le that jih han jimeuiman Dijih bandum nyan hana phaedah>", "Keubit Po gata Maha Peurkasa Lom pih Po gata Maha Peumurah", "Teuma tapeugah lom bak awak nyan Haba Ibrahim ureueng meutuah", "Geukheun bak ayahgeuh ngon bak kaom d Geuh gata bandum peue nyan taseumah", "Jikheun dum kamoe meuseumah patong Beurhala bandum han kamoe keubah", "Geukheun boh na deuh jideungo gata Watee tabaca peue tameung peugah", "Ek jibri le jih peue nyang munapheu“ʻat í Got pih meularat teuh ek jipeuglah", "Jikheun dum kamoe meu-eu yah kamoe Bandum atra nyoe dilee geuseumah A", "Geukheun taeukeuh nyang taseumah nyan", "Le gata dum nyan ngon ayah-ayah Ngon yah-yah gata dum nyang ka dilee", "Bandum nyan sitree lon musoh leupah 1 Meulengkan Tuhan nyang Po alam nyoe", "Nyang peujeuet lon nyoe phon manyak leupah Neubri peutunyok keu lon ‘oh lheueh nyan", "Neubri makanan ngon ie puleh grah", "Watee saket lon Neupeupuleh le", "Lon Neupeumate pih han soe teugah Neupeuudep lon lom ‘oh Iheueh mate", "Neuampon sabe watee lon salah Meunapsu lon that Neuampon dacha Jan haro hara watee Neubalah Uroe kiamat haro hara that", "Neubri hikmat keu lon ya Allah € Neupeusapat lon ngon ureueng shaleh", "Neupeujroh leubeh nan lon gop peugah Bak ureueng dudoe nan lon beu beuna", "Neubri pusaka churuga indah Churuga nikmat lon tueng pusaka Neubri keu hamba wahe ya Allah", "Lom Neupeuampon dacha ayah lon Sabab ayah lon sisat ka salah", "Lom pih ulon nyoe bek Neubri ‘ayeb Uroe geubangket malee lon leupah", "Atra ngon aneuk hana guna le ‘Oh uroe page ka teuka sudah", "Meulengkan soe-soe nyang jak bak Tuhan Ate jih iman nyang gleh sileupah", "Teuma geupeutoe keunan churuga Bak ureueng takwa iman keu Allah", "Diureueng sisat leumah nuraka", "Geutanyong sigra ho ka tuhankah Peue nyang ka seumah nyang bukan Tuhan", "Ho ka dum jih nyan kacuba peugah ž Na jitulong kah atawa droejih", "Geulungkop dum jih lam apui mirah Awak nyang sisat meusapat ngon jih", "Lom tentra Iblih sinan geukeubah Sipai Iblih bandum di sinan", "Meudawa yoh nyan meuplah-plah babah", "Deumi nyo Tuhan kamoe nyoe sisat", "Gata dum meuhat kamoe jak seumah Sabab meupeusa gata ngon Tuhan Nyang Po dum alam nyang Maha Murah", "Kon ureueng laen peusisat kamoe Nyoekeuh awak nyoe nyang peubuet salah", "Hana chupeuʻat le soe keu kamoe", "Rakan dum nyang toe pih tan le leumah", "Adak meu geutem geupeuwoe kamoe Meuiman kamoe jinoe le bagah", "Bandum atra nyan cit jeuet keu tanda Allah Taʻala Kuasa leupah Teuma le that jih han jimeuiman Keu jih bandum nyan hana phaedah", "Keubit Po gata Maha Peurkasa Lom pih Po gata Maha Peumurah", "Kaom Noh jikheun sulet dum Rasul Han jitem kaboe watee Noh peugah", "Chedara jih Noh geukheun bak jih nyan Pakon gata han takwa keu Allah", "Lon nyoe bit Rasul jeuet tapeucaya", "Teuma takwa gata keu Allah Tataʻat keu lon nyang Rasul gata", "Hana bak gata lon lakee upah Bak Po dum alam upah lon ka na", "Teuma takwa gata keu Allah Tataʻat keu lon nyang Rasul gata", "Jiseuot sigra peue tajak peugah Ek kamoe pateh nyan narit gata Nyang ikot gata cit awak reundah Rakan gata dum cit hina dina", "Geukheun boh hana nyang jeuet lon peugah Hana lon teupeue dum buet ureueng nyan", "Keunira gopnyan sideh bak Allah Meunyo tateupeue Po lon nyang kira", "Ureueng nyan teuma han jeuet lon keubah Han roe lon use ureueng meuiman", "Peuingat mantong dilon lon peugah Lon nyoe peuingat sagai nyang nyata", "Jikheun treuk boh ka bek le tapeugah Meunyo han taiem hai Noh digata Meurajam gata jinoe le bagah", "Kheun Noh Tuhanku pakri kaom lon Han jipateh lon jikheun beurakah", "Neubuka jalan keu lon nibak jih Neubri lon bak jih jinoe le beu glah Ngon dum rakan lon ureueng meuiman", "Teuma Noh lheueh nyan Kamoe peuleupah Ngon rakan gopnyan geu-ek lam kapai Nyang peunoh beukai dum ngon blah bicah", "Awak nyang tinggai laen nibak nyan Kamoe peukaram lam laot luah", "Atra nyan bandum sit jeuet keu tanda Allah Taʻala Kuasa leupah Teuma le that jih han jimeuiman Dijih bandum nyan hana phaedah", "Keubit Po gata Maha Peurkasa Lom pih Po gata Maha Peumurah", "Jikheun lom le ‘Ad sulet dum Rasul Han jitem kaboi peue nyang Hud peugah", "Chedara jih Hud geukheun bak jih nyan Pakon gata han takwa keu Allah", "Lon nyoe bit Rasul jeuet tapeucaya", "Teuma takwa gata keu Allah Tataʻat keu lon nyang Rasul gata", "Hana bak gata lon lakee upah Bak Po dum alam upah lon ka na", "Pakon tabina geudong dum meugah Pat-pat tanoh cot tapeudong geudong Teumpat tameuʻen meumewah-mewah", "Tapeugot kota dum ban saboh nyan Takira dum nyan han le takeubah f Tapike keukaiteuh sinan sabe Sang han le mateteuh meunan ulah", "‘Oh tapeuleumah droeteuh kuasa Angkara murka lalem sileupah Leupah that keujam buetteuh di gata", "Teuma takwa jinoe keu Allah Tataʻat keu lon nyang Rasul gata", "Nikmat keu gata Neubri le leupah d Tateupeue nikmat le that keu gata Nyankeuh tatakwa mantong keu Allah", "Padum na Neubri binatang teurnak Neubri ngon aneukteuh le sileupah", "Padum na keubon ngon ie mon mata", "Teuma keu gata lon takot salah Lon takot azeueb Neubri keu gata Bak uroe gata teurimong balah Uroe kiamat haro hara that", "Jiseuot leugat peue roe tapeugah Tabri nasehat keunoe keu kamoe À Saban bak kamoe ngon han tapeugah Saban ngon hana tabri nasehat", "Buet nyoe cit adat masa nyang sudah Ureueng dileekon pih buetgeuh meunoe", "Teuma keu kamoe han roe geubalah Hana geuazeueb bandum na kamoe", "Meu gata sidroe nyang sulet leupah Keu Rasul Kamoe jikheun doseuta Meupeubinasa treuk jih dum bagah Atra nyan bandum pih jeuet keu tanda Allah Taʻala Kuasa leupah Teuma le that jih han jimeuiman Keu jih bandum nyan hana phaedah", "Keubit Po gata Maha Peurkasa Lom pih Po gata Maha Peumurah", "Tsamud pih jikheun sulet dum Rasul Han jitem kaboi peue Shaleh peugah", "Geukheun le Shaleh chedara jih nyan Pakon gata han takwa keu Allah", "Lon nyoe bit Rasul jeuet tapeucaya", "Teuma takwa gata keu Allah Tataʻat keu lon nyang Rasul gata", "Hana bak gata lon lakee upah Upah lon ka na bak Po dum alam", "Ek gata aman sinoe geukeubah Peue han meuminah gata dum sinoe Dalam nanggroe nyoe amanteuh leupah", "Lam keubon-keubon ngon ie mon mata", "Lom nyang tapula tanaman indah Mayam keureuma meuayon-ayon Ngon leumiek leumbon galakteuh leupah", "Tapeugot rumoh tapheuet dum gunong Tapeubuet ceumong ngon reuoh reuah Hekteuh ngon payah hana takira", "Teuma takwa jinoe keu Allah Tataʻat keu lon nyang Rasul gata", "Bek le digata tapeubuet salah Awak nyang lalem bek le taikot", "Jipeubuet karot di bumoe Allah Jipeubuet fased kon jipeubuet got", "Jiseuot leugat peue roe tapeugah Ka jipeusihe gata dih lagoe", "Gata ngon kamoe saban that leupah Gata ngon kamoe sit manusia Boh teh keu tanda peuleumah bagah Meu nyo bit gata ureueng nyang beuna", "Nyoe saboh unta Shaleh kheun bagah Dijih na watee jijeb ie keudroe Digata keudroe tajeb puleh grah Uroe ie gata bagi bandua", "Teuma bek gata tapeubuet salah Bek taelanya teuma unta nyan Keu gata Tuhan teuma Neubalah Uroe kiamat uroe that raya Neuʻazeueb gata teuma le Allah", "Jitop ngon leumbeng teuma unta nyan Dijih ‘oh lheueh nyan meunyeusai teulah", "Teuma geuʻazeueb treuk dum awak nyan Sabab buet jih nyan raya that salah Bandum atra nyan pih jeuet keu tanda Allah Taʻala Kuasa leupah Teuma le that jih han jimeuiman Kon na atra nyan jitueng phaedah", "Keubit Po gata Maha Peurkasa Lom pih Po gata Maha Peumurah", "Kaom Luth jikheun sulet cit Rasul Han jitem kaboi peue nyang geupeugah", "Chedara jih Luth geukheun bak jih nyan Pakon gata han takwa keu Allah", "Lon nyoe bit Rasul jeuet tapeucaya", "Teuma takwa gata keu Allah Tataʻat keu lon nyang Rasul gata", "Hana bak gata lon lakee upah Bak Po dum alam upah lon ka na", "Pakon dum gata tapeubuet salah Tamita agam dum manusia Nyang aneuk dara bandum takeubah", "Takeubah inong peurumoh gata Nyang ka keu gata Neubri le Allah Jeuet gata teuma kaom elanya", "Jiseuot sigra peue roe tapeugah Hai Luth digata meu han tapiyoh Keudeh meuparoh dalam blang luah Meunyo han taiem meuuse gata", "Geukheun treuk sigra dilon ka sudah Buet gata dum nyan dilon that beunci", "Tuhanku Neubri lon nyoe beu leupah Lon ngon ahli lon bek roh bak buet jih Keubit dum buet jih raya that salah", "Kamoe peuleupah treuk teuma gopnyan Ngon ahli gopnyan laju Meupeuglah", "Meulengkan inong peurumoh gopnyan Roh lam kawan nyan awak nyang salah", "Nyang laen bandum Meupeubinasa", "Ujeuen kreueh raya keu jih Meuruah Ngon ujeuen batee Kamoe geulawa Sabab keu jih ka geuba peurintah Sijeuheut ujeuen keu jih jirasa Jikheun dusta keu Rasul Allah", "Atra nyan bandum pih jeuet keu tanda Allah Taʻala Kuasa leupah Teuma le that jih han jimeuiman Hana atra nyan jitueng phaedah", "Keubit Po gata Maha Peurkasa Lom pih Po gata Maha Peumurah", "Kaom Aikah pih peusulet Rasul Han jitem kaboi peue nyang geupeugah", "Geukheun le Syuʻib ubak awak nyan Pakon gata han takwa keu Allah", "Lon nyoe bit Rasul jeuet tapeucaya", "Teuma takwa gata keu Allah Tataʻat keu lon nyang Rasul gata", "Hana bak gata lon lakee upah Upah lon ka na bak Po dum alam", "Teuma sukatan bek tapeusalah Beu santeut are ‘oh tabloe peubloe Bek tapeurugoe dum hamba Allah", "Ngon ceng nyang beutoi watee tatimang Bek miyup manyang on ceng dua blah", "Barang-barang gop bek tapeukureueng Buet nyan that hareuem beu tapeusiblah Bek peubuet jeuheut di dalam bumoe", "Takwa jinoe laju keu Allah Tuhan nyang peujeuet gata nyoe bandum Angkatan jameun pih hana ubah Ureueng nyang dilee pih Tuhan peujeuet", "Jiseuot leugat peue roe tapeugah Ka jipeusihe gata uroe nyoe", "Gata ngon kamoe kon saban leupah Gata ngon kamoe sit manusia Meukira gata sang sulet leupah", "Peurhot bak kamoe geureupeng langet Meu beuna keubit peue nyang tapeugah", "Geukheun Tuhan lon bandum Neuteupeue Buetteuh beurangpeue Neuteupeue sudah", "Jikheun treuk sulet Syuʻib Rasul jih Geuazeueb treuk jih nyang brat sileupah Uroe meuawan uroe kiamat Haro hara that hana ban peugah", "Atra nyan bandum pih jeuet keu tanda € Allah Taʻala kuasa leupah Teuma le that jih han jimeuiman Hana atra nyan jitueng phaedah", "Keubit Po gata Maha Peurkasa Lom pih Po gata Maha Peumurah", "Keubit Qur'an Tuhan nyang peutron Nyang Po dum alam deungon blah bicah", "Ruhul-Amin ba peutron bak gata", "Lam ate gata geupasoe bagah Mangat jeuet gata ureueng peuingat", "Ngon bahsa Arab nyang trang sileupah", "Atra nyan dilee sit na lam kitab Ureueng awai that geuteupeue sudah", "Peue teuma keu jih han jeuet keu tanda Bandum ulama jih ka jipeugah c Bandum ulama Bani Israi Jiteupeue sare bandum nyan sudah", "Meunyo Meupeutron teuma Qur'an Bak ureueng ‘ajam ladom Meupeugah", "Teuma geubaca atra nyan keu jih Han sit jipateh peue nyang geupeugah Beurangban dijih han jimeuiman", "Cit kakeuh meunan ate jih salah Di dalam ate awak meudacha Kamoe peuteuka bit meunan ulah", "Meu goh lom jieu azeueb nyang peudeh Han sagai dijih iman keu Allah", "Ban tanjo teuka treuk azeueb bak jih ‘Oh jithee dijih teukeujet leupah Hana jithee-thee nyan teuka bak jih", "Watee nyan dijih baro jipeugah Peue hana tanggoh watee keu kamoe", "Peue cit bak Kamoe jilakee bagah Jilakee azeueb bagah Kamoe bri", "Nyang ka Kamoe bri seunang jih leupah Meubri meuthon-thon seunang jih raya", "Lheueh nyan meuteuka treuk keu jih balah Peue nyang geujanji laju ka teuka", "Hana le guna udep nyang mewah Seunang baroekon hana guna le Sapeue tan hase keu jih phaedah", "Di-Kamoe sit han Meupeubinasa Nanggroe ngon banda meu hana salah Ureueng peuingat Meukirem dilee", "Jiingat teuntee jitueng phaedah Han meuelanya sagai di-Kamoe", "Qur'an nyang nyoe teuma kon salah Kon Qur’an nyoe tron nibak cheitan", "Hana sipadan meu ube seupah Han sagai patot jih nyan nyang peutron Han ek jipeutron leumoh jih leupah", "Jak deungo-deungo hana le bak jih Hana le keu jih Neubri le Allah", "Teuma bek tacok tuhan nyang laen Takheun na laen sajan ngon Allah Bek teuma dudoe geuazeueb gata", "Bak ahli gata bandum tapeugah Famili nyang toe beu tapeuingat Saket ngon mangat bek dudoe teulah", "Ureueng meuiman nyang ikot gata Mameh suara beu got tapeugah Tapeumiyup droeteuh ngon ureueng nyan", "Teuma awak nyan nyang peubuet salah Nyang han tem pateh peue narit gata Takheun dilon ka lheueh lon peurintah Peue nyang tapeubuet kon le salah lon Karena dilon ka lheueh lon peugah", "Teuma tajok droe bak Hak Taʻala Nyang that peurkasa lom that Peumurah", "Tuhan Neukalon bak watee tadong Peubuet seumbahyang taseumah Allah", "Hana tapiyoh taruku‘ sujud Peue nyang tapeubuet Neu-eu le Allah", "Keubit roe Tuhan Neudeungo dumpeue Neuteupeue dumpeue hana meuilah", "Lon peugah teuma jinoe bak gata Ho jijak teuka cheitan seurakah Bak soe jijak jih jikheun jimeung tron", "Keudeh jijak tren bak awak salah Awak nyang sulet nyang peuna-peuna Nyang peubuet dacha lawan peurintah", "Peue nyang jideungo jipeugah laju Narit palsu sulet that leupah Le that awak nyan nyang keubit sulet Dijih peunyaket leupah that parah", "Teuma ureueng nyang meupanton-panton Meualon-alon haba jipeugah Nyang ikot jih nyan dum awak sisat", "Takalon meuhat ho dum jilangkah Dalam urong gle jimeutualang", "Jipubuet dum tan peue nyang jipeugah", "Meulengkan ureueng nyang na meuiman Teuma ureueng nyan hana meusalah Amai nyang got-got geupeubuet sabe Geukheun ngon ziker geuingat Allah Le that jan watee geuingat Tuhan Ureueng nyan meunang Neubri le Allah Dileekon gopnyan dum jielanya ‘Oh meunang teuma seunang that leupah Awak nyang lalem akan jiteupeue Ho teuma jiwoe ho jimeung langkah AN-NAML (SIDOM) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 27, "versesCount": 93, "verses": ["Tha Sin Tuhan nyang teupeue meukeusud ayat Sabab Hadharat hana Neupeugah Nyankeuh dum ayat dalam Qur'an Lam kitab geutrang bandum peurintah", "Haba peutunyok haba geumbira Keu mukmin dumna ureueng meutuah", "Peubuet seumbahyang ngon geuboh zakeuet Uroe akhirat geuyakin leupah", "Teuma awak nyan nyang han meuiman Akhirat pih tan dijih jipeugah Kamoe peuindah dum buet awak nyan Sang-sang buet jih nyan kon buet nyang salah Kakeuh meul‘ueh p‘ueh treuk jih di sinan", "Jeuet keu awak nyan azeueb that leupah Rugoe that dijih uroe akhirat", "Keu gata meuhat geubri peurintah Geubri Qur'an keunan keu gata Nibak Po gata nyang Maha Murah Nyang Bijaksana hana teukira Seugala rupa Neuteupeue sudah", "Bak watee Musa geukheun bak ahli Geuh sang-sang meuri apui hu mirah Bah lon jak kalon lon jak peunyata Watee lon gisa euntreuk lon peugah Kadang na apui lon peuwoe bacut Meu na meukeusud tatueng phaedah", "‘Oh ban troh Musa geudeungo ligat Keubit beureukat ureueng troh langkah Ureueng toe apui ngon lingka gopnyan Beureukat keunan Neubri le Allah Maha Suci that Tuhan Po alam", "Hai Musa sinan sinoe lon Allah Lon that Peurkasa ngon Bijaksana", "Nyan tungkat gata tatiek leh bagah ‘Oh ban geukalon ka meugrak tungkat Uleue raya that jihah ngon babah Geuplueng u likot hana geungieng-ngieng Hai Musa pakon teumakot leupah Bek yoteuh Rasul hanjeuet teumakot Bak Lon nyan hanjeuet pantang that leupah", "Meulengkan ureueng nyang buet jih lalem ‘Oh Iheueh nyan jitem toubat bak Allah Buet jih nyang jeuheut jigantoe ngon got Teuma buet nyang got han le jikeubah Nyan di-Lon teuma Maha Peungampon Meunan pih sit Lon Maha Peumurah", "Tapeulop jaroeteuh lam keh bajee ‘Oh tasuet teuntee puteh that leupah Kon puteh supak puteh meukilat Sikureueng ayat Neubri le Allah Atra nyan taba ubak Peuraʻeun Ngon kaom jih dum nyang fasek leupah", "‘Oh ban ka teuka dum ayat Kamoe Ubak kaom nyoe jikalon sudah Jikheun laju nyoe sihe raya that", "Jiungki leugat bandum peurintah Dalam ate jih jiyakin beuna Tapi elanya jih mbong that leupah Teuma takalon pakri akibat Ureueng nyang jeuheut jipubuet salah", "Meubri keu Daud deungon Sulaiman ‘Eleumee gopnyan Kamoe bri luah Geukheun bandua pujoe keu Tuhan Karonya-Neuh nyan le han ban peugah Leubeh keu kamoe nibak nyang laen Í Dum ureueng mukmin nyang hamba Allah", "Sulaiman geutueng pusaka Daud Bandum geuturot peue nyang geupeugah Geukheun treuk teuma wahe dum insan Peungetahuan kamoe le leupah Neubri keu kamoe ‘eleumee Tuhan Meuteupeue rijang peue cicem peugah Neubri keu kamoe bandum peukara Nyoekeuh kurnia nyang nyata leupah", "Geupeusapat treuk tentra Sulaiman Jen deungon insan dum hamba Allah Meunan pih cicem bandum meubareh", "Hingga troh keudeh dum geumeulangkah ‘Oh ban troh keudeh bak gampong sidom ` Kheun saboh sidom rakan meutuah Talop lam umpung gata nyoe bandum J Nak bek geugidong le hamba Allah Tentra Sulaiman dum gidong gata Hana geusahja bak geubet langkah", "Sulaiman deungo teukhem teuseunyom Bit rakyat sidom utoh sileupah Geukheun Tuhanku Neubri lon chukor Nikmat-Neuh that le keu lon Neuruah Meunan pih nikmat keu ma ngon ku lon Ka Neubri keu lon dum le that leupah", "Teuma dum cicem geujak pareksa Geukheun treuk ho ka hud-hud tan leumah Peue jih ka jijak hana meu haba", "Keubit ceulaka jipeubuet salah Kuazeueb jih nyan beu saket that-that Ho jibeurangkat hana jipeugah Adak han kusie kukoh takue jih f Atawa dijih na peue jipeugah Meu na alasan dijih nyang nyata t Han keunong seksa meu ek jipeuglah", "‘Oh ban troh hud-hud sinan jipiyoh Hana that jioh ngon Nabiyyullah Jikheun na haba nyang han neuteupeue Dilon lon teupeue ka troh lon langkah Lon ba di Sabak haba nyang yakin Leupah that peunteng deungo lon peugah", "Lon kalon sideh na raja inong Nyang mat keurajeuen nanggroe pih luah Bandum peukara geubri keu gopnyan Meuligoe gopnyan raya that leupah", "Gopnyan ngon kaomgeuh lam nanggroe nyoe Bak mata uroe bandum geuseumah Bandum geusujud kon ubak Tuhan Buet nyan le chetan ka jipeuindah Buet nyan got that-that jikheun le chetan Gob dum jiyue tham bak jalan Allah Hana peutunyok dum keu ureueng nyan", "Jisujud dum nyan kon ubak Allah A Tuhan nyang peujeuet langet ngon bumoe Neupeudeuh asoe jih nyang tan leumah Peue-peue nyang tasom bandum Neuteupeue Nyang lahe dumpeue pih hana ubah", "Tan tuhan laen nibak Hadharat ‘Arasy raya that sit milek Allah", "Sulaiman geukheun takalon teuma 4 Peue gata beuna atawa salah Meu gata sulet tahukom teuma", "Jinoe jak sigra keudeh talangkah Tatiek surat lon ubak awak nyan d Takalon lheueh nyan pakri jipeugah", "Kheun raja inong wahe dum rakyat Dilon na surat saboh jroh leupah", "Raja Sulaiman nyang kirem surat Asoe jih meuhat ngon nama Allah Nyang that Geumaseh donya akhirat d Tuhan Hadharat nyang Maha Murah", "Bek na mbong gata u ateueh lon nyoe Islam jinoe keunoe talangkah", "Kheun raja inong wahe dum rakyat Pakriban pakat tacuba peugah Hana tom lon cok saboh putosan Meu gata tuan gohlom troh langkah Meu gohlom tabri keu lon timbangan", "Kheun treuk awak nyan tanyoe that meugah Teuga ngon beuhe geutanyoe sit that Putosan meuhat ban gata peugah Peue tapeurintah kamoe meuikot", "Teuma geuseuot le putroe ceudah Dum raja-raja ‘oh talo musoh Hana geupiyoh laju geujajah Lheueh geupeurusak bandum peue nyang na Bandum jeuet hina ureueng nyang meugah Tanyoe pih teuntee geupeugot meunan", "Lon pike seunang tabri hadiah ‘Oh lIheueh takirem tapreh peue haba Watee jigisa pakri jipeugah", "‘Oh troh utosan ubak Sulaiman Geukheun peue dum nyan tame hadiah Di sinoe bak lon le that atra nyan Kurnia Tuhan keu lon le leupah Digata seunang ngon hadiah nyan", "Tajak woe kaman keudeh beu bagah Kamoe jak keudeh ngon bala tentra Han ek takira nyang jai that leupah Kamoe peuteubiet bandum di nanggroe Hina beurangsoe nyang dilee meugah Bandum jeuet ubit nyang dilee raya", "Teuma meusabda Sulaiman bagah Wahe dum rakyat tapeugah jinoe Soe ek ba keunoe meuligoe indah Meuligoe putroe tabeu-et keunoe Yoh gohlom keunoe jijak meunyeurah", "Kheun jen Ifret dilon ek lon ba Yoh gohlom gata tabeudoh bagah Teuga ngon aman lon lon ba keunoe Yoh droeneuh sinoe gohlom neulangkah", "Kheun sidroe ureueng nyang na ‘eleumee Lam kitab dilee geuteupeue sudah Dilon ek lon ba lam siklep mata Keubit troh sigra meuligoe indah ‘Oh ban ka geu-eu meuligoe sinan Nabi Sulaiman geukheun le bagah Atra nyoe meuhat karonya Tuhan Neukeumeung kalon pakri ban ulah Peue na lon chukor atawa hana Teuma meunyo na teuntee jroh leupah Soe nyang tem chukor munapheuʻat keu droe Cheitan peulaloe ka ek geubantah Teuma nyang kaphe han jitem chukor Han ek jiato napsu jiteugah Nyan di-Tuhanlon keubit that kaya Lom that mulia hana ban peugah Hana meuhajat chukor beurangsoe Tuhanku sidroe Maha Peumurah", "Geukheun taubah bacut meuligoe Takalon jinoe pakriban ulah Ek jituri lom meuligoe jih nyan Atawa sit han sabab ka ubah", "Teuma geutanyong ‘oh ban troh putroe Peue nyo lagee nyoe meuligoe indah Meuligoe gata peue saban ngon nyoe Sang-sang atra nyoe geuseu-ot bagah Sang meuligoe lonka geuba keunoe Teuma sit kamoe meuteupeue sudah Yoh gohlom dilee ka meu-Islam", "Teuma na soe tham jeuetkeuh roh salah Sabab putroe kon jiseumah Tuhan Ka roh lam kawan kaphe seurakah", "Geukheun boh tamong dalam meuligoe Teuma diputroe hireuen that leupah Geusangka geubloh dalam ie laot ; Ija geubeu-ot beuteh ka leumah Sulaiman kheun nyoe meuligoe kaca Meulaen rupa takalon ubah Putroe kheun Tuhan lon elanya droe Jinoe lon jok droe bak droe-Neuh Allah Ka lon Islam sajan Sulaiman Tuhan Po alam jinoe lon seumah", "Teuma bak Tsamud ka Kamoe kirem Chedara jih nyan Shaleh meutuah Geupeugah bak jih taseumah Tuhan Meu jeuet treuk jih nyan dua kabilah Dua awak nyan jipeudong dawa", "Shaleh kheun sigra teuma geupeugah Pakon dum gata talakee nyang brok Talakee beu troh jinoe beu bagah Pakon han nyang got talakee phon-phon Talakee ampon deecha bak Allah Mangat jeuet rahmat Neubri keu gata", "Jiseuot sigra gata nyang salah Ceulaka kamoe ngon sabab gata Ngon rakan gata bandumteuh salah Geukheun ceulaka cit bak droe gata Han tatakwa gata keu Allah Keunong fitnah keu bandum gata Raya that bala Neubri le Allah", "Na sikureueng droe ureueng lam kuta Awak nyan kha-kha jipubuet salah Sinan di bumoe jipubuet jeuheut Hana nyang got buet jih meu be seupah", "Jikheun meusumpah tanyoe ngon Tuhan Kamoe poh malam jih han meukeubah Ngon ahli jih nyan kamoe poh malam Bak wali jih nyan teuma meupeugah Hana tanyoe eu awak nyan ho ka Saleh binasa kadang ka reubah Nyang tanyoe peugah tanyoe beuna that", "Keubit jeuheut that jipeubuet salah Jitipee bandum meunan jikira Hana jisangka ka Kamoe balah", "Takalon pakri akibat keu jih Sabab jeuheut jih jipubuet salah Kamoe peuhanco jih ngon kaom jih Abeh bandum jih han Kamoe keubah", "Rumoh-rumoh jih runtoh dum meukr‘um Sabab jih lalem hana ban peugah Atra nyan bandum pih jeuet keu tanda Keu kaom nyang na jitueng phaedah Kaom nyang teupeue Kuasa Tuhan", "Ureueng meuiman Kamoe peuleupah Bandum ureueng nyan hana binasa Sabab takwa gopnyan keu Allah", "Nabi Luth teuma geukheun bak kaom Geuh peue gata dum tapubuet salah Tapubuet keuji sit ka takalon", "Tamita agam tatueng keu makah Han tatueng inong bandum digata Tapi buet gata jahe that leupah", "Kon laen jaweueb le kaom gopnyan Peuteubiet jih nyan keudeh beu bagah Use wareh Luth bandum di sinoe Lam nanggroe tanyoe jih bek takeubah Ureueng gleh that jih kon lagee tanyoe", "Teuma di-Kamoe gopnyan Meupeuglah Meupeuglah gopnyan ngon ahli gopnyan Peurumoh gopnyan teuma ka salah Ka roh lam kawan awak binasa Ka Kamoe kada sinan Meukeubah", "Kamoe rhom bandum ngon ujeuen batee Sabab ka dilee geubri peurintah Beurangsoe nyang ka lheueh geupeuingat Ujeuen jeuheut that keu jih geubalah", "(Takheun dum pujoe meuwoe keu Tuhan Keu hamba-Neuh nyan saleuem Neupeugah QUZ 20) Hamba-Neuh nyan dum nyang ka Neupileh Soe got Tuhan jih teuma ngon Allah Tuhan jih dum nyang jipeucharikat", "Boh soe nyang peujeuet bumoe nyang li Soe nyang peujeuet dum langet ngon bumoe Soe peutren keunoe ujeuen geuruah Kamoe peuhudep dumna tanaman Di dalam taman takalon indah Hana gata ek peutimoh kayee Na laen teuntee Tuhan tapeugah Sajan ngon Allah na laen Tuhan Tapi awak nyan dum ka meusalah", "Soe peujeuet bumoe teumpat diaman Ngon krueng dum sinan di ceulah-ceulah Neupeujeuet gunong dum be-be raya Ie laot dua pih Neupeusiblah Di teungoh-teungoh sit ka meutanda Na laen teuma Tuhan tapeugah Sajan ngon Allah na laen Tuhan Tapi laen nyan jahe that leupah Hana jiteupeue bandum atra nyan", "Soe peuglah jih nyan ‘oh watee sosah Watee meularat jilakee doʻa ‘Oh teuka bala soe nyang ek peuglah Nyang peujeuet gata raja di sinoe Di dalam bumoe jeuet keu khaliphah Sajan ngon Allah na laen Tuhan Nit that gata nyan tatueng phaedah", "Soe nyang peutunyok gata lam seupot Darat ngon laot ‘oh seupot leupah Soe peulheueh angen haba geumbira Yoh goh troh teuka rahmat bak Allah Dang jitoh ujeuen rahmat bak Tuhan Na laen Tuhan sajan ngon Allah Maha Suci-Neuh Tuhan Hadharat Nibak charikat lagee jih peugah", "Soe nyang phon peujeuet dum makhluk nyoe Lheueh nyan Neupeuwoe keudeh le Allah Soe bri raseuki keu bandum gata Di langet teuka sideh neuruah Di bumoe pih le karonya Tuhan Na laen Tuhan sajan ngon Allah Takheun ba keunoe dali bak gata Meunyo bit beuna lagee tapeugah", "Takheun nyang ghaeb hana soe teupeue Hanya nyang teupeue sit droe-Neuh Allah Soe nyang di langet got pih di bumoe Hana nyang teupeu ileumee Allah Hana jiteupeue pajan geubangket", "Uroe akhirat meubaro teuhah Uroe akhirat baro jiteupeue Tapi jih jinoe ragu that leupah Bahkan jih buta han deuh jikalon", "Dikaphe jikheun peue geujak peugah Ka jeuet keu tanoh bandun geutanyoe Ngon du-du tanyoe ka abeh sudah Ek na geubangket lom digeutanyoe Tateubiet sinoe akan geubalah", "Bitka geujanji keu bandum tanyoe Ngon yah-yah tanyoe masa nyang sudah Teuma atra nyoe cit kon peue laen Meulengkan dongeng haba beurakah Bandum nyoe dongeng bak ureueng jameun", "Boh jak leh takheun lam bumoe Allah Tajak lam bumoe takalon meuhat Pakri akibat kaom nyang salah", "Bek sosah gata teuma keu jih nyan Sabab buet jih nyan lawan peurintah Bek seumpet dadateuh deungon tungang", "Lom jikheun dijih pajan geubalah Nyang janjiteuh nyan pajan troh teuka Meunyo bit beuna lagee tapeugah", "Takheun sang kadang cit teuka ladom Peue nyang gata dum talakee bagah", "Po gata Neubri le that karonya Keu manusia dum le that leupah Tapi le that jih han jitem chukor", "Neuteupeue laju teuma le Allah Peue-peue nyang jisom lam dada nyan Got pih atra nyang deuh jipeuleumah Bandum Neuteupeue Allah Taʻala", "Nyang ghaeb teuma pih hana ubah Ghaeb di langet got pih di bumoe Bandum atra nyoe Neuteupeue sudah Lam kitab Tuhan bandum cit ka na", "Qur'an nyoe teuma pih na geukisah Le that dum kisah Bani Israi Nyang jimeupake meupisah-pisah Geupeugah keu jih bandum atra nyan", "Ureueng meuiman teuma meutuah Jeuet keu peutunyok bandum ureueng nyan Rahmat keu gopnyan pih dum meulimpah", "Po gata teuma peuputoh hukom d Keu jih nyan bandum ban hukom Allah Maha Peurkasa cit sidroe Tuhan ‘Eleumee Tuhan leupah that luah", "Teuma tawakkal gata bak Tuhan f Buet gata dum nyan beuna that leupah", "Ureueng nyang mate han deuh jideungo Peue tapeudeungo hana phaedah d Peue tapeudeungo bak ureueng tuloe Tahoi tayue woe jijak lom bagah Muka jipaleng ngon jipeulikot Bäh dum ek tadhot hana phaedah", "Ureueng nyang buta meunyo ka sisat Han ek peuteupat meunyo ka salah Ureueng meuiman keu ayat Kamoe Peudeungo keunoe nyan le phaedah Bak Kamoe laju dum geupeujok droe", "Laen awak nyoe nyang peubuet salah ‘Oh troh putosan ateueh awak nyoe Teubiet lam bumoe makhluk Allah Saboh binatang Kamoe peuteubiet Teuma jimarit laju jipeugah Soe nyang han yakin dum manusia Nyang han peucaya keu ayat Allah", "Uroe nyan teuma Kamoe peusapat Bak jeuep-jeuep ummat saboh parikah Nyang peugah sulet dum ayat Kamoe Bandum awak nyoe akan geupisah", "Geukheun treuk bak jih ‘oh troh dum keunoe Peue ayat Kamoe kakheun beurakah Kapeugah sulet ‘eleumeekeuh tan Pakon jeuet meunan bandum kapeugah Peue sit kapubuet teuma uroejeh", "Teuma bandum jih ka abeh kisah Putosan ka na han jeuet marit le Dilee jih sabe lalem that leupah", "Han jieu malam Kamoe bri teunang Jeuet ji-eh seunang jipiyoh payah Meupeujeuet uroe watee keurija Taeu jeuep banda peungeuh trang leupah Atra nyan bandum sit jeuet keu tanda Keu kaom nyang na iman keu Allah", "Uroe nyan geuyup ngon sangkai kala Teukeujet lanja dum hamba Allah Nyang na di langet got nyang di bumoe Meulengkan soe-soe nyang kheundak Allah Keudeh bak Tuhan bandum jiteuka Teukui dum rata han sapeue peugah", "Taeu dum gunong tasangka teutap Jijak dum meuhat sit bagah-bagah Bagah that jijak saban ngon awan Peuneujeuet Tuhan ‘ajib that leupah Watee Neupeujeuet dum beurangkapeue Leungkap that dumpeue hana meusalah Keubit sit Tuhan dumpeue Neumaklum Buet gata bandum Neuteupeue sudah", "Soe nyang pubuet got balasan pih got Leubeh that lom got watee geubalah Watee teukeujet ‘oh troh uroe nyan Ureueng nyoe aman teunang sileupah", "Nyang pubuet jeuheut teuma yoh dilee Geupeugom ulee lam apui mirah Muka geugom dalam nuraka Lagee keurija meunan geubalah", "Dilee nyoe geuyue lon seumah Tuhan Nyang Po bandum nyan takalon luah Nyang Po nanggroe nyoe nanggroe nyang suci Mulya that lagi nanggroe meutuah Laen dum teuma bandum peukara Allah Taʻala milek nyang sah Dilee nyoe Neuyue beu lon peujok droe Islam jinoe mangat bek salah", "Lom pih Qur’an Neuyue lon baca Keu manusia nyang na hidayah Nyang puebuet lagee peutunyok Tuhan Keu droe ureueng nyan teurimong balah Takheun lom teuma bak ureueng sisat Lon nyoe peuingat mantong bek salah", "Takheun lom pujoe bandum keu Tuhan Dum ayat Tuhan sit Neupeuleumah Akan Neupeudeuh bandum bak gata Tateupeue sigra hana meuilah Po gata hantom lale meu siat Buet gata meuhat Neungieng le Allah f Al-QASHASH (KISAH) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 28, "versesCount": 88, "verses": ["Tha Sin Mim Tuhan nyang teupeue meukeusud ayat Sabab Hadharat hana Neupeugah", "Nyankeuh dum ayat di dalam kitab Nyata ngon trang that hana meusalah", "Kamoe baca nyan u ateueh gata Pakriban haba Musa meutuah Deungon Peuraʻeun haba riwayat Haba beuna that raya phaedah Jeuet keu peuingat keu kaom mukmin Nyang ka meuiman keupada Allah", "Keubit Peuraʻeun leupah teukabo Hana jichukor meu bube seupah Ahli nanggroe di dalam bumoe Bandum meupaloe jipeucah-peucah Saboh golongan jijaga keubit Bandum aneukmiet mate meudarah Abeh dum jisie aneukmiet agam Aneuk nyang inong mantong jikeubah Keubit Peuraʻeun leupah that jeuheut", "Kamoe meukeusud meukeumeung peugah Kamoe bri nikmat keu kaom leumoh Bek le that mehmoh sabe jijajah Jeuet keu peumimpin teuma awak nyoe Pusaka dum nyoe keu jih Meukeubah", "Kamoe peujeuet jih teuma nyang teuga Jimat kuasa di bumoe Allah Kamoe peuleumah ubak Peuraʻeun Peue nyang Kamoe kheun beuna that leupah L Peuraʻeun Haman deungon tentra jih Yo that bandum jih meubalek ulah Peue nyang ditakot jinoe ka teuka Jinoe nyang teuga ureueng jih jajah", "Ubak ma Musa Kamoe bri wahi a Susu beu tabri keu aneuk lidah Meunyo cit gata meunyum teumakot Tatiek u laot jih nyan takeubah Dalam krueng raya jih tapeuhanyot Bek le teumakot bek gata sosah Kamoe peuwoe jih teuma bak gata Jeuet meubahgia jih Rasulullah", "Ahli Peuraʻeun nyang cok aneuk nyan Keu musoh nyan teuma jikeubah Dudoe jih sosah ngon musoh jih nyan Peuraʻeun yoh nyan keubit that salah Deungon tentra pih bandum saban", "Peurumoh jih nyan teuma geupeugah Inong Peuraʻeun geukheun ubak jih Beu got tagaseh nyan aneuk lidah Boh ate tanyoe lon deungon gata Bek na elanya jih nyan takeubah Tatueng keu aneuk jih le geutanyoe Meuhat jih dudoe raya phaedah Hana jiteupeue pakriban dudoe", "Ma Musa jinoe teuma lam sosah Sang-sang boh ate hana le meuwoe Karab meupaloe geumeung jak peugah O Adak kon gopnyan Kamoe peuteunang Lam ate gopnyan mangat bek sosah Mangat jeuet gopnyan ureueng meuiman", "Geukheun le gopnyan teuma geupeugah Chedara Musa sidroe nyang inong Bak jih nyan geukheun le ma meutuah Kaseutot jih nyan beu jioh kadong Ho jiba jih nyan teuma kapeugah Teuma jijak treuk jikalon ligat Hana soe lihat aneuk meutuah", "Musa phon teuma han jipʻiep susu Kamoe peulaku han jihah babah d Bak lon na ureueng nyang tem peulahra Meunan le cutda Musa jipeugah Ureueng tem peumom na nibak kamoe", "Teuma Meupuwoe bak mageuh bagah Kamoe peuwoegeuh ubak ma gopnyan Hingga ma gopnyan ka gadoh sosah Seunang boh ate ka woe bak ma droe Mangat geuteupeue nyan janji Allah Teuma le ureueng hana jiteupeue Janji Tuhanku hana meuubah", "‘Oh ban troh umu Musa meuakai Kamoe bri beukai teuma le bagah Meubri hikmah ‘eleumee le that Ureueng peubuet got meunan Meubalah", "Teuma geutamong u dalam kuta Dum ureueng jaga pih hana leumah Geu-eu dua droe ureueng meupake Awak Israi geukalon siblah Sidroe treuk teuma awak Peuraʻeun Musoh phon jameun Peuraʻeun jadah Israi teuma jilakee bantu Geujak treuk laju Musa tueng balah Ban tanjo geupoh awak Peuraʻeun Mate jih sinan laju ka reubah Geukheun le Musa teuma ‘oh heueh nyan Buet lon nyoe chetan bak lon jijak s‘ah Keubit sit chetan musoh raya that Lon jipeusisat nyata that leupah", "Geukheun Tuhanku pakri keu lon nyoe Lon elanya droe lon peubuet salah Lon lakee ampon bak droe-Neuh Tuhan Teuma le Tuhan Neuampon sudah Keubit roe Tuhan Maha Peungampon Lagi pih Tuhan Maha Peumurah", "Geukheun Tuhanku ka Neubri nikmat Keu lon nyoe le that hana ban peugah $ Dilon nyoe han le lon pubuet dacha Han le lon bela ureueng nyang salah", "Teuma geusom droe sinan lam kuta Teumakot Musa na ureueng peugah ‘Oh ban geukalon ka ureueng baroe Jiyue tulong droe meukarat leupah Kheun Musa bak jih bit nyo kah sisat Keubit nyata that kah peubuet salah", "‘Oh ban geumeung poh musoh ureueng nyan Jikheun treuk yoh nyan laju jipeugah Peue napsu gata tapeumate lon l Lagee rakan lon baroe ka tewaih Ka mate sidroe buet jaroe gata Bit napsu gata jeuet keupeunjajah Tameung kuasa gata di bumoe Buet gata baroe raya that salah Kon napsu peugot buetteuh digata", "Teuma troh teuka ureueng jak peugah Troh sidroe ureueng bak ujong kuta Geukheun bak Musa tajak plueng bagah À Ka jimeupakat jimeung poh gata Nyang got u lua keudeh talangkah Nyoekeuh nasehat lon bri keu gata", "Teumakot Musa geujak treuk bagah Sira geusom droe geuteubiet laju Geukheun Tuhanku lon nyoe Neupeuglah Kaom nyoe lalem jielanya lon", "Keudeh u Madyan teuma geulangkah Geukheun lom teuma mudah-mudahan Beu leumah jalan Neubri le Allah Tuhan lon Neubri jalan nyang teupat", "Troh le bak teumpat ureueng le leupah Troh u Madyan bak saboh kulam Ureueng di sinan meureupah-reupah Ureueng jak cok ie rame dum sinan Dua droe inong geukalon leumah Jimat ngon kameng jidong di lua Han jijeuet teuka ureueng le leupah Teuma geutanyong pakon jih meunan Jiseuot yoh nyan han jijeuet langkah ‘Oh abeh teubiet bandum gop geuwoe Meubaro keunoe meujeuet jak bagah Ayah kamoe pih ureueng ka tuha", "Beudoh treuk Musa keunan geulangkah ‘Oh Iheueh geubri ie keu jih nyan dua Geupaleng sigra jak piyoh payah Geujak bak reului geukheun Tuhanku Dilon that napsu rahmat Neulimpah Neupeutron rahmat keu lon nyoe jinoe", "Teuka treuk keunoe dara nyang ceudah Dara nyang dua teuka lom sidroe Jikheun lon jak nyoe peusan bak ayah Ngon malee-malee bak jipeugah nyoe Buet droeneuh bunoe neukeumeung balah Sabab neucok ie neutulong kamoe Diayah kamoe teuringat leupah ‘Oh bantroh keudeh bak ayah nyan Dum peungalaman teuma neukisah Geukheun le ayah bek le tatakot Gata ka lupot bak awak salah Ka leupah gata bak kaom lalem", "Sidara jikhem jikheun bak ayah Hai ayah neubri buet keu ureueng nyan Neu-eu ureueng nyan teuga that leupah Teuga ngon aman jeuet tapeucaya Neubri keurija neuyue tueng upah", "Kheun ayah dilon napsu keu gata Sidroe si dara lon meung peunikah PPT D PRÄPARATE p Lam dua nyan keu gata sidroe Jeunamee nyoe tajak tueng upah Upah lapan thon beu takeurija Lon jok si dara keu gata nyang sah Meu ek tapeutroh siploh go haji Keu droeteuh bagi tapeubuet payah Dilon kon napsu peusosah gata Janji ngon gata dilon han ubah Lon nyoe shaleh that meu kheundak Tuhan", "Geuseuot yoh nyan Musa meutuah Ka lon teurimong janji geutanyoe Dua watee nyoe lon peubuet bagah Dilon nyoe hana napsu lon tulak Ban nyang Neukheundak pulang bak Allah", "‘Oh ka abeh buet ban lagee janji Musa ngon ahli teuma geulangkah Bak geujak geu-eu rap ngon buket Thur Sang-sang apui hu geukalon mirah Geukheun bak ahligeuh tapreh gata Apui lon mita kadang na mudah ‘Oh lon woe euntreuk lon peugah haba Kadang peue atra nyang lon eu mirah Got pih na apui bacut lon peuwoe Jeuet digeutanyoe tatueng phaedah Got pih tamadeueng peuseuuem badan", "Geujak treuk lheueh nyan laju geulangkah ‘Oh troh bak urong bineh rot uneun Bak kayee sinan geukalon bagah Teumpat beureukat ka troh geuh keunan Geudeungo yoh nyan saboh peurintah Lon nyoekeuh Tuhan nyang Po dum alam", "Nyan tungkatteuh nyan tatiek leh bagah Oh ban geukalon tungkat nyan meugrak Sang-sang uleue jak raya that leupah Geuplueng treuk laju hana geungieng-ngieng Hai Musa tangieng keunoe leh bagah Bek yoteuh gata sinoe that aman", "Laen nibak nyan jaroe tapeuhah p Dalam keh bajee taculok jaroe ‘Oh tasuet jinoe jeuet puteh leupah ‘Oh tasuet jaroeteuh puteh meuprak Kon sabab supak cahya trang leupah Meu yoteuh tagruep jaroe bak badan Teuh bandua nyan dali bak Allah Ubak Peuraʻeun deungon kaom h Keubit bandum fasek sileupah", "Geukheun Tuhanku sidroe awak nyan Ka lon poh jih nyan sinan ka reubah Lon takot jipoh lon jinoe teuma Jikheun jibela jih jitueng balah", "Aduen lon Harun jeuet peugah haba Í Neubri seureuta ngon lon geulangkah Peue nyang lon peugah jeuet geupeubeuna Bek jikheun teuma lon sulet leupah Teumakot dilon jikheun lon sulet", "Tuhan Neukheun jeuet lagee tapeugah Aduenteuh Harun jeuet keu ngon gata Meutamah teuga gata jeuet sudah Han troh jaroe jih u ateuh gata i: Bandua gata kuat sileupah Hijazah Kamoe ubak jih taba Soe ikot gata bandum meutuah Meuhat nyang meunang gata bandua Nyang ikot gata lom hamba Allah", "‘Oh ban troh Musa ubak awak nyan d Mukjizat nyang trang ka geupeuleumah Jikheun laju nyan ileumee sihe c Dileekon sabe hana soe peugah Bak du-du tanyoe nyang awai-awai Hana tom sagai nyoe tadeungo gah", "Kheun Musa teuma Tuhan lon sidroe t Leubeh Neutusoe nyang ba peurintah p Nyang ba peutunyok asai bak Tuhan Soe lom nyang meunang ‘oh akhe sudah Keubit si lalem han meubahgia", "Jikheun le sigra Peuraʻeun jadah Peuraʻeun jikheun hai rakan bandum Dilon tan meuphom Tuhan jipeugah Jikheun na Tuhan laen nibak lon ; Hai Haman keu lon tapeudep bagah Tapeuduek batee laju tasuson Meuligoe keu lon beu manyang leupah Kumeung ek keudeh kumeung jak kalon Teupat toh Tuhan Musa jipeugah Dilon teujalokku jih nyan sulet", "Teukabo keubit Peuraʻeun jadah Ngon tentra dum sinoe di bumoe Bandum jih sinoe jipeubuet salah Nyang kon hak sagai buet lagee nyoe Sang han le jiwoe di bak Allah Jisangka di bandum han jiwoe Keudeh bak Kamoe teuma Meubalah", "Kamoe hukom treuk ngon tentra Karam bandum lam laot luah Kamoe tiek bandum dalam laot Nyankeuh akibat soe peubuet salah Meunan akibat ureueng nyang lalem", "Jinoe jih imum takalon gagah Jih imum jihue dalam nuraka ‘Oh dudoe teuma raya that sosah Uroe kiamat hana soe bantu", "Laknat Tuhanku keu kaphe jadah Laknat lam donya Kamoe bri keu Dudoe lom di meularat leupah Teuboh jih brok that uroe kiamat", "Keu Musa meuhat Kamoe bri tuah Kamoe bri kitab teuma keu Musa ‘Oh Iheueh binasa kurun nyang sudah Jeuet keu peudoman keu bandum insan Peutunyok jalan nyang teupat leupah r Lom pih jeuet rahmat dum keu awak nyan Meunyo awak nyan jitueng phaedah", "Bineh rot barat sit hana gata Watee keu Musa Meubri peurintah Hana takalon bandum atra nyan f", "Teutapi Kamoe Meupeujeuet sudah Lom hana gata bak ahli Madyan Padum boh kuron Kamoe peuleupah 2 Hana tabaca ayat keu jih nyan Umu panyang teuma ka sudah 3 Tapi di-Kamoe Meukirem Rasul Mangat jikaboi peue nyang geupeugah", "Hana roe gata bineh buket Thur Yoh Kamoe meusu Meubri peurintah r Tapi nyoe rahmat nibak Po gata Bak kaom gata mangat tapeugah 5 Jeuet tapeuingat dum kaom gata Dileekon goh na soe ba peurintah Yoh goh lom gata tan soe peuingat k Kadang teuingat jitueng phaedah", "Lom nak bek jikheun ‘oh teuka azeueb Sabab jih peubuet keu jih geubalah d Pakon han Neubri wahe Po kamoe Rasul keu kamoe jak ba peurintah Jeuet kamoe ikot ayat-ayat Droe Neuh lom jeuet kamoe meuiman bagah", "‘Oh troh Qur’an keu jih bak Kamoe 2 Teuma sit meunoe laju jipeugah Pakon han geubri lagee keu Musa Yoh dilee masa hebat sileupah 4 Kon ka jikaphe dilee keu Musa Sihe bandua gopnyan jipeugah Meubantu-bantu gopnyan bandua f Han jipeucaya bandum nyan sudah Bandum jikaphe han jitem pateh", "Takheun beu meuceh boh peuna dikah Me keunoe dikah kitab bak Tuhan Nyan got nibak nyan asoe jih ceudah Got nibak kitab ureueng nyan dua Peutunyok hamba bak jalan Allah Mangat lon ikot nyan kitab gata Meunyo bit beuna lagee tapeugah", "Meunyo atra nyan han ek ji peuna Tateupeue teuma narit jih salah Peuturot napsu mantong dum di jih Kakeuh jeuet dum jih sisat sileupah Soe teuma laen nyang leubeh sisat Meu kon nyang ikot napsu seurakah Hana peutunyok keu jih bak Tuhan Sabab di-Tuhan ka Iheueh Neupeugah Han Neupeutunyok ureueng nyang lalem", "Cit kaem lazem sabe Meupeugah Meuulang-ulang Kamoe peuingat Mangat teuingat jih bek roh salah", "Na sit awak nyang Kamoe bri kitab Yoh dilee meuhat jiiman bagah Goh tren Qur'an sit ka jiiman", "‘Oh ban geukheun nyan seunang jih leupah Jikheun dikamoe cit ka meuiman Beuna atra nyan nyo nibak Allah Yoh goh lom teuka atra nyan kamoe Ka uleh kamoe laju meunyerah Kamoe Islam laju awai that", "Ureueng nyan meuhat pahla le leupah Keu gopnyan geubri dua seuen pahla Sabab geusaba bek roh meusalah Geutulak jeuheut deungon buet nyang got Peue nyang na leugat geubri nafakah Nibak raseuki nyang ka Kamoe bri", "Meunyo buet keuji geupaleng bagah Geukheun dikamoe ban amai kamoe Digata keudroe amaiteuh salah Seulamat mantong meukheun keu gata Kamoe han suka buet jaheliah", "Han ek tatunyok soe nyang tagaseh Atra nyan meuceh urosan Allah Soe nyang Neukheundak Neubri peutunyok Soe nyang Neutunyok Neuteupeue sudah Nyang Neupeutunyok sit ka Neutusoe", "Teuma awak nyoe laen jipeugah Meu kamoe ikot peutunyok Tuhan Ngon gata sajan turot peurintah Kamoe cit jidrop lam nanggroe kamoe Han jeuet disinoe kamoe jipeugah Kon ka Kamoe bri keu jih nyan teumpat Di aman that sinan di Makkah Bak tanoh hareuem ngon le boh kayee Raseuki teuntee keu jih Meukeubah Tapi le jih nyan hana jiteupeue", "Padum le nanggroe nyang dilee salah Padum le nanggroe Meupeubinasa Seunang lam donya udep jih mewah Teumpat jih tinggai jinoe dum ka soh Na saboh-saboh nyang Kamoe keubah Laen dum Kamoe nyang tueng pusaka", "Teuma Po gata hana meuilah Hana nanggroe nyang Neupeubinasa Meu goh lom teuka utosan Allah Meu goh Neukirem Rasul nyang nyata Bak ibu kota geuba risalah Geubaca keu jih dum ayat Kamoe Bek salah Kamoe teuma jipeugah Hana nanggroe nyang Meupeubinasa Meu goh lom nyata lalem jih leupah", "Beurangkapeue nyang geubri keu gata Nyan hudep donya seunang be seupah Ngon perhiasan galakteuh raya Leubeh got teuma nyang Tuhan keubah Nyang na bak Tuhan pih leubeh keukai Taci ngui akai tatueng phaedah", "Beurangsoe nyang ka Kamoe janji got Meuteumee that got keu jih beunalah Peue ek sa gopnyan ngon nyang jih teuma í Nyang seunang donya galak jih leupah Lam hudep donya Meubri seunang that Uroe kiamat teuma jih sosah Geuba jih keudeh dalam nuraka", "Uroe nyan teuma Neuhei le Allah Ho ka tuhankah dum charikat Lon Nyang dilee jih nyan bandum kaseumah", "Awak nyang ka na putosan keu Jikheun treuk le jih teuma jipeugah Wahe Po kamoe awak nyan meuhat Kamoe peusisat meuyue buet salah Lagee droe kamoe ka awai sisat Droe kamoe meuhat jinoe meupeuglah Nyang bit kon kamoe jiseumah le", "Geukheun treuk bak jih jak hei leh bagah Jak hei tuhankah dum keunoe kaba ‘Oh ji hoi teuma han jitem langkah Han jijak bak jih ka jipeulheueh droe Azeueb treuk jinoe jikalon leumah Adak meu dilee jih lam peutunyok Kon han geuseunyok lam apui mirah", "Geutanyong bak jih lom bak uroe nyan Pakriban kakheun keu Rasulullah", "Teuma jih buta haba uroe nyan Meu sapeue pih han na jeuet jipeugah Jikeumeung tanyong pih han jitupat", "Ureueng nyang toubat nyan nyang meutuah Toubat meuiman amai pih got that Ureueng nyan meuhat seunang that leupah Meubahgia that bandum ureueng nyan", "Po gata Tuhan kuasa leupah Ban nyang h‘eut Tuhan peue nyang Neupeujeu Neucok roe nyang hʻeut hana soe teugah Awak nyan bandum han jeuet jipileh Tuhan nyang pileh beuna ngon salah Maha Suci that Allah Taʻala Charikat hana lagee jih peugah", "Neuteupeue bandum uleh Po gata Peue nyang lam dada jitroh jikeubah Nyang jipeulahe keunoe u lua Allah Taʻala Neuteupeue sudah", "Droe-Neuh nyan sidroe nyankeuh nyang Tuhar Tan laen tuhan meulengkan Allah Keu Droeneuh pujoe donya akhirat Hukom pih meuhat bak jaroe Allah Bandumteuh tawoe keudeh bak Tuhan", "Takheun pakriban meunyo Neuubah Meunyo Neupeujeuet malam keu gata Sipanyang masa seupot that leupah Jinoekon sampe uroe kiamat Soe ek peuteupat teuma geuubah Soe ek gantoe nyan ngon cahya uroe Tadeungo jinoe teuma tapeugah", "Takheun pakri lom meunyo Neutuka Sipanyang masa uroe trang leupah Jinoekon sampe uroe kiamat Soe ek peuteupat teuma geuubah Soe ek gantoe nyan teuma ngon malam Bak tach seunang tapiyoh payah Peue hana taeu ngon peurhatian", "Nyan rahmat Tuhan dum le sileupah Tuhan Neupeujeuet malam ngon uroe Tapiyoh sinoe mita napakah Uroe tamita kurnia Tuhan Teuma ‘oh malam tapiyoh payah Mangat lom gata chukor keu Tuhan", "Teuma uroe nyan Neuhei le Allah Ho ka tuhankah dum charikat Lon Nyang dilee jih nyan bandum kaseumah", "Teuma Kamoe cok bak jeuep-jeuep ummat Saksi meuhat Kamoe peuleumah Kamoe kheun teuma boh toh bukti Uroe nyoe kabri keu Lon beu bagah Baro jiteupeue Tuhan nyang beuna Peue nyang jih peuna sisat dum salah", "Teuma di Karun jih kaom Musa Teuma elanya di jih that leupah Keu kaom jih dum hana meuguna Beuthat areuta di jih le leupah Areuta jih le meugudang-gudang Gunci jih mantong le han ban peugah Saboh pasukan ureueng me gunci Dumnan le guncijih jibeureukah Tukang me gunci nyang teuga-teuga Mangat ek jiba ho jipeurintah Kaom jikheun bak jih watee nyan Bek leupah seunang tahudep mewah Ureueng mewah that han galak Tuhan", "Tamita jalan tawoe bak Allah , Hareuta Neubri keu gata le that Beu na taingat akan Neubalah Taingat beukai uroe akhirat Haro hara that bek jeuet keu sosah Teuma keu donya pih beu taingat Bek teuwo meuhat mita napakah Lom tapeubuet got keu ureueng laen Lagee di-Tuhan pih got that leupah Tuhan pih got that Neubri keu gata Bek darohaka di bumoe Allah Bek peubuet jeuheut di bumoe Tuhan Han galak Tuhan keu ureueng salah", "Jikheun dilon nyoe ngon carong droe lon Hana tom dilon lon piyoh payah Peue han jiteupeue padumna le ka Neupeubinasa kaom le Allah Padum le kurun dum dilee nyang ka Nyang leubeh teuga ngon leubeh mewah Leubeh le rakyat nibak jih jinoe Teuma jeuet rugoe sabab buet salah Hana peue tanyong jipeubuet dacha Ubit ngon raya hana jikeubah", "Jiteubiet Karun ubak kaom jih Ngon pakaian jih leupah that mewah Ureueng nyang galak keu udep donya Jikheun adak na Neubri le Allah Adak meu Neubri roe keu geutanyoe Lagee Karun nyoe seunang that leupah Seunang that di jih raya that bagi", "Teuma geukheun le ureueng meutuah Ureueng nyang teupeue ‘eleumee pih na Ceulaka gata peue nyan tapeugah Nyang leubeh that got pahla bak Tuhan Soe nyang meuiman keunan hidayah Soe nyang peubuet got lom pih jisaba Meu hana saba hankeuh na tuah", "Meupeureuhung treuk bumoe bak jidong Meu rhet treuk Karon lam bumoe bagah Rumoh-rumoh ka rhet lam bumoe Hana meu sidroe pih ek jak peuglah Hana soe tulong jih meu kon Tuhan Droe pih meunan hana le hilah", "Ureueng nyang napsu lagee jih baroe Jikheun treuk jinoe ceulaka leupah Keubit cit Tuhan Neujok raseuki Keu soe nyang Neubri roe nyang h‘eut Allah Ladom keu hamba-Neuh hana Neubri Adak meu Neubri ceulaka sudah Adak kon rahmat Neubri le Tuhan Tanyoe pih meunan sit keunong teulah Teuntee meutanom tanyoe lam bumoe Adak kon tanyoe na rahmat Allah Hana bahgia keubit soe kaphe", "Bahgia akhe soe nyang meutuah Nanggroe akhirat keu ureueng nyang got Nyang han tem seutot nyang udep mewah Hana peumbong droe dalam bumoe Buet-buet nyang paloe bandum jikeubah Buet keujeuhatan hana jipubuet Tapi jipubuet nyang rila Allah Akibat nyang jroh keu soe nyang takwa", "Nyang got keurija got that Neubalah Leubeh got nibak nyang jih keurija Neubalah jasa keu jih le Allah Nyang pubuet jeuheut balah pih jeuheut Ban nyang jipubuet meunan Neubalah", "Soe nyang peuwajeb u ateuh gata Qur’an tabaca hukom tapeugah Teuntee Droeneuh nyan nyang peuwoe gata Bak teumpat gata dilee Neukeubah Takheun Tuhan lon nyang leubeh teupeue Soe nyang ba keunoe peutunyok Allah Neuteupeue sit soe nyang dalam sisat Nyang nyata meuhat jipubuet salah", "Dilee cit gata hana taharap Neupeutron kitab keunoe le Allah Tapi nyan rahmat nibak Po gata Teuma bek gata tatulong salah Bek sagai gata tulong si kaphe", "Bek jitham teuh le bak ayat Allah Bek jitham gata tapeutroh ayat ‘Oh lheueh tren kitab keu gata sudah Tameuhei dum jih ubak Hadharat Bek peucharikat sagai keu Allah", "Bek roh taseumah tuhan nyang laen Takheun na laen sajan ngon Allah Hana meusidroe pih laen Tuhan Meulengkan Tuhan nyang Maha Murah Nyang laen bandum meuhat binasa Nyang han binasa sit sidroe Allah Seugala hukom bak Tuhan keu droe Gata pih tawoe bandum bak Allah a e e e A a AL-‘ANKABUT (RAMBIDEUEN) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah"] }, { "chapter": 29, "versesCount": 69, "verses": ["Alif Lam Mim Tuhan nyang teupeue meukeusud ayat Sabab Hadharat hana Neupeugah", "Peue na jisangka dum manusia Ek geupeumada iman di babah ‘Oh ban lheueh jikheun kamoe meuiman Jih teuma lheueh nyan han sapeue payah Hana geuuji jih teuma dilee", "Ureueng nyang dilee le that ka sudah Le that dum dilee nyang ka Meuujoe Tuhan Neuteupeue beuna ngon salah ‘Oh Iheueh Neuuji meuri nyang beuna Meuri lom teuma nyang sulet leupah", "Peue na jisangka le awak jeuheut Di jih ek lupot bak azeueb Allah Han leupah roe jih bak azeueb Kamoe Soe nyang kheun meunoe raya that salah", "Soe-soe nyang harap meureumpok Tuhan Nyan janji Tuhan han tom na ubah Meuhat akan troh peue nyang Neujanji Watee ka meuri sideh bak Allah Dumpeue Neudeungo dumpeue Neuteupeue Hana meusapeue pih na meuilah", "Soe nyang berjuang meuhat keu droe Munaphevʻat keu jih bandum phaedah Tuhan that kaya hana Neuhajat Alam nyang hajat bandum keu Allah", "Ureueng meuiman ngon buet got that Jeuet keu kafarat buet nyang salah Kamoe teuboh jih bak buet hana got Kamoe bri nyang got keu jih beunalah Leubeh got nibak nyang ka jih peubuet", "Nyoe Kamoe wasiet teuma Meupeugah Kamoe wasiet nyoe bak manusia Ma-ku dua beu got jipapah Meu geuyue gata peucharikat Lon A Tateupeue pih tan peue nyang geupeugah Nyan bek taikot ureueng nyan dua Dudoe sit gata tawoe bak Allah f ‘Oh tawoe bak Lon teuma Lon tuntut Peue nyang tapeubuet bandum Lon peugah", "Ureueng meuiman buet pih got han ban Nyan roh lam kawan ureueng meutuah Kamoe boh sajan ureueng nyang shaleh Ureueng nyang leubeh geunaseh Allah", "Na manusia jikheun di jihnyan Kamoe meuiman keupada Allah Tapi ‘oh ban jih ka jielanya Sabab di jih ka turot peurintah Jikheun treuk azeueb le manusia d Keubit leupah sa ngon azeueb Allah ‘Oh ban Neutulong uleh Po gata Di jih dum teuma laen jipeugah Kamoe nyoe sabe sajan ngon gata Allah Taʻala Neuteupeue sudah Kon leubeh Tuhan nyang teupeue bandum Peue-peue nyang jisom hana jipeugah Jisom lam dada kon lagee jikheun s", "‘Eleumee Tuhan sit lhok sileupah Neuturi bandum soe nyang meuiman Munafek meunan Neuturi sudah", "Jikheun le kaphe bak ureueng mukmin Taikot jalan nyang kamoe peugah Meu tatem ikot jalan kamoe nyoe d Tanggongan kamoe ban dumna salah Dum dacha gata kamoe nyang tanggong Pane jitanggong meu ka jipeugah Meu dacha droe han ek jitanggong Keubit awak nyan sulet sileupah", "Jime awih droe ngon awih gop Dabeueh geuhon that di beurakah Peue nyang jipeuna Neutanyong meuhat Uroe kiamat bandum le Allah", "Kamoe kirem Noh bak kaom gopnyan Tinggaigeuh sinan pih trep sileupah Sikureueng reutoh ngon limong ploh thon Teuka treuk tofan nyang raya leupah Teuka ie raya sabab jih lalem", "Nabi Noh yoh nyan pih Kamoe peuglah Geu-ek lam kapai ngon rakan gopnyan Laen dum karam lam laot luah Kamoe peujeuet nyan keu manusia Nak jeuet keu tanda kuasa Allah", "Ibrahim teuma geukheun bak kaom Geuh hai rakan lon taseumah Allah Takwa bandum gata keu Tuhan Meu tatem meunan bahgia leupah Meunyo tateupeue bandum atra nyan", "Nyang taseumah nyan raya that salah Taseumah patong nyang bukon Tuhan Meu sapeue pih tan na jeuet jipeugah Tapeuna-peuna salah raya that Nyang kon Hadharat bandum taseumah Han ek meu sapeue jibri keu gata Raseuki gata sideh bak Allah Raseuki gata lakee bak Tuhan Teuma Droeneuh nyan mantong taseumah Chukor keu Tuhan teuma bek laloe Keudeh dum tawoe keupada Allah", "Meu takheun sulet han tatem pateh Sit ka uroejeh meunan jipeugah Ummat nyang dilee sigohlom gata Saban ngon gata sulet jipeugah Teuma di-Rasul geupeutroh mantong", "Peue han jikalon peuneujeuet Allah Phon-phon Neupeujeuet lheueh nyan Neupeuwc Keudeh ubak Droeneuh dum Neukeubah Meunyo bak Tuhan buet nyan mudah that", "Takheun jak leugat lam bumoe Allah Mangat takalon pakri buet Tuhan Neupeujeuet alam phon-phon Neuulah Dudoe Neupeujeuet teuma bak akhe Tuhan han sabe kuasa leupah Ateueh beurangpeue kuasa Tuhan", "Soe nyang hʻ‘eut Tuhan Neuʻazeueb bagah Soe nyang h‘eut Tuhan pih Neubri rahmat Dudoe dum meuhat tawoe bak Allah", "Han ek talawan Tuhan di bumoe Tapike sang droeteuh teuga leupah Meunan pih han ek sideh di langet Waliteuh meuhat sit sidroe Allah Hana waliteuh meunyo kon Tuhan Nyang tulongteuh han meunyo kon Allah", "Awak nyang kaphe keu ayat Tuhan Meurumpok pih han dijih jipeugah Hana meuteumee ngon Tuhan teuma Nyan putoh asa di ka sudah Putoh asa jih nibak rahmat Lon Keu jih azeueb Lon peudeh that leupah", "Jaweueb kaomgeuh kapoh mate jih Katot keudeh jih lam apui mirah Tuhan peuglahgeuh teuma bak apui Meunankeuh Rasul dum jipeubeu-ah Atra nyan bandum cit jeuet keu tanda Keu kaom nyang na iman keu Allah", "Ibrahim geukheun tapike untong Taseumah patong kon seumah Allah Mangat meugaseh antara gata Lam hudep donya saho talangkah Uroe kiamat hana takira Sabe chedara sumpah seurapah Peukaphe ladom peulaknat ladom Teumpatteuh bandum nuraka juah Meu sidroe hana nyang tulong gata", "Nabi Luth teuma meuiman bagah Geupateh laju ban Ibrahim Kheun Teuma lom geukheun lon meung meulangkah Nyoe lon beurangkat peurintah Po lon Keubit roe Po lon Peurkasa leupah Lom Bijaksana-Neuh han terkira Allah Taʻala Maha Peumurah", "Kamoe bri Ishak Ya‘kob keu gopnyan Ngon keuturonan bandum meutuah Aneuk ngon cuco dum jeuet keu Nabi Kitab lom Neubri bandum le Allah Pahla keu gopnyan Meubri lam donya Akhirat teuma shaleh meutuah", "Nabi Luth geukheun bak kaom gopnyan Pakon gata nyan jeuheut that leupah Hana meu sidroe nyang lagee gata Dum manusia masa nyang sudah", "Ureueng agam dum tacok keu binoe Soe nyang jak keunoe teuma tarampaih Tapeubuet jeuheut bak balee gata Teumpat dum gata tamuchawarah Teuma jijaweueb le kaom gopnyan Toh azeueb Tuhan ba keunoe bagah Meunyo bit beuna lagee takheun nyan", "Geukheun hai Tuhan Neubri lon beu glah Neutulong lon nyoe nibak kaom nyan Jeuheut that jih nyan hana ban peugah", "Utosan Kamoe troh bak Ibrahim Geupeugah saleuem bak Nabiyyullah Saleuem Tuhanku haba geumbira Neubri aneuknda nyang that meutuah Kamoe Neuyue jak lom bak nanggroe nyoe Sabab that paloe jipeubuet salah Awak nyan bandum Meupeubinasa f Buet elanya lalem that leupah", "Ibrahim geukheun na Luth di sinoe Seuot ureueng nyan meuteupeue sudah Kamoe peuglah Luth ngon ahli gopnyan Peurumoh gopnyan teuma meukeubah d Jih roh lam kawan ureueng binasa", "Utosan lanja teuma geulangkah ‘Oh troh ubak Luth keunan utosan Sosahgeuh han ban di-Luth meutuah Han ek geubela dum jameegeuh nyan Bak kaom gopnyan nyang peubuet salah Kheun dum ureueng nyan han peue tatakot Kamoe meukeusud keumeung jak peuglah Bek le tagundah kamoe troh teuka Jak peuglah gata bak awak salah Meunan pih teuma dum ahli gata Peurumoh gata mantong meukeubah Dijih roh dalam ureueng binasa", "Kamoe bri bala raya sileupah Ateueh nanggroe nyoe Meupeutron azeueb À Sideh di langet keunoe meuruah Sabab buet fasek bandum awak nyan", "Meukeubah sinan tanda trang leupah Soe nyang tem pike sit jeuet keu tanda Keubit that nyata kuasa Allah", "Meukirem Syuʻib keudeh u Madyan Chedara jih nyan teuma geupeugah , c Wahe kaom lon taseumah Tuhan Taharap datang uroe that sosah Haro hara that uroe akhirat Bek gata jeuheut di bumoe Allah D", "Jipeugah sulet teuma keu gopnyan Geumpa treuk sinan dahchat sileupah ; Di dalam rumoh jih dum binasa", "‘Ad Tsamud teuma pih meunan ulah Nyata takalon rumoh-rumohjih Bandum ka abeh hanco dum bicah Buet nyang jeuheut jis‘ah le chetan Nyankeuh lagee nyan nyang got that leupah Han jibri jak jih bak jalan teupat Ka trang jilihat hana jipapah", "Meunan pih Karon Peuraʻeun Haman Musa jak keunan geuba peurintah 7 C Bandum teukabo jih nyan di bumoe Hana meu sidroe pih jih ek leupah", "Bandum jih teuma Kamoe bri bala ¢ Raya that deecha jipeubuet salah í Nyang ladom Meurhom ngon ujeuen batee A Nyang ladom teuntee geulanteue kurah ¿ Meupeurh‘uep bumoe teuma nyang ladom Nyang ladom karam lam laot luah Teuma kon Tuhan elanya jih nyan Tapi droe keudroe lalem leupah", "Miseue awak nyan nyang han got bagi Nyang cok keu wali bukon Allah Lagee rambideuen nyang peugot rumoh Takalon mehmoh jih hek sileupah Tapi rumoh mudah that reuloh Bacut tacukeh putoh dum bagah Adak jiteupeue roe di awak nyan", "Keubit di-Tuhan Neuteupeue sudah Peue nyang jiseumah nyang bukon Tuhan Abeh Neutuban bandum le Allah Keubit roe Tuhan Maha Peurkasa Ngon Bijaksana-Neuh han ban peugah", "Kamoe peugot dum miseue-miseue nyan Keu bandum insan jitueng phaedah Ibarat keu soe nyang na ‘eleumee Meunyo'si dungu bek nyan tapeugah Han ek jipike dijih atra nyan", "(Langot ngon bumoe peuneujeuet Allah JUZ 21) Bandum Neupeujeuet deungon sibeuna Si mukmin teuma nyang tueng phaedah Jeuet tanda keu soe nyang na meuiman", "Takheun kitab nyan laju beu bagah Kitab keu gata wahyu bak Tuhan Peubuet seumbahyang pih bek takeubah Seumbahyang jitham bak buet nyang keuji Buet nyang geuungki sabab buet salah Nyang jeuheut han le roh takeurija Raya that pahla taseubot Allah Peue nyang tapeubuet Tuhan Neuteupeue", "Teuma taseuboe taba peurintah Bek tameudawa ngon ahli kitab Meu kon beugot-got bak jih tapeugah Meulengkan jihnyan keubit that lalem Han sapeue jitem ‘oh tapeurintah Takheun di kamoe bandum meuiman Peue nyang Neupeutron sideh le Allah Neupéutron ubak kamoe ngon gata Tuhan nyang esa nyang bri peurintah Nyan Tuhan kamoe ngon Tuhan gata Allah Taʻala nyang Maha Murah Kamoe meujok droe keunan bak gata Kamoe Iseulam hana meuilah", "Meunan keuh Kamoe meupeutron kitab Keu gata meuhat Kamoe peurintah Teuma awak nyang Kamoe bri kitab Meuiman ligat hana jibantah Awaknyoe pih na cit nyang meuiman Nyang han meuiman kaphe seurakah Di jih jiungki keu ayat Kamoe", "Nyang gata kheun nyoe sit kon beurakah Dum kitab dilee pih hana takheun Ngon jaroe uneun tuleh keureutah Meunyoe jeut takheun ngon jeut tatuleh Meuhat awakjih jikheun dum salah Meuhat chok ragu awak nyang ungki", "Akan teutapi beuna that leupah Ayat nyoe bandum cit trang ngon nyata Di dalam dada ureueng nyang ceudah Nyang na ‘eleumee di dalam dada Soe lalem sahja nyang jikheun salah Di jih jiungki dum ayat Kamoe", "Jikheum lom meunoe di jih jipeugah Pakon han geubri keu jih mukjizat Mangat jih kuat Neubri le Allah Takheun mukjizat urusan Tuhan Peuingat mantong di lon peurintah Lon nyoe sit nyata ureueng peuingat Saket ngon mangat ka lheuh lonpeugah", "Peue han sep di jih meupeutren kitab Ke gata meuhat raya phaedah Tabaca keu jih nyan jeut keu rahmat Haba peuingat ureueng meutuah Jeut keu peuingat keu ureueng mukmin", "Takheun sep Tuhan saksi nyang ceudah Tuhan keu saksi di lon ngon gata Allah Taʻala kuasa leupah Peue nyang di langet got nyang di bumoe Bandum Neuteupue hana meuilah Iman nyang bateu kaphe keu Tuhan Nyan keuh awaknyan nyang rugoe leupah", "Jilakee bagah bak gata azeub Lah pih ka teutap watee bak Allah Adak han azeub jinoe troh teuntee Hana jithee-thee sinan ka reubah", "Jilakee bagah azeub bak gata Asoe nuraka dum kaphe jadah Nuraka teumpat keu bandum kaphe", "Azeub bukon le hanaban peugah Uroe nyan geuple azeub ateuh jih Diyup gaki jih pih azeub leupah Kheun Tuhan rasa peue nyang kapubuet Jinoe geutuntut bandum geubalah", "Wahe hamba Lon nyang na meuiman Keubit bumoe Lon leupah that luah Lon nyang taseumah mantong bek laen", "Bandum nyang laen anco ngon bicah Nyang na meunyawong han jeut han mate Teuma jiwoe le dudoe bak Allah Bandum teuh tawoe teuma bak Kamoe", "Ureueng got budi teuma meubalah Ureueng meuiman lom geupubuet got Teumpat geuh that got ka Kamoe keubah Ngon juree-juree dalam churuga Diyup churuga ie krueng dum boh-bah Pahla nikmat that ureueng got amai", "Saba tawakai gopnyan keu Allah Bandum geujok droe ubak Po gopnyan", "Teuma binatang pih le deuk ngon grah Sabab ka hana raseuki di jih Raseuki keu jih Neubri le Allah Gata pih meunan Neubri raseuki Tuhanku Rabbi Maha Pemurah Neudeungo dumpeue Neuteupeue dumpeue Hana meusapeue pih na meuilah", "Meunyoe tatanyong bak jih dum meunoe Langet ngon bumoe soe peujeut sudah Lom mata uroe meunan pih buleuen Soe peujeut nyan dum tacuba peugah Meuhat dum jikheun Tuhan nyang peujeuet Pakri sit ek jeut teuma jih salah Ek jipeupaleng jih nyan ho laen", "Raseuki teuh nyan bak jaroe Allah Soe nyang Neukheundak Neubri jih kaya Ladom sikada ‘oh sep napakah Keubit roe Tuhan dumpeue Neuteupue Hana meusapeue pih na meuilah", "Meunyoe tatanyong soe peutron ujeun Udep reun-mareun di bumoe Allah Ek Neupeuudep tanoh nyang mate Meuhat jikheun le cit sidroe Allah Takheun dum pujoe meuwoe keu Tuhan Tapi le jihnyan han ek jipeugah Han ek jipike le akai jih nyan", "Udep nyoe cit tan raya phaedah Udep lam donya sit kon peue laen Tameuen-meuen tapoh beurakah Nyang keubit udep nanggroe akhirat Uroenyan meuhat hana le susah Sangkira jih nyan bandum jiteupue", "Teuma di jih nyoe ka roh meusalah ‘Oh jiek kapai meuteumeung bala Jilakee duʻa laju bak Allah Ikheulah ate jih keu agama ‘Oh gadoh bala jih ka meuubah Leupah jiteungoh keudeh u darat Tuhan charikat laju jiseumah", "Peue nyang Kamoe bri han le jiingat Kaphe keu nikmat di jih that leupah Meuseunang-seunang di jih lam donya Jiteupue teuma dudoe geupeugah", "Peue hana jieu nyan tanoh hareuem Kamoe peuaman keu jih that leupah Dilingka jih dum hana roe aman Jidrop jitawan ureueng tan salah Dumnoe le nikmat Neubri le Tuhan Ek sit jiiman keu peue nyang salah d Keu nikmat Tuhan di jih jikaphe", "Lalem bukon le hana ban peugah Na leubeh lalem nibak jih teuma Jipeuna-peuna sulet keu Allah Peurintah nyang hak ‘oh teuka bak jih Jipeugah le jih sulet that leupah Peue kon teumpat jih dalam nuraka Keunan keuh geuba dum kaphe jadah", "Teuma barangsoe nyang tem berjuang Bak jalan Tuhan nyang teupat leupah Jitem berjihad bak jalan Kamoe Teuntee keu jih nyoe meubri hidayah Meupeutunyok jih bak jalan Kamoe Bek roh meupaloe bak jalan salah Keubit roe Tuhan sajan ureueng got Nyang tem pubuet got amai jroh leupah S"] }, { "chapter": 30, "versesCount": 60, "verses": ["Alif Lam Mim Tuhan nyang teupue meukeusud ayat Sabab Hadharat hana Neupeugah", "Talo dalam prang awak nanggroe Rum", "Awaknyan bandum nyang toe sileupah 3 ‘Oh Iheuh talo jih dudoe ka meunang", "Dalam padum thon sagai ka ubah Urusan Tuhan dilee ngon dudoe Hana meusidroe nyang ek peusalah Uroe nyan teuma nyang leupah seunang Ureueng meuiman keupada Allah", "Ngon tulong Tuhan ureueng nyan meunang Soe nyang h‘eut Tuhan Neutulong bagah Keubit roe Tuhan Maha Perkasa Allah Taʻala Maha Pemurah", "Atra nyan sit ka janji bak Tuhan Meu janji Tuhan han tom Neuubah Tapi nyang le that insan dum jinoe Hana jiteupue kuasa Allah", "Nyang na jiteupue sit udep donya Jingieng ngon mata lahe sileupah Udep akhirat hana jiingat Di jih lale that ngon udep mewah", "Peue han jipike bak badan Droe jih Tuhan Peujeuet jih pakri Neuulah Tuhan Neupeujeuet langet ngon bumoe Ngon bandum asoe sit beuna leupah c Teuma watee jih meuteuntee cit ka Insan dum teuma le that nyang salah Han jipeucaya meuteumee Po jih Jikaphe di jih reumpok ngon Allah", "Pakon han jijak dum dalam bumoe Jikalon bagoe kuasa Allah Pakri akibat ureueng nyang dilee Ureueng nyan teuntee bandum geubalah Ureueng nyan bandum leubeh that teuga Jipeugot kuta di bumoe Allah Jipeugot nanggroe makmu han tara Gampong ngon banda bandum jiulah Leubeh bandum jih nibak awaknyan Rasul dum keunan pih troh geulangkah Geuba peurintah dum keu awaknyan Tapi awaknyan jipubuet salah Teuma kon Tuhan elanya jih nyoe Tapi droe keudroe jih lalem leupah", "Akibat teuma keu ureueng jeuheut Nyang brok that azeub keu jih geubalah Jipeugah sulet dum ayat Tuhan Jipeueleh lom jikheun beurakah", "Tuhan nyang peujeut makheuluk phon-phon Teuma ‘oh lheuh nyan Neupeuwoe bagah Lheuh nyan lom keudeh teuh bandum tawoe", "Watee troh uroe nyang hebat leupah Uroe kiamat meu katroh teuka Nyang le that dacha leupah that susah", "Tuhan charikat hana meuguna Han ek jibila jih meu ube seupah Ka keuh jikaphe dum keu charikat Ka trang jilihat hana phaedah", "Meunyoe ka teuka uroe kiamat Bandum na umat meupisah-pisah Nyang got nyang jeuheut hana meusapat", "Nyang mukmin meuhat seunang sileupah Di dalam taman meusuka-suka", "Nyang kaphe teuma lam apoh-apah Jipeugah sulet dum ayat Kamoe Akhirat nyang nyoe pih jipeubeueh Han jipateh na uroe akhirat Bandum geu azeub lam apui mirah", "Suci that Allah takheun teuseubeh Seupot ngon beungoh sabe di babah", "Milek Droeuneuh nyan sigala pujoe ; Di langet bumoe bandum keu Allah Bak watee malam ngon watee uroe Tuhan tapujoe bek seungap babah", "Nibak nyang udep teubiet nyang mate Han ek tapike kuasa Allah Nibak nyang mate teubiet nyang udep Bumoe pih udep ‘oh Iheuh khueng leupah Meunan pih gata bandum geubangket Sigo teuk udep Neubri le Allah", "Teuma lom tanda kuasa Tuhan Neupeujeut insan mangat sileupah Neupeujeut gata bandum bak tanoh Ban tanjo singoh ka tameulangkah Abeh dum tajak keudeh ngon keunoe", "Meunan pih sinoe kuasa Allah Neupeujeut judo nibak droe gata Keunan tagisa tapiyoh payah Antara gata meugaseh-gaseh Rahmat meutindeh Neubri le Allah Atranyan bandum sit jeut keu tanda Keu ureueng nyang na pikiran ceudah", "Lom saboh tanda Neupeujeut langet ; Bumoe pih meuhat peuneujeut Allah Meulaen lidah meulaen bahsa Kulet dum gata puteh ngon mirah Wareuna kulet teuh macam-macam Tanda lom sinan kuasa Allah Keu soe nyang alem sit jeut keu tanda", "Meunan pih gata tapiyoh payah É Taeh ‘oh malam got pih ‘oh uroe Got pih tameugoe mita napakah Bandum tamita karonya Tuhan Tanda lom sinan kuasa Allah Soe nyang tem deunge pih jeut keu tanda Tuhan kuasa hana ban peugah", "Lom saboh tanda Neupeujeut kilat Takot ngon harap dum hamba Allah Teuma Neupeutron ujeun di langet Bumoe pih udep ‘oh Iheuh khueng leupah d Tanoh nyang mate ka udep teuma Sinan pih tanda kuasa Allah Ureueng jroh akai jitueng keu tanda", "Nyoe pih lom tanda nyang raya leupah Langet ngon bumoe ek teudong keudroe Bandum atranyoe peurintah Allah ‘Oh ban Neumeuhoi gata di bumoe Bangket sinaroe hana nyang bantah", "Soe nyang di langet dum ngon di bumoe Bandum sinaroe sit milek Allah Í Taʻat seumateh keu Tuhan sidroe", "Neupeujeut keudroe cit phon le Allah ‘Oh Iheuh Neupeujeut teuma Neupeuwoe Bak Tuhan buet nyoe leupah that mudah Sipheut mulia leupah that manyang Cit sipheut Tuhan nyang Maha Murah Sideh di langet got pih di bumoe Sipheut Droeuneuh nyoe manyang that leupah Keubit roe Tuhan Maha Perkasa Ngon bijaksana Neuh han ban peugah", "Tuhan boh miseu nibak droe gata Í Ngon namiet gata tabri napakah Peue jihnyan teuma charikat gata Nibak areuta karonya Allah Raseuki gata nyang ka Tuhan bri Jih nyan kameusoe nyang saban leupah Tatakot keu jih lagee droe gata Meunan umpama miseu meupaugah Meunan keuh Kamoe meupeutrang ayat Jeut keu ibarat keu soe nyang ceudah Keu kawom nyang na akai pikiran", "Teuma soe lalem jipeugot ulah Peuturot napsu ngon tan ‘eleumee Teuma soe nyang me peugot bek salah Soe ek peutunyok ureueng nyang sisat Ka Neupeusisat jih nyan le Allah Awaknyan teuma pih han soe tulong", "Teuma tajunjong agama Allah Tahadap mukateuh bak agama Allah Taʻala nyang bri peurintah Agama Tuhan keu manusia Saban ngon jiwa agama phitrah Nyang Tuhan peujeut han jeut meutuka Nyan keuh agama nyang teupat leupah Tapi le insan hana jiteupue", "Boh toubat jinoe laju bak Allah Takwa keu Tuhan pubuet seumbahyang Bek takheun Tuhan nyang bukon Allah Bek peucharikat sagai keu Tuhan", "Lagee awaknyan peupicah-picah Agama jih nyan le that peureute Maseng peureute phanatik leupah Maseng dum galak keu peureute droe Nyang kon atra droe jih bandum salah", "Manusia dum watee meularat Meuduʻa ligat di jih bak Allah Ngon khuchu‘ ate laju jitoubat ‘Oh ban na rahmat ka le meuubah Jipeugah le na Tuhan nyang laen", "Hana le jicen keu rahmat Allah Peue nyang Kamoe bri keu jih jikaphe Han jiingat le meu ube seupah Meuseunang-seunang keuh laju jinoe Ka teupue dudoe watee geubalah", "Peue na meupeutron keu jih alasan Jeut laen Tuhan teuma jipeugah 5 Jipeugah bak jih Tuhan charikat", "Insan dum meuhat pih le that ulah Watee Kamoe bri keu jih nyan rahmat Galak jih that-that hana ban peugah Meunyoe nyang jeuheut keunong ateuh jih Sabab jaroe jih nyang pubuet salah Ka putoh asa di jih watee nyan", "Peue han jikalon kuasa Allah Soe nyang h‘eut Tuhan Neubri areuta Jeut kaya raya udep jih mewah Soe nyang Neukheundak Neubri sikada Gasien ngon kaya teukeudi Allah Sit jeut keu tanda bandum atranyan Soe nyang meuiman jitueng phaedah s", "Kawom keurabat tajok hak keu jih Areuta keu jih beu tapeusiblah 4 Ureueng gasien ngon ureueng meudagang Bandum bak Tuhan keu jih takeubah Soe nyang meukeusud keu rila Tuhan Jipubuet meunan sit got sileupah 7 Nyan keuh ureuengnyan nyang meubahgia", "Nyang pajoh riba teuma jih salah Peue-peue nyang tacok got tajok riba Mangat areuta teuh le meutamah Hana meutamah dumnyan bak Tuhan f Teuma laen ban nyang Neupeurintah Meu tabri zakeut ikheulah ate Atrateuh sabe meutamah-tamah y Nyan keuh ureueng nyang tamah areuta Meuganda-ganda teuma phaedah", "Tuhanku sidroe nyang peujeut gata í Raseuki gata pih ka Neukeubah ‘Oh lheuh nyan mate teuh bandum gata Udep lom teuma Neubri le Allah Toh Tuhan gata nyang peugot meunan Nyang ek peugot nyan nyang bukon Allah Hana meubacut pih ek jipeugot Meu kon Hadharat nyang Maha Murah Maha suci that Droeuneuh Manyang that Nibak charikat lagee jih peugah", "Takalon rusak darat ngon laot Jipubuet karot jeuheut sileupah Neupeurasa treuk bak jih le Tuhan Sabab buet jih nyan teuka musibah Sit bacut bala nyang Neubri keu jih Sabab jaroe jih nyang pubuet salah Mangat jigisa bak jalan teupat", "Takheun leh siat tayue meulangkah Tayue jak kalon dum dalam bumoe Pakriban dudoe soe-soe nyang salah Le jihnyan dile jipeucharikat Tuhan Hadharat laen jipeugah", "Teuma muka jih jinoe tahadap Bak jalan teupat agama Allah Yoh gohlom teuka uroe nyang hebat Uroenyan meuhat han ek soe bantah Han ek soe tulak putusan Tuhan Bandum uroenyan meupisah-pisah", "Ureueng nyang kaphe meularat keudroe Jih bak watee nyoe keu jih geubalah Teuma nyang pubuet amai nyang saleh Di jih ka tapreh peue nyang jikeubah", "Ureueng meuiman amai jih pih got Karonya that got keu jih Neubalah Ureueng nyang kaphe han galak Tuhan", "Tanda bak Tuhan sit le sileupah Neukirem angen pih saboh tanda Haba gembira sang jijak peugah Tuhan keumeung bri rahmat keu gata Meu ka troh teuka seunang teuh leupah Kapai teuh jiplueng Neuyue le Tuhan Angen buritan jipot that bagah Hat tajak mita karonya Tuhan Raseuki teuh nyan sit ka Neukeubah Mangat tachuko mudah-mudahan Keupada Tuhan nyang Maha Murah", "Ka Kamoe kirem sigohlom gata Rasul mulia geuba peurintah Bak kawom gopnyan keunan geujakba Ayat nyang nyata bandum geupeugah Kamoe hukom treuk soe nyang meudacha Nyang darohaka lawan peurintah Hak Kamoe tulong ureueng meuiman", "Neubri treuk angen teuma le Allah Neukirem angen jiparoh awan Meusiseu treuk nyan di langet luah Awan pih jijak ho nyang h‘eutTuhan Meutamon-tamon meupisah-pisah Takalon ujeun teubiet disinan Soe nyang hʻ‘eut Tuhan cit Neubri jatah Pat nyang rhot ujeun galak jih han ban", "Dilee nibak nyan leupah that susah Yoh gohlom ujeun leupah meularat", "Boh taeu rahmat Neubri le Allah ‘Oh ban na rahmat bumoe pih udep Ka padum na trep khueng tho that leupah © Meunan pih ureueng nyang mate ka trep Jan Neupeubangket leupah that mudah Ateuh barangpeue Tuhan kuasa", "Angen ceulaka pih ek Neuulah Meu Kamoe kirem angen ceulaka Abeh binasa tanaman indah Jieu tanaman kuneng dum mate Di jih jikaphe sit han meuubah", "Ureueng ka mate ngon ureueng tuloe Tahei takilo hana phaedah Meu ka jipaleng ka jipeulikot Han le jitakot babah keu murah", "Ureueng nyang buta meunyoe ka sisat Bek jalan teupat keu jih tapeugah Nyang deungo gata ureueng meuiman Ubak ureueng nyan tajok peurintah Gopnyan meuiman keu ayat Kamoe Bandum geujok droe deungon ikheulah", "Tuhan nyang peujeut gata phon leumoh ‘Oh abeh leumoh teuga that leupah ‘Oh abeh teuga leumoh lom teuma Teuka treuk tuha ok meujeureulah Ka puteh ngon ok Neubri le Tuhan Ban nyang h‘ʻeut Tuhan han ek soe bantah Bandum Neuteupue Allah Taʻala Maha Kuasa hana ban peugah", "Uroe kiamat ‘oh ban troh teuka Awak meudacha pih jimeusumpah Jikheun tinggai jih cit sijeum sagai Meunan keuh prohai di jih jipeugah Jeut keumeupaleng di jih dum dilee", "Nyang laen lagee ureueng meutuah Ureueng nyang ka na peungetahuan Lom geumeuiman teuma geupeugah Gata dum tinggai putusan Tuhan Sampoe ‘oh datang kiamat sudah Uroe kiamat uroe geubangket Nyoe uroe bangket ka troh talangkah Tapi gata dum hana tateupue", "‘Oh troh uroenyoe hana le ilah Ureueng nyang lalem pubuet elanya Hana le guna jak lakee meuʻah Hana le tanggoh jak lakee toubat", "Miseu sit le that ka Kamoe peugah Lam Qur’an nyoe cit le that miseu Keu jih nyan miseu hana phaedah ‘Oh taba keu jih meusaboh ayat Di kaphe sisat sit jikheun salah Peue nyang taba nyan cit bandum bateu Tapeugah miseu jikheun beurakah", "Lam ate jihnyan nyang tan jiteupue Ka Neucap mate sinan le Allah", "Teuma tasaba dang janji Tuhan Meu janji Tuhan han tom meuubah Awak nyang hana yakin meuiman Bek sabab jihnyan gata jeut salah LUQMAN Ngon nama Allah Lon puphon surat Tuhan Hadharat nyang Maha Murah Tuhanku sidroe geumaseh ihat-that Donya akhirat rahmat Neulimpah"] }, { "chapter": 31, "versesCount": 34, "verses": ["Alif Lam Mim Tuhan nyang teupue meukeusud ayat Sabab Hadharat hana Neupeugah", "Nyan keuh dum ayat di dalam kitab Le that hikeumah han ek tapeugah", "Jeut keu peutunyok ngon jeut keu rahmat Keu soe nyang buet got hana tom salah", "Pubuet seumbahyang ngon geubri zakeuet Uroe akhirat yakin geuh leupah", "Keu ureueng nyan dum peutunyok Tuhan Nibak Po gopnyan nyang Maha murah Nyan keuh ureueng nyan nyang meubahgia", "Na manusia teuma nyang salah Jijak bloe narit nyang sia-sia Gop dum jimaba bak buet nyang salah Jipeusisat gop bak jalan Tuhan ‘Eleumee jih tan jikheun beurakah Jiulok-ulok keu jalan Tuhan Azeub keu jih nyan hina sileupah", "Watee geubaca dum ayat Kamoe Teukabo jihnyan hana ban peugah Jipaleng sang-sang hana jideungo Adak jideungo hana jipapah Sang-sang na sumpai lam geulinyueng jih Tapeugah bak jih azeub that leupah Tapeugah keu jih azeub peudeh that", "Nyang mukmin meuhat nyang raya tuah Soe nyang meuiman ngon buet jih pih got Churuga nikmat ka lheuh geukeubah Churuga indah geubri keu gopnyan", "Keukai geuh sinan ka janji Allah Meu janji Tuhan teuntee beunar that Tuhan Hadharat kuasa leupah Keubit roe Tuhan Maha Perkasa Ngon bijaksana Neuh han ban peugah", "Neupeujeut langet dum hana tiang Sit takalon trang ajeb sileupah Neupeuduek gunong dum dalam bumoe Mangat gatanyoe bek apoh-apah Mangat gata dum bek that meuguncang Lom ngon binatang pih le that leupah Sideh di langet meupeutren ujeun Udep tanaman seunang teuh leupah Kamoe peutimoh bandum tanaman Galak teuh han ban takalon indah", "Atranyan bandum peuneujeut Tuhan å Nyang bukon Tuhan peue na phaedah $ Peue na jipeujeut le nyang kon Tuhan Nyang takheun Tuhan nyang bukon Allah Tapi soe lalem keubit jih sisat Taeu nyata that hana meuilah", "Ubak Luqman ka lheuh Kamoe bri Hikeumah suci chuko keu Allah Barangsoe chuko munaphaʻat keu droe Jeh laen bagoe ureueng nyang salah Soe-soe nyang kaphe pulang bak Tuhan Kaya that Tuhan hana ban peugah Tuhan nyang patot teurimong puja", "Lukman kheun meunoe bak aneuk lidah Geukheun hai aneuk “‘geubri nasehat Bek peucharikat sagai keu Allah Tapeucharikat Tuhan ngon laen Buet teuh nyan lalem raya that salah", "Lom Kamoe wasiet bak manusia Ibu ngon bapa beu got tapapah Pakriban le ma geutanggong saket Siblet dua blet gopnyan lam susah Meubaro geulhah umu dua thon Saket geutanggong hana geupeugah Tachuko keu Lon ngon ma-ku gata Dudoe tagisa keudeh bak Allah Bak Lon sit teuma keudeh tagisa", "Meunyoe geupaksa geuyue buet salah Geupaksa gata peucharikat Lon Gata han meuphom peue nyan geupeugah Bek roh tataʻat keu dua gopnyan Sabab atranyan raya that salah Tarakan gopnyan di dalam donya Tapeumulia geuh bek tabantah Teuma taikot ureueng nyang tobat Jalan nyang teupat tawoe bak Allah Tobat sit bak Lon tawoe pih bak Lon Lon peugah le Lon buet nyang ka leupah Buet nyang tapubuet yoh masa dilee Bandum meuteuntee akan geubalah", "Hai aneuk meunyoe tapeucharikat Beu that hana brat sagai tapeugah Be aneuk sawi sagai lam batee Bah ka meuseubee hana le leumah Sideh di langet got pih di bumoe Bandum Neuteupue sit nyan le Allah Keubit roe Tuhan Maha licen that Dum peue Neutupat Neumaklum sudah", "Hai aneuk sabe pubuet seumbahyang Yue keubajikan tatham nyang salah Teuma tasaba peue-peue nyang teuka U ateuh gata kadang musibah Sabab atranyan leupah that peunteng", "Bek meugeunireng peusinget babah Watee tamarit ngon manusia Bek sagai gata teukabo leupah Tajak lam bumoe pih bek teukabo Sabab teukabo han galak Allah", "‘Oh watee tajak beuseudang-seudang Lom bek kreuh reukueng ‘oh taseumeugah Watee tamarit beuleumoh-leumbot Ban laku patot bek salah-salah Keuleudee meusu hana got sagai Nyan beu tatinggai ‘oh taseumeugah", "Peue hana taeu Tuhan bri gata Ek takuasa peue nyang meurimbah Peue nyang di langet ngon nyang di bumoe Bandum atranyoe ka ek taulah Lahe ngon baten nikmat keu gata Ek takuasa Neubri le Allah Na manusia nyang bantah Tuhan ‘Eleumee jih tan meu ka jipeugah Hana peutunyok keu jih bak Tuhan Nyang jeut keuh meunan di jih lam salah Lom hana kitab di jih nyang peutrang", "Watee geukheun banlaju jibantah ‘Oh geuyue ikot nyang Tuhan peutron Di kamoe jikheun bah lagee ayah Ayah kamoe dum meunoe geupeugot Nyan kamoe ikot mangat bek salah Meunyoe ureueng nyan jihei le chetan Jipeugrop gopnyan lam apui mirah Peue jigrop jih lam apui nuraka", "Nyang meubahgia ureueng meutuah Ureueng nyang jok droe keudeh bak Tuhan j Buet keubajikan han tom jikeubah Nyan ka jimumat bak taloe kong that Teuma akibat bandum bak Allah", "Bek susah gata keu awak kaphe Sabab jikaphe jipubuet salah Bandum bak Kamoe jiwoe awaknyan Peue-peue buet jihnyan sit Kamoe peugah Peue nyang lam dada Tuhan Neuteupue Hana meusapeue pih na meuilah", "Kamoe bri seunang keu jihnyan siat Azeub nyang brat that sit ka meukeubah", "Meunyo tatanyong soe peujeut dum nyoe Langet ngon bumoe takalon luah Meuhat dum jikheun Tuhan peujeut nyoe Takheun dum pujoe meuwoe keu Allah Tapi le that jih hana jiteupue", "Bandum barangpeue sit milek Allah Peue nyang di langet ngon nyang di bumoe Tuhanku sidroe kaya that leupah Tuhan keuh mantong patot tapujoe", "Takira jinoe kalimah Allah Ube na kayee di bumoe Tuhan Tacui keu kalam tuleh keureutah Tacok keu daweut teuma ie laot Tujoh boh laot laen tatamah Han cit ek abeh kalimat Tuhan Keubit roe Tuhan perkasa leupah Bijaksana Neuh hana takira", "Neupeujeut gata pakriban ulah Neubangket gata bandum pih saban Sang sidroe insan dumnan keuh mudah Keubit roe Tuhan Neuteupue dumpeue Neukalon dumpeue hana meuilah", "Peue hana taeu pakri buet Tuhan Neupeulop malam dalam uroe crah Neupeulop uroe teuma lam malam Mata uroe trang hu meujeureulah Meunan pih buleun bandum jijalan Watee ka meujan hana meuubah Tuhan Neumaklum peue nyang tapubuet Barangkapeue buet Neumaklum sudah", "Nyan keuh bit Tuhan sidroe nyang beunar Nyang laen teuma bandum sit salah Nyang bukon Allah nyang jikheun Tuhan Nyang keubit Tuhan manyang that leupah Lagi pih Tuhan Maha Raya that", "Peue han talihat dum nikmat Allah Kapai meulayeu di laot raya Nikmat keu gata Neubri le Allah Neumeung peuleumah keunan bak gata Tanda kuasa Neuh han ban peugah Atranyan keubit roe jeut keu tanda Keu soe nyang saba chuko keu Allah", "‘Oh teuka bakat nyang lagee gunong Kapai jilambong sang-sang ka beukah Jilakee duʻa laju bak Tuhan Agama jihnyan keubit ikheulah ‘Oh ban ka leupah jiek u darat Na sit nyang teupat hana meusalah Teuma nyang ungki keu ayat Kamoe Nyan keuh awaknyoe teukabo leupah Di jih jikaphe bandum keu nikmat Hana jiingat yoh dilee susah", "Hai manusia takwa keu Tuhan Po gata dumnyan sit sidroe Allah Lom beu tatakot uroe nyang hebat Han le sipakat aneuk ngon ayah Ayah han jeut le geubila aneuk Meunan-pih aneuk han jeut jibalah Keu jasa ayah han jeut le ingat Janji Hadharat han jeut meuubah Teuma bek sagai jitipee gata Le udep donya seunang sileupah Lom bek jitipee gata le chetan Jiyue talawan peurintah Allah", "Tuhan nyang teupue pajan kiamat Ujeun tren meuhat ‘eleumee Allah Lom pih Neuteupue peue nyang lam rahim Geutanyoe laen le that nyang salah Buet tanyoe singóh pih han tateupue - Jan mate tanyoe pih pat geukeubah i Teumpat teh nanggroe geutanyoe mate Han peue tapike pat nyang hʻeut Allah Keubit roe Tuhan dumpeue Neuteupue Neumaklum dumpeue hana meuilah"] }, { "chapter": 32, "versesCount": 30, "verses": ["Alif Lam Mim Tuhan nyang teupue meukeusud ayat Sabab Hadharat hana Neupeugah", "Neupeutron kitab hana chok waham Nibak Po alam nyang Maha Murah", "Teuma jipeugah geupeuna-peuna Tapi cit beuna tron nibak Allah Nibak Po gata Neupeutron kitab c Neuyue peuingat kawom nyang salah Yoh gohlom gata tan soe peuingat Kadang nyoe meuhat raya phaedah Kadang cit ek tapeutunyok keujih Tuhan bri keu jih akan hidayah", "Tuhan nyang peujeut langet ngon bumoe 3 Ngon bandum asoe peuneujeut Allah Neupeujeut bandum dalam nam uroe j Tuhanku sidroe kuasa leupah Di ateuh ‘arasy Neumat keurajeun Peue-peue nyang Neukheun hana mevuilah Tan laen wali teuh dum di gata Chupheuʻat hana meunyoe kon Allah Peue han di gata jeut keu peuingat", "Sideh di langet Neubri peurintah Peurintah neubri keunoe u bumoe Jiek ubak Droeuneuh teuma bagah Lam saboh uroe nyang kadar jihnyan Jeut siribee thon ‘oh tajumlah Keunira gata jeut siribee thon", "Atranyan bandum ‘eleumee Allah Nyang han deuh taeu got pih deuh taeu Bandum deuh Neueu nyan uleh Allah Keubit roe Tuhan Maha Perkasa Allah Taʻala Maha Pemurah", "Neupeujeut bandum peue nyang Neupeujeut Han ek tasipheut kuasa Allah Phon-phon bak tanoh Neupeujeut insan", "Jeut keturunan jih le that leupah Bandum Neupeujeut bak ie nyang hina", "‘Oh Iheuh nyan teuma jeut aneuk lidah Neubri ngon nyawong geulinyueng mata Ate lam dada bandum ka ceudah Nit that roe teuma nyang tatem chuko", "Di jih sit laju Tuhan jibantah Oh gadoh tanyoe keudeh lam bumoe Ek lom geupeuwoe keu laen ulah Ek jeut lom tanyoe keu makheuluk baro Hana jichuko kaphe seurakah Meureumpok ngon Po jih pih jikaphe Bandum hana le meunan jipeugah", "Takheun bak jih dum malikul maut Bak gata meuhat bandum geulangkah Geujak cok nyawong bandum geutanyoe Lheuh nyan geupeuwoe gata bak Allah Bandum teuh tawoe ubak Po gata", "Sangkira gata takalon ulah Pakriban sungkuep awak meudacha Teukui keupala han jijeut tangah Ubak Po jihnyan jilakee jinoe Wahe Po kamoe kamoe kasalah Meueu meudeungo bandum ka jinoe Neupeuwoe kamoe keudeh ya Allah Mangat meupubuet amai nyang saleh Meuyakin leubeh nibak nyang sudah Watee nyan keubit yakin that kamoe", "Teuma watee nyoe ban nyang hʻeut Allah Meu Kamoe kheundak meubri peutunyok Keu bandum meujok hana meuilah Tapi narit Lon ka lheuh putusan Jen deungon insan lam apui mirah Dalam nuraka bandum Lon pasoe", "Karasa jinoe bandum Lon balah Teuwo keuh bandum akan uroenyoe Reumpok ngon Kamoe kakheun beurakah Kamoe pih teuwo keu kah dum jinoe Karasa jinoe azeub that leupah Azeub nyang keukai droekeuh usaha Sabab keurija keuh dilee salah", "Ureueng meuiman keu ayat Kamoe ‘Oh jideunge nyoe galak jih leupah ‘Oh geupeuingat jih ngon ayat nyoe Jiingat Kamoe jisujud bagah Jikheun teuseubeh jipujoe Po jih Lam ate di jih khuchu‘ sileupah Hana teukabo pih sagai di jih", "Jareung that jieh jipiyoh payah Reunggang that lhong jih di ateuh tika Jilakee duʻa takot keu Allah Lom jiharap that keu rila Tuhan Raseuki Tuhan jibri seudeukah Nibak raseuki nyang ka Kamoe bri Zakeut pih jibri deungon napakah", "Hana soe teupue peue nyang ka geusom Hana geubri lom nyang indah-indah Keu jihnyan bandum ka geuseudia Nyang sijuek mata seunang that leupah Sabab yoh dilee ka jiusaha Jinoe seudia bandum geubalah", "Mukmin ngon pasek peue ek dih saban Hana roe saban beuna ngon salah", "Ureueng meuiman lom geupubuet got Meuteumeung teumpat churuga indah FARDA NA AARNA NA AAAA RRNA N A A NN, Nyan keuh beunalah buet geuh nyang dilee", "Nyang laen lagee soe pubuet salah Teumpat si pasek dalam nuraka Napsu keuluwa han sagai leupah ‘Oh jimeung tubiet geupeuwoe bak sot c Geukheun lom azeub rasa leh di kah Azeub nuraka dilee kakheun tan", "Rasa treuk dumnyan nyang phui sileupah Meubri azeub phui kon azeub raya Kadang jigisa han le buet salah", "Soe leubeh lalem nibak awaknyan Sagai di jih han turot peurintah ‘Oh geupeuingat ngon ayat Tuhan Jipaleng yoh nyan jiweh le bagah Kamoe balah treuk keu soe meudacha Lagee usaha droe jih nyang sudah", "Dilee Kamoe bri kitab keu Musa z Bek ragu gata teuma that leupah 5 Nyoe ka tateumee kitab di gata € Nyang kitab Musa dilee ka sudah Jeut keupeutunyok Bani Israil", "Padum droe ahli nyang ba peurintah Kamoe bri imum lam kawan jihnyan Geutunyok jihnyan beuna ngon salah Meu ek geusaba dum di ureueng nyan Yakin meuiman keu ayat Allah Geuyakin keubit keu ayat Kamoe", "Po gata sidroe keu hakim nyang sah Peuputoh hukom uroe kiamat Awaknyan meuhat bandum geubalah Peue nyang dilee kin jipeudong dawa", "Hana jikira dali le leupah Padum le kurun nyang dilee masa Meupeubinasa sabab buet salah Teungoh jijak-jak bak teumpat jihnyan Peue han jeut dum nyan keu dali nyang sah A A A A E A A a Atranyan bandum sit jeut keu dali A Peue han jideungo watee tapeugah", "Peue hana jieu Kamoe bri ujeun Bak tanoh ladang nyang phon tho leupah Timoh le sinan tanam-tanaman Meuret binatang hana le susah Keu droejih pih le jitueng munaphaʻat A Peue han jilihat dumnan trang leupah", "Boh putusan nyan pajan teuma troh Meunan keuh dawok di jih jipeugah Meunyoe bit beuna peue nyang takheun nyan", "Takheun atranyan pulang bak Allah ‘Oh troh uroenyoe hana guna le Iman si kaphe hana phaedah Hana le tanggoh geubri keu jihnyan Jikheun jiiman sabab ka teulah", "Bah meunan keudeh jih nyan disinan f Tapreh troh keunan peue nyang tapeugah Di jih pih jipreh dum lagee gata Pajan troh masa hukoman Allah s y y Á E E NI AE E A EE"] }, { "chapter": 33, "versesCount": 73, "verses": ["Wahe ya Nabi takwa keu Tuhan Bek jipadan le kaphe jadah Bek roh taikot dum awak kaphe Munaphek lagi pih hana ubah Dumpeue Neuteupue Allah Taʻala Ngon bijaksana Neuh han ban peugah", "Taikot wahi nyang troh bak gata Nibak Po gata nyang Maha Murah Peue nyang tapubuet Tuhan Neumaklum Hana nyang meusom meunyoe bak Allah", "Teuma tawakai gata bak Tuhan Cukop bak Tuhan teumpat meunyerah", "Bak sidroe ureueng na dua ate Hana roe Neubri meunan le Allah Ş Meunyoe ta zihar peureumoh gata r Ngon rueng ma gata takheun sa leupah Han roe Neupeujeut jih keu ma gata Meunan pih gata ngon aneuk lidah Aneuk droe han sa ngon aneuk angkat Narit nyan meuhat takheun ngon babah Di Tuhan teuma Neukheun nyang beunar Neutunyok gata bak jalan nyang sah", "Tameuhoi jihnyan ngon nan yah droejih Meunan nyang jeulas ade bak Allah Meunyoe yah jihnyan hana tateusoe Jeut teuma jihnyoe ban laku mudah Chedara gata dalam agama Pembantu gata pih jeut tapeugah Hana meudacha u ateuh gata Meu bek tasaja tapi meusalah Teuma nyang dacha meunyoe tasaja Lam ate gata ka awai jis‘ah Tuhan sit teuma Maha Peungampon Lagi pih Tuhan Maha Pemurah", "Nabi leubeh got keu ureueng mukmin Nibak droejih nyan seubagai ayah Peureumoh gopnyan ibu ureueng nyan Nyang ulul arham pamili nyang sah Ureueng nyan leubeh nibak gop laen Lam kitab Tuhan meunan geupeugah Got ureueng mukmin got muhajirin Nyan bahgi laen jeut tahadiyah Tapubuet nyang got keu rakan gata Atranyan pih na lam kitab Allah Ka Iheuh meutuleh di dalam kitab", "Di Kamoe meuhat janji ka sudah Janji ngon Nabi dum ka meuikat Ngon gata meuhat pih hana ubah Meunan pih ngon Noh Musa Ibrahim Aneuk Mariyam Isa meutuah Bandum ureueng nyan janji meuikat Keubit roe that brat hana ban peugah", "Bandum Neutanyong bak ureueng beuna Keubit sibeuna taba risalah Teuma keu kaphe ka Neuseudia Azeub that raya peudeh sileupah", "Hai ureueng mukmin beuna taingat Keu gata nikmat Neubri le Allah Yoh teuka musoh jijak prang gata Kamoe peuteuka angen kreuh leupah Meukirem teuntra nyang han deuh taeu Tuhan cit Neueu hana meuilah Peue nyang tapubuet Tuhan Neukalon", "Gata jiginton le musoh Allah Di ateuh diyup jikeupong gata j Sang seupot mata teuh dum geulisah j Ate sang jiek ka troh bak takue Hana meupeue-peue ka roh tapeugah Hana got sangka teuh le keu Tuhan", "Nyan keuh cubaan Neubri le Allah 3 Ujian keu dum ureueng meuiman Keubit meuguncang hebat that leupah", "Awak munaphek cit jikheun teuntee Janji Neutipee tanyoe le Allah Meunan pih Rasul tanyoe geutaki Lheuh geumeujanji jinoe ka ubah Soe nyang lam ate jih na peunyaket Meunan cit narit jih saban leupah", "Saboh golongan nibak awaknyan Jikheun bak ureueng nyang di Madinah Hai awak Yasrib di sinoe hana í Teumpat keu gata hana geukeubah Tajakwoe keudeh bek le disinan Saboh golongan jikheun le bagah Jilakee izin jijak bak Nabi Kamoe keumbali ya Rasulullah Hana soe tinggai rumoh kamoe soh Atra hana soh meuka jipeugah Napsu jimeung plueng bek roh lam kawan", "Meunyoe jiseurang sit yo jih leupah $ Meunyoe jikeupong ban siseun lingka Teuma jimaba lawan peurintah Meuhat jih jijak ho nyang jimaba Meu bacut hana jiiem jibantah", "Padahai dilee ka jimeujanji Han jipeurugoe janji ngon Allah Ka jimeujanji han roe jisurot Jiplueng u likot rakan jikeubah Janji ngon Tuhan dudoe Neutanyong Jaweub beukeunong mangat bek salah", "Takheun tan guna di gata taplueng Meunyo cit taplueng sinan ka reubah Taplueng bak mate takot keu jipoh Padum trep ek jroh taudep mewah Hana trep sagai seunang di gata", "Takheun soe bila gata bak Allah Meunyo Neumeung bri keu gata jeuheut Atawa rahmat Neukeumeung limpah Peue na soe ek tham teuma buet Tuhan Hana roe laen wali jih nyang sah Hana soe bantu meunyo kon Tuhan Hana soe tulong meunyo kon Allah", "Tuhan Neuteupue soe nyang penghalang Jikheun bak rakan narit nyang salah 3 Lam kawan gata sit dum awaknyan © Jikheun jak keunoe rakan meutuah Jak sajan kamoe bak prang han jijak Adak na jijak pih nit that leupah", "Kriet jih keu gata sapeue han jijok Meunyo prang ka troh sit yo jih leupah Takalon jingieng u ateuh gata Meuputa-puta matajih basah sang-sang ka pingsan jih keumeung mate Meunyo prang tan le laen jipeugah Lidah jih tajam jikheun keu gata Bandum buet gata sit jikheun salah Meunyo bak buet got di jih kriet that-that t Peue nyang tapakat hana jipapah Awaknyan bandum han jimeuiman Neubri hukoman treuk jih le Allah Amai jih bandum Neupeubinasa Bak Tuhan teumaʻbuet nyan that mudah", "Pasukan musoh jisangka mantong Hana jikalon dum jih ka leupah Sangkira teuka pasukan musoh Di jih sang beu troh u gampong bagah a a a a Napsu jimeusom lam awak gampong Teuma jitanyong pakriban sudah Jitanyeng peue hai gata jak meuprang Meu na jih sajan pih tan phaedah Adak nyang meuprang pih na padum droe Nyan pih sang jiwoe laju le bagah", "Keu gata bandum jeut keuteuladan Sipheut pilihan bak Rasulullah Got that keu soe nyang harap keu Tuhan Nyang tem meuiman turot peurintah Lom jimeuiman uroe akhirat Sabe jiucap jiseubot Allah", "‘Oh bandum mukmin geukalon ahzab Musoh sipakat keunan jilangkah Geukheun le nyoekeuh nyang janji Tuhan Ngon Rasul Tuhan ka lheuh Neupeugah Beuna that Tuhan ngon Rasul Tuhan Meutamah iman ureueng nyan bagah Maken geupeujok droegeuh bak Tuhan", "Na nyang meuiman teuma ka sudah Ka awai geuwoe ladom bak Tuhan Ladom geupreh jan ajai meulangkah Han cit meubalek ate ureueng nyan Teutap meuiman hana meuubah", "Tuhan Neubalah keu soe nyang beuna Naritgeuh beuna sabe geupeugah Ureueng munaphek pulang bak Tuhan Meunyoe h‘eut Tuhan azeub Neubalah Meunyoe h‘eut Neutueng tobat ureueng nyan Neuampon gopnyan bandum bak salah Keubit roe Tuhan Maha Pengampon Lagi pih Tuhan Maha Pemurah", "Teuma soe kaphe Neupeuwoe bak droe Jih ate seungkoe hana ban peugah Beungeh jih that-that sabab ka talo Hana meuteumeung sapeue phaedah b Ureueng meuiman ka meunang lam prang Keubit sit Tuhan teuga sileupah Maha Perkasa bit sidroe Tuhan", "Nyang bantu jihnyan pih jatoh sudah Ahli kitab dum nyang bantu jihnyan Bak teumpat jihnyan jisurot bagah í Neutiek teumakot lam ate jihnyan Nyang mate teucang sinan ka reubah Teuma nyang laen jeut keu tawanan", "Bumoe awaknyan abeh tarampah Pusaka gata Neubri le Tuhan Ngon rumoh jihnyan dum abeh sudah Areuta jih dum tatueng pusaka Laen lom teuma nanggroe nyang luah Bumoe nyang han tom troh gata keunan Pusaka dumnyan Neubri le Allah Keubit sit Tuhan Maha Pengampon Bandum peukara kuasa Allah", "Wahe ya Nabi takheun le gata Bak judo gata bandum tapeugah Meu napsu gata dum udep donya Seunang lagoena napsu keu mewah Boh keunoe Lon bri peue nyang talakee Lon peulheuh teuntee gata dum leupah Ngon got sama got Lon cre dum gata", "Teuma meu gata galak keu Allah Allah ngon Rasul uroe akhirat Meunyoe nyan hajat teuh got that leupah Ka Neuseudia uleh Hadharat Keu soe nyang buet got hana buet salah Soe nyang pubuet got lam kawan gata Raya that pahla dum ka Neukeubah", "Wahe dum gata peureumoh Nabi Meu nyata keuji tapubuet salah Geuganda azeub teuh dua kali Meunyoe bak Rabbi leupah that mudah QUZ", "Teuma barangsoe lam kawan gata Taʻat seutia keupada Allah Ngon Rasul Allah lom jipubuet got Nyan pahla meuhat keu jih le leupah Dua go di jih meuteumeung pahla Kamoe seudia lom dumpeue mudah Meubri raseuki nyang that mulia", "Hai dumna gata inong nyang ceudah Peurumoh Nabi sit bandum gata Inong biasa laen that leupah Meunyo bit gata taplihara droe Bek peuch‘ek-ch‘ek droe ‘oh taseumeugah Meunyo leumoh that watee tamarit Di agam keubit napsu jigagah Nyang na peunyaket dalam atejih Meunapsu di jih keu buet nyang salah Teuma tamarit lagee biasa", "Nyang got uluwa pih bek talangkah Taduek di rumoh sinan beu teutap Tameungui meuhat bek jahiliyah Buet jahiliyah bak masa dilee Jinoe meuteuntee bandum takeubah Pubuet seumbahyang tabri ngon zakeuet Lom beu tataʻat keupada Allah Lom beu tataʻat keupada Rasul Neuh beu takabui peue nyang peurintah Mangat Neuboh dum sigala dacha Nyang le bak gata teuma le Allah Gatanyan bandum ahlul bait Nabi Neumeung peusuci gata bek salah", "Beuna taingat keu ayat Tuhan Hikeumah Tuhan pih le that leupah Ayat nyang geubeut di rumoh gata Bek sagai lupa teuh hai meutuah Haloh that Tuhan Neuteupue dumpeue Hana meusapeue pih na meuilah", "Ureueng Iseulam ngon ureueng mukmin Agam ngon inong bandum meutuah Ureueng nyang ta‘at ureueng nyang beuna Ureueng nyang saba ngon khuchu‘ leupah Geubri seudeukah ngon geupuasa Malee geujaga bek sagai salah Meunalee gopnyan that geuplihara Hana tom lupa geuingat Allah Geuseubot Tuhan sabe ureueng nyan Agam ngon inong saban that leupah Bandum ureueng nyan agam ngon inong Pahla keu gopnyan ka lIheuh Neukeubah Amponan Tuhan ka Neuseudia Pahla that raya hana ban peugah", "Ureueng meuiman agam ngon inong Bandum teurimong pilihan Allah Ban hukom Tuhan ngon Rasul Tuhan Bandum lageenyan han jeut meuubah Han jeut geupileh laen nibak nyan Ban hukom Tuhan ngon Rasulullah Nyang darohaka maksiet keu Tuhan Ngon Rasul Tuhan raya that salah Meuhat ureueng nyan nyata that sisat Uleh Hadharat meunan Neupeugah", "Yoh gata takheun bak sidroe ureueng Nyang nikmat Tuhan keu jih Neulimpah Di gata pih na nikmat teuh keu jih Nyang takheun bak jih meunoe tapeugah Gata bek tacre peurumoh gata Teuma takwa gata keu Allah Na peue nyang tasom lam ate gata Allah Taʻala teuma Neupeuhah Di gata takot keu manusia Nyang hak that gata takot keu Allah ‘Oh ban peurumoh le Zaid ka geucre Meupeukawen le ngon gata bagah Meunyo peurumoh aneuk angkat teuh Meu ka jipeulheuh nyan hana salah Meu ka cre ngon jih jeut tameukawen Bak ureueng mukmin meunan tapeugah Bek jeut keu susah dum ureueng mukmin Han jeut meukawen geupike salah Urusan Tuhan han jeut han jadi", "Teuma bak Nabi pih han cit salah å Peue nyang le Tuhan ka Neupeuteutap Atranyan meuhat han jeut meuubah Nyan sunnah Tuhan keu ureueng dilee Cit ka meuteuntee jeut keupeurintah Urusan Tuhan meu ka Neukada Hana kuasa soe keumeung bantah", "Peurintah Tuhan ureueng nyan peutroh i Hana geupiyoh geuba risalah Barangsoe lawan hana geutakot Nyang na geutakot cit sidroe Allah Cukop meu Tuhan peugot keunira Dudoe sit nyata beuna ngon salah", "Muhammad kon yah sidroe-droe ureueng Nyang agam-agam nyang rayek sudah Teutapi gopnyan cit Rasul Tuhan Nyang peungabesan utusan Allah Gopnyan seuneulheuh sigala Nabi Hana le Nabi peuneutop sudah Keubit roe Tuhan Neuteupue dumpeue Hana meusapeue pih na meuilah", "Wahe dum ureueng nyang na meuiman Taseubot Tuhan beule that leupah", "Takheun teuseubeh beungeh ngon seupot", "Keu gata rahmat Neubri le Allah Seulaweut rahmat nibak Hadharat Ngon malaikat Neuyue peurintah Lam seupot suklip Neutarek gata Neuba bak cahya nyang trang sileupah Meunyo ngon ureueng nyang na meuiman Keubit roe Tuhan Maha Pemurah", "Watee meureumpok gopnyan ngon Tuhan Seulamat datang laju Neupeugah Neubri ngon pahla nyang that mulia Sit ka seudia sideh Neukeubah", "Hai Nabi kamoe meukirem gata Keu saksi hamba beuna ngon salah Haba peusuka haba peutakot Tayue jiturot bandum peurintah", "Tahoi jih bandum bak jalan Tuhan Ngon izin Tuhan nyang Maha Murah Gata keuh lampu nyang trang meucahya", "Haba gembira teuma tapeugah Keu bandum ureueng nyang na meuiman Karonya Tuhan raya that leupah", "Kaphe munaphek nyan bek taikot Bek tapeuturot peue nyang jipeugah Bah jielanya gata tasaba Tawakai gata keudeh bak Allah Cukop ngon Tuhan bak tapeujok droe Laen barangsoe cit tan na ilah", "Hai ureueng mukmin ‘oh tameukawen Tacre inong nyan leupah that bagah Gohlom seuteuboh gata deungon jih s Teuma ateuh jih hana peue ‘iddah Hana peue jipreh ‘iddah bak gata Teuma le gata tabri hadiyah Tabri keu jihnyan peuseunang ate Beuthat tameucre bek jeut keu susah Beu jroh sama jroh watee tameucre", "Jinoe hai Nabi teuma lon peugah Kamoe peuhaleu inong keu gata A Peurumoh gata jeut tameunikah ó Meu ka lheuh tabri jeunamee keu jih x Nyan ka keuh jeut jih judo teuh nyang sah Atawa namiet bahgi teuh lam prang 4 Laen nibaknyan pih jeut tanikah Ngon aneuk apa aneuk abuwa Macut ngon mawa aneuk geuh nyang sah Nyang jak hijeurah dum sajan gata Meunan pih juga inong meunyerah Inong meuiman jok droe keu Nabi Meunyoe di Nabi napsu meunikah Nyan gleh keu gata kon keu gop laen Mukmin nyang laen teuma bek salah Kamoe meuteupue wajeb si mukmin Peurumoh jihnyan wajeb jipapah Kamoe peuwajeb atranyan bak jih Ngon keu namietjih pih hana ubah Bek jeut keu susah teuma keu gata Allah Taʻala jeut Neupeumudah Keubit roe Tuhan Maha Pengampon Lagi pih Tuhan Maha Pemurah", "Jeut tapeutanggoh peurumoh gata Ban nyang hʻeut gata han jeut keu salah Soe nyang hʻeut gata tameuseuteuboh Han tapeutanggoh pih han cit salah Meu ka lheuh tacre Iheuhnyan tameuwoe Ban nyang galak droe jeut tapeurintah Mangat jeut seunang peurumoh gata Sijuek ngon mata hana le susah Peue nyang ka tabri jifueng ngon seunang Bandum awaknyan jeut got that leupah Tuhan Neuteupue lam ate gata Peue nyang meurimba hana meuilah Bandum Neuteupue Tuhan Hadharat Ngon halim Neuh that hana ban peugah", "Hana haleue le inong nyang laen Keu gata sep nyan nyang ka tanikah Han jeut tatuka pih inong gata Beuthat bak mata teuh laen ceudah Beuthat di gata harok that keu jih Sabab rupajih sang got that leupah Meulengkan namiet nyang milek gata Neuluem buet gata teuma le Allah", "Wahe dum ureueng nyang na meuiman Bek tamong keunan bak Rasul Allah Bek tamong keunan bak rumoh Nabi Meu hana geubri izin talangkah Tapreh makanan bek keunan tajak Meu gohlom masak dang geuboh kuah Tapi meu gata ka geuyue tamong Nyan beu tatamong bek le tabantah ‘Oh lIheuh tamakeun tatubiet laju Bek roh meuganggu keu Rasulullah Bek le di sinan tapeugah cakra Di Nabi gata han geujeut peugah Sabab di Nabi malee keu gata Allah Taʻala teuma nyang peugah Hana Neumalee teuma di Tuhan Bak keubenaran han Neukheun salah Meu na barangpeue takeumeung lakee Na nyang peureulee takeumeung peugah Di likot tabeng peurumoh Nabi Meunan nyang suci gata han salah Lam ate gata ngon ate gopnyan Han jijak keunan napsu seurakah Han jeut di gata taganggu Nabi Nyan Rasul Rabbi bek salah-salah Bek tameukawen peurumoh gopnyan Watee ka gopnyan geuwoe bak Allah Nyang nyan barangjan bek roh tapubuet Brat that Neutuntut teuma le Allah", "Nyang tapeulahe got pih nyang tasom Neuteupue bandum hana meuilah", "Hana jeut keu peue teuma ureueng nyan Geupeuhah badan geuh di keu ayah Dikeu aneukgeuh aduen adoegeuh Aneuk keumuen geuh pih hana salah Aduen adoegeuh agam ngon inong Aneuk ureueng nyan han jeut keu salah Lom sabe inong hana jeut keu peue Di keu namiet droe pih jeut geupeuhah Teuma gata dum peurumoh Nabi Bek taberhenti takwa keu Allah Dumpeue Neukalon teuma di Tuhan", "Seulaweut Tuhan teuma le leupah U ateuh Nabi seulaweut rahmat Lom malaikat lakee bak Allah Teuma hai gata dum nyang meuiman Seulaweut keunan pih bek takeubah Seulaweut rahmat deungon seujahtra Keu Nabi gata lakee bak Allah", "Nyang ganggu Tuhan ngon Rasul Tuhan Kutukan Tuhan keu jih brat leupah Donya akhirat jihnyan Neulaknat Azeub hina that keu jih Neukeubah", "Teuma nyang ganggu ureueng meuiman Agam ngon inong nyang hana salah Nyan salah di jih jipeuna-peuna Raya that dacha nyata that leupah", "Hai Nabi takheun bak judo gata Ngon aneuk darateuh dum tapeugah Meunan pih inong ureueng meuiman Ulee jih dumnyan bek tabri peuhah Jingui sileukom mangat gop turi Han le barangkri jipeugot ulah Han jijeut ganggu meu ka jitusoe Meunan keuh bagoe Neuyue le Allah Teuma sit Tuhan Maha Pengampon Lagi pih Tuhan Maha Pemurah", "Meu han jipiyoh awak munaphek Jipubuet pasek hana jiubah Meuhat Kamoe yue taprang awaknyan Bek le di sinan jihnyan takeubah Melengkan siat dang-dang jibongka ‘Oh lheuhnyan lanja tayue bot langkah Soe nyang lam ate jih na peunyaket Nyang haba sulet lom di Madinah Awak Munaphek ngon jihnyan saban Han jeut keu jiran teuh bek takeubah", "Kutukan Tuhan keu jihnyan bandum a Pat nyang meuteumeung jih tabeureukah Tadrop jih bandum tapoh ngon tacang", "Nyan sunnah Tuhan masa nyang sudah Keu ureueng dilee bandum ka meunan Nyan adat Tuhan han jeut taubah", "Teuma jitanyong le manusia Kiamat teuka pajan tapeugah Takheun atranyan ‘eleumee Tuhan Watee jih pajan sideh bak Allah Hana tateupue kadang ka toe that", "Teuma Neulaknat dum kaphe jadah Awaknyan bandum asoe nuraka Ka Neuseudia keu jih le Allah", "Keukai jih sinan silama-lama Walijih hana nyang ek jak peuglah Hana soe tulong pih jih meusidroe", "‘Oh teuka uroe nyang hebat leupah Muka jih geugom dalam nuraka Jikheun sangkira tataʻat Allah Adak tataʻat dilee keu Tuhan Ngon Rasul Tuhan bek roh tabantah Han roe gatanyoe meugriet lagee nyoe", "Jikheun lom meunoe wahe ya Allah Wahe Po kamoe kamoe meuikot Awak meupatot nyang meugah-meugah Keupala kamoe peumimpin kamoe Jiba treuk kamoe bak jalan salah Bak jalan sisat jiba dum kamoe", "Wahe Po kamoe jih keuh nyang salah Neuganda azeub keu jih dum ligat Dua go ligat azeub that leupah Neulaknat jihnyan beu raya that-that Kamoe nyoe sisat jih peugot ulah", "Wahe dum mukmin bek roh jeut gata Keu kawom Musa nyang keubit jadah l Jikheun na ayeb bak Nabi Musa Allah Taʻala teuma peuleupah Tuhan peuleumah Musa tan cacat Keubit sulet that haba jipeugah Gopnyan sit ureueng nyang terkemuka Ngon that mulia gopnyan bak Allah", "Wahe dum ureueng nyang na meuiman Ò Takwa keu Tuhan nyang Maha Murah Watee tamarit sabe nyang beuna", "Amai dum gata cit Tuhan keubah Neupeujroh amai gata le Tuhan Lom ngon amponan Neubri le Allah Neuampon dacha teuh le Hadharat Meunyoe tataʻat gata meutuah Tataʻat Tuhan ngon Rasul Tuhan Nyan keumenangan raya that leupah", "Dilee Kamoe jok amanah Kamoe Bak langet bumoe meuyue peurintah Meunan pih meujok bak gunong-gunong Han jitem tanggong bandum jipeugah Teumakot han ek bak jipeutimang Brat that tanggongan teumakot salah Teuma jitanggong le manusia Keubit elanya di jih that leupah Lagi pih jahe jih hana meuphom", "Neuazeub treuk dum jihnyan le Allah Awak munaphek agam ngon inong Muchrek pih meunan hana meuubah Bandum Neuazeub agam ngon inong Ureueng meuiman teuma meutuah Agam ngon inong bandum geutoubat Tuhan Hadharat teurimong bagah Keubit roe Tuhan Maha Pengampon Lagi pih Tuhan Maha Pemurah"] }, { "chapter": 34, "versesCount": 54, "verses": ["Sigala pujoe milek Hadharat J Peue nyang di langet sit milek Allah Peue nyang di bumoe pih milek Tuhan Dum seukalian hana meuilah Meunan pih pujoe uroe akhirat Milek Hadharat nyang Maha Murah Tuhanku sidroe bijaksana that Dumpeue Neutupat Neumaklum sudah", "Peue nyang jitamong u dalam bumoe Jiteubiet sinoe got pih meuruah Nyang tron di langet nyang ek u langet Neuteupue that-that bandum le Allah Maha Pemurah Maha Pengampon Sit sidroe Tuhan geumaseh leupah", "Uroe kiamat han troh bak kamoe Soe kaphe teuntee meunan jipeugah Takheun han jeut han demi Tuhanlon Bak gata bandum cit troh jilangkah Tuhan Neuteupue nyang han deuh taeu Bandum deuh Neueu hana meuilah Hana nyang lupot meu ube neuk‘uet Peue nyang di langet Neukalon leumah Peue nyang di bumoe pih deuh Neukalon Ubit nibak nyan pih han meuilah Ubit ngon rayok sit na lam kitab Sinan nyata that bandum geupeugah", "Ureueng meuiman ngon jipubuet got Sit leupah that got keu jih Neubalah Lom Neupeuampon ube na dacha Raseuki mulia cit ka Neukeubah", "Teuma nyang bantah keu ayat Kamoe i Jisangka keudroe jih ek jipeuglah $ Keu jihnyan bandum Kamoe bri azeub Nyan jeuneh azeub peudeh sileupah", "Teuma di ureueng nyang na ‘eleumee Atranyoe teuntee beuna geupeugah Peue nyang Neupeutren nibak Po gata Nyan keuh nyang beuna nyang hana salah Nyan nyang peutunyok bak jalan teupat Jalan Hadharat nyang Maha Murah Maha Perkasa patot tapujoe Tuhanku sidroe kuasa leupah", "Peue meupeuleumah teuma bak gata Meunan keuh haba si kaphe peugah Ureueng nyang peugah ‘oh anco teuh nyoe Tuleung ngon asoe ka abeh bicah Jeut gata teuma makheuluk baro", "Peue jih ka pungo nyan jijak peugah Jipeuna-peuna kadang keu Tuhan Tapi kon meunan kaphe nyang salah Han jipateh na uroe akhirat Azeub ngon sisat ka jioh leupah", "Di keue di likot jih langet bumoe - Bandum atranyoe peue hana leumah N Peue hana jieu meunyoe h‘eut Kamoe Meupeurhup bumoe nak rhot jih bagah Got pih meupeurhot geurupeng langet Meupeng-peng meuhat anco dum bicah Rhot u ateuh jih jeut keu binasa Sinan pih tanda kuasa Allah Hamba nyang tobat jiwoe bak Tuhan Bandum atranyan jitueng phaedah", "Karonya Kamoe meubri keu Daod Kamoe yue ikot geuh gunong meugah Hai gunong-gunong bandum meuucap Sajan ngon Daod nyang gaseh Allah Meunan pih cicem meuyue le Kamoe ‘Oh geumat beusoe pih leumiek leupah", "Peugot hai Daod dum bajee beusoe Tamanyuem keudroe mangat got indah Lom beu tapubuet dum amai nyang got Peue nyang tapubuet Lon kalon leumah", "Kamoe bri angen ubak Sulaiman Jarak sibuleun jan tameulangkah Jiwoe sibuleun sang jarak jihnyan Keubit Sulaiman raja nyang meugah Kamoe peuile bijeh teumaga Gopnyan kuasa bandum geuulah Awak jen teuma pubuet keu gopnyan Ngon izin Tuhan han jeut jibantah Nyang han tem pateh lam kawan jihnyoe Peue nyang le Kamoe ka meupeurintah Kamoe peurasa keu jihnyan azeub Nuraka meuhat keu jih meukeubah", "(Peue-peue nyang geuyue uleh Sulaiman ) Jipubuet dum nyan hana jibantah Mihrab meusijid got patong-patong Atawa palong nyang raya leupah Palong nyang raya taeu sang kulam Kanot beulangong lungkee hana glah Tapubuet chuko hai kawom Daod Keubit that patot chuko keu Allah Teuma hamba Lon nit nyang tem chuko Di jih teukabo sang droe jih meugah", "Malikul maut ‘oh Kamoe kirem Geujakcok nyawong Sulaiman bagah Gopnyan ka mate hana soe teupue Adak kon Kamoe nyang peugot ulah Tungkat Sulaiman jikap le kamue Baro jiteupue gopnyan ka reubah Kheun jen sangkira tateupue gaeb Han ro dumnoe trep tanyoe geujajah Padum trep dalam azeub nyang hina Hana kuasa takeumeung bantah", "Bak kawom Saba‘ na saboh tanda Keubit bahgia Neubri le Allah Bak teumpat jihnyan dua boh keubon Rot wie rot uneun keubon nyang luah Pajoh raseuki nibak Po gata Tachuko teuma keupada Allah Nanggroe nyang got that ngon sidroe Tuhan Maha Pengampon peue-peue nyang salah", "Teuma jipaleng bandum awaknyan í Meuple treuk keunan ie raya leupah Abeh dum karam dua keubonnyan Meugantoe laen teuma le bagah Dua boh keubon laen meugantoe Teuma keu asoe boh jih phet leupah Teuma bak aron bacut bak sire", "Meunan keuh bahgi keu jih meubalah Sabab jih kaphe meubalah meunoe Meu han di Kamoe han roe that leupah Han that meubalah meu kon jikaphe", "Meupeugot treuk le nanggroe nyang luah Antara jihnyan nanggroe beureukat Padum boh teumpat lom luah-luah Kamoe boh kada keunan ‘oh jijak Hana that jarak jisinggah-singgah Boh jak leh laju ‘oh malam-malam Uroe pih meunan aman that leupah", "Jikheun dum teuma hai Tuhan kamoe Bah jioh kamoe bek le meusinggah Neubri beujioh meujak ngon meuwoe Jielanya droe beuroh lam salah Kamoe peujeut tretuk bandum awaknyan Tinggai mantong nan gop peugah-peugah Kamoe peucre-bre jih bandum teuma Sinan jeut tanda tatueng phaedah Keubit bandum nyan sit jeut keu tanda Keu soe nyang saba chuko keu Allah", "Peue nyang jisangka le iblih pande Ka beuna jinoe awaknyan salah Jiikot iblih bandum awaknyan Meulengkan mukmin saboh parikah Saboh golongan ureueng meuiman Nyan keuh ureueng nyan nyang hana salah", "Han ek jidaya iblih keu gopnyan Beuthat beu meunan na sit meuilah Mangat meuteupue mukmin nyang taʻat Akan akhirat jiiman bagah Mangat meuturi nyang ragu ate Keu uroe page di jih chok leupah Teuma Po gata dumpeue Neujaga Ek Neuplihara bandum blah bicah", "Takheun hai keunoe bandum awaknyan % Nyang takheun Tuhan nyang bukon Allah ý Hana roh pangkai di jih meubacut Meu ube neukʻeut tan na jikeubah Sideh di langet got pih di bumoe Hana roh keunoe di jih nasabah Hana roe Tuhan jibantu le jih", "Chupheuʻat keu jih hana phaedah Han soe chupheuʻat lakee bak Tuhan Meulengkan ureueng nyang izin Allah Hingga ‘oh gadoh takot lam ate Jih jitanyong le peue Tuhan peugah Peue roe nyang Neukheun le Tuhan gata Jijaweub sigra beuna that leupah Keubit roe Tuhan Maha manyang that Maha Raya that hana ban peugah", "Takheun soe nyang bri raseuki gata Hingga jeut gata seunang sileupah Sideh di langet got pih di bumoe Takheun nyang bri nyoe cit sidroe Allah Teuma di kamoe deungon dum gata Roh lam bahgia tawa salah Roh lam peutunyok atawa sisat", "Takheun han sapat beuna ngon salah Hana geutanyong teuma bak gata Peue nyang Kamoe na meupubuet salah Teuma bak kamoe pih han geutanyong Buet gata bandum droe teuh nyang peuglah", "Takheun tanyoe dum Tuhan peusapat Neuhukom ligat tanyoe nyang salah Putusan Tuhan Maha beuna that Hana meusapat pih na meuilah Droeneuhnyan ahli peuputoh hukom Dumpeue that meuphom Neuteupue leupah", "Takheun peuleumah bak Lon awaknyan Nyang takheun Tuhan sajan ngon Allah Takheun charikat jihnyan ngon Tuhan Bandum atranyan narit nyang salah Tapi cit Tuhan Maha Perkasa Ngon bijaksana Neuh han ban peugah", "Teuma di Kamoe meukirem gata g Keu manusia taba risalah 8 Gata keuh Rasul keu bandum alam Tajakba peusan peurintah Allah Haba peusuka haba peutakot Soe nyang han turot akan geubalah Teutapi le that dum manusia Jiteupue hana peue nyang geupeugah", "Jikheun janjinyan pajan troh teuka Meunyoe bit gata beuna that leupah", "Takheun keu gata bandum na janji Han jeut peuakhe ‘oh troh jilangkah Han jeut peuawai han jeut peuakhe Hana sapeue le pih jeut tapeugah Han jeut meusiat pih tameutanggoh", "Di kaphe biyoh teuma jibantah Jikheun di kamoe han meu meuiman Got nyan Qur’an nyang gata peugah Got pih nyang laen dilee nibaknyan g Bandum atranyan sit kamoe bantah Sangkira taeu awak lalem nyan Watee Neuyue dong teuma le Allah Awak nyoe jikheun salah awak jeh Teuma awak jeh jikheun nyoe salah Nyang leumoh jikheun ubak keutua Adak kon gata kamoe han salah Teuntee dum kamoe ka meu meuiman", "Jiseuot yoh nyan awak nyang meugah j Bak awak leumoh jikheun peue kamoe s Nyang tham gata nyoe turot peurintah Bek roh peutunyok keunan keu gata ‘Oh troh bak gata geuba risalah Gata roe keudroe nyang pubuet dacha", "Nyang leumoh teuma jiseuot bagah g Tapi gata roe nyang padan kamoe Malam ngon uroe tajak peurintah Tapadan kamoe kaphe keu Tuhan Meupeugot Tuhan nyang bukon Allah Peugot charikat bandum keu Tuhan Lam ate jihnyan meunyeusai teulah Oh jieu azeub teulah jih kon le Kamoe boh rante teuma le bagah Bak takue kaphe rante meusangkot Kon ban laku buet meunan meubalah s", "‘Oh Kamoe kirem ureueng peuingat | Bak saboh teumpat nanggroe nyang luah Awak nyang mewah cit jikheun meuceh Han kamoe pateh peue nyang tapeugah Takheun droe rasul keunoe bak kamoee", "Jikheun lom kamoe ureueng nyang meugah Areuta meuh le aneuk pih meunan Bandum ancaman ek kamoe peuglah Kamoe nyoe bandum han keunong hukom", "Takheun Tuhanlon kuasa leupah i Neubri le atra soe nyang h‘eut Tuhan Nyang ladom cit tan cukop napakah Teutapi nyang le dum manusia Hana jikira kuasa Allah Hana jiteupue Tuhan kuasa", "Hareuta gata hana phaedah Kon roe areuta ngon aneuk gata Nyang peutoe gata keudeh bak Allah t Nyang toe ngon Kamoe soe nyang meuiman 8 Laen nibaknyan amai jroh leupah Ureueng nyan teuma balah meuganda Sabab usaha masa nyang sudah Aman ureueng nyan sideh meuteuntee Lam juree-juree churuga indah", "Teuma nyang bantah dum ayat Kamoe Jisangka keudroe teuga sileupah Keudeh lam azeub bandum jih geuron", "Takheun Tuhanlon kuasa leupah 5 Soe nyang h‘ʻeut Tuhan Neubri areuta Keu ladom hamba raseuki muda Nyang ladom Neubri ube sikada Kadang cit hana meu sep napakah Teuma meu tabri areuta gata Got keu beulanja zakeuet seudeukah Neugantoe laen teuma le Tuhan Keubit roe Tuhan Maha Pemurah Sineujroh ureueng nyang bri raseuki Tuhanku Rabbi geumaseh leupah", "Uroenyan bandum jih geupeusapat Bak malaikat Neukheun le Allah Peue nyoe awaknyoe nyang seumah gata", "Geujaweub sigra wahe ya Allah Maha suci Droeneuh wali kamoe Bandum awaknyoe raya that salah Tapi di kamoe kon jih keu rakan Jen deungon chetan di jih jiseumah Jiiman keu jen nyang le awaknyan", "Uroenyoe keuh trang hana phaedah Hana munaphaʻat got pih meularat A Bandum nyan meuhat han ek jiilah H Ubak soe lalem Kamoe kheun ligat Rasa treu azeub nuraka juah Han ka pateh na dilee nuraka", "Watee geubaca dum ayat Allah í ‘Oh geukheun bak jih dum ayat Kamoe £ Bah trang su le jih jikheun beurakah J% Kon na peue laen napsu ureueng nyoe Js Jitham gata nyoe taseutot ayah 3 Peue nyang geuseumah le yah-yah gata Buet sia-sia jikheun nyan salah Jikheun kon laen atranyoe teuma Jipeuna-peuna sulet that leupah Jikheun le kaphe ‘oh troh nyang beuna Bak jihnyan teuka geuba risalah Atranyoe sihe roe kon peue laen Nyata takalon hana meuilah", "Di Kamoe hana meukirem kitab ý Keu jihnyan meuhat masa nyang sudah Mangat jibaca ngon jimeureunoe Gohlom di Kamoe meuyue jak peugah Hana meukirem sigohlom gata Ureueng nyang jakba keu jih peurintah", "Awak nyang dilee nibak awaknyoe Jikheun sit meunoe sulet sileupah Teuma keu jih nyoe hana Kamoe boh Meu bahgi siploh pih tan meukeubah Nibak nyang dilee nyang ka Kamoe bri Sulet cit lagi bandum jipeugah Jipeugah sulet dum Rasul Kamoe Rasa treuk jinoe azeub sileupah Pakriban saket azeub Lon keu jih", "Takheun leh bak jih jinoe tapeugah Saboh hai mantong Lon bri nasehat Tadong tahadap keudeh bak Allah Got dua-dua teuh got sidroe-droe Tapike jinoe peue nyang peurintah Rakan geutanyoe keubit kon gila Tapi geujakba peurintah Allah Keu bandum gata geujak peuingat Azeub saket that hana ban peugah Azeub nyang brat that keu gata dudoe", "Takheun hana roe lon lakee upah Upah tapubuet cit keu droe gata Upah lon teuma sideh bak Allah Teuma sit Tuhan bandum Neuteupue Neukalon dumpeue hana meuilllah", "Takheun Tuhanlon Neujok nyang beuna Neuteupue teuma peue nyang tan leumah Peue-peue nyang gaeb bandum Neuteupue", "Takheun nyang bateu sit gadoh bagah € Ka troh nyang beuna gadoh nyang bateu Meuhat nyang bateu han le meurimbah Han le jipuphon han le jigisa", "Takheun sangkira adak lon salah Adak lon sisat droelon meularat Peutunyok meuhat nyan wahi Allah Sabab na wahi sideh bak Po lon Neutunyok treuk lon bek roh lam salah Dumpeue Neudeungo teuma di Tuhan Lom pih Droeneuhnyan sit toe sileupah", "Adak nyang taeu watee teukeujeut i Jih that teumakot hana ban peugah ' Teuma geucok jih bak teumpat nyang toe Geuazeub jih nyoe hana soe peuglah", "Jikheun treuk teuma kamoe meuiman N Pakri troh jihnyan jioh sileupah z", "Di jih jikaphe yoh dilee ka trep Hai-hai nyang gaeb pih jijak peugah Jieu hai gaeb bak teumpat jioh Pane keuh ek troh ban nyang jih peugah", "Peue nyang napsu jih han Tuhan peutroh Sabab ka Neuboh binteh keu batah Lage rakan jih nyang awai dilee Nyang saban lagee sit tukang bantah Lagee jih meunan cit geupeulaku Sabab jih ragu sabe chok leupah"] }, { "chapter": 35, "versesCount": 45, "verses": ["Pujoe keu Tuhan nyang cipta langet ; 1 Bumoe pih meuhat ciptaan Allah Droeneuh nyang peujeut dum malaikat Keu rasul meuhat jakba peurintah G Neupeujeut sayeup dum malaikat Nyang ladom meuhat sayeup dua blah Nyang ladom teuma na lhee boh sayeup Nyang ladom cit peut Neubri le Allah 7 Jeut Neupeuleubeh ban nyang h‘eut Tuhan Sabab sit Tuhan kuasa leupah A Ateuh barangsoe Tuhan kuasa", "Rahmat Neubuka ban nyang hʻeut Allah Meu ka Neubuka dum rahmat Tuhan Han soe keumeung tham got pih jibantah Keu soe nyang Neutop han Neubri rahmat Hana seumangat soe keumeung peuhah Keubit roe Tuhan Maha Perkasa Ngon bijaksana Neuh han ban peugah", "Hai manusia dum beu taingat Tuhan bri nikmat keu gata sudah ! Peue ek na Khalek nyang peujeut alam À Nyang bukon Tuhan nyang carong leupah Nyang bri raseuki keu gata dumnyoe Di langet bumoe raseuki mudah Tan laen Tuhan nyang kon Droeneuhnyan Pakon cit meunan tapaleng arah Pakon han tatem peue nyang yue Tuhan", "Keu gata jikheun pih sulet leupah Meunyo sit jikheun sulet keu gata Yoh dilee masa cit ka jipeugah Ka jikheun sulet Rasul dum dilee Bandum nyan teuntee pulang bak Allah Bandum urusan meuwoe bak Tuhan", "Wahe dum insan deugo Lon peugah Nyang janji Tuhan leupah that beuna Teuma bek gata dum ek jiilah Jitipee gata ngon udep donya Chetan pih teuka jiboh seunamah Jitipee gata bak jalan Tuhan Peurangei chetan sit hana ubah", "Keubit roe chetan musoh keu gata Teuma bek gata ek roh meusalah Beu tacok jihnyan keu musoh gata Mangat bek jiba lam apui mirah Jimita rakan dum jikeumeung ba Dalam nuraka nyang tutong leupah Mangat na ngonjih asoe nuraka", "Si kaphe teuma ek jipeurintah Si kaphe bandum jipate chetan Teuma keu jihnyan azeub that leupah Ureueng meuiman lom geupubuet got Ampon Hadharat peue-peue nyang salah Pahla nyang raya lom keu ureueng nyan", "Ek saban gopnyan ngon awak salah Amai jih nyang brok jiyakin got that Saba jikheun got le chetan colah Soe nyang h‘eut Tuhan sit Neupeusisat Soe nyang Neuhajat Neubri hidayah Teuma bek gata takeumeung poh droe Sabab that seungkoe ate teuh susah Sabab awaknyan han jimeuiman Teuma di Tuhan Neuteupue sudah Peue nyang jipeugot bandum Neuteupue Hana meusapeue pih na meuilah", "Tuhan keueh sidroc nyang kirem angen Jiparoh awan treuk le jih bagah Kamoe yue jijak bak nanggroe mate Jiba keunan le ie dum jiruwah Tanoh mate nyan Kamoe peuudep Meunan keuh bangket leupah that mudah", "Barangsoe napsu jih keu mulia Bandum mulia sit milek Allah Ka leumah nyang got jiek bak Tuhan Amai pih meunan nyang hana salah Amai nyang saleh Tuhan peumanyang Nyang jeuheut yohnyan azeub that leupah Awak nyang padan ubak buet jeuheut Anco dum meuhat peue nyang jiulah", "Tuhan Neupeujeut gata bak tanoh i ‘Oh Iheuhnyan singoh bak ie siceucah Bak ie sititek sinan Neujadi 4 Lakoe isteri seunang ngon susah k Hingga jeut gata meupasang-pasang Mume nyang inong teuma le bagah Aneuk nyang lahe nibak nyang inong Bandum di Tuhan Neuteupue sudah Nyang panyang umu nyang paneuk umu Uleh Tuhanku ka lheuh Neukeubah Ka Iheuh Neutuleh di dalam kitab Ubak Hadharat leupah that mudah", "Dua boh laot nyang hana saban Saboh ie sinan tabeue puleh grah Mangat that tajep leupie lam reukueng Saboh treuk bulueng masen that leupah i Teuma tapajoh bak dua laot Pajoh sie eungkot udep ngon basah Tajak kuet sinan lom perhiasan Tangui pakaian meutamah indah Takalon kapai lom jijak sinan Taek le keunan mita napakah Jeut tajak mita karonya Tuhan Chuko keu Tuhan teuma le bagah", "Tuhan peutamong malam lam uroe Meunan pih uroe lam malam sudah , Lom mata uroe Neubri ngon buleuen Keu gata bandum peungeh sileupah Masa buleuen jak ngon mata uroe Meugantoe-gantoe hana meuubah Atranyan bandum buet Tuhan gata Keurajeun raya sit milek Allah Nyang takheun Tuhan laen di gata Meu sapeu hana di jih jikeubah Ube lhok seukeuem tan na milek jih", "Oh tameuhoi jih pih seungap leupah Dum ek tameuhoi han deuh jideungo s Adak jideungo han jeut jipeugah J Peue nyang tatanyong han jeut jijaweub Uroe kiamat droe jih jipeugah Jipeugah keu jih charikat gata Nyang khcun bak gata meuhat sit Allah Hana nyang teupue nyang lagee Tuhan Teuma di Tuhan maklum that leupah", "Hai manusia dum beu taingat Gata meuhajat sabe keu Allah Tuhan nyang kaya nyang hak tapujoe", "Meunyoe h'eut Neuh nyoe gata Neukeubah Neukeubah gata keudeh ho laen Neugantoe laen teuma le bagah Teuma Neugantoe makheuluk laen", "Nyang nyan bak Tuhan leupah that mudah Hana pueh sagai meunyoe bak Tuhan", "Nyang brat me beuban ureueng nyang salah Soe nyang meudacha han jeut jitanggong Dacha gop lacn nyang pubuet salah Meunyoe jilakee le si meundacha Neubantu hamba nyoe brat sileupah Hana soe bantu jak me meusiat i Bahle keurabat nyang toe that leupah 3 Di gata teuma nyang tapeuingat Ureueng nyang teupat takot keu Allah Beuthat beu Tuhan hana geukalon Pubuet seumbahyang han tom geukeubah Ureueng peugleh droe deungon ibadat Keudroe geuh meuhat meuwoe phaedah Bandum teuh tawoe keudeh bak Tuhan", "Teuma han saban ureueng nyang salah Ureueng nyang buta ngon nyang trang mata Teuntee hana sa han peue tapeugah", "Lagee han saban seupot ngon cahya", "Reului pih han sa ngon tutong leupah", "Ureueng nyang udep ngon ureueng mate Han saban cit le nyawong ka sudah Neubri deuh deungo soe nyang h‘eut Tuhan Kuasa Tuhan hana ban peugah Di gata han ek tapeudeuh deungo Ureueng lam kubu ka mate sudah", "Gata kon laen meu tapeuingat", "Haba beuna that taba risalah Meukirem gata deungon sibeuna Haba peusuka mangat tapeugah Haba peutakot pih tapeuingat Mangat bek umat jipubuet salah Hana tom sunyi ureueng peuingat Bak bandum umat haba geupeugah", "Meunyoe jipeugah sulet keu gata Dilee kon cit ka meunan jipeugah ‘Oh ban troh Rasul bak ureueng dilee Meunan cit lagee jipeugot ulah Ayat ngon Zabur bak jih geujakba Kitab nyang nyata sinan peurintah", "Lheuhnyan Lon hukom bandum si kaphe Pakri nyan akhe keu jih Lon balah", "Peue hana taeu pakri buet Tuhan ! Neupeutren ujeun di langet luah 7 Teuma boh kayee macam wareuna ; Teubiet le sigra takalon indah o Tanaman ijo kayee pih meuboh Gunong dum teugoh harok teuh leupah Macam wareuna taeu di gunong Gareh nyang panyang puteh ngon mirah Nyang ladom itam takalon rupa", "Dum manusia pih hana ubah i Binatang pih le macam wareuna 4 Teurnak pih sama puteh got mirah Nyang yo keu Tuhan dum hamba Tuhan Nyang teupue Tuhan kuasa leupah Nyan keuh ulama nyang le ‘eleumee Teumakot teuntee gopnyan keu Allah Maha Perkasa cit sidroe Tuhan Maha Pengampon keu ureueng salah", "Ureueng nyang baca nyan kitab Tuhan í Lom jiseumbahyang jibri napakah Zakeuet seudeukah dalam rahsia Got lahe nyata takalon leumah Nyan ureueng meukat nyang han tom rugoe", "Laba meukatoe Tuhan Neubalah Pahla raya that akan ureueng nyan Karonya Tuhan Neutamah-tamah Maha Pengampon Neuchuko pih that Uleh Hadharat nyang Maha Murah", "Nyang Kamoe wahi kitab keu gata Nyan keuh nyang beuna nyang hana salah Geupeubeuna lom kitab nyang dilee Asoe jih teuntee hana meuubah Tuhan Neumaklum bandum buet hamba Neukalon nyata hana meuilah", "Dudoe Kamoe bri kitab nyan teuma ọ Jeut keu pusaka ureueng nyang ceudah Keu hamba Kamoe nyang Kamoe pileh g Nyang jitem pateh akan peurintah $ Teuma nyang ladom jielanya droe Han jitem pakoe nyang Kamoe peugah Le dum jipubuet ube sikada Ube kuasa Neubri le Allah Le dum meulet-let bak keubajikan Ngon izin Tuhan galak jih leupah Nyan keuh karonya nyang raya that-that", "Churuga teumpat Neubri le Allah Bandum geutamong dalam churuga Meuh ngon mutiara pakaian indah Ngon gleung bak jaroe meukilat cahya Pakaian sutra haloh that leupah", "Geukheun dum pujoe meuwoe keu Tuhan Kamoe that seunang hana le susah Maha Pengampon Neuchuko pih that Uleh Hadharat nyang Maha Murah Ka Neupeugadoh susah bak kamoe", "Neupeuduek kamoe bak teumpat indah Bak teumpat keukai Neupeuduek kamoe Karonya Neuh nyoe raya that leupah Hek meuh hana le susah pih tan le", "Teuma si kaphe brat that Neubalah Dalam nuraka teumpat jih sinan Mate jih pih han azeub that leupah Hana geupeuphui azeub nyan keu jih Meularat that jih hana ban peugah Meunan keuh azeub keu jih dum sabe Keu soe nyang kaphe dum Kamoe balah", "Jigeumecek dum wahe Po kamoe Bek le di sinoe kamoe Neukeubah Neubri meuteubiet kamoe di sinoe Han le di kamoe meupubuet salah Meupubuet amai teuma nyang got that Umu panyang that kamoe bri keu kah Cukop jiingat soe nyang tem ingat Watee panyang that meu jitem papah Lom ka troh Rasul geujak peuingat Rasa treuk azeub jinoe brat leupah Ureueng nyang lalem hana soe tulong Han ek jitulong jilawan Allah", "Bandum nyang gaeb Tuhan Neuteupue Langet ngon bumoe bandum sit teuhah Neuteupue bandum peue nyang lam dada", "Neupeujeut gata dum keu khaliphah Gata khaliphah di dalam bumoe Nyang kaphe keu droe jipreh-preh balah : Maken meutamah inkar si kaphe Maken le sabe muruka Allah Meutamah rugoe keu jih sit sabe Sabab jikaphe lawan peurintah", "Takheun na taeu charikat teuh nyan Nyang takheun Tuhan nyang bukon Allah Peuleumah bak Lon peue na jipeujeut Peue nyang jih peugot bak bumoe Allah Atawa na jih roh meucharikat Bak peugot langet lagee nyoe luah Atawa na jih Kamoe bri kitab Mangat jiyupat peue nyang jipeugah Mangat jiteupue dum keuterangan Tapi jih dum nyan keubit ka salah Awak lalem nyan jipeugah janji Atra jitaki kon ban jipeugah Sabe keudroe-droe jih jiteumaki", "Tuhanku Rabbi kuasa leupah Neupeudong bek rhet langet ngon bumoe # Hana barangsoe nyang ek peurintah t Teuma meunyoe rhet langet ngon bumoe Hana meusidroe ek peudong bagah Keubit roe Tuhan leupah that halim Maha Pengampon keu ureueng salah", "Ka jimeusumpah dum demi Tuhan Jikheun sumpah nyan kon keubeurakah Meunyoe troh bak jih ureueng peuingat Jisambot ligat meunan jipeugah Jisambot leubeh nibak barangsoe Leubeh keu jih nyoe Neubri hidayah Teuma ‘oh ban troh ureueng peuingat Hana teuingat jih le keu sumpah Tapi meutamah ate jih batat Maken jioh that jih deungon Allah", "Teukabo jih that jipeurayok droe Di dalam bumoe jih nyang peurintah : r Jitipee dum gop jiyue buet jeuheut : Teuma akhe buet keudroe jih balah i Akibat jeuheut kon keu gop laen Ka meunan lazem Neubri le Allah Nyan sunnah Tuhan keu ureueng dilee Di jih pih teuntee lagee nyan sudah Hana peue jipreh teuka nyang laen Nyan sunnah Tuhan han ek taubah Nyang sunnah Tuhan han ek tagantoe", "Pakon jih dum roe han jimeulangkah Pakon han jijak dum dalam bumoe Jikalon bagoe balasan Allah Ureueng nyang dilee nyang leupah teuga Bandum jirasa akibat salah Peue nyang di langet di bumoe saban Han ek jilawan peurintah Allah Dumpeue Neuteupue teuma di Tuhan Lagi pih Tuhan kuasa leupah", "Sangkira Tuhan Neuhukom insan Ban nyang ukuran jipubuet salah Meuhat ka abeh Neupeubinasa Peue nyang meulata hana Neukeubah Insan meulata ateuh rueng bumoe Abeh sinan roe anco dum bicah Tapi di Tuhan ka Neubri tanggoh Ajai gohlom troh jipiyih payah Meu ka troh ajai hana tanggoh le Tuhan that ade Neukalon sudah Tuhan Neukalon bandum buet hamba Neueu dum nyata hana meuilah"] }, { "chapter": 36, "versesCount": 83, "verses": ["Yasin Tuhan nyang teupue meukeusud ayat Sabab Hadharat hana geupeugah", "Demi Qur'an nyang le hikeumat", "Gata Muhammad bit Rasul Allah", "Neupeutron ateuh jalan nyang teupat", "Uleh Hadharat Meugah ngon Murah", "Mangat tapeutron bak bandum umat Haba peuingat takot keu Allah Yah-yah jih dilee ka geupeuingat Lale dum sisat gadoh sileupah", "Ka kada keubit nibak Hadharat Awaknyan le that iman ka salah Han jimeuiman akan Hadharat Meunan ka teutap Neubri le Allah", "Kamoe boh rante bak takue meuhat Keudeh meuikat bak kudok leupah", "Di keu di likot Kamoe top rapat Han deuh jilihat sapeue tan leumah", "Teuma di kaphe meunyo ka sisat Tabri nasehat hana phaedah i Han tapeuingat got tapeuingat Di jih cit sisat iman ka salah", "Kon macam jihnyan nyang tapeuingat Teutapi umat nyang ikot Allah Umat nyang pateh uroe kiamat Akan Hadharat teumakot leupah Haba gembira keu jihnyan meuhat Ampon Hadharat pahla Neubalah", "Ureueng nyang mate Kamoe peuudep Watee Neubangket bandum le Allah Amai jih dilee yoh masa hayat Bandum meusurat beuna ngon salah Peue nyang jipubuet bandum meusurat Meuboh lam kitab nyata sileupah", "Tapeugot miseu wahe Muhammad ¿ Jeut keu ibarat sinan tapeugah Bak saboh nanggroe na saboh umat Rasul Hadharat keunan geulangkah", "Dua droe teuka rasul Hadharat Teuma di umat sulet jipeugah Hingga Neukirem uleh Hadharat Nyang keu lIhee meuhat utusan Allah Teuma geupeugah ubak dum umat Kamoe nyoe meuhat nyoe rasul Allah", "Umat dum jaweub gata sulet that Hana Hadharat kirem peurintah Kamoe pih insan gata pih basyar Tanyoe saban that hana meuubah", "Rasul dum jaweub geukheun bak umat Tuhan Hadharat teupue peurintah Kamoe bit rasul nibak Hadharat Hana bak teumpat haba beurakah", "Di kamoe sagai meupeutroh siat", "Jijaweub ligat gata nyang salah Ngon sabab gata kamoe meularat Tapiyoh ligat bek le tapeugah Meu han tapiyoh meupoh ngon tungkat Gata meularat azeub sileupah", "Jaweub dum rasul kamoe kon sisat Droe gata meuhat nyang hana tuah Han tatem pateh kamoe peuingat Gata nyang batat tulak peurintah", "Na sidroe ureueng troh keunan ligat Nanggroe jioh that sideh geulangkah Ubak kawomnyan geubri nasehat Ikot hai sahbat kheun Rasulullah", "(Pateh hai rakan ureueng nyoe teupat Hana meuhajat geutueng phaedah JUZ 23) Geujak peutunyok ureueng nyang sisat Hana geuhajat meubacut upah", "Pakon han di lon ulon ibadat Lon seumah meuhat sit sidroe Allah Tuhan peujeut lon deungon lat-batat Tawoe dum meuhat dudoe bak Allah", "Keu peue lon seumah tuhan charikat Lonjak ibadat bak nyang kon Allah Meunyo lon susah kheundak Hadharat Tuhan charikat han ek jiilah Han ek jilakee peulheuh lon siat Meunyo meularat han ek jipeuglah", "Meunyo lon pateh tuhan charikat Teuntee lon sisat nyata sileupah", "Di lon meuiman akan Hadharat Deungo hai sahbat peue nyang lon peugah", "Ureueng nyan teuma balah Hadharat Churuga meuhat tamong beu bagah Watee nyan geukheun teuma sayang that Kawom lon batat sayang that leupah Adak jiteupue balah Hadharat", "Neuampon ligat keu lon dum salah Neupeumulia keu lon lom that-that", "Kawom geuh teutap jipubuet salah 3 Di likot gopnyan hana peue le that Uleh Hadharat teuntra Neuyue krah Hana Neukirem dum malaikat Nėéuyue prang rakyat nyang pubuet salah", "Cukop ngon deumpek sigoe nyang that-that Bandum jih teupat nyawong meusiblah", "Sayang takalon nasib dum rakyat Rasul Hadharat jikheun beurakah Jiulok-ulok jikheun sulet that", "Hana jilihat nyang ka Neubalah Peue hana jieu padum le umat Sabab khianat dilee keu Allah Bandum binasa hana seulamat Hana woe meuhat bandum ka leupah", "Umat nyan bandum keudeh meusapat Ukeu Hadharat Neumeung bri balah", "Lom saboh tanda kuasa Neuh that Tuhan Hadharat kuasa leupah Tanoh nyang mate udep le siat Timoh le ligat kayee nyang ceudah Jimeuboh kayee rasa jih lazat Tapajoh ligat mangat sileupah", "Timoh di lampoh kurma ngon inab Babah han seungap tapajoh bagah Teupanca ngon krueng ie jeureuengeh that", "Tapajoh ligat peue nyang na mudah Pajoh boh kayee peugot bu lukat Chuko le ligat keu nikmat Allah Pakon di kaphe hana jiingat Hana meu siat chuko keu Allah", "Tuhanku sidroe Maha Suci that i Timoh lat-batat takalon indah Inong ngon agam meujudo meuhat Saban ngon rakyat dum hamba Allah Bandum meujudo han ek tatupat Tuhan Hadharat bandum Neuulah", "Teuma saboh treuk tanda raya that Kuasa meuhat sidroe Potallah Malam ngon uroe gantoe siat-at ‘Oh Iheuh trang that-that seupot sileupah", "Mata uroe jak sabe bak teumpat Hana meu siat meusireuk langkah Meunan Neukada uleh Hadharat Tuhan meugah that ‘eleumee luah", "Buleuen di langet phon-phon ubit that Teuma deuh bulat malam limong blah Dudoe meugisa ubit lom meuhat Sang mata sadeup hu meujeureulah", "Buleuen ngon uroe han tom meusapat Tuhan Hadharat sit Neupeusiblah 3 Han tom meureumpok bak saboh teumpat Na jalan teupat meusiblah-siblah", "Saboh tanda treuk teuga Hadharat Kapai nyang sarat lam laot luah Aneuk ngon cuco soe meu neurangkat Lam kapai ligat jitamong bagah", "Laen nibak nyan keundraan di darat Han ek tahisab macam le leupah", "Meunyo Neukheundak uleh Hadharat Kapai nyan siat anco ngon bicah Ureueng dum karam tulong han sapat", "Meu kon Hadharat hana soe peuglah Meulengkan meu na Kamoe bri rahmat Seulamat siat han mate bagah", "‘Oh Rasul peugah ubak dum umat Beuthat taingat kuasa Allah Kawom nyang dilee hana seulamat Dudoe pih meuhat hana meuubah Bandum atranyoe meu tatem ingat Keu gata rahmat Neubri le Allah", "Sayang takalon teuma dum umat ‘Oh teuka ayat tron nibak Allah Muka ho laen jipaleng ligat", "Lom geupeuingat teuma geupeugah Raseukiteuh le Tuhan bri meuhat Ureueng meularat tabri seudeukah Teuma jijaweub le kaphe sisat k Jikheun bak umat iman keu Allah Ureueng nyan meunan kada Hadharat Hana meuhajat di jih napakah Meunyoe Neumeu jok uleh Hadharat Kon Neubri ligat peue nyang jeut susah Keubit nyoe gata nyata that sisat", "Jikheun lom meuhat kaphe seurakah Janjiteuh nyang nyoe pajan taintat Meunyoe beuna that gata tapeugah", "Hana peue jipreh hukom Hadharat Sit troh le siat kon trep sileupah Sigo geudeumpek le malaikat Abeh dum teupat teungeh meubantah", "Hana meuteumee wasiet meusiat Sabab Hadharat ka Neupeurintah Hana le jiwoe ubak keurabat Tinggai dum meuhat hana peue peugah", "Geuyup beuragoe le malaikat f Bandum jih meuhat beudoh le bagah Bandum geubangket ngon badan bulat Geuyue meuhadap keudeh bak Allah", "Watee nyan jikheun le kaphe sisat Ceulaka that-that tanyoe sileupah Soe nyang peubangket tanyoe bak teumpat Teuntee Hadharat nyang Maha Murah Janji uroejeh ka teuka meuhat Rasul beuna that ban nyang geupeugah", "Sigo geudeumpek le malaikat Bandum meusapat keudeh bak Allah", "Uroe nyoe nyata Tuhan ade that Ban laku adat bandum Neubalah Hana elanya meu sidroe rakyat Amai dum meuhat keudroe jipeugah", "Asoe churuga jinoe seunang that Geuduek ngon sahbat meupeugah-peugah", "Budiyadari sajan meusapat Ngon judo meuhat bineh peuratah Di yup bak kayee nyang reului that-that Meusadeu ligat seunang sileupah", "Pajoh boh kayee nyang lazat-lazat Lom peue nyang hajat cit troh le bagah", "Seulamat datang Neukheun le ligat Uleh Hadharat nyang Maha Murah", "Teuma di kaphe suroh Hadharat Beumeukleh teumpat uroenyoe di kah", "Hai aneuk adam deunge dum beuthat i Dilee ka meuhat janji lon peugah Bek roh taseumah chetan nyang sisat Musoh raya that nyata sileupah", "Tapi taseumah Ulon Hadharat Jalan nyang teupat hana meuilah", "Hana tapike padumna rakyat Nyang ka lam sisat Neubri le Allah", "Nyoe keuh nuraka di kah keu teumpat Janji Hadharat ka lheuh Neupeugah", "Jak tamong laju hai kaphe sisat Nuraka meuhat uroenyoe di kah", "Uroenyoe babah ka teutop rapat Hana meusiat pih jeut jipeuhah Jaroe ngon gaki jimarit ligat Kamoe jak intat ubak buet salah Peue nyang jipubuet yoh masa hayat Bandum ban teupat anggota peugah", "Meunyoe Neukheundak uleh Hadharat Buta le siat mata nyang ceudah Han deuh jikalon jalan nyang teupat Pakri jilihat beuna ngon salah", "Meu Kamoe kheundak keumeung peusisat Rupajih meuhat meubalek bagah Hana jituho timu ngon barat Teudong bak teumpat han meubot langkah Hajat jimeuwoe rot hana meupat Jalan ka sisat ka roh nyang salah", "Hana jipike teuma di umat Umu panyang that tuha sileupah Meu ka that tuha akai ka singkat Meuwoe manyak that akai ka reundah", "Jikheun keu Nabi panton neusurat Padahai ayat nyang tron bak Allah Han patot Nabi meupanton meuhat Haba peuingat Qur'an neupeugah", "Ureueng nyang udep neuyue peuingat Saket ngon mangat beuna ngon salah Teuma soe kaphe ka putoh meuhat Nuraka teumpat hana meuubah", "Peue hana jieu binatang le that Uleh Hadharat Neupeujeut mudah Binatang ternak jitheun taikat", "Jipubuet ligat peue tapeurintah Ladom tagiduek ladom taikat Nyang ladom meuhat meʻue di sawah Ladom tapajoh sie jih mangat that", "Munaphaʻat le that raya phaedah Susu jih tajep rasa jih lazat Peu sit han umat chuko keu Allah", "Teuma di kaphe tuhan jih le that Buken Hadharat nyang Maha Murah Jipike sang ek tulong meularat Sabab ka le that tuhan jipeugah", "Han ek jitulong jihnyan dum meuhat Beuthat bak kasad teuntra jikeubah Jipike nyan keuh teuntra jih meuhat Peuglah meularat jih watee susah", "Bek jeut keu gundah gata jiupat Narit jih meuhat hana meubeukah Rahsia jih dum Kamoe teupue that Nyang lahe meuhat leubeh lom mudah", "Peue manusia hana jilihat 1 Tuhan Hadharat kuasa leupah Kamoe peujeut jih bak ie bacut that Pakon jeut sisat lawan peurintah", "Jikheun keu Kamoe na meucharikat Hana jilihat tubohjih indah Teuma jitanyeng bak gata ligat Sang hana teupat narit tapeugah Tuleung ka anco di dalam jeurat Udep le siat mustahe leupah", "Takheun ubakjih buet nyan mudah that Uleh Hadharat ka Neupeuleumah Ka lheuh Neupeujeut dilee jih meuhat Peuudep siat leubeh that mudah Tuhan Neuteupue bandum lat-batat Hana peue sasat ‘eleumee Allah", "Tuhan nyang peujeut kayee ijo that Meuie bak urat takalon basah Teutapi apui sinan jeut meuhat Kayee udep that tutong le bagah Peuudep apui hu jih le ligat Kheundak Hadharat bah kayee basah", "Tuhan nyang peujeut bandum lat-batat Kuasa that-that hana peue peugah Langet ngon bumoe Neupeujeut siat Nyang laen meuhat peue han ek mudah Neupeujeut jih dum kon buet mangat that Tuhan Hadharat ‘eleumee luah", "Watee Neukheundak uleh Hadharat Barangpeue hajat Neumeung peurintah Neukheun jeut di kah jinoe le ligat Ase le siat hana meupayah", "Tuhanku sidroe Maha Suci that Bandum lat-batat lam jaroe Allah Barangpeue kheundak ase le siat Tanyoe pih meuhat tawoe bak Allah"] }, { "chapter": 37, "versesCount": 182, "verses": ["Demi dum nyang dong meubanja-banja", "Nyang dhot dum hamba su raya leupah", "Demi nyang baca dum ayat Tuhan", "Keubit roe Tuhan cit sidroe Allah Tuhan gata dum Droeneuhnyan sidroe", "Langet ngon bumoe sit milek Allah Langet ngon bumoe ngon bandum asoe Tuhanku sidroe nyang Po peurintah Teumpat jiteubiet dum mata uroe Bandum sinaroe sit milek Allah", "Keubit di Kamoe meupeungui langet Bintang meubl‘et-blʻet hu meujeureulah Bak langet nyang toe leumah dum bintang", "Ngon jaga chetan bek troh jilangkah", "Bek jijak deunge bak alam manyang Geurhom jih yohnyan hana pat balah Ban siseulingka jihnyan dum geurhom", "Meuteugom-teugom azeub jih leupah", "Meulengkan nyang na jiteumee sama Meteor teuma keu jih geukeubah Bintang meuiku ngon geulet jihnyan", "Teuma bak jihnyan jinoe tapeugah Tatanyong bak jih soe leubeh hebat Nyang Kamoe peujeut masa nyang sudah Peue na leubeh jih nibak awak jeh Meupeujeut dum jih bak tanoh basah Bak tanoh leukiet asai jih bandum", "Tapi jeut hireun teuh ‘oh jipeugah ‘Oh jipeueleh teuh jipeuluwat", "‘Oh tapeuingat jikheun beurakah Bandum di jih han jeut keu peuingat", "‘Oh jieu ayat jikhem meuhah-hah", "Jikheun atranyoe sihe nyata that", "Tanyoe ka teupat udep geupeugah Tanyoe ka mate ka jeut keu tanoh Tuleung ngon tanoh meusapat sudah Ek geubangket lom teuma geutanyoe", "Ngon yah-yah tanyoe nyang ka trep leupah", "Takheun nyoe keubit gata watee nyoe Hina sapeue tan pih jeut tapeugah", "Sigo geudeumpek sagai watee nyan Jikalon yoh nyan hebat sileupah", "Jikheun ceulaka bandum gata nyoe Ka troh uroenyoe teurimong balah", "Nyoe keuh uroenyoe peuputoh hukom Nyang dilee takheun sulet sileupah", "Peusapat bandum awak lalem nyan Peurumoh jihnyan pih bek takeubah Peusapat ngon jih bandum di sinan Ngon tuhan jihnyan dum nyang jiseumah", "Nyang bukon Allah di jih keu tuhan Yue jak jih rijang lam apui mirah Peuleumah jalan jak lam nuraka Di jih that hawa keunan jilangkah", "Yue piyoh dilee mangat geutanyong", "Hana soe tulong lagoe dum di kah Pakon han kaba ureueng nyang tulong", "Tapi jih bandum ka jimeunyerah Seumateh jih that bandum uroe nyoe", "Sabe keudroe-droe peusalah-salah", "Jikheun gata roe nyang padan kamoe Ret uneun kamoe tadong tapeugah", "Seuot keupala sit droe teuh meunan Han tameuiman keu Rasul Allah", "Hana kuasa kamoe keu gata Sit droeteuh gata nyang pubuet salah Droe gata bandum nyang darohaka", "Teuma jinoe ka putusan Allah Bandum geutanyoe jinoe tarasa Hana le daya droeteuh tapeuglah", "Kamoe peusisat takheun dum gata Di kamoe sit ka sisat sileupah", "Bandum awaknyan teuma lam azeub Sinan meusapat hana soe peuglah", "Meunan keuh Kamoe meubri alasan Keu soe nyang meunan jipubuet salah", "‘Oh watee geukheun ubak awaknyan Tan laen Tuhan meulengkan Allah Di jih teukabo jipeurayok droe", "Jikheun peue kamoe meubalek ulah Meukeubah keudeh dum tuhan kamoe Sabab soe jih nyoe nyang poh beurakah Jeut jimeupanton ngon pungo gila", "Tapi geujakba bak jih peurintah Peurintah Tuhan nyang bit that beuna Lom geupeubeuna Rasul nyang sudah Rasul nyang dilee bandum sit beuna", "Teuma dum gata azeub that leupah Azeub peudeh that jinoe tarasa", "Ban nyang keurija teuh meunan balah", "Meulengkan ureueng nyang hamba Tuhan Buet keubajikan deungon ikheulah", "Ureueng nyan bandum ka na raseuki Maklum sendiri ka Tuhan keubah", "Padum boh kayee dum keu ureueng nyan Lom penghormatan Neubri le Allah", "Dalam churuga nyang le that nikmat", "Meuhadap-hadap ateuh peuratah", "Geuidang ngon glah dum keu ureueng nyan Asoe minuman jeureuengeh leupah", "Wareuna puteh ie jeureuengeh that Rasa jih lazat tajep puleh grah", "Hana dalam ie nyang jeut keu mumang Mabok teuh pih han teunang sileupah", "Budiyadari dum di geunireng Hana nyang mireng mata cit indah", "Lagee boh manok tatroh tasimpan", "Teuma ureueng nyan meupeugah-peugah", "Nyang sidroe geukheun di lon na rakan", "Jikheun gata nyan karoh meusalah Keu peue tapateh nyang jipeugah nyoe", "‘Oh mate tanyoe ka abeh sudah Ka jeut keu tanoh bandum geutanyoe Tuleung ka cre-bre ka bicah-bicah Ek na lom balah geubri keu tanyoe", "Geukheun boh jinoe tajak ziarah Neutem jak kalon awaknyan jinoe", "Geujak treuk keunoe geukalon ulah Geueu treuk jih ka dalam nuraka", "Geukheun treuk sigra demi nyoe Allah Karap tapeubloh lon sajan gata", "Adak sangkira kon nikmat Allah Adak kon Neubri nikmat le Po lon Ka keuh roh lon lon lam apui mirah", "Peue teuma tanyoe han mate teuh le", "‘Oh lheuh phon mate dilee ka sudah Han geubri azeub le keu geutanyoe", "Keubit atranyoe bahgia leupah Nyoe keumenangan nyang raya that-that", "Adak jeut umat jipubuet salah Lagee nyoe bandum beu jitem pubuet Le soe nyang pubuet mangat meutuah", "Soe got nyan teuma ngon kayee zaqum", "Bala keu kawom nyang pubuet salah Awak nyang lalem dum Kamoe ujoe Ngon bak kayee nyoe lam apui mirah", "Asai kayee nyoe dalam nuraka", "Manyam jih raya hebat sileupah Sang ule chetan takalon rupa", "Jipajoh sigra le ureueng salah Peunoh le ngon pruet jih ube raya", "le tutong teuma jijep le bagah Te tutong that-that han ek takira", "Lheuh nyan jigisa lam apui mirah Dalam nuraka keudeh dum jiwoe", "Sabab awak nyoe jiikot ayah Ayah jih jieu sit ureueng sisat", "Jiseutot ligat dum bagah-bagah", "Ureueng nyang dilee le that ka sisat Yoh goh jih meuhat sabab buet salah", "Ka Kamoe kirem rasul dum bak jih Keu peuingat jih peue nyang peurintah", "Teuma takalon pakri akibat Lheuh geupeuingat jipubuet salah", "Meulengkan teuma dum hamba Tuhan Nyang amai jihnyan keubit ikheulah", "Nabi Noh dilee geumeuhoi kamoe Teuma di kamoe meuseuot bagah Hana nyang leubeh nibak Hadharat Nyang peutroh hajat soe nyang lam susah", "Kamoe peuleupah treuk teuma gopnyan Sabab watee nyan gopnyan that susah Meupeuglah gopnyan ngon ahli gopnyan", "Tinggai treuk gopnyan mantong meukeubah Ngon aneuk cuco nyang gantoe gopnyan", "Jeut nama gopnyan geupeugah-peugah Le ureueng dudoe di likot gopnyan Kamoe keubah nan geuh lam seujarah", "Seulamat hai Noh gata lam alam", "Di Kamoe meunan sabe meubalah Soe nyang pubuet got meubalah meunan", "Sabab meuiman di Noh keu Allah Dum hamba Kamoe nyang na meuiman Nyang lagee gopnyan bandum meutuah", "Teuma nyang laen nyang han meuiman Kamoe peukaram lam laot luah", "Ibrahim teuma pih kawom gopnyan Saban ngon gopnyan ureueng meutuah", "Geujak bak Tuhan ngon ate salim Keubit Ibrahim ureueng nyang ceudah", "Geukheun bak yah geuh ngon kawom gopnyan Peue taseumah nyan tacuba peugah", "Peue dum tapeugot tuhan paleusu Nyan tan meunapsu nyang bukon Allah", "Peue na tapike soe nyang Po alam Nyan keuh nyang Tuhan nyang jeut taseumah", "Teuma geutilek dum bintang-bintang", "Geukheun treuk yoh nyan lon nyoe ka parah Lon nyoe ka saket ulee ka mumang", "Jijak treuk yohnyan gopnyan jikeubah ‘Oh ban meulikot jijak awaknyan", "Bak Tuhan jihnyan geujak treuk bagah Geukheun treuk bak jih peue haba dumnyoe Pakon han sapeue ka pajoh di kah", "Pakon han sapeue pih na jeut ka kheun", "Ngon jaroe uneun geukhok le bagah Abeh dum geuphok tuhan awaknyan", "Troh treuk awaknyan beungeh jih leupah", "Geukheun peue gata pubuet lagee nyoe Lheuh tapheut keudroe teuma taseumah", "Tuhan nyang peujeut gatanyoe bandum Buet teuh pih bandum peuneujeut Allah", "Jikheun treuk tamon kayee dum keunoe Nak tatiek jihnyoe lam apui mirah", "Jikeumeung daya gopnyan jimeung poh Ka keuh u baroh jih Kamoe keubah Jeut teuma jihnyan nyang paleng miyup", "Ibrahim ban buet teuma geupeugah Di lon lon meung jak peurintah Po lon Neutunyok keu lon teuma bek salah", "Tuhanku Neubri keu lon beu leubeh Aneuk nyang saleh jigantoe ayah", "Kamoe peusuka treuk teuma gopnyan Ngon aneuk agam nyang halim leupah", "‘Oh ban rayok jih jak sajan Kamoe Geukheun treuk yohnyan aneuk meutuah Lon leumpoe gata Neuyue koh takue Pakri aneuk droe pike tapeugah Seuot treuk aneuk hai ayah Teungku Neupubuet laju peue nyang peurintah Insya Allah lon akan lon saba Neukalon nyata teuma hai ayah", "‘Oh ban meunyerah bandua gopnyan Geupeueh yohnyan treuk aneuk lidah Geumeukoh takue laju watee nyan", "Kamoe hoi gopnyan teuma le bagah Wahe Ibrahim tadeungo jinoe", "Nyang gata leumpoe beuna that leupah Sabab tapateh peue nyang taleumpoe Meunan keuh Kamoe akan meubalah Sit Kamoe balah soe nyang pubuet got", "Ujian that brat atranyoe sudah Keubit cubaan nyang leupah nyata", "Meuteuboh teuma le Kamoe bagah Meujok sie laen nyang leubeh raya", "Nan gopnyan teuma jipeugah-peugah Keu ureueng dudoe di likot gopnyan Kamoe keubah nan geuh lam seujarah", "Teuma seulamat ateuh Iþrahim", "Di Kamoe meunan sabe meubalah Ureueng pubuet got meubalah meunan", "Sabab meuiman gopnyan keu Allah Dum hamba Kamoe nyang na meuiman A Nyang lagee gopnyan bandum meutuah", "Haba gembira keu gopnyan meubri Ishak Nabi nyang saleh leupah", "Meubri beureukat teuma keu gopnyan Ngon Ishak nyan nyang aneuk lidah Aneuk ngon cuco gopnyan bandua Nyang ladom beuna nyang ladom salah Ladom pubuet got nyang ladom teuma Droe jielanya nyata sileupah", "Kamoe bri nikmat teuma keu Musa Ngon Harun dua geuh that meutuah", "Meupeuglah gopnyan ngon kawom gopnyan Sabab ureueng nyan raya that susah", "Kamoe tulong geuh hingga ka meunang", "Meubri keu gopnyan teuma risalah Kitab nyang nyata meubri keu gopnyan", "Bandua gopnyan jakba peurintah Kamoe peutunyok jalan nyang teupat", "Jeut gopnyan meuhat gop peugah-peugah Keu ureueng dudoe di likot gopnyan Kamoe keubah nan geuh lam seujarah", "Seulamat atëuh Musa ngon Harun", "Di Kamoe meunan sabe meubalah Ureueng pubuet got meubalah meunan", "Sabab meuiman gopnyan keu Allah Dum hamba Kamoe nyang lagee gopnyan Bandua gopnyan bandum meutuah", "Teuma Ilyas pih Rasul Tuhan", "Bak kawom gopnyan teuma geupeugah Pakon han takwa gata keu Tuhan", "Keu peue Baʻal nyan nyang tajak seumah Takeubah Tuhan nyang peujeut alam Nyang jroh hana ban cit sidroe Allah", "Tuhan Po gata ngon Po yah gata Nyang dilee masa bandum ka sudah", "Jipeugah sulet teuma keu gopnyan Ka keuh jih dumnyan lam apui mirah Bandum awaknyan asoe nuraka", "Meulengkan hamba dum nyang ikheulah", "‘Oh dudoe teuma hana le gopnyan Jeut nama gopnyan geupeugah-peugah Le ureueng dudoe di likot gopnyan Kamoe keubah nan. geuh lam seujarah", "Ateuh Ilyas saleum seulamat", "Di Kamoe meuhat meunan meubalah Ureueng pubuet got meubalah meunan", "Sabab meuiman gopnyan keu Allah Dum hamba Kamoe nyang na meuiman Nyang lagee gopnyan bandum meutuah", "Nabi Luth teuma pih Rasul Tuhan", "Bak watee gopnyan Kamoe peuleupah Meupeuglah gopnyan ngon ahli gopnyan Bek le di sinan ngon awak salah", "Meulengkan sidroe inong nyang tuha Ka keuh binasa sinan meukeubah", "Lheuhnyan bandum jih meupeubinasa Nyang darohaka bandum ka Sudah", "Bak watee beungoh meunyoe tajak-jak Takalon jeujak euncit jih leumah", "Got pih tajak-jak ʻoh watee malam Pakon han tapham ngon akai ceudah", "Yunus pih teuma sit Rasul Tuhan", "Teuma dì gopnyan geuplueng that bagah Geuek lam kapai peunoh muatan", "Teuma roh gopnyan bak top soe salah Talo treuk gopnyan geugrop lam laot", "Jiʻuet le eungkot teuma le bagah Teuma jicaci jikheun keu gopnyan", "Adak kon gopnyan geupujoe Allah Adak kon sabe geukheun teuseubeh", "Meuhat trep geupreh hana soe peuglah Dalam pruet eungkot geupreh sinan trep Hingga Neubangket teuma le Allah Bak uroe bangket baroglah gopnyan", "Kamoe tiek gopnyan bak pasi luah Gopnyan pih saket teuma wateenyan", "Timoh treuk sinan bak kayee bagah Kamoe peutimoh sinan bak labu", "Bak nanggroe makmu rakyat barollah Sireutoh ribee rakyat di sinan Leubeh nibaknyan kadang jumeulah Teuma meukirem treuk gopnyan keunan", "Ureueng meuiman teuma le bagah Kamoe bri seunang teuma ureueng nyan Dang-dang troh keunan watee meupisah", "Teuma tatanyong bak jih dum jinoe Pakon jeut meunoe di jih jipeugah Aneuk nyang inong jikheun keu Tuhan Aneuk nyang agam keudroe jikeubah", "Atawa inong dum malaikat Peue na jilihat meunan jipeugah Yoh Kamoe peujeut peuna jikalon", "Meu kana jikheun keu ayeum babah Jipeuna-peuna sulet keu Tuhan", "Na aneuk Tuhan di jih jipeugah Keubit sulet that bandum awaknyan", "Ek aneuk inong Neutueng le Allah Neutinggai teuma dum aneuk agam", "Peue hukom teuh nyan meu ka tapeugah", "Peue gata dum han jeut keu pikiran", "Peue gata dum nyan kuasa leupah Meunyoe bit nyata gata kuasa", "Toh kitab gata me keunoe bagah Meunyoe bit gata ureueng nyang beuna", "Jikheun chedara lom jen ngon Allah Padahai di jen sit ka jiteupue Bandum awaknyoe lam apui mirah Keudeh jitamong dalam nuraka", "Allah Taʻala suci that leupah Maha suci Neuh bak peue nyang jih kheun", "Meulengkan ureueng nyang bit ikheulah Soe nyang gleh ate dum hamba Tuhan", "Bandum gatanyan han ek tailah Peue nyang taseumah pih lagee gata", "Han ek tadaya dum hamba Allah", "Meulengkan soe nyang asoe nuraka", "Di kamoe teuma bandum na tugah Sit ka meuteuntee dum buet di kamoe", "Meubareh keudroe ikot peurintah Meubanja-banja kamoe meubareh", "Meukheun teuseubeh meupujoe Allah", "Teuma awaknyan meuhat dum jikheun", "Kitab dum jameun hana soe keubah Hana geutinggai le ureueng jameun Meunyo nyan takheun raya phaedah", "Meuhat jeut tanyoe keu hamba Tuhan Ikheulah keu Tuhan ikot peurintah", "Teuma jikaphe cit di jih jinoe Jiteupue dudoe teuma geubalah", "Atra sit kana putusan Kamoe Keu hamba Kamoe dum Rasul Allah", "Bandum meutulong teuma ureueng nyan Sabab ureueng nyan jakba peurintah", "Teuntra Kamoe nyan meuhat nyang meunang", "Gata sabab nyan bek jeut keu susah Bek tapeuduli keu jihnyan dilee Dang-dang troh watee putusan Allah", "Teuma tapeutrang bak jih akibat Akan jilihat teuma trang leupah", "Peue napsu azeub beurijang di jih", "Meunyo troh bak jih ka jeut keu susah ‘Oh beudoh beungoh ceulaka that-that Yoh geupeuingat dilee jibantah", "Bek tapeuduli keu jihnyan dilee Dang-dang troh watee putusan Allah", "Teuma tapeutrang bak jih akibat Akan jilihat teuma trang leupah", "Maha suci Po teuh nyang Perkasa Meubacut hana lagee jih peugah", "Saleum seulamat keu Rasul bandum", "Pujoe pih bandum meuwoe keu Allah Pujoe keu Tuhan nyang Po dum alam Dum seukalian cit milek Allah"] }, { "chapter": 38, "versesCount": 88, "verses": ["Shad Tuhan nyang teupue meukeusud ayat Sabab Hadharat hana Neupeugah Demi Qur'an nyang meugah that-that", "Tapi nyang sisat teukabo leupah Kaphe teukabo jipeurayok droe Bah barangkasoe di jih jibantah", "Di Kamoe dilee meupeubinasa Padum le nyangka hana ek peugah Padum boh kurun nyang meuhoi bantu Hana soe bantu hana soe peuglah Hana meuho plueng keumeung peulheuh droe", "Hireuen jih keu droe ‘oh troh peurintah Lam kawom droe jih ureueng peuingat Jikheun treuk ligat sulet sileupah Nyoe keuh nyang sihe ka troh bak tanyoe", "Tuhan geutanyoe dum jikheun salah Ek jijak peugah Tuhan cit sidroe Keubit atranyoe ajeb that leupah", "Keutua jih jak dum bak awak nyan Jikheun bah meunan tajak leh bagah Tasaba mantong keu Tuhan gata Laen dum hana peue jijak peugah Tuhan gata dum nyan keuh nyang beuna", "Han tom tadeungo lagee jih peugah Agama akhe nyang troh bak tanyoe Hana buet tanyoe geujak kheun salah Jipeuna-peuna atranyoe mantong", "Pane geupeutron bak jih peurintah Jih pih dì sinoe lam kawan tanyoe Tapi awaknyoe keubit roe salah Di jih chok jih that peurintah Kamoe Jipike lon nyoe han ek lon balah Tapi azeub lon gohlom jirasa", "Atawa peuna rahmat jikeubah Na gudang bak jih rahmat Po gata Nyang that Perkasa Maha Pemurah", "Keurajeun langet keurajeun bumoe Bandum ngon asoe peue na jikeubah Peugot treuk rinyeun jiek u langet", "Teuntra jih meuhat anco dum kalah Bandum pasukan nyang meucharikat", "Dilee kon meuhat ka meunan ulah ¿ Kawom Noh ngon ‘Ad lom ngon Peura*un: Nyang le peukateuen teuntra jih meugah", "Tsamud kawom Luth nyang meucharikat Bandum meusapat ngon kawom aikah", "Bandum jih jikheun sulet keu Rasul Ka keuh lam apui jih dum geukeubah Hukoman bak Lon keu jih ka hak that", "Jipreh meusiat kon na trep leupah Sigo-go deumpek abeh dum ligat ! Tan le meu siat watee geukeubah", "Jikheun treuk laju hai Tuhan kamoe Neuazeub jinoe kameo ka salah Yoh gohlom teuka hisab keu kamoe Bahgian kamoe Neubri beu bagah", "Peue-peu nyang jikheun bandum tasaba Taingat haba Daod meutuah Taingat Daod nyang kamba Kamoe Gopnyan buet jaroe geuh carong leupah Gopnyan bit teuga taʻat geutobat", "Kamoe bri alat gunong dum meugah Jikheun teuseubeh beungoh ngon seupot Sapat ngon Daod jìpujoe Allah", "Meunan pih cicem Kamoe peusapat Bandum jih taʻat hana meuubah", "Keurajeun gopnyan Kamoe peukuat Meubri hikeumat keu gopnyan bagah i Peuputoh hukom bak jaroe gopnyan", "Teuma troh keunan ureueng meubantah Na troh bak gata haba ureueng nyan Bak Daod keunan geujak meulangkah Geulingkeu mihrab laju geutamong", "Bak Daod yohnyan hai geujak peugah Geueu urueng nyan Daod teukeujet Han peue tatakot teuma geupeugah Kamoe dua nyoe hana that meuphom Neupeugah hukom keu kamoe bagah Sang hana beutoi buet rakan lon nyoe Neutunyok kamoe bek roh meusalah Bak jalan teupat neutunyok kamoe", "Buet rakan lon nyoe sang na meuilah Di gopnyan kameng sikureueng ploh boh Lom sikureueng boh jeut le sileupah Di lon cit saboh sagai kameng lon Geukheun atralon nyan kon atrakah Rayok su gopnyan bak peugah haba Hana kuasa di lon lonbantah", "Nyan jih elanya cok kameng gata Meunan keuh nyata kheun Daod bagah Le ureueng pubuet lagee nyan rupa Ateuh chedara jipubuet salah Meulengkan ureueng nyang na meuiman Lagi buet gopnyan pih jroh sileupah Tapi nit ureueng nyang na lagee nyan Daod ‘oh Iheuhnyan teupike salah Daod geupike kamoe cie gopnyan Sang-sang buet gopnyan pih na meuilah Geulakee ampon treuk bak Po goppnyan Geuruku“ sinan sujud bak Allah Hingga geutobat teuma ‘oh akhe", "Kamoe ampon le peue nyang ka salah Sabab gopnyan toe that deungon Kamoe Geuwoe bak Kamoe ngon jroh sileupah", "Hai Daod Kamoe meupeujeut gata Di dalam donya gata khaliphah Teuma tahukom deungon sibeuna Dum manusia bek na meuilah Bek sagai gata peuturot napsu Jiba teuh laju ubak buet salah Bak jalan sisat gata jiyue jak Han jibri tajak bak jalan Allah Awak nyang sisat bak jalan Tuhan Neubri balasan azeub that leupah Sabab teuwo jih keu uroe hisab Uroe nyang phet that keu soe nyang salah", "Nyang Kamoe peujeut langet ngon bumoe Bandum ngon asoe kon tan phaedah Kon sia-sia Kamoe peujeut nyan Jisangka meunan le kaphe jadah Teuma ceulaka keu bandum kaphe Di jih dum sare lam apui mirah Bandum jitamong dalam nuraka", "Teuma ek roe sa ureueng meutuah Ureueng meuiman lom geupubeutgot Ngon ureueng jeuheut ek saban leupah Got pih meupeujeut ureueng takwa Ek saban teuma ngon ureueng salah Ureueng nyang pasek nyang le that dacha", "Kitab nyoe teuma beureukat leupah Ka Kamoe peutron kitab keu gata Mangat jikira ngon akai ceudah Mangat jipike meukeusud ayat Lom keu peuingat soe nyang meutuah Barangsoe nyang got akai pikiran Jeut peuringatan jitueng phaedah", "Keu Nabi Daod meubri Sulaiman Nyan hamba Tuhan nyang got that leupah Tobat bak Tuhan sabe lam taʻat", "Bak saboh saat geuistirahah Seupot nyan jiba keunan bak gopnyan Guda pacuan nyang ceudah-ceudah", "Geukheun treuk di lon galak keu guda Disampeng cinta gaseh keu Allah Hingga hana le geukalon guda", "Bak rakan sigra teuma geupeugah Taba leh keunoe bandum guda nyan Geugeusuek yohnyan guda nyang ceudah Geusuek bak gaki deungon bak takue Bek jipeulale ingat keu Allah", "Teuma Kamoe bri akan Sulaiman Saboh cubaan nyang hebat leupah Ateuh kurusi Nabi Sulaiman Troh ureueng keunan jijak peurintah Disinan jiduek jigantoe gopnyan Padum trep lheuhnyan geuwoe treuk bagah", "Geukheun Tuhanku Neubri amponan Neubri keurajeun keu lon nyang luah Bek na meusidroe dudoe nibaknyan Nyang saban ngon lon jimat peurintah Droeneuh Tuhanku geumaseh that-that", "Neupeutren hajat teuma le Allah Kamoe bri angen teuma keu gopnyan Jipubuet yohnyan peue nyang geupeugah Angen nyang leumbot jipateh gopnyan Jiba treuk gopnyan ho nyang geulangkah", "Chetan dum tukang peugot bangunan Lom jeut jiseunom lam laot luah", "Teuma nyang laen geuboh lam rante", "Sulaiman Neubri kuasa leupah Nyoe keuh beuneri Kamoe keu gata Peue-peue nyang hawa yue pubuet bagah Atawa tatham han tabri pubuet Barangkri nyang hʻeut teuh han peue salah", "Gopnyan ureueng toe that deungon Kamoe Geuwoe bak Kamoe pih ngon jroh leupah", "Teuma lom Aiyub taingat jinoe Nyan hamba Kamoe keunong musibah Aiyub meungadu ubak Po gopnyan Lon nyoe le chetan jipeugot ulah Jipeuseungsara lon ngon jiazeub Keubit that jeuheut chetan seurakah", "Taculok gaki teuh keunan lam ie le nyan that leupie tajep puleh grah", "Kamoe bri teuma ahli geuh bandum Dumnan laen lom Kamoe bri tamah Bandum nyan rahmat meuh keu ureueng nyan Lom peuringatan keu soe nyang ceudah", "Saboh beureukah pureh pijampoh Ngon nyan keuh tapoh bek bateu sumpah Kamoe eu gopnyan ek that geusaba Seuneujroh hamba peuneujeut ALlah Taʻat ngon tobat sabe di gopnyan", "Laen nibaknyan teuma tapeugah Nabi Ibrahim Ishak Ya‘qob Ureueng nyang patot tapeugah-peugah Ureueng nyan bandum kong geuusaha Lagi that nyata pikiran ceudah", "Ate ureuengnyan ka Kamoe peugleh Ingat nanggroe jeh nyang brat sileupah", "Gopnyan bak Kamoe ureueng pilihan Buet keubajikan han tom geukeubah", "Nabi Ismail lom ngon Ilyasa‘ Bandum geuh galak ikot peurintah Lom ngon Zulkifli bandum pilihan", "Nyoe peunghormatan nyang raya leupah Nama uruengnyan sabe jiingat Le bandum umat dalam seujarah Ureueng takwa meuteumeung teumpat Sideh nyanggot that ka Tuhan keubah", "Churuga ‘Adnen teumpat ureuengnyan Pinto keu gopnyan bandum ka teuhah", "Geuduek meusadeu sinan dum teuntee Pajoh boh kayee nyang le sileupah Ngon ie nyang lazat cita ngon rasa", "Lom aneuk dara dum ceudah-ceudah Bandum seulayeu muda jeulita Hana tom mata jieu nyang salah", "Nyoe nyang geujanji dilee keu gata Watee tagisa uroe beunalah Uroenyan bandum peugot keunira", "Nyoe dum keu gata ka Kamoe keubah Raseuki Kamoe han abeh-abeh", "Nyoe teuma keudeh keu ureueng salah Ureueng nyang jeuheut brok that teumpat jih", "Nuraka keu jih ka Kamoe keubah Keunan jitamong bandum awaknyan Brok that teumpat nyan hana ban peugah", "Nyoe keuh ie hanyi mangat jirasa Hana peue kira tutong that leupah Lom ie sijuek that han jeut meutamat", "Laen lom azeub pih le sileupah", "Nyoe pat lom rame ngon gata bandum Keu peue nyan bandum pih ureueng salah Hana seulamat lop lam nuraka", "Jiseuot sigra nyang ban troh langkah Keu gata bandum pih tan seulamat Kamoe tapakat jak pubuet salah Jeuheut that teumpat jinoe keu gata", "Jikheun lom teuma wahe ya Allah Awak nyang dilee jipadan kamoe Wahe Po kamoe Neuazeub bagah Neuazeub beuthat jih lam nuraka Meuganda-ganda azeub that leupah", "Jikheun lom ho ka ureueng uroe jeh Nyang takheun paleh hana meutuah Hana meukalon lagoe ureuengnyan Jeuheut that gopnyan dilee meupeugah", "Yoh dilee kamoe meuejek gopnyan Meukheun keu gopnyan hina sileupah Peue mata kamoe jinoe ka sisat", "Nyan keuh riyoh that dum awak salah Keubit hak meunan asoe nuraka Gadoh meudawa peusalah-salah", "Takheun dilon nyoe meu lon peuingat Tuhan Hadharat sit sidroe Allah Tan laen Tuhan meu kon Droeneuhnyan Sidroe Neuh Tuhan Perkasa leupah", "Nyang Po dum langet ngon Po dum bumoe Ngon antaranyoe bandum blah bicah Maha Perkasa sit sidroe Tuhan Maha Pengampon keu ureueng salah", "Takheun haba nyoe haba beuna that Haba raya that hana ban peugah", "Di gata bandum han tatem pateh Tapaleng keudeh laju le bagah", "Haba di langet di alam ateuh Bak lon hana deuh peue nyang geupeugah Soe leh na dakwa nibak ureueng nyan", "Wahi atranyan hana troh langkah Nyang wahi bak lon neuyue peuingat Bak bandum umat beunyata leupah", "Po gata Neukheun bak malaikat Lon peujeut siat insan Lon ulah Nibak tanoh kliet Lon peujeut jih nyan", "Teuma ‘oh Iheuhnyan Lon boh areuwah Oh lIheuh Lon peugot roh Lon yup keunan Bandum teuh keunan tasujud bagah", "Malaikat dum teuma geusujud Peurintah maʻbud hana soe bantah", "Meulengkan iblih peuteukabo droe Jikaphe jih nyoe akan peurintah", "Neukheun hai iblih soe tham kah sujud ‘Oh Lon yue sujud han katem di kah Lon peujeut jihnyan ngon jaroe droe Lon Pakon kah meunan teukabo leupah Peue kapike droe ureueng manyang that", "Jiseuot ligat lon leubeh ceudah Nibak apui hu lon nyoe Neupeujeut Di jih Neupeujeut bak tanoh basah", "Neukheun treuk teubiet laju kah sinan Ka keunong rajam uroe nyoe di kah", "Laknat Lon keu kah sampoe kiamat", "Jiseuot ligat wahe ya Allah Tuhanku Neubri lonnyoe meutanggoh Jinoe sampoe troh uroe beunalah Sampoe ‘oh bangket lon Neubri tanggoh", "Ka Kubri tanggoh Neukheun le Allah", "Hingga troh watee uroe kamaklum", "Iblih jikheun lom teuma jipeugah Demi meugah Droeneuh lon peusisat Bandum jih meuhat lon yue buet salah", "Meulengkan hamba Neuh lam kawan jih Nyang ate jih gleh keubit ikheulah", "Neukheun nyang beutoi narit Lon sidroe", "Bandum Kupasoe lam apui mirah Beupeunoh bandum dalam nuraka Bandum keuh sama soe nyang ikot kah", "Takheun lon hana sapeue lon lakee Hana lon lakee bak gata upah Atranyoe pih kon lon peugot-peugot", "Haba peuingat sagai lon peugah Haba peuingat keu bandum alam", "Gata pih saban hana geukeubah Tateupue bandum atranyan teuma Meu katroh masa Neubri le Allah"] }, { "chapter": 39, "versesCount": 75, "verses": ["Kitab nyan tron bak Allah Taʻala Nyang that Perkasa hana ban peugah That bijaksana Tuhan Hadharat", "Meupeutron kitab keu kamoe sudah : Meupeutron kitab keunan keu gata Deungon sibeunar taseumah Allah Agamateuh nyan beu gleh keu Tuhan", "Agama Tuhan sit gleh sileupah Z Beuna tateupeue agama nyang gleh 5 Teuma awak jeh laen jipeugah Jicok keu wali jih nyang kon Tuhan Nyan keuh atranyan di jih jiseumah Mangat jipeutoe kamoe ngon Tuhan Kamoe seumah nyan meunan jipeugah Tuhan nyang hukom teuma awaknyan Sabab buet jihnyan keubit that salah Han jime sapeue sagai awaknyan Hana le Tuhan Neubri hidayah Han Neupeutunyok awak sulet that Jikaphe that-that di jih keu Allah", "Meunyo bit Tuhan Neumeung cok aneuk Hana soe piseuk ban nyang h‘eut Allah Jeut barangkari Neupileh keudroe Neupeujeut keudroe soe keumeung bantah Maha suci Droeneuh Maha Esa Lom that Perkasa hana ban peugah", "Neupeujeut langet dum deungon bumoe Cit hak atra Droeneuh hana salah Neuputa malam u ateuh uroe Meunan pih uroe hana meuubah z Neuputa uroe u ateuh malam Mata uroe trang jiteubiet bagah Meunan pih buleun ‘oh watee malam Maseng jijalan hana tom ubah Jalan jih bandum cit ka meuteuntee Ka Neuboh watee bandum le Allah Maha Perkasa cit sidroe Tuhan Maha Pengampon keu ureueng salah", "Neupeujeut gata phon sidroe ureueng Teuma ‘oh lheuhnyan Neupeujeut zaujah \\ Lapan binatang ternak Neupeutron Meupasang-pasang meusiblah-siblah Di dalam pruet ma Neupeujeut gata c Lhee lapeh masa seupot sileupah Nyang peujeut nyandum keuh Tuhan gata Allah Taʻala keurajeun luah Tan laen Tuhan nyang kon Droeneuhnyan Keubit Droeneuhnyan kuasa leupah Pakon ek gata meupaleng ate", "Adak tapike bit rugoe leupah Meunyoe takaphe teuma dum gata Tuhan cit kaya hana ban peugah Hana meuhajat Tuhan keu gata Hana Neurila kaphe le Allah Meunyoe tachuko nyan rila Tuhan Keu gata tuan got that Neubalah Soe nyang meudacha han jeut jitanggong Dacha gop laen nyang pubuet salah Dudoe dum tawoe ubak Po gata Peue tausaha teuma Neupeugah Peue nyang tapubuet Neuteupue dumpeue Hana meusapeue pih na meuilah Abeh Neuteupue peue nyang lam dada", "Nyoe manusia teuma Neupeugah Watee meularat di manusia Jilakee duʻa laju bak Allah k Jikheun jitobat laju bak Tuhan Teuma laen ban ‘oh gadoh susah Meunyo ka Neubri keu jihnyan nikmat Tuwo jih ligat peue nyang ka leupah Tuwo jih baroe ka jimeuduʻa Charikat teuma jikheun keu Allah Jimeung peusisat dum ureueng laen Bak jalan laen jiyue jak bagah Han jibri jak gop bak jalan Tuhan Takheun boh seunang siat treuk di kah Sabab ka kaphe seunang keuh siat Oh dudoe meuhat nuraka keu kah", "Ek saban teuma ngon ureueng taʻat Pubuet ibadat sujud bak Allah Simalam suntok gopnyan meujaga Geuingat dacha akan geubalah Teumakot gopnyan uroe akhirat Geuharap rahmat Neubri le Allah Takheun ek saban ureueng nyang malem Ngon nyang tan malem tacuba peugah Teuma nyang tem tueng jeut keu peuingat Sit ureueng sehat pikiran ceudah", "Takheun le gata ubak hamba Lon Nyang na meuiman takwa keu Allah Beu na tatakot akan Po gata Nyang got lam donya got that Neubalah Soe nyang di donya jipubuet buet got Balasan that got Neubri le Allah Lom bumoe Tuhan sit luah that-that Tasaba meuhat nyang peunteng leupah Pahla cukop that keu ureueng saba Han ek takira Neubri le Allah", "Takheun lon Neuyue lon seumah Tuhan Agama di lon beu bit ikheulah", "Neuyue lon nyang phon jok droe bak Tuhan Tamong Iseulam agama Allah", "Takheun lontakot maksiet keu Po lon Azeub that keu lon teuma Neubalah Uroenyan teuma that haro-hara", "Takheun lon sahja lonseumah Allah Agama di lon gleh that keu Tuhan Tbadat di lon bit that ikheulah z", "Di gata seumah peue nyang hʻeut gata Seumah berhala dum nyang kon Allah Takheun barangsoe nyang peurugoe droe Ngon ahli jihnyoe rugoe that leupah Beu na tateupue uroe kiamat Rugoe nyan that-that nyata sileupah", "Di ateuh jihnyan awan nuraka Di yup jih teuma pih hana ubah Tuhan peutakot hamba Neuh ngon nyan Wahe hamba Lon takot keu Allah Takwa le gata bandum teuh keu Lon", "Peujioh patong hana jiseumah Lom pih jitobat bandum bak Tuhan Neubri balasan seunang that leupah Tapeugah meunan bak dum hamba Lon", "Nyang deungo bandum peue nyang geupeugah Teuma jiikot toh-toh nyanggot that Keu jihnyan meuhat peutunyok Allah Nyan keuh ureueng got akai pikiran", "Teuma ek saban ngon ureueng salah Di jih ka teuntee Neukheun Neuazeub Teuma ek tajeut jih tameung peuglah Ek tameung peulheuh asoe nuraka", "Ureueng takwa nyan laen ulah Takwa keu Po geuh dum ureueng nyan Kama keu gopnyan sit ka Neukeubah Meulapeh-lapeh kama ureueng nyan Di ateuh gopnyan kama dum indah Di yup kama nyan ie krueng dum ile Ka lheuh Neujanji bandum le Allah Meu ka Neujanji teuma le Tuhan Nyan barangkajan han tom meuubah", "Peue hana taeu pakri buet Tuhan Neupeutron ujeun keunoe Neuruah Teubiet mata ie dum ban sabohnyan Timoh tanaman teuma le bagah Macam wareuna nyang taeu ijo ‘Oh Iheuhnyan ka tho kuneng sileupah ‘Oh Iheuhnyan teuma abeh teupiro Takalon anco dum abeh reubah Bandum atranyan jeut keu peuingat Keu soe nyang sehat pikiran ceudah", "Teuma nyang ureueng ka ji Iseulam Neubri le Tuhan dadajih teuhah Meuteumeung cahya di jih bak Tuhan Teuma ek saban ngon ureueng salah Ureueng nyang ate jih cukop batat Ceulaka that-that jih han ban peugah Sabab han jitem ingat keu Tuhan Sisat that jihnyan nyata sileupah", "Sineujroh narit nyang Tuhan peutron Lam kitab Tuhan saban dum indah Haba nyang peunteng meuulang-ulang Nyang ye keu Tuhan soe nyang meutuah Jibeudoh bulee dum nibak kulet Soe-soe nyang keubit takot keu Allah ‘Oh Iheunyan teunang kulet ngon ate Geuingat sabe laju keu Allah Nyan keuh meu ka na peutunyok Tuhan Soe nyang hʻeut Tuhan Neubri hidayah Teuma barangsoe nyang Neupeusisat Han soe peuteupat jihnyan ka salah Han soe peutunyok meunyo kon Tuhan", "Azeub keu jihnyan hana ban peugah Jipaleng muka jikalon azeub Uroe kiamat kuweut jih leupah Ek sa jih teuma ngon ureueng nyang got Rasa treuk azeub jinoe dum di kah Peue nyang dilee droe keuh nyang usaha", "Jameun dilee ka pih saban leupah Awak nyang dilee nibak awaknyan Sulet atranyan bandum jipeugah Teuka treuk azeub hana jithee-thee", "Ayeb ngon malee Neubri le Allah Jirasa ayeb lam udep donya Azeub lom teuma hana ban peugah Leubeh that raya azeub akhirat Meunyoe jitupat han roe jih salah Sangkira dum nyan di jih jiteupue", "Kamoe boh miseu sit ka le leupah Kamoe boh miseu keu bandum insan Dalam Qur’an dum Kamoe peugah Mangat bandum jih jeut keu peuingat", "Bahasa Arab Qur’an nyoe meugah Hana nyang salah asoe Qur'an Nyang ceukok jalan bandum geubantah Mangat jitakwa bandum keu Tuhan", "Saboh misalan sinoe Lon peugah Na sidroe ureueng Po jih rame that Han tom meupakat sabe meubantah Bandum jih sabe jipeudong dawa Ek saban teuma ngon nyang meutuah Ureueng nyang sidroe Po jih pih sidroe Ek saban jihnyan tacuba peugah Al-Hamdulillah tapi jih nyang le Hana jiteupue peue nyang geupeugah JUZ", "Gata pih mate jih dum pih mate", "‘Oh uroe page jeut tameubantah Uroe kiamat dikeue Po gata", "Soe leubeh teuma nyang lalem leupah Jipeuna-peuna sulet keu Tuhan Jikheun sulet lom ‘oh troh peurintah Teumpat si kaphe kon lam nuraka", "Laen ureueng ba nyang beuna leupah Geuba peurintah geupeubeuna lom Nyan keuh ureueng nyan takwa keu Allah", "Peue nyang h‘eut gopnyan na bak Po gopnyar Meunan balasan nyang buet jroh leupah", "Buet-buet nyang salah dilee di gopnyan Neuteuboh bandum teuma le Allah Neubalah pahla lom leubeh thatgot Sabab geupubuet dilee jroh leupah", "Kon sep that Tuhan Neuhiroe hamba Di jih keu gata laen jipeugah Jipeutakot teuh ngon nyang kon Tuhan Di jih dum nyang nyan keuh nyang jiseumah Teuma soe-soe nyang Tuhan peusisat Barangsoe meuhat han ek jipeuglah Hana meusidroe pih ek peutunyok", "Nyang Neupeutunyok teuma le Allah Hana meusidroe pih ek peusisat Kon deuh Hadharat kuasa leupah Kuasa Tuhan meunyo Neuhukom Bandum Neuhukom soe-soe nyang salah", "Meunyo tatanyong bak jih soe peujeut Angkasa langet lagee nyan luah Soe peujeut bumoe teuntee jijaweub Meuhat nyang peujeut cit sidroe Allah Takheun boh taeu dum tuhan gata Dum nyang tapuja nyang bukon Allah Meunyo meularat Neubri le Tuhan Keu lon barangjan peue ek jipeuglah Atawa keu lon Neumeung bri rahmat Ek jitheun siat han jeut jipeugah Takheun sep di lon Allah Tuhanlon Tawakai bandum keunan bak Allah Soe nyang tawakai hana ho laen", "Takheun hai kawom tapubuet bagah Ban laku kada amai tapubuet Di lon lonpubuet sit hana ubah Dudoe cit teuma akan tateupue", "Azeub nyan keu soe Neubri le Allah Soe nyang that hina di dalam azeub Keukai lam azeub hana soe peuglah", "Ka Kamoe peutron kitab bak gata Keu manusia beuna that leupah Soe nyang teurimong peutunyok Tuhan Droejih nyang seunang Neubri le Allah Teuma nyang sisat meularat keu droe Kon gop nyang rugoe nyang jeut keu susah Han ek di gata tabantu jihnyan", "Ube na nyawong bandum bak Allah ‘Oh mate nyawong Neucok le Tuhan Nyang ladom pingsan mate goh sudah Watee teungeut jih nyawong bak Tuhan Meu mate lheuhnyan nyawong bak Allah Ladom Neupeulheuh ajai gohlom troh Jiwoe bak tuboh teuma le bagah Di sinan bandum pih jeut keu tanda Keu kawom nyang na pikiran ceudah", "Ladom jilakee teuma chupheuʻat Peulheuh meularat bak nyang kon Allah Takheun meunyo jih hana kuasa Keunan cit gata droe tayue peuglah Meuakai jihtan peue bi chupheuʻat", "Takheun chupheuʻat sit meubak Allah £ Chupheuʻat bandum miìlek Hadharat Meunan pih langet ngon bumoe luah Lheuhnyan sit bandum tawoe bak Tuhan", "‘Oh geukheun Tuhan beunci jih leupah Hana jiiman uroe akhirat Atejih luat geuseubot Allah Meunyo geuseubot nyang bukon Tuhan Di jih atranyan galak jih leupah", "Takheun Tuhanku Droeneuh nyang peujeut Angkasa langet ngon bumoe luah Nyang teupue ayeb nyang han deuh meueu Got nyang deuh meueu nyata dum leumah Droeneuh nyang hukom bandum na hamba Nyang peugot dawa meubantah-bantah", "Bandum peue nyang na di ateuh bumoe Laen lom dumnoe teuma geutamah Sangkira bandum milek si lalem Jiteuboh jitem bek geutueng balah Bek geuazeub jih uroe kiamat Dumnan azeub that keu jih geupeuhah Keubit cit dilee hana jisangka Jinoe ka nyata azeub that leupah Kuasa Tuhan nyata treuk bak jih", "Nyata treuk buet jih dilee bit salah Jiulok-ulok yoh masa dilee Jinoe ka teuntee bandum geubalah", "Insan dum teuma meu ka meularat Bak Kamoe ligat jilakee beu glah Teuma ‘oh meubri keu jihnyan nikmat Jikheun carong that droejih jipeugah Sabab di jih le jikheun ‘eleumee Jeut keuh meuteumee nikmat le leupah Tapi ujian bandum keu jihnyan Teuma le jihnyan hana jipapah Nyang le that jihnyan hana jiteupue", "Dilee pih meunoe ka lheuh jipeugah Ureueng nyang dilee pih saban ngon jih Nyata treuk bak jih hana phaedah Usaha jih dum hana meuguna", "Laju ka teuka bak jih musibah Sabab buet jeuheut nyang jipeulaku Soe lalem laju akan geubalah Han ek jilawan bandum nyan le jih", "Han meuphom dijih kuasa Allah Peue han jiteupue kuasa Tuhan Raseuki jihnyan bandum bak Allah Soe nyang hʻeut Tuhan sit le raseuki Nyang ladom Neubri han sep napakah Bandum atranyan cit jeut keu tanda Keu kawom nyang na iman keu Allah", "Takheun bak hamba Lon nyang ka silap Keudroe jih meuhat jipubuet salah Bek putoh asa keu rahmat Tuhan Amponan Tuhan leupah that luah Bandum na dacha ek Neupeuampon Maha Pengampon sit sipheut Allah Maha Pemurah lom sipheut Tuhan", "Beudoh hai rakan jak tobat bagah Tobat bak Tuhan keunan tajok droe Yoh goh troh sampoe azeub that leupah Meu ka troh azeub keunan bak gata Hana le daya soe keumeung peuglah", "Taikot laju peue-peue nyang got that Uleh Hadharat ka Iheuh Neupeugah Ka Iheuh Neupeutron keunan bak gata Yoh gohlom teuka azeub that leupah ‘Oh teuka azeub hana tathee-thee", "Takheun peue lagee yohnyan that teulah Meunyesai that lon lonpubuet dacha Allah Taʻala ka Iheuh Neupeugah Peue nyang geupeugah lon ulok-ulok", "Adak Neutunyok keuh lon le Allah Teuntee ka jeut lon ureueng takwa Meunan lom gata teuma tapeugah", "Atawa takheun ‘oh taeu azeub Di lon adak jeut lonwoe beubagah Lonwoe u donya lonjak pubuet got Han le lonseutot bak buet nyang salah", "Tapi ka lheuh troh dilee ayat Lon Bandum nyan takheun sulet sileupah Teukabo gata lom ngon takaphe", "Uroenyan han le jeut taseumeugah Uroe kiamat jeut itam muka Soe nyang duseuta jikheun keu Allah Boh kon nuraka teumpat jih teuntee Soe-soe nyang dilee teukabo leupah", "Tuhan Neupeuglah ureueng takwa Neubri bahgia seunang sileupah Hana nyang jeuheut teupeh keu gopnyan Lagi pih gopnyan hana tom susah", "Tuhan nyang peujeut bandum lat batat Neujaga meuhat bandum blah bicah", "Aneuk gunci dum langet ngon bumoe Bandum atranyoe lam jaroe Allah Ureueng nyang kaphe keu ayat Tuhan Bandum awaknyan rugoe that leupah", "Takheun peue tayue dum gata bak lon Nyang bukon Tuhan tayue jak seumah Hai ureueng jahe keubit dum gata", "Teuma bak gata tren wahyu Allah Ureueng nyang dilee dum nibak gata Lagee bak gata wahyu Neupeugah Meunyo roh gata tapeucharikat Akan Hadharat rugoe that leupah Abeh dum luroh dum amai gata", "Sabab nyan gata taseumah Allah Lom beu tachuko gata keu Tuhan", "Di jih nyang tan-tan jikheun keu Allah Kon ban nyang kada jikheun keu Tuhan Lam geupai Tuhan bumoe nyang luah Cit saboh geupai uroe kiamat ` Meunan pih langet Neugulong sudah Ngon jaroe uneun Neugulong langet Maha Suci that cit sidroe Allah Allah Taʻala Maha Manyang that Nibak charikat lagee jih peugah", "Geuyup beuragoe le malaikat Ureueng di langet mate le bagah Ureueng di bumoe pih abeh teupat Meulengkan meuhat nyang kheundak Allah Nyang hana mate soe nyang h‘eut Tuhan Sigo treuk Iheuhnyan geuyup lom bagah Abeh teukeujet ureueng nyang mate Beudoh jinoe le preh hukom Allah", "Bumoe pih peungeuh ngon cahya Tuhan Cahya Po jihnyan peungeuh trang leupah Geuleung ngon kitab geuhoi dum Nabi Ngon saksi-saksi keunan troh bagah Peuputoh hukom laju wateenyan Leumah di sinan beuna ngon salah Hukom that beuna hana elanya", "Amai dum teuma laju geubalah Peue nyang tapubuet Tuhan Neuteupue Hana meusapeue pih na meuilah", "Nyang kaphe bandum geuparoh teuma Dalam nuraka geuyue jak bagah Meutamon-tamon keunan dum teuka Pinto nuraka teuma geupeuhah Ube na pinto bandum geubuka Le ureueng jaga geutanyeng bagah Kon na troh Rasul dilee bak gata Bandum geubaca ngon ayat Allah Geupeugah bandum ayat Po gata Mangat dum gata tatueng phaedah Kon geupeuingat bandum na gata Uroenyoe teuka akan geubalah Jikheun bandum na ka troh bak kamoe Tapi bandum nyoe hana phaedah Putusan Tuhan azeub keu kaphe", "Geukheun tamong le pinto ka teuhah Bandum ka teuhah pinto nuraka Keukai rok masa sinan geukeubah Ureueng teukabo sit brok that teumpat", "Ureueng ibadat nyan nyang meutuah Ureueng takwa ubak Po gopnyan Churuga Tuhan ka Iheuh Neukeubah Meutamon-tamon pih dum ureuengnyan Geutamong keunan pinto ka teuhah Geukheun seulamat le ureueng jaga Keu bandum gata Neubri le Allah Teumpat nyang got that Neubri keu gata Tatamong sigra seunang that leupah Bandum na gata keukai di sinan", "Geukheun le yohnyan al-Hamdulillah Pujoe keu Tuhan neupeutroh janji Keu kamoe Neubri lagee Neupeugah Neubri pusaka bumoe keu kamoe Ho nyang h‘eut kamoe jinoe meulangkah Dalam churuga keubit that nikmat Pahla raya that kamoe Neubalah Soe nyang got amai pahla nikmat that", "Ngon malaikat dum le sileupah Malaikat dum jak keudeh keunoe Takalon laloe dilingka ‘arasy Ucap teuseubeh geupujoe Tuhan Yohnyan putusan Neubri le Allah Beuna ngon ade putusan Tuhan Geukheun le yohnyan al-Hamdulillah Sigala pujoe meuwoe keu Tuhan Nyang Po dum alam deungon blah bicah AL-MUKMIN (UREUENG MEUIMAN) Ngon nama Allah lon puphon surat Tuhan Hadharat nyang Maha Murah Tuhanku sidroe geumaseh that-that Donya akhirat rahmat Neulimpah"] }, { "chapter": 40, "versesCount": 85, "verses": ["HaMim Tuhan nyang teupue meukeusud ayat Sabab Hadharat hana Neupeugah", "Kitab nyan tron bak Allah Taʻala Nyang that Perkasa hana ban peugah Dumpeue Neuteupue Allah Taʻala", "Neuampon dacha ureueng nyang salah Lom Neuteurimong tobat dum hamba Watee Neusiksa pih brat that leupah Nikmat karonya sit milek Tuhan Tan laen Tuhan meulengkan Allah Bandum teuh tawoe keudeh bak Tuhan", "Dum ayat Tuhan hana soe bantah Nyang bantah cit meukaphe ceulaka Teuma bek gata pih ek jihilah Bek roh teutipee gata ngon kaphe Jijak-jak sabe sang seunang leupah Takalon kaphe di dalam nanggroe Jijak-jak jiwoe hana soe bantah", "Dilee kawom Noh pih saban ngon jih Han jitem pateh peue nyang Noh peugah Kawom nyang dudoe nibak awaknyan Saban lagee nyan sit hana ubah Jimeung drop jipoh Rasul awaknyan Meupakat jihnyan jipubuet salah Deungon buet salah jiboh nyang beuna Jeut jihnyan teuma Lon hukom bagah Pakriban taeu Lon bri hukoman", "Kaphe pih meunan bandum geubalah Cit ka meuteuntee hukom Po gata Asoe nuraka kaphe seurakah", "Ureueng me ‘arasy dum malaikat Ngon rakan sahbat silingka ‘arasy Geukheun le teusbeh pujoe Po gopnyan Bandum meuiman turot peurintah Geulakee ampon lom di ureueng nyan Keu ureueng mukmin nyang na buet salah Hai Tuhan kamoe rahmat Neuh le that ‘Eleumee meuhat pih le that leupah Neuampon dacha urueng nyang tobat Jalan nyang teupat jiikot sudah Jalan Droeneuh nyang jiikot le jih Neuplihara jih bak apui mirah Bek Neubri keu jih azeub nuraka", "Dalam churuga keudeh Neukeubah l Ka lIheuh Neujanji wahe Po kamoe Neubri keu jih nyoe churuga indah Soe-soe nyang saleh nibak awaknyan Tamong dum keunan sapat ngon ayah Ayah-ayah jih ngon peurumoh jih Aneuk cuco jih bandum meutuah Droeneuh Tuhanku Maha Perkasa Ngon bijaksana areh sileupah", "Neuplihara jih nibak nyang jeuheut Uroenyan jih jeut geunaseh Allah Barangsoe nyang ka jih Neuplihara Rahmat Droeneuh ka keu jih Neuruah Nyan keumenangan nyang raya that-that", "Nyang kaphe meuhat muruka Allah Geuhei jih teuma Tuhan Neubeunci Raya that Neubri muruka keu kah Leubeh nibak droekeuh beunci keudroe Keuh salah that droekeuh han ban peugah Geuyue meuiman di kah kakaphe", "Teuma jikheun le wahe ya Allah Ka Neupeumate kamoe dua go Udep dua go pih kamoe sudah Kamoe meungaku dum dacha kamoe Jeut teuma jinoe kamoe Neupeuglah Ek na ret teubiet nibak teumpat nyoe", "Atra bandum nyoe dilee kabantah Di kah kakaphe keubit wateenyan ‘Oh geuyue Tuhan sidroe kaseumah Meunyo geuyue kah seumah peue laen Laju sit katem kaiman bagah Jinoe hukomnyan bandum bak Tuhan Nyang Maha Manyang ngon raya leupah", "Neupeuleumah dum ayat droe Tuhan Droeneuh nyang peutren raseuki mudah Di langet sideh asai raseuki Keu gata Neubri bandum le Allah Nyang ingat sit nyan ureueng nyang tobat Ureuengnyan meuhat nyang tueng phaedah", "Teuma talakee dumpeue bak Tuhan Agama teuh nyan beu bit ikheulah Beuthat jibeunci le awak kaphe", "Deurajat tinggi cit meuhat Allah : Tuhan Po ‘arasy Neukirem waki Nyan keuh Jibrai nyang ba peurintah i Ho nyang hʻ‘eut Tuhan keunan Neuyue ba Bak rasul hamba Neuh nyang meutuah Akan meureumpok uroe kiamat Neuyue peuingat dum hamba Allah", "Uroenyan bandum jak peuleumah droe Hana meusidroe jeut mita hilah Hana nyang meusom sapeue bak Tuhan Leumah Neukalon bah ubit leupah Keu soe keurajeun teuma uroenyoe Keu Tuhan sidroe nyang kha that leupah Tuhan nyang Esa Maha Perkasa", "Uroenyoe teuma bandum Neubalah RENE N NUE L MN I TaN T Ta T TT Neubalah bandum keu manusia Ban nyang usaha masa nyang sudah Bandum uroenyoe hana elanya Hisab keunira leupah that bagah Keunira Tuhan sit bagah that-that", "Jih tapeuinagt uroe toe leupah Uroenyan teuma that haro-hara ; Ate dum sang ka bak uram lidah Ate meutot-tot saket hanaban Awak nyang laen hana soe peuglah Hana le rakan hana chupheuʻat Meu kon Hadharat nyang bri peurintah", "Meu takhianat bandum Neuteupue Hana meusapeue pih na meuilah Peue nyang lam dada hana leumah roe Bandum Neutukri meunyo le Allah", "Tuhan nyang hukom deungon sibeuna Laen dum teuma sit hana salah č Peue nyang jiseumah nyang bukon Tuhan Seungap dum yohnyan han jeut seumeugah Han jeut jihukom di jih meusapeue Nyang deungo dumpeue cit sidroe Allah Neudeungo dumpeue Neukalon dumpeue Hana meusapeue pih na meuilah", "Pakon han jijak di dalam bumoe Jikalon bagoe ureueng nyang salah Pakri akibat dum dilee masa Kawom nyang teuga ngon beuho leupah Takalon euncit jih dalam bumoe Nibak awaknyoe leubeh jih meugah Teuma le Tuhan bandum Neusiksa Nyang pubuet dacha bandum Neubalah Meu ka Neuhukom teuma le Tuhan Hana le jalan soe keumeung peuglah", "Atranyan sabab troh rasul bak jih Geujakba bak jih peurintah Allah ę& Teuma jikaphe han jitem pateh Neuhukom treuk jih teuma le Allah Teuga that Tuhan meunyo Neusiksa Han peue takira sit brat sileupah", "Yoh dilee Kamoe meukirem Musa Mangat geujakba keudeh risalah Ngon ayat Kamoe keunan geujakba Mvu'ʻjizat raya lom geupeuleumah", "Ubak Peuraʻun Haman ngon Karun s Teuma jih bandum hana jipapah Jikheun nyan sihe narit sulet that", "Bak kawom ligat teuma jipeugah ‘Oh ban troh bak jih nyang keubenaran Asai bak Tuhan nyang Maha Murah Jikheun dum aneuk ureueng meuiman Meunyo nyang agam bek le kakeubah Nyang inong mantong bek kapoh mate Keubit sikaphe sisat sileupah Tipee daya jih hana roe ase", "Peuraʻun kheun le teuma jipeugah Bah kupoh mate keudeh Musa nyan Nak jihoi Tuhan jih jiyue peuglah Di lon kutakot agama gata Jikeumeung tuka jiyue nyang salah Jimeung peurusak dum dalam bumoe", "Musa kheun meunoe teuma geupeugah Keubit di lon nyoe lonlakee lindong Ubak Tuhanlon nyang Maha Murah Po lon Po gata sinan lonlakee Neupeumeusilee nibak si jadah Sombong teukabo hana meuiman Uroe hisab tan di jih jipeugah", "Teuma na sidroe kawom Peuraʻun Nyang na meuiman gopnyan keu Allah r Hana leumah roe gopnyan meuiman n Geukheun le gopnyan meunoe geupeugah Keu peue tameupoh teuma ureueng nyan Nyang peugah Tuhan sit sidroe Allah Geuba bak gata dali nyang nyata Nibak Po gata bandum geupeugah Meu sulet gopnyan salah droe gopnyan Meu beuna gopnyan raya musibah Bala nyang raya keunong keu gata Lagee bak gata janji geupeugah Han Neupeutunyok teuma le Tuhan Ureueng nyang lalem jipubuet salah Nyang tukang sulet saban cit meunan", "Gata hai rakan keurajeun luah Uroenyoe gata nyang mat keurajeun Lam bumoe Tuhan gata peurintah o. Soe nyang ek tulong teuma gatanyoe : Meunyo troh keunoe azeub bak Allah Peuraʻun jikheun di lon bak gata Meu lon peunyata peue nyang lonpeugah Lon bri peutunyok keu bandum gata Jalan nyang rata mangat bek salah", "Ureueng meuiman kheun lom bak kawom Wahe rakanlon lontakot leupah Lontakot keunong ubak dum gata Saban ngon bala masa nyang sudah Awak nyang dilee pih sapeue pakat", "Kawom Noh ngon ‘Ad Tsamud seurakah Meunan pih kawom dudoe nibaknyan Bandum awaknyan ka abeh sudah Tan napsu Tuhan elanya hamba", "Lontakot gata pih saban leupah Lontakot gata han got akibat Uroe kiamat han ek soe peuglah Tameuhoi bantu bandum uroenyan", "Taplueng dum yohnyan droe tapeusiblah Han ek soe peuglah teuma dum gata Meunyo Neusiksa gata le Allah Barangsoe nyang ka Tuhan peusisat Han soe peuteupat kawom meutuah", "Yoh dilee Yusuf ka troh bak gata Geuba bak gata peurintah Allah Geuba ngon dali nyang trang ngon nyata Teuma di gata ragu that leupah Sabe chok gata keu peue nyang geuba Hingga gopnyan ka geuwoe bak Allah Di likot gopnyan pih ka lheuh takheun Hana le ureueng nyang ba risalah Han le Neukirem rasul le Tuhan Meunan keuh macam meunyo ka salah Ureueng nyang lalem ngon ragu jih that Sit Neupeusisat jihnyan le Allah", "Jibantah di jih dum ayat Tuhan Hana alasan peue nyang jipeugah Keu jih raya that muruka Tuhan Mukmin dum meunan pih hana ubah Musoh jih Tuhan ngon ureueng mukmin Ka Neucap meunan keu jih le Allah Soe nyang teukabo Neucap lam ate Sabab jipike droejih kha leupah", "Peuraʻun jikheun teuma hai Haman Kapeugot sinan geudong nyang meugah Kumeung ek keudeh kapeugot rinyeun Beumanyang rinyeun kapeugot bagah", "U pinto langet kapeuek keudeh Kumeung eu sideh Tuhan jipeugah Kumeung jakkalon pat Tuhan Musa Bit sulet raya jihnyan beurakah Meunan keuh jeuħeut Peuraʻun pubuet Teuma jipeujeut jisangka indah Jitham bek jijak bak jalan teupat Keubit rugoe that Peuraʻun jadah Tipee daya jih jeut sia-sia", "Geumarit teuma ureueng meutuah Ureueng meuiman geukheun bak kawom Taikot kheun lon kawom meutuah Lontunyok gata bak jalan teupat Bek roh lam sisat tapubuet salah", "Udep lam donya wahe kawomlon Seunang meu bak phon akhe jih susah Nanggroe akhirat nyan keuh nyang keukai", "Soe nyang brok amai brok cit geubalah Soe nyang got amai agam ngon inong Lom jimeuiman keupada Allah Ureueng nyan teuma tamong churuga c Han ek takira raseuki mudah", "Wahe kawomlon pakon dum gata Watee lon maba han tatem langkah Lon maba gata bak jalan teupat Di gata meuhat taba bak salah Tamaba jak lon dalam nuraka", "Lon nyoe tamába kaphe keu Allah Tapeucharikat Tuhan ngon laen Nyang han lon tuban tayue jak seumah Di lon lonmaba gata bak Tuhan Nyan keuh nyang Tuhan Perkasa leupah Maha Pengampon sigala dacha", "Nyang gata maba ka trang that salah Ka trang that di jih nyan hana daya Hana kuasa meuube seupah Di dalam donya jih tan kuasa Akhirat teuma hana peue peugah Gata nyoe bandum tawoe bak Tuhan Teuma nyang lalem lam apui mirah Nyang elanya droe asoe nuraka", "Dudoe cit nyata peue nyang lonpeugah Akan taingat peue nyang lonkheun nyoe Di lon lonjok droe keudeh bak Allah Urusan lon nyoe pulang bak Tuhan Nyang deuh Neukalon buet hamba Allah", "Teuma ureueng nyan Tuhan plihara Jikeumeung siksa han ek jihilah Kawom Peuraʻun nyang laen bandum Tuhan peukeunong azeub that leupah", "Beungoh ngon seupot jieu nuraka Leumah di mata jih apui mirah Uroe kiamat Neuyue peutamong Kawom Peuraʻun lam azeub leupah", "Wateenyan bandum jih lam nuraka Jipeugot dawa peusalah-salah Kheun awak leumoh ubak keupala Kamoe dum taba dilee bak salah Kamoe yoh dilee meuikot gata Jinoe teh daya kamoe tapeuglah Peutubiet kamoe nibak nuraka", "Seuot keupala hana le hilah Bandum geutanyoe asoe nuraka Teurimong saja hukoman Allah Ka putoh hukom Neubri keu hamba", "Asoe nuraka teuma dum peugah Jikheun abk ureueng kawai nuraka Pakriban daya kamoe beuleupah Talakee siat ubak Po gata Neupeuphui hamba azeub that leupah Neupeuphui azeub si uroe mantong", "Seuot ureueng nyan kon ka geupeugah Kon ka lheuh geujak rasul bak gata Geupeutrang nyata bandum peurintah Jikheun bit ka lheuh kheun treuk ureueng nyar Meuduʻa kaman laju dum di kah Duʻa si kaphe pane geutemtueng Awaknyan bandum sisat sileupah", "Kamoe meutulong dum rasul kamoe Mukmin sinaroe pih hana ubah Lam udep donya sampoe “an dudoe ‘Oh teuka uroe nyang hebat leupah Uroenyan saksi rame that teuka", "Hana le guna peue nyang tapeugah Awak nyang lalem jilakee ampon Uroenyan bandum hana phaedah Ka geubri keu jih kutok ngon laknat Lom brok that teumpat keu jih geukeubah", "Kamoe peutunyok dilee keu Musa Meubri pusaka lom nyang got leupah Bani Israil meubri pusaka Kitab nyang raya keu jih meukeubah", "Peutunyok Tuhan haba peuingat Saket ngon mangat sinan geupeugah Soe-soe nyang lisek jeut keu peuingat", "Di gata meuhat saba that leupah Tasaba beu got taingat janji Tuhanku Rabbi ka lheuh Neupeugah Nyang janji Tuhan sit that sibeuna Neuampon dacha talakee bagah Takheun teuseubeh tapujoe Tuhan Talakee ampon barang nyang salah Seupot ngon beungoh tapujoe Tuhan", "Teuma awaknyan cit ka lam salah Di jih jibantah dum ayat Tuhan Hana alasan peue nyang jipeugah i Dalam dada jih teukabo that-that Napsu jih that-that di jih keu meugah Han troh napsu jih hana soe tulong Talakee lindong teuma bak Allah Di Tuhan teuma Neudeunge dumpeue Neukalon dumpeue hana meuilah", "Tuhan Neupeujeut langet ngon bumoe Neupeujeut tanyoe leubeh that mudah Leubeh that mudah Neupeujeut insan Nibak atranyan nyang pueh sileupah Teuma nyang le that dum manusia Hana jikira ʻeleumee Allah Hana jiteupue kuasa Tuhan", "Hana roe saban ureueng nyang salah Ureueng nyang buta ngon nyang deuh kalon a Pane ek saban laen that leupah i Ureueng meuiman lom geupubuet got Teuntee laen that ngon ureueng salah Pane ek saban ngon ureueng jeuhuet Teuma nit roe that nyang tueng phaedah Nit that dum gata jeut keu peuingat", "Uroe kiamat sit troh le bagah Hana peue tachok uroe kiamat Cit troh le siat Neubri le Allah Tapi nyang le that takalon insan Han jimeuiman di jih keu Allah", "Po gata neukheun talakee bak Lon Meuhat Lon tulong gata dum bagah Sit Lon teurimong duʻa dum gata Asai bek gata teukabo leupah Soe nyang teukabo han jiibadat Nyang Lon yue meuhat di jih jikeubah Dudoe jih dilop dalam nuraka Ayeb ngon hina hanaban peugah", "Tuhan nyang peujeut keu gata malam Bak taeh teunang tapiyoh payah Neupeujeut uroe peungeuh meukuprak Mangat tajak-jak mita napakah Karonya Tuhan keu manusia Hana jikira chuko keu Allah", "Allah keuh Tuhan Po gata bandum Nyang peujeut bandum alam blah bicah Bandum peukara peuneujeut Tuhan Tan laen Tuhan meulengkan Allah Pakon sit gata ek jipeupaleng", "Meunan keuh lazem ureueng nyang salah Soe nyang meuungki keu ayat Tuhan Sit jipeupaleng le chetan jadah", "Tuhan Neupeujeut bumoe keu gata Mangat tamita sinan napakah Jeut teumpat tanuep sinan dum gata Langet Neubina leupah that luah Neupeujeut langet saboh bangunan Gata pih meunan rupa dum indah Neupeujeut rupa indah han sakri Neubri raseuki teuh dumpeue mudah Raseuki nyang got cita ngon rasa Nyan keuh Po gata cit sidroe Allah Maha Suci Droeneuh Po dum alam s", "Nyan keuh nyang Tuhan meusipheut hayah 4 Udep Neuh sabe tan kesudahan Tan laen Tuhan meulengkan Allah Talakee duʻa teuma bak Tuhan Agama teuh nyan beu bit ikheulah Sigala pujoe meuwoe bak Tuhan Nyang Po dum alam deungon blah bicah", "Takheun lon Neutham lonseumah laen f Nyang takheun Tuhan nyang bukon Allah Ayat nyang nyata ka troh ubak lon Sideh bak Po lon teuka peurintah Neuyue lonjok droe keudeh bak Tuhan Nyang Po dum alam deungon blah bicah", "Asai bak tanoh Neupeujeut gata Allah Taʻala kuasa leupah Lheuh nyan Neupeujeut bak ie saboh tep Darah saboh cep ‘oh Iheuhnyan sudah Teuma lahe jeut keu aneuk ubit Lheuh nyan rayek bit gata ka gagah ‘Oh Iheuh nyan gata ka tuha ladom Nyang mate gohlom tuha that leupah Nyang ladom teuma preh-preh troh ajai Nak jeut ngon akai tatueng phaedah", "Tuhan peuudep Tuhan peumate Sinan tapike kuasa Allah ‘Oh Neumeung peujeut uleh Hadharat Barangpeue hajat Neumeung peurintah Neukheun jeut di kah jinoe le ligat Ase le siat hana meupayah", "Peue hana taeu roe dum awaknyan Keu ayat Tuhan bandum jibantah Pakri ek di jih dum jipeupaleng", "Sulet lom jikheun keu kitab Allah Peue nyang meuyue ba bak rasul Kamoe Sulet cit dum nyoe di jih jipeugah Akan jiteupue akibat teuma", "Watee geusukla ngon rante mirah Geusukla takue jih geuboh rante Geuhei keudeh le lam apui bagah", "Lam ie tutong that Iheuh nyan lam apui Keunan geubalui azeub sileupah", "Geukheun toh dum nyang ka peucharikat", "Kakheun Hadharat nyang bukon Allah Jikheun hana jih sinoe ngon kamoe Dilee pih kamoe hana meuseumah Hana meuseumah dilee meusapeue Kaphe beurakah sisat sileupah Meunan keuh kaphe Tuhan peusisat", "Dilee galak that di bumoe di kah Nyang hana beutoi dilee kapubuet Seunang ngon mangat galak keuh leupah", "Jaklop treuk dalam pinto nuraka Sinan rok masa keukai dum di kah Ureueng teukabo teumpat cit brok that", "Di gata meuhat saba beu leupah Tasaba beu that preh janji Tuhan Nyang janji Tuhan han tom meuubah Nyang Kamoe janji keu jih dum siksa Kadang bak gata Kamoe peuleumah Siksa nyan ladom taeu le gata Nyang ladom gata tawoe bak Allah Di jih pih jiwoe bandum bak Kamoe Hana meusidroe pih nyang na leupah", "Rasul dum dilee ka Kamoe kirem Teuma nyang ladom ka Kamoe peugah Nyang ladom hana Kamoe peuhaba Keunan bak gata hana meukisah Teuma di rasul ‘oh geuba ayat Bandum nyan meuhat ngon izin Allah Oh watee ka troh peurintah Tuhan Bandum putusan hana soe ubah Putusan Tuhan beuna ade that Yohnyan rugoe that awak nyang salah Nyang pubuet bateu raya that rugoe", "Tuhanku sidroe kuasa leupah Tuhan nyang peujeut binatang ternak Ladom tagiduek ho tameulangkah Ladom tapajoh sie jih pih mangat", "Le that munaphaʻat tatueng phaedah Peue nyang tahajat di dalam dada Teuka le sigra hana meupayah Ateuh jih taduek ngon ateuh kapai Tame ngon beukai ho tameulangkah", "Tuhan peuleumah ayat keu gata Nyang toh di gata nyang takheun salah Nyang toh taungki dum ayat Tuhan", "Pakon han tuan tajak ziarah Pakon han jijak di dalam bumoe Jikalon bagoe dum ureueng salah Ureueng nyang dilee le lom nibak jih Teuga nibak jih hanaban peugah Di dalam bumoe euncit jih le that Hana munaphaʻat keu jih phaedah", "‘Oh teuka rasul ubak awaknyan Geujakba keunan peurintah Allah Di jih that seunang ngon peue nyang ka na ‘Eleumee donya bak jih le leupah Jiulok-ulok bandum ureueng nyan Jinoe atranyan bandum geubalah", "‘Oh ban jikalon dum azeub Kamoe | jikheun treuk kamoe meuiman bagah Kamoe meuiman keu Tuhan sidroe Han le dì kamoe laen meuseumah Nyang kamoe dilee meupeucharikat Meukaphe meuhat keu jihnyan sudah", "Hana guna le iman jih yohnyan $ Meu ka jikalon azeub that leupah Meu ka Kamoe bri azeub keu jihnyan Nyan sunnah Tuhan han jeut meuubah Nyan sunnah Tuhan keu bandum hamba Ka dilee masa saban that leupah Watee nyan kaphe jeut rugoe that-that Binasa meuhat hana soe peuglah"] }, { "chapter": 41, "versesCount": 54, "verses": ["HaMim Tuhan nyang teupue meukeusud ayat Sabab Hadharat hana Neupeugah", "Neupeutron kitab sideh bak Tuhan Meusipheut Rahman nyang Maha Murah Tuhanku sidroe geumaseh that-that", "Nyoe keuh nyang kitab nyang trang sileupah Ayat Neupeutrang di dalam kitab Lam bahsa Arab Qur'an Neupeugah Kawom nyang teupue jitueng munaphaʻat", "Haba peuingat beuna ngon salah Haba peugalak haba peutakot Teuma nyang surot pih le that leupah Jipaleng laju watee jideungo Han ek jideungo di jih jipeugah", "Jikheun di kamoe atemeuh teutop Han ek meuikot peue nyang tapeugah Geulinyueng kamoe pih ka meusumpai Han jitem sagai deungo peurintah Antara kamoe lom deungon gata Binteh meusangga han ek tapeuhah Pubuet di gata ban nyang hʻeut gata Kamoe keurija pih ban nyang mudah Kamoe meupubeut ban nyang h‘eut kamoe", "Takheun di lon nyoe meulon seumeugah Lon manusia sit lagee gata Teuma Neuyue ba wahyu le Allah Keu bandum gata Neuwahyu bak lon Tuhan gata dum cit sidroe Allah Teuma beu teutap keuh ate gata Bek na meutuka iman meuubah Talakee ampon ubak Droeneuh nyan Ceulaka yohnyan keu awak salah Jipeucharikat Tuhan ngon laen", "Lom pih han jitem bayeue seudeukah Han jitem bayeue seudeukah wajeb Han jibri zakeuet keu hamba Allah Lom pih jikaphe akan akhirat Hana akhirat di jih jipeugah", "Ureueng meuiman lom geupubuet got Pahla raya that Neubri le Allah Hana tom putoh keu gopnyan pahla", "Takheun peue gata kaphe keu Allah Pakon takaphe gata keu Tuhan Kuasa Tuhan hanaban peugah Neupeujeut bumoe lam dua uroe Di gata dumnyoe laen tapeugah Tapeugah dum le Tuhan nyang laen Padahai Tuhan cit sidroe Allah Nyan keuh nyang Tuhan nyang Po dum alam", "Neupeujeut gunong raya ngon meugah Neubri beureukat lom bak dum gunong Le that makan sinan Neukeubah Nyan pih Neukada dalam peut uroe Saban geutanyoe tatueng phaedah", "Tuhan Neupeukeu teuma u langet Mantong meuasap gohlom got sudah Neukheun bak langet deungon bak bumoe Boh jak leh keunoe bandua di kah Kajak ngon seunag got pih terpaksa Jiseuot lanja seunang that leupah Ngon seunang ate kamoe meuteuka", "Neupeugot lanja treuk jih le Allah Tujoh boh langet Neupeugot jinoe Lam dua uroe sagai ka sudah Teuma neuwahi bak bandum langet Peue-peue nyang patot urusan di kah Kamoe peuindah bak langet nyang toe Lampu sinaroe hu meujeureulah Lom meuplihara meupeugot kada Keubit perkasa Kamoe that leupah Bandum meuteupeue sigala rupa", "Takheun le gata meunyo jibantah i Meunyo jipaleng jih tapeuingat Dilee kawom ‘Ad binasa sudah Bak ‘Ad ngon Tsamud teuka geulanteu Keu jih pih meunoe hana meuubah", "Awaknyan dilee ‘oh teuka rasul 3 Han jitem kabui peue nyang geupeugah Di keu di likot jih rasul teuka Allah Taʻala dum geuyue seumah Bek seumah laen meulengkan Tuhan Jikheun le yohnyan peue tajak peugah Meunyo Neukheundak uleh Hadharat Sit malaikat Neupeutron bagah Meunyo sit gata Neukirem keunoe Meukaphe kamoe peue nyang tapeugah", "Awak ‘Ad teuma leupah teukabo Jipeucot baho di bumoe Allah Hana hak di jih jikheun lom teuma z Soe nyang that teuga teuma tapeugah si Peue hana jieu Tuhan peujeut jih Leubeh nibak jih teuga that leupah Biek meunan di jih keu ayat Kamoe Jiungki dum nyoe jikheun nyan salah", "Kamoe kirem treuk angen nyang kreuh that Jeut jih meularat hanaban peugah 8: Na padum uroe jih dum meularat c Jirasa azeub ayeb that leupah i$ Ayeb that azeub lam udep donya Akhirat teuma han ek tapeugah Leubeh that ayeb azeub akhirat Hana meusapat pih soe ek peuglah", "Teuma si Tsamud Kamoe peutunyok Han jitueng jicok di jih nyang salah Galak keu buta jih nibak teubleut Teuka treuk azeub hina sileupah Geulanteu azeub keu jih dum teuka", "Meupeuglah sigra ureueng meutuah Ureueng meuiman leupah bak bala Sabab takwa gopnyan keu Allah", "Ureueng nyan teuma dum geupeusapat Musoh Hadharat lam apui mirah Geubagì-bagi jih lam nuraka", "Saksi dum jiba keu jih jipeugah y Geulinyueng mata jih jiek saksi s Han jeut jiungki jipubuet salah Kulet bak tuboh jih pih jimarit Peue nyang jipubuet bandum jipeugah", "Jikheun bak kulet jih pakon meunoe Nyang salah kamoe dum kajak peugah Jiseuot kulet jeut kamoe marit Ka Neuyue marit kamoe le Allah Tuhan kuasa Neuh Neuyue marit Dumpeue jimarit ‘oh Neupeurintah Tuhan nyang peujeut gata phon dilee Tawoe meuteuntee bandum bak Allah", "Peue-peue nyang tatop hana le daya “$ Dum salah gata ka beh jipeuhah Geulinyueng mata kulet keu saksi Takeumeung ungki hana le hilah Tasangka Tuhan hana Neuteupue Tapubuet bateu dum le sileupah", "Meunan tasangka keu Tuhan gata Ka keuh binasa gata Neubalah Meujeut treuk gata raya that rugoe", "Saba treuk jinoe dang-dang peurintah \\ Meunyo jisaba dalam buet dacha Dalam nuraka dum jih geukeubah Meunyo jilakee bak gata ampon Han geupeuampon raya that salah", "Kamoe bri rakan teuma dum keu jih i Jikheun treuk buet jih nyan got sileupah i Buet nyang di keu jih got dilikot jih 5 Bandum got bak jih nyan hana salah Meu hak treuk keu jih putosan Tuhan Bak jen ngon insan nyang sudah-sudah Putosan Tuhan sit ka meuteuntee Rugoe meuribee jih han ban peugah", "Bek kajak deungo Qur'an jihnyoe i Meunan keuh bagoe kaphe jipeugah ; Kasurak mantong watee kadeungo Bek deuh kadeungo bek jeut keu susah Ngon nyan meunang keuh talo awaknyan", "Rasa treuk yohnyan azeub that leupah Kamoe peurasa azeub keu kaphe Hana guna le meunyesai teulah Leubeh brok that lom nibak jih pubuet Meunan keuh azeub keu jih meubalah", "Meunan keuh sitree Allah Taʻala Dalam nuraka bandum Neukeubah Keukai jih sinan hana teubiet le Sabab jiungki keu ayat Allah Balah jiungki keu ayat Kamoe", "Kaphe dum jinoe teuma jipeugah Dua jeuneh nyang peusisat kamoe Hai Tuhan kamoe Neubri beuleumah Jen deungon insan Neupeuleumah roe Yup tapak gaki kamoe meukeubah Kamoe meugidong jih u yup that-that Kamoe dum sisat jih peugot ulah", "Teuma soe nyang kheun Po kamoe Tuhan / Jimeudong sinan bak jalan Allah Malaikat tron dum bak ureueng nyan Geukheun bak gopnyan bek susah-susah Takot ngon gundah bek na bak gata Teumpat dum gata churuga indah Teutap teuh sinan meusuka-suka Janji ngon gata jinoe Neubalah", "Kamoe nyoe bandum keu rakan gata Lam udep donya dilee phon sudah Meunan pih jinoe troh u akhirat Peue-peue nyang hajat teuh ka Neukeubah Peue nyang talakee sit na le laju", "Nikmat Tuhanku Neubri hadiyah Tuhanku sidroe Maha Pengampon Lagi pih Tuhan Maha Pemurah", "Soe na nyang laen leubeh got narit Meu kon nyang marit geumeuhoi Allah Geupubuet nyang got lom geukheun keudroe Ka lon peujok droe di lon bak Allah Ulon nyoe keuh nyang ureueng Iseulam", "Nyang got han saban deungon nyang salah Nyang got ngon jeuheut han sagai saban Tamaba rakan beugot tapeugah Meunyo tamarit mameh suara Musoh ngon gata han jadeh marah Musoh barokon ka jeut keu rakan Kon le jih lawan ka rakan leupah", "Nyang ek teumee nyan ureueng nyang saba Nyang raya laba Neubri le Allah", "Meunyo jidaya gata le chetan Talakee lindong laju bak Allah Tuhan Neudeungo lom that Neuteupue Hana meusapeue pih na meuilah", "Tanda kuasa lom Tuhan sidroe Malam ngon uroe han tom meuubah Mata uroe lom teuma ngon buleun Teuma bek takheun jihnyan taseumah Bek tasujud bak mata uroe Buleun pih meunoe peuneujeut Allah Keudeh tasujud bak Tuhan sidroe Nyang peujeut jihnyoe deungon blah bicah Meunyo bit gata taseumah Tuhan", "Bek sagai rakan teukabo leupah Meunyo teukabo jih dum awaknyan Nyang toe ngon Tuhan bandum meunyerah Geukheun teuseubeh malam ngon uroe Tuhan geupujoe hana tom leulah", "Lom saboh tanda kuasa Tuhan Bumoe takalon ka tho sileupah ‘Oh meubri ujeun meugr‘ak jih udep Bandum peunyaket gadoh le bagah Meunyo bumoe nyan ek Neupeuudep Ek keuh Neubangket bandum le Allah Ureueng nyang mate bandum Neubangket Tuhan cit sabet kuasa leupah Ateuh barangpeue Tuhan kuasa", "Laen keunira nyang awak salah Nyang han tem pateh dum ayat Kamoe Bandum di Kamoe meuteupue sudah Hana nyang meusom dumpeue bak Kamoe Soe got awaknyoe ngon nyang meutuah Soe got nyang geutiek dalam nuraka Nibak soe nyang ka iman keu Allah Ureueng nyan aman uroe kiamat Pubuet treuk ligat peue nyang hʻ‘eut di kah Peue nyang tapubuet Neueu le Tuhan Meu sapeue pih tan nyang hana leumah", "Keubit ceulaka keu awak kaphe l ‘Oh teuka Zike bak jih jibantah Padahai Zike kitab mulia", "Hana tom teuka keunan nyang salah Dikeu dilikot jih tan nyang bateu Neupeutron keunoe sideh bak Allah That bijaksana hak that tapujoe Tuhanku sidroe nyang Maha Murah", "Peue nyang geupeugah keunan bak gata Yoh dilee pih ka bandum geupeugah Bak Rasul-rasul sigohlom gata Tuhan Po gata kuasa leupah Ek Neupeuampon lom ek Neusiksa Peudeh that rasa keu soe nyang salah", "Meunyo Neupeujeut teuma Qur'an Lam bahsa laen bandum meupeugah Teuntee jikheun sit pakon hana trang Ayat di dalam hana geucharah Nyang saboh laen nyang saboh Arab Pakri ek sapat meupisah-pisah Takheun nyoe milek urueng meuiman Peutunyok Tuhan nyang Maha Murah Lom jeut keu ubat Neubri le Tuhan Nyang han meuiman droejih nyang salah Ka jiboh sumpai lam geulinyueng jih Buta mata jih han sapeue leumah Tameuhoi jihnyan bak teumpat jioh Pajan keuh ek troh peue nyang tapeugah", "Dilee Kamoe bri kitab keu Musa Jipeudong dawa teuma jibantah Adak kon ka na putosan Tuhan Abeh awaknyan binasa sudah Di jih dalam chok ragu jih sit that", "(Ureueng pubuet got cit got Neubalah Meuwoe got keudroe jih dudoe teuma Meunan pih teuma nyang pubuet salah Ateuh droe jih sit meuwoe meularat Po gata meuhat ade that leupah JUZ 25) Han Neuelanya Tuhan keu hamba", "Kiamat teuka ‘eleumee Allah Pajan kiamat ʻeleumee Tuhan Boh kayee pajan ek jeut keu buah Aneuk lam kandong pajan keulua Bandum nyan juga ‘eleumee Allah Uroenyan geuhoi bandum awaknyan Ho ka dum Tuhan nyang gata seumah Tapeucharikat jihnyan dum ngon Lon Hoka jih dum nyan tacuba peugah Jiseuot bandum hana kamoe eu Meu na kamoe eu teuntee meupeugah", "Peue nyang dilee kon nyang jikheun Tuhan Nibak uroenyan hana le leumah Ka keuh jiyakin bandum awaknyan Hana le jalan droeteuh tapeuglah", "Hana roe bosan dum manusia Jilakee duʻa bak got that leupah ‘Oh teuka nyang brok jih putoh asa Hana le daya meunan jipeugah", "Meunyoe Kamoe bri keu jihnyan rahmat ‘Oh Iheuh meularat jih dalam susah Jikheun atranyoe usaha droelon Kiamat pajan nyan bek tapeugah Lon pike hana uroe kiamat Tan le meularat ka seunang leupah Meunyo geupeuwoe lon bak Tuhanlon Cit got that keu lon hana meusalah Kamoe peugah dum amai sikaphe Di jih han jeut le sapeue jipeugah Buet jihnyan dilee meupeugah bandum Rasa treuk bandum azeub that leupah Kamoe peurasa Keu jihnyan azeub", "Insan dum meuhat cit le that ulah Watee Kamoe bri keu jihnyan nikmat Jipaleng meuhat droe jipeusalah Meunyo nyang jeuheut teuka ubak jih Meuduʻa di jih panyang sileupah", "Takheun boh pakri meunyo atranyan Sideh bak Tuhan asai geupeugah Teuma takaphe ‘oh lheuh nibaknyan Soe leubeh yohnyan sisat that leupah Nyan keuh tantangan keubit jioh that", "Jieu treuk ayat Kamoe peuleumah Tanda jikalon dum di angkasa Bak droejih pih na tanda le leupah Hingga trang bak jih atranyoe beuna Han sep nyan teuma kuasa Allah Cukop Po gata dumpeue Neukalon", "Di jih roe mantong ragu jih leupah Ragu jih peue ek meureumpok Tuhan Han jitem simban atejih teuhah Teuma di Tuhan dumpeue Neuteupue ‘Eleumee Neuh nyoe leupah that luah"] }, { "chapter": 42, "versesCount": 53, "verses": ["HaMim", "‘Ain Sin Qaf Tuhan nyang teupue meukeusud ayat Sabab Hadharat hana Neupeugah", "Meunan Neuwahi Tuhan bak gata Yoh dilee masa pih hana ubah Bak ureueng dilee sigohlom gata Maha Perkasa bit sidroe Allah Lagi pih Tuhan that bijaksana", "Langet ngon donya sit milek Allah Peue nyang di langet got nyang di bumoe Milek Droeneuh nyoe hana soe bantah Droeneuhnyan sidroe Maha Manyang that Maha raya that hanaban peugah", "Rot ateuh langet karap-rap anco Abeh teupiro takot keu Allah Ucap teuseubeh dum malaikat Pujoe Hadharat nyang Maha Murah Geulakee ampon keu bandum hamba Nyang pubuet dacha di bumoe Allah Beu na tateupue keubit roe Tuhan Maha Pengampon lom that Pemurah", "Awak nyang jakcok Tuhan nyang laen Bandum awaknyan urusan Allah Gata kon waki bantu awaknyan", "Qur'an teuh nyan beu got tapapah Ka Kamoe wahi keu gata kitab Lam bahsa Arab Qur'an meupeugah Jeut tapeuingat dum awak Arab Ngon nyang kon Arab pih tapeurintah Ureueng dilingka nyang bukon Arab Jeut tapeuingat bandum tapeugah Takheun dudoe na uroe meusapat Hana chok meuhat yohnyan geubalah Nyang ladom tamong dalam churuga Dalam nuraka ladom geukeubah", "Meunyo hʻ‘eut Tuhan Neumeung peusaboh Umat bandum jroh hana meusalah Tapi nyang ladom Neuboh lam rahmat Nyang lalem meuhat teuma meusiblah Hana walijih hana soe tulong", "Sabab le Tuhan di jih jipeugah Tuhan nyang laen kon Tuhan sidroe Walijih dum nyoe nyang bukon Allah Padahai Allah nyan keuh nyang wali Dumpeue ek Neubri hana soe bantah Ek Neupeuudep dum ureueng mate Hana seunabe kuasa Allah Ateuh barangpeue Tuhan kuasa", "Barangpeue dawa keunan tapeugah Putosan hukom bandum bak Tuhan Nyan keuh Tuhanlon nyang Maha Murah Di lon bak Tuhan ka lon peujok droe Dudoe pih lon woe keudeh bak Allah L", "Tuhan nyang peujeut langet ngon bumoe Judo gatanyoe peuneujuet Allah Meujudo-judo Neupeujeut gata Binatang juga saban that leupah Bandum meujudo peuneujuet Tuhan Gata dum sajan peuneujeut Allah Nyang sa ngon Tuhan tan na meusapeue Neudenge dumpeue hana meuilah Dumpeue Neukalon uleh Hadharat", "Dum gunci langet pih milek Allah Gunci bumo nyoe pih milek Tuhan Ban kheundak Tuhan han ek soe bantah Nyang ladom mudah Neubri raseuki Nyang ladom Neubri han sep napakah Teuma sit Tuhan dumpeue Neuteupue Hana meusapeue pih na meuilah", "Syari't Tuhan Neubri keu gata Dalam agama hukom nyang ceudah Bak Noh cit dilee ka Iheuh Neupeusan : Jinoe pih meunan bak gata sudah Saban ngon wahyu keunan bak gata Ibrahim Musa Isa Ruhullah Nyang Kamoe peusan peudong agama Bek sagai gata tameuparikah Bak kaphe muchrek brat that atranyan Han ek jime nyan nyang gata peugah Soe nyang h‘eut Tuhan teuma Neupileh Soe nyang tem keudeh jiwoe bak Allah Neubri peutunyok keu soe nyang tobat", "Nyang han meusapat awak nyang salah ‘Oh ban Iheuh teuka ‘eleumee bak jih Sinan phon di jih meupeucah-peucah Sabab dengki jih sabe keudroe-droe Jih han jitem woe bak jalan Allah Adak kon ka na putosan Tuhan Bandum awaknyan binasa sudah Ka Neuboh ajai uleh Po gata Gohlom troh masa anco ngon bicah Nyang tueng pusaka kitab nyan bak jih Dudoe nibak jih hana meuubah Chok jih ngon ragu keu asoe kitab Jeut treuk jih teutap di dalam salah", "Teuma di gata tameuhoi jihnyan Tameudong sinan pat nyang peurintah Bek tapeuturot napsu awaknyan Di lon meuiman meunan tapeugah Di lon keu kitab ka lon meuiman Nyang ka Neupeutron keunoe le Allah Neuyue beu ade di lon keu gata Allah Taʻala meunan Neupeugah Tuhan Po kamoe deungon Po gata Kamoe keurija ban nyang peurintah Teuma di kamoe ban amai kamoe Ka Neuyue kamoe meunan le Allah Di gata teuma ban amai gata Hana le dawa tanyoe meubantah Geutanyoe bandum Tuhan peusapat Tawoe dum meuhat keudeh bak Allah", "Awak nyang bantah agama Tuhan Padahai Tuhan ka lheuh Neupeugah Agama Tuhan ka Neuteurimong Tapi di jihnyan mantong jibantah Bantahan jihnyoe jeut sia-sia Neupeumuruka jih lom le Allah Neubri azeub lom keu jih nyang brat that", "Neupeutren kitab ka lIheuh le Allah Haba nyang beuna asoe lam kitab Timbangan meuhat ade sileupah Na roe tateupue pajan kiamat Kadang ka toe that wateejih sudah", "Nyang han pateh na uroe kiamat i Jilakee meuhat beu rijang leupah Bak jinoe laju teuka kiamat Di jih meuhʻeut that teukabo bagah Teuma dum ureueng nyang na meuiman Geuteupue nyang nyan beuna that leupah Sabab nyan gopnyan teumakot geuh that Akan kiamat hanaban peugah Awak nyang bantah akan kiamat Jioh that sisat di jih ka salah", "Tuhan Neusayang keu bandum hamba Neubri beulanja raseuki mudah Soe nyang Neukheundak Neubri raseuki Tuhanku Rabbi kuasa leupah Teuga that Tuhan lagi Perkasa", "Neubri keu hamba jalan nyang mudah Soe nyang meunapsu laba akhirat : Kamoe bri le that keu jih meutamah i Soe nyang meunapsu keu laba donya Kamoe bri teuma pih hana ubah Laba akhirat ‘oh dudoe teuma Hana sapeuena keu jih meukeubah", "(Nyang jikheun Tuhan jipeucharikat y Peue ek jipeugot keu jih phaedah i) Agama jih kon ngon izin Tuhan u Syariʻat jih nyan raya that salah Adak kon ka na putosan Tuhan Ka beh jih dum nyan binasa sudah Azeub peudeh that akan si lalem", "Mukajih ceuken yo jih that leupah Jiingat dilee buet jih that jeuhuet Jinoe geuazeub hanaban peugah Urueng meuiman lom geupubuet got Churuga teumpat taman nyang luah Peue nyang h'eut gopnyan nibak Po gopnyan Neubri keu gopnyan bandum le Allah Nyan keuh karonya nyang raya that-that", "Gaseh Hadharat keu hamba Allah Neubri keu hamba Neuh nyang meuiman Dum keusenangan hanaban peugah Sabab buet nyang got dilee geujunjong Takheun tan di lon lonlakee upah Upah lon mantong gaseh ngon sayang Beujeut keu rakan nyang toe sileupah Barangsoe pubuet buet keubajikan Leubeh nibaknyan lom Kamoe tamah Maha Pengampon Allah Taʻala Neuchuko hamba keu buet jroh leupah", "Jikheun dum le jih jipeuna-peuna Haba duseuta jikheun keu Allah Meunyo Neukheundak Allah Taʻala Lam ate gata Neucap bek teuhah Nyang bateu salah bandum Neusampoh Tinggai nyang neutroh nyanggot-got leupah Neumeung peubeuna nyang keubenaran Deungon Qur'an kalimah Allah Peue nyang lam dada bandum Neuteupue Hana meusapeue pih na meuilah", "Tuhan teurimong tobat dum hamba Salah ngon dacha dum Neupeumeu‘ah Peue nyang tapubuet bandum Neuteupue", "Iman gatanyoe bandum Neubalah Ureueng meuiman lom jipubuet got Neupeutroh hajat jih dum le Allah Neutamah-tamah lom ngon karonya Lom Neubri duʻa jih mustajabah Teuma keu kaphe azeub nyang brat that", "Raseuki ibad teuma Neubatah Sangkira Neubri raseuki hamba Ban nyang jipinta Neupeutroh bagah Meuhat lam donya jih darohaka Nyang jeut nuraka Neubri le Allah Neubri ban h‘eut Droeneuh keu jih bandum Tuhan Neumaklum pakri jiulah Lom pih barangpeue Tuhan Neukalon", "Neupeutron ujeun watee that susah ‘Oh putoh asa bandum awaknyan Rahmat Neuh keunan Neubri le bagah Tuhan keuh wali peulindong tanyoe Hak that tapujoe bek na meuilah", "Lom saboh tanda Neupeujeut langet Bumoe pih meuhat peuneujeut Allah Peue nyang meulata sinan Neupeujeut Bumoe ngon langet sit milek Allah Bandum jih teuma ek Neupeusapat Jan nyang Neuhajat hana soe peugah Peue nyang Neukheundak Tuhan kuasa", "‘Oh Neubri bala droeteuh nyang salah Sabab jaroe droe teuh nyang keurija Le that cit teuma nyang Neupeumeu‘ah", "Hana roe teuga gata di bumoe Han ek gata nyoe talawan Allah Hana wali teuh hana soe tulong Han soe peulindong meunyo kon Allah", "Lom saboh tanda mangat tateupue Kapai meulayeu lam laot luah Di laot taeu jih lagee gunong", "Meunyo hʻeut Tuhan ek Neupeuleupah Neubri ngon angen teunang ngon tajam Kapai pih teunang jiplueng that bagah Bandum nyan tanda keu soe nyang saba Lom hana reuda chuko keu Allah", "Got pih kapai nyan Neupeubinasa Sabab usaha droe jih nyang salah Teuma pih le that nyang Neupeumeuʻah", "Lom pih nak leumah keu soe nyang bantah ~ Awak nyang bantah dum ayat Kamoe Mangat jiteupue han ek jipeuglah Barangho han le jih jeut jilari", "Teuma nyang Neubri teuingat leupah Peue-peue nyang Neubri seunang keu gata Nyan udep donya bek that tapapah Sideh bak Tuhan na nyang leubeh got Keukai lom meuhat han le meuubah Ureueng meuiman nyang po atranyoe Lom nyang peujok droe keudeh bak Allah", "Lom jipeujioh buet dacha raya Buet keuji teuma that jipeusiblah Jipeumeuʻah dum watee beungeh jih", "Taʻat that di jih akan peurintah Jipubuet sunggoh peurintah Tuhan Pubuet seumbahyang han tom jikeubah Barangxapeue buet jıimuchawarat Meunyo ka pakat jipubuet bagah Nibak raseuki nyang ka Kamoe bri Di jih pih jibri zakeuet seudeukah", "Meunyo jilalem ateuh ureueng nyan Laju ureueng nyan geumita hilah Tuhan Neutulong meunyo buet nyang got Meunan iʻtikeud bak geutueng balah", "Meunyo buet jeuheut balah pih jeuheut Lagee jipubeut hana meutamah Soe nyang peumeu*ah meudamee ngon got Pahla jih meuhat Neubri le Allah Ureueng nyang lalem han galak Tuhan", "Ureueng nyang meunang han jeut keu salah ‘Oh Iheuh jilalem ateuh ureueng nyan x Gopnyan ka meunang Neubri le Allah Nyan hana jalan tacok tindakan Ateuh ureuengnyan han jeut tabalah", "Teutapi jalan tacok tindakan Keu soe nyang lalem nyang jeuheut leupah Jijak elanya dum manusia Di dalam donya jipubuet salah Keu jihnyan teuma azeub peudeh that", "Nyang saba meuhat nyan nyang meutuah Lom geupeumeuʻ*ah salah gop laen Nyan nyang that peunteng Neuyue le Allah", "Teuma barangsoe Tuhan peusisat Walijih meuhat ka abeh leupah Hana soe tulong meunyo kon Tuhan Keu soe nyang lalem azeub that leupah Taeu si lalem ‘oh jieu azeub Jikheun adak jeut jiwoe le bagah Peue ek na jalan jiwoe u donya", "Di jih nuraka ka geupeuleumah Teukeukui ulee leupah that hina Ngon iku mata jikalon bagah Teuma geukheun le ureueng meuiman Rugoe that jihnyan hanaban peugah Jipeureugoe droejih ngon ahli jih Nyan keuh jeut keu jih rugoe sileupah Uroe kiamat jih rugoe that-that Keukai geuazeub lam apui mirah Ureueng nyang lalem keukai lam azeub", "Barangsoe meuhat han ek jipeuglah Hana walijih nyang bantu jihnyan Meunyo kon Tuhan hana soe hilah Soe-soe nyang sisat Neubri le Tuhan Hana le jalan jih ret tapeuglah", "Peurintah Tuhan beu tateurimong Yoh goh troh keunong uroe brat leupah Uroenyan teuma han ek tatulak Meunyo sit ka troh teukeudi Allah Hana le teumpat tapeusiblah droe ‘Oh troh uroenyoe hana le hilah Hana soe jeut kheun kon salah gata", "Di Rasul teuma meutajak peugah Meu han jipateh abeh peukara Han peue tajaga jihnyan nyang salah Meukirem gata kon yue jaga jih Tapeutroh bak jih mantong ka sudah Insan dum teuma watee Kamoe bri Rahmat raseuki galak jih leupah Meu teuka nyang brok sabab buet droejih Watee nyan di jih jikaphe bagah", "Keurajeun langet dum deungon bumoe Bandum atranyoe sit milek Allah Neupeujeut bandum peue nyang hʻeut Tuhan Aneuk dum insan ban nyang hʻeut Allah Nyang ladom inong nyang ladom agam Ban kheundak Tuhan hana soe bantah", "Atawa Neubri agam ngon inong Bandua keunong aneuk meutuah Teuma nyang ladom male tan aneuk Ban nyang Neukheundak hana meuubah Neuteupue dumpeue kuasa Neuh that", "Tamarit meuhat han tom ngon Allah Hana roe insan marit ngon Tuhan Neuwahi mantong bandum peurintah Atawa pih na padok ngon hijab Got malaikat Neuyue jak peugah Neukirem Rasul Neuh malaikat Izin Hadharat geuba peurintah Ban nyang hʻeut Tuhan Droeneuh Manyang tha Bijaksana that Neuh han ban peugah", "Meunan pih Kamoe ka Kamoe wahi Bak gata Nabi Kamoe peurintah Hana tateupue barokon kitab Iman pih meuhat gohlom meupeugah Kamoe peujeut nyan teuma keu cahya Peutunyok hamba mangat bek salah Kamoe peutunyok deungon kitab nyoe Soe nyang h‘eut Kamoe dum hamba Allah Gata peutunyok pih jalan teupat", "Jalan Hadharat nyang Maha Murah Peue nyang di langet got nyang di bumoe Bandum atranyoe sit milek Allah Bandum urusan cit woe bak Tuhan Dum seukalian han ek tapeugah"] }, { "chapter": 43, "versesCount": 89, "verses": ["Ha Mim Tuhan nyang teupue meukeusud ayat Sabab Hadharat hana Neupeugah", "Demi kitab nyoe keubit nyata that", "Lam bahsa Arab Qur’an meuulah Mangat jeut tapham ngon akai sehat", "Lam ummul kitab dilee meukeubah Sideh bak Kamoe dilee manyang that Ngon le hikeumat sinan meupeugah", "Peue bek meupeutron teuma bak gata Sabab dum gata kawom nyang salah", "Padum le Nabi ka Kamoe kirem Bak kawom jameun masa nyang sudah", "‘Oh ban troh Nabi ubak awaknyan Jipeukhem gopnyan jikheun beurakah", "Meupeubinasa treuk nyang juara Nyang leupah teuga dalam buet salah Haba ngon miseu dum keu awaknyan Ka lheuh uroenyan dum Kamoe peugah", "Meunyo tatanyong soe peujeut langet Ngon bumoe meuhat lagee nyoe luah Meuhat dum jikheun Tuhan nyang peujeut Kuasa Neuh that Perkasa leupah Neuteupue dumpeue hana nyang silap", "Bumoe nyo meuhat lagee peuratah Neupeujeut bumoe keu gata bandum Sang tika teulheung raya ngon luah Neupeugot jalan dum dalam bumoe Mangat troh sampoe ho tameulangkah", "Ujeun di langet Neupeutron bacut Kamoe peuudep nanggroe tho leupah Gata pih meunan dudoe geubangket ‘Oh Iheuh padum trep sinan geukeubah", "Neupeujeut dumpeue meupasang-pasang Kapai jak tajam di laot luah Binatang ternak Neupeujuet saban Jeut cit keu keundraan ho tameulangkah", "Meu ka Iheuh taduek ateuh rueng keundraan Taingat rijang keu nikmat Allah Nikmat Po gata ‘oh taduek takheun Suci that Tuhan nyang Maha Murah Neubri jeut meuduek ateuh keundraan nyoe Adak han kamoe ka jeut that susah", "Kamoe cit meuwoe ubak Po kamoe", "Teuma awaknyoe jipubuet ulah Na saboh bahgi peuneujeut Tuhan Jijok keu Tuhan meunan jipeugah Insan nyoe hana jiingat jasa Jikaphe teuma nyata that leupah I", "Ek patot Tuhan na aneuk inong Laen nyang agam bandum Neukeubah Neujok nyang agam bandum keu gata Oh lheuh Neucipta makheuluk Allah", "Meunyo na aneuk di jih nyang inong Lagee keu Tuhan ban lheuh jipeugah Mukajih itam beungeh jih that-that I", "Peue meunan sipheut awak nyang gagah Takalon cantek bak ngui pakaian Han ek jipeutrang watee geubantah", "Malaikat dum jipeugah inong Nyan hamba Tuhan nyang Maha Murah Peue na jikalon watee Neupeujeut Uleh Hadharat jeutnyan jipeugah Bandum geutuleh peue nyang jikheun nyan Akan Neutanyong dudoe le Allah", "Jikheun meunyo ka kheundak bak Tuhan Bandum ureueng nyan han kamoe seumah Hana jiteupue di jih meusapeue Meuka jigo-go mantong jipeugah", "Peue na Kamoe bri keu jihnyan kitab Keunan jimumat masa nyang sudah", "Tapi jih jikheun kamoe meukalon Yah kamoe bandum jkeunan geuseumah Kamoe meuikot peutunyok gopnyan", "Dileekon meunan cit dum jipeugah Pat-pat nyang nanggroe meukirem rasul Han jitem kabui bandum jibantah Awak nyang mewah dum jikheun meunoe Dilee yah kamoe meunan geupeugah Kamoe meuikot agama gopnyan", "Kheun rasul yohnyan kawom meutuah Boh meunyo lon bri tunyok keu gata Nyang leubeh nyata nibak buet ayah Jikheun di kamoe hana peue kheun le Sit ka meukaphe peue nyang tapeugah", "Kamoe bri azeub treuk keu awaknyan Takalon keuh nyan peue na jikeubah Pakri akibat keu soe han pateh Bandum jih abeh jinoe ka sudah", "Ibrahim geukheun bak ayah gopnyan Ngon kawom gopnyan meunoe geupeugah Peue nyang taseumah dum hana roh lon", "Lon seumah di lon sit sidroe Allah Tuhanku sidroe keuh nyang peujeut lon Neupeutunyok lon bek roh buet salah", "Nyan keuh geukeubah narit nyang keukai Beu jeut keu beukai soe nyang meutuah Mudah-mudahan jigisa keunan Dilikot gopnyan dum hamba Allah", "Tapi ka lon bri dum seunang keu jih Deungon yah-yah jih dilee ka sudah NINSEA TON Dax Jin nyang Keuvcnaran Rasul jak peutrang bandum peurintah", "‘Oh ban troh geuba bak jih nyang beuna Atranyoe teuma sihe jipeugah Kamoe meukaphe hana meupateh", "Pakon han keudeh mantong geukeubah Bak ureueng rayok bak dua nanggroe Keunan Quran nyoe geuyue jak peugah", "Peue jih nyang bagi rahmat Po gata Jibagi dua meusiblah-siblah Kamoe nyang bagi keu jih dum teuma Udep lam donya keu jih meupisah Meupeuek pangkat keu jihnyan ladom Mangat nyang ladom jipandang rendah Jiyue barangpeue ngon jih nyang hina Rahmat Po gata teuma nyang indah Nibak areuta nyang jih peusapat Leubeh got rahmat Neubri le Allah", "Adak kon napsu keu bandum insan $ Beu saboh jalan bek roh lam salah Teuntee Kamoe bri keu awak kaphe Rumoh meuuke nyanggot that leupah Bubong jih pirak rinyeun rot jiek", "Pinto meulirek lom ngon peuratah Meusadeu jidong bak peuratah nyan", "Lom perhiasan nyang indah-indah ; Bandumnyan seunang lam udep donya Akhirat teuma nyan laen ulah Seunang akhirat keu soe nyang takwa Nibak Po gata sideh Neukeubah", "Barangsoe buta han ingat Tuhan Kamoe bri rakan chetan seurakah Kamoe bri keu ngon jih di jih chetan", "Mangat jih jitham bak jalan Allah Han jibri jak jih bak jalan teupat Jisangka meuhat jalan got leupah", "Hingga ‘oh troh jih teuma bak Kamoe Beu jarak keuh nyoe jikheun le bagah Antara teubiet ngon jìlop uroe Adak jeut dumnoe jarak lon ngon kah Keubit roe chetan rakan jeuheut that", "Tan le munaphaʻat meunyesai teulah Hana guna le meunyesai gata Lalem that gata masa nyang sudah Uroe nyoe sapat teuh dalam azeub", "Peue ek tamarit ngon ureueng salah Peue ureueng tuloe ek deuh jideungo Bak ureueng buta jalan tapeugah Ngon ureueng sisat nyang leupah nyata", "Kadang di gata tawoe bak Allah Kamoe peumate kadang phon gata Jihnyan meusiksa dudoe that leupah", "Got meupeuleumah pih ubak gata Janjimeuh nyang ka masa nyang sudah Barangban Kamoe sit that kuasa", "Teuma di gata beu kong that leupah Peue nyang geuwahi keunan bak gata Tamat beu teuga bek sagai ubah Keubit roe gata bak jalan teupat", "Dike teuh meuhat taingat Allah Dike keu gata ngon kawom gata Neutänyong teuma dudoe le Allah", "Tatanyeng rasul sigohlom gata Peue na meuyue ba Tuhan nyang salah Na meuyue seumah Tuhan nyang laen Nyang macam-macam nyang bukon Allah", "Ka Kamoe kirem yoh dilee Musa Keudeh geujakba ngon ayat Allah Ubak Peureu‘ʻun ngon kawom jihnyoe Ngon ayat Kamoe keunan geulangkah Geukheun lon rasul Tuhan Po gata", "‘Oh troh geuh keunan jikhem meuhah-hah Jiulok-ulok dum ayat Kamoe", "Meubagoe-bagoe Kamoe peuleumah Meupeudeuh bak jih padum muʻjizat Maken raya that Kamoe peuleumah Maken le ayat maken rayok lom Di jih han cit lom pateh peurintah Kamoe bri azeub treuk teuma keu jih Kadang jiwoe jih nibak buet salah", "Jikheun treuk dum jih hai tukang sihe Di kamoe han le meupubuet salah Talakee duʻa bak Tuhan gata Janji ngon gata kamoe Neupeuglah", "Kamoe peuglah treuk jih nibak azeub ‘Oh Iheuhnyan ligat jibalek ulah Hana tingat jih le keu janji jih", "Peureaʻun dengki jeuheut that leupah Jikheun bak kawom jih kon lon raja Keurajeun raya nanggroe nyang meugah Peue kon lon nyang po keurajeun Meuse Te krueng dum ile di yup lon boh-bah Peue han deuh taeu le gata bandum", "Boh kon leubeh lon ngon jih nyang rendah Karap-rap han jeut di jih jimarit Jihnyan sit keubit hina sileupah", "Pakon han gleung meuh keu jih geupeusok Malaikat troh pih lom geulangkah Troh malaikat geujak peungon jih", "Teuma kawomjih ek jipeurintah Jipateh laju peue kheun Peuraʻun Keubit kawomnyan pasek that leupah", "‘Oh beungeh Kamoe teuma keu jih dum Meu Kamoe hukom treuk jih dum bagah Kamoe peukaram treuk jih lam laot", "Jeut jih geuseubot geupeugah-peugah Jeut jih ibarat keu ureueng dudoe Nyang jeut lagee nyoe sabab ka salah", "‘Oh ban geupeugah aneuk Mariyam Jeut keu teuladan kuasa Allah Kawom gata dum ka jeut keu karu", "Jikheun dum laju teuma jipeugah Tuhan geutanyoe dum got nibak nyan Meukeusud jihnyan sit keu jibantah Bandum jih sit nyan kawom bantahan", "Kon laen gopnyan cit hamba Allah Kamoe bri nikmat teuma keu gopnyan Jeut keu misalan nyang jroh sileupah Jeut keu ibarat Bani israil", "Gata pih Neubri ban nyang hʻeut Allah Meu Kamoe kheundak keugata meuhat Ngon malaikat meugantoe bagah Meugantoe gata ngon malaikat Di bumoe meuhat jeut keu khaliphah", "Jeut keu ‘eleumee teuntang kiamat Gata dum meuhat bek chok sileupah Taikot treuk lon nyoe jalan teupat", "Chetan nyang laknat bek ek jiteugah Keubit roe chetan musoh nyata that Gata bak sisat jiyue meulangkah", "‘Oh ban troh Isa geuba ngon ayat Lon ba hikeumah teuma geupeugah Lom lon jak peutrang keunoe bak gata Nyang tameudawa mangat bek salah Teuma takwa gata keu Tuhan Tataʻat keu lon Neuyue le Allah", "Allah Tuhanlon ngon Tuhan gata Droeneuhnyan saja nyang beu taseumah Jalan nyoe keuh nyang jalan nyang teupat", "Han jitem pakat teuma jibantah Jipeudong dawa sabe keudroe jih Ceulaka treuk jih nyang lalem leupah Keu jihnyan azeub uroe kiamat Uroe peudeh that hanaban peugah", "Peue laen jipren meu kon Kiamat Hana jan siat cit troh le bagah Hana meujithee ka troh kiamat", "Ngon rakan jih that musoh sileupah Meumusoh-musoh sabe keudroe-droe Meu kon ureueng nyoe takwa keu Allah", "Ho ka dum gata hamba-hamba Lon Uroenyoe bandum gata ka leupah Hana peue takot hana susah le", "Iman lam ate keu ayat Allah Soe nyang meuiman keu ayat Kamoe Lom pih bak Kamoe droejih meunyerah", "Jak tamong laju ngon judo gata Dalam churuga seunang that leupah Bandum teuh seunang dalam churuga", "Keunan troh geuba pingan deungon glah Pingan meuh ngon glah ka na soe idang Bandum ureueng nyan ladat sileupah Peue napsu ate ladat di mata Bandum seudia han ek tapeugah Lom bandum gata keukai di sinan", "Pusaka teuh nyan churuga indah c Keu gata bandum geubri pusaka Balah usaha masa nyang sudah", "Boh kayee le that sinan keu gata Tapajoh sigra ladat that leupah", "Awak nyang salah keukai lam azeub Keu jihnyan teumpat nuraka juah", "Putoh asa bit di jih lam azeub Hana meusiat pih jih geupeuglah", "Teuma kon Kamoe nyang elanya jih Tapi keudroe jih lalem that leupah", "Jikheun hai Malek han ek meutheun le Tayue poh mate kamoe bak Allah Geujaweub di kah teutap lagee nyan", "Kon ka watee nyan dum Kamoe peugah c Haba nyang beuna meuba bak gata Tapi dum gata beunci teuh leupah Beunci that gata keupeue nyang beuna", "Jipakat teuma lom bak buet salah Jipakat dum jih saboh rencana Kamoe rencana leubeh lom ceudah", "Hana meudeunge rahsia jihnyan jisangka meunan kaphe seurakah Nyang jimeus‘ah-s‘ah jipeugot pakat Bandum geusurat hana meuilah Bandum geutuleh le Rasul Kamoe Nyang jih pubuet nyoe beuna ngon salah", "Takheun meunyoe bit na aneuk Tuhan Lon keuh ureueng phon keunan lon seumah", "Maha suci that Po langet bumoe Po ‘arasy lom nyoe ban nyang jih peugah", "Bah jilop keunan jimaen-maen ‘Oh troh uroenyan meunyesai teulah Akan meureumpok jih ngon uroenyan Ka janji Tuhan dilee Neupeugah", "Sideh di langet Droeneuh nyan Tuhan Di bumoe meunan hana meuubah That bijaksana dumpeue Neuteupue Hana meusapeue pih na meuilah", "Maha suci that Tuhanku sidroe Langet ngon bumoe sit milek Allah Keurajeun langet keurajeun bumoe Bandum ngon asoe Droeneuh peurintah Pajan kiamat Droeneuh nyang teupue Bandum gata nyoe tawoe bak Allah", "Nyang jikheun Tuhan dum le awaknyan Chuphevuʻat pih tan keu jih Neukeubah Han jeut chupheuʻat bandum awaknyan Nyang jikheun Tuhan nyang bukon Allah Meulengkan ureueng nyang saksi beuna Geupubuet teuma bandum peurintah Nyang jeut keu saksi bak keubenaran ‘Eleumee gopnyan Neubri le Allah", "Meunyo tatanyong ubak awaknyan Soe peujeut jihnyan sit jikheun Allah Pakon sit di jih ek jipeupaleng", "Geukheun ya Tuhan nyang Maha Murah Kawomnyoe bandum han jimeuiman", "Bah keu jih meunan bek that tapapah Takheun seulamat mantong keu jih nyoe Jiteupue dudoe akibat salah"] }, { "chapter": 44, "versesCount": 59, "verses": ["Hamim Tuhan nyang teupue meukeusud ayat Sabab Hadharat hana Neupeugah", "Demi Kitab nyoe keubit nyata that", "Malam beureukat hanaban peugah Kamoe peutron bak malam beureukat Kamoe peuingat dum hamba Allah", "Dalam kitab nyoe le that hikeumah Uleh Hadharat Neutrang Neupeugah", "Bandum urusan asai bak Kamoe Meukirem keunoe geuba risalah", "Atranyan rahmat nibak Po gata Allah Taʻala kuasa leupah Dumpeue Neudeunge dumpeue Neuteupue", "Po langet bumoe deungon blah bicah Langet ngon bumoe ngon bandum asoe Meunyo gata nyoe yakin keu Allah", "Udep ngon mate lam jaroe Tuhan Tan laen Tuhan meulengkan Allah Po gata bandum ngon yah-yah gata Nyang dilee masa ka abeh sudah", "Tapi jih lam chok bandum jimaen", "Tapreh troh angen asap trang leupah Sideh di langet asap geukirem", "Bak bandum insan nyang pubuet salah Azeub peudeh that asap nyoe lagoe", "Wahe Po kamoe Neubri meusiblah Neupeuglah kamoe nibak azeub nyoe Meuiman kamoe jinoe le bagah", "Pakri roe di jih hana jiingat Rasul nyata that ka troh geulangkah Geujakba bak jih haba peuingat", "Jipaleng ligat jikheun beurakah Jikheun jihnyan na ureueng peureunoe Gila that jihnyoe nyan jijak peugah", "Kamoe peukureueng azeub nyan bacut Lom cit tapubuet lagee nyang sudah", "Saboh pukulan nyang raya that-that Uroenyan meuhat Kamoe jok balah", "Kawom Peuraʻun dilee nibak jih Kamoe uji jih masa nyang sudah Meukirem rasul nyang that mulia Keunan geujakba bak jih risalah", "Tapulang keu lon dum hamba Tuhan Lon rasul Tuhan Neuyue amanah", "Bek le teukabo gata keu Tuhan Nyoe ayat Tuhan jeut lon peuleumah Lon ba bak gata ayat nyang nyata", "Di lon keu gata han jeut keu susah Hana lon takot lon taelanya Po lon Po gata lon Neupeusiblah", "Meu han taiman di gata keu lon Bah lonjak di lon ngon hamba Allah", "Musa meuduʻa bak Tuhan gopnyan Bandum awaknyan kawom nyang salah", "Boh jak le gata bak watee malam Ngon hamba Lon nyan keudeh talangkah Jiseutot gata teuma di likot", "Teuma ie laot meunan bah teuhah Meunyo ka leupah gata jeumeurang Bandum jih karam lam laot luah", "Tinggai dum keubon ngon ie mon mata", "Peue nyang jipula bandum jikeubah Teumpat mulia meuseunang-seunang", "Nikmat hanaban udepjih mewah", "Kamoe bri bulueng atranyan bandum Keu kawom laen nyang tueng phaedah", "Langet ngon bumoe han jimoe keu jih Ajai pih keu jih han jeut meuubah Meu bacut tanggoh keu jih han geubri", "Bani Israil Kamoe peuleupah Azeub that han le dum keu awaknyan", "Nibak Peuraʻun nyang that seurakah Teukabo jih that di dalam bumoe Keu ureueng nanggroe lalem jih leupah", "Bani Israil ka Kamoe pileh Kamoe peuleubeh masa nyang sudah Leubeh awaknyan nibak dum alam Atranyan Tuhan Neuteupue sudah", "Kamoe bri ayat teuma dum keu jih Cobaan keu jih nyata that leupah", "Awaknyan teuma jikheun sit meunoe", "Mate geutanyoe gata ka sudah Hana geubangket teuh dudoe teuma", "Meu gata beuna bangket treuk ayah Yue beudoh jinoe dum ayah kamoe", "Peue leubeh jih nyoe ngon nyang ka sudah Jih kawom Tubba“ ngon nyang dilee lom Binasa bandum sabab jih salah Meupeubinasa bandum awaknyoe", "Lagee ngon bumoe Kamoe peurintah Kon sia-sia langet ngon bumoe Bandum ngon asoe meupeujeut sudah", "Meupeujeut nyan hak deungon sibeuna Le that jih teuma hana jipapah Nyang le that jih nyan hana jiteupue", "Watee jih jinoe hana geupeugah Uroe hukom jih cit ka meuteuntee Bak saboh watee bandum geubalah", "Hana guna le uroenyan rakan Han ek jitulong hana phaedah", "Meulangkah ureueng nyang gaseh Tuhan Keubit roe Tuhan leubeh that meugah Droenuehnyan sidroe Maha Perkasa Meunan pih juga Maha Murah", "Keubit na sibak bak kayee Zaqom", "Nyan keuh makanan awak nyang salah", "Lagee ek minyeuk ju jih dalam pruet", "Meudrok-drok ban buet tutong sileupah", "Tacok jih tahue jih keudeh ligat U teungoh pusat nuraka juah", "‘Oh Iheuh nyan taple ateuh ulee jih Minyeuk tutong jeh azeub that leupah", "Perkasa that kah ngon that mulia Jinoe karasa troh azeub di kah", "Nyang chok keuh dilee nyoe keuh atranyoe", "Nyang takwa jinoe seunang that leupah Tinggai geuh sinan bak teumpat aman", "Di dalam taman keubon nyang indah Ngon kulam sinan dum ie mon mata", "Pakaian sutra nyang haloh leupah Sutra sundusen deungon istabraq Takalon galak dum indah-indah Meuhadap-hadap geuduek ngon rakan", "Kamoe bri rakan inong nyang ceudah Budiyadari Neubri keu rakan", "Buah-buahan pih le sileupah ‘Oh watee meuhʻeut pajoh boh kayee ‘Oh ban talakee sit troh le bagah", "Hana le sinan ureueng nyan bandum ‘Oh Iheuh mate phon dilee ka sudah Bandum ureueng nyan Tuhan plihara Azeub nuraka Tuhan peusiblah", "Nyan keuh karonya nibak Po gata Bahagia raya hanaban peugah", "Teuma Qur'an lam bahasa gata Mangat tabaca Kamoe peumudah Mangat ek meuphom bandum awaknyan", "Tapreh teuka nyan teuma bek salah Di gata tapreh di jih pih jipreh Han jeut han jadeh peue nyang tapeugah AL-JAISIYARN (IANO MEU 1091) Ngon nama Allah lon puphon surat Tuhan Hadharat nyang Maha Murah Tuhanku sidroe geumaseh that-that Donya akhirat rahmat Neulimpah"] }, { "chapter": 45, "versesCount": 37, "verses": ["Ha Mim Tuhan nyang teupue meukeusud ayat Sabab Hadharat hana Neupeugah", "Sideh bak Tuhan Neupeutron Kitab Perkasa Neuh that hanaban peugah Lom bijaksana Tuhanku sidroe", "Laget ngon bumoe cit milek Allah Langet ngon bumoe sit jeut keu tanda Soe nyang peucaya iman keu Allah", "Meunan pih Tuhan Neupeujeut gata Peue nyang meulata pih jai sileupah Binatang gampong binatang rimba Bandum nyan tanda keu soe tem papah Keu soe nyang yakin keu Tuhan sidroe", "Malam ngon uroe lom Neupeupisah Sideh di langet Neupeutren ujeun Udep reun mareun laju le bagah Bumoe nyang mate udep le siat Keubit Hadharat kuasa leupah Teuka ngon angen timu ngon barat Bandum nyan ayat kuasa Allah Soe nyang tem pike cit jeut keu tanda", "Nyang kamoe baca nyan ayat Allah Nyang kamoe beut nyan keubit sibeuna Ateuh gata hai Rasul Allah Boh seupo narit lheuh narit Tuhan Ngon ayat Tuhan nyang jitem papah Seupo narit lom nyang jimeuiman", "Ceulaka yohnyan keu soe nyang salah Jipeuna sulet jipubuet dacha", "Teukabo teuma di jih that leupah Jideunge geubeut dum ayat Tuhan Teukabo jihnyan sabe han ubah Sang-sang jih hana jideunge ayat Azeub peudeh that keu jih tapeugah", "‘Oh ban jiteupue tren ayat Kamoe Meupeugah bagoe beuna ngon salah Sit jipeueleh peumeuen-meuen Azeub keu jihnyan hina that leupah", "Dilikot jihnyan sit na nuraka Peue nyang usaha jih tan phaedah Hana guna le bandum atranyan Nyang jikheun Tuhan pih tan phaedah Nyang bukon Allah jikheun walijih Azeub sit keu jih nyang raya leupah", "Nyoe keuh peutunyok teuma soe kaphe Di jih lam sabe ayat jibantah Jikaphe di jih keu ayat Po jih Azeub troh keu jih peudeh sileupah", "Tuhan Neupeujeut laot keu gata Kapai jeut taba lam laot luah Kapai meulayeu peurintah Tuhan Jeut tajak rijang mita napakah Jeu tajak mita karonya Tuhan Tachuko rijang teuma keu Allah", "Peue nyang di langet Neubri keu gata Di bumoe teuma pih hana ubah Bandum keu gata Neubri le Tuhan Tanda di sinan kuasa Allah Di sinan tanda keu bandum kawom Nyang na pikiran utak nyang ceudah", "Takheun bak ureueng nyang na meuiman Peuampon rijang awak nyang salah Awak nyang hana takot keu Tuhan Keu uroe Tuhan hana jigundah Han jipeuduli uroe balasan Teuma di' Tuhan meuhat Neubalah Ban nyang jipubuet yoh masa dilee", "Buet nyang got teuntee got that Neubalah Nyang pubuet jeuheut meularat keu droe Bandum teuh tawoe keudeh bak Allah", "Keu cot Israil Kamoe bri kitab Lom ngon hikeumat dum Kamoe peugah Lam kawan jih na nyang jeut keu nabi Lom pih Kamoe bri raseuki mudah Raseuki nyang got Kamoe bri keu jih Meupeuleubeh jih lom got that leupah Meupeuleubeh jih nibak dum alam", "Meubri keu jihnyan teuma peurinath Bandum urusan Kamoe peunyata Teuma meudakwa di jih that leupah ‘Oh Iheun ‘*eleumee bak jih ka teuka Jipeugot dawa lawan peurintah Sabab dengki jih sabe keudroe-droe Neuhukom dudoe teuma le Allah Uroe kiamat Neuhukom teuma Uleh Po gata nyang Maha Murah Peue nyang yoh dilee jipeugot dawa", "Teuma keu gata meubri risalah Meubri syari‘at jinoe keu gata Taikot sigra bek na meuilah Bek tapeuturot napsu awaknyan Jiteupue pih tan peue nyang jipeugah", "Han ek meusapeue jilawan gata Allah Taʻala han ek jibantah Wali jih bandum sabe keu droejih Nyang kheun bantu jih ‘oh watee susah Ureueng takwa wali geuh Tuhan", "Nyoe keuh peudoman keu hamba Allah Nyoe keuh peutunyok keu rahmat Tuhan Keu soe nyang yakin turot peurintah", "Peue na jisangka le awak jeuheut 3 Ngon ureueng nyang got jih saban leupah i Neupeujeut jih sa ngon ureueng mukmin Ureueng nyang yakin kuasa leupah Lom geupubuet got ek saban ngon jih Udep mate jih ek saban leupah Jeuheut sangka jih meunyoe lagee nyoe", "Langet ngon bumoe peuneujeut Allah Neupeujeut bandum deungon sibeuna Bandum usaha teuma Neubalah Hana meusidroe pih Neuelanya", "Takalon teuma awak nyang salah Tuhan jih di jih sit hawa napsu Jiturot laju peue nyang jipeugah Ka Neupeusisat jihnyan le Tuhan ‘Eleumee Tuhan meunan ka sudah Neucap geulinyueng jih ngon ate jih Lom bak mata jih ka Neuboh geutah Jalan nyang beuna han deuh le di jih Soe peutunyok jih meunyoe kon Allah Peue han jeut tatueng nyan keu peuingat", "Jikheun lom meuhat tanyoe ka sudah Udep geutanyoe sit dalam donya Mate teuh teuma pih hana ubah Mate ngon udep teuh buet teukeudi Meu ka teukeudi mate teuh bagah Kon ngon ‘eleumee bandum jikheun nyan Sangka-sangkaan mantong jipeugah", "Watee geubaca dum ayat Kamoe Meukeusud dumnyoe nyata geupeugah Alasan di jih jikheun le teuma Meu gata beuna peuudep ayah Yue beudoh laju dum ayah kamoe", "Takheun atranyoe urusan Allah Tuhan peuudep Tuhan peumate Gata dum sare han ek tahilah Teuma ‘oh dudoe uroe kiamat Tuhan peusapat bandum kaphilah Hana peue tachok uroe kiamat Sit troh le siat ‘oh Neupeurintah Tapi nyang le that manusia nyoe Hana jiteupue kuasa Allah", "Keurajeun langet lom deungon bumoe Nyang Po atranyoe sit sidroe Allah Meunyo ka teuka uroe kiamat Awak nyang jeuheut rugoe that leupah", "Takalon umat jiduek meutuot Bandum teumakot sabab buet salah Bandum geumeuhei geuyue cok kitab Buet dilee meuhat jinoe geubalah", "Nyoe kitab gata jikheun nyang beuna Peue takeurija bandum jipeugah Peue nyang tapubuet ka Kamoe salen", "Ureueng meuiman nyang untong leupah Ureueng meuiman lom geupubuet got Neuboh lom rahmat gopnyan le Allah Lam rahmat Tuhan bandum ureueng nyan Nyan keumenangan nyang nyata leupah", "Teuma soe kaphe kon na geujak kheun Bak kah ayat Lon dum geujak peugah Teuma teukabo han katem pateh Di kah kapileh kapubuet salah Atra cit kah dum kawom meudacha", "‘Oh geukheun beuna nyoe janji Allah Hana chok sagai uroe kiamat Hana kiamat kaseuot di kah Hana meuturi kamoe atranyan Sangka-sangkaan mantong tapeugah Meu bacut kamoe hana meuyakin", "Jinoe ka yakin droejih brok leupah Meubaro leumah buet jihnyan jeuheut Nyang dilee meuhat jikheun beurakah Ulok-ulok jih nyoe ka jirasa", "Geukheun treuk nyoe ka troh watee balah Dilee teuwo kah keu troh uroe nyoe Jinoe pih Kamoe teuwo meuh keu kah Jinoe teumpat kah dalam nuraka Hana le daya soe jak tulongkah", "Kaulok-ulok dum ayat Tuhan Galak keuh han ban keu donya di kah Ka jipeungeut kah le udep donya Nyan keuh dum teuma geubri geubalah Hana le teubiet di jih uroe nyan Teutap di sinan bandum geukeubah Hana geubri le jilakee tobat", "Pujoe dum meuhat meuwoe keu Allah Tuhan Po langet deungon Po bumoe Lom Po alam nyoe deungon blah bicah", "Raya ngon agung di langet bumoe Hana meusidroe sabe ngon Allah Droeneuh nyan keubit Maha Perkasa Ngon bijaksana Neuh han ban peugah AL-AHQAF (BUKET-BUKET ANOE)"] }, { "chapter": 46, "versesCount": 35, "verses": ["Ha Mim Tuhan nyang teupue meukeusud ayat Sabab Hadharat hana Neupeugah", "Sideh bak Tuhan Neupeutron kitab Perkasa Neuh that hanaban peugah Lom bijaksana Tuhanku sidroe", "Langet ngon bumoe cit milek Allah Langet ngon bumoe ngon bandum asoe c Kamoe peujeut roe beuna sileupah Ajai jih teuma bandum ka meupat Si kaphe meuhat bandum jibantah ‘Oh geupeuingat jipaleng laju", "Takheun peue laku nyang gata seumah | Nyang takheun Tuhan nyang kon Hadharat Peue na jipeujeut di bumoe Allah Peue na kongsijih sideh di langet Ba keunoe kitab meu na nyang sudah Peue na nyang laen yoh goh kitab nyoe Taba treuk keunoe taci peuleumah ‘Eleumee dilee pih jeut meunyo na Meunyo bit beuna lagee tapeugah", "Teuma soe dih nyang leubeh that sisat č Nyang kon Hadharat di jih jiseumah Meu sapeue han ek jibri munaphaʻat Sampoe kiamat hana phaedah Peue nyang dilakee han ek jipeuna Uroe nyan teuma musoh jih leupah", "‘Oh geupeusapat dum manusia Di jih nyan dua peusalah-salah $ Hana jiseumah Kamoe dum le jih", "‘Oh geukheun bak jih dum ayat Allah i Dum ayat Kamoe bak jih geupeutrang Di kaphe suang sihe jipeugah Jikheun atra nyoe sihe that nyata", "Jipeuna-peuna atra nyang salah Takheun meunyo nyan lon peuna-peuna Kon milek gata nyan milek Allah Gata bak Tuhan sit hana sapeue Bandum Neuteupue peue nyang tapeugah Cukop meu Tuhan keu saksi dudoe Antara tanyoe beuna ngon salah Lon deungon gata Tuhan keu saksi Soe keumeung ungki watee Neupeugah Droeneuh sidroe Maha Pengampon Lagi pih Tuhan Maha Pemurah", "Takheun lon rasul kon ureueng baro Dileekon sit le dum rasul Allah Peue nyang geupeugot keu lon ngon gata c Di lon pih hana lon teuʻoh peugah Di lon lonikot peue nyang Neuwahi Bak lon Neuyue bri peue nyang peurintah Di lon nyoe mantong Neuyue peuingat Meunan nyata that nyang Neuyue peugah", "<Takheun meunyo bit nyoe nibak Tuhan Teuma pakriban gata ek salah > Gata takaphe padahai saksi Sidroe Israil cit ka geupeugah Ngon kitab dilee atra nyoe saban Teuma meuiman gopnyan keu Allah Gata teukabo han tameuiman Pane di Tuhan Neubri hidayah Han Neupeutunyok ureueng nyang lalem", "Di kaphe suang cuma jipeugah { Meunyo keubit got peue nyang jiba nyan i Kon droe awak nyan phon jitem papah Teuntee kamoe nyang phon-phon meuiman Teuma jih dum nyan hana hidayah Sabab peutunyok hana roh keu jih Jikheun treuk le jih atra nyan salah Jikheun nyoe ka trep jipeugot-peugot}", "Padahai meuhat cit kitab Allah Kitab keu Musa dilee nibak nyan Jeut keu peudoman rahmat bak Allah Kitab nyoe teuma peubeuna meuhat Lam bahsa Arab teuma geupeugah Nak geupeuingat ureueng nyang lalem Lom mangat seunang ureueng meutuah Soe nyang pubuet got haba peusuka", "Ureueng peucaya iman keu Allah Ureueng nyan nyang kheun Po kamoe Tuhan Nyan pendirian geuh hana ubah Hana peutakot teuma ureueng nyan Lom pih ureueng nyan hana le gundah", "Nyan keuh ureueng jih nyang asoe churuga Keukai rok masa sinan geukeubah Sabab yoh dilee ka geuusaha Jinoe troh masa teurimong balah", "Ka Kamoe wasiet bak manusia Keu ibu bapa beu jroh that leupah Geukandong le ma lam meunderita ‘Oh lahe teuma pih saket leupah Lam lIhee ploh buleun bak phon geumume ` Sampoe lheuh lahe sabe geupapah 3 ‘Oh Iheuh nyan teuma baro geupeungkleh Hingga jih baleh rayok ka gagah Sampoe peut ploh thon lom jimeudu*a Neubri kuasa keu lon ya Allah Bak ek lon chuko nikmat Neuh keu lon Ngon keu ma lon nyan nyang le that leupah Amai nyang saleh beu roh lon pubuet Nyang Neuyue pubuet bek roh lon keubah Nyang Droeneuh rila lon pubuet di lon Aneuk cuco lon Neubri meutuah Jeut jimeudu‘a munaphaʻat keu lon Teuma jeut di lon toubat bak Allah Lon toubat bak Droeneuh lon peujok droe", "Akan ureueng nyoe Kamoe bri jatah Kamoe teurimong amai jih ligat Ngon nyang leubehgot lom Kamoe balah Dacha ureueng nyan han le meukira Tamong churuga keudeh le bagah Meusapat dum ngon asoe churuga Janji sibeuna lagee geupeugah", "Teuma na aneuk nyang kheun keu ma-ku Hanagot laku narit nyang salah Peue tajak peugah lon nyoe geubangket Padumna ka trep masa nyang sudah Di ma-ku lakee tulong bak Tuhan Iman keu Tuhan aneuk meutuah Ceulaka that kah meuhan ka iman Nyang janji Tuhan beuna sileupah Jiseuot aneuk nyoe haba jameun Dongeng bak ureueng masa nyang sudah", "Awak nyoe ka na putosan Tuhan Lagee dileekon hana meuubah Umat nyang dilee nibak awak nyan Jen deungon insan saban that leupah Bandum awak nyan rugoe raya that", "Meutingkat-tingkat teuma phaedah Balaku buet jih yoh masa dilee Meunan meuteuntee bandum geubalah Hana meusidroe pih nyang geuelanya", "Di kaphe teuma lam apui mirah Apur nuraka teumpat sı Kapne Di donya sabe seunang that di kah Raseuki di kah lam udep donya Abeh dum phana keu udep mewah Jinoe karasa azeub that hina Uroe nyoe teuma nyan keuh beunalah Teukabo that kah dilee lam bumoe Hana meusidroe nyang sabe ngon kah Di kah teukabo kon ateuh beuna Bandum kah teuma fased that leupah", "Tapeugah teuma chedara si ‘Ad Geujak peuingat kawom nyang salah Bak buket ini geudong di sinan Rasul watee nyan ka abeh sudah Hana le rasul dilee ngon dudoe Geuyue treuk jinoe taseumah Allah Bek roh taseumah nyang kon Hadharat Teumakot lon that azeub geubalah Bak uroe teuma that haro-hara Azeub keu gata saket that leupah", "Jikheun peue tajak keunoe bak kamoe Dum Tuhan kamoe tayue peusiblah Peue nyang tajanji taba treuk keunoe U ateuh kamoe jinoe beu bagah Meunyo bit gata ureueng nyang beuna", "Geukheun cit ka na ‘eleumee Allah Atra nyan meuhat ‘eleumee Tuhan Di lon nyoe mantong lon ba peurintah Tapi lon kalon gata nyoe kawom Nyang hana meuphom peue nyang lon peugah", "‘Oh ban jikalon reudok troh keunan Bak ureueng jihnyan awan meureundah Jikheun le ka troh ujeun geutanyoe Tapi atra nyoe kon nyang jih peugah Nyoe nyang kalakee beu rijang teuka Angen nyoe bala azeub that leupah Azeub peudeh that keunoe angen ba", "Anco meuleua bandum blah bicah Bandum ka anco peurintah Tuhan Ureueng pih saban mate dum reubah Nyang na treuk tinggai tanoh bak jih duek Laen lam uruek bandum meuruah Meunan keuh kawom nyang pubuet dacha Kamoe bri bala nyan keuh beunalah", "Kamoe peuteutap jih dalam bumoe Kon dum geutanyoe leubeh lom mewah Meubri geulinyueng, mata ngon ate Hana jipike jitueng phaedah Hana meuguna bandum nyan keu jih Jiingkar di jih keu ayat Allah Jiulok-ulok atra nyan dilee Jinoe meuteuntee nyan keuh beunalah", "Padumna nanggroe meupeubinasa Dilingka gata dum le sileupah Kamoe peuleumah bak jih dum tanda Mangat jigisa bek le buet salah", "Pakon bandum jih nyang jikheun Tuhan Jitulong jih nyan bak watee susah Jijak peutoe droe jih keunan bandum Tapi jih nyan dum hana le leumah Atra palsu jipeuna-peuna Pane kuasa jijak jipeuglah", "Kamoe yue jak jen keunan bak gata Teuma jiteuka saboh kaphilah Jideungo takheun ayat Qur'an Jikheun bak rakan taiem leh bagah Oh Iheuh jideungo jiwoe bak kawom Jipeugah bandum beuna ngon salah Haba peuingat jipeugah bandum", "Jikheun bak kawom rakan meutuah Ka kamoe deungo hai kawom kamoe Geubaca yoh nyan kitab risalah Kitab geupeutron watee lheuh Musa Teuma peubeuna kitab nyang sudah Jiba peutunyok bak keubeunaran Jiba bak jalan nyang teupat leupah", "Hai kawom kamoe tapateh gopnyan Gopnyan utosan Neuyue le Allah Beu na meuiman peue nyang gopnyan ba Neuampon dacha gata le Allah Han keunong gata azeub nyang peudeh", "Soe nyang han pateh azeub sileupah Hana kuasa di bumoe di jih Hana walijih meunyo kon Allah Nyan keuh nyang ureueng nyata that sisat", "Hana jilihat kuasa Allah Peue hana jieu Neupeujeut langet Bumoe pih meuhat peuneujeut Allah Hana meupayah bandum Neupeujeut Meu Neupeuudep mangat that leupah Ureueng nyang mate meu Neupueudep Cit hana meutrep meunyo h‘eut Allah Ateuh barangpeue Tuhan kuasa", "Apui nuraka ek Neupeuleumoh Uroe nyan teuma apui nuraka Jikalon nyata le kaphe jadah Beuna atra nyoe geutanyong bak jih Jiseuot dum jih beuna sileupah Demi Po kamoe atra nyan beuna Geukheun treuk teuma rasa treuk di kah Sabab ka kaphe dilee keu Kamoe Rasa treuk jjinoe azeub that leupah", "Teuma tasaba beu that di gata Rasul mulia pih meunan ulah Lagee dum rasul nyang kong that ate Teuma keu kaphe bek that tagundah Bek rijang keu jih bala talakee Sit ka meuteuntee nyan hana ubah Watee jikalon peue nyang geujanji Sang bak jih meuri rijang sileupah Meusiat sagai jih nyoe di donya Bandum nyoe teuma raya phaedah Kawom nyang fased nyan nyang binasa Nyang laen teuma Tuhan peuleupah"] }, { "chapter": 47, "versesCount": 38, "verses": ["Awak nyang kaphe jitham gop laen Bak jalan Tuhan han jibri langkah Han jibri tajak bak jalan teupat Ka Neupeusisat jih nyan le Allah Amai jih bandum jeut sia-sia", "Nyang meubahgia ureueng meutuah Ureueng meuiman lom geupubuet got Geupateh kitab nyang tron bak Allah Neupeutron kitab ubak Muhammad Haba beuna that sinan Neupeugah Haba beuna that nibak Po gopnyan Nyan keuh ureueng nyan ureueng meutuah Tuhan Neuteuboh salah ureueng nyan Udep ureueng nyan Neubri jroh Jleupah", "Sabab si kaphe di jih jiikot Dum buet nyang karot nyang keubit salah Ureueng meuiman ikot nyang beuna Nyang keubit teuka asaì bak Allah Tuhan Neupeugot dum perbandingan Keu bandum insan beuna ngon salah", "Watee meuteumee gata ngon kaphe Beu kreuh that ate tacang jih bagah Peudeung bak takuejih tapeuduek le Bek tasayang le nyan musoh Allah Meu ka talo jih tadrop taikat Watee aman that baro tapeuglah Got jih tapeulheuh got tayue teuboh Prang pih ka teudoh hana le susah Meu kheundak Tuhan talo awak nyan Gata nyang meunang meunyo hʻ‘eut Allah Tapi cubaan Neubri keu gata Nyang ladom gata salah peusalah Ureueng nyang mate bak jalan Tuhan Amai ureueng nyan got that Neubalah", "Tuhan peutunyok bandum ureueng nyan Lom udep gopnyan pih got sileupah", "Tuhan peutamong dalam churuga Sit awai nyata ka Neupeuleumah", "Wahe dum ureueng nyang ka meuiman Meunyo tatulong agama Allah Teuntee di Tuhan Neutulong gata Neupeukong gata tadong han reubah", "Teuma si kaphe ceulaka that-that Amai jih sisat hana phaedah", "Sabab jibeunci keu kitab Tuhan Nyang ka Neupeutron nyan jipeubeuah Neupeuluroh treuk dum amai jih nyan", "Pakon han jih nyan dum jimeulangkah Pakon han jijak lam bumoe Tuhan Jieu pakriban ureueng nyang salah Pakri akibat ureueng nyang dilee Bandum meuteuntee anco ngon bicah Meupeubinasa bandum le Tuhan Nyang kaphe saban dum hana ubah", "Sabab dum ureueng nyang ka meuiman Wali di gopnyan sit sidroe Allah Di kaphe teuma walijih cit tan", "Ureueng meuiman nyan nyang meutuah Ureueng meuiman lom geupubuet got Tuhan bri teumpat churuga indah le krueng dum ile di yup churuga Di kaphe teuma leupah that mewah Bak jiseumajoh lagee binatang Takalon saban hana meuubah Teumpat jih teuma dalam nuraka", "Le that binasa masa nyang sudah Padum le nanggroe nyang teuga-teuga Nyan nanggroe gata ubit that leupah Nyang jipeuteubiet gata di sinan Leubeh nibak nyan bandum ka punah Meupeubinasa le Kamoe bandum Hana soe tulong keumeung jak peuglah", "Ureueng nyang Neubri peutunyok Tuhan Teuma ek saban ngon ureueng salah Nyang pubuet jeuheut peuturot napsu Jikalon laku buetjih nyan indah", "Miseu na janji keu soe nyang takwa Neubri churuga dudoe Neubalah Di sinan na krueng nyang ie jih that gleh Taeu jeureuengeh hanaban peugah Nyang krueng ie susu di sinan pih na Mangat that rasa han tom meuubah Nyang krueng ie arak rasajih ladat Tajep mangat that hanaban peugah Nyang krueng ie unoe geusareng dum gleh Boh kayee sideh pih le sileupah Lom pih amponan nibak Po gopnyan Ek saban dumnyan ngon awak salah Awak nyang keukai dalam nuraka Te tutong raya di jih ubat grah ‘Oh jijep ie nyan asoe pruet anco Abeh teupiro bandum meuruah", "Awak nyan na cit nyang jak bak gat Jideungo haba peue nyang tapeugah 4 Watee jiteubiet keudeh uluwa Jikheun peue haba beunoe geupeugah 3 Jikheun nyan bak soe nyang na ‘eleumee Droejih nyang dunoe Neucap le Allah Ka Neucap atejih dalam karot Ka jipeuturot napsu seurakah", "Teuma di ureueng nyang na peutunyok Neutamah tunyok keu gopnyan le Allah Neubri takwa lam ate gopnyan Dudoe ureueng nyan got that Neubalah", "Teuma peue jipreh meu kon kiamat Cit troh le siat meu kheundak Allah Hana tathee-thee sit troh jiteuka Dum tanda-tanda jinoe ka leumah Pakri jih teuma meunyo troh teuka Atra dilee ka bak jih geupeugah Ka geupeuingat cit jih dileekon", "Tan laen Tuhan meulengkan Allah $ Beu na tateupue tan laen Tuhan Talakee ampon teuma dum salah Dum dacha gata ngon ureueng mukmin Agam ngon inong ampon ya Allah Tuhan Neuteupue tajak ngon tawoe Meunan pih dudoe pat teuh Neukeubah", "Ureueng meuiman geukheun dum teuma Pakon roe hana Neubri peurintah Pakon roe hana Neupeutron surat ‘Oh ban tron surat nyan pih ka susah Surat nyang teugas geuyue jak meuprang Takalon yoh nyan na nyang geulisah Nyang na peunyaket dalam atejih Sang-sang taeu jih pingsan ka reubah Jikalon gata sang jih ka pingsan Mate beu rijang meunan sang ulah Nyang got that di jih roe watee nyan", "Taʻat keu Tuhan nyang Maha Murah Narit nyang ma‘ruh jipeugah nyang got Meunyo nasib got jih seunang leupah Sangkira beuna di jih ngon Tuhan Keubit that seunang hanaban peugah", "Peue teuman gata ‘oh na kuasa Tapubuet dacha di bumoe Allah Lom tapeuputoh hubongan rahim", "Teuma awak nyan ka keunong tulah O Ka keunong laknat keu jih bak Tuhan : Jeut pendengaran di jih ka salah Geulinyueng tulo mata pih buta", "Pakon jih hana jitueng phaedah Pakon han jieu ayat Qur’an Mangat jeut jipham sinan peurintah Peue taboh kunci dalam atejih", "Jipeungeut dum jih le chetan jadah Awak nyang surot jiwoe u likot Han le jiturot peurintah Allah ‘Oh Iheuh ka nyata peutunyok Tuhan Teuka treuk chetan jibalek ulah Nyang brok nyan nyanggot jipeugah bak jih Meu jihue treuk jih ubak buet salah", "Jikheun treuk teuma bak awak beunoe : Nyang beunci keu peue nyang tron bak Allah Kamoe meuikot ladom buet gata Teuma rahsia hana geupeugah Tuhan Neuteupue rahsia jih nyan", "‘Oh mate jih nyan pakri jipeugah i Troh malaikat geupoh bak muka Jih nyan geusiksa saket that leupah Lom geupoh bak rueng jih nyan di likot", "Di jih jiikot nyang beungeh Allah Di jih jibeunci nyang rila Tuhan Luroh treuk bandum amaijih sudah", "Di awak nyang na peunyaket ate Peue na jipike droejih nyan leupah Deungki atejih han deuh u lua Allah Taʻala han Neupeuleumah", "Meu Kamoe kheundak meupeuleumah jih Nak taturi jih mangat bek salah Tatanda di jih mangat taturi Narit jih meuri bak jiseumeugah Tuhan Neuteupue bandum buet gata", "Lom pih Neucuba gata le Allah Kamoe ci gata mangat meuteupue Soe nyang bit jinoe sunggoh jih leupah Soe nyang berjuang lam kawan gata Soe nyang ek saba han rijang patah Kamoe cikalon peue haba gata", "Nyang kaphe teuma jitueng phaedah Di kaphe jitham bak jalan Tuhan Lom rasul Tuhan pih jipeususah Oh Iheuh peutunyok bak jih ka teuka Han ek jidaya jilawan Allah Han ek meubacut jibri meularat Akan Hadharat nyang Maha Murah Tuhan peuluroh bandum amaijih Tan sapeue di jih pih le jikeubah", "Wahe dum ureueng nyang na meuiman Taʻat keu Tuhan ngon Rasul Allah Bek tapeubateu lom amai gata", "Di kaphe teuma cit ka lam salah Di kaphe jitham bak jalan Tuhan Teuma ‘oh lIheuh nyan mate jih sudah Meunyo jih mate mantong lam kaphe Han Neuampon le keu jih le Allah", "Teuma bek gata tapeuhina droe Meudamee jinoe bek le meubantah Beu taingat droeteuh manyang pangkat Gata meusapat sabe ngon Allah Han Neupeusia dum amai gata", "Udep lam donya cit tan phaedah Udep lam donya sit maąen-maen Meuangen-angen dang-dang talangkah Teuma meunyo na tatem meuiman Sigra deungon nyan takwa keu Allah Nyang Neubri pahla keu gata le that Hana Neuhajat lakee phaedah", "Sekiranya Dia meminta harta kepadamu lalu mendesak kamu (agar memberikan semuanya) niscaya kamu akan kikir, dan Dia akan menampakkan kedengkianmu (Bahasaa Indonesia)", "Ingatlah, kamu adalah orang-orang yang diajak untuk menginfakkan (hartamu) di jalan Allah. Lalu di antara kamu ada orang yang kikir, dan barangsiapa kikir maka sesungguhnya dia kikir terhadap dirinya sendiri. Dan Allah lah Yang Mahakaya, dan kamulah yang membutuhkan (karunia-Nya). Dan jika kamu berpaling (dari jalan yang benar) Dia akan menggantikan (kamu) dengan kaum yang lain, dan mereka tidak akan (durhaka) seperti kamu(Bahasaa Indonesia)"] }, { "chapter": 48, "versesCount": 29, "verses": ["Sungguh, Kami telah memberikan kepadamu kemenangan yang nyata(Bahasaa Indonesia)", "Agar Allah memberikan ampunan kepadamu (Muhammad) atas dosamu yang lalu dan yang akan datang, serta menyempurnakan nikmat-Nya atasmu dan menunjukimu ke jalan yang lurus(Bahasaa Indonesia)", "dan agar Allah menolongmu dengan pertolongan yang kuat (banyak)(Bahasaa Indonesia)", "Dialah yang telah menurunkan ketenangan ke dalam hati orang-orang mukmin untuk menambah keimanan atas keimanan mereka (yang telah ada). Dan milik Allah lah bala tentara langit dan bumi,806) dan Allah Maha Mengetahui, Mahabijaksana(Bahasaa Indonesia)", "Agar Dia masukkan orang-orang mukmin laki-laki dan perempuan ke dalam surga yang mengalir di bawahnya sungai-sungai. Mereka kekal di dalamnya dan Dia akan menghapus kesalahan-kesalahan mereka. Dan yang demikian itu menurut Allah suatu keuntungan yang besar(Bahasaa Indonesia)", "Soe nyang munaphek agam ngon inong Lom nyang kheun Tuhan nyang bukon Allah Jipeucharikat Tuhan ngon laen Agam ngon inong hana meuubah Jisangka Tuhan ngon sangka jeuheut Ka keuh jeut azeub keu jih beunalah Mureuka Tuhan lom keu awak nyan Laknat keu jih nyan hanaban peugah Ka Neuseudia nuraka keu jih Teumpat woe dijih jeuheut that leupah", "Teuma le teuntra sideh di langet Di bumoe le that sit han ban peugah Bandum teuntra sit milek Tuhan Keubit roe Tuhan Perkasa leupah Maha Perkasa ngon bijaksana", "Meukirem gata keu rasul Allah Gata keu saksi soe nyang Kamoe kirem Haba nyang seunang mangat tapeugah Haba peutakot lom ta peuingat", "Tayue bak umat iman keu Allah Tayue iman lom keu rasul Tuhan Peurayok Tuhan nyang Maha Murah Tapeumulia lom akan Tuhan Teuseubeh sajan sabe bak lidah Takheun teuseubeh beungoh ngon seupot Bek sagai lupot tapujoe Allah", "Kawom nyang baiʻat janji ngon gata Saban cit juga janji ngon Allah Sabab di ateuh jaroe awak nyan Na jaroe Tuhan nyang Maha Murah Teuma barangsoe nyang ubah janji Droejih sendiri teurimong balah Nyang peutroh baiʻat ban lagee janji Pahla jih Neubri raya sileupah", "Na Arab gampong nyang han tem meuprang Jikheun halangan arta jikeubah Areuta kamoe ngon ahli kamoe Sabab nyan kamoe han jeut meulangkah Talakee ampon teuma keu kamoe Jikheun atra nyoe mantong ngon lidah c Dalam atejih kon nyang jikheun nyan Takheun pakriban gata ngon Allah Kadang pih gata Neubri meularat Di gata meuhat ka jeut keu susah Atawa Tuhan Neubri munaphaʻat Bandum nyan meuhat ban kheundak Allah ı Teutapi Tuhan sit that Neumaklum Neuteupue bandum beuna ngon salah Peue nyang tapubuet Tuhan Neumaklum", "Tapi gata dum meulaen ulah Tasangka rasul hana le geuwoe Mukmin sinaroe pih abeh sudah Barangjan gopnyan hana geuwoe le Tinggai dum ahli sinan geukeubah Indah ngon seunang lam ate gata Meunan takira jeuheut that leupah Keubit gata dum kawom ceulaka", "Soe-soe nyang hana iman keu Allah Iman keu rasul di jih pih hana Keu jih nuraka ka Kmaoe keubah Keu bandum kaphe Kamoe seudia", "Keurajeun raja sit milek Allah Langet ngon bumoe keurajeuen Tuhan Neubri amponan soe nyang hʻeut Allah Got pih Neuazeub soe nyang hʻ‘eut Tuhan a Keubit sit Tuhan kuasa leupah Teuma roe Tuhan Maha Pengampon Lagi pih Tuhan Maha Pemurah", "Na Arab gampong nyang han tem meuprang Jieu rampasan gata le leupah Jikalon gata tacok rampasan Jikheun hai rakan ladom takeubah Ban Kamoe meujak Meuseutot gata Napsu jituka putosan Allah Takheun bek gata taseutot kamoe Putosan meunoe ka lheuh Neupeugah Jikheun gata dum deungki keu kamoe Hana jiteupue sang peue jipeugah Meulengkan bacut nyang na jiteupue l", "Takheun boh jinoe gata talangkah Bak Arab gampong nyang han tem meuprang Takheun jak taprang musoh nyang gagah Musoh teuga that jinoe tajak prang Tamong Iseulam tayue meunyerah Meu tatem pubuet Neubri le Tuhan Keu gata dum nyan pahla jroh leupah Meunyo han tatem ka keuh nyan dilee Keu gata teuntee azeub that leupah Azeub peudeh that Neubri keu gata", "Meu ureueng buta nyan hana payah Capiek ngon saket pih hana dacha Sabab ka nyata kon na jibantah Teuma barangsoe taʻat keu Tuhan Ngon rasul Tuhan nyan nyang meutuah Tuhan peutamong dalam churuga Ie krueng nyata ile di bawah Teuma barangsoe nyang han tem taʻat Azeub peudeh that Neubri le Allah", "Rila that Tuhan keu ureueng mukmin Nyang bit meuiman keupada Allah Jiangkat baiʻat janji ngon gata | Yup kayee raya sideh di Makkah Tuhan Neuteupue ate ureueng nyan Neubri treuk teunang nyaman sileupah Neubri balasan akan ureueng nyan Ka toe that meunang ureueng nyan bagah", "Rampasan pih le akan meuteumee Geucok dum teuntee ka Tuhan keubah Keubit roe Tuhan Maha Perkasa Ngon bijaksana hanaban peugah", "Janji keu gata Neubri le Tuhan Tacok rampasan dum le sileupah Rijang atra nyoe Neubri keu gata ' Jimeung poh gata han ek jihilah Ka Neumat jaroe jih dum le Tuhan Han ek jilawan gata han kalah Nak jeut keu tanda keu ureueng mukmin Neutunyok jalan nyang teupat leupah Neutunyok gata jalan nyang teupat", "Nyang ladom meuhat han ek tahilah Nyang han ek tacok ladom rampasan Lam jaroe Tuhan sideh Neukeubah Ateuh barangpeue Tuhan Kuasa", "Adak troh teuka kaphe seurakah Adak meukeusud jijak prang gata Jisurot teuma laju le bagah Hana le walì *oh lheuh nyan di jih Han soe tulong jih han ek jipeuglah", "Nyan sunnah Tuhan cit ka dileekon Nyang sunnah Tuhan han ek taubah", "Neutham jaroe jih bandum le Tuhan Gata han jiprang lam kuta Makkah Meunan pih gata han Neubri meuprang Dalam kuta nyan larangan Allah Gata ka meunang ateuh awak nyan Buet gata bandum Neueu le Allah", "Nyan keuh dum kaphe jijak tham gata Han jibri gata keunan talangkah Han jeut tatamong Masjidil Haram Takeumeung sie dam nyan pih jiteugah Han jeut tasie dam beu troh bak teumpat Adak kon le that ureueng meutuah Le ureueng mukmin agam ngon inong Teuma ureueng nyan hana meusiblah Hana taturi nyang toh ureueng nyan Roh tapoh gopnyan nyang hana salah Jeut dacha gata hana tathee-thee Rahmat sit teuntee Neubri le Allah Neuboh lam rahmat soe nyang heut Tuhan Sangkira jih nyan bandum meusiblah Teuntee Neuazeub bandum si kaphe Peudeh bukon le azeub that leupah", "Di awak kaphe jiboh lam ate Jipeutheun sabe roh jahiliyah Jahe phanatik jipeutheun sabe Adak beu mate jih han jiindah Tuhan Neupeutren treuk keutenangan Ate Junjongan nyang rasulullah Meunan pih ate ureueng meuiman Teunang ngon nyaman hana geulisah Kalimah takwa Neubri dum sajan Beukai ureueng nyan cit hak sileupah Sit hak ureueng nyan ahli takwa Allah Taʻala Neuteupue sudah Bandum Neuteupue uleh Hadharat", "Leumpoe beuna that le Rasulullah Nabi Neuleumpoe Masjidil Haram Tatamong keunan laju beu bagah Meukheundak Tuhan gata dum aman Bandum teuh keunan tajak meulangkah Tacuko ulee got pih tagunteng Ban-ban nyang mungken Tuhan peumeudah ı Hana teumakot teuh keu barangsoe Tuhan sit keudroe Neuteupue sudah Di gata teuma hana lom tathee Ka rap that watee peutaklok Makkah", "Tuhan nyang kirem rasul Neuh keunoe Ubak geutanyoe geuba risalah Geuba peutunyok deungon agama Nyang that sibeuna agama Allah Neubri seumarak agama Neuh nyan Agama laen bandum di bawah Cukop jeut Tuhan mantong keu saksi", "Muhammad Nabi nyoe Rasulullah Ureueng nyang laen dum nyang sajan Nabi Bandum beurani ngon gagah-gagah Geulawan kaphe kreuh that ureueng nyan Sabe droe gopnyan ramah sileupah Meugaseh-gaseh sabe droe gopnyan Pubuet seumbahyang han tom geukeubah Ruku‘ ngon sujud hana tom tinggai Geumita beukai karonya Allah Nyang rila Tuhan sabe geumita Tanda bak muka meuturi leupah Euncit geusujud taeu bak muka Lam kitab lama miseu geupeugah Lam kitab Taurat miseu nyan nyata Lam Injil teuma pih hana ubah Miseu tanaman jiteubiet tunah Takalon leumah baro ban beukah Rayok le bacut bak jih ka teuga Teudong meucula cit han le patah Ureueng nyang pula seunang that ate Teuma si kaphe beungeh jih leupah Tuhan peubeungeh cit ate kaphe Han ek jingieng le mukmin meutuah Ureueng meuiman nyang tem pubuet got Janji Hadharat ka Iheuh Neupeugah Neubri amponan ngon Neubri pahla Hana peue kira raya that leupah"] }, { "chapter": 49, "versesCount": 18, "verses": ["Hai ureueng mukmin bek gata dilee Yoh goh meuteuntee Neukheun le Allah Meunan pih yoh goh le rasul Tuhan Bandua sabda bek roh talangkah Teuma takwa gata keu Tuhan Keubit di Tuhan Neudeungo sudah Neudeungo dumpeue Neuteupue dumpeue Hana meusapeue pih na meuilah", "Hai ureueng mukmin bek peuraya su Ngon nabi meusu gata meureundah Raya-raya su sabe keudroe-droe Tapi bek meunoe ngon rasulullah Takot luroh dum amai got gata Hana tarasa kabeh meuruah", "Soe nyang meureundah su di keu rasul Nyan na jikabui peurintah Allah Ka lheuh Neucuba ate ureueng nyan Takwa gopnyan keubit jroh leupah Neubri amponan ureueng nyan meuhat Pahla raya that dudoe Neubalah", "Ureueng nyang meuhoi got dalam kama Di jih di lua su raya leupah Le that awak nyan hana pikiran", "Pakon di jih nyan napsu that bagah Pakon han jipreh siat jisaba Tateubiet gata peue jimeung peugah Meunan leubeh got akan awak nyan Teuma roe Tuhan Pengampon leupah Geumaseh Neuh that pih hana lawan", "Hai ureueng mukmin teuma bek salah Meu na sì pasek jijak bak gata Jijak ba haba nyang peunteng leupah 5 Han jeut han dilee beu tapeuriksa Mangat trang nyata beuna ngon salah Meunyo tapateh goh tapareksa Bak ingat gata meunyesai teulah Takot tahukom kon ateuh beuna Rugoe that teuma ureueng tan salah ‘Oh Iheuh tapubuet teulah teuh dudoe", "Lom beu tateupue na Rasulullah 3 Sinan na rasul lam kawan gata Taikot sigra peue nyang peurintah ; Meunyo di rasul geuikot gata € Le that peukara gata jeut susah Tapi bak gata ka Neuboh gaseh Galak tapateh peue nyang peurintah Ka Neupeuindah iman lam ate Beunci keu kaphe ngon pasek jadah Lom pih tabeunci keu buet nyang maksiet Ureueng nyan keubit peutunyok Allah Ka Neupeutunyok gopnyan le Tuhan", "Karonya Tuhan nikmat that leupah Dumpeue Neuteupue Allah Ta'ala Lom bijaksana Neuh han ban peugah", "Dua golongan ureueng meuiman Meunyo geumeuprang raya that salah Beu tapeudamee dua ureueng nyoe z Sabe keudroe-droe bek mukhalafah < Soe nyang han damee dalam dua nyan Taprang ureueng nyan sampoe meunyerah Sapoe geuwoe bak peurintah Tuhan Meunyo ka meunan peudamee bagah Bak tapeudamee beu got that ade Ureueng nyang ade geunaseh Allah>", "Ureueng meuiman cit sichedara Tuha. ngon muda hana meuubah Soe nyang meupake peudamee rijang Dua ureueng nyan bek mukhalafah Dua ureueng nyan roe meuchedara Teuma takwa gata keu Allah Mangat Neugaseh gata le Tuhan", "Hai ureueng mukmin bek na meusalah Bek tapeuhina kawom nyang laen Kadang ureueng nyan nyang leubeh tuah Di ureueng inong saban sit meunan Bek inong laen gẹupandang reundah Kadang leubek got jih nibak gopnyan Sabab nyang meunan mukmin that leupah Lom bek tacaci droeteuh le gata Bek taboh nama keu gop nyang salah Nama nyang got-got ka jeut hana got Ka jeut keu jeuheut pasek sileupah Ka jeut keu pasek ‘oh Iheuh meuiman Tatoubat lheuh nyan laju bak Allah Soe nyang han toubat ureueng nyan lalem ı I", "Hai ureueng mukmin sangka bek salah Bek jeuheut sangka keu ureueng laen Sabab atra nyan Tuhan Neuteugah Nyang jeuheut sangka le that meudacha Lom pih bek gata jak luem-luem salah Tajak luem salah bak ureueng laen Buet nyang lagee nyan Neutham le Allah Lom pih bek gata upat meuupat Hai-hai nyang cacat keu gop tapeugah Takheun di likot ureueng nyan cacat Meu dikeu meuhat ka sungap babah Peue galak gata tapajoh bak le Sie ureueng mate luat teuh leupah Teuma takwa gata keu Tuhan Keubit roe Tuhan geumaseh leupah Tuhan teurimong meunyo tatoubat Lom pih Hadharat Maha Pemurah", "Ka Kamoe peujeuet bandum na gata Hai manusia taingat bagah Agam ngon inong meupeujeuet gata Meubangsa-bangsa ngon meukabilah Mangat dum gata meuturi-turi Nyang got that budi takwa keu Allah Nyang that mulia lam kawan gata Nyang that takwa gopnyan keu Allah Tuhan Neuteupue Neumaklum dumpeue Hana meusapeue pih na meuilah", "Kheun Arab gampong kamoe meuiman Gohlom taiman meunan tapeugah Takheun dum mantong kamoe Iseulam Teuma meuiman ate goh teuhah Gohłom jitamong iman lam ate Beu that tapike tapubuet sudah Meunyo tataʻat gata keu Tuhan Ngon rasul Tuhan pih hana ubah Han sagai kureueng dum amai gata Allah Taʻala Pengampon leupah Geumaseh pih that Allah Taʻala", "Nyang mukmin teuma nyang bit ikheulah Iman keu Tuhan ngon rasul Tuhan Meubacut pih tan ate meupisah Hana meubacut chok dalam ate Meujihad sabe bak jalan Allah Arta ngon nyawong bak jalan Tuhan Nyan keuk ureueng nyan beuna sileupah", "Takheun peue teuma agama teuh nyan Tameung peuthee nyan keudeh bak Allah Peue nyang di langet got nyang di bumoe Tuhan Neuteupue hana meuilah Bandum peukara Tuhan Neuteupue", "Jikheun lah kamoe dum ka meunyerah Lah na kamoe dum meutem Iseulam Bak gata meunan dum jijak peugah Bek takheun bak lon Iseųylam gata Sang lah na gata meunan tapeugah Tapi lah Tuhan Neutunyok gata Iman lam dada Neubri le Allah Meunyo bit gata ureueng nyang beuna", "Di Tuhan teuma Neuteupue sudah Nyang han deuh taeu sideh di langet Neuteupue meuhat bandum le Allah Meunan pih dumpeue nyang na di bumoe Hana meusapeue pih na meuilah Peue nyang tapubuet Neueu le Tuhan Keubit roe Tuhan kuasa leupah"] }, { "chapter": 50, "versesCount": 45, "verses": ["Qaf Tuhan nyang teupue meukeusud ayat Sabab Hadharat hana Neupeugah Demi Qur'an nyang that mulia", "Tapi jih teuma hireun jih leupah ‘Oh teuka rasul kaphe dum jikheun Ajeb nyoe hireuen hanaban peugah Lam kawan jih sit ureueng peuingat", "Tanyoe geubangket ajeb that leupah Tanyoe ka mate ka jeut keu tanoh Pakri lom timoh tanyoe geupeugah Jioh that mungken tanyoe geubangket", "Kamoe teupue that Neukheun le Allah Jipeuanco jih bandum le bumoe Bandum atranyoe meuteupue sudah Ka lheuh meusurat bandum bak Kamoe", "Tapi jih dum nyoe dilee ka salah Haba nyang beuna ‘oh ban troh bak jih Han jitem pateh di jih jibantah Nyang sigo meudeh sigo treuk meunoe Narit jih dum nyoe meuwot-wot Iwupah", "Peue hana jieu keu deh u langet Nyang Kamoe peugot manyang ngon indah ı Kamoe peuindah hana nyang cacat", "Bumoe pih meuhat Kamoe“peuluwah Ngon gunong-gunong meupeudong sinan Tanam-tanaman pih le sileupah Indah takalon tanam-tanaman", "Jeut peuringatan keu hamba Allah Hamba nyang taubat lagi nyang taʻat Jeut keu ibarat jitueng phaedah", "Ka Kamoe peutron ujeun di langet le nyang beureukat hanaban peugah Kamoe peuudep dum keubon-keubon Bijeh tanaman timoh le bagah Jeut geupot ase ‘oh lheuh nyan teuma", "Ngon bak kureuma pih subor leupah Cabeung meupayong manyam jih leumbot", "Bandum jisambot le hamba Allah Raseuki Tuhan Neubri keu hamba Bumoe tho rata udep le bagah Nanggroe nyang mate Kamoe peuudep Meunan keuh bangket saban that leupah", "Kawom Noh dile Ras deungon Tsamud Jikheun dum sulet nyang Kamoe peugah", "‘Ad ngon Peuraʻun deungon kawom Luth p Bandum saban that hana meuubah", "Meunan pih Aikah ngon kawom Tubba“ Bandum jitulak nyang rasul peugah Meu han treuk keu jih peue nyang Lon janji", "Nyang Kamoe jadi peue jeut keu payah Na payah Kamoe bak meupeujeut phon Nyang dudoe bandum jeut jikheun susah Nyang ragu jih that bak peujeut dudoe Han ek meupeuwoe meunan jipeugah", "Ka Kamoe peujeut dum manusia Peue nyang lam dada meuteupue sudah Peue nyang meugureh dalam atejih Kamoe deungon jih sit toe that leupah Leubeh toe nibak urat marehjih", "Rot wie uneun jih pih na soe papah Rot uneun jih sidroe rot wie jih sidroe Ureueng dua droe sinan meukeubah Geuduek di sinan gopnyan bandua", "Bandum geujaga peue nyang ji peugah Peue nyang jipeugah bandum geusurat", "‘Oh seukreut mawot teuma geupeuhah Mabok rap mate leupah that beuna Di gata teuma napsu peusiblah", "‘Oh ban ka geuyup lam sangkai kala Uroe nyan tanda janji troh sudah", "Ureueng jak sajan tanyoe na dua Sidroe ureueng ba sidroe nyang peugah Nyang jeut keu saksi geupeugah sigra", "Yoh dilee gata teuwo that leupah Hana teuingat teuh keu uroe nyoe Mata teuh jinoe ka Kamoe peuhah Uroe nyoe bandum keudeh takalon Mata teuh tajam hanaban peugah", "Nyang sidroe rakan geumarit ligat Takalon nyoe pat peue nyang ka sudah Nyopát bak lon nyoe ka Iheuh meutuleh", "Tatiek jih keudeh lam apui mirah Ho ka teuh gata keunoe bandua Dalam nuraka tatiek jih bagah Bandum si kaphe nyang darohaka", "Di jih han tom na jibri seudeukah Buet jih pih lalem chok hana yakin", "Lom Tuhan laen di jih jiseumah Sajan ngon Allah na Tuhan laen Tatiek jih keunan lam azeub leupah", "Geukheun le teuma le rakan nyang nyoe Hai Tuhan kamoe droejih nyang salah Di lon hana jih lon peuceulaka Droejih usaha sisat that leupah Jioh that sisat ka jiusaha", "Neukheun boh nyo ka bek le meubantah Di keu Lon sinoe bek le meudawa Yoh dilee cit ka janji Lon peugah Janji that saket Lon kheun bak gata", "Jinoe meudawa hana phaedah Putosan bak Lon han jeut le tuka Kon Lon elanya dum hamba Allah", "Uroe nyan meukheun ubak nuraka Peue teuma haba ka peunoh di kah Peue na tamah lom jitanyong sigra", "Soe nyang takwa teuma meutuah Hana that jioh sinan churuga Geutamong lanja keunan le bagah", "Nyoe nyang geujanji dilee keu gata Sabab dum gata toubat bak Allah Bandum peurintah sabe geujaga", "Allah Taʻala han tom geubantah Takot keu Tuhan bah hana leumah Han geu tem seumah meunyo kon Allah Toubat lam ate sabe bak Tuhan", "Keudeh u dalam jak tamong bagah Saleum seulamat keu bandum gata Keukai rok masa sinan geukeubah", "Peue-peue nyang meuhʻeut di sinan ka nat Nyang laen teuma lom Kamoe tamah", "Padum le dilee ka peubinasa Nyang teuga-teuga beuho sileupah Leubeh beuho jih nibak awaknyoe Padum le nanggroe ka di jeulajah Ho jikeumeung plueng teuma uroe nyoe", "Bandum atra nyoe tatueng phaedah Jeut keupeuingat keu soe nyang pike Nyang na lam ate sipheut meutuah Nyang got jideungo peue nyang jikalon", "Kamoe pakriban kuasa leupah Ka Kamoe peujeut langet ngon bumoe Ngon bandum asoe keubit that bagah Meupeujeut bandum dalam nam uroe Teuma di Kamoe hana meupayah", "Teuma tasaba jikheun barangpeue Di gata pujoe mantong keu Allah Takheun teuseubeh tapujoe Tuhan Uroe ngon malam sabe di babah Beungoh yoh goh teubiet uroe Goh jilop uroe pih bek takeubah", "Takheun teuseubeh lom watee malam ‘Oh lheuh seumbahyang sujud bak Allah", "Beu got tadeungo watee geumeuhoi Le ureueng meuhoi nyang toe sileupah", "Uroe nyan bandum deungo su raya Su sangka kala cit hana salah Beuna that nyan keuh uroe geunbangket", "Kamoe peuudep bandum cit mudah Kamoe peuudep Kamoe peumate Meuwoe keudeh le bandum bak Allah Bandum teuh teuma tawoe bak Kamoe", "Beukah ngon bumoe teubiet dum bagah Meusapat bandum teuma bak Kamoe Teuma atra nyoe leupah that mudah", "Teuma Kamoe roe nyang leubeh teupue Bah barangkapeue peue nyang jipeugah Hana kreuh gata teuma ateuh jih Tapeuingat jih hana phaedah Deungon Qur'an nyoe tapeuingat Ureueng that takot janji Lon peugah"] }, { "chapter": 51, "versesCount": 60, "verses": ["Demi angen kreuh jipho peurabe", "Awan meuteuntee ujeun jiruwah", "Demi dum kapai jijak mudah that", "Dum malaikat jak bagi tugah", "Keubit nyang janji geubri keu gata Leupah that beuna hana meusalah", "Geubalah amai pih keubit beuna", "Di langet teuma jalan le leupah", "Teuma dum gata le that meudawa", "Na nyang han suka deungo peurintah", "Awak nyang sulet keunong muruka", "Jinom lam paya jahe sileupah", "Jitanyong pajan uroe kiamat", "Uroe nyan meuhat azeub that payah Geupeulop jih dum dalam nuraka", "Jinoe karasa pakri geubalah Dilee kalakee beu rijang teuka Nyoe keuh ka teuka azeub that leupah", "Keubit roe teuma ureueng takwa Dalam churuga keubon nyan indah Mata ie sinan pih jeureuengeh that", "Keu gopnyan meuhat Neubri le Allah Dumpeue nyang Neubri uleh Po gopnyan Geucok bandum nyan seunang sileupah Amai geuh dilee got that amalan", "‘Oh teungoh malam geubeudoh bagah Nit that nyang geueh bak watee malam", "Geulakee ampon dacha bak Allah Bak watee saho geubeudoh laju Ampon Tuhanku sibarang salah", "Arta gopnyan sit hak gop laen Keu ureueng gasien lakee seudeukah Nyang hana lakee pih geujok ligat Ureueng gasien that sayang sileupah", "Teuma di bumoe sit le that tanda Soe nyang peucaya yakin keu Allah", "Peue hana taeu lom bak droe gata", "Raseuki gata pih Tuhan keubah Di langet sideh Neubri raseuki Lom nyang ka janji Neubri le Allah", "Demi Po langet deungon Po bumoe Janji Tuhan nyoe beuna that leupah Saban ngon beuna narit dum gata Nyang tabicara nyang hana salah", "Peue na troh haba keunan bak gata Jamee nyan teuka keudeh geulangkah Ubak Ibrahim jamee nyan teuka Jamee mulia surohan Allah", "‘Oh ban geutamong ubak Ibrahim Geumeubri saleum teuma le bagah Geujaweub saleum hana lon turi", "Tamong bak ahli teuma geupeugah Jeh aneuk leumo saboh nyang teumbon", "Tabri makanan jamee troh langkah Pakon dum hana tacok makanan", "Ibrahim yoh nyan teumakot leupah Han peue tatakot kheun dum ureueng nyan Kamoe ba peusan sideh bak Allah Geupeugah treuk na haba gembira Lahe aneukda sidroe nyang ceudah", "Teuma peurumoh nabi Ibrahim Oh geudeungo nyan karu geuh leupah Geupoh-poh muka geukheun peue haba Lon nyoe ka tuha peue nyan tapeugah Lon nyoe ka tuha lom pih lon male", "(Jamee dum kheun le hana peue susah Meunan ka Neukheun le Tuhan gata That bijaksana peue nyang Neupeugah JUZ 27) Allah Taʻala dumpeue Neuteupue Hana meusapeue pih na meuilah", "Ibrahim tanyong teuma peue haba Jamee mulia ho tameulangkah", "Geukheun dum kamoe Neuyue jak keudeh Bak kawom paleh raya that salah", "Ngon batee tanoh Kamoe rhom dum jih", "Ka na tanda jih Neubri le Allah Bandum batee nyan ka na meutanda Nibak Po gata keu awak salah", "Kamoe peuteubiet ureueng meuiman Bandum di sinan bek keunong tulah", "Cit saboh rumoh nyang na Iseulam Laen nibak nyan bandum si jadah", "Kamoe keubah treuk tanda di sinan Keu ureueng mukmin geutueng phaedah Ureueng nyang takot akan geuazeub Keubit peudeh that teuma geubalah", "Teuma lom haba keu Nabi Musa Kamoe yue teuka keudeh geulangkah Ubak Peuraʻun geuba ngon tanda Nyang leupah nyata bak jih geupeugah", "Teuma jipaleng han jitem pateh Ngon dum rakyat jih jikheun beurakah Jikheun nyan sihe adak han gila", "Meupeubinasa treuk jih dum bagah Jih ngon teuntra jih meutiek lam laot Keu umpeun eungkot sinan meukeubah Jeut jih geucaci lom pih binasa", "Meunan pih teuma si ‘Ad seurakah Angen raya that meukirem keu jih", "Abeh bandum jih anco ngon bicah Peue nyang meurimbah bandum jisama", "Di Tsamud teuma pih seunang leupah Meuseunang-seunang bandum keuh siat Meunan ibarat bak jih geupeugah", "Peurintah Tuhan jidarohaka Geulanteue teuka jieu trang leupah Jitak jih bandum sinan meugule", "Hana beudoh le meuseumpom reubah Han ek soe tulong bandum binasa", "Kawom Noh teuma pasek that leupah Ĉ Bandum jih dilee abeh binasa Hana kuasa jilawan Allah", "Meupeugot langet ngon that kuasa Takalon nyata Kamoe peuluah", "Kamoe leung bumoe pih lagee tika Seunang that gata sinan meukeubah", "Meujudo-judo meupeujeut dumpeue Mangat gata nyoe tatueng phaedah Mangat taingat kuasa Tuhan", "Taplueng bak Tuhan jinoe le bagah Neuyue jak lon nyoe bak gata meuhat Neuyue peuingat nyata that leupah", "Teuma bek tacok Tuhan nyang laen Tapeugah Tuhan nyang bukon Allah Neuyue jak lon nyoe bak gata meuhat Neuyue peuingat nyata that leupah", "Teuma sit meunan sabe dileekon Keu rasul Tuhan bandum jibantah Jipeugah sihe atawa gila", "Peue jih seureuta peusan jipeugah Tapi jih kawom nyang darohaka", "Bek that di gata jih nyan tapapah Bah jih di sinan jidarohaka Teuma di gata han jeut keu susah Han jeut geucaci peue nyang buet gata", "Peuingat saja gata ka sudah Ureueng meuiman meu tapeuingat Raya munaphaʻat hanaban peugah", "Lon peujeut dum jen ngon manusia Mangat Lon saja di jih jiseumah", "Di Lon kon napsu bak jih raseuki Lom kon nak jibri makanan mudah Makanan keu Lon hana peue jibri", "Nyang bri raseuki cit sidroe Allah Tuhan nyang teuga nyang kong ban baja", "Nyang lalem teùma meuhat Neubalah Sabab na bagi jih lagee ngon jih Bandum rakan jih nyang pubuet salah Han peue jilakee beu rijang Lon bri", "Teuma si kaphe ceulaka leupah Lagee geupeugah yoh geumeujanji Sinan keuh meuri keu jih meubalah"] }, { "chapter": 52, "versesCount": 49, "verses": ["Demi Thursina nama buket nyan", "Demi kitab nyang meutuleh harah", "Keureutah teuleung sinan meutuleh", "Demi rumohjih nyang makmt luah Nyan keuh geuboh nanjih Baitul Makmur", "Langet meuceuhu manyang ngon meugah", "Laot meu apui pih takalon ju", "Azeub Tuhanku keu ureueng salah Hana peue tachok azeub Po gata", "Atra nyan teuka han ek soe peuglah", "Watee meuguncang langet meuyok-yok", "Gunong dum jijak anco ngon bicah", "Uroe nyan teuma ceulaka keubit Awak nyan sulet jikheun keu Allah", "Jimaen di jih dalam buet jeuheut", "Uroe nyan azeub keu jih that leupah Geutiek geuseumpom dalam nuraka", "Nyang sulet raya dilee ka peugah Yoh dilee kakheun hana nuraka", "Peue sihe teuma jinoe di keu kah Atawa hana leumah kakalon", "Boh jak lop keunan laju beu bagah Got pih kasaba ngon han kasaba Saban cit juga hana meuubah Peue nyang kapubuet yoh masa dilee Meunan meuteuntee bandum geubalah", "Keubit roe teuma ureng takwa Dalam churuga nikmat that leupah", "Peue nyang ka Neubri uleh Po gopnyan Meuseunang-seunang hanaban peugah Azeub nuraka hana di gopnyan Hana troh keunan Neubri le Allah", "Makan ngon minom ladat hanaban Nyan keuh balasan buet teuh jroh leupah", "Geuduek meusadeu taeu di sinan Leupah that seunang ateuh peuratah Peuratah pih dum meubanja-banja Ngon aneuk dara dum ceudah-ceudah Judo ureueng nyan budiadari Nyan keuh Kamoe bri akan beunalah", "Ureueng mukmin dum ngon keturunan Gopnyan meuiman sit akan Allah Aneuk ngon cuco geuh nyang meuiman Saban ngon gopnyan Kamoe bri jatah Hana meubacut pih na meukureueng Amai geuh bandum sep Kamoe balah Balaku amai keu abndum insan Nyan keuh jaminan jitueng phaedah", "Macam boh kayee Neubri keu gopnyan Ngon sie binatang nyang mangat leupah Peue nyang h‘eut gopnyan cit le troh teuka", "Meureubot sigra pireng deungon glah Meureubot-reubot kon jeut keu dawa Kon na meudacha galak that leupah", "Aneuk agam dum muda beulia Jiidang sigra peue nyang tapeugah Di sinan sabe jilingka-lingka Sang mutiara takalon indah Intan lam saruek gohlom geubuka", "Peugah le haba meupoh beurakah Meutanyong bandum ke haba jameun", "Kamoe dum yohnyan teumakot leupah Takot keu dacha geukheun watee nyan", "Teuma bit Tuhan Maha Pemurah Ka Neubri nikmat bandum geutanyoe Hana roh tanyoe lam apui mirah Hana roh tanyoe lam apui peudeh", "Sabab tapateh dumpeue peurintah Taseumah Tuhan nyang gaseh sayang Lagi pih Tuhan Maha Pemurah", "Teuma di gata beu tapeuingat Tuhan bri nikmat gata tan salah Gata tan gila nikmat Po gata Lom pih kon gata tukang meurajah", "Jikheun lom gata ureueng meupanton Tapreh meu pajan keunong musibah Tapreh ceulaka keunong ateuh jih", "Takheun boh tapreh atra lon peugah Di lon pih lon preh sit lagee gata", "Lom pih jih saja meunan jipeugah Meunyo kon lom pih jidarohaka", "Jikheun tapeuna taba risalah Tapi cit jih dum han jimeuiman", "Cubaci kaman jih peugot bagah Cubaci peugot lagee nyan bisa Meunyo bit beuna peue nyang jipeugah", "Atawa hana soe nyang peujeut jih Jeut keudroe di jih han peue geuulah Atawa di jih jipeujeut droe jih", "Atawa sit jih peujeut blah bicah Peue jih nyang peujeut langet ngon bumoe Kon yakin jih nyoe meu nyan jipeugah", "Peue na bak jih nyan gudang areuta Nibak Po gata bak jih Neukeubah Peue na kuasa dalam jaroe jih", "Peue na rinyeun jih nyang panyang leupah Jiek u langet jideungo haba Meu keunoe kaba laju beubagah Jiba ngon dali nyang trang ngon nyata", "Peue aneuk dara di jok keu Allah Aneuk nyang agam bandum keu gata", "Peue bak jih dum na talakee upah Jeut jih dum teuma geuhon ngon utang", "Peue na bak jih nyan ‘eleumee Allah ‘Eleumee gaeb nyang tan gop teupue Jituleh dumpeue beuna ngon salah", "Peue napsu jih keumeung teumipee Jipeugot lagee jimita hilah Nyang keunong tipee meuhat si kaphe", "Peue na jipike laen jiseumah Peue na di jih Tuhan nyang laen Nyang jikheun Tuhan nyang bukon Allah Allah Taʻala Maha Suci that Tan meucharikat lagee jih peugah", "‘Oh ban jikalon geurupeng langet Jikalon ka rhet galak jih leupah Jikheun le awan meulapeh-lapeh Ujeun di sideh keunoe jiruwah", "Bah keuh jih meunan bek tapeuduli Atra nyan geubri keu jih sit bagah Akan meureumpok ureueng nyan ngon jih Teukeujot that jih hanaban peugah", "Uroe nyan teuma hana le guna Dum tipee daya jipeugot ulah Hana le hilah hana soe tulong", "Awak nyang lalem azeub sileupah Azeub nyang laen geubri dum keu jih Nyang le that di jih hana jipapah Bandum atra nyan hana jiteupue", "Tasaba jinoe teuma bek susah Di gata jinoe beu that tasaba Hukom Po gata nyang Maha Murah Gata sit sabe meungieng le Kamoe Bak mata Kamoe hana tom leupah Takheun teuseubeh pujoe Po gata Oh watee jaga sabe di babah", "‘Oh watee malam pih bek tapiyoh Teuseubeh sunggoh tapujoe Allah Sampoe ka gadoh dum bintang-bintang Uroe keumeung trang peungeuh dum sudah"] }, { "chapter": 53, "versesCount": 62, "verses": ["Demi dum bintang ‘oh gadoh cahya", "Nyan rakan gata kon ureueng salah Kon ureueng sisat kon pih ka wawoe", "Narit geukheun nyoe beuna sileupah Kon hawa napsu nyang geumarit nyoe", "Tapi atra nyoe wahyu bak Allah Geupeutren wahyu geuba bak gopnyan", "Geu aja gopnyan le ureueng meugah Ureueng teuga that peureunoe gopnyan", "Peungaba gopnyan pih raya leupah Geupeuleumah droe keunan bak gopnyan", "Bak ufok manyang jioh sileupah", "Lheuh nyan geupeutoe maken rap laju", "Ujong go busu meunan toe sudah Atawa toe lom leubeh nibak nyan", "Geuwahi yoh nyan bak hamba Allah Bak hamba Neuh nyan geupeutroh wahyu Peue nyang Neuyue bri sideh le Allah", "Kheun ate gopnyan bukon paleusu Ka trang deuh geueu hana meusalah", "Teuma dum gata tabantah gopnyan Peue nyang geueu nyan takheun beurakah", "Sigo treuk teuma na geueu gopnyan Bak ujong jalan manyang sileupah", "Nan teumpat nyan SIDRATUL MUNTAHA", "Toe ngon churuga keubon nyang indah", "Bak watee SIDRAT meuri sang teutop Lam reumeung sagop geukalon leumah", "Hana geupeuweh mata dum sinan Jioh that pih han keudeh meuluah", "Tanda Po gopnyan geukalon hebat Keubit raya that hanaban peugah", "Na patot takheun Lata ngon Uzza", "Ngon Manat teua nyan aneuk Allah Aneuk inong Neuh takheun le gata", "Teuma keu gata agan tapeugah Nyang aneuk inong takheun keu Tuhan", "Tabagi meunan raya that salah", "Nama-nama nyan taboh le gata ; Ngon yah-yah gata masa nyang sudah s Hana tren dali dum nyan bak Tuhan 4 Sangka-sangkaan mantong nyang salah Peuturot napsu jih ban nyang hawa Padahai cit ka dilee geupeugah Ka na peutunyok dilee bak Tuhan", "Peue teuma insan nyang carong leupah Ek troh barangpeue lagee ji cita", "Allah Taʻala han ek jibantah Akhirat donya sit milek Tuhan Bandum na insan han ek jihilah", "Malaikat dum le that di langet Han ek chupheuʻat Neubri le Allah Meulengkan soe-soe nyang izin Tuhan Soe nyang h‘eut Tuhan nyang Neubri jatah Soe nyang Neurila ureueng meuiman", "Nyang han meuiman bek nyan tapeugah Han jipateh na uroe akhirat Keu malaikat jiboh nan salah Jipeugah inong dum malaikat", "Hana jitupat peue nyang jipeugah Hana ‘eleumee di jih atra nyan Jiikot waham nyata that salah Sangka-sangkaan hana meuguna Bak nyang sibeuna hana phaedah", "Teuma bah meunan di jih jipaleng Di jih han jitem Kamoe peurintah Kamoe peuingat hana jikira Keu udep donya harap jih leupah", "Nyan kabeh panyang di jih ‘eleumee Po gata teuntee nyang leubeh ceudah Neuteusoe nyang jak bak jalan sisat Soe nyang bit teupat ka na hidayah", "Peue nyang di langet ngon nyang di bumoe Bandum atra nyoe sit milek Allah Neukeumeung balah soe nyang buet jeuheut Teuma nyang buet got h'eut that Neubalah", "Ureueng nyang hana geupeugot dacha Dacha nyang raya ngon keuji leupah Meulengkan nyang na dacha nyang cut-cut ‘Oh Iheuh geupubuet meunyesai teulah Teuma Po gata ampon luah that Buet gata meuhat Neuteupue sudah Watee Neupeujeut gata di bumoe Neuteupue dum nyoe pakriban ulah Phon lam pruet ibu teuh ka Neuteupue Hana meusapeue pih na meuilah Teuma bek gata takheun droeteuh gleh Neuturi nyang gleh bandum le Allah Ureueng nyang takwa sit that Neuteusoe", "Na taeu dih roe awak nyang salah Peue nyang peurintah han jitem pateh Jipaleng keudeh jijak ban bagah", "Jibri areuta bacut tek sagai Nyang laen tinggai bandum jikeubah", "‘Eleumee gaeb peue na nibak jih Jiteupue le jih beuna ngon salah", "Peue hana teuma soe peugah bak jih Peue nyang meutuleh masa nyang sudah Lam kitab Musa geupeugah bandum", "Kitab Ibrahim lom nyang meutuah Ibrahim hana tom ubah janji", "Han jeut meubagi soe pubuet salah Han jeut jitanggong dacha gop laen", "Usaha insan droejih nyang peuglah Droejih nyang tanggong usaha jih nyan", "Bandum atra nyan sit geupeuleumah Akan jikalon bandum buet jih nyan", "‘Oh lheuh nibak nyan akan geubalah Bandum sit cukop geubri balasan", "Akhe bak Tuhan bandum talangkah Seuneulheuh keudeh ubak Po gata", "Takheun gembira seunang that leupah Ladom Neupeumoe weuh dalam ate", "Nyang Neupeumate pih ban hʻeut Allah Got Neupeuudep pih ban h‘eut Tuhan", "Inong ngon agam got nyang meunikah Agam ngon inong meujudo-judo", "Titek mani ro jadilah sudah", "Lheuh nyan Neupeujeut sigo treuk teuma Allah Taʻala kuasa leupah", "Tuhan bri kaya cukop beulanja", "Po bintang Syiʻ‘ra pih meuhat Allah", "‘Ad nyang phon dilee Neupeubinasa", "Tsamud pih teuma abeh dum sudah", "Kawom Noh dilee pih leupah lalem Han sagai jitem peue nyang Noh peugah", "Lom Mu'ʻtafikah Neupeubinasa", "Jigom le bala abeh jih sudah", "Boh nyang toh teuma nikmat Po gata Nyang chok tasangka hana phaedah", "Nyoe keuh sidroe treuk ureueng peuingat Dilee saban that ngon gopnyan peugah Sit ka le dilee ureueng peuingat", "Bala kiamat ka toe that leupah", "Hana soe bri thee teuka atra nyan Meunyo kon Tuhan nyang Maha Murah", "Teuma ek hireuen teuh bandum gata Ta deungo haba nyoe ajeb leupah", "Takheun kon teuma ‘oh tadeungo nyoe", "Keubit that laloe gata dum sudah", "Boh tajak sujud ubak Hadharat Pubuet ibadat taseumah Allah"] }, { "chapter": 54, "versesCount": 55, "verses": ["Ka toe that watee teuka kiamat Buleun di langet taeu ka beukah", "Teuma di jih dum ‘oh jieu ayat Jipaleng ligat sira jipeugah Nyan keubit sihe teuka lom laju", "Jikkheun paleusu kon nibak Allah Peuturot napsu di jih dum meuhat Teuma ka teutap putosan Allah Bandum ka teutap putosan Tuhan", "Ubak awaknyan ka lheuh geupeugah Haba peutakot soe nyang buet dacha", "Hikeumat raya peunteng that leupah Teuma peuingat hana meuguna", "Bah meunan teuma di jih lam salah Uroe nyan teuka ureueng jak meuhoi Bandum geumeuhoi jak keunoe bagah Haro-hara that jinoe ka teuka", "Khuchu‘ dum mata teumakot leupah Teubiet lam uruek dum lagee daruet Ka meuruet atuet le han ban peugah", "Bak ureueng jihoi jiplueng meuree-ree Kaphe dum teuntee leupah that susah Jikheun le kaphe uroe nyan meuhat Tanyoe meukarat hanaban peugah", "Kawom Noh dilee nibak awak nyan Jikheun sulet nyan peue nyang Noh peugah Hamba Kamoe nyan jikheun ka gila Bek le that haba jiyue top babah", "Teuma geulakee ubak Po gopnyan Neubri beu meunang lon nyoe ka kalah", "Kamoe peuhah treuk dum pinto langet Te raya that-that laju meuruah", "Bandum mata ie nyang na di bumoe Teupanca jinoe meulimpah-limpah le nyang di langet ngon nyang di bumoe Meusapat jinoe le han ban peugah Jeut treuk keu tophan teuma raya that Kheundak Hadharat han ek soe teugah", "U dalam kapai meupeuek gopnyan Papeun ngon labang ka meurok sudah", "Teuma meujaga ngon mata Kamoe Jijak kapai nyoe teuma le bagah Meunan keuh balah meubri keu gopnyan Nyang geuba iman deungon ikheulah Teuma jikaphe peue nyang gopnyan ba", "Jeut treuk keu tanda nyan Kamoe keubah Teuma na soe cok nyan keu peuingat", "Pakriban azeub keu jih Lon balah Nyan keuh dum ka troh nyang geupeuingat", "Qur'an pih that Kamoe peumudah Jeut nyan keu dike ingat keu Tuhan Teuma na soe nyan jitueng phaedah", "Meunoe pih sulet jipeugah le ‘Ad Pakriban azeub keu jih Lon balah Nyan keuh dum ka troh nyang geupeuingat", "Angen guncang that meukirem bagah Bak uroe ħahas keu jih ceulaka Buet angen raya guncang that leupah", "Jibot jibapo dum manusia Meutimpa-timpa mate dum reubah Sang bak kureuma reubah dum teubot", "Pakriban azeub keu jih Lon balah Nyoe keuh dum ka troh nyang geupeuingat", "Qur'an pih that Kamoe peumudah Jeut nyan keu dike ingat keu Tuhan Teuma na soe nyan jitueng phaedah", "Meunan pih Tsamud jipeugah sulet Haba peuingat jikheun beurakah", "Jikheun peue tanyoe tajak ikot jih Geutanyoe ngon jih kon saban leupah Jih sidroe insan lam kawan tanyoe Taikot jih nyoe sisat ngon salah Pungo that tanyoe nyang taikot jih", "Ek mungken bak jih geujok risalah Lam kawan tanyoe kon le soe laen Sulet mbong jih nyan peue jijak peugah", "Singoh jiteupue watee geubangket Si mbong ngon sulet raya beurakah", "Meukirem unta ujian keu jih ; Taluem treuk buet jih pakriban ulah Tasaba taeu pakriban buet jih", "Lom takheun bak ie beu jikeubah Nyang ladom keu jih ladom keu unta Jijep dum rata meusiblah-siblah", "Jihoi treuk rakan jiyue top unta", "Pakri jirasa azeub Lon balah Nyoe keuh dum ka troh nyang geupeuingat", "Geulanteue meuhat meukirem bagah Sigo grum jitak jih le geulanteue Abeh meusiseue mate dum reubah Lagee naleueng tho bandum ka teupat", "Qur'an pih that Kamoe peumudah Jeut nyan keu dike ingat keu Tuhan Teuma na soe nyan jitueng phaedah", "Kawom Nabi Luth pih jikheun sulet Haba peuingat jikheun beurakah", "Kamoe rhom treuk jih dum deungon batee Abeh treuk pade mate dum reubah Ahli Nabi Luth meukeubah mantong Bak akhe malam dum Kamoe peuglah", "Nikmat bak Kamoe keu soe nyang chuko Sidumnan keuh le nyang Kamoe balah", "Geupeuingat jih keu azeub Kamoe Tapi awak nyoe chok jih dum leupah Han jitem pateh ‘oh geupeuingat", "Jamee geuh jeh pat di jih jipeugah Tabri keu Kamoe nyan jamee gata Meupleu treuk mata jih bandua blah Rasa treuk jinoe mata keuh buta Azeub Lon sit ka dilee geupeugah", "‘Oh beungoh singoh teuka le azeub Keu jih nyan teutap hana soe peuglah", "Rasa treuk jinoe pakri azeub Lon Dilee atra nyan sit ka geupeugah Bandum nyan dilee ka geupeuingat", "Qur'an pih that Kamoe peumudah Jeut nyan keu dike ingat keu Tuhan Teuma na soe nyan jitueng phaedah", "Kawom Peuraʻun pih geupeuingat", "Jikheun sulet that peue nyang geupeugah Ayat Kamoe dum jipeugah sulet Meu Kamoe azeub treuk jih dum bagah Mangat jiteupue Kamoe Perkasa Keubit kuasa hana ban peugah", "Boh nyan dum kaphe nyang rakan gata Ek got jih teuma hana meusalah Ek leubeh got jih nibak ureueng nyoe Gata pih dum nyoe peue na soe peuglah Han keunong azeub gata ka teuntee Lam kitab dilee peue na geupeugah", "Atawa jìkheun dum le awaknyan Kamoe nyoe meunang han sagai kalah", "Bandum jih talo jiplueng jisurot", "Tapi kiamat cit troh le bagah Ka Iheuh geujanji bak jih kiamat Nyang leubeh dahcat ngon phet sileupah", "Awak meudacha nyang dalam sisat Di jih dum teumpat lam apui mirah", "Uroe nyan geuhoi jih lam nuraka Geupeugom muka jih keunan bagah Karasa jinoe teupeh nuraka", "Bandum peukara ka meuboh batah Nyang Kamoe peujeut Kamoe boh kada", "Buet Kamoe teuma leupah that bagah Ek keumah dalam seukeujap mata", "Dum awak gata takalon sudah Padumna le jih meupeubinasa Teuma soe ek na nyang tueng phaedah", "Peue nyang jipubuet ka na lam kitab", "Bandum geusurat teuma geukeubah Ubit ngon rayok salah ngon beuna", "Soe nyang takwa nyan nyang meutuah Ureueng nyan bandum asoe churuga Ie krueng churuga harok teuh leupah", "Bak teumpat nyang jroh beuna bak Tuhan Kuasa Tuhan beuna ban peugah"] }, { "chapter": 55, "versesCount": 78, "verses": ["Maha Pemurah cit sidroe Tuhan", "Tabeuet Qur'an ajaran Allah Tuhan peureunoe tabeuet Qur'an", "Neupeujeuet insan dilee ka sudah", "Neupeureunoe jih jeut peugah haba Carong bicara paseh ngon lidah", "Di mata uroe teuma ngon buleuen Neupeujeuet bandum meuato leupah", "Bak kayee urot ngon kayee teudong Jisujud bandum keudeh bak Allah", "Neupeujeuet langet teuma manyang that Timbangan meuhat Neupeuduek bagah", "Teuma bek salah watee tatimang", "On ceng beu timang bek singet siblah Timang beu ade bek jeut keu rugoe", "Neupeujeuet bumoe hamparan luah Keu manusia Neupeujeuet dum nyan", "Boh kayee sinan pih le sileupah Di cong kureuma jiteubiet manyam", "Bijeh tanaman jiteubiet tunah Bijeh jeuet keu bak bungong mangat bee Bandum meuteuntee peuneujeuet Allah", "Teuma boh nyang toh nikmat Po gata Takheun bandua teuh sulet leupah", "Neupeujeuet insan nibak tanoh kliet Saban ngon kanot beulangong capah", "Neupeujeuet lom jen nibak apui hu Kheundak Tuhanku hana soe bantah", "Teuma boh nyang toh nikmat Po gata Takheun bandua teuh sulet leupah", "Tuhan keuh nyang Po timu ngon barat Dua boh teumpat maseng Neukeubah", "Teuma boh nyang toh nikmat Po gata Takheun bandua teuh sulet leupah", "Dua boh laot ie Neupeujampu", "Di jih meunapsu teuma meusiblah Ateueng di teungoh di jih meunapsu Tapeugot laju Neuyue le Allah", "Teuma boh nyang toh nikmat Po gata Takheun bandua sulet that leupah", "Bak dua laot jiteubiet intan Ngon batee marjan puteh ngon indah", "Teuma boh nyang toh nikmat Po gata Takheun bandua teuh sulet leupah", "Padum le kapai jijak di laot Gunong ngon buket siulah-ulah", "Teuma boh nyang toh nikmat Po gata Takheun bandua sulet that leupah", "Bandum gata nyoe mate dum meuhat", "Sidroe Hadharat nyang han meuubah Po gata sidroe nyang keukai baka Agong mulia sit sidroe Allah", "Teuma boh nyang toh nikmat Po gata Takheun bandua teuh sulet leupah", "Ureueng meulakee di langet bumoe Neutulong Kamoe wahe ya Allah Sit geunap uroe tanyoe Neujaga Hana tom reuda bandum Neupapah", "Teuma boh nyang toh nikmat Po gata Takheun bandua teuh sulet leupah", "Wahe bandum jen ngon manusia Meubri keu gata watee nyang luah", "Teuma boh nyang toh nikmat Po gata Takheun bandua teuh sulet leupah", "Hai jamaʻah jen ngon manusia Meunyo kuasa takeumeung langkah Napsu tameung eu dum lapeh langet Bumoe pih meuhat tameung jeulajah Jeut tajak laju tapubuet ligat Han ek takarat teuma that payah Meulengkan beuna tamita alat Mangat troh hajat tamita bagah", "Teuma boh nyang toh nìkmat Po gata Takheun bandua teuh sulet leupah", "Teuma taingat gata bandua Geurhom ngon cahya apui hu mirah Meunan pih geurhom batee teumaga Teuma jeuet gata ureueng nyang kalah", "Teuma boh nyang toh nikmat Po gata Takheun bandua teuh sulet leupah", "‘Oh watee langet bicah dum reule Sang minyeuk sapi takalon ulah", "Teuma boh nyang toh nikmat Po gata Takheun bandua teuh sulet leupah", "Uroe nyan teuma dum manusia Ngon jen pih sama nyang pubuet salah Hana geutanyong le peue dacha jih Hukoman keu jih sit ka geukeubah", "Teuma boh nyang toh nikmat Po gata Takheun bandua teuh sulet leupah", "Awak meudacha bandum geuturi Tanda ka meuri han le meusalah Geuceukak ulee geupoh bak gaki Baro jituri kuasa Allah", "Teuma boh nyang toh nikmat Po gata Takheun bandua teuh sulet leupah", "Nyoe keuh nuraka leupah that saket Nyang jikheun sulet le awak salah", "Jilingka-lingka bineh nuraka Te hu meubura tutong sileupah S E TE S RES. ET E SN ONS", "Antara ie jue deungon nuraka Jarak jih hana padum boh langkah Teuma boh nyang toh nikmat Po gata Takheun bandua teuh sulet leupah", "Ureueng nyang takot teuma keu Tuhan Neubri keu gopnyan churuga indah Dua churuga bak Tuhan gopnyan Keubit that seunang hanaban peugah", "Teuma boh nyang toh nikmat Po gata Takheun bandua teuh sulet leupah", "Lam churuga nyan buah-buahan Sigala macam ka Tuhan keubah", "Teuma boh nyang toh nikmat Po gata Takheun bandua teuh sulet leupah", "Na dua boh krueng ile di sinan Lam churuga nyan leupah that indah", "Teuma boh nyang toh nikmat Po gata Takheun bandua teuh sulet leupah", "Boh kayee le that meupasang-pasang Sigala macam han ek tapeugah", "Teuma boh nyang toh nikmat Po gata Takheun bandua teuh sulet leupah", "Bak peurmadani geuduek meusadeu Di ateuh aleu sutra that indah Boh kayee dalam dua churuga Sit troh taraba tadong di bawah", "Teuma boh nyang toh nikmat Po gata Takheun bandua teuh sulet leupah", "Aneuk dara dum dalam churuga Plihara mata sabe lam indah Insan got pih jen sigohlóm gopnyan Hantom troh keunan bak dara ceudah", "Teuma boh nyang toh nikmat Po gata Takheun bandua teuh sulet leupah", "Permata yaqut sang-sang dara nyan Ngon batee marjan puteh ngon indah", "Teuma boh nyang toh nikmat Po gata Takheun bandua teuh sulet leupah", "Soe nyang pubuet got Neubalah got that Uleh Hadharat nyang Maha Murah", "Teuma boh nyang toh nikmat Po gata Takheun bandua teuh sulet leupah", "Laen nibak nyan pih na lom dua Keubon churuga nyang keubit indah", "Teuma boh nyang toh nikmat Po gata Takheun bandua teuh sulet leupah", "Wareuna ijo itam sigitu ‘Oh watee taeu keubit that indah", "Teuma boh nyang toh nikmat Po gata Takheun bandua teuh sulet leupah", "Dua boh krueng treuk di sinan pih na Te jih teupanca meutamah indah", "Teuma boh nyang toh nikmat Po gata Takheun bandua teuh sulet leupah", "Padum boh kayee ngon boh kureuma Lom boh geulima aneuk jih mirah", "Teuma boh nyang toh nikmat Po gata Takheun bandua teuh sulet leupah", "Aneuk dara dum nyang ceudah rupa Dalam churuga sinan geukeubah", "Teuma boh nyang toh nikmat Po gata Takheun bandua teuh sulet leupah", "Budiadari nyang cantek-cantek Di dalam bilek churuga indah", "Teuma boh nyang toh nikmat Po gata Takheun bandua teuh sulet leupah", "Insan deungon jen sigohlom gopnyan Han tom troh keunan bak dara ceudah", "Teuma boh nyang toh nikmat Po gata Takheun bandua teuh sulet leupah", "Geuduek meusadeue seunang that meuri Ngon peurmadani nyang indah-indah Geumeusadeue dum bak buphet ijo Sang linto baro takalon ulah", "Teuma boh nyang toh nikmat Po gata Takheun bandua teuh sulet leupah", "Maha Suci lom Maha Beureukat Nama Hadharat nyang Maha Murah Nama Po gata nyang that mulia Agong perkasa hanaban peugah"] }, { "chapter": 56, "versesCount": 96, "verses": ["Meunyo ka teuka uroe kiamat", "Han sagai sulet lagee geupeugah", "Nyang ladom miyup nyang ladom manyang", "Bumoe meuguncang hebat sileupah", "Gunong pih anco bandum meuteuntee", "Jeut dum keu abee han le meubeukah", "Gata dum teuma lhee boh golongan", "Nyang blah rot uneun jeut teuh tapeugah", "Nyang blah wie teuma peue jeut teuh takheu", "Nyang awai bandum ureueng nyang sudah Nyang dilee mantong bak awai mula", "Nyang that bahgia toe that ngon AlLah", "Ureueng nyan dalam churuga nikmat", "Ureueng awai that saboh jamaʻah", "Masa nyang akhe ureueng nyan nit that", "Teumpat geuh meuhat ateuh peuratah Peuratah nyan dum got that meupatroe Deungon meupudi hu meujeureulah", "Meuhadap-hadap geuduek di sinan Meusadeue seunang hanaban peugah", "Jiidang gopnyan jilingka-lingka Le aneuk muda nyang ceudah-ceudah Di jih lom keukai muda beulia", "Bak jaroe jiba ciriek deungon glah le nyang jeureuengeh nyang ladat rasa Bak ie mon mata cit le sileupah", "Han jeuet keu mabok ‘oh geujep ie nyan Han jeuet keu mumang bandum puleh grah", "Boh kayee geucok ri nyang hʻeut gopnyan", "Sie ticem sinan pih ladat leupah", "Budiadari meucahya mata", "Sang-sang meutia gohlom meutatah Ba ngon meutia mantong lam peutoe", "Bandum atra nyoe jeut keu beunalah Sabab dilee buet geuh jroh hanaban Nyan keuh balasan Neubri le Allah", "Han tom geudeungo narit nyang kuto Hana meusigo narit nyang salah", "Narit di sinan saleum seulamat Ngon rakan sahbat ureueng meutuah", "Ureueng rot uneun saboh golongan Pakri ureueng nyan jeut teuh tapeugah", "Di yup bak siri han tom luroh on", "Pisang meususon boh jih le leupah", "Teumpat nyan reului seuteuntang mata", "Ngon ie mon mata ile dum joh jah", "Boh kayee le that han ek takira", "Hana tom reuda sinan geukeubah Hana soe larang peue-peue nyang hawa Teuh tacok sigra hana soe bantah", "Tilam meususon dum manyang-manyang", "Meupeujeuet sinan dum dara ceudah", "Budiadari dara peurawan", "Umu sipadan hana meuubah Muda seulayeue bandum awak nyan", "Keu ureueng uneun nyan Kamoe keubah", "Jamaʻah nyan dum bak ureueng dilee", "Dudoe pih teuntee saboh jamaʻah", "Ureueng nyang rot wie saboh golongan Pakri ureueng nyan jeut teuh tapeugah", "Lam angen tutong ie pih tutong that", "Awan azeub that pih tutong leupah", "Hana nyang leupie hana nyang mangat", "Yoh dilee meuhat di jih that mewah", "Hana jipiyoh jipubuet dacha Nyang salah raya hanaban peugah", "Jikheun lom di jih tanyoe ‘oh mate Meusapeue tan le beuna ngon salah Ka jeut keu tanoh tinggai meutuleung Ek udep teuh lom nyan jijak peugah", "Yah-yah geutanyoe lom masa dilee", "Takheun nyang dilee pih saban leupah Dilee ngon dudoe bandum pih saban", "Meusapat keunan tapiyoh payah Meu ka troh uroe haro-hara that", "Gata nyang sisat teuma that susah Nyang takheun sulet uroe kiamat", "Jinoe dum meuhat pajoh boh salah Pajoh boh zaqum dalam nuraka Bak jih be raya na meutan darah", "Peunoh pruet beuteng tapajoh boh nyan", "Tajep ie sinan pih tutong leupah", "Tajep tajeurip lagee binatang", "Nyan keuh geuidang keu ureueng salah Nyan keuh balasan uroe kiamat", "Gata meupeujeuet nak taeu susah Kamoe nyang peujeuet pih han tapateh", "Bak ie that jaeh takalon sudah Bak mani gata dum Kamoe peujeuet", "Peue gata peujeuet tacuba peugah Atawa Kamoe nyang peujeuet gata", "Peumate gata pih hana susah Kamoe peuteuntee jan mate gata Han ek talumba Kamoe beu kalah", "Juet Kamoe gantoe ngon ureueng laen Ngon gata saban sit hana ubah Teuma meupeujeuet gata ‘oh dudoe Han ek tateupue pakri meuulah", "Sit gata teupue Kamoe peujeuet phon Teuma pakon han tatueng phaedah", "Na roe takalon peue nyang tapula", "Peue gata pula peutimoh bagah Atawa Kamoe nyang peutimoh nyan", "Meu tho Iheuh nyan soe peugot ulah Meunyo h‘eut Kamoe abeh meupeutho Takalon anco hireuen teuh leupah", "Rugoe that tanyoe jiruet le utang", "Meusapeue pih tan tinggai geukeubah Hana meusapeue pih na nyang tinggai Hana le beukai tan na napakah", "Na roe takalon ie nyang tajep nyan", "Sideh lam awan keunoe geuruwah Peue gata peutron atawa Kamoe Keunoe u bumoe cuba tapeugah", "Meunyo hʻeut Kamoe bandum ie masen Pakon han tatem chuko keu Allah", "Na roe takalon tapeudep apui Kayee tabalui jeut keu peukakah", "Gata nyang peutho bandum kayee nyoe Mangat apui nyoe jitem hu bagah Atawa Kamoe nyang peujeuet dum nyan", "Jeuet peulajaran tatueng phaedah Keu ureueng jak-jak jeuet keu peuingat Geu tueng munaphaʻat pih le that leupah", "Takheun teuseubeh ngon Nan Po gata Nyang Maha Raya nyang Maha Murah", "Ulon meusumpah ngon teumpat bintang Teumpat-teumpat nyan di langet luah", "Meusumpah ngon nyan meu na tateupue Keubit atra nyoe raya sileupah", "Keubit nyan teuma Qur'an mulia", "Lam kitab raya amai geukeubah Geuplihara that teuma kitab nyan", "Barangsoe keunan han troh jilangkah Meulengkan nyang jeut jak mat kitab nyan d Ureueng pilihan nyang suci leupah", "Neupeutron kitab sideh bak Tuhan Nyang Po dum alam deungon blah bicah", "Peue teuma jaeh tangieng kitab nyoe Haba di sinoe bandum peurintah", "Raseuki Tuhan Neubri keu gata Takheun nyoe teuma sulet sileupah", "Pakon han teuma ‘oh troh bak reukueng Jiteubiet nyawong jimeung meulangkah", "Watee nyan taeu teuma le gata", "Kamoe sit ka na sinan toe leupah Teuma gata dum han deuh takalon", "Boh cuma pakon tacuba peugah Meunyo bit teuga bandum na gata Han ek kuasa gata geuteugah", "Tapeuwoe nyawong teuma lom bak sot Meunyo beuna that peue nyang tapeugah", "Meunyo ureueng nyan toe that ngon Tuhan", "Meuhat ureueng nyan seunang sileupah Neubri raseuki lom ngon churuga Nikmat that raya Neubri le Allah", "Teuma keu ureueng nyang blah rot uneun", "Keu gata Islam seulamat sudah Meutuah gata tadong rot uneun", "Teuma soe nyang kheun sulet that leupah Jipeugah sulet sabab jih sisat", "le apui meuhat keu jih geubalah", "Teuma geupeulop jih lam nuraka", "Atra nyoe beuna yakin that leupah", "Takheun teuseubeh ngon nan Po gata Nyang Maha Raya nyang Maha Murah"] }, { "chapter": 57, "versesCount": 29, "verses": ["Peue nyang di langet ngon nyang di bumoe Teuseubeh dum nyoe jipujoe Allah Keubit roe Tuhan Maha Perkasa Ngon bijaksana Neuh han ban peugah", "Keurajeuen langet dum deungon bumoe Bandum atra nyoe sit milek Allah Ek Neupeuudep ngon Neupeumate Barangpeue ase han ek soe bantah Ateuh dum-dum peue Tuhan kuasa", "Nyang awai mula pih sidroe Allah Awai ngon akhe lahe ngon baten Sipheuet Droeneuh nyan hana meuubah Lagi pih Tuhan Neuteupue dumpeue Hana meusapeue pih na meuilah", "Tuhan nyang peujeuet langet ngon bumoe Dalam nam uroe dum nan keuh bagah Di ateuh ‘arasy teuma Neupiyoh Neukalon dum troh hana meuilah i Peue-peue nyang tamong u dalam bumoe C Jiteubiet sinoe Neuteupue sudah Meunan pih nyang tron sideh di langet Nyang ek u langet pih hana ubah Barangpat gata na Tuhan sajan Bandum Neukalon peue nyang tapeugah Peue nyang tapubuet bandum Neukalon", "Bandum keurajeuen sit milek Allah Langet ngon bumoe keurajeuen Tuhan Bandum urusan meuwoe bak Allah", "Tuhan nyang peulop malam lam uroe Neupeulop uroe lam seupot leupah Neuteupue bandum peue nyang lam dada", "Meuiman sigra teuma keu Allah Iman keu rasul sigo seureuta Teuma areuta tabri seudeukah Harta nyang Neubri bak jaroe gata Jeut takuasa ban tapeurintah Pahla raya that Neubri le Tuhan Soe nyang meuiman lom meuseudekah", "Pakon han tatem iman keu Tuhan Rasul junjongan ka Iheuh Neupeugah Geuyue meuiman teuh keu Po gata Janji dilee ka gata ngon Allah Meunyo bit gata ureueng meuiman", "Teuma sit Tuhan peutron peurintah Neupeutron ayat nyang trang ngon nyata Keunan bak hamba Neuh rasulullah Neumeung peuteubiet gata di sinan Dalam seupot klam Neucok le Allah Neuba bak cahya nyang trang beundeurang Gata Neusayang hanaban peugah Lom pih dum gata Neugaseh that-that", "Pakon cit pueh that tabri seudeukah Pakon han tabri bak jalan Tuhan Pusaka dum nyan cit milek Allah Pusaka langet meunan pih bumoe Milek Droeneuh nyoe hana meuubah Urueng nyang tem bri lom geujak meuprang Yoh goh lom meunang peutalo Makkah Nyan hana saban ngon ureueng dudoe Pangkat ureueng nyoe raya that leupah Beu that beu geubri lom geutem meuprang Dudoe nibak nyan bacut meuubah Bit meunan bandum ka Tuhan janji Balasan Neubri meu jroh sileupah Teuma di Tuhan dumpeue Neumaklum Buet gata bandum Neuthee le Allah", "Soe nyang tem teuma peuutang Tuhan Buet keubajikan bak le that leupah Bandum Neubayeue meulipat ganda Neubri lom pahla nyang jroh le Allah", "Uroe nyan taeu ureueng meuiman Galak ngon seunang hanaban peugah Agam ngon inong saban meucahya Di keu geuh cahya hu meujeureulah Rot uneun gopnyan pih hu meucahya Seunang that gata ureueng meutuah Uroe nyoe gata geubri churuga Di yup churuga ie krueng dum boh bah Keukai teuh sabe gata di sinan Nyan keumenangan nyang raya leupah", "Awak munaphek agam ngon inong Bak ureueng mukmin meunoe jipeugah Preh siat tabri cahya keu kamoe Bacut le kamoe meutueng phaedah Geukheun treuk jak woe sira ngon geudhot í Keudeh u likot tajak woe bagah Sideh di likot tamita cahya Geupeudong sigra binteh pemisah Teuma na pinto nibak binteh nyan Rot dalam sinan rahmat that leupah Rot lua teuma azeub han bagoe", "Jikheun treuk meunoe le awak salah Kon sapat-sapat geutanyoe dilee Geuseuot teuntee lagee tapeugah Tapi gata dum taelanya droe Tapreh lom kamoe beu silap langkah Chok teuh jitipee le angan-angan Troh azeub Tuhan meubaro teulah Gata jitaki le tipee chetan Peurintah Tuhan jiyue tabantah", "Uroe nyoe hana jalan teuboh le i Gata ngon kaphe saban that leupah Teumpat dum gata dalam nuraka Nyan keuh chedara teuh ka geukeubah Sijeuheut -jeuheut teumpat tagisa Nyan keuh nuraka lam apui mirah", "Peue goh troh watee keu ureueng mukmin Khuchu‘ ngon yakin gopnyan keu Allah Beu khuchu‘ ate geuingat Tuhan Lom peue-peue nyang tron beuna sileupah Bek lagee dilee dum ahli kitab Sabab ka trep that han ek le ubah Le treuk nyang pasek awak nyan meuhat Ate ka batat hanaban peugah", "Beu na tateupue bumoe nyang mate Neupeuudep le teuma le Allah Ka Kamoe peutrang keu gata ayat Tanda Hadharat kuasa leupah Mangat tapike le bandum gata", "Nyang le that pahla nyang bri seudeukah Nyang bri seudeukah agam ngon inong Sit that meukeunong peuutang Allah Tabri seudeukah peuutang Tuhan Neubri balasan teuma le leupah Meuganda-ganda Neubri balasan Pahla jroh han ban Neubri le Allah", "Ureueng meuiman bandum keu Tuhan Ngon rasul Tuhan ureueng meutuah Nyan keuh ureueng nyan ureueng beuna that i Chahid dum meuhat gopnyan bak Allah Ureueng nyan chahid nibak Po gopnyan Pahla keu gopnyan Neubri le leupah Cahya ureueng nyan Neubri peungeuh that Nyang kaphe meuhat lam apui mirah Nyang jikheun sulet dum ayat Kamoe Nuraka jih nyoe teumpat geukeubah", "Beu na tateupue udep lam donya Hana meuguna rakan meutuah Buet meuen-meuen keu gura-gura Pakaian gata nyang indah-indah Meumeugah-meugah antara gata Nyang le areuta galak that leupah Meulele aneuk saban ngon ujeun Meubayeuen-bayeuen keu kaphe jadah Galak that kaphe udep tanaman Ka keuh tho yoh nyan abeh dum reubah ‘Oh Iheuh kuneng tho abeh teupiro Bandum ka anco ka jeut keu seupah Uroe akhirat na azeub nyang that Ampon Po meuhat na nibak Allah Lom pih Neurila Allah Taʻala Nyang udep donyan sit tan phaedah Seunang di donya cit tipee meuhat", "Teuma takarat ampon bak Allah Talakee ampon bak Tuhan gata Lom ngon churuga keubon nyang luah Langet ngon bumoe luah jih meunan Keu ureueng mukmin bandum geukeubah Iman keu Tuhan ngon rasul Tuhan Bandum atra nyan karonya Allah Soe nyang h‘eut Tuhan Neubri atra nyan Karonya Tuhan raya sileupah", "Barangpeue keunong di dalam bumoe Bak gata keudroe pih hana ubah Ka lheuh meutuleh bandum atra nyan Lam Kitab Tuhan nyang raya leupah Yoh goh meupeutron keunoe u bumoe Dalam Kitab nyoe ka Kamoe keubah Atra nyan mudah meunyo bak Tuhan", "Di gata tuan bek jeut keu susah Bek susah gata keu peue nyang tinggai Nyang jeuet keu beukai ka roh takeubah Peue nyang ka geubri pih bek seunang that Tagrop talumpat galak teuh leupah Soe nyang mbong jih han galak Hadharat Peugah droe hebat napsu keu meugah", "Urueng kriet nyang han tem bri areuta Gop laen teuma pih jijak teugah Bek tajok arta teuh keu gop laen Soe-soe nyang paleng droejih nyang susah Tuhan that kaya teurimong pujoe Hana meusidroe ek lawan Allah", "Ka Kamoe kirem dum rasul Kamoe Geuba dum keunoe ayat trang leupah Meupeutron kitab sajan ngon gopnyan Lom ngon timbangan mangat bek salah Mangat jeuet ade dum manusia On ceng beu rata bek manyang siblah Meupeutron beusoe lom kreuh ban baja Keu manusia le that phaedah Mangat Neuturi pih lom le Tuhan Soe nyang tem tulong agama Allah Meunan pih rasul beu that beu gaeb Jitulong keubit hana jibantah Keubit roe Tuhan leupah that teuga Maha Perkasa hanaban peugah", "Yoh masa dilee ka Kamoe kirem 4 Noh ngon Ibrahim jakba risalah Aneuk cuco geuh nyang jeut keu nabi Kitab Kamoe bri mangat bek salah Meubri peutunyok nyang ladom meuhat Teuma nyang le that pasek sileupah", "Meukirem rasul di likot gopnyan Bandum ureueng nyan geuba peurintah Dudoe lom Isa aneuk Mariyam Injil keu gopnyan Kamoe bri sudah Kamoe peujeuet soe nyang ikot gopnyan Ate geuh sayang keu hamba Allah Geumaseh ate keu manusia Jipeuna-peuna teuma nyang salah č Jipeugot raheb kon ban yue Kamoe Meunyo di Kamoe nyang rila Allah Hana jijaga lagee yue Kamoe Jeut treuk di Kamoe pahla meukeubah Meubri treuk pahla keu ureueng mukmin Lam kawan jih nyan soe nyang meutuah Teuma nyang le that lam kawan jih nyan Han jimeuiman pasek sileupah", "Hai ureueng mukmin takwa keu Tuhan Lom tameuiman keu rasul Allah Dua boh bagi rahmat keu gata Allah Taʻala sit ka Neukeubah Ho-ho nyang tajak peungeuh meucahya Neu ampon dacha teuh lom le Allah Keubit roe Tuhan Maha Pengampon Lagi pih Tuhan Maha Pemurah", "Bek han jiteupue le ahli kitab Han ek jikarat karonya Allah Bandum di jih nyan hana kuasa Sabab karonya bak jaroe Allah Nyang Po karonya cit sidroe Tuhan Soe nyang h‘eut Tuhan Neubri le bagah Nyang Po karonya nyang raya that-that Tuhan Hadharat nyang Maha Murah"] }, { "chapter": 58, "versesCount": 22, "verses": ["Tuhan Neudeungo narit si inong Nyang jijak tanyong saboh masalah Jijak meungadu keunan bak gata Lakoe jih nyata buet jih ka salah Gata deungon jih tapeugah haba Allah Taʻala Neudeungo sudah Keubit roe Tuhan Neudeungo dumpeue Neukalon dumpeue hana meuilah", "Ureueng nyang zihar keu peurumoh jih Saban ngon ma jih meunan jipeugah Peurumoh jih nyan kon ma jih meuhat Nyang ma jih meuhat cit ka trang leupah Nyang ma jih meuhat nyang peulahe jih Jikheun nyan le jih narit nyang salah Salah ngon sulet jikheun narit nyan Teuma roe Tuhan Maha Peumeuʻah Lom pih cit Tuhan Maha Pengampon", "Teuma ureueng nyan meunyesai teulah Oh lheuh jizihar peureumoh jih nyan Teuingat jih nyan narit ka leupah Teuma jicabot nyang jimarit nyan Wajeb bak jih nyan jiteuboh salah Jipeulheuh namiet yoh goh jimeuwoe Baro jeuet jiwoe lagee nyang sudah Baro jeuet di jih jich lom sapat Nyan keu peuingat bek le roh salah Jeut keu peuingat keu gata bandum Tuhan that maklum buet gata sudah", "Meu hana namiet wajeb puasa Tateuboh dacha narit teuh salah Meuturot-turot dua buleun troh Yoh boh siteuboh puasa bagah Meunyo bit han ek tapubuet meunan Tabri makanan peue nyang na mudah Nam ploh droe ureueng tabri makanan Ureueng nyang gasien han sep napakah Mangat taiman gata keu Tuhan Ngon rasul Tuhan ureueng meutuah Nyan hukom Tuhan beu na taingat Azeub peudeh that keu kaphe jadah", "Teuma barangsoe nyang lawan Tuhan Lom rasul Tuhan di jih jibantah Nyan geubri bala keu jih meuteuntee Lagee yoh dilee masa nyang sudah Kawom nyang dilee lagee jih meuhat Meupuetron ayat ka lheuh trang leupah Teuma keu kaphe azeub hina that", "Uroe geubangket bandum geupeugah Geupeugah bandum watee geubangket Peue nyang jipubuet masa nyang sudah Tuhan Neukira bandum buet jih nyan Di jih atra nyan teuwo jih leupah Teuma di Tuhan dumpeue deuh Neueu", "Peue hana taeu kuasa Allah Peue nyang di langet ngon nyang di bumoe Bandum Neuteupue hana meuilah Meu na rahsia bak Ihee droe ureueng Jeuet peut ngon Tuhan bek salah-salah Meunyo limong droe jeut nam ngon Tuha:. Kureueng nibak nyan saban cit leupah Meu le nibak nyan pih Tuhan sajan Barangpat saban hana meuubah ‘Oh dudoe teuma uroe kiamat Peue nyang jipubuet bandum geupeugah Tuhan cit teuma dumpeue Neuteupue Hana meusapeue pih na meuilah", "Peue hana taeu awak nyang geutham Bek meus‘ah malam ubak buet salah Oh ban Iheuh geu tham jigisa sit lom Jimeusom-meusom jimeus‘ah-meus‘ah Jimupakat dum jipubuet dacha Musoh jimita jipubuet salah Keu rasul Tuhan jidarohaka Jijak bak gata laen jipeugah Jimeubri saleum di jih keu gata Kon saleum nyang ka Neubri le Allah Saleum keu gata nyang ka Tuhan bri Di jih lam ate jih laen ulah Jikheun lam ate jih hana lagi Azeub keu tanyoe Neubri le Allah Lagee nyan takheun han cit Neuazeub Nuraka meuhat keu jih geukeubah Cukop nuraka di jih keu teumpat Jitamong ligat keunan le bagah Sijeuheut teumpat ureueng woe keunan", "Hai ureueng mukmin meunyo tameus“ah Bek tameus‘ah-s‘ah bak pubuet dacha Musoh tamita tapubuet salah Maksiet keu rasul tadarohaka 2 Raya that dacha hanaban peugah Meunyo tameus*ah bak keubajikan Takwa keu Tuhan ta muraqabah Takwa keu Tuhan teuma dum gata Meusapat teuma keudeh bak Allah", "Meus‘ah-s‘ah meusom peugot rahsia Chetan ceulaka nyang peugot ulah Jeut keuh di chetan jipeugot meunan Ureueng meuiman mangat jeuet susah Padahai han ek jibri meularat Meunyo kon meuhat ngon izin Allah Teuma tawakai ureueng meuiman Sabe bak Tuhan bek na meuubah", "Wahe dum ureueng nyang na meuiman Meu taduek sinan bak teumpat luah Dalam majeulih nyang taduek sinan Geuyue peulapang teumpat takeubah Peulapang laju tabuka reuweueng Jeut Neupeulapang gata le Allah Meu geuyue beudoh tabeudoh laju Uleh Tuhanku akan Neubalah Ureueng meuiman Neupeuek pangkat Neubri deurajat manyang sileupah Meunan pih ureueng nyang na ‘eleumee Pangkat meuteumee le han ban peugah Peue nyang tapubuet le gata bandum Sit that Neumaklum bandum le Allah", "Hai ureueng mukmin meunapsu gata Peugah rahsia bak rasul Allah Si gohlom tajak peugah rahsia Leubeh got gata tabri seudeukah Lom leubeh suci keu ate gata Teuma meu hana pulang bak Allah Keubit roe Tuhan Maha Pengampon Lagi pih Tuhan Maha Pemurah", "Peue ek teumakot seudeukah tabri Keu ureueng faki yoh goh tapeugah Meu han tapubuet teuma tatoubat Uleh Hadharat teurimong sudah Teuma seumbahyang sabe tapubuet Tabri ngon zakeuet watee na mudah Taʻat keu Tuhan ngon rasul Tuhan Dumpeue di Tuhan Neumaklum sudah Peue nyang tapubuet Tuhan Neumaklum", "Na roe takalon awak nyang salah Sabab di jih nyan jicok keu tuan Kawom nyang ka trang muruka Allah Muruka Tuhan ateuh awak nyan Teuma awak nyan laen kaphilah Kon awak gata lom kon awak jih Teuma bandum jih sit jimeusumpah Sumpah nyan sulet di jih jiteupue", "Azeub keu jih nyoe pih ka Neukeubah Ka Neuseudia uleh Hadharat Azeub keu jih brat hanaban peugah Sabab buet jih nyan leupah that jeuheut", "Jicok keu alat jih jimeusumpah Jitham ureueng jak bak jalan Tuhan Azeub keu jih nyan hina sileupah", "Arta ngon aneuk hana meuguna Neupeumuruka jih nyan le Allah Bandum awak nyan asoe nuraka Keukai rok masa sinan geukeubah", "Uroe geubangket teuma awak nyan Bak Tuhan sinan pih jimeusumpah Jimeusumpah dum lagee ngon gata Sabab jisangka rayok phaedah Beu na tateupue jih nyan sulet that", "Ka jeut keu alat chetan seurakah Jipeuteuwo jih ingat keu Tuhan Nyan keuh awak nyan peureute salah Beu na tateupue peureute chetan Dudoe awak nyan rugoe sileupah", "Teuma awak nyan nyang lawan Tuhan Ngon rasul Tuhan di jih jibantah Nyan keuh awak nyan nyang hina that-that", "Ka Neupeuteutap putosan Allah Lon keubit meunang ngon dum rasul Lon Keubit roe Tuhan teuga sileupah Lagi pih Tuhan Maha Perkasa", "Mukmin nyang rasa kuasa Allah Iman keu Tuhan ngon uroe dudoe Nyan keuh ureueng nyoe ureueng meutuah Hana Neuteumeung ureueng meuiman Geutem meurakan ngon ureueng salah Jilawan Tuhan ngon rasul Tuhan Han jeuet keu rakan ureueng meutuah Bah ayah gopnyan got aueuk gopnyan Chedara gopnyan pih hana ubah Got pih famili geuh di ureueng nyan Han jeuet keu rakan meunyo ka salah Ka Neucap iman lam ate gopnyan Nyang jeuet keuh meunan ureueng meutuah Lom pih Neupeukong iman ureùeng nyan Ngon roh bak Tuhan nyang Maha Murah Dalam churuga bandum ureueng nyan Tuhan peutamong keunan le bagah Te krueng dum ile di yup churuga Keukai rok masa sinan Neukeubah Tuhan Neurila akan ureueng nyan Meunan pih gopnyan rila keu Allah Ureueng nyan keuh nyang peureute Tuhan Leupah that seunang hanaban peugah Beu na tateupue peureute Tuhan Nyan keuh nyang meunang bahgia leupah"] }, { "chapter": 59, "versesCount": 24, "verses": ["Peue nyang di langet ngon nyang di bumoe Teuseubeh dum nyoe jipujoe Allah Keubit roe Tuhan Maha Perkasa Ngon bijaksana Neuh han ban peugah", "Awak nyang kaphe dum ahli kitab Tuhan Hadharat ka Neupeusiblah Tuhan peuteubiet awak nyan meuhat Bak phon meusapat jiteubiet bagah Neupeuteubiet jih dalam gampong jib Han jeuet le dum jih sinan geukeubah Hana tasangka ek jitem teubiet Ka Neupeuteubiet jih dum le Allah Di jih pih meunan bandum jisangka Jipeugot kuta jih kong that leupah Jipiike di jih Allah Ta'ala Han kuasa keujih Neubalah Ban tanjo hana jisangka-sangka Ka reuloh kuta anco dum bicah Neuboh nyum takot dalam atejih Rumoh-rumoh jih jireuloh sudah Ngon jaroe droejih bandum jireuloh Geubantu reuloh teuma le bagah Geubantu reuloh le ureueng mukmin Jeut tatueng sinan teuma phaedah Gata dum soe-soe nyang lhok pandangan Ibarat sinan tatueng jroh leupah", "Adak kon ka na putosan Tuhan Teubiet awak nyan laju beubagah Meuhat Neuazeub jih nyan lam donya Akhirat teuma nuraka juah Azeub nuraka uroe akhirat", "Sabab jih jeungkat jilawan Allah Jilawan Tuhan ngon rasul Tuhan Soe lawan Tuhan meuhat Neubalah Neubalah dudoe deungon hukoman Hukoman Tuhan teuma brat leupah", "Cabeung kureuma nyang ka Iheuh takoh Í Got pih han takoh sinan takeubah Takeubah di bak hana taganggu Cabeung got leuhu hana taubah Kawom nyang pasek Neumeung peuhina Bandum nyan teuma ngon izin Allah", "Rampasan musoh nyang kon dalam prang Keu rasul Tulan Neubri le Allah Kon tapeuguda kon tapeuunta Allah Taʻala ka Neubri jatah Neubri kuasa bak rasul Tuhan Soe nyang hʻ‘eut Tuhan keunan Neulimpah Tuhan kuasa ateuh barangpeue", "Rampasan dum nyoe pih milek Allah Asai nyan bandum bak asoe nanggroe Po milek jinoe keu rasul Allah Kawom keurabat ngon aneuk yatim Lom ureueng gasien meuteumeung jatah A i i č Ureueng meudagang pih geujok bagi Bek le that bahgi nyang kaya leupah Bek sabe ureueng nyang kaya-kaya Le that areuta hanaban peugah Mangat jeuet ade lam kawan gata Peue nyang rasul ba tacok beu bagah Peue nyang gopnyan tham takeubah sigra Teuma takwa gata keu Allah Hukoman Tuhan keubit leupah brat", "Ureueng nyan meuhat gasien dum leupah Nyan muhajirin nyang ka jiuse Le kawom kaphe di nanggroe Makkah s Geutinggai gampong tinggai areuta Ç Mita karonya keudeh bak Allah Teuma Neurila gopnyan le Tuhan Geutulong Tuhan ngon rasul Allah Nyan keuh ureueng nyan ureueng nyang beu", "Teuma lom sama nyang preh troh langkah Ureueng Madinah nyang preh ureueng nyan Awai meuiman ureueng nyan sudah Geucinta ate keu muhajirin Geusambot yakin ‘oh ban troh langkah Peue-peue nyang geubri ikheulah ate Hana teupike deungki seurakah Hana geupeunteng keu droegeuh dilee Ingat keu jamee nyang peunteng leupah Beu that susah droe hana geuingat Nyang that geuingat jamee bek susah Soe nyang ek jaga bek na sipheut kriet Ureueng nyan keubit bahgia leupah", "Ureueng nyang teuka dudoe nibak nyan Duʻa ureueng nyan pih got that leupah Hai Tuhan kamoe Neuampon kamoe Chedara kamoe lom nyang ka sudah ; Nyang ka meuiman yoh gohlom kamoe Neuampon jinoe sibarang salah Bek Neuboh deungki lam ate kamoe Keu mukmin dum nyoe ureueng meutuah Hai Tuhan kamoe Droeneuh that sayang Keu kamoe insan dum hamba Allah Droeneuh geumaseh pih that keu kamoe Tuhanku sidroe Maha Pemurah", "Peue hana taeu awak munaphek Ngon awak pasek kaphe seurakah Jikheun bak kaphe chedara jih nyan Ahli kitab nyan masa nyang sudah Meu jipeuteubiet gata di sinan Meuikot kamoe ngon gata bagah Barangkasoe han pih kamoe ikot Meu jikheun karot gata jipeugah Barangjan kamoe sit sajan gata Meu jiprang gata kamoe meubalah Meuhʻeut di kamoe meubantu gata Allah Taʻala teuma Neupeugah Neuek saksi jih bandum jih sulet", "Han roe jiteubiet keudeh jilangkah Meunyo geuuse dum na awak nyan i Teutap jih sinan han jimeulangkah ; Sangkira geuprang pih han jibantu Adak jibantu jiplueng le bagah Lheuh nyan awak nyan hana soe tulong", "Sabab gata dum jitakot leupah Yo jih keu gata nibak keu Tuhan Lam dada jih nyan hanaban peugah Sabab awak nyan dum hana meuphom", "Adak jimeuprang meusiblah-siblah Kon jimeusapeue bak jiprang gata Jipeugot kuta beu kong sileupah Atawa tembok jidong di likot Dumnan teumakot jih han ban peugah Sabe keudroe-droe jih han meusaboh Meumusoh-musoh meupisah-pisah Sang-sang meusapeue tasangka jih nyan Atejih dum nyan lam muparakah Sabab awak nyan kureueng pikiran", "Saban ngon kawom masa nyang sudah Baro ban mantong masa awak nyan Jirasa yoh nyan akibat salah Meuteumee bala sabab jih jeuheut Keu jih lom azeub peudeh sileupah", "Miseu chetan kheun bak manusia Watee jimaba kaphe keu Allah ‘Oh Iheuh jikaphe jikheun le chetan Di lon hai insan bek tapeusalah Hana meusangkot le lon ngon gata Lon takot raya di lon keu Allah Lon takot Tuhan nyang Po dum alam", "Akibat jih nyan nuraka juah Bandua jih nyan asoe nuraka Keukai rok masa sinan geukeubah Nyan keuh barangsoe nyang elanya droe Meunan keuh dudoe teuma geubalah", "Hai ureueng mukmin takwa keu Tuhan Lom beu takalon peue na takeubah Peue na tapubuet nyang jeut keu beukai Tapubuet amai nyang got sileupah Beu na takwa gata keu Tuhan Buet gata bandum Neumaklum sudah", "Bek lagee ureueng teuwo keu Tuhan Teuwo treuk jih nyan Neubri le Allah Teuwo keu droejih han jiteusoe le Ka gadoh pike pasek treuk sudah", "Asoe nuraka asoe churuga Sagai hana sa laen that leupah Asoe churuga nyan keuh nyang meunang Bahgia seunang hanaban peugah", "Meunyo Qur'an nyoe Kamoe peutron U ateuh gunong nyang raya meugah Takalon khuchu‘* gunong nyan anco Abeh teupiro yo jih keu Allah Nyan keuh umpama keu manusia Kamoe peunyata jitueng phaedah Mangat jeue jingui akai pikiran", "Tan laen Tuhan meulengkan Allah Tuhan Neuteupue nyang han deuh taeu Got nyang deuh taeu Neuteupue sudah Tuhan geumaseh lom murah han ban", "Tan laen Tuhan meulengkan Allah Droeneuh nyan raja nyang Maha Suci Seujahtra lagi hanaban peugah Droeneuh bri aman ek Neuplihara Maha Perkasa ngon kha that leupah Sipheut Neuh agong lom pih suci that Nibak charikat lagee jih peugah", "Tuhan nyang peujeuet Tuhan pencipta Neupeugot rupa bandum le Allah Nama nyang jroh-jroh bandum bak Tuhan Teuseubeh keunan bandum dibabah Peue nyang di langet ngon nyang di bumoe Teuseubeh dum nyoe jipujoe Allah Keubit roe Tuhan Maha Perkasa Ngon bijaksana Neuh han ban peugah"] }, { "chapter": 60, "versesCount": 13, "verses": ["Hai ureueng mukmin bek cok musoh Lon Keu wali teuh nyan tagaseh leupah Jih nyan musoh Lon ngon musoh gata Pakon tacinta hanaban peugah Haba nyan beuna nyang troh bak gata Han jipeucaya jikheun nyan salah Di jih jikaphe keu peue nyang beuna Jiuse teuma lom rasul Allah Gata pih saban jiuse sinan Sabab meuiman gata keu Allah Sabab taiman keu Tuhan gata Lagi pih gata tamujahadah Tapubuet jihad ubak jalan Lon Lom pih rila Lon galak teuh leupah Teuma tapeugah rahsia bak jih Sabab tagaseh jih nyan dum sudah Lon leubeh teupue peue-peue nyang tasom Nyang hana tasom Lon teupue leupah Soe nyang pubuet nyan lam kawan gata Meuhat jih nyan ka sisat sileupah Jih nyan ka sisat bak jalan rata", "Meu jidrop gata han roe jipeuglah Jih nyan bit musoh jipoh treuk gata Jikheun keu gata peuteusuet lidah Jaroe ngon lidah jih ateuh gata Jipadan gata kaphe keu Allah Meu tatem kaphe nyan galak jih that", "Han le munaphaʻat gata pih teulah Kawom ngon aneuk uroe kiamat Tan le munaphaʻat meuube seupah Neupeungkleh bandum gata deungon jih Jeut treuk bandum jih hana phaedah Peue nyang tapubuet Tuhan Neukalon", "Teuma teuladan sideh jroh leupah Nabi Ibrahim ngon rakan gopnyan Teuladan sinan tatueng phaedah Geukheun bak kawom geuh gata dum nyoe Bandum ngon kamoe jinoe meusiblah Hana roh kamoe le sajan gata Ngon Tuhan gata nyang bukon Allah Kamoe meukaphe keu bandum gata Musoh ngon gata muruka Allah Barangjan kamoe musoh ngon gata Sampoe dum gata meubalek ulah Sampoe taiman keu Tuhan Esa Watee nyan gata baro meutuah Meulengkan teuma narit Ibrahim Bak watee gopnyan geukheun bak ayah Geukheun bak ayah geuh keubit di lon Lon lakee ampon gata bak Allah Teuma meusapeue hana milek lon Pulang bak Tuhan gata hai ayah Hai Tuhan kamoe kamoe peujok droe Bak Droeneuh sidroe nyang Maha Murah Meunan pih bak Droeneuh kamoe toubat ‘Oh dudoe meuhat meuwoe bak Allah Bandum cit teuma bak Droeneuh meuwoe", "Hai Tuhan kamoe bek Neubri salah Bek jifiteunah kamoe le kaphe Di jih cit sabe jimita hilah Neuampon kamoe wahe Po kamoe Sabab buet kamoe le that nyang salah Droeneuh keuh nyang that Maha Perkasa Ngon bijaksana areh that leupah", "reuladan nyang got dum bak ureueng nyan Soe nyang meuiman harap keu Allah Lom jimeuiman uroe akhirat i Nyang han tem meuhat rugoe sileupah Tuhan that kaya patot tapujoe", "Bandum gata nyoe harap keu Allah Kadang Neupeujeut teuma dum gata Ngon musoh gata meugaseh leupah Maha Kuasa cit sidroe Tuhan Maha Pengampon Maha Pemurah", "Hana Neularang gata le Tuhan Akan awak nyan buet teuh jroh leupah Meunyo awak nyan han jiprang gata Dalam agama teuh han jibantah Han jipeuteubiet gata di nanggroe Jeut ngon awak nyoe tameusahabah Akan awak nyan gata beu ade Ureueng nyang ade geunaseh Allah", "Nyang Neutham gata teuma le Tuhan Awak nyang jiprang gata jibantah Jiprang dum gata dalam agama Jiuse gata lom han jikeubah Jimita bantu jiuse gata Allah Taʻala jih nyan Neuteugah Bek tacok jih nyan keu wali gata Keubit ceulaka jih musoh Allah Barangsoe nyang cok keu wali jih nyan Jeut treuk ureueng nyan lalem sileupah", "Wahe dum ureueng nyang ka meuiman Mukmin nyang inong meu troh jilangkah Meu jihijeurah keunan bak gata i Tauji cuba jih nyan bek salah Tuhan nyang teupue meuiman jih nyan Beu that beu meunan gata nyang peusag Meu gata teupue bit jih meuiman Jeut tinggai sinan sajan takeubah Bek le tapeuwoe jih nyan bak kaphe Hana haleu le keu jih nyan sudah Hana le haleu jih nyan keu kaphe Meunan pih kaphe ngon jih ka pisah Teuma jeulamee nyang ka jibayeue Tapulang bayeue keu kaphe bagah Jeunet tameukawen deungon inong nyan Jeulamee jih nyan teuma tapeuglah Meunyo inong nyan teuma cit kaphe Di gata bek le ngon jih tanikah Peue nyang ka tabri talakee bayeue Beu jitem bayeue jeulamee beu glah Di kaphe pih jeuet jilakee bayeue Nyang ka jih bayeue masa nyang sudah Ban hukom Tuhan antara gata Allah Taʻala ade that leupah Dumpeue Neuteupue Allak Taʻala Ngon bijaksana Neuh han ban peugah", "Meunyo peurumoh teuh jak bak kaphe Talo treuk kaphe ‘oh Iheuh prang bicah i Nyan beu tabayeue keu lakoe jih nyan Dum kerugian jibri napakah Sabab peurumoh jiplueng bak kaphe Peumangat ate bek jeuet that susah Teuma takwa gata Keu Tuhan Nyang ka taiman bandum keu Allah", "Hai nabi meu troh inong meuiman Bak gata keunan dum jimeulangkah Jilakee baiʻat janji ngon gata , Buet-buet nyang dacha napsu jikeubah i Charikat Tuhan di jih pih han le Ceumeucue han le jiteupue salah Han jimeuzina buet nyan that keuji Han jipoh mate lom aneuk lidah Han le jitudoh buet-buet nyang keuji Buet jaroe gaki nyang larang Allah Keu gata pih han jidarohaka Bandum buet gata nyang jroh-jroh leupah Meu nyan jilakee tabaiʻat laju Nyang jih meunapsu tajok beu bagah 4 Talakee ampon keu jih bak Tuhan Neubri amponan peue nyang ka salah Keubit roe Tuhan Maha Pengampon f Lagi pih Tuhan Maha Pemurah", "Wahe dum ureueng nyang ka meuiman Bek cok keu rakan kawom nyang salah Jih nyan le Tuhan Neupeumuruka Ka putoh asa bandum jih sudah Putoh asa jih keu uroe page É Saban ngon kaphe nyang musoh Allah Kaphe lam kubu ka abeh mate Hana guna le meunyeusai teulah y"] }, { "chapter": 61, "versesCount": 14, "verses": ["Peue nyang di langet peue nyang di bumoe Teuseubeh dum nyoe jipujoe Allah Keubit roe Tuhan Maha Perkasa Ngon bijaksana neuh han ban peugah", "Hai ureueng mukmin pakon tamarit Hana tapubuet peue nyang tapeugah", "Muruka Tuhan keu gata that-that € Meu tan tapubuet peue nyang tapeugah", "Tuhan Neugaseh ureueng nyang meuprang Bak jalan Tuhan nyang Maha Murah Meubanja-banja geudong meubareh Lagee sang binteh meuato leupah Lagee bangunan meuturab batee", "Yoh dilee Musa teuma geupeugah Geukheun bak Tuhan geuh hai kawom lon , Pakon ateuh lon tapeugot susah ‘ Gata dum tapeusaket ate lon Ka tateupeue lon nyoe rasul Allah Peurintah Tuhan lon ba bak gata ‘Oh ban ka nyata jih sisat leupah Tuhan peusisat treuk ate jih nyan Nyata treuk jih nyan awak nyang salah Han Neupeutunyok teuma di Tuhan Barangri kawom nyang pasek leupah", "Teuma di Isa aneuk Mariyam Geukheun bak kawom lon rasul Allah Hai cot Israil lon rasul Tuhan Bak gata bandum lon ba risalah Kitab nyang ka na jinoe beuna that Nyan kitab Taurat tron nibak Allah r Teuma lom saboh haba gembira Akan troh teuka rasul meutuah I Rasul ‘oh Iheuh lon nan gopnyan Ahmad Geuba amanat Neuyue le Allah ‘Oh ban troh geuba amanat Tuhan d Ubak awak nyan jikheun treuk salah Atra nyoe sihe leupah that nyata", "Boh soe lom teuma nyang lalem leupah 7 Jipeuna-peuna sulet keu Tuhan Geuyue Iseulam di jih jibantah Han Neupeutunyok teuma di Tuhan Kawom nyang lalem elanya leupah", "Jikeumeung peulon nur cahya Tuhan Ngon babah jih nyan sulet jipeugah 2 Teuma di Tuhan Neumeung peucukop Bek le lam seupot beu peungeuh leupah 7 Beu that si kaphe beunci jih that-that Cahya Hadharat han ek jiubah", "Neukirem rasul keunoe le Tuhan g Peutunyok insan bek roh lam salah Agama nyang hak Neuyue peumeunang Agama laen bandum sit kalah 7 Beu that beu beunci awak musyrikin Charikat Tuhan di jih jipeugah", "Wahe dum ureueng nyang na meuiman Udep nyang seunang tango lon peugah Meunyo tameukat tameuniaga 7 Beu leupah gata bek roh lam susah Bek roh keu gata azeub nyang peudeh", "Meu iman beu gleh gata keu Allah Lom tameuiman keu rasul Tuhan Ngon taberjuang bak jalan Allah Tabri areuta ngon nyawong gata Jeut meubahgia gata that leupah Meu na tateupue di gata bandum", "Meuhat Neuampon gata le Allah Neuampon dacha tamong churuga Jeut meubahgia hanaban peugah Je krueng dum ile di yup churuga Teumpat mulia nyang jroh sileupah Meuteumeung teumpat churuga ‘adnen Nyan Keumenangan nyang raya leupah", "Laen nibak nyan nyang galak gata Neubantu gata laju le Allah Watee peutaklok pih ka rap teuka Haba gembira jinoe tapeugah Haba gembira keu ureueng mukmin", "Hai ureueng mukmin jak tulong Allah Pasukan anshar nyang tulong Tuhan Agama Tuhan tapeukong bagah ; Lagee kheun Isa aneuk Mariyam Soe gata rakan nyang tulong Allah Geukheun bak rakan geuh hawariyyun Soe nyang tulong lon keudeh bak Allah Teuma geuseuot dum hawariyyun Kamoe nyang tulong agama Allah Bani Israil teuma meuiman Saboh golongan teuma nyang salah Golongan kaphe golongan mukmin Teuma nyang mukmin geunaseh Allah Kamoe peukuat ureueng meuiman Ureueng nyan meunang musoh geuh kalah"] }, { "chapter": 62, "versesCount": 11, "verses": ["Peue nyang di langet got nyang di bumoe Teuseubeh dum nyoe jipujoe Allah v Raja nyang suci Maha Perkasa Lom bijaksana Neuh han ban peugah y", "Neukirem rasul ubak ummiyin Lam kawan jih nyan nyang ba risalah Dum ayat Tuhan geubaca bak jih Geupeugleh dum jih mangat bek salah v Geujak peureunoe keu jih dum kitab Deungon hikeumat Neuyue le Allah y Dileekon di jih nyata that sisat", "Laen dum meuhat akan troh bagah Jinoe gohlom troh sajan awak nyan y Keubit roe Tuhan Perkasa leupah Lagi pih Tuhan that bijaksana", "Nyan keuh karonya Neubri le Allah y Soe nyang h‘eut Tuhan Neubri karonya Nyang Po karonya sit sidroe Allah 5 Nyang Po karonya raya ngon le that Nyan keuh Hadharat nyang Maha Murah", "Saboh bandingan awak me kitab 4 Geuyue me Taurat teuma jikeubah Taurat jikeubah han jitem me le Lagee keulidee jih hana ubah y Lagee keulidee tayue me awih Jeuheut that roe jih kawom nyang salah Jipeugah sulet dum ayat Tuhan K Sisat that jalan kawom seurakah Han Neupeutunyok jih nyan le Tuhan Kawom nyan lalem elanya leupah", "Takheun le gata ubak Yahudi Meu takheun wali gata ngon Allah Ureueng laen dum kon nyan keu wali Lakee treuk Neubri mate beu bagah Meunyo bit gata ureueng nyang beuna", "Barangjan hana peue nyang jipeugah Jilakee mate di jih han sagai Sabab cit beukai hana jikeubah Buet jaroe jih dum ka salah that-that Uleh Hadharat Neuteupue sudah Tuhan Neuteupue dum buet si lalem", "Takheun mate nyan han tom meuilah Barangho taplueng meuhat jih teuka Meureumpok gata ho nyang talangkah ‘Oh Iheuh nyan gata bandum geupeuwoe Bak Tuhan sidroe nyang Maha Murah Tuhan Neuteupue nyang han deuh taeu Ngon nyang deuh taeu pih hana ubah Peue nyang tapubuet yoh masa dilee Watee nyan teuntee bandum Neupeugah", "Hai ureueng mukmin meunyo ka geubang 4 Geuyue seumbahyang jak laju bagah F Uroe Jumeuʻat geuhoi seumbahyang Beudoh jak rijang taseubot Allah Keubah meuneukat bek le bloe peubloe Tapubuet meunoe nyang got that leupah Sangkira gata bandum tateupue", "Meu ka seuleusoe tapujoe Allah Meu ka seuleusoe pubuet seumbahyang Lam bumoe Tuhan tajak le bagah Beudoh jak mita karonya Tuhan Bek segan-segan taingat Allah Beu le taingat Allah Taʻala Mangat bahgia gata jroh leupah", "Watee jikalon barang meuneukat Keunan jikarat jiplueng dum bagah Atawa maen buet sia-sia Jitinggai gata sinan jikeubah Jikeubah gata tadong di sinan Takheun bak Tuhan na nyang jroh leupah Leubeh jroh nibak maen ngon meukat Raseuki meuhat Neubri le Allah Tuhan sineujroh nyang bri raseuki Laen barangri leumoh that leupah"] }, { "chapter": 63, "versesCount": 11, "verses": ["Meunyo munaphek jijak bak gata Teuma bak gata laju jipeugah Kamoe ek saksi bandum bak gata Keubit nyo gata utusan Allah Gata nyo rasul Tuhan Neuteupue Narit jih dum nyoe sulet sileupah Awak munaphek Tuhan ek saksi Lam sanubari kon ban jipeugah", "Jipeujeuet sumpah jih keu peurisee Nyang dalam ate jih laen ulah Jitham dum ureueng bak jalan Tuhan Bek tajak keunan meunan jipeugah Keubit brok that buet nyang jipubuet nyan", "Lheuh jimeuiman jikaphe sudah Lheuh jimeuiman teuma jikaphe Neucap lam ate jih nyan le Allah Jeut treuk awak nyan ka hana meuphom", "Takalon jih dum hireuen teuh leupah Takalon tuboh galak teuh keu jih ‘Oh jimarit jih tadeungo bagah 3 2 Padahai sang jih kayee meusadeue @ Meusu barangpeue di jih geulisah Peue-peue nyang meusu sang ka ateuh jih Beu ingat teuh jih musoh that leupah Pakri cit jih dum ek jipeupaleng Beu Neuprang jih nyan bandum le Allah", "‘Oh geukheun bak jih keunoe hai rakan Taduek-duek sajan ngon rasul Allah Mangat geulakee ampon keu gata Jipaleng muka laju le bagah Jipaleng ulee laju ho laen Jitham lom ureueng han jibri langkah Jipeurayok droe teukabo han ban", "Teuma roe saban jih nyan bak Allah Talakee ampon got han talakee Han Neubri teuntee ampon le Allah C Han Neupeuampon akan awak nyan Sabab awak nyan pasek sileupah Han Neupeutunyok kawom nyang pasek", "Jikheun di jih bek tabri seudeukah Bek tabri sapeue akan awak nyan Nyang jijak keunan bak rasul Allah Bah le beu phang-phoe jih nyan dum sinan Teuma bak Tuhan gudang that luah Gudang di langet gudang di bumoe Areuta dum nyoe sit milek Allah Tapi munaphek cit hana meuphom", "Teuma jikheun lom meunoe jipeugah Meunyo tawoe lom keudeh lam kuta Soe nyang mulia nyan nyang kha leupah Ureueng nyang hina teubiet ulua Jiuse sigra le ureueng meugah Teuma nyang meugah ngon that mulia Allah Taʻala ngon Rasul Allah Meunan pih ureueng nyang ka meuiman Bandum ureueng nyan ureueng nyang meugal Tapi munaphek hana jiteupue Nyang na jiteupue cit buet nyang salah", "<Hai ureueng mukmin bek lale gata Deungon areuta napsu le leupah > Beu le ngon aneuk lale treuk ngon nyan Jeut gata dum han taingat Allah Soe-soe nyang pubuet teuma lagee nyan Bandum ureueng nyan rugoe that leupah", "Raseuki nyang Kamoe bri keu gata Tameubeulanja zakeuet seudeukah F Yoh goh troh mawot keunan bak gata 5 Watee nyan gata meunyesai teulah Watee nyan takheun Tuhanku pakon Han Neupeutrep lon bek mate bagah Neubri bacut treuk keu lon nyoe watee Mangat jeuet teuntee lon bri seudeukah Amai nyang saleh lon pubuet teuma", "Di Tuhan teuma han roe Neuubah s Barangri nyawong han Neubri tanggoh Meu ajai ka troh ka abeh sudah Tuhan that maklum peue nyang tapubuet Hana meubacut pih na meuilah"] }, { "chapter": 64, "versesCount": 18, "verses": ["Peue nyang di langet got nyang di bumoe Teuseubeh dum nyoe jipujoe Allah Keurajeuen luah meunan pih pujoe Bandum atra nyoe sit milek Allah Ateuh barangpeue Tuhan kuasa", "Neupeujeuet gata dua parikah Nyang ladom kaphe ladom meuiman Buet gata dum nyan Neukalon sudah Bandum deuh Neueu peue nyang tapubuet", "Neupeujeuet langet takalon meugah Neupeujeuet bumoe pih ngon sibeuna Neupeujeut rupa teuh ceudah-ceudah Teuma bak Tuhan bandum teuh tawoe", "Tuhan Neuteupue bandum blah bicah Peue nyang di langet peue nyang di bumoe Bandum Neuteupue hana meuilah Peue-peue nyang tasom got tapeulahe Neuteupue sabe bandum le Allah Tuhan Neuteupue peue nyang lam dada", "Na troh bak gata haba seujarah Haba dum kaphe yoh dilee masa Bandum jirasa keunong musibah Sabab jikaphe Neubri treuk bala Azeub lom teuma peudeh that leupah", "Teuka dum rasul ubak awak nyan Ayat dum geutrang bak jih geupeugah Jikheun treuk soe jak peutunyok tanyoe Insan dum lagoe jakba peurintah Teuma jikaphe han jitem pateh Jipaleng keudeh laju jilangkah Di Tuhan teuma hana meuhajat Keu jih dum meuhat tan meuube seupah Tuhan that kaya patot tapujoe Tan na meusidroe saban ngon Allah", "Hana geubangket jikheun le kaphe Tanyoe ka mate ka abeh sudah Takheun na keubit demi Tuhanlon Neubangket bandum gata le Allah ‘Oh Iheuh geubangket bandum na gata Peue nyang buet gata teuma geupeugah Peue nyang tapubuet yoh masa dilee Bandum meuteuntee akan geubalah Atra nyan mudah meunyo bak Tuhan", "Teuma meuiman gata keu Allah Lom tameuiman keu rasul Tuhan Ka Kamoe peutron cahya trang leupah Iman keu cahya nyang Kamoe peutron Teuma di Tuhan Neumaklum sudah Peue nyang tapubuet Tuhan Neumaklum", "Uroe nyan bandum akan Neubalah Uroe peusapat peugot keunira Peutimplak haba keu awak salah Ureueng meuiman lom geupubuet got Nyan leubeh that got meuteumee balah Neuteuboh dacha gopnyan le Tuhan Neupeutamong lam churuga indah le krueng dum ile di yup churuga Keukai rok masa sinan Neukeubah Nyan keuh bahgia nyang raya that-that", "Nyang kaphe meuhat laen peurintah Jipeugah sulet dum ayat Kamoe Jak tamong jinoe lam apui mirah Bandum awak nyan asoe nuraka Keukai rok masa sinan geukeubah Nyan keuh teumpat woe nyang paleng jeuheut", "Han keunong azeub teuma bak Allah Meulengkan meu na izin bak Tuhan Meu baro keunong saboh musibah Soe nyang meuiman keubit keu Tuhan Neubri keu gopnyan akan hidayah Neubri peutunyok lam ate gopnyan Teuma roe Tuhan Neuteupue sudah Bandum peukara Tuhan Neuteupue", "Taʻat gata nyoe teuma keu Allah Taʻat keu Tuhan ngon rasul Tuhan Meunyo tapaleng nyan droeteuh salah Di rasul Kamoe geupeutroh mantong Ayat geupeutrang bandum geupeugah", "Allah keuh sidroe nyan keuh nyang Tuhan Tan laen Tuhan meulengkan Allah Teuma tawakai meuhat bak Tuhan Soe nyang meuiman keupada Allah", "Hai ureueng mukmin na judo gata Ngon aneuk gata nyang raya salah Nyan musoh gata beu that tajaga Teuma meu gata tatem peumeu‘ah Tatem meugot-got lom tapeuampon Tuhan Pengampon lom that Pemurah", "Areuta gata ngon aneuk gata Neucuba gata ngon nyan le Allah Teuma bak Tuhan pahla that raya", "Beu tatakwa gata keu Allah Ube-be nyang ek gata takwa Tadeungo haba ikot peurintah Tabri napakah nyang got keu gata Raya that pahla Neubri le Allah Soe nyang ek jaga bek kriet bak droejih Bahgia that jih hanaban peugah", "Meu tatem gata peuutang Tuhan Buet keubajikan tapubuet bagah Tuhan Neubalah teuma keu gata Meuganda-ganda pahla le leupah Lom Neupeuampon dum dacha gata Allah Taʻala keubit that murah Neutem that chuko ngon halim Neuh that", "Dumpeue pih meuhat Neuteupue sudah Nyang han deuh taeu got nyang deuh taeu Bandum deuh Neueu hana meuilah Lagi pih Tuhan Maha Perkasa Ngon bijaksana Neuh han ban peugah"] }, { "chapter": 65, "versesCount": 12, "verses": ["Hai nabi meunyo tataleuk inong Tataleuk jih nyan beu na ngon iddah Iddah awak nyan beu got takira Teuma takwa gata keu Allah Bek tapeuteubiet jih di rumoh jih Meunyo kon ka jih raya that salah Nyan hukom Tuhan soe-soe nyang langga Nyan jielanya droejih nyan sudah Hana tateupue kadang cit Tuhan Neubuka jalan teuma Neupeuhah", "Nyang ka troh iddah nyan jeuet tameuwoe Beu got that jinoe nibak nyang sudah Atawa tacre jih nyan deungon got Saksi nyang teupat tamita bagah í Beu na dua droe saksi nyang ade Tapeudong saksi kareuna Allah Nyan peungajaran keu ureueng mukmin Nyang na meuiman di jih keu Allah Lom jimeuiman keu uroe dudoe Teuma barangsoe takwa keu Allah Sit Neubri jalan keu jih rot teubiet Watee ka meugriet bek jeuet keu susah", "Neubri raseuki nyang tan jisangka Ban tanjo teuka keunan le bagah Soe nyang tawakai jok droe bak Tuhan Sep Neubri jalan keu jih nyang mudah Nyang kheundak Tuhan meuhat Neupeutroh Kada ka Neuboh bandum blah bicah", "Peurumoh gata nyang putoh asa Haidh han le teuka meunan sang ulah Meunyo taragu chok teuh di gata Lhee buleuen masa di jih nyan iddah Ureueng inong nyang gohlom teuka haidh Saban meunan cit hana meuubah Peurumoh gata nyang teungoh mume Aneuk jih lahe nyan jeuet keu iddah Soe nyang takwa taʻat keu Tuhan Neubri urusan keu jih dum mudah", "Nyan keuh Neupeutron peurintah Tuhan Keu gata bandum mangat bek salah Barangsoe teuma nyang bit takwa Neuteuboh dacha jih nyan le Allah Neubri lom pahla keu jih raya that", "Inong teuh meuhat beu got tapapah Bak teumpat gata jiduek beu seunang i Gata pih meunan han jeuet keu susah Bek sabab gata jih jeuet meularat Bek tapeuseumpet atejih gundah Tabri napakah meunyo jih mume Hingga ka lahe aneuk jih sudah Meunyo jipeumom aneuk keu gata Tajok beulanja keu jih ban upah Tamuchawarat ngon jih beu got-got Meunyo han ek got tamita hilah Tamita laen ureueng peumom jih Meu han jitem jih bek jeut keu susah", "Ureueng nyang kaya balaku kaya Geubri beulanja akan napakah Ureueng nyang gasien ube ek geubri Ban nyang raseuki Neubri le Allah Hana neupeubrat sidroe-droe ureueng Ube ek jitheun jibri napakah ‘Oh abeh susah cit teuka seunang Hukom jih meunan Neubri le Allah", "Padum le nanggroe nyang darohaka Rakyat dum rata jipubuet salah Peurintah Po jih ngon rasul-rasul Han ji tem kabui bandum jibantah Kamoe peubrat treuk keunira keu jih Meuazeub treuk jih nyang brat that leupah", "Yoh nyan jirasa akibat buet jih Watee nyan jeuet jih rugoe sileupah", "Ka Neuseudia azeub le Tuhan Brat that keu jih nyan hanaban peugah Teuma takwa bandum na gata Hai ureueng nyang na pikiran ceudah Ureueng nyang taʻat iman keu Tuhan Ka lheuh Neupeutron Ziker le Allah Neupeutron Ziker keu gata bandum", "Rasul teuma lom Neukirem bagah Mangat geubaca dum ayat Tuhan Keu gata bandum geutrang geupeugah Ureueng meuiman geumeung peuteubiet Nyang tem pubuet got bek seupot leupah Bek le lam seupot geuba bak peungeuh Mangat dumpeue deuh hana meusalah Ureueng meuiman ngon geupubuet got Keu gopnyan teumpat churuga indah Ie krueng dum ile di yup churuga Keukai rok masa sinan geukeubah Raseuki jroh that akan ureueng nyan Neubri le Tuhan nyang Maha Murah", "Tuhan nyang peujeuet tujoh boh langet Bumoe pih meuhat saban that leupah Peurintah Tuhan Neupeutron keunoe Bak langet bumoe hana meuubah Mangat tateupue le bandum gata Tuhan kuasa hanaban peugah Tuhan kuasa ateuh barangpeue Dumpeue Neuteupue ‘eleumee luah"] }, { "chapter": 66, "versesCount": 12, "verses": ["Hai nabi pakon tajak peuhareuem Nyang haleue Neukheun ka lheuh le Allah Tuhan peuhaleue dum nyan keu gata Teuma di gata hareuem tapeugah Peuseunang ate peurumoh gata Nyang haleue nyata takeumeung ubah Teuma roe Tuhan Maha Pengampon Lagi pih Tuhan Maha Pemurah", "Tuhan peuwajeb teuma bak gata Tabayeu sigra kipharat sumpah Mangat gleh gata bak sumpah gata Tuhan Po gata tateupue sudah Dumpeue Neuteupue Allah Taʻala Lom bijaksana Neuh han ban peugah", "Bak watee nabi geupeugah haba Saboh rahsia ngon sidroe zaujah t Teuma jipeugah bak ureueng laen Bak nabi yoh nyan ka Tuhan peugah Geupeugah ladom teuma le nabi Nyang ladom lagi hana geupeugah Geupeugah nyan bak zaujah nyang ini Jikheun treuk pakri neuteupue sudah Soe peugah bak droeneuh meunan rupa Nabi kheun teuma Tuhan nyang peugah Tuhan Neuteupue Neumaklum dumpeue Teuma haba nyoe bak lon Neupeugah", "Meunyo tatoubat bandua gata Neuampon dacha gata le Allah Sinan keuh nyata gleh ate gata Teuma meu gata han tatem ubah Bandua gata mita bicara Keu nabi gata tameung peususah Teuma di gopnyan na Tuhan gopnyan Neutulong gopnyan teuma le Allah Lom ngon Jibrai ngon ureueng mukmin Nyang keubit yakin saleh that leupah Malaikat dum pih bantu gopnyan", "Kadang keu gopnyan Neubri le Allah Meunyo geutaleuek geucre teuh bandum 2 Neubri le Tuhan laen nyang indah s Neubri peurumoh keu gopnyan teuma Nibak dum gata leubeh lom ceudah Inong Iseulam inong meuiman Taʻat lom jih nyan hanaban peugah Toubat bak Tuhan pubuet ibadat Puasa meuhat han tom jikeubah Got pih nyang janda nyang ka meukawen Got nyang goh kawen peurawan ceudah", "Hai ureueng mukmin plihara droeteuh Ngon famili teuh bak apui mirah Apui nuraka rujoe jih insan Ngon batee sajan dum nyang jiseumah Malaikat dum nyang kreuh ngon keujam Geujaga sinan Neuyue le Allah Peue nyang Tuhan yue bandum geupeubuet Han toe meubacut pih na geubantah", "Hai awak kaphe bek peuozor droe Gata uroe nyoe bandum geubalah Peue nyang ka dilee ka Iheuh tapubuet Balaku nyang buet meunan geubalah", "Hai ureueng mukmin taubat bak Tuhan Toubat gata nyan beu bit ikheulah Toubat nasuha han le buet dacha Tuhan Po gata Neuampon salah Buet teuh nyang jeuheut akan Neusampohi Abeh Neuteuboh bandum le Allah Neupeutamong teuh dalam churuga Di yup churuga ie krueng dum joh jah Han Neupeumalee nabi le Tuhan Nibak uroe nyan seunang that leupah Ureueng meuiman saban ngon nabi Cahya hu meuri trang han ban peugah Cahya dum jijak rot keu ureueng nyan Rot uneun gopnyan pih hana ubah Kheun dum ureueng nyan hai Tuhan kamoe Cahya keu kamoe Neubri jroh leupah Neupeuseumpurna cahya keu kamoe Neuampon kamoe wahe ya Allah Droeneuh kuasa ateuh barangpeue Hana meusapeue pih na meuilah", "Hai nabi taprang dum kaphe suwang Munaphek saban pih bek takeubah Beu keujam gata taprang jih bandum Teumpat jih bandum lam apui mirah Dalam nuraka bandum jih meuhat Sijeuheut teumpat nuraka juah", "Tuhan boh miseu keu kaphe suwang Dua droe inong nyang that seurakah Inong nabi Noh deungon nabi Luth Di jih khianat keu rasul Allah Dua droe rasul ureueng nyang saleh Tuhan peuleubeh jih jeuet keu zaujah Meunyo ngon Tuhan hana kuasa Ureueng nyan dua han ek geupeuglah Geukheun boh jak lop dalam nuraka Sajan ngon gata dum ureueng salah", "Tuhan boh miseu keu ureueng mukmin Inong Peuraʻun nyang that meutuah Geukheun Tuhanku Neupeugot rumoh Keu lon nyo saboh Neubri hadiyah Dalam churuga Neupeugot keu lon Lom Neupeuglah lon bak kaphe jadah Neupeuglah lon nyoe nibak Peuraʻun Ngon buet jih nyan dum raya that salah Neupeuglah lon bak kawom nyang lalem", "Teuma Mariyam peurawan ceudah Nyan keuh Mariyam aneuk ‘Imran Meunalee gopnyan han sagai teuhah Got that geujaga meunalee gopnyan Roh Kamoe keunan meupruh treuk bagah Narit Po gopnyan geukheun beuna that Ngon kitab-kitab nyang tron bak Allah Taʻat that gopnyan pubuet ibadat Seumah Hadharat nyang Maha Murah AL-MULK (KEURAJEUN)"] }, { "chapter": 67, "versesCount": 30, "verses": ["Maha beuruekat cit sidroe Tuhan È Nyang Po keurajeuen nyang Maha Luah Bak jaroe Tuhan keurajeuen teutap Kuasa Neuh that hanaban peugah Tuhan kuasa ateuh barangpeue", "Neupeujeuet dumpeue hana soe bantah Neupeujeuet mate udep pih saban Nyan keuh cubaan Neubri le Allah Neuuji gata soe nyang got amai Soe nyang le beukai di jih jikeubah Tuhan Perkasa Maha Pengampon", "Langet Neususon tujoh tabaqah Peuneujeut Tuhan hana nyang cacat Watee talihat hana nyang salah Tangieng sigo treuk keunan tapandang Peue na nyang irang hana got ulah", "Teuma taulang meu dua go treuk Hana meu sineuk taeu nyang salah Jiwoe pandangan mata jisurot Hana nyang karot nyang na meupayah", "Bak langet nyang toe taeu hiasan Kamoe boh bintang hu meujeureulah Kamoe rhom ngon nyan dum chetan-chetan Nyang daya insan sabe jihilah Teuma keu jih nyan Kamoe seudia Azeub nuraka tutong that leupah", "Keu kaphe teuma nyang lawan Tuhan Azeub jahannam nuraka juah Sijeuheut teumpat nyan keuh nuraka", "Meubura-bura apui hu mirah ‘Oh ban ka geutiek awak nyan keunan Jimeusu yoh nyan meubura-bura", "Sang-sang ka anco apui nuraka Meubura-bura beungeh jih leupah ‘Oh geutiek kon saboh rombongan Geutanyong pakon rhot keunoe dikah Meunan geutanyong le ureueng jaga Peue hana teuka rasul jak bak kah", "Jikheun na geujak rasul bak kamoe Teuma di kamoe hana meupapah Meukheun sulet that haba gata nyan Hana Neupeutron sapeue le Allah Gata sisat that han kamoe deungo", "Adak meudeungo teuma jipeugah Adak meudeungo watee nyan keubit Meupike beu got han dumnoe balah Han roh jeut kamoe asoe nuraka", "Meungaku dacha bandum jih salah Binasa keubit asoe nuraka", "Nyang laen rupa ureueng meutuah Ureueng nyang takot keu Tuhan gopnyan Bah tan geukalon yo geuh that leupah Ureueng nyan bandum Neuampon dacha Raya that pahla lom han ban peugah", "Peue nyang tamarit got tarahsia Got tapeunyata takheun ngon babah Bandum Neuteupue Allah Taʻala Peue nyang lam dada Neuteupue sudah", "Ek han Neuteupue Droeneuh nyang peujeuet Haloh that keubit ‘eleumee Allah Keubit that haloh Neumaklum dumpeue", "Neupeujeuet bumoe keu tanyoe mudah Beudoh jak laju jeuet lungkiek bumoe Raseuki teuh nyoe sinan Neukeubah Tapajoh laju raseuki gata Dudoe tagisa tawoe bak Allah", "Ek aman gata bak ureueng langet Neuyue peusinget bumoe le Allah Meuguncang-guncang bumoe ngon gata", "Ek aman gata lom cuba peugah Batee Neuyue rhom bak ureueng langet ‘Oh keunong teupat mate teuh reubah Tateupue treuk peue nyang Lon peuingat Pakri saket that hanaban peugah", "Meunan pih kawom dilee nibak jih Han jitem pateh peue nyang peurintah Peue nyang geupeugah jikheun nyan sulet Pakriban saket keu jih Lon balah", "Peue hana jieu ticem teureubang Jipo lam awan rame jih leupah Meubareh-bareh jipo di ateuh Sayeup jipeulheuh jitop jipeuhah Tuhan nyang theun jih bek rhot u bumoe Neukalon dumpeue bandum le Allah", "Boh soe nyoe teuma nyang jeuet keu teuntra Nyang tulong gata ‘oh teuka musoh Meunyo kon Tuhan nyang that geumaseh Di kaphe paleh sabe lam salah Bandum si kaphe ka chetan taki", "Boh soe lom nyang bri bandum napakah Soe bri raseuki teuma keu gata Meunyo Neusangga Neutheun le Allah Tapi jeut mabok cit lom krang ceukang Batat ngon tungang dumpeue jibantah", "Ureueng jak meugom muka bak tanoh Soe got teuma jih ngon ureueng ceudah Geujak meusigak bak jalan teupat Soe nyang troh siat ho nyang geulangkah", "Takheun Tuhan keuh nyang peujeuet gata Dilee phon mula sampoe ‘oh sudah Geulinyueng, mata ngon ate gata Bandum nyan nyata peuneujeuet Allah Tapi tachuko nit that nyang tatem", "Takheun lom laen peuneujeuet Allah Neupeujeuet gata rame lam bumoe Meusapat dudoe teuma bak Allah", "Jitanyong pajan janji nyan teuka Meu beuna gata peue nyang tapeugah", "Takheun atra nyan ‘eleumee Tuhan Di lon nyoe mantong meu Neuyue peugah Neuyue peuingat bak lon nyoe mantong", "‘Oh ban jikalon azeub meurimbah Muka si kaphe bandum ka pucat Hana le ubat ka abeh sudah Geukheun lom bak jih nyoe nyang ka lakee Yoh masa dilee beu rijang leupah", "Takheun boh pakri meunyo lon mate Rakan lon sare pih abeh sudah Got pih di Tuhan Neugaseh kamoe Rahmat keu kamoe Neubri le Allah Soe nyang ek peuglah teuma si kaphe Azeub bukon le peudeh that leupah", "Takheun leh nyan keuh Tuhan nyang Rahman Kamoe meuiman bandum keu Allah Bandum bak Tuhan tawakai kamoe Tateupue dudoe soe nyang bit salah Soe nyang bit nyata jih nyan lam sisat", "Takheun leh siat pakri ‘oh susah Watee hana ie ka tho di bumoe Watee nyan bak soe teuma tapeugah Soe bri mata ie teuma keu gata Mangat dum gata tajep puleh grah"] }, { "chapter": 68, "versesCount": 52, "verses": ["Nun Peue meukeusud Nun bak awal ayat Tuhan Hadharat hana Neupeugah Demi na kalam ngon nyang jih surat", "Gata kon meuhat lagee jih peugah Nikmat Po gata gata kon gila", "Nyang le di gata pahla bak Allah Han peutoh-peutoh pahla keu gata", "Lom sipheuet gata pih jroh that leupah", "Dudoe pih taeu jih dum pih jieu", "Soe nyang bit rabue pungo sileupah", "Po gata keubit Neuteupue that-that Soe nyang bit sisat jalan ka salah Neuteupue that soe nyang na peutunyok Nyang ka geujak cok jalan got leupah", "Teuma awak nyan bek roh taseutot Nyang jikheun sulet dum ayat Allah", "Napsu jih gata meugot-got ngon jih Sang-sang bit di jih got-got that leupah", "Lom bek taseutot awak hina that Di jih sia-at ka jimeusumpah", "Tukang peusuna jak keunoe keudeh", "Atra jeh di jih bek sagai leupah Meunyo buet nyang got di jih kriet jih that Keubit jeuheut that jipubuet salah", "Keujam jih geuthee laen nibak nyan", "Areuta jih nyan cit le sileupah Meunan lom aneuk di jih pih le that", "‘Oh geukheun ayat jipaleng bagah Dum ayat Kamoe jikheun nyan dongeng Kra ureueng jameun bandum jipeugah", "Kamoe boh tanda ‘oh dudoe keu jih Bak beuralee jih meucap meukeubah", "Dilee awaknyan ka Kamoe ujoe Lagee meuujoe kawom nyang sudah Sinan na lampoh jih di kawom nyan Teuma watee nyan ka jimeusumpah Singoh ban beungoh tajak pot ase", "Hana jipike keu gop nyang susah Han sagai jibri keu ureueng gasien", "Meu troh treuk keunan ureueng ziarah Teungoh teungeut jih ureueng nyan teuka Nibak Po gata sideh geulangkah", "Jeut treuk lampoh nyan ka lagee arang Ka seupot itam anco dum bicah", "Jimeuhoi treuk ngon jih dum ‘oh beungoh", "Bandum tabeudoh jak keudeh bagah Meunyo meunapsu tajak pot ase Bak keubon sare laju talangkah", "Jijak treuk laju ngon jih meus‘ah-s‘ah", "Bek leumah-leumah tanyoe jak bagah Ureueng gasien bek jitamong keunoe Tanyoe uroe nyoe tajak pot buah", "Jijak treuk laju padahai di jih Ek jibri le jih peue-peue nyang mudah", "‘Oh ban jikalon lampoh lagee nyoe Jikheun bit tanyoe sisat sileupah", "Tapi di tanyoe han sapeue na le", "Ureueng got ate teuma kheun bagah Kon ka Lon peugah bak bandum gata Pakon han gata tapujoe Allah Takheun teuseubeh tapujoe Tuhan", "Jikheun treuk yoh nyan Subhanallah Keubit Po tanyoe Maha Suci that Tanyoe lalem that hanaban peugah", "Nyang ladom jikheun nyan salah gata Bandum jih teuma peusalah-salah", "Jikheun ceulaka bandum geutanyoe Sabab geutanyoe leupah that culah", "Kadang Neutem bri le Po geutanyoe c Laen Neugantoe nyang leubeh ceudah Taharap ampon bak Po geutanyoe", "Meunan keuh Kamoe azeub meubalah Azeub akhirat raya nibak nyoe Meunyo jiteupue han roe jih salah", "Ureueng takwa nibak Po gopnyan Churuga naʻim ka lheuh Neukeubah", "Po kamoe peusa ureueng Iseulam Lagee kaphe nyan nyang pubuet salah", "Pakriban meunan gata tahukom", "Lam kitab teuh dum peue na geupeugah Na kitab teuh dum teuma di gata", "Jeut ban nyang hawa tapileh sudah", "Peue na meujanji gata ngon Kamoe Sampoe ‘an dudoe taakad sumpah Nyang jeuet gata dum meunan tahukom", "Tanyong bak jih dum mangat jipeugah Soe keupala jih nyang hukom meunoe", "Na ngon jih dum nyoe laen jikeubah Jak hai ngon jih dum keunoe tayue ba Meunyo jih beuna peue nyang jipeugah", "Uroe deuh beuteh bandum ka teulhon Geuyue sujud lom laju beu bagah Han ek sujud le di jih watee nyan", "Mata ka rabon khuchu‘ that leupah Watee nyan di jih hina ngon malee Yoh geuyue dilee han jitem papah Yoh mantong teuga han jitem pubuet ‘Oh geuyue sujud di jih jibantah", "Bah jih deungon Lon jinoe meuhukom Jikheun narit Lon sulet that leupah Lon keumeung hoi jih dum seun-seun bacut Bah le jipubuet laju nyang salah Hana jiteupue ho jikeumeung bloh", "Jih Lon bri tanggoh yoh goh Lon balah 7 Leubeh carong Lon roe bak teumaki", "Peue na tayue bri keu gata upah Jeut jih nyan teuma geuhon ngon utang", "Peue na bak jih nyan ‘eleumee Allah s ‘Eleumee gaeb nyang tan gop teupue Jituleh dumpeue beuna ngon salah", "Teuma tasaba hukom Po gata Bek lagee haba masa nyang sudah 5 Lagee soe dilee dalam pruet eungkot Sang-sang teumakot geuba peurintah Geulakee duʻa gopnyan di laot Kawom buet karot beungeh geuh leupah", "Adak kon nikmat bak Tuhan gopnyan Teutiek geuh sinan dalam blang luah Meuhat jicaci bandum buet gopnyan", "Lan pih di Tuhan gopnyan Neupeuglah Neupileh gopnyan keu ureueng saleh d Ureueng nyang leubeh geunaseh Allah", "Kaphe ‘oh jingieng sang ateuh gata Jikeuih gata sinan beureubah ‘Oh ban jideungo dike tabaca Keubit ka gila gata jipeugah", "Padahai Ziker haba peuingat s Le bandum umat jitueng phaedah Keu bandum alam jeuet keu peuingat r Soe nyang tem ingat nyang nyang meutuah"] }, { "chapter": 69, "versesCount": 52, "verses": ["Meuteuntee that-that han jeut han teuka", "Peue roe nyang teuka meuteuntee leupah", "Na tateupue nyang han jeuet han teuka", "Yoh dilee masa Tsamud geupeugah Jikheun sulet that uroe kiamat Meunan pih si ‘Ad jikheun beurakah", "Tsamud binasa ngon bala hebat", "Binasa si ‘Ad angen kreuh leupah Angen sijuek that badei ngon tophan", "Tujoh malam tan jipiyoh payah Jeuet lom meutamah ngon lapan uroe Kawom teupipoe taeu dum reubah Sang bak kureuma nyang ka brok asoe Reubah sinaroe abeh dum tewah", "Hana nyang tinggai jih le meusidroe", "Peuraʻun pande pih hana ubah Yoh goh Peuraʻun ngon muktafikat Bandum saban that jipubuet salah", "Jimaksiet dum jih rasul tuhan jih Neusiksa treuk jih nyang brat sileupah", "‘Oh teuka tophan jiek ie raya Gata lam bahtra dum Kamoe keubah", "Meupeujeuet nyan dum jeuet keu peuingat Keu gata meuhat tatueng phaedah Geulinyueng nyang got sabe jiingat", "‘Oh jan kiamat teuma geupeugah Geuyup beuragoe sigo yup meuhat", "Bumoe geuangkat ngon gunong meugah Bumoe ngon gunong meuseumpom anco", "Uroe nyan baro kiamat sudah", "Langet pih bicah uroe nyan reului Hana daya le leumoh jih leupah", "Jeut sagoe langet dum malaikat Arasy Hadharat geume dum sudah Lapan droe ureueng nyang me ‘arasy nyan Di ateuh gopnyan sinan keuh ‘arasy", "Uroe nyan gata geuba bak Tuhan Meu sapeue pih tan meusom bak Allah", "Soe nyang cok kitab ngon jaroe uneun Geujok rot uneun jikheun treuk bagah Beudoh dum jak kheun kitab lon nyopat", "Yoh dilee meuhat lon yakin sudah Lon yakin di lon akan geuhisab", "Ureueng nyan meuhat seunang that leupah Udep that seunang rila Hadharat", "Meuteumeung teumpat churuga indah Dalam churuga nyang manyang that-that", "Boh kayee le that miyup sileupah", "Tapajoh tajep seunang ngon ladat Sabab buet got that masa nyang sudah", "Soe-soe nyang geujok rot wie jih kitab Jikheun treuk ligat meunyesai leupah Adak jeuet di lon bek geujok kitab", "Bek lon eu hisab keu lon geupeugah", "Nyang got cit mate mantong bek meunoe Mangat atra nyoe dum abeh sudah", "Areuta lon le hana guna le", "Kuasa han le anco dum bicah", "Rante bak takue jih taboh laju", "Dalam apui hu tatiek jih bagah", "Lheuh nyan tarante jih lom di sinan Panyang rante nyan na tujoh ploh hah", "Han jimeuiman di jih keu Tuhan Allah keuh Tuhan nyang agong leupah", "Han jitem yue bri di jih makanan Keu ureueng gasien nyang dalam susah", "Uroe nyoe di jih hana ngon jih le", "Makanan geubri nanoh ngon darah", "Nyan keuh makanan ureueng meudacha Geubri nyan saja keu ureueng salah", "Ulon meusumpah ngon peue nyang taeu", "Nyang hana taeu pih saban leupah", "Keubit nyan narit rasul mulia Atra nyan geuba Neuyue le Allah", "Bukon nyan narit ureueng meupanton Gata meuiman nit that sileupah", "Jeuet keu peuingat di gata pih nit Tapi kon narit ureueng meurajah", "Tron nibak Tuhan Po bandum alam", "Meunyo buet gopnyan lagee tapeugah Geupeuna-peuna narit ateuh Lon", "Teuntee Lon hukom gopnyan le bagah Bak jaroe uneun lon mat geuh lon hue", "Lon koh bak takue sinan le reubah", "Lam kawan gata hana meusidroe Nyang peutheun geuh nyoe bek Kamoe balah", "Atra nyan cit roe haba peuingat Keu ureueng nyang that takwa keu Allah", "Kamoe meuteupue lam kawan gata Na nyang duseuta gopnyan jipeugah", "Teuma atra nyan keu awak kaphe Meuhat jeuet ase meunyesai teulah", "Atra nyan beuna cit hak tayakin", "Teuseubeh takheun tapujoe Allah Takheun teuseubeh ngon nan Po gata Nyang Maha Raya Agong ngon Meugah"] }, { "chapter": 70, "versesCount": 44, "verses": ["Na jilakee le ureueng meulakee Beu teuka teuntee azeub beu bagah", "Azeub keu kaphe han ek soe sangka", "Atra nyan sigra Neubri le Allah Tuhan keuh nyang Po dum tingkat-tingkat", "Rot malaikat dum ek bak Allah Deungon Jibaril pih geujak sajan Siuroe keunan bandum geulangkah Limong ploh ribee thon kada uroe Meu tajak keudroe jeuet trep sileupah", "Teuma na saba nyang beu jroh that-that", "Di jih jilihat sang jioh leupah", "Kamoe meukalon atra nyoe toe that", "Uroe nyan langet anco dum bicah Lagee dhoi pirak langet sinaroe", "Gunong pih meunan gapeuh sang ulah", "Hana soe tanyong ho ngon ho rakan", "Na geupeukalon sinan dum leupah p Awak nyang salah jitem teuboh droe b Jijok aneuk droe bandum keu upah", "Jijok peurumoh ngon chedara jih", "Ngon nyang hiroe jih masa nyang sudah", "Lom bandum ureueng nyang na di bumoe Asai jih sidroe geutem peuleupah Dumnan uroe nyan azeub saket that", "Keubit nyan teumpat nuraka juah", "Apui nuraka phon jilpluek kulet", "Jipreh geuintat ureueng nyang salah Meunyo buet nyang got sit jipeulikot Di jih peuturot napsu seurakah", "Dumna areuta ka jipeusapat Jikeubah got that han jinapakah", "Tuhan Neupeujeuet manusia nyoe Malam ngon uroe sabe geulisah", "‘Oh teuka nyang brok susah jih that-that", "Meu teuka nyang got kriet jih sileupah", "Meulengkan ureueng nyang na seumbahyang", "Sabe seumbahyang han tom geukeubah", "Bak atra gopnyan hak cit ka teuntee", "Ureueng meulakee nyang tan napakah Got nyang gasien that hana meulakee", "Jipateh teuntee lom peue geupeugah Jipateh bit na uroe kiamat", "Lom pih keu azeub yo jih that leupah", "Jiteupue keubit azeub Po jih nyan Han ek jih aman droejih jipeuglah", "Meunan pih ureueng jaga meunalee", "Meulengkan teuntee inong jih nyang sah Atawa namiet nyang milek droejih Meunyo nyan di jih han jeut keu: salah", "Meunyo ngon laen nyan salah raya", "Amanah teuma han tom jiubah Meunan pih han tom meuiseuk janji", "Lom jiek saksi ade sileupah", "Lom seumbahyang jih that jiplihara Bek na nyang cupa meubacut salah", "Nyan keuh ureueng nyan asoe churuga Neupeumulia geuh that le Allah", "Peue dum si kaphe jijak bak gata Peunteng that haba mehmoh jih leupah", "Rot uneun rot wie meutumpok-tumpok", "Meuhʻeut jih geujok churuga indah Bak geupeutamong jih lam churuga Nikmat churuga hanaban peugah", "Han geupeutamong jih dum nyan keunan Meupeujeuet jih nyan ka trang sileupah Di jih jiteupue Kamoe peujeuet jih", "Di lon nyan keu jih Ulon meusumpah Ulon meusumpah demi Hadharat Timu ngon barat sit milek Allah Keubit roe Kamoe kuasa that-that", "Meugantoe siat bandum jih bagah y Ngon kawom laen meugantoe dum jih Nyang got nibak jih seumateh leupah r Han ek roe di jih peutalo Kamoe", "Bah le jih meunoe bek le tapapah Bah le jih mabok jimeuen-meuen Sampoe meuteumeung peue nyang tapeugah Sampoe troh uroe tajanji keu jih", "Uroe nyan dum jih jibeudoh bagah Teubiet lam uruek beudoh dum rata Sang bak berhala jimeung meulangkah", "Bandum meuteukui ule jih u yup Mata jih teutop khuchu“ sileupah Han jijeut kalon uwie ngon uneuen š Hina jih yoh nyan hanaban peugah h Uroe nyan keuh nyang dilee geujanji Bandum jih geubri peueu nyang geubalah k"] }, { "chapter": 71, "versesCount": 28, "verses": ["Kamoe kirem Noh bak kawom gopnyan Peuingat jih nyan bek pubuet salah Yoh gohlom teuka azeub peudeh that", "Geukheun treuk ligat kawom meutuah Lon nyoe bak gata Neuyue peuingat Uleh Hadharat nyata Neupeugah", "Taseumah Allah lom tatakwa Keu Tuhan gata nyang Maha Murah Tataʻat keu Lon bek tameudawa", "Ampon keu gata Neubri le Allah Neuampon dacha ngon panyang umu Leubeh sigitu bek rijang leupah Dang-dang troh ajai nyang ka meuteuntee Meu ka troh watee han jeuet meu minah Han jeuet le tanggoh meu ka troh watee Meu na ‘eleumee tateupue sudah", "Geukheun Tuhanku pakri kawomlon Ka Iheuh dum di lon sabe lon peugah Malam ngon uroe lon yue pubuet got", "Di jih lagee sot hana jipapah Nyang na sit jiplueng leubeh nibak sot", "‘Oh lon yue nyang got jikheun beurakah Ngon aneuk jaroe jih di geulinyueng Jimeukeuleubong ngon ija sihah Hana jipiyoh jipubuet jeuheut Ngon mbong jih pih that teukabo leupah", "Teuma lon peugah han le lon som-som Di keu jih bandum lon bri peurintah", "Lheuh nyan lon lahe kadang pih lon som Jideungo han lom peue nyang lon peugah", "Talakee ampon lon kheun bak Tuhan f Neuampon rijang gata le Allah", "Neubri ngon ujeuen keu gata le that", "Areuta le that Neubri meulimpah Neubri le aneuk teuh lom ngon keubon Neubri deungon krueng seunang teuh leupah", "Pakon han tatem harap keu Tuhan Deungon adab sopan tapujoe Allah", "Neupeujeut gata meutingkat-tingkat Di phon bacut that sampoe ‘an sudah", "Peue hana taeu nyang Tuhan peujeuet Langet Neupeujeuet tujoh tabaqah", "Neupeujeuet buleuen cahya seureuloe . Ngon mata uroe hu meujeureulah", "Tuhan peutimoh gata di bumoe", "Gata Neupeuwoe teuma lom sudah Dudoe Neubangket bandum sinaroe", "Neupeujeuet bumoe teuleueng ngon luah", "Mangat jeuet tajak sinan ho nyang hʻeut Peue nyang meukeusud tamita bagah", "Wahe Tuhanku le Noh lom geukheun Han jipeureumeun peue nyang lon peugah Jimaksiet keu lon di jih jiikot Ureueng nyang karot nyang ba bak salah Atra ngon aneuk jih jeuet keu rugoe Jiturot jih nyoe peue nyang jipeugah", "Jipubuet jeuheut raya han bagoe", "Jikheun Tuhan nyoe bandum taseumah Tuhan gata dum waddan suwaʻan Yaghus pih meunan han jeuet takeubah Yaʻuq ngon nasar Tuhan teuh bandum Jipeusisat dum rame sileupah Awak nyang lalem nyang elanya that", "Bandum ka sisat meutamah-tamah", "Geupeukaram jih dalam buet jeuheut Jitamong meuhat lam apui mirah À Dalam nuraka bandum jitamong Hana soe tulong meunyo kon Allah", "Geukheun lom le Noh Tuhanku bek le Neukeubah kaphe seunang jih leupah £ Bek le Neukeubah jih ateuh bumoe Jeuet keudeh keunoe mantong jilangkah", "Meunyo Neukeubah jih jipeusisat Hamba Neuh meuhat bandum buet salah Meu jimeuaneuk pih jeuet keu kaphe", "Dacha lon Neubri ampon ya Allah Meunan pih dacha dua ma-ku lon Mukmin nyang bak lon keunoe geulangkah Mukmin nyang tamong dalam rumoh lon Bandum Neuampon wahe ya Allah Lom bandum mukmin agam ngon inong Bek roh meutamong lam apui mirah Teuma si lalem meutamah rugoe Bandum jih asoe nuraka juah"] }, { "chapter": 72, "versesCount": 28, "verses": ["Takheun Neuwahi bak lon le Tuhan Saboh rombongan jen jimeulangkah Jijak deungo dum geubeuet Qur'an Jikheun Qur“ an ajeb that leupah Ka kamoe deungo geubeuet Qur'an", "Le that jeuet sinan tatueng phaedah Peutunyok hamba bak keubenaran Kamoe meuiman laju le bagah Han sagai kamoe meupeucharikat Tuhan Hadharat suci that leupah Barangsoe han sa deungon Hadharat", "Maha Manyang that hanaban peugah Peurumoh Neuh tan aneuk Neuh pih tan", "Tanyoe nyang kheun nyan raya that salah Kureueng that akai soe-soe nyang kheun nyan Tapeuna nyang tan takheun keu Allah", "Bak Kamoe kira dum jen ngon insan Hana nyang meunan jikheun keu Allah Jipeuna-peuna sulet keu Tuhan", "Teuma dum insan le sit nyang salah Keudeh ubak jen jilakee tulong Jilakee lindong kon ubak Allah Jipeujeuet treuk jen mbong ngon teukabo", "Jisangka laju sangka nyang salah Jeut treuk jisangka saban ngon gata Hana kuasa bangket le Allah Hana Neubangket Tuhan barangsoe", "Bit teuma kamoe meumita hilah Meuek u langet mita rahsia Brat that geujaga meukalon ulah Ngon panah apui ka geuseudia", "Bit geurhom lanja soe nyang meurimbah Dilee jeuet meuduek meuceungo dum nyoe Bak watee jinoe geurhom ngon panah", "Bit teuma kamoe hana meuteupue Ureueng di bumoe pakriban ulah Peue Neubri jeuheut dum keu ureueng nyoe Got pih kon meunoe Neubri le Allah Neubri jalan got dum keu ureueng nyoe", "Bit teuma kamoe na nyang meutuah Na pih nyang mita jalan nyang laen Na macam-macam han ek tapeugah", "Bit teuma kamoe meuteupue that-that Tuhan Hadharat han ek meubantah Di phon di bumoe han ek meulawan Hana meuho plueng meunyo ngon Allah", "Bit teuma kamoe ‘oh ban meudeungo Peutunyok ka na meuiman bagah Soe nyang meuiman keu Po jih Tuhan Teumakot jih han rugoe ngon payah", "Bit teuma kamoe na nyang Iseulam Na nyang menyimpang keudeh bak salah Nyang bit Iseulam nyan nyang seulamat", "Teuma nyang jeuheut lam apui mirah Jih jeuet keu rujoe apui nuraka", "Meu teupat teuma nyan nyang meutuah Meunyo jitem jak bak jalan teupat Ie jeureuengeh that keu jih geukeubah", "Kamoe ujoe jih bandum di sinan Teuma nyang paleng jeuet laen ulah Nyang han tem ingat keu Tuhan Po jih Seudia keu jih azeub brat leupah", "Keubit meusijid nyan milek Tuhan Bek na peue laen sinan taseumah Bek na taseumah nyang bukon Tuhan", "Bit teuma sinan na hamba Allah f Teungoh seumbahyang geulakee duʻa Teuma troh teuka jen dum le leupah 2 Sang-sang jiramien geuh jijak keunan", "Takheun Tuhan lon nyang nyang lon seumah Ngon barangsoe han lon peucharikat Tuhan Hadharat suci that leupah", "Takheun di lon pih hana kuasa Lon bri keu gata saket ngon susah Meunan pih nyang got han ek sit lon bri", "Tuhanku Rabbi takheun nyang peuglah Hana meusidroe nyang ek peuglah lon Meunyo ngon Tuhan han ek jihilah Hana pat laen teumpat lon jok droe Meunyo kon bak Droeneuh nyang that murah", "Meulengkan peutroh Neuyue le Tuhan Neuyue ba bak lon keunoe risalah Soe nyang jimaksiet Tuhan ngon Rasul Keu jih nyan apui nuraka juah Keukai jih sinan sipanyang masa", "Jikalon teuma janji geubalah f Jieu leumah nyang han ek soe tulong Nyang nit soe tulong pih deuh le bagah y", "Takheun di lon nyoe hana lon teupue Peue watee ka toe janji geupeugah Got pih Tuhan bri watee lom beu trep Watee leupah trep baro Neubalah", "Tuhan nyang teupue ‘eleumee gaeb f Peue rijang ngon trep han Neupeuleumah", "Meulengkan rasul nyang Droeneuh rila Neuyue jak sigra Neuyue jak peugah 7 Di keu di likot geuh na soe jaga", "Mangat deuh nyata peutroh risalah Ka lheuh geupeutroh peurintah Tuhan k Teuma di Tuhan Neuteupue sudah Seun lingka gopnyan bandum Neuteupue Neubileung keudroe bandum peurintah"] }, { "chapter": 73, "versesCount": 20, "verses": ["Hai gata ureueng nyang meuseulimbot", "Beudoh lam seupot tajak munajah Takeubah malam mantong meubacut", "Siteungoh pih jeuet mantong takeubah Atawa kureueng nibak nyan bacut", "Tatamah pih jeuet tabeuet qiraah Tabeuet Qur'an keunong makheurot", "Lon meu bri nyang got narit brat leupah", "Meu tabeuet malam mesra jitamong Teupat ngon keunong tabeuet qiraah", "Meu tabeuet uroe gadoh that gata Panyang keurija mita napakah", "Teuma taseubot nan Tuhan gata Ibadat gata khuchu“ keu Allah", "Tuhan keuh nyang Po timu ngon barat Kon Tuhan meuhat meunyo kon Allah Bak Tuhan gata talakee lindong", "Peue-peue nyang jikheun saba that leupah Tapeujioh jih deungon cara got", "Tinggai lon meuhat ngon jih nyang salah Jikheun sulet dum peue-peue nyang takheun Nikmat keu jih nyan ka le that leupah Tayue meutanggoh bak jih nyan siat", "Bak Kamoe azeub ka lheuh meukeubah Rante nuraka keu jih nyan meuhat", "Makanan jih that tutong sileupah Meuceukiek reukueng han ek takarat Azeub peudeh that hanaban peugah", "Bumoe ngon gunong uroe nyan anco Gunong teupiro jipo dum bicah", "Ka Kamoe kirem rasul bak gata Keu saksi gata beuna ngon salah Saban ngon dilee ka Kamoe kirem Ubak Peuraʻun pih hana ubah Meukirem rasul ubak Peuraʻun", "Teuma Peuraʻun maksiet that leupah Jibantah rasul han jitem pateh Meusiksa treuk jih teuma brat leupah", "Pakri teuma droeuteuh taplihara Uroe nyan teuka takheun hana sah Uroe nyoe puteh dum ok aneuk miet Dumnan keuh meugriet hanaban peugah Gata takaphe akan uroe nyan", "Langet meuguncang Neubri le Allah Janji Tuhanku han jeuet han teuka Anco meuleua langet dum bicah", "Keubit atra nyoe jeuet keu peuingat Barangsoe hajat jijak bak Allah Jalan Po jih nyan nyang jijak mita", "Keubit Po gata Neuteupue sudah Neuteupue gata malam tabagi Dua boh bagi tatueng phaedah Nibak Ihee bagi tacok dua boh Bacut hana troh tangui keu jatah Got pih tabeudoh siteungoh malam Bahgi lhee malam tabeudoh sudah Ngon rakan gata nyang sajan gata Sit ka Neukada bandum le Allah Han ek takira Tuhan Neuteupue Malam ngon uroe urusan Allah Toubat dum gata Tuhan teurimong Tabeuet beu keunong peue-peue nyang mudah Peue-peue nyang mudah tabeuet Qur'an Hana Neuparan gata le Allah Neuteupue gata ladom nyang saket Ladom jiteubiet mita napakah Lam bumoe Tuhan jijak keurija Jimeung jak mita karonya Allah Teuma seumbahyang ngon taboh zakeut Meunan lom tabeut peue-peue nyang mudah Peuutang Tuhan deungon buet nyang got Tapubuet nyang got keudroe teuh bagah Peue nyang tapubuet cit na balasan Neubri le Tuhan keu gata upah Raya that Neubri pahla le Tuhan Talakee ampon laju bak Allah Keubit roe Tuhan Maha Pengampon Lagi pih Tuhan Maha Pemurah"] }, { "chapter": 74, "versesCount": 56, "verses": ["Hai gata ureueng nyang meukeuleubong", "Beudoh bak kawom taba peurintah", "Takheun teukeubi akan Po gata", "Tarah ngon ija beu gleh sileupah", "Buet-buet nyang jeuheut takeubah sigra", "Tabri areuta bek tueng phaedah Bek tabri bacut taharap keu le", "Teuma tasaba keu Po teuh Allah", "Teuma ‘oh geuyup lam sangka kala", "Uroe nyan teuma leupah that susah", "Kon buet nyang mudah keu awak kaphe", "Teuma lon bah le ngon jih takeubah Jih nyan cit sidroe ka lheuh Lon peujeuet", "Areuta le that Lon bri hadiah", "Aneuk pih rame sinan sajan jih", "Lon bri udep jih lapang ngon luah", "Lheuh nyan napsu jih beu Lon tamah lom", "Tapi jih mantong lawan peurintah Jiteuntang di jih dum ayat Kamoe", "Azeub keu jih nyoe teuma that susah", "Keubit jipike pakri jipeugot", "Pakri jipeugot jih pih ka sudah", "Jih ka binasa pakri jipeugot", "Jitilek beu got teuma lom bagah", "Lheuh nyan krot muka jih meurok keudroe", "Lheuh nyan jijak woe ngon mbong sileupah", "Jikheun treuk sihe nyoe kon peue laen Pusaka jameun keu jih geukeubah", "Kon laen roe nyoe sit narit insan", "Dudoe bit jih nyan lam apui mirah Lon peutamong jih u dalam saqar", "Peue ro dih saqar jeuet teuh tapeugah", "Hana jikeubah di jih meusidroe Abeh jiseudoe peue nyang meurimbah", "Jitot ngon jipluek dum kulet insan", "Nyang jaga sinan na sikureueng blah", "Teuma nyang jaga apui nyan meuhat Nyan malaikat Kamoe peurintah Le ureueng teuma nyang jaga sinan Azeub ujian keu kaphe jadah Mangat jiyakin le ahli kitab Nyang mukmin meuhat iman meutamah Mangat bek chok le dum ahli kitab Mukmin pih meuhat hana meuubah Nyang na peunyaket lam ate jikheun Kaphe pih meunan peue roe di Allah Keu peue atra nyoe Neuboh keu miseu Meunan keuh bagi meu kheundak Allah Soe nyang h‘eut Tuhan Neumeung peusisat Soe nyang Neuhajat Neubri hidayah Hana nyang teudum teuntra Po gata Sit Droeneuh saja nyang teupue leupah Teuma saqar nyan jeuet keu peuingat Keu bandum umat nyang pubuet salah", "Teutapi demi buleun di langet", "Malam seupot that pih abeh sudah", "Suboh pih teuka peungeuh dum alam", "Keubit saqar nyan hebat sileupah", "Manusia dum jeuet keu peuingat", "Nyang tem jak teupat got pih nyang salak Nyang jak u likot jipaleng muka", "Bandum teuh teuma akan geubalah Peue nyang tapubuet droeteuh nyang tanggong", "Ureueng rot uneun nyan nyang meutuah", "Dalam churuga meutanyong-tanyong", "Teuma geutanyong bak ureueng salah", "Pakon dum gata ka roh lam saqar", "Jiseuot ligat droe kamoe salah Kamoe hana tom meutem seumbahyang", "Keu ureueng gasien pih kriet sileupah", "Marit nyang brok-brok nyan keuh buet kamoe", "Keu uroe dudoe pih kamoe bantah Uroe kiamat kamoe kheun sulet", "Kamoe pih saket ka mate sudah", "Hana guna le keu jih chupeuʻat Han Neuchupev‘at keu jih le Allah", "Boh pakon di jih hana jiingat Jipaleng ligat hana jipapah", "Lagee keulidee yo jih keu rimueng", "Beuranteun jiplueng teumakot leupah", "Meunapsu di jih bandum beu geubri È Ķitab sendiri meunan jipeugah", "Hana jitakot uroe kiamat Uroe akhirat jikheun beurakah", "Tapi atra nyan bit keu peuingat", "Soe nyang tem ingat nyan nyang meutuah", "Han roh jiingat bandum atra nyan Meunyo kon meunan ka kheundak Allah Tuhan keuh nyang Po ahli takwa Amponan juga pih milek Allah"] }, { "chapter": 75, "versesCount": 40, "verses": ["Ulon meusumpah lon ngon uroe nyan Kiamat yoh nyan hebat sileupah", "Ulon meusumpah ngon napsu nyang got Meunyo hana got jikheun nyan salah", "Peue nyang jisangka le manusia Hana kuasa kamoe that leupah Tuleung jih han ek Kamoe peusapat", "Nyang leubeh lom brat ek Kamoe ulah Ujong jaroe jih ek meupeusaban", "Teutapi insan napsu keu salah Napsu jimaksiet hana jipiyoh", "Jikheun pajan troh peue nyang tapeugah Uroe kiamat pajan troh teuka", "‘Oh teuglong mata jih peue jipeugah", "Watee ka gadoh cahaya buleun", "Meunan pih buleuen geupinah sudah Ngon mata uroe jih geupeusapat", "Watee nyan meuhat seungap dum babah Nyang na jeuet jikheun ho takeumeung pluen; Gata nyoe bandum cit ka Iheuh salah", "Tapi hana le jalan rot taplueng", "Teutap uroe nyan keudeh bak Allah", "Geubri thee bandum bak manusia Uroe nyan teuma dumpeue geupeugah Nyang ka jipubuet got goh jipubuet", "Atra nyan nyang buet droe jieu sudah Droejih keu saksi sit deuh jikalon", "Bah le beu jikheun jih hana salah", "Bek tagrak dilee nyan lidah gata Takeumeung baca bagah that leupah", "Kamoe peusapat teuma meubaca", "‘Oh kamoe baca tatiree bagah", "Lheuh nyan meukeusud jih kamoe peutrang", "Tapi gata dum laen that ulah Galak teuh that-that keu seunang donya", "Akhirat teuma ka roh takeubah", "Uroe nyan teuma na muka nyang gleh", "Jieu Tuhan jih seunang jih leupah", "Teuma uroe nyan na muka nyang krot", "Akan geutuntut yakin jih sudah Meuhajat that jih jikeumeung gisa", "Tapi nyawong ka bak uram lidah Meu ka troh nyawong keunan bak reukueng", "Laju geutanyong soe keumeung rajah", "Jiyakin yoh nyan jih nyan ka meucre", "Hana jalan le soe keumeung peuglah Beuteh ngon beuteh meutindeh lapeh", "Bak puteh keudeh bandum meulangkah", "Yoh dilee sulet jikheun keu nabi Sembahyang lagi di jih jikeubah Hana tom di jih pubuet seumbahyang", "Tapi jibangkang bandum jibantah Jipaleng muka jijak ho laen", "Keudeh bak kawom jiwoe le bagah Mbong ngon teukabo jigiduek guda", "Patot that gata leubeh sileupah", "Teuma leubeh that patot roe gata", "Di manusia sangka jih salah Jisangka di jih geukeubah meunan Bah jih lagee nyan hana phaedah", "Kon jeuet jih dilee bak ie sititek Mani sititek bak asaliyah", "Teuma jeuet treuk jih darah sigumpai ‘Oh ka meuakai ka le peue peugah Lheuh Neupeujeut jih ka Neuseumpurna", "Sipasang teuma jih jeut dua blah Neupeujeut jih nyan agam ngon inong", "Kon that meukeunong peuneujuet Allah f Ureueng nyang mate ek Neupeuudep Watee Neubangket leubeh lom mudah"] }, { "chapter": 76, "versesCount": 31, "verses": ["Kon na roe teuka bak manusia Yoh nyan jih hana tateupue peugah Nyan saboh masa keu manusia", "Teuma jeuet jih na bak ie sicicah Je nyang sititek meujampu dua Kamoe meucuba jih pakri ulah Kamoe bri keu jih geulinyueng mata Jideungo sigra jikalon bagah", "Kamoe peutunyok jalan got keu jih Í Jichuko le jih ladom jibantah Han jitem chuko di jih jikaphe", "Teuma keu kaphe ka Kamoe keubah Kamoe seudia keu soe nyang kaphe Beuleunggu rante ngon apui mirah", "Ureueng nyang got-got geujep ie mameh Nyang that jeureungeh meujampu lam glah Meujampu kapho rasa jih ladat", "Mata ìe meuhat tajep puleh grah Nyan keuh minuman dum hamba Tuhan Teupanca ie nyan ho nyang geupeugah", "Geupeuglah kaoi lom yo that gopnyan 4 Keu uroe Tuhan nyang hebat leupah Azeub meusiseu dum ban saboh nyan Nibak uroe nyan bandum lam susah y", "Keu ureueng gasien geubri makanan Nyang galak gopnyan nyang got-got leupah Keu aneuk yatim ureueng tawanan Areuta keunan geujok seudeukah s", "Meubri keu gata kareuna Tuhan Kon na harapan mangat tabalah d Hana meuharap chuko bak gata Meu ka Neurila kamoe le Allah", "Nibak Po kamoe nyang kamoe takot Uroe muka krot itam ngon mirah", "Teuma ureueng nyan Tuhan plihara Uroe nyan teuma got that Neubalah Hana krot muka bandum ureueng nyan Aman ngon nyaman seunang sileupah", "Nyan keuh balasan sabab geusaba Tamong churuga laju le bagah Geungui pakaian dum ija sutra", "Duek peugah haba ateuh peuratah Meusadeue leupon uroe pih hana Han tom geurasa hugop sileupah Tutong pih hana sijuek pih hana", "Reului seunia hanaban peugah Boh kayee bandum mangat troh tapot Ri-ri nyang hajat tapot le bagah", "Ngon talam pirak geubot hidangan Lam glah pualam takalon indah Glah nyan geupeugot bak kaca kristal", "Bak pirak kristal sinan geutatah", "Ie di dalam glah jampu halia", "Bak ie mon mata ladat sileupah Geukheun salsabil ie mon mata nyan", "Nyang me hidangan pemuda ceudah Muda beulia dum keukai sinan Peue nyang taingin jiidang bagah Takalon jidong ban siseun lingka Sang mutiara kabeh meuruah", "Tangieng sigo treuk dalam churuga Nikmat that raya keurajeuen luah", "Geungui pakaian sundusen ijo Cahya meululu takalon indah Ngon istabraqin bandum nyan sutra Haloh ngon gasa galak teuh leupah Geuboh gleueng pirak nyang that meukilat Minuman ladat tajep puleh grah Minuman suci nibak Po gopnyan", "Nyan keuh balasan ureueng meutuah Tuhan Neuchuko usaha gata Han sia-sia bandum Neubalah", "Qur'an keu gata ka Kamoe peutron Siseun dua seun kadang meukeubah", "Teuma tasaba hukom Po gata Awak meudacha bek roh tapapah Bek roh taikot dum awak kaphe Bandua ini saban that leupah", "Nama Po gata sabe taseubot Beungoh ngon seupot sabe di babah", "Malam tasujud takheun teuseubeh Watee teuleubeh panyang sileupah", "Awak nyan galak jih that keu donya Jitinggai teuma uroe brat leupah Uroe akhirat jitiek u likot", "Jih Kamoe peujeut hana jipapah Meupeujeuet bak jih asoe ngon urat Badan jih kuat hanaban peugah Meunyo hʻ‘eut Kamoe jih Kamoe gantoe Saban ngon jih nyoe asoe ngon gagah", "Keubit atra nyoe jeuet keu peuingat Barangsoe hajat jijak bak Allah Jalan Po jih nyan nyang jijak mita", "Teuma dum gata ban kheundak Allah Kon ban hʻeut gata tapi h‘eut Tuhan Keubit roe Tuhan Neuteupue sudah Bandum Neuteupue Allah Taʻala Ngon bijaksana Neuh han ban peugah", "Soe nyang h‘eut Tuhan tamong lam rahmat Neuh soe nyang meuh‘eut Neuhukom bagah Keu soe nyang lalem ka Neuseudia Azeub ngon siksa peudeh sileupah"] }, { "chapter": 77, "versesCount": 50, "verses": ["Demi dum rasul nyang malaikat Nyang ba haba got keu hamba Allah", "Teureubang meutreung tajam ban kilat", "Geujakba rahmat keu alam luah", "Geupeungkleh nyang got nibak nyang jeuheut", "Geupeutroh ligat teuma peurintah", "Na nyang Neuampon uleh Hadharat Ladom peuingat haba geupeugah", "Keubit roe teuma peue nyang geujanji Han jeuet han jadi lagee geupeugah Peue nyang geujanji bak gata bandum", "Watee bintang dum ka abeh sudah", "Langet ka teuhah han sapeue na le", "Gunong dum reule anco ngon bicah", "Bak rasul-rasul ka geubri watee", "Uroe peue teuntee tanggoh geupeugah", "Sampoe troh uroe putosan Tuhan", "Peue roe uroe nyan jeuet teuh tapeugah", "Uroe nyan teuma ceulaka keubit Ureueng kheun sulet keu rasul Allah", "Kon ka beh dilee meupeubinasa Bandum ka nyata masa nyang sudah", "Kamoe peuikot dudoe nibak nyan Lagee ureueng nyan cit pubuet salah", "Meunan keuh Kamoe ‘oh meukeurija Ureueng meudacha bandum meubalah", "Uroe nyan teuma ceulaka keubit Ureueng kheun sulet keu rasul Allah", "Kon Kamoe peujeut gata nyoe bandum Bak ie nyang maklum hina sileupah", "Meukeubah ie nyan bak teumpat teutap", "Padum trep meuhat Kamoe boh batah", "Ban nyang h‘eut Kamoe Kamoe boh kada Sineujroh kada nyang Kamoe ulah", "Uroe nyan teuma ceulaka keubit Soe nyang kheun sulet keu rasul Allah", "Kon bak meusapat meupeujeuet bumoe", "Nyang udep sinoe sang seunang leupah Meunan pih sinoe dum ureueng mate", "Gunong deungon gle sinan meukeubah Gunong nyang meugah meubri ngon ujeuen Keu gata bandum ie jih gleh leupah", "Uroe nyan teuma ceulaka keubit Ureueng kheun sulet keu rasul Allah", "Jak keudeh bandum bek le tapeutrep Nyang takheun sulet keunan talangkah", "Jak laju keunan u yup bak kayee Na cabeung jih Ihee cit trang sileupah", "Kon jeut meureului di yup kayee nyan Tutong di sinan hanaban peugah", "Jirhom meuk apui be-be meuligoe", "Unta sang bagoe kuneng sileupah", "Uroe nyan teuma ceulaka keubit Ureueng kheun sulet keu rasul Allah", "Jih dum uroe nyoe han jeut marit le", "Han geuizin le meungaku salah", "Uroe nyan teuma ceulaka keubit Ureueng kheun sulet keu rasul Allah", "Nyoe keuh uroe nyoe uroe putosan Ngon gata bandum meusapat sudah Ngon ureueng dilee bandum meusapat", "Peue ek na pakat Lon nyoe tahilah", "Uroe nyoe teuma ceulaka keubit Ureueng kheun sulet keu rasul Allah", "Ureueng takwa lam reului sabe Mata ie ile hana peue peugah", "Ngon boh kayee le peue nyang geumeuh‘eut", "Pajoh ngon tajep ladat sileupah Nyan keuh balasan peue nyang tapubuet", "Soe nyang pubuet got meunan meubalah", "Uroe nyan teuma ceulaka keubit Ureueng kheun sulet keu rasul Allah", "Pajoh ngon seunang gata dum siat Tapubuet jeuheut raya that salah", "Uroe nyan teuma ceulaka keubit Ureueng kheun sulet keu rasul Allah", "‘Oh geuyue ruku‘ geuyue seumbahyang Jipaleng rijang hana jipapah", "Uroe nyan teuma ceulaka keubit Ureueng kheun sulet keu rasul Allah", "Seupoe cit narit nyang jimeuiman Meu han jiiman keu narit Allah"] }, { "chapter": 78, "versesCount": 40, "verses": ["Peue atra teungoh jitanyong-tanyong", "Haba meukeunong hebat that leupah", "Haba nyan di jih han meusapeue kheun Teuma na nyang kheun mustahe leupah", "Tapi atra nyan akan jiteupeu", "Teuma jiteupue atra nyan bagah", "Kon ka lheuh Kamoe peujeut bumoe nyoe Takalon bagoe lagee sajadah", "Buket ngon gunong pih lagee bajoe Di dalam bumoe dum le sileupah", "Meupeujeut gata meujudo-judo", "Teungeut teupako tapiyoh payah", "Meupeujeut malam lagee pakaian", "Uroe tajalan mita napakah", "Di ateuh gata dum Kamoe peugot Tujoh boh langet nyang kong sileupah", "Meupeujeut lampu nyang trang meucahya", "Lam awan teuma le ie dum boh bah Kamoe peutron ie ujeun lam awan", "Tumbuh-tumbuhan teubiet le bagah Kamoe peutimoh dum bijeh kayee", "Keubon dum teuntee pih le si leupah", "Keubit uroe nyan uroe putosan Watee le Tuhan peuteutap sudah", "Uroe nyan geuyup ngon sangka kala Keunan tataeuka rame that leupah", "Geubeuka langet meupinto-pinto", "Geuhoi teupeuro gunong dum bicah Geupeujak gunong fatamorgana Tan le sapeue na sinan geukeubah", "Keubit nuraka cit ka teupreh-preh Pajan troh jadeh ureueng nyang salah", "Nyan keuh teumpat woe ureueng meudacha Nyang darohaka sinan geukeubah", "Tinggai dum sinan meuabad-abad", "Hana tom mangat meuube seupah Han tom jirasa di sinan leupie Hana geubri ie watee teuka grah", "Meulengkan nyang na ie leupah tutong Lagee ie idong nanoh ngon darah", "Nyan keuh balasan lagee jipubuet", "Hana jitakot masa nyang sudah Hana jitakot akan geuhisab", "Jikheun sulet that dum ayat Allah Jikheun sulet that dum ayat Kamoe", "Teuma di Kamoe dumpeue meukeubah Di dalam kitab bandum meupasoe", "Rasa treuk jinoe bandum meubalah Karasa jinoe azeub bak Kamoe Meubagi-bagi dum Kamoe tamah", "Ureueng nyang takwa lam keumenangan Ngon keusenangan hanaban peugah", "Na keubon-keubon deungon boh anggor", "Dara seulayeu nyang ceudah-ceudah", "Teuma glah peunoh ngon ie nyang lazat", "Narit nyang mangat hana tom salah Tan na geudeungo narit duseuta Nyang sia-sia hana phaedah", "Nyan keuh balasan nibak Po gata Neubri karonya meulimpah-limpah", "Tuhan Po langet dum deungon bumoe Diantara nyoe bandum blah bìcah Tuhan Pemurah geumaseh han soe Han jeut barangsoe marit ngon Allah", "Uroe nyan dum roh ngon malaikat Meubareh sapat bandum meuseuh-seuh Barangsoe han jeut marit uroe nyan Meulengkan ureueng nyang izin Allah Narit nyang beuna mantong watee nyan Ngon izin Tuhan nyang Maha Murah", "Uroe nyan keuh nyang han jeut han teuka Soe-soe nyang hawa jiwoe bak Allah Soe nyang meunapsu jiwoe bak Tuhan Jijak bak jalan nyang rila Allah", "Keubit di Kamoe ka meupeuingat Gata dum umat bek sagai salah Ingat keu azeub nyang ka toe that-that Bandum talihat amai nyang sudah Buet jaroe insan yoh masa dilee Uroe nyan teuntee jikalon leumah Teuma di kaphe uroe nyan jikheun Pakon han jeut lon mantong keu tanoh"] }, { "chapter": 79, "versesCount": 46, "verses": ["Demi be nyang na dum malaikat Nyang bot nyawong that dum hamba Allah", "Lom nyang bot nyawong ngon leumah leumb", "Nyang tron di langet leupah that bagah", "Teuma nyang dilee troh nibak laen", "Nyang ato bandum peurintah Allah", "Uroe nyan teuma meuguncang donya Geuyup pertama Neuyue le Allah", "Teuma meuireng ngon yup keudua", "Ate dum geunta teumakot leupah", "Mata pih bandum meuteukui u yup", "Jikheun peue ek jeut tanyoe meuubah Ek jeut tawoe lom Iheuh dalam uruek", "Tuleung ka teupluek ka anco bicah ‘Oh jeut geutanyoe keu tuleung anco", "Nyan woe rugoe le meunan jipeugah", "Teuma sigo yup sagai atra nyan", "Ban tanjo jih nyan ka teudong bagah U ateuh bumoe jih nyan ka teudong Teubingong-bingong hana peue peugah", "Peue na troh haba Musa bak gata", "Watee di Thuwa Neuhoi le Allah Lam urong suci nyang nan jih Thuwa Sinan bak Musa Tuhan Neupeugah", "Ubak Peuraʻun tajak hai Musa! Jih darohaka jipubuet salah", "Takheun nanapsu gata peugleh droe", "Lon tunyok keunoe bak jalan Allah Mangat tatakot akan Po gata", "Mvuʻjizat Musa teuma peuleumah Tanda nyang raya geuba muʻjizat", "Gata sulet that laju jipeugah Nyang Musa peugah jidarohaka", "Jipaleng sigra jimita hilah", "Jipeusapat le bandum kawom jih Jihoi bandum jih teuma jipeugah", "Jikheun nyoe keuh lon sidroe po gata Nyang manyang raya leupah that meugah", "Neuazeub treuk jih uleh Hadharat Azeub akhirat nyang brat sileupah Azeub di donya jirasa meuhat", "Jeut keu ibarat bandum nyan sudah Jeut keu ibarat keu soe nyang takot Keu soe nyang turot peutunyok Allah", "Peue brat that gata bak Tuhan peujeut Soe brat ngon langet nyang dumnan luah Langet Neubina keudroe le Tuhan", "Neupeugot manyang meunan Neuulah Seumpureuna that peuneugot Tuhan", "Neupeujeut malam seupot that leupah ‘Oh beungoh uroe teuma Neupeutrang", "Bumoe lom teuleung Neupeujeut luah", "Neupeuteubiet ie di dalam bumoe Timoh sinaroe taeu jroh leupah Timoh bak kayee ijo dum rata", "Gunong nyang raya Neupeudong ceudah", "Jeut keusenangan bandum keu gata Binatang gata pih han le susah Binatang ternak bandum ka seunang Le that makanan jirot le bagah", "‘Oh ban ka teuka bala raya that", "Insan teuingat masa nyang sudah Peue nyang jipubuet baro-baro kon Ingat uroe nyan peue na nyang salah", "Lom geupeuleumah yoh nyan nuraka Uroe nyan nyata jikalon leumah", "Teuma barangsoe nyang darohaka", "Udep lam donya galak jih leupah", "Teumpat jih meuhat dalam nuraka", "Laen that beda ureueng meutuah Ureueng nyang takwa takot keu Tuhan Napsu ureueng nyan pih ek geuteugah Han geupeuturot napsu ngon chetan", "Teumpat ureueng nyan churuga indah", "Awak nyan tanyong teuma bak gata Kiamat teuka pajan tapeugah", "Keu peue roe gata peugah atra nyan", "Keudeh bak Tuhan sineulheuh peugah Tuhan Po gata nyang tujan watee", "Di gata teuntee han jeut tapeugah Di gata sagai meu tapeuingat Keu soe nyang takot keubit keu Allah Keu soe nyang takot teuka kiamat", "Uroe nyan meuhat jieu trang leupah Watee nyan jieu sang-sang gohlom trep Malam lheuh meugreb watee that bagah Atawa beungoh ban teubiet uroe Hana trep lagoe ka teuka sudah"] }, { "chapter": 80, "versesCount": 42, "verses": ["Masam muka geuh geungieng ho laen", "Sabab troh keunan ureueng nyang reundah Troh geujak keunan ureueng nyang buta", "Peue bak takira ek na phaedah Kadang cit gopnyan geujak peugleh droe", "Got pih na peue-peue geumeung jak peugah Kadang pih geujak lakee nasehat Geutueng munaphaʻat ngon got that leupah", "Teuma awak jeh nyang le areuta", "Got that takira peue nyang jih peugah", "Adak jih teuma han jipeugleh droe Keu gata pih roe han jeut keu salah", "Di ureueng nyang jak keunan bak gata Jijak usaha ngon reuoh-reuah", "Teumakot di jih akan ilahi", "Han tapeuduli jih nyan takeubah", "Tapi nyoe keubit ajaran Tuhan Nyan peringatan nyang got that leupah", "Barangsoe nyang tem teuntee jiingat Tuhan Hadharat sabe di babah", "Lam kitab-kitab nyang that mulia", "Manyang that pula ngon suci leupah", "Bak jaroe duta utusan Tuhan", "Nyang muliawan ate got leupah", "Binasa insan got that jikaphe", "Pat jeut jih sampe sidumnan gagah Bak peue Neupeujeut jih nyan le Tuhan", "Kon bak peue laen bak ie meugeutah Neupeujeut jih bak sititek mani ‘Oh Iheuh nyan jadi insan nyang gagah", "Neubri ngon jalan mudah jiudep", "Lheuh nyan padum trep ajai jih sudah Lheuh Neupeumate jilop lam kubu", "‘Oh lheuh nyan laju Neubangket sudah Jan nyang Neukheundak udep lom rijang", "Tapi jih mantong jipubuet salah Gohlom jipubuet nyang suroh Tuhan", "Teuma hai insan takalon bagah Takalon ubak makanan teuh nyan", "Kamoe bri ujeun keunan meuruwah", "Kamoe plah bumoe teuma ‘oh Iheuh nyan", "Tanam-tanaman timoh le bagah Kamoe peutimoh bijeh tanaman", "Boh anggor sinan ngon boh markisah Sayor-sayoran meubagoe rupa", "Zaitun kureuma hanaban peugah", "Ngon keubon-keubon peunoh tanaman", "Buah-buahan ngon naleung basah", "Jeut keusenangan bandum keu gata Binatang gata pih han le susah Binatang ternak bandum ka seunang Le that makanan jirot le bagah", "‘Oh ban ka meusu deumpek raya that", "Uroe nyan meuhat insan geulisah Tinggai chedara di jih ka jiplueng", "Jitinggai bandum ma deungon ayah", "Aneuk peurumoh han le jipadok", "Keudroe dum mabok mita rot peuglah Uroe nyan insan pike untong droe Meubagoe-bagoe ingat keu salah", "Uroe nyan taeu muka meukilat", "Rumeh khem meuhat galak sileupah", "Na cit nyang muka peunoh meuabee", "Jitop le malee seupot that leupah", "Nyan keuh awak nyan kawom nyang kaphe Dilee lam sabe jipubuet salah"] }, { "chapter": 81, "versesCount": 29, "verses": ["Jan mata uroe geugule-gule", "Bintang dum reule luroh meulimpah", "Gunong geupeujak bandum ka anco", "Unta nyang ulu bandum geukeubah", "Binatang kleuet dum ka geupeusapat", "Laot u darat meulimpah ruah", "Nyawong geupeuwoe bandum bak tuboh", "Aneuk nyang jipoh geutanyong bagah Pakon jitanom kah udep-udep", "Peue na nyang saket ka pubuet salah", "Watee geubuka dum kitab amai Kitab nyang teubai hanaban peugah", "Ngon langet pih ka geupeubinasa", "Apui nuraka peuudep bagah", "Churuga indah pih ka geupeutoe", "Amai dum keudroe tateupue sudah Peue nyang tapubuet yoh masa dilee Bandum meuteuntee takalon leumah", "Ulon meusumpah ngon bintang-bintang", "Nyang jak berjalan got nyang ka leupah", "Demì hai malam nyang ka rap peungeuh", "Lom demi suboh fajar ka leumah", "Keubit Qur’an nyoe nyo narit rasul Nyang ka Neukabui gopnyan le Allah Gopnyan keuh rasul nyang that mulia", "Nyang leupah teuga di sisi Allah Teutap geuh sideh toe deungon Tuhan Nyan keuh utosan Tuhan Po ‘arasy", "Di sideh gopnyan bandum jitaʻat Amanah pih that hana tom salah", "Kon ureueng pungo rakan gata nyan", "Na geueu gopnyan geukalon leumah Bak ufok nyata sideh geukalon", "Hana kriet gopnyan kon han geupeugah Bandum geupeugah nyang tren bak Tuhan", "Kon marit chetan kutokan Allah", "Teuma ho gata tameung jak jinoe", "Keubit atra nyoe haba got leupah Haba peuingat keu bandum alam", "Soe nyang hʻeut jih nyan mangat bek salah", "Soe nyang meunapsu keu jalan teupat m Nyan pih cit meuhat meu kheundak Allah ¢ Meu hana kheundak nibak Po alam t Napsu gata nyan han mustajabah"] }, { "chapter": 82, "versesCount": 19, "verses": ["‘Oh watee langet bicah dum anco", "Bintang teupiro meuhambo sudah", "Laot pih buboh ie jih teupanca", "Kubu geubuka bandum ka teuhah", "Yoh nyan jiteupue le manusia Dum buet jih nyangka masa nyang sudah Peue buet jih teuma nyang goh jipubuet", "Hai insan peue jeut teuwo keu Allah", "Soe tipee gata jeut teuwo gata Keu Tuhan gata nyang that pemurah Ae Neupeujeut gata ngon seumpureuna Hingga jeut gata sidumnan gagah", "Neupeugot rupa ban nyang h‘eut Tuhan Neususon badan teuh ban hʻeut Allah", "Teutapi gata mantong cit batat Uroe kiamat sulet tapeugah", "Keubit dum gata na soe plihara Sabe geujaga beuna ngon salah", "Ureueng mulia nyang tuleh surat Bandum geucatat peue nyang tapeugah t", "Peue nyang tapubuet bandum geuteupue Hana meusapeue pih na meuilah", "Soe nyang peubuet got keu manusia Tamong churuga nikmat that leupah", "Teuma barangsoe nyang darohaka Dalam nuraka keudeh geukeubah", "Keunan jitamong uroe kjamat", "Hana meusiat pih jeut meupisah", "Na roe tateupue uroe kiamat", "Peve dih kiamat tacuba peugah", "Uroe nyan bandum hana kuasa Soe keumeung bila rakan nyang salah"] }, { "chapter": 83, "versesCount": 36, "verses": ["Ceulaka that-that ureueng peungeut gop", "Jisukat bak gop peunoh sileupah", "‘Oh jiboh keu gop jisukat keu gop Jitimang keu gop ka jipeusalah Ka jipeureugoe dum manusia", "Peue dih jisangka han le geubalah Peue han geubangket jih singoh teuma", "Uroe that raya hanaban peugah", "Uroe nyan jidong bandum na insan Di keu Po alam nyang Maha Murah", "Teutapi kitab ureueng meudacha Lam sijjin cit ka sinan geukeubah", "Na roe tateupue sìjjin dì gata", "Ķitab meusahja geutuleh sudah", "Ceulaka that-that teuma uroe nyan Keu ureueng nyang kheun sulet that leupah", "Jipeugah sulet uroe kiamat", "Nyang kheun nyan meuhat lalem sileupah Ureueng nyang lalem nyang raya dacha", "Watee geubaca dum ayat Allah ‘Oh geukheun bak jih dum ayat Kamoe Jikheun atra nyoe haba beurakah Jikheun nyoe dongeng ureueng nyang dilee", "Tapi ka teuntee atejih salah Ka jitop atejih le buet dacha Nyang jiusaha masa nyang sudah", "Teutapi keubit uroe nyan di jih Dengon Tuhan jih jioh that leupah Ka teutop rahmat keu jih bak Tuhan", "Jitamong lheuh nyan lam apui mirah Geupeulop jih nyan dalam nuraka", "Geukheun le sigra nyoe teumpat di kah Nyang ka kheun sulet yoh masa dilee Jinoe meuteuntee karasa di kah", "Teutapi kitab ureueng nyang got-got ‘Illiyin teumpat sinan geukeubah", "Na roe tateupue ʻilliyun teuma", "Kitab meusahja geutuleh sudah", "Saksi kitab nyan dum malaikat Ureueng nyang toe that dum deungon Allah", "Ureueng got keubit dalam churuga Nikmat that raya hanaban peugah", "Ateuh kurusi geuduek meusadeu Geukalon di keu nikmat that leupah", "Muka ureueng nyan watee takalon Nikmat di sinan trang meujeureulah", "Geubri ie rahiq nyan keu minuman Ladat that ie nyan geuboh cap bak glah", "Cap jih kasturi nyang be mangat that O Meukarat-karat tajak leh bagah Soe nyang meunapsu meudilee-dilee Je mangat that be hanaban peugah", "Meujampu tasnim lazat hanaban", "Nyan keuh minuman ureueng meutuah Minuman ureueng nyang toe ngon Tuhan Ureueng meuiman nyang han tom salah", "Ureueng meuiman dilee jipeukhem Le awak lalem nyang pubuet salah", "‘Oh watee geujak di keu awak nyan Mata awak nyan meuklip-klip siblah Meu geuneng-geuneng sabe keudroe jih", "Jiwoe bak ngon jih jikhem meuhah-hah", "Watee jikalon ureueng meuiman Jikheun ureueng nyan sisat sileupah", "Tan geuyue jaga bak jih ureueng nyan", "Uroe nyoe jeut nyan meubalek kisah Ureueng meuiman geukhem keu kaphe", "Geuduek dum sare ateuh peuratah Geuduek meusadeu geueu awak nyan", "Buet kaphe yoh nyan bandum geubalah"] }, { "chapter": 84, "versesCount": 25, "verses": ["‘Oh watee langet ka beukah dua", "Teurimong saja hana jibantah Peurintah pujoe han jeut jitulak Ban nyang Neukheundak kuasa Allah", "Watee bumoe nyoe ka geupeurata", "Asoe jih nyang na bandum jiruwah Han sapeue pih na le dalam bumoe", "Teurimong jinoe hana jibantah Peurintah Po jih han jeut jitulak Ban nyang Neukheundak kuasa Allah", "Hai manusia ka takeurija i Keu Tuhan gata ngon reuoh-reuah Teuma meureumpok gata ngon Tuhan", "Kitab teuh yoh nyan geujok le bagah Soe-soe nyang geujok kitab rot uneun", "Keunira jih nyan leupah that mudah", "Geuwoe bak rakan ngon ate seunang", "Nyang kon lagee nyan nyang leupah susah Nyang geujok kitab keu jih rot likot", "Muka laju krot meunyeusai teulah Jikheun ceulaka hana le ubat", "Jitamong ligat lam apui mirah 4 Dalam nuraka laju jitamong", "Uroe jih seunang di jih that leupah Meuseunang-seunang deungon kawom jih", "Jisangka le jih han le meuubah Jisangka han le jiwoe bak Tuhan", "Tapi di Tuhan Neukalon sudah Tuhan nyang Po jih Neukalon buet jih Barangpeue buet jih beuna ngon salah", "Ulon meusumpah ngon awan seunja", "Ngon malam buta seupot sileupah", "Ngon buleun watee peungeuh meucahya", "Udep dum gata seunang ngon susah Udep lam donya meutingkat-tingkat Na nyang mangat that na reuoh-reuah", "Pakon teuma han jitem meuiman", "Geubeuet Qur’an pih ji peu beuah Geubeuet Qur’an geuyue jih sujud Han jitem sujud teukabo leupah", "Tapi si kaphe han jipateh nyan Sulet bandum nyan di jih jipeugah", "Tuhan Neuteupue dum pikiran jih Dalam atejih jitroh jikeubah", "Tapeuingat jih azeub peudeh that", "Meulengkan umat iman keu Allah Soe nyang meuiman ngon jipubuet got Pahla raya that keu jih geukeubah Hana tom putoh pahla keu jih nyan Karonya Tuhan nyang Maha Murah AL-BURUJ (UMPUNG BINTANG) A"] }, { "chapter": 85, "versesCount": 22, "verses": ["Demi na langet nyang umpung bintang", "Demi uroe nyan nyang ka geupeugah Ka lheuh geujanji uroe nyan teuka", "Nyang kalon teuma ngon nyang deuh leumah", "Ka roe binasa awak kueh uruek y", "Jiboh lam uruek apui hu mirah Jipasoe rujoe dalam apui nyan", "Jiduek di sinan jipoh beurakah", "Peue nyang jipeugot keu ureueng mukmin Jieu di sinan seunang jih leupah", "Nyang jeut jisiksa ureueng meuiman y Sabab ureueng nyan iman keu Allah Allah Perkasa nyang hak tapujoe", "Langet ngon bumoe keurajeun Allah Allah Taʻala Neukalon dumpeue Hana meusapeue pih na meuilah", "Soe nyang fiteunah keu ureueng mukmin Agam ngon inong ureueng meutuah Lheuh jifiteunah pih han jitoubat y Keu jih azeub that nuraka juah Azeub nuraka tutong jih that-that", "Nyang mukmin meuhat nyang seunang leupah e Ureueng meuiman lom geupeubuet got Keu gopnyan teumpat churuga indah y Tle deungon krueng di yup churuga Nyan keuh bahgia nyang.raya leupah", "Azeub Po gata cit leupah that brat s", "Bandum lat batat peuneujeut Allah Phon-phon Neupeujeut teuma Neupeuwoe Neubangket dudoe bandum le Allah", "Droeneuh nyan Tuhan Maha Pengampon Lom gaseh sayang Neuh han ban peugah", "Droeneuh Po ‘arasy lom that mulia", "Ban-ban nyang suka Neupubuet bagah", "Na troh bak gata haba si pai Teuntra si kaphe nyang that seurakah", "Peuraʻun ngon awak Tsamud", "Tapi dum sulet jikheun keu Allah Meunan keuh kaphe dum han jipateh", "Teuma bandum jih Neueu le Allah Tuhan di likot jih Neukalon jih Neuteupue buet jih beuna ngon salah", "Tapi atra nyan Qur'an mulia", "Bak Lauh phon mula sideh geukeubah Lauh nyan geujaga Neuyue le Tuhan Barangsoe keunan han troh jilangkah"] }, { "chapter": 86, "versesCount": 17, "verses": ["Demi na langet ngon bintang thariq", "Peue bintang thariq jeut teuh tapeugah", "Nyan saboh bintang nyang hu meucahya", "Dum manusia na soe nyang papah Hana meu sidroe nyang tan soe jaga Dum manusia Neubri le Allah", "Pakon han jieu le manusia Neupeujeut mula peue jih le Allah", "Neupeujeut jih nyan bak ie teupanca", "Lam rahim bunda phon-phon bak ayah Lam lungkiek keuieng sideh di dalam", "Teuma cit Tuhan kuasa leupah Ek Neupeuwoe jih ‘oh lheuh mate jih", "Bak uroe dum jih rahsia teuhah Bandum rahsia teuhah uroe nyan", "Hana roe insan nyang ek peusiblah Hana le teuka hana soe tulong Cit teuhah bandum beuna ngon salah", "Demi nyoe langet nyang peuwoe ujeun", "Bumoe nyoe meutheun deungon blah bicah Tanam-tanaman sinoe nyang meutheun", "Keubit Qur'an narit peumisah Nyang got ngon jeuheut hana le saban", "Kon narit wayang bukon beurakah", "Awak nyan keubit jimita daya Jipubuet dacha jimita hilah", "Di Lon pih keu jih Lon peugot daya", "Tayue preh masa bak kaphe jadah Tapeutanggoh jih jipreh sikeujap ‘Oh Iheuh nyan meuhat keu jih geubalah"] }, { "chapter": 87, "versesCount": 19, "verses": ["Takheun teuseubeh tapujoe Tuhan Takheun Nan Tuhan nyang manyang leupah", "Tuhan nyang peujeut bandum lat batat Seupureuna that peuneujeut Allah", "‘Oh Iheuh Neukada Neutunyok teuma", "Naleung dum teuma udep jroh leupah Na padum na trep naleung nyan ijo", "Lheuh nyan Neupeutho rupa meuubah", "Di Kamoe teuma meupeubeut gata Bek teuwo gata taseubot Allah", "Meulengkan peue nyang ka kheundak Tuhan Keubit di Tuhan Neuteupue sudah Peue nyang deuh nyata got pih nyang meusom Neuteupue bandum hana meuilah", "Kamoe peumudah keu gata jalan Nyang jeut keu seunang bahgia leupah", "Teuma di gata beu tapeuingat Meunyo munaphaʻat raya phaedah", "Soe nyang teumakot di jih keu Tuhan Jeut peulajaran peue nyang tapeugah", "Nyang han tem pateh cit si ceulaka", "Apui nuraka raya sileupah Keunoe jitamong soe nyang ceulaka", "Sinan sengsara hanaban peugah Mate jih pih han udep jih pih han", "Teuma nyang seunang ureueng meutuah Ureueng peugleh droe ngon geumeuiman", "Geuseubot Tuhan sabe di babah Geuingat Tuhan lom geuseumbahyang", "Tapi that sayang gata dum salah Gata dum galak keu udep donya", "Akhirat teuma nyang leubeh indah Lom leubeh keukai seulama-lama", "Atra nyoe beuna ka lheuh geupeugah Ka lheuh geutuleh lam kitab jameun", "Kitab Ibrahim geunaseh Allah Lam Kitab Musa pih ka geusurat Haba beuna that tan na meusalah"] }, { "chapter": 88, "versesCount": 26, "verses": ["Na troh bak gata haba kiamat", "Muka dum meuhat uroe nyan mirah Ulee teukukui taeu hina that", "Buet leupah that brat ngon hek sileupah", "Dalam nuraka jilop le ligat Apui tutong that hanaban peugah", "Mata ie tutong sideh geucok ie Nyan geubri keu ie tutong that leupah", "Geujok makanan cit boh meuduroe", "Han ek takilo bah deuk sileupah", "Pane puleh deuk pane puleh troe Nyang laen bagoe muka that indah Muka nyang licen taeu uroe nyan", "Leupah that seunang hanaban peugah Buet nyang got dilee han sia-sia", "Dalam churuga manyang that leupah", "Han tom tadeungo narit nyang kuto", "Ie krueng meusaho ile dum boh bah", "Sinan peuratah dum manyang-manyang", "Ngon glah minuman cit ka geukeubah", "Bantai meusadeu cit ka meuriti", "Ngon permadani teuleung dum indah", "Peue hana jieu di jih dum unta Pakriban rupa geupeujeut sudah", "Pakri geupeuek langet u manyang", "Lom gunong-gunong geupeudong meugah", "Pakriban bumoe geuleung sang data", "Peuingat sigra bandum tapeugah Di gata mantong meu tapeuingat", "Han ek takarat jih nyan tagagah", "Tapi nyang han tem lom pih jikaphe", "Azeub bukon le Neubri le Allah Tuhan bri azeub keu jih raya that", "Dudoe jih meuhat jiwoe bak Allah Keudeh bak Kamoe jiwoe dum meuhat", "Meukira meuhat buet nyang ka leupah"] }, { "chapter": 89, "versesCount": 30, "verses": ["Demi na fajar bak watee suboh", "Ngon malam siploh nyang le phaedah", "Demi nyang geunap deungon nyang ganje", "Malam jak sabe han tom meuubah", "Nyan jeut keu sumpah ureueng meuakai", "Na taeu peue hai ‘Ad nyang seurakah Pakri Po gata Neupeugot keu ‘Ad", "Geudong manyang that di jih jiulah Sideh di Iram geudong jipeugot", "Han tom soe peugot lagee nyan meugah Bak jeut-jeut nanggroe hana lagee nyan", "Tsamud pih meunan jipeugot ulah Batee lam urong jipeugot kuta", "Peuraʻun teuma nyang le that syaukah", "Bandum awak nyan jidarohaka Di dalam donya jipubuet salah", "Le that buet rusak jipubuet sinan", "Neuhukom jih nyan teuma le Allah Neuple treuk azeub uleh Po gata Keu jih nyan teuma hanaban peugah", "Lam sabe Neuluem uleh Po gata Peue jikeurija Neueu le Allah", "Teuma si insan watee Neucuba Neupeumulia jih nyan le Allah Neubri ngon nikmat jikheun le sigra Neupeumulia lon nyoe le Allah", "Meunyo Neucuba Neukot raseuki Jih kureueng Neubri jikheun le bagah Ka Neupeuhina lon le Tuhanlon", "Tapi gata dum buet teuh ka salah Hana tahiroe keu aneuk yatim", "Keu ureueng gasien pih han taindah Hana tamaba tabri makanan Akan ureueng nyan nyang dalam susah", "Lom pih tapajoh arta pusaka Hana takira bateu deungon sah", "Lagi tagalak that keu areuta Got that tacinta hanaban peugah", "Tapi ‘oh watee bumoe meuguncang Ka meutang ilang bandum blah bicah", "Peurintah Tuhan ngon malaikat Dum malaikat meubareh bagah", "Uroe nyan geuba deungon nuraka Dum manusia uroe nyan teulah Bandum teuingat buet dalam donya Teuma peue guna ingat keu salah", "Jikheun treuk pakon di lon uroe jeh Hana lon pateh peue nyang peurintah Keu beukai udep hana lon pubuet", "Teuma geuazeub saket that leupah Hana nyang azeub lagee uroe nyan Nyang beu ek saban ngon azeub Allah", "Hana nyang ikat lagee uroe nyan Nyang beu kong saban ngon rante Allah", "Hai nyawong nyang gleh teunang ngon aman", "Jak woe bak Tuhan laju beu bagah Tajak woe laju ubak Po gata Sama tarila ngon rila Allah", "Jak tamong sapat ngon dum hamba Lon", "Lam churuga Lon tatamong bagah"] }, { "chapter": 90, "versesCount": 20, "verses": ["Ulon meusumpah deungon nanggroe nyoe", "Gata di sinoe gohlom taminah", "Demi lom ayah ngon aneuk gopnyan Nyang jeut bak gopnyan bak asaliyah", "Ka Kamoe peujeut dum manusia Dawok keurija susah ngon payah", "Peue na jisangka hana nyang teuka Nyang ek kuasa bak jih peurintah", "Jikheun di lon le ka abeh arta", "Peue bak jikira nyoe ban jipeugah Peue hana soe eu jih nyan meu sidroe", "Peue kon buet Kamoe peujeut jih sudah Kon Kamoe peujeut dua mata jih", "Dua bibi jih lom deungon lidah", "Kamoe peutunyok jih dua jalan Jeut jijak keunan beuna ngon salah", "Teuma han jijak bak jalan ek cot", "Peue jalan ek cot tacuba peugah", "Tapeulheuh namiet tapeumerdeka", "Got pih tamita ureueng nyang susah Bak uroe deuk that tabri makanan Mangat ureueng nyan hana le susah", "Keu aneuk yatim nyang na keurabat", "Got nyang gasien that hanaban peugah", "Lheuh nyan nak jeut jih lam kawan mukmin Nyang ka meuiman bandum keu Allah Nyang peugah wasiet dum geuyue saba Meugaseh arta bandum geupeugah", "Nyan keuh ureueng nyan ureueng blah uneun", "Nyang kaphe laen teuma meusiblah Awak nyang kaphe keu ayat Kamoe Siblah weil jih nyoe sinan geukeubah", "Keu jih nuraka nyang geutop rapat Di sinan teumpat di jih geukeubah"] }, { "chapter": 91, "versesCount": 15, "verses": ["Demi si Syamsi nyan mata uroe Ngon peungeuh nanggroe hana peue peugah", "Teuma lom buleuen di likot jih nyan", "Singoh uroe trang lom meujeureulah", "Teuma ‘oh malam teutop ngon seupot", "Demi lom langet geubina meugah", "Demi lom bumoe takalon teuleung", "Meunan pih nyawong seumpurna leupah", "Ladom Tuhan bri nyawong nyan meuhat Ladom Neupeujeut takwa keu Allah", "Nyang peugleh nyawong jih meubahgia", "Teuma ceulaka nyang kuto leupah Nyawong jih kuto hana ji peuglah", "Tsamud pih paleh jilawan Allah Jipeugah sulet peue nyang rasul ba That darohaka jih han ban peugah", "Nyang leubeh paleh lam kawan jih nyan Jibeudoh yoh nyan laju le bagah", "Geukheun le rasul ubak awak nyan Nyan unta Tuhan ngon ie watee grah Unta nyan ngon ie jih bek taganggu", "Jikheun peue laku haba jipeugah i Jikheun sulet that jicang ngon unta í Neupeubinasa treuk jih le Allah Jilawan Po jih jipubuet dacha Meu jeut treuk rata bandum jih sudah Rata ngon tanoh dum jih binasa Maha kuasa cit sidroe Allah", "Hana Neutakot sagai di Tuhan Akibat jih nyan han pat jipeugah"] }, { "chapter": 92, "versesCount": 21, "verses": ["Demi ‘oh malam ka seupott buta", "‘Oh uroe teuma peungeuh sileupah", "Neupeujeut agam Neupeujeut inong", "Usaha teuh nyan meupisah-pisah Usaha gata dum macam-macam", "Nyang saboh macam ureueng pemurah Geubri areuta ngon geutakwa", "Lom geupeubeuna peue nyang peurintah Balasan nyang got pih geupeucaya", "Ureueng nyan teuma Kamoe peumudah Kamoe bri mudah jalan keu udep", "Teuma soe nyang kriet laen lom balah Jithee kaya droe tan sapeue hajat", "Jikheun sulet that peue nyang peurintah Balasan nyang got pih han jipateh", "Meubri treuk keu jih jalan nyang susah", "Hana guna le bah le areuta Meu ka binasa teuh tan phaedah", "Nyang bri peutunyok cit hak bak Kamoe", "Meunan pih Kamoe Po bandua blah Akhirat donya pih atra Kamoe", "Gata dum jinoe teuma Lon peugah Haba peuingat Lon kheun bak gata Apui nuraka tutong that leupah", "Nyang tamong keunan cit ureueng paleh", "Nyang han tem pateh peue nyang peurintah Jikheun nyan sulet jipaleng muka", "Soe nyang takwa teuma meutuah Ureueng nyan han toe deungon nuraka", "Geubri areuta zakeut seudeukah Geupeugleh atra deungon droe gopnyan", "Teuma bandum nyan akan geubalah Balasan nikmat teuma han geubri", "Meulengkan suci ate ikheulah Geuharap sagai rila Po gopnyan Nyang Maha Manyang ngon Maha Murah", "Meunyo na meunan jeut rila ate Seunang bukon le got that beunalah"] }, { "chapter": 93, "versesCount": 11, "verses": ["Demi ‘oh beungoh jiteubiet uroe", "Malam pih jinoe seungue that leupah", "Kon na Po gata Neutinggai gata Neubeunci gata atawa marah", "Teuma nyang akhe nyang got keu gata Nibak nyang mula meu hana tuah", "Teuma Po gata Neubriì keu gata ‘Oh dudoe teuma seunang teuh leupah", "Kon gata dilee cit aneuk yatim Teuma Neulindong gata le Allah", "Yoh gata sisat hana soe tunyok Teuma Neutunyok gata bek salah", "Yoh gata gasien hana areuta Neubri treuk kaya gata le Allah", "Teuma si yatim bek that taparan Jeut barangkaban sabab tan ayah", "Ureueng meulakee pih bek tadhot-dhot Muka teuh pih krot tangieng meusalah", "Meunyo na nikmat nibak Po gata Neubri keu gata tapeugah-peugah"] }, { "chapter": 94, "versesCount": 8, "verses": ["Kon na Kamoe plah roe dada gata", "Kamoe cok dacha teuh meu na salah", "Mangat bek geuhon gata meularat", "Lom meubri pangkat teuh manyang leupah", "Keubit meu susah awai meularat Bak akhe meuhat seunang ngon mudah", "Bit meunyo susah awai meularat Bak akhe meuhat seunang ngon mudah", "Teuma ‘oh lheuh tapubuet ibadat Usaha ligat ngon susah payah", "Ubak Po gata taingat ligat Beu keubit that-that cinta keu Allah"] }, { "chapter": 95, "versesCount": 8, "verses": ["Demi boh ara deungon boh zaitun", "Buket Thursina nyang meuseujarah", "Demi nanggroe nyoe nyang that-that aman", "Meupeujeut insan leupah that indah Kamoe peujeut jih that seumpureuna", "‘Oh lheuh nyan teuma Kamoe peureundah Kamoe peutren jih bak paleng miyup Nyan balaku buet jih le that salah", "Meulengkan ureueng nyang na meuiman € Ngon amai jih nyan pih got that leupah Nyan pahla keu jih han putoh-putoh", "Boh pakon cit roh gata lam salah Tapeugah sulet uroe kiamat", "Peue kon Hadharat kuasa leupah Peue dih kon Tuhan hakim nyang ade Hana nyang sabe hakim ngon Allah"] }, { "chapter": 96, "versesCount": 19, "verses": ["Tabaca leh ngon Nan Tuhan gata Nyang peujeut gata dum ngon blah bicah", "Neupeujeut insan darah saboh cak", "Takheun beu galak peue nyang peurintah Tuhan Po gata nyang that geumaseh", "Neuyue teumuleh meureunoe bagah Tuhan peureunoe tuleh ngon kalam", "Bandum na insan bek sagai malah Tuhan peureunoe jih barangkapeue Nyang goh jiteupue dum le sileupah", "Tapi si insan cit darohaka", "Jieu droe kaya ureueng nyang meugah", "Bandum cit jìwoe bak Tuhan gata", "Na taeu teuma awak nyang salah", "Jijak tham hamba pubuet seumbahyang", "Taeu keu gopnyan peutunyok Allah", "Atawa geuyue takwa keu Tuhan", "Na taeu jih nyan ka laen ulah Jikheun nyan sulet jijak ho laen Muka jipaleng ngon jipeubeuah", "Peue han jiteupue Tuhan Neukalon", "Tapi meunyo han jipiyoh salah Meu han jipiyoh buet jih lagee nyan Bak ulee jih nyan Kamoe poh reubah", "Ulee sulet that jipeugot dacha", "Boh hai chedara keuh yue peusiblah", "Kamoe pih meuhoi pawang nuraka Malek nyang raja Az-Zabaniyah I", "Tapi bek gata taturot jih nyan Tasujud mantong peurap ngon Allah"] }, { "chapter": 97, "versesCount": 5, "verses": ["Kamoe peutren nyan bak malam kadar", "Peue malam kadar jeut teuh tapeugah", "Malam kadar nyan siribee buleun Leubeh got lom nyan Neukheun le Allah", "Dum malaikat ngon roh malam nyan Geutron dum keunan ngon izin Allah Bandum urusan izin Po gopnyan", "Saleum ngon aman malam meutuah Malam nyan sampoe ‘an teubit fajar Malam mulia Neubri le Allah"] }, { "chapter": 98, "versesCount": 8, "verses": ["Awak nyang kaphe dum ahli kitab Muchrek pih meuhat saban peuneugah Han lom jikeubah agama jih nyan Meu goh troh keunan dali trang leupah", "Nyoe ka troh rasul utusan Tuhan Geuba ngon peusan sideh bak Allah Kitab nyang suci geuba dum sajan", "Asoe di dalam bandum peurintah Meutuleh sinan jalan nyang teupat", "Di ahli kitab teuma meupisah Meupisah dum jih watee lheuh teuka Dali nyang nyata nyan rasul Allah", "Kon na peue laen nyang geuyue bak jih Jileumah le jih beu sidroe Allah Ikheulah ate jih keu agama Suci ngon beuna bek na meuilah Pubuet seumbahyang ngon jibri zakeut Bandum jipubuet bek na meusalah Nyan keuh agama jalan nyang teupat Suroh Hadharat bak jih geupeugah", "Teuma si kaphe dum ahli kitab Muchrek pih meuhat saban geubalah Dalam nuraka teumpat awak nyan Keukai jih sinan lam apui mirah Nyan keuh awak nyan makheuluk Tuhan Nyang brok hanaban jeuheut sileupah", "Ureueng meuiman lom geupubuet got Nyan keuh nyang that got makheuluk Allah", "Balasan gopnyan nibak Po gopnyan Churuga ‘adnen leupah that indah Je krueng dum ile di yup churuga 4 Keukai simasa sinan geukeubah Tuhan Neurila akan ureueng nyan Meunan pih gopnyan rila keu Allah Ureueng nyang takot akan Po gopnyan Nyan keuh balasan Neubri le Allah"] }, { "chapter": 99, "versesCount": 8, "verses": ["Watee jigok-gok bumoe le geumpa Nyan geumpa raya hanaban peugah", "Asoe lam bumoe jipeuteubiet le Geuhon bukon le bandum jiruah", "Watee nyan insan jikheun peue nyoe ka", "Bumoe kheun sigra teuma jipeugah", "Atra nyoe bandum wahi bak Tuhan Po gata Neukheun dum Neuyue ruah", "Uroe nyan teubiet dum manusia Meulaksin laksa le han ek peugah Meubagoe macam taeu uroe nyan Amai jih sinan dum geupeuleumah", "Barangsoe pubuet ube dhoi nyang got Jikalon meuhat teuma geubalah", "Barangsoe pubuet ube dhoi jeuheut Jikalon meuhat teuma geubalah"] }, { "chapter": 100, "versesCount": 11, "verses": ["Demi guda prang jiplueng teuga that Jilumpat-lumpat ngon meuh‘“ah-meuh‘ah", "Jisipak batee ngon ukee guda Meukilat cahya jipo meuk mirah", "Bak watee suboh jiseureubu dilee", "Jikeupong abee hana ban peugah", "Diteungoh-teungoh pasukan musoh Keunan keuh jibloh dum guda meugah", "Keubit si insan na sipheut batat Po jih Hadharat di jih jibantah", "Atra nyan keudroe jiteupue meuhat", "Lom atra le that galak jih leupah Leupah that galak jih keu areuta", "Peue tan jikira ‘oh dudoe susah Peue han jiteupue watee geubangket ‘Oh Iheuh padum trep kubu geupeuhah", "Peue nyang lam dada jisom lam ate Watee nyan ase bandum geupeugah", "Peue nyang jipubuet sigala rupa Tuhan jih teuma Neuteupue sudah"] }, { "chapter": 101, "versesCount": 11, "verses": ["Uroe Qariʻah uroe kiamat", "Tapeugah siat peue roh Qariʻah", "Na roe tateupue peue Qariʻah nyan", "Insan watee nyan hanaban peugah Meusiseu bandum meuhambo yoh nyan Ka lagee bambang dalam blang luah", "Buket ngon gunong sang bulee gapeuh Lagee ka geupruh meuhambo sudah", "Teuma barangsoe nyang brat timbangan", "Seunang that gopnyan udep lam mewah", "Teuma barangsoe nyang phui timbangan", "Teumpat awak nyan dalam hawiyah", "Na roe tateupue peue hawiyah nyan", "Tutong hanaban nuraka juah"] }, { "chapter": 102, "versesCount": 8, "verses": ["Kamoe peulale bandum na gata Meulale arta meumeugah-meugah", "Sampoe ‘an talop u dalam kubu", "Tapi nyan laju tateupue salah", "Lheuh nyan cit keubit akan tateupue", "Meunyo tateupue cit jeut keu susah Meunyo tateupue ngon tapeuyakin", "Cit taeu jahim nuraka juah Keubit cit taeu teuma nuraka", "Lheuh nyan cit sigra takalon bagah Watee nyan keubit taeu ngon mata Yakin bak mata han le tabantah", "Lheuh nyan geutanyong treuk bak dum gata Boh jinoe ho ka nikmat le leupah Geutanyong bandum uroe nyan nikmat Dilee gata that meumeugah-meugah"] }, { "chapter": 103, "versesCount": 3, "verses": ["Demi na masa dilee ngon dudoe", "Insan dum rugoe hanaban peugah", "Meulengkan ureueng nyang na meuiman f Lom amai gopnyan pih got sileupah Geubri nasehat bak buet nyang beuna £ Suroh Rabbana bek roh takeubah Geubri nasehat beu le that saba Barangpeue teuka teunang ngon tabah"] }, { "chapter": 104, "versesCount": 9, "verses": ["Ceulaka that-that ureueng kheun keu gop Ureueng upat gop dum jipeusalah", "Lom ngon areuta dum jipeusapat Galak jih that-that jibileung bagah", "Jisangka keukai jih ngon areuta", "Tapi geutampa jih lam Huthamah", "Na roe tateupue peue Huthamah nyan", "Nuraka Tuhan tutong that leupah Apui hu sabe dalam nuraka", "Jiek lam dada ate pih bicah", "Keu jih nuraka nyang geutop rapat", "Lom jih geuikat bak tameh reubah"] }, { "chapter": 105, "versesCount": 5, "verses": ["Hana taeu roe pakriban rupa Buet Tuhan gata keu teuntra gajah", "Peue kon Neupeugot daya jih sisat Teusiya meuhat buet jih nyang salah", "Neukirem keu jih ticem ababil", "Ngon batee sijjil jirhom jih bagah", "Jeut treuk bandum jih lagee on luroh Ka ulat pajoh dum jiseurakah"] }, { "chapter": 106, "versesCount": 4, "verses": ["Keu mangat ate dum ureueng Qureh", "Jeutjijak keudeh mita napakah Bak musem sijuek ngon musem seuuem Jijak keudeh dum lua daerah", "Teuma wajeb jih jiseumah Tuhan Nyang Po rumoh nyan cit Po Baitullah", "Tuhan keuh nyang bri makanan keu jih È Mangat bek deuk jih hana napakah Tuhan peuaman jih bek teumakot Musoh jisurot han jijeut gagah E S EA N A AE S ES"] }, { "chapter": 107, "versesCount": 7, "verses": ["Na roe takalon ureueng peusulet Uroe kiamat jikheun beurakah", "Nyan ureueng nyang dhot dum aneuk yatim", "Keu ureueng gasien pih han jipapah Keu ureueng gasien hana jiyue bri Bacut rasuki bek deuk deungon grah", "Teuma ceulaka ureueng seumbahyang", "Nyang jiseumbahyang lale that leupah Hana jipubuet lagee aturan", "Jipubuet dum nyan keu jipeuleumah Hana ikheulah buet jih nyan riya", "Lom hana suka jibri seudeukah"] }, { "chapter": 108, "versesCount": 3, "verses": ["Keubit Kamoe bri keu gata nikmat Kamoe bri le that hanaban peugah", "Teuma seumbahyang pujoe Po gata Keureubeun sigra tasie beu bagah", "Ureueng nyang beunci teuma keu gata Putoh meuleua rahmat bak Allah"] }, { "chapter": 109, "versesCount": 6, "verses": ["Takheun le gata bak awak kaphe", "Di lon han sabe nyang gata seumah Peue nyang taseumah di lon han lontem", "Gata han tatem peue nyang lon seumah", "Peue nyang taseumah cit ka han lon tem", "Gata han tatem cit nyang lon seumah", "Di gata ka keuh agama gata Di lon agama ban droe lon peugah"] }, { "chapter": 110, "versesCount": 3, "verses": ["Meunyo ka teuka bantuan Tuhan Ngon keumenangan Neubri le Allah", "Meuduyun-duyun takalon insan È Jitamong dalam agama Allah", "Takheun teuseubeh watee nyan rijang Tapujoe Tuhan ate ngon babah Talakee ampon laju tatoubat Teurimong toubat cit sipheuet Allah"] }, { "chapter": 111, "versesCount": 5, "verses": ["Binasa jaroe si abu Lahab Hana le ubat binasa sudah", "Hana meuguna areuta jih le Usaha jih le tan na phaedah", "Akan jitamong dalam nuraka Apui hu raya takalon mirah", "Di peurumoh jih jiangkot rujoe Bandum nyan teuntee ka jeut keu salah", "Bak takue jih nyan taloe nyang kong that Ngon nyan geuikat jih han soe peuglah"] }, { "chapter": 112, "versesCount": 4, "verses": ["Takheun le gata Allah cit sidroe", "Bandum gata nyoe hajat keu Allah", "Aneuk Neuh hana ayah Neuh hana Tbu pih hana cit sidroe Allah", "Hana meu sidroe pih nyang na saban Ngon Droeneuh Tuhan nyang Maha Murah"] }, { "chapter": 113, "versesCount": 5, "verses": ["Takheun lon lakee lindong bak Tuhan Po seukalian makheuluk Allah", "Nibak buet jeuheut makheuluk Tuhan", "Lom jeuheut malam ‘oh seupot sudah", "Lom jeuheut inong nyang pruh-pruh neukue ‘Oh lheuh jikue-kue teuma jirajah", "Lom jeuheut ureueng nyang pubuet deungki Watee jideungki keu hamba Allah"] }, { "chapter": 114, "versesCount": 6, "verses": ["Takheun lon lakee lindong bak Tuhan Po bandum insan hana meuilah", "Droeneuh nyan raja dum manusia", "Tuban jih teuma nyang hak jiseumah", "Nibak buet jeuheut weh-weuh bak chetan Takalon cit tan chetan seurakah", "Jijak peuweh-weueh lam dada insan Nyan keuh jih chetan nyang hana leumah", "Na jeuneh bak jen na manusia Jih nyan bandua chetan seurakah"] }]