line_no,text,lg,l_id,folio,col,speaker
1,Pour ce que de bien faire Ne puet nul mal venir,1,l-215v-1-1,215v,1,
2,Veil d'un fait merveilleus Ma parole tenir,1,l-215v-1-2,215v,1,
3,/La Vierge qui de grace Set les ſiens raemplir,1,l-215v-1-3,215v,1,
4,Gart treſtouz ceulz et celles Qui nous voudꝛont oir,1,l-215v-1-4,215v,1,
5,Douce gent es croniques De /Saint Denis en /France.,2,l-215v-1-5,215v,1,
6,Voit on moult de merveilles Mais ſachez ſanz doutance,2,l-215v-1-6,215v,1,
7,Celles de /Romme ſont; De trop plus grant ſuſtance.,2,l-215v-1-7,215v,1,
8,S'en oꝛrez ſ'il vous plaiſt Belle ſenefiance.,2,l-215v-1-8,215v,1,
9,Une noble pucelle Plainne de grant biauté,3,l-215v-1-9,215v,1,
10,Fille fu l'emperere; De /Romme la cité,3,l-215v-1-10,215v,1,
11,Qui ſouffri en ceſt ſiecle Tant de grant cruauté,3,l-215v-1-11,215v,1,
12,N'eſt nulz ſ'il oit retraire Qui n'en ait grant pitié,3,l-215v-1-12,215v,1,
13,Celle gentil pucelle Fu nommee Flourence.,4,l-215v-1-13,215v,1,
14,Qui moult ot a ſouffrir De cruel peſtilence,4,l-215v-2-1,215v,2,
15,En Dieu ſervir avoit Bien miſe ſ'eſperance,4,l-215v-2-2,215v,2,
16,Des que n'ot que .x. ans Ot bonne conſcience,4,l-215v-2-3,215v,2,
17,Voua a /Jhesucriſt Que jamais en ſa vie,5,l-215v-2-4,215v,2,
18,N'avroit a homme nul Charnelle compaignie.,5,l-215v-2-5,215v,2,
19,Puis fu ele parjure S'en ot tant de hachie,5,l-215v-2-6,215v,2,
20,Que l'eſcripture dit De ce ne doutez mie,5,l-215v-2-7,215v,2,
21,C'onques n'en ot tant femme Elle fu eſleue,6,l-215v-2-8,215v,2,
22,A la plus bele choſe Qui adont fuſt veue,6,l-215v-2-9,215v,2,
23,Comment qu'elle feüſt D'oꝛ et de ſoie veſtue,6,l-215v-2-10,215v,2,
24,S'avoit elle la harre Tout en pꝛés ſa char nue.,6,l-215v-2-11,215v,2,
25,Avecques la bonté Et la vraie pensee,7,l-215v-2-12,215v,2,
26,Li ot nostre Seignour Si grant biauté donnee,7,l-215v-2-13,215v,2,
27,Par toutes terres fu De li la renommee,7,l-215v-2-14,215v,2,
28,.I. roy la voult avoir A moullier eſpouſee,7,l-215v-2-15,215v,2,
29,La pucelle qui n'ot ſoing De nul charnel deſirs,8,l-215v-2-16,215v,2,
30,Car elle ot ſon cuer mis Ou /tres douz Jhesucris,8,l-215v-2-17,215v,2,
31,Ne le vout eſpouſer Li roys ot tel deſpis,8,l-215v-2-18,215v,2,
32,Par moult fier mautalent Jura touz ſes amis.,8,l-215v-2-19,215v,2,
33,Dont puis convint Maint homme a grant dolour fenir,9,l-216r-1-1,216r,1,
34,La pucelle meiſmes En ot tant a ſouffrir,9,l-216r-1-2,216r,1,
35,C'onques n'en ot plus femme Ce croi je ſanz moꝛir,9,l-216r-1-3,216r,1,
36,Ainſſi com vous oꝛrez Se me voulez oir,9,l-216r-1-4,216r,1,
37,Car le roy que je di Tout ſon eſfoꝛs manda,10,l-216r-1-5,216r,1,
38,En l'empire de /Romme Fierement ſe bouta,10,l-216r-1-6,216r,1,
39,Par foꝛce la pucelle Moult bien avoir cuida,10,l-216r-1-7,216r,1,
40,Mais ſon pere com pꝛeuz En contre li ala,10,l-216r-1-8,216r,1,
41,A l'aſſambler d'eulz ot Moult merveilleuz eſtour,11,l-216r-1-9,216r,1,
42,Le pere la pucelle Y fu navré ce jour,11,l-216r-1-10,216r,1,
43,D'un carrel en ſon chief Paſmez fu de doulour,11,l-216r-1-11,216r,1,
44,Ses hommes l'en menerent A /Romme la majour,11,l-216r-1-12,216r,1,
45,Les barons de la terre Firent grant deſconfoꝛt,12,l-216r-1-13,216r,1,
46,Pour ce que l'emperere Eſtoit navrez a moꝛt,12,l-216r-1-14,216r,1,
47,Sa fille la pucelle Demenoit duel trop foꝛt,12,l-216r-1-15,216r,1,
48,Son pere li diſt fille Par foi vous avez toꝛt,12,l-216r-1-16,216r,1,
49,Quant plourez devant moi Car vous me faites pis,13,l-216r-1-17,216r,1,
50,Que le mal que je ſent Le roy de paradis,13,l-216r-1-18,216r,1,
51,Vous veille confoꝛter Douce fille gentis,13,l-216r-1-19,216r,1,
52,Qu'au jour d'ui perdez .I. de vos meilleurs amis,13,l-216r-2-1,216r,2,
53,La moꝛt me tient au cuer Je muir a trop grant rage,14,l-216r-2-2,216r,2,
54,Que ceulz qui m'ont occis Tenront mon heritage,14,l-216r-2-3,216r,2,
55,Il honniront la terre Et metront en ſervage,14,l-216r-2-4,216r,2,
56,Sa fille li diſt pere Ci a griés mariage,14,l-216r-2-5,216r,2,
57,Quant ſon pere ſenti Qu'il le convient moꝛir,15,l-216r-2-6,216r,2,
58,Il a dit a ſes homme Je vous lo ſanz mentir,15,l-216r-2-7,216r,2,
59,Volentiers m'acoꝛdaiſſe C'on la feïſt plevir,15,l-216r-2-8,216r,2,
60,A homme qui peüſt L'empire garantir,15,l-216r-2-9,216r,2,
61,Car plus aiſe moꝛroie S'elle eſtoit aſſenee,16,l-216r-2-10,216r,2,
62,Adonques eſt Flourence Hautement eſcriee,16,l-216r-2-11,216r,2,
63,Chier pere j'ai a Dieu Ma chaasté vouee,16,l-216r-2-12,216r,2,
64,Se je me marioie Je ſeroie dampnee,16,l-216r-2-13,216r,2,
65,Puis que pour moi moꝛez Diex qui tous les biens livre,17,l-216r-2-14,216r,2,
66,Ne veille qu'apꝛés vous .I. treſtout ſeul jour vive,17,l-216r-2-15,216r,2,
67,Adonques fu mandé .I. pꝛeſtre a tout ſon livre,17,l-216r-2-16,216r,2,
68,Le filz du roy li firent Fiancier a delivre.,17,l-216r-2-17,216r,2,
69,On ne ſavoit el monde Chevalier plus iſnel,18,l-216v-1-1,216r,2,
70,Ne plus loial de li Il fu courtois et bel,18,l-216v-1-2,216r,2,
71,Mais il avoit .i. frere Qui n'eſtoit pas autel.,18,l-216v-1-3,216v,1,
72,Pis valoit que /Cain Qui miſt a moꝛt /Abel.,18,l-216v-1-4,216v,1,
73,Qui a la damoiſele Fiſt puis tant de toꝛment,19,l-216v-1-5,216v,1,
74,Onques tant n'en ſouffri Femme de ſon vivant,19,l-216v-1-6,216v,1,
75,Mais puis en ot li glous Dolereus paiement,19,l-216v-1-7,216v,1,
76,Ainſſi com vous oꝛrez Recoꝛder bien bꝛiefment,19,l-216v-1-8,216v,1,
77,Le roy fu enterré Dedenz une chapelle,20,l-216v-1-9,216v,1,
78,Grant duel mena ſa fille A /la virge Pucelle,20,l-216v-1-10,216v,1,
79,Se complaignoit ſouvent La noble damoiſele,20,l-216v-1-11,216v,1,
80,Celui qui l'ot plevie La pꝛiſt par la main belle,20,l-216v-1-12,216v,1,
81,Et li diſt douce ſuer Ne ſoiez en fricon,21,l-216v-1-13,216v,1,
82,De la moꝛt vostre pere grant vengance pꝛendꝛon,21,l-216v-1-14,216v,1,
83,Aincois que vous eſpouſe Ceulz de l'oſt deſtruiron,21,l-216v-1-15,216v,1,
84,Adont ſ'ala armer Et maint autre baron,21,l-216v-1-16,216v,1,
85,Hoꝛs de la vile iſſirent Moult noblement armez,22,l-216v-1-17,216v,1,
86,Cil par qui leur ſeigneur Avoit eſté tuez,22,l-216v-1-18,216v,1,
87,Aſſaillirent ſi foꝛt Que tout maugré leur nez,22,l-216v-1-19,216v,1,
88,Jusqu'a .i. poꝛt de mer Les ont fuiant menez,22,l-216v-1-20,216v,1,
89,Le roy qui par ſa foꝛce Vouloit avoir amie.,23,l-216v-2-4,216v,1,
90,Entra en une nef Pour garantir ſa uie,23,l-216v-2-5,216v,2,
91,Mais le franc damoiſel Qui la belle ot plevie,23,l-216v-2-6,216v,2,
92,Apꝛés li ſe feri Par moult grant aramie,23,l-216v-2-7,216v,2,
93,Car grant deſir avoit Que par lui fuſt occis,24,l-216v-2-8,216v,2,
94,Que demourer li peüſt Flourence o le cler vis,24,l-216v-2-9,216v,2,
95,Par ſon hiaume l'a pꝛis La l'eüſt a moꝛt mis,24,l-216v-2-10,216v,2,
96,Quant il ſ'agenoulla Et li cria mercis,24,l-216v-2-11,216v,2,
97,Tant li pꝛomiſt a faire que il le reſpita,25,l-216v-2-12,216v,2,
98,Mais tant comme il parloient Leur nef ſe deſriva,25,l-216v-2-13,216v,2,
99,Par la foꝛce du vent Vers /Greſce ſ'en ala,25,l-216v-2-14,216v,2,
100,Ceulz de /Romme le virent Chaſcun grant duel mena,25,l-216v-2-15,216v,2,
101,Ens ne poꝛrent ſaillir Pour celui ramener,26,l-216v-2-16,216v,2,
102,A qui li emperere Voult ſa fille donner,26,l-216v-2-17,216v,2,
103,Quant ſon frere leur diſt Seignours leſſiez eſter,26,l-216v-2-18,216v,2,
104,Oiez de quel malice Il ſ'ala pourpenſer,26,l-216v-2-19,216v,2,
105,A ceuz de /Romme diſt Savez que nous feron,27,l-216v-2-20,216v,2,
106,Certes mon frere eſt moꝛt Jamais ne le verron.,27,l-216v-2-21,216v,2,
107,Mais ſe vous voulez faire Mon talent et mon bon,27,l-216v-2-22,216v,2,
108,Je vous donrai a touz Oꝛ et argent foiſon.,27,l-216v-2-23,216v,2,
109,Pour tant que teſmoingn[i]és Quant a /Romme vendꝛés,28,l-217r-1-1,217r,1,
110,Que mon freres eſt moꝛt Et a ſa fin alez,28,l-217r-1-2,217r,1,
111,Et qu'i me fiſt jurer Quant a moꝛt fu navrez,28,l-217r-1-3,217r,1,
112,Que Flourence pꝛendꝛoie Vous le teſmoignerez,28,l-217r-1-4,217r,1,
113,Et me ſouſtendꝛez tant Que j'aie la baillie,29,l-217r-1-5,217r,1,
114,De Flourence la belle Que mon frere ot plevie,29,l-217r-1-6,217r,1,
115,Et je ne vous faudꝛai Jamais jour de ma vie,29,l-217r-1-7,217r,1,
116,Adonques ſ'acoꝛderent De Rommains grant partie,29,l-217r-1-8,217r,1,
117,Mais il en y ot .ii. Qui diſtrent a cler ton,30,l-217r-1-9,217r,1,
118,Fole gent deſloial Creez vous cel glouton,30,l-217r-1-10,217r,1,
119,Qui a trai ſon frere Ja tant com nous vivon,30,l-217r-1-11,217r,1,
120,Il n'avra la pucelle Loꝛs diſt le faus larron,30,l-217r-1-12,217r,1,
121,A ceulz qui a la fraude S'eſtoient acoꝛdez,31,l-217r-1-13,217r,1,
122,Seignours diſt il pour Dieu La vengange pꝛenez,31,l-217r-1-14,217r,1,
123,De ceuz qui me mesdient Loꝛs eſt outre paſſez,31,l-217r-1-15,217r,1,
124,L'un des .ii. pꝛeudes hommes A maintenant tuez,31,l-217r-1-16,217r,1,
125,A terre chay moꝛt Quant li autres le vit,32,l-217r-1-17,217r,1,
126,Par doutance de moꝛt Au faus parjure diſt,32,l-217r-1-18,217r,1,
127,Qu'il feroit ſon talent Loꝛs miſtrent ſanz reſpit,32,l-217r-1-19,217r,1,
128,Le coꝛs en une biere A la voie ſe miſt,32,l-217r-2-1,217r,2,
129,Le plus mauvais devant Et les autres derriere,33,l-217r-2-2,217r,2,
130,[Diſt ]Miles leur ſeigneur Dites qu'en ceſte biere,33,l-217r-2-3,217r,2,
131,Giſt Eſmeré mon frere Et faites mate chiere,33,l-217r-2-4,217r,2,
132,Loꝛs entrerent a /Romme En ſi faite maniere,33,l-217r-2-5,217r,2,
133,Et diſoient aus gens Que moꝛt en la mellee,34,l-217r-2-6,217r,2,
134,Fu le franc chevalier. Plain de grant renommee,34,l-217r-2-7,217r,2,
135,A qui li empereres; Ot ſa fille donnee,34,l-217r-2-8,217r,2,
136,La pucelle l'oÿ Foꝛment fu effraee,34,l-217r-2-9,217r,2,
137,Vers la biere ſ'en vint La pucelle au cler vis,35,l-217r-2-10,217r,2,
138,Du duel ſ'eſcria haut Tres douz loiaus amis,35,l-217r-2-11,217r,2,
139,Bien maudire devroie L'eure que je tant vis,35,l-217r-2-12,217r,2,
140,Laſſe tant nobles hommes Sont pour mon coꝛs ocis,35,l-217r-2-13,217r,2,
141,Laſſe bien me devroit La terre trangloutir,36,l-217r-2-14,217r,2,
142,L'autre jour vi pour moi Mon chier pere mourir,36,l-217r-2-15,217r,2,
143,A .i. franc chevalier. M'avoit faite plevir,36,l-217r-2-16,217r,2,
144,Oꝛ eſt il pour moi moꝛt Je me doi bien hai,36,l-217r-2-17,217r,2,
145,Flourence diſt vrai Diex Comme dure plevine,37,l-217r-2-18,217r,2,
146,Je ſui bien de touz poins Demouree oꝛfeline,37,l-217r-2-19,217r,2,
147,Oꝛ vou ge de bon cuer A /la haute Royne,37,l-217v-1-1,217v,1,
148,Que jamais de mon coꝛs N'avra homs ſaiſine,37,l-217v-1-2,217v,1,
149,Puis que celui eſt moꝛt A cui me creanta.,38,l-217v-1-3,217v,1,
150,Mon pere par amours Adont Milles parla,38,l-217v-1-4,217v,1,
151,Et diſt belle tielz mos Pour Dieu ne dites ja.,38,l-217v-1-5,217v,1,
152,Car a ſon treſpaſſer Mon frere commanda,38,l-217v-1-6,217v,1,
153,Devant les haus barons Que je vous eſpouſaſſe,39,l-217v-1-7,217v,1,
154,Et pour lui que l'empire De /Romme gouvernaſſe,39,l-217v-1-8,217v,1,
155,Flourence reſpondi A ſa voiz qu'elle oſt baſſe,39,l-217v-1-9,217v,1,
156,Mile foi que doi Dieu Miex ameroie eſtre arſe,39,l-217v-1-10,217v,1,
157,Vous n'eſtes pas preudome Je le ſai vraiement,40,l-217v-1-11,217v,1,
158,Quant veez vostre frere Moꝛt devant em pꝛeſent,40,l-217v-1-12,217v,1,
159,Et de vous marier Parlez ſi haſtieument,40,l-217v-1-13,217v,1,
160,Par foi ne vous pꝛendꝛoie Pour cent mil mars d'argent,40,l-217v-1-14,217v,1,
161,Adonques reſpondi Miles le loſengier,41,l-217v-1-15,217v,1,
162,Par foi vous eſtes moie Poi pꝛis vostre dangier,41,l-217v-1-16,217v,1,
163,A ceulz de ſon acoꝛt A dit franc chevalier,41,l-217v-1-17,217v,1,
164,Prenez la veille ou non Menez la au mouſtier,41,l-217v-1-18,217v,1,
165,Quant le coꝛs i ert en terre Tantoſt l'eſpouſerai,42,l-217v-1-19,217v,1,
166,Le chevalier l'oÿ Qui ſ'eſtoit acoꝛdé,42,l-217v-2-1,217v,2,
167,Maugré ſien a la fraude S'en eſt tantoſt alé,42,l-217v-2-2,217v,2,
168,Au pape ſe li a treſtout; Le voir conté,42,l-217v-2-3,217v,2,
169,En haut li diſt ſaint pere de ce ſoiez certain,43,l-217v-2-4,217v,2,
170,Le coꝛs qui giſt en biere C'eſt mon frere germain,43,l-217v-2-5,217v,2,
171,Mile m'eüſt ocis Quant li creanté a plain,43,l-217v-2-6,217v,2,
172,Que ja ne le diroie A franc ne a vilain,43,l-217v-2-7,217v,2,
173,Je m'acoꝛde par doute A leur grant tricherie,44,l-217v-2-8,217v,2,
174,Eſmeré le courtois Qui Flourence a plevie,44,l-217v-2-9,217v,2,
175,Je croi bien e[s]t tout ſain Et plain de bonne vie,44,l-217v-2-10,217v,2,
176,Mais ſon frere li veult Tolir ſa ſeignourie,44,l-217v-2-11,217v,2,
177,Adonques vint le pappe A la biere garder,45,l-217v-2-12,217v,2,
178,Bien vit n'i ert pas leur ſire Coiement fiſt mander,45,l-217v-2-13,217v,2,
179,Les bourgois de la vile Et puis les fiſt armer,45,l-217v-2-14,217v,2,
180,Le traitour fiſt pꝛendꝛe Et em priſon geter,45,l-217v-2-15,217v,2,
181,Le frere Eſmeré; fu mis en une tour,46,l-217v-2-16,217v,2,
182,Miex veniſt c'on l'eüſt fait Deſtruire celui jour,46,l-217v-2-17,217v,2,
183,Car puis fiſt a Flourence Souffrir tant de dolour,46,l-217v-2-18,217v,2,
184,Que nus ne l'ot retraire Qui n'en ait grant tendꝛour,46,l-217v-2-19,217v,2,
185,Douce gent vous avez Oÿ ſouvent conter.,47,l-218r-1-1,218r,1,
186,Qu'a paine ſe puet on De fauſe gent garder,47,l-218r-1-2,218r,1,
187,D'Eſmeré le courtoiz Veul des oꝛ mais parler,47,l-218r-1-3,218r,1,
188,Qui o le roy de /Grece Fu en la haute mer,47,l-218r-1-4,218r,1,
189,De retourner a /Romme Avoit moult grant talent,48,l-218r-1-5,218r,1,
190,Pour l'amour de Flourence Qui avoit le coꝛs gent,48,l-218r-1-6,218r,1,
191,Auſſiques la pucelle Le deſirroit foꝛment,48,l-218r-1-7,218r,1,
192,Mais tant ala la nef Par la foꝛce du vent,48,l-218r-1-8,218r,1,
193,Qu'a .i. des poꝛs de /Greſſe Arriva le vaiſſel,49,l-218r-1-9,218r,1,
194,Quant le roy de la terre Le vit moult li fu bel.,49,l-218r-1-10,218r,1,
195,Li jonnes empereres Se douta de ſa pel.,49,l-218r-1-11,218r,1,
196,Mais le roy fu pꝛeudons Si li a dit iſnel,49,l-218r-1-12,218r,1,
197,Sire n'aies doutance S'eſtes en ceſt pays,50,l-218r-1-13,218r,1,
198,Je ſui vostre homme lige Car vous m'avez conquis,50,l-218r-1-14,218r,1,
199,Vous n'i arez ja mal Par Dieu de paradis,50,l-218r-1-15,218r,1,
200,Li jonnes empereres Li diſt vostre mercis,50,l-218r-1-16,218r,1,
201,Vous ne povez riens perdꝛe A loiauté mener,51,l-218r-1-17,218r,1,
202,Mais vous ſavez qu'a /Romme Me convient retourner,51,l-218r-1-18,218r,1,
203,La fille l'emperere Doi bꝛiement eſpouſer,51,l-218r-1-19,218r,1,
204,Quant le viex roy l'oÿ Si pꝛiſt a ſouſpirer,51,l-218r-2-1,218r,2,
205,Puis diſt franc damoiſel Je l'ai lonc tans amee,52,l-218r-2-2,218r,2,
206,Mais miex ſera [en] vous Que en moi emploiee.,52,l-218r-2-3,218r,2,
207,Aus noces voudꝛai eſtre Sire ſ'il vous agree,52,l-218r-2-4,218r,2,
208,Adont fu la navie Maintenant apreſtee,52,l-218r-2-5,218r,2,
209,Les nes furent garnies De moult riches treſoꝛs,53,l-218r-2-6,218r,2,
210,Les maiſtres mariniers Firent tant par effoꝛs,53,l-218r-2-7,218r,2,
211,Qu'a .vii. lieues de /Romme Ariverent aus poꝛs,53,l-218r-2-8,218r,2,
212,Quant [F]lourence le ſot Moult ot grant joie loꝛs,53,l-218r-2-9,218r,2,
213,Mais ſa joie tourna Aſſez toſt en triſtreſce,54,l-218r-2-10,218r,2,
214,Flourence qui le cuer Ot plain de gentilleſce,54,l-218r-2-11,218r,2,
215,Son ſerouge qui ot Penſee felonneſſe,54,l-218r-2-12,218r,2,
216,Fiſt iſſir de pꝛiſon Dont elle ot puis deſtreſce,54,l-218r-2-13,218r,2,
217,Mais Flourence le fiſt Pour l'amour ſon ami,55,l-218r-2-14,218r,2,
218,Treſtouz les Romains furent Moult foꝛment eſjoy,55,l-218r-2-15,218r,2,
219,Contre le nouvel roy Alerent ſanz detry,55,l-218r-2-16,218r,2,
220,Flourence vint aprés Son ſerourge avec li,55,l-218r-2-17,218r,2,
221,Ainſſi comme il paſſoient Une foꝛeſt pleniere,56,l-218r-2-18,218r,2,
222,Par la foꝛce du vent Leva ſi grant poudꝛiere,56,l-218r-2-19,218r,2,
223,C'on ne pooit vëoir Ne avant ne arriere,56,l-218v-1-1,218v,1,
224,Loꝛs Miles qui eſtoit Plain de male maniere,56,l-218v-1-2,218v,1,
225,Priſt le frain a la mule Sur quoi la dame ſiſt,57,l-218v-1-3,218v,1,
226,Par une fauſſe ſente Qu'il ſavoiſt bien la miſt,57,l-218v-1-4,218v,1,
227,Bien .iii. lieues plenieres El bois entrer la fiſt,57,l-218v-1-5,218v,1,
228,Aincois que la pucele Point garde ſ'em pꝛeiſt,57,l-218v-1-6,218v,1,
229,Qu'elle cuidoit avoir pꝛés de li ſa maiſnie,58,l-218v-1-7,218v,1,
230,Quant el ſe vit ſi ſeule Foꝛment fu eſbahie,58,l-218v-1-8,218v,1,
231,Qu'elle devint plus blanche Que n'eſt la noif negie,58,l-218v-1-9,218v,1,
232,Loꝛs diſt a ſoi meiſmes Laſſe je ſui traie,58,l-218v-1-10,218v,1,
233,Arreſter ſe cuida Quant li fauz deputaire,59,l-218v-1-11,218v,1,
234,Li a dit douce amie. Pres de moi vous faut traire,59,l-218v-1-12,218v,1,
235,Moult ai pour vostre amour Enduré de contraire,59,l-218v-1-13,218v,1,
236,Adont la voult baiſier; Mais el n'en ot que faire,59,l-218v-1-14,218v,1,
237,Flourence qui n'avoit De ſon afaire cure,60,l-218v-1-15,218v,1,
238,Li diſt en ſoupirant Tres fauſſe creature,60,l-218v-1-16,218v,1,
239,Femme ſui de ton frere Et me requiers laidure,60,l-218v-1-17,218v,1,
240,Celui qui eſtoit chaut Et ardant de luxure,60,l-218v-1-18,218v,1,
241,Errant hoꝛs de la mule Le ſache par grant ire,61,l-218v-1-19,218v,1,
242,Flourence ſ'eſcria Diex aidiez moi ſire,61,l-218v-2-1,218v,2,
243,Oꝛ commencent les paines Et le cruel martyre,61,l-218v-2-2,218v,2,
244,Que la belle ſouffri Si com vous oꝛrez dire,61,l-218v-2-3,218v,2,
245,Son ſerourge l'avoit. en la foꝛeſt menee,62,l-218v-2-4,218v,2,
246,En .i. moult deſert lieu Bien ſavoit la contree,62,l-218v-2-5,218v,2,
247,Coꝛrompꝛe la cuida. Loꝛs ſ'eſt haut eſcriee,62,l-218v-2-6,218v,2,
248,Car me veilliez aidier /Mere Dieu reclamee,62,l-218v-2-7,218v,2,
249,Si voir que n'ai fiance Foꝛs en vostre ſecours,63,l-218v-2-8,218v,2,
250,/Eſcharboucle luiſant Qui cuers plains de dolours,63,l-218v-2-9,218v,2,
251,Enlumines de grace /Foꝛt chaſtel ferme tours,63,l-218v-2-10,218v,2,
252,Ou touz desconfoꝛtez Doivent aler recours,63,l-218v-2-11,218v,2,
253,En vostre ſainte grace Commant mon coꝛs et m'ame,64,l-218v-2-12,218v,2,
254,Et ſi pꝛomet a Dieu Et a vous /haute dame,64,l-218v-2-13,218v,2,
255,Que de ci a .vii. anz A homme ne a femme,64,l-218v-2-14,218v,2,
256,Ne me ferai connoiſtre Pour meſchief /haute jemme,64,l-218v-2-15,218v,2,
257,N'a /Romme n'autre part Ne tendꝛai ſeignourie,65,l-218v-2-16,218v,2,
258,Mes en eſtrange terre Querrai pour Dieu ma vie,65,l-218v-2-17,218v,2,
259,Se je ne t[r]uis ſervice En aucune abaie,65,l-218v-2-18,218v,2,
260,Ou puiſſe demourer Loꝛs l'a li glous ſachie,65,l-218v-2-19,218v,2,
261,A terre l'abati; Moult felonneſſement,66,l-219r-1-1,219r,1,
262,Mais Flourence la belle Se deffendoit foꝛment,66,l-219r-1-2,219r,1,
263,Le glout n'oſa yluec Demourer longuement,66,l-219r-1-3,219r,1,
264,Sus ſon cheval monta Par l'un des bꝛas le pꝛent,66,l-219r-1-4,219r,1,
265,Sus la mule l'aſiſt Puis priſt foꝛt a chacier,67,l-219r-1-5,219r,1,
266,Cel jour paſſa maint tertre Et maint deſruble fier.,67,l-219r-1-6,219r,1,
267,.VII. lieues el bois furent Quant ſouleil dut couchier,67,l-219r-1-7,219r,1,
268,A ceulz de /Romme veul. .I. petit repairier,67,l-219r-1-8,219r,1,
269,Qui contre leur ſeigneur Moult noblement aloient,68,l-219r-1-9,219r,1,
270,Trompes harpes naquaires Et vieles ſonnoient,68,l-219r-1-10,219r,1,
271,Nus ne poꝛroit conter La feſte qu'il faiſoient,68,l-219r-1-11,219r,1,
272,A piece ne penſaſſent Au duel qu'il atendoient,68,l-219r-1-12,219r,1,
273,Esmeré le vaillant; Aſſez toſt encontrerent,69,l-219r-1-13,219r,1,
274,Nus ne vous poꝛroit dire La joie qu'il menerent,69,l-219r-1-14,219r,1,
275,Pour Flourence. la gente Derriere eus regarderent,69,l-219r-1-15,219r,1,
276,Mais quant il ne le virent Moult foꝛment ſ'eſmaierent,69,l-219r-1-16,219r,1,
277,Adonques la cercierent Par la foꝛeſt ramee,70,l-219r-1-17,219r,1,
278,Mais ſon ſerourge l'ot Autre chemin menee,70,l-219r-1-18,219r,1,
279,Car trop ſouffri de maus Ainz que fuſt retoꝛnee,70,l-219r-1-19,219r,1,
280,Ainſſi com vous oꝛrez bꝛiement ſ'il vous agree,70,l-219r-2-1,219r,2,
281,On la quiſt en maint lieus Mais ne valoit noient,71,l-219r-2-2,219r,2,
282,Loꝛs firent ceulz de /Romme Grant duel communaument,71,l-219r-2-3,219r,2,
283,Eſmeré deſſus touz Ot le cuer moult dolent,71,l-219r-2-4,219r,2,
284,Adont li diſt li pappes Bel et courtoiſement,71,l-219r-2-5,219r,2,
285,Comment ſon frere voult La royne eſpouſer,72,l-219r-2-6,219r,2,
286,Et c'on le fiſt par foꝛce En la tour enfermer,72,l-219r-2-7,219r,2,
287,Mais au matin le fiſt Flourence delivrer,72,l-219r-2-8,219r,2,
288,Oꝛ juge qu'i l'a faite Par barat deſtourner,72,l-219r-2-9,219r,2,
289,Loꝛs jura Eſmeré Sus Dieu le dꝛoiturier,73,l-219r-2-10,219r,2,
290,S'il puet ſon larron frere Jamais nul jour baillier,73,l-219r-2-11,219r,2,
291,Que ja fraternité; Ne li avra meſtier,73,l-219r-2-12,219r,2,
292,Que ne le face ardoir Ou tout vif eſcoꝛchier,73,l-219r-2-13,219r,2,
293,Esmeré et ſa gent A /Romme ſ'en entrerent,74,l-219r-2-14,219r,2,
294,Paremens et courtines Tout a terre geterent,74,l-219r-2-15,219r,2,
295,Nulz ne vous poꝛroit dire Le grant duel qu'il menerent,74,l-219r-2-16,219r,2,
296,En mains lienz loins et pꝛez Les meſſages alerent,74,l-219r-2-17,219r,2,
297,Pour querir la pucelle Qui a toꝛt fu traie,75,l-219r-2-18,219r,2,
298,Par foꝛés par deſers L'a li glous tant traitie,75,l-219r-2-19,219r,2,
299,Que ſouz .i. grant rochier Vindꝛent a l'anuitie,75,l-219v-1-1,219v,1,
300,La li fiſt moult de luite Le glouton plain d'envie,75,l-219v-1-2,219v,1,
301,Quant Flourence la belle /Jhesucriſt reclamoit,76,l-219v-1-3,219v,1,
302,Son deſloial ſerourge granz bufés li donnoit,76,l-219v-1-4,219v,1,
303,Puis ſon coutel a pointe Sus ſon pis apointoit,76,l-219v-1-5,219v,1,
304,Mais la douce pucelle Miex a moꝛir vouloit,76,l-219v-1-6,219v,1,
305,Qu'elle fuſt coꝛrompue De li ſi faitement,77,l-219v-1-11,219v,1,
306,Celui qui l'anemi Avoit ſoupꝛis foꝛment,77,l-219v-1-12,219v,1,
307,Du manche du coutel la feroit bien ſouvent,77,l-219v-1-13,219v,1,
308,Et la poignoit es cuiſſes Mais ne li valu nient.,77,l-219v-1-14,219v,1,
309,Quant il fu mienuit Deſouz le rochier vinrent,78,l-219v-1-15,219v,1,
310,Onques il n'i doꝛmirent Ne mengierent ne burent,78,l-219v-1-16,219v,1,
311,Mais les beſtes ſauvages Par le deſert ſ'eſmurent,78,l-219v-1-17,219v,1,
312,Et firent moult grant noiſe Que bien faire le durent,78,l-219v-1-18,219v,1,
313,Miles les oÿ bien Mes gaires ne les priſe,79,l-219v-1-19,219v,1,
314,A coꝛrompꝛe Flourence Ot ſi ſ'entente miſe,79,l-219v-1-20,219v,1,
315,Qu'il ne doutoit riens nee De rechief la repꝛiſe,79,l-219v-1-21,219v,1,
316,Tant li fiſt de deſtreſce Qu'el fu ſi foꝛt aquiſe,79,l-219v-1-22,219v,1,
317,Qu'a paine pooit ele Ne pié ne main ſachier,80,l-219v-1-23,219v,1,
318,Il l'eut coꝛrompue Quant Dieu le dꝛoiturier,80,l-219v-2-1,219v,2,
319,Fiſt .i. ſerpent creſté Deſcendꝛe du rochier,80,l-219v-2-2,219v,2,
320,Loꝛs convint au glouton La pucelle laiſſier,80,l-219v-2-3,219v,2,
321,Quant il vit le ſerpent la main miſt a l'eſpee,81,l-219v-2-4,219v,2,
322,Sifflant ſ'en vint vers lui Com beſt foꝛſenee,81,l-219v-2-5,219v,2,
323,Mais il ſ'en deffendi Com perſonne membꝛee,81,l-219v-2-6,219v,2,
324,Quant Flourence percut D'entre eulz .ii. la mellee,81,l-219v-2-7,219v,2,
325,Tout au miex qu'elle pot Se leva de la place,82,l-219v-2-8,219v,2,
326,En la foꝛeſt ſe miſt. Mes tant y ot grant mace,82,l-219v-2-9,219v,2,
327,De ronces et d'eſpines Que dꝛas coꝛs et viſage,82,l-219v-2-10,219v,2,
328,Li deſrompoient Si c'on veoit bien la trace,82,l-219v-2-11,219v,2,
329,Du ſanc et de la robe Que la belle ot veſtue,83,l-219v-2-12,219v,2,
330,Mais il ne li chaloit Qu'elle fuſt devenue,83,l-219v-2-13,219v,2,
331,Pour tant que ſ'en alaſt Sanz eſtre coꝛrompue.,83,l-219v-2-14,219v,2,
332,Des mains a ſon ſerourge Qui tint l'eſpee nue.,83,l-219v-2-15,219v,2,
333,Tant li aida dëable Que le ſerpent tua,84,l-219v-2-16,219v,2,
334,Puis revint en la place Ou Flourence laiſſa,84,l-219v-2-17,219v,2,
335,Mais quant il ne la vit Moult grant duel demena,84,l-219v-2-18,219v,2,
336,/Jhesucriſt et ſa mere Trop foꝛment maugrëa,84,l-219v-2-19,219v,2,
337,Par deſpit ſe vouloit bouter el coꝛs l'eſpee,85,l-220r-1-1,220r,1,
338,Quant il ot une piece De ſa robe trouvee.,85,l-220r-1-2,220r,1,
339,Pendant a une eſpine Loꝛs ſot bien que paſſee,85,l-220r-1-3,220r,1,
340,Fu par iluec Flourence Qui ſ'eſtoit deſciree,85,l-220r-1-4,220r,1,
341,Tant ala qu'il trouva La trace de ſon ſanc,86,l-220r-1-5,220r,1,
342,Le coꝛs qu'elle avoit tendꝛe Net et poli et blanc,86,l-220r-1-6,220r,1,
343,Fu foꝛment deſciré. En coſté et en flanc,86,l-220r-1-7,220r,1,
344,Miles ataint Flourence Pres d'un petit eſtanc,86,l-220r-1-8,220r,1,
345,Ou plus avoit ſanſues Et laiſardes et dars,87,l-220r-1-9,220r,1,
346,Singes ſerpens et ours Et lyons et lyepars,87,l-220r-1-10,220r,1,
347,Eſcoꝛpions et tingres Souuent de toutes pars,87,l-220r-1-11,220r,1,
348,Il venoient pour boire Moult fu lais li eſſars,87,l-220r-1-12,220r,1,
349,En trop oꝛrible lieu Se fu Flourence miſe,88,l-220r-1-17,220r,1,
350,Miles li faus traitres Si l'a par la main pꝛiſe,88,l-220r-1-18,220r,1,
351,Puis li diſt douce ſuer Trop vous eſtes malmiſe,88,l-220r-1-19,220r,1,
352,Mais vous n'eſchaperez De moi en nule guiſe,88,l-220r-1-20,220r,1,
353,S'arai de vostre coꝛs fait Treſtout mon plaiſir,89,l-220r-1-21,220r,1,
354,Fauz glous ce diſt Flourence Miex voudꝛoie moꝛir,89,l-220r-1-22,220r,1,
355,Adont la repꝛiſt Miles Par merveilleuz air,89,l-220r-1-23,220r,1,
356,Mais ne plot pas a Dieu Qu'il peüſt avenir,89,l-220r-2-1,220r,2,
357,Le fauz glouz qui au dëable S'eſtoit treſtout donné,90,l-220r-2-2,220r,2,
358,Li diſt fauſſe mauvaiſe Vous m'avez enchanté,90,l-220r-2-3,220r,2,
359,Mais ſe Diex et ſes ſainz L'avoient tuit juré,90,l-220r-2-4,220r,2,
360,Si ferai je de vous Tout a ma volenté,90,l-220r-2-5,220r,2,
361,Loꝛs l'a par les .ii. piez A un arbꝛe liee,91,l-220r-2-6,220r,2,
362,L'angoiſſe qu'il li fiſt Ne pot eſtre contee.,91,l-220r-2-7,220r,2,
363,En ſi deſtroit la miſt Qu'il l'eüſt vergondee,91,l-220r-2-8,220r,2,
364,Quant uns ours merveilleuz Entra en la contree,91,l-220r-2-9,220r,2,
365,Loꝛs vers les .ii. perſonnes Moult fierement ſ'en vint,92,l-220r-2-10,220r,2,
366,Et l'oꝛs ſe leva Miles Qui la pucelle tint,92,l-220r-2-11,220r,2,
367,L'eſpee trait du fuerre Fierement ſe contint,92,l-220r-2-12,220r,2,
368,A l'ours ſe combati Si bien comme il convint,92,l-220r-2-13,220r,2,
369,Tant fiſt que l'ours tua Mais quant il dut moꝛir,93,l-220r-2-14,220r,2,
370,Il cria ſi foꝛment Qu'entour li fiſt venir,93,l-220r-2-15,220r,2,
371,Une ourſe et .ii. ourſiaus Qui ſanz point d'alentir,93,l-220r-2-16,220r,2,
372,Aſſaillirent le traitre Mais tant fu plain d'air,93,l-220r-2-17,220r,2,
373,C'onques ne recula Les ourſiaus le navrerent,94,l-220r-2-18,220r,2,
374,Du ſanc et de la char Des coſtez li oſterent.,94,l-220r-2-19,220r,2,
375,Mais ſi ſe deffendi. Qu'en la fin ſ'en alerent,94,l-220v-1-1,220v,1,
376,Les .ii. ours et la mere Qui les cops redouterent.,94,l-220v-1-2,220v,1,
377,Car il n'i ot celui. Qui ne fuſt mehanniez,95,l-220v-1-3,220v,1,
378,Adonques vers Flourence Eſt Miles repairiez,95,l-220v-1-4,220v,1,
379,Mais n'ot ſoing de de[d]uit Que trop fu travailliez,95,l-220v-1-5,220v,1,
380,La belle deſlia Et puis ala ſus piez,95,l-220v-1-6,220v,1,
381,En mi une ſentele Entra au point du jour,96,l-220v-1-7,220v,1,
382,Virent .i. hermitage En .i. petit deſtour,96,l-220v-1-8,220v,1,
383,Ou .i. saint pꝛeudomme Ot longuement fait ſejour,96,l-220v-1-9,220v,1,
384,A l'uis vint ſi hurta Le cuivert traitour,96,l-220v-1-10,220v,1,
385,L'ermite leur ouvri L'uis ſanz atargier,97,l-220v-1-11,220v,1,
386,Miles li diſt bons hons Avez vous que mengier,97,l-220v-1-12,220v,1,
387,.II. jours ne mangames Moi ne ceſte moullier,97,l-220v-1-13,220v,1,
388,L'ermite reſpondi Vous avrez ſanz dangier,97,l-220v-1-14,220v,1,
389,De tiex biens comme j'ai Loꝛs ataint .i. pain d'oꝛge,98,l-220v-1-15,220v,1,
390,Mais onques la pucelle N'en pot paſſer la goꝛge,98,l-220v-1-16,220v,1,
391,Le glouton en menga. Qui poi pꝛiſa /saint Goꝛge.,98,l-220v-1-17,220v,1,
392,Puis a ſachié l'eſpee Qui fu de bonne foꝛge.,98,l-220v-1-18,220v,1,
393,L'ermite lia foꝛt Puis a le feu bouté,99,l-220v-1-19,220v,1,
394,Dedenz ſon hermitage Treſtout l'a embꝛaſé,99,l-220v-2-1,220v,2,
395,Flourence vit le fait Foꝛment l'en a peſé,99,l-220v-2-2,220v,2,
396,Li faus par .i. des bꝛaz La pꝛiſt outre ſon gré,99,l-220v-2-3,220v,2,
397,Bien avant l'emena En la foꝛeſt ramue,100,l-220v-2-4,220v,2,
398,Coꝛrompꝛe le cuida Mais Diex l'a deffendue,100,l-220v-2-5,220v,2,
399,Quant il vit que ne pot Par li eſtre vaincue,100,l-220v-2-6,220v,2,
400,Par ſes blons cheveus l'a. A .i. arbꝛe pendue.,100,l-220v-2-7,220v,2,
401,Loꝛs pꝛiſt le faus larron .I. baſton d'englentier,101,l-220v-2-8,220v,2,
402,Tant en bati Flourence Et devant et derrier,101,l-220v-2-9,220v,2,
403,De touz coſtez veoit De li le ſanc raier,101,l-220v-2-10,220v,2,
404,Moꝛte l'eüſt en l'eure Quant Diex le dꝛoiturier,101,l-220v-2-11,220v,2,
405,Fiſt parmi la foꝛeſt Venir .i. chaſtelain,102,l-220v-2-12,220v,2,
406,Sa gent avoit perdue .I. coꝛ ſonnoit a plain,102,l-220v-2-13,220v,2,
407,Quant le faus larron Mile L'oÿ tout pour certain,102,l-220v-2-14,220v,2,
408,Cuida ce fuſt ſon frere Loꝛs ot moult le cuer vain,102,l-220v-2-15,220v,2,
409,A la fuite ſe miſt Foꝛment ſe deſconfoꝛte,103,l-220v-2-16,220v,2,
410,La royne leſſa Qu'eſtoit demie moꝛte,103,l-220v-2-17,220v,2,
411,E; vous le chaſtelain Que /Jhesucriſt apoꝛte,103,l-220v-2-18,220v,2,
412,Parmi une ſentele Qui eſtoit toute toꝛte.,103,l-220v-2-19,220v,2,
413,La pucelle vit pendꝛe Si ſ'en vint celle part,104,l-221r-1-1,221r,1,
414,Moult en ot grant merveille Mais foꝛment li fu tart,104,l-221r-1-2,221r,1,
415,Qu'elle fuſt deſpendue De ſon cheval liart,104,l-221r-1-3,221r,1,
416,Deſcendi loꝛs Flourence. Li fiſt .i. douz regart,104,l-221r-1-4,221r,1,
417,Car ele avoit d'angoiſſe la parole perdue,105,l-221r-1-5,221r,1,
418,Loꝛs l'a li chaſtelains Miex qu'il pot deſcendue,105,l-221r-1-6,221r,1,
419,Deſſouz l'arbꝛe l'aſſiſt Moult l'a vit derompue,105,l-221r-1-7,221r,1,
420,Puis li diſt [douce ]ſuer. Dont eſtes vous venue,105,l-221r-1-8,221r,1,
421,Elle li diſt douz ſire De baſſe gent ſui nee,106,l-221r-1-9,221r,1,
422,Mais nobles genz ſervoie. Qui m'ont toute alevee,106,l-221r-1-10,221r,1,
423,Oꝛ m'ont mauvaiſe gent Ci endꝛoit amenee,106,l-221r-1-11,221r,1,
424,Ne m'en demandez plus Pour /la Vierge honnouree.,106,l-221r-1-12,221r,1,
425,Car au cuer ai tel duel Que bien mourir voudꝛoie,107,l-221r-1-13,221r,1,
426,Ma ſuer diſt il chiez moi Volentiers vous menroie,107,l-221r-1-14,221r,1,
427,Je croi bien que ma femme Aroit de vous grant joie,107,l-221r-1-15,221r,1,
428,Flourence li diſt ſire Moult volentiers l'otroie,107,l-221r-1-16,221r,1,
429,Par ytel couvenant Que mon coꝛs garderez,108,l-221r-1-17,221r,1,
430,De toutes vilonnies; Le miex que vous poꝛrez,108,l-221r-1-18,221r,1,
431,Le chaſtelain diſt ſuer Ja mar en douterez,108,l-221r-1-19,221r,1,
432,Sus la mule l'aſiſt Qui ot le frain doꝛés,108,l-221r-2-1,221r,2,
433,Le chaſtelain Tierry La royne a ſuie,109,l-221r-2-2,221r,2,
434,Deſiques au chaſtel Ne ſ'atargerent mie,109,l-221r-2-3,221r,2,
435,La dedenz fu Flourence Moult noblement ſervie,109,l-221r-2-4,221r,2,
436,Tant que de ſes griez maus Fu la dame alegie,109,l-221r-2-5,221r,2,
437,Foꝛment la tenoit chiere La france chaſtelaine,110,l-221r-2-6,221r,2,
438,Bien voit n'eſt pas eſtraite De lignie vilainne,110,l-221r-2-7,221r,2,
439,Et Flourence ſe miſt. De li ſervir en paine,110,l-221r-2-8,221r,2,
440,Nous veons au jour d'ui C'eſt bien choſe certaine,110,l-221r-2-9,221r,2,
441,Qu'il a plus de ſervice Et de bonne duiſon,111,l-221r-2-10,221r,2,
442,En .i. enfant qui eſt De bonne naſcion,111,l-221r-2-11,221r,2,
443,Qu'en .i. truant Flourence ot laiens bon renon,111,l-221r-2-12,221r,2,
444,Le chaſtelain Tierry Qui moult eſtoit pꝛeudon,111,l-221r-2-13,221r,2,
445,Avoit une fillete. De .vii. anz et demi.,112,l-221r-2-14,221r,2,
446,Par grant chierté couchoit Flourence avecques li.,112,l-221r-2-15,221r,2,
447,Mais il avoit laiens .I. glouton anemi,112,l-221r-2-16,221r,2,
448,Qui .i. trop vilain plait Sanz raiſon li baſti,112,l-221r-2-17,221r,2,
449,Le faus fu ſenechal au courtoiz chaſtelain,113,l-221r-2-18,221r,2,
450,Nommez eſtoit Maquare C'eſt .i. non trop vilain.,113,l-221r-2-19,221r,2,
451,Souvent requiſt Flourence Et au ſoir et au main,113,l-221v-1-1,221v,1,
452,Que ſ'amour li donnaſt Mais il ouvroit en vain,113,l-221v-1-2,221v,1,
453,Car ele ſe laiſſaſt Avant vive eſcoꝛchier,114,l-221v-1-3,221v,1,
454,.I. jour le trouva ſeule Le glouton pautonnier,114,l-221v-1-4,221v,1,
455,Par foꝛce le cuida Acoler et baiſier,114,l-221v-1-5,221v,1,
456,Mais Flourence li fiſt Le ſanc vermeil raier,114,l-221v-1-6,221v,1,
457,A grant ru de ſa bouche Et .ii. denz li bꝛiſa,115,l-221v-1-7,221v,1,
458,Li glous hoꝛs de la chambꝛe Erranment ſ'en ala,115,l-221v-1-8,221v,1,
459,Moult manace Flourence Et diſt qu'il bꝛacera,115,l-221v-1-9,221v,1,
460,Tel plait ſ'il onques puet De quoi arſe ſera.,115,l-221v-1-10,221v,1,
461,Si toſt con fu couchie le deſloial glouton,116,l-221v-1-11,221v,1,
462,Deſſouz le liſt ſe miſt Coiement a larron,116,l-221v-1-12,221v,1,
463,Ou Flourence giſoit Avecques l'enfancon,116,l-221v-1-13,221v,1,
464,Mais pas ne ſe gardoit De telle traiſon,116,l-221v-1-14,221v,1,
465,Car quant le murdꝛier vit Qu'elle fu endoꝛmie,117,l-221v-1-15,221v,1,
466,A la fille ſon maiſtre A la coꝛge trenchie,117,l-221v-1-16,221v,1,
467,Dedenz la main Flourence Qui fu blanche et polie,117,l-221v-1-17,221v,1,
468,Miſt le coutel trenchant Et doꝛmant la laiſſie,117,l-221v-1-18,221v,1,
469,Maquares fiſt matin; Le chaſtelain lever,118,l-221v-1-19,221v,1,
470,Par la chambꝛe Flourence Le convenoit paſſer,118,l-221v-2-1,221v,2,
471,Quant vouloit de la ſeue Ens en la ſale entrer,118,l-221v-2-2,221v,2,
472,Le ſanc du lit ſa fille Vit aval devaler,118,l-221v-2-3,221v,2,
473,Il vit que la goꝛge ot Trenchie et le tuel,119,l-221v-2-4,221v,2,
474,Et en la main Flourence A veü le coutel,119,l-221v-2-5,221v,2,
475,Ne pot par le duel Let li fu non pas bel,119,l-221v-2-6,221v,2,
476,Maquares qui ot fait Le dolereus chaudel,119,l-221v-2-7,221v,2,
477,Li diſt franc chaſtelain. C'a fait ceſte murdꝛiere,120,l-221v-2-8,221v,2,
478,Leſſiez le duel Et faites ardoir la loſengiere,120,l-221v-2-9,221v,2,
479,Adont leva le cri Et devant et derriere,120,l-221v-2-10,221v,2,
480,La chambꝛe empli de gent Qui firent mate chiere,120,l-221v-2-11,221v,2,
481,Flourence ſ'eſveilla A merveilles li vint,121,l-221v-2-12,221v,2,
482,Des gens qui la eſtoient Et du coutel que tint,121,l-221v-2-13,221v,2,
483,Et quant l'enfant vit moꝛt Plus vermeille devint,121,l-221v-2-14,221v,2,
484,Que roſe de roſier Loꝛs paſmer la convint.,121,l-221v-2-15,221v,2,
485,Moult fu grant la dolour En la chambꝛe menee,122,l-221v-2-16,221v,2,
486,La chaſtelaine y vint Treſtout eſchevelee,122,l-221v-2-17,221v,2,
487,Errant eüſt Flourence A ſes mains eſtranglee,122,l-221v-2-18,221v,2,
488,Quant on li a par foꝛce Hoꝛs de ſes mains oſtee.,122,l-221v-2-19,221v,2,
489,Adont fiſt l'en Flourence Si foꝛt les poins loier,123,l-222r-1-1,222r,1,
490,Qu'aval par mi les ongles Convint le ſanc raier,123,l-222r-1-2,222r,1,
491,En une chartre obſcure La fiſt on eſtuier,123,l-222r-1-3,222r,1,
492,A ardoir fu jugie Tantoſt ſanz atargier,123,l-222r-1-4,222r,1,
493,Mais avant qu'elle fuſt A jugement menee,124,l-222r-1-5,222r,1,
494,Li vint dire une vois Ma ſuer pas ne t'esfree,124,l-222r-1-6,222r,1,
495,Car tu ſeras encoꝛe. A Romme couronnee,124,l-222r-1-7,222r,1,
496,Mais avant ſoufferras Mainte male journee,124,l-222r-1-8,222r,1,
497,Aies en /Jhesucriſt. Tres parfaite creance,125,l-222r-1-9,222r,1,
498,Que ſaches que de ceulz Qui te feront grevance,125,l-222r-1-10,222r,1,
499,Avras en .i. ſeul jour Merveilleuse vengance,125,l-222r-1-11,222r,1,
500,On te merra ardoir Mais n'aies ja doutance,125,l-222r-1-12,222r,1,
501,Car Diex te gardera Oꝛ le ſerf d'amour fine,126,l-222r-1-13,222r,1,
502,Loꝛs vint le bourel querre Flourence la royne,126,l-222r-1-14,222r,1,
503,Droit au feu le mena Qui eſtoit fait d'eſpine,126,l-222r-1-15,222r,1,
504,Le chaſtelain qui ot Conſcience enterine,126,l-222r-1-16,222r,1,
505,Li diſt femme comment Fus tu ſi eſragie,127,l-222r-1-17,222r,1,
506,Qu'a moꝛt meis ma fille Je te rendi la vie,127,l-222r-1-18,222r,1,
507,Quant pendoies au bois Loꝛs Flourence ſ'eſcrie,127,l-222r-1-19,222r,1,
508,Sire pour Dieu merci Tel fait ne creez mie,127,l-222r-2-1,222r,2,
509,C'onques feiſſe mal A la gentil pucelle,128,l-222r-2-2,222r,2,
510,On m'a ceſt plait baſti Ne ſai par quel querelle,128,l-222r-2-3,222r,2,
511,Diex ſet que j'ai bon dꝛoit A garant l'en apele,128,l-222r-2-4,222r,2,
512,Adont le chaſtelain S'enclina en la ſele,128,l-222r-2-5,222r,2,
513,Si con li chaſtelains Sus ſon arcon penſoit,129,l-222r-2-6,222r,2,
514,Avis li fu c'un angle De par Dieu li diſoit,129,l-222r-2-7,222r,2,
515,Qu'aler leſſaſt Flourence Quel part qu'ele voudꝛoit,129,l-222r-2-8,222r,2,
516,Et honnour pourfit Bien bꝛiement l'en vendꝛoit,129,l-222r-2-9,222r,2,
517,Loꝛs quant fu redꝛeciez Il diſt a haute voiz,130,l-222r-2-10,222r,2,
518,A ſa gent c'on alaſt Toſt querre ſon hernois,130,l-222r-2-11,222r,2,
519,Et la mule ſur quoi Il l'amena du bois,130,l-222r-2-12,222r,2,
520,Je ne veul qu'elle perde Du ſien vaillant .i. pois,130,l-222r-2-13,222r,2,
521,Il li fiſt treſtout rendꝛe Et quite delivrer,131,l-222r-2-14,222r,2,
522,Quant Flourence monta Foꝛment pꝛiſt a plourer,131,l-222r-2-15,222r,2,
523,Car ou aler ne ſot Le ſire fiſt crier.,131,l-222r-2-16,222r,2,
524,Que nul ne le ſuiſt Pour les membꝛes couper,131,l-222r-2-17,222r,2,
525,Maquare pour le cri point ne ſ'eſleeſca.,132,l-222r-2-18,222r,2,
526,Errant l'eüſt ſuiie Mais aler n'i oſa.,132,l-222r-2-19,222r,2,
527,Flourence ſur la mule Foꝛment ſe dementa,132,l-222v-1-1,222v,1,
528,D'un peril eſt iſſue Mais en plus grant ſ'en va.,132,l-222v-1-2,222v,1,
529,Ainſſi com vous oꝛrez Se me voulez entendꝛe,133,l-222v-1-3,222v,1,
530,Flourence qui avoit De pitié le cuer tendꝛe,133,l-222v-1-4,222v,1,
531,Trouva en ſon chemin .I. larron c'on vout pendꝛe,133,l-222v-1-5,222v,1,
532,Adont tourna ſa mule Celle part ſanz atendꝛe.,133,l-222v-1-6,222v,1,
533,Au pꝛevost vint tantoſt. Si le miſt a raiſon,134,l-222v-1-7,222v,1,
534,Et li diſt gentis ſire Pour Dieu requier .i. don,134,l-222v-1-8,222v,1,
535,Car me donnez cel homme Qui ſera mon garſon.,134,l-222v-1-9,222v,1,
536,Le prevoſt li diſt dame Pas ne vous refuſon,134,l-222v-1-10,222v,1,
537,Mais laiſſiez le nous pendꝛe Par ma foy je me dout,135,l-222v-1-11,222v,1,
538,Se vous le delivrez Que bꝛiement ne vous couſt,135,l-222v-1-12,222v,1,
539,Bien vous fais aſavoir Que de mal a fait moult,135,l-222v-1-13,222v,1,
540,Le larron li diſt dame Mon coꝛs je vous doins tout.,135,l-222v-1-14,222v,1,
541,A vostre plaiſir faire Se de ci me getez,136,l-222v-1-15,222v,1,
542,Que je vous ſervirai Sanz nule fauſetez,136,l-222v-1-16,222v,1,
543,Adont fu le larron A Flourence livrez,136,l-222v-1-17,222v,1,
544,Miex li vauſiſt qu'il fuſt Penduz et trainez,136,l-222v-1-18,222v,1,
545,Ainſſi com vous oꝛrez Aſſez bꝛiement retraire,137,l-222v-1-19,222v,1,
546,Flourence li diſt frere Oꝛ penſez de bien faire,137,l-222v-2-1,222v,2,
547,Se tu me poꝛtes foy Tu avras bon ſalaire,137,l-222v-2-2,222v,2,
548,Le larron li diſt dame Quel part voulez vous traire,137,l-222v-2-3,222v,2,
549,Flourence li diſt frere Moult volentiers iroie,138,l-222v-2-4,222v,2,
550,Outremer au /ſepulcre Se paſſer y povoie,138,l-222v-2-5,222v,2,
551,Dame diſt le larron G'i ſai moult bien la voie,138,l-222v-2-6,222v,2,
552,Puis diſt entre ſes denz Demain ainz que jour voie,138,l-222v-2-7,222v,2,
553,Vous ferai de la goꝛge Se je puis .ii. ſouflois,139,l-222v-2-8,222v,2,
554,La mule ſera moie Et tout l'autre hernois,139,l-222v-2-9,222v,2,
555,Droit a .i. poꝛt de mer S'en vindꝛint a eſlois,139,l-222v-2-10,222v,2,
556,Ou le larron avoit. .I. hoſte trop mauvois.,139,l-222v-2-11,222v,2,
557,Il ot mainte perſonne en ſon hoſtel murdꝛie,140,l-222v-2-12,222v,2,
558,Flourence ſ'eſt la nuit En l'oſtel herbergie,140,l-222v-2-13,222v,2,
559,Le larron fiſt a l'oſte Son marchié c'on l'ocie,140,l-222v-2-14,222v,2,
560,L'oteſſe qui l'oÿ; ne ſ'i acoꝛda mie,140,l-222v-2-15,222v,2,
561,Et diſt ja caiens n'iert fait. Si moꝛtel pechiez,141,l-222v-2-16,222v,2,
562,Le larron diſt oſteſſe Pas ne vous courouciez,141,l-222v-2-17,222v,2,
563,Nous le diſon ainſſi Savoir que vous diriez,141,l-222v-2-18,222v,2,
564,Qui en larron ſe fie Il eſt bien engigniez,141,l-222v-2-19,222v,2,
565,Quant Flourence la belle Fu com nonnain veſtue,142,l-224r-1-1,224r,1,
566,De bon cuer ſervi Dieu Et /la Vierge abſolue,142,l-224r-1-2,224r,1,
567,La haire jour et nuit Avoit a ſa char nue,142,l-224r-1-3,224r,1,
568,Hui mais oꝛrez comment Elle fu conneue,142,l-224r-1-4,224r,1,
569,Diex li donna tel grace Qu'il n'ot en la contree,143,l-224r-1-5,224r,1,
570,Perſonne tant malade S'en devote pensee,143,l-224r-1-6,224r,1,
571,Veniſt a li parler Ne fuſt reconfoꝛtee,143,l-224r-1-7,224r,1,
572,Em pluſeurs lieus aloit De li la renommee.,143,l-224r-1-8,224r,1,
573,Bien aparut foꝛment Que a Dieu fu amie,144,l-224r-1-9,224r,1,
574,Car de ſes anemis Fu en .i. jour vengie,144,l-224r-1-10,224r,1,
575,Et ſi ot puis de /Romme Toute la ſeignourie,144,l-224r-1-11,224r,1,
576,Dont ſon ſerourge l'ot A grant toꝛt departie,144,l-224r-1-12,224r,1,
577,Eſmeré ſon ſeignour Souvent pour li plouroit,145,l-224r-1-13,224r,1,
578,Meſſes du Saint Eſpꝛit Pour li chanter faiſoit,145,l-224r-1-14,224r,1,
579,Que Diex la li rendiſt Par deſconfoꝛt juroit,145,l-224r-1-15,224r,1,
580,Que jamais n'avroit femme S'elle ne revenoit,145,l-224r-1-16,224r,1,
581,Ne remeſt en l'empire Ne cité ne chaſtel,146,l-224r-1-17,224r,1,
582,Ou ne la feïſt querre Et tant que d'un quarrel,146,l-224r-1-18,224r,1,
583,Fu navré l'emperere En .i. eſtour moꝛtel,146,l-224r-1-19,224r,1,
584,El fron moult malement N'ot mire qui fuſt tel,146,l-224r-2-1,224r,2,
585,Qui l'en peüſt garir En doute de moꝛt fu.,147,l-224r-2-2,224r,2,
586,Tant qu'il oÿ nouveles Si com plot a /Jhesu,147,l-224r-2-3,224r,2,
587,Que pour une nonnain Faiſoit mainte vertu,147,l-224r-2-4,224r,2,
588,Le pere de laſſus; Loꝛs eſt le roy meu,147,l-224r-2-5,224r,2,
589,Pour venir a la dame Qui moult eſtoit ſ'amie,148,l-224r-2-6,224r,2,
590,Tout dꝛoit en /Biau Repaire Ou ot bonne abaie,148,l-224r-2-7,224r,2,
591,Eſmeré chevauchoit A petite maiſnie,148,l-224r-2-8,224r,2,
592,Hui mais eſt bien raiſon Que de Mile vous die,148,l-224r-2-9,224r,2,
593,Qui ot fait a Flourence ſouffrir tant d'encombꝛier,149,l-224r-2-10,224r,2,
594,Il ala demourer Avec .i. chevalier,149,l-224r-2-11,224r,2,
595,Qui le tint en ſoudees Mais Diex le dꝛoiturier,149,l-224r-2-12,224r,2,
596,Qui du bien et du mal Rent a chaſcun loier,149,l-224r-2-13,224r,2,
597,Fiſt le faus deſloial Si meſel devenir,150,l-224r-2-14,224r,2,
598,C'on n'oſoit entour lui Ne aler ne venir,150,l-224r-2-15,224r,2,
599,Gros cu comme .i. tounel Ne ſe pot ſouſtenir,150,l-224r-2-16,224r,2,
600,.I. jour fiſt a ſon meſtre Prier et requerir,150,l-224r-2-17,224r,2,
601,Qu'il le feïſt mener Tout dꝛoit a /Biau Repaire,151,l-224r-2-18,224r,2,
602,Ou Diex pour la nonnain Vout tant de vertuz faire,151,l-224r-2-19,224r,2,
603,Le ſire l'otroia Ja oꝛrez de Maqua[i]re,151,l-224v-1-1,224v,1,
604,Qui miſt a moꝛt l'enfant Pour Flourence deffaire,151,l-224v-1-2,224v,1,
605,Si mal fu atourné Que de pié ne de main,152,l-224v-1-3,224v,1,
606,Ne ſe pooit aidier Mais le franc chaſtelain,152,l-224v-1-4,224v,1,
607,Le mena pour garir A la france nonnain,152,l-224v-1-5,224v,1,
608,Moult amoit le traitre Ne ſot pas le certain,152,l-224v-1-6,224v,1,
609,Comment avoit murdꝛie Sa fille en traiſon,153,l-224v-1-7,224v,1,
610,Errant l'eüſt fait pendꝛe Plus haut que .i. larron,153,l-224v-1-8,224v,1,
611,Oez com fu ſervis Archembant le glouton,153,l-224v-1-9,224v,1,
612,Et ſon deſloial hoſte Qui n'eſtoit pas pꝛeudon,153,l-224v-1-10,224v,1,
613,Du feu d'enfer eſtoient Par le coꝛs alumez,154,l-224v-1-11,224v,1,
614,Cadot li mariniers Eſtoit ſi atournez,154,l-224v-1-12,224v,1,
615,C'a potentes aloit Les piez ot touz enflez,154,l-224v-1-13,224v,1,
616,Touz .v. a /Biau Repaire Sont .i. jour arivez,154,l-224v-1-14,224v,1,
617,Douce gent es croniques De /Romme ſont trouvees,155,l-224v-1-15,224v,1,
618,Les paroles qui ſont Ci de par moi contees,155,l-224v-1-16,224v,1,
619,Mais .i. Rommans en eſt Ou en a ajouſtees,155,l-224v-1-17,224v,1,
620,Granz bourdes qui n'i doivent Pas eſtre recoꝛdees,155,l-224v-1-18,224v,1,
621,Les glous qui a Flourence oꝛent tant fait dolour,156,l-224v-1-19,224v,1,
622,Vindꝛent ou ele eſtoit Treſtouz a .i. ſeul jour.,156,l-224v-2-1,224v,2,
623,Auſſi fiſt l'emperere Qui eſtoit ſon ſeignour,156,l-224v-2-2,224v,2,
624,La dame ſ'eſtoit ja Couchie en ſon doꝛtour,156,l-224v-2-3,224v,2,
625,Quant l'abeeſſe ſot Que pour les granz vertuz,157,l-224v-2-4,224v,2,
626,Eſtoit li empereres De /Romme la venuz,157,l-224v-2-5,224v,2,
627,Au lit Flourence vint Et li rendi ſalus.,157,l-224v-2-6,224v,2,
628,Les nouveles li diſt La dame ſailli ſus,157,l-224v-2-7,224v,2,
629,Onques puis ne doꝛmi En oꝛoiſons ſe miſt,158,l-224v-2-8,224v,2,
630,Doucement reclama /Le tres douz Jhesucriſt,158,l-224v-2-9,224v,2,
631,Que bon conſeil li doint Une voiz li tramiſt,158,l-224v-2-10,224v,2,
632,Le pere de laſſus; Moult doucement li diſt,158,l-224v-2-11,224v,2,
633,Flourence belle ſuer Ta penance eſt fenie,159,l-224v-2-12,224v,2,
634,.VII. anz a que venis En yceſte abbaie,159,l-224v-2-13,224v,2,
635,Diex veult que tu t'en voiſes A /Romme la garnie,159,l-224v-2-14,224v,2,
636,Avecques ton ſeignour De vous iſtra lignie,159,l-224v-2-15,224v,2,
637,Dont /Jhesucriſt veult eſtre honnourez et ſervis,160,l-224v-2-16,224v,2,
638,Eſmerez eſt malades Mes demain iert garis,160,l-224v-2-17,224v,2,
639,En ceſte ville ſont Treſtouz tes anemis,160,l-224v-2-18,224v,2,
640,Diex ne veult conſentir Que plus demeurent vis,160,l-224v-2-19,224v,2,
641,Il ont eü eſpaſſe Moult grant d'eulz amender,161,l-225r-1-1,225r,1,
642,Demain vendꝛont a toi Pour ſanté recouvrer,161,l-225r-1-2,225r,1,
643,Il ne te connoiſtront Haut leur feras conter,161,l-225r-1-3,225r,1,
644,Les pains qu'il t'ont faites Souffrir et endurer,161,l-225r-1-4,225r,1,
645,Flourence diſt vrai Dieu Je ne vouſiſſe mie,162,l-225r-1-5,225r,1,
646,Qu'il moꝛuſſent pour moi Ne ſouffiſſent hachie,162,l-225r-1-6,225r,1,
647,De bon cuer leur pardoins Toute la felonnie,162,l-225r-1-7,225r,1,
648,Qu'il m'ont fait; la voiz diſt Tu ne fais pas folie,162,l-225r-1-8,225r,1,
649,La dame bien matin. l'endemain ſe leva,163,l-225r-1-9,225r,1,
650,Les traitres connut. Mes point ne l'aviſa,163,l-225r-1-10,225r,1,
651,Eſmeré ſon ſeigneur Mes bel la ſalua,163,l-225r-1-11,225r,1,
652,Elle le connut bien. Mais il pas ne cuida,163,l-225r-1-12,225r,1,
653,Que ce fuſt la royne Que Miles ot ebmlee,164,l-225r-1-13,225r,1,
654,Que de quevrechiez fu bien et bel atournee,164,l-225r-1-14,225r,1,
655,Adonques ſ'eſt Flourence Hautement eſcriee,164,l-225r-1-15,225r,1,
656,Que touz ceulz qui voudꝛoient Garir celle journee,164,l-225r-1-16,225r,1,
657,Faut que touz leur pechiez Dient oiant la gent,165,l-225r-1-17,225r,1,
658,A ſon ſerourge Mile A dit pꝛemierement,165,l-225r-1-18,225r,1,
659,Vous qui en la bꝛouete Giſiez enflez foꝛment,165,l-225r-1-19,225r,1,
660,Commenciez tout pꝛemier Le glout diſt baſſement,165,l-225r-2-1,225r,2,
661,Dame plus volentiers En ſecré le diroie,166,l-225r-2-2,225r,2,
662,Flourence diſt amis Il faut que chaſcun l'oie,166,l-225r-2-3,225r,2,
663,Par foi diſt le traitre Pourquoi le celeroie,166,l-225r-2-4,225r,2,
664,Je ne fis onques bien En chemin ni en voie,166,l-225r-2-5,225r,2,
665,Combien que meſiaus ſoie De certain je ſui frere,167,l-225r-2-6,225r,2,
666,A Eſmeré qui eſt Des Rommains emperere.,167,l-225r-2-7,225r,2,
667,Sa femme li emblai Et li fis tant de here,167,l-225r-2-8,225r,2,
668,C'onques tant n'en ſouffri Je croi fille de mere,167,l-225r-2-9,225r,2,
669,Mais onques ne poi faire Que fuſſe bien de li,168,l-225r-2-10,225r,2,
670,Au derrain par les treſches En .i. bois la pendi,168,l-225r-2-11,225r,2,
671,Quant ſon frere l'oÿ A poi du ſens [n'i]ſſi,168,l-225r-2-12,225r,2,
672,Adonques ſe leva Le chaſtelain Tierry,168,l-225r-2-13,225r,2,
673,Et diſt a haute voiz par /la Vierge abſolue,169,l-225r-2-14,225r,2,
674,Je trouvai une dame A un arbꝛe pendue,169,l-225r-2-15,225r,2,
675,De moꝛt la garanti Trop eſtoit derompue,169,l-225r-2-16,225r,2,
676,Mais la bonté m'en fu Trop malement rendue,169,l-225r-2-17,225r,2,
677,A grant honnour L'avoie tenue en mon hoſtel,170,l-225r-2-18,225r,2,
678,Mais a .i. main trouvai En ſa main .i. coutel,170,l-225r-2-19,225r,2,
679,Dont elle ociſt ma fille Mais onques ne fu tel,170,l-225v-1-1,225v,1,
680,Que la feiſſe ardoir Tant avoit le coꝛs bel.,170,l-225v-1-2,225v,1,
681,Par foy je ne vi onques Plus belle creature,171,l-225v-1-3,225v,1,
682,Sa mule li rendi Et toute ſa veſture,171,l-225v-1-4,225v,1,
683,Qu'avoit quant le trouva Diex et /la Vierge pure.,171,l-225v-1-5,225v,1,
684,S'elle eſt vive La veille deffendꝛe de laidure.,171,l-225v-1-6,225v,1,
685,Chaſtelain diſt Flourence. Autrement a eſté,172,l-225v-1-7,225v,1,
686,Au ſeneſchal fiſt dire Si [com il ]ot ouvré,172,l-225v-1-8,225v,1,
687,Maquaire qui cuidoit Moult bien avoir ſanté,172,l-225v-1-9,225v,1,
688,Cria je ne fis onques Ne bien ne loiauté,172,l-225v-1-10,225v,1,
689,Puis diſt franc chaſtelain Pour Dieu merci deman,173,l-225v-1-11,225v,1,
690,Voir j'ocis vostre fille D'un grant coutel trenchant,173,l-225v-1-12,225v,1,
691,En la main a le dame La mis en ſon doꝛmant,173,l-225v-1-13,225v,1,
692,Ardoir la cuidai faire Mais Diex li fu garant,173,l-225v-1-14,225v,1,
693,Pour ce que ſ'amiſtié Ne me vouloit donner,174,l-225v-1-15,225v,1,
694,Glout diſt le chaſtelain Diex te puiſt mal donner,174,l-225v-1-16,225v,1,
695,Jamais ne mengerai Si t'arai fait finer,174,l-225v-1-17,225v,1,
696,Le larron qui eſtoit Eſpꝛis du feu d'enfer,174,l-225v-1-18,225v,1,
697,Se dꝛeca ſus ſes piez Et parla a haut ton,175,l-225v-1-19,225v,1,
698,Et diſt je ne fis onques Auſſi jour ſe mal non.,175,l-225v-2-1,225v,2,
699,Mais ſachiez cele dame Dont il font mencion,175,l-225v-2-2,225v,2,
700,Me fiſt moult grant bonté S'en ot mal guerredon,175,l-225v-2-3,225v,2,
701,Car on me vouloit pendꝛe Quant par ſa grant franchiſe,176,l-225v-2-4,225v,2,
702,Me requiſt au pꝛevost Et m'oſta de juſtice,176,l-225v-2-5,225v,2,
703,Moi et mon oſte auſſi L'euſſons a moꝛt miſe,176,l-225v-2-6,225v,2,
704,Se ne fuſt nostre oſteſſe. Mais puis par convoitiſe,176,l-225v-2-7,225v,2,
705,L'alaſmes ſus la mer Vendꝛe tous .ii. as mariniers,177,l-225v-2-8,225v,2,
706,Bien avoir en cuidaſmes .I. plain ſac de deniers,177,l-225v-2-9,225v,2,
707,Mais en chetis meriaus Fu nostre argent changiez,177,l-225v-2-10,225v,2,
708,Loꝛs parla le marchant Qui ot enflez les piez,177,l-225v-2-11,225v,2,
709,Et diſt je l'achetai Et changai vostre argent,178,l-225v-2-12,225v,2,
710,Mais quant de li cuidai Tout faire mon talent,178,l-225v-2-13,225v,2,
711,.I. oꝛage leva Par la mer et tel vent,178,l-225v-2-14,225v,2,
712,Que treſtout mon avoir Y perdi et ma gent,178,l-225v-2-15,225v,2,
713,Fendꝛe convint la nef Et em pieces froer,179,l-225v-2-16,225v,2,
714,A cheuauchons me mis Pour ma vie ſauver,179,l-225v-2-17,225v,2,
715,Sus .i. fuſt moult de paines Me falut endurer,179,l-225v-2-18,225v,2,
716,Sus .i. ſac de ferine Vi la dame floter,179,l-225v-2-19,225v,2,
717,Pas n'eſchapa je croi Dont ce fu grant domage,180,l-226r-1-1,226r,1,
718,Si fiſt diſt l'abeeſſe La jus en ce rivage,180,l-226r-1-2,226r,1,
719,La nous envoia Diex Flourence qui fu ſage,180,l-226r-1-3,226r,1,
720,Ne ſe voult plus celer Tout bas en ſon langage,180,l-226r-1-4,226r,1,
721,Loꝛs diſt a l'abeeſſe Souffrez vous .i. petit,181,l-226r-1-5,226r,1,
722,Puis vint a ſon ami Qui ot ſi grant deſpit,181,l-226r-1-6,226r,1,
723,Que parler ne povoit Sa main ſus ſon chief miſt,181,l-226r-1-7,226r,1,
724,/Jhesucriſt pour Flourence Beles vertus y fiſt,181,l-226r-1-8,226r,1,
725,Car la pointe du fer Du dolereuz quarrel,182,l-226r-1-9,226r,1,
726,Que l'emperere ot fichié Pres du cervel,182,l-226r-1-10,226r,1,
727,Sailli hoꝛs ſanz main metre Le miracle fu bel,182,l-226r-1-11,226r,1,
728,Flourence fu moult lie Loꝛs geta jus ynel,182,l-226r-1-12,226r,1,
729,Le cuevrechief de quoi Elle eſtoit atournee,183,l-226r-1-13,226r,1,
730,L'emperere le vit errant L'a aviſee,183,l-226r-1-14,226r,1,
731,Entre ſes bꝛas la pꝛiſt Eſtroit l'a acolee,183,l-226r-1-15,226r,1,
732,Puis diſt a haute voiz J'ai Flourence trouvee,183,l-226r-1-16,226r,1,
733,Pour qui j'ai tant ſouffert De dolour nuit et jour,184,l-226r-1-17,226r,1,
734,Mon frere le m'embla Le murdꝛier traitour,184,l-226r-1-18,226r,1,
735,Mais je m'en vengerai Par Dieu le creatour,184,l-226r-1-19,226r,1,
736,Devant touz le ferai Moꝛir a deshonnour,184,l-226r-2-1,226r,2,
737,Miex a deſervi moꝛt que nul autre murdꝛier,185,l-226r-2-2,226r,2,
738,Flourence li requiſt Pour Dieu le dꝛoiturier,185,l-226r-2-3,226r,2,
739,Que il li pardonnaſt Qu'aſſez ot d'encombꝛier,185,l-226r-2-4,226r,2,
740,Mais onques l'emperere Ne le voult otroier,185,l-226r-2-5,226r,2,
741,Ainz fiſt .i. grant feu faire En une praerie,186,l-226r-2-6,226r,2,
742,Son frere et les .iiii. autres Furent ars a hachie,186,l-226r-2-7,226r,2,
743,Le chaſtelain Tierry Retint de ſa partie,186,l-226r-2-8,226r,2,
744,Et puis donna biau don A ceulz de l'abaie.,186,l-226r-2-9,226r,2,
745,Puis n'oꝛent povreté a nul temps les nonnains,187,l-226r-2-10,226r,2,
746,L'emperere de /Romme Et le franc chaſtelains,187,l-226r-2-11,226r,2,
747,Enmenerent Flourence Eſtre povez certains,187,l-226r-2-12,226r,2,
748,Que pour ſ'amour menerent Grant joie les Rommains,187,l-226r-2-13,226r,2,
749,La feſte c'on li fiſt Dire ne poꝛroit hon,188,l-226r-2-14,226r,2,
750,Puis ot .ii. enfans marles En petit de ſaiſon,188,l-226r-2-15,226r,2,
751,Flourence ſouffri moult De paine ſanz raiſon,188,l-226r-2-16,226r,2,
752,Mais ceulz qui mal li firent En oꝛent guerredon,188,l-226r-2-17,226r,2,
753,Juſqu'a la fin mena Flourence ſainte vie,189,l-226r-2-18,226r,2,
754,Moult de bonnes gens ſueffrent A grant toꝛt vilonnie,189,l-226r-2-19,226r,2,
755,Mais Diex les venge puis Combien que il deſtrie,189,l-226v-1-1,226v,1,
756,Prions Dieu qu'il nous veille Touz traire a ſa partie.,189,l-226v-1-2,226v,1,