BOnne gent entēdez Ꝑ amours .j. biau dit
Se ie me poꝛte coīte Nē aiez pas deſpit
Car iaīme par amours Celle qui me beliſt
Volentiers latendꝛoie Toute nuit en mon lit.
COmpains nas tu pas hōte Mau feu tarde lamain
Qⁱ te vantes damer ⁊ au ſoir ⁊ au main
Tu me fais gñt deſpit Par le coꝛs .S՚. Germain
P˞ dieu oꝛ regardez Quel troncon de vilain
UIlain chaitif dolent Tu nes cun ſechellon
Sune femme tamoit Ce ſeroit foloiſon.
Mais ie ſui biaus ⁊ iones Si aīme Marion.
Qⁱ garde les bꝛebis Ier le ui au buiſſon
AMis tu nas pas toꝛt Se tu aimes bꝛegiere
Car bn̄ ſambles bergier Au coꝛs ⁊ a la chiere
Ne te faut que houte ⁊ vne panetiere.
Fui va ten loins de ci Avant que ie te fiere
ME veus tu dont ferir Voir ſe ferus eſtoie
Pour lamour de mamie Bn̄ me reuengeroie
Au buiſſon le trouuei Delez vne ſauſoie
De ſon pain me donna De quoi iai ml՚t gñt ioie
MAle ioie te puiſt Le cuer el coꝛs creuer
Se me mens dune choſe Q՚ te veul demander
Cōment lacointas tu Ne par confait parler
Sez tu bien de certain Quelle te veult amer
OVil q̃r elle rit touz iourz quant vois uers li
⁊ ſi ma demande. .I. chapelet joli
Ie en aurai .j. biau Pour maīs dun pariſis
Poꝛter le mi faudꝛa Ainz q՚ face autre ami
HAſtez vous biax amis ⁊ y alez courant
Robinet va entour Ie le vi ne ſai qñt
Il la vouloit baiſier Mais elle aloit groucant
Elle eſt boꝛgne ⁊ toullouq՚ De .ij. pars va clochant
TV dis voir elle eſt boꝛgne Mais ce fait mignotiſe
Le clochier li ſiet bn̄ Gentement ſedebꝛiſe
Sele me blaſmes plus Tu feras fole empꝛiſe
Garde que ne meſp՚ngnes Car ie laim ml՚t ⁊ pꝛiſe
COmpaīs de tes amours Ten uoit diex pute ioie
Vatent de deuant moi Ie le te loeroie
A ces bonnes gens ci .I. dit dire cuidoie
Du pappe nr՚e pere Mais ta iengle manoie
Qve ai ie a faire du pappe Il ne li chaut de moi
Se tu veulz eſtriuer Bn̄ parlerai atoi
Trop me vas deſpꝛiſant Du grief mal .Saint. eloy
Soit ton coꝛs tourm̄tez Se ne te tais tout quoi
UOir ne me terai ie ia pour telle loberie
Tu es trop bn̄ taillie Pour a valer boullie
Il pert bn̄ a tes ioes Q՚ ne teſmaies mie
Cōment le roy penra La terre de ſurie
SE ie me ſoucioie Fol ſeroie pꝛouuez
Mō ſouci ni vaudꝛoit La monte de .ij. dez
Q՚ le feu .S՚. antoinne Te puiſt meng՚ lenez
Auſſi eſt il trop lonc Bonne gent regardez
HE; chetif maloſtru q՚ regardera len
Ton let muſel boufi Diex te mete en mal an
Samoi eſtriue plus Ce ne ſera pas ſen.
Mais ſueffre toi tout quoi Ie le te lo vaten.
Uaten eſt en berry aſſez pꝛes de craſſai
A .ij. lïeues dun bourc Ꝯ apelle maſſai
Or me di par amours Se tu es cler ou lai
Ie croi que du pays Ou les gens dient nai
MEſcheant que te chaut De quel pays ie ſoie
Se les yex de ta teſte Touz .ij. creuez [t]auoie
Ia parmi ceſte ville A aler nen lairoie
Te poꝛtes tu ſi fier Pour tamie maroie
Ovil fier ie mē poꝛte ⁊ ie le doi bn̄ faire
Car elle eſt bele ⁊ douce Courtoiſe ⁊ de bōnaire
A couch՚ auec moi Ie ne le puis atraire
Se ne leſpouſe auant Dont iai au cuer ꝯtraire
COmpains celle qͥ taīme Na pas merde en haie
Ia femme de ton coꝛs Ne ſera bien ſeruie
Tu nes cun dꝛoit mouflart Ꝑ amours ie te pꝛie
Q՚ ne te vantes plus Q՚ tu as mes amie
NE te courouce pas Ꝑ amour biau varlet
Volentiers te donrai Plain .i. pot de bufet
Pour tant que me ꝯ ſeilles Se ce ſera bien fait
Q՚ ieſpouſe mamie Qⁱ a biau chapelet
LEIE ne ten dirai riens Foy que doi nr՚e dame
Car ſe te ꝯ ſeilloie Q՚ tu pꝛeiſſes femme
⁊ il ten auenoit En ꝯ bꝛier ne diffame
Bn̄ ſai que maudiroies Souuēt mō coꝛs ⁊ mame
AMis puis q՚ ne puis Trouuer ꝯſeil en toi
Ie men ꝯ ſeillerai A ce clerc que la voi
Bn̄ men dira le uoir Si ꝯme ie le croi
Male honte ta viengne Tu mas mou ſtre au doi
SIre ne vous deſplaiſe Se diex me puiſt ſauuer
Pas ne lai fait poꝛ mal Mais ie ne puis durer
Tant ai le cuer joli Si vous veul demander
Dont veniez oꝛains Ml՚t uous vi toſt aler
Douz ꝯ pains ie venoie Iane ten quier mentir
Tout dꝛoit du cemitiere De ma femme en fouir
Com bn̄ que la veiſſe En la terre couurir
Si ai ie touz iourz doute Ne doie reuenir
UOus vous trufez de moi Ce neſt pas courtoiſie
Tout ſanz chaſtiau landō Truis bn̄ la moquerie
Vous dites quauez hui Voſtre femme en fouie
Mais ne puet eſtre voir Qñt vous ne plourez mie
Plourer ſainte marie Ie te iur ſe iauoie
.vij. anemis moꝛtiex ⁊ trainer les veoie
Au gibet de paris Pas ſi liez ne ſeroie
Ꝯ ie ſui de ſa moꝛt Onq՚s mais noi telioie.
PAr ma foi biax amis Ml՚t ſui eſmerueilliez
Ie uoi ces autres hōmes Qⁱ ſont touz courouciez
Qñt leur femmes treſpaſſēt ⁊ vont touz embꝛunchiez
⁊ de la moꝛt la ur՚e Eſtes ioianz ⁊ liez
DOuz diex ſe ie fais ioie Il y a bn̄ raiſon
Onques puis q՚ la pꝛis Ie noi pais en maiſon
En yuer nen eſte; Ne ennule ſaiſon
Neſtoit quadez neuſſe Detences afoiſon
PAr ma foi biau douz ſire Ml՚t volentiers ſauroie
Pour quoi menez tel vie Marier me vouloie.
Mais ie ſui tout certain Sune femme pꝛenoie
Qⁱ malaſt riotant Ie le mehaīneroie
TEn cuideroies tu miex cheuir Que ie nai fait
Tu nes que vn bourdeur ⁊ .i. dꝛoit dauoudet
Tant ai ſouffert par li De tourment ⁊ de lait
Q՚ ie ne loſe dire Same ſoit au gibet
SEIE ſui touz eſbahis Des mos q՚ tu me cōtes
Mais par amours voꝰ pꝛi Que conſeil me donnez
Car de tenir manage Sui foꝛt entalentez
⁊ de moi marie dites Que men loez
DAuoudet biaus amis Tu nes mie bn̄ ſage
Ie te recoꝛderai Lanuie ⁊ le domage
Quai ſouffert puis le iour Quentrai en mariage
Mais auant ta pꝛendꝛai Qⁱl couuient ameſnage.
DAn maiſtre qui voulez De manage parler
Voir ien ſai plus q՚ vous Ie le puis bn̄ pꝛouuer
Ie iai eſte .x. anz Mais ie puis bn̄ jurer
Conques ni oy bon iour Deable mi fiſt entrer
COmpains bn̄ vous en croi Ie ſai certainement
Sil en pꝛent bn̄ a .i. Qⁱl en meſchiet a cent
Manage fait dancier La gent pꝛemierement
Mais puis vient la riote Qⁱ dure longuem̄t
MAnage veult auoir Robe neuue au pͥmier
⁊ noble chauceure Pour gentem̄t marcier
Ganz blans alacainture ⁊ coutel pour taillier
Ne les ioiaus la dame Ne doit on pas laiſſier
Avſi faut il les coutes ⁊ couſins poꝛ loꝛ lis
Les dꝛas les coutes poītes ⁊ (couſins) ſarges ⁊ tapis
Fuerre blanc couuerteurs ⁊ quourechiez faitis
Sil ni auoit courtines Ce ſeroit gñt deſpisdeſpit
EN la chambꝛe faut coffres ⁊ eſcrins pour ioiaus
⁊ parmi la maiſon Gñz huces ⁊ huceaus
Eſcuelles par fondes Sauſieres ⁊ platiaus
Qñt cela eſt deſtain Loſtel en eſt plus biaus
IL couuient a manage Pos chauderons paeles
Hates ſelles ⁊ auges Eſcuues eſcuelles
Bans foꝛme[te]s ⁊ chazeres ⁊ eſchammaz ⁊ ſelez
Traitiaus tables bufez Napes touelles belles
MAnage veut auoir Voirre godes henas
⁊ la maiſt pour peſtrir Buletel et ſaas
Saſoire ⁊ ratoire ⁊ plume ſe ne las
.I. balai en loſtel Il ne vaut pas .ij. as
DVOV manage couuient buche charbō gñt fais
Cramillie trepie Tenailles ⁊ molles
Griex trōchus landiers ⁊ les petiz chenes
⁊ seſt ml՚t bn̄ ſeant En latre li ſouffles.
Neſt ſi petit oſtel Ou ne faille ſailliere
Sel peſtel ⁊ moꝛtier ⁊ pilete legiere
Chandeliere ⁊ chandele ⁊ huile qui eſt chiere
La lampe ⁊ le craſſet ⁊ la lanterne entiere
Tv dis uoir biaus amis Mais il li faut tout el
Les auz ⁊ les oīgnons ⁊ verius en tonnel
Deſce ꝯ apꝛoche Du haut iour ſollempnel.
La dame ſe demente Dauoir habit nouuel
ENcoꝛe neſt ce riens vers ce que dire veul
Car au petit enfant Lienfaut ⁊ berceul
⁊ dangier de noꝛrices Qⁱ ſont plaines doꝛgueil
La paële au papin Laumuce ⁊ le lincheul
DAuoudet entens tu ce quil te va diſant
Ouil voir de manage Di fi doꝛe en auant
Amis trop plus de choſes Faut ie le te creant
A ces gens de vilage Q՚ nas eu deuant
LE ſai bn̄ quil leur faut Nez fui en .i. hamel
Il leur couuient ꝑ foꝛce La fource et le flaël
Vne paule ⁊ .i. pic. La houe ⁊ le hoel
Le rouable ⁊ la fauz La queuz ⁊ le martel
LVſiques leur faut il ⁊ vachiers ⁊ berchiers
Charetes tuberiaus Brouetes ⁊ chiuieres
La charrue ⁊ la harche Soc coutre ⁊ doſſieres
Cheuaus jumens ⁊ bues ⁊ aneſſes ſomieres
A vilages couuient bꝛebis vaches moutons
Chieures bous ⁊ cheureaus Oes iars ⁊ oiſons
Auetes ⁊ mallars; Cos gelines chapons
⁊ le chat qui en chace Les ras loins des bacons
BAcins ⁊ chau fouetes faus aus gñz managiers
Coꝛbelles ⁊ boiſſiaus ⁊ hotes ⁊ paniers
Qui na ſerpe ou hachete Il ne vaut .ij. deniers
Moufles ganz ⁊ mitenes Faut qñt hyuer eſt fiers
IL y faut coꝛde apuis Eſchieles ⁊ ma[r]tel
La coulōne a la dame La pezon le fuizel
⁊ les deſuideures Ou de ſouz eſt lauiel
Ou on met le maillet Dont on bat le luiſſel
DAuoudet tu oubliez Il faut .i. bateur
Le traoul le cerens ⁊ le fer aferrer
Sire leſſiez moi( en pais) Diex vous puiſt crauenter
Ie renie maſnage Nen veul plus eſcouter
QVant y faut tant de choſes De ma part le renie
Mais oꝛains pꝛomeites Deuant la ꝯ paignie
Que me conteriez. La dolente de vie
Q՚ vous faiſoit la fēme Qⁱ du ſiecle eſt partie
OR te tais dont tout quois Si oꝛras le huſtin
Qua uoie de ma fem̄e Trop ſui liez de ſa fin
Coie ne ſe taiſoit AU ſoir ne au matin
Adez aloit ſa langue Ꝯ batiau de molin
ET que vous diſoit elle pour le coꝛs .S՚. marcel
Tout adez riotoit ou fuſt Ou dun ou del.
Vne heure de ſa uache Autre de ſon veel
Souuent men couuenoit Fuir hoꝛs de loſtel.
IL ne men chaloit ia Quelle alaſt deuiſant
Qñt ne parlaſt de choſe Qⁱ malaſt a ferant
Ie nen feiſſe ia Ne chiere ne ſamblant
Ainz li laiſſaiſſe dire Du tout a ſon talent
Amis qñt mē taiſoie tant eſtoit airee
Q՚ dair ma peloit Ribaut hance pelee
Sa li geſir vouſiſſe Tantoſt ſe fuſt donnee
Aus deables denfer Qⁱ len ont empoꝛtee
SIre ie vous demande Se belle femme eſtoit.
Ouil ſe dieu me Gart Mais leuer me faiſoit
Souuent ainz quil fuſt ioꝛ ⁊ puis Si me bailloit
Ma houe par le manche ⁊ aus chans men veoit
MAle honte vous viēgne Sire ribaut puant
On vous deuſt clamer Ꝯpere aumeſcheant
Qñt dune ſeule fem̄e Vous faloit ſouffrir tāt
Ie la laiſſe de coups Treſtoute derompant
HE; laz tres douz ꝯpains vne foiz la feri.
Mais ne me donnai garde Quaus cheueus me ſaiſi
A terre me geta Sus mon ventre ſailli
⁊ me pꝛiſt par la goꝛge A poi ne me murdꝛi
UOir iou gñt ioie au cuer Qñt me daigna laiſſier
Onques ſi male beſte Ne vi terre marchier
Oꝛ me dites biau ſire Apꝛes ſi fait dangier
De quoi vous ſeruoit elle Qñt venoit au meng՚
Iauoie du pain doꝛge Poi cuit ⁊ mal leue
Oꝛt pot ⁊ ſale nape ⁊ lait aigre eſburre
Puis que ih՚ucriſt ma De ſes laz deliure
Iamais en mariage Ne me reboutere.
IL neſt mie meſtier Q՚ toutes fem̄es ſoient
Telle ꝯme elle eſtoit Pluſeurs genz y ꝑ dꝛoient
Il eſt gñt plente dōmes Q՚ ſe il le ſauoient
Q՚ iamais en leur vie Ne ſe marieroient
EN non dieu tu diz voir Nai ſoing de dire outrage
Des dames foꝛs de celle Qⁱ ma fait tel outrage
Mais auant men fuiroie Outre la mere anage
Q՚ ie me remeiſſe Enſi fait mariage
SIre qui mariage. ſi foꝛment redoutez
Ie croi ceſt pour les bn̄s Que ſouffert y auez
Ꝑ amours oꝛ medites Mie ne me celez
Ꝯment doꝛe en auant Maintenir voꝰ voudꝛez
DAuoudet tu loꝛras qñt le douz roy celeſtre
Me de liura de celle Q՚ deable fiſt neſtre
Doꝛe en auant voudꝛai De touz poīs p՚udons eſtre
⁊ ferai Se dieu plait Q՚ bꝛiement ſerai pꝛeſtre
PReſtre deable y ſoient Eſtes vous foꝛſenez
Preſtre hue ot lautrier (Treſtout les biens coupez)[Treſtout les biens coupez]
(Sur vne oꝛde ribaude)[Sur vne oꝛde ribaude] Dun barbier fu trouues
(Preſtres ſont ſi ribaus)[Preſtres ſont ſi ribaus] Qⁱl ne valent .ij. dez
Tv men mauuaiſem̄t Il ne va pas ainſſi
Bn̄ voi a ton parler Qⁱl ne va pas ainſſi
Se plus meſdiz desp՚ſtres De touz poins te deffi.
⁊ de lauctoꝛite Q՚ iai tes commeni.
HE; laz tres douce gent Ie ne ſaurai mengier
Puis que mes cōmenie Ma meſire Gautier
Car me veilliez abſoudꝛe Pour dieu le vous requier
Sauez vous par q՚l lettre Cōmence le ſautier
TAnſtoſt le te dirai Mais que mauiſe .i. poi
Ie connois bn̄ les lr՚es Quant el liure les uoi
Oꝛ ne parle pas haut ⁊ te tais treſtout quoi
Ie penſe le ſautier Se commence par .b.
BOi et q՚ beurai ie Au mains dites (le moi) beuez
⁊ me poꝛtez hounour Bien faire le deuez
Alez aauignon En leure paſſerez
⁊ ꝑ deuant les maiſt՚s Si ſagement parlez
EN non dieu tu dis voir Quil en y a de tiex
Qⁱ ne ſont pas ſi ſages Ꝯ moi ne tant ſoutiex
Se des flourins y poꝛte Ien paſſerai trop miex
En leure ſerai pꝛeſtre Que ie ſui trop ſoutiex
BOnne gent entendez uoir qñt pꝛeſtre ſera
De beles aualees En ſa meſſe fera
Bien croi que qñt Loffrande receue ſera
Q՚ de lautre ſeruiſe Briement ſe paſſera
Dauodet oꝛ me croi Se gñt offrande auoie
Ie te jure ſur dieu Du meilleur vin beuroie
Iamais pour meſſe dire Es mains gale nauroie
Preſtres ont biau meſtier Volentiers le ſeroie
FOl garcon recreant Oꝛ puet on bn̄ ſauoir
Q՚ voulez eſtre pꝛeſtre. Pour en repos manoir
⁊ pour boire bon vin ⁊ au main ⁊ au ſoir
Dauoudet biax compaīs Vous ne dites pas voir
IE ne veul eſtre pꝛeſtres Foꝛs que pour dieu ſeruir
⁊ pour aus poures gens Demes bn̄s deꝑtir
Si que qñt de mon coꝛs Faudꝛa lame partir
Q՚ dieu en ſa gñt ioie Laueille recueillir
MEs treſtouz les deables Denfer lempoꝛteront
Preſtre ſont plus auer Q՚ nule gent du mont
Qⁱl pꝛennent tout adez Les mains ouuertes ont
Ia de choſe quil aient Aſouuis neſeront.
DAuoudet ie te iur Se les pꝛeſtres neſtoiēt
Les laies gens ꝯ beſtes En ceſt ſiecle uiuroient
Neſt il pas bn̄ raiſon Q՚ deulz ſouſtenus ſoient
Qñt il font le ſeruice Du ſeignoꝛ en qui croient
UOir il me deſplait trop Qⁱl faut argent baillier
A baptizier enfant ⁊ le creſmel paier
Des femmes releuer Veulent auoir loier
⁊ qñt il poꝛtent dieu Il en ont .i. denier
DAuoudet le boucel Te puiſt creuer les yex
Pas ne la couſtumai Li vſages eſt tiex
Preſtres couchēt ⁊ lieuent Celui qui eſt vraiz diex
Ꝑ euz ſont couronnees Pluſeurs ames es ciex
UOus mentez mes dāpnees En enfer atourment
Car des moꝛs ⁊ des vis Veulent auoir argent
Leur ꝑrochiens font Couz menu ⁊ ſouuent
Voir qñt diex en a .i. Le deable en a .C.
POur quoi diz y tes mos; Maleureuz chetis
Pour ce que ie di uoir Eſtes vous eſbahiz
Se vous me voulez croire Par dieu de paradis.
Bon conſeil vous donrai ⁊ deuant vos amis
DI quanq՚s tu veulz dire ⁊ ie teſcouterai
Se tu me diz raiſon Ie mi acoꝛderai
Se vous voulez ſouffrir Deſtre pꝛeſtre cure
Iamais iour de mauie Femme neſpouſerai
ET que ferons nous dont Di moi tout ton penſer
Tu ne me doins en riens Ton courage celer
En engleterre y ron Touz ces englois tuer
Car on dit que uers nous Seueulent reueler
DOuz amis ie le veul Car ſe pꝛeſtres eſtoie
⁊ ſoiſante liurees De bonne rente auoie
Si lairoie tout quoi ⁊ tuer les yroie.
A touz ceuz qui ſont ci; Otroit Ih՚ucriſt. ioie.