POurce que ie uoi grant partie
Du monde qui met ſ’eſtudie
A li vn l’autre deceuoir
Veil dire .i. dit qͥ tout eſt voir
N’en pꝰ mais ſe i’en ſui hais
Mes ie tiēs ceuz poꝛ fox nais
Qⁱ tant ſe fient eſtre foꝛs
⁊ en la foꝛce de leur coꝛs
Q՚ il ne leur chaille de l’ame
Diex il n’eſt ſi belle dame
Ne ſi foꝛt hōme tāt ſoit fier
Q՚ moꝛt ne face trebuch՚
Ꝑſonne qͥ a amauris
Ne ſe deuroit ia oꝛgueillir
De l’eſt du mōde veul dire
Ꝑ amours n’ē aiez pas ire
Car ꝑ tout atrop arep՚ndꝛe
Aucuns aiment mieus a ētēdꝛe
Vne folour qñt on l’a dit
Q՚ (a) choſe dont vient ˞pfit
Mais p˞ ce ne lairai ie mie
Q՚ pure verite ne die
Diex Gart qui l’oꝛra ſāz noiſier
.S՚. pol ſi le veult teſmoīgnier
Car celui doit bn̄ ieuner
Qⁱ a point ne veult labourer
C’eſt .i. c՚tain enſeignem̄t
Or entendez bn̄ ſainem̄t
Il ſont .ij. paire de la bours
Li vns d’aquerre bōnes meurs
L’autre eſt ouurer des eſcriuaīs
Ces .ij. ourages ſont c՚tains
Ꝑſonne qui ſet ſō meſtier
Dont elle puet pain gaaigni՚
Doit loer dieu ꝑ faitem̄t
⁊ ꝯ foꝛter la poure gent
De ſes bn̄s q՚ diex li envoie
Diu՚ſe gent vont ꝑ lauoie
L’un de mande pour dieu ſa vie
⁊ l’autre la boe neſtie
Le tiers ſi fait vaiſſiaꝰ d’argēt
Li vn achate ⁊ l’autre vent
Les autres ſeruent d’autre guiſe
Qⁱ ne ſe mueuēt de l’e glyſe
Les marcheans les la boureꝰ
Les ſouſtiēnēt de leur la bours
Noble choſe eſt q՚ de dōner
⁊ chetiue de demander
Celui qui dōne ſe franchiſt
⁊ celui qui p՚nt ſ’a ſeruiſt
Mais chaſcun ne puet pas avoir
Graſce d’amaſſer gñt avoir
Ceuz qͥ ſont riches ſages ſont
Qñt ala poure gēt bn̄ font
Mais ꝑ lemōde queurt .i. vice
Qⁱ eſt apelez auarice
Qⁱ pluſeurs gens ē enf՚ maine
Il a .vij. iourz en la ſemaine
De quoi veil .i. petit ꝑler
Vꝰ les oez ſouuent nōmer
Les nōs qͥl ont leur ſont venꝰ
Des .vij. planetes de laſſus
Auſſiq՚s ail .vij. eſtas
De gens aumōde ſa ius bas
De ꝯparer veul ꝑ mō cours
Aus .vij. planetes ⁊ aus ioꝛs
Le dimence eſt iour de repos
⁊ p˞ (ce) tant bn̄ ꝯparer l’os
Au ſoleil c’eſt le nō de dieu
Aler doiuent de doꝰ cuer pieu
Au mouſtier chaſcū ⁊ chaſcune
Le lundi eſt dit de la lune
De mars pꝛen ſelonc le mardi
De mercure le merquedi
Le ieudi de jupiter (ſi eſt) ius
⁊ le uendꝛedi de venus
De ſartunꝰ le ſamedi
Or entendez ie voꝰ empꝛi
De dimenche eſt .i. digne ioꝛ
ſi ꝯ le ſoleil rent luour
Plꝰ q̃utres planetes ne font
Auſſi ceuz qui bōne foi ont
Vont deuotem̄t aumoſtier
Audimence de cuer entier
Lameſſe oir ⁊ le ſarmon
Voir ce n’eſt mie ſanz raiſon
Se nr՚e ſeignoꝛ ſe courouce
Qñt les gloutōs plaīs de re˞pce
Vōt ē la tau՚ne ouil boiuent.
Qñt oir le ſeruiſe doiuent
⁊ font traire du plꝰ foꝛt vin
La bōne viande bn̄ Matin
Vont acheter il le ꝯuient
⁊ ſe ꝑ auenture auient
Q՚ li vns d’eulz vait au mouſti՚
L’autre le vendꝛa ſachier
Ꝑ la coꝛne du chaperon
⁊ li dit vien t’en ſi beuron
Ne te chaut d’eſter ci plus
Il m’anuie ie le t’a fi
Vrais diex il ne leur deſplet mie
D’eſtre du main iuſq̃ ꝯplie
Ē lamaiſon du tauernier
Ne font foꝛs crier ⁊ noiſier
La ſont aiſe ſus le coute
Souuent faut q՚ l’oſte leſ boute
Hoꝛs de l’oſtel tant y ſont tart
Le vin q՚ le foie leur art
⁊ qñt ce vient al’endemain
Lateſte leur deuſt ⁊ la maī
Leur trāble loꝛs vont ꝑ effoꝛs
Au poil du chien qͥ les amoꝛs
La reꝯmencent le trumel
⁊ qñt reuiēnent al’oſtel
Il batent femmes ⁊ ēfans
Ainſſi gatent les meſcheās
Ē .i. iour ꝑ leur lecherie
De qͦi leur femme ⁊ leur meſnie
Veſqⁱſſent bn̄ vne ſemaine
Voire ont fait plꝰ d’eure vilaīne
Au dim̄che qu’autre iour
Mais certes c’eſt trop gñt folo˞
Du p՚mier voꝰ lairai eſter
Du ſecont eſtat veul ꝑler
Car ꝑ le lundi entendon
de la lune pꝛent ſō non
La lune eſt froide freſche ⁊tēdͤ
Ꝑ cela noꝰ poons entendꝛe
L’eſtat de gent religieuſe
Qⁱ doit eſtre douce ⁊ piteuſe
Auſſi ꝯme la lune rent
Yaue qñt eſt plaine ſouuent
Doiuent gent d’oꝛdꝛe gñt plēte
Euure faire d’umilite
Mais le diable les tarie
De bouter en ypocriſie
Ē vaīne gloire bn̄ ſouuent
Ceulz qͥ poꝛ le los de la gent
Font en ceſt monde penitāce
L’euangile dit ſāz doutāce.
Q՚ il ont ia eu le louier
Nꝰ ne ſe doit poꝛ bons jugier
Ih՚ucriſt diſt q՚ cil ſera
Eſſauciez qui ſ’a baiſſera
Cil eſt ſages qui poi ſepͥſe
Du tiers eſtat dirai la guiſe
MArdi vien̄t de mars ꝑ dꝛoite՚
Mars ſenefie l’eſcripture
Diex de bataille pour tāt di
Q՚ puis ꝯparer aumardi
L’eſtat de chaſcun chl՚r
Qⁱ pour le filz dieu eſſauch՚
Se doiuēt ꝯ batre aeſfoꝛs
Le dꝛoit doiuēt ſeurer deſtoꝛs
⁊ jug՚ loiaum̄t touz iours
Mais maītenāt ē pluſeurs coꝛs
Ne veult on poures genz oir
Aus auocas couuiēt blanchi՚
Lamaī d’argent nō pas de chiꝰ
Les chlr՚s si ſont trop chaus
D’aler tournoier ⁊ iouſter
Mais miex leur vouſiſt ꝯq՚ſt՚
Le .s՚. ſepulcre ou dieu fu mis
Les ſarrazins on ia occis
Ē garnade ml՚t de no gent
Nous voions tuit ꝯmunaum̄t
Q՚ l’un creſtien l’autre ociſt
Le gñt mēiue le petit
Les laboureus sont trop folez
Fain ⁊ avaīne vin ⁊ blez
Prent on ſeur eulz ſoir ⁊ matī
Voir ce n’eſt mie larrecin
Mes c’eſt toute qⁱ poi Mains vaut
DV merq՚di ꝑler me faut
Qⁱ ſeur la planete m՚cure
Prent ſon non ce dit l’eſcriture
P˞ ce ſelonc m’entencion
Des marcheans vous ꝑlerō
On doit en toꝰ les lieꝰ amer
Les marcheans ⁊ honnourer
Qⁱ veulent ouurer loiaum̄t
Mais on m’a dit n’a pas graum̄t
Q՚ qui loiaute veut tenir
Q˜ gñt paine ſe puet cheuir
Il faut mentir ⁊ ꝑ iurer
⁊ le plꝰ biau de hoꝛs mouſtrer
Qⁱ veult auoir ſ’acheuiſāce
Bonne gēt c’eſt gñt meſcheāce.
Qñt on met dieu ē nō chaloir
P˞ amaſſer trop gñt auoir
L’ē ſoloit croire .i. marchant
Ꝑ ſon dit mais d’oꝛe en auāt
On voit tant de fauſes meſures
Det՚moiemēs ⁊ d’uſures
Ꝯ ne ſe ſet en qui fier
Se ie vouloie deſlier
Malangue en diſant v՚ite
Voir on ne m’ē ſauroit ia gre
Des marcheas atant me tais
Diex amēt treſtoꝰ les mauuais
Dv cinqⁱeme eſtat voꝰ diron
CAr le ieudi entendon
Ce ſōt les laboureurs de t՚re
Qⁱ penſent tout d’aquerre
Les bn̄s dōt ſōmes ſouſtenus
Mais les vns enſont de ceuz
Ꝑ vne tres mauuaiſe guiſe
Car il labourēt ꝑ faintiſe
De ꝑ maī demandēt loier
Afin de leur iournee auoir
⁊ ſe heent c’eſt ſanz douter
Ce qͥl deuſſent plus amer
C’eſt ſainte eglyſe clerc ⁊ p՚ſtre
S’il vouſiſſent paſſiens eſtre
Plꝰ toſt qu’autres fuſſēt ſauez
Ie croi qu’il en y ait aſſez
Il vouroient q՚ paī fuſt chi՚.
Qñt ont de pain plaīs leur g՚ni՚
Ne di pas qu’il ſoiēt toꝰ tiex
Ētendez ſi en voudꝛez miex
Parler voꝰ veul du vendꝛedi
⁊ pꝰ apꝛes du ſamedi
S’arez les .vij. eſtas toꝰ ſus
Le vendꝛedi viēt de venus
Venus ſenefie luxure
Ml՚t de genz ymetēt le˞ cure
A faire tretouz leur delis
Bōnes viandes ⁊ bons lis
⁊ bones robes aueſtir
Orgueil fait lemōde lynir
Trop foꝛt ſoupꝛēt fēmes ⁊ hōmes
Se regardon de qͥ noꝰ ſōmes
D’eſtre oꝛgueilleꝰ n’arōs talēt
Se penſons a l’ē gendꝛem̄t
Voir ce n’eſt pas choſe ml՚t nete
Au p՚mier ne ſōmes q՚ glete
Tant ꝯ viuons ne valons riēs
Le plus c’eſt plain ſac de fiens
.I. arbꝛe rent fueilles ou fruit
Mais de nos coꝛs c’oꝛdure n’it
Il n’eſt bouche ne ſi biau nez
Dont il n’iſſe d’oꝛdure aſſez
⁊ tantoſt ꝯnous ſōmes moꝛs
Vous pouez ſauoir q՚ le coꝛs
Put plus q՚ d’autre creature
Les vers font de noꝰ le˞ paſture
P˞ ce eſt (il )fol qⁱ ſ’oꝛgueliſt
Afiner me couuient Mon dit.
DV ſamedi ſe dieu meſaut
Acel iour le ſemaīne faut
Le samedi ſi pꝛent ſon non
Deſaturnus ⁊ noꝰ trouuon
Qⁱl n’eſt eſtoile ſi diu՚ſe
Ꝯme ele eſt ⁊ pour ce i’ēu՚ſe
Sur li l’eſtat de pourete
Trop ya dediu՚ſite
Car cil eſt poure d’eſperit
A qui pourete enbeliſt
Poures ya d’autre maniere
Qⁱ n’ont de rien pourete chiere
Car ml՚t volent՚s S’il pooiēt
Riches⁊ poiſſant deuendꝛoiēt
Mais iln’i pueent auenir
On uoit bn̄ poure devenir
Aucunes gens ꝑ meſcheance
⁊ les autres ꝑ leur enfance
Qⁱ ne veulent leur amis croire
Les vns ſont poures ꝑ tºp boire
Les autres ꝑ le gieu du de
Qñt ſe voient a pourete
Il maugrient ſaintes ⁊ ſainz
Les autres ꝑdent piez ⁊ maīz
Ꝑ meffait ou par maladie
Aucūs muſars ꝑ leur folie
Se des eſperent bn̄ ſouuent
Ceulz ſont poures ꝑ faitem̄t
Car il perdent le coꝛs ⁊ l’ame
P˞ ce tout hōme ⁊ toute fēme
A qui diex ap՚ſte auoir
Ceulz ꝯ voit qui en ont meſt՚
Mes l’ū ne veult (mes) l’autͤ aid՚
Diex .i. petit de ſe courāce
Gete hōme de des eſperāce
Roys alix՚. eſt finez
Les biaꝰ dons ne ſōt mes dōnez
Doit ꝯ foꝛter aſon pooir
⁊ S’on donne ie voꝰ creant
Sin’eſt ce foꝛs en recreant
S’un bourgois ou .i. chl՚r
Donne ſarobe a .i. barbier
Ou a .i. autre meneſtrel
Il couuient qu’il ſerue al’oſtel
⁊ y fera mainte coꝛuee
Tant qͥl maudira la iournee
Qⁱl pͥſt la robe car plus chiere
Li couſte que d’une frepiere
Douce gent petit vaut tel dō
Ttl dons reſamblēt aulion
Car qñt le lyon veut meng՚
Les beſtes pꝛent foꝛt ahuch՚
Elles yuient ſanz reſpit
Elle pꝛent qⁱ li abelit
Qñt toute ne la puet vſer
A vn autre le vadonner
Mais ſ’il auient al’ē demaī
Q՚ le lyon n’ait point de fain
Tantoſt la beſte mēgera
A qui ſō remanant dōna
Son don n’eſt gaires ˞pfitable
Or oez .i. mot tout notable
Vous veez le iour des eſtrines
Q՚ on p՚ ſete les dōſenes
De froumages es gñz meſōs
Dont on renuoie cras chapōs
Ian’i alaſt on riens poꝛter
Se on n’ē cuidaſt amender
Tiex dons plaiſent petit adieu
Mais ce ꝯ donne de cuer pieu
Elnon du tres doꝰ ih՚ucriſt
C’eſt le dō qⁱviēt a˞pfit
Car a .C. doubles eſt rendus
Mais vns vſages eſt venus
Q՚ l’en lait les poures jeuner
⁊ fait onles biaꝰ dōs dōner
A ceulz qui n’en ont nul meſt՚
P˞ ce dit on enrepꝛouuier
C’eſt au cras pourcel le cul oīdꝛe
Ē la fin demō dit veulioindꝛe
.I. mot qu’ai oy maīte foiz
Pource te donne de mes pois
Q՚ de tes feues veul rauoir
S’il vous ſamble q՚ ie di voir
Sim’ē creez ſeurement
⁊ se vous auez aiſement
Si me faites aucun ꝯfoꝛt
Diex vous Gart de vilaīne moꝛt