/Tres haute dame Belle et bonne
Au baptiſier qui miſt non /bone
Voir diſt ſanz faute ne menti
Car bone grace et merci
Avez et vraie honeſte[te]
Biau maintieng avec loiauté
Simplece de cuer et raiſon
Sens ſavoir et diſcrecion
De pꝛis d'onneur eſtes bien nee
Et par Foꝛtune deſtinee
Qui vous fait en tous biens monter
Et qui a dꝛoit voudꝛoit louer
Les biens que vous donna nature
Et Diex qui vous fiſt creature
Et Foꝛtune qui ne empire
Vos biens ſe homs les voloit dire
Anques ſambleroit flaterie
Car bonté biauté courtoiſie
Vous donnerent treſtout enſamble
Et ne eſt nus qui ſe deſſamble
Tant y iſt chaſcuns acoꝛdans
Mais Diex qui eſt le plus poiſſans
Que n'eſt nature ne Foꝛtune
Vous fiſt de treſtous biens commune
Pour quoi eſtes de pꝛis parfaite
Si gardez font eſtes atraite
Du roy des roys par ſon haut pris
De /hebaigne qui a touz dis
Honnour a ſoi a eſpouſee
Celui qui a la renommee
De largeſce et de hardement
Celui qui regne loiaument
Celui qui fait chevalerie
Et des pꝛeuz la bachelerie
A il faite par mi la terre
Celui qui eſt noꝛriz en guerre
Et par armes apriz et los
Celui qui ait du coꝛs repos
Et pour honneur voult ſouffrir painne
Celui qui eſt en la fontaine
D'amoꝛs que ſert de coꝛpz et d'ame
Pour quoi y eſt raiſons haute dame
Puis que bons arbꝛes fait bon fruit
Vous par bon dꝛoit comme je cuit
Bonne du tout devez bien eſtre
Puis Diex de bon cuer vous fiſt neſtre
A cui de bonté reſamblez
Dont dame puis que vous avez
Raiſon pour quoi y eſtes ſi bonne
A dꝛoit vostre non ſi eſt bonne
Par vous et par vo bonne mere
Et par /le bon roy vostre pere
Qui eſt miendꝛes de tous les bons
Par quoi par dꝛoit eſt vostre nons
En fais en dis voir que ne ment
Et puis que aus bons propꝛement
Tous biens ſe doivent aſſambler
Mez diz a vous doiz je donner
Puis que de bien tiengnent la voie
Car a miendꝛe je ne poꝛroie
Donner de pꝛis et de nobleſce
/Madame des Noꝛmans ducheſce
A vous diz je ne cuit m'eſpꝛendꝛe
Et chaſcun le puet bien entendꝛe
Qui ont les nons et la bonté
Que vous avez a grant plenté
Pour quoi ma dame entendez
Ceſtui romanz ſi eſt nommez
L'arbꝛe d'amours et par bon dꝛoit
Car nulz amanz quelz que il ſoit
Ne poꝛroit vivre ſeul .i. jour
Et du fruit la douce ſavoir
Reconſtoit et l'amerture
Mais je vous conte l'aventure
De l'arbꝛe que avint a moi
Oꝛ entendez en bonne foy
Car autrement je ne le dis
Et plaiſe a vostre haut pꝛis
Au ſavoir et a la raiſon
D'amender ſi y a meſpriſon
En mes diz ne bourde ne faute
Et Diex vous doint honneur tres haute.
Joie d'amis et de ſeignour
Que vous avez et vraie honneur
Aiez tous .ii. a tous vos temps
Et ſi vous gart vos chiers enfanz
Et tuit aiez apꝛés la moꝛt
Paradiz qu'eſt le vrai confoꝛt
Li quiex vaut plus qu'argent ni oꝛ
La ou chaſcuns a ſon treſoꝛ
yluec eſt ſon cuer a tous diz
Et poꝛce que je ſui amis
Et me treſoꝛ ſi eſt madame
Ma pensee mon cuer et m'ame
Eſt en li ſur toute autre rien
Et quant je ne veul autre bien
Foꝛs tant comme le bien d'amours
Pour ce y penſe nuiz et jours
De vrai cuer et de vraie entente
Mes combien que de voir je ſente
Que a li ne ſui communaulz
Puis que de lui je ſui vaſſaux
Et tout m'a fait a ſoi venir
De cuer li ferai ſon plaiſir
Toudiz avant ſanz rebouter
Se je ne puis du tout a cler
Au mains y ſera ma pensee
Dont puis je ai la deſtinee
Que amour m'a a ſoi choiſi
Et tout par ſa bonne merci
Non pas pour bien qui en moi ſoit
Foꝛs ſeult que loial ſui a dꝛoit
Envers li et ſanz fauſete
S'il a en moi tres bien pꝛouue
Quant de l'arbꝛe ou ſont li fruit
Des biens des maus que n'ont pas tuit
Mengier me fiſt de tous ſanz faute
Tant que a la bꝛanche plus haute
Monter me fiſt iluec menioi
Des fruiz que oꝛendꝛoit diroi
Que font premier les vraiz amanz
L'anee .mil.ccc. ans.
Quarante et cincq celle ſaiſon
Que eſt la incarnation
Du uray Dieu nostre creatour
Le mois la ſemainne et le jour
Que /saint geoꝛges pour Dieu moꝛut
.XX. et .iii. jourz en auril fut
Quant il recut la moꝛt cruel.
Li temps eſtoit et cler et bel.
Et tres douce la matinee
Qu'en moi vint la douce pensee
D'amours penſant toudiz a li
Qui a mon cuer mon coꝛs et mi
Mais poꝛ miex mon aaiſe avoir
De bien penſer a mon vouloir
Tout par moi m'en alai jouer
A .i. biau bois que je nommer
Ne veul et par bonne raiſon
Car je donroie a choiſon
De fol parler par aventure
La rouſee ſur la verdure
Eſtoit car le ſouleil encoꝛs
Ses rais ſains ne boutoit hoꝛs
Car de l'aube eſtoit la fin
Chaſcun oiſel en ſon latin
Chantoit par mi le vert boſcage
Mais je cuit bien qu'en leur langage
Chaſcuns chantoit par amouretes
Rouſſignoulz melles alouetes
Et tous ceulz du boiz ce le fie
Chaſcuns faiſoit ſa melodie
De liece d'amours tres grant
Et moi meiſmes de leur chant
Eſtoie trop foꝛment jolis
Car par leur chant m'eſtoit avis
Que chaſcun oiſiaus connoiſſoit
La douceur que mes cuers avoit
De ma pensee amoureuſe
La foꝛeſt eſtoit gracieuſe
Clere d'arbꝛes tres bien fueilliez
Je alai avant tout adez
Tant que fu pres d'une cloſure
Mes point n'i ot de couverture
Haute fu et tres bien fremee
De pierres de marbꝛe ouvree
Mes chaſcune ſon oeuvre poꝛte
Et je ving tout dꝛoit a la poꝛte
Que fermee n'eſtoit point
Car ja vis l'eure et le point
Que nus chevaliers l'avoit ouuerte
Mais comme fox moi mis aperte
Quant je entrai dedenz le mur
Le chevalier qui bon eur
Avoit nonz fu en grant effroys
Mes comme humbles et courtois
Diſt biaus amis trez bien veingnant
Sire fis je joie tres grant
Vous doint li rots poiſſanz du ciel
Car onques chevalier ſi bel
Si gracieus ne ſi faitis
Je ne vis en neſun pais
Tres douz ſires mes ſ'il vous plait
Pardonnez moi ſe j'ai foꝛfait
S'entrai ſeanz ſanz vo congié
Amis ne vous ſai point mal gré
Moi meiſmes en ai le toꝛt
Pour aler jouer en depoꝛt
Avoie ouverte la poꝛte
Mes puis que Diex et vostre ſoꝛte
Veult que vous ſoiez ca venuz
Venez o moi car autre nus
Ne a ceans foꝛs que ma dame
Mais je me doute trop par m'ame
Que ne ſoit de moi courouciee
Mais ſe vous l'avez acointiee
Je croi qu'en avra grant plaiſir
Hé tres douz ſires pour moꝛir
Je ne yroie plus avant
Se vous blaſme en auiez grant
Par noi ne noiſe ne courous
Amis ſe eſtes amourous
De cuer loial ſanz fauſſeté
De ma dame j'en avrai gré
Car ſouurain plaiſir en avra
Sire pour Dieu me dites ja
Qui eſt ycelle vaillant dame
Amis ce eſt amours par m'ame
La plus poiſſant et la meillour
Apres ſa ſuer qui eſt honnour
Amis fis je dous ſires chiers
Je l'ai ſervie volentiers
Plus de .x. ans moult loiaument
Et li penſers que de li pꝛant
Moi fiſt venir yceſte voie
Trez douz amis j'en ai grant joie
Alonz a li vous le verrez
Bien croi que vous la connoiſtrez
Puis qu'autre fois l'avez veue
Parmi la pꝛaerie dꝛue
Nous alames juſques bien haut
Oꝛes li ſolaux eſtoit chaut
Qui ot treſtoute la rouſee
De l'erbe du vert pꝛe levee
Iluecques couroit .i. ruiſſel
Bien cler par mi le pꝛe tres bel
Nous alames tous jourz avant
Par la pꝛaerie a tant
Que veniſmes a la fontainne
Clere ſautelant et ſeraine
Et ou milieu ſi fu plantez
Un grant arbꝛe que ne vi mez
Ne a nulz homs plus ne avint
Sanz plus de b[r]anches avoit vint
En chaſcune bꝛance .i. fruit
Et des gueilles comme je cuit
En la bꝛanche une ſanz plus
Tres la raſcine juſques ſus
Fu tres verde une partie
Branches fueilles li fruis ne mie
Mais cuers rouges d'une coulom
Et de l'autre part tout autour
Furent les fueilles et les bꝛanches
Seches d'amour et toutes blanches
Les cuers aſurez tout parmi
Ce fu la guiſe que je ui
Ne plus ne mains tout ditez fuer
Mais ſus le plus haut .i. cuer
Moitie rouge et moitié pers
Onques cuer ne vi plus divers
De beſte d'omme ne de femme
Au pié de l'arbꝛe fu la dame
En piez en apuiant ſ'eſchine
Dez pꝛez tenoit a la racine
De l'arbre en l'yaue par font
Sus ſa teſte poꝛtoit amont
D'argent une noble couronne
Sa robe eſtoit riche et bonne
D'aſur et de rouge tres bele
Moult faitiſte et moult iſnele
Et de biauté tres pariſſant
Tantoſt con je la vins devant
A genous humblement me mis
Encliniant ma teſte li dis
Douce dame le ſauveour
Vous croiſſe joie et honour
A vous et a tous ceuz qu'amez
A nus bonne part en avez
Car je vous aim et levez sus
Mais puis que y eſtes ca venus
J'en ai plaiſir bien dire los
Mais que fait vostre dous repos
Par quoi avez amour ſi grande
Tres foꝛt a vous ſe recommande
Ma dame et ſi vous ſalue
Amis ſe o vous fuſt venue
Moult me pleüſt je le vous di
Car de ceſt arbꝛe qu'eſt yci
Ou je me ſouſtieng oꝛe toute
Ne demouraſt ne grain ne goute
Que ne mengaſt de chaſcun fruit
De ceulz qui en l'arbꝛe ſont tuit
Car nulz cuers ne puet amer bien
S'il ne mengue du fruit mien
De tous les bons et les mauez
Mais puis qu'eſtes venus ſi pꝛez
De moi pour vo cuer aſſier
Je vous pꝛi que veilliez mengier
De chaſcun .i. pou non pas tout
Pour ſavoir la ſauour el gout
Oꝛes quant avez ſi bon a aiſe
Ma dame dont ne vous deſplaiſe
Oꝛ me dites choſe certaine
De l'arbꝛe et de la fontainne
Et de la vostre contenance
Je ne ai mie la ſcience
Que par moi le puiſſe ſavoir
Se vous ne m'en dites le voir
Amis entendez de vrai cuer
vous ſavez honnour eſt ma ſuer
Et je ſui loiaument amours
La deeſſe des amourours
Et donnez treſtout enſamble
Mais aucune foiz moi deſſamble
Si comme veul et pluſeurs fois
Vous recoꝛde enmi du bois
Quant armes et amours y furent
Car par l'acoꝛt parlement hurent
Mes .ii. ſuers et ſavez la guiſe
Qui eſtoit entre la deuiſe
Mais quant je fui par moi ſeulete
Vez ci ma vie la plus nete
Et la meillour car autrement
Je n'ai la vie propꝛement
Foꝛs que de l'arbꝛe ou ſui je
L'arbꝛe ſi a non volante
Ou je m'apuis de meſchine
Amours vous ſavez qu'amours fine
Par volenté a nouriſſon
Quant volenté eſt ſus raiſon
Tel ſcet du tout que je le ſui
Mais ſanz volenté je de fui
La ou raiſon li eſt ſouuraine
Mes ſouffrance eſt la fontaine
Ou l'arbꝛe croiſt et vit toudis
Et moi auſſi biaus dous amis
Ne ſavez bien dont que ſouffrance
Volenté nouriſt que ne tence
Car ſouffrance la tient tous jours
Et nouriſt moi qui ſui amours
Qui pour bien ne pour neſun malz
Ne me deffent tant eſt loialz
Cuers d'amans fait venir en haut
Dont moi ne l'arbꝛe rien ne vaut
Se dont ſouffrance enterine
Touiours ne eſt a la racine
Cuer ſanz ſouffrance ne vait riens
Car de moi ne avra nulz biens
De la fontainne par raiſons
Savez et de l'arbꝛe les nons
Oꝛes amis vous faut mouſtrer
Les fruis de quoi vous faut taſter
De l'arbꝛe et ſelonc mes lois
Puis me dites ſe autre foiz
Avez mengie avec ma dame
Je croi qu'oil aſſez par m'ame
Qu'autrement a moi ne fuſſiez
Ne des fruis mengie ne euſſiez
Oꝛ regardez en l'arbꝛe ſus
Veez les fruiz que pendent jus
Yceulz mauvais et tres ſurs ſont
Mais ceus qui regardent amont
Yceulz ſont tres delicieus
Et au mengier ſouefs et dous
Mes .i. arbꝛe les fait tous neſtre
Et li mauvais ſont a ſeneſtre
Et li bon a deſtre partie
Pour ce qu'a dꝛoit je ne ai mie
Les maulz mez ſul par aventure
Et biens par dꝛoit et par nature
Pour ce chaſcun eſt a ſa part
Mais les arbꝛes chaſcun dep[ar]t.
Vé ci la bꝛanche De biauté
Le frui[t] plaiſance De bon gré.
Mais le fueille ſi eſt ioineſce
La bꝛanche qui tant moi adꝛeſce
Prenez du fruit ſi en taſtez
Et ce qu'en ſentreez apꝛez
Si le me dites ſanz delai
La bꝛanche pꝛis du fruit mengai
Si douz ſi ſouef ſi plaiſant
Douz au gouſt et bien oudourant
Et delicieus pour mengier
Certes ne pooie cuidier
Qu'en huſſe aſſez a ma pensee
D'une tres grande charretee
Encoꝛe en vouſiſſe plus
Car de ſi dous ne menga nus
Se du meeſmes ne menga
Et amours diſt oꝛ dites ja
Eſt dous li fruiz qu'auez taſte
Oil tres douz dame fis ge
Mes je vous di certainement
Car j'en ai mengie bien ſouvent
Puis que ma dame je amai
Car loꝛs amer je commencai
Quant vi la fueille verdelete
Et la bꝛanche bele et nete.
Et quant mengai du fruit ſi dous
Je commencai venir vers vous
Amis voirs eſt que biauté fait
Les cuers lever puis les atrait
Par la ioneſce dont commence
A mengier du fruit de plaiſance
Quant biauté eſt ſi bien garnie
De ioneſce de grace flourie
Et de plaiſance le fruit poꝛte
Quel meſchant cuer ſe desconfoꝛte
D'aler avant toudiz vers moi
Je ne voi pas raiſon poꝛ quoi
Apꝛés je vous pꝛie amis
Que faire veilliez ce que dis
Venez de ca a la partie
Ou l'arbꝛe a petit de vie
Si taterez du mauvais fruit
Liquiex n'eſt pas comme je cuit
Si doulz comme eſt li pꝛemiers
L'amena moi li chevaliers
Comme courtois et je y alai
A celle bꝛanche m'adꝛecai
Pour pꝛendꝛe du fruit a mon veil
Celle bꝛanche ſi fu d'oꝛgueil
Et la fueille ſi fu deſpit
Li fruis ne fu mie petit
Moult mauvais ce fu desconfoꝛt
A poi que tantoſt ne fu moꝛt
Quant je du fruit mis en ma bouche
Car juſqu'a cuer malement touche
Ytant eſt il amer et ſur
Et loꝛs ſ'ein vint foꝛs bonheur
Quant moi vit faire laide chiere
Et diſt gardez ma dame chiere
Comme ceſt fruit li eſt amer
Amours diſt qui bien veut amer
Quant de ceſtui mengie avra
De ceſte yaue lauera
Sa bouche moult ſouvent apꝛés
Car ſouffrance deſtruit adez
Oꝛgueil deſpit qui bien en boit
Mais dites reſpondez adꝛoit
Autre foiz en mengaſtes point
Oil dame tant qu'en mal point
En fui et tous deſconfoꝛtez
Car grant oꝛgueil et cuer engrez
Trouvai ge et guiſe hautainne
Et ſi m'iſt eſté la fontaine
Li fruis m'eüſt ja fait moꝛir
Amis vous ſavez ſanz mentir
Que oꝛgueil de cuer et deſpit
Aus amans point ne font profit
Foꝛs que tant que miex endurer
Seuent les maulz que fais poꝛter
Miex aiment de cuer et plus foꝛt
Car la fontaine fait confoꝛt.
Qui en boit ſouvent nuit et jour
Car ſouffrance nourrit amour.
Mes puis amours me commanda
Et diſt reuenez par deca
L'autre branche tantoſt prendez
Mengiez du fruit ſi me contez
S'il vaut tant comme le ſecont
Je me dꝛecai tantoſt amont
Quant venus fui de l'autre part
Mais la branche de dous regart
Et la fueille de tous ſouſpir
Li fruiz tres biax ſi fu deſir
Bien meur eſtoit et bien gros
Mais pour certain bien dire l'os
Que au gouſt il eſt douz et foꝛt
Qui en mengue petit doꝛt
Car la ſaueur le cuer eſveille
Tant eſt trenchant que merveille
Quant le cuer tout outre ne perce
Mais la douceur eſt tres diuerſe
Que eſt a la foꝛte meſlee
C'eſt fruit ſi oſte la pensee.
Et les yex fait il eſclarcir
V cuer engendꝛe tous ſouſpir
Si toſt comme il eſt mengiez
Quant du regart entremellez
D'umble ſamblant et de biau vis
D'uyl gros fenduz riant traitis
Entier vuer au regarder
Que eſt a ſon dꝛoit cop lancer
Un peu tournant auques eſpars
Ceſte branche eſt dous regars
Qui la fueille de douz ſouſpir
Fait croiſtre en fruit de deſir
Amours me diſt prendez bien guarde
Ceſte branche que le cuer larde
Et li fruiz tres delicious
Aus amans doit eſtre tres dous
Pluſeurs foiz en mes taſte
Ma dame voir moꝛs fuſſe je
Se le dous fruit mengie n'euſſe
Car pour nulz malz que je euſſe
De courous ne d'autre diffame
Quant venoie pꝛez de ma dame
Pour la branche poꝛ le dous fruit
Mes courous ſ'en aloient tuit
Tant eſtoit mes cuers eſiois
Pour les douceurs poꝛ les delis
Que de cel fruit adez avoie
Tant com ma dame je veoie
Biaus dous amis de ca venez
D'autre partie ſus montez
Si verrez du fruit que ſera
Quant vous mengie en avrez ja
Car il eſt bien d'autre ſauour
Je paſſai l'arbꝛe tout autour
Et puis pꝛis la branche ſeconde
Qui de vil fruit tres foꝛt abondele
De l'arbꝛe ou je fuis premier
Et la branche qui eſt dangier
Tiray vers moi legierement
Male reſponſe durement
Fu la fueille ce ſachiez vous
Li mauvais fruis ſi fu courous
Oſcur de coulour aſuree
Tant eſtoit dur que de m'eſpee
A grant paine debꝛiſie l'ai
De celui fruit biau cop mengai
Car je cuidai que fuſt ſi bon
com li autres et de ſaiſon
Mes il fu tres ſur et amer
Plus maulz au gouſt que nus amer
Si ſur ſi mal ſade ne fu
Mais autre foiz j'en ai eü
Par quoi ne me fuſt ſi eſtrange
Loꝛs diſt amours eſt ce bon change
De dous regart et de ceſtui
Amis je croi que de celui
Vaudꝛoit miex mengier aus amis
Mes toutes foiz n'eſt pas complis
Se treſtous les biens et les maulx
Ne ſet pꝛendꝛe tous communalx
Dangier eſt oꝛt et tres mauvais
Dont maint courous ſont engendꝛez
Dangier ſi eſt dur et ſauvages
Dangier eſt vilains en langages
Dangier en faiz n'eſt point courtois
Pour quoi le cuer tient en effroiz
De celui qu'en la bꝛanche monte
Diex quel pechié et quele honte
Eſt d'un vrai ami deſirant
Quant dame pꝛie humblement
Et d'amours li fait ſa requeſte
Cuide trouver joie et feſte
Pour doucement a li pꝛier
Elle ſi li fera dangier
Car de ſon mal point ne li chaut
Mal ſamblant li fait de cuer haut
Male reſponſe et tres dure
Dont li amans grant mal endure
Et mengue fruit de courouz
Dont vit tous triſtes et hontouz
Mais ſouffrance douce fontaine
De ceſt grant mal tout ami ſaine
Pour quoi l'avez vous un petit
Et de dangier avrez reſpit
Apꝛez amours par courtoiſie
Me diſt ca a l'autre partie
En la chambꝛe .i. pou plus haut
Qui aus amans en tous temps vaut
Je montai moult appertement
Sus la bꝛanche de hardement
Du fruit volu tantoſt haper
Mes ne pooie tant lever
Ma main ne ſus en haut eſtendꝛe
Que du fruit je pouiſſe pꝛendꝛe
Pour quoi plus avant je alai
La fueille verde auiſai
Qui d'amour fu humble requeſte
Li fruis qui confoꝛte la teſte
Ce fu d'amours tres dous acoꝛs
Ceſtui eſt douz et non pas foꝛs
Pour quoi il me fu plus plaiſanz
De grant fain je em pꝛis aus denz
Villainement a granz moꝛſiaux
Pour peler peler n'i mis nulz couriaux
Car du mengier avoie haſte
Toſt eſt ſaoul qui ſeul en taſte
Mais amours loꝛs me demanda
Amis eſt bon ne penſez ja
Que a vous avoit bien beſoing
Car vous ſavez chaſcun eſt loing
De moi ſe ne a hardement
Car aucun ſont qui uiſſement
A la dame que ameront
Leur cuer mouſtrer ne oſeront
Pour doute ne ſeuent de quoi
Nes ſ'il eſtoient en requoi
Sanz neſun plus tous .ii. enſamble
Il li ſoufiſt que ſon cuer tramble
Ytant eſt honteux et perdus
Et pour ce il perdꝛa le plus
Pour ce ne menguent pas tuit
De ceſte bꝛanche le dous fruit
Ne la fueille d'umble requeſte
Pis vaut uns amans c'une beſte
Se au cuer hardement ne a
Ma dame de moi ſavez ja
Que pluſeurs foiz en ai taſte
Car autrement moꝛt fuſſe je
Tant par eſtoie paourouz
Devant ma dame et hontous
Que le bien que je li vouloie
Dire poꝛ riens ne li oſoie
Gardez ſe je mal li vouſiſſe
Comment pro riens je li deiſſe
Mes vous amour quant cuer prendez
Aus paourous tant les laſcez
Que foꝛce d'amour loꝛ fait honte
Pour ce amis celi qui monte
Sus ceſte bꝛanche ou plus haut
Du fruit mainguſſe ne de faut
Mais vait avant ſanz chiere triſte
Mes puis aprés amour tres viſte
Me diſt amis de ca venez
Et d'un autre fruit toſt pꝛendez
D'une autre branche qu'eſt contraire
Car ceſte fait fuir et taire
La ou l'autre feroit parler
Sus la branche me fiſt monter
Mauuaiſe ce fu de paour
Li mauvais fruis fu de dolour
La fueille honte que mal vi
Et ſi font maint autres auſſi
Car auſſi toſt comme en mengai
De paour tantoſt m'effreai
Si ous le cuer dure et eſtraint
Tramblai et fui pales et taint
De l'angoiſſe de l'amerture
Car la ſauour eſtoit ſi ſure
Que pꝛés cuidai eſtre paſmez
Quant amours me diſt deſcendez
Biax dous amis car je voi bien
Que tel fruit pour vous ne vaut rien
Il eſt ſur amer et ſauvages
Et ſi trouble tous les langages
De bien dire ſa volenté
Tant eſt vil plain de mauueſte
Pour ce grande douleur il poꝛte
Quant au pꝛier ſe desconfoꝛte
Que de honte eſt ſi eſbahiz
Autre paour eſt et fair piz
Et qui fait croiſtre la dolour
Regarder toudiz le honnour
De ſa dame et puis de ſoi
Yceſte vient de bonne foy
Quant on puet prendꝛe maint plaiſir
Ou chaſcun poꝛroit conſentir
Soi retrait ou par la diffame
Avoit de ſoi ou de ſa dame
Dont la fueille croiſtroit de honte
Pour quoi le fruit de dolour monte
Quant le grant plaiſir ſe retrait
Pour ce que nulz honte n'i ait
Avez vous mengie de chaſcun
Ouil dame tout m'eſt commun
Mais li ſecons m'a fait anui
Pour ce que paourous je fui
Oꝛ me faut garder la honnour
De ma dame cele paour
Maintes foiz m'a volu grever
Se me faiſoit bien le lauer
De la fontainne de ſouffrance
Oꝛes oiez d'une abſtinence
De trop mengier de cel vil fruit
Sirez avant comme je cuit.
Se coulez me faiz de cuer prendꝛe
Dont veilliez moi de cuer entendꝛe
Et faites ce que bon ſera
.I. autre fruit a par dela.
Qui eſt tres douz ſi montez ſus
Ne laiez mie en refus
Yci montai poꝛ faire ſon veuil
Sus la bꝛanche de belacueil
Qui ſon biau fruit ſus en haut drece
Bien rouges et ce fu liece
Et la fueille ſi fu baudour
Onques fruis de mieudꝛe ſauour
Ne mengai ne de meilleur gout
Encoꝛ mengie l'euſſe tout
Et fuſt .iii. fies plus granz
Car ſi liez en fu et joianz
Tant comme fu ſus celle bꝛanche
Que la tres gracieuſe branche
Je cuidai vëoir vis a uis
Amours moi dit en ſon biau ris
Biax dous amis n'eſt pas aſſez
N'eſtes encoꝛes ſaoulez
Ma dame par ma foi nennil
Se je eſtoie ſus ans Mil.
Et a touz diz du fruit mengoie
Point ſaouler ne m'en poꝛroie
Ytant eſt douz et bon et bel
Non poꝛquant ne m'eſt point nouvel
Car pluſeurs foiz en ai taſte
Mais non pas a ma volenté
Amis cel fruit qui eſt lieſce
Hoſte de moi toute triſteſce
Pour c'eſt la fueille de baudour
Quant uns amans vrai ſeruitour
Par devant ſa dame il vient
Veoir parler comme appartient
Comme humbles liax amis
Et la dame en ſon cler vis
De ſon tres gracieus parler
Ou de touchier ou d'acoler
Li feſtiera a pꝛeſent
Eſpoir ſ'il puet celeement
Li donra baiſier amourouz
Et de ſes bꝛaz tres graciouz
Foꝛt et eſtroit l'acolera
En regardant ſoupirera
Et puis .c. foiz bien ſaouler
D'un tres douz et humble parler
En ſouriant a chiere lie.
Ce eſt belacueil de ſ'amie
Qui amie et faire la puet
Mais ſe yce faire ne veult
On ne puet foꝛs que communaux
Dueil de bouche comme loiaux
Face ſignes que a plaiſance
Quant li amans voit en preſence
Car la bꝛanche de belacueil
Ne veut dangier ne haut oꝛgueil
Lieſce fueille de baudour
En la branche ſi eſt tout jour.
Oꝛes amis de ca venez
Et une branche toſt pꝛendez
Sus ycelle que monterez
Du fruit de cele mengerez
Mes mengie en avez ſouvent
Loꝛs montai ſus appertement
En la branche ſus le plus haut
Qu'eſtoit de aaiſe tout deffaut
Triſtreſce fu le fruit puans
La fueille ſi fu lieu et temps
Du fruit mengai tres venimous
Sur et amer malicious
Tant que en parfont du cuer touche
Mes ſi toſt que fu en ma bouche
A poi a terre ne chay
Tant en mengai que eſtourdi
Jusqu'a la terre vins paſmez
Le chevalier dit moꝛt l'avez
Ma dame ce eſt grant pechié
Eſt dont ceſt fruit envenime
Nenil nenil ne doutez point
Mais l'amerte u cuer le point
Si que treſtouz eſt eſtourdiz
Getez de l'yaue ſus ſon vis
Puis li frotez a vostre main.
Garis ſera tout pour certain
Li chevaliers de l'yaue pꝛiſt
Sus mon viſage toſt en miſt
De puis tournai de paſmiſon
Mes je ne ous pas gariſon
Du chëoir car moult fui bleciez
Tant me doloient mez coſtez
Qu'a paines moi pos releuer
Mes devant ſoi me fiſt bouter
Amours en la clere fontaine
Quant ma char fu nette et ſaine
Si ſailli hoꝛs de puis me diſt
Par celui ſeignour qui moi fiſt
Amis de vous ai je merveille
Vous fuſtes ja en la pareille
Branche pour certain qu'eſt yci
Et du fruit mengaſces auſſi
Et la fueille avez tenue
Oꝛ ſ'eſt la dolour tant creue
Plus que onques ne ſai pourquoi
Madame entendez a moi
Quant je mengue a la fie
Moult foꝛt me croiſt melancolie
Par le mal que tant moi deſtraint
Que de doulour ſui ſi ataint
Du mauvais mal qui n'a pareil
Que de moi je ne ſai conſeil
Puis vous dirai poꝛ quoi par m'ame
Quant je ai l'amour de ma dame
Elle de moi a chaſcun vuet
Faire plaiſir tant qu'ele puet
Dous amiables pour amour
Eſt ou monde pire doulour
Que ce qu'eſtoit nostre leeſce
Dont vient li fruiz de la triſtrece
Que la fueille ſcet bien garder
Et la bꝛanche fait meurer
Quant le mal double c'eſt tout bien
Je l'ai par moi ſi ai le ſien.[Elle auſſi les a tous dus.]
Voir dites amis levez ſus
En la branche plus haut montez
Mes quant revendꝛez moi contez
Celui fruit que y mengerez
Plus chier que ceſtui l'auerez
Sus la bꝛanche montai apert
Le fruit vi cler a deſcouuert
De biau maintieng ce fu de grace
Le cuer m'eſchaufa et la face
Tant fu plaiſant et de bon gré
La fueille c'eſtoit honneſte
Qui eſtoit tres bien pꝛés du fruit
Je en mengai a grant deduit
A grant plenté poꝛ la ſauour
Plaiſant ſouef plain de doucour
Au maingier fu tres amiables
Les cuers des amans fait eſtables
Quant par plaiſir homs en mengue
Ce eſt uns fruis que de venue
Eſchauffe le cuer et le coꝛs
Amours moi dit en riant loꝛs
En mengaſtez onques par foꝛs
Oil ma dame pluſeurs fois
Tant com je fui prez de ma dame
De ce avoir a l'ons et femme
Combien que tous autres biens face
Biau maintieng honeſte et grace
Si a elle a grant foiſon
Amis c'eſt dꝛoite noꝛriſſon
Pour cuers d'amans nourrir et traire
Ne eſt dont tres bel examplaire
Quant .i. coꝛs grailles lons et dꝛoit
Veſtus faitiſſement eſtroit
Et cointement bien atournez
Les piez a la guiſe chauciez
De biau parler ſi a meſure
Gaie honneſte pour traiture
Si eſt dꝛoit et plain ſon aler
En lui ſcet rire et jouer
Et au beſoing conſeil bien donne
Quant ſet ſouffrir toutez perſonne
Humble en fait plaiſanz en dis
Et au beſoing ſi eſt hardiz
Et bien ſcet celer ſon courous
Et pour nul bien n'eſt oꝛgueillous
Ce eſt de biau maintieng la vie.
Sans douter venez ceſte fie
En la bꝛanche qu'eſt par deca
Mengiez du fruit trop en y a
Bien eſt fermee a la ſouche
La bꝛanche ſi eſt male bouche
La ſeche fueille eſt envie
Li fruis mauvais dont eſt garnie
A a non male renommee
Noirs fu de coulour azuree
Vil puant oꝛd et mal flairant
Au mengier ſi me fu ſamblant
Que vil eſtoit et tres pourris
Ytant fu puans et honnis
Que ſi toſt comme en os mengie
De mes yex perdi la clarté
Et de doulour tres foꝛt tramblai
Tantoſt hé chevalier huchay
Et dis me ſire bonheur
Venez a moi tout aſſeur
Aidiez moi poꝛ la Dieu merci
Je ſui perduz ai mi hay mi
Car je ne voi ne grain ne goute
Amour fu ſi eſbahie toute
Et ſi diſt toſt au chevalier
Montez ſuz alez lui aidier
Car ſ'il cheoit il eſt ſi haut
Il moꝛroit tantoſt de defaut
Li chevaliers vers moi monta
Sus ſon col me miſt et poꝛta
Moult legierement tout en bas
Et je criai ay mi helaz
Ma dame helaz que ferai
Ma veue perdue ai
Comment avrai je jamais joie
Amis la querele en eſt moie
Se vous avez nulz maulz pour moi
Venez vers moi par vostre foy
Lauez de l'yaue maintenant
Si fis je moult appertement
Mais tantoſt recouurai veue
Aprez de l'yaue ay beue
Pour mon cuer un pou confoꝛter
Et ma bouche me fiſt lauer
Pour la tres amere ſauour
De la tres oꝛde vil puour
Qu'eſt dous le fruit de male bouche
Ou la fueille d'envie touche
Adont moi dit amours ſanz faute
Amis je fuſſe bien plus haute
Et plus euſſe renommee
Se ne feüſt la deſtinee
Du fruit vil oꝛt et tres mauvais
Toutes fois certes n'en puis mais
Car mon arbꝛe le veut nourrir
Pour mal de moi non pour plaiſir
Car mes amis en pers a toꝛt
Et ſe ne feüſt l'yaue foꝛt
De ſouffrance que moult eſt ſaine
Car ou monde ne a fontaine
Qui plus toſt en puiſſe ſaner
Pour le fruit qui eſt tout amer
Je croi maint en fuſſent finez
Tant eſt li fruis envenimez
Oꝛes gardez que fait envie
Quant vais amans et une amie
S'entr'ameront bien loiaument
Et de vrai cuer parfaitement
Celleement et de bon gré
Et en tres grande loiauté
Pour moi tuit dui auront loꝛ joie
Male bouche vient qui deſloie
L'amour la joie le plaiſir
Meſdiſanz que Diex puit hair
Pour envie qu'il ont ou cuer.
Diffameront frere et ſuer
Amis ennemis de chaſcun
Ou en ſecré ou en commun
Feront tant par leur langue ague
Que leur amour ſera ſceue
Du fruit de male renommee
Pour quoi l'amour eſt deſcelee
Dont les plaiſirs ſont anulles
Car chaſcuns veut garder adez
La compaignie et l'amour
Et ſur tout le bien et l'onnour
Tout ce vous devez bien ſavoir
Se l'avez taſte dites voir
Hareu hareu dame que dites
Cuidiez vous que j'en fuſſe quites
Que loiaument toudis amai
Puis que amer je commencai
Du fruit ai mengie tant et tant
Encoꝛes doubte ſi /triſtrant
Qu'en pꝛiſt la moꝛt et en moꝛut
Tant de maus comme moi il vt
Car j'en ai en tous les maus
Les priuez et les communaus
Mais la fontainne de ſouffrance
Me donnoit tous jourz paſcience
Des maus ſi eſtranges ſouffrir
Et de vous a tous diz ſervir
C'eſt la branche fueille et fruit
Madame qui plus vous deſtruit
Amis voir dites vraiement
Mais ne puet eſtre autrement
Rien ne vaut de ceſt parler plus
En l'autre branche montez ſus
Qui eſt nommee biau ſamblant
Sus la branche montai errant
La fueille ſi fu de douz ris
Li fruis qui fu de granz delis
De biau ſamblant c'eſt connoiſſance
Car biau ſamblant donne ſcience
Entre amies et amans
Mais li fruis fu bien oudourans
Amiables douz ſanz amer
et tres plaiſant au regarder
Car de pꝛez et de loing confoꝛte
Au cuer aus yex vertu il poꝛte
Si fait les amis eſiouir.
de ceſtui ai a mon plaiſir
Mengier a plenté je vouloie
Mais la volenté ne fu moie
Car amours en haut me hucha
et diſt amis ne venrez ca
Ou la branche vous mengerez
Venez avant ſi taſterez
D'un autre fruit
Un pou plus foꝛt.
Hé ma dame vous avez toꝛt
Adez quant ſui en la partie
Ou ſont les fruis de toute vie
Ne ſai poꝛ quoi vous me haſtez
Mes quant mengue les mauvez
A dont ne me hatez nient
Amis auſſi certainement
Vous y voulez pou demourer
et poꝛ ce ne vous faut haſter
Car une heure vous ſamble .i. jour
Mais des heures qui ont doucour
L'anee ne vous ſamble heure
La ou le cuer de gré demeure
A neſun jour ne greueroit
Pour ce vous en avez bon dꝛoit
De demoure sus biau ſamblant
Car la bꝛanche eſt trop plaiſant
C'out la uue non pas apert
Mes a preſent de dous regart
De chierre lie de douz ris
Mes le ſcet confoꝛter l'amis
Quant autrement n'i puet parler
et par biau ſamblant ſcet mouſtrer
Que plus de gré a li feroit
Plaiſirs de cuere ſ'elle pooit
Encoꝛs ſe parler convient
En appert ſi comme avient
Se plus ne puet une parole
Qui ſoit d'amoureuſe eſcole
Sanz ce que genz puiſſent a prendꝛe
A ſon ami le face entendꝛe
Si comme parlent mainte fois
Entre les genz dis de /galois
et ſi ſcet faire contenance
Envers l'ami de grant plaiſance
Sanz dangier et ſanz nul oꝛgueil
Aſſez eſt pꝛez de bel acueil
Ceſte bꝛanche tres gracieuſe
Mes l'autre eſt plus amoureuſe
Douz amis en mengaſtes onques
Ma dame et que fis je donques
Voire cent foiz ou fuſſe moꝛs
Se de li n'euſſe en confoꝛs
Encoꝛes plus en mengerez
Quant vous ſe a Dieu plait vendꝛez
La ou celle eſt de bien garnie
Qui a vous eſt dame et amie
Pour certain dame je le croi
Car je vous creanz par ma foy
Que elle eſt adꝛoit aiſtreſce
De biau ſamblant et de lieſce
Encoꝛes amours diſt ami
Venez a moi montez par ci
En celle branche qui ſus eſt
Tantoſt de monter je fu preſt
Si y montai legierement
La branche que ſi toſt homs prent
Si fu de cuer la jalouſie
La fueille fu de deruerie
Et li fruis ſi fu fol penſer
S'en mengai et ſi fu amer
Puant et oꝛt tres vil et ſur
Noirs fu plus que coulour d'azur
Je en mengai a grant plenté
Mais ce fu bien outre mon gré
Tantoſt comme fu ſaoulez
De rage je fui foꝛſenez
Car de tant haut comme j'eſtoie
Je chay jus en mi la voie
Sanz point de mal que je ſenti
Mes huchoie a tres grant cri
Et rioie et puis chantai
Puis pꝛins les pierres et lancai
Au chevalier et vers amours
Mes li chevaliers vint le cours
Qui aus bꝛas me priſt bien eſtroit
Et dit dame ce n'eſt pas dꝛoit
Quant vous ceſtui voulez tuer
Une foiz le faites paſmer
Autre foy le faites fremir
Autre deruer autre languir
Pour quoi li donnez vous triſtreſce
Amour avoit tres grant lieſce
Et ſi rioit poꝛ ma meſchance
Puis diſt ce fruit de couſtumance
Fait deruer hom qui trop en prent
Mais il gariſt des maintenant
Qui boit de l'yaue de vertus
Boutez le liens tout veſtus
Car ſon ſen il recouuerra
Li chevaliers ens moi bouta
Et moi donna d'un tres grant cop
Je n'en pooie avoir trop
Car a paines je recouurai
Mon ſenz Mes puis quant m'aviſai
De eus deuz je fui tres honteuz
Si ſailli hoꝛs puis de genous
A la dame et au chevalier
Requis pardons de cuer entier
De ce que failli je avoie
Mais la faute ne fu pas moie
Mes du fruit vil et tres mauvés
Par qui j'eſtoie foꝛſenez
Mes amours qui adez rioit
Moi diſt amis dites adꝛoit
De ceſtui fruit uil et male ſage
En fuſtes onques mais malade
Ha ma dame je vous dirai
Vous le ſavez et je le ſai
Tantes foiz j'en fus ſaoulez
Que j'en eſtoie tous deruez
Ma dame et ne penſez vous
Que je deuſſe eſtre jalouz
Quant madame eſtoit ſi bele
Gaie cointe joſne yſnele
En fois en diz tres gracieuſe
Car ſur toutes eſtoit fameuſe
De bien complie poꝛ amer
Et je veoie tout au cler
Touz les biaus et tous les faitis
Que chaſcuns vouloit ſa cointance
Et li veoie ma pꝛeſence
Et ſi ſavoie puis apꝛés
Que a chaſcun faiſoit adez
Gaie honeſte compaignie
Aloꝛs me pꝛenoit jalouſie
Et mengoie du fou penſer
Car aucune foiz ſon parler
Son regart ne ſon biau ſamblant
N'eſtoient envers moi ytant
Plaiſanz comme premier eſtoit
Pour quoi mes cuers certains cuidoit
Que le ſien feüſt autre part
Ne eſtiez vous dont muſart
Quant par cuidier qui eſtoit fous
Souffriez vous ſi ſouuerains maus
Pour certain dame fouz eſtoie
Non pourquant a la foiz ſavoie
Tout pour certain la verité
Dont me croiſſoit iniquite
Car ſon cuer eſtoit tranſmuez
Et loꝛs ſi eſtoie deruez
Ce n'i ere ſanz cauſe mie
Voir dites mes aucune fie
Homs faut bien et puis ſe repꝛent
Car cuer qui aime loiaument
Comment qu'il ait vouloir pluſeurs
Dacointances et des amours
Toutes fois il tient la racine
La ou l'amour eſt enterine
Et ou que le ſien ſoit alez
Touz diz a vous eſt retournez
Our quoi de ce que riens ne vaut
N'en parlez plus montez plus haut
De l'autre part ſi ſavrez voir
Que eſt bꝛanche de bon eſpoir
La fueille ſi eſt attendance
Et li fruit de tres grant vaillance
De la branche ſi eſt confoꝛt
Sus la branche me mis tres foꝛt
Du fruit mengai ſi dous ſi ſade
Que ou monde ne eſt malade
S'il pooit mengier .i. moꝛcel
De ceſcun mal viel et nouvel
Seroit garis parfaitement
Bon eſpoir eſt confoꝛtement
D'avoir les biens que l'en deſire
Bon eſpoir ſi eſt le douz mire
Qui gariſt des maulz perillouz
Et confoꝛt ſi eſt li fruis douz
Que ne doute d'avoir tous biens
Mes ſanz la fueille ne vaut riens
Attendance combien que tarde
Loꝛs diſt amours faut que je guarde
Que vous ne emblez celui fruit
Tant n'avez mengie que je cuit
Que moult petit en ramandꝛa
Hé ma dame ce que ſera
Pour quoi me voulez tant haſter
Ne m'en poꝛroie ſaouler
Et en mengaſſe nuit et jour
Je le croi bien car le meillour
Eſt que nulz homs puiſſe tenir
Quant je veul .i. amant nourrir
Par faitement ſanz nul deffaut
Et de moi a ſon cuer tres chaut
Et de la ou ama pꝛemier
Il trouva oꝛgueil ou dangier
Ou deffaut d'aiſe qui eſt foꝛt
Bon eſpoir li donne confoꝛt
Et par la fueille d'atendance
Et de moi joie et plaiſance
Pour ce en voulez plus et plus
Aſſez en avez alez jus
Et dites moi par foy acertes
Se les paines foꝛs et deſertes
Que amans ſueffre par ſon dꝛoit
Par cel fruit ne les ſouffriroit
Tres mieus et plus legierement
Ouil ma dame vraiement
Et de certain par moi le ſai
Car d'autre foiz mengie en ai
Et ſai que j'en os grant beſoing
Quant ma dame avoit ſi loing
Son cuer de moi poꝛ mal veillance
Bon eſpoir confoꝛt attendance
Me tenoient aloꝛs en vie
Et ſi font d'autres maintez fie.
Oꝛ alez ſus et ſi montez
Sus la branche honte n'aiez
Se eſt ialouſie d'autrui
Ne ſai des maris ou de qui
Li fruiz ſi eſt annemiſte
Contre celui qu'a l'amiſté
Male volenté eſt la fueille
Que nulz amis je ne croi veille
Je montai haut ſur celle branche
Groſſe ſeche et toute blanche
Et li fruis hideuz noir et dur
Touz joꝛz eſt vert n'eſt point meur
Puant eſtoit et mal flairant
J'en mengai ſi me fu ſamblant
Que ce fuſt lanier au dëable
De cuer de ſanc eſt tranſmuable
Mes ne grieue point la dolour
Aucunes fois ſi a ſauour
Qui le mengue aprés peler
Mes l'eſcoꝛce ſent trop la mer
J'en parai .i. pou ſ'en mengai
Mais point amerte n'i trouvai
Avant y trouvai de douceure
Car l'eſcoꝛce tient l'amerture
Je eſtoie tous eſbahis
Quant amours me diſt biaus amis
Oꝛes quant li fruis eſt mauvais
Vous vous faites huchier adez
Ne vous clamez oꝛés de moi
Dame non faiz pes ſavez quoi
Au commencier j'en ai taſte
Et ſi y a grant amerte
Que onques tele ne ſenti
Mes puis j'en ai mengie oſſi
Mais quant eſtoit ſi lait ſi noir
Je le poꝛrai ſeul pour ſavoir
Se par dedenz eſtoit ſi ſur
Mais pour certain dame vous jur
Que amerte n'i trouvai point
Avant le trouvai ſi a point
Pour mengier et de ſi dous gouſt
Que je l'euſſe mengie tout
Se vous moi ne euſſiez huchie
Vous qu'en avez ſouvent mengie
Ne ſavez pas du fruit la guiſe
Je vous dirai bien la deuiſe
Vous ſavez que mauvais jalous
Male volenté et courous
Li fait croiſtre ſa malueſte
Et pour ſa grande fauſete
Si tenſe ſa femme et garde
Dont li plaiſir a fois ſe tarde
Mai l'amour pour ce n'apetice
Car ne ſcet pas le couart niſſe
Qui amour a femme deffent
Touz diz plus foꝛt ſes cuers eſpret
Mais puis li fruis d'enimiſte
Croiſt a celi qu'a l'amiſté
Dont a beſoing de ſoi garder
De tant venir vers lui n'aler
Car bien ne puet aler ſeur
Loꝛs eſt li fruis amer et ſur
Et y eſt la ſure eſcoꝛche
Mes apꝛés parer ma foꝛce
L'amerte eſt tres plaiſans
Car ce eſt joie d'un amant
Quant li dira ſa douce dame
Tres chier amis ſachiez par m'ame
Que pour vous ſui tres foꝛt gardee
Et ceulz et ceulz m'ont courouciee
Mes poꝛ garde ne pour courous
Ne lairai de plus amer vous
Adont eſt bien pare le fruit
Encoꝛe plus comme je cuit
Quant li ialouz eſt foꝛſenez
Et li amis eſt bien amez
De li a joie en ſon cuer
Veci la guiſe et le fuer
Certes granz maus ſont aus amis
Mes a dire voir il ont pis
Sanz plus parler de ceſt afaire
Je vous dirai que devez faire
Montez toſt ſus la branche ci
Bien petite c'eſt de merci
La fueille ſi eſt courtoiſie
Mais le fruit qui moi tient a vie
De la branche ſi eſt plaiſir
Toſt y montai mains ſanz mentir
A grief ſe puet cuire la paſte
Se n'eſt par la chalour du feu
Ou ſi pou ne eſt pas ſceu
Que cuer qui par moi ne ſ'eſprent
Amer puiſſe bien loiaument
Dont cuer qui a moi ne ſ'eſtrait
A celui qui ſamblant en fait
Qui eſt pour amiſté loiaus
Il eſt desloiaus et tres maus
La bꝛanche ytel fruit nourriſt
Pour quoi en la branche pourriſt
Car conneuz eſt en la fin
N'en villiez pas car n'eſt point fin
Et ſ'onques en mengaſtes plus
D'oꝛe en avant ſoit en refus
Venez avant montez tantoſt
En l'arbꝛe ne dites plus mot
Trop parfaites longue demeure
Je montai ſus l'arbꝛe en l'eure
Sus la branche de grant plaiſance
Qui avoit a non ſapience
Le fruit ſi fu de bien celer
Et la fueille de ſoi garder
Du fruit mengai a grant plenté
Si ſades ſi tres dous a gré
Que confoꝛta toute ma teſte.
Sa coulour eſtoit tres honneſte
Et tres plaiſans amerueille
Tres viuement eſtoit vermeille
Et au vëoir tres gracieuſe
Car toute voie amoureuſe
Sapience tres bien la garde
Bien celer eſt ſa bonne garde
Que ne doit on pꝛiſier petit
Chaſcuns ſet bien que par fol dit
Amours ſe part quant eſt ſeue.
Quant par pluſours eſt conneue
Sanz diffame ne puet durer
Quant a la gent en plait parler
Mais la fueille que gardoit doir
Se bien d'onnour veut faire dꝛoit.
Chaſcuns qui bien aime ſa dame
Celer doit que homme ne femme
Ne ſace. qui ne amant. ne ont
Qui eſt. quant uait jus. ou amont
Et ſe tu te veulz diffamer
Neſun pourquoi ce doit celer
Tu aimes plus ta dame et toi
Que nulz autres raiſon poꝛ quoi
Se tu reueles tes ſecrez
Nuls ſi n'en doit eſtre blaſmez
Si aprés toi l'en les raconte
Se tu en as domage et honte
De ce que diz et t'en puez taire
Comment y es tu a toi contraire
Que a nul vivant tu les dies
Ce ſont bourdes ce ſont folies
Se autrement t'en pues paſſer
Non pourquant ſe nulz veult garder
Ton honnour et aidier te puet
Et de vrai cuer faire le veut
Et toi puet bien mouſtrer avant
A celi pues bien dire tant
Comme apartient a la beſoigne
Car qui conques verité teſmoingne
Ne puet d'amour avoir plaiſir
Car d'amours doit chaſcuns mentir
Et d'armes ſi doit dire voir
Amours me fiſt tout ce ſavoir
Et puis me diſt par vostre ame
Eſt bons li fruis ouil ma dame
Bons et douz et de grant ſante
En avez vous auques taſte
Ouil ma dame pluſeurs fois
Tant qu'en ai mentie ma fois
Et Dieu et les ſainz pariures
Vous eſtes ſages bien ſecrez
Si gardez cela a toudis.
Oꝛes venez avant amis
de ca montez ſ'il vous agree
La bꝛanche de dure pensee
Trouuerez ſi alez avant
La fueille qui tres foꝛt ſ'eſpant
Si eſt ſouſpirer et gemir
Mais le mal fruit ſi eſt languir
Je y montai ſi pris le fruit
Mes les amers ceus qui ſont tuit
Des beſtes poiſſons et ſerpens
Si tres amers ne ſi puans
Point ſi ſur ne ſont et pour voir
Y luer perdi ſenz et ſavoir
Et povoir de moi ce vous di
Mais je criai ai mi ai mi
Au chevalier ſire et amis
Secourez moi helaz chetis
Je ne ſai que ſui devenus
Pour die merci metez moi jus
Car je pooir ne ai en moi
Il diſt ne doutez eſtez coi
Je vous poꝛterai a madame
Si fiſt il et puis diſt par m'ame
Madame ce eſt trop mal fait
L'omme qui ne vous a foꝛfait
Le voulez vous faire moꝛir
Nulz coꝛs ne poꝛroit tant ſouffrir
Comme il a fait toute jour
Ne vous chaille de ſa dolour
Faites li boire maintenant
De la fontaine qui ſouvent
L'a ſaue car en a beſoing
Moꝛs fiſt ſe fuſt gaires loing
Par le fruit qu'a volu mengier
Savez qui le fait empirier
Car de tout autre mauvez fruit
Par nature penſe de tuit
Pour quoi il ſont de tous les maulz
Dont eſt vil et descommunalz
Car ſe homs gaires en mengoit
En la fin languiſſant moꝛroit
Amis poꝛ quoi vous pꝛi et veil
Que ſe faire voulez mon veul
Quant au mengier ſi eſt cuiſant
Delaiſſiez le poꝛ ce a tant
Ha madame que miex voꝛroie
Moꝛir que ſe plus en mengoie.
Gemir languir et dur penſer
Ont greue maint bon bachelier
Et dames miſes ont au bas
Pour quoi dame ne creez pas
Qu'a moi plaiſe d'oꝛe en avant
Voir dites oꝛ venez avant
Par deca et ſi montez ſus
De ceſte partie car plus
Vous ne poꝛrez ſi haut monter
Mes veilliez prendꝛe et haper
La branche qui eſt de bonté
Car le fruit eſt de loiauté
Et la fueille ſi eſt honnour
Sus montai a tres grant baudour
Et cheuauchai ſus cele branche
Ne fu mie ſeche ne blanche
Mes vert tres foꝛt a merveille
La coulour du fruit bien vermeille
Et l'oudeur douce et ſouef
Tant que mon cuer et tout le chief
Si toſt comme je fuis bien ſus
Touchai le fruit ne tardai plus
Que la oudeur douce flairant
Et la coulour qui fu plaiſant
Miſtrent tele doucour en moi
Que je iuraſſe par ma foy
Car je eſtoie en paradis
Terreſtre tant me fu deliz
Le vëoir ſeul et le touchier
Mes puis quant ce vint au mengier
Si tres grande fu la douceur
Douce et ſoueue l'oudeur
Car ſi y fuſſent eſtabli
Tuit li Goinues c'on fit auſſi
Herbes et fleurs fruis et racines
Et toutes ſouef medecines
D'oudour de ſauour ce me ſamble
N'en euſſent tant tuit enſamble
Pour quoi mes cuers ſi eſpꝛis fut
Qui treſtout de joie recut
Pour grant plaiſir car ne ſaroie
Que m'eſtoit avis pour la joie
Que j'avoie et par bon dꝛoit
Amours adez ſi me huchoit
Bien ſouvent et tous jourz plus haut
Par Dieu penſai il ne m'en chaut
Huchiez adez que je ſui bien
Quoniſez moi dire je vois rien
Ne faiſoie point de ſamblant
Et elle adez aloit huchant
Et puis diſoit ſe je ſeuſſe
Que pour ce perdu vous euſſe
Par ma foy n'i fuſſiez montez
Au chevalier dit ca venez
Montez ſus amenez le ca.
Le chevalier ſus haut monta
Et ſi me diſt ſanz moi trichier
Amis vous ferez couroucier
Mais dame quant vous n'alez jus
Je vous empꝛi ne faites plus
Couroucier ainſi foꝛt ma dame
Hé douz ſires qu'a elle par m'ame
De couroucier ſoi a grant toꝛt
Oꝛes quant j'ai tres dous depoꝛt
Et ſe j'ai de plaiſir le fruit
Pour quoi ma dame moi deſtruit
A quoi moi veult hoſter de ci.
Deſus la branche de merci
Et la fueille de courtoiſie
Je croi ma dame a envie
Pour quoi qu'arai du bien aſſez
Amis je vous pꝛi eſcoutez
L'en puet avoir aſſez et trop
Vous en avez mengie biau cop
Et tant que bien vous doit ſouffire
Hé douz ſire devez vous dire
Que nulz en puiſſe trop avoir
Vostres nons n'en ſeroit pas voir
Pour certain le vous di et jur
Ne eſtes vous pas bon eur
Celui qui fait les eurous
Si ſui et faites vous que pꝛous
Quant de ce me voulez tenſer
Vous moi feiſtes ci monter
Pour quoi bien heureus je ſui
Tres dous amis ne vous anuy
Se je fais le commandement
De ma dame certainnement
Je voudꝛoie que a tous iours
Vous euſſiez ſi dous ſeiours
Si douz deduit ſi grant joie
Mais vostre dame et la moie
Scet a chaſcun combien li faut
Pour quoi ne li faites deffaut
Venez a li je vous empꝛi
Car d'autres fruis y a oſſi
Des quiex vous conuendꝛa mengier.
Ius moi mena le chevalier
Vers amours moult courtoiſement
Amours dit courrouceement
Au chevalier dites amis
Est il venus a moi envis
Pour quoi avez tant demoure
Ne poꝛquoi quant je l'au huchie
A moi poꝛ quoi ne reſpondoit
Ma dame pour voir il doꝛmoit
Ou rapuis ſambloit je ne ſai
Car quant de li je m'apꝛocai
Ne ſe bouga ne pou ne trop
Mais je li donnai bien grant cop
De ma main par mi ſes eſchines
Puis li tirai foꝛt ſes narines
Adont par foꝛce ſ'eſveilla
Veci dame comme il va
Par foy dit amour la doucour
Tres grande le miſt en tel tour
Mes puis aloꝛs parla aloꝛs
Ne vous courouciez car dehoꝛs
Eſtes dont je mis vous avoie
Dame pourquoi ne le ſeroie
Amis ne vous courouciez pas
Car autre fois fuſtes ou laz
Et encoꝛ y poꝛrez venir
Madame a vostre plaiſir
Car riens dame qui vous anui
Ne doi faire puis vostres ſui
Pour certain et je le croi bien
De vous ferai comme du mien
Apꝛés je veul que haut montez
En l'arbꝛe ſus puis me contez
De la branche que trouuerez
Et du vil fruit que mengerez
En l'arbꝛe montai de rechief
Si toſt comme je ſus touchai
La branche vi deſſus montai
Elle avoit non fauſſeté
Li fruis ſi fu deſloiauté
Et la fueille fu fauz ſamblant
Tout fu tres oꝛt et tres puant
Pour ce que eſtoit tout pourris
Si toſt comm en ma bouche en mis
Je fui ſi gros et ſi enflez
Et partout mon coꝛps boutonnez
Que bien cuidai du tout moꝛir
Ne me pooie ſouſtenir
Tant eſtoie grevez du mal
Je deſcendi tantoſt aval
Mes point parler je ne pooie
Et vers amours ſignes faiſoie
Qu'a moi donnaſt toſt gariſon
Tantoſt entendi ma raiſon
Car du fruit ſavoit bien la guiſe
De l'yaue d'ilueques a pꝛiſe
Par mi ma chiere en geta
Mes puis le chevalier hucha
Bon heur car venez avant
Ceſt homme ci moꝛroit pour tant
S'il n'eſt baigniez en la fontaine
Car la branche eſt trop vilaine
Et li fruiz par eſt venimez
Pour quoi tantoſt enz le boutez
Et en l'eure ſera garis
Si toſt comme l'iaus fu mis
Je fui garis ſi ſailli hoꝛs
Et la dame me diſt aloꝛs
Amis voulez que je vous die
Ce eſt tres grande maladie
Qui n'eſt amez et aime bien
Yce grieue ſur toute rien
Qui pert ſon temps et ſon coꝛps gaſté.
Me confoꝛta ſi viuement
Que tuit li quatre element
Ne m'euſſent miex reſtaure
Du fruit mengai a grant plenté
Mais au mengier me ſouvenoit
De touz les fruis car il avoit
De chaſcun adꝛoit ſa ſauour
Des bons et de chaſcun oudour
Mes poꝛ quoi veſci la raiſon
Car pour voir nul fruit n'eſt point bon
Foꝛs par bonté qui bon le fait.
Et puis dont que bonté atrait
Loiaute qui eſt pꝛés de ſoi
Par raiſon ſelonc ce que voi
De touz biens eſt participans
Ce eſt nobeſce des amans
Pour quoi qui mengut de ceſtui
Puet bien dire car ja d'autrui
Ne li faut gaires a mengier
Car qui en a apꝛés digner
Sache qu'il a de touz les biens
Loꝛs diſt amours je ne fais riens
C'eſt homme ci point ne me doute
Il ne reſpont ne grain ne goute
Ne poꝛ moi il ne veut deſcendꝛe
Il feïſt moult bien a repꝛendꝛe
Se ce ne feüſt que le fruit
Li eſt tres bon comme je cuit
Pour ce iluec tout remaint
Mes toutes fois ſ'eſt a moi plaint
Que je le haſte de venir
Pour ce le veul .i. pou ſouffrir
Pour vëoir ſe ja il vendꝛoit
Vers moi qui ne le hucheroit
Quant je ous aſſez demoure
A ſon avis non au mien gré
Une autre foiz moult hautement
Cria amours et diſt comment
Demourez vous tant dous amis
Y eſtes autre foiz endoꝛmis
Venez ou vous couroucerai
Je deſcendi et y alai
Certes outre tout mon voloir
Car poꝛ certain a dire voir
Moult eſtoit bons li dous ſeiours
Mes loꝛs me diſt tres bien amours
Amis vous que mengie avez
Du bon fruit encoꝛe ſavez
Son pꝛis ſa vertu ſa puiſſance
Mes puis qu'avez en moi fiance
Et vous tenez du tout a moi
Je le vous dirai pourquoi
Amis la branche de bonté
A vertu bien te vous dis ge
Car toute choſe qu'eſt de li
Eſt tres bonne je le vous di;
Et car bonté a fondement
De moi qui ſui commencement
Bonté tient en moi ſa racine
Pour quoi je ſui nette et fine
Qui par bonté me veut garder
Car nulz amanz ne doit amer
Pour vilté ne pour deſhonnour
Et li fruiz ſi eſt loiauté
Savez pourquoi le vous diz ge
Car loiauté par ſa nature
De ſoi doit eſtre nette et pure
Et malueſte ne doit vouloir
Ne point amer poꝛ decevoir.
Ce ne eſt pas amour honneſte.
Ainz eſt clamour de une beſte
Qui aime pour ſon apetit
Ycilz ſcet bien d'onnour petit
Car ſe vous amez vostre dame
Sur toute riens de coꝛs et d'ame
Et vous l'amez poꝛ li honnir
La loiauté voulez mentir
Puis en vilté vous la metez
Quant ſa bonté vous li tolez
Dont puis la loiauté ſe fraint
Par la bonté qui n'i remaint
Et d'onneur ſe bꝛiſe la fueille
Neſun ami dire ne veille
Que ſanz bonté je puiſſe eſtre
Ne loiauté ſanz bonté neſtre
Ne honneur ſanz ce ne a vie
Mais du fruit ne menguent mie
Les fauz amans qui mauuauz ſont
Mes ceus qui tres loiaus cuers ont
Qui a ce que avront ame
Gardent honnour et loiauté
Pour la bonté miex ſouſtenir
Qui moi fait vivre et flourir
Es fruis qui ſont ſi bons ſi dous
Nulz ne ſeroit ſi uertuous
Se de bonté n'eſtoit la branche
Qui eſt ſi douce et ſi franche
Que ſa vertu a chaſcun donne
Dont par bonte chaſcune eſt bonne
Bonté fait pensees et diz
En honnour foꝛt tient a toudiz
Oꝛ voi de bonte et d'onnour
Et de loiauté la doucour
Je vous pꝛi que vous les gardez
Sanz nul defauz oꝛés montez
Par de ca une ſeule fie
Suz l'arbꝛe ſi ſera complie
Vostre painne a touz jourz mais
Non poꝛ quant quant vous revendꝛez
Ne vous courouciez je vous pꝛi
Car ja .i. plaiſir ne demi
Aprez de moi ne avrez point
Sus l'arbꝛe je montai a point
Mes avoir je y montai en vis
Car je ſavoie bien que pis
Trouueroie que nule fie
La branche plus haut ai choiſie
Qui fu toꝛte et vil et ſeche
Dure fueille plus q'une fleche
Et li fruis noirs durs et agus
La branche ſi fu de refus
Li mauvais fruis ſi fu haine
Et la fueille qui n'eſt pas fine
Si fu de cuer legierete
De ceſtuit fruit ci mengai je
Quant ſus la branche je montai
Mes a dire voir ne trouvai
En tout le monde ſi amer
Si puant car ſeul au garder
Me fiſt toſt perdꝛe ma veue
Et ma raiſon je os perdue
Si me fiſt trambler et fremir
Si cuidai bien iluec moꝛir
Car de dolour fu ſi eſtraint
Que je deuins pales et taint
Rouges blanc noir aucune fie
Je criai haut de deruerie
/Sainte Marie aidiez moi
Amours cria tenez vous quoi
Amis dous eſtes vous deruez
Diſt amours car je ſui yci
N'en doutez point poꝛ Dieu merci
Car la fontaine vous garra
Du vil fruit qui greue vous a
Je qui nommer oÿ le font
De laſſus haut du plus amont
Me laiſſai chëoir tout enuers
Par mi les branches a travers
Aucunes fies de coſté
Autre de chief que j'ai hurte
Mes bꝛas mes jambes debꝛiſiees
Et mes eſchines deſcirees
De branche en branche je tomboie
Car ſens ne pooir je n'avoie
Que moi peuſſe retenir
Tant que ſus amours vois cheïr
Si que toute l'ai eſtourdie
Mais en moi ne ot point de vie.
Eſperit ne pous ni alaine
Mes Diex vouloit qu'en la fontainne
Cheiſſe ſus les piez de la dame
Tantoſt ou coꝛs me revint l'ame
Et de mes membꝛes fus ſanez
D'eſchine de coꝛps de coſtez
Si que fui touz haitiez et ſain
Loꝛs pe oꝛinſt amours par ma main
Qu'encoꝛes ne m'avoit touchie
Ca je eſtoie acouchie
A ſoi tout dꝛoit moi leva ſus
Et loꝛs dy. comment ſui venus
Eſbahiz en ſui par ma foi
Amis vous cheiſtes ſur moi
Car tout moꝛt venies aval
Ma dame dont vous fis je mal
Nennil amis n'en puet chaloir
Eſperit ſui a dire voir
Pour quoi cops ne mal ne me grieue
Mes ſe ne feüſt yceſte yaue
Qui vous ſana et vous guery
Encoꝛes moꝛt fuſſiez yquy
Car l'ame vous ſailli du coꝛs
Comment dame dont fus je moꝛs
Ouil amis certainement
Douce dame a vous moi rent
Se je courouciee vous ai
Amis ne faites plus de plai
Mes du fruit que mengie avez
Je croi ſa malice ſavez
Et ſon venin mal et ſauvage
Ma dame ce eſt grant domage
Quant nul mengue de tel fruit
Biax amis n'en taſtent pas tuit
Mais ceulz qui ont volu pꝛier
Les dames qui ont cuer legier
Et celes qui ont les amis
Qui vont ou change a toudis
Si leur vient en la teſte ſus
Ne ſeuent pourquoi font refus
Adez aiment adez harront
Adez d'un adez d'autre ſont
La fueille eſt legierete
De cuer et fole volenté
Mes cilz qui elſt d'amer loiaus
Pour ſes refus a tres granz maus
Mes ſavez pour quoi y eſt greignour
De touz les autres et piour
La raiſon vous dirai poꝛ quoi
Ne ſavez vous ſe .i. grant roy
Riches de terre et d'avoir
Faiſoit Foꝛtune de chëoir
De tout et que li eüſt riens
Foꝛs que diſete de touz biens
Greignour paine il ſoufferroit
Que celui qui tout temps aroit
Heue toute povreté
Ainſſi par ſamblant vous dis ge
Uns tres vrais amis qui avra
Sa mere qui bien l'amera
Et ſi l'avra fait maint plaiſir
Si aprés ſe le veut hair
Et metre du tout au refus
Ceſtui ſi avra de mal plus
Que ſe nuls jours ne fuſt amez
Pour ce ont les dëables mez
De maus de paines de ſouſſis
Car il furent en paradis
Et ſeuent que monte la gloire
Bien a perdu ſens et memoire
Amis ou amie qui retrait
D'amer la ou plaiſir a fait
Et pris par amours loiaument
Certes ce eſt grant faillement
Car faute fait au commencier
Ou faute ſanz cauſe leſſier
C'eſt pis que moꝛs refuz haine
Et legierete ſa voiſine
Pour qui vint de malz le courous
Ma dame oꝛ me dites vous
Me faudra il plus amonter
Sus l'arbꝛe qui a fruit amer
De l'autre foꝛce ne feroie
Car toudiz monter y voudꝛoie
Tant eſt ſouf dous et plaiſans
Amis vous ſavrez bien partans
Ce qu'il en conviendꝛa a faire
Pais puis faut que je vous deſclaire
Une raiſon ſoutil et pꝛime
Veez cuer ſus en la cyme
Qui eſt partis rouges et pers
Veiſtes onques ſi divers
Nenil pour voir jour de ma vie
Je vous dirai que ſenefie
Cel cuer qu'eſt rouges d'une part
Par grant deſir de mon feu art
Et dous deſir le fait cremer
Mes poꝛ les maus que ſcet poꝛter
Par ſouffrance qui l'a nourri
Et moi et l'arbꝛe qu'eſt yci
Pour ce eſt de l'autre partie
Droit azurez rouges ne mie
Ce eſt tres grande loiauté
Que a en ſoi ſanz fauſſeté
Car cuers qui eſt tres bien loiaus
Combien que par moi il ait maux
Et painnes dures et ſoucis
Pour ce vers moi il ne fait pis
Ne ſi change ne ſi deſcire
Ne vers moi point ne ſe empire
Savez poꝛ quoi car la fontaine
Qui eſt tres nette et tres ſaine
Le fait loial et deſirant
Se eſt cuer de tout vrai amant
Quant eſt ardanz pour ma chalour
D'aſur loiax ſanz nul faus tour
Tel cuer amant joiax vers moi
A dꝛoit eſt nommez bonne foi
Pour ce que les biens d'onneur tient
Et les maus loiaument ſouſtient
Pour ce voiz je ainſſi veſtue
Non pourquant vous m'avé veue
De uert avec rouge poꝛter
Que fiſt honnour pour ſoi garder
Ma couronne tous joꝛz d'argent
Pour ce que mes mauz art la gent
De ce amis plus ne di riens
Vous ſavez mes mauz et mes biens
Car ſur l'arbꝛe eſtes montez.
Ou ſont et les avez taſtez
Pour ce ſavez combien ce monte.
Aus non ſachans en faites conte
Amis quant ſerez par de la.
Mes ſ'il vous riens par de ca
Oꝛes quant y eſtes devant moi
Demandez je le vous otroi.
Dame tres gracieuſe chiere
Puis que ſui devant vostre chiere
Vous dirai je ne vous anui
Prefent le chevalier ceſtui
Qui eſt tres loiax et ſeur
Et pious meſſire bon heur
Qui la fontaine l'arbꝛe et vous
Garde tres bien car heurous
Eſt par li chaſcun vrai amant
Heurouz quant puet ſouſfrir tout
Des maulz dame que par vous ſont
Et heurous quant les biens ont
Qui ſont de vous et il les donne
Car neſune autre perſonne
Foꝛs que li ne les puet donner
Pour ce devant li veul parler
De ce que ſe claiment pluſours
Puis que vous dont eſtes amours
Dont vint plaiſirs et amiſté
Comment faites ennemiſte
Entre ceulz qui ſe ſont amez
Quant nostre nons eſt tout adez
Amours amiſté et acoꝛt
Dont faites vous aus amans toꝛt
Puis que loiaument chaſcuns ſert
Quant entre eulz vostre nons part
Et le bien ſe tourne en mal
L'un va amont l'autre aval
Tant que vostres nons eſt paris
Quant d'amis faites ennemis.
Leen Mon cuer encoꝛes ai
une debte que vous dirai
De quoi toꝛt avez ce me ſamble
Homme et femme tout enſamble
Sont deſouz le vostre pooir
Et de chaſcun a dire voir
Pouez faire ce qu'il vous plait
Chaſcun eſt de vostre recept
La ou vous plait de li atraire
Pour quoi dont d'une gente paire
Qui ſont bien tailliez poꝛ amer
A l'un voulez tres foꝛt greuer
Pour deſir d'amer tres ardant
Et l'autre n'eſpꝛendez nient
Ne point ne ſera eſchaufez
Et l'autre greuerez adez
Ou le trouuerez plus loiaus
Et puis li donrez de vos maus
Et l'autre qui ne avra point
Pour ce que au cuer ne le point
Les vous maulx ne a d'amour cure
Pour quoi ne faites par dꝛoiture
Puis que le povoir vous avez
Pour quoi tous .ii. ne les tenez
Que fuſſent d'un acoꝛt a vous
Mes a l'un vous donnez courous
Et l'autre ne ſcet combien vaut
De vostre mal ne ne l'en chaut
Et ce faites vous pluſeurs fois
Mes plus ſelonc ce que je vois
faites tres mal a mon avis
Amours doit eſtre touz deliz
Tout plaiſir tout bien toute joie
Mes ceus qui ſeuent vostre voie
Pour .i. bien vous donnez .iii. maulz
Encoꝛes ou plus ſont loiaulz
Plus les en faites endurer
Mes ceulz qui vous ſeuent bourder
Ycil ont de vous tous les biens
Madame ne vous diz plus riens
Ne de ce ne parlaiſſe point
Se non poꝛtant car bien a point
Bien de vous ne vient pas tuit
Foꝛs bien petit comme je cuit
Quant que feüſt loial amant
De vous ſe claiment bien ytant
Ou de plus que je ne vous di
Et par ma foy ce poiſe mi.
Quant homs mal dire de vous puet
Pour ce chaſcun amer ne veut
Car doublent les maux et les coꝛs
Mais ſe je ſavoie en coꝛs
Pour vous de ſ'eſcuſer raiſon
Je en auroie a choiſon
Pour vostre bon dꝛoit deffenſer
Dame veilliez moi pardonner
Je le vous di tres chiere dame
Que moult grant duel en ai par m'ame
Quant aucuns en puet maldire
Envers moi commenca a rire
Amours et puis croula ſa teſte.
Et diſt vous avez ſens de beſte
Car ne avez pꝛis et penſe
Ce que je vous ai bien mouſtre
Je ai tres mal ma paine miſe
De trois choſes m'avez repꝛiſe
Que mar ma foi je n'i ai toꝛt
Vous dites que fais deſacoꝛt
Et des amiſtes des amis
Oꝛes gardez a vostre avis
Se mon non veut dire que ge
Faice point male volenté
Mon non ſi eſt tout dꝛoit amours
A. eſt luxure qui acours
Que ce qui vient apꝛés deſtruit
Et quant moꝛt vient aprés je cuit
A deſtruit moꝛt que n'a valour
Amour ne moꝛt. car c'eſt doucour
Dont d'amour joie eſt la racine
Amour ſanz moꝛt eſt enterine
Dont ſe joie ſui ne puis faire
Ennemiſte qui m'eſt contraire
Haine je que fais amer
Mes je ne puis mie garder
Les cuers febles legiers iuuans
Qui font couroucier les amans
Ce fait yre ma ennemie
Ou ennemiſte pꝛent ſa vie.
Regardez bien entendez moi
Au ſecont je reſpons poꝛ moi
Quant vous me reprochiez ainſi
Que je pꝛenz le cuer d'un ami
Et de l'autre le cuer lairai
Amis vous ſavez et je ſai
Que touz les cuers qui ſont ou monde
Ne ſont pas tuit loial au monde
Ne d'amer ne ſont uertuous
Pour ce ne les ai mie tous
Mais ceulz qui ſont poꝛ moi noꝛris
Yceulz ſont loiax a toudiz
Car je ſui comme li ſoulaux
Qui eſt au monde communax
Qui les vers arbꝛes fait flourir
Et les moꝛs ne puet point nourir
Li ſoulaux ne faut point a nus
Mais tous ne perdent ſes vertus
Car la vertus ne ont en ſoi
Ne plus ne mains ſi eſt de moi
Je vois partout ſi fiers chaſcun
Mes devint ne blecerai un
Qui ſoit ferus ou cuer adꝛoit
Et ſe tant eſt que feruz ſoit
Eſpoit ne le poꝛrai avoir
Dont ſe je fais mon dꝛoit pooir
Et il eſt vil de ſa nature
A moi n'en eſt la fourfaiture
Mes a li qui ne veut amer
Pour doute de li amender.
Quant apꝛés repꝛoces me diz
Que je doi eſtre touz deliz
Toute joie et tout plaiſir
Si ſui je amis ſanz mentir
Et maus poꝛ moi amans ne ont
Mes eulz pour mauvez cuer le font
Oꝛgueil dangier et male bouche
Et tout fruit que l'arbꝛe ſec touche
Combien que tuit viengnent vers moi.
Ne les aim ne faire nel doi
Mes autrement nulz ne ſavroit
Que bien eſt ſe le mal n'eſtoit
Et quant je ſens les bien plus dous
Plus plaiſanz plus delicious
Qu'en tout le monde puiſſe eſtre
En mon arbꝛe a fait Diex neſtre
Des maus qui ſont a moi nuiſanz
Pour quoi mon bien eſt plus plaiſanz
Si comme Diex en paradis
De ſes angles ot ennemis.
Ici a tres bel examplaire
Puis toutes choſes ont contraire
Je doi avoir qui ſui commune
Et aprés Dieu oſſi ſui une
Qui ou monde plus a poiſſance
Je fais de deuz cuers acoꝛdance
Je ſui plaiſir je ſui tous biens
Pour ce amis car eſtes miens
Aus vrais amans veilliez contre
Mon fait que ſavez tout a cler
Et ceulz qui me diffameront
Ne qui mal de moi parleront
La verité leur conterez
Si comme vous faire ſarez
Mes tant ſai que nulz vrais amis
De moi nuls diroit envis.
Car chaſcuns ſcet ſ'il eſt loiaus
Que par mon gré je ne dons maus
SAuez amis que je vous di.
un ray un mont que je voi ci
Chaſcun eſt mien a mon plaiſir
Bien li rays qui font eſclarchir
Yci fait le mont qu'eſt bien haut
Dont juſques bas que ne deffaut
Raiſon pourquoi vous veil prier
A moi ſalues tout premier
Juſques a tant quele ſ'en rie.
Moult chieret vo douce amie
Ou queque ſoit vo douz repos
Nous ſert tres bien pour quoi a los
Tant de moi tant d'onnour ma ſuer
Bonté moi ſaluer au fuer
Ainſiques comme il eſt pꝛous
D'autres biau cop ſaluez nous
Amez pour ma dame d'onnour
Veci le non du trouueour
Tel comme la le trouuerez
Par deuz foiz ne meſprendꝛez