En lonneur de /la dꝛoiturieꝛe
/Dame de paradis Poꝛtieꝛe
/La haulte royne des ciex
/De virginité clacelieꝛe
Feꝛay .i. dit en mamanieꝛe
En mon commancemen ſoit Diex
Qui eſt vrais peres et vrai fiex
Qu'il weille eſtre vers moi piex
Combien qu'an pechié le requieꝛe
Que pleſant puiſt eſtre atous ciex
Qui loꝛront qu'il en vaillent miex
Oꝛ weille il oir ma prieꝛe
Aue. /dame dumilite
/Fontaine de toute bonté
[...]
De la ſouveꝛaine deyte
Sans coꝛrompꝛe virginité
Peus le fil Dieu conceuoir
Grant pitié le fiſt eſmouuoir
A ce qu'il enpꝛiſt le vouloir
De pꝛendꝛe entoi humanite
Et ille te fiſt a ſauoir
Par /langre qui tendit le vouloir
Autemple quant te dit ave
/Maria. qui ton non ſavra
Et doucement le loeꝛa
/Meꝛe a/roy Jhesucriſt pitex
Sanz faillir trouveꝛ ipoꝛra
Amours ceꝛtes bien lendempta
Quant en ton coꝛps fu ces oſtiex
Par ce devint il hons charnieus
Moult en fumes tous eureus
Quar [de] moꝛt tous nous racheta
Quant on perca ces mains declous
En crois ou mourut en goiſſous
Tout noiant tes iex /maria
Gracia fu eſt et ſeꝛa
En toi que jamés ne faura
/Haute dame puiſſant royne
Tues /celle qui com ſomma
Les pꝛophecies et bouta
Lennemi hoꝛs de ſa ſeſine
/Dame reſplandiſſant royne
/Cil a qui toute choſe encline
Par amours tant ſumelia
Quaus mamelles de ta poitrine
Alectas la veꝛtus devine
La te fu fecte gracia
Plena damours qui ne faudꝛa
A nulli qui te ſeꝛvira
Car de ton cueꝛ vint la fontaine
Qui le moꝛtel moꝛcel lava
/Qu'a dam le premieꝛ hons pecha
Dont tout le monde miſt empaine
Mes bonne remede ceꝛtainne
Y miſt laueꝛtus ſouueꝛainne
Bien ipeꝛt et toudis parra
Dont fet foline trop vilaine
Qui de toit ſeꝛvir ne ſepeine
Que tu es en tous biens plena
Dominus qui fus eſleus
Deꝛeleueꝛ les alatus
Quanemis prenoit ſanz deſfance
Car de ces mains n'eſchapoit nus
Roy ne conte pꝛince ne dus
Mes la ſouueꝛainne pꝛouidance
Ne voult ſouſfrir tel petilance
Ainz avoit [gete] la ſentance
Sus toi qui puis /ſa meꝛe fus
Il conuoiſſoit ta conſciance
Si fiſt de toi chambꝛe et deſpenſe
Cil qui du ciel eſt dominus
Teus ſe miſt par tel raiſon
Cilz qui ſuſcita /lazaron
Qui nului a pechié nen oꝛte
Quant receus la noncion
De/langre qui dit abas ſon
/Marie ne te deſconfoꝛte
Je ſui cil qui grace tapoꝛte
Car en toi prendꝛa mancion
/Cil par qui la moꝛt ſeꝛa moꝛte
Don[t] uuri de ton cueꝛ lapoꝛte
Et il fu maintenant tecum
Benedicta fus tu tres la
Que Diex en tes flans ſa ombꝛa
Quar ta vertus ſi eſt ſi grande
Que contre dꝛoit charmeꝛ ouvra
Quant ta virginitet garda
Dont alengre feis demande
Tu dis que li vrais Dieus memande
Que de ſon coꝛs feꝛa oſfrande
En moy c'onques hons natoucha
Bien weil que Diex ſagrace eſpande
En moi ceſt ce que je demande
Il reſpondi benedicta
Tu le ſavras par la veꝛtu
De /lui que tuas conceu
Ceſt ce qui le tefeꝛa croire
Hee; /haute meꝛe au /roy Jhesu
Par toi fu le mal abatu
Car ceſte parole fu voire
Dieu naſqui de toi ſanz meſcroire
Qui de la meſon lede et noire
Rompi puis ce di la palu
Et /la loy que tenons encoire
Ceꝛtainement la nous fiſt croire
/Dame a ceſtui mere fus tu
In mulieꝛibus tant plus
Que li ſoulaus eſt miex veus
Que mis des cours du firmament
Eſt auſſi plus grant ta ueꝛtuz
Que fame que veïſt hons nus
Car celle es qui touz biens pourpꝛent
Valeur atoi nulle ne ſe prent
Foꝛs la /ton fil tant ſeulement
Decui tous li biens teſt venus
Qui tame et ton coꝛs enſement
Couronna /ton fil humblement
Laſſus in mulieꝛubus
Et benedictus ſoit /Jhesus
Le poiſſant pere delaſſus
Qui de toi volt faire /ſameꝛe
Par toi fu ſathen confondus
Et le ſien malice abatus
Et par le vouloir dedieu lepere
Moult fu ſa venue ameꝛe
Au ſathan quant Diex vint enterre
Il miſt dont ſon malice jus
Dame reſplandiſant et cleꝛe
Ton coꝛs qui nous tret demiſeꝛe
Soit louez et benedictus
Fructus deſcendi de laſſus
Qui en ton coꝛs fu eſpandus
/Douce vieꝛge pure et ſaintime
Par toi anemis fu vaincus
Que Dieu le peꝛe de veꝛtus
Qui li foꝛma tel ſi logime
Dont point ne conut la ſoſfime
Mes la conceſſance en labiſme
Li de mouſtra /li roys Jhesus
La le lima de telle lime
Qu'il pꝛiſt des ſiens truage et diſme
Dame des ciex cefiſt fructus
Ventris. icilz saint eſperis
Qui volt raemplir paradis
Avoit miſſe toute ſentente
Sifu pour pecheurs eſpꝛis
Damour qui fu de ſi haut pris
Qu'an toi /dame toꝛna ſentente
Et enta de lui entoy lante
De quoi puis en feus dolente
Quant encrois mourir le veis
Moult ama homme damour gente
Quant pour lui paia telle rente
/Dame /cil qui naqui ventris
Tui ta grace ſoi enmi
Tout ne laie je deſeꝛvi
/Tres douce virge nete et pure
Dutout me met en toy et fi
En ta tres grant douceur mafi
Et me met dutout en ta cure
/Dame ou pitié ſoꝛlit et dꝛoiture
Moy pecheeur outre meſure
Pour Dieu ne ireet en oubli
Tatres grant douceur maſeure
Quar tu me pues geteꝛ doꝛdure
Se ſoit ta voulenté tui
Amen tu qui /saint Julien
Sauuas ſire quar medeſfen
De tout pechié et detout vice
Et amoi aidieꝛ ſi en ten
Que lanemi en ſon lien
Par mes pechiez ne ma ſoꝛbice
Ainz aiez vers moy cueꝛ propice
Ja mon pechié ne me honnice
Mes ci demoy garde te pren
Quant il faudꝛa que lame en iſſe
De mon coꝛs que je ne peꝛiſce
Mes avecques toi la retien