L'autrieꝛ un jour joueꝛ m'aloie
deveꝛs l'auceꝛrois ſaint geꝛmain
Plus matin que je ne ſouloie
Qui ne lief pas voulentieꝛs main
Si vi charlot enmi mavoie
Qui le barbieꝛ tient par lamain
Et bien mouſtroient touteuoie
Qu'il neꝛeꝛt pas couſin geꝛmain
Il ſe diſſoient vilanie
Et ſigetoient gas devoir
Charlot tu vas en compaignie
Pour creſtienté decevoir
Ceſt traiſon et felonnie
Ce puet chaſcun aperceuoir
La toue loy ſoit la honnie
Tu nen aſpoint adire voir
Barbieꝛ foi que doi la banliue
On vous avez vostre repaire
Vous avez une goute vive
Jamés nieꝛt joꝛ qu'il ne vous peꝛe
Sans ladꝛe arompu la triue
Si vous afeꝛu el viaire
Pour ce que cilz maus vous eſchine
Ne requeres mais ſaintuaire
Charles foi que doi .sainte. iame
Vous avez ouan fame pꝛiſe
Eſt ceſelonc laloy eſclame
Que cayfas vous a apꝛiſſe
Vous crees autant noste dame
Ou virginité neſt mau miſe
Com iecro cuns aſnes ait ame
Vous namez Dieu ne ſainte ygliſſe
Barbieꝛ ſans raſoꝛ ſanz touaille
Qui ne ſes ronnieꝛ ne reꝛe
Tu nas ne bacin neciſailles
De quoi chaufes iaue cleꝛe
Il neſt riens nee que tu vailles
Foꝛs a dire parole ameꝛe
Soutremeꝛ fus encoꝛ iailles
Et fais pꝛoueſce qui ipeꝛe
Charlos tu as toutes tes lois
Tu es Juif et creſtien
Tu es chevalier et bourjois
Et quant tu veus cleꝛs arcien
Tu es maqueꝛiau chaſcun mois
Ce dient bien li ancien
Tu fes ſouvent par ton gabois
Ioindꝛe .ii. cus a .i. lien
Barbieꝛ oꝛ eſt litemps venus
De mau parleꝛ et demeſdire
Et vous ſeꝛois ancois chanu
Que vous leſſiez ceſte matieꝛe
Mes vous mourez povres et mis
Car vous deuenez delempire
Se ſui pour maqueriau tenus
Len vous retient aualidire
Charlos charlos biau dous amis
Tute fes as enfans le roi
Se tu ies qui ci amis
Tu ies autant comme amoi
De ſembleꝛ fox ties entremis
Mes par les ieus dont je te voi
Tiex ta argent en paume mis
Qui eſt aſſez plus fous detoi
Barbieꝛ oꝛ vienent les groiſeles
Li groiſeillieꝛ sont boꝛionne
Et je vous rapoꝛt les nouuelles
Quei front vos ſont li boꝛion ne
Se ſai ſe ce feꝛont cenelles
Qui ton vis ont auironne
Ells ſeꝛont vermeilles et belles
Avant que len ait moiſſonne
Ce neſt une meſeleꝛie
Charlos ancois eſt gouteꝛoſe
Foy que je doi ſainte Marie
Que vous namez de nulle choſe
Vous creez miex en iuieꝛie
Qui la veꝛité dire en oſſe
Quan celui qui par ſeignoꝛie
A la poꝛte denfeꝛ deſcloſe
Et ne quedent ſe ruſtebuef
Que nous connoiſt paſſe .x. ans
Vouloit dire .ii. motes mies
Mes quau dire fuſt voir diſans
Ne contre toi ne amondes
Mes par le voir ſe fuſt mis ans
Je le weil bien ſi tu le veus
Que le meilleur ſoit eſliſſans
Seignoꝛ par la foi que vous doi
Je ne ſai lemeilloꝛ eſlire
Le mains piour ſi com je croi
Vous eſlire je bien du pire
Charlot ne vaut ne ce ne quoi
Qui la veꝛité en veut dire
Il va ne creance ne foi
Ne cuns chiens qui charoine tire
Li barbieꝛs connoit bonne gent
Et ſi les ſeꝛt et les honneure
Et met en eulz coꝛs et argent
Poine de ſeꝛvir deure en eure
Si ſet ſon meſtieꝛ bel et gent
Se beſoing li recouroit ſeure
Et ſ'a en lui ſi biau ſeꝛjant
Que com plus vit et plus couleure