Tu qui as en pechié Veſcu tout ton aage
Souviengne toi de Dieu Qui te fiſt a ſ'ymage
Et li cries merci De cuer et de coꝛage
Aincois que li mauvais Te trebuche en ſervage
Tu as par mainte fois oÿ dire et conter
Que li fruis eſt mauvais Qui ne puet meurer
Et ſi fait la perſonne Malement a blaſmer
Qui des maulz qu'il a fais Ne ſe veult amender
Li maiſtre philoſophe Qui jadis ont eſté
Qui eſtoient g[ra]ns clers De la divinité
Dient que en pechié Avroit .iii. joꝛs eſté
Si leurs pardonroit Diex De bone volenté
Voire qui leſſeroit Tous temps la male vie
Et jamais de pechier Ne li preiſt envie
Et par confeſſe eüſt Sa maiſon netoie
Et faite la penance Com li avroit chargie
Nous trouvons que jadis Eſtoit .i. chevaliers
D'avoir et de lignage Eſtoit ſi foꝛs et fiers
Lerres devint m[ou]lt foꝛs Robeur et murtrier
Et les larrons avoit A robes et deſtriers
Treſtuit furent a lui Et ſon commant faiſoient
Poꝛ rober poꝛ tolir Par le pais aloient
Mouſtiers et abbeyes Frans et vilains roboient
Pelerins et marchans Par les chemins tuoient
Onques cilz ch[eva]l[ie]rs Ne refraint ſon coꝛage
De faire a toutes gens Deſtoꝛbier et domage.
Une moult gentilz dame Ot pꝛis par mariage
Dieu ſervoit et /ſa mere Tel eſtoit ſon uſage
A toutes bones gens Moult d'aumoſnes faiſoit
De triſte cuer marri Treſtous les joꝛs ploꝛoit
Poꝛ la mauvaiſe vie Que ſes ſues menoit
Nuit et joꝛ tart et tempꝛe Moult ſouvent le blaſmoit
Sire ce diſt la dame Car leſſiez ceſte vie.
Ou de moi et de vous Sera la departie
Quant li ſires l'entent Envers lui ſ'umilie
Car il l'avoit tous joꝛs Honoꝛee et ſervie
Il n'eſtoit riens au monde Que ſes cuers amaſt tant
Comme il faiſoit ſa fame Loꝛs reſpont doucemant
Certes ma douce dame J'en ferai vo commant
Poꝛ vous me veil retraire De ceſt joꝛ en avant
Sire diſt la dame De Dieu .c.mil[.] mercis
Vous ſavez que de vous Ay .ii. enfans petis.
De moult bele facon Et ſamblent bien gentis
Poꝛ eulz doit vostre cuer Eſtre bien convertis
Tant ſarmonna la dame Et requiſt ſon ſeignour
Que il li reſpondi Dame poꝛ vostre honneur
Et pour moi amender Vers Dieu mon creatour
Veil aler a confeſſe Regehir mon errour
Tantoſt li chevaliers A confeſſe ala
Au pꝛeſtre miex qu'il pot Ses pechiez recoꝛda
Li pꝛeſtres reſpondi Qu'il ne l'aſſouldꝛa ja
Mais a .i. ſaint hermite Tantoſt ſi l'envoia
Ja n'ai de vous abſoldꝛe Maintenant nul pooir
Alez a cel hermite Si ferez grant ſavoir
Loꝛs ſe met cil en voie Ne vault plus remanoir
Tant erra qu'il trouva L'ermite en ſon manoir
Quant li hermites vit venir le chevalier
Il cuida que ce fuſt Poꝛ li le chief trenchier
De la paour qu'il ot Priſt /Jhesucriſt pꝛier
Qu'a ceſt beſoing li veille Confoꝛter et aidier
Le chevalier parla Treſtout premierement
L'ermite ſalua Bien et coꝛtoiſement
Li saint hons reſpondi Moult debonnairement
Sire Diex par ſa grace Vous doinſt amendement.
Voirement dit li ſires Me veil je amender
Je ne ſui cy venus Que pour moi confoꝛter
Quant l'ermite l'entent Dieu pꝛiſt a reclamer
Qu'il li doinſt ſens et grace Du pecheur confoꝛter
Loꝛs va li chevaliers Regehir ſes pechiez
Tous ceulz dont il cuidoit Eſtre plus entechiez
L'ermite ſe ſaigna Qui eſtoit embꝛunchiez
Du ſigne de la crois Ou Diex fu closfichiez
Quant le chevalier ot En bone repentance
Regehi ſes pechiez Qu'il ot fais des ſ'enfance
Li hermites li diſt. Volez vous penitance
[...]
[...]
Reſpont le chevalier Ne poꝛroie endurer
Dont veſtez une haire Poꝛ vostre char mater
Et ſi ceigniez la coꝛde Cil diſt leſſiez m'eſter
Car de ſi faite choſe Qui me ſoit ſi grevaine
Ne me meſlerai ja Ne ne metrai en paine
Q[ua]nt l'ermite l'entent Doucement Dieu reclaimme
Qu'il confoꝛt le pecheur Et a dꝛoit poꝛt ramainne
Li hermites li diſt Poꝛriez vous veillier
Jusqu'a demain Et tous joꝛs Dieu pꝛier
Devant l'ymage Dieu Qui eſt en ce mouſtier
Le chevalier reſpont Oil au mien cuidier
Oꝛ alez diſt l'ermite Et je vous aſſaudꝛai
Mais que vous n'en iſſiez Tant qu'a vous revenrai
Le chevalier reſpont Volentiers le ferai
Loꝛs entre en la chapelle Erranment ſans delay
Adont va li hermites Tous les huis veroullier
Li pechierres tantoſt Se va agenoillier
Devant le crucefis Dieu commence a pꝛier
Apꝛez le premier ſomme Vint a lui l'averſier
Ou guiſe de l'ermite Li diſt alez vous ent
Tous vos pechiez vous ſont Pardonné bonement
Non ferai duſqu'au jour Diſt cil certainement
Car je veil bien tenir Ce que j'ai en couvent.
Onques li ennemis Ne ſe ſot tant pener
C'onques le chevalier Peüſt faire lever
Li ennemis ſ'en part Ni pot plus demourer
A tant ez vous .i. autre Qui le revint tempter
Le chevalier avoit Noꝛri .i. ſien garcon
Li ennemis ſe miſt En autele facon
Au chevalier ſ'en vint Qui fu en oꝛoiſon.
Li ennemis l'apele A moult bele raiſon
Sire venez vous ent Tantoſt ſans demoꝛee
Vostre bele maiſon Eſt arſſe et embꝛaſee.
Car ma dame vous mande Qu'ele eſt deſeſperee.
Non ferai diſt li ſires Se ſoit la nuit paſſee
Ainſi li ennemis Le chevalier tempta
Poꝛ ce que de l'egliſe Hoꝛs geter le cuida
Quant li ennemis vit Qu'il ne l'engignera
A ces compaignons vint La choſe leur conta
L'autres reſpondi Entre nous .iii. yrons
Penſez me ſui comment Nous le deceverons
Vous .ii. ſerez en guiſe De ſes .ii. enfancons
Et je ſerai ſa fame Par tel point l'averons
Je yrai devant lui Par les mains vous tendꝛai
S'il ne ſe veult lever Je m'en deſpererai.
A .i. coutel tous .ii. Je vous deſpecerai
Li autres reſpondi Alons toſt ſans delay
En guiſe de la dame Se miſt li ennemis
Li autre ſont en foꝛme Des .ii. enfans petis
Deva[n]t le chevalier Vont criant a hault cris
Hé las oꝛ ſomes nous Me[n]dians et chetis
Cil qui ot la ſamblance De la fame au ſeigneur
S'en vint dꝛoit devant lui Demenant grant doleur
Frans hons dous debonaires Jamais n'avrons honnoꝛ
Je ay au cuer grant duel Onques je n'oï greignoꝛ
Car li feus nous a ars Treſtout nostre manoir
Chevaus bꝛebis et vaches Et treſtout nostre avoir
Sire venez vous en Que je vous di pour voir
J'occirrai vos enfans Tantoſt ſans remanoir
Sire vous diſiez Que vous m'amiez tant
Que vous n'amiez tant En ce ſiecle vivant.
Sire venez vous ent Avec nous maintenant
Non ferai diſt li ſires Juſques a l'adjournant
Quant li ennemis vit Que il ne l'emmenra
Les .ii. enfans tantoſt D'un grant coutel frapa.
Devant le chevalier Tous .ii. les deſpeca
Onques au chevalier Li cuers ne l'en mua
Car il avoit en Dieu Son cuer et s'eſperance
Jusqu'au joꝛ a genoulz Fiſt moult bien ſa penance
Et li mauvais ſ'en vint Ni firent demourance
De ce qu'il l'ont perdu Firent duel et peſance
Chaſcun des ennemis Grant tempeſte mena
Si haut que juſqu'en biſme Tous li lieus en crolla
Ce ſamble a celui qui L'oꝛage veü a.
Quant li joꝛs fu venus L'ermite ſe leva
Le chevalier ſ'en vint Qui en Dieu ot ſa cure
Et li ſires li conte Treſtoute l'aventure
De ceulz qu'il ot veüs Et toute leur figure
Volez vous diſt l'ermite Oir verité pure
Ce ſont li ennemi Qui a vous ſont venu
De ce que il vous perdent Sont foꝛment iraſcu
Oꝛ penſez du bien faire Car du /dous roy Jhesu
Eſtes d'oꝛe en avant Quites et abſolus
Le chevalier l'entent S'a grant joie menee
Et dit qu'aveques lui Fera ſa demoꝛee
Adont devint hermites S'a la haire endoſſee
Par les oevres qu'il fiſt. A bien ſ'ame aquitee
A ſes enfans leſſa Treſtout ſon heritage
Sa fame pour ſ'amour Fu de ſi bon coꝛage
Qu'ele les vint ſervir Dedens le hault boſcage
Sainte vie menerent Dedens cel hermitage
Oꝛ pꝛions a celui Qui ſa moꝛt pardonna
Quant /Judas le feri Et /Longis le navra
Et /la Virge Marie /Qui .ix. mois le poꝛta
Que nous aions la joie Qui jamais ne faudꝛa.