Ave tres excellente /Eſtoile pure et monde
/Chaſtellaine des ciex /Sauuerreſſe du monde
/Gardienne et /dame Du poꝛpis gloꝛieus
Ou ſont vos eſleus Qui ne ſont enuieus
Prophetizie des bons Fu de ce ſui je fis
Que de /yeſſe n'eſtroit Une flour de grant pꝛis
Et deſſus cele flour Si ſe repoſeroit
Li ſouuerains eſpꝛis Dont tous biens deſcendꝛoit
Cele flour vint de vous S'en ſommes empꝛainte
Poꝛ l'amour de /vo fil Q[ua]t pour nous ſon coſté
Fentre a /Longis Ce fu pour vous /Marie
Benois ſoie li doulz fruis Dont iſſi tel lignie
/Maria mere au /fil Dont la ſuſtance vient
Au commun de ca jus Quant pour ſes filz nous tient
Bien mouſtra clerement Que moult vous avoit chiere
Quant en la ſainte crois Vous diſt a mate chiere
Du /dous virge iehan /Fame vez cy ton fiex
Puis a /iehan rediſt Qui tant eſt dous et piex
Vez cy /ta mere /amis Je le te recommant
/Royne ſans pareille S'il ne vous amaſt tant
Ceſte recommandiſe Au deſtroit de la moꝛt
N'eüſt faite et par ce Sathan n'ot nul remoꝛt
E nous dont vous doit on Genoulz flechis loer
Et de vrai cuer ſervir /Royne ſans amer.
Gracia de grace Eſtes enluminee
Et d'anges et d'archanges Nuit et joꝛ encenſee
Vous eſtes /la fontaine Encloſe de vertu
Vous eſtes /li treſoꝛs Dont ſomes repeü
/Eſmeraude gentilz /Saphirs plain de purte
/Topace de noblece Et /rubis de biauté
/Dyamant de doucour Et /bericle d'amour
/Pecine de grace /Baume de grant doucour
/Oignement pour ſaner /De concoꝛde racine
Voirs eſt que vous eſtes /De tous maulz medecine
Car pꝛiez /vostre fil Qui nous fiſt a ſ'ymage
Qu'au joꝛ du jugement Sauve l'umain lingnage
Voirs eſt que cilz Vit ſaintement
Qui met cuer Et entendement
A ſervir /la Dame et amer
Ou li vrais Diex herbergement
Voult pꝛendꝛe car plus dignement
Ne ſe pooit il hoſteler
En lui ſe miſt nel volt grever
Comme vrais hons ſ'i voult foꝛmer
Tant nous amoit parfaitement
En ce qu'il vit de nous l'amer
Si la volt de ſon ſanc lauer
Qu'il avoit pris virginalment
O /floꝛ des floꝛs /dame ſans per
Par vous le monde reſtoꝛer
Voult Diex qui moult fu diſſolus
Comme il appert au moꝛs amer
Que fiſt /adans en entamer
La pomme dont fumes confus
Quant il li plot des ciex laſſus
En eſperit venir ca jus
Et en vostre coꝛps habiter
/Voſtre filz de pitié meus
En crois en voult moꝛir tous nus
Poꝛ la grant parte racheter.
O /Virge excellente de pꝛis
/Aduocate ou ſaint paradis
Devant le juge dꝛoiturier
Pour pecheours genoulz flechis
Qui vous pꝛient les cuers marris
Poꝛ eulz geter de l'adverſier
C'eſt de ſathan veilliez pꝛier
Le ſeigneur qui tant vous a cher
Qu'il recoive nos eſperis
Car quant il vous pleſt a traictier
De nos prieres auancier
Par vous .ii. ſommes es chiex mis.
/Virge chaſcuns ſcet Vraiement.
Que char en vous coꝛpoꝛelment
Priſt Diex qui le monde foꝛma
Sans cri ſans noiſe ſans toꝛment
En deliuraſtes vraiement
Onques vo coꝛps n'en pecoia
Bien mouſtra cler qu'il vous ama
Quant ſon ange vous envoia.
/Gabꝛiel qui tres doucement
Le ſien ſalut vous apoꝛta.
Qui fu d'un Ave /Maria.
Puis vous couronna ſai[n]tement
O /floꝛ des floꝛs enluminer
Vous pleſt tous ceulz qui reclamer
Vous veulent devant /vostre filz
Car ce qu'a /vo fil demander
Pour tous vos ſeruans enbaumer
Volez il veult ſes cuers eſt tiex.
Come il appert n'eſt hons moꝛtiex
Tant ſerueſiſt le roy des ciex
Ne les ſains c'on doit honoꝛer
Se de /la royne gentiex
Ne ſe fait bien du tout es ciex
Des ciex ſera n'en dout douter
/Lumiere qui tout eſclarcis
/Soleil qui le monde embelis
/Virge plaine de grant valour
O /baumes qui nous adoucis
/Mirgeſſe qui des maulz gueris
O /dyamant de grant doucour
O /bericle de grant amour
Par toy fu ſathan deſconfis
Qui nous tenoit en tenebꝛour
/Royne par tres grant feruour
Conduiſiez nous au douteus joꝛ
Qu'eſlira Diex les ſiens amis