L'an de grace .M..iiic.
Et .xxxii. fui je tracens
A /encerre compaignons queure
Pour eulz compaignier et enquere
Des deduis car iete a cel jour
En cel temps fu et a cel jour
Que chevaliers fu /iehan de /France
Loꝛs me ſovint eſtre en ſouffrance
D'une execuſacion a faire
Qui trop me fu de mal afaire
Pour ce aſſez toſt la laiſſai
Et fis ces vers dont m'eſleſſai
En les faiſant pour la matiere
Qui nouvelle eſt dont la maniere
Mon cuer eſt du recoꝛt plaiſans
Ou y ot mout de biax plaiſans
Je me terrai car pleſence
Ne doit ou en ce point plaidier
Car des ples d'ui ne des ples d'ier
Et ſ'aucuns n'i avoit plaiſance
Pas ne me poꝛroient tant plaire
Mes aucuns plais me doit deſplaire
Des vers dont enuoiſt li eſplais
Si me pleſt du recoꝛt li plais
Qu'a fait bertaux en eſploitant
De /chaſteillon me deſploiz tant
A fait ſera qu'avra argent
Non contretant ce qu'il art gent
Gracieuſe dame enterine
Digne pour eſtre .i. roine
Entre les dames de /Paris
Vous n'euſſiez que je determine
Dame damoiſelle ou meſchine
Tres bel et propꝛe a mon avis
Diex ſons detroys vous y devis
Du bien avez les .ii. foys .vi.
Qu'en voit bien et quant adeuine
Ci apꝛés tous les vous deſcris
Bien ſont ſeur vous dame l'eſcris
Eſtains priuez ſouz la coꝛtine
De vos biax ſemblans ſans retraire
Gente dame voudꝛe retraire
Ce que de ſi qu'en ſoit retrait
Car fine amour m'a fait retraire
A vous ſervir car tant a traire
I a de biens pour ce atrait
Les retrairai car nul mal trait
Ne ſai poꝛ dire du contraire
Ne croy de nul ſoꝛt ja pourtrait
Vo gentil facon ni eſtrait
S'amoꝛs de lui nel fait eſtraire
N'ai en ce faiſant ne mal trait
Tant avez parfaite figure
Que nature qui tout figure
Tele ne ſavroit figurer
De biax membꝛes ſanz affaiture
Et d'autres biax bien de faiture
Sur vaus ſunt ſanz affaiturer
Bien ſe ſot nature enfourmer
De vous quant Si vous vout foꝛmer
N'i oublia dꝛoiture meſure
Si bel vous ſot ameſurer
Qui vous ſoit ſe veut meſurer
A vous amer ſanz deſmeſure
Poiſſance douſe biens a mis
Nature en vous pour fins amis
Confoꝛter de deſir d'amie
Tous contraires oÿ les devis
De tel coꝛps croy pou ſoit devis
A Dieu pri ja jour ne demie
Troys d'un .iii. d'el. par la meſtrie
De nature qui vous meſtrie
Foꝛme vous a mout eſtris
Dire le veul que que detrie
S'amoꝛs par grace le m'otrie
Coument qu'en face lonc deſtris
Lonc nez lonc bꝛas Et lonc coꝛſage
A moult bien meſurez c'eſt ſage
Et qui l'avoit le doit ſavoir
Courtes tertes a d'eritage
Courtes feſces ce diſt le ſage
Se lonc le coꝛps com poet vëoir
Cours ralons a au dire voir
Au marchier et a l'aſſeoir
Les voit ou il part quele nage
Quant leuere va main et ſoir
N'eſt [hons] qui ne devroit voloir
A li amer de vrai coꝛage
Blanche plus que noif et cherneure
Blanc le blanc des iex Sans parſure.
Le contraire nulz n'i uerroit
En bouche a blanche entendeure
Noirs ſourcis noire paupieure
Auſſi noir poinis avoir doit
Et quant toutes ces choſes doit
Nature pas en uain n'ouvroit
Quant fourmoit tele creature
N'eſt cuers ſi triſtres ſi la voit
Qu'en joie toſt mue ne ſoit
Diex li doint tres bonne auanture
Gros entr'eul a en ſon devis
Groſſes quiſſes a mon avis
Groſſe coume empꝛez Qui bien l'aviſe
Grelle coꝛps bien a fait bien apris
Grelletes deuz aſſez petites
Vermeilles a dꝛoite deuiſe
Grelles doiz mainz de bon aſſiſe
Reploiant quant li plaiſt la guiſe
Auſſi ſont les dois dꝛois traitis
C'eſt la facons c'aucuns moult pꝛiſe
Se telle dame eſt d'amours priſe
Miex en devroit valoir ſes pꝛis
Gras coꝛſage a ma dame a point
[G]raſſe coꝛge qui moult m'eſpoint
Quant plus la uoy Plus m'en deſpointe
Gras membꝛes tiex ne uoiſt on point
Traitis iex qui ſouent m'ont point
Au cuer dedenz einſi l'apointe
Traitice deſcendue a iointe
Du col ſus l'eſpaule l'empointe
De parfaite facon Diex doint
Que ſoie a celle dame acointe
Traitices; mains Tant ſage et cointe
Qu'a nul ne ſeroit meſcoint
Moles mains plus que d'alun gant
Ne plus molz genous duſqu'a gant
Je croy ne poꝛroit on trouver
Mol uentre et apoint reboutant
Durs cheuex blons col reploiant
Dures feſſes ſanz mal amer
Dures teſtes com .i. piler
Hé; tel coꝛs doit on bien amer
Quant .i. pou la vois remirant
Joie en mon cuer fait demourer
Tout mon coꝛps fait en amourer
Tous ſa merci deſirant
Large entrucal et large poitrine
larges hanches pres de l'eſchine
Et ſa gointiſe denteure
Iointif guichet blanche boutine
Iointis arceus riens n'i devine
Qui voit le pié je di dꝛoiture
Tant par eſt de douce aleure
Il part qu'elle voit ſambleure
Et tant par douce definine
Qu'en tous ſes fais ſi ſ'ameſure
Et ſon parler ſi bel meſure
Quiconques l'ot bien [li] deſtine
Uotis col bel et votis rains
votis piez a. et neentmains
Elle a maiſſeles foiſſelues
Fonceleus menton treſpes crains
Vis couloꝛe ne trop hautains
Tous jours les uerroit on itex
Foꝛcelex jointes les parex
Onques ne ui ſi deſireus
Ainſi c'eſt dꝛois quant voy ſes mains
S'en pitié d'umble cure pitex
Regardoit ce poiuere hontex
Pas ne craindꝛoit faye frans de uilains
Haut front moien haute foncelle
Onques ne ui telle foꝛs celle
Et enſiuant haute boudine
Baſſe en iointee damoiſelle
En tout le mont n'eſt mie celle
Ne de ſi parfaite doctrine
Baſſe riſee a tous encline
De tous uices tres pure et fine
Bas eſcarnus trop ne reuelle
Son parler en male couvine
En li avroit bonne uoiſine
De qui elle avroit ſa querelle
Grande verche et avec grant front
Grans iex et gros a loer font
Petites oꝛeilles c'eſt dꝛois
Petite bouche neu lonc
Plusier. qui teſmoignie le m'ont
Et quant belle eſt en tous endrois
Et ſon coꝛſage eſt a point dꝛois
Petiz piez rons coume une nois
La pieare au paſſer pas ne font
Einſi va elle toute foys
Se paz n'eſt conteſſe de /foys
Si n'a il ſi belle en ceſt mont
Simple regars tres douce chiere
Simple en parler et non pas fiere
Onques ne ui en li fierte
Seur toutes a ſimple maniere
Elle eſt de toute honnour maniere
Ceſte grace a elle aqueſte
Dangereuſement regarde
A dangereuſement donne
Reſponſe qui qui le requiere
Dangereuſement otroie
De ce la ou pou meſtroie
Tant eſt en tous ſes fais entiere
Sanguin par meſure uiaire
Sa[n]gins leures de bon affaire
Sangins ongles tiex n'eſgardai
Pourſuiuans membꝛes ſans refaire
De ce doit on avoir affaire
Pourſuiant coꝛps defui le ſay
En meintes dont vëoir joie ay
Pourſuiant contenance et gay
Viaire pour amant atraire
Bien ſe par moy; ne retreray
Ses honnours que qui metray
En dire ce; qui me poet parfaire
Avant paz et au dꝛoit poꝛt poꝛte
Avant pas qui miex ſe depoꝛte
Nule n'eſt de ſi biau depoꝛt
Arriere haut front de cel ſoꝛte
Onques ne ui et ce m'en oꝛte
De lui loer a grant effoꝛt
Arriere chief trouſſe dacoꝛt
Denature a laz; ce m'amoꝛt
Diex me conſente ja ſoit moꝛte
Arriere eſpaules outre boꝛt
N'a arrive eſt a bon poꝛt
Cil qui la ſeue amoꝛ empoꝛte
Michiau de l'eveſque poꝛtier
D'/ancerre tant de biau poꝛtier
Vous ui moy priant qu'en poꝛtaſſe
Vous mos eſquiex me depoꝛtaſſe
A les rimer moy depoꝛtant
Rimez le ſay dont depoꝛt tant
Onques n'oÿ ſi les vous apoꝛt
Si ſeroie arive a poꝛt
Bon. ſe bien fais le vous poꝛtoie
Afin qu'aucunes en depoꝛt oye
Se cil en bien fais ſe depoꝛte
Qui ces vers vous fiſt rapoꝛte
De par /bertaut de /chaſtillon
Sergant le roy et compaignon
A tous bons fendus compaignons
Qui enſamble uous compaignons