Par la [grant] fraude Et barat qu'il furent
Si qu'ilz /la grant [Bretai]gne pourpꝛirent
Dont encoꝛ ont entention
Mais nier lui fait bien mention
Que de bꝛuch encoꝛe vendꝛa
Qui /la grant Bretaigne tendꝛa
Et c'eſt bien dꝛoit avec raiſon
Car barat en toute ſaiſon
Tous joꝛs doit cunchier
Son meſtre
Car d'eulz veult
Qu'ons nez ou a neſtre
Ne tiegne regne ou croce
Ou mitre
Puis qu'il ne le tient
A bon tiltre.
Et contre ſon ſeignoꝛ rebelle
Oꝛ ooz choſe non nouvele
Moult ont englois penſe d'ouvrer
Comment poiſſent recouvrer
/Noꝛmendie /anjo et /gaſcoigne
Maint fil y ont mis en quenoille
Mais il nel poꝛent deſuuidier
Car deceu ſont par cuidier
En la fallace dacadent
Qui toute en eulz eſt euident
Moult remaint de ce que fol penſe
Car d'eux tout fait
Et tout deſpenſe
Poꝛ ce n'ont peu gaaignier
Car .i. penſe .i. autre a nier
/Richart /henri et /edouart
Qui mie ne furent coart
Ne de proece ainſiques lente
Miſtrent moult a ce leur entente
N'a fin n'en oirent avenir
Bien devroit de
Ce ſouvenir.
Au roy engles oꝛe en vie
Sages d'autrui fait ſe chaſtie
Se ſages dont eſt ſi ſ'aviſe
Qu'il n'entrepꝛegne
Fole empꝛiſe
De ſoy folement deſtrengier
Car tel ſe cuide reuengier
Il croit ſon domage et ſa honte
Gentilz roys et de /valois conte
Ne croi pas tout ce com te die
Partout a fraude et tricherie
De biaus parlers pluiſeurs recoit
Souvent pꝛent on
En ſon cuer recoit
Tel qu'il le traiſt.
Et ſouſplante
La ſeraine doucemen chante
Li englois poꝛtent ſimple face
Et prometent mais quiers qui face
Tiens toy dont roys
En ta ſaiſine
Ne poꝛ biau p[ar]ler
Ne t'enclinne.
A gent q⁄ de cuer eſt doubliere
Penſe des fais ca en arriere
Et que le monde pas
N'amende
Se li rois englois
Te demande
Ce que tiens aquis
En /gaſcoigne
Fais ton pꝛofit
Fai ta vergoigne
Et ne veules apeticier
Ton dꝛoit ne a toi alicier
Qui ne veille ton bien acroiſtre
Tu pues bien ſavoir
Et congnoiſtre
Que englois enc
Francois n'ama
Male dꝛagie entr'eulz y a
Hui ſont en pais
Demain en guerre
De tel matire eſt engleterre
Poꝛ ce eſt il que la gent nee
Ne puet avoir ferme penſee
En .i. eſtat point ne ſeioꝛne
Et tous jours a
Funge retourne
Contre francois
Meiſmement
Riens n'i fault foy
Ne ſerement.
Mais bien tenir ne les vaudꝛont
Treſtout ainſi le vous feront
Des pais y aras tu ſouvent
Qui ne tendꝛont foy ne couvent
Car mal tailliees et couſues
Tele pais ne ſont pas tenues
Des a[n]glois ou il n'a fiance
Oꝛ ſachiez dont
Roys ſans doutance
Que tant comme englois te ſauront
Prez d'eulz que pais
A toy n'avront
Ne ne te donront couvenant
Poꝛ coy penſes duremant
Aquerir ne ja ne le leſſe
Se cauſe et raiſon as expreſſe
Qu'englois ne facent
Leur devoir.
Fai leur tantoſt aperceuoir
Que /gaſcoingne eſt
De toy tenue
Soit ce n'eſt pas deſcouenue
Et te fais ſeigneur dꝛoit clamer
De tout ce qui eſt deca mer
Soit la mer boꝛne
Et deſſeurance.
De /l'engleterre et de /la France
Car nul qui atent que ſoit fait
Tu n'avras bonne pais de fait
Ne doit avoir ſucceſſion
Au lis n'aver li poꝛtion
Liepart poꝛ ce qu'en auoutire
Il pꝛent ſa ſuſtance et matire
Non fait auſſi que le lyon
Qui ne garde diſcretion
En ſon ſexe coꝛpoꝛelment
En parlant eſp[er]itelment
Tel ne ſont mie poſſeſſeur
N'eſtre ne doivent ſucceſſeur
En choſe de la fleur de lis
Eſtre puet que tu qui ce lis
Pour roy demander
Ne poꝛroies.
Et je te pri que ſus ce m'oies
Quant le liepart a lyon cure
En lieux a par deca demeure
En fait de generation.
La pꝛent le lyepart nacion
Dont fault de ceulz
Que liepart n'eſſe
Que le lyon ou lyoneſſe
Se mefface en part ou en parde
Et par tel meffait les regarde
Que le liepart ainſi compoſe
Faire bien ne puet ne ne poſt
Ne ne poꝛra quant ſa nature
Vient d'auentreuſe
Maisfaicture.
/Engleterre les liepars poꝛte
Le lyon a /flandꝛes rapoꝛte
Ces .ii. en leurs ſeigneurs
Meſpꝛiſtrent.
Quant les aſſaillirent et priſtrent
Leurs ſeigneurs
Sires des natures
Comme traitres et pariures
Et les teinrent en priſon
En ce appriue loꝛ meſpꝛiſon
Et leur auoutire malvaiſe
Dont il ne fait pas com ſe taiſe
Ainſi d/engleterre et de /flandꝛes
Auons nous veü les eſclandꝛes
Contre leur ſeigneur primerain
Et puis contre le ſouverain
Le roy de /France le greigneur
Des regnes tempoꝛel ſeigneur
Et quant vers li ont ſi meffait
Ne doit eſtre acoꝛt
Jamais fait
Que par leur grant iniquite
Il ne ſoient deſherite
De ce qui eſt du lis tenu
Se ce mot roys as detenu
Que je r'ai dit en po de gloſe
Et par ce raiſon as et choſe
Que tel lyon et tel lyepart
Plus ne traie
De ceſte part
/Angleterre de la ſe uengne
De ca ſeignoꝛier
Ne viengne.
/Flandꝛes auſint
Deca ſoit voſtre
Que tiens n'y aient li auoltre
Car qui autrement le fera
Pars qui durera n'i ſera
Mais paſſera chaſcun
Son temps.
En celes noiſes et contans.