Auſſi com cil qui garde en mue
Son oiſel qui ne ſe remue
Detout liueꝛ juſques aleſte
Quant voit que la uerdure est dꝛue
Qu'il veut que ſon oiſel ſemue
Et deplume et deuolente
Quant [vient] autens renouuele
Que il na mes pieca vole
Pour ſoulacieꝛ lepꝛent et rue
Et quant il a de lair taſte
Poy li chaut du tans qu'a gaſté
Ainſi ai mamie perdue
Je fui aufueꝛ du fauconnieꝛ
Quant il pꝛant .i. faucon lanieꝛ
Voulentieꝛs lapꝛiue ſeꝛoit
et ſi licouſte mout alacointieꝛ
Et ſi lepeꝛt moult delegieꝛ
Si lepeꝛt ce neſt mie dꝛoit
Lafame eſt bien de tel endꝛoit
Que qui plus laimme et plus lacroit
Si penſelle dengingnieꝛ
Celle fame maudite ſoit
Qui aupremieꝛ loume decoit
et puis reſemble leſperuieꝛ
Iele di pour mamie chieꝛe
Qui biau ſemblant et bele chieꝛe
Mefiſt alen coumencement
Mes oꝛ la truis veꝛs moy ſi fieꝛe
Pour .i. autre mamis arrieꝛe
Ci a petit acointement
Ielai ſeꝛvie bonnement
Elle men rent lepaiement
Auſſi com de tous en rivieꝛe
ſe je ſceuſſe ſon couuent
Seꝛuie leuſſe autrement
A laguiſe deſa manieꝛe
Mes li homs ſemble lepoiſſon
Qui par trace ſuit lamecon
Et fait que il [est] pꝛiſe alain
Il ne ſcet pas la traiſon
Et ce que on amis en ſon
Devant que il eſt pres alamain
Ainſſi fet fame acueꝛ vilain
Qui dit moncueꝛ mamoꝛ ietain
Biau ſemblant et cueꝛ debon
De telles en ja tout plain
Nemeblaſmes ſeieme plain
Je ne me duel ſe d'une non
Puis que fame quieꝛt le ſoulas
Dautre tenir entre ſes bꝛas
Que celui dont elle eſt acointe
Soit ſon mari ou no ſoit pas
Il eſt fox par /ſaint Nicholas
Se il latient mignote et cointe
Que puis qu'elle eſt ailleurs cointe
Et el a fait .i. autre acointe
Ceꝛtes elle ne lainme oas
Elle eſt ſon feu damours eſpointe
Qui miex lapaume li a ointe
Ceſt cil qui mains ja decras
Cilz que ce diſt il diſt trop bien
Ris de fame ceſt ris dechien
Au pꝛemieꝛ rit et apꝛés moꝛt
Trop bele chieꝛe pour lemien
Me feꝛa et ſeie nay rien
Enli aray petit depoꝛt
Le feble leſſe pour lefoꝛt
Et ſia trop aſpꝛe lien
Lihons eſt fox qui ſi amoꝛt
A fame deſi fait depoꝛt
Setouſiours nepuet dire tien
Tien ceſt trop fole vantance
Fame nainme que parſemblance
Trop bien dira quelle eſt amie
Fame jure et ſe crucefie
Mon cueꝛ mamoꝛ ieuous affie
Que ieuous ains ſans deuance
Ainſi cueꝛ doume pꝛant et lie
Il eſt trop fox qui ſiaffie
Puis quelle quieꝛt dautrui pitance
Tant dure amour
Coume argent dure
Quant argent faut
Amour neſt nulle
Pour ce fet bon avoir
Souvent labourſe
Garnie dargent
Quamours a anon
Dame rebourſe
Qui na cure de vuide bourſe