Quant amoꝛs ot bien entendu
Que me fui a bele rendu
Pou qui ſus moy ot coꝛne priſe
Si me retint en ſon ſervice
Et me pꝛia moult doucement
Que le ſervice bonement
Et que moult de biens me feroit
Et tant con le bois duerroit
Je m'y pooie eſbanoier
Partout ſans nul lieu foꝛnoier
Quant biauté m'avoit arreſte
Et diſt qu'il eſtoit apꝛeſté
De poꝛter moy honoꝛ et joie
Tant que en ſon bois remaindꝛoit
Mais bien me diſt ſe j'en iſſoie
Jamais el bois ne retoꝛroie
Car il ſavoit bien ſans mentir
Nature nel puet conſentir
Ainſi ſervi amoꝛs et dame
De cuer de volenté et d'ame
Sans temps coꝛs avoir et chaſtel
Mis en ſervir qu'il n'i a tel
Com ſervir quant en gré eſt pꝛis
Mais de biauté fu ſi eſpꝛis
Que ne ſoi ſe je meſpꝛenoie
De l'eſtat ou me maintenoie
Qui encoꝛe eſtoie el bois iane
Ou nul de ce monde n'aſſane
Qu'il ne conuiengne foꝛnoier
Aucune fois et foloier
Par nule bois tant comme il dure
Et tant com le ſueffre nature
Et le veult el bois maintenir
Nennil ne ſ'en vouldꝛoit venir
Hoꝛs de ſon gré ſ'a foꝛce non
De viellece doutent le non
Nul ne ſ'i embat volentiers
Qui de jonece les ſentiers
Puiſſe tenir en nule guiſe
Chaſcuns redoute ſon ſervice
Et ſ'i embat chaſcuns a painne
Tant que nature les y maine
Et qu'il leur convient conſentir
Et l'en du ſi que je ne mente
Qui en jeu entre jeu conſente
Adont que je me fu rendu
Moult bonement ay entendu
Au ſervice faire ou j'eſtoie
Car biauté foꝛment me meſtroie
Et les .ii. chiens renon et los
Me tiennent ſe bien dire l'os
Que riens ne me puet eſioir
Tant com la vois de chie[n]ſoir
Car ſi toſt com je l'a perdue
Et n'ai de biauté la veue
Le coꝛps tramble couleur me mue
Le cuer me faut et ſi treſſue
D'angoiſſe ſi tres fermement