Au temps que cil Oiſiau ſauvage
Chantent doucement Maint langage
Aloie ſeulz par .I. boſcage
.I. ceꝛf chacant
Lichien aloient glatiſant
Sieſcoutai et ou hautement
Les un deſtour
Pucelle vi de noble atour
Bien atournee
Ne ceſtoit pas vers moi toꝛnee
Mais ſa teſte adeſtournee
De ſa couronne
Son chief blont doꝛe deſgalonne
Tout le bꝛueil et le gaut Reſonne
de ſon cleꝛ ton
Maint dous veꝛbelet et maint ſon
Faiſoit adont en ſa chancon
Bien lentendi
Elle chanta le gaut tanti
Et je coꝛnai le bois bondi
Et elle ſetoꝛne
Mais n'ot pas vis penſie moꝛne
Car on li ſoulaus quant Aiourne.
v temps deſte
Ne fu ſi cleꝛs en ſa clarté
Comme elle eſt en ſa clarté
Dont memeꝛueille
Chief ot blont et petite oꝛeille
Yeus atraiens bouche vermeille
Goꝛge ot plus blanche
Que neſt la noif deſus la branche
Le bꝛas eſtoit deſous lamanche
Gras et roont
Ne doi pas oublieꝛ lefront
Qui eſtoit le plus biau du mont
Et ſon cleꝛ vis
eſtoit plus biaus Que fleur delys
Nuez polis
poꝛ eſtre miex Lauoit nature
Dun vermeil roſe adꝛoiture
Auſi com d'une poꝛtraiture
Deſſus ſa face
Li cour eſtoit plus blans que glace
Ne croi que Dieus jamés Tel face.
que ſont les mains
Li coꝛs eſt lons et gros et plains
Les mameletes
sont petites Et rondetes
Un pou plus groſſes que pommetes
Sous la cotelle
peꝛoit lepis Et la foꝛcelle
Je croi que de mille ſi belle
Na mis memoire
Sa cote eſtoit dun ſamis noire
Trop bien liſiſt ce poez croire
A grant deuize
La char eſtoit ſous lachemiſe
Douce tandꝛe [blanche] et aliſſe
Sadꝛoit la los
Graſſe eſtoit ſus deliez os
Se Diex me doint pes et repos
Elle chantoit
.I. lay ſi bien qui i convenoit
Et ſi doucement le notoit
Que oiſſillon
venoient oir La chancon
Elle ot haute vois et cleꝛ ton
Si eſt apellee
la blonde De lande doꝛee
Devant moi eſtoit deſtrecee
Les treſces blondes
Si vont ſur les talons a ondes
Creſpeletes ceſt tous limondes
Ce meſt avis
Quelle avoit gent coꝛs et cler vis
Les iex rians le nes traitis
Et la bouche Petite veꝛmeillete
Onc ne vi ſi ſauoꝛouſete
Se Dieus me ſaut
Je mareſtai enmi le gaut
Le cueꝛ me fremit et treſaut
De ſa biauté
Li bois eſtoit vertu fueillote
Li oiſſiau poꝛ le temps deſte
Ses ioiſſoient
Et ſur les arbꝛeſiaus chantoient
Sous et lais et notes Diſſoient
trop doucement
Sen vont ca et la flagolent
Amours loant et relant
En leur latin
Encoꝛe eſtoit aſſez matin
La belle eſtoit deſous .i. pin
Si eſcoutoit
Les oyſſiaus puis recommancoit
Le lai que ci tres bien diſoit
Quen ce teꝛme
retentiſſoit Gaut et gaudine
Bois et pꝛés de ſa uois Seꝛine
fet retentir
Je qua li regardeꝛ tentir
Metint tous quoir ſans mot tentir
Et el m'auize
Mes neſt pas pour moy entrepriſe
Leva ſoi quelle eſtoit aſſiſſe
Moult doucement
Ma dit poinſonnet bien veinant
Liceꝛs ſen va par ci courant
Droit veꝛs le bos
Mais vos chevaus Vient moult repos
Car moult eſt aus eſpeꝛons los
Si conme je croi
Faites que ſage crees moi
Demoines vous avecques moi
Si me dirés
Des nouuelles que vous ſavez
Et je ſe oir en volez vous
en diray
Auſi de celles que je ſai
Je deſcens ſaus faire delai
Sila ſalue
Celle qui neſt pas eſperdue
Mefiſt ſeoir ſus leꝛbe dꝛue
Loꝛs me demande
Sire fiſt elle je en grande
Moult eſté de ceſte demande
Que ceſt amours
Ha; belle ceſt pleſans doulours
Leeſce plaine de triſtours
Dont mis ne veult
gueꝛir Des maus dont il ſe deut
Mes en joie et en gré requeut
Tout le vouloir
De celle qui le fait doloir
Amours ſia moult grant povoir
Conme eſpeꝛites
Les uns fait liez les autres triſtres
Et ne rent pas touz joꝛs meꝛitez
Se lonc deſeꝛtes
Quamours ſe rent Aus uns apeꝛtes
Aus autres cellee couveꝛte
Pour ſa maiſtrie
Amours eſt en paour hardie
Que lou elle eſt plus aſaillie
Plus entrepꝛent
Amours ſengendꝛe En regardant
Oꝛ me dites raiſon comment
Je vous empꝛi
Ma damoiſſelle vés le ci
Tout auſi ſoſt com je vous vi
Je vous amai
Pour la biauté que ieſgardai
Et pour le bien qu'an vous trouvai
Car par nature
Ainme on la belle creature
Quant on voit ſa douce faiture
Et par raiſon
Doit on ameꝛ son maintien bon
Ces .ii. choſes en vous trouuon
Qui vous eſgarde
Diſt celle qui neſt pas muſarde
Dieus fiſt elle comme il me Larde.
de biau parleꝛ
Mais oꝛ leſſons ſe ci eſteꝛ
Mes puis quamours poꝛ eſgarder
Eſt engendꝛee
Conment eſt elle u cueꝛ gardee
Ou neſt pas tous joꝛs ala bee;
En regardant
Et donques nainment li amant
Foꝛstantque la dame eſt devant
Ou damoiſſelle
Oꝛ eſcoutez tres douce belle
Souvenir ou coꝛs renouuele
Le mau qui tient
Quar quant on enpart Il ſouvient
Du grant bien que celle maintient
Qu on deſire
Miex quan parchemin ni encire
Le fait dedens le cueꝛ eſcrire
Celle ſemblance
Ceſt li miroueꝛs deſpleſance
Qui le cueꝛ garde en remembꝛance
Et loins et pꝛés
Biau ſire oꝛmedites aprés
Je ſeꝛoie enuieuſe adés
Damour damie
comment elle eſt u cueꝛ nourrie
Qu'il conment que choſe qui aimme
Ait nourrement
Ma damoiſſelle en eſpeꝛant
Lamour riſſent li fin amant
Quar eſpeꝛance
la nourrit Du let de ſouſfrance
Qui le cueꝛ garde en atendance
Quan coꝛ avra
meꝛci Quant bien ſeꝛvi avra
Ainſi dame ne doutez ja
Li fin ami
quont eſperance de merci
Si sont apert lie et ioli.
net et loial
Sire; ci ne voi je nul mal
De quoi ſe plaingnent ci vaſſal
Si durement
Quaucuns ſe plaingnent enchantant
Quamours leur fait moult detoꝛment
Et de martire
A ce que je vous oï retraire
Amours me ſemble Debonnaire
a ſez ſougis
Belle li tres loiaus amis
A trop de mal ce meſt avis
Et de dolour
Deſirreꝛs lo ciſt et poour
Et mauparlant qui nuit et jour
Li font damage
Deſir li met u cueꝛ la rage
Dont il quieꝛt ſouvent son dommage
Savez comment
Car li feus alume enſouflant
Si fait l'amour enregardant
Il fait ainſi
Et deſir fair aleꝛ lami
Veoir la belle au cueꝛ ioli
Vaille que vaille
Et en loſtel avra meꝛdaille
Qui tos diront cilz ſetrauaille
Que vient il queꝛre
Vient il poꝛ madame requerre
Par ſaint geꝛmain
Iel dirai anuit ou demain
Nous ſommes du vin et dupain
A monſeigneur
Et cil li requieꝛt des honnour
Nous ſeriens ſi traitour
Ceꝛtainement
Je pꝛi a Dieu qu'il les ament
Car trop font de mal a l'amant
Et alamie
Ci la reſueillent ialouſie
Qui dirai en chieꝛe marrie
aufin ami
Vaſſaus mon hoſtel vous deſdi
Et ſi venez je vous deſfi.
car je nai cure
Domme aſi cointe veſture
Loꝛs avra cil duel et rancurie
Painne et paour
Poour de perdꝛe le retour
Poour de faillir alamour
Que tant deſirre
Belle onques Dieus ne fiſt martire
Qui onques eüſt toꝛment pire
Dun fin ami
Quant il ne puet trouveꝛ merci
Neis meſdiſant lont aſailli
Qui Dieus doint honte
Belle oꝛauez oui mon conte
Et elle me reſpont viconte
Bon gré vous ſai
De ce quoy dire vous ai
Car je croi moult bien qua leſſai.
avez eſté
Dame ſe fin mon .i. eſté
Mais Diex ma icelui oſte
Que tant amoie
Nonques mes riens ame nauoie
Et ceꝛtes entalent avoie
Que ja namaſſe
Mais vo gent coꝛs vo douce face
Le cueꝛ me lie et me lace
Tant doucement
Car a vous me donne et meꝛent
De cueꝛ de coꝛs entieꝛement
Et ſi vous pꝛi
que vous meprenez a ami
Que ſe nauez de moi meꝛci
Sachieꝛ de voir
Nulle autre nelenpuet avoir
Car j'ai tout mis ſans Et pooir
cueꝛ et deſir
A vous ameꝛ ſans repantir
Je vous pꝛi que par vo plaiſir
Soie en vo grace
Gente de coꝛs belle de face
A vous me doins en ceſte place
Sans ja mouvoir
Voſtre ſui ne men dois doloir
Oꝛ en faites vostre vouloir
tout a delivre
Car par vous puis moꝛir ou vivre
Elle reſpont eſtes vous jure
quenſi parles
Conques mes veue ne mauez
Et dites que ſi foꝛt mames
Conment puet ceſtre
Dame pour /Dieu le Roy celeſtre
Qui me fiſt vivre et mefiſt neſtre
Je vous creant
que onques mes Name riens tant
Ne de cueꝛ ſi parfaitement
Par cel ſeignour
Que len apelle creatour
Sire ceſt foꝛ choſe damour
Ce meſt avis
Je ne notroi ne ſe neſcondis
Aincois retien avoir avis
Sur no pꝛieꝛe
Mes pource quan mainte manieꝛe
Mauez amours fait vil et chieꝛe
Et male et bonne
Et ſachiez que pas ne me donne
Mais de bon cueꝛ vous abandonne
.I. tel otroy
Auquel ne weil ſoient que troi
C'eſt le marquis Et vous et moi
Ali ires
ouſe non Ienuoieꝛe
Et vous pꝛie que lie demandez
qu'a plus trouvé
Qua lonc temp amour eſpꝛouue
De poour ou de ſeurte
Biens ou doulours
Ou dameꝛte ou de doucours
Ou de plaiſſirs ou de poours
Que il vous die
Et ſil trueve plus grant partie
De joie et de douce vie
en bien ameꝛ
Que de maus je weil acoꝛdeꝛ
A ce que i vous oï roeꝛ
Et vous ameꝛai ſans fauser
parfaitement
Mais son plus de mal iatent
Que de bien ſachiez nullement
Ne mi metroie
Pour ce vous commant et vous pꝛoie
Dui en .i. an dꝛoit vostre voie
Deſous ce pin.
tenez ſi ſoiez bien matin
Adonques ſi oꝛrés la fin
De vo requeſte
.I. chapiau me miſt ſoꝛ ma teſte
Adont alai aprés ma beſte