Royne du mont chiez Ainſi eſt apelee
/Saint pere i tient ſa clef /Saint Pol i tient ſ'eſpee
Mais par enchantement Eſt deca tranſlatee
Ou l'en ret et rooingne Et robe a randonnee
Le pape de /Romme eſt Souuerain de l'egliſe
A qui creſtienté Eſt ſubgete et ſouſmiſe
Vicaires eſt de Dieu Mais en /France ſ'i deuiſe
Diſmes de /guelphes Qui ont mais n'i fu pꝛiſe
D'une part il aſſault Et d'autre eſcommenie
Pour ce que de ſon dꝛoit Il lye et ſi deſlie
Et pape et emperere Si veult que l'en le die
De /loys de /bauiere Ne ſ'i acoꝛde mie
Dv pape croit qu'il ſoit Saint et juſte perſonne
Car le pooir de lui Par toute terre ſone
Il fait tout bien et dꝛoit Ou ſ'il pꝛent ou ſ'i donne
Mais /guilelme geut A ce pas ne ſe donne
Prouuendes done il Dignitez benefices
Aus riches et a ceulz Qui moult ont de delices
Mais des clers ſouffiſans Met on bien hoꝛs des lices
Quant des fox ſages fait Et des ſages fait nices
C'eſt tout dꝛoit quanque fet Ce ſeroit ſymonie
Car tout partout eſt ſien Mais la povre clergié
Des benefices dit Que dꝛoit n'eſt pas partie
[...]
Faire et defaire puet Par .i. petit d'eſcroe
Avec ſes cardinaus Qui font entoꝛ ſa roe
Mais d'aiſe n'eſt pas Comme poiſſon qui noe
Car il n'oſe ſaillir N'iſtre de ſa cadot
Li frere cardinal Avironent le pape
Et le gardent de pꝛez Si qu'il ne leur eſchape
Mais chaſcuns d'eulz en pꝛent Ou tout ce qu'i[l] atrap
Car qui ne puet humer Meſtier li eſt qu'il lape
Cardonaus ſi ſont dit Cardinaus com cardonns
Car par eulz tolt et oevre Li papes ſes pardons
Mais chardons chardonnaus Interpetrent chardons
Car il eſchardent gens Et pꝛennent aus lardons
Li pꝛelat ſont ſacre Et poꝛ ce font le ſacre
Doien et chancelier Chantre et archedyacre
Diſmes et rentes ont Et de terre mainte acre
Mais de leurs bochis font Souvent divers macacre
Pour leurs egliſes ont Li prelat mainte painne
A tours et a palais L'en les mainne et promaine
Mais de leurs diſmes ont [...]
Et les ſeigneurs ſouuent Sans entamer les ſainne
Li prelat jurent tuit garder entierement
Leurs dꝛois de leurs egliſes En leur commencement
Mais prelas obeiſſent Treſtout naturelment
Plus au roy a garder A dꝛoit leur ſerement
Li pꝛelat ſont paſtour poꝛ ce nous convient pꝛeſtre
Loꝛ ſubgiez et en ce faiſant Le font congnoiſtre
Leurs paſtours mais pluſoꝛs Font meſſoneurs eſtre
Veulent poꝛ leurs bꝛebis Moꝛdꝛe a deſtre a ſeneſtre
Intre ces prelas pꝛent Primas et partiarchs
Qui de l'autrui ſont riches Et me tient en leurs arches
Mais au reſtituer Se de rendꝛe les charges
Il oent bien ſans fait Quelque part que tu marches
Li clere qui ſont rente Li ſeculier chanoine
Li regulier auſſi Blanc et gris et noir moine
D'aumoſnes viuent il Et du Dieu patremoine
Mais dire leur ſouffiſt Au mouſtier une antoine
Les benefices ont le gros Avec la greſſe
Et de leur dꝛoit avec Nulz d'entr'eulz ne ſ'euneſſe
Mais au mouſtier ne font Ne grant chant ne grant preſſe
Ne des povres auſſint Ne leur chaut qui les peſſe
Cure parochial puis qu'il a cure d'ame
Quant il eſt a ſon pꝛoſne Il ne toult a nul ame
Mais mains aimme le clerc Qu'il ne fait le bigame
Plus des moꝛs que de vis Chante a la haute game
Quant clerc eſt couronne Il pꝛent de ſa partie
Dieu et a lui ſe tient Homage li affie
Mais cilz renonce a ce Qui apꝛez ſe Marie
Et a marchié ſe joint En deleſſant /Marie
A /Paris viegnent clerc Et [lai] poꝛ eſtudier
Dont a leurs parens font Les bourſes deſlier
Mais pluiſeur leur loez Miex aimment oublier
Et bouchlers ot motez Et les gens plaidier
Sans livre vont ſouvent Itel clerc a l'eſcole
Et ceulz qui pꝛeſtre ſont Et qui poꝛtent eſtole
Mais pis leur concubine Tiennent il en geole
Et les dez la tauerne Souvent qui mains afole
Cil de religion Qui terres ont et rentes
A Dieu ſervir leur coꝛps Mettent et leurs ententes
Mais pluiſeurs marchiez font Dont ſans los il ont ventes
Mais de fames ſouvent Eſtranges font parentes
En leurs maiſons les voi Des mains ſignifians
Et dedens leur mouſtiers Leurs chiez humelians
Mais hoꝛs ypocriſie Ont et envie ens
Dont mains groucent de cuers Qui des dens ſont rians
Li povre mendiant Quierent leur pain Sans faille
Et ſi vont pꝛeechant Mais non pas poꝛ la paille
Car plus a aiſe ſont Sans denier et ſans maille
Que ceulz qui ont treſoꝛs Et terres et aumaille
Jadis de povre habit Eſtre veſtu ſoloient
Et pꝛeechant a pié Par les pais aloient
Mais ſus les gras chevaus Vont hui et ſe graſſoient
Ce ne pueent nier Car toutes gens les voient
Ainſi la pouerte vont pꝛeechant de bouche
Mais ce qu'il vont diſant Juſques au cuer leur touche
Il ſceuent bien veoiur En l'autrui air la mouche
Et le leur mal celer Plus que l'autrui repꝛouche
Il pꝛeechent partout A tous la foy divine
Mais plus des teſtamens Sceuent il le couvine
Et herbergent le plus Chiez roy et chiez royne
Ou la ou il verront Plus fumier la cuiſine
Il ſeruent a l'autel Et poꝛ ce dꝛoit comma[n]nde
Que de l'aute il aient Leur vivre et leur amende
Mais il fault que bons vins En leur mengier seſpande
C'eſt rigle general Tuit aimment ceſte offrande
Ces riches gens ſouvent Font de diſners grans feſtes
Ou char ont et poiſſon Et leurs via[n]des preſtres
Mais ſe bon vin n'i vient Qui fait lever les teſtes
Ja chancons n'en ſeront Dites ne bones graces
Rendues et nonnains Filles Dieu et beguines
Font mains divers enclins En ploiant leurs eſchines
Mais il pꝛennent ſouvent Priuees diſciplines
Qui leur valent au coꝛps Miex qu'autres medecines
Religieuſes ſont Se tu bien les regardes
Par dehoꝛs com coulons Mais par dedens renardes
Et ſous leu ſimple habit Gietent maintes rafardes
Se tu rapꝛoches d'eles Gardes que tu ne tardes
Car le feu /saint antoine Et le feu /saint ſauuain
Embꝛaſe tous leurs cuers Qui ne ſont pas povain
Entre leurs cuiſſes eſt Tel chaleur ſoir et main
Il fault que l'en y perde Ou teſte ou pié ou main
Li roy li duc li conte Et li pꝛince de terre.
Doivent leur garder Et de grief et de guerre
Mais chaſcun ſi ſ'encloſt Oꝛendꝛoit et enſerre
Qu'en ne les puet trouver Quant l'en les veult requerre
Dv pueple furent fait Li roy pꝛemierement
Poꝛ eulz dꝛoit gouuerner Et mener bonement
Mais l'en voit oꝛendꝛoit Faire tout autrement
Et par diſme et par taille Et par eſtoꝛchement
Les pꝛinces ont conſeulz Des lais et du clergié
Et du gouuernement Ont du tout le meſtrie
Mais leurs mauvais eſtas Reueler n'oſent mie
Car il veulent ſervir Aus grans deflateries
Il eſtrillent /fauviau Mais encoꝛ le pien tiennent
Aus pꝛinces qu'il eſcoꝛchent Partout la ou il viennent
Il ſont partout pꝛenant Lons bꝛas ont Hault auiengnent
Et cil qui ſont entour Taiſans leur bꝛas ſouſtiennent
Es piteulz conſeulz Ont cuidies leurs vices
Et poꝛ eulz font ſouvent Vers Dieu leurs ſacrefices
Mais de leurs maulz il n'oſent Mouſtrer ne leurs malices
Poꝛ ce qu'il ont paour De perdꝛe leurs offices
/Alixandꝛes des roys Ot plus de renommee
Que du monde conquiſt Grant partie a l'eſpee
Mais il ot .i. ſeuros Car il voult de teſtee
Que perſonne envers li Nule ne fuſt pꝛiſee
/Alixandꝛes ſi crut Le conſeil /ariſtote
Le grant /charle naymon Qui n'ot penſee ſote
Mais nos roys croient hui Conſeulz d'une autre note
Pour ce dit on de ceulz Des biens a la main moꝛte
Li roy cheuauchant furent Jadis par les contrees
Les pays conquerans A banieres leuees.
Mais contr'eulz hui le fait En armes cheuauchees
Et en leurs chambꝛes ſont Auſſi comme acouchees
Qui batus eſt l'amende C'eſt le dꝛoit de la poꝛte
Baudoier qu'oꝛendꝛoit Couſtume nous apoꝛte
Batus et rabatus Somes nostre gent moꝛte
Mais encoꝛ l'amendons Se mais nous deſconfoꝛte
Des roynes connoiſtre De nommer ne vous chaille
Qui pꝛennent de l'autrui Mais tout metent en taille
El ſont de tres hault ſanc De quelque part qu'en aille
Mais leur lignage pou Leur fait joie qui vaille
Elles ont grans conſeulz Chevaliers clers et lays
Partout ou elles vont En tours et en palais
Elles ne croient pas Tous canons toutes lays
Que leur conſeil leur diſe Ains en font grans relais
Religieuſe gent Ont en leur compaignie
Qui leur mouſtrent le bien Par leur pꝛeecherie
Mais de ce qu'en loꝛ dit De la greignour partie
Oꝛeilles ont d'oyr Mais de fait n'ont il mie
Elles vont chaſcun joꝛ Au mouſtier oir meſſe
Mais c'eſt pꝛés de midi Poꝛ ce qu'il n'aient preſſe
Car el ſe couchent tart Poꝛ ce fault qu'en les leſſe
Doꝛmir grans matinees Poꝛ noꝛrir en leurs greſſes
Noblement ſe maintient hui la chevalerie
De ſes fais ne veult pas Que l'en la contralie
Mais d'aler oultre mer N'a pas cote hardie
Se ce n'eſt apꝛez boire Ou quant dite eſt complie
Noble de noble atour Poꝛ ce que l'en les voie
Et parlant hautement Poꝛ ce que l'en les oie
Mais pluiſeur d'entour eulz Sont oiſiaus muans pꝛoie
Et paient de biaus mos Et non pas de monnoie
Jadis poꝛ los aquerre Et pꝛis et vaſſelage
Aloient par pays Et par terre et par uage
Mais hui vont en riviere Et chacier en boſcage
Les dames viſitant Partout en tapinage
/Hectoꝛ fu li plus pꝛeus de la grant paiennie
/Judas li machabeus De la juiuerie
/Rolla[n]s des creſtiens Mais quel que l'en en die
Chaſcuns que plus que mains Ot convoitiſe amie
Hoſpitalier ſont gent De grant auctoꝛite
Et de gr[a]nt herbergier Sont duit d'antiquite
Mais oꝛendꝛoit il font Po d'oſpitalite
Et poꝛ ce hoſpitalier Sont a toꝛt verité
Cil qui au parlement Sont pardeuers les contes
Font dꝛoit au finement Mais atart c'eſt li contes
Aus enqueſtes auſſint Fait on moult de racontes
Aus requeſtes autel Honneur n'eſt ce mais hontes
La court du parlement Fait dꝛoit quel qu'il demeure
Mal eſt que contre ce Qu'ele fait nul hons oevre
Mais le roy ſoy ſa court Enſamble deſhoneure
Quant il deſfait ce qu'eſt Fait a ſi grant demeure
Juſticier cil qui ont Iuſtice a main tenir
Le dꝛoit garder tous joꝛs Leur devroit ſouvenir
Mais l'en voit de pluiſeurs Que pour les dons tenir
Font cauſes eſloignier Et a tart defenir
Baillif p[re]uoſt viſconte Official vicaire
Ont moult a eſcouter Et a faindꝛe et a taire
Mais ſi ſ'en ſceuent bel Et de legier retraire
Quant il voient les dons Saillir en leur aumaire
Noſtre juſtice laye Et l'ecleſiaſtique
Neceſſaire nous ſont Chaſcune eſt autentique
Mais l'en y boute et fiert Et y point on et pique
Plus ne nominatif Que l'en ne fait l'oblique
Diuerſes cauſes font En teulz coꝛs eſmeues
Dont ſentences ſe font Aucunes retondues
Droit ſi fait mais clochant Souvent poꝛ les moꝛues
Dont abſolutions S'en ſont plus cher vendues.
Ce touche les pꝛevos Et les officiaus
Li notaire y reſont Qui font memoꝛiaus
Mais ſe ſervis ne ſont De dons eſpeciaus
Des fauuiaus feront gris Et des ferrans moꝛiaus
Li aduocas reſont Poꝛ ſes cauſes deffendꝛe
Le dꝛoit doivent garder Et au grant et au mendꝛe
Mais loꝛ langues ſi chier Veulent loer ſans vendꝛe
Que a paine a leur gré Leur puet on loier rendꝛe
Puis ſont procurateur Et cil q⁄ lettres poꝛtent
Souvent font de .ii. pars Mais les gens il enoꝛtent
Oꝛ a pais oꝛe a plait Oꝛ vont dꝛoit oꝛ ſe toꝛdent
Et pour plus traire argent Souvent ſ'entredepoꝛtent
Sergent de chaſtel Et des coꝛs ja nommees
Il viennent et reuont Par pays par contrees
Mais il ne ſont pas tous De bone renommee
Car maint en ſont houlier Viuans de rencontrees
Ualles huiſſiers de coꝛs Pluiſeurs ſont a la poꝛte
Mais a tart oevres l'uis S'on ne leur donne ou poꝛte
Geoliers de pꝛiſon Si reſont de leur ſoꝛte
Li pluiſeur vont clochant Et vont la voie toꝛte
Sires phiſiciens Gariſſent les malades
Aucuns mais non pas tous Mais leurs pommes grenades
Et leur buurage trop Vendent amers et fades
Dont oꝛ ont et argent Et les viandes ſafes
D'autre part reuoit on Ces gens apoticaires
Diuerſes medecines Font et divers cliſtaires
Mais ſe l'en muert ou vit Foꝛce n'i font il guaires
Mais qu'il ſoient ancois Paiez de leurs ſalaires
Cuillir les herbes font Eſpices font molues
Mais poꝛ bones ſouvent Baillent les coꝛrumpues
Phiſicienne gent En ſont bien deceues
Dont les vies en ſont Plus toſt que dꝛoit tolues
Li marchéant qui font Quel que marcheandiſe
Souvent le denier. Dieu Baillent ou Diex n'eſt mie
Et par terre et par mer Grant paine ont poꝛ loꝛ vie
Mais leur purioiſe font .X. fois valoir demie
Cil qui oevres de pois De nombꝛe et de meſure
Neceſſaires nous ſont Mais chaſcuns pis meſure
A ſon voiſin qu'a ſoy Poꝛ ce contre dꝛoiture
Vſent de double pois De diuerſe aleure
Bon ſont cil de meſtier Et neceſſaire au monde
Mais convoitiſe en tous Et en chaſcun habonde
Entre mains general Eſt elle qu'il n'afonde
Mais par deſſus tout vait Afin que tout confonde
Il n'eſt ſi bon cheval Si bone dꝛaperie
Ou n'ait quel que ſeuros Et traimme mal baſtie
Si bons blez ou il n'ait Ou chardons ou oꝛtie
Ce mait chaſcun meſtier Enoꝛdis et conchie
Li meneſtrel y ſont Qui font meneſtrandie
Li uns ſcet d'entrepiet L autre fait d'eſtrampie
Mais quant li uns ſ'en bat Sus l'autre il ont envie
Et vouldꝛoit qu'il feüſt Es plains de /lombardie
Li coꝛratier reſont Au mo[n]de neceſſaire
Par leurs marchiez qui font Mais plus de leur ſalaire
Penſſent que de ce qu'ont Poꝛ marchéans a faire
Poꝛ ce liſent a coꝛs Non pas a oꝛdinaire
Marcheandiſe eſt bone Iuſtement maintenue
Et neceſſaire a tous C'eſt choſe congneue
Mais monnoie le fait Souvent deſconuenue
Quant de ſon loial pꝛis Si ſouvent ſe remue
Li tauernier ſ'en vont Par mainte grant prouince
Poꝛ acheter les vins Dont li roy et li pꝛince
Et tuit ſon abuure Mais pas Dieu ne reynce
Chaſcun a ſa meſure A dꝛoit mais la repince
Li vallet qui le vin Traient vont et reuiennent
Et de mal faire entr'eulz Souvent ſ'entreconuienent
Du vin pour autre traient Ou du pꝛis il retiennent
Et meſtraient dont puis Maintes noiſes eſmueuent
Laboureur ſont gens Aſſez beneurez
Meiſmement par cui Terres ſont labourees
Mais il font bien ſouvent De maluaiſes joꝛnees
Et tart viennent a oevre Et toſt truevent veſpꝛees
Et pour ce vont querant Partout leur ſouſtena[n]ce
Mais envie ont entr'eulz D'avoir plus meſchëance
Poꝛ plus d'aumoſne avoir Dont pour leur emouuance
L'en leur leſſe a bien faire Et aumoſne et pitance
Mariage eſt de ſous Li premiers ſacremens
En paradis fu fait De Dieu meiſmement
Mais gardez n'eſt de tous Ne bien ne dꝛoitement
Dont plait honte et domage En ſourc communement
Et puis qu'en tous eſtas Treuue l'en a redire
Que fera dont /gieffroy Qui des mauvez eſt pire
Ce monde pas n'amende Aincois vait en l'empire
Mais ſe mais plus nous uient De fourme que matire
Es pꝛinces a oꝛgueil Es juges fraude herite
Li prelat ſont ſi maulz Li roidu ypocrite
De pariurer ne ſont Li marchéant bien riche quite
Pou meſure ont ou pois Qu'en n'i trueve redite
Es cloiſtriers a envie Es uſuriers rapine
Ne eſt entre les gros Car l'un l'autre n'encline
Mais convoitiſe a tous Dame eſt non pas meſchine
Luxure qui maint regne A honte ſe decline
Ainſi en tous eſtas il a ou pou ou mains
Car ſe l'en dit du bien L'autre dit c'eſt voir mais
Oſtons dont d'entour nous Tex mes et entremais
Se deſeruir volons le ciel A tous joꝛ mais