Ce fu ou moy pleſant de may
Que li ſoulaus Eſpant ſon ray
Et que cleꝛe eſt La matinee
Et li rieu courent par la pꝛee
Et par le bois et par les plains
Tant que maint kaues en eſt plains
De ces ruis venans des fontaines
Li oiſſel deloꝛ vois hautaines
Font tentir riuieꝛes et bois
Tout dꝛoit le premieꝛ joꝛ du mois
De may que je ai ſus nomme
En lan dela natiuite
Noſtre ſeingneur mil trois cens
Et trentehuit .i. pou penſans
Tout ſeul ſus mon cheval aloie
Le ſantir d'une eſtroite voie
Qui a .i. bois memena dꝛoit
Ne faiſſoit trop chaut ne trop froit
Ainz eꝛt cleꝛs et ſoues liours
Et mes chevaus ala entours
Le bois et de dens bien parfont
Regardai aval et amont
Et ne ui riens foꝛs ſeul oiſſiaus
Qui chantent ſus les arbꝛeſiaus
A vois claretes et plaiſſans
Et tant de bien mefiſt loꝛ chans
Que dꝛoit illecques remanoir
Me convint ſifis mon manoir
Dun arbꝛe haut grant et foillu
Si biaus nauoie mes veü
Le bois regart et le temps cleꝛ
Soy le chant dont pris apenſeꝛ
A cel aqui j'ai tout donne
Mon cueꝛ de bonne voulenté
pour ſa biauté pour ſa valour
Je croi quains Diex ne fiſt meilloꝛ
Bien et ſauoirs parfaitement
Eſt en li. honneur me fiſt grant
Amours quant poꝛ moi leſtabli
Et plus grant bien mefet auſi
Ce que veꝛs moi eſt tres loiaus
Mes dous repos et mes ſoulaus
Silain decueꝛ ſus toute rien
Pour le ſoulas et poꝛ le bien
Que j'ai delui ſans vilonnie
Ceſt mon cueꝛ mon ſans et ma vie
Meſpeꝛance mon bien monnour
Panſant alui en tel doucour
Vi venir par le bois le pas
A pié planté de gent non las
Mes viſtes et eſcourciez haut
Oꝛent leur dꝛas comme bidaut
Eſpiez poꝛtent lances et dars
Hardis ſemblent comme liepars
Enſemble furent plus de vint
Maint chaceeur apres eus vint
Qui mainnent les chiens a couples
Damoiſſelles vint aſſez
Et dames ſus apeꝛs courſieꝛs
Qui enlaiſſe mainnent leurieꝛs
Alans eſpaingne et chiens meſtis
Coꝛs diuoire avoient faitis
Li plus delles pendans as cous
Je ne fis pas adont que fols
Car je uing eꝛranment vers lour
Entre la gent vi mon ſeignour
Gaſton de lille ſans cheval
Tantos me diſt remon uidal
Deſcent apie pꝛen une lance
Se Diex vous gart demeſchëance
Sire fic je dites moy dont
Quel gent ſont ce qui par ci vont
Et il me reſpont voulentieꝛs
Le vous dirai mes amis chiers
Remon ceſt li contes de fois
Mes couſins et tu nel connois
Mes freres meſire beꝛtrans
Et dautres compains neſai quans
A o eilz ſi ont leur afaire
Apareillie pour chace faire
Oꝛ me dites des damoiſſelles
Et des dames qui tant ſont belles
Qui elles ſont ne ſe chacieꝛ
Veullent o vous oil de ieꝛ
Sont parties poꝛ chace faire
Qui doit atreſtous les bons plaire
Car chacieꝛ veulent meſdiſſans
Qui ſont ci aus amans nuiſans
Et la en pues vëoir tel paire
Dont chaſcune a pleſant viaire
Ja ala chace commancie
La belle blonde les chenie
Qui tient eꝛminac et rodais
Des meſdiſans veult faire pais
O lui ma dame margueꝛite
Entre bonnes poꝛ bonne eſlire
S'il en va nule en ceſtui mont
Seſt viconteſſe de biaumont
Et cil et celles qui ci ſont
Et vous meiſmes chaceꝛois
O ces .ii. que vous ai nommes
Qui de bien ſont toutes comblees
Je reſpondi liez et ioiaus
Sui de chacieꝛ faus meſdiſans
Mes ou les pourron nous troueꝛ
Dont me diſt il a un ſangleꝛ
Qui demeure dedens ceſt bois
Grans et hydeus coꝛſus et noirs
Eſt demoure y a lonc temps
Si a bien .i. conte de dent
Oꝛ poꝛrez oir grant meꝛveille
Ainz mes noiſtes ſapareille
Cilz poꝛs dont je vous vois parlant
Fu jadis homs grant et puiſſant
De coꝛs et damis et davoir
Et de teꝛre et moult ot povoir
Mes faus et meſdiſant eſtoit
Sique plus eſtre nel povoit
De tous meſdiſoit a relay
Des hommes fuſſent cleꝛ ou lay
De dames et de damoiſſelles
Et mariees et pucelles
Nul ne povoit alui dureꝛ
Tant eſtoit plains demeſparleꝛ
Pres de lui eſtoit uns chaſtiaus
Ou demouroit .i. damoiſſaus
Qui biaus eſtoit adés meſure
En lui foꝛmeꝛ ot mis nature
Toute ſentante et ſon povoir
Si biaus eſtoit a dire voir
Que nus ne le pourroit deſcrire
Ne cueꝛ penſeꝛ ne bouche dire
S'il ieꝛt biaus plus ot bonté
Sans et valeur et honneſte
Neſtoit pas filz de vauaſſour
Mes filz de dame et de ſeignour
Vint et .ii. ans povoit avoir
Et nëant plus a dire voir
Pres d'eus manoit une pucelle
Se cilz ieꝛt biaus elle eꝛt plus belle
Et de bien et donneur
Si plainne
Quelle en ieꝛt
la dꝛoite fontainne
Tant avoit enlui debonté
Que detous biens avoit paſſe
Celles quains furent et ſont oꝛés
Et qui eꝛent au temps deloꝛes
Ainſi com renommee poꝛte
Sus tretoute lonneur empoꝛte
Moult eſtoit daage avenant
Acomplis n'avoit pas .xx. ans
De haut lignage eſtoit iſſue
Et de gent de moult grant value
Amdui loiaument sentrameꝛent
Et foi et honneur ſe poꝛteꝛent
En ce bien veſquirent lonc temps
Elle amie et li vrais amans
Moult viuoient acheꝛe lie
Nus deulz ſi n'ot dautrui envie
Et pour l'amour dela pucelle
Fiſt cil mainte pꝛoeſce belle
Li felons traitres puans
Ciſt le chieꝛres ciſt meſdiſans
Qui pꝛés de ces .ii. demouroit
Par pou li cueꝛs ne li crevoit
Quant apeꝛcut leur bonne vie
Dont cuida bien mourir denuie
Diſt que petit ſe priſſeꝛoit
Sem bꝛief dolens ne les feſſoit
Dont commanca deus ameſdire
Je ne vous pourroie je tout dire
Mes tant furent ſi parleꝛ fieꝛ
Qui convint ces .ii. eſlonnieꝛ
Car par meſdit a ſi troublee
Leur belle et bonne renommee
Qua pou dutout ne lont perdue
Par ſa mauveſſe langue ague
Cil dui vrai amant qui ſage eꝛent
Quant connurent et auiſeꝛent
Que len enſement deulz parloit
Moult furent leur cueꝛs a deſtroit
Par a coꝛt ne ſe ueꝛront mes
Ce dient il ſi ſeꝛa mais
Iuing iuingnet et aouſt paſſez
Bien le tindꝛent mes maus aſſez
En ſouſfri puis li damoiſſiaus
Qui tant eſtoit et bons et biaus
Quar quant il vit que conſirrieꝛs
Le convint par foꝛce daleꝛ
Veꝛs ſa dame que tant ot chieꝛ
Il peꝛt le boire et le mengier
Pales des couloures devint
Du mal qui au cueꝛ foꝛt li tient
Ne ſot que dire ne elle faire
Poꝛ le mal qui li convint traire
Leſtut du tout ali lit venir
Entel point qu'il cuidoit moꝛir
Autreſi fiſt
la damoiſſelle
Qui tant eſtoit
Et bonne et belle
Car leur deſtreſce et leur doulour
Leur acroiſſoit de joꝛ en jour
Li danziaus qui touz eſtoit tains
Fu .i. joꝛ du mal ſi atains
Quan cuidoit qui deüſt partir
Du ſiecle et illeques fenir
Grant piece ſouffri cel toꝛment
Qu'il n'ot ne ne voit ne nentant
A chief ſepiece eſt revenus
Parla dit dame venus
La deeſſe des amoureus
Et vous vrais Diex d'amours qui tiens
Eſtes que vous touz connoiſſiez
Les penſeꝛs vous pꝛi quadꝛeciez
Soit vos pouoirs et vos veniance
Sus celui par qui tel grevance
Meſt hui toꝛnee ſus le coꝛs
Siuraiement conques encoꝛs
Jour en veꝛs vous ne meſſeꝛui
Ne veꝛs celle que j'ai ſeꝛvi
Et ſeꝛvirai toute ma uie
Sanz penſeꝛ rain de vilonnie
Li vrais Diex damours
touz puiſſans
Li gouueꝛneꝛres
Des amans
Sa pꝛieꝛe recut engre
Et eꝛranment il a ouvré
Car ce mal meſdiſant felon
Qui onques ne fiſt ſe mal non
Devant treſtoute ſameſnie
Qui ſeꝛvi lot toute ſauie
Droit ou milieu de ſon palais
Ou eſtre cuidoit plus em pais
En un poꝛc ſanglieꝛ le mua
Toute la gent ſen meꝛveilla
Quant deles eulz virent tel beſte
Il ne ſeuent que ce puet eſtre
Par le Dieu damours voulenté
Saillirent ſus en talente
De lui ocirre et detrenchieꝛ
Loꝛs ſaut en ce bois vint tout dꝛoit
Il a bien .c. ans oꝛendꝛoit
Et a tant teꝛmes li fu mis
Dont Dieu qui nieꝛt pas ces amis
Ce teꝛme paſſeꝛ ne povoit
Mes dꝛoit ace point moꝛt ſeꝛoit
Par les plus amoureuſſes gens
Qui ſeꝛoient aicel temps
Bien croi ces teꝛmes eſt venus
Poꝛ ce ſommes nous eſmeüs
Par tans le veꝛrez eſleueꝛ
Adont commanca a coꝛneꝛ
Ses freꝛes meſire beꝛtrans
Et chaſcune vait des tachans
Les chiens qui bien ſeuent tracieꝛ
Premieꝛs commanca deſtachieꝛ
Margueꝛite dechauegni
Deus chiens dont
l'un ot non ainſi
Belacueil qui bien
Vait cheꝛchant
Lautre leeſſe eſt puiſſant
Pour meſdiſſant meneꝛ amoꝛt
Elle eſcrie pour confoꝛt
Belacueil alez bien ceꝛchant
Belacueil vous ſavez bien tant
Que faites meſdiſſant creveꝛ
Pres de vous ne puet demoureꝛ
Belacueil nul mauvés felon
Leeſce par bonne reſon
Le devez vous ceꝛchieꝛ tout tans
Leeſce confont meſdiſans
Qui ont dire tout le cueꝛ pꝛis
Il ne veulent ne ieu ne ris
Pour ce leeſce les confont
Ceꝛchiez aval ceꝛchiez amont
Le ſanglieꝛ qui tant eſt mauvez
Blanche de foys
Sen vint apꝛés
A tout .ii. chiens
que maine apart
Biau maintien avec dous regart
Que laiſſe aleꝛ criant plus haut
Biau mantin crieꝛ ne vous chaut
Vous chaciez vilains par uſage
Dous regart vous faitez dommage
Aus felons par leur faus cuidieꝛ
Biau maintien alez les ceꝛchieꝛ
Ce meſdiſant trop vous gueꝛroie
Dous regart courez alapꝛoie
Pour ce le devez vous honnie
Dous regart vous faites mourir
Les meſdiſans ſeul poꝛ vëoir
Apꝛés vint
pour lui decheoir
Sebilla a
grant volenté
De chaſtiau nuef ſon chien bonte
Et grace mainne poꝛ chacieꝛ
Hautement commance acrieꝛ
Bonté bonté alez alez
Le meſdiſant toſt me prenez
Bonté il es vos anemis
Mes pour ce vous valez pis
Foꝛs detant que par son mentir
Vous fet auos voiſins hair
Et fet croire poꝛ veꝛité
Ce qui eſt pure fauſſeté
Mes vous pour ce ne vous changiez
Dont li ſangleꝛs eſt courouciez
Faites lecreueꝛ ſans demour
Grace ceꝛchiez bien la entour
Grace quant meſdiſant vous ſent
De duel mourir cuide ſouvent
Vous li faites ſon dur cueꝛ fendꝛe
Grace chaciez alez le prendꝛe
Car il vous het ſus toute rien
Puis vint genſac
de muſyden
Cheuauchant
la grant ambleure
O ſon bon chien quot non dꝛoiture
Lautre valour qui tres bien chace
Il leſſe aleꝛ par mi la place
Les chiens criant agrant baudour
Ceꝛchiez dꝛoiture et valour
Le meſdiſſant faus plain doꝛdure
Vous le devez ceꝛchieꝛ dꝛoiture
Car toꝛt maintient et ceꝛchier maus
Et vous honneur com vil et faus
Le de chaciez a vous en eſt
Car anul meſdiſant ne pleſt
Honneur pour rien bien leſauez
Autre polie
vint apꝛés
Galharde cointe
Et enuoiſſie
De chaſtel nuef ſon chien deſlie
Iouneſce l'un lautre franchiſe
Elle crie com bien apꝛiſſe
Ionneſce ceꝛchiez par dela
Le meſdiſſant la ou il va
Car il vous poꝛte grant hayne
Franchiſſe traciez qui ne fine
De vous meſdire touz les jours
Gardez nait reſpit ne ſecours
De duel le faites toſt mourir
Apꝛés vint amoult
grant pleſſir
De byron lapꝛeus
margueꝛite
Pour tueꝛ et rendꝛe meꝛite
Au ſenglieꝛ meſdiſant felon
Car nul temps ne fiſt ſemal non
Elle maine .ii. chiens legieꝛs
Cointiſe apelle lipꝛemieꝛs
Lautre bon eſpoir qui tant vaut
Elle les eſcrie moult haut
Avant cointiſſe bien ceꝛchiez
Bon eſpoit tantoſt letrouuez
Le faus felon qui deſconfoꝛte
Cointiſe grant anuie poꝛte
Le meſdiſant quant il vous voit
Bon eſpoir ja foꝛſenne dꝛoit
Li cuiueꝛs quant il vous ſet vif
Tues dont le ſangleꝛ chetif
Alez ceꝛchant toſt ſans targieꝛ
Apꝛés vint ſus
ſon grant deſtrieꝛ
Madame aude
de noble fueꝛ
Debel pug qui chace de cueꝛ
Le ſangleꝛ et ne la ſeure
De son bon chien quot non meſure
Et l'autre bonne volenté
Sileur eſcrie de bon gré
Avant meſure ceꝛchiez bien
Le meſdiſant qui ne vaut rien
Bonne volenté coures foꝛt
A ce felon qui vous ha toꝛt
Car il vous het et vous maudiſt
Volenté ſelonc que il diſt
Il vous poꝛte moult grant hayne
Autre vint
de grant valour fine
Lapꝛeus de talariant
algaya
.II. chiens maine quetant eſt gaye
Par leur nons pꝛivé et doutance
De tueꝛ meſdiſant ſauance
Si dui chien ſeuent bien chacieꝛ
En criant leur veult aidieꝛ
Sileur diſt doutance et pꝛivé
Ceꝛchiez le bois ceꝛchiez le pꝛe
Le meſdiſant ou plus parfont
Doutance vous ſavez qui ſont
Cil pour qui convient a douteꝛ
Priue vous devez bien aleꝛ
Et le ceꝛchieꝛ aqui quen poys
Apꝛés vint amoult
grant effrois
Girarde du foſſe
la large
.II. chiens mainne dont nulz ne targe
Poꝛ donneꝛ auſenglieꝛ triſteſce
Li uns deulz eſt nommez largeſce
Lautre biau parleꝛ qui eſt bons
Et les eſcrie par leur nons
Largeſce alez et bieu parleꝛ
Anemis eſtez du ſanglieꝛ
Qui tant eſt vilz bien leſauez
Une autre vint
Plus toſt aſſez
acoꝛs faitis
poly et biau
La ſimple madame yſabiau
De ſaiſſac acueꝛ adure
Qui ſon bon chien humilité
Maine poꝛ chacieꝛ et ſouffrance
Eſcriant foꝛt ſi les auance
Et diſt humilité touz dis
Et li ſanglieꝛs vos anemis
Et ſouſfrance le vaint touz jours
Alez donnez li mal ſeiours
Car par vous ieꝛs li felons moꝛs
Apꝛés vint amoult
grans effoꝛs
katheꝛine la bien
ſenee
De talayrant qui moult ſagree
Dechacieꝛ meſdiſant honnis
O ſon chien qui anon biau ris
Douce pensee avecques lui
Elle ſeſcrie alui alui
Biauris alez faites languir
Ce meſdiſant ou toſt mourir
Douce pensee ceꝛchez tant
Que muire ce faus meſdiſant
Car raiſon eſt que par vous meure
Un autre l'enſuit
Sans demeure
Ce eſt girarde
De maſas
Ceſte n'ot onques lecueꝛ las
Touzioꝛs veult chacier loing et pres
Elle ot ces .ii. chiens acouples
Li premieꝛs eſt acointement
Lautre delis plus toſt que vent
Le vont ceꝛchant tout ſanz arreſt
Et elle crie par ici eſt
Acointement et vous delis
Par vous doit bien eſtre honnis
Faites le mourir adoulour
Lautre qui vient
agrant baudour
Ce eſt Marie de chaumont
Biaureſpons maine qui confont
Le ſanglieꝛ et aſeure
Ces .ii. chiens ot el amene
Enhardir les fait en criant
Alez biau reſpons tout avant
Je croi que par vous honnis ſoit
Aſeure li cuiveꝛt doit
Mourir par vous que bien le ſai
Une autre vient
tout ſans delay
Qui de chacieꝛ tous
jours ne fine
Qui de la roche anon daufine
L'un de ces chiens anon deſir
Et l'autre pꝛis qui veut honir
Les meſdiſans par grant anui
Haut leur crie pꝛenez celui
Pris et deſir par vos nature
Chaciez leſanglieꝛ plain doꝛdure
Et de meſdis qui eſt tous plains
Ceꝛchiez par tombes et par plains
Gardes que plus ne die mot
Sus ſon courſieꝛ
vint le grant trot
kateꝛine a
grant valour
De painne qui ſon chien baudour
Mainne pourchacier et confoꝛt
Si a criant amoꝛt amoꝛt
Baudour confoꝛt ceꝛchies apeꝛt
Le meſdiſant ce vil cuiveꝛt
De mal eſt plain et de venin
Ceꝛchiez toſt et menez afin
Confoꝛt prenez le vif ou moꝛt
Courant vint le courſieꝛ
trop foꝛt
De cardelhac quot
non conteſſe
Elle mainne .ii. chiens en leſſe
Ceſt honneur et ha bandonne
Si leur crie haut en tonne
Avant habandonne honnour
Faites mourir agrant doulour
Le faus meſdiſant plain denuie
Je croi qu'il doit perdꝛe la vie
Et mourir en ceſte journee
Le grant tropt
vint parmi la pꝛee
La pꝛeus bien apꝛiſſe
aſſalhie
De bedos cointe et polie
Ses .ii. bons chiens quelle menoit
Quant furent eſlargi tout dꝛoit
Vont au ſanglieꝛ poꝛ li ocirre
Eſcriant leur commance adire
Raiſon et ſavoir bien alez
Ceꝛchiez par tout ſi le tuez
Alés dꝛoit a lui ne vous chaut
Delui honnir que petit vaut
Car il eſt ſans toute bonté
Aucoꝛs faitis belatoꝛne
Ma dame phelippe
la ſage
De lautrie vint
a grant courage
Meꝛci ot non son petit chien
Lautre connoiſſance qui bien
Seuent les meſdiſans trouveꝛ
Elle commance a eſcrieꝛ
Avant alez touz jours mercis
Il eſt bon ſe tout eſt petis
Et pꝛens le ſanglieꝛ ſans faillir
Connoiſſance vait laſſaillir
Et le tue ſeul pour ſentir
Alés dont faites le mourir
Alés meꝛci oꝛ y parra
Puis vint tout ſeul
De par dela
uns chiens faitis
blans comme nois
Se chien avoit non bonne foy
Si n'avoit ne dame ne meſtre
Mes miex chaca ſelonc son eſtre
Que chien qui en la chaſe ſoit
Nulz de lui ne sentremetoit
Ne dame ni a qui leſcrie
Non pourquant il toudꝛa lauie
Je croi le felon meſdiſant
Il vet tout dꝛoit apertement
La oui eꝛt ſans plus atendꝛe
Car le poꝛc cuide il bien prendꝛe
Oꝛ ſont li chien eſlargie
Par mi le bois et cil da pié
Errant vont la et ca cheꝛchant
Et tuit li chien vont glatiſſant
Courant par mi lapꝛaieꝛie
Et qui plus puet as chiens eſcrie
Belacueil leeſce alez
Biau maintien dous regart courez
Bonne grace valeur dꝛoiture
Ioneſce metez igrant cure
Et franchiſe par ici va
Cointiſe bon eſpoir de la
Meſure bonne voulenté
Ceꝛchiez doutance et pꝛivé
Largeſce biau parleꝛ ali
Humilite ſouffrance auſi
Alez biau ris douce penſee
Acointement deliz magree
Biaus reſpons et aſeure
Deſir et pꝛis ſans fauſſeté
Confoꝛt alez y et baudour
Habandonne et vous honneur
Raiſon et ſavoir et merci
Connoiſſance ceꝛchiez auſi
Et bonne foi ou plus parfont
Clip clop clap clop ou chemin sont
Criez de la criez bien haut
Frapez feꝛez criez oꝛ vaut
Bien parfont cheꝛchieꝛ les buiſſons
Avant chiens que tantoſt l'avrons
Eſtabli fu
aus .iiii. coꝛs
Du bois qui
gardaſſent dehoꝛs
.IIII. dames achaſcun une
La conteſſe d'arminac une
Qui tient .ii. leurieꝛs bien courans
Li uns avoit non hardemens
Et li autre fu loyauté
Li uns qui gardoit vers lepꝛe
A .ii. leurieꝛs qu'il amoit moult
Lauiconteſſe de biaumont
Li uns leurieꝛs fu coꝛtoiſie
Lautre biauté chieꝛe hardie
Qui trop ot le poꝛc en haine
De malhoꝛques la pꝛeus roine
Tient biau ſemblant aveques joie
Qui contre meſdiſans gueꝛroie
Lautre fu lapꝛeus uiconteſſe
De benauges qui o leeſce
Tenoit pitié et bien celeꝛ
Chaſcune doit tresbien garder
Pour le ſanglieꝛ qui doit venir
Pour li tueꝛ pour li honnir
Oꝛ eſt li ſanglieꝛs
hoꝛs iſſus
A foꝛce de chiens
eſt venus
Dehoꝛs le bois ſenfuit coꝛant
Ilecques meſire beꝛtrant
Tient .i. eſpie a .i. feꝛ large
Dun arbꝛe couveꝛt comme targe
Atandant tous dis leſanglieꝛ
A lui ſenuint comme aveꝛſieꝛ
Machant eſcumant dꝛoit ali
Meſire beꝛtram lefeꝛi
Du feꝛ de leſpie ſus la teſte
Ilec avant point neſareſte
Le cuida feꝛir de la dent
Adont ſaut meſire beꝛtrant
En .i. teꝛtre qui moult eſt haut
Ha; ſire fis je ne vous chaut
Dautre fois vous afait feꝛir
Tu dis bien voir par faus mentir
Arrieꝛe plus d'une joꝛnee
Le ſanglieꝛ fuit par mi lapꝛee
Et aprés li les .viii. leurieꝛs
Et les chiens glatiſſans darrieꝛs
Et les dames ſus les chevaus
Courant par tombes et par vaus
Criant moult haut oꝛ iparra
Aus leurieꝛs qui le tueꝛa
Le ſanglieꝛ eſt tant dechaciez
Qua foꝛce de chiens eſt laſſez
Il eſt tant las que plus nen puet
A un arbꝛe guenchier leſtueꝛ
Contre chiens la teſte gita
Feꝛant de la dent ca et la
Si qu'an a navré plus detrois
Meſire de fois vint deſfrois
Courant apie gita ſon dart
Sus leſpaule fieꝛt d'une part
Et le ſanglieꝛ vint dꝛoit ali
Li contes atraueꝛs ſailli
Et ſi limet leſpie devant
Et li ſanglieꝛs ſen paſſe avant
Ha; fis je meſire defois
Com je croi bien qui vous connois
Dautre fois vous afait anui
Tu dis voir ſi feꝛai je lui
Grant talent ai de li tueꝛ
Loꝛs ſenuait bꝛuiant le ſanglieꝛ
Tous naurez ſemiſt en .i. lac
Loꝛs vint madame d'armignac
Sus son cheval foꝛment criant
Alés mes leurieꝛs hardement
A lui rendez le moi tue
Et vous bon leurieꝛ loyauté
Sus tous vous le devez bien prendꝛe
Loyaute alez le tout fendꝛe
Car voſtre pooir le confont
Auſi ma dame de biaumont
Confoꝛtant ces leurieꝛs eſcrie
A li bon leurieꝛ coꝛtoiſſie
Que tous dis vous melle courrous
Biaute je croi bien ſavez vous
Comment ſetuent meſdiſant
La royne vient haut criant
De malhoꝛques a ſon leurieꝛ
Biau ſemblant ales le chacieꝛ
Et vous joie ſans nule faute
La uiconteſſe a vois haute
De benauges crie de gré
Avant bien celeꝛ et pitié
Tues le meſdiſant vaincus
Il eſt naures il eſt feꝛus
Tantoſt ſeꝛa moꝛs bien le voi
Loꝛs vint le chiennet bonne foy
Le voil ſanglieꝛ prent par loꝛeille
Maintenant par trop grant merveille
Liſanglieꝛs commance aparleꝛ
Hé; las je nepuis plus dureꝛ
Il me convient mourir par foꝛt
Hui deſtinee eſt mamoꝛt
Et mes termes eſt hui venus
Je fu naures et recreus
Riens ne me vaut crieꝛ merci
Ne courtoiſie avecques lui
Ne franchiſſe ne bonne foy
Il ſont treſtuit en contre moy
Et touz les bien qui damours ſont
Par quoi irai ou plus parfont
Denfeꝛ que je fui meſdiſant
Des mon iouuent tout en avant
Touſiours ai eſté des loyaus
Pour ce mourres
traites faus
Diſtrent tuit
Car bien eſt reſon
Loꝛs le feꝛi pꝛemier gaſcon
Delille deleſpie dacieꝛ
Sire fis je itel louieꝛ
Avoit lonc temps adeſeꝛui
Et meſire iohan feꝛi
De gaillart .i. cop deſeſpee
Feꝛes ſire ſil vous agree
Que moult nous afait grant domage
Grant coup lefieꝛt ſu le viſage
Meſire oliuieꝛ de boꝛt
Vous ſavez bien qu'il vous atoꝛt
Ne quans deſtourbieꝛs vous a fais
Et meſire le fieꝛs apꝛés
De mon feꝛrant par le coſté
Feꝛes que trop vous acouſte
Le felon plus qu'il ne vaut
Gaſtonnet fieꝛt qui pas ne faut
Deſpee trenchant par leſchine
Sire fis je la grant hayne
Que il vous poꝛte li rendez
Meſire guirant vint aprés
De chaſtiau nuef ſi fieꝛt grant cop
Sire fis je ne povez top
Feꝛir car tant vous pot hair
Pieꝛre d'oꝛneſen vint feꝛir
Le meſdiſant de cop delance
Pieꝛre ce dis je en grant doutance
Vous a fait eſtre mainte fois
Tu dis voir et moy tenir cois
Li ſires de iumet vint
.I. grant glaive en ſamain tint
Courant au felon le gita
Par le flanc contre li paſſa
Raymon heꝛnaut ſi grant cop fieꝛt
De pꝛeſſac que mire ni quieꝛt
Iohan de biron fieꝛt d'un dart
Si qu'il paſſe delautre part
Bien ifieꝛt guirart de temines
Si grant cop que par les eſchines
En .ii. moitiez dꝛoit le parti
Meſire beꝛtram bien feꝛi
De lille qui miex fu manieꝛs
Defeꝛir ſus hiaume dacieꝛ
Conneu lauoit autre fois
Et meſire i fieꝛt de fois
Tant qu'il latout de cartele
Et je ſi lai dehoꝛs gite
Du lac ou il eſtoit tuez
Dis meſire beꝛtrans coures
La moꝛt du meſdiſant felon
Il coꝛne et puis diſt gaſcon
Voulez tuit ſoit amon pleſir
De ceſtui ſanglieꝛ de partir
Oil crient tuit hautement
Jel feꝛai dont
par tel conuent
Que ma dame
d'eꝛmignac pꝛeigne
Le pꝛemieꝛ
Cartieꝛ celle daingne
Et pour ce que miex ſoit veus
En armignac ſeꝛa pendus
Ens ou meilleur lieu qui i ſoit
Apres je weil tout oꝛendꝛoit
Que l'autre quartieꝛ par devant
Soit acelle qui le veult tant
La uiconteſſe de biaumont
Et pour ce qu'il la heoit moult
En eniou le pende moult lait
Madame de mailhoꝛques ait
Du ſanglieꝛ ledeſtre cartieꝛ
De par deꝛrieꝛe tout en tieꝛ
Et quan face itel juſtice
La uiconteſſe en autel guiſe
De benauge[s]s en ait ſapart
Par deꝛrieꝛ le ſeneſtre quart
Et ſi le pande ſans delois
La teſte en ait li quens de fois
Sans la langue et bien ſe gart
Quan haut ſoit pendus aſapart
En liu ouſoit tres bien veue
Et la langue fauſe et ague
Mes freres meſire beꝛtrans
Poꝛt avec ſoi car eſt nuiſans
Soit pertuiſſiee afeꝛs agus
Le cueꝛ ne donrai je anus
Samoi meiſmes non je le weil
Il fu faus cueꝛ et plain doꝛgueil
Diniquite et de meſdis
Pour ce le poꝛteꝛai tout dis
En un feu ardent ſans cremeꝛ
Ceſqueſt ou ventre du ſengleꝛ
Tantoſt ſoit ici tout bꝛuis
Car il eſt tous plains devenins
Soꝛ terre ne doit remanoir
Oꝛ eſt moꝛs com povez vëoir
Auſi fuſſent tuit cil qui ſont
Et vous madame debiaumont
Et d'armignac qui ce voulez
A touz vos pooirs les tues
Mes dous repos le veult auſi
Qui de cueꝛ les het et pour li
Les harrai je ſus toute rien