Il avint jadis en .i. temps
Bien a paſſé .iiiic. ans
Que il eſtoit .i. riches hom
Je ne ſe pas nommeꝛ ſon non
Mes il eſtoit de grant manieꝛe
De pres de bois et deꝛiueꝛe
Et de quan qua fieꝛt a riche homme
De ce vous weil dire la ſomme
Avoit de ce ne faut pas dire
Liez hons eſtoit ſanz neſun ire
Il avoit .i. manoir ſibel
En bourc nen ville nen chaſtel
Se le voir vous en weil conteꝛ
En tout le monde n'ot ſon peꝛ
Ne ſi biau ne ſi delitable
Li contes vous enſembleꝛont fable
Qui vous endiroit la facon
Je ne cuit que ainz face hom
Tel donion ne ſi riche tour
Eſcoutez ſeigneur par amour
Entour couroit une rivieꝛe
Belle et cleꝛe degrant manieꝛe
Qui enclooit tout le poꝛpꝛis
Et un vergieꝛ qui fu depꝛis
I avoit darbꝛes diaue enclos
Cilz qui le fiſt ne fu pas ſols
Ce fu .i. chevalier gentils
Apres le peꝛe lot li fils
Qui le vendi a un vilain
Ainſi ala demain en main
Tous ſavez bien que par mal hoir
Se dechieent maint bel avoir
Et mainte terre et mainte rente
Par le ſur crois de male vente
Liveꝛgieꝛs fu biaus adeuiſe
Arbꝛes iot demainte guiſſe
Que je ne ſe mie nommeꝛ
Mes poꝛ voir vous puis raconter
Qu'il y avoit roſes et flours
Qui ietoient moult grans odours
Et eſpices detel manieꝛe
Que dame giſans en litieꝛe
Qui malade fuſt et en feꝛme
Sen iroit toute ſaine et ferme
Pour tant que veꝛgier geüſt
Et c'une nuit eſtre i peüſt
De chieres heꝛbes fu garnis
Et li preaus fu ſi omnis
Qu'il ni avoit ne mont ne val
Et li arbꝛe tuit parigal
Eſtoient dun grant contremont
Plus bel veꝛgier n'avoit u mont
Ja tel fruit ni demandiſſiez
Que vous trouveꝛ ni peuſſiez
Ainſi eſtoient il tous temps
Cilz qui le fiſt fu moult ſachans
Il fu tous fais par nigremance
Leans avoit mainte prouance
Li veꝛgiers eꝛt et biaus et lons
A compas tous fais et reons
Enmi avoit une fontaine
Dont liaue eſtoit et clere et ſaine
Et ſourdoit aſi grant rendon
Com ſel veniſt par comduiſon
Si eſtoit plus froide que marbꝛe
Ombꝛe li faiſſoit .i. bel arbꝛe
Que la gent apeloient pin
Tous temps eꝛt vertu ſoir et matin
Dont les bꝛanches loins seſtendoient
Qui noblement duites eſtoient
Fueilles iauoit a plenté
Entout le plus bel joꝛ deſte
Quant ce vient ens u mois demay
Ni peuſſiez choiſſir le ray
Du ſolleil tant eſtoit ramus
Moult devoit eſtre chier tenus
Car il eſtoit de tel nature
Que ſa ueꝛdeur tous temps li dure
Vent ne tempeſtetantſoit foꝛte
Nen abat fueille nieſcoꝛce
Li pins fu deliteus et biaus
Chanter menoit uns oiſſiax
.II. fois le jour et plus noient
Et bien ſachiez aeſcient
Qu'il iuenoit la matinee
Et l'autre fois alaueſpꝛee
Li oiſſiaus fu et biaus et gens
Moult ſeꝛoit grans detriemens
Qui vous endiroit la facon
Il eſtoit mendꝛes dun pincon
.I. pou graindꝛes dun linotel
Si chantoit ſi bien et ſi bel
Roſingnol melle ne mauuis
Ni eſtoꝛnel ce meſt avis
Chant daloe ne dekalendꝛe
Neſt pas ſipleſans aentendꝛe
Com eſt li ſiens bien le ſachiez
Li oiſſiaus fu ſi afaitiez
A dire lays et nouuiaus ſons
Que rotruanges ne chancons
Guige ne harbe ne viele
El chant a voit une merveille
Onques noiſtez ſapareille
Car tel veꝛtu avoit le chant
Queja hons nefuſt ſi dolant
Mes que loiſſel chanteꝛ oiſt
Que maintenant ne ceſioiſt
Et qu'il noubliaſt ſadoulour
Et ſil neüſt penſe damour
Sen fuſt il maintenant eſpꝛis
Et cuidaſt eſtre de tel pꝛis
Com eſt empereꝛes et roys
Fuſt ou vilain ou bourjois
Et ſil eüſt .c. ans paſſes
Et fuſt du ſiecle treſpaſſes
Pourquoiſt deloiſel le chant
Sili ſemblaſt il maintenant
Qu'il fuſt meſchins et iouuenciaus
Et ſi cuidaſt eſtre auſi biaus
Com fu libiaus parthenopiex
Ou neꝛciſus qui aces ieux
Pour ſa biauté regada tant
En liaue qui eſtoit courant
Qu'il en mourut ce fu ſanz doute
Que la veue li failli toute
Pour ſa tres grant biauté mireꝛ
Mourut ſus li aue en regarder
Auſſi ſeꝛoit vis au viellart
Seil ouoit icel bel art
De cel oiſſel et ce chant cleꝛ
Qu'il peüſt a ceus reſembleꝛ
Et qu'il fuſt amez de danzelles
Et de dames et de pucelles
Une autre grant merveille iot
Que liueꝛgieꝛs ouvre ne pot
Se tant non com li oiſſillons
I venoit chanteꝛ les dous ſons
Car du chant iſſoit les amours
Qui en veꝛtu tenoit les flours
Et li arbꝛes. et tous les cymes
Et ſe li ouſſillon meiſmes
Sen fuſt alez netantne quant
Si veïſſiez vertu moult grant
Maintenant liarbꝛes ſechaſt
Et la fontaine ſeſtanchaſt
Qui par loiſſel ieꝛt en veꝛtu
Li vilains qui li arſtre fu
Venoit chaſcun par couſtume
Pour fleꝛieꝛ celle ſouaſtune
A la fontaine ſouz le pin
Vint li vilains .i. bon matin
Son vis lava a la fontaine
Et li oiſſel a haute alaine
Chantoit ſus le pin doucement
.I. lay damours ioliuement
Ce lay eſt moult bon a entendꝛe
Bonne eſſemple ipouroit on prendꝛe
Dont miex enſeꝛoit en la fin
Li oiſſiaus diſt en ſon latin
En tendez treſtuit amon lay
Et chevalier et cleꝛc et lay
Qui vous entendez en amours
Et qui en ſouſfirez les doulours
Et auous le dige pucelles
Qui eſtez auenans et belles
Qui le ſiecle voulez avoir
Je vous di et crëant pour voir
Que je vous dire une note
Qui ne doit pas eſtre friuole
Vous devez Dieu amer avant
Tenir la loy et ſon commant
Voulentieꝛs aleꝛ aumouſtieꝛ
Souvent oir le Dieu meſtieꝛ
Car du ſeꝛuiſe Dieu oir
Ne puet nuli meſauenir
Et pour veꝛité vous recoꝛt
Dieu et amour ſont dun acoꝛt
Dieu aimme ſans et courtoiſie
Bonne amour ne het il mie
Dieux aimme moult belle pꝛieꝛe
Amours ne la met pas arrieꝛe
Dieus convoite ſus tous largeſce
Il nia nulle male teiche
Diex ainme et honneur et bonté
Et amours ainme loiauté
Loyaute eſt Dieus et amours
Loial amour ſeꝛt Dieu tozioꝛs
Li aveꝛ ſont li enuieus
Et litenant li convoiteus
Et li vilain ſont li mauvés
Et li felon ſont li punes
Sans courtoiſſie et ſans honnour
Et loiauté maintient amour
Et ce vous ace vous tenez
Dieu et leſiecle avoir povez
Si vous en rendꝛa lameꝛite
De vos pechiez ſeꝛez tuit quite
Car ſeuiuez entel manieꝛe
Voſtre penance eꝛe legieꝛe
Oꝛ eſcoutez lechant du iay
Ce que il dit en son dous lay
Au vilain que il vit venir
Qui au veꝛgieꝛ ſaloit ſeir
Ce dit lioiſſiaus en ſon chant
Ce que avez oï devant
Et quant vit le vilain venant
Si commanca plus haut son chant
Deſouz le pin fu li vilains
Qui eſtoit demauueſtie plains
Par deſous lepin ſe ſeoit
Fel en uieus cruieus eſtoit
Dont chanta en autre manieꝛe
Car leſſe ton courre en rivieꝛe
Donions. peꝛiz. court car de chiez
Fleurs moꝛtiſſiez. herbes ſechiez
Arbꝛes car leſſiez lepoꝛteꝛ
Ceus me ſouloient eſcouteꝛ
Gentilz. dames. et chevalier
Qui le veꝛgieꝛ avoient chieꝛ
Car plus largement en uiuoient
Et mieus par amour en amoient
Et tenoient chevaleꝛie
Oꝛ mot ce vilain plain denuie
Qui plus goulouſſe lemengier
Que il ne fet le doſnoieꝛ
Puis que mon chant lieſt faillis
Eſt il acouvoitieꝛ ſouſgis
Ceulz le ſouloient eſcouteꝛ
Pour de duit et pour miex ameꝛ
Pucelle et hommes pluſours
Qui eſtoient ſurpꝛis damours
Tout pour leur coꝛs miex aaiſſieꝛ
Et cilz voient pour plus mengieꝛ
Et pour plus englouter viende
Que male paſſion leſtande
Et de male moꝛt puiſt mourir
Dyable font ici venir
Vilains enuieus et rebours
Qui en eus nont joie d'amours
Ne ſoulas ni en uoiſſeure
Mais ice vilaine plain dardure
Enmeꝛoit miex plaine eſcuelle
Dun blanc frommage enfoiſſelle
De feves ou de pois aulart
Qui ne feꝛoit avoir ſapart
De lais damours ne de chancons
Ne de gentes dames aus cris blons
Ne que veillieꝛ ni acoleꝛ
Mes au boire et au mengieꝛ
Entendꝛoit il moult voulentieꝛs
Laſeꝛoit pꝛeus comme leurieꝛs
Que male moꝛt le puiſſe prendꝛe
Qui la gueule li face eſtandꝛe
Quant ce ot dit ſi ſen vola
Et li vilains qui remaint la
Penſe que ſil le povoit pꝛendꝛe
Aſſez toſt li pourroit chier vendꝛe
Et ſe vendꝛe ne li povoit
En ſa geolle le metroit
Sili chanteꝛoit tart et tempꝛe
Son engin a toꝛne et tempꝛe
En ceꝛche et giete et poꝛuoit
Tant que les bꝛanches apercoit
Ouil ſe ſeoit plus ſouvent
Il y fiſt las ſiles eſtant
Moult abien ſaglus atempꝛee
Et quant ce vint ala ueſpꝛee
Que la ſeſon vint et le temps
Et leure pour crieꝛ ces chans
A loiſſelet. ſieſt venus
Mes il ſa ſiſt dꝛoit ſus laglus
Car nulle choſe nen ſavoit
Du lieu qui ſi glue eſtoit
Avis cuidoit qu'il fuſt autel
Comme il ſouloit eſtre non el
Li oiſelez fu pꝛis au las
Li maus vilains chetiz et las
Eſtoiet en aguet u pourpꝛis
Acourant vint et ſi lapꝛis
Oꝛſa diſt il dans oiſſillons
Oꝛ me dirés vous devos ſons
Maleſgre verre nes devant
Si vous vendꝛe prochainement
La vilonie et le deſpit
Quautre foiz mauez fet et dit
Et ſe ne me voulez chanteꝛ
Je vous cuit ſi bien atrempeꝛ
Qua moi na autre ne dirés
Mal quant demoy departires
Biaus dous amis dit lioiſſiaus
De moy prendꝛe eſt trop
grans maus
Quan moy apoure reancon
Vous demourrez en ma pꝛiſon
Dit li vilains toute mauie
Ceſte chancon eſt mal partie
Diſt li oiſſiaus ce poiſſe moy
Vous metenez cepoiſſe moy
Gen ay lapire daſſez pꝛiſe
Je ſuel avoir ama deuiſe
Champaines. riuieꝛes et pꝛés
Oꝛ ſir en geolle enfeꝛmes
Jamés n'avré de duit ne joie
Je ſouloie vivre depꝛoie
Oꝛ me donra on amengieꝛ
Com a .i. povre pꝛiſonnieꝛ
Li oiſelles diſt au vilain
.I. mot qui ne dit pas en vain
Leſſe moy aleꝛ biaus amis
Car bien ſoiez ſeurs et fis
Ja en pꝛiſon ne chanteꝛay
Par foy et je te mengeꝛay
Dit le vilain puis que te tien
De ſoꝛ en avant ſeꝛas mien
Ja par autre tour nen irez
En moy povre repaſt avrez
Dit lioyſſiaus trop ſui petis
Ja nen eſcroiſtra verre pꝛis
Se vous occiez telle rien
Leſſiez maleꝛ ſifeꝛes bien
Pechié feꝛes ſe mociez
Dit li vilains oꝛ vous teſſiez
Com je plus pꝛiez en ſeꝛoie
Sachiez que trop mains en feꝛoie
Dit lioiſſiaus il eſt bien dꝛoiz
Car ainſi lapoꝛte laloyz
Douce raiſon vilaine aire
Par maintes foiz lai oÿ dire
Mes .i. dit nous mouſtre et gloſe
Beſoing fait faire mainte choſe
Mafoꝛce ne me puet tenſeꝛ
Mes ſe vous me leſſiez eſteꝛ
De .iii. ſens vous feꝛe ge ſage
Tel ne ſet hons de vo linage
Si vous pourroient moult valoir
Se ſeurte en puis avoir
Dit le vilain ieteleꝛai
Aleꝛ tel fiance com iay
Dit li vilains ietecreant
Ten dourege demaintenant
Et li vilains le leſſe aleꝛ
Et cilz vet ſus larbꝛe monteꝛ
Li oiſſiaus ſus larbꝛe senuole
Eſchapez fu par ſa parolle
Touilliez fu et touz heꝛiciez
Car laidement fu maniez
Tenus ot eſté contrelaine
A ſon bec ſa pluime ramaine
Et ralie aumieus qu'il puet
Li vilains qui ſavoir voulet
Les .iii. ſens le ſemont qu'il die
Lioiſſiaus fu plains de voidie
Silidit ſetu bien entens
Apꝛendꝛe ipoꝛras .i. bon ſens
Oꝛ oez que dit li oiſſiaus
Qui tant fu auenans et biaus
Ne pleure pas ce quains neus
Li vilains ne fu mie mus
Ainz reſpondi par felonnie
Tu as ta fiance mentie
.III. ſens me deuoies aprendꝛe
Si comme tu mefeis entendꝛe
Quains ne ſot hons demon lingnage
Mes ien ſe le monde tout ſage
Nus neſt ſi folz nonques ne fu
Qu'il ploꝛaſt cequains n'ot eü
Tu mas moult largement menti
Et lioiſſiaus li reſpondi
Veulz tu dont que je le te die
Si que tu ne loublies mie
Tu entans itant apledieꝛ
Que poour ai de loublieꝛ
Je cuit que ja nel retenrez
Je le ſe miex que vous daſſez
Dit li vilains de grant pieca
Dehais qui gré vous en ſavra
Dapꝛendꝛe ce dont il eſt ſage
Je ne ſuis mie ſi ſauvage
Par mon chief com vous metenez
Pour ce ce meſtez eſchapez
Et que ſus vous nai meſpouoir
Si dites demoi vo vouloir
Oꝛ ne malez mie gabant
Ces .ii. ſay ditez lautre avant
Dont en tans bien dit lioiſſiaus
Liautres eſt bons et biaus
Ne creez pas quanquoez dire
Le vilains fronche ne nes dire
Et dit je le ſavoie bien
Biaus amis donques les retien
Gardez que vous ne loubliez
Oꝛſuis je bien voir aſegiez
Fet li vilains pour en aprendꝛe
Muſage me faites en tendꝛe
Qui ce me rouuez retenir
Je vous voudꝛoie oꝛe tenir
Loiſſel dit couvent metenez
Et le tieꝛs ſens aprandeꝛez
Dites quiex il eſt ſi loꝛrai
En tens ibien iele dirai
Litieꝛs eſt tiex qui le ſavroit
Jamés hons povres neſeꝛoit
Et quant li vilains lentandi
Moult durement ſen eſioi
Et diſt ceſtui meſtuet ſavoir
Car voulentieꝛs tens alauoir
Qui honiſt loiſſel coꝛtieꝛ
Il eſt diſt il temps demengier
Apren le moi tout eꝛranment
Et quant li oiſſillons lentent
Si dit je te chaſtoi vilains
Que ce que tu tiens en tes mains
Ne iete pas jus ates piez
Li vilains fu moult courouciez
De courrout ne puet mot ſoner
En ſon aleꝛ priſt apoꝛpenſeꝛ
Et quant ce fu tenu grant poſe
Et neſt ce donques autre choſe
Ce ſont enſeignement d'enfant
Car je ſe ce bien a eſcient
Tiex eſt laſches et ſouſfre tous
Qui auſſi bien le ſet com vous
Menti ni avez et engingnie
De quanque mauez enſeingnie
Menti mauez dit li vilains
Je voudꝛoie que en mes mains
Te teniſce oꝛe maintenant
De ce que me vas en gingnans
Eſtoie je ſages devant
Lioiſſiaus reſpont maintenant
Par foi ſetu ce ſens ſeüſſes
Ja leſſie aleꝛ ne m'eüſſes
Quant tu me tenis en tes mains
Voir avez dit fet li vilains
Mes je ſai bien les autres deus
Lioiſſiaus qui fu engigneus
Li diſt cil vault des autres cent
Li vilains li enquieꝛt comment
Dit li vilains entent amoi
Que tu ne ſes nece ne quoi
Car ſe tu m'eüſſes tué
Si com tu leus empenſé
Il ne fuſt jamés par mes iex
Qu'il ne ten fuſt durement miex
Li vilains dit que ces tu faire
Li oiſſiaus dit fel de putaire
Il a en mon coꝛs une pieꝛre
Qui tant eſt pꝛecieuſe et chieꝛe
Bien eſt de .iii. onces peſant
La veꝛtu en par eſt ſi grant
Qui en ſon demaine laroit
Jamés riens de demandeꝛoit
Que maintenant ne li fuſt preſte
Quant li vilains entendi ceſte
Ses cheveus tire et ront ces dꝛas
Si ſe clainme chetis et las
De piece a ces ongles ſaioe
Li oiſſiaus en uolete et ioe
Qui de ſus larbꝛe ſe nichoit
Il a tant atendu qu'il voit
Que li vilains ceſt de batus
Si vilainnement comtenus
Qui la tous ces dꝛas depeciez
Et qu'il ceſt en mains lieus bleciez
Oꝛ ouez que li oiſſiaus
Quant ot atendu .i. petit
Silia dit chetis vilains
Quant tu me tenis en tes mains
Gieꝛe plus legieꝛs dun moiſſons
Dune meſange ou dun pinſon
Qui ne poiſſe pas demi once
Cilz qui de felonnie gronce
Ceſtez vous dites voir
Vilains oꝛpues tu bien ſavoir
Que de la pieꝛre tai menti
Ce ſai je bien dit il deſi
Mes devant ceꝛtes lecuidai
Vilains oꝛendꝛoit proueꝛai
Des .iii. cens que pas ne ſavoies
Et de ce que tu me diſſoies
Nus neſt ſifolz nonques ne fu
Qu'il pleuraſt ce quains n'ot eü
Maintenant cemeſt vis ploꝛas
Ce quains neus nauraz
Des .iii. ſens eſtez aboſmes
Biaus amis oꝛles maprenez
Il fet bon aprendꝛe bon mot
Lendit que cil nentant qu'il n'ot
Et celle parolle agrant ſens
Qui en apou de pourpens
Tel parole de courtoiſſie
Qui ne le ſaroit faire mie
Et tel cuite eſtre bien ſenez
Qui afolie eſt aſſenez
Quant ce ot dit ſi ſen vola
Et entelle heure ſen ala
Quainz puis arrieꝛe revint
Ne nen ne ſet que il devint
Les fueilles ſecheꝛent dupin
Ne fu plus veꝛt ſoit ne matin
Li veꝛgieꝛs failli et ſecha
Et la fontaine ceſtancha
Le vilain peꝛdi ſonde duit
Et bien ſachent toutes et tuit
Le proveꝛbe dit en apeꝛt
Cilz qui tout couoite tout pert