Chaſcun jour .iiii. patenoſtre
Ribaut et gouliardois doient
Par le pais tiex .c. denieꝛs
Dont .i. ſeulz n'en i eꝛt ja paies
Et ſ'il n'en eſtoient aquite
Il n'i donroient mie .i. poil d'eꝛbe
Li vilains dit en ſon pꝛouerbe
Que de grant folie ſ'eſmaie
Qu'a ſes acroit et riens ne paie
Je di veant vous oꝛendꝛoit
Qui aus vigneꝛons feꝛoit dꝛoit
Il deuroient plus franc eſtre
Que chevalier ne cleꝛ ne pꝛeſtre
Sed libeꝛa nos .i. ſentieꝛ
Le matin quant moy leueꝛai
Pour tous les vigneꝛont dirai
Pour les ceps qu'il ot plenté
Qui du vin donnent a plenté
A malo quant mauvés manoie
Bon vin ſoꝛ lie moult m'anoie
Et quant pꝛeudons le tient au mains
Je di qu'il ne vaut mie mains
Amen Dieus gart toute gent
Qui bien deſpendent largement