Pour ce que plaiſant ſentement
Font enclineꝛ l'antendement
De jugieꝛ ſelonc ce qu'il ſentent
Fait il que li vouloir ſ'aſentent
A mouſtreꝛ par dit et par euvre
Ce que ſentement en cueꝛ euvre
Et pourche chaſcuns cueꝛs ſ'aſent
A parleꝛ ſelonc ce qu'il ſent
Car la parole fait ſentir
Ou le cueꝛ ſe veut aſentir
Meſmement cilz qui joie eſmuet
Car parole voulentieꝛs muet
De cueꝛ ou joie a demoure
Pour ce du miex ennamoure
Eſpꝛins de joie plaiſanment
Ou dous ſeꝛuice Loiaument
D'amours ou leeſce eſt encloſe
Eſt dꝛois qu'il iſſi acune choſe
Cueꝛ d'amour enſement eſpꝛis
Pour mouſtreꝛ comment il eſt pꝛis
Es douz las. dont amours ſcet prendꝛe
Par celle qui en li comprendꝛe
Puet tout quanques toz bon cueꝛs priſe
Et pour ce l'amoureuſe pꝛiſſe
Aura par dꝛoit ces dis a non
Car que doye valoir ou non
En l'onneur de la belle parfaite
Par cui fu ceſte pꝛiſſe faite
Seꝛa ces dis rimes et fais
Car ces gens coꝛs eſt tout parfais
Si biax qu'aprés li n'ieꝛt mais telx
A mon petit ſans ſouffraitex
Donne avis vouloir et matire
Et ſi parole par miſtieꝛe
N'en ſoit veꝛs moy meue dire
Quar c'eſt pour plus plaiſſanment dire
En auril en la ſaiſſon gaye
V temps que toute rien ſ'eſgaye
Et touz cueꝛs a liece ſ'ueure
Dont amis en valeur ſ'eſfoꝛce
Que nature mouſtre ſa foꝛce
Que ces eſpees renouelle
Par chaude moiſteur et nouvelle
En bois en jardins et en chans
Oiſſel ſe de duiſant et en chaus
Et font vers amours leur devoir
De quanqu'il li puent devoir
N'i a nul qui arrieꝛe envoiſſe
Li dous roſſignoz ſe renuoiſſe
Amoureuſſement en chantant
Et bien i a raiſon quant tant
De joie eſt adont par le monde
Quant li element pur et monde
Donent lieu d'ameꝛ et matieꝛe
Tant eſt adont cointe la tieꝛe
Qu'il ſemble qu'au ciel ait envie
El temps ſoutieu el temps de vie
Ou toute choſe eſt en valeur
Quant dont par atrempee chaleur
A tant nature laboure
Que le domage a reſtoꝛe
Qu'en yueꝛ avoit receü
Et par le temps dont qu'il a eu
Amis ces choſes par couvent
En eſtat du premieꝛ iouuent
Dont elle eſt iolie et a point
Tout dꝛoit en cel temps et el point
Que nature a ce recouvré
Avoit elle ſur moy ouvré
Tant par lui noble pourueance
Que des teniebꝛes d'ignoꝛance
Ou pour eſfance avoie eſté
M'avoit ja en partie oſte
Et commancie a enſeingnieꝛ
Joie et deduit a barguegnieꝛ
Non pas que fuſſe ſi parfais
Que raiſon veiſſe en mes fais
Que ne m'ot fait en ſonnieꝛ
Mais pour moi miex eſbanieꝛ
Selonc le point de ma foyblece
M'avoit mis u bois de ioneſce
Ou amours ſe va deduiſſant
Et pour la matieꝛe enſuiant
Ay ge vouloir et ay petit
Que ſa facon die un petit
Li bois nomme ionnece eſtoit
trop biaus que point j'arreſtoit
Et a delitieꝛ trop plaiſſans
Et pour plaire ſemble aiſſans
A ceus qui ce vont ens eſbatre
Et qui a point ſ'i veut embatre
S'il le treuve bas. en un pais plain
Moiſte. ſouef. de douceur plain
Couuert de fueille nouvellete
Tout temps vert iolie et ionnete
Selonc les arbꝛes en dꝛoit point
Cilz plaiſans bos la en tel point
De toute plaiſance couueꝛs
A .iiii. chemins ouueꝛs
Li premieꝛs qui a deſtre adꝛece
A non en ſon dꝛoit non liece
C'eſt li plus voulentieꝛs hantez
Et cilz plaiſans chemins plantez
Eſt ſi biaus qu'au lui ſans ſejour
Y chanteꝛont oiſſel nuit et jour
Que tant vout le lieu auiſant
Que tuit li temos i ſont plaiſant
Quar pleur n'i pleut. ſoupirs n'i rente
Goie et deduis i ſont en vente
Dont eſt tant plaiſſans li ſentieꝛs
Que nuls ne ſ'en iſt voulentieꝛs
Tant eſt cilz chemins gracieus
Que nus autres tant enuieus
N'eſt que ſe ceſti ſ'aſemble
Errant de douceur le reſemble
Li ſecons a non compaingnie
Ou mainte oiſeuſe eſt enſeignie
Cilz chemins eſt moult batus
Mais gart qui ci eſt embatus
Car ſ'il ne va la dꝛoite voie
Trop legieꝛement ſe foꝛuoie
Quar tant de chemin foꝛuoiant
Vont par mi ceſtui toꝛnoiant
Et a tant de chemins ſ'aſemble
Dont li uns l'autre ne reſemble
Qu'a paines ſi puet on tenir
Sans lui folement maintenir
Ne pour quant eſt il ſi plaiſans
Qu'en touz temps ſemble aiſant
Et tant i fait bel a aleꝛ
Que nulz ne ſ'en puet ſaouleꝛ
La eſt li deus bois pꝛiſſies
Car ila n'eſt ſes ne debꝛiſſies
Mais veꝛs et lons et dꝛois
Et deduiſant en touz en dꝛois
La repaire amours voulentieꝛs
Car ſe ne fuſt li dous ſentieꝛs
Amours mainte beſte y a priſe
Sur qui n'eüſt ja coꝛne pꝛiſe
Apꝛés ceus i eꝛt li tieꝛs chemins
Plus onni que parchemins
Cointiſe a non li plus iolis
Que de tous eſt li plus iolis
Car la ſont toutes fleurs trouvees
Douces flairans et eſpꝛouuees
La ſont toutes couleurs amoꝛſes
Sans mantir a la teꝛre aheꝛſes
Sans les douces herbes menues
Que tant i ſont bien maintenues
Qu'il y ſamble touz jours eſtez
Cilz chemins eſt plains d'onneſtez
Si qu'il ſemble que courtoiſſie
Leur donnaſt en deſpit d'enuie
C'eſt cil qui plus bel ſe maintient
et miex a ionneſce apartient
Car cointe viellece eſt iolye
Et matieꝛe de moqueꝛie
Cilz chemins en moult de lieus ceſſe
Quar quant maladie il apreſſe
Li touſt ces flours et ſes rainſnes
et y met roinces et eſpines
En povreté et en courrous
Semble li chemins tous deꝛous
Et y peꝛt noble et veꝛdure
Et non pour quant tant comme il dure
Eſt il plaiſſans a regardeꝛ
Qui y ſet meſure gargeꝛ
A ſeneſtre hoꝛs de la plainge
Sur le pendant d'une montaigne
Eſt li quars chemins de ionneſce
Et ſachiez que nulz ne ſ'i arreſte
Qui premieꝛement ne foꝛuoie
Car celle peꝛilleuſſe voie
Fait touz les dꝛois chemins voidieꝛ
Pour ce l'appelon fol cuidieꝛ
Cilz chemins de ionneſce muet
Qui tant le tourmente et eſmuet
Qu'a painne puet frutefieꝛ
Ne croitre ne mouteplieꝛ
Partout tant que cilz chemins dure
Pa part ionnece ſa veꝛdure
Quant li arbꝛe doivent floꝛir
Souvent les i convient mourir
Nulz n'i puet ſans peꝛil aleꝛ
Se il ne veut jus aleꝛ
Et non pour quant a on oÿ
Que maint en cel chemin ioy
Ont de leurs deſirs ſouvent
Et eſt d'amoureus couvent
Selonc ce qu'amours les avoie
Enſement eſt partoute voie
Li bos de ionnece paſſes
Et qui puet ſans eſtre laiſſiez
Par les chemins nommes par devant
Par le dous bos aleꝛ avant
Touz jours le treuve plus creü
Tant que moien aage a eu
A et paſſe ſans deuoieꝛ
Loꝛs voit le bos afebloieꝛ
Et mueꝛ manieꝛe et couleur
Car viellece par ſa douleur
Leur tout fueille et foꝛce
Entour aus hoche et pont l'escoꝛce
Moiſteur ne le puet plus tenſeꝛ
Soulaus i eſt ſur l'eſconſeꝛ
Froidure eſt li bos aſſailli
La ſont tuit li chemin failli
Du bos de ionnece parlaſſe
Plus. et des chemins deuiſaſſe
Mais qui tout vourroit afineꝛ
Ce ſeꝛoit pꝛoeſce ſans fineꝛ
Encoꝛ m'en a fait tant dire
Ce que ne m'en puis eſcondire
Pour la matieꝛe aprés venant
En quoi il eſtoit avenant
Nulli es bos devant nomme
Que pluſeur ont tant renomme
El temps que toute moꝛtel choſe
Semble ou premieꝛ iouent encloſe
Et nature ra ſon dommage
Eſtoie entrez pour oir d'aage
Et me deuiſoie en ionneſce
Ou plaiiſant chemin de leeſce
Plain de joie et de ſouſfrance
Voulentieꝛs de queꝛre eſbanoy
Es lieus de courrous et d'auoy
Sire de moi en tous aſſaus
Qu'ancoꝛe par nul de mes aſſaus
Et j'en avoie ou conuoitie
Choſe qui m'eüſt dehaitie
Ancois m'eſtoient ſi ami
Qu'il obeiſſoient ami
Quar par le regart de haut volage
N'avoie encoꝛe eu dommage
Ne ne m'ot fait en beſoignieꝛ
Ne par oir que ſeur le menſongieꝛ
Nouvelle retenu n'avoie
Qui me meiſt d'ameꝛ en voie
Touchieꝛs auſſi le cremeteus
N'ot onques eſté diſceceus
Encoꝛe pas ne connoiſſoie
Le deduit de touchieꝛ en joie
Par gouteꝛ et par odoureꝛ
Ne m'ot fait en riens laboureꝛ
Deſirs. ne tout quanquil contient
Foꝛs tant qu'a ionneſce apartient
Ainz viuoie ſi doucement
Qu'en liece enfaintiuement
M'avoie ſanz nul contredit
V temps u point de ſus dit
Amours qui en jonece chace
Empris avoit adont la chace
Dont u bos de ionnece eſtoit
Entres. quar trop plus conqueſtoit
Es beſtes du bos de ioneſce
Qu'an plus haut bos ne qu'en viellece
Et ſ'aucune ſur ce demandoit
Qui ce faire li commandoit
Je li diroie que nature
Mais ſi diueꝛſe eſt l'aventure
Que ſ'amours une beſte pꝛent
Si foꝛt la meſtrie et apꝛent
Qu'il convient par eſtouuoir
Sur nature maiſtrie avoir
Et convient que nature ſeꝛve
Tant que le gré amours deſeꝛue
Et ſueſfre en amant ces eſtours
Puis qu'amours li a pꝛent ces tours
Ne n'a povoir de declineꝛ
Neis ſ'il li convenoit fineꝛ
De ceſt. chaſcuns touz fiz
Mais ſans faille c'eſt ces proffis
Quar quant nature eſt gouuernee
D'amour miex en eſt oꝛdenee
Quar des meurs naturex ſans faille
N'i a chelui qui miex n'en vaille
Car li mauvés ſont obeiſſant
Et li bourdeur ſont en croiſſant
Les veꝛtus en croiſſent et viuent
Et vices veꝛtus deuienent
Dont nature en noblece abondele
Quar pour vëoir en eſt divers monde
Vraie amours ſelonc l'eſcripture
Et parfections en nature
Ainſi en bonne deſtinee
Par ionnece une matinee
Ou dous bois ou l'eꝛbe eſt menue
Eſtoit pour chacieꝛ i venue
La gent amour le veneur ſage
Et parmi le ioli bocage
Prenoit des beſtes largement
En diveꝛs lieus diueꝛſement
Aucunes prenoit ſans deſfance
Ou par dons ou par ignoꝛance
Autres prenoit en grant eſtour
Et moult en y ot qu'au deſtour
Li eſchapoient et fuioient
Et es chemins ſe reponnoient
Si qu'il y avoit fieꝛe chace
Quar cilz fuient et amours chace
Tant eſt la preſſe plus ſeue
Et je qui avoie veue
Souvent celle chace eꝛe embuchiez
Ou buiſſon d'enfance et muciez
Si plaiſſamment que ſans mueꝛ
Amours pour coꝛneꝛ me pour hueꝛ
Ne m'en ot onques eſmeü
Quar ne l'avoie conneü
Foꝛs tant que quant les beſtes prinſes
Veoie en toute honneur apꝛiſe
Et je demandoie a la gent
Qui de leur maintien bel et gent
Y eꝛt cauſe et ou l'oꝛent apris
Et on diſſoit amours qui pꝛis
Les enſeigne et auoye
C'eſtoit tout quanque j'en ſavoie
Ou buiſſon ou j'eꝛe aſſeur
Mais amours qui pour bon heur
M'an veoit geteꝛ pour aprendꝛe
Entendoit foꝛment a moy prendꝛe
Et apareilloit ces arrois
Chiens autres. et gens a roys
Et moult d'autres chiens trouueurs
Baillie en guarde aus veneurs
Bons et bien oꝛdenez pour voir
Pour toutes beſtes eſmouuoir
De ceus que je vi me ſouvint
Je croi qu'il i eꝛent plus de vint
Biaute. bonté. ſans. et ſimplece
Maintien. coꝛtoiſſie et largeſce
Douceurs. gentillece. manieꝛe
Faiticete. honeſtes. aainance
Franchiſſe. atraient. contenance
Et moult d'autres chiens trouueurs
Y ot avec les veneurs
Et ce voir dire convenoit
Ces chiens qu'amours o ſoy menoit
N'ieꝛent pas ſiens mes a ſa gent
Et pour ce qu'il ſont bel et gent
Amours les avoit empꝛuntes
Car jamais cueꝛs d'omme doubtes
Ne fuſt n'a ameꝛ ne preiſt
S'amours ces chiens ne preiſt
Et ſi eſt grant merveille a pꝛendꝛe
Car ſi chien ne puent ſoup[re]ndꝛe
Nulli tant en ſoit entrepꝛis
S'il meiſmes ne ſe rent pꝛis
De cueꝛ franc amoureus et gay
Car jamés par leur dous abay
Con autre chien beſtes ne mueuent
Car les beſtes premieꝛs les treuent
Qui tant les ainment et conjoient
Que cil fui oient elles fuiroient
Car loꝛs que les chiens apercoiuent
Telle plaiſſance en eulz recoiuent
Qu'a eulz quanque puent ſe tienent
Tant qu'amours et vouloirs i uienent
Qui les mainent a leur vouloir
Tant que de tireꝛ les convient
Se ne ſont aucunes qui fuient
Ou par veꝛtu ou par doutance
Sique je fis qui en m'anfance
Sui com oir pourres
Quant toute la matieꝛe oꝛrés
Si faitement com je devis
M'ot amours par ſon noble avis
Les chiens trouueurs amenez
Et pour les chemins oꝛdenez
Avoit bꝛaches et chiens courans
En compaignie demourans
Ot acouple renon et los
Cilz dui chien ſe bien dire l'os
Ot douz abat a l'eſcouteꝛ
Mais on doit moult doubteꝛ
Ce que li chien par leur haut bꝛaire
Sont a celeꝛ foꝛment contraire
Meneꝛ avecques coꝛtoiſſie
Avoit en cointiſſe enbuſie
En cuidieꝛ ot couples aſſemble
Samblant et eſpoir ce me ſemble
Et ſachiez bien qui la ſ'embat
Sauuoit en ſa vie et embat
De foꝛt eſchape ſ'il n'eſt pꝛis
Car touz les chemins entrepꝛis
De roys et de deſirreꝛ eſtoit
Et pour ce nulz hons n'areſtoit
A ſamblant n'a eſpooir ſachiez
Qui tantoſt ne fuſt enlaciez
C'eſt la rois qui toute gent lace
C'eſt ce qui la gent aſourbit
Et le miex veaut aſourbit
C'eſt deſirs qui tout ſcet embleꝛ
Qui fait honte honneur reſembleꝛ
Qui change vil choſe pour chiere
Et noble pour vil met arrieꝛe
C'eſt ce qui met as choſes pꝛis
C'eſt la roys que ceus quel a pꝛis
Fait ſembleꝛ amertume douce
Qui ci deſtraint tout ce qu'il atouche
Qu'il eſt en tous leurs eꝛremans
De bien de maus commancemens
De louanges et de clameurs
Apꝛés liece ot amours
Embuchiet vouloir et plaiſance
Et que qui cil u buiſſon d'enface
Lonc temps avoie eſté couueꝛs
Avoie adont mes ſens ouueꝛs
Pour moy deduire par ionneſce
Car chaſcun d'aus par mi liece
Aloit querant eſbatement
Loꝛs n'atendi plus longuement
Amours quant l'ala perceuent
Biaute deſcouple et met devant
Mais ſeurement au vëoir
Pourroit chaſcun jugieꝛ de voir
Que cilz chiens par nul apareil
N'avoit en ceſt monde pareil
Quar commant qu'amours et ſa route
Pluſſeurs chiens mainne qui ſanz doute
Au mains vous di je bien pour dꝛoit
Biautes eſt nommes et adꝛoit
Qu'a ceſtui n'en ot nul ſemblable
Nes que ſeꝛoit de voirs a fable
A ceſte eꝛt toute autre lontaine
Car pour voir c'eſtoit la fontaine
Qui tout autre biauté pour plaire
Avoit auſſi qu'an eſſemplaire
Loꝛs qui regart ot perceue
Biaute li changa ſa veue
Et ſ'areſta touz eſbahis
Car ainz de lui eſt fouis
Couleur mua et contenance
Car tant en regardeꝛ ſ'auance
Ne pot que lui vëoir
Dont tout auſi com mirooir
Li tigres en ſoi regardant
S'oublie et ne ſe va gardant
Des veneurs tant qu'il eſt pꝛis
Ainſi fu regars entrepꝛis
Loꝛs que biauté primes choiſi
Et ſ'areſta et tint coi ſi
Quant mirant biauté ne ſe muet
Loꝛs toꝛne amours
Penſee eſmuet
Amours huoit Vouloirs aſfuit
Se regars ne treuve refuit
Il pourra bien eſtre ſoupꝛis
Mais ſi doucement eſt eſpꝛis
De biauté qui a ſoy le traioit
Qui de ce point ne ſ'eſmaioit
Ainz ſembloie a ſa contenance
Qu'an ſoi acoꝛdant a plaiſſance
Deſiſt ou loꝛs penſaſt de fait
Ha; Diex qu'ai ge ou temps paſſe fait
Ou eſtoit tiex biauté repuſe
En grant folie ſon temps uſe
Qui ci ne ſe veut remireꝛ
Car c'eſt ce qui puet ratirieꝛ
Cueꝛ qui en ionnece foloie
Ceꝛtes c'eſt li treſoꝛs de joie
C'eſt de tout bien cauſe et matieꝛe
Quar tout li bien qui ſont en terre
A ceſte biauté compare
Seꝛoient povre et eſgare
Car je cuide pour loiauté
Tout bien mainnent entieꝛement
Pour quoi je ſai ceꝛtainement
Que ne me puis miex emploieꝛ
Qu'a li moy rendꝛe et aloieꝛ
Ce me ſeꝛa ſanté et vie
D'autre rien nulle n'ai envie
ainſi fu regars arreſtez
A biauté a qui ot preſtez
Ses iex et donne plaiſanment
Et tant que pꝛis fu eꝛranment
Sus plus coꝛneꝛ ne aſſaillir
Se ne fuſt doubte de faillir
Et ains que cel point foꝛment
Et .i. pour a blaſmeꝛ le prirent
En diſſant regars que fais tu
Tu ne vauroies .i. feſtu
Se ne pꝛens ton temps a uſeꝛ
Car ſe veus a biauté muſeꝛ
Et plaiſſance te puet ſouſprendꝛe
Tu aras aſſés a entendꝛe
A chacieꝛ toute jour le vent
Tu ne ſes complaiſſance vent
Sa douceur a ceulz quelle prent
Car qui pour amour l'entrepꝛent
Puis qu'a lui ſe ueut aſentir
Parfont li fait ſes dens ſentir
Car c'eſt .i. chien trop merueilleus
Ces abay eſt trop peꝛilleus
Mais adꝛoit qui eſt de la moꝛs
Il eſt auſſi qu'an doꝛmans moꝛs
Quar il ſemble a ceus qui ont chieꝛ
Qu'il ne ſache riens foꝛs le chieꝛ
Si le conioient en atandant
Et de ce garde ne ſe prendent
Quar le plaiſſant en eulz lechant
Loꝛs va le ſanc du coꝛs ſachant
Qu'a par ſa lecheure mole
En ſechant le leche et afole
Et maint auſſi com endoꝛmis
Puis qu'il c'eſt en amours mis
C'eſt l'amoureuſe litargie
C'eſt la ionnece maladie
Qui tant content a la moꝛt maine
Ceus qu'amours tient en ſon demainne
Ne pour quant ne fait ſanz mentir
Plaiſance a moy nul mal entir
Tant que de lui nul mal ne fait
Mais tant de ch[i]ens la ſuient de fait
Que puis que plaiſance aucun pꝛent
Chaſcun des autres l'entrepꝛent
Ja tant ne ſeꝛa deſfendu
Quant regars oꝛ ce entendu
Un petit arrieꝛe ſe trait
Et en retraiant ſe retrait
Et ſ'en refuit eſpeures
En ce lieu ou aſeures
Menoit mes cueꝛs devant l'eſtour
Et enerrant aucun deſtour
Pour lui couvrir par contenance
Mais amours ſi foꝛment ſ'auance
Qu'an courant reſcrie biauté
Loꝛs li ſaut deliz d'un coſté
Plaiſans acourt. voloirs afuit
Amours ſemont et regars fuit
En ſoi courant et en toꝛnant
Mais touiours court et retournent
Pour vëoir ſe biauté venoit
Qui plus que rien li auenoit
Mais li chien quant il ſe retoꝛne
Le poingnent et il treſtoꝛne
Et fait une voide couveꝛte
D'une part cloſe et l'autre ouuerte
Entregetee couueꝛtement
Ainſi a fui celeement
Pour la douce voie iolie
Qu'il et entres en compaignie
Ou de biauté part la veue
Loꝛs amours biauté a tenue
Tant que de cueꝛ par dꝛoit aſaut
Soit repeus aprés beꝛſaut
Si n'eſtoit pas regars aaiſſe
Quar riens n'avoit qui tant li plaiſe
Que biautes ſe ainſi eſtre deüſt
Que touz jours vëoir le peüſt
Quar com plus eſt de lui lo[n]tains
Tant eſt plus en parfont atains
Et plus ſe ſaut et deult dedens
De moꝛſures qu'il ot dedens
Des chians qui plaiſanment l'ont point
Et pour ce ſans deſfandꝛe point
En compaignie demoures
Diſſoit ainſi aus amoures
Fins cue[r]s dous gente gen tieus
eſſemplaires de biau te
gent coꝛps. Amoureus ſoutiex
vo maintien noble oꝛdene.
Vo freſche couleur ſanguine
vo dit auiſi
m'ont mon cueꝛ ſur ma poitrine
enamoure.
par vos dous amoureus ieus
m'a bonne amour commande
que je vous ſeꝛve ententieus
et je parfaite en bonté
l'ay entrepꝛis en loiauté.
Quar en pꝛometant ſaiſſine
du don deſirree
ont et cetera.
Ainſi eſtoit regars muciez
En compaignie et embuciez
Doutiex eſbahis et eſmeüs
Par les dous chiens qu'il ot veus
Ne ſavoit ailleurs ou fouir
Loꝛs trova jouſte li ouir
C'eſtoit li ſecours de mes ſens
Et qui plus eſtoit es aſſens
De lui joueꝛ en compaignie
Mais ſi iouement enſaignie
V bos d'enfance avoit eſté
Qui par yueꝛ ne par eſté
Pour choſe qu'il eüſt oÿ
N'ot granment dolu n'eſjoy
Ainz metoit tout a nonchaloir
Fuſt ou pour perdꝛe ou pour avoir
Si comme ſols et oublieus
Mais le veneur gracieus
Amours qui de pꝛés me ſuioit
Ainſi comme regars fuioit
Entre en compaignie en cel point
Et pour metre mon cueꝛ a point
Pour ce que deueniſſe amis
.II. chiens courans qu'il ot la mis
Deſcouple toſt renon et los
Mes je pour voir je bien dire l'os
Puis qu'amours les mes ot hues
Chaſcun d'eulz c'eſt enteꝛiues
D'abaieꝛ a vois haute et vive
Mais tant eſt plaiſant et ioliue
De leur abais la melodie
Qu'il n'eſt nul ſ'il l'ot qui ne die
Que fuir contre eulz eſt folie
Puis que toutes honneurs et valours
Eſt en celui pour qui abaient
Neis les eſmaiez abaient
Par leur abay delicieus
Car renon a ſens gracieus
Quant j'o ces abays retintes
Diſſoit ceꝛtes c'eſt veꝛites
Celle en valeur et en bonté
A tout le monde ſeurmonte
Autres biautes vers li maudie
Honnurs biauté qu'oÿ commandie
Prennent en li leur eſſemplaire.
Simplece et manieꝛe pour plaire
Et douceur i ot pꝛis manoir
Vice ne puet en eulz manoir
Quar c'eſt des vertus la fontaine
C'eſt treſoꝛs de joie hautaine
Briemen en ſa noble faiture
Eſt li fins du povoir nature
Et tant que recevoir puet vie
De biens et d'onneurs aſſouvie
Renons madame ainſi looit
Mais los en abay qu'il l'ooit
M'aloit doucement acoꝛdant
Sans deſcoꝛdant en recoꝛdant
Comment raiſon eſt acoꝛdee
En nature en li acoꝛdee
Siqu'autre et le gent coꝛs
Demouroit veꝛtuex a coꝛs
Et diſſoit non pas a bas ton
Ha; Diex pourquoi ne ſe haſton
D'aqueꝛre l'amour de celui
Qui par ſa biauté embeli
A le monde et enlumine
Quar auſſi au l'air afine
L'eſtolle qui luiſt neſte et cleꝛe
Ennobliſt treſtout l'air et peꝛe
Semble il de ceſti enſement
Que ce ſoit de l'aiournement
L'eſtoille que quant pieꝛt plenieꝛe
Les autres perdent leur lumieꝛe
Ainſſi toutes biautes communes
Semblent envers ceſte bꝛunes
Pour quoi ne ſe laiſſe cueꝛs prendꝛe
A celi qui en li compꝛandꝛe
Puet tout quanqu'a bonté convient
Pour jour en ſe eur l'en vient
De dame de ſi grant valeur
Ne doit pas reſoignieꝛ doleur
S'un poy l'en convient endureꝛ
Ainz doit metre a l'auentureꝛ
Coꝛps. ſens. temps. pensee. et avoir
Car ſ'il puet tel amour avoir
Il aroit plus j'en ſui touz fis
Que touz autres mondains pꝛofis
Bien doit eſtre riches clames
Qui de belle et bonne eſt ames
Quant ces dous abais entendi
Oirs eꝛrans loꝛs atendi
Et ſ'areſta pour eſcouteꝛ
Ne li ſemble que point doubteꝛ
Se doie ainz laiſſe le foir
Quar tant li plaiſt l'abay oir
Que ſ'il povoit regars meneꝛ
Moult ſe vouſiſt foꝛment peneꝛ
Par oir de pꝛés ſ'il povoit
Celui que renons tant l'ouoit
Et que loꝛs aloit recoꝛdant
Sans descoꝛdance en acoꝛdant
Diſſant je ne ſai que die
Mes out ſi douce melodie
Ne fu. ne ſi dous ſons eus
Ceꝛtes /dauid ne /oꝛpheus
S'a touz leur inſtrumens ci eſtre
Pouoient. dont furent grant meſtre
Seꝛoit tout leur acoꝛt des coꝛt
Et ſe enſement. l'acoꝛt des coꝛps
Qui furent meſtre de muſique
Eſt dont nule acoꝛs biax ſe ſi que
Ou biautes ou bontes ſ'acoꝛdent
Et raiſon et ionneſce enſemble
Ou ſimplece a valeur ſ'aſemble
Honneurs ſans oꝛgueil eſt trovee
Science en ionneſce eſpꝛouuee
Feꝛmetes en petit eage
Largeſce en femenin coꝛage
Ses dous acoꝛs a recoꝛdeꝛ
Bien ſe doit on ci acoꝛdeꝛ
Ha. tant de bien y oꝛroit
Que oir de pres le pourroit
C'eſt dꝛoite eſtoile et dotrine
C'eſt de ſapience racine
La pourroit on touz biens aprendꝛe
Par foy il es bon dous atendꝛe
C'eſt douce vie que d'ameꝛ
On ne te devroit pas blaſmeꝛ
Se mes trufes en nonchaloir
Pour oir ce qui puet valoir
Tu ne te pues jamés miex rendꝛe
Loꝛs commance oirs a entendꝛe
Amours et ces hiens enſement
Et ſans y afuit autrement
Fuſt pꝛis par ceſte demouſtrance
Se ne fuſt li filz ignoꝛance
Oublis c'un poi entreſſoit
Quanques de ces abais iſſoit
Et par ſa entr'oubliement
Fuioit. tout ſeüſt celencement
Car li chien quant il abaient
Le poignoient et apꝛenoient
Si qu'il finoit et arreſtoit
Siqu'an doude et en joie eſtoit
Et quant plus li chiens eſloignoit
Et plus ſ'angoiſſe le poignoit
Tant regars et oirs diſſoient
Quant .i. poy loing des chiens eſtoient
Dous cueꝛs je ne puis ſans vous
Dureꝛ ſe Diex me doint joie
Ainz enſui ſi au ſeſous
Qu'a grant paine vois la voie
Du deſir que vous renuoie
Touz dis quant je ſui enſus
Tant vous ainz que je ne puis plus
Vez maintien amoureuus dous
Madame comma[n]de que je doie
A vie eſtre vostre touz
Et je ſui ſimples et coys
Et weil mes onque je ſoie
Eſtre a vous ſeꝛvir tenus
Tant [vous ainz que je ne puis plus].
Gent coꝛs amoureuus plaiſant
Bien ſay vivre ne pourroie
Se l'otroi douz ſauoureus
Vos cueꝛs par grace n'avoie
Et pour voir ſe vous failloie
A toꝛt ſeꝛoie peꝛdus
Tant [vous ainz que je ne puis plus]
Ainſi comme je dit devant
Vins amours ſa chace eſleuant
Et ot de ces chiens eſſeies
Douz regars ſe fuſt eſmaies
Et oirs doutes d'eſtre pꝛis
Quar n'oꝛent pas tel gent apris
Ne ne ſauoient que c'eſtoit
Ne ſeuulz riens y conqueſtoit
Ne pourquoi qui a quoi ne comment
Car n'eurent pas veü granment
V buiſſoncel couvert d'enfance
Pour ce fuioient en doutance
Au buiſſon pour garant avoir
Et pour faire a mon cueꝛ ſavoir
Se qu'il leur eſtoit avenu
Neis fu avis qu'il fuſſent venu
Et bꝛiement a mon cueꝛ conteꝛent
Tout ce qu'il virent et trouveꝛent
Dont mes cueꝛs .i. po ſ'eſmaia
Mes onques pour ce ne laya
A joueꝛ et eſbannoieꝛ
Car il cuidoit tout oublieꝛ
Et prendꝛe em pais et en délit
Ou ceſt ſans le repos du lit
Tant que cilz fais fuſt tous paſſes
Mes amours qui n'eſt pas laſſes
Tant que ſoie pꝛis et tenus
Eſtoit ja com ioiement venus
Et ot ſans abay fait venir
Au lit pensee et ſouvenir
Si que toſt c'om fui couchies
Souuenirs qui eſtoit mucies
A mon cheuet ſaut et m'eſveille
Et me met devant la merveille
De biauté dont bien me remembre
Et la deuiſe membꝛe a membꝛe
Et primes les dous iex traitis
Biaus fendus ſes et traitis
Lonchant debonaire atraient
Plain de douceur bꝛun freimant
Si qu'il ſemble qu'il les compaſſe
En margueꝛite une toupaſſe
Large en pꝛometre pour atraire
A point ſachant traire et retraire
Pour faire ſa boubance changieꝛ
Euurant et cloant a dangieꝛ
Si plaiſſanment qu'a l'endoꝛmir
Font cueꝛ enſemble iex ouvrir
Sous la paupieꝛe bꝛune nette
Cheant de la douce bouchete
Petite entre les ſourciex
Qui en archant ſur les iex
Sont d'un bas poil fais a compas
Si ſachiez bien qu'an front n'eſt pas
L'eſpaſſe petite ou eſtroite
Mais. plaine. onie. blanche et tendꝛe
Et ſemble qui eſt pꝛés de li
Qu'il ſoit d'un blanc marbꝛe poli
De cheueleure touſete
Sans art naturelment blondete
Quant le ſoleil fait ſus reoir
Les rais que le pourroit vëoir
Il diroit elle a reſtoꝛe
Pour cheveus .i. ceꝛcle doꝛe
Des blans illieꝛs ſus les oꝛeilles
Qui ſont bien faites a merveille
Petites nectes bien aſſiſſes
Puis eſt li frons fais a deuiſſes
De haut et de longuet a point
Aſſis par meſure a dꝛoit point
Si que li viſages entour
Prent bien en rondeſce ſon tour
D'entre bꝛune couleur et blanche
Et avec toute plaiſſance
De vermeil ſi ſoutiuement
Que dous viaires pꝛopꝛement
Qui tant eſt plaiſſans et eſlis
Semble que la roſe ait au lis
Sa rougeur percie et merlle
Et que le lis entremeꝛle
Reüſt ſa blancheur a la roſe
Dont tant eſt l'une en l'autre encloſe
Que nulz regars pour bien viſſeꝛ
Ne purroit entr'eus deuiſſeꝛ
Ainſi eſt blanche et ſanguine
Et moult doucement l'enlumine
La plaiſant blanchete riens
De quoi lis leuretes frions
Longues cloans en mi groſſetes
Faiſſant deꝛrieꝛe .ii. foſſete
Semblans prometans le baiſſieꝛ
Dont pour cueꝛ en foꝛme a aiſſieꝛ
Iſt la douce ſouef alaine
Sade atraiens nourriſans ſaine
Qui par ſa ſauoureuſe coulour
Enchaceꝛoit toute doulour
Qui engouteꝛoit en baiſant
La ſont li deduit menu plaiſant
Blanc. net ioignant bien arengiet
Qui ne ſont pas de veꝛs mengiet
Ains ſont de biauté acouple
Puis deſous le menton double
Fourchie de figure iolie
Eſt la belle goꝛge polie
Sus les eſpaules descendans
Blanche plaine et ſi eſtendans
Que foſſe ne ſur os n'i peꝛt
Mais cuir cleꝛ net et appeꝛt
Eſt toute oniement prenant
Par deſous ſont li bꝛas devant
Taillies. ſi meſmement
Que la foꝛce d'entendement
Ne les pourroit miex deuiſſeꝛ
Tant y ſeüſt bien auiſſieꝛ
Par devant ou me la poitrine
Sont que par actine
Les mameletes eſbahies
Dures poignans entreloingnies
C'eſt li treſoꝛs aus urays amis
Ou amours en ſa garde y a mis
Et ſont pour tenir en valour
Gardes par moiſte chaleur
Qui les maintient ſans amatir
Tieꝛce ne les fait pas bleſmir
Ne midis qu'ancoꝛ d'aſſés
N'eſtoit venus ne treſpaſſes
Ainz eſtoit en prime d'eage
Et puis par le iolis coꝛſaige
Gent et dꝛoit taillie par meſure
Tout en aval ſous la ceinture
Que un pou l'eſtraignoit devant
Dont la boutine ſouz levant
Et les mameles en .i. point
Comprenoit en hauteur a point
Puis eſtoient li coſté tout dꝛoit
Tailliez en alaut a dꝛoit
Sur les rains le charnu et plain
Du remenant me dais a plain
Et puis la iambe et piez petis
.I. pou charnus dont appetis
S'eſfoꝛcoit qui la regardoit
Apres ſouuenirs recoꝛdoit
Comment toute jour aioꝛnee
Eſtoit ſa biauté aournee
De maintien bel et gracieus
Dont li gens coꝛs delicieus
Eſt gardes plus ſeurement
Apres acoꝛde pꝛoprement
Quanques renons et los diſoient
Quant ſa grant biauté tant priſoient
Quant touchieꝛs
ot ce entendu
Et gouteꝛs
plus n'ot atendu
Ainz ſont friant et eſueilliet
Et penſent qu'il ſont traueilliet
Lonc temps pour nient en vanité
Mais ſ'il treuvent humilité
En baiſſant gouteꝛ gouteꝛa
Ce que touchieꝛs enſeingneꝛa
Jamais le cueꝛ en fait deſfance
Ne les paſſeꝛa d'ignoꝛence
Qu'il queꝛront deduit en la chace
N'eſt mais dꝛois que li cueꝛs debate
Qu'il fuient ſelonc leur entente
Ainz doit vivre en la douce atente
De deduit qui eſt non pareux
Et de quoi cilz ſens tout par eux
Si eureuſement ſeꝛoient
Raempli que miex ne querroient
Quant pities madame mouura
Tant qu'a moi ſa grace esmourra
Que me venra meꝛci donneꝛ
Pour plaiſenment gueꝛredonneꝛ
Le ſeꝛuice de vrai ami
Mi. ſens quar chaſcun pour ſon plaire
Deſirroit ſon office a faire
Ou plus cuidoit deduit avoir
Ainſi ne ſavoie ja voir
Que faire ainz eſtoie eſbahis
J'eſtoie par mes ſens trais
Qui me deuſſent gouuerneꝛ
Mais amours qui pas ſeiourneꝛ
Ne veut tant que m'ait mis a point
Se rembat ſur moy en cel point
Et pour recommancieꝛ l'aſaut
Hue bas et pensee ſaut
Si me pꝛent et m'a griement moꝛs
Car touz mes ſans ſ'en eſt fuis
Et ſui auſſi qu'eſuanuis
Loꝛs que je fui pꝛis de pensee
Dont ne puis plus eſtre tanſſee
Ma ionnece au buiſſon plaiſant
Ou tant m'ieꝛe aleꝛ aaiſſant
Quar je ſai bien qu'amours penſe
Qu'il eſt iſſues hoꝛs d'ingnocence
Bien voi que voidieꝛ me convient
Loꝛs ſail hoꝛs que quant me ſouuient
Selonc ce que penſe avoie
De la belle pleſſant et gaye
En qui parfaitement compꝛis
Eſt tout quanqu'il afieꝛt apꝛis
Il m'eſtuet changieꝛ contenance
Et ce me met en grant doutance
Que bien voi ſomme laiſſe prendꝛe
Qu'il me convendꝛa trop aprendꝛe
D'angoiſſe ainz que puiſſe monteꝛ
Si haut qu'elle weille aconteꝛ
A moy. et ce me fait peur
Car je vis de l'eſtat ſeur
Qui m'ieꝛt de tout anui tenſſant
Dont ſe complaint mes cueꝛs penſſant
Belle et bonne entieꝛement.
Treſoꝛ de joie et d'onneur.
Oꝛ ne puis je longuement
fuir contre vostre amour
Li temps eſt uenus.
ſi me rens pꝛis et tenus vaincus.
Oꝛdenez ent.
Vostres gent coꝛps m'eſpꝛent.
Et ſi pꝛans en vos valour
vouloir d'ameꝛ loy alment.
Eſpoit pꝛens en vo douceur
d'eſtre retenus.
Oꝛ ſoit pitiez mes es cus
ſe raiſon le vous deſfant.
puis qu'a vous me ſui rendus.
Oꝛdenez ent.
Oꝛ m'oes piteuſement.
Dous cueꝛs a qui nul anui tour.
Ne puis vivre bien le ſent.
Se je n'ai bꝛiement retour
d'eſtre ſecourus.
ſ'il vous plais je ſui peꝛdus
ouurites joieu ſement
pour ce pitié audeſſus.
Oꝛ denez ent.
En ſecres dis ha; belle et gente
Sage plaiſſans oꝛ eſt l'entente
Du tout a vostre dous vouloir
Que ſanz pareil en biauté pure
Eſtes de toute creature
Flours floꝛiſſans et c'eſt du mains
Car nus entendemens humains
Ne vaut. puiſt penſeꝛ n'antendꝛe
A la bonté de vous entendꝛe
Bien voi que vostre dous dengier
Feꝛa amours mon temps changier
Je ne pourrai veꝛs vous fuir
Se moꝛs me devoit anuir
Couuenra qu'amours me pꝛaigne
Par vous et eſtat que j'ataigne
Vostre vouloir quant pris m'arés
Je ne ſai ſe ja jour ſares
Comment amours me demenra
Mais tant que par vous venra
Moꝛt ou ma ſente ou joie
Vueil pꝛendꝛe en gré ou que je ſoie
Mais ce m'eſmaie trop ſanz faille
Que paour ay que ne vous chaille
De ce que j'ay a endureꝛ
Dont me laiſſiez ainſi dureꝛ
Ne vous chaura comment ce ſoit
Ne pour quant ſ'il ne vous plaiſoit
Le mien ſeꝛuice a recevoir
Ne puis vivre je le ſai de voir
Ne puis eſtre de moꝛt reſcous
Et ſeꝛont li bon ames tous
Qu'amours m'a ja mis au devant
Quat ſ'il vont vo cueꝛ eſleuant
Que les metres encontre mi
Riens eſt de ma vie et demi
Fins cueꝛs ſi n'i prenez pas guarde
Mais ſe pitié vers moi regarde
Tant que vouſſiſſiez ameꝛ
On me devroit bien blaſmeꝛ
Se jamés contre vous fuioie
Mais ne ſai en moi trouveꝛ voie
Comme je puiſſe avenir
De ce que .i. ſeul ſouvenir
De moi recevoir vous veniſt
Quar je ſai bien qu'ancoꝛe vit
De vous riens qui par amours veigne
N'il n'eſt dꝛois qu'il vous en ſoueigne
Car n'eſtez d'amoureus couvent
Encoꝛe ainz v premieꝛ iouuent
Vous tient nature qui a mis
En vous biens plus c'onques promis
N'avoit a matieꝛe oꝛdeneꝛ
Car tant ſe vout de vous peneꝛ
Que a vous fourmeꝛ ſi noblement
Miſt ſon pooir entieꝛement
Et tout ſon ſans et ſe ſavoit
Faire ainſi belle et ſe elle avoit
Matieꝛe diſpoſee apoint
Jamais n'en venroit en cel point
Car tout a ſouhait en vous vint
Et de age entre .xvi. ans et vint
V point que chaleur en ſouvint
Fait biauté croiſtre et eſpanir
Et donne apetit et plaiſſance
N'onques n'eüſtez connoiſſance
Que c'eſt ne d'ami ne d'ameꝛ
Dont te tendꝛoie a en ce mueꝛ
Vouloir premieꝛs bien pour voie
Tant atendꝛoie que je moꝛroie
Si eſt grant peꝛis de l'enprendꝛe
Car bien voi ſe me leſſe prendꝛe
J'entrepꝛendꝛai trop grief fais
Ha; amours eſt ce de ces fais
Ses tu de tiex reuiaus iueꝛ
Quant pour moi ſe jone cueꝛ
Me veut pꝛendꝛe ceſt outre raiſon
S'il y eüſt juſte achoiſſon
On te peüſt bien excuſſeꝛ
Mais ta vie veus faire muſeꝛ
Si haut que je ſui ja aſſés
Du conſideꝛeꝛ 7 laſſes
Tu me veus bien faire au vent tendꝛe
Quant riche. ſage. jonne. et tendꝛe
A moy qui ſui uns enfancons
Veus faire ameꝛ ceſte lecons
Ne me ſeꝛa ja repetee
Ains m'en fuirai ceſte levee
N'ai cure d'eſtre pꝛis ſ'ay dꝛoit
On dit que tu donnes a dꝛoit
Pareil a chaſcun ſelonc li
Mais c'eſt faus car en vers celui
Ne fui ne qu'eſtains encontre oꝛ
S[e] tu m'auoies en reſtoꝛ
Li pꝛiſſe ſe ſavoit raiſons
Ainſſi di quar onques mais hons
Ne fu ſi griement aſaillis
J'eꝛe du buiſſons ſaillis
Penſee m'en avoit chacie
Et amours qui m'ot dechacie
Tant qu'an j'eꝛe traueillies
Doutiex penſis desconſeillies
Voiz encontre les chiens fuiant
Par ſon dous amoureus debat
Le chemin cointiſſe m'en bat
Moult me plut au commancement
Cointiſſe. ſi qu'antieꝛement
Selonc mon povoir m'i tenoie
Et pour veꝛité je y pꝛenoie
Plaiſſance en tant qu'antre la gent
Me faiſſoit contenir plus gent
Car courtoiſſie avec franchiſſe
Mainnent avec vraie cointiſſe
Et pour ce eſt ſi plaiſſant la voie
Et a roy plus c'onques n'avoie
Auant qu'amours m'eüſt meu
Ce ioli chemin conneu
N'onques avant eſté n'avoie
Foꝛs tant ſanz plus quant je veoie
Ceus qu'amours i avoit menez
Iolis. joians. gays oꝛdenez
Et que ueoie que leur fait
Erent en toute honneſte fait
On diſſoit bien ce que ce faiſſoit
Amours qui les y conduiſſoit
Dont moult me plot a grant merveille
L'oꝛdenance qui me conſeille
A moy maintenir cointement
Mais amours qui moult aigrement
Me chacoit rioit aprés moy
Loꝛs ſaillent chien ſanz nul abay
Plaiſance acueurt et vouloirs ſaut
Souuenirs vient penſeꝛs m'aſaut
Renons ſ'eſcrie et amours coꝛne
Loꝛs ſe tienent penſis et moꝛne
Mi ſens regars eſt arreſtez
Oirs d'eſcouteꝛ apreſtez
Gouſteꝛ eſtoit tout entrepꝛis
Touchieꝛs vouroit ja eſtre pꝛis
Et flairieꝛs. dont plus n'i a mais
A fuir je les ay peꝛdus
Loꝛs ſ'en fuit mes cueꝛs eſperdus
Quant qu'il puet ſe va d'eulz gaitant
Mais amours qui le va coitant
Par ſa foꝛce me ramenoit
Ou biauté coie ſe tenoit
Et loꝛs que regars l'ot veue
Li a ſa ſoif ſi foꝛt creue
Qu'au lieu amoureuus regardeꝛ
Ne ſe puet ne me veut guardeꝛ
Tant plaiſſenment eſt detenus
Que ydꝛopiques eſt deuenus
Et bien a ſon contenir peꝛt
Quar nient plus que ydꝛopiques part
La ſoif qui l'engoiſſe en buuant
Ainſi quant biauté eſt devant
Regars n'eſt de ſa ſoif deliures
Ainz a plus ſoif com plus eſt yvres
En ſucant plaiſſance buuoit
Et quant plus le voit plus le ſeche
C'eſt yvrece qui touz jours leiche
En ſoy moꝛdant ſe va lechant
Et en beuant ſe va lechant
C'eſt ydꝛopiſie amoureuſe
Et yureſce la deſirreuſe
Qui fait eſioir et doloir
Qui en ſuſcant delant le voloir
D'ami le plaiſt de conuoitiſſe
S'ilz boire la chaleur atiſſe
Qui fait le cueꝛ frire et lardeꝛ
Quant ſ'entr'oublie a regardeꝛ
C'eſt amoureuſſe ydꝛopiſie
Ceſte deduiſſant melodie
Eſtoit ce qui ſi me doloit
Regars qui fuir me vouloit
Ainz menoit a quelque paine
Vs biauté qui ieꝛt la fontaine
Ou il buuoit ſanz ſaouleꝛ
Onques n'i leſſai a aleꝛ
Pour les chiens. Aincois par mi eulz
Au douz gent coꝛs deliciex
Apercoi loꝛs pour miex choiſſir
Sa noble biauté a loiſſir
Et pour vëoir com plus le veoie
Plus me plaiſſoit et me prenoie
Com papillons a la chandelle
Et n'eſtoit ce pas merveille
Quar en la phiſoſonomie
Plaiſſant prometant amie
Et eſpoit de vie et ſuſtance
Et ſi gracieuſe ſemblance
Qu'an voit la couleur du viaire
La bouche riant debonnaire
Eſpeꝛeꝛ grace me faiſſoit
Et trop doucement m'apaiſſoit
Li regars dous et amoureus
D'uns iex bꝛuns. ſes gay. et riens
Si par caus pour ſouef ouvrir
Coꝛps pour cueꝛ traire et deſcouurir
Qu'il plais a tous vrais amis dont
Liez et joiaus diſſoie adont
Fins cueꝛs dous quant paieꝛont
Vostre oeil ce que il m'ont pꝛo mis.
Se faus entendꝛe me font.
Moꝛs ſui je n'ai plus d'amis.
Et ce par eulz ſui trais
par pꝛomeſſe en atraient
je ſay bien ou ament.
ſe rende pꝛis.
Car ſi plaiſant douceur ont
en leur dous regars compꝛis
Quant ſentir mon cueꝛ refont.
Mes coꝛs eſt en vigueur mis
et je ſui ſi esbahis
de joie en eulx regardant
Que tuit mi ſens mi laiſſent
ſe rendent pꝛis.
Ainſi mi debteur
je les ai em pleige pꝛis.
Dont ſe vos cueꝛs ne reſpont
pour eulx je ſui deſconfis.
ſi weilliez gent coꝛps faitis
a moi pou euls faire tant
que vo vouloir en auent
ſe rendent pꝛis.
Ainſi gayement entrepꝛis
En vëoir ma dame de pꝛis
M'aſeuroie et deuiſſoie
Et en boy penſoie et diſſoie
Qu'au coꝛs ſi gent et ſi parfait
Ne povoit avoir riens par fait
Foꝛs douceurs et humelite
Si mi aſeurai pour pitié
Que je penſai qu trouueꝛoie
Et en la fin quant je pris ſeꝛoie
Et que la ſeꝛoit mes retours
Adont laiſſai del tout le coꝛs
Ne ſot mais c'un poi treſtourneꝛ
Loꝛs commance amours a coꝛneꝛ
Si chien ſaillent amours ſemont
Et me queurent ſus en .i. mont
Je reculai comme eſpeꝛdus
Car je avoie mes ſens perdus
Regars fu a cel aſſaut pꝛis
Car plaiſſa[n]ce qui l'ot ſeur pꝛis
Le tient ſi par ydꝛopiſie
Qu'an la maladie pꝛiſe
Ne ſe pot aidieꝛ ne mouvoir
Et oirs eꝛt tenus pour voir
Renons et los l'ont abatu
S'avoit il aſſés debatu
Tant que nul ne l'en doit blaſmeꝛ
Prins eſt amours le fait ameꝛ
Mi autre ſens ſi eſbahi
Erent com ſ'il fuſſent tray
Si que ne ſe ſoꝛent deffendꝛe
Ainz ſont pꝛis de iex [a] amoureus rendꝛe
Par un temps ſouſfrante ceſt eſtour
A pꝛis mes cueꝛs fuite et deſtour
Comme eſpaoures et douteux
Mais li dous veneꝛres ſoutiex
Amours qui tant prent et entriſtre
.II. leurieꝛs qui eꝛent au titre
De manieꝛe touz reſemblans
Eſtoit eſpoirs et dous ſemblant
Deſcouple et a moy les envoie
Dont m'areſtai enmi la voie
Sans moy nient pour eulz eſmaieꝛ
Quar quant les oÿ abaieꝛ
Si com ſemblans eſpoir amaine
Pour melodie ſouveꝛaine
Les eſcoute ententiuement
Car eſpoirs ſi ioieuſſement
Plus que nulz autres chiens abaye
Qu'il n'eſt nus cueꝛs qui ne ſ'apaie
En lui eſcouteꝛ et ouir
Dont mon cueꝛ faiſſoit eſioir
Ses abays quant il glatiſſoit
Que auſſi qu'au pꝛemetant diſſoit
Ha; qui te muet a contreſteꝛ
Aus biens qu'amours te veut preſteꝛ
celi en qui aſſeures
Pourras tant d'onneur recevoir
Que ſe tu fais bien ton devoir
Tu iouiras en l'otroi de grace
De l'amour celui qui tout paſſe
Le monde quar quant qu'il comprent
A ſi douce amour ne ſe pꝛent
Adont avras en ton deduit
Quant que raiſon de bien conduit
Avec le povoir de nature
Ha qui n'avroit de ſa figure
Que penſſeꝛ et le ſouhaidie
N'eſt ce aſſez pour lui aidieꝛ
A lui ou uouloir eſioir
Plus d'aſſés que d'autre ioir
Regarde l'amoureus viaire
Criens tu que ſi bel ſaintuaire
Ne ſoit toute douceur encloſe
Couars eſt qui enpꝛendꝛe n'oſe
Pour li un petit a tenir
Ce dont grant bien li puet venir
Et ſ'un poy eſt au pꝛemieꝛ dure
Sueffre tien te a moy et endure
Amours t'aideꝛa et pities
Et ſi li di ſ'eꝛt veꝛites
S'en vostre douce figure.
Dame eſt eſcondis muciez.
C'eſt deceuans couueꝛture.
C'eſt marchiez de ſous pꝛeſure.
ou amis eſt engignies.
S'en vostre .[douce figure].
vos dous ſemblans as ſeure
et ſe plus le dechaciez
n'eſt ce raiſon obſcure.
S'en vostre .[douce figure].
A ce dous abay areſtez
Et touz de la tendꝛe apreſtez
Touz cois ou chemin me tenoie
Quar tant de ſeurte prenoie
Es pꝛomeſſes qu'eſpoir faiſſoit
Que mes cueꝛs auque ſ'apaſſoit
N'eſtoie mes eſpeures
Aincois diſſoie aſſeures
Et par moy de voulenté ſaine
Ha; belle de tout bien fontaine
Vrais eſſemplaire de biauté
Parfaite en ſens et en bonté
Cueꝛ dous tant m'eſt bien avenu
Quant amours pour vous m'a tenu
En chace pour moy pour vous prendꝛe
Quar loꝛs qu'il vous plairoit entendꝛe
Moy tout imparfait parfaire
Plus de biens ne me pourroit faire
Raiſons Foꝛtune ne nature
Ha; flour de toute creature
Tant aroit plus qu'a ſouhaidieꝛ
Cilz a qui vous uoudꝛiez aider
Car il aroit j'en ſui touz filz
Joie honneurs deduire et profis
N'i a dont foꝛs de bien ſeꝛvir
Pour noble amour deseꝛvir
Et de loial cueꝛ enbꝛacieꝛ
Aſſes me pues dechacieꝛ
Dame connoiſtre entieꝛement
Car ſe chaſcuns naturelment
Biaute quieꝛt et ſans et bonte
Et vous avez tant ſeurmonte
Je ne doy dont eſtre repris
Se plus foꝛt ſui d'un autre eſpris
Pour ce me rent bien me doy rendꝛe
Je ne me quieꝛ jamais deſfendꝛe
Ou point qu'em cel point eſtoie
Et en pensee dont m'areſtoie
Ou ſemblans et eſpoirs me mainnent
Et a leur plaiſſir me demainnent
Comme pꝛis ſans autre debat
Doutance ſur moy ſe rembat
Et entre mes preſſours de boute
Et depiece l'entente toute
Et biens qu'amours m'ot preſtez
En diſſant es tu arreſtez
A croire eſpoir le deceuant
Sur ce que il te met devant
Les pꝛomeſſes de courtoiſſie
Saches qui en eſpoir ſe fie
Souvent ſe treuve deceus
Se tu as les dous iex veus
Ta dame et ſon vis debonnaire
Le cuidez tu pour ce atraire
A ce que elle te weille ameꝛ
On la devroit bien blaſmeꝛ
S'elle metoit ſ'amour en toi
Se tu as par regars ſenti
La grant biauté dont elle es plaine
Je te liueꝛrai aſſez paine
plus que tu ne poꝛras poꝛteꝛ
Souvent fait fol reconfoꝛteꝛ
Sans donneꝛ la pꝛomeſſe en vain
Il a aſſez plus de leuain
En ſa douceur que tu ne crois
Se li maintiens eſt dous et cois
Li cueꝛs eſt oꝛguillieꝛs et grant
Bien eſt de toi ocirre en grant
Qui pour .i. ſeul eſpoir emp[re]rendꝛe
Veus tes fais com toy faire prendꝛe
Arrieꝛe m'a dont tire
Et en tirant ai ſoupire
Car eſpoir d'une part m'ognoit
Et doubte d'autre me poignoir
Ainſſi a moy contrebatoie
Et en ce grant debat metoie
Sur ma dame tout le deſcoꝛt
Et pour trouveꝛ plus dous acoꝛt
Eſt ce que ſus lui le voult prendꝛe
En moy diſſoie ſanz meſprendꝛe
Mon cueꝛ qu'a douce combat
pour vos dous ſeꝛviſce emprendꝛe
aidiez cueꝛ dous a deſfendꝛe
pour a paiſſieꝛ le debat.
weilliez en vo merci prendꝛe
mon cueꝛ .[qu'a douce combat pour vos dous ſeꝛviſce empꝛendꝛe].
Car ou dous es poir l'embat.
Doute ne le laiſſe entendꝛe
ainſſi ne ſay a qui rendꝛe.
Mon cueꝛ [qu'a douce combat pour vos dous ſeꝛviſce empꝛendꝛe].
Toutes fois doute de faillir
Me faiſſoit plaindꝛe et treſaillir
Couleur mueꝛ et contenance
Car quant vienent en remembꝛance
Je treſail et tremble et fremis
Et eſpoirs y vienent au devant
Loꝛs me va li cueꝛs ſouleuant
Si chante et ris et bale et dance
Ainſi en diueꝛſe manieꝛe
Me convient eſtre celle heure
Une fois chante l'autre fois pleure
C'eſt l'eſtat aus nouuiaus amis
Qu'amours en ceſte chace a mis
C'eſt le langueꝛeus aus amoureuus
Et qui le veult nomeꝛ pour eluls
Par dꝛoit eſt li mos desguiſſes
Que nulz tant ſoit bien aviſſez
Ne ſet les pꝛopꝛietes dire
Ne les contenances descrire
Oꝛ veult oꝛ ne veult oꝛ le grieue
Oꝛ li pleſt oꝛ ſe ſiet oꝛ ſe lieve
Oꝛ pꝛomet loiauté eſtable
Sur voulenté feꝛme et muable
Ainſi comme en ce point eſtoie
Ne fuioie ne arreſtoie
Ne ne ſavoie que fin p[re]ndꝛe
Amours qui me fait emprendꝛe
L'ameꝛ et a laiſſieꝛ le cours
Vint en mannieꝛe de ſecours
Et touz ces chiens a amenez
Loꝛs coꝛne a lui prenez pꝛenez
Puis ſ'escrie hars il eſt pꝛis
Adont fui foꝛment entrepꝛis
Car chaſcun d'eulz me moꝛt et pꝛent
Plaiſſance eſmuet vouloirs eſprent
Renons encoꝛe les conſeille
Penſeꝛs moꝛt. ſouuenirs reueille
Samblant atrait eſpoirs promet
Et amoꝛs foꝛment ſ'entremet
De moi prendꝛe ſans plus blecieꝛ
refieꝛt avec ſanz menacieꝛ
Des graces de ma douce dame
Dont n'es meꝛveille ſe ma dame
Le quieꝛt car ſoutilment y trait
Les roſes qui cueillent atrait
Et cis atrais en atraiant
En aloit doubte atraiant
Car com plus croiſſoit vouloir
Tant fait doutance maint douloir
Cueꝛ qui ſemblent et eſpoir tienent
Qui les nourriſſent et maintienent
Si tres plaiſſenment que touz dis
Pour doutance d'eſtre eſcondis
N'entrelaiſſe a eſtre amoureus
Pour ce cilz atrais ſauoureus
Qu'amours me metoit au deuant
Aloit [ſi] mon cueꝛ eſmouuant
Quantre les chiens ſ'abandonoit
Ne pour les cops qu'amours donnoit
Ne ſ'aloit de riens eſmaient
Ainz l'aloit eſpois ſupaient
Si doucement que hoꝛs boutes
Eſtoit doutance nient doutee
Et tant la fiſt de moi voidieꝛ
Qu'il m'enbat par foꝛce en cuidieꝛ
Qui eꝛt ou bos la quarte voie
Dont je parle avant avoie
Pris ſui la chace eſt afinee
Amours pardonne deſtinee
M'a vaincu et c'eſt mes profis
Car oꝛ ſui ge de ce tout fis
Que miex en vail et doi valoir
Et loꝛs quant a ſon douz vouloir
M'ot pꝛis et ſaiſſi plainement
Si m'a faite moult noblement
Onques d'iluec ne ſe parti
Si comme aprés chace apartient
Mon coꝛps ſans plus a ſa part tient
Et vout que ces oeuvres teniſt
Et ces fais touz jours ſouſteniſt
Qu'il convient que li coꝛs ſouſtienne
Les fais d'amours quoi qu'an aveigne
Et les peꝛilz et les deduis
Selonc ce qu'il eſt conduis
Pour ce li coꝛps li demourra
Si me ſemble qu'il me honnoꝛra
Apres ſi comme a chace avient
Que repaiſtre les chiens convient
Amours l'os ot et les iſſues
Qui aus entrailles ſont tiſſues
Donne aus chiens et mon ſanc a boivre
Dont ne fuſt nul qui peüſt croire
Comment je eſtoie demenez
Quant chaſcun des chiens amenez
Eu pour leur char de moi mengieꝛ
Ne je ne me peu reuengieꝛ
Ainz ſueſfre comme vrai martire
Qui voit aus chiens departir
Mon coꝛps dedens et degaſteꝛ
Et plaiſance mon cueꝛ taſteꝛ
Et tracieꝛ mon ſanc et ſuſcieꝛ
Et vouloit loꝛs ſanz menacieꝛ
Tireꝛ encontre lui aus dens
Il ne demeure riens dedens
Mon coꝛps dont n'aient loꝛ aſſés
Penſeꝛs ſans point eſtre laſſes
M'a ja pꝛis que tout mon ſanc trait
S'eſpoirs ne m'i meſiſt entrait
Mal me fuſt ais tant l'e je cher
Qu'il ne me fait foꝛs delechieꝛ
Quant li chien furent abuure
Amours a mon cur deſſevré
Et ma voulenté enſement
Et le donna entieꝛement
A la douce gente parfaite
Par cui chiens la pꝛiſe fu faite
Et vouſt que de ma voulenté
Et de mon cueꝛ qu'il m'a oſte
Fuſt dame ſi tres ligement
Que nulz foꝛs elle ſeulement
N'i peüſt hauſaige meneꝛ
Et qu'an li ſeꝛvir et ameꝛ
En ſ'onneur guardeꝛ me meiſſe
Loyalment tant que je veſquiſſe
Par quoi monteꝛ peuſſe em pꝛis
Et je dame com loyaus pꝛis
Rendus a vous ſans riens meſp[re]ndꝛe
Weil vo noble ſeꝛuice comprendꝛe
Com cilz qui ſur li n'a povoir
Dame et ſe vous povez vëoir
Qu'a mon povoir mon devoir face
Pour Dieu que vo cueꝛ ne debate
A moy pour vostre retenir
Et ſe ja a ce puis avenir
A tel ſans que par mon defaut
S'il n'eſt il pas hons qui ne faut
Meſpꝛaigne en aucune manieꝛe
Madame deſirree et chieꝛe
Plaiſſe le vous a coꝛrigieꝛ
Et ſe i a ne puis eſligieꝛ
Tant de biens en moy que je doie
Vostre eſtre au mains ſe je povoie
Pour nulle paine a ce venir
Biau le uauroie ſouſtenir
Si prenez coulente pour fait
Car par vostre gent coꝛs parfait
Fins cueꝛs dous ſui a ce menez
Vostres ſui oꝛ en oꝛdenez
Par pitié non pas par raiſon
Pris ſui jonnes et de ſaiſon
Pour plus en vous ſeꝛuant dureꝛ
Et ce ſe vient a l'endureꝛ
Tant ſouſfeꝛai qu'a dire voir
Bien vous pourrez aperceuoir
Qu'emſement de cueꝛ voulentieu
Et ſe me veés ententieu
Fins cueꝛs a emp[re]ndꝛe ces fais
Pour Dieu dame que mes biens fais
Ne ſoit peꝛdus par cruauté
Car ſe par vostre grant biauté
Sui pꝛins et en amour mendie
Penſez que de ma maladie
Eſtez cauſſe dont enſement
Soiez cauſe d'alegement
S'arés vostre amis amonte
Car en l'eſpooir de vo bonté
Cueꝛ dous me ſui rendus et pris
Et pour ce dont ſe j'ai empꝛis
Si haute amour a deſeꝛvir
Et je ne puiſſe tant ſeꝛvir
Que j'en deſeꝛue poi ne grant
Par pitié aiez en cueꝛ engrant
D'aidieꝛ vostre ſeꝛf a valoir
Car ſe mis ſui a nonchaloir
Qu'an pitié ne me regardez
De moꝛt ne puis eſtre gardez
Foꝛce nature ne ionnece
Liece deduis et richece
Ne me pourroient reſpitieꝛ
Oꝛ weillez mon cueꝛ viſiteꝛ
Fins cueꝛs dous comment il vous plaira
Vez ci moy qui atendꝛa
Moꝛt ou vie ou vostre oꝛdenane.
Et quant vous arez congnoiſance
Comment par vous ay eſté pꝛis
Et com durement entrepꝛis
Ay par vous en la chace eſté
fins cueꝛs dous par vostre honeſte
Baiſſiez juſques a moy vos iex
Je ne quieꝛ ja demandeꝛ miex
Ma dame que vo voulenté
N'avrai ami pou grant plenté
Se de bon cueꝛ le me donnez
Et pour Dieu oꝛ me pardonez
Se je veꝛs vous fui a prendꝛe
Car je me cremoie a meſprendꝛe
D'empꝛandꝛe ſi haut a ameꝛ
Et ſi ne m'en devez blaſmeꝛ
Car aprés tout l'afaitement
Bonne et belle parfaitement
Par vous que tout le monde pꝛiſe
Amours ſur moy a coꝛne priſe.