Maint dit a fait De roys de Conte
/Guillot de /Paris En ſon conte
Les rues de /paris bꝛiement
A mis en rime oiez comment
/La rue de la chuchete a /paris
Premiere dont pas n'a meſpris
Aſes toſt trouva /ſacalie
Et /la petute bouclerie
Et /la grant bouclerie aprés
Et /herondale tout en pres
En /la Rue pauee alé
Ou a maint viſage hale
/La rue a /l'abé /saint Denis
Siet aſes pres de /saint Denis
De /la grant rue /saint germain
Des /prez ſi fait /rue Gauuain
Et puis /la rue /saint andꝛi
Dehoꝛs mon chemin ſ'eſtendi
Juſques en /la rue poupee
Adont ai ma voie adꝛecee
Que /la Rue de la barre vins
Et en /la rue a /poitevins
En /la rue de la ſerpent
De ce de riens ne me repent
En /la rue de la platriere
La maint une dame loudiere
Qui maint chapel A fait de fueille
Par /la rue de haute feulle
Ving en /la Rue De champ petit
Et au deſus eſt .i. petit
/La rue du puon vraiement
Je deſcendi tout belement
Droit a /la rue des coꝛdeles
Dames i a le deſcoꝛd d'elles
Ne voudꝛoie avoir Nullement
Je m'en alai tout Simplement
D'iluecques au /palais De termes
Ou il a celiers et citernes
En celle rue a mainte court
/La rue aus hoirs de Harecourt
/La rue pierre Sarrazin
Ou l'en eſſai maint roncin
Chaſcun an Comment Con le hape
Contreual /rue de le harpe
Ving en /la rue /saint ſeuring
Et tant fiſt c'au carefour ving
/La grant rue trouvai bꝛiement
De la entrai pꝛemierement
Trouvai /la rue as eſcriuains
De cheminer ne fu pas vains
En /la petite ruelete
/saint ſeurin mainte Meſchinnete
Si iouent ſouvent et menu
Et font batre le trou velu
Des feſſeriaus que que nus die
En /la rue /Erembourc de /bꝛie
Alai et en /la rue o /fain
De cheminer ne fu pas vain
Une femme vi batre lin
Par /la rue /saint Mathelin
En /l'en cloiſtre m'en retourne
/saint beneoit le beſtourne
En la rue as hoirs de /ſabonnes
A .ii. poꝛtes belles et bonnes
/La rue a l'abbee de /cligny
Et /la rue au ſeigner d'/igny
Sont pres de /la rue o /coꝛbel
De ſus ſiet /la rue o /ponel
Et /la rue a coꝛdiers aprez
Qui des /iacopins ſiet bien prez
En contre eſt /rue /saint eſtienne
Que Diex en ſa grace nous Tiengne.
Que de ſ'amour aions mantel
Loꝛs deſcendi en /fres Mantel
En /la rue de l'/oſeroie
Ne ſai comment je deſuouroie
Ce c'onques nul jour ne voue
Ne a Paſques ne a noue
En /la rue de /l'oſpital
Ving une femme i deſpital
Une autre femme folement
De ſa parole moult vilment
/La rue de la chaueterie
Trouvai n'alai pas /Chiés Marie
En /rue /saint ſyphoꝛien
Ou mainguent li logipcien
En pres eſt /la rue du moine
Et /la rue au duc de /bougoingne
Et /la rue des amandiers pꝛez
Siet en une autre rue en prez
Qui a non /rue de /ſavoie
/Guillot de /paris. tint ſa voie
Droit en /la rue /saint ylaire
Ou une dame debonnaire
Maint c'on apele giete das
En contre eſt /la rue /Judas
Par /la rue du petit four
C'on apele le petit four
/saint ylaire et puis /clos burniau
Ou l'en a roſti maint bꝛuliau
Et puis /la rue du noier
Ou pluſeurs dames pour louier
Font ſouvent batre leur Cartiers
En prez eſt /la rue a plaſtriers
Et par mi /la rue as englais
Ving a grant feſte at a Grant Glais
/La rue a lauendieres toſt
Trouvai prez d'iluec aſſez toſt
/La rue qui eſt belle et grant
/Sainte Geneuieue la grant
Et /la petite ruelete.
De quoi l'un des bous chiet Sus /l'etre.
Et l'autre bout ſi ſe rapoꝛte
Droit a /la rue de la poꝛte
De /saint Marcel. par /saint copin
En contre eſt /la rue clopin
Et puis /la rue trauerſainne
Qui ſiet en haut bien loins de /Sainne
En prez eſt /la rue des murs
De cheminer ne fu pas mus
Juſqu'a /la .rue /saint vitoꝛ
Ne trouvai ne poꝛc ne butoꝛ
Mes femme qui autre conſeille
Puis truis /la tue de /verſeille
Et puis /la rue du bon puis
La maint la femme a .i. chapins
Qui de maint ho[m] a fait ſes glais
/La rue /alixandre. l'englais
Et /la rue pauee Goire
La bui ge de bon vin de beire
En /la rue /saint Nicolas
Du /chardonnai ne fu pas las
En /la rue de /bieure vins
Iluecques .i. petit m'aſſis
D'iluec en /la rue perdue
Ma voie ne fu pas perdue
Je m'en reuing dꝛoit en /La place.
Maubert et bien trouvai la Trace.
D'iluec en /la rue a /trois poꝛte
Dont l'une le chemin rapoꝛte
Droit a /la rue de /Gallande
Ou il n'a ne foꝛeſt ne lande
Et l'autre en la rue d'/aras
Ou ſe nourriſſent maint Grant ras
En pres eſt /rue de l'eſcole
La demeure /dame nicole
En celle rue ce me ſamble
Vent on et fain et fuerre Enſamble
Par /la rue /saint julien.
Qui nous gart de mauvais lien
M'en reuing en /la bucherie
Et puis en /la poiſſonnerie
C'eſt verité que vous deſpont
Les rues d'outre /petit pont
Auons nommees toutes par non
/Guillot qui de /paris. ot non.
.IIIIXX. par conte en y a
Certes plus ne mains n'en y a
En la cité iſnelement
M'en ving apꝛés Priueement.
/La rue du ſablon par m'ame
Puis /rue neuue /Nostre Dame
En prez eſt /la rue a /coulons
D'iluec ne fu pas mon Cuer lons
/La ruele trouvai bꝛiement
De /.s. christofle et enſement
/La rue du paruis bien prez
Et /la rue du cloiſtre aprés
Et /la .grant rue saint christofle
Je vi par le trelis .d'un coffre
En /la rue /saint pere a /beus
Oiſiaus qui avoie[n]t piez beus
Qui furent pꝛis ſus la Marinne
De /la rue /ſainte marine
En /la rue cocatris vins
Ou l'en boit ſouvent De bons vins
Dont mains homs Souvent ſe varie
/La rue de la confrarie
/Noſtre Dame et en /charoui
Bonne tauerne achiez ouri
/La rue de la pomme aſſez toſt
Trouvai et puis aprez tantoſt
Ce fu /la rue as oubloiers
La maint Guillebert a bꝛaies
/Marcepalu /la iuerie
Et puis /la petite oꝛberie
Qui en /la iuerie ſiet
Et me ſamble que l'autre chief
Deſcent dꝛoit en /la rue a /Feves.
Par deca /la maiſon o /feure
/La kalendꝛe et /la ganterie
Trouvai et /la grant oꝛberie
Aprez /la grant bariſzerie
Et puis apꝛés /la dꝛaperie
Trouvai et /la chauterie
Et /la ruele .Sainte crois
Ou l'en chengle ſouuenc Des cois
/La rue /gerueſe /Loꝛens
Ou maintes dames ygnoꝛens
I maingnent qui de leur Quiterne
En pres /rue de la lanterne
En la rue du marmouſet
Trovai .i. homme qui mu fet
Une muſe coꝛne bellourde
Par /la rue de la coulombe
Alai dꝛoit o /poꝛt /saint landꝛi
La demeure /Guiart andꝛi
Femmes qui vont tout le cheues
Maingnent en /rue du cheues
/saint landꝛi eſt de l'autre part
/La rue de l'ymage depart
/La ruele. par /saint vincent
En bout de la rue deſcent
De /glateingni ou bonne gent
Maingnent et dames o coꝛs Gent.
Qui aus hommes ſi com moi Semblent
Volentiers charnelment Aſſamblent
/La Rue /saint Denis de /la chartre
Ou pluſeurs dames en grant Chartre.
Ont maint vis en leur Contenu
Comment qu'il ſoient contenu
En ving en /la peleterie
Mainte oenne y vi eſterie
En la faute du pont m'aſis
Certes il n'a que .xxxvi.
rues contables en cité
Foi que doi benedicite
Par deca /grant pont Erranment
M'en ving ſachiez bien Vraiement
N'avoie alenas ne poinſon
Premiere /la rue o poiſſon
/La rue de la ſaunerie
Trouvai et /la meſgneiſcerie
/L'eſcole et rue /saint germain
A /couroiers bien vint a main
Tantoſt /la rue a lavendieres
Ou il a maintes lauendieres
/La rue a /moingnes de /ienvau
Poꝛte a amont et poꝛte avau
En prez /rue jehan l'ointier
La ne fu je pas trop lointier
De /la rue bertin poꝛee
Sanz faire nule eſchau Fourree.
Ving en /la ru /jehan l'eveillier
La demeure /perriaus Goullier
/La rue Guillem poꝛee pꝛés
Siet et /male parole empres
Ou demeure /jehan aſſelin
Par mi /le perrin gaſſelin
Et par mi /la herengerie
M'en ving en /la tableterie
En /la rue a petis ſoulers
De /baſenne tout fu ſoullies
Deſrer ce ne mie Foꝛtune
Par /la rue /.sainte apoꝛtune
Alai en /la charonnerie
Et puis en /la feronnerie
Tantoſt trouvai /la mancherie
Et puis /la coꝛdouanerie
Prez demeure /henri bourgaie
/La rue baudonin pꝛengaie
Qui de boire n'et pas lanier
Par /la rue Raoul l'auenier
Alai o ſiege a des carcheeurs
D'iluec m'en alai tantoſt Ciex.
I. tauernier en /la viez place
A pourciaus bien trouvai Ma trace.
/Guillot qui point d'eur Bon n'as.
Par mi /la rue a /bourdonnas
Ving En /la rue Thibaut adez
.I. hons trouvai en ribaudez
En /la rue de bethiſi
Entre ne fu pas ethiſi
Aſſez toſt trouvai /tire chape
N'ai garde que rue m'eſchape
Que je ne ſache bien nommer
Par non ſanz nule meſnommer
Sanz paſſer /Guichet ne /Poſtis.
En /la rue o quiains de /pontis
Fiſt .i. chapia de violete
/La rue o ſerf et /gloꝛiete
Et /la rue de l'arbꝛe ſel
Qui deſcent ſus .i. biau ruiſſel
Trouvai et puis col de bacon
Ou l'en a trafarcie maint
Et puis /le foſſe /saint germain.
/Trou bernart trouvai Main a main.
Part ne compaigne n'atendi
Mon chemin aval ſ'eſtendi
Par /le saint eſperit de rue
Sus la riviere en la /Grant rue
Seigneur de /la poꝛte du Louure
Dames y a gentes et bonnes
De leur denrees trop Sont riche
Droitement par mi /oſteriche
Ving en /la rue /saint honoure
La trouvai ge /meſtre hure
Les lui ſeant dames polies
Par mi /la rue des poulie
Ving en /la rue daueron
Il y demeure .i. gentis hon
Par /la rue jehan tiſon
N'avoie talent de pꝛoier
Mes par /la crois de tirouer
Ving en /la rue de neele
N'avoie tabour ne viele
En /la rue Raoul menuicet
Trouvai .i. homme qui Mucet.
Une femme en terre et en ſiet
/La rue des eſtruues en Pres ſiet
En pres eſt /la rue du four
Loꝛs entrai en .i. carefour
Trouvai /la rue des eſcus
.I. homs a granz ongles Locus.
Demanda Guillot que Fes tu
Droitement de /chaſtiau Feſtu
M'en ving a /la rue a /pꝛou Voires
Ou il a maintes pennes Vaires
Mon cuer ſi a bien ferme Veue.
Par /la rue de la croiz neuve
Ving en /la rue Raoul roiſſole
N'avoie ne plais ne ſole
/La rue de monmatre trouue
Il eſt bien ſeu et pꝛoue
Ma voie fu delivre et preſte
Tout dꝛoit par /la ruele E pꝛeſtre
Ving a /la pointe /saint huitaſſe
Droit et avant ſui ma trace
Juſques en /la tonelerie.
Ne ſui pas cil qui trueve lie
Mais par devant /la halle Au blé
Ou l'en a mainte foiz lobe
M'en ving en /la poiſonnerie
Des halles et en la /Foꝛmagerie
Tantoſt trouvai /la ganterie
A l'encontre eſt /la lingerie
/La rue o feure ſiet bien pꝛés
Et /la coſſonnerie aprés
Et poꝛ moi miex garder Des /halles
Par deſouz /les avans des /Halles.
Ving en /la rue a pereſcheeurs
La bui avec freres meneurs
Dont je n'ai pas chiere Marie
Puis alait en /la chauuerie
Aſez pres trouvai /maudeſtour
Et /le carrefour de la tour
Ou l'en giete mainte ſentence
En la maiſon a /dan ſequence
/Le puis le carrefour depart
/Jehan pinche clou d'autre part
Demoura tout dꝛoit a l'encontre
Oꝛ dirai ſanz faire lonc conte
/La petite truanderie
Es /rues des halles ſ'alie
/La rue au cingne ce me ſamble
En contre /maudeſtour aſſamble
Droit a /la grant truanderie
Et /Merderiau n'obli je mie
Ne /la petite ruelete
/Jehan bingue par /saint cler Surete
Mon chemin ne fu pas trop Rogue
En /la rue /Nicolas arode.
Alai et puis en /mau conſeil.
Une dame vi ſus .i. ſeil
Qui moult ſe poꝛtoit noblement
Je la ſaluai ſimplement
Et elle moi par /saint loys
Par /la sainte rue saint Denis
Ving en /la rue as oues dꝛoit
Pris mon chemin et mon adꝛoit
Droit en /la rue /saint martin
Ou j'oï chanter en latin
De /Nostre Dame .i. ſi dous chans
Par /la rue des petis chans
Alai dꝛoitement en /biau bourc
Ne chaſſoie chieure ne bouc
Puis truis /la rue a iongleeurs
C'on ne me tiengne a iengleeurs
De /la rue /gieffroi l'angeuin
En /la rue des eſtuues vin
Et en /la rue lingeriere
La ou l'en a mainte plaſtriere
D'archal miſe en oeuur Pour voir
Pluſeurs gens pour leur Vie avoir.
Et puis /la rue ſendebours
La trefilliere a l'un des bous
Et /qui qu'en poit que j'ai Moult chier
/La rue auberi le bouchier
Et puis /la conreerie auſſi
/La rue amauri de rouſſi
En contre /trouſſe vache chiet
Que Diex gart qu'il ne nous Meſchiet.
Et /la rue du vin le roy
Dieu grace ou n'a point de deſroy
En /la viez monnoie par ſens
M'en ving auſſi com par aſens
Audeſus d'iluec .i. petit
Trovai le grant et le petit
/Marivaus ſi comme il me ſamble
Li uns a l'autre bien ſ'aſamble
Audeſous ſiet /la hiaumerie
Et aſes pres /la loꝛmerie
Et par mi /la baſennerie
Ving en /la rue iehan le conte
/La ſavonnerie en mon conte
Ai miſe par /la pierre o let
Ving en /la rue iehan pain molet
Puis truis /la rue des arſis
Sus .i. ſiege .i. petit m'aſſis
Pour ce que le repos fu bon
Puis truis /les .ii. rues /saint bon
Loꝛs ving en /la buffeterie
Tantoſt trouvai /la lamperie
Et puis /la rue de la poꝛte
/saint Meſri mon chemin ſ'apoꝛte
Droit en /la rue a /bouvetins
Par /la rue a chauetiers tins
Ma voie en /rue de l'eſtable
Di /cloiſtre qui eſt honeſtable
De /saint meſri en /baille hoe
Ou je trouvai plenté de boe
Et une rue de renon
/Rue neuue /saint Meſri a non
Tantoſt trouvai /la court Robert
De /paris. Mes par /saint lambert
/Rue pierre o lart ſiet pꝛés
Et puis /la bouclerie apꝛés
Ne /la rue n'oubli ge pas
/Symon le franc mon petit pas
Alai vers /la poꝛte du temple.
Penſis ma main delez ma temple
En /la rue des blans mantiaus
Entrai ou je vi mainte piaus
Metre en conroi et blanche et noire
Puis truis /la rue perrenele
De /saint Pol /la ru du plaſtre
Ou maintes dames leur Emplaſtre
A maint compaignon ont Fait batre
Ce me ſamble pour eulz eſbatre
En pres eſt /la rue du puis
/La rue a ſinges aprés pꝛis
Contreual /la bꝛetonnerie
M'en ving plain de mirencolie
Trouvai /la rue des jardins
Ou /les Juys maintrens jadis
O /carrefour du temple vins
Ou je bui plain henap de vin
Pour ce que moult grant ſoif avoie
Adont me remis a la voie
/La rue de l'abbeie du bec
Helouin trouvai par abec
M'en alai en /la verrerie
Tout contreual /la poterie
Ving o /carefour quilloꝛi
Li un dit ho l'autre hari
Ne perdi pas mon eſſien
/La ruelet gencien
Alai ou maint .i. biau varlet
Et puis /la rue /andꝛi mallet
Trouvai /la rue du martrai
En une ruele tournai
Qui de /saint iehan voie apoꝛte
En contre la rue a .ii. poꝛtes
De /la viez tieſſeranderie
Alai dꝛoit en /l'eſculerie
Et en /la rue de /chartron
Ou mainte dame en chartre ont
Tenu maint vit. par /saint noꝛier
En /la rue du franc monroier
Alai et /vuiez cimetiere
/saint iehan meiſme en cetiere
Trouvai toſt /la rue du /bours
Tibout. et dꝛoit a l'un des bous
/La rue anquetil le faucheur
La maint .i. compains tencheeur
En /la rue du temple alai
Iſnelement ſanz nul delai
En /la ru au roy de /ſezille
Entrai tantoſt trouvai ſedile
En /la rue Renaut le feure
Maint ou el vent et pois et feves
En /la rue de pute y muce
M'en entrai en la maiſon luce
Qui maint en /rue de tyron
Des dames t mes vous diron
/La rue de l'eſcouffle eſt pꝛés
Et /la rue des roſiers pꝛés
Et /la grant rue de la poꝛte
Baudeer ſi c'on ſe compoꝛte.
M'en alai en /rue percie
Une femme vi deſtrecie
Pour ſoi pignier qui me donna
De bon vin ma voie adonna
En /la rue des poulies /saint pou
Et audeſus d'iluec .i. pou
Trouvai /la rue a fauconniers
Ou l'en trueve bien poꝛ deniers
Femmes poꝛ ſon coꝛs ſoulacier
Par mi /la rue du figuier
Et parmi /la rue a nonnains
D'/iere vi chevauchier .ii. nains
Qui moult eſtoient eſioi
Puis truis /la rue de ioy
Et /la rue foꝛgier l'anier
Je ving en /la moꝛtelerie
Ou a mainte tainturerie
/La rue /Emmeline boiliaue
/La rue garnier de sus l'yaue
Trouvai a ce mon cure ſ'atyre
Puis /la rue du cimetire
/saint greuais et puis /l'ourmetiau
Sanz paſſer foſſe ne ruiſſiau
Ne ſanz paſſer planche ne pont
/La rue a moinnes de lonc pont
Trouvai et /rue /saint iehan
De greue ou demeure iouan
.I. homs qui n'a pas veue ſainne
Pres de /la ruele de ſaine
En /la rue ſus la riviere
Trouvai une fauſſe Eſtriuiere.
Si m'en reuing tout dꝛoit En /greue.
/Le chemin de riens ne me greue.
Tantoſt trouvai /la tanerie
Et puis apꝛés /la vanerie
/La rue de la coifferie
Et puis apꝛés /la tacherie
Et /la rue aus commandereſſes
Ou il a maintes tenchereſſes
Qui ont maint homme pris o bꝛai
Par /le carefour de mibꝛai
En /la rue /saint Jaque et ou /poꝛce
M'en ving n'avoie ſac ne poce
Puis alai en /la boucherie
/La rue de l'eſcoꝛcherie
Tournai par mi /la triperie
M'en ving en /la poulaillerie
Car c'eſt la derreniere rue
Et ſi ſiet dꝛoit ſus /la grant rue
/Guillot ſi fait a tous ſavoit
Que par deca /grant pont Pour voir.
N'a que .iic. rues mains ſis
Et en la cité .xxxvi.
Outre /petit pont .iiiixx.
Ce ſont .x. mains de .xvixx.
Dedenz les murs non Pas dehoꝛs.
Les autres rues ai mis hoꝛs
De ſa rime puis qu'il n'ont chief
Ci vont faire de ſon dit chief
/Guillot qui a fait maint biaus dis
Dit qu'il n'a que .iiic. et .x.
Rues a /Paris vraiement
Le dous ſeigneur du firmament
Et /ſa tres douce chiere mere
Nous deffende de moꝛt amere