Compains vois tu ce que je uoy
Par pou que je ne m'en desroy
De grant paour le cueꝛ me tranble
Vois tu la ces .iii. moꝛs enſemble
comme il ſont hideus et diveꝛs
Et pourri et mangie de veꝛs
Tel devendꝛont nostre iouuente
De tel marchié avrons tel ventes
Qu'il nous vint de no premieꝛ peꝛe
Quar chaſcun qui naiſt le compeꝛe
Que tuit en ſuffrent la moꝛt ſure
Et aprés des veꝛs la moꝛſure
Qui alame ne met conroi
Prince ne duc conte ne roy
Nauront de poꝛt ne que ribaut
Qui jamés ne feꝛont ris baut
Puisques tenebꝛes ſeꝛont uns
Denfeꝛ ou tout bien ſont remis
Li ſecons vis diſt je envie
Biaus compains damender ma vie
Trop ai fait de mes voulentes
Oꝛ eſt mes cueꝛs entalentes
De faire tant que mame acoꝛde
Au dous roy de miſeꝛicoꝛde
Que mes coꝛs neſt que une faille
Ce puis je bien vëoir ſans faille
Par ces mouſtres la aparans
Quen tel point ſeꝛe je par tans
Car moꝛt me feꝛra de ſa faus
Faucons ne chiens oſtoirs geꝛfaus
Les grans ſales ne les grans tours
Ne puet la moꝛt tolir ſes tours
Que ne pꝛeingne tout a delivre
Lomme quant il cuide miex vivre
Ne ne puet nus le joꝛ ſavoir
quant la moꝛt le voudꝛa avoir
Li tieꝛs vis qui eſtraint ſes mains
Diſt pourquoi fu fais homs humains
Puis qu'il doit recevoir tel peꝛte
Ce fu folie trop apeꝛte
Se folie fut onques Diex
Contre joies eſt ſi grans Diex
En ce chetif monde para
Foꝛs ſeullement que Diex para
Homme ſur toute creature
quant le foꝛma a ſa figure
Si que il puet faire ſans plait
Buen ou mal lequel qui li pleſt
Oꝛ ſe gart moult bien a lempꝛiſſe
Que tel voie ſoit par li pꝛiſſe
Que devant Dieu ne ſoit repꝛis
Que ſil eſt amal faire pꝛis
Sans repantance au jugement
Ieꝛt juges ne ment
Li premieꝛs moꝛs diſt damoiſel
Ne leſſiez pas por vostre oiſſel
Ne pour vos robes a oꝛfrois
Qu'an terre geꝛra chaſcun frois
Et pourrira vo char humaine
Oꝛ gardes bien que ne vous maine
Vos grans deduis ne vos ſolas
Ou on pꝛent les ames au las
Ou grief toꝛment qui tous joꝛs dure
Por vos coꝛs qui neſt foꝛs oꝛdure
Ce povez vous par nous vëoir
Oꝛ vous doint Diex bien poꝛueoir
Car par nous avez bien veü
Que vos coꝛs ſeꝛont poꝛveu
En oꝛde et en puant priſon
Et ſi ni fu onques pꝛis hon
Com truiſſe qui en fuſt delivres
En quanquauez veü de livres
Seigneurs ce dit li ſecons moꝛs
Il eſt ueꝛites que la moꝛt
Nous a fais tiex comme nous ſommes
En la fin poꝛteꝛez tiex ſommes
Ni avra ſi pur ne ſi fin
Oꝛ pouruees devant la fin
Que les anmes aient repos
quant en terre ſeꝛes repos
Navez ami tant vous ait chieꝛ
Qui jamés vous daigne atouchier
Nempoꝛteꝛes foꝛs que bien fait
De quanquauez au monde fait
Se bien vous voulez regardeꝛ
Doꝛgueil vous deuriez gardeꝛ
En nous povez pꝛendꝛe eſſemplaire
Qui durement vous devroit pleire
Dont vous vaudꝛiez miex a lame
Car li coꝛs poꝛrira ſans ame
Li tieꝛs moꝛs diſt qui eſt ſechiez
Je fui de mon lingnage chiez
Rois et pꝛinces et conneſtables
Riches et biax joians metables
Oꝛ ſui ſi povres et ſi nus
Que vëoir ne me daingne mis
Qu'il ne meſt remes que les os
Et pour itant dire vous os
Que mar vit li homs en ceſt monde
S'il ne fait ſame nete et pure
Coꝛs eſt au monde li deduis
Dont on eſt en enfeꝛ conduis
Sa alentree grant apꝛeſſe
Et aliſſue grant triſteſce
Je ne vous ſai miex pꝛeſchieꝛ
Mouſtre chaſcun comme il ſa chier
Cui il ſouuendꝛa bien dameꝛ
Pechiez nel poꝛra entameꝛ