/TRes haute dame Belle et bonne
Au baptiſier qui miſt non /bone
Voir diſt ſanz faute ne mēti
Car bone grace ⁊ merci
Auez ⁊ uraie honeſte
Biau maītieng auec loiauté
Simplece de cuer ⁊ raisō
Sens ſauoir ⁊ diſcrecion
De pꝛis d'onneur eſtes bn̄nee
⁊ ꝑ foꝛtune deſtinee
Qⁱ voꝰ fait ē toꝰ bn̄s mont՚
⁊ qͥ adꝛoit voudꝛoit louer
Les bn̄s q՚ voꝰ dōnanature
⁊ diex qⁱ voꝰ fiſt creature
⁊ foꝛtune qui ne empire
Vos bn̄s ſe homs les voloit dire
Anq՚s ſambleroit flaterie
Car bonté biauté courtoiſie
Vꝰ dōnerēt treſtout ē ſamble
⁊ ne eſt nus qⁱ ſe deſſamble
Tant yiſt chaſcūs acoꝛdans
Mais diex qui eſt le plꝰ poiſſās
Q՚ n'eſt nature ne foꝛtune
Vꝰ fiſt de treſtoꝰ bn̄s ꝯ mune
P˞ quoi eſtes de pꝛis ꝑ faite
Si gardez font eſtes atraite
Du roy des roys ꝑ sō haut pͥs
De /hebaigne qͥ a touz dis
Honnour aſoi a eſpouſee
Celui qⁱ a la renōmee
De largeſce ⁊ de hardem̄t
Celui qⁱ regne loiaum̄t
Celui qui fait chlr՚ie
⁊ des pꝛeuz la bachelerie
A il faite ꝑmi la terre
Celui qͥ eſt noꝛriz ē guerre
⁊ ꝑ armes apͥz ⁊ los
Celui qⁱ ait du coꝛs repos
⁊ p˞ hōneur voult ſouffrir pāine
Celui qⁱ eſt en la fōtaine
D'amoꝛs q՚ ſert de coꝛpz ⁊ d'ame
P˞ quoi y eſt raiſons haute dame
Pꝰ q՚ bons arbꝛes fait bō fruit
Vꝰ ꝑ bon dꝛoit ꝯme ie cuit
Bōne du tout deuez bn̄ eſtre
Pꝰ diex de bō cuer voꝰ fiſt neſtͤ
A cui de bonté reſamblez
Dont dame pꝰ q՚ voꝰ auez
Raiſon p˞ quoi yeſtes ſi bōne
A dꝛoit vr՚e non ſi eſt bōne
Ꝑ voꝰ ⁊ ꝑ vo bōne mere
⁊ ꝑ /le bon roy vr՚e pere
Qⁱ eſt miendꝛes de toꝰ les bōs
Ꝑ quoi ꝑ dꝛoit eſt vr՚e nons
Ē fais en dis voir q՚ nement
⁊ pꝰ q՚ aus bons ˞ppꝛement
Toꝰ bn̄s ſe doiuent aſſambl՚
Mez diz a voꝰ doiz ie donner
Pꝰ q՚ de bn̄ tiēgnent la voie
Caramiendꝛe ie ne poꝛroie
Donner de pꝛis ⁊ de nobleſce
/Madame desnoꝛmās ducheſce
A voꝰ diz ie ne cuit m'eſpꝛendꝛe
⁊ chaſcun le puet bn̄ entendꝛe
Qⁱ ont les nōs ⁊ labonté
Q՚ voꝰ auez agñt plenté
P˞ quoi ma dame entendez
Ceſtui romanz ſi eſt nōmez
L'arbꝛe d'amours ⁊ ꝑ bō dꝛoit
Car nulz amanz q՚lz q՚ il ſoit
Ne poꝛroit viure ſeul .i. iour
⁊ du fruit la douce ſauoir
Re conſtoit ⁊ l'a merture
Mais ie voꝰ conte l'auenture
De l'arbꝛe q՚ auint amoi
Oꝛ entendez en bōne foy
Car autrem̄t ie ne le dis
⁊ plaiſe aur՚e haut pꝛis
Au ſauoir ⁊ alaraiſon
D'amend՚ ſi ya meſpͥſon
En mes diz ne bourde ne faute
⁊ diex voꝰ doint honneur t՚s haute.
Ioie d'amis ⁊ de ſeignour
Q՚ voꝰ auez ⁊ vraie honneur
Aiez toꝰ .ij. a toꝰ vos temps
⁊ ſi voꝰ gart vos chiers enfāz
⁊ tuit aiez apꝛés la moꝛt
Paradiz q՚ſt le vrai cōfoꝛt
Li qⁱex vaut plꝰ qu'argēt nioꝛ
LA ou chaſcuns asō treſoꝛ
yluec eſt sō cuer atoꝰ diz
⁊ poꝛce q՚ ie ſui amis
⁊ me treſoꝛ ſi eſt madame
Mapensee mō cuer ⁊ m'ame
Eſt enli ſur toute autre rien
⁊ qñt ie ne veul autre bn̄
Foꝛs tant ꝯme le bn̄ d'amo˞s
P˞ ce ypenſe nuiz ⁊ iours
De urai cuer ⁊ de vraie ētēte
Mes ꝯ bn̄ que de voir ie ſente
Q՚ ali ne ſui cōmunaulz
Pꝰ q՚ de lui ie ſui vaſſaux
⁊ tout m'a fait a ſoi venir
De cuer li ferai sō plaiſir
Toudiz auant ſanz rebout՚
Se ie ne pꝰ du tout acler
Au mains y ſera ma pensee
Dont pꝰ ie ai la deſtinee
Q՚ amour m'a a ſoi choiſi
⁊ tout ꝑ ſa bonne m՚ci
Nō pas pour bn̄ qⁱ enmoiſoit
Foꝛs ſeult q՚ loial ſui adꝛoit
Ēvers li ⁊ ſanz fauſete
S'ila en moi tres bn̄ pꝛouue
Qñt de l'arbꝛe ou ſont li fruit
Des bn̄s des maꝰ q՚ n'ōt pas tuit
Meng՚ me fiſt de toꝰ ſanz faute
Tāt que ala bꝛanche plꝰ haute
Mont՚ me fiſt iluec menioi
Des fruiz q՚ oꝛendꝛoit diroi
Q՚ font p՚mier les vraiz amāz
L'Anee .Mil.CCC. ans.
Quarante ⁊ cincq celle ſaisō
Q՚ eſt la incarnation
Du uray dieu nr՚e creatour
Le mois la ſemaīne et le iour
Q՚ /.s՚. geoꝛges pour dieu moꝛut
.xx. ⁊ .iij. iourz en auril fut
Qñt il recut lamoꝛt cruel.
Li temps eſtoit ⁊ cler ⁊ bel.
⁊ tres douce la matinee
Qu'ē moi vint la douce pensee
D'amours penſant toudiz ali
Qⁱ a mō cuer mō coꝛs ⁊ mi
MAis poꝛ miex mō aaiſe auoir
De bn̄ penſer amō vouloir
Tout ꝑ moi m'ē alai iouer
A .i. biau bois q՚ ie nōmer
Ne veul et par bōne raiſon
Car ie donroie achoiſon
De fol parler ꝑ auenture
La rouſee ſur la verdure
Eſtoit car le ſouleil encoꝛs
Ses rais ſains ne boutoit hoꝛs
Car de l'aube eſtoit la fin
Chaſcun oiſel en ſon latin
Chantoit ꝑmi le v՚t boſcage
Mais ie cuit bn̄ qu'ē leur lāgage
Chaſcuns chantoit ꝑ amouretes
Rouſſignoulz melles alouetes
⁊ toꝰ ceulz duboiz cele fie
Chaſcūs faiſoit ſamelodie
De liece d'amours tres gñt
⁊ moi meiſmes de leur chant
Eſtoie trop foꝛm̄t jolis
Car ꝑ leur chant m'eſtoit auis
Q՚ chaſcun oiſiaus cōnoiſſoit
La douceur q՚ mes cuers auoit
De ma pensee amoureuſe
La foꝛeſt eſtoit gracieuſe
Clere d'arbꝛes tres bn̄ fueilliez
Ie alai auant tout adez
Tant q՚ fu p՚s d'une cloſure
Mes point n'i ot de couu՚ture
Haute fu ⁊ tres bn̄ fremee
De pierres de marbꝛe ouuree
Mes chaſcune sō oeuure poꝛte
⁊ ie ving tout dꝛoit ala poꝛte
Q՚ fermee n'eſtoit point
Car ia vis l'eure ⁊ lepoīt
Q՚ nus chlr՚s l'auoit ouu՚te
Mais ꝯme fox moi mis aꝑte
Qñt ie entrai de denz le mur
Le chl՚r qui bō eur
Avoit nonz fu en gñt effroys
Mes ꝯme humbles ⁊ courtois
Diſt biaꝰ amis trez bn̄ veīgnāt
Sire fis ie ioie tres gñt
Vꝰ doint li rots poiſſāz duciel
Car onq՚s ch՚r ſi bel
Si gracieus ne ſi faitis
Ie ne vis en neſun pais
TRes douz ſires mes ſ'il vꝰ plait
Ꝑdonnez moi ſe i'ai foꝛfait
S'entrai ſeanz ſanz vo congié
Amis ne voꝰ ſai poīt mal gré
Moi meiſmes en ai le toꝛt
P˞ aler iouer en de poꝛt
Auoie ouuerte la poꝛte
Mes puis q՚ diex ⁊ vr՚e ſoꝛte
Veult q՚ voꝰ ſoiez ca venuz
Venez o moi car autre nus
Ne a ceans foꝛs q՚ ma dame
Mais ie me doute trop ꝑ m'ame
Q՚ ne ſoit de moi courouciee
Mais ſe vous l'auez acoītiee
Ie croi qu'ē aura gñt plaiſir
HE tres douz ſires p˞ moꝛir
Ie ne yroie plus auant
Se voꝰ blaſme en auiez gñt
Ꝑ noi ne noiſe ne courous
Amis ſe eſtes amourous
De cuer loial ſanz fauſſeté
De ma dame i'en aurai gré
Car ſouurain plaiſir en aura
Sire pour dieu me dites ia
Qⁱ eſt y celle vaillant dame
Amis ce eſt amours ꝑ m'ame
La plus poiſſāt ⁊ la meillour
Ap՚s ſa ſuer qui eſt honnour
Amis fis ie dous ſires chiers
Ie l'ai ſeruie volentiers
Plus de .x. ans ml՚t loiaum̄t
⁊ li penſers q՚ de li pꝛant
Moi fiſt venir y ceſte voie
Trez douz amis i'ē ai gñt ioie
Alonz ali voꝰ le verrez
Bn̄ croi q՚ voꝰ la connoiſtrez
Pꝰ qu'autre fois l'auez veue
PArmi la pꝛaerie dꝛue
Noꝰ alames iuſq՚s bn̄ haut
Oꝛes li ſolaux eſtoit chaut
Qⁱ ot treſtoute la rouſee
De l'erbe du v՚t pꝛe leuee
Iluecq՚s couroit .i. ruiſſel
Bn̄ cler ꝑmi le pꝛe tres bel
Nous alames toꝰ iourz auāt
Ꝑ la pꝛaerie atant
Q՚ veniſmes ala fontaīne
Clere ſautelant ⁊ ſeraine
⁊ ou mi lieu ſi fu plantez
Vn gñt arbꝛe q՚ ne vi mez
Ne anulz homs plꝰ ne auint
Sanz plꝰ de banches avoit vint
Ē chaſcune bꝛance .i. fruit
⁊ des gueilles ꝯme ie cuit
Ē la bꝛanche vne ſanz plus
Tres la raſcine juſques ſus
Futres verde vne partie
Branches fueilles li fruis ne mie
Mais cuers rouges d'une coulō
⁊ de l'autre ꝑt tout autour
Furent les fueilles ⁊ les bꝛāches
Seches d'amo˞ ⁊ toutes blāches
Les cuers aſurez tout ꝑ mi
Ce fu la guiſe q՚ ie ui
Ne plꝰ ne maīs tout ditez fuer
Mais ſus le plꝰ haut .i. cuer
Moitie rouge ⁊ moitié pers
Onq՚s cuer ne vi plꝰ diuers
De beſte d'ōme ne de fem̄e
Au pié de l'arbꝛe fu la dame
Ē piez en a puiāt ſ'eſchine
Dez pꝛez tenoit alaracine
De (l'yaue) l'arb՚ ē l'yaue ꝑ fōt
Sus ſa teſte poꝛtoit amōt
D'argent vne noble courōne
Sa robe eſtoit riche ⁊ bōne
D'aſur ⁊ de rouge tres bele
Ml՚t faitiſte ⁊ ml՚t iſnele
⁊ de biauté tres pariſſant
Tantoſt con ie la vins deuāt
A genoꝰ humblem̄t me mis
Ēcliniant mateſte li dis
Douce dame leſauueour
Vꝰ croiſſe ioie ⁊ honour
A voꝰ ⁊ atoꝰ ceuz q̃mez
A nus bōne ꝑt en auez
Car ie voꝰ aim ⁊ leuez sꝰ
Mais pꝰ q՚ yeſtes ca venꝰ
I'en ai plaiſir bn̄ dire los
Mais q՚ fait vr՚e doꝰ repos
Ꝑ quoi auez amour ſigñde
Tres foꝛt a voꝰ ſe recōmande
Ma dame ⁊ ſi vous ſalue
Amis ſe o voꝰ fuſt venue
Ml՚t me pleüſt ie le voꝰ di
Car de ceſt arbꝛe q՚ſt yci
Ou ie me ſouſtiēg oꝛe toute
Ne demouraſt ne graī ne goute
Q՚ ne mengaſt de chaſcū fruit
De ceulz qui en l'arbꝛe sōt tuit
Car nulz cuers ne puet am՚ bn̄
S'il ne mē gue du fruit mien
De toꝰ les bons ⁊ les mauez
Mais pꝰ q՚ſtes venꝰ ſipꝛez
De moi pour vo cuer aſſier
Ie voꝰ pꝛi q՚ veilliez mēgier
De chaſcū .i. pou nō pas tout
P˞ ſauoir la ſauour el gout
Oꝛes qñt auez ſi bon a aiſe
MA dame dōt ne voꝰ deſplaiſe
Oꝛ me dites choſe c՚taine
De l'arbꝛe ⁊ de la fontaīne
⁊ de la vr՚e contenance
Ie ne ai mie laſcience
Q՚ ꝑ moi le puiſſe ſauoir
Se voꝰ ne m'ē dites le voir
AMis entendez de urai cuer
voꝰ ſauez honno˞ eſt maſuer
⁊ ie ſui loiaum̄t amours
La deeſſe des amourours
⁊ donnez treſtout ē ſamble
Mais aucune foiz moi deſſāble
Si ꝯme veul ⁊ pluſeurs fois
Vꝰ recoꝛde en mi du bois
Qñt armes ⁊ amours y furēt
Car ꝑ l'a coꝛt ꝑlem̄t hurent
Mes .ij. ſuers ⁊ ſauez la guiſe
Qⁱ eſtoit entre la deuiſe
Mais qñt ie fui ꝑ moi ſeulete
Vez ci ma vie la plus nete
⁊ la meillour car autrem̄t
Ie n'ai la vie ˞ppꝛement
Foꝛs q՚ de l'arbꝛe ou (ie) ſui ie
L'arbꝛe ſi a non volante
Ou ie m'apuis de meſchine
Amours voꝰ ſauez q̃mo˞s fine
Ꝑ volenté anouriſſon
Qñt volenté eſt ſus raiſon
Tel ſcet du tout q՚ ie le ſui
Mais ſanz volenté ie de fui
La ou raiſon li eſt ſouuraine
Mes ſouffrance eſt lafōtaine
Ou l'arbꝛe croiſt ⁊ vit toudis
⁊ moi auſſi biaus doꝰ amis
Ne ſauez bn̄ dōt q՚ ſouffrance
Volenté nouriſt q՚ ne tence
Car ſouffrāce la tiēt toꝰ iours
⁊ nouriſt moi qͥ ſui amours
Qⁱ p˞ bn̄ ne p˞ neſun malz
Ne me deffent tant eſt loialz
Cuers d'amans fait venir ē haut
Dont moi ne l'arbꝛe riē ne vaut
Se dont ſouffrāce enterine
Touiours ne eſt ala racine
Cuer ſanz ſouffrance ne vait riēs
Car de moi ne aura nulz bn̄s
De la fontaīne ꝑ raiſons
Sauez ⁊ de l'arbꝛe les nons
ORes amis voꝰ faut mouſtrer
Les fruis de quoi voꝰ faut taſt՚
De l'arbꝛe ⁊ ſelonc mes lois
Pꝰ me dites ſe autre foiz
Auez mēgie auec ma dame
Ie croi qu'oil aſſez ꝑ m'ame
Qu'autrem̄t amoi ne fuſſiez
Ne des fruis mēgie ne euſſiez
Oꝛ regardez en l'arbꝛe ſus
Veez les fruiz q՚ pendent ius
Yceulz mauuais ⁊ tres ſurs sōt
Mais ceꝰ qͥ regardēt amōt
Yceulz ſont tres delicieus
⁊ au meng՚ ſouefs ⁊ dous
Mes .i. arbꝛe les fait toꝰ neſtre
⁊ li mauuais ſont aſeneſtre
⁊ li bon adeſtre partie
P˞ ce qu'adꝛoit ie ne ai mie
Les maulz mez ſul ꝑ auēture
⁊ bn̄s ꝑ dꝛoit ⁊ ꝑ nature
Pour ce chaſcun eſt aſaꝑt
Mais les arbꝛes chaſcū dept.
VÉ ci la bꝛanche De biauté
Le frui plaiſance De bon gré.
Mais le fueille ſi eſt ioineſce
La bꝛanche qͥ tant moi adꝛeſce
Prenez du fruit ſientaſtez
⁊ ce qu'ē ſentreez apꝛez
Sile me dites sāz de lai
La bꝛanche pꝛis du fruit mēgai
Si douz ſi ſouef ſi plaiſant
Douz augouſt ⁊ bn̄ oudourāt
⁊ delicieus p˞ mengier
Certes ne pooie cuidier
Qu'ē huſſe aſſez ama pensee
D'une tres gñde charretee
Encoꝛe en vouſiſſe plus
Car de ſi doꝰ ne menga nus
Se du meeſmes ne mēga
⁊ amours diſt oꝛ dites ia
Eſt doꝰ li fruiz q̃uez taſte
Oil tres douz dame fis ge
Mes ie voꝰ di c՚tainement
Car i'ē ai mēgie bn̄ ſouuēt
Pꝰ q՚ ma dame ie amai
Car loꝛs amer ie ꝯmencai
Qñt vi la fueille v՚delete
⁊ la bꝛanche bele ⁊ nete.
⁊ qñt mēgai du fruit ſi doꝰ
Ie ꝯmēcai venir vers voꝰ
Amis voirs eſt q՚ biauté fait
Les cuers leuer pꝰ les atrait
Ꝑ la ioneſce dont ꝯmence
A meng՚ dufruit de plaisāce
Qñt biauté eſt ſi bn̄ garnie
De ioneſce de gc̃e flourie
⁊ de plaiſance le fruit poꝛte
Q՚l meſchāt cuer ſe desꝯfoꝛte
D'aler auant toudiz u՚smoi
Ie ne voi pas raiſon poꝛ quoi
APrés ie voꝰ pꝛie amis
Q՚ faire veilliez ce q՚ dis
Venez de ca ala ꝑtie
Ou l'arbꝛe apetit de vie
Si taterez dumauuais fruit
Liquiex n'eſtpas ꝯme ie cuit
Si doulz ꝯme eſt li pꝛemiers
L'amena moi li chl՚rs
Ꝯme courtois ⁊ ie y alai
A celle bꝛanche m'adꝛecai
P˞ pꝛendꝛe du fruit amō veil
Celle bꝛanche ſi fu d'oꝛgueil
⁊ la fueille ſi fu deſpit
Li fruis ne fu mie petit
Ml՚t mauuais ce fu desꝯfoꝛt
A poi q՚ tantoſt ne fumoꝛt
Qñt ie du fruit mis ē ma bouche
Car iuſq̃ cuer malem̄t touche
Ytant eſt il amer ⁊ ſur
⁊ loꝛs ſ'ein vint foꝛs bō heur
Qñt moi vit faire laide chiere
⁊ diſt gardez ma dame chiere
Ꝯme ceſt fruit lieſt amer
Amo˞s diſt qⁱ bn̄ veut amer
Qñt de ceſtui mengie aura
De ceſte yaue lauera
Sa bouche ml՚t ſouuēt apꝛés
Car ſouffrance deſtruit adez
Oꝛgueil deſpit qͥ bn̄ en boit
Mais dites reſpondez adꝛoit
Autre foiz en mēgaſtes point
Oil dame tant qu'ē mal point
Ē fui ⁊ toꝰ deſconfoꝛtez
Car gñt oꝛgueil ⁊ cuer ēgrez
Trouuaige ⁊ guiſe hautaīne
⁊ ſi m'iſt eſté la fōtaine
Li fruis m'eüſt ia fait moꝛir
Amis voꝰ ſauez ſanz mentir
Q՚ oꝛgueil de cuer ⁊ deſpit
Aus amans point ne fōt ˞pfit
Foꝛs q՚ tāt q՚ miex endurer
Seuēt les maulz q՚ fais poꝛt՚
Miex aimēt decuer ⁊ plus foꝛt
Car la fontaine fait ꝯfoꝛt.
Qⁱ en boit ſouuent nuit ⁊ iour
Car ſouffrance nourrit amo˞.
MEs pꝰ amours me ꝯmanda
⁊ diſt reuenez ꝑ deca
L'autre bñche tantoſt p՚ndez
Mēgiez du fruit ſime ꝯtez
S'il vaut tant ꝯmeleſecont
Ie me dꝛecai tantoſt amont
Qñt venꝰ fui de l'autre ꝑt
Mais la bñche de doꝰ regart
⁊ la fueille de toꝰ ſouſpir
Li fruiz tres biax ſi fu de ſir
Bn̄ meur eſtoit ⁊ bn̄ gros
Mais pour c՚tain bn̄ dire l'os
Q՚ au gouſt il eſt douz ⁊ foꝛt
Qⁱ en mēgue petit doꝛt
Car la ſaueur le cuer eſueille
Tant eſt trēchant q՚ m՚ueille
Qñt le cuer tout outre ne ꝑce
Mais la douceur eſt tres diu՚ſe
Q՚ eſt a la foꝛte meſlee
C'eſt fruit ſi oſte la pensee.
⁊ les yex fait il eſclarcir
V cuer engendꝛe toꝰ ſouſpir
Si toſt ꝯme il eſt mengiez
Qñt duregart entremellez
D'umble ſamblant ⁊ de biau vis
D'uyl gros fenduz riāt traitis
Ent՚ vuer au regarder
Q՚ eſt aſon dꝛoit cop lancer
Vn peu tournāt auq՚s eſpars
Ceſte bñche eſt doꝰ regars
Qⁱ la fueille de douz ſouſpir
Fait croiſtre en fruit de deſir
Amo˞s me diſt p՚ndez bn̄ gr̃de
Ceſte bñche q՚ le cuer larde
⁊ li fruiz tres delicious
Aus amans doit eſtre tres doꝰ
Pluſeurs foiz en mes taſte
Ma dame voir moꝛs fuſſe ie
Se le dous fruit mēgie n'euſſe
Car p˞ nulz malz q՚ ie euſſe
De couroꝰ ne d'autre diffame
Qñt venoie pꝛez de ma dame
P˞ la bñche poꝛ le doꝰ fruit
Mes courous ſ'ē aloiēt tuit
Tant eſtoit mes cuers eſiois
P˞ les douceurs poꝛ les deliz
Q՚ de cel fruit adez auoie
Tant ꝯ ma dame ie veoie
BIaus dous amis de ca venez
D'autre ꝑtie ſus montez
Si verrez du fruit q՚ ſera
Qñt voꝰ mengie en aurez ia
Car il eſt bn̄ d'autre ſauour
Ie paſſai l'arbꝛe tout autour
⁊ pꝰ pꝛis la bñche ſeconde
Qⁱ de vil fruit tres foꝛt abōde
De l'arbꝛe ouie fuis p՚mier
⁊ la bñche qⁱ eſt dangier
Tiray u՚s moi legierem̄t
Male reſponſe durem̄t
Fu la fueille ce ſachiez voꝰ
Limauuais fruis ſifu couroꝰ
Oſcur de coulour aſuree
Tant eſtoit dur q՚ de m'eſpee
A gñt paine de bꝛiſie l'ai
De celui fruit biau cop mēgai
Car ie cuidai q՚ fuſt ſi bō
ꝯ li autres ⁊ de ſaiſon
Mes il fu tres ſur ⁊ amer
Plꝰ maulz au gouſt q՚ nus am՚
Si ſur ſi mal ſade ne fu
Mais autre foiz i'en ai eü
Ꝑ quoi ne me fuſt ſi eſtñge(s)
Loꝛs diſtamo˞s eſt ce bō change
De doꝰ regart ⁊ de ceſtui
Amis ie croi q՚ de celui
Vaudꝛoit miex mēg՚ aus amis
Mes toutes foiz n'eſt pas ꝯplis
Se treſtoꝰ les bn̄s ⁊ les maulx
Ne ſet pꝛendꝛe toꝰ ꝯmunalx
Dang՚ eſt oꝛt ⁊ tres mauuais
Dont maīt couroꝰ sōt engēdꝛez
Dangier ſieſt dur ⁊ ſauuages
Dang՚ eſt vilaīs en langages
Dang՚ en faiz n'eſt point courtois
P˞ quoi le cuer tiēt en effroiz
De celui q՚n la bꝛanche mōte
Diex q՚l pechié ⁊ q՚le honte
Eſt d'un vrai ami deſirant
Qñt dame pꝛie humblem̄t
⁊ d'amours li fait ſareq՚ſte
Cuide trouuer ioie ⁊ feſte
P˞ doucement ali pꝛier
Elle ſi li fera dangier
Car de sō mal poīt ne li chaut
Mal sāblāt li fait de cuer haut
Male reſponſe ⁊ tres dure
Dont li amans gñt mal ēdure
⁊ mengue fruit de courouz
Dont vit toꝰ triſtes ⁊ hontouz
Mais ſouffrance douce fōtaine
De ceſt gñt mal tout ami ſaine
P˞ quoi l'auez voꝰ vn petit
Et de dangier aurez reſpit
APrez amours ꝑ courtoiſie
Me diſt ca al'autre partie
Ē la chambꝛe .i. pou plus haut
Qⁱ aus amans entoꝰ tēps vaut
Ie mōtai ml՚t aꝑptement
Sus la bꝛanche de hardem̄t
Dufruit volu tantoſt haper
Mes ne pooie tant leuer
Mamain ne ſus en haut eſtēdꝛe
Q՚ du fruit ie pouiſſe pꝛendꝛe
P˞ quoi plꝰ auant ie alai
La fueille verde auiſai
Qⁱ d'amour fu humble req՚ſte
Li fruis qͥ ꝯfoꝛte la teſte
Ce fu d'amo˞s tres doꝰ acoꝛs
Ceſtui eſt douz ⁊ nō pas foꝛs
P˞ quoi il me fu plus plaiſanz
De gñt fain ie empꝛis aus denz
Villainem̄t agñz moꝛſiaux
P˞ peler peler n'imis nulz couriaux
Car du meng՚ auoie haſte
Toſt eſt ſaoul qͥ ſeul entaſte
Mais amours loꝛs me demāda
Amis eſt bon ne penſez ia
Q՚ a voꝰ avoit bn̄ beſoing
Car voꝰ ſauez chaſcū eſt loing
De moi ſe ne a hardem̄t
Car aucun ſont qͥ uiſſement
A la dame que ameront
Leur cuer mouſtrer ne oſeront
P˞ doute ne ſeuent de quoi
Nes ſ'il eſtoient enrequoi
Sāz neſun plꝰ toꝰ .ij. ē ſamble
Il li ſoufiſt q՚ sō cuer tramble
Ytant eſt honteux ⁊ ꝑ dus
⁊ p˞ ce il ꝑdꝛa le plus
P˞ ce ne mēguēt pas tuit
De ceſte bꝛanche le doꝰ fruit
Ne la fueille d'umble req՚ſte
Pis vaut vns amās c'une beſte
Se aucuer hardem̄t ne a
Ma dame de moi ſauez ia
Q՚ pluſeurs foiz en ai taſte
Car autrem̄t moꝛt fuſſe ie
Tant ꝑ eſtoie paourouz
Deuant ma dame ⁊ hontoꝰ
Q՚ le bn̄ q՚ ie li vouloie
Dire poꝛ riens ne lioſoie
Gardez ſe ie mal li vouſiſſe
Ꝯment ˞p riens ie li deiſſe
Mes voꝰ amour qñt cuer p՚ndez
Aus paouroꝰ tant les laſcez
Q՚ foꝛce d'amo˞ loꝛ fait honte
P˞ ce amis celi qui monte
Sus ceſte bꝛanche ou plꝰ haut
Du fruit maīguſſe ne de faut
Mais vait auant sāz chiere t՚ſte
MEs pꝰ ap՚s amour tres viſte
Me diſt amis de ca venez
⁊ d'ū autre fruit toſt pꝛēdez
D'une autre bñche q՚ſt ꝯt̃ire
Car ceſte fait fuir ⁊ taire
La ou l'autre feroit ꝑler
Sꝰ la bñche me fiſt mont՚
Mauuaiſe ce fu de paour
Limauuais fruis fu de dolour
La fueille honte q՚ mal vi
⁊ ſi font maīt autres auſſi
Car auſſi toſt ꝯme ē mēgai
De paour tātoſt m'effreai
Sious le cuer dure ⁊ eſtraīt
Tramblai ⁊ fui pales ⁊ taīt
De l'angoiſſe de l'a m՚ture
Car la ſauour eſtoit ſiſure
Q՚ pꝛés cuidai eſtre paſmez
Qñt amours me diſt deſcēdez
Biax doꝰ amis car ie voi bn̄
Q՚ tel fruit p˞ voꝰ ne vaut rien
Il eſt ſur amer ⁊ ſauuages
⁊ ſi trouble toꝰ les lāgages
De bn̄ dire ſa volenté
Tant eſt vil plaī de mauueſte
P˞ ce gñde douleur il poꝛte
Qñt au pꝛier ſe des ꝯ foꝛte
Q՚ de honte eſt ſieſbahiz
Autre paour eſt ⁊ fair piz
⁊ qⁱ fait croiſtre la dolour
Regard՚ toudiz le honnour
De ſa dame ⁊ puis de ſoi
Yceſte vient de bonne foy
Qñt on puet p՚ndꝛe maīt plaiſir
Ou chaſcū poꝛroit ꝯſentir
Soi retrait ou ꝑ la diffame
Auoit de ſoi ou de ſa dame
Dōt la fueille croiſtroit de hōte
P˞ quoi le fruit de dolour mōte
Qñt le gñt plaiſir ſe retrait
P˞ ce q՚ nulz honte n'i ait
Auez voꝰ mengie de chaſcū
Ouil dame tout m'eſt ꝯ mū
Mais liſecons m'afait anui
P˞ ce q՚ paourous ie fui
Oꝛ me faut gard՚ la honnour
De ma dame cele paour
Maītes foiz m'a volu greuer
Se me faiſoit bn̄ le lauer
De la fontaīne de ſouffrance
Oꝛes oiez d'une abſtinence
De trop mēgier de cel vil fruit
Sirez auant ꝯme ie cuit.
Se coulez me faiz de cuer p՚ndꝛe
DOnt veilliez moi de cuer ētēdꝛe
⁊ faites ce que bon ſera
.I. autre fruit a par de la.
Qⁱ eſt tres douz ſi mōtez ſus
Ne laiez mie en refus
Yci mōtai poꝛ faire sō veuil
Sus la bꝛanche de belacueil
Qⁱ ſon biau fruit ſus en haut dͤce
Bn̄ rouges ⁊ ce fu liece
⁊ la fueille ſi fu baudour
Onq՚s fruis demieudꝛe ſauo˞
Ne mengai ne de meilleur gout
Ēcoꝛ mengie l'euſſe tout
⁊ fuſt .iij. fies plus gñz
Car ſiliez en fu ⁊ ioianz
Tant ꝯme fu ſus celle bꝛāche
Q՚ la tres gracieuſe bñche
Ie cuidai vëoir vis auis
Amours moidit ē sō biau ris
Biax doꝰ amis n'eſt pas aſſez
N'eſtes encoꝛes ſaoulez
Ma dame ꝑ ma foi nennil
Se ie eſtoie ſus ans Mil.
⁊ a touz diz du fruit mēgoie
Point ſaouler ne m'ē poꝛroie
Ytant eſt douz ⁊ bon ⁊ bel
Nō poꝛqñt ne m'eſt poīt nouuel
Car pluſeurs foiz en ai taſte
Mais nō pas amavolenté
Amis cel fruit qⁱ eſt lieſce
Hoſte de moi toute triſteſce
P˞ c'eſt la fueille de baudour
Qñt vns amans vrai ſeruitour
Ꝑ deuant ſa dame il vient
Veoir ꝑler ꝯme aꝑptient
Ꝯme humbles liax amis
⁊ la dame en ſon cler vis
De ſon tres gracieus ꝑler
Ou de touchier ou d'acoler
Li feſtiera a pꝛeſent
Eſpoir ſ'il puet celeem̄t
Li donra baiſier amourouz
⁊ de ſes bꝛaz tres graciouz
Foꝛt ⁊ eſtroit l'acolera
Enregardant ſoupirera
⁊ pꝰ .C. foiz bn̄ ſaouler
D'un tres douz ⁊ humble ꝑler
En ſouriant a chiere lie.
Ce eſt belacueil de ſ'amie
Qⁱ amie ⁊ faire la puet
Mais ſe yce faire ne veult
On ne puet foꝛs q՚ ꝯmunaux
Dueil de bouche ꝯme loiaux
Face ſignes q՚ a plaiſance
Qñt li amans voit ē p՚ſence
Car la bꝛanche de bel acueil
Ne veut dang՚ ne haut oꝛgueil
Lieſce fueille de baudour
Ē la bñche ſi eſt tout iour.
ORes amis de ca venez
⁊ vne bñche toſt pꝛendez
Sus ycelle q՚ monterez
Du fruit de cele mengerez
Mes mēgie ē auez ſouuēt
Loꝛs montai ſus aꝑptem̄t
Ē la bñche ſus le plus haut
Qu'eſtoit de a aiſe tout deffaut
Triſtreſce fu le fruit puans
La fueille ſi fu lieu ⁊ temps
Du fruit mēgai tres venimoꝰ
Sur ⁊ amer malicious
Tant q՚ enꝑfōt du cuer touche
Mes ſi toſt q՚ fu en ma bouche
A poi a terre ne chay
Tant en mēgai q՚ eſtourdi
Iusqu'a la t՚re vins paſmez
Le chl՚r dit moꝛt l'auez
Ma dame ce eſt gñt pechié
Eſt dont ceſt fruit envenime
Nenil nenil ne doutez point
Mais l'amerte v cuer le point
Siq՚ treſtouz eſt eſtourdiz
Getez de l'yaue ſus ſon vis
Pꝰ li frotez a vr՚e main.
Garis ſera tout pour certain
Lichlr՚s de l'yaue pꝛiſt
Sꝰ mon viſage toſt enmiſt
De pꝰ tournai de paſmiſon
Mes ie ne ous pas gariſon
Du chëoir car ml՚t fui bleciez
Tant me doloient mez coſtez
Q˜ paines moi pos releuer
Mes deuāt ſoi me fiſt bouter
Amours en la clere fontaine
Qñt machar funette ⁊ ſaine
Si ſailli hoꝛs de puis me diſt
Ꝑ celui ſeignour qui moi fiſt
Amis de voꝰ ai ie merueille
Vꝰ fuſtes ia en la pareille
Branche po˞ c՚tain qu'eſt yci
⁊ du fruit mengaſces auſſi
⁊ la fueille auez tenue
Oꝛ ſ'eſt la dolour tāt creue
Plꝰ q՚ onq՚s ne ſai pour quoi
Madame entendez amoi
Qñt ie mengue a la fie
Ml՚t froꝛt me croiſt melācolie
Ꝑ le mal q՚ tant moi deſtraint
Q՚ de doulour ſui ſi ataint
Dumauuais mal qͥ n'a pareil
Q՚ de moi ie ne ſai conſeil
Pꝰ voꝰ dirai poꝛ quoi ꝑ m'ame
Qñt ie ai l'a mour de ma dame
Elle de moi a chaſcun vuet
Faire plaiſir tant qu'ele puet
Doꝰ amiables pour amour
Eſt ou monde pire doulour
Q՚ ce qu'eſtoit nr՚e leeſce
Dont vient li fruiz de la triſtrece
Q՚ la fueille ſcet bn̄ garder
⁊ la bꝛanche fait meurer
Qñt le mal double c'eſt tout bn̄
Ie l'ai par moi ſi ai le ſien.
UOir dites amis leuez ſus
Ē la bñche plꝰ haute mōtez
Mes qñt reuendꝛez moi ꝯtez
Celui fruit q՚ y mengerez
Plꝰ chier q՚ ceſtui l'auerez
Sus la bꝛanche montai aꝑt
Le fruit vi cler adeſcouuert
De biau maītieng ce fu de gc̃e
Le cuer m'eſchaufa ⁊ la face
Tant fu plaiſant ⁊ de bon gré
La fueille c'eſtoit honneſte
Qⁱ eſtoit tres bn̄ pꝛés du fruit
Ie en mengai a gñt deduit
A gñt plenté poꝛ la ſauour
Plaiſant ſouef plain de douco˞
Au m aingier fu tres amiables
Les cuers des amans fait eſtables
Qñt ꝑ plaiſir homs ē mengue
Ce eſt vns fruis q՚ de venue
Eſchauffe le cuer ⁊ le coꝛs
Amours moi dit ē riant loꝛs
Ē mengaſtez onq՚s ꝑ foꝛs
Oil ma dame pluſeurs fois
Tant ꝯ ie fui p՚z de ma dame
De ce auoir al'ons ⁊ fem̄e
Ꝯbn̄ q՚ toꝰ autres bn̄s face
Biau maītieng honeſte ⁊ gc̃e
Si a elle a gñt foiſon
Amis c'eſt dꝛoite noꝛriſſon
P˞ cuers d'amans nourrir ⁊ t̃ire
Ne eſt dont tres bel exāplaire
Qñt .i. coꝛs grailles lōs ⁊ dꝛoit
Veſtus faitiſſem̄t eſtroit
⁊ coītem̄t bn̄ atournez
Les piez ala guiſe chauciez
De biau parler ſi ameſure
Gaie honneſte pourtraiture
Sieſt dꝛoit ⁊ plain ſon aler
Ē lui ſcet rire ⁊ iouer
⁊ au beſoing ꝯſeil bn̄ donne
Qñt ſet ſouffrir toutez ꝑsōne
Humble en fait plaiſanz ēdis
⁊ au beſoing ſieſt hardiz
⁊ bn̄ ſcet celer ſon courous
⁊ p˞ nul bn̄ n'eſt oꝛgueillous
Ce eſt de biau maītieng la vie.
SAns dout՚ venez ceſte fie
Ē la bꝛanche q՚ſt ꝑdeca
Mēgiez dufruit trop enya
Bien eſt fermee a la ſouche
La bꝛanche ſi eſt male bouche
La ſeche fueille eſt envie
Li fruis mauuais dōt eſt g˜nie
A anon male renōmee
Noirs fu de coulour azuree
Vil puant oꝛd ⁊ mal flairant
Au meng՚ ſi me fu ſamblāt
Q՚ vil eſtoit ⁊ tres pourris
Ytant fu puans ⁊ hōnis
Q՚ ſi toſt ꝯme ē os mēgie
De mes yex ꝑdi la clarté
⁊ de doulour tres foꝛt trāblai
Tantoſt hé chl՚r huchay
⁊ dis me ſire bon heur
Venez amoi tout aſſeur
Aidiez moi poꝛ la dieu m՚ci
Ie ſui ꝑduz ai mi haymi
Car ie ne voi ne graī ne goute
Amour fu ſi eſbahie toute
⁊ ſi diſt toſt au chl՚r
Montez ſuz alez lui aidier
Car ſ'il cheoit il eſt ſi haut
Il moꝛroit tantoſt de defaut
Li chlr՚s v՚s moi monta
Sus ſon col me miſt ⁊ poꝛta
Ml՚t legierem̄t tout en bas
⁊ ie criai ay mi helaz
Ma dame helaz q՚ ferai
Ma veue perdue ai
Ꝯment aurai ie iamais ioie
Amis la q՚rele ē eſt moie
Se vous auez nulz maulz p˞ moi
Venez vers moi ꝑ ur՚e foy
Lauez de l'yaue maintenant
Sifis ie ml՚t aꝑptement
Mais tantoſt recouurai veue
Ap՚z de l'yaue ay beue
P˞ mon cuer vn pou confoꝛter
⁊ ma bouche me fiſt lauer
P˞ la tres amere ſauour
De latres oꝛde vil puour
Q՚ſt doꝰ le fruit de male bouche
Ou la fueille d'envie touche
Adont moi dit amours sāz faute
Amis ie fuſſe bn̄ plus haute
⁊ plus euſſe renōmee
Se ne feüſt la deſtinee
Du fruit vil oꝛt ⁊ tres mauuais
Toutes fois c՚tes n'ē pꝰ mais
Car mō arbꝛe le veut nourrir
P˞ mal de moi nō p˞ plaiſir
Car mes amis ē pers atoꝛt
⁊ ſe ne feüſt l'yaue foꝛt
De ſouffrance q՚ ml՚t eſt ſaine
Car ou mōde ne a fontaine
Qⁱ plꝰ toſt en puiſſe ſaner
P˞ le fruit qⁱ eſt tout amer
Ie croi maīt en fuſſēt finez
Tant eſt li fruis en venimez
Oꝛes gardez q՚ fait envie
Qñt vais amans ⁊ vne amie
S'entr'ameront bn̄ loiaum̄t
⁊ de urai cuer ꝑ faitem̄t
Celleem̄t ⁊ de bon gré
⁊ en tres gñde loiauté
P˞ moi tuit dui aurōt loꝛ ioie
Male bouche viēt qⁱ deſloie
L'amour laioie le plaiſir
Meſdisāz q՚ diex puit hair
P˞ envie qu'il ont ou cuer.
Diffameront frere ⁊ ſuer
Amis ennemis de chaſcun
Ou en ſecré ou en cōmun
Feront tant ꝑ leur langue ague
Q՚ leur amour ſera ſceue
Du fruit de male renōmee
P˞ quoi l'amour eſt deſcelee
Dont les plaiſirs ſont anulles
Car chaſcuns veut gard՚ adez
La ꝯpaignie ⁊ l'amour
⁊ ſur tout le bn̄ ⁊ l'onnour
Tout ce voꝰ deuez bn̄ ſauoir
Se l'auez taſte dites voir
Hareu hareu dame q՚ dites
Cuidiez voꝰ q՚ i'en fuſſe qⁱtes
Q՚ loiaum̄t toudis amai
Pꝰ q՚ amer ie ꝯmēcai
Du fruit ai mengie tāt ⁊ tāt
Ēcoꝛes doubte ſi /triſtrant
Qu'ē pꝛiſt lamoꝛt ⁊ ē moꝛut
Tant de maus ꝯme moi il vt
Car i'en ai en toꝰ les maus
Les pⁱuez ⁊ les ꝯmunaus
Mais la fontaīne de ſouffrāce
Me donnoit toꝰ iourz paſciēce
Des maus ſi eſtranges ſouffrir
⁊ de vous atoꝰ diz ſeruir
C'eſt la bñche fueille ⁊ fruit
Madame qⁱ plus voꝰ deſtruit
Amis voir dites vraiement
Mais ne puet eſtre autrem̄t
RIen ne vaut de ceſt ꝑler plus
Ē l'autre bñche mōtez ſus
Qⁱ eſt nōmee biau ſamblāt
Sꝰ la bñche mōtai errant
La fueille ſi fu de douz ris
Li fruis qui fu de gñz de lis
De biau sāblāt c'eſt ꝯnoiſſāce
Car biau sāblāt dōne ſcience
Ētre amies ⁊ amans
Mais li fruis fu bn̄ oudourās
Amiables douz ſanz amer
⁊ tres plaiſant au regarder
Car de pꝛez ⁊ de loing ꝯ foꝛte
Au cuer aus yex v՚tu il poꝛte
Sifait les amis eſiouir. de ceſtui ai
Meng՚ aplenté ie vouloie amō plaiſir
Mais la volenté ne fu moie
Car amo˞s en haut me hucha
⁊ diſt amis ne venrez ca
Ou la bñche voꝰ mēgerez
Venez auant ſi taſterez
D'vn autre fruit
Vn pou plus foꝛt.
Hé ma dame voꝰ auez toꝛt
Adez qñt ſui en la ꝑtie
Ou ſont les fruis de toute vie
Ne ſai poꝛ quoi voꝰ me haſtez
Mes qñt mēgue les mauuez
A dont ne me hatez nient
Amis auſſi certainem̄t
Vꝰ y voulez pou demourer
⁊ poꝛce ne voꝰ faut haſter
Car vne heure voꝰ sāble .i. iour
Mais des heures qⁱ ont doucour
L'anee ne vous ſamble heure
La ou le cuer de gré demeure
A neſun iour ne greueroit
P˞ ce voꝰ en auez bon dꝛoit
De demoure sꝰ biau sāblāt
Car la bꝛanche eſt tpͦ plaisāt
C'out lauue nō pas aꝑt
Mes ap՚ſent de dous regart
De chierre lie de douz ris
Mesle ſcet confoꝛter l'amis
Qñt autrem̄t n'i puet ꝑler
⁊ ꝑ biau sāblāt ſcet mouſt՚r
Q՚ plus de gré aliferoit
Plaiſirs de cuere ſ'elle pooit
Encoꝛs ſe ꝑler conuient
Ē appert ſi ꝯme auient
Se plus ne puet vne ꝑole
Qⁱ ſoit d'amoureuſe eſcole
Sanz ce q՚ genz puiſſēt ap՚ndꝛe
A sō ami le face entendꝛe
Si ꝯme ꝑlent maīte fois
Ētre les genz dis de /galois
⁊ ſi ſcet faire ꝯtenance
Ēv՚s l'ami de gñt plaisāce
Sāz dang՚ ⁊ ſanz nul oꝛgueil
Aſſez eſt pꝛez de bel acueil
Ceſte bꝛanche tres gracieuſe
Mes l'autre eſt plꝰ amoureuſe
Douz amis ē mēgaſtes onq՚s
Ma dame ⁊ q՚ fis ie donques
Voire cent foiz ou fuſſe moꝛs
Se de li n'euſſe en ꝯ foꝛs
Ēcoꝛes plꝰ en mēgerez
Qñt voꝰ ſe a dieu plait vēdꝛez
La ou celle eſt de bn̄ garnie
Qⁱ avoꝰ eſt dame ⁊ amie
P˞ certain dame ie le croi
Car ie voꝰ creanz ꝑ ma foy
Q՚ elle eſt adꝛoit aiſtreſce
De biau ſamblant ⁊ de lieſce
ENcoꝛes amours diſt ami
Venez amoi mōtez ꝑ ci
Ē celle bñche qui ſus eſt
Tantoſt de mont՚ ie fu p՚ſt
Si y montai legierem̄t
La bñche q՚ ſi toſt homs p՚nt
Si fu de cuer la jalouſie
La fueille fu de deruerie
⁊ li fruis ſi fu fol penſer
S'en mēgai ⁊ ſi fu amer
Puant ⁊ oꝛt tres vil ⁊ ſur
Noirs fu plꝰ q՚ coulo˞ d'azur
Ie en mēgai a gñt plenté
Mais ce fu bn̄ outre mō gré
Tantoſt ꝯme fu ſaoulez
De rage ie fui foꝛſenez
Car de tant haut ꝯme i'eſtoie
Ie chay ius ē mi la voie
Sāz point de mal q՚ ie ſenti
Mes huchoie atres gñt cri
⁊ rioie ⁊ pꝰ chantai
Pꝰ pꝛins les pierres ⁊lācai
Au chl՚r ⁊ vers amours
Mes li chlr՚s vint le cours
Qⁱ aus bꝛas me pͥſt bn̄ eſtroit
⁊ dit dame ce n'eſt pas dꝛoit
Qñt voꝰ ceſtui voulez tuer
Vne foiz le faites paſmer
Autre foy le faites fremir
Autre deruer autre languir
P˞ quoi li donnez voꝰ triſtreſce
Amour auoit tres gñt lieſce
⁊ ſi rioit poꝛ ma meſchance
Pꝰ diſt ce fruit de couſtumāce
Fait deruer hō qͥ trop en p՚nt
Mais il gariſt des maītenāt
Qⁱ boit de l'yaue de v՚tus
Boutez le liens tout veſtus
Car ſon ſen il re couuerra
Li chlr՚s ens moi bouta
⁊ moi donna d'ū tres gñt cop
Ie n'en pooie auoir trop
Car apaines ie recouurai
Mō ſenz Mes pꝰ qñt m'aviſai
De eus deuz ie fui tres hōteuz
Si ſailli hoꝛs puis de genous
A la dame ⁊ au chl՚r
Reqͥs ꝑdons de cuer entier
De ce que failli ie auoie
Mais la faute ne fu pas moie
Mes du fruit vil ⁊ tres mauués
Ꝑ qui i'eſtoie foꝛſenez
Mes amours qⁱ adez rioit
Moi diſt amis dites adꝛoit
De ceſtui fruit uil ⁊ male ſage
Ē fuſtes onq՚s mais malade
Ha ma dame je voꝰ dirai
Vous le ſauez ⁊ ie le ſai
Tantes foiz i'en fus ſaoulez
Q՚ i'en eſtoie toꝰ deruez
Ma dame ⁊ ne penſez voꝰ
Q՚ ie deuſſe eſtre jalouz
Qñt madame eſtoit ſi bele
Gaie cointe joſne yſnele
Ē fois endiz tres gracieuſe
Car ſur toutes eſtoit fameuſe
De bn̄ complie poꝛ amer
⁊ ie veoie tout au cler
Touz les biaꝰ ⁊ toꝰ les faitis
Q՚ chaſcuns vouloit ſacoītāce
⁊ li veoie ma pꝛeſen ce
⁊ ſi ſauoie puis apꝛés
Q՚ a chaſcun faiſoit adez
Gaie honeſte ꝯpaignie
Aloꝛs me pꝛenoit jalouſie
⁊ mengoie du fou penſer
Car aucune foiz ſon ꝑler
Son regart ne sō biau sāblāt
N'eſtoient enu՚s moi ytant
Plaiſanz ꝯme p՚mier eſtoit
P˞ quoi mes cuers c՚tains cuidoit
Q՚ le ſien feüſt autre part
Ne eſtiez vous dont muſart
Qñt ꝑ cuidier qⁱ eſtoit fous
Souffriez voꝰ ſi ſouuerains maꝰ
P˞ certaī dame fouz eſtoie
Nō pourqñt ala foiz ſauoie
Tout pour c՚tain la verité
Dont me croiſſoit iniqͥte
Car ſon cuer eſtoit tñſmuez
⁊ loꝛs ſi eſtoie deruez
Ce n'i ere ſanz cauſe mie
Voir dites mes aucūe fie
Homs faut bn̄ ⁊ pꝰ ſe repꝛēt
Car cuer qui aime loiaum̄t
Ꝯmēt qⁱl ait vouloir pluſeurs
Dacoītances ⁊ des amours
Toutes fois il tient laracine
La ou l'amour eſt enterine
⁊ ou q՚ le ſien ſoit alez
Touz diz a vous eſt retournez
Our quoi de ce q՚ riēs ne vaut
N'ē ꝑlez plus montez plꝰ haut
De l'autre ꝑt ſi ſaurez voir
Q՚ eſt bꝛanche de bon eſpoir
La fueille ſi eſt attendance
⁊ lifruit de tres gñt vaillance
De la bñche ſi eſt confoꝛt
Sꝰ la bñche me mis tres foꝛt
Dufruit mengai ſi doꝰ ſi ſade
Q՚ ou monde ne eſt malade
S'il pooit meng՚ .i. moꝛcel
De ceſcun mal viel ⁊ nouuel
Seroit garis ꝑfaitem̄t
Bon eſpoir eſt confoꝛtem̄t
D'auoir les bn̄s que l'en deſire
Bon eſpoir ſi eſt le douz mire
Qⁱ gariſt des maulz perillouz
⁊ ꝯfoꝛt ſi eſt li fruis douz
Q՚ ne doute d'auoir toꝰ bn̄s
Mes ſanz la fueille ne vaut riēs
Attendāce ꝯ bn̄ que tarde
Loꝛs diſt amours faut q՚ ie gr̃de
Q՚ vous ne emblez celuifruit
Tant n'auez mengie q՚ ie cuit
Q՚ ml՚t petit en ramandꝛa
Hé ma dame ce q՚ ſera
P˞ quoi me voulez tant haſt՚
Ne m'en poꝛroie ſaouler
⁊ enmēgaſſe nuit ⁊ iour
Ie le croi bn̄ car le meillour
Eſt q՚ nulz homs puiſſe tenir
Qñt ie veul .i. amant nourrir
Ꝑ faitem̄t ſanz nul deffaut
⁊ de moi a ſon cuer tres chaut
⁊ de la ou ama pꝛemier
Il trouua oꝛgueil oudang՚
Ou deffaut d'aiſe qui eſt foꝛt
Bon eſpoir li donne ꝯ foꝛt
⁊ ꝑ la fueille d'atendance
⁊ de moi ioie ⁊ plaiſance
P˞ ce en voulez plus ⁊ plus
Aſſez en auez alez ius
⁊ dites moi ꝑ foy acertes
Se les paines foꝛs ⁊ deſertes
Q՚ amans ſueffre ꝑ ſon dꝛoit
Ꝑ cel fruit ne les ſouffriroit
Tres mieus ⁊ plus legierem̄t
Ouil ma dame vraiement
⁊ de c՚tain ꝑ moi le ſai
Car d'autre foiz mengie en ai
⁊ ſai q՚ i'en os gñt beſoing
Qñt ma dame auoit ſi loing
Son cuer de moi poꝛ mal veillāce
Bon eſpoir ꝯ foꝛt attendance
Me tenoient aloꝛs en vie
⁊ ſi font d'autres maītez fie.
OR alez ſus ⁊ ſi montez
Sꝰ la bñche honte n'aiez
Se eſt ialouſie d'autrui
Ne ſai des maris ou de qui
Li fruiz ſi eſt annemiſte
Contre celui q̃ l'amiſté
Male volenté eſt la fueille
Q՚ nulz amis ie ne croi veille
Ie mōtai haut ſur celle bñche
Groſſe ſeche ⁊ toute blanche
⁊ li fruis hideuz noir ⁊ dur
Touz ioꝛz eſt v՚t n'eſt poīt meur
Puant eſtoit ⁊ mal flairant
I'en mēgai ſi me fu ſamblāt
Q՚ ce fuſt lanier au dëable
De cuer de sāc eſt tñſmuable
Mes ne grieue point la dolo˞
Aucunes fois ſi a ſauour
Qⁱ le mengue ap՚s peler
Mes l'eſcoꝛce ſent trop lamer
I'en parai .i. pou ſ'ē mengai
Mais point amerte n'itrouuai
Avant ytrouuai de douceure
Car l'eſcoꝛce tiēt l'amerture
Ie eſtoie toꝰ eſbahis
Qñt amours ne diſt biaꝰ amis
Oꝛes qñt li fruis eſt mauuais
Vꝰ vous faites huchier adez
Ne vous clamez oꝛés de moi
Dame nō faiz pes ſauez quoi
Au ꝯmēcier i'en ai taſte
⁊ ſi y a gñt amerte
Q՚ onq՚s tele ne ſenti
Mes pꝰ i'en ai mengie oſſi
Mais qñt eſtoit ſi lait ſi noir
Ie le poꝛrai ſeul pour ſauoir
Se ꝑ dedenz eſtoit ſi ſur
Mais p˞ c՚tain dame voꝰ iur
Q՚ amerte n'i trouuai poīt
Auant le trouuai ſi a poīt
P˞ meng՚ ⁊ de ſi dous gouſt
Q՚ ie l'euſſe mengie tout
Se voꝰ moi ne euſſiez huchie
Vꝰ qu'ē auez ſouuēt mēgie
Ne ſauez pas du fruit la guiſe
Ie voꝰ dirai bn̄ la deuiſe
Vꝰ ſauez que mauuais jalous
Male volenté ⁊ courous
Li fait croiſtre ſamalueſte
⁊ pour ſa gñde fauſete
Si tenſe ſa femme ⁊ garde
Dont li plaiſir a fois ſe tarde
Mai l'a mour pource n'apetice
Car neſcet pas le couart niſſe
Qⁱ amour afēme deffent
Touz diz plꝰ foꝛt ſes cuers eſp՚t
Mais pꝰ li fruis d'enimiſte
Croiſt aceli qu'a l'amiſté
Dont abeſoing de ſoi garder
De tant venir vers lui n'aler
Car bn̄ ne puet aler ſeur
Loꝛs eſt li fruis amer ⁊ ſur
⁊ y eſt la ſure eſcoꝛche
Mes apꝛés parer mafoꝛce
L'amerte eſt tres plaiſans
Car ce eſt ioie d'un amant
Qñt lidira ſa douce dame
Tres chier amis ſachiez ꝑ m'ame
Q՚ pour voꝰ ſui tres foꝛt gardee
⁊ ceulz ⁊ ceulz m'ōt courouciee
Mes poꝛ garde ne pour couroꝰ
Ne lairai de plus amer vous
Adont eſt bien pare le fruit
Ēcoꝛe plus ꝯme ie cuit
Qñt li ialouz eſt foꝛſenez
⁊ li amis eſt bn̄ amez
De li aioie enſon cuer
Veci la guiſe ⁊ le fuer
Certes gñz maꝰ sōt aus amis
Mes adire voir il ont pis
SAnz plus ꝑler de ceſt afaire
Ie voꝰ dirai q՚ deuez faire
Mōtez toſt ſus la bñche ci
Bien petite c'eſt de m՚ci
La fueille ſieſt courtoiſie
Mais le fruit qui moi tient avie
De labñche ſi eſt plaiſir
Toſt y montai maīs sāz mētir
A grief ſe puet cuire la paſte
Se n'eſt par la chalour du feu
Ou ſi pou ne eſt pas ſceu
Q՚ cuer qui par moi ne ſ'eſp՚nt
Am՚ puiſſe bn̄ loiaument
Dont cuer qui amoi ne ſ'eſt̃it
A celui qui ſamblant enfait
Qⁱ eſt pour amiſté loiaus
Il eſt des loiaus ⁊ tres maꝰ
Labꝛanche ytel fruit nourriſt
P˞ quoi enla bñche pourriſt
Car cōneuz eſt en la fin
N'ē villiez pas car n'eſt poīt fin
⁊ ſ'onq՚s en mengaſtes plus
D'oꝛe enauant ſoit enrefus
UEnez auant mōtez tātoſt
En l'arbꝛe ne dites plꝰ mot
Trop ꝑfaites lōgue demeure
Iemontai ſus l'arbꝛe en l'eure
Sꝰ la bñche de gñt plaiſance
Qⁱ auoit anon ſapience
Le fruit ſi fu de bien celer
⁊ la fueille de ſoi garder
Du fruit mengai a gñt plenté
Si ſades ſi tres dous agré
Q՚ confoꝛta toute ma teſte.
Sa coulour eſtoit tres hōneſte
⁊ tres plaiſans am՚ueille
Tres viuem̄t eſtoit v՚meille
⁊ au vëoir tres gracieuſe
Car toute voie amoureuſe
Sapience tres bn̄ la garde
Bn̄ celer eſt ſa bōne garde
Q՚ ne doit on pꝛiſier petit
Chaſcuns ſet bn̄ q՚ ꝑ fol dit
Amours ſeꝑt qñt eſt ſeue.
Qñt ꝑ pluſours eſt cōneue
Sanz diffame ne puet durer
Qñt ala (gñt) gēt en plait ꝑler
Mais la fueille q՚ gardoit doir
Se bn̄ d'onnour veut faire dꝛoit.
Chaſcuns qⁱ bn̄ aime ſa dame
Celer doit que hōme ne fēme
Ne ſace. qⁱ ne amant. ne ont
Qⁱ eſt. qñt uait ius. ouamōt
⁊ ſe tu te veulz diffamer
Neſun pour quoi ce doit celer
Tu aimes plus ta dame ⁊ toi
Q՚ nulz autres raiſon poꝛ quoi
Se tu reueles tes ſecrez
Nuls ſi n'en doit eſtre blaſmez
Si ap՚s toi l'enles raconte
Se tu en as domage ⁊ honte
De ce que diz ⁊ t'en puez taire
Ꝯment yes tu atoi ꝯtraire
Q՚ anul viuant tu les dies
Ceſont bourdes ce ſont folies
Se autrem̄t t'en pues paſſer
Nonpourqñt ſe nulz veult gard՚
Ton hōnour ⁊ aidier te puet
⁊ de vrai cuer faire le veut
⁊ toi puet bn̄ mouſtrer auāt
A celi pues bn̄ dire tant
Ꝯme aꝑtient ala beſoigne
Car qui ꝯq՚s v՚ité teſmoīgne
Ne puet d'amour auoir plaiſir
Car d'amo˞s doit chaſcuns mētir
⁊ d'armes ſi doit dire voir
Amours me fiſt tout ce ſauoir
⁊ puis me diſt ꝑ vr՚e ame
Eſt bons lifruis ouil ma dame
Bons ⁊ douz ⁊ de gñt sāte
Ē auez voꝰ au q՚s taſte
Ouilma dame pluſeurs fois
Tant qu'en ai mentie ma fois
⁊ dieu ⁊ les ſainz ꝑ iures
Vꝰ eſtes ſages bn̄ ſecrez
Si gardez cela atoudis.
ORes venez auant amis
de ca montez ſ'il voꝰ agree
La bꝛanche dedure pensee
Trouuerez ſialez auant
La fueille qui tres foꝛt ſ'eſpāt
Sieſt ſouſpirer ⁊ gemir
Mais le mal fruit ſieſt lāguir
Ie ymontai ſi pͥs le fruit
Mes les amers ceꝰ qⁱ sōt tuit
Des beſtes poiſſons ⁊ ſerpens
Si tres amers ne ſi puans
Point ſi ſur ne ſont ⁊ p˞ voir
Y luer perdi ſenz et ſauoir
⁊ pouoir de moi ce voꝰ di
Mais ie criai aimi ai mi
Au chl՚r ſire ⁊ amis
Secourez moi helaz chetis
Ie ne ſai q՚ ſui de venus
P˞ diem՚ci metez moi ius
Car ie pooir ne ai en moi
Il diſt ne doutez eſtez coi
Ie voꝰ poꝛterai amadame
Sifiſt il ⁊ pꝰ diſt ꝑ m'ame
Madame ce eſt trop mal fait
L'ōme qui ne voꝰ a foꝛfait
Le voulez vous faire moꝛir
Nulz coꝛs ne poꝛroit tāt ſouffrir
Ꝯme il a fait touteiour
Ne voꝰ chaille de ſa dolour
Faites li boire maītenāt
De la fon taine qⁱ ſouuent
L'a ſaue car en a beſoing
Moꝛs fiſt ſe fuſt gaires loīg
Ꝑ le fruit q̃ volu mengier
Sauez qui le fait empirier
Car de tout autre mauuez fruit
Ꝑ nature penſe de tuit
P˞ quoi il ſont de toꝰ les maulz
Dont eſt vil ⁊ desꝯmunalz
Car ſe homs gaires ē mēgoit
Ē la fin languiſſāt moꝛroit
Amis poꝛ quoi voꝰ pꝛi ⁊ veil
Q՚ ſe faire voulez mō veul
Qñt aumeng՚ ſi eſt cuisāt
De laiſſiez le poꝛ ce atant
Hamadame q՚ miex voꝛroie
Moꝛir q՚ ſe plus en mengoie.
Gemir lāguir ⁊ dur penſer
Ont greue maint bō bachel՚
⁊ dames miſes ont au bas
P˞ quoi dame ne creez pas
Q˜ moi plaiſe d'oꝛe en auant
UOir dites oꝛ venez auāt
Ꝑ deca ⁊ ſimontez ſus
De ceſte ꝑtie car plus
Vꝰ ne poꝛrez ſi haut mont՚
Mes veilliez p՚ndꝛe ⁊ haper
La bñche qui eſt de bonté
Car le fruit eſt de loiauté
⁊ la fueille ſi eſt honnour
Sꝰ mōtai atres gñt baudour
⁊ cheuauchai ſus cele bñche
Nefumie ſeche ne blāche
Mes v՚t tres foꝛt a m՚ueille
Lacoulour du fruit bn̄ v՚meille
⁊ l'oudeur douce ⁊ ſouef
Tāt q՚ mō cuer ⁊ tout lechief
Sitoſt ꝯme ie fuis bn̄ ſus
Touchai le fruit ne tardai plꝰ
Q՚ la oudeur douce flairant
⁊ la coulour qͥ fu plaiſant
Miſtrent tele doucour ēmoi
Q՚ ie iuraſſe ꝑ ma foy
Car ie eſtoie en paradis
Terreſtre tant me fu deliz
Le vëoir ſeul ⁊ le touchier
Mes pꝰ qñt ce vint aumeng՚
Sitres grande fu ladouceur
Douce ⁊ ſoueue l'oudeur
Car ſi y fuſſent eſtabli
Tuit li Goinues ꝯ fit auſſi
Herbes ⁊ fleurs fruis ⁊ racines
⁊ toutes ſouef medecines
D'oudour de ſauour ce me sāble
N'ē euſſent tāt tuit ē ſamble
P˞ quoi mes cuers ſi eſpꝛis fut
Qⁱ treſtout de ioie recut
P˞ gñt plaiſir car ne ſaroie
Q՚ m'eſtoit auis pour laioie
Q՚ i'auoie ⁊ ꝑ bon dꝛoit
Amours adez ſime huchoit
Bn̄ ſouuēt ⁊ toꝰ iourz plꝰ haut
Ꝑ dieu penſai il ne m'ē chaut
Huchiez adez q՚ ie ſui bn̄
Quoniſez moi dire ie vois riē
Ne faiſoie point de ſamblāt
⁊ elle adez aloit huchant
⁊ pꝰ diſoit ſe ie ſeuſſe
Q՚ pource ꝑdu vous euſſe
Ꝑ ma foy n'i fuſſiez montez
Au chlr՚ dit ca venez
Montez ſus amenez le ca.
Le chlr՚ ſus haut monta
⁊ ſi me diſt ſanz moi trichier
Amis vous ferez couroucier
Mais dame qñt voꝰ n'alez ius
Ie voꝰ empꝛi ne faites plus
Couroucier aīſi foꝛt ma dame
Hé douz ſires q̃ elle ꝑ m'ame
De couroucier ſoi a gñt toꝛt
Oꝛes qñt i'ai tres doꝰ de poꝛt
⁊ ſe i'ai de plaiſir le fruit
P˞ quoi dame ma moi deſtruit
A quoi moi veult hoſt՚ deci.
Deſus la bñche demerci
⁊ la fueille de courtoiſie
Ie croi ma dame aenuie
P˞ quoi qu'arai du bn̄ aſſez
Amis ie voꝰ pꝛi eſcoutez
L'en puet auoir aſſez ⁊ trop
Vꝰ enauez mengie biau cop
⁊ tant q՚ bn̄ vous doit ſouffire
Hé douz ſire deuez voꝰ dire
Q՚ nulz en puiſſe trop auoir
Vr՚es nons n'ē ſeroit pas voir
P˞ certain le voꝰ di ⁊ iur
Ne eſtes vous pas bon eur
Celui qui fait les eurous
Siſui ⁊ faites voꝰ q՚ pꝛous
Qñt de ce me voulez tenſer
Vꝰ moi feiſtes ci monter
P˞ quoi bn̄ heureus ie ſui
Tres doꝰ amis ne voꝰ anuy
Se ie fais le ꝯmandem̄t
De ma dame certaīnem̄t
Ie voudꝛoie q՚ atoꝰ iours
Vꝰ euſſiez ſi dous ſeiours
Si douz deduit ſi gñt ioie
Mais vr՚e dame ⁊ lamoie
Scet achaſcū ꝯ bn̄ li faut
P˞ quoi ne li faites deffaut
Venez ali ie voꝰ empꝛi
Car d'autres fruis ya oſſi
Des qͥex voꝰ conuēdꝛa meng՚.
Ius moi mena le chl՚r
Vers amo˞s ml՚t courtoiſem̄t
Amours dit courrouceem̄t
Auchlr՚ dites amis
Eet il venus amoi envis
P˞ quoi auez tant demoure
Ne poꝛquoi qñt ie l'au huchie
A moi poꝛ quoi ne reſpondoit
Ma dame p˞ voir il doꝛmoit
Ou ra puis ſambloit ie ne ſai
Car qñt de li ie m'a pꝛocai
Ne ſe bouga ne pou ne trop
Mais ie li donnai bn̄ gñt cop
De ma maī ꝑmi ſes eſchines
Pꝰ li tirai foꝛt ſes narines
Adont par foꝛce ſ'eſueilla
Veci dame cōme il va
Ꝑ foy dit amour ladoucour
Tres grande lemiſt ē tel tour
Mes puis aloꝛs parla aloꝛs
Ne voꝰ courouciez car de hoꝛs
Eſtes dōt ie mis voꝰ auoie
Dame pour quoi ne leſeroie
Amis ne voꝰ courouciez pas
Car autre fois fuſtes ou laz
⁊ encoꝛ y poꝛrez venir
Madame aur՚e plaiſir
Car riens dame qui voꝰ anui
Ne doi faire puis vr՚es ſui
P˞ certain ⁊ ie le croi bn̄
De voꝰ ferai ꝯme du mien
APrés ie veul q՚ haut mōtez
Ē l'arbꝛe ſus pꝰ me cōtez
De la bñche q՚ trouuerez
⁊ du vil fruit q՚ mengerez
Ē l'arbꝛe montai de rechief
Si toſt cōme ie ſus touchai
La bñche vi deſſus montai
Elle auoit non fauſſeté
Lifruis ſi fu deſloiauté
⁊ la fueille fu fauz ſamblāt
Tout fu tres oꝛt ⁊ tres puant
Pour ce q՚ eſtoit tout pourris
Sitoſt ꝯmen ma bouche ē mis
Ie fui ſi gros ⁊ ſi enflez
⁊ ꝑ tout mō coꝛps boutōnez
Q՚ bn̄ cuidai dutout moꝛir
Ne me pooie ſouſtenir
Tant eſtoie greuez dumal
Ie deſcendi tantoſt aual
Mes point ꝑler ie ne pooie
⁊ v՚s amours ſignes faiſoie
Q˜ moi donnaſt toſt gariſon
Tantoſt entendi ma raiſon
Car du fruit ſauoit bn̄ la guiſe
De l'yaue d'ilueq՚s ai pꝛiſe
Ꝑmi ma chiere engeta
Mes pꝰ le chl՚r hucha
Bon heur car venez auant
Ceſt hōme ci moꝛroit p˞ tant
S'il n'eſt baigniez en la fōtaine
Car la bñche eſt trop vilaine
⁊ li fruiz ꝑ eſt venimez
P˞ quoi tantoſt enz le boutez
⁊ en l'eure ſera garis
Sitoſt cōme l'iaus fumis
Ie fui garis ſi ſailli hoꝛs
⁊ la dame me diſt aloꝛs
Amis voulez q՚ ie vous die
Ce eſt tres grande maladie
Qⁱ n'eſt amez ⁊ aime bn̄
Yce grieue ſur toute rien
Qⁱ ꝑt ſon tēps ⁊ ſon coꝛps gaſté.
Me ꝯ foꝛta ſi viuement
Q՚ tuit li quatre element
Nem'euſſent miex reſtaure
Du fruit mengai agñt plēté
Mais au mengier me ſouuenoit
Detouz les fruis car il auoit
De chaſcun adꝛoit ſaſauour
Des bons ⁊ de chaſcun oudour
Mes poꝛ quoi veſci la raiſon
Car p˞ voir nul fruit n'eſt poīt bō
Foꝛs ꝑ bonté qⁱ bon le fait.
⁊ pꝰ dont q՚ bonté atrait
Loiaute qui eſt pꝛés de ſoi
Ꝑ raiſon ſelonc ce que uoi
Detouz bn̄s eſt participans
Ce eſt nobeſce des amans
P˞ quoi qui mengut de ceſtui
Puet bn̄ dire car ia d'autrui
Ne li faut gaires ameng՚
Car qui en a apꝛés digner
Sache qⁱl a de touz les biens
Loꝛs diſt amours ie ne fais riēs
C'eſt hōme ci poīt ne me doute
Il ne reſpont ne graī ne goute
Ne poꝛ moi il ne veut deſcendꝛe
Il feïſt ml՚t bn̄ arepꝛendꝛe
Se ce ne feüſt q՚ le fruit
Li eſt tres bon cōme ie cuit
P˞ ce iluec tout remaint
Mes toutes fois ſ'eſt amoi plaīt
Q՚ ie le haſte de venir
P˞ ce le veul .i. pou ſouffrir
Pour vëoir ſe ia il vendꝛoit
Vers moi qⁱ ne le hucheroit
Qñt ie ous aſſez de moure
A sō auis nō au miē gré
Vne autre foiz ml՚t hautem̄t
Cria amours ⁊ diſt ꝯmēt
Demourez voꝰ tant doꝰ amis
Y eſtes autre foiz endoꝛmis
Venez ou voꝰ couroucerai
Ie deſcendi ⁊ y alai
Certes outre tout mō voloir
Car poꝛ certaī adire voir
Ml՚t eſtoit bons li doꝰ ſeiours
Mes loꝛs me diſt tres bn̄ amo˞s
Amis voꝰ q՚ mengie auez
Du bon fruit en coꝛe ſauez
Son pꝛis ſav՚tu ſa puiſſance
Mes pꝰ qu'auez enmoi fiance
⁊ voꝰ tenez dutout amoi
Ie le voꝰ dirai pour quoi
Amis la bñche de bonté
A vertu bn̄ te voꝰ dis ge
Car toute choſe qu'eſt deli
Eſt tres bonne ie le voꝰ di;
⁊ car bonté afondement
De moi qui ſui ꝯmencemēt
Bonté tient enmoi ſaracine
P˞ quoi ie ſui nette ⁊ fine
Qⁱ ꝑ bonté me veut garder
Car nulz amanz ne doit am՚
P˞ vilté nep˞ deſhonnour
⁊ li fruiz ſi eſt loiauté
Sauez pour quoi le voꝰ diz ge
Car loiauté ꝑ ſanature
Deſoi doit eſtre nette et pure
⁊ malueſte ne doit vou loir
Ne point amer poꝛdeceuoir.
Ce ne eſt pas amo˞ hōneſte.
Ainz eſt clamour de vne beſte
Qⁱ aime pour ſon a petit
Ycilz ſcet bn̄ d'onnour petit
Car ſe voꝰ amez vr՚e dame
Sur toute riēs de coꝛs ⁊ d'ame
⁊ voꝰ l'amez poꝛ li hōnir
La loiauté voulez mentir
Pꝰ en vilté vous la metez
Qñt ſa bonté voꝰ li tolez
Dont pꝰ la loiauté ſe fraint
Ꝑ la bonté qui n'i remaint
⁊ d'onneur ſe bꝛiſe la fueille
Neſun ami dire ne veille
Q՚ ſanz bonté iepuiſſe eſtre
Ne loiauté ſanz bonté neſtre
Ne honneur ſanz ce neauie
Mais du fruit ne mēguēt mie
Les fauz amās qⁱ (lo) mauuauz sōt
Mes ceꝰ qⁱ tres loiaꝰ cuers ont
Qⁱ ace que auront ame
Gardent honnour ⁊ loiauté
P˞ la bonté miex ſouſtenir
Qⁱ moi fait viure ⁊ flourir
Es fruis qͥ ſont ſi bons ſi doꝰ
Nulz ne ſeroit ſiu՚tuous
Se de bonté n'eſtoit la bñche
Qⁱ eſt ſi douce ⁊ ſi franche
Q՚ ſa v՚tu a chaſcun donne
Dont ꝑ bōte chaſcūe eſt bōne
Bonté fait pensees ⁊ diz
Ē honnour foꝛt tiēt atoudiz
Oꝛ voi de bōte ⁊ d'onnour
⁊ de loiauté ladoucour
Ie vous pꝛi q՚ voꝰ les gardez
SAnz nul de fauz oꝛés mōtez
Ꝑ de ca vne ſeule fie
Suz l'arbꝛe ſi ſera ꝯplie
Vr՚e paīne a touz iourz mais
Nō poꝛ qñt qñt voꝰ reuendꝛez
Ne voꝰ courouciez ie voꝰ pꝛi
Car ia .i. plaiſir ne demi
Ap՚z de moi ne aurez point
Sꝰ l'arbꝛe ie montai a point
Mes avoir ie ymōtai en vis
Car ie ſauoie bn̄ q՚ pis
Trouueroie q՚ nule fie
La bñche plus haut ai choiſie
Qⁱ fu toꝛte ⁊ vil ⁊ ſeche
Dure fueille plꝰ q'une fleche
⁊ li fruis noirs durs ⁊ agus
La bñche ſi fu de refus
Limauuais fruis ſi fu haine
⁊ la fueille qui n'eſt pas fine
Sifu de cuer legierete
De ceſtuit fruit ci mēgai ie
Qñt ſus la bñche ie montai
Mes a dire uoir ne trouuai
Ē tout le monde ſi amer
Si puant car ſeul au gard՚
Me fiſt toſt perdꝛe ma veue
⁊ ma raiſon ie os ꝑdue
Si me fiſt trambler ⁊ fremir
Si cuidai bn̄ iluec moꝛir
Car de dolour fu ſi eſtraint
Q՚ ie deuins pales ⁊ taint
Rouges blanc noir aucūe fie
Ie criai haut de deruerie
/Sainte marie aidiez moi
Amours cria tenez voꝰ quoi
Amis doꝰ eſtes voꝰ deruez
Diſt amours car ie ſui yci
N'ē doutez poīt poꝛ dieu m՚ci
Car la fontaine voꝰ garra
Du vil fruit qⁱ greue voꝰ a
Ie qui nōmer oÿ le font
De laſſus haut du plꝰ amōt
Me laiſſai chëoir tout ēu՚s
Ꝑmi les bñches atrauers
Aucunes fies de coſté
Autre de chief q՚ i'ai hurte
Mes bꝛas mes iambes de bꝛiſiees
⁊ mes eſchines deſcirees
Debñche en bñche ie tōboie
Car ſens ne pooir ie n'auoie
Q՚ moi peuſſe retenir
Tant q՚ ſus amours vois cheïr
Siq՚ toute l'ai eſtourdie
Mais en moi ne ot point de vie.
Eſperit ne pous ni a laine
Mes diex vouloit q՚n la fontaīne
Cheiſſe ſus les piez de la dame
Tantoſt ou coꝛs me reuint l'ame
Et de mes mēbꝛes fus ſanez
D'eſchine de coꝛps de coſtez
Si q՚ fui touz haitiez ⁊ ſain
Loꝛs pe oꝛinſt amo˞s ꝑ mamaī
Qu'ēcoꝛes nem'auoit touchie
Ca ie eſtoie acouchie
A ſoi tout dꝛoit moi leua ſus
⁊ loꝛs dy. ꝯment ſui venus
Eſbahiz en ſui par ma foi
Amis voꝰ cheiſtes ſur moi
Car tout moꝛt venies aval
Ma dame dont voꝰ fis ie mal
Nennil amis n'ē puet chaloir
Eſperit ſui adire voir
P˞ quoi cops ne mal ne me gⁱeue
Mes ſe ne feüſt yceſte yaue
Qⁱ voꝰ ſana ⁊ voꝰ guery
Ēcoꝛes moꝛt fuſſiez yquy
Car l'ame voꝰ ſailli du coꝛs
Ꝯment dame dont fus ie moꝛs
Ouil amis certainement
Douce dame a voꝰ moi rent
Se ie courouciee vous ai
Amis ne faites plus de plai
Mes du fruit q՚ mengie auez
Ie croi ſa malice ſauez
⁊ ſon venin mal ⁊ ſauuage
Ma dame ce eſt gñt domage
Qñt nul mengue de tel fruit
Biax amis n'on taſtēt pas tuit
Mais ceulz qui ont volu pꝛier
Les dames qui ōt cuer legier
⁊ celes qui ont les amis
Qⁱ vont ou change atoudis
Si leur vient en la teſte ſus
Ne ſeuent pour quoi font refꝰ
Adez aiment adez harront
Adez d'un adez d'autre ſont
La fueille eſt legierete
De cuer ⁊ fole volenté
Mes cilz qⁱ elſt d'am՚ loiaus
P˞ ſes refus a tres gñz maus
Mes ſauez p˞ quoi y eſt greigno˞
De touz les autres ⁊ piour
La raiſon voꝰ dirai poꝛ quoi
Ne ſauez voꝰ ſe .i. gñt roy
Riches de terre ⁊ d'auoir
Faiſoit foꝛtune de chëoir
De tout ⁊ q՚ li eüſt riens
Foꝛs q՚ diſete de touz bn̄s
Greignour paine il ſoufferroit
Q՚ celui qⁱ tout temps aroit
Heue toute poureté
Ainſſi ꝑ ſamblāt voꝰ dis ge
Vns tres urais amis qⁱ aura
Sam՚e qui bn̄ l'amera
⁊ ſi l'aura fait maint plaiſir
Siap՚s ſe le veut hair
⁊ metre dutout aurefus
Ceſtui ſiaura de mal plꝰ
Q՚ ſe nuls iours ne fuſt amez
P˞ ce ont les dëables mez
De maꝰ de paines de ſouſſis
Car il furent en paradis
⁊ ſeuent q՚ mōte lagloire
Bn̄ aꝑdu ſens ⁊ memoire
Amis ou amie qⁱ retrait
D'amer laou plaiſir afait
⁊ pͥs ꝑ amours loiaum̄t
Certes ce eſt gñt faillem̄t
Car faute fait aucōmēcier
Ou faute ſanz cauſe leſſier
C'eſt pis q՚ moꝛs refuz haine
⁊ legierete ſavoiſine
P˞ qui vint de malz le courous
Ma dame oꝛ me dites vous
Me faudͣ il plus amonter
Sꝰ l'arbꝛe qui afruit amer
Del'autre foꝛce ne feroie
Car toudiz mont՚ y voudꝛoie
Tant eſt ſouf doꝰ ⁊ plaisās
Amis voꝰ ſaurez bn̄ ꝑ tans
Ce qͥl en conviendꝛa a faire
Pais pꝰ faut q՚ ie vous deſclaire
Vne raiſon ſoutil ⁊ pꝛime
Veez cuer ſus en la cyme
Qⁱ eſt ꝑtis rouges ⁊ pers
Veiſtes onq՚s ſi diu՚s
Nenil p˞ voir iour de mavie
Ie voꝰ dirai q՚ ſenefie
Cel cuer q՚ſt rouges d'une ꝑt
Ꝑ gñt deſir de mon feu art
⁊ dous deſir le fait cremer
Mes poꝛ les maꝰ q՚ ſcet poꝛt՚
Ꝑ ſouffrance qui l'a nourri
⁊ moi ⁊ l'arbꝛe q՚ſt yci
P˞ ce eſt de l'autre ꝑtie
Droit azurez rouges ne mie
Ce eſt tres gñde loiauté
Q՚ aenſoi ſanz fauſſeté
Car cuers qͥ eſt tres bn̄ loiaꝰ
Ꝯbn̄ q՚ ꝑ moi il ait maux
⁊ paīnes dures ⁊ ſoucis
P˞ ce u՚s moi il ne fait pis
Ne ſi change ne ſi deſcire
Ne v՚s moi point ne ſe empire
Sauez poꝛ quoi car la fōtaine
Qⁱ eſt tres nette ⁊ tres ſaine
Lefait loial ⁊ deſirant
Se eſt cuer de tout urai amāt
Qñt eſt ardanz pour ma chalo˞
D'aſur loiax ſanz nul faꝰ tour
Tel cuer amāt ioiax u՚s moi
A dꝛoit eſt nōmez bōne foi
P˞ ce q՚ les bn̄s d'onneur tient
⁊ les maꝰ loiaum̄t ſouſtiēt
P˞ ce voiz ie ainſſi veſtue
Non pourqñt voꝰ m'aué veue
Deuert auec rouge poꝛter
Q՚ fiſt honnour p˞ ſoi garder
Ma couronne toꝰ ioꝛz d'argēt
P˞ ce q՚ mes mauz art la gent
De ce amis plꝰ ne di riens
Vꝰ ſauez mes mauz ⁊ mes bn̄s
Car ſur l'arbꝛe eſtes mōtez.
Ou ſont ⁊ les auez taſtez
P˞ ce ſauez ꝯbn̄ ce monte.
Aus nō ſachans enfaites ꝯte
Amis qñt ſerez ꝑ de la.
Mes ſ'il vous riens ꝑ de ca
Oꝛes qñt yeſtes deuant moi
Demandez ie le voꝰ otroi.
DAme tres gracieuſe chiere
Pꝰ q՚ ſui deuant vr՚e chiere
Vꝰ dirai ie ne voꝰ anui
Prefent le chl՚r ceſtui
Qⁱ eſt tres loiax ⁊ ſeur
⁊ pious meſſ՚ bon heur
Qⁱ la fontaine l'arbꝛe ⁊ voꝰ
Garde tres bn̄ car heurous
Eſt ꝑ li chaſcū vrai amant
Heurouz qñt puet ſouſfrir tout
Des maulz dame q՚ ꝑ voꝰ sōt
⁊ heurous qñt les bn̄s ont
Qⁱ ſont de voꝰ ⁊ il les dōne
Car neſune autre ꝑſonne
Foꝛs q՚ li ne les puet dōner
P˞ ce deuant li veul ꝑler
De ce q՚ ſe claiment pluſours
Pꝰ q՚ voꝰ dont eſtes amours
Dont vint plaiſirs ⁊ amiſté
Ꝯment faites ennemiſte
Ētre ceulz qui ſe ſont amez
Qñt nr՚e nons eſt tout adez
Amours amiſté ⁊ acoꝛt
Dont faites voꝰ aus amās toꝛt
Pꝰ q՚ loiaum̄t chaſcūs ſert
Qñt entre eulz vr՚e nōs ꝑt
⁊ le bn̄ ſe tourne en mal
L'un va amont l'autre aual
Tant que vr՚es nons eſt ꝑis
Qñt d'amis faites ennemis.
LÉ en Mō cuer encoꝛes ai
vne debte q՚ vous dirai
De quoi toꝛt auez ce me ſamble
Hōme ⁊ fem̄e tout ē sāble
Sont deſouz le vr՚e pooir
⁊ de chaſcun adire voir
Pouez faire ce qⁱl voꝰ plait
Chaſcun eſt de vr՚e recept
La ou voꝰ plait de li atraire
P˞ quoi dōt d'une gēte paire
Qⁱ ſont bn̄ tailliez poꝛ amer
A l'un voulez tres foꝛt g՚uer
P˞ deſir d'amer tres ardant
⁊ l'autre n'eſpꝛendez nient
Ne poīt ne ſera eſchaufez
⁊ l'autre greuerez adez
Ou le trouuerez plꝰ loiaus
⁊ pꝰ li donrez de vos maus
⁊ l'autre qui ne aura point
Pource q՚ au cuer ne le point
Les voꝰ maulx ne ad'am˞ cure
P˞ quoi ne faites ꝑ dꝛoiture
Pꝰ q՚ le pouoir vous auez
P˞ quoi toꝰ .ij. ne les tenez
Q՚ fuſſent d'ū acoꝛt a vous
Mes al'ū voꝰ dōnez courous
⁊ l'autre ne ſcet ꝯ bn̄ vaut
De vr՚e mal nene l'en chaut
⁊ ce faites voꝰ pluſeurs fois
MEs plꝰ ſelonc ce q՚ ie vois
faites tres mal amō auis
Amours doit eſtre touz deliz
Tout plaiſir tout bn̄ toute ioie
Mes ceꝰ qⁱ ſeuēt vr՚e voie
P˞ .i. bn̄ voꝰ dōnez .iij. maulz
Ēcoꝛes ou plus ſont loiaulz
Plus les enfaites endurer
Mes ceulz qⁱ voꝰ ſeuēt bourder
Ycil ont de voꝰ toꝰ les bn̄s
Madame ne voꝰ diz plꝰ riens
Ne de ce ne ꝑlaiſſe point
Se non poꝛtant car bn̄ apoint
Bien de voꝰ ne vient pas tuit
Foꝛs bn̄ petit ꝯmeiecuit
Quant q՚ feüſt loial amāt
De voꝰ ſe claiment bn̄ ytant
Ou de plꝰ q՚ ie ne voꝰ di
⁊ ꝑ ma foy ce poiſe mi.
Qñt homs mal dire de voꝰ puet
P˞ ce chaſcun amer ne veut
Car doublent les maux ⁊ les coꝛs
Mais ſe ie ſauoie en coꝛs
P˞ vous deſ'eſcuſer raiſon
Ie en auroie a choiſon
P˞ vr՚e bon dꝛoit deffenſer
Dame veilliez moi ꝑdonner
Ie le voꝰ di tres chiere dame
Q՚ ml՚t gñt duel en ai ꝑ m'ame
Qñt aucūs en puet maldire
ENu՚s moi ꝯmenca arire
Amours ⁊ pꝰ croula ſa teſte.
⁊ diſt voꝰ auez ſens de beſte
Car ne auez pꝛis ⁊ penſe
Ce q՚ ie voꝰ ai bn̄ mouſtre
Ie ai tres mal ma paine miſe
De trois choſes m'auez repꝛiſe
Q՚ mar ma foi ie n'i ai (dꝛoit) toꝛt
Vꝰ dites q՚ fais deſacoꝛt
⁊ des amiſtes des amis
Oꝛes gardez aur՚e auis
Se mō nō veut dire que ge
Faice point male volenté
Mon nō ſi eſt tout dꝛoit amo˞s
A. eſt lx՚e qui acours
Q՚ ce qⁱ vient apꝛés deſtruit
⁊ qñt moꝛt vient ap՚s ie cuit
A deſtruit moꝛt q՚ n'a valour
Amour ne moꝛt. car c'eſt douco˞
Dont d'amour ioie eſt la racine
Amour sāz moꝛt eſt enterine
Dont ſe ioie ſui ne pꝰ faire
Ennemiſte qͥ m'eſt ꝯtraire
Haine ie que fais amer
Mes ie ne pꝰ mie garder
Les cuers febles legiers iuuaꝰ
Qⁱ font couroucier les amans
Ce fait yre ma ennemie
Ou ennemiſte pꝛent ſa vie.
REgardez bn̄ entendez moi
Au ſecont ie reſpōs poꝛ moi
Qñt voꝰ me re˞pchiez ainſi
Q՚ ie pꝛenz le cuer d'un ami
⁊ de l'autre le cuer lairai
Amis vous ſauez ⁊ ie ſai
Q՚ touz les cuers qͥ ſont oumōde
Ne ſont pas tuit loial au mōde
Ne d'amer ne ſont u՚tuous
P˞ ce ne les ai mie tous
Mais ceulz qͥ ſont poꝛ moi noꝛris
Yceulz ſont loiax atoudiz
Car ie ſui ꝯme li ſoulaux
Qⁱ eſt au monde ꝯmunax
Qⁱ les v՚s arbꝛes fait flourir
⁊ les moꝛs ne puet poīt nourir
Liſoulaux ne faut poīt anus
Mais toꝰ ne p՚dent ſes v՚tus
Car (les) la vertus ne ont en ſoi
Ne plus ne maīs ſieſt de moi
Ie vois ꝑ tout ſi fiers chaſcū
Mes de vint ne blecerai vn
Qⁱ ſoit ferus ou cuer adꝛoit
⁊ ſe tant eſt q՚ feruz ſoit
Eſpoit ne le poꝛrai auoir
Dont ſe ie fais mō dꝛoit pooir
⁊ il eſt vil de ſa nature
A moi n'ē eſt la fourfaiture
Mes ali qⁱ ne veut amer
P˞ doute de liamender.
Qvant apꝛés repꝛoces mediz
Q՚ ie doi eſtre touz deliz
Toute ioie ⁊ tout plaiſir
Si ſui ie amis ſanz mentir
⁊ maus poꝛ moi amans neōt
Mes eulz p˞ mauuez cuer le fōt
Oꝛgueil dang՚ ⁊ male bouche
⁊ tout fruit q՚ l'arbꝛe ſec touche
Ꝯbn̄ q՚ tuit viengnēt v՚s moi.
Ne les aim ne faire nel doi
Mes autrem̄t nulz ne ſauroit
Q՚ bn̄ eſt ſe le mal n'eſtoit
⁊ qñt ie ſens les bn̄ plꝰ dous
Plus plaiſanz plꝰ de licious
Qu'ē tout le monde puiſſe eſtre
Ē mō arbꝛe a fait diex neſtre
Des maus qui ſont amoi nuisāz
P˞ quoi mō bn̄ eſt plus plaisāz
Si ꝯme diex en paradis
De ſes angles ot ennemis.
VCI atres bel examplaire
Pꝰ toutes choſes ont ꝯ traire
Ie doi auoir qⁱ ſui ꝯmune
⁊ ap՚s dieu oſſi ſui vne
Qⁱ ou monde plꝰ a poiſſance
Ie fais de deuz cuers acoꝛdāce
Ie ſui plaiſir ie ſui toꝰ bn̄s
P˞ ce amis car eſtes miens
Aus vrais amans veilliez ꝯt՚
Mō fait q՚ ſauez tout acler
⁊ ceulz qⁱ me diffameront
Ne qui mal demoi ꝑleront
La verité leur conterez
Si ꝯme voꝰ faire ſarez
Mes tant ſai q՚ nulz vrais amis
De moi nuls diroit enuis.
Car chaſcūs ſcet ſ'il eſt loiaꝰ
Q՚ ꝑ mon gré ie ne doꝰ maus
SAuez amis q՚ ie vous di.
vn ray vn mont q՚ ie voi ci
Chaſcun eſt mien amō plaiſir
Bn̄ li rays qͥ font eſclarchir
Yci fait le mont q՚ſt bn̄ haut
Dont iuſq՚s bas q՚ ne deffaut
Raiſon pour quoi voꝰ veil pͥer
A moi ſalues tout p՚mier
Iuſq՚s atant q՚le ſ'en rie.
Ml՚t chieret vo douce amie
Ouq՚que ſoit vo douz repos
Nous ſert tres bn̄ p˞ quoi alos
Tant de moi tāt d'onno˞ ma ſuer
Bonté moi ſaluer au fuer
Ainſiq՚s cōme il eſt pꝛous
D'autres biau cop ſaluez noꝰ
Amez pour ma dame d'onnour
Veci le non du trouueour
Tel cōme la le trouuerez
Ꝑ deuz foiz ne meſp՚ndꝛez