EN lonneur de /la dꝛoiturieꝛe
/Dame de paradis Poꝛtieꝛe
/La haulte royne des ciex
/De uirginité clacelieꝛe
Feꝛay .i. dit ē mamanieꝛe
En mon ꝯmancemē ſoit diex
Qⁱ eſt urais ꝑes ⁊ urai fiex
Qⁱl weille eſtre v՚s moi piex
Combn̄ qñ pechié le requieꝛe
Q՚ plesāt puiſt eſtre atoꝰ ciex
Qⁱ loꝛrōt qu'il en vaillēt miex
Oꝛ weille il oir ma pͥeꝛe
Aue. /dame dumilite
/Fontaine de toute bonté
De la ſouueꝛaine deyte
Sans coꝛrompꝛe virginité
Peus le fil dieu conceuoir
Gñt pitié le fiſt eſmouuoir
A ce qu'il enpꝛiſt le vouloir
De pꝛendꝛe entoi humanite
Et ille te fiſt a ſauoir
Ꝑ /langre qui tendit le vouloir
Autemple qñt te dit aue
/Maria. qui ton non ſaura
Et doucement le loeꝛa
/Meꝛe a/roy ih՚ucriſt pitex
Sanz faillir trouueꝛ ipoꝛra
Amours ceꝛtes bn̄ lendēpta
Qñt en tō coꝛps fu ces oſtiex
Ꝑ ce deuint il hōs chr̃nieus
Ml՚t en fumes tous eureus
Q˜r moꝛt tous nous racheta
Qñt on ꝑca ces maīs declous
En crois ou mourut ē goiſſous
Tout noiant tes iex /maria
Gracia fu eſt et ſeꝛa
En toi que iamés ne faura
/Haute dame puiſſant royne
Tues /celle qui com sōma
Les pꝛophecies ⁊ bouta
Lēnemi hoꝛs de ſa ſeſine
/Dame reſplandiſſāt royne
/Cil a qui toute choſe encline
Ꝑ amours tant ſumelia
Quaus mamelles de ta poitrine
Alectas la veꝛtus deuine
La te fu fecte gracia
Plena damours qͥ ne faudꝛa
A nulli qui te ſeꝛuira
Car de ton cueꝛ vint la fōtaine
Qⁱ le moꝛtel moꝛcel laua
/Q˜ dam le p՚mieꝛ hōs pecha
Dont tout le mōde miſt ēpaine
Mes bōne remede ceꝛtaīne
Y miſt laueꝛtus ſouueꝛaīne
Bn̄ ipeꝛt ⁊ toudis parra
Dont fet foline trop vilaine
Qⁱ de toit ſeꝛuir ne ſepeine
Q՚ tu es en tous bn̄s plena
DOminus qui fus eſleus
Deꝛeleueꝛ les alatus
Quanemis p՚noit sāz deſfance
Car de ces mains n'eſchapoit nꝰ
Roy ne conte pꝛince ne dus
Mes la ſouueꝛaīne pꝛouidance
Ne voult ſouſfrir tel petilance
Ainz auoit la ſentance
Sus toi qui pꝰ /ſa meꝛe fus
Il cōuoiſſoit ta conſciance
Si fiſt de toi chambꝛe ⁊ deſpenſe
Cil qui du ciel eſt dominus
Teꝯ ſe miſt par tel raiſon
Cilz qui ſuſcita /lazaron
Qⁱ nului a pechié nen oꝛte
Qñt receus la noncion
De/langre qui dit abas ſon
/Marie ne te deſconfoꝛte
Ie ſui cil qui grace tapoꝛte
Car en toi pñdꝛa m՚cion
/Cil par qui la moꝛt ſeꝛa moꝛte
Don uuri de ton cueꝛ lapoꝛte
⁊ il fu maintenant tecū
Benedicta fus tu tres la
Q՚ diex en tes flans ſa ombꝛa
Q˜r ta v՚tus ſi eſt ſi grande
Q՚ contre dꝛoit charmeꝛ ouura
Qñt ta v՚ginitet garda
Dont alengre feis demande
Tu dis que li vrais dieus memāde
Q՚ de ſon coꝛs feꝛa oſfrande
En moy c'onq՚s hōs natoucha
Bn̄ weil q՚ diex ſagrace eſpande
En moi ceſt ce q՚ ie demande
Il reſpondi benedicta
Tu le ſauras ꝑ la veꝛtu
De /lui que tuas conceu
Ceſt ce qui le tefeꝛa croire
Hee; /haute meꝛe au /roy ih՚u
Ꝑ toi fu le mal abatu
Car ceſte parole fu voire
Dieu naſqui de toi sāz meſcroire
Qⁱ de la meſon lede ⁊ noire
Rompi puis ce di la palu
Et /la loy q՚ tenons encoire
Ceꝛtainement lanꝰ fiſt croire
/Dame a ceſtui m՚e fus tu
IN mulieꝛibꝫ tant plus
Que li ſoulaus eſt miex veus
Q՚ mis des cours du firmamēt
Eſt auſſi plꝰ gñt ta ueꝛtuz
Q՚ fame q՚ veïſt hons nus
Car celle es qͥ touz bn̄s p˞pꝛēt
Valeur atoi nulle ne ſe pñt
Foꝛs la /ton fil tant ſeulemēt
Decui toꝰ li bn̄s teſt venus
Qⁱ tame ⁊ ton coꝛs enſement
Courōna /ton fil humblemēt
Laſſus in mulieꝛubus
Et benedictus ſoit /ih՚us
Le poiſſant ꝑe delaſſus
Qⁱ de toi volt faire /ſameꝛe
Ꝑ toi fu ſathen confondus
Et le ſien malice abatus
⁊ par le vouloir dedieu leꝑe
Ml՚t fu ſa uenue ameꝛe
Au ſathan qñt diex vīt ēt՚re
Il miſt dont ſon malice ius
Dame reſplandisāt ⁊ cleꝛe
Ton coꝛs qͥ nous tret demiſeꝛe
Soit louez et benedictus
Fructus deſcendi de laſſus
Qui en tō coꝛs fu eſpandus
/Douce vieꝛge pure ⁊ ſaītime
Ꝑ toi anemis fu vaincus
Q՚ dieu le peꝛe de veꝛtus
Qⁱ li foꝛma tel ſi logime
Dōt point ne conut la ſoſfime
Mes la conceſſance en labiſme
Li de mouſtra /li roys ih՚us
La le lima de telle lime
Qⁱl pꝛiſt des ſiens truage ⁊ diſme
Dame des ciex cefiſt fructus
UEntris. icilz .s՚. esꝑis
Qui volt raemplir paradis
Auoit miſſe toute sētēte
Sifu pour pecheurs eſpꝛis
Damour qui fu de ſi haut pͥs
Qñ toi /dame toꝛna ſentente
Et enta de lui entoy lante
De quoi pꝰ en feus dolente
Qñt encrois mourir le veis
Ml՚t ama hōme damour gēte
Qñt pour lui paia telle rente
/Dame /cil qui naqui vētris
Tui ta grace ſoi en mi
Tout ne laie ie deſeꝛui
/Tres douce vͥge nete ⁊ pure
Dutout me met ē toy ⁊ fi
En ta tres gñt douceur mafi
⁊ me met dutout ē ta cure
/Dame ou pitié ſoꝛlit ⁊ dꝛoiture
Moy pecheeur outre meſure
Pour dieu ne ireet ē oubli
Tatres gñt douceur maſeure
Q˜r tu me pues geteꝛ doꝛdure
Se ſoit ta voulenté tui
Amen tu qui /.S՚. iulien
Sauuas ſire q̃r medeſfen
De tout pechié ⁊ detout vice
⁊ amoi aidieꝛ ſi en ten
Q՚ lanemi en ſon lien
Ꝑ mes pechiez ne ma ſoꝛbice
Ainz aiez v՚s moy cueꝛ ˞ppice
Ia mon pechié ne me hōnice
Mes ci demoy garde te p˞n
Quant il faudꝛa q՚ lame ē iſſe
De mon coꝛs q՚ ie ne peꝛiſce
Mes auecques toi la retien