TOuz ceus ⁊ toutes celles Qⁱ croiront fermem̄t
Dou .S՚. Coꝛs /Jh՚ucⁱſt Les dignes ſacͤmant
Aqui diex apꝛeſté Sens ⁊ entendement
Ne doiuent pas ouurer Contre dieu folement
CHaſcun le doit ſeruir De bon cuer ſan faintiſe
Mes il ſont ml՚t de gent Plains de gñz couoitiſe
Ce fait li anemi Qⁱ les tient ⁊ juſtiſe
Qⁱ touz ioꝛz de mal faire Les ſemont ⁊ atiſe
DEsque dieu fiſt /adan ⁊ /eue ſa moillier
Les voſt li anemis Confondꝛe ⁊ engignier
Qñt ifiſt par /eua /Adan le fruit meng՚
Iij.Cenz. Anz Les couint trauaill՚
MEs le roy qui tout fiſt ⁊ ciel ⁊ terre ⁊ mer
Sine les voſt pas ꝑdꝛe Ainz les voſt tant am՚
Qⁱl en ſoffrit ſon coꝛs D'un glaiue aentam՚
⁊ ſon pꝛecieux ſanc Contre terre aſenner
LA moꝛt q՚ il ſoffri Cel iour noꝰ racheta
⁊ a l'a ſanſion Aus ſaīz ciez remonta
Le iour de penthecoſte Ses amis ꝯfoꝛta
Des loꝛs en pain ſacré Son coꝛs repꝛeſenta
CIl croit mauueſem̄t Qⁱ n'a ferme creance
Q՚ c'eſt le .S՚. coꝛs dieu Qⁱ nos fiſt deliurance
Ce que le pꝛeſtre ētient ⁊ en fait remen bꝛance
Autant ꝯme /longis Enferit de la lance
DE tel oiſtͤ ſacree Endieu pͥſt ſa figure
Voꝰ veil ie raconter Merueilleuſe auenture
Ce fu ml՚t bel eſſemple Mes l'eure fu oſcure
Dont voꝰ oꝛroiz la fin ⁊ la verité pure
DEſouz /laō auīt Iceſte gñt m՚ueille
Ie croi q՚n tot lemont N'ot onques ſaꝑeille
Ce fiſt li anemis Q՚ touz ioꝛz ſetrauaille
Par coi puiſſe le mōde Verſer en ſa coꝛ beille
VNe gñt riche fame En cel pais eſtoit
A la veüe du monde Beguine ſe faiſoit
Mes nē ne ſauoit mie Ce q՚n sō cuer penſoit
Qr̃ en gñt auarice Tout ſon cuer mis auoit
ET tant que il avint ⁊ n'a pas longuem̄t
C'ō vendoit leblé ch՚ ⁊ le pain enſement
Celle don ie voꝰ di En vendoit largem̄t
⁊ ml՚t auoit gñt ioie De l'encheriſſement
VN iour en voia vendꝛe Doublé ꝑ ſon ſergent
Cō celle qui eſtoit D'argent foꝛm̄t en gñt
A icelle ioꝛnee Fu plus ch՚ q՚ deuant
Ne qⁱl ne fu apꝛés Ainz vint en abaiſſant
QÑt vint .viii. ioꝛz ap՚s Doublé en voia vendꝛe
⁊ diſt asō ſergent Ml՚t bn̄ li ſot apn̄dꝛe
Ne le donne p˞ mains Q՚ tu ſoloies vendꝛe
Non ferai ie diſt cil Qⁱ bn̄ la ſot entendꝛe
LOꝛs ſe miſt ala voie ⁊ ſe pꝛiſt a haſter
Onq՚s iuqu'au marchié Ne ſe voſt arreſter
Son blé ne pot pas vendꝛe Ne n'ē voſt pas laſch՚
A ſon oſtel arriere Se pꝛiſt aretoꝛner
LI valez retoꝛna En ſon oſtel arr՚e
Qñt la dame le vit Sili fiſt laide ch՚e
De rage ⁊ de foꝛſen A mué ſa maniere
Loꝛs ꝯmence amaudire Sergent ⁊ chāberiere
POur la raiſon de ce Q՚ le blé ſ'a baiſſa
Dieu pͥſt arenoier Souuant ſe courouca
⁊ a ſainz ⁊ a ſaintes Ml՚t durem̄t tenca
Ml՚t mauueſe pensee Dedenz ſon cuer penſa
EN ſon jardin entra Anſi ꝯme deſuee
Tout ꝑ lui ſe demente Gñt dolour amenee
Ainſi ꝯele eſtoit Ainſi faite pensee
L'anemi ſ'aꝑut A lui ſanz demouree
EN guiſe d'un bel home Vint l'anemi ali
De ladame ſeur pñdꝛe Mie ne ſ'alenti
Tan toſt li dem̄da Oꝛ ne m'i ſoit manti
Qⁱ t'a ſi couroucie ⁊ celle reſpondi
CErtes ſire diſt elle Ne voꝰ mētiré mie
Le blé eſt abeſie Dont ie ſui couroucie
Reſpont li anemi Oꝛ ſoies apaſie
Car ſe tu me vuz croire L'annee eſt encherie
SIre diſt la chaitiue Volent՚s voꝰ creroi
Mes q՚ le blé enchere Volent՚s voꝰ creroi
Reſpont li anemi Ne ſoies en eſmoi
Car ſe du tien me dōnes Bn̄ te ꝯſeilleray
Qñt celle l'en tendi Si reſpondi bꝛiem̄t
Ie voꝰ donrai ma gñche Treſtout entierement
Qñt le mauués l'entent Si reſpont erranment
Ie uueil lacharte auoir Sanz point d'areſtement
L'Anemi ſ'a pꝛocha Dela maleüree
Vne pome lia Enla boche boutee
De ſa ſaliue pn̄t Cele bn̄ li agree
Vne leſtre en afaite Sanz plꝰ de demoꝛee
QÑt il ot fait la leſtre Tentoſt ynellepas
La beguine en apelle Sez tu que tu feras
Tu te feras malade Le pꝛeſtre mend՚as
⁊ begui /ih՚ucriſt En paī tu receuras
De ceſte choſe ci Te pꝛi ⁊ te requier
Qñt l'auras receü Garde ne le toich՚
⁊ ſe tu le puez faire A .i. crapoſt meng՚
Le blé encherira Dont tu as deſirer
FAi ce que ie te pͥ ⁊ ſi ſoies c՚taine
Q՚ ſera ſichier temps Ainz q՚ paſſe qⁱnzaine
Ꝯq՚s mes ne veiz Annee ſi vilaine
Qñt celle l'entendi Ml՚t gñt ioie demaine
LI anemi ſ'en toꝛne ⁊ celle demoura
Tantoſt ſe fiſt malade Lepꝛouoire menda
⁊ il ieſt venus Lecoꝛs dieu apoꝛta
Qñt il a ꝯfeſſee Erranment li dōna
LA fole recut dieu Mes el ne l'uſa mie
Errant pͥſt .i. capouſt Ne ſ'ieſt alentie
⁊ de denz .i. eſcrin Si le miſt ꝑ folie
Hé las ꝯme ci a Robe tres mal ꝑtie
OR eſt /le douz ih՚us Auec le bouterel
Sachiez qⁱl n'ot en li Ne ioie ne reuel
A bꝛaire ſi ſe puiſt Ne li fut mie bel
Anſi ꝯ vn enfant Qⁱ eſt nez de nouel
ET qñt lachāberiere Oï tel enfant bꝛaire
Q՚ dame dieu voſt Demoſtrer l'eſſemplaire
En la chambꝛe ſa dame Se com̄ca a traire
Lauoiz a bn̄ oïe Mes el ne ſait q՚ faire
A Sa dame ſ'en vint ⁊ ſi li ua diſſant
Ma dame i'ai oÿ Braire .I. petit enfant
Ie cuit que voꝰ auez Trauaillé maītenant
Qñt celle l'en tendi Ml՚t la ua laidengent
DOu miex q՚l onq՚s puet S'en iſt tout eſbafee
La pucelle ſ'en part N'ieſt plus demouree
Chiés le p՚ſtre en ala Si li dit ſapensee
Q՚le craint q՚ ſa dame Ne ſ'ait en fantoſmee
DE lauoiz q՚l oït Auoit la face neire
Le pꝛeſtre l'eſcouta Mes il ne la puet croire
⁊ celle ſ'a genoille Par deuāt le˞puoire
⁊ iure fermement Q՚ c'eſtoit choſe voire
PAr foy ce diſt le pꝛeſtre g'irai ali parl՚
⁊ de ſa ꝯſcience Enquerre ⁊ dem̄der
Loꝛs ſe miſt ala voie ⁊ ſe pͥſt ahater
Onq՚s iuſq̃ l'oſtel Ne ſe voſt arreſt՚
LA fauſe papelarde voit lepꝛeſtre venir
De pooꝛ li com̄ce Tout le cuer afremir
Sur ſon lit ſ'eſt cochie Semblant fiſt de doꝛmir
Le pꝛeſtre l'a pela Qⁱ fu p˞ dieu ſeruir
FAme ce diſt li p՚ſtre Eſtes voꝰ en doꝛmie
Ne nil ſire diſt ele Mes ieſui mehaignie
Oꝛ me dites fait il ⁊ nel me celez mie
Eſt ce voir q՚ voꝰ eſtes D'un enfant acouchie
CE c'eſt voir ſi le faites Apoꝛt՚ au moutier
En l'eure le ferai Leuer ⁊ baptizer
Qñt celle l'entendi Vis cuida en rag՚
Ml՚t vilm̄t comenca Lepꝛeſtre alaidenger
AInsi ꝯme le pꝛeſtre Parloit ala beguine
⁊ qu'i voloit auoir De ſon cuer la couine
Le roi qui ſires eſt De la v՚tu devine
En l'eſcrin ou il fu S'eſcͥa de rauīne
QÑt le pꝛeſtre l'oÿ Coleur pͥſt amuer
A la beguine diſt Oꝛ ne puez tu celer
Q՚ tu n'aies enfant Ial'ay oÿ crier
Ie croy que tu lepenſes Anuit a eſtñgler
PReſtre diſt la beguine Voſ aiz male reſon
Qñt voꝰ me meté ſus Itele meſpꝛiſon
Loꝛs ſ'en ꝑti li p՚ſtre N'i fiſt aratoiſon
Chiés le pꝛevost ſ'ē va Si li diſt ſa raiſon
TOut ce qⁱl ot troué Au p՚uoſt raconta
Li p՚uoſt l'en tendi ⁊ ml՚t bien l'eſcouta
Loꝛs ſe ſont mis a voie Chaſcū d'eꝰ ſe haſta
⁊ qñt il vīdꝛent pꝛés Le pꝛevost ſ'areſta
PReſtre diſt li p՚uoſt Alez ali parl՚
⁊ de ſa ꝯcience Enquerre ⁊ dem̄der
Ie demoꝛai ca hoꝛs Poꝛ le fait eſcouter
Voire ce diſt le pꝛeſtre Penſez del'eſpleter
LE pꝛeſtͤ ent̃ atant En l'oſtel erranment
La beguine apela Bel ⁊ coꝛtoiſement
⁊ celle reſpondi Ml՚t oꝛguilleuſemēt
⁊ lep՚uoſt entre anz Toſt ⁊ iſnelement
OR fu lapapelarde De ces .ii. areſnie
Ainſi ꝯil ꝑloient ⁊ licoꝛs dieu ſ'eſcͥe
Sihaut q՚ chaſcū d'eꝰ A bn̄ lauoiz oïe
Loꝛs pn̄nent la begueine Errāment l'ont ſaiſie
OR toſt diſt le pꝛevost Rendez noꝰ cel enfant
Ou nꝰ voꝰ en marron Enpͥſon maītenant
Loꝛs entrent ēlachābꝛe Par treſtot vōt q՚rant
Ml՚t longuem̄t ont quis Mes ne trueuēt nëant
LE pꝛevost ⁊ le pꝛeſtre Cel eſcͥnet trouerent
Ou le coꝛs dieu eſtoit Errant le deſf՚merent
⁊ qñt il fu ouert Le crapot itrouerent
⁊ le coꝛs /ih՚ucⁱſt Dont ml՚t ſe m՚ueillerent
LI paī ſi reſailli Del'eſcrin ou fu mis
Deſus la deſtre eſpaule Au pꝛeſtre ſ'eſt aſſis
Qñt le pꝛeſtre leuit Si a sō giron mis
Licoꝛs dieu ideſcent Iluec fu recuillis
LE pꝛevost ſ'agenoille Foꝛment ſ'umilia
Sus lecoꝛs /ih՚ucⁱſt Son chaꝑon gita
⁊ il entre de denz Lepꝛeſtre l'en poꝛta
Lep՚uoſt pͥſt lafole Q՚ plꝰ n'i arreſta
QI Eueſque lafiſt Ꝑ deuant lui venir
⁊ ſon fait li demende ⁊ ele liua gehir
De ce q̃ li adit A fait chaſcū fremir
Loꝛs iugierēt ꝑdꝛoit Q՚l en deuoit moꝛir
Erranment fu la buche En la place apoꝛtee
P˞ la beguine ardoir L'ont tan toſt alumee
Par iugement fu arſe A icelle joꝛnee
El ne fu gaires plaīte De ceus de la ꝯtree
AIcelle ioꝛnee Reuint lianemis
Qⁱ voſt auoir le don Q՚ li auoit pꝛomis
Sanz nl՚ autre deng՚ En la gñche ſ'eſt mis
Treſtoute l'en poꝛta Ml՚t gñt foꝛce yamis
TOut véāt eus l'en poꝛta Nꝰ ne lios deſfendꝛe
Mauuais fait tel ſeign˞ Seruir ꝯn'oſe atendꝛe
Gardon noꝰ de ſes laz Qⁱ ne noꝰ puiſſe pn̄dꝛe
Mes au /douz ih՚ucⁱſt Nos puiſſiō noꝰ touz rēdꝛe
OR pꝛion touz adieu ⁊ a/ſa douce mere
Qⁱl nos weille deſfendꝛe De la gñt moꝛt amere
Mes en la ſainte joie Qⁱ tant eſt bele ⁊ clere
Puiſſon noꝰ touz al՚ Deuant dieu noſtͤ pere