Un bon lechieꝛre fu de vins
Si ſe penſa Qu'a /pꝛouuins
A la foire voudꝛa aleꝛ
Et qu'il feꝛa delui parleꝛ
Ainſi le fiſt com lot enpꝛis
Tout ſe ueſti d'un buriau gris
Cote ⁊ ſourquot treſtout ēſemble
Tout fu d'ū dꝛap ſi cō moi ſemble
Siot chauces d'un gros bourras
Ses ſolleꝛs ne ſont mie alas
Ainz font de vache dur ⁊ foꝛt
⁊ cilz qui tant de barat ſot
.I. mois ⁊ plus fu bn̄ reme ſe
Sa barbe quelle ne fure ſe
⁊ ces cheueus auoit m՚les
Ne voult q՚ pīgne ifuſt boutes
Leiour ne .iiij. fois netrois
Bn̄ contre fiſt le vilenois
⁊ pour miex reſembleꝛ vilain
Priſt .i. aguillon en ſamain
Une gñde bource acheta
.xij. denieꝛs de dens mis a
Ainz nen mot ne plus ne maīs
Loꝛs vint en larue au putains
Tres deuant lamaiſon mabile
Qⁱ plus ſauoit barat ⁊ guille
Q՚ fame qui a/pꝛouins fuſt
Il ceſt aſſiz de lez vn fuſt
Qⁱ eſtoit deuant la meſon
Lez lui amis ſon aguillon
.I. pou tourna ſon dos v՚s luis
Oꝛ oꝛrez ia q՚ il dit puis
Et cōment il ſegoulouſa
⁊ le moquois qu'il recoꝛda
Dit le vilain ce eſt la voire
Pꝰ que ieſui hoꝛs de la foire
Et en bon lieu ⁊ loing degēt
Ie deuſſe demon argent
Dutout en tout ſauoir lasōme
Ainſi le font tuit li ſage hōme
Jai de rongeꝛ .xxxij. ſolz
.xxi. denieꝛs en ot girolz
Qⁱ mes .ij. bues maida avendꝛe
A male hart le puiſt ō pendꝛe
Qñt il voudꝛa areꝛ ſa teꝛre
⁊ il vendꝛa mes bues req՚rre
Q՚ il voudꝛa ſem՚ ſon oꝛge
Male goute ait il ē lagoꝛge
Q՚ iamés li feta nul pꝛeu
Ge li metrai tretout ē leu
I'ai de bꝛunel .i. ſoulz
Illec ne fui ie mie folz
Car mes cōpeꝛes dan gaut՚s
Ne men donnaſt par tāt den՚s
Et ſen vouſiſt creance auoir
⁊ i'ai enſemble mō auoir
.Lij. et .xxx.
Itant furēt vendu mi bues
⁊ la laine de mes aīgnaus
Et magument ⁊ meſpoꝛciaꝯ
Furēt vendus tout autretāt
.ij. fois .l. ce ſont cent
Ce dit .i. gars qͥ mē fiſt cōpte
.V. liures me dit q՚ cemōte
Mes ie nel ſauroie des mois
Senauoie feues ou pois
A chaſcū pois pñdꝛe .i. ſoſt
Ainſi le ſaure ie bn̄ toſt
Oꝛ ne leꝛe poꝛ nule paine
Q՚ mabource qͥ eſt bn̄ plaine
Ne ſoit voidiee ē mō giron
Et li houlieꝛ de lameſon
Dient mabile q̃r eſcoute
Cil denieꝛ ſont nr̄e sāz doute
Dit mabil fetes uous pes
Ne faites pas noiſe ne ples
Touz ces denieꝛ ieles vꝰ doy
Creuez moy lueil ⁊ ielotroy
S'il lien remeſt ia .i. ſeulz
Mes autremēt ira ligeulz
Qⁱl ne pensēt ſi cōmoÿ ſemble
Et li vilains ꝯte ⁊ aſemble
.xij. denieꝛs ſans plus qu'il a
Tant les conta ⁊ reconta
Ql dit oꝛ ay .xx. ſoulz .v. fois
Des oꝛe mes ſeꝛoit ſeꝛoit il bn̄ dꝛois
Q՚ les eſtuie ſieꝛe ſens
Hé; las dit il qñt me poꝛpēs
De mabile ma douce niece
Qⁱ fu fille de ma ſueꝛ tiece
Qⁱ ſen foui ꝑ fol ſauoir
Oꝛ fuſt dame de mō auoir
Mes .i. cleꝛc len mena ꝑ guille
Hai; douce niece mabile
Cōment eus ſi fol courage
Qⁱ eſtiez de bon parage
Ainſi la plaint aīſi la pleure
Oꝛ oꝛrez qu'il auine ēleure
Mabile iſſi de ſa maiſon
Pour l'amour dieu ſire ˞pdon
Le vr՚e nō q̃r me fuſt dit
⁊ cil reſpont sāz cōtredit
I'ai non danfouch՚dela bource
⁊ vꝰ ſemblez maniece douce
Plꝰ que fame qui ſoit v mont
Ap՚s ce li vilains reſpont
Com ſil fuſt mrͧrir ⁊ plaī dire
Niece dit il ie ne pꝰ dire
La ioie q՚ i'ai amon cueꝛ
Neſtez vꝰ fille de maſueꝛ
Ouil dit elle de dame tiece
Ml՚t ai eſté dit il gñt piece
⁊ ml՚t lonc tēps sās auoir aiſe
Tout maītenāt la colle ⁊ baiſe
Entel manieꝛe li fet ioie
⁊ li houlieꝛ d'ēmi lauoie
Qⁱ iſſirent de la meſon
Demandēt qui eſt ce ˞pdon
Eſt il oꝛe de vr՚e ville
Il eſt mon oncle dit mabile
Dont ie vꝰ ai tāt de bn̄ dit
V՚s eulz ſe toꝛna .i. petit
Tret la langue ⁊ toꝛne la ioe
⁊ li ribaut li font la moe
Eſt il vr՚e oncle ouil poꝛ voir
Ml՚t en deuez gñt ioie auoir
⁊ lui ſeꝛuir dutout entout
Et il uous am՚ ſans redout
Sire pꝛeudon tous sōmes vr՚e
Foy que doi /.s՚. peꝛe lapoſtre
Loſtel auez /.s՚. iulien
Il na hōme iuſquau /gyen
Q՚ nous aiens de vꝰ plꝰ chieꝛ
Ꝑ les bꝛas pꝛennēt dāt fouchieꝛ
Silont de dens leur hoſtel mis
⁊ puis en .i. banc aſſis
Mabile les miſt araiſon
Oꝛ ca migentil compaignon
Q՚rez moi oes ⁊ poucins
⁊ ſi pourchaciez de bons vins
Et ſi q՚res de gras chapons
Adont ꝑla .i. des gloutons
Dame fait il venez auant
Q՚ pourrons nous faire d'argāt
Q˜uez vꝰ dit elle ribaut failli
Vꝰ ſemvlez mouton acueilli
Engagiez cotes ⁊ ſourcos
Sus li vilains giſt lieſcos
Vꝰ aurez ſempꝛes ces .C. ſolz
Cemengieꝛ vꝰ ſeꝛa bn̄ ſolz
Adont ſen vont ſans demoꝛāce
Et apoꝛteꝛēt sāz doutāce
.iiij. chapons atout .ij. oies
Ce dit mabile yſanne ſoies
I ſuelle de la pareillieꝛ
Qⁱ donq՚s veïſt cil houlieꝛ
Rire ml՚t foꝛt ⁊ eſchinieꝛ
⁊ ſi apꝛeſtent le mengieꝛ
Plumēt ces chapōs ⁊ ces oes
Et yſanne fait toute uoies
Le feu ⁊ ce quelle a afaire
⁊ mabile ne ce pot taire
Q՚l ne parole aſon vilain
Biaus oncles sōt oꝛe tuit ſain
⁊ vr՚e fame ⁊ mi neueu
Sont il oꝛe vaillāt ⁊ pꝛeu
BElle dit il il sōt tuit moꝛt
Mes vꝰ ſeꝛez mō recōfoꝛt
En uo pais en vr՚e ville
Men ire ouous dit mabile
Ꝑ pou ne faitez pleureꝛ
Mes ce fuſt apꝛés ſoupeꝛ
Il alaſt ia tout autrement
Et yfanne haſte foꝛment
Le meng՚ tant q՚ tout fu pꝛeſt
⁊ les tables metre ſen veſt
Pource qñ pꝛeudōme nēnuit
Dame dit yſanne ceſt cuit
Et les oes tretes du haſte
Yſanne illecq՚s ml՚t ſe haſte
Qui veïſt ces tables gr̃nir
Et apareillieꝛ apleſir
De ſel de coutiax de bōs vins
Aubꝛouet furēt les poucins
Dont chaſcū ot gñt eſcuelle
Siot .i. ribaut qui oeille
Qⁱ ſouuēt fet au vilain coꝛne
Il le voit bn̄ il neſt pas boꝛgne
Qⁱl eſt gabez en la meſſon
Deuant lui met on .i. chapon
Et demi oe ꝑ delez
⁊ ſiiot de bons paſtez
Et oublees ⁊ chanetiaus
Bn̄ fu ſeꝛuiz li vileniaus
Aſſez li donneꝛēt aboire
Pour en yureꝛ ⁊ p˞ decoiure
Mes il ne les crient ne ne doute
Ses mains deſous ſa chape boute
Si fet ſemblāt de treꝛe argēt
Biaus oncles qualez vꝰ queꝛāt
Dit mabile dites le moy
Belle niece foy q՚ doy toy
Ie weil paieꝛ .xij. denieꝛs
Ice mengieꝛs vꝰ eſt tpͦ chieꝛs
Ce dit mabile ⁊ li houlieꝛ
Vꝰ nen paieꝛez ia denieꝛ
Qñt oꝛent mengie ⁊ beu
Mabile ne ceſt plus teu
Seigneurs alez en la hoꝛs
Gñt bn̄ vꝰ feꝛa li eſſoꝛs
⁊ ſi repenſez du ſoupeꝛ
Q˜r ml՚t bn̄ vꝰ na du diſneꝛ
Adont ſen vont ē mi la rue
Mabille ne ceſt arreſtue
Ap՚s eulz leur a bn̄ luis clos
Bn̄ fu feꝛme nō pas eſclos
Loꝛs apꝛis aparl՚ mabille
Qⁱ ml՚t ſauoit barat ⁊ guille
Oncle dites moi ꝑ vr՚e ame
Sonq՚s euitez ꝑt ē fame
Q՚ la vr՚e fame fu moꝛte
Folz eſt li hons qui trop ſoꝛpoꝛte
Soulas de fame quieſt faille
Nient plꝰ ne vault q՚ fet paille
BElle niece ꝑ /ſaīt g՚main
bn̄ a .iij. anz iē ſui ceꝛtain
Q˜ fame noy ne part ne hart
De tiex choſe ne meſt pas tart
Et ſi nai de tout ce que faire
Teſiez vꝰ oncle de bonnaire
Mes regardez celle meſchine
Atant bat .iij. fois ſa poitrine
Laiſſe ien auré gñt pechié
Aces amis la foꝛtrei gie
Gen euſſe eü grant auoir
Pour le ſien pucelage auoir
Mes vꝰ laurez car ie le weil
A yſanne ē a guingne leuil
Q՚ ſa bource liſoit coupee
Et celle en fu toute apensee
Yfanne ala auāt couchieꝛ
Ap՚s lui ala dant fouchieꝛ
LI vilains neſoublia mie
Pour par faire lalecheꝛie
Copa ſa bource de ſamain
⁊ ſi la miſſe dedens ſon ſain
Et tant qñ lachembꝛe ē entra
⁊ tant qu'il fu auala
Et tant afait qu'il aſouuit
Tout ſon talēt ⁊ ſon délit
Qñt ſelieue ſia veü
De ſa bource les .ij. pendās
Hé; las fet il chetis dolans
Cōme i'ai fait male ioꝛnee
Niece mabource meſt coupee
I'ai ꝑdu .C. ſoulz de denieꝛs
Niece ci a maus acomtieꝛs
Qñt mabile eſcouta fouch՚
Sire cōmance aeſcrieꝛ
Oꝛ hoꝛs filz aputain larron
Iſſiez tout hoꝛs dema maisō
Dont me faites ma boꝛce
Ainz me faites ma boꝛce rēdꝛe
Ainz aurez la hart a vꝰ pendꝛe
Se vꝰ de ce ent uiſſiez hoꝛs
Ie vꝰ feꝛe moudꝛe les os
Ie li re dont aupꝛeuoſt dire
Oꝛ toſt vilain sās contre dire
Samblāt fet daleꝛ aup՚uoſt
Ap՚s lecul liōt luis clos
DOnt va ayſanne mabille
Sili adit treſtout ꝑ guille
Oꝛ ſa dit elle douce amie
Celle groſſe bource farcie
Dame cōmēt vꝰ bailleꝛay
Dit yſanne ce q՚ ie nay
Ꝑ /le baron .s՚. nicolas
Dame la bource ne ie pas
Silai ie aſſez rechiee ⁊ quiſſe
Tu mens apo q՚ ne te bꝛiſe
Oꝛendꝛoit treſtoutes les dens
Tant par oꝛés demaupens
Tu la copas iel ſé deuoir
Lacuides tu par toi auoir
Ꝑ la ſainte digne char de
Mar te vint onq՚s enpenſe
LOꝛs la mabille ſi combꝛee
Q՚ contre tr՚e la getee
Si la tant frapee ⁊ batue
Ꝑ .i. petit quelle ne la tue
Et ſon houleꝛ ieſt venus
Qⁱ ml՚t en ꝑ fu iracus
Qñt il voit ſa meſchine batre
En treulz .ij. ſe vont ētrebatre
⁊ liautres houlieꝛ ⁊ ſurmēt
Qⁱ aml՚t gñt m՚ueille viēt
Qñt il voit mabile ē tel point
Loꝛs fieꝛt ⁊ frape ⁊ em point
⁊ ſe pñt auhoulieꝛ yſanne
Sarobe qͥ eꝛt de couleur fanne
Li deſpiece toute ⁊ chapigne
Niremeſt coiſfe de cōpigne
A deſcireꝛ ne chapeꝛon
Tant sentrebatēt ligloutō
⁊ tant ont hurte ⁊ boute
Q՚ tuit ſesōt ē ſanglāte
Il ſe de rompent les poitrines
⁊ auſi firēt les meſchines
Il ſen tre rompirēt les piaus
Sachiez ſil ieüſt couſtiaus
Ia ſe fuſſēt entre dōmagiez
Mes il les oꝛent ēgagiez
P˞ le vin quoꝛēt audiſneꝛ
Chieꝛ leur couuādꝛa acheteꝛ
Ce vꝰ dis ie bn̄ ceſt eſtot
Sien ſeꝛont tenuz pour ſot
Si cōme vꝰ pourrez oir
Mes que weilliez .i. pou teſir
LI vilains tout dꝛoit ſenala
Ou le pꝛevost trouu՚ cuida
Car il ſauoit bn̄ ouil eꝛe
Li vilains ne ſetret arrieꝛe
Ainz va la ou le p՚uoſt fu
Qñt dant fouch՚s lot conneü
Tretout li conta mot amot
C'onq՚s nen failli d'ū ſeul mot
La lecheꝛie qu'il ot faite
⁊ li p՚uolz v՚s lui ſeſploite
Sile fiſt .iij. iours ſeioꝛneꝛ
Pour la moqueꝛie conteꝛ
Et qñt dant boiuin sē ala
Le p՚uoſt .xx. ſoulz lidōna
Et mabile ſi fu mouſtree
Et ꝑ /pꝛouuins de toꝰ moquee
Q՚ miex amaſt eſtre a/coloigne
Q˜ venue lifuſt telle beſoigne
P˞ ce q՚lle cuidoit plus ſauoir
Dōme trichieꝛ ⁊ deceuoir
Ꝑ barat ⁊ par traiſon
Q՚ nulle fame ne nulz hon
Pource di atouz ce meſemble
Bon larron eſt qui autre ēble