TOutes bones gens doiuēt Oyr le biē retraire
De dieu ⁊ de /ſa mere Qⁱ tant eſt debōnaire
Oſter ſ'ē puet on biē De pechier de mal faire
Oꝛ voꝰ dirai bon dit Qⁱ ne me fera taire
Uous ſauez tous ⁊ toutes Qⁱ ſert /ſainte marie
De bō cuer ⁊ de vrai Sans poīt de vilōnie
Ou a l'ame ou au coꝛps Qñt la char eſt poꝛrie
A .C. doubles li rent En ceſte moꝛtel vie.
UN moult tres bel exāple Iſſy vous en deuis
Cōme /la dame rent Loier a ſes amis.
Elle ſcet biē hoꝛs traire Des mains aus ēnemis
Q՚ toꝰ ioꝛs eſt en paine D'oſter nos bons auis
Il auint a /Narbōne Qui eſt riche cité
Vne bourgoiſe yot Plaine de charité
Mais l'ainemi qⁱ eſt Si plain d'iniquité
L'agrapa et li fiſt Paine et adu՚ſité
La bourgoiſe eſtoit riche Si ot .i. bel enfant
A l'eſcole fu mis Si cō le truis liſant
Les cōpaignōs ſuiuoit Qñt il fu .i. po grant
La richeté ſa mere Aloit foꝛm̄t gaſtant
La m՚e l'amoit moult Car plꝰ d'enfās n'auoit
Trop debōnairem̄t Sō me ffait li mouſtroit
Mais il ꝑ ſa foleur Croire ne les voloit
Quāqu'il pooit tenir Tātoſt aus dez iouoit
Li vallés ſi mena Ꝑ lonc tēps ceſte vie
La boꝛioiſe ſa mere En fu ml՚t coꝛroucie
Elle a mādé gñt part Du miex de ſa lignie
A sō filz vouldꝛa faire De tous ſes biens ꝑtie
Qñt furēt aſſamblé La dame leur mouſtra
Cōm̄t ſon filz le ſien. Vilaīnem̄t gaſta
Sa ꝑt veil q՚ il ait Et puis ſi en fera
Toute ſa volēté Qñt deuāt lui l'aura.
Uous eſt il biē auis Q՚ ie die raiſon.
Oil font li parent Mais il eſt fol garcon.
Qñt il ne voꝰ veult croire Foy q՚ doi /.s՚. ſymon
Il ſ'en repētira (ſi ci) Si cōme nous creon.
Elle fiſt ſa ꝑtie voiant ceulz du lignage
Et le vallet le pꝛiſt Qⁱ ne fu mie ſage
En la ville ala Si y tint sō meſnage
Mais toſt l'oſt deſpendu Et gaſté ꝑ outrage
Qñt n'ot mais q՚ deſpēdꝛe Si fu tous eſbahis
Oꝛ oez ia cō fu de ceus et trais
Poꝛ l'amoꝛ de ſa mere Qⁱ ſeruoit /ih՚ucris
Se voult pener le dëable De deceuoir le filz
Deuāt lui ſ'aꝑut l'ēnemis Erramment.
Oꝛ te va il diſt il Certes ml՚t pourem̄t
Mais ſe tu me veulz croire Il t'ira richement.
Ie te dōrai plenté Auoir oꝛ et argent
Se tu veulz diſt li dëables Nous ſerons ꝯ paignon
I'ai de l'argent aſſez Largem̄t en iouiron
Es qñt ceſtui faudꝛa De l'autre trouueron
Q՚ ie ſai biē ou eſt. Moy ⁊ toi l'embleron
Par foy diſt li vallés Qⁱ fu du jeu eſpꝛis
Ie ne t'en faudꝛai ia S'en deuoie eſtre occis
Gardōs q՚ n'ē ſoions Pendus ne mal baillis
Loꝛs ſ'entr'acōpaignerēt Lui et li ēnemis
Al furent cōpaignōs Ensāble lō guem̄t
Oꝛ et argent auoient A iouer largem̄t
Mais ſ'a/la douce dame Ꝑ tans pitié n'ē pꝛent
De l'enfant ſela l'ame Et coꝛps a dāpnem̄t
En ſes las longuem̄t L'a tenus l'ēnemis
Tant q՚ ꝑ .i. matin L'ē fant a raiſon mis
Cōpaīs diſt li dëables Ꝑ foy le te pleuis
L'auoir que noꝰ auiōs Noꝰ eſt treſtoꝰ faillis
Ses tu dont venoit oꝛe L'auoir qu'auōs ioué
Ie le te dirai bien Certes ie l'ai emblé
Ainſinc reconuient faire Ou tres gñt poureté
Sera voſtre voiſine Ce ſachiez de v՚té
Et ou irai ie embler Diſt li vallés amis
Ie le te dirai biē Ce reſpont l'ēnemis
Viē t'en aueq՚s moy Loꝛs l'a ꝑ la main pꝛis
V՚s le mouſt՚ le maīne Si l'a a raiſon mis
Cōpaīs diſt li dëables Sces tu q՚ tu feras
Ca dehoꝛs demoꝛrai En l'egliſe t'en vas
Le pꝛeſtre n'i eſt mie Le calice embleras
Tu reuēdꝛas amoy Et pꝰ iouer poꝛras
Li vallés li reſpont Q՚ tantoſt le fera
En l'e gliſe ſ'ē entre Q՚ plus n'i demoꝛa
Deſſus l'autel tātoſt Le galice pꝛis a
Oꝛ oez biau miracle Qⁱ oir le vouldꝛa
L'en voloit le ſeruice De la meſſe chanter
Les gens de la pꝛoiſſe Le vindꝛent eſcouter
Cil qⁱ tint le calice Ne ſ'en pooit aler
Loꝛs veïſſiez les gens Entoꝛ li aſſambler
Car tout adez couu՚t Le calice tenoit
Ne deſtoꝛner nel pot Chaſcuns li demandoit
Qⁱl en voloit faire Nul mot ne reſpōnoit
Il ne ſcet ne ne pot Car diex nele voloit
Pluiſeur qⁱ le ꝯnurent En furent moult mari
Li pꝛeſtre y a coꝛut Qⁱ ml՚t fu eſbahi
Le calice li oſte A l'autel reuerti.
Loꝛs fu le valeton De toutes ꝑs ſaiſi
Aſſez vilainement fu menez en pꝛiſon
Loꝛs diſt piteuſem̄t Ploꝛant en ſa raiſon
Las ſe i'euſſe fait A ma m՚e ſon bon
Ie ne fuſſe oꝛe mie Mené cōme larron.
Quant fu en la pꝛiſon Foꝛm̄t ſe dementa
Oꝛ ſerai ie pendu N'en eſchaperai ia
Ꝑ maiſe cōpaignie Qu'ai menee pieca
Se pitié n'ē a cele /Qⁱ le coꝛps dieu poꝛta
Qñt ſa m՚e en oÿ Les poles retraire
Sachiez q՚le ot au cuer Gñt ire ⁊ gñt ꝯtraire
Loꝛs ſe pꝛiſt a ploꝛer Q՚l ne ſe pot plꝰ taire
Doucem̄t reclama /La dame debōnaire
Moult lié fu l'ēnemi Qñt ꝑ engīgnem̄t
Ot deceu l'enfant Oꝛ ſcet il vraiem̄t
Et ſe il eſt pēdus L'ame ira en tourm̄t
Puis metra il ſa mere En deſeſperem̄t
A cōſeil en alerent Les barōs du pays
Q՚ ferōs dient il du vallet Qui eſt pꝛis.
Ꝑ foy dient aucun Du fait fu pͥs ſaiſis.
Autre choſe n'i a foꝛs Qu'ala moꝛt ſoit mis
LOꝛs fu le valeton Mandé en iugem̄t
Les barōs li ont dit Confeſſe toy bꝛiem̄t
Tu es iugiez a pēdꝛe Saches certainem̄t
Se n'eſt diex et /ſa m՚e N'auras deffendem̄t
Seignoꝛ diſt li varlez Oꝛ oez q՚ dirai.
Ie ſui iugiez a moꝛt Biē le voi ⁊ le ſai
Ce m'a fait ꝯpaignie Ce ſachiez voꝰ de vrai
/La m՚e /ih՚ucriſt En mō garant ē trai
C'onq՚s ne fis foꝛfait Foꝛs a moi ſeulem̄t
Et a ma douce m՚e Qⁱ le cuer a dolent
Et ce fait dont ie ſui Repꝛis cy en p՚ſent
Oꝛ me ſui cōfeſſez Faites vr՚e talent
Encoꝛ voꝰ pͥ ſeigneur Q՚ .j. po m'eſcoutez
Qñt on memēra pēdꝛe Pour dieu de maieſté
Q՚ ꝑ deuant l'oſtel Ma m՚e memenez
Si pͥera poꝛ moy Et autres gens aſſez
Nous le volōs ml՚t biē Dient tuit li baron
Loꝛs le font il mener Ꝑ deuant la maiſon
Ou demouroit ſa m՚e Qⁱ fu en gñt fricon
Poꝛ sō filz poꝛ tel cas Doloꝛ ſueffre a bandō
Qñt en la rueentrerent Sileuale noiſier
Les voiſins ſi le vont La boꝛioie nōcier
Q՚ l'ē maīne ꝑcy Pendꝛe ſon heritier
Tant qⁱl ſera paſſé Dame alez voꝰ mucier
La boꝛioiſe reſpont Ꝑ mō chief nō ferai
Ains m'ē irai al'uis Qñt paſſer le verrai
En ſa tres douce bouche .I. baiſier li dōrai
/La m՚e dieu pour li Doucem̄t pꝛierai
Loꝛs coꝛt la boꝛgoiſe Plaīne de mairem̄t
A tantez voꝰ venir Multitude de gent
Et ſon fil c'ōmenoit Aſſez honteuſem̄t
Le vallet vit ſa mere Si cria hautem̄t
Mere diſt le vallet Mar me veiſtes neſtre
Mal emblai le calice Deſſus l'autel au p՚ſtre
Se voꝰ euſſe creue Et voꝰ ⁊ mō anceſtre
Au gibet ne fuſt mie Ma maiſon nemō eſtre
Qvant la boꝛioiſe l'ot S'eſt cheue paſmee
Li voiſin la redꝛecent Maīte lerme a ploꝛee
Et qñt elle refu De paumoiſon leuee
Son fil a regardé Si ſ'eſt hault eſcriee
Hay diſt la boꝛioiſe Biau filz et q՚ ferai
Qñt hui ce ioꝛ tō coꝛps A martyre verrai
Certes ſe tu y muers Ie me deſpererai
/Ih՚us et toꝰ ſes ſains Ancui (deſpererai )renoierai
Certes auant q՚ muires .I. baiſier me donras
Loꝛs le courut baiſier Eſtroit l'acole au bꝛas
Puis diſt vne ꝑole Qⁱ ne fu mie bas.
Biaus filz a dieu te rent Et a /ſaint nicolas
Loꝛs bꝛochent ſi ē mainēt Le vallet au iuiſe.
La bourgoiſe courut Maītenant al'egliſe
La bare de la poꝛte A .ij. maīs a ſaiſie
La gent qui fu dedens A elle toſt hoꝛs miſe
Oꝛ oez la merueille Et trop gñt hardem̄t
Et miracles ap՚s Sachiez certainem̄t
Les huis du mouſtier a Clos ſus li fermem̄t
Puis ſ'eſt treſtoute nue Deſpoilliee errāment
OR oez q՚le fiſt Qñt el fu deſnuee
En chaſcune mamele Qu'ele ot ou coꝛps poſee
Vne coꝛde des cloch es A fermem̄t noee
Loꝛs ſ'eſmurent les cloches Ꝑ la vertu nōmee
D'icele mameles Les cloches foꝛt tira
Et a ſes biaus cheueus Toute ſ'i atira
Ꝑfondem̄t du cuer En tirant ſouſpira
Les cloches foꝛt sōnerent Car diex les eſpira.
Qñt de tirer ſe fu La boꝛioiſe la ſſee
Loꝛs coꝛut a l'ymage De /la virge honoꝛee
A litāce ꝯ fame Qⁱ eſtoit foꝛſenee
/Dame diſt la boꝛioiſe Oꝛ oez ma pēſee
Dame ie t'ai lonc tēps Honoꝛee et ſeruie
Et au beſoīg voit on Qu'eſt amis ⁊ amie
Rent moi toſt mō enfant Q՚ n'i ꝑde la vie
Ou ie ferai tantoſt Vne grande folie
Car toi ⁊ ton enfant [...]
Q՚ de ceſte grant [...] D [...]
Et se tu me le rens Tous ioꝛs te ſeruirai
A mō loial pooir Et ta ſerue ſerai.
/Cele qui eſt plus douce Q՚ nouel miel en ree
Sot de la boꝛgoiſe Le cuer et la pēſee
Et ſot q՚ l'ēnemi L'auoit deſe ſperee
A lui ſe demouſtra Sans nule demoꝛee
/Noſtre dame li diſt Ne t'eſmaier amie
Des biēs qu'as fait poꝛ moi Te rēdꝛai ie ꝑtie
L'autre ꝑt aura t'ame De ce ne doubtes mie
Ton enfant te vois q՚rre En ſanté ⁊ en vie
Iointes maīs agenoulz Cele l'ēmercia
Toute nue en ploꝛant Diſt aue /maria
/Nr՚e dame s'ē ꝑt Q՚ plꝰ n'i demoꝛa
Cele ſe reueſti. Et dieu foꝛm̄t pꝛi a
A la iuſtice vint. /La gloꝛieuſe errant
La coꝛde eſtoit ia miſe Ens el col ſon enfant
Eſtes voꝰ .i. bꝛādon De feu ardant cheant
Les gens ſ'eſparpeillierēt De paour vont criant
La virge al'enfant Ꝑ les maīs cōblé
Les coꝛdes li deſneue Et ſi l'a deſlié.
La gent qⁱ furent loīg Ont tout ce regardé
Au baillif ſ'en coururent Tout ont dit ⁊ ꝯté
Qñt toute gēt le ſoꝛent Foꝛm̄t ſe merueillierent
Les cloches de la ville Ꝑ elles ſi sōnerent
Et les pourceſſions Tantoſt ſ'apꝑeillierent
Chantant vont l'ēfant q՚rre Et ſa mere menerent
Le pueple vit /la m՚e /Le roy ih՚u puiſſant
Monter en ꝑadis Et leur leſſa l'enfant
Le clergié vōt Hautem̄t chantans
La bourioi ſe sō filz Va doucem̄t baiſant
Par /la virge pucele Fu le vallet gueris
Des maīs a l'ēnemi Qⁱ ſi l'auoit trahis
Puis ama il foꝛm̄t /La m՚e /ih՚ucris
Qⁱde bō cuer la ſert Il n'ert ia deſconfis
Ceulz ⁊ celles qⁱ ont Ce miracle eſcouté
Diex leur ſauue leurs coꝛps Et doīſt biē ⁊ ſanté
A tous nos biē faiteurs Et aient la clarté
En ꝑadis laſſus Auec les treſpaſſez.