A La douce louenge De /la vierge marie
Veil dire .I. biau dit Qⁱ eſt sāz vilenie
Poꝛ pñdꝛe bone eſſemple En ceſte moꝛtel vie
De ꝯ feſſer touz ceus Qⁱ ne non eu envie
UN ml՚t bel eſſemplaire voꝰ vodꝛai recoꝛd՚
Com̄t /la douce dame Sait ſes amis ſauuer
En cōtre l'anemi Qⁱ noꝰ ueuſt crauēter
⁊ nos deſuoie touz Q՚ n'aillons ꝯfeſſer
Iadis (fu )vne boꝛgoiſe Demourant a/rōme
Ml՚t eſtoit bele dame ⁊ sō mari jōne home
Il ſ'entramoient ml՚t D'auoir oꝛēt gñt sōme
As poures genz dōnoient Aſſez de bn̄s ꝑ /rōme
De leur bn̄s fez eſtoit Par tot le renō gñt
Il oꝛent de .ii. anz .I. ml՚t tres bel enfant
Il eſtoit valeton Si l'amerent foꝛment
Li p՚udō n'ēot plꝰ En treſtot sō viuant
UNe nuit jut malades Enſon lit li boꝛgois
C'eſt le lit de la moꝛt Dont nullui n'a de fois
A ſa fame ala Si li dit maintes fois
Pl՚ſiex qⁱ sūt mout A /ih՚ucriſt coꝛtois
DAme dit li boꝛgois P˞ dex ie voꝰ requier
Donez aus poures genz Qⁱ en ont gñt meſt՚
Voꝰ auez bn̄ de quoi Diex deuez m՚cier
De voſtͤ enfant penſez ⁊ ſile tenez chier
SIre dit la boꝛioiſe Tout a vr՚e talant
Aus poures genz Donrai aſſez ⁊ largem̄t
De voſtͤ ē fant auſi Penſerai voirem̄t
Ia pis n'aura de moi Sachiez c՚tainement
CIl l'en a marcié Pꝰ manda sō curé
Qⁱ ſes dꝛoiz li donaſt Qñt l'ot bn̄ ꝯ feſſe
Loꝛs ail le moꝛſel De la moꝛt en dure
Qⁱ n'eſpargne nullui Foꝛt. floibe n'aduré
GRant duel fiſt la boꝛioiſe Sachiez de ſon mari
Car ml՚t ꝑt ē ceſt ſiecle Qⁱ ꝑt vn bon ami
A tant me voudꝛai taire Plꝰ n'ē ꝑlerai ci
De ſon fil voꝰ weil dire Com̄t il fu nouri
LA dame l'ama ml՚t Mētir ne voꝰ en quier
Tāt l'ama q՚le fiſt Auecq՚s lui couchier
Il crut ⁊ en barmi Gñt fu foꝛt ⁊ legier
De li ne uoſt ſa mere Tant ne qñt eſloignier
LI ualez devint gñz Si fu en bon aage
De ſoi aꝑceuoir Si dit en ſon courage
De geſir oſam՚e Certes c'eſt gñt folage
De ce q՚l le le ſe ufre Ne la tint pas aſage
IL ſ'en vait aſam՚e ⁊ ſi l'a reſſōna
Mere dit li valez Entendez amoi ca
Faites moi faire .i. lit Ailleurs ou coucherai
Ne g՚rrai plꝰ ovous Ꝑ dieu qⁱ tout foꝛma
IE voꝰ dirai p˞ quoi Ce ſeroit gñt folie
Nature me ſemont De ce ne doutez mie
A pechié de luxure Par aucune foie
Si veil ailleurs geſir Sanz faire gñt de tͥe
SA m՚e le regarde Sil'en peſa foꝛm̄t
Car ele l'ama ml՚t Sachiez c՚tainem̄t
A nul mal n'i penſoit Si li dit erranment
Ailleurs n'iras geſir Par mō ꝯmandem̄t
BIen ſai a quoi tu pēſes De ce n'eſtue douter
Tu veus aus folles fames Aler ⁊ abiter
Poꝛ deſtruire tō coꝛs ⁊ du tot affoll՚
Ie te couroucerai Se plꝰ t'en oï ꝑl՚
LI fil dit a ſam՚e Q՚ plꝰ n'ē ꝑlera
L'anemi les eſcoute Qⁱ ml՚t gñt ioie en a
A pechié de luxure Treſtoz .ii. les metra
Dont la boꝛioiſe amoꝛt Se il puet traitera
LA nuit q՚ il durent Au lit al՚ geſir
L'anemi fu ml՚t p՚ſt Qⁱ les voud˜ trair
Le fil fiſt a ſamere Engendꝛer sāz m̄tir
Qñt ot fait sō malice Enli n'ot q՚s ioir
ENcoꝛ leur fera pis Si ꝯ oꝛrez cont՚
La boꝛioiſe engroiſſa Lonc tēs pͥſt apenſer
⁊ la tint l'anemi Ne ſ'oſa ꝯfeſſer
Honteuſe fu foꝛmēt ⁊ dolente en penſer
LA boꝛioiſe de robe Veſti a sō vouloir
Nului de ſa groiſſece Ne ſe ꝑ ſeuoir
Si la tint l'anemi ⁊ la ſot deceuoir
Q՚ de le ꝯfeſſer N'auoit poīt de pouoir
MEs ſe deuant ot fet Aumoſnes largem̄t
Plus en fiſt ele ap՚s Sachiez c՚tainem̄t
⁊ ſon pechié plouroit Souent ml՚t coiem̄t
/La m՚e dieu pͥoit Au moutier doucem̄t
Elle fiſt tant de biens Si ꝯdit li eſcris
Li renō en fu gñt Par treſtot le pais
Gñt honeur li poꝛtoient Li gñz ⁊ li petis
De ſon pechié ne ſ'eſt Nul ame garde pꝛis
LI anemi en fu Coꝛrocié ⁊ dolant
Le terme a˞pcha Q՚ dut auoir enfant
Le ioꝛ vint sāz demeure Le mal li pͥſt errant
Oez ꝯ l'a nemi La de cut plꝰ foꝛmēt
EN .I. v՚gier entra Qñt sō mal en goiſſa
Loing fu de tote gent Toute ſeule iala
⁊ la tige d'ū arbꝛe Ꝑ deſtrece em bꝛaca
D'un biau fiz. en la place Tentoſt ſe de liura
ML՚t foꝛt ſe dem̄ta Qñt elle tint l'enfant
L'anemi fu delez Foꝛmēt la ua tentant
Laſſe dit la boꝛioiſe Q՚ ferai maītenant
Ie l'eſtrangleré ia N'ira plus en auāt
L'Anemi fu ml՚t p՚s Q՚ foꝛm̄t la haſta
L'anfant pͥſt ē ſes maīs Tentoſt le deuoꝛa
⁊ qñt elle ot ce fet A t՚re le bouta
L'anemi ot gñt ioie ⁊ celle ſ'en toꝛna
LA dame fu ceſſie Des laz au maufé vis
Se deuant ot feſt mal Encoꝛ fiſt elle pis
⁊ de ces .ii. pechiez Si ꝯ dit li eſcris
Ne ſ'oſa ꝯ feſſer Par foi le voꝰ pleuis
MEs des aumoſnes fiſt aſſez plꝰ q՚ deuant
De ſon pechié ne ſot Le monde tant ne qñt
A treſtoz ⁊ a toutes Fiſt dehoꝛs biau sēblant
Mes ſon cuer ua ſouuent Poꝛ ſon pechié plourant
LA boꝛioiſe lonc temps Encel point demoura
L'anemi voit ml՚t bn̄ Q՚ enginee l'a
Ne q՚ de ſes pechiez Nus hons riens n'ē ſaura
Se n'eſt ꝑ lui oez Coment l'encuſera
EN ſemblance ſe miſt D'ū home creſtien
⁊ va diſant ꝑ /rōme Qⁱl eſt fuiſicien
⁊ mires autreſi Si bon qui n'i faut rien
Tantoſt ot entoꝛ lui Maint enfers creſtien
IL gariſoit ml՚t bn̄ Ceꝰ qⁱlentre p՚noit
Tant fiſt q՚ gñt renō Par tout de lui aloit
L'emperiere le ſot Gñt ioie en auroit
Se il en ſa court Demourer iuoloit
CAnt fiſt li emꝑiere Q՚ cil en ſa court vint
Demourer auec lui Ml՚t ioiant ende uīt
Ml՚t gariſoit malades A gñt hon˞ le tint
Tant fiſt q՚ delez lui Cheuauch՚ li couint
L'Emperere le tint A tout le plꝰ pͥué
Qu'i leüſt en ſa coꝛt Tant lia ſens montré
Q՚ treſtot li empire Eſtoit ꝑ lui mené
Pres qu'autant ꝯ liſires Fu cremu ⁊ douté
ERt tant c'unne joꝛnee S'aloient de dui ant
Delez lui ce gñt meſtre Que il aloit pꝛiſant
D'ūnes choſes ⁊ d'autres Vont enſemble ꝑlant
Loꝛs ne ſe pot plus taire L'anemi ſouduiant
SIre dit l'a nemi pleſt vos a eſcouter
Une ml՚t gñt m՚ueille Q՚ ie voꝰ weil ꝯter
Terre de uroit iſſir ⁊ ꝑtir ⁊ creuer
Ꝑ pechié qui fet de Murt՚ ⁊ auouter
ILa telle boꝛioiſe Meignant en lacité
Ou l'en cuit qⁱ lait Ml՚t gñt humilité
Mes ſ'en ſauoit de li La pure verité
L'en diroit q՚ en li a Ml՚t gñt īiquité
SIre ie voꝰ diré Elle a fet auotir
De sō fil pꝛopꝛem̄t Dont nen ne doit pas rire
C'elle le vouloit nier De pꝛouuer matire
Encoꝛ plꝰ gñt meſfet Oꝛrez voꝰ de li dire
SOn enfant engendꝛa En li c՚tainement
Mes de l'engen dꝛeure Avint trop malemēt
Qñt elle fu de liure Le voꝰ di vraiement
Q՚ elle aſes .ii. mains L'eſtrangla erranment
/SAinte marie dame Ce dit li emperere
Qⁱ ſauroit qui elle eſt Male Iuſtice amere
Seroit fete de li Par /le barō .S՚. pere
Nvs ne l'en garderoit Se n'est dieu ou /ſa m՚e
IE la voꝰ nomerai Q՚ mentir ne voꝰ quier
C'eſt /celle qui lemonde Fait ainſi folloier
Des aumoſne qu'a fait Mes ſachiez ſanz cuidier
Q՚lle a bn̄ deſerui Q՚ en l'arde en bꝛaſier
L'Emperere l'eſgarde Qⁱ foꝛment ſe m՚ueille
Meſtͤ ne dites ce Ie vous lo ⁊ ꝯſeille
N'a dame ne boꝛioiſe Entre ci ⁊ /marſeille
Ie croi qui env՚s lui De bonté ſ'a ꝑeille
SIre dit l'anemi Droit voꝰ couient Iug՚
Faites faire .i. gñt feu Deuant toz voz pͥſier
Se ſeullement le nie Faites m'i balencier
⁊ ſ'elle le ꝯnoiſt Si l'i faites fichier
PAr foi dit l'emꝑere Contre ce Iugem̄t
Ne puis ie pas aler Ne bien ne loiaument
Tant haſte l'anemi Le feu fiſt erranment
La boꝛioiſe ont mandee Toſt ⁊ deliurement
EN ſon oſtel entrerent Maintenant li meſage
El n'i fu pas ains Fu au moutier ꝯſage
⁊ ſes pechiez plouroit Deuant la douce ymage
Ꝯ celle qui le ioꝛ La de liura de rage
LEs meſages ivindꝛent Sanz nulle demouree
Il ont pͥſe la dame Sil'en ont amenee
/La mere dieu deſſant Sieſt au pape alee
Toute celle beſoigne Li a dit ⁊ ꝯtee
Uas toſt dit /noſtͤ dame Si li ſauue la vie
Les aumoſnes qu'a fait Ne veil que perde mie
Confeſſes la tentoſt Ie li feraie aie
L'apoſtoille ſ'en toꝛne La nuit plꝰ n'i detrie
L'Anemi ⁊ la dame Furent ia en eſtant
Li anemi ſ'es crie Ceſte vois encuſant
D'auotir ⁊ de murtre Qu'a fait de ſon enfant
S'elle vouloit nier Ie l'iroie pꝛouuant
LA fiſt ml՚t biau Miracle /Noſtre dame marie
L'apoſtoille eſtoit la Mes on ne le vit mie
As tu fait ce meſfet Confeſſes toi amie
La boꝛioiſe li dit Belement en l'oïe
Qvant elle vit lepape Si ſ'ala ꝯfeſſant
Nus qⁱ fuſt en la place Ne le vit tant ne quant
L'anemi qui l'encuſe Ne ſ'en ua ꝑceuant
L'apoſtoire l'a ſoſt Puis ſ'en ala atant
Qñt elle fu ꝯfeſſe Deuant toz ſe dꝛeca
Une ꝑole dit qⁱ a toz agrea
Foꝛs q՚ al'anemi Oꝛ ſe traie en ca
Qⁱ m'ē cuſe de rien Biē me deſfendꝛé ia
L'Anemi la regarde ſi fu tot aueuglé
⁊ ſi a dit deuant Q՚ bn̄ fu eſcouté
Certes ce n'eſt pas celle Q՚ i'a uoie acuſé
Sieſt voir dit chaſcū Voꝰ ſeroiz misouré
DOlant fu l'a nemi Qñt einſi laꝑdi
Mes qñt en le dut pñdꝛe Tentoſt ſ'en eſt foui
Seil fuſt hons charniex Il feüſt ia bꝛoi
Ceus qui iluec eſtoient En furent eſbahi
LOꝛs fu plꝰ q՚ deuant la boꝛioiſe honoꝛee
Mes elle pͥſt en li Ml՚t tres bone pensee
Tantoſt leſſa le ſiecle Nōnaī deuint voillee
Laſerui tot sō tens Celle qⁱ l'ot ſauuee
HE diex tant eſt benoiſt Qⁱ laſert ⁊ honeure
Et qⁱ a ꝯfeſſier Bien toz ſes pechiez pleure
Certes cil n'eſt pas ſache Qⁱ en pechié de meure
Car noꝰ n'auons reſpit Semaine ioꝛ ne heure
OR pͥons touz /ladame /Qⁱ le coꝛs dieu poꝛta
Qⁱ des mains l'anemi La boꝛioiſe oſta
Les euures noꝰ doīt fere Par quoi noꝰ ſoions la
Ou /ihucͥſt ſanz fin Regne ⁊ regnera