POur donner exēple Proueſce ⁊ hardemēt
Pecheeurs pechereſſes Qⁱ pechent moꝛtelm̄t
Veul recoꝛder vn dit A touz cōmunement
Ou chaſcun poꝛra p՚ndꝛe Ml՚t biau chaſtiement
POur lui hardiement Geter de ſes pechiez
Qu'il ne ſoit des dëables U puis d'enfer ſachiez
Regardons ꝯment diex Fu pour nous clofichiez
⁊ par piez ⁊ par mains. En la croiz atachiez
DE tres parfaite amour loiaum̄t nous ama
Qñt pour nous tel tourm̄t ⁊ tel moꝛt endura
Pour nous bꝛiſa enfer ⁊ hoꝛs nous engeta
Paradiz ⁊ ſa gloire Tout nous a bandōna
DOnt qñt il nous crea ⁊ fiſt en ſaſamblance
⁊ pour nous fu clofis; ⁊ ferus de la lance.
Nous ne deuons pas metre Tel oeuure enoubliance
Ainz deuons uers liquerre ⁊ pais et acoꝛdance
CAr li anemis eſt Soutil de moi ſuſp՚dꝛe.
⁊ enſez laz nous fait Trebuchier ⁊ deſcendꝛe
Nous nous poons ml՚t bn̄ Encontre li deffendꝛe
Par confeſſion uraie Lipoons gñz coups rēdꝛe
SI toſt cō le dëable Ale pecheur feru.
DV baſton de pechié; Et il l'a abatu
Le pecheur doit pꝛendꝛe L'eſpee de vertu
Iapuis par l'anemi Ne puet eſtre vaincu
L'Eſpee de vertu C'eſt confeſſion pure
Qⁱ des mains audëable Gete lacreature
Celui qui par ꝯfeſſe Seneſtoie ⁊ eſcure
Fait adieu gñt honnour ⁊ aus mauuais laidure
QVe ce ſoit verité Ie le vous pꝛouuerai
Ꝑ .i. ml՚t bel eſſample Qu'oꝛendꝛoit voꝰ dirai
En ſarmon l'oï dire Ml՚t bn̄ retenu l'ai
S'entendꝛe le voulez Ie le recoꝛderai
ET pource quemondit Soit plus ferme ⁊ eſtable
Ie pꝛi /la mere dieu /La roze delitable
⁊ /ſontres douz enfant Le pere eſperitable.
Q˜ vos ames puiſt eſtre ce biau dit pꝛoufitable
AMen que diex le veulle ⁊ ſa tres douce mere
Sus oeuure d'anemi Me faut pꝛendꝛe matere
Mais ꝯ bn̄ que celle oeuure Soit honteuſe ⁊ amere
S'eſt la fin bonne ⁊ belle Plaiſant a dieu le pere.
OV temps qu'il fu iadiz ij. bonnes gens eſtoient
Ꝑ loial mariage; Bonne vie menoient
.I. ml՚t biau valeton oꝛent Q՚ ml՚t amoient
⁊ pour l'a mour de dieu Ml՚t d'aumoſnes faiſoient
CAr il eſtoient riches Manans ⁊ aſſazés
Diex eſtoit de leur bn̄s Seruis ⁊ honnourez
Les poures ſoutenuz Malades confoꝛtez
Dont l'anemi eſtoit Dolent et airez
L'Anemi les tempta Tant ꝯ l'ōme veſqui
Mais ne le pot decoiure Vailliſſant .j. eſpi
L'ōme qui eſtoit ſage Treſtouz pechiez guerpi
Si bn̄ qu'en nul pechié Vilain ne ſ'embati
CIl veſqui juſq̃ tant Q՚ diex le vout auoir
Lamoꝛt vint qui le pꝛiſt Ne pot plus remanoir
Ses laiz li conuint faire ⁊ partir ſon auoir
Si cō il apartint. Bien en fiſt ſondeuoir
CE pꝛeudons treſpaſſa S'ala de vie amoꝛt
Sa femme en fu dolente ⁊ en gñt deſconfoꝛt
Pour ſon ſeignour plouroit Souuent nuit ⁊ iour foꝛt
Mais touz iourz le tempta L'anemi qui ne doꝛt
DE coꝛs ⁊ de viſage. Le filz ſambloit au pere
⁊ pource l'amoit ml՚t ⁊ tenoit chier lamere
Touz iourz leur pourchaſſoit L'anemi honte ⁊ here
Qⁱl conuendꝛa par foꝛce Que chaſcun la ꝯpere
POur l'amour que lam՚e auoit aſon enfant
Le coucha auec lui Tant qu'il fu bel ⁊ gñt
Anemi qui touz iourz Va le mal en oꝛtant
Pour chaſſa tant qͥl furēt L'un al'autre abitant
OV pechié de luxure Touz .ij. les embati
Lonc temps les y fiſt Eſtre d'eulx .ij. ſe de parti
La dame deuint groſſe ⁊ ſon enfant ſenti
Quant ſ'en percut apoi Le cuer ne li parti
LE filz qui ot ſamere Enſainte ⁊ en groſſie
Ot tel aſoncuer Bn̄ vouſiſt perdꝛe vie
Adont pꝛomiſt adieu ⁊ a /ſainte marie
Q՚ il ſ'amendera De celle grant folie
LE varlet ⁊ ſamere Se uont aperceuoir
Du pechié ou dëable Les a fait remanoir
Chaſcun ſon pechié pleure Tart tempꝛe main ⁊ ſoir
Mais l'anemi fait ioie Qui les cuidoit auoir
L'Anemis qui touz diz Au bons deceuoir tire
Cuida bien filz ⁊ mere Auoir ſanz contredit
⁊ le fruit qu'engendꝛé Eſtoit en aduoutire
Mais onques n'i ot part Dont il ot duel ⁊ ire
AIns les ot le vrai dieu En ſon /ſaint paradis
Ainſſi com vous oꝛrez Ainz que le dit ſoit dits
Gñt penitance enfirent Si ꝯ dit li eſcris
Oez ꝯ le filz fu De ſa mere partis
MEre dit le varlet Trop mal auōs ouuré
Moi ⁊ vous ont dëable Laidement encombꝛé
Ou feu d'enfer ſerons ⁊ ars ⁊ deſmembꝛé
Nous auons dieu ꝑdu ⁊ dyable recouuré
MAis ſe dieu plait le pere Iamais ne finerai
Si ſerai confeſſez Penitance ferai
Se diex plais aīz q՚ muire Par quoi ſauué ſerai
Ie vois anr՚e pꝛeſtre Mon pechié li dirai
OR ſe de part li enfes Sa mere de moura
Tant fiſt qu'il vint ap՚ſtre Tout ſon fait li conta
Le pꝛeſtre reſpondi Qⁱl ne l'aſſoudꝛoit ia.
Qu'il n'en auoit pooir Au pappe l'enuoia.
QVant le varlet vit ce Si reuint al'oſtel
Bn̄ ſot qu'il auoit fait Trop gñt pechié moꝛtel
Tant fiſt qu'il ot mōnoie De ſon meillour chatel
Loꝛs iura emplourant Le ſacre de l'aute.
A Nus genoulz maīs iointes Iamais ne fineroit
S'aroit parlé au pappe Et confez ſi ſeroit
Sa mere bꝛait ⁊ crie Qui pitié en auoit
Qⁱ eſtoit ſi en ſainte Q˜ paines ſon pié voit
LA mere reſpondi Dolente ⁊ eſplouree
Biau filz ie demourrai Penſiue ⁊ eſgaree
Iamais honnour n'arai Ains ſerai diffamee
⁊ de treſtout gent Serai au doi mouſtree
LE varlet reſpondi Ma mere oꝛ entendez
Vous auez tant d'auoir Que nombꝛe n'ē ſauez
Donnez ent pour vr՚e ame Vers dieu vous amendez
⁊ l fruit de uo ventre Soigneuſem̄t gardez
SE dëable vous a; En pechié embatue
⁊ il voꝰ anauree gardez Qu'il ne vous tue
Aiez d'oꝛe en auant En dieu ur՚e atendue
⁊ vous ſerez par li Aidié ⁊ ſecourue
DV fruit qu vous poꝛtez faites vr՚e deuoir
Encoꝛ par auenture Le poꝛra diex auoir
S'anemis agñt foꝛce Diex a plus gñt pooir
Biax filz ce diſt lamere Certes vous dites voir
TAnt ꝑlerent enſamble La mere et le filz
Des raiſons ml՚t piteuſes ⁊ des biax mos ytiex
Q՚ il ſe deꝑtirent Plourant de leur biax yex
L'un l'autre cōmanda Auurai pere des ciex
OR demeure la mere ⁊ lienfes ſ'enua
Tant fiſt que vint a/rōme ⁊ au pappe parla
Touz ſes pechiez li ꝯte Que riens ne li cela.
Ꝯment iut aſamere ⁊ ꝯment l'engroiſſa
DE ſi gñt repenrance S'eſt l'enfes confeſſez
Q՚ fondoit tout ē lermes Ml՚t eſtoit eſplourez
Mais il fu doucement Du pappe confoꝛtez
⁊ diſt diex t'aidera Soiez aſſeurez
DIex eſt miſericoꝛs De toi aura pitié
Se li anemis t'a En batu em pechié
Pource ne t'a il pas De touz poins gaaīgnié
Diex qui te racheta Ne t'a pas oublié
PVis qu'en ta plaine vie Quiers abſolution
Ferez vous penitance En gñt deuocion
Diex qui poi toi ſouffri ⁊ moꝛt ⁊ paſſion
Contre les amis Sera ton champion.
LE qui ſui diex enterre Ange de dieu le pere
⁊ ſui en la chaiere De l'a poſtre /.S՚. pere.
Temet en nr՚e garde ⁊ retieng ꝯme frere
Car tu es filz de dieu ⁊ de /ſa douce mere
SAint Eglyſe a gñt ioie Qñt tues retournez
Du gñt chemin. d'enfer; Ou tu eres entrez
Paradis te ſera ouuert ⁊ deſfermez
Qui aurais repentans Eſt touz abandonnez
AInsi li apoſtolle Le pecheeur confoꝛta
Mais point de penitance Adont ne li donna
Ml՚t bel ⁊ gracieus. Le vit puis dit li a.
Q՚ ſ'il le veult ſeruir Auec li demourra
SIre diſt le varlet volentiers demourai
Doucement de bō cuer ⁊ bn̄ vous ſeruirai
L'apoſtoile reſpont ⁊ ie te retendꝛai
De ma chambꝛe ouie gis Chambellenc te ferai
MEs chambellens ſeras Iuſq̃ ma volenté
Robes cheuaus deniers Aras a gñt plenté
Cil fu liez du biau don C'on li a pꝛeſenté
Oꝛ eſt dꝛois que voꝰ die La pure verité
POur quoi li apoſtoiles le retint de maiſnie
⁊ pour quoi ne lia Penitance baillie
Le ſaint pappe douta C'anemi plain d'enuie
Ne feïſt le varlet Rencheïr en folie
S'Il eüſt au varlet penitance donnee
⁊ il fuſt retournez Arriere en ſa contree
Anemi par pechié R'eüſt fait l'aſſamblee
De li ⁊ de ſamere; Loꝛs fuſt leur moꝛt doublee
Aſſez plus que deuant Fuſt le pechié vilains
⁊ ſ'eſtoit bn̄ li pappe ⁊ ſeür ⁊ certainz
Q՚ la mere au varlet Vendꝛoit o derrainz
A /rōme pour auoir Soute de ſes mehains
POurce ne vout le pape Qⁱl r'alaſt v՚s ſa mere
Qⁱ doutoit c'anemis Ne leur baillaſt matiere
De rentrer en l'oꝛdure Puant oꝛde ⁊ amere
A la fin que ꝑ diſſent L'amour de dieu le pere
ET pource fiſt le pappe Le varllet demourer
C'a ſamere n'alaſt par pechié raſſambler
Silairons du varlet .I. petit a parler.
De ſa dolente mere Vous voudꝛai ie conter.
SAuie ⁊ ſon eſtat ⁊ treſtout ſon couuine
⁊ ꝯment l'anemi Latint en ſa ſaiſine
.X. anz treſtouz entiers Mais /la haute royne
Seruoit de tout ſon cuer ⁊ amoit d'amour fine
CAr des lr՚es ſauoit aſſez ⁊ largement
Heures ⁊ oꝛoiſons Diſoit ſoigneuſement
En l'onnour /nr՚e dame Viuoit ml՚t aſpꝛement
.iij. iourz en la ſemaine ⁊ ſi donnoit ſouuent
DE ml՚t belles amoſnes Q՚ diex ꝑ ſapitié
Li vouſiſt garder ſ'ame ⁊ metre a ſauueté
Mais ꝯ bn̄ que du ſien Feiſt gñt charité
De confeſſer n'auoit Cure ne volenté
CAr elle ot .i. dëable ſus l'eſpaulle ſeneſtre
Ꝯfeſſer li deffent Nuit ⁊ iour y voult eſtre
⁊ S'auoit .i. bon ange Deſſus l'eſpaulle deſtre
Qⁱ diſoit ſeur vat'en Ꝯfeſſer a ton pꝛeſtre
MAis ſi le ſot dëable Tenir ⁊ deceuoir
Q՚ deli confeſſer N'auoit point de pooir
Le t՚mine apꝛocha Q՚ dut enfant auoir
Tiex maus pͥſtrent la dame Qu'elle dut receuoir
L'Anemi qui eſtoit Touz iourz de lez ſ'oꝛeille
D'eſtrangler ſon enfant Nuit ⁊ iour la ꝯ ſeille
Mais /la vierge marie Qⁱ pour ſes amis veille
Pour li bꝛiement ſecourre S'eſmut ⁊ appareille
LA bourgoiſe eſtoit ia En vne chambꝛe entree
Ses griés maus la deſtraint Si ſ'eſt haut eſcriee
Au pꝛemier mot a dit /Royne courōnee
Ie muir ſauuez moi l'ame Q՚ ne ſoie dampnee
L'Anemi ot gñt duel Du bon mot qu'elle dit
Tourmenter lecuida ⁊ li faire deſpit
Mais /la vierge marie En qui ſont tout délit
Li a dit anemi Vat'en ſanz nul reſpit
UAt'en en ſus de li anemi ſathanas
A elle n'apꝛoche iamés Fui t'en iſnelle pas
Car tu n'as riens en li Folz fus qñt le temptas
Loꝛs ſ'en fui l'anemi Aſſez plus que le pas
LOꝛs ſ'en fuit l'anemi Couroucié ⁊ dolent.
Onq՚s puis en l'oſtel N'oſa eſtre habitant
La pechereſſe aloit Doucement de pꝛiant
/La douce mere dieu Q՚lle li ſoit garant.
QVant ſon mal lap՚noit haut pꝛiſt dieu apꝛier
⁊ /ſa tres douce mere Q՚ li vouſiſt aidier
/Celle qui au beſoing Veult ſes amis garder
Entra de denz la chambꝛe S'amie confoꝛter
QVant /nr՚e dame fu De denz la chambꝛe entree
Deuers la pechereſſe A ſa chiere tournee
Adonques fu la chambꝛe Treſtoute en luminee
D'anges qui auec li Vindꝛent ſanz de mouree
ET quant la pechereſſe apercut la clarté
Qⁱ fu de denz la chambꝛe De cuer areclamé
/La royne des ciex Ou tant a de bonté
Qⁱ bꝛiement la deliure S'il eſt ſa volenté
/NOſtre dame ſ'en eſt de la chambꝛe tournee
Chiés vne femme vint Qⁱ l'ot lonc tans amee
De la clarté de li Fu toute enluminee
L'oſtel la bonne dame; Ne ſ'eſt loꝛs areſtee
A Genoullons ſe miſt La bonne femme errant
/La douce mere dieu Va du cuer ſaluant
/Nr՚e dame li diſt Va t'en apertement
Chiés tel femme ⁊ ſoies aſon deliurem̄t
DEs ce que la bourgoiſe /Nr՚e dame entendi
Doucement de bon cuer Errant li reſpondi
A ur՚e plaiſir faire Treſtout mō cuer otri
Loꝛs ſ'en ꝑt /nr՚e dame Ses anges auec li
LA mere dieu ſ'en part Es ſainz ciex remonta
La bourgoiſe ſ'en tourne Tantoſt qu'elle vint la
Celle d'une fillete Maintenant de liura
Au mouſtier fu poꝛtee ⁊ on la baptiſa.
Olle ot anon philippe Qñt vint au baptiſier
Touz ceuz de la paroiſſe Se vont trop m՚ueillier
De celle vaillant femme Ꝯ ſoloit tant pꝛiſier
Mais nus ne ſot dupere Parler ne teſmoīgnier
DE ſa groiſſeſſe Nul ne (ſe) pot aperceuoir
Car elle auoit des robes Du tout a ſon vouloir
Ne pꝛiuee n'eſtrange N'en ſot onques le voir
Vous oꝛrez ia merueilles Ml՚t gñz ramenteuoir
Qvant la bourgoiſe fu De l'enfant de liuree
Par tout fu la nouuele Eſpandue ⁊ alee
Pour autres auentures Fu la choſe oubliee
La dame apꝛés ſon mois Eſt a confeſſe alee
A Son curé ſ'envint En grant deuotion
Ses pechiez li conta Ꝑ bonne entencion
Mais elle ne pot Auoir point d'aſolution
S'elle ne va a/rōme N'en pot auoir ꝑdon.
LA bourgoiſe fu ml՚t Dolante ⁊ eſbahie
Bn̄ diſt que maītenant Aler n'i poꝛroit mie
Mais bien pꝛomiſt A dieu ⁊ a /ſainte marie
Qu'elle yra ca auant Se diex li donne vie
ET ſe ſa fille vit Auec li la menra.
Ꝑ deuant l'a poſtoile Son pechié mouſterra
La bourgoiſe .x. ans En ce point demoura
Sa fille de vint belle ⁊ crut ⁊ amenda
SI toſt qu'elle ot .xj. ans Al'eſcole fu miſe
Ainz qu'elle en eüſt .x. Fuſage ⁊ bn̄ apꝛiſe
N'auoit de ſon aage Si ſage iuſqu'en /friſe
Endieu amer auoit Toute ſ'entente miſe
/La douce mere dieu De tout ſon cuer ſeruoit
Quant ce uenoit apaſq՚s Ml՚t bn̄ ſe confeſſoit
⁊ le coꝛs /ih՚ucriſt Doucement receuoit
Mais elle ne ſauoit mie qui ſes peres eſtoit
CAr ſ'elle le ſeüſt Ace qu'elle eſtoit ſage
Iamais iour n'eüſt bn̄ Ne ioie en ſon courage
.I. iour fu la pucelle Deuant le douz ymage
De /la vierge marie Qu'elle l'auoit d'uſage
A Celle pucelete vint vne auiſion
Qui li diſt belle fille Vat'en en ta main
Doucement em pitié Met ta mere araiſon
Prie li que te die Ꝯment ton pere anon.
A Tant ſ'en part la voiz ⁊ cele eſt demouree
De ce qu'elle a oÿ Fu foꝛment treſpensee
A ſon hoſtel ſ'en vint S'a ſa mere trouuee
Qⁱ emplourant ſe claime Laſſe maleüree
LA pucelete fu penſiue ⁊ esꝑdue
De celle voiz qu'elle ot Oie ⁊ entendue
⁊ quant trouua ſa m՚e Plourant le ſanc li mue
De dieu le ſalua Deuant li eſt venue
PVis li diſt douce mere C'auez vous a plourer
Onq՚s mais ne vi fem̄e Siſouuent duel mener
Onq՚s ne vous vi rire N'entre gent de poꝛter
Ne moi tant fuſſe ione Baiſier ne acoler
TOuz iourz aur՚e cuer Duel triſtreſce ⁊ anui
Ma mere d'une choſe Trop merueilleuſe ſui
Onques ne vous oÿ dire Qui fille (ie )ſui
Ne onques de mon pere Parler ne vous oÿ
SI cō ces autres fem̄es parlent de leurs maris
Dites moi de mon pere S'il eſt ou moꝛs ou vis
Qñt la mere ot ſa fille Le ſanc li eſt fremis
Tel deſtreſce ot aucuer A poi qu'il n'eſt partis
EN eſtargie fu Auſſi cōme paſmee
Qñt elle pot parler Si ſ'eſt haut eſcriee
Fille mes cuers mes enfes Lauoie deſiree
Que peüſſes ſauoir Qⁱ t'eüſt engendꝛee
BElle tres douce fille ⁊ ie le te dirai
I'auoie .i. ml՚t biax filz Auecques moi couchai
Des qu'il eſtoit petit Pour ce que tant l'amai
⁊ puis qñt il fu gñt A li m'a bandonnai
IL t'engendꝛa en moi Onques puis ie n'oï ioie
Tu es fille ton frere Dont a poi ne maruoie
Q՚ ie dout qu'en enfer Dëable ne me cōuoie
⁊ moi ⁊ toi ⁊ li; Se diex ne nous rauoie
ET /la vierge marie En qui i'ai gñt fiance
Qñt la fille l'oÿ Ml՚t mua contenance
De perdꝛe coꝛs ⁊ ame Fu foꝛment en doutance
Loꝛs apela ſamere ⁊ li diſt en oiance
MEre pieca diſt on ⁊ c'eſt bn̄ choſe clere
La truie fait bn̄ tant Son pourcel le compere
Le pechié eſt trop gñt Qñt ſui fille mon frere
Mais c'a dieu ne deſplaiſe Mar fuſiez vous ma mere
LAſſe poure dolente Q՚ poꝛrai de venir
Terre deuroit ꝑtir ⁊ mon coꝛs trangloutir
Ha; /royne des ciex Ꝑ voſtre douz plaiſir
A ſi vilain pechié Ne me laiſſiez partir
Certes oꝛ doi ie bn̄ eſtre deſconfoꝛtee
Qñt es oeuures du dëable Sui conceüe ⁊ nee
En aucun gñt de ſert M'en fuirai eſgaree
La ferai penitance Dont ie ſerai ſauuee
MEre chaſcune beſte Par ſon pié pent
Penſez de vous je vois querir mon ſauuem̄t
Se ie vous puis aidier Ne faire alegement
Ie vous deſtournerai D'aler adampnement
DEs bn̄s que ie ferai Ie vous fais ꝑſonniere
Car iamais en ce mōde N'aurai ioie pleniere
Puis que ie ſui Iſſue de ſi oꝛde matiere
Tenir m'en doi plus vil. ⁊ moi mains auoir chiere
IE m'en uois aꝯ feſſe Pour m'ame amender
Loꝛs ſ'en va la pucelle A ſon curé parler
Treſtoute l'auenture Li va dire ⁊ conter
Fille ce diſt le pꝛeſtre Ne te puis ꝯfoꝛter
AV ſaint pere le pappe Aler te conuendꝛa
C'eſt cil qui de tes maus L'a ſoute te donra
Qñt celle vit qu'a /rōme Au pappe ſ'en yra
A l'oſtel ſ'en reuint Ml՚t tendꝛem̄t ploura
DOuce mere diſt elle Entourm̄t m'auez miſe
A /rōme m'ē yrai Lauoie y ai pꝛomiſe
Mais ie ne ſai lauoie Neiene l'ai apꝛiſe
Diex me veille ꝯduire Ꝑ ſa douce franchiſe
FIlle ce diſt la mere Entre nous .ij. yrons.
De l'oꝛ ⁊ de l'argent Aſſez empoꝛterons
⁊ de touz nos pechiez Nous nous amenderons
Mere diſt la pucelle Faites ſi nous haſtons
MAndez des plus p՚udomes De tout vr՚e lignage
Metez leur tout en garde Meubles ⁊ heritage
⁊ ſi faites rier Ꝑ treſtout ceſt riuage
Vne belle donnee Vous ferez ꝯme ſage
ET ſi faites chanter Vr՚e meſſe aumouuoir
Fille ce diſt lamere Entoi a gñt ſauoir
Loꝛs manda ſes amis Pour garder sō auoir
⁊ fiſt ml՚t grant donnee Pour a dieu miex vouloir
Qvant la bourgoiſe ot bn̄ Ses choſes oꝛdenees
⁊ leur meſſe fu dite ⁊ fait belles donnees
Entre li ⁊ ſa fille Se ſont acheminees
Droit vers /rōme la gñt Errant en ſont alees
OR les ꝯduie diex. Le roy de tout le mont
Iamais en leur pays Elles ne reuendꝛont
Car fille ⁊ mere ⁊ filz Encoꝛe ſe verront.
⁊ tout en .i. hoſtel En vne nuit moꝛront
OR cōmence biau dit ⁊ plain de gñt ſuſtance
Ꝯment ces .iij. ꝑſonnes Firent leur penitance
D'eſtre en en fer dāpné Furent en gñt balance
Oez ꝯment il firent Vers dieu leur acoꝛdance
LA bougoiſe ⁊ ſa fille Sont venues a /rōme
Ꝑ deuant l'a poſtoille Qⁱ fu ſainte perſonne
La dame diſt au pappe De ſes pechiez la sōme.
Le filz ꝯnut ſa mere Mais point ne l'a raisōne
CIl l'eſcouta parler Tant qu'elle ot tre tout dit
Le bon pappe n'ot mie La bourgoiſe en deſpit
Pour l'oꝛrible pechié Mais ml՚t bn̄ li enquit
Tout le fait ⁊ la sōme Li dit ſanz contre dit.
Tout auſſi c'aupechié ſ'eſtoit abandonnee
Adont apꝛis ſa fille Au pappe l'a mouſtree
⁊ li diſt ceſte fille. A mon filz engendꝛee
En moi i'enquier penāce Q՚ m'ame ſoit ſauuee
QVant la mere ot au pappe Sa confeſſion dite
Loꝛs a parlé au pappe La pucelle petite
Sire de celle oꝛdure Qⁱ de dieu eſt deſpite
Fu foꝛmee machar Donnez m'ent tel merite
QVe m'ame ne puiſt eſtre Du pechié parsōniere
Des oeuures au dëable Me veüge traire arriere
Fille diſt l'a poſtolle. Tu fais bonne pꝛoiere
Ta ꝯ ſcience eſt bonne Nete vraie ⁊ entiere
LE varlet vint au pappe ⁊ li diſt biau douz pere
Certes ſire diſt il. Veez vous ci mamere
⁊ vez vous ci ma fille Nous sōmes ſuer ⁊ frere
I'en ai fait le pechié Drois eſt que le compere
BIau filz ce dit le pappe I'ai ml՚t bn̄ entendu
Le pechié ou dëable Vous auoit embatu
Pour quoi ie t'ai lōc tēps Entour moi retenu
Qu'anemis ne t'eüſt De touz poins confondu.
TRois jours vout l'apoſtolle La dame retenir.
Li ⁊ ſa fille fiſt aſacourt Bien ſeruir
Au tiers iour chanta meſſe Adont a fait venir
La dame ⁊ ſes enfanz Vous poꝛrez ia oir
GRant pitié recoꝛder ⁊ choſe merueilleuſe
La bourgoiſe fu ml՚t Pour le pueple honteuſe
De bon cuer reclama /La vierge Gloꝛieuſe
Qⁱ en ſes flans poꝛta La char dieu pꝛecieuſe
ENcoꝛ n'auoit la mere Son filz recōneü
Car biau varlet eſtoit ⁊ foꝛt et par creü
Mais adont le connut Quant de pꝛés l'ot veü.
Oꝛ ſachiez que ſes cuers Fur foꝛment eſmeü.
DE paour de pechié ⁊ de honte elle tramble
Tout le cuer li ſautelle Cōme fueille de tramble
Cardiniaus ⁊ liegaus Sont laiens touz ensāble
Loꝛs leur fu penitance Baillie atouz enſamble
Ml՚t fu leur penitance hideuſe aregarder
.iij. cuirs de buef a fait L'a poſtolle apoꝛter
A chaſcun en donne vn Pour lui en uoleper
De denz les fiſt on queudꝛe ⁊ bn̄ eſtroit ſerrer
LA mere fu couſue Ou ſien pꝛemierem̄t
⁊ le varlet apꝛés Puis la fille enſement
Viſage piez ⁊ mains Ont a de liurement
Adont li apoſtolles Leur fiſt cōmandem̄t
BEl enfant diſt le pappe Entendez ames dis
Ia vous cōmant ſus toutes Vos pars de paradis
Q՚ iamais de ces cuirs Ne ſoiez des ueſtis
Si les aiez .vij. anz Poꝛtez par le pays
NE en chaſcune ville C'une nuit ne geſez
Se de gñt maladie N'eſtes trop agreuez
Ne duſques loꝛs les Cuirs uous ne deſpoullerés
Du iour d'ui en .vij. anz Ci amoi reuendꝛez
LE vous charge ⁊ enioins ⁊ doins ceſte penance
Car elle plait adieu Dëable en a peſance
Detretous vos pechiez Ie vous fais pardōnance
Iamais par l'anemi Vous n'en aurez greuāce
LI a poſtolles fiſt par grant deuotion.
Faire as clers ⁊ ap՚ſtres Belle pꝛouceſſion
Pour conuoier ces .iij. Par bonne entencion
Q՚ /ih՚us les ꝯduie A leur ſauuacion
A vn chemin croiſié Le pappe les mena
⁊ a chaſcun par li Doucement ꝯmanda
Tu tendꝛas ce chemin ⁊ toi ce l'autre la
⁊ tu tendꝛas letiers ⁊ ne le change ia.
DVſc'a d'ui en .vij. anz L'un l'autre ne verrez
⁊ S'auenture vient Q՚ vous vous encontrez
Ie vous deffent. Q՚ l'un al'autre ne parlez
⁊ viuez des aumoſnes Q՚ vous pour chaſſerez
TOut l'auoir que lam՚e ⁊ la fille apoꝛterent
Robes oꝛ ⁊ argent P˞ l'a mour dieu dōnerent
⁊ auſſi fiſt le filz Du tout ſe deſnuerent
Pain ne argent negages auec eulz n'en poꝛterent
TOuz nulz ⁊ touz deſchaꝰ Furent ⁊ nues teſtes
Foꝛs que couſus eſtoiēt De denz les cuirs des beſtes
Iamais plus n'iaront Tant ſoient hautes feſtes
Adont a fait la mere au pappe ſes requeſtes
Sire diſt la bourgoiſe. Pour dieu ie voꝰ requier
Donnez moi le ꝯgié De mes enfanz baiſier
Nonferai diſt le pappe Gardez n'i a touchier
Ne ton filz ne ta fille Bn̄ poꝛroies pechier
LE filz pꝛiſt ſon chemin Deu՚s ſoleil leuant
⁊ la fille le pꝛiſt De u՚s midi ſonnant
La mere pꝛiſt le ſien De uers ſoleil couchant
Loꝛs ot la mere au cuer Doleur ⁊ pitié grant
Qvant elle vit ſa fille Qⁱ d'eulz ainſſi ſe part
Qⁱ ſ'en va en eſſil; ⁊ ſi ne ſet quel part.
Tel duel ot aſon cuer A poi que ne li part
⁊ li filz ⁊ la fille Font gñt duel d'autre ꝑt.
ADont a dit lamere Fille adieu te ꝯmant
Pour toi ai tel deſtreſce Ne puis aler auant
Loꝛs mainent ſi gñt duel Lamere et li enfant
Q՚ touz ceuz qui les voient Vont de pitié plourant
ENfant ce diſt la mere Quant de ci ꝑtirons
En ceſtui ſiecle ci jamais Ne nous verrons
Mere ce diſt la fille Gñt ioie auoir deuons.
Qñt pour .i. poi de paine Paradis conquerons
MA mere vr՚e auoir ne me puet riens valoir
Ne de la moie auſſi Ne vous puet il chaloir
Penſon adieu qui voult P˞ nous moꝛt receuoir
Ꝑ quoi en paradis Puiſſons nos lieux auoir
MEre ie voue adieu que chaſcun iour dirai
Pour vous vnes .vij. ſiaumes Q՚ iaiour n'en faudꝛai
⁊ vnes pour mon frere Bn̄ les emploierai
⁊ touz nos bn̄ faiteurs Y acompaignerai
POur moi endirai vnes Q՚ diex par ſa bonté
Enq՚l lieu que ie uoiſe Me maint aſauueté
⁊ me doinſt par ſagrace garder virginité
Si qu'en ceſt monde puiſſe Faire ſa volenté
MEre diſt le varlet Veilliez moipardonner
Toutes males facons C'apechié puet tourner
Ꝑ quoi il voꝰ conuient Penitance endurer
Filz diex le te ꝑ doinſt ⁊ puiſt quite clamer
TOuz .iij. vont li vns l'autre Par donner bonnem̄t
Loꝛs parla le varlet ⁊ diſt piteuſement
Fille ie t'engendꝛai Ma ſuer es vraiement
Ꝑdonne le me veille Le douz roy qui ne ment
LA pucelle reſpont Adieu mō tres douz frere
Moi ⁊ vous a poꝛté En ſon ventre vne mere
Oꝛ ouura tant nature En pechié d'adultere
Q՚ ie ſui ur՚e fille ⁊ vous eſtes mon pere
QVant chaſcun ot l'ū l'autre Doucement par donné
Le mouſtier /noſtre dame A chaſcun regardé
A nus genous maīs ioītes De bonne volenté
Prient /la mere dieu Qⁱ leur doinſt ſauueté
LE pappe leur adiſt Oꝛ toſt de partez vous
D'ui tout dꝛoit en .vij. anz Reuendꝛa ci a nous
⁊ loꝛs vous ſerez quites De uos pechiez treſtouz
Alez que diex vous ſoit Debonnaires ⁊ dous
TOuz .iij. deuant lepappe Se ſont agenouillez
⁊ le pappe les a beneis Et ſeigniés
Et l'yaue beneoite Les. a touz .iij. moulliez
Apꝛés pour cheminer Se ſont appareilliez
LI enfant ⁊ lamere L'un de l'autre ſeurerent
Chaſcun pꝛiſt ſon chemin A dieu ſe cōmanderent
Oꝛ entrent en grief paine Ou ml՚t ſe traueillierent
L'apoſtoille ⁊ ſa gent A /rōme retournerent
Oꝛ ſe ſont li enfant De lamere partis
⁊ la fille du pere ⁊ la mere du filz
Iamais ne ſe verront Tant ꝯme il ſoient vis
Gñt fain ⁊ gñt froit oꝛēt ⁊ [...]des durs lis
S'Il n'auoient de mal q՚ la paour des chiens
⁊ des gens qui leur getēt ⁊ cauates ⁊ fiens
Pour ce qu'il ne ſambloiēt Pas eſtre creſtiens
P˞ leur gñt piax velues Aront il poi de biens
MEiſmes les gñz genz Leur firent ml՚t anuis
Herbergier ne le voudꝛēt Si toſt qu'il eſtoit nuis
Mais leur chiens leͧ huoiēt ⁊ clooient leur huis
.vij. anz treſtouz entiers N'oꝛent autre de duis.
MAis ſieſtoient fermes ⁊ en dieu ſi creans
Q՚ plus oꝛent de maus Plus eſtoient ioians
Enluminés eſtoient Embꝛaſez ⁊ ardanz
D'amer dieu car riēs plꝰ N'eſtoient deſirrans.
Sept anz treſtoꝰ entiers Menerent ceſte vie
Pour rapꝛochier v՚s rōme Oont leur voie aq՚illie
Pres de la cité vindꝛent Entour lieue ⁊ demie
Q՚ li vns ne vit l'autre Ne n'ot nouuele oïe
TRop tart fu qu'il ne poꝛent Onques a/rōme aler
A .i. v [...]age vindꝛent Bn̄ oſteler
Le varlet v [...]nt p՚mier .I. homme va trouuer
Au de hoꝛs de la ville Sili va demander
SE pour dieu trouueroit hui mais ou herbergier
Cil a qui il parloit Eſtoit riche ahannier
⁊ menoit ſa charue Sireſpont ſanz targier
Certes biaux douz amis Ne ſai qui oſteler.
QVi pour dieu te herberge Mais ſe tu as argent
Tu trouueras oſtel. Cil reſpont doucement
Certes ſire ne nil Ie ne quier ſeulement
C'un bn̄ tres pou d'eſtrain ⁊ le toit ſeulement
CIl qui onques pour dieu N'ot bn̄ fait en ſauie
L'enuoie en ſa maiſon ⁊ li a enſeignie
Va diſt il ama femme Di li qu'elle ne leſt mie.
Qu'elle ne te herberge Sanz plus ceſte nuitie
LE penëant ſ'en tourne S'ala en ſa maiſon
La bonne dame trueue Sil'a miſe araiſon
Dame herbergiez moi Ce dit uoſtre baron
Q՚ le vrai dieu vous face De vos pechiez pardon
Qvant la damt Si fu toute
Pour celle g [...]ande pel Qu'il auoit afublee
En la grange le maine Silia deffremee
De blanc eſtrain limouſtre Plus d'une charetee
CIl ſe bouta de denz Qui ot froit ⁊ fain
Malades fu ⁊ maigres Ml՚t auoit le cuer vain
En ſes oꝛoiſons pꝛie Le haut roy ſouueraī
Q՚ il recoiue ſ'ame A bꝛief terme pꝛochain
APrés reuint ſa fille Qⁱ l'oſtel demanda
A celui qui ſon pere Propꝛement herberga
Le pꝛeudom le herberge A l'oſtel l'enuoia
Quant la dame le vit Foꝛment ſe merueilla
ONques mais en ſa vie Ne vit gens ſi eſtranges
Car il n'ont ce li ſamble Veſtu (ne) linge ne lange
La dame le herberge Sil'enuoie en la grange
Ouauant qu'il ſoit iour Deſcendꝛont .Mil. ange
Qvant la pucelle fu En la grange enbatue
Outas d'eſtrain ſe boute A tout ſapel veſtue
A dieu fiſt oꝛoiſon ⁊ ſa coupe batue
Q՚ pꝛochainem̄t muire ⁊ ſoit ſ'ame abſolue
APrés reuint lamere Foiblement apoiant
Au pꝛeudōme demande L'oſtel pour dieu le gñt
Cil l'enuoie aſafemme Qⁱ l'a mena errant
En la grange ou eſtoient Herbergié ſi enfant
QVant la dame la vit Onques puis q՚ fu nee
Ne fu ſi eſbahye; Ne ſi foꝛt treſpensee
Pour ces .iij. gens qui ont Pel de beſte afublee.
Adont ſ'eſt la (da)me Ou tas d'eſtrain boutee
Chaſcun des .iij. cuidoit Laiens eſtre tout ſeux
Dont pꝛiſtrent apꝛier Le doux roy gloꝛieux
Qu'en celle nuit leur ſoit Si doux ⁊ ſi piteux
Qu'en paradis leur doinſt Le repos de liteux
L'oſteſſe ſ'emꝑti A la clef frema l'uis.
Ses maris al'oſtel Reuint quant il fu nuis
Sire ce diſt la dame Vous ſouliez eſtre duis
De rāponer les poures ⁊ faire aſſez d'anuis
ONques mais ne vous vi Aumoſne ne bn̄ faire
Ie croi vous ſaintirez C'auiés oꝛe afaire
De tel gent herbergier Loꝛs ne ſe vout plus taire
Le ſire. ainz a dit dame Dieu puiſt il plaire
SE ie ai hay les poures ⁊ ie les vuel amer
⁊ poi leur ai valu ⁊ ie leur veul donner
Encoꝛ le me poꝛra Bn̄ dieu guerredonner
On diſt que ceſt aumoſne Des poures oſteler
Dvſques apꝛés ſouper En ce point demoura
Loꝛs le ſire ſ'apenſe Sameſchine apela
Di. as tu que poꝛter A ces poures genz la
Certes ſire diſt elle Nule choſe n'ia.
PAr t'ame pꝛen y garde ⁊ celle vatantoſt
Iurer qu'il n'iauoit Riens de dens le pot
Vuit le cuida mouſtrer Mais ainſſi com dieu plot
Le trouua treſtout plain Dont gñt m՚ueilles ot
C'Eſt bn̄ fait diſt le ſire poꝛte leur ⁊ du pain
Car cil qui eſt ſaoul ⁊ ale ventre plain
Ne ſent pas le meſchief De ce lui qui a fin.
Loꝛs ſ'en va la meſchine Le pot pꝛiſt enſamain
DV pain des eſcuelles auecques li en poꝛte
A la grange eſt venue ⁊ vit parmi la poꝛte
Vneſi grant clarté Paour ot d'eſtre moꝛte
A l'oſtel ſ'en rafuit Quanq՚l poꝛtoit rapoꝛte
EN tramblant de paour S'auenture a contee
⁊ leur diſt que la grange Eſtoit toute embꝛaſee
Le ſire y a courut; La dame y eſt alee.
Si ont parmi lapoꝛte Laclarté regardee
Si virent ⁊ bn̄ ſoꝛent Q՚ ce n'eſtoit pas feux
Mais de la gñt clarté Furent trop m՚ueilleux
De denz entrer ne poꝛent Loꝛs deuiſent entr'eux
Q՚ il ont herbergié .iij. ſainz coꝛs gloꝛieux
CErtes il diſtrent voir bien leſauront ꝑ tans
De ſon mari la dame Ot eü .ij. enfans
Li vns ot .xxvi. mois. ⁊ li autres .x. ans.
Onq՚s n'auoit alé Sus ſes piez li plus gñz.
LEs iambes auoit molles Tout aſſi ꝯ dꝛapel
Car nus os n'i auoit Q՚ la char ⁊ la pel.
Tout ainſſi fu il nez Sours eſtoit ⁊ Muel
Vous poꝛrez ia oir. .I. Miracle ml՚t bel
LI ainznés fu aueugles Onques n'auoit veü
De ſanté li enfant Furent mal pourueü
Car pechié auoit ſi; Leur pere de ceü
Qu'ē uers dieu n'auoit De riens fait ſon deü
FElon ⁊ deſpitouz Vers poure gent eſtoit
La diſme de ſes biens Mauuaiſem̄t paioit
De ſarmon ne d'eglyſe Nule cure n'auoit
⁊ diex ꝑ ſes enfanz Exemple l'en mouſtroit
CAr a dieu n'a ſamere Ne plaiſoit point ſa vie
Mais puis fu il pꝛeudons Sanz oꝛguel ſanz enuie
⁊ pour ce li ot diex Cele gent enuoie
Pour quoi charité fuſt En ſon cuer deſploie
Pvis fu il ml՚t pꝛeudons ⁊ plains d'umilité
⁊ ama ml՚t les poures En foi en charité
⁊ ꝑ miracles oꝛent Ses .ij. enfans ſanté
Puis furent il hermitez Ꝑ la dieu volenté.
DE la clarté qui fu En la grange venue
Vous dirai ꝑ q՚l choſe Elle y eſt deſcendue
La gñt grace de dieu Y fu ſi eſpandue
Q՚ plus de Mil anges Deſcendent d'une nue
YCes .iij. coꝛs ſainz (Qⁱ furent) couſus es cuirs de beſtes
Chaſcun entour matines Fiſt adieu ſa requeſte
Q՚ de ce monde l'oſte. Ouiln'a que moleſte
Diex oÿ ceulz qui oꝛent Fait penitance hōneſte
CAr touz .iij. avne heure Du ſiecle treſpaſſerent
Gñz congregations D'anges ſ'appareillierent
Qⁱ les ames des .iij. En paradis poꝛterent
⁊ o douz roy de gloire Tantoſt les pꝛeſenterēt
Ml՚t gloꝛieuſement Les .s՚. anges chantoiēt
Te deū laudamus ⁊ gñt feſte faiſoient
Qñt les ames des .iij. Em paradiz poꝛtoient
Deuant le roy de gloire Errant les p՚ ſentoient
OR furent les .iij. coꝛs En la grange aup՚udome
Le pꝛeudōme bien matin Se lieue ⁊ va a/rōme
Deuant le pappe vint Qⁱ fu bonne perſonne
De ceulz qu'il herberga Li diſt toute la sōme
DEs cuirs qu'il ont veſtu ⁊ de la gñt clarté
⁊ du biau chant des anges De la ſollempnité
Qu'il oÿ amatines Treſtout liaconté
⁊ le ſaint apoſtolle L'aml՚t bn̄ eſcouté
DEs .iij. penans limēbꝛe Qⁱ penance ilbailla
Les pꝛelaz de ſa court Tout maītenant manda
A gñt pꝛoceſſion Alerent tantoſt la
Ov les .iij. coꝛs (.s՚.) eſtoient Le pꝛeudom les mena
ONques nul foꝛs le pappe ne pot l'us deffremer
N'onques auant q՚ li Ne pot (entrer) de dēz entrer
⁊ le bon apoſtolle. Les fiſt touz encliner
A genoulz ⁊ mains ioītes Dame dieu reclamer
A Celle fin qⁱl fuſſent Dignes d'aperceuoir
Les coꝛs pour qui diex Fiſt la clarté aparoir
.I. ange diſt au pappe Diex t'a fait aſauoir
Q՚ de denz cel eſtrain A .iij. coꝛs .s՚. pour voir
ET encoꝛe te mande Le vrai dieu tout puiſſans
Cil qui ceſt oſtel eſt A .ij. petis enfanz
Ꝯtrés ſours ⁊ aueugles De ſanté nō puiſſanz
Ia les verrez garis Dont ml՚t ſerez ioianz
FAites les apoꝛtez Ꝑ deuant les .s՚. coꝛs
Le pappe ot ml՚t gñt ioie Loꝛs fu mis l'eſtrain hoꝛs
Les .iij. coꝛs ſainz trouuerēt Luiſanz plus q՚ fin oꝛs.
Les enfanz non poiſſanz Y a poꝛterent loꝛs
SI toſt ꝯ les enfans Sont deuant les coꝛs ſaīs
Ꝑ les vertus de dieu Furent garis ⁊ ſainz
Les cloches de l'egliſe De ce ſoiez certains
Sonnerent tout ꝑ elles Sanz metre piez ne maīs
CE faiſoit le urai dieu pour les ſiens eſſaucier
Oꝛ furent li enfant Sain ⁊ pꝛeux ⁊ legier
La gñt ioie leur mere Ne ſauroit nus pꝛiſier
Ne de leur pere auſſi Ni ot qu'eſlecier.
LE ſaint pappe vit bn̄ ⁊ ſot certainement
Q՚ c'eſt ſes chambelens Dont cure ot longuem̄t
⁊ la mere au vallet ⁊ leur fille enſement.
Qⁱl ont par penitance Ꝯquis leur ſauuem̄t
Chaſcun en ſa main deſtre .I. petit bꝛieuet tenoit
Eſcrit de lettres d'oꝛ De denz leurs nons eſtoit
⁊ auecq՚s leur nons Vne oꝛoiſon auoit
Q՚ chaſcun diſt al'eure Ou dieu l'ame rendoit
LE pappe pꝛiſt le bꝛief ⁊ de denz regarda.
Le bꝛief ſon chambelenc Premierement trouua
Son non ⁊ ſa pꝛoiere Q՚ diſt qñt treſpaſſa
Enloant /nr՚e dame /Qⁱ le douz dieu poꝛta
Av ſainz fonz de bapteſme Fu [...]
Apꝛés vit le ſaint pappe La pꝛoiere de lez
Ie la recoꝛderai S'entendꝛe le voulez
Q՚ de dieu toꝰ vous ſoient Vos pechiez pardonnez
AVe /ſuperlatiue Tres excellent royne
/Eſcharboucle enbꝛaſee De haute amour deuine
P˞ tous mehains voꝰ eſtes /Ꝑfaite medecine
Priez /vo filz qⁱl mete M'ame en ſaiſine
UIerge pꝛiez vo fil qu'il ſoit mes auocas
⁊ qu'il deffende m'ame Ꝯtre les ſathanas
Qu'en paradis puiſſe eſtre Auec vous aſoulaz
Amen. Ie vous pꝛi /dame Q՚ ne m'oubliez pas.
Ov bꝛieuet qui eſtoit En la main la pucele
Trouua li apoſtolles Vne oꝛoiſon ml՚t belle
/Vierge dieu alaita Ta tres douce mamelle
Si con ce fu uoir Oÿ moi car ie t'a pelle
/UIerge par la vertu De /ur՚e douz enfant
Sus toute riens dumonde A vous obeiſſant
Veilliez qu'en paradiz Puiſſe eſtre demourant
Amen. /vierge dieu mere Ne m'alez oubliant
Qvant le .s՚. apoſtoille Ot leu l'oꝛoiſon
ILua trouuer philippe Ainſſi ot elle non.
Apꝛés le bꝛief la mere A leü. le .s՚. hom.
Q՚ bn̄ l'ont entendu ⁊ enuiron
OV pꝛemier mot trouua Qu'ele auoit nō alaine
Apꝛés lut l'oꝛoiſon ⁊ dit a haute alaine
/Vierge pure en qui diex Vout pꝛēdꝛe char humaine
Gardez moi qu'en enfer M'ame ne ſueffre paine
DAme voꝰ eſtes /lumiere /ſanz luour tñſitoire
De qui /(le urai )ſolail naſqⁱ Qⁱ eſt roy de gloire
Veilliez qu'en paradis Puiſt m'ame auoir victoire
Amē ⁊ treſtoꝰ ceulz Qⁱ vous ont en memoire
CEs .iij. bꝛiés .i. s՚. ange Les bailla as coꝛs ſainz
P˞ ce que de leur nons Fuſt li pappes certains
IE pappe les cuida faire a/rōme poꝛter
Mais nient plus c'ō poꝛroit .I. gñt chamel bouter
Ꝑ le cul d'une aGuille Nes pot on remuer
Dont al'a(le pꝛeude) poſtolle Le pꝛeudome a peler
PReudons diſt l'a poſtolle Il te conuient laiſſier
Treſtout ton heritage Ie te ferai baillier
Ailleurs plus bel manoir Ian'i perdꝛas denier
Car ie ferai ci faire Abaie ou mouſtier
LE pꝛeudons reſpondi Ml՚t liez ⁊ ml՚t ioians
Pour ce q՚ diex ot fait V՚tuz ſuz ſes enfans
Sire aur՚e gré faire Sui touz obeiſſanz
Tu as dꝛoit dit le pappe Iani ſeras perdanz
LE ſaint bon apoſtolle a l'euure ſi haſtee
Q՚ par li que ꝑ ceulz Detoute la contree
Q՚ riche abaie ot Sus le lieu fondee
Des vertus qu'il y firent Fu gñt la renōmee
LEs .iij. coꝛs ſains fiſt on. En .iij. fietres leuer
Toutes d'oꝛ ⁊ d'argent Richement atourner
De toutes maladies Qⁱ les veult reclamer
Puet on as .iij. s՚. coꝛs Sa gariſon trouuer
TOuz ceulz ⁊ toutes celes C'ont de ſanté meſtier
Se n'eſt mal de la moꝛt Dont nus ne puet aidier
Se deuant les .s՚. coꝛs .ix. iours en leur mouſtier
Au neuuiſme ſ'en vont Sain ⁊ foꝛt ⁊ legier
Chartriers mués ⁊ ſours Aueugles ⁊ contrais
Chaſcun y eſt gari ⁊ de loins ⁊ de pꝛés
D'amer ces .iij. coꝛs ſainz Doit chaſcun eſtre engrés
⁊ de touz les mehainz Ꝯ puet Nōmer apꝛés.
UOus qui auez oÿ ce biau dit recoꝛder
En ceſt example ci Vous deuez remirer
Auſſi de vos pechiez ⁊ de vous confeſſer
Nus ne puet tant pechier Ꝯ diex puet pardonner
MAis nus ne doit pechier en ycelle eſperance
Prions dieu ⁊ ſa mere Qⁱ ſus tous a puiſſance
Q՚ d'enfer nous deffende Ou il n'a que greuance.
Ꝑ quoi en paradis Soit nr՚e demourance am̄.