Une pucelle Me pꝛia
Que ie .i. chapel Li feiſſe
Com longuemēt q՚ g'imeiſſe
Et ie li fis tout par loiſſir
Ml՚t voulentieꝛs asō plaiſſir
Au cōmanc՚ de mō chapel
Pour q՚ il ſeꝛa plus bel
G'imetrai la fleur delis
Qⁱ eſt ml՚t belle agñt devis
La ſeconde eſt la violete
La tieꝛce fleur vne flourete
La ſouſie qͥ eſt ml՚t belle
Laquarte flour eꝛt la ꝑſelle
La quine flour eſt la cōſaude
Ꝑ quoi li chapeles ſe ſaude
La ſiſime roſe eſpanie
⁊ la ſeptime lacolie
Ueſci chapel degñt hauteſce
Chaſcū fleur dōne vētance
Q՚ la pucelle doit auoir
⁊ retenir ꝑ eſtouuoir
La fleur delis eſt blāche ⁊ digne
Qui ala pucelle deſtine
De /lameꝛe dieu honnoꝛeꝛ
Et dieu ⁊ ſainte egliſe ameꝛ
⁊ ſiſoit coie et taiſans
Pour eſcouteꝛ les meſdisās
La violete eſt la ſeconde
Ceſt vne douce floꝛ amonde
Qⁱ deuiſſe par ſa doucoꝛ
A la pucele gñt voloꝛ
Voulentieꝛs aleꝛ aumouſtieꝛ
Et eſcouteꝛ le dieu meſtieꝛ
La tieꝛce floꝛ eſt la ſoucie
Qⁱ ml՚t gñt choſe ſenefie
La ſouſie reſemble loꝛ
Qⁱ bn̄ regarde en treſoꝛ
Soit en iaue ou ē fumieꝛ
Ml՚t longuement sās empꝛirieꝛ
Auſi doit pucele sō coꝛs
Gardeꝛ com ſe garde lioꝛs
Sans male teiche receuoir
Com puiſt ſur lur aꝑceuoir
La peꝛſelle eſt de gñt bonté
Qⁱ ſenefie humilité
Pour ce vꝰ dige vraiemēt
Pucele doit viure hūblemēt
La couſaude eſt la qͥnte floꝛ
Qⁱ contre laclarte du iour
Euure auſoleil ⁊ ſi reſtant
Et la pucelle qͥ ſentant
Doit ouurir ſon cueꝛ ē bōne euure
Tout auſſi cō la couſaude euure
⁊ clot contre lanuit obſcure
Doit lapucelle ꝑ nature
Eſcueꝛ toute vilonie
⁊ entendꝛe alacourtoiſſie
La ſiſime ſi eſt la roſe
Qⁱ toutes autres fleurs apoſe
Debiauté ⁊ de ſeignoꝛie
Pour l'amour de/ſainte marie
/Qⁱ du coꝛs dieu fu hōnoꝛee
/Et fu pucelle demouree
La ſeptime eſt liacolie
Qⁱ toutes autres floꝛs alie
Q՚ dieu li afet lucanetes
q՚ pour lui loeꝛ furēt faites
Qñt .i. chapel ꝑt vne floꝛ
Ml՚t en dechiet deſa valoꝛ
Ainſi eſt il delameſchine
Qⁱ deſa chaasté de chine
Pucelle vns vallés vꝰ pꝛoie
Q՚ chaſcūne ſon cueꝛ otroie
Du chapel ⁊ ſi le retiegne
⁊ de ces .vii. floꝛs li ſouueigne
Ceſt li chapiaus
Des .vii. flouretes
Q՚ ie donnai ꝑ amouretes