L'autrieꝛ vn iour ioueꝛ m'aloie
deueꝛs l'auceꝛrois ſaint geꝛmain
Plus matin que ie neſouloie
Qⁱ ne lief pas voulentieꝛs main
Si vi charlot ē mi mavoie
Qⁱ le barbieꝛ tient ꝑ lamain
⁊ bn̄ mouſtroiēt touteuoie
Qⁱl neꝛeꝛt pas couſin geꝛmain
Il ſe diſſoient vilanie
⁊ ſigetoiēt gas deuoir
Charlot tu uas ē cōpaignie
Pour creſtienté deceuoir
Ceſt traiſon ⁊ felōnie
Ce puet chaſcū aꝑceuoir
La toue loy ſoit la honnie
Tu nen aſpoint adire uoir
Barbieꝛ foi q՚ doi la banliue
On uous auez vr՚e repaire
Vous auez vne goute viue
Iamés nieꝛt ioꝛ qu'il ne vꝰ peꝛe
Sans ladꝛe arompu la triue
Si vꝰ afeꝛu el viaire
Pource q՚ cilz maus vꝰ eſchine
Ne req՚res mais ſaintuaire
Charles foi q՚ doi .s՚e. iame
Vꝰ auez ouan fame pꝛiſe
Eſt ceſelonc laloy eſclame
Q՚ cayfas vꝰ a apꝛiſſe
Vꝰ crees autant n՚re dame
Ou virginité neſt mau miſe
Com iecro cūs aſnes ait ame
Vꝰ namez dieu ne ſainte ygliſſe
Barbieꝛ ſans raſoꝛ sāz touaille
Qⁱ ne ſes ronnieꝛ ne reꝛe
Tu nas ne bacin neciſailles
De quoi chaufes iaue cleꝛe
Il neſt riens nee que tu vailles
Foꝛs a dire parole ameꝛe
Soutremeꝛ fus encoꝛ iailles
⁊ fais pꝛoueſce qui ipeꝛe
Charlos tu as toutes tes lois
Tu es iuif ⁊ creſtien
TU es ch՚r et bouriois
Et qñt tu veus cleꝛs arcien
Tu es maqueꝛiau chaſcū mois
Ce dient bn̄ li ancien
Tu fes ſouuēt ꝑ tō gabois
Ioindꝛe .ij. cus a .i. lien
Barbieꝛ oꝛ eſt litemps venus
De mau parleꝛ ⁊ demeſdire
⁊ vꝰ ſeꝛois ancois chanu
Q՚ vꝰ leſſiez ceſte matieꝛe
Mes vꝰ mourez poures ⁊ mis
Car vꝰ deuenez delempire
Se ſui pour maq՚riau tenus
Len vꝰ retient aualidire
Charlos charlos biau doꝰ amis
Tute fes as enfās le roi
Se tu ies qui ci amis
Tu ies autant cōme amoi
De ſembleꝛ fox ties entremis
Mes ꝑ les ieus dōt ie te voi
Tiex ta argent ē paume mis
Qⁱ eſt aſſez plus fous detoi
Barbieꝛ oꝛ vienēt les groiſeles
Li groiſeillieꝛ ſt՚ boꝛiōne
⁊ ie vꝰ rapoꝛt les nouuelles
Q՚i front uos sōt li boꝛiō ne
Se ſai ſe ce feꝛont cenelles
Qⁱ ton vis ont auirōne
Ells ſeꝛont v՚meilles ⁊ belles
Auant q՚ len ait moiſſōne
CE neſt une meſeleꝛie
Charlos ancois eſt gouteꝛoſe
Foy que ie doi ſainte marie
Q՚ vꝰ namez de nulle choſe
Vꝰ creez miex en iuieꝛie
Qⁱ la veꝛité dire en oſſe
Qñ celui qui ꝑ ſeignoꝛie
A la poꝛte denfeꝛ deſcloſe
Et ne quedēt ſe ruſtebuef
Q՚ nous cōnoiſt paſſe .x. ans
Vouloit dire .ij. motes mies
Mes qũ dire fuſt voir diſans
Ne contre toi ne amondes
Mes par le uoir ſe fuſt mis ans
Ie le weil bn̄ ſi tu le veus
Q՚ le meilleur ſoit eſliſſās
Seignoꝛ ꝑ la foi q՚ vꝰ doi
Ie ne ſai lemeilloꝛ eſlire
Le maīs piour ſi cō ie croi
Vꝰ eſlire ie bn̄ du pire
Charlot ne vaut ne ce ne quoi
Qⁱ la ueꝛité ē veut dire
Il ua ne creance ne foi
Ne cūs chiens qͥ charoine tire
LI barbieꝛs cōnoit bōne gēt
⁊ ſi les ſeꝛt ⁊ les hōneure
Et met en eulz coꝛs ⁊ argent
Poine deſeꝛuir deure ē eure
Siſet ſon meſtieꝛ bel ⁊ gent
Se beſoing li recouroit ſeure
Et ſ'a en lui ſi biau ſeꝛiant
Q՚ com plus vit ⁊ plus couleure