HOm de gent de vaillance eſtrait
Les poins de nature Meſtrais.
Se le maī en tō cuer aſſābles
⁊ les pꝛeudōmes neresābles
Dont tuies eſtrais ⁊ venus
⁊ ſe tu es mauuais tenus
C'eſt .i. lais nōs ⁊ deſpiteuz
Ml՚t deuroies eſtre honteuz
Se tu te conniſſoies bn̄.
Qñt de ton cuer oſtes le bn̄
⁊ auretenir le mal tens
Oꝛ ce trai ca ⁊ ſi m'entens
⁊ ſi pꝛen garde amō chaſtoi
Tu fais tu p՚mier hōte atoi
Ap՚s aceulz qⁱ t'aꝑtiennēt
Qñt les genz loꝛ ꝑlem̄t tiēnēt
De toi en mal c'eſt hōte lais
Pꝰ q՚ le bn̄ afaire lais
Q՚ tu doiz faire ꝑ nature
Ꝑ dꝛoit doit gentiex creature
As gētiex dont elle iſt ret̃ire
Dont tu doiz ē tō cuer atraire
Nul vilain vice ⁊ ſ'il y eſt
Ne lidoiz laiſſier faire arreſt
Car li homs eſtrais de noblece
A le cuer plaī de gñt foiblece
Se vilōnie hoꝛs n'ē chace
⁊ cil qⁱ ſa honte pourchace
Aſſez legierement yvient
⁊ ceſt choſe qui mal avient
A celui qⁱ gentiex doit eſtre
Qñt on le tiont de vilain eſtͤ
Dont diex ⁊ li mōdes le het
S'endiſt chaſcuns du pͥs qͥl ſet
P˞ ce qⁱl ne fait ce qⁱl doit
L'un ſe fait ē ſeignier audoit
Qⁱ diſt iamules ne ſera
Li autres diſt qⁱl paſſera
Les mauuais car il q՚urt ap՚s
⁊ enſem̄t ⁊ loing ⁊ pꝛés
Ē diſt chaſcuns laide ꝑole
⁊ aucūs qñt on en ꝑole
Met ꝑ ꝯtraire au fier ſa maī
⁊ diſt ſ'on ēꝑloit au main
On n'ē ſeroit ia le iour aiſe
Enſi ſa maniere mauuaiſe
Ē fait ꝑ tout dire lait conte
Ia m'amera hono˞ qⁱ honte
Ne crient atoi le faiz ſauoir
Hom ſe tu veulz hono˞ auoir
Crien hōte ahono˞ ꝑ uendꝛas
Pꝰ qu'ē ceſt chemin te tēdꝛas
Sanz faille ſe tu as eur
Ia n'i fauras ce t'aſſeur
Iones hons filz de gñt ſeigno˞
Entēt ci ſe veulz a hōnour
Venir ⁊ en auancem̄t
Prendꝛe en doiz leꝯm̄cem̄t
Entr'eulz q՚ tu es jones dans
Car ſ'a honn˞ es entendans
Se de iouuēte en toi ꝯmence
As dꝛoit y rep՚nt ſa ſemēce
Toudiz de plus enplꝰ croiſtra
⁊ tant q՚ chaſcuns ꝯnoiſtra
Q՚ tuas a honn˞ beance
Si te vient de dꝛoite eſceance
De ton taion ou de ton pere
⁊ certes li homs bel ſe pere
Qⁱ en iouuēte ſe lait duire
⁊ vns pꝛou՚bes noꝰ rep՚nt
Qⁱ ce q՚ li nouuiaus nez pꝛēt
Ē bn̄ poꝛ a honn˞ conduire
Qñt il eſt viex il ſe ſaueure
Dont ne dois en tō cuer vne heure
Vilaine teche conſentir
Mais ſi toſt q՚ le puez ſentir
Fai tant q՚ le chaces en voie
⁊ au bn̄ faire te rauoie
Oꝛ yatel n'eſt pas ſi ſages
Qⁱl ꝯnoiſſe touz maus vſages
C'il doit des bons le ꝯ ſeil croire
⁊ de ſa folie recroire
Ꝑ le ꝯ ſeil des bonnes gens
Cis poīs li eſt ⁊ bons ⁊ gens
Car trop laidem̄t ſe ſourduiſt
Se il en mal faire ſeduiſt
Car li gentiex doit ꝑ (na)ture
Auoir courtoiſe nourreture
Qⁱ le bn̄ li mouſtre ⁊ le duiſe
Ꝑ quoi ahonn˞ ſe ꝯduiſe
Ne aoꝛdure ne ſ'aſſente
Mais auſſi toſt ꝯme il le sēte
Deſoncuer hoꝛs le deſracine
Car qñt bōs viſces ſ'ē racine
Trop eſt foꝛs adeſraciner
Atant voult sō chaſtoi finer
/Iehans de /conde/ qͥ repꝛent
Celui qͥ ot ⁊ riens n'apꝛent
Bn̄ fera li homs arep՚ndꝛe
Qⁱ ne voudꝛa a garde p՚ndꝛe.