MOult eſt bone acoitāce D'eſtoire bone gent
Biē m'ē puis pceuoir Et en maint lieu ſouuent
Q՚ qñt ie dis .j. dit A toꝰ generaument
Car il nous conuiēt viure Des bons pꝛemierem̄t
Iadis fu .i. chl՚r Ml՚t nobles et biaus
Riches hons fu de villes Et de nobles chaſtiaus
Et ot en ſa ionece Aſſez de cēs aniaus
Il ne li eſchapoit Ne tournois ne cembiaus
Qñt il n'ot q՚ deſpēdꝛe On n'auoit de li cure
On le tenoit poꝛ vil Con garcō qui eſcure
En folem̄t deſpendꝛe Auoit miſe ſa cure
Sa ioie li toꝛna A gñt doloꝛ obſcure
Du leu l'eſtuet ꝑtir Qu'il n'i pot plus remaīdꝛe
Sa char li cōmenca A palir et a taindꝛe
Loꝛs ſe pꝛiſt en ſon cuer Durem̄t a cō plaidꝛe
N'ot vile ne maiſon Ou il peüſt remaīdꝛe
Le las dolās diſt il ꝯdure deſtinee
Qñt m'ē conuient fouir En eſtrange ꝯtree
Et ſi ne metrai hoꝛs Ne lance ne eſpee
Voꝰ me veilliez aidier /Sainte virge honoꝛee
Toute ioꝛ cheuaucha biē li dut ēnuier
Dedens .i. bois entra Grant ⁊ lonc ⁊ plenier
Elmileu de ce bois Rataint .i. eſcuier
Triſte ⁊ dolant de cuer N'i ot q՚ coꝛroucier
Le chl՚r l'apelle Et ſi l'a raisōna
Amis /celi te gart Qⁱ le mōde foꝛma
Reſpont li eſcuiers Il ne m'aidera ia
Biē me ſui ꝑceü Q՚ onq՚s ne m'ama.
I'ai le mien deſpēdu Et gaſté ꝑ folie
Si ne m'ē eſt remez Vaillant vne aillie
Oꝛ m'ē conuient fouir Toꝰ ſeulz sās ꝯpaignie
Et ſi ne ſai meſtier Dont me cheuiſſe mie
LArrō et murtrier Me conuient deuenir
Ie ne me puis mie De fain leſſier moꝛir
Biē ſai q՚ ꝑ ce tour Me conuendꝛa venir
Se ie truis ꝯpaignon Biē me cuide cheuir
Reſpont le chl՚r Cōpains auez trouué
Auſſi ai ie le miē Deſpēdu et gaſté
Oꝛ m'ē couuent fouir Tous ſeulz ꝑ poureté
Noꝰ ſerons compaignō Qñt ie t'ai retrouué
Sire diſt l'eſcuier Vous ſoiez biē venus.
Vos cōpains voudꝛai eſtre Vos amis ⁊ vos dꝛus.
Toute ioꝛ cheuauchierent Tant q՚ ioꝛ ert faillus
Sous .i. arbꝛe herbergent Necheuauchierēt plus.
NE li vns ne li autres Cele nuit ne menia
Prez ſont de deſperer Chaſcūs ſe demēta.
L'ēnemi les eſcoute Qⁱ pꝛendꝛe les vouldꝛa
S'il les puet acrochier Ml՚ ioians en ſera
Deuant eulz s'apꝑut Si les a (a)raiſon mis
Seignoꝛ ꝯm̄t voꝰ eſt Ce dit li ēnemis
Voꝰ auez tout ꝑdu Et auoir ⁊ amis
Mēdier vous conuient
C'eſt gñt meſchief a faire Qñt apꝛis ne l'auez
Se voꝰ me volez croire Ie voꝰ donrai aſſez
Q՚ vous pꝛēdꝛez auoir Ꝑ tout ou voꝰ voudꝛez
Ne iamais en pꝛiſon Retenus ne ſerez
De tous les leus. Du mōde ie voꝰ deliuerrai
Si dit le chl՚r Et ie voꝰ ſeruirai
Et de cuer ⁊ de coꝛps Homage vous ferai
Et l'ēnemi reſpont Et aſſez te donrai.
Mais q՚ dieu et /ſa mere Te conuient renoier
Toꝰ ſains ⁊ toutes ſaītes Il ne t'aront meſtier
Sire dit l'e ſquier De gré et volētier
Ie les renoierai Toꝰ qⁱl ne m'ōt meſtier
Moult fu fol l'e ſcuier Et de mauuais coꝛage
Q՚ l'ēnemi a pͥs Ce fu ꝑ ſon outrage
Au chl՚r a dit Viē ſi me fais homage
Et ie te rendꝛai tout Tātoſt ton heritage
Reſpont le chl՚r volent՚s liem̄t
Renoie dieu fait il Treſtout p՚mierem̄t
Tous ſaīs ⁊ toutes ſaītes Toſt ⁊ iſnelement
Fais le ſe tu m'ē crois Et tātoſt errām̄t
Et ie te renderai Treſtout tō tenem̄t
Ie les renoie tous je ſui de ta meſnie
Reſpont li ēnemis Tu ne fais pas folie
Ie te dōrai honour Et grāde ſeignoꝛie
Se tu as renoié Auſſi /ſaīte marie
Reſpont le chl՚r Ce ne ferai ie ia
Q՚ ie renoie cele /Qⁱ le coꝛs dieu poꝛta
/Qui la ꝑte du mōde Ꝑ sō coꝛps reſtoꝛa.
Et la pais ⁊ l'amour De /ſon fil noꝰ dōna
Il te doit biē ſouffire Qñt i'ai dieu renoié
Tous ſains et toutes ſaītes Ie ſui ia en pechié
Et de cuer ⁊ de bouche Ie le t'ai otroié
Leſſe eſter /nr՚e dame Trop m'auras engignié
Reſpont li ēnemis Tu ſeras mendians
Se tu ne la renoies Seras poures truhans
Et ſ'as dieu renoié Qⁱ te ſera greuans
Sire dit l'eſcuier Faites li ſes couuans
Rreſpont le chl՚r Ꝑ ma foy nō ferai.
Ia ioꝛ de ma vie Ne le renierai
/La royne des ciex Ia tant ne mefferai
Se i'ai dieu renoié A cele me tenrai
C'eſt cele qⁱ puet tous A /ſon fil racoꝛder
Li ēnemis voit bien Qⁱl ne le puet mener
A ce qu'il la renoie Ne le puet engignier
De maltalent ſ'en toꝛne Si le leſſa eſter
Dolant fu l'ēnemi Qñt ainſi le pdi
Si ēmena ce lui Qⁱ a li ſe rendi
Le chl՚r demeure Qⁱ cuer ot eſbahi
Tout dꝛoit al'adioꝛner Hoꝛs du bois ſ'en iſſy
Qñt il fu hoꝛs du bois Deuant lui eſgarda
Et vit .j. biau chaſtel Vne chapelle y a
Au plus toſt q՚ il pot Cele ꝑt ſ'en toꝛna
Poꝛ ſaluer /la virge Ileq՚s ſ'arreſta
Qñt il y fu venu Si iſſi de la celle
Sō palefroy atache Au rai d'une ſaucele
Toſt et iſnelem̄t Entra en la chapelle
Et a veü l'ymage De /la virge pucele
Deuant li ſ'agenoille Et merci li cria
Et de cuer ⁊ de bouche Foꝛment le reclama
Li ſires du chaſtel Ꝑ matin ſe leua
Et lui et ſa meſniee En la chapelle entra.
Qvant il vit le cheual. Si ſe va merueillant
Le chl՚r entent( regarde) Ml՚t tendꝛem̄t ploꝛant
.I. po ſe treſt arrieres Poꝛ vëoir ſon ſamblāt
Le chl՚r eſgarde Qⁱ req՚roit m՚ci
/Douce dame fait il Aiez merci de mi
I'ai /vo fil renoié L'ēnemi m'a trai
Tous ſains ⁊ toutes ſaītes Ay renoié auſſi
Ne ſai ou retourner Se ie n'ai vr՚e aieue
Q՚ i'ai dieu renoié Siai m'ame ꝑdue
A yceſte ꝑole aſa coꝛpe batue
L'yaue du cuer li (ait) eſt Ꝑmi les yex courue
L'ymage de ſon lieu Maintenant deuala
Et de ſon cueurechief Le vis li eſſuia
Maītes lermes recut Qⁱ du chief li coula
Le ſire du chaſtel Le vit ⁊ eſgarda
Il a veü l'ymage Deuāt lui en p՚ſant
Qui le recōfoꝛta Bel et coꝛtoiſement
Amis diſt /nr՚e dame Ne ſ'eſmaie noient
Ie te racoꝛderai A /mō fil vraiem̄t
Et ſi auras ꝑ tans honour et richeté
Puis remōte en ſon leu Qñt l'ot recōfoꝛté
Li ſires du chaſtel A tout ce regardé
Biē penſe q՚ en li A aucune bonté.
UN po ſe treſt arriere Et touſi ⁊ ꝑla.
Le chl՚r l'entent Sus ſes piez ſe leua
Li ſires l'a raisōne Et ſi l'en apela.
Et cil li reſpont bel Q՚ tres bien apꝛis l'a
Li ſires l'en apelle Si l'a mis a raiſon
Amis dont eſtes vous N'i faites reſtoiſon
Et cil li reſpondi Belem̄t abas ſon
Sire .i. chl՚r ſui De moult poure renō.
Ie ſui .i. chl՚r Du tout deſheritez
Amis ce dit li ſires Gardez ne me celez
Feüſtes voꝰ onq՚s A fame mariez
Nēnil ſire diſt il Onq՚s n'i fu donez
Et ſi auez des ia Voſtre tr՚e ꝑdue.
Eſt paſſee l'anee Q՚ elle fu pdue
Nēnil ſire diſt il Biē ſeroit ſecoꝛue
Se i'euſſe den՚s Dont feüſt ſecoꝛue
Amis ce diſt li ſires Ie voꝰ en bailleré
Et auoir et deniers A plenté vous donrai
S'ay vne bele fille Qu'a fame voꝰ dōrai.
Et de toute ma t՚re. Cheuetain voꝰ ferai
Sire pour dieu merci Fait il ne me moquiez
Ie ſui triſtes de cuer Dolans et coꝛrouciez
Amis ce dit li ſires Oꝛ ne vous eſmaiez
Voꝰ eſtes ſe dieu pleſt A bō poꝛt arriuez
Soiez certains ⁊ fis Enuis voꝰ moq՚roie
Laiſſiez eſter le duel Et ſi demenez ioie
Enl'ōnoꝛ /nr՚e dame Qⁱ ſi biē voꝰ auoie
Et de cuer et de bouche Le dō voꝰ en otroie
Cil ſi l'en mercie Qⁱ la raiſon agree
A iceſte ꝑole a ſa Fille mandee
Si li dōna a fame Et il l'a eſpouſee
Et l'ōnoꝛ de ſa terre Li a toute dōnee
Et auoirs et deniers A plenté li bailla
Dont ſa terre recut Et ſi le rachata.
Et fu hoir de ſa t՚re Li ſires treſpaſſa
/La royne des ciex Ces biens li pourchaca.
Pour ce qⁱl la ſerui Ot il bō guerredon.
Cil qui la renoia Fiſt trop gñt meſpꝛoiſon.
Cō voꝰ oꝛrez cōter A petit d'achoiſon.
Cōment li ēnemis Li fiſt la traiſon.
Donc tēps ala ꝑ t՚re Des maulz ot il aſſez
Et tant q՚ il fu pꝛis A .i. fait atrapez
Et fu eſtroit liez Et fu empꝛiſon̄ez
Et fu iugiez a pēdꝛe Q՚ il fu pꝛis pꝛouuez
Qñt il fu en pꝛiſon Durem̄t ſe doubta
Q՚ il ne fuſt pendus L'ēnemi appella
Et le mauuais y vint Tantoſt qͥl le hucha
Maiſtres car aidiez moi Ou l'en me pendꝛa ia
Reſpōt li ēnemis Ie te deliuerrai
Vez cy le hanap d'oꝛ Q՚ ie te baillerai
Et .iiij. beſans d'oꝛ Aueques te dōrai
Tiē met tout en tō ſain Fai ce q՚ te dirai
Qñt le bailli t'aura Deuāt li en p՚ſent
Et il te voudꝛa pꝛēdꝛe Poꝛ faire iugem̄t
Dōne li ceſt auoir Pour tō deliurem̄t
Et il eſt conuoiteus Et d'oꝛ fin ⁊ d'argent
Il te deliuerra Saches ꝑ verité
Cil a pꝛis le hanap En ſon ſain l'a bouté
Et les .iiij. fermaus Foꝛm̄t l'ont agree
A iceſte ꝑole l'a li baillis Mandé.
Amis diſt li baillis Il te conuiēt moꝛir
Il n'eſt hōs foꝛs q՚ diex Qⁱ t'en puiſt garantir
Dis moi toſt tes meffais Tu les doit bien gehir
Au boꝛriau le bailla Qⁱ le doit maīburnir
Sire diſt l'eſcuier Ains m'ē lairez aler
.I. iouel ay ml՚t riche Q՚ ie voꝰ veil dōner
Il vault .lx. lb՚ Ne voꝰ eſtuet doubter
Ie le voꝰ baillerai Faites moi deliurer
OR toſt diſt li baillis Fai errant mouſtre ca
Cil miſt maī a ſon ſain Et trouuer le cuida
Et il trueue .i. cheueſtre De ſon ſain le ſacha
Qñt li baillis le voit Il ſ'en rit et gaba
Hé las diſt l'eſcuier L'ēnemi (lel )m'a trahi
Ꝑ foy diſt li baillis Et tu m'as bien ſerui
En sō col le laca Au bourriau le tendi
Qⁱ le mena aus foꝛches Et puis ſile pendi
L'ēnemi ſe tint pꝛez Ne le vault eſloignier
Qñt l'ame iſſi du coꝛps Il ne la volt leſſier
Il la poꝛte en enfer La dedens herberg՚
Anſinq՚s vouldꝛoit il Tout le mōde eſloignier
OR fu de ſon ſeruice A duel ⁊ a dolour
Ainſi eſt il ſeruis Qⁱ ſert mauuais ſeignoꝛ
Mais qui ſert /nr՚e dame /Cele dame d'onour
Il ne puet en ce ſiecle Certes ſeruir meillour
Iehan de /.s՚. quentin Dit qⁱ le doit ſeruir
On puet de ſon ſeruice A gñt honoꝛ venir
C'eſt le treſoꝛ de gc̃e Poꝛ toꝰ ceulz garantir
Qⁱ la veille de cuer Et amer ⁊ chierir.
OR pꝛiōs doucem̄t A /la virge marie
Ꝑ qui le monde fu ⁊ mis de moꝛt a vie
De l'ēgīg l'ēnemi Qⁱ le monde tarie
Noꝰ gart ⁊ noꝰ otroit La ꝑdurable vie.