A Toutes bones gens Qⁱ ontentendem̄t
Qui croient /ih՚ucriſt Et le ſaint ſacrement
Doit on ꝑ bon example Mectre et aꝑtem̄t
Les vertus q՚ il fait A tous generaum̄t
De li auons ve rtus C'eſt treſtout verité
Et ſi nous racheta Qñt il fu toꝛmētez
Des iuis en la crois Poꝛ nr՚e ſauueté
Et noꝰ miſt hoꝛs d'enfer De la gñt obſcurté
Tous le deuons nous croire Ꝑ bone entencion.
Car il ſouffri pour nous En la crois paſſion.
Qⁱ ainſi ne le croit C'eſt ſa dāpnation
Iamais ſ'ame n'aura Vers dieu redēption
Et qui ne croit ainſin Q՚ ſon coꝛps ˞ppꝛem̄t
Fuſt mué ou ſaint pain Doit on fait ſacrement
S'ame ſera dāpnee Au ioꝛ du iugem̄t
En la maiſon d'enfer Prendꝛa herbergem̄t
Bone gent ie voꝰ veil Mouſtrer une (ſemblāce)
Qⁱ eſt bon a oir S'il vous plaiſoit a taire
Et ſien poꝛriez (l'am) L'amoꝛ de dieu atraire
Car il fait bon leſſier Le mal poꝛ le biē faire
En /la vie des peres Eſcript en ꝑchemin
Trouuōs noꝰ q՚ .ii. homes Qⁱ eſtoient voiſin
Eſtoient bien ensāble Deſſi a cele fin
Q՚ li vns ſi meſcrut Ꝑ le dëable engin
Et l'autre fu pꝛeudōs Si voꝰ dirai ꝯment
Car il ſe confeſſoit Ꝑ bon entendem̄t
Et ſi crut bien en dieu Et ou .s՚. ſacrem̄t
Et l'autre n'i voult croire Ce fu ſon dāpnem̄t
Ce fu a vnes paſques C'on ſe doit confeſſer
Et faire penitance Pour ſa vie amender
Et ne toier sō cuer En ſon dieu doit entrer
Qu'en l'arbꝛe de la crois Leſſa ſon coꝛps pener
EN icele ioꝛnee Q՚ ie vous conte cy
Reſuſcita de moꝛt Celui qͥ tant ſouffri
En l'arbꝛe de la crois Au iour du vendꝛedi
Et le ſanc de ſon coꝛps De .v. plaies iſſy
Qui nele croit ainſi Ie vous di de certain
Des oeures au dëable A il le coꝛps tout plain
Nous le deuons tuit croire Car il eſt ſouuerain
Et ſont toutes vertus Iſſues de ſa main
LI vns de ces .ii. homes Dont ie vous ꝑolé
Il creoit fermement C'eſt fine verité
Et l'autre ſi fu ſi Du dëable tempté
Qⁱl ne crut pas qu'en pain Fuſt le ſien coꝛps mué
Celi qui ce ne crut Siſ'en vint au pꝛeudō
Si li diſt bien veig niez Venez en en maiſon
Si vous deſiunerez Auec moi d'un chapon
Noꝰ auons trop iuné Il en eſt biē ſaiſons
Celui qⁱ fu pꝛeudons Si fu tous merueillās
De ce q՚ ſon voiſin Lialoit deuiſans
Il hauca ſa main deſtre Siſ'en ala ſeignant
Et puis ſi li a dit Voꝰ eſtes meſcreant
Il eſt hui la ioꝛnee Que l'en doit receuoir
Le coꝛps /nr՚e ſeigneur Ce deuons noꝰ ſauoir
Qⁱ ne le croit ainſi Ie le vous di pour voir
Il n'a pooir iamais De ꝑadis auoir
Alons en au mouſtier Et ſi le receuron
Si ſerons hoꝛs des mains A l'ēnemi felon
Qñt ſerons reuenus Si nous deſiunerons
Le meſcreant reſpont Ꝑ ma foy non ferons
Qve ce ſoit le coꝛpsdieu Ie ne le croirai ia.
I'aīme miex mō chapon Qⁱ eſt roſti pieca.
Se vous me volez croire Mengié ſera pieca.
Quant li pꝛeudons Tout le coꝛps li trābla
Sire diſt li pꝛeudons Eſtes vous hoꝛs du ſens
Qⁱ auec le cuer plain De ſi maluais poꝛpens
Mais alons au mouſtier Auec ces autres gens.
Receuoir nr՚e dieu Car il en eſt bien tens.
Et ſi gardez pour dieu Que ſoiez biē confez
Et repentās auſſi Des pechiez qu'auez fez
Li meſcreans reſpont Oꝛ n'ē ꝑlez iamez
Monchien mēgeroit biē Treſtous ceulz qⁱ ſont fez
Sire diſt li pꝛeudons Vous dites gñs folie
Muez voſtre pensee Poꝛ dieu /le filz /marie
Et ſi vous confeſſez Et amendez vo vie
i en aurez de dieu La ꝑdurable uie
C'eſt tout voir q՚ sō coꝛps voult il en pain muer
Le meſcreant reſpont Oꝛ me le ſſiez eſter
Qⁱ en vouldꝛoit mō chien .iiij.Mile doner
Il les mēgeroit bien Sans ſon ſaouler
Ie ferai gageure A vous ſe voꝰ volez
Et li pꝛeudons reſpont En la paume l'auez
Adont fierent en paume Gage furent liurez
Oꝛ entendez miracles Se croire les volez
Cōpaīs diſt li pꝛeudōs A vous me ſui gagiez
Vo chien ne mengera Ne .I. ne la moitié
Li meſcreant reſpont I'en ſui oꝛés moult liez
Voꝰ ne garderez l'eure Mon chien l'aura mēgiez
Cōpaīs diſt li pꝛeudons Sauez q՚ noꝰ feron
Moy ⁊ voꝰ tous enſamble Au mouſtier en yrons
Et /nr՚e ſauueur Au mouſtier receuron
Vous garderez le vr՚e Deſſi a vo maiſon.
Et ie le ferai toſt( li) Li meſcreans a dit
Adont vont au mouſtier Sans niſun cōtredit
Chaſcun a receü Le coꝛs /dieu ih՚ucriſt
Et puis ſont retoꝛné Sans pꝛedꝛe plus reſpit
Le meſcreant y vint Qui pas ne demoꝛa
Ains le tint en ſa bouche Moult bien ⁊ enſerra
Ce fu de p le dëable Qⁱ ainſi le tempta.
Mais ancois qu'il ſoit veſpꝛes Son loier en aura
Seigneur cel meſcreant Dont ie voꝰ conte cy
Auoit ſi doctriné Sō chien ⁊ ſi noꝛri
Q՚ quanqⁱl ꝯmandoit A faire riens poꝛ li
Il le faiſoit tantoſt Et couroit auec li
Li meſcreans ſ'en vint En ſa maiſon tout dꝛoit
Il met main aſa bouche Ou le coꝛps dieu eſtoit
Et il l'en a trait hoꝛs Car auoir le voloit
Poꝛ dōner la auchiē Qⁱ mēgier le deuoit
Li pꝛeudons ⁊ meſcrant Al'oſtel ſont venus
En vne chābꝛe entrerent Poꝛ eſtre miex repus
Il ont pꝛis de l'eſtrain A terre l'ont mis ius
Vne blanche touaille Ont miſe ꝑ deſſus
Qñt la touaille fu Sus l'eſtrain entēdue
Li meſcreans ſault ſus N'i a fait atendue
Le coꝛpus dnī Sus la touaille rue
Et cuide q՚ ſon chien Errāment le mēiue
Non fera de certain Ia diex nel ſousferra
Car il eſt ſi puiſſant Q՚ faire le poꝛra
Et pour mouſtrer exāple Au peuple le fera.
Ainſi li pleſt ⁊ veult Et tout ainſi ſera.
Le meſcreant ſe lieue Q՚ plus n'y ataria
Son cōpaignon apele Biau ſire venez ca
I'ai gaaignié a vous Voꝰ le verrez bien ia
Q՚ ne garderez l'eure Mon chienle mēgera
Et li pꝛeudons reſpont Oꝛ toſt aꝑtement
Faites venir le chien Toſt ⁊ iſnelement
Ie me fi tant en dieu Et ou ſaint ſacrem̄t
Qⁱl ne touchera ia A lui ne tant ne quant
Qvant li meſcreans l'ot Sonchien a appellez
Viē auant biaus amis Ce dit li foꝛſenez
Et ſi le meniu toſt N'iait plus demoꝛez
Le chien ſailli auant Mais n'i a adeſé
Le meſcreant ſon chien Seconte fois apele
Et le chien vint a li Qui de pa our ſautele
Il a pꝛis a .ii. mains Deuant lui vne aſtele
Le chien en a feru Tres ꝑmi la ceruele
Par dieu fait il au chien Maītenant mēgeras
Yce tantet de pain Ou tu le ꝯperras
Le chien pꝛent au muſel Qⁱ de batre fu las
Vers le coꝛps dieu le touche Mais il ne le pꝛint pas.
Ains ſ'eſt maītenāt trait Arrier aꝑtement
Qñt ſon meſtre le vit Flairier le ſi foꝛment
Il reſault au baſton A ſes .ij. mains le pꝛent
Le chien en a batu Moult angoiſſeuſem̄t
Qvant le chiē a veü Qu'il n'i aura duree
Il regarde ſon meſtre Cōme beſte deſuee
A lui ſ'en eſt courus Tantoſt gueule baee
Ꝑ la goꝛge le pꝛent Silia entaſmee
Le chien apꝛis ſon meſtre Ꝑ la gueule tout dꝛoit
Il l'a eſtraint foꝛment Et ſi foꝛt le tenoit
Qⁱ l'eſtrāgle en ſa chā bꝛe Ainſi diex le voloit
Q՚ l'ēnemi empꝛiſt Que deceu l'auoit
Le mauuais en enfer L'ame de lui poꝛta
Adont ſ'eſt auiſez Que au pꝛeſtre ira
Et confaite gaiure Treſtout li contera
Le pꝛeudons fu ilec Qⁱ de paour trā bla
Chieus le pꝛeſtre eſt venus toſt ⁊ deliurement
Sire diſt il au p՚ſtre Poꝛ dieu om̄ipotent
Ainſi m'eſt auenu Sachiez certainem̄t
I'ai paour q՚ n'ē ſoie Repus vilainem̄t
Qvant le pꝛeſtre a oÿ Le pꝛeudōme ꝑler
De la hydeur qu'il ot Cōmenca a trambler
A la iuſtice a la( li) La ꝑole conter
Poꝛce que le pꝛeudōme En voloit deſcoꝛper
Qvant le pꝛevost oÿ Tel ꝑole retraire
Il a dit au p՚ſtre Sire que volez faire
Le p՚ſtre reſpondi C'eſt moult bel exāplaire
Q՚ diex nous a mouſtré Le dous dieu debōnaire
Preuoſt ce diſt li pꝛeſtres Alons et moy ⁊ vous.
Si mouſterrai l'exāple A toutes ⁊ a tous
Et li p՚uoſt li diſt Sire ſi ferons nous
Adont d'ilec ſ'ēpart Durement angoiſſous
A l'oſtel ſont venu Chaſcuns laiens entra
Le pꝛeſtre ſi regarde La touaille auiſa
Ou le coꝛs dieu eſtoit Qⁱ /la virge poꝛta
Il le pꝛent a ſes mains Au pꝛevost le mouſtra
Quant le pꝛevost le vit Si fu tous eſbahis
Sire ce diſt le pꝛeſtre Ie vous requier mercis
Oꝛ re gardez de ca Ceſt hōme qu'eſt murtris
Onques mais en ma vie Si lait moꝛt ie ne vis.
SIre ce dit li pꝛeſtres ie vous di de certain
Qⁱl auoit du dëable Le coꝛps noꝛri et plain
An deus ſ'en ſont toꝛné Ambedeus main a main
Si fiſt on la iuſtice Qñt vint al'endemain
La iuſtice fu faite tout le pueple le vit
Et le pꝛeſtre a pꝛis Le coꝛpus domini
Si le mouſtra a tous Et gñt ſermō leur fiſt
Au mouſtier l'ē poꝛta Ou coꝛpoꝛal le miſt
Pour ce vous di ie bien A tous cōmunement
Car qui ne croit en dieu Et ou .s՚. ſacrem̄t
Son loier en aura Au iour du iugement
Iamais ſ'ame n'aura Vers dieu rachatem̄t
Qvi mauuais maiſtre ſert Ainſi eſt il ſerui
Mais qⁱ ſert le coꝛps dieu Qⁱ de /virge naſqui
En paradis li eſt( ſon) Son hoſtel eſtabli
Laſſus auec les āges Et poꝛté ⁊ raui.
Celui doit on ſeruir Et au ſoir ⁊ au main
Qⁱ le ſien coꝛps mua Et en vin ⁊ en pain
Et ſi foꝛma /adam Et /ſa moillier euain
Et ſouffri moꝛt ē crois Pour le pueple humain
Si pꝛions tous ⁊ toutes A /la virge marie
Si vraiement cō diex Li dona ſeignoꝛie
De confoꝛter tous ceulz Qⁱ l'auroient ſeruie
Q՚ ra coꝛder nous veille Enu՚s /le fruit de vie