PEtit ſai; mais; matere ou pꝛendꝛe
De quoi ie puiſſe Dit repꝛendꝛe
Qⁱ puiſt eſtre a chaſcū plaiſans
D'autre ꝑt ſeie ſui taiſans
Il ne m'en vendꝛa nul pouris
Selonc mō metier i'ē ſui fis
⁊ ſ'il n'iert nus qͥ mes meſiſt
Ētente ace q՚ bn̄ feſiſt
Ne ſe deuroit mie retraire
Li homs qͥ ſ'eſt le bn̄ (a)traire
Q՚ ſon cuer ace ſ'acoꝛdaſt
Q՚ bn̄ deſiſt ⁊ recoꝛdaſt
Mais ſi poi voi mais aconter
A bn̄ dire ⁊ abn̄ conter
Q՚ poieſt nus qⁱ foꝛce y face
Ainz tournēt d'autre ꝑ la face
Pluſeurs ē qui n'a de bn̄ tant
Qⁱl ſoiēt ſanz plus eſcoutant
Ce ꝯ veut recoꝛder ⁊ dire
Sienſui plains d'anui ⁊ d'ire
Plus q՚ ie ne mouſtre ſouuēt
Lihoms qⁱ ſouffle ꝯtre vent
A enſient ſa paine pert
⁊ auſſi fait cil en a ꝑt
Qⁱ le bn̄ acelui recoꝛde
Qⁱ al'eſcout՚ ne ſ'acoꝛde
Ainz li deſplaiſt ⁊ li annuie
Se ſaumōs apourciaus dōnoie
Ml՚t ſeroient mal emploie
Mes qñt bel dit ſont deſploie
A ceuz qⁱ volentiers les oient
Moi ſablēt bn̄ emploie ſoiēt
Car on en puet loꝛ cuers deduire
⁊ eulz a bn̄ faire ꝯduire
⁊ qⁱ puet dōner examplaire
Qⁱ puiſt ⁊ poꝛfit՚ ⁊ plaire
Plus l'en loe l'en ⁊ pꝛiſe on.
IL ot iadiz en la pꝛiſon
A .i. tyrant .ij. ꝯpaignons
Deuz ne voꝰ ſai nōmer les nōs
Mes deniſes fu li tyrans
Nōmes qui n'eſtoit deſirrans
Foꝛs de mal pēſer ⁊ mal faire
N'auoit foꝛs mal en sō afaire
Li vns eſtoit mal herbergiez
Car il eſtoit amoꝛt jugiez
Se lieſtoit li iourz nōmez
Q՚ ſes tēps ſeroit aſſōmez
L'autre fu reſpitez ſes viures
Qⁱl en deuoit aler deliures
Cil qui on ot amoꝛt iugie
Li pꝛia au pꝛendꝛe congié
Qu'en sō pais vouſiſt aler
A ſes pꝛochains amis ꝑler
Qⁱl vouſiſſent po˞ li pꝛoier
Q՚ diex vouſiſt ſ'ame otroier
Ꝑdon des pechiez qⁱl ot fais
Car de lui iert li coꝛs deffais
Cil reſpondi qⁱl y alaſt
Il meiſmes ⁊ y ꝑlaſt
Qu'en pꝛiſon p˞ lui demouroit
Li tyrans diſt q՚ il moꝛroit
Se li autres faiſoit ſeiour
Qⁱl ne reueniſt a ſon iour
Ē tel abandon ſ'eſt cil mis
⁊ li autres aſes amis
S'en ala ⁊ bn̄ li ſouuint
De ſon ꝯpaignō qͥl reuint
A ce iour q՚ moꝛir deuoit
⁊ li tyranz qñt il le voit
Ml՚t durem̄t ſe merueilla
⁊ tenu a gñt m՚ueille a
Qⁱl ert pour moꝛir reuenuz
Car il ne cuidoit pas q՚ nus
Deüſt faire tel loiauté
Il a moli ſa cruauté
⁊ fu ſi eſpꝛis de pitié
Q՚ il a de moꝛt reſpitie
Celui qui cuidoit en la ſente
Eſtre de moꝛt tantoſt p՚ ſente
Mais ml՚t bonnem̄t li quita.
⁊ as .ij. ꝯpaignons dit a
Qⁱl loiaum̄t le receuſſent
Ne nul mal gré ne li ſeuſſent
Du mal q՚ il loꝛ auoit fait
Cil li ꝑdonnēt le meſfait
⁊ de lui ꝑtent en amour
Si ſ'en vont sāz faire demour
OR oiez ꝯ furent loial
Li doi ꝯ paignon ⁊ feal
⁊ agñt pourfit loꝛ tourna
Car loꝛ loyautez retourna
Le tyrant en miſericoꝛde
Si ꝯ la veritez recoꝛde
Ci puet on bel exāple p՚ndꝛe
⁊ a ceſte auenture ap՚ndꝛe
Q˜dez a loiautéz ſaiſon
Mes mal ſcet on mes ſa maisō
Ne ne ſai mais ou elle regne
Ne en l'empire ne el regne
Ne ſcet on mais ſa reuenue
Oꝛ puet elle eſtre deuenue
Diex le ſache ie ne le ſai
Souuēt m'ē ſui mis ē l'eſſai
P˞ trouuer mes ne ſai la voie
Ov elle maint diex m'i avoie
Ꝯ cuide entel lieu maīte foiz
Q՚ loiautéz ymaigne ⁊ foiz
Ou on n'ē trueue ali firt demie
C'ai bn̄ pꝛouue n'ē doutez mie
Auſſi ont fait autre tamaint
P˞ ce ne ſai en q՚l lieu maīt
Loiautez bn̄ le voꝰ afin
Li ꝯpaignon loial ⁊ fin
Sont perdu bn̄ le m'eſt auis
Ie ne ſai ſ'il en eſt nul vis
Selonc ce ꝯ uoit en apert
Le ſiecle en fauſſeté desꝑt
Qⁱ en haut cheual eſt mōtee
⁊ loiautéz ſi deſmontee
Q՚ nes ſur piez ne puet eſter
Cui on voit iamais ap՚ſter
De ſoi loiaum̄t maītenir
A mō pꝛopos veul reuenir
Des ꝯpaignons q՚ cil deniſes
Ē cui les bñches ſ'erent miſes
De felonie ⁊ de deſpit
Donna celui de moꝛt reſpit
Qⁱl vit pour moꝛir reuenir
Q՚ ꝑ bn̄ faire rapelon
A gñt doucour le cuer felon
⁊ Marciſt on ſa felōnie
Toudis deuroies auoir ēvie
La volenté de bn̄ afaire
Pꝰ q՚ li cuers de mal afaire.
On a bn̄ veü auenir.
S'en puet chang՚ ⁊ mieudꝛes eſtͤ.
Dont ſe doit li cuers de bō eſtre
Tant plꝰ pener qⁱl ſe de tiengne
Ē tel poīt q՚ le bn̄ maītiēgne
Car bn̄s fais n'eſt onq՚ ꝑdus
De ce ne ſoit nus esꝑdus
Car ſe domage y a li coꝛs
Diex li piex ⁊ li miſericoꝛs
En rent a l'ame vrai ꝑ don
P˞ ce fait toudiz bn̄ pꝛeudon
A ſon pouoir ⁊ ſ'il meffait
Ēu՚s dieu ſa mendiſe ē fait
Oꝛ li pꝛiōs tuit de cuer fin
Qⁱl noꝰ amaint a bōne fin