DIex qui poꝛ nous ſauuer voult en terre deſcendꝛe
Et en /la vierge m՚e Voult char humaine pꝛendꝛe
Et en la ſainte crois Souffrir sō coꝛps eſtendꝛe
Doinſt ſa gc̃e a tous ceulz Qⁱ me vouldꝛont entendꝛe
Aucune gent n'ont cure D'oir de dieu ꝑler
Ne de /ſa douce mere Que tant deuōs amer
Tex y a qui n'en font Q՚ gaber ⁊ vller
A tiex gens n'ai ie cure De biaus diz recoꝛder
Mais enquelconque leu Q՚ ie ſai bone gent
De biē ꝑler de dieu Ne ſui ie mie lent
Ilec et biē ꝑler Car poꝛ no ſauuem̄t
Voult il moꝛt receuoir De doloꝛeus tourment
Et pour l'amoꝛ de ce Que il nous rachata
De la pꝛiſon d'enfer Qñt il reſuſcita
Deuōs noꝰ ml՚t amer /Cele qui le poꝛta
Car quile ſert ⁊ aīme Bon loier en aura.
Cil qui de bō cuer l'aīme Ne doit pas sōmeillier
Ains ſe doit poꝛ ſ'amour Nuit ⁊ ioꝛ traueillier
Sicō la pꝛeudefame Dont voꝰ m'oꝛrez nūcier
Q՚ l'ēnemi cuida( d) Decoiure ⁊ engignier
Le mari cele fame Coꝛdouainer eſtoit
Aus foires aus marchiez Aler le conuenoit
Si cōme le pꝛeudome Hoꝛs de la ville eſtoit
La boꝛioiſe ſa fame Au mouſtier ſ'en aloit
Cele couſtume auoit Si la tenoit d'uſage
Et a /la mere dieu Metoit tout ſon coꝛage
Car toꝰ ioꝛs vouſiſt eſtre Deuāt ſon ſaint ymage
Tous les ioꝛs yaloit Ꝑ dꝛoit ꝑle rinage
LI ēnemi en out Gñt duel et gñt enuie
De ce q՚le ſeruoit Si bien /ſainte marie
Mais ꝑ tēps li fera Domage et vilennie
Se cele ne la garde Qⁱ l'a lonc tēps ſeruie
Le iour eſtoit alee La bourgoiſe au mouſtier
Deuant /la mere dieu Recoꝛder ſon pſaltier
Et l'ēnemi cōmence Tel choſe a pourchacier
Dont la boꝛioiſe aura .I. moꝛtel encombꝛier
OR eſcoutez cōmēnt li mauuais eſploita
En guiſe d'un bel hōme Tantoſt ſe figura.
Au mari la boꝛioiſe Errāment ſ'en ala
QVant il vit le pꝛeudome Errāment l'a pela
Preudōs ou eſt ta fame Cil reſpont ie ne ſai
Elle n'entra ceens Des q՚ ie me leuai
Li ēnemis reſpont Et ie le te dirai
Elle eſt auec le p՚ſtre Maītenant l'i trouuai
Li pꝛeudōs de ſa fame Fu en merancolie
Et l'ēnemi ſ'ē part Qⁱ male oeure a baſtie
La bourgoiſe ſ'en vint Qⁱ ce ne ſauoit mie
Qñt ſon mari la vit Foꝛm̄t l'a laidēgie
Tantoſt q՚le ētra ens Son mari le cuer ſeree
Vilaīnement la bat Et elle crieet pleure
/La mere dieu reclāime Qu'ele la ſequeure
Et qñt vint au matin N'i fiſt lōgue demeure
Puis ala au mouſtier Cōme faire ſoloit
Et li mauuais reuint Qⁱ pas ne ſ'ob lioit
De ces .ij. gens decoiure Grant volenté auoit
Le pꝛeudōme appela Qⁱ ſon meſtier faiſoit
Di va dit li mauués Tu te mes en gñt paine
Tu ne fines d'ouurer Treſtoute la ſemaine
Poꝛ ta fame cheuir Qⁱ pot te pꝛiſe et aīme
Ie la vi oꝛēdꝛoit Ou le p՚ſtre l'ēmaine
Li pꝛeudōs reſpōdi Qⁱ ot le cuer dolant
De ce que li mauuais Li faiſoit entēdant
Eſt ce dont v՚ité Que tu me vas ꝯtant
Oil fait cilz qͥ d'eulz Tourmēter eſt engrās
Preudōs diſt li maluais Sces tu q՚ tu feras
Tu diras ata fame Q՚ ala foire iras
Et puis en aucun leu Tu te deſtoꝛneras
Ꝑ ſi faite man՚e Ta fame eſpꝛouueras
Li pꝛeudōs reſpōdi Ainſi le conuiēt faire
Et l'ēnemi ſ'en part Qⁱ le cuida atraire
La bourgoiſe reuint Qⁱ fu de bon a faire
Qⁱ ſeruoit de bō cuer /La dame debōnaire
Dame diſt li pꝛeudōs Ie veil de main aler
En cele foire la Poꝛ du cuir acheter
Ie mouurai gñt piece Demaī ains l'adioꝛner
De ꝑ dieu diſt la dame Qui vous puiſt ramener
Deuant la mienuit Li pꝛeudōs ſe leua
En .i. lieu de ſa grāche Repōdꝛe ſ'en ala
Qñt le ioꝛ apꝑut La dame ſ'eſueilla
De aler au mouſtier Tantoſt ſ'apeilla
Derriere l'autel Maītenāt a genoulz
Et li mauuais reuint Qⁱ tant eſt ēuious
De bone gēt decoiure Eſt foꝛm̄t conuoitous
Le pꝛeudome appella Qⁱ eſtoit moult irous
Oꝛ toſt diſtil vien t'ent Ta fame eſt au mouſtier
Ou elle atent le pꝛeſtre Biē te doit ēnuier
Qñt elle te deffault Poꝛ .i. tel pautōnier
Se tu me crois ml՚t bien T'en poꝛras ia vēgier
Li pꝛeudōs au mouſtier A ſa fame trouuee
A coutes a genouls A la terre enclinee
Oꝛ toſt diſt li mauués Que elle ſoit tuee
Li pꝛeudōs reſpōdi Ie n'ai coutel n'eſpee
Et dit li ēnemis Qⁱ tous ioꝛs le tarie
Pren ce grant maillet la Et ſi ne te fain mie
De li gñt cop dōner Q՚le ne te voit mie
Loꝛs ſi ſeras vengiez S'elle a ꝑ du la vie
Cil va ferir ſa fame Si angoiſſeuſem̄t
Q՚ li oeil li volerent Et la teſte li fent
Héla diſt li pꝛeudōs Oꝛ me va malem̄t
Car ie ſerai pēdus Sans nul arreſtem̄t
Li ēnemis reſpont Tu n'ē pues eſchaper
Croi moy pꝛen ceſte coꝛde Si te vas eſtrāgler
Auant q՚ le p՚uoſt Te face trainer
Ne q՚ les gens te voient A tel honte mener
LI pꝛeudōs reſpondi volentiers le ferai
A la coꝛde ſes ſains Tantoſt me pēderai
Oꝛ toſt diſt li mauuais Et ie te ſouſtendꝛai
Fai toſt ou q՚ nulz viēgne Ou ie le leſſerai
Li pꝛeudōs a la coꝛde Entoꝛ sō col noee
.I. las courant y fait Poꝛ eſtre miex fermee
L'ēnemi le ſouſtient Qⁱ l'ame a goulouſee
Pour poꝛter en enfer Qñt du coꝛps ert ſeuree
Mais il n'ēpoꝛtra poīt Si con dit la matiere
Car /la dame qui eſt /De tous biens treſoꝛiere
Ne volt pas oublier Sa bone chāberiere
Sa vie et ſa ſanté Li a rendu arriere
La boꝛgoiſe ſe dꝛece Sus ſes piez ſe leua
A ces mos /nr՚e dame Deuant lui l'apella
La boꝛioiſe l'oÿ Au cuer gñt ioie en a
/La mere dieu ſalue d'un Aue /maria.
OR toſt fait /nr՚e dame Va ton mari deſpendꝛe
Q՚ l'ēnemi fait la a cele Coꝛde pendꝛe
La bourgoiſe y coꝛut Q՚ plus n'i vault atendꝛe
Du ſigne de la crois Errām̄t li remēbꝛe
De ſa main aſeignié Sō coꝛps ⁊ ſon viſage
Et l'ēnemi ſ'en fuit Cōme beſte ſauuage
Cele voit ſon mari Au cuer en ot gñt rage.
Ꝑ les coſtez le pꝛent Contremont le ſouglage
La coꝛde de ſon col Maītenant li oſta
Li pꝛeudōs vit ſa fame En ploꝛant dit li a
Dame voꝰ eſtiez moꝛte Qⁱ voꝰ reſuſcita
Eu nōdieu dous amis /Cele qͥ dieu poꝛta
Li pꝛeudōs a conté Sa fame maītenant
Tout ce q՚ li mauuais Li faiſoit entendant
Mercili a crié Du cuer en ſouſpirant
Et la dame li va Bonement ꝑdōnant
Lonc tēps furent ensāble La dame et le ſeignour
.ij. lampes eſtablirent De leur meilloꝛ labour
Deuant /la mere dieu Qⁱ leur fiſt tele amour
A tous les tēps du mōde Qⁱ ardent nuit ⁊ ioꝛ
Ainſi voſt l'ēnemi ces .ii. gens deceuoir
En enfer auec lui Les cuida bien auoir
Mais /la dame des ciex Qⁱ a ꝑtout pooir
N'oblie pas les ſiens Qñt il font ſon voloir
Ie cuer qui dignem̄t /Tel dame ſeruira
En la fin de ce monde Tel loier en aura
En ꝑdurable ioie L'ame de lui ira
Fox eſt qⁱ poꝛ pechié /Tel dame (ſeruira )g՚pira
OR pꝛions tous ⁊ toutes /La dame gloꝛieuſe
Et ſon filz qui poꝛnoꝰ ſouffri Moꝛt dolereuſe.
(Nous gart ⁊ nous otroit) De la pꝛiſon d'enfer Qⁱ tant eſt angoiſſeuſe
Nous gart ⁊ nous otroit La ioie deliteuſe.