A toutes bones gens ne deuroit pas deſplaire
Qu'oÿr de /nr՚e dame Bon exāple retraire
Car on y puet des coꝛps Les ames ſauues faire
A ceulz a qͥ deſpleſt( dou) Doit toꝛner a cōtraire
Par bon exāple oir Se puet l'ē amēder
Et vous en voudꝛa dire Sel volez eſcouter
Cōment /la douce dame Sot ſes amis garder
Du mauuais qui les veult Sous pꝛēdꝛe ⁊ ēgignier
Qñt plus eſt hōme ⁊ fame v՚s dieu humilieus
Et v՚s /ſa douce m՚e De grace gracieus
Plus eſt li ēnemis D'ēgīgnier curieus
Ne ſi n'ē ſera ia( ioꝛ n) Iour ne nuit oublieus
Il noꝰ eſt teſmoignié En la ſainte eſcripture
.ij. chl՚rs eſtoient Li vns plaīs de luxure
En amer dieu ne ſaint Ne miſt onq՚s ſa cure
Ne a /la m՚e dieu /Qⁱ eſt ⁊ nete et pure
Certes mal l'ē auint Auſi cō voꝰ oꝛrez
Se ie en ſui de voꝰ Creu ne eſcoutez
De l'autre chlr Auant ꝑler oꝛrez
Qⁱ moult eſtoit pꝛeudōs De /nr՚e dame amez
Il eſtoit ml՚t uaillant Et plaī de bone vie
Si auoit /nr՚e dame Honoꝛee et ſeruie
En ſon viu āt li fu Sa gñt bōté merie
Encoꝛe miex aſſez Q՚ ſ'ame en fu guerie
Ces .ij. chl՚rs furent An deulz de gñt renon
Il ſ'entr'amerent moult Si furent cōpaignon
Mais li pꝛeudōs a l'autre Mouuoit ſouuēt tē con.
S'il le vouſiſt croire De ſa ſaluation
Entre les .ij. maiſons Pres d'une liue auoit
De bois gñt ⁊ foillu Qⁱ a eulz .ii. eſtoit
Mais li pꝛeudōs ſouuēt P gñt amour venoit
A l'autre de biē faire Souuēt l'admōneſtoit
UN ioꝛ furent enſamble Ande us li ꝯpaignō
Li pꝛeudōs diſt a l'autre Ꝑ bone entention
Sire cō paīs poꝛ dieu Qⁱ ſouffri paſſion
Muez vr՚e coꝛage A biē cōme pꝛeudō
Et l'autre reſpōdi vne folie gñt
Sire cōpaīs diſt il Qⁱ m'alez pꝛeechant
Tant cō ſerai iones M'irai ie deduiant
Et qñt ie ſerai viel M'irai ꝯu՚tiſſant
Li pꝛeudōs reſpōdi Oꝛ eſt ce trop mal dit
Noꝰ n'auōs de nos vies .I. ſeul ioꝛ de reſpit
Se la moꝛt voꝰ queure ſus De vos biēs fais petit
De mouſtrer deuāt dieu Loꝛs ot cil gñt deſpit
Moult coꝛrouciez li diſt Trop ſarmōnez de fable
Taiſiez voꝰ de ꝑ dieu Ou de ꝑ le dëable
Voſtre ſermō hui mes Ne tē dꝛai a eſtable
Ce poiſe moi diſt l'autre Ꝑ dieu l'eſpitable
Le pꝛeudon chl՚r A ſon hoſtel ala
A dieu sō ꝯpaignon Doucem̄t ꝯmanda
De ce qu'il li ot dit Point ne ſ'en coꝛrouca
Aincois pꝛie poꝛ li Car ml՚t foꝛm̄t l'ama
Le pꝛeudō chl՚r S'en ala maītenāt
Sō ꝯpaignō leſſa Qⁱ ot cuer de tirant
Toudis en ſa ionece Cuidoit eſtre viuāt
Mais el li dura po Si ꝯme oꝛrez auāt
De ſa mauuaiſe vie Foꝛm̄t li meſchei
Il acoucha malades Poīt ne ſe repēti
N'il a p՚ſtre nis .i. Ses pechiez ie iehi
Ne adieu n'a /ſa mere Ne cria il merci.
Qñt sō ꝯ paignon ot Dire qͥl fu au lit
A li ſ'ē vint tout dꝛoit Qⁱl n'i a pͥs reſpit
Sire cōpaīs poꝛ dieu Li pꝛeudōs li a dit
Confeſſes voꝰ biau ſire Receuez /ih՚ucriſt
Une vois au malade Si a dit errāment
Ne te ꝯ feſſe pas tu viuras lōguem̄t
Le pꝛeudō chl՚r Ne l'ē tendi noient
Car c'eſtoit li maluais Qⁱ du biē n'a talent
Loꝛs a dit le malade Au chl՚r pꝛeudom
C'eſt merueille de voꝰ Leſſiez vr՚e ſermon.
Qñt ie ſerai gueris Miex ſaurai ma raiſon
Dire a vr՚e curé ⁊ ma ꝯfeſſion
Leſſiez moi repoſer Si ferez q՚ coꝛtois
Volētiers ce dit l'autre Car oꝛēdꝛoit m'ē vois
Ih՚ucris qⁱ fu moꝛs Poꝛ noꝰ toꝰ en la crois
Voꝰ doīſt tel repētāce Que n'en aiez ēnois.
Li pꝛeudōs chl՚rs S'ē toꝛna tout errant.
A ſon hoſtel ſ'en uint L'autre leſſa giſant
Qⁱ ſouſglout ala moꝛt Et le va ſi haſtant
Q՚ iamais a ˞puoire Ne ſ'ira cōfeſſant
Tant le hurta la moꝛt Qⁱl treſpaſſa de vie
Chaſcun de ſes parent Le pleure ⁊ bꝛait ⁊ crie
L'ēnemi fu moult pꝛez Qⁱ l'ame en a ſaiſie
Ml՚t liez fu et ioiās Qñt en ot la meſtrie
Li parent ont le coꝛs Tantoſt enſeueli
Si foꝛt al'ē ſonné Li bois en retēt
Le pꝛeudō chl՚r( de i) De ſon hoſtel l'oÿ
Loꝛs ſe poꝛpēſa biē Q՚ c'eſtoit pour celi
Que il auoit leſſié Dedēs sō lit giſant
Loꝛs diſt en ſon coꝛage Doucem̄t ſouſpirant
/Mere dieu ie voꝰ pꝛi Faites poꝛ moy itant
Q՚ de l'ame de li( ſache) Sache le couuenant
Loꝛs s'aꝑput a lui /La virge dieu marie
Qⁱ des anges auoit Ml՚t bele cōpaignie.
Clers luiſans ꝯme flābe Et /la virge marie
Cōme ſoleil ſus lune Ꝑ deſſus eulz flambie
Qñt li pꝛeudōs les voit Si ſ'e ſbahi foꝛm̄t
Et la virge pucele L'a pele doucem̄t
Amis tu t'eſbahis Mais mōte iſnelem̄t
Deſſus tō palefroy Si t'ē va errāment
Parmi ce bois amis Tout dꝛois cheuauch՚as
L'ame tō cōpaignon De certain trouueras
De choſe q՚ tu trueues Tu ne t'eſbahiras
A tous ioꝛs bō exāple Prēdꝛe tu ypoꝛras
/Dame diſt li pꝛeudons Benoite ſoies tu
A toi m'ame ⁊ mō coꝛps Ꝯmant ⁊ a /iheſu
Loꝛs mōte iſnelem̄t Ne ſ'i eſt arreſtu
Ꝑmi le bois cheuauche Qⁱ fu gñt ⁊ foillu
Li pꝛeudōs ſi n'ot pas Demi lieue alé
Qⁱl a ēmi le bois Le maluais encōtré
En guiſe d'un noir moine Sachiez de verité
Qñt li pꝛeudōs le voit Sil'a hault ſalué
De /cele ſainte dame /Qⁱ le coꝛs dieu poꝛta
Tes toi diſt li mauués Ou il te meſcherra.
Ne veil poīt tō ſalu Li pꝛeudons ſe ſaigna
Oꝛ n'ai pooir v՚s toi L'ēnemi dit lia.
Li pꝛeudōs li demāde Et q՚le creature
Es tu q՚ du ſalut /Noſtre dame n'as cure
Diſt li mauuais ie ſui De la maiſon obſcure
Qⁱ a a nō en fer Ou tant a de laidure
Cōment dit li pꝛeudōs I'ai souuent oÿ dire
Q՚ qui entre en enfer Il n'a meſtier de mire
Qⁱ l'ē puiſſe get՚( et il) Et il a tant martyre.
Cuer nel poꝛroit pēſer Ne maī de clerc eſcrire.
Cōment es tu iſſus De l'infernal maiſon
Ꝑ foy diſt li mauués Ia ne t'ē mentiron
En fer poꝛtons o nous Ꝑtout ou nous alons
Auſſi cruel et plus Q՚ ſe noꝰ y fuſſion
Et q՚ tu miex me croies Vois tu oꝛ mō chapel
Qu'a .iiijm. piez() Du bas duſqu'au coupel
Plus eſt peſant d'aſſez Q՚ la tour de /babel
Ꝑ foy diſt li peudōs Cy a peſant feſſel
Tv dis vois chl՚r Le faiſſel eſt peſant
Sueur me fais ſuer Chaude cō plons boulāt
Hé; diex diſt li pꝛeudons Cy a merueille gñt
Car le plons qñt il bout Si eſt treſtout ardant
Li mauuais li a dit Oꝛ met ta main deca.
Li pꝛeudōs li tendi Vne goute en vola
Ꝑle fons de la paume Tout oultre li paſſa
Cya poure ſueur Li pꝛeudōs dit li a
Encoꝛ diſt li mauuais Ne ſces tule toꝛment
Qⁱ eſt deſſoꝰ ma chape Q՚ ie ſueffre griem̄t
Loꝛs aleué le pan De la chape errāment
Feu et flābe en ſailli Sitres crueuſem̄t
Que la moitié du bois Deuāt lui embꝛaſa
Fueille bꝛāche ne tige Onq՚s n'i demoura
C'eſtoit le bois au moꝛt Q՚ dëables empoꝛta
L'autre fu au pꝛeudōme Onq՚s feu n'i toucha
Le maluais ale pan De ſa chape aualé
Et li pꝛeudōs li a Maītenāt demādé
Poꝛquoi il ale bois Sō ꝯpaignō gaſté.
Par foy dit li mauués (E )et ie le te diré
Onq՚s tō ꝯpaignon Ne fiſt biē en ſavie
L'ame de li ſi eſt A la moie baillie
Pour ce ai ie ſa ꝑt Du bois toute gregie
La toie t'ai laiſſie N'i claīg poīt d'auoꝛie
Et ſi te dis ie biē volentiers te nuiroit
En toutes les manieres Q՚ ie onq՚s poꝛroie
Poꝛ ce q՚ tō ꝯpaīs Voloies metre en voie
De ſa vie amēder Nul gré ne t'ē ſaroie
Mais /la dame des ciex Ml՚t biē le me deffent
Q՚ greuer ne te puiſſe Car tu fais ſon talent
En li as bon eſcu Ie te di vraiem̄t
Et toꝰ ceulz qⁱ la ſeruent De cuer entierem̄t
Li pꝛeudōs li reſpont Dont doi biē aourer
/Ycele ſainte dame Qⁱ ſi me veult garder
Voire diſt li mauués Mais oꝛ te veil mouſtrer
L'ame tō ꝯpagnon. Q՚ ſoloies amer
Loꝛs lia mouſtré l'ame Qⁱ fu sō ꝯpaignon
L'une ꝑtie en fu Noire cō moꝛt charbon
Et l'autre plꝰ rouge Q՚ n'eſt l'ō v՚meillon
Li pꝛeudōs ſ'eſbahi Qñt voit tele facon
A l'ame a demādé De la noire ꝑtie
Poꝛ quoi elle eſt ſi noire Ne q՚le ſenefie
De la rougeur auſſi Q՚ maītenant li die
L'ame li reſpondi Ne t'ē mētirai mie
De lauoir ce dit elle Te dirai chl՚r
Ie ſui en tenebꝛeur A celer ne t'en quier
Auec la tenebꝛeur Mō martyre eſt ſi fier
Cuers ne le puet pēſer Ne bouche deuiſier
De la rougeur auſſi Sces tu q՚ ſenefie
Le feu d'ē fer m'art tout Deu՚s deſtre ꝑtie
Tant cōme diex ſera I'aurai ceſte haſchie
Aumoſne ne m'i vault Ne pꝛiere c'ō die
Se mō coꝛs t'eüſt creü N'uſſe pas ce toꝛm̄t
Q՚ tous ioꝛs ſoufferrai En fer crueuſem̄t
Iſſi pues tu biē pꝛēdꝛe Ml՚t bō chaſtiement
Il n'eſt nulz qⁱ me puiſt Racheter ſauuem̄t
Se ceulz qⁱ ſont au mōde Gñs et petis eſtoient
Preſtres meſſes chātans Et chaſcū ioꝛ chātoient
Poꝛ moi .xxv. meſſes Et faire le pooient
De ceſte gñt do leur Ne me rachateroient
E mes parēs diras Ie t'ē pꝛi chl՚r
Q՚ ne facent pour moy Meſſe dire en mouſtier
Aumoſnes ne p՚eres Ne m'auroient meſtier
Oꝛ t'ē vas ie m'ē vois Recoiure mō loier
Le mauuais cōme foudꝛe Maītenāt ſ'en toꝛna
Le pꝛeudō chl՚r Aus parens ſ'en ala
Toute l'auēture Dure leur racōta
Puis vīt a sō hoſtel Q՚ il plus ne tarda.
Le pꝛeudō chl՚r y pꝛiſt gñt exāplaire
De ſa uie amēder Auſſi doit chaſcūs faire
Puis honoꝛa il tant /La dame de bōnaire
Qⁱl deſerui la ioie Qⁱ a toꝰ bos eſclaire
OR pꝛions /cele dame /Qui eſt ⁊ fille et mere
De la pꝛiſon nous gart Qui tant ꝑ eſt amere
Que nous veille empoꝛter A /ſon fil ꝑ pꝛiere
Et nous aions la ioie Qui tant eſt bele ⁊ clere
Ainſint ſoit il amen Si (ſi )ferons gñt miſere
Que diex nous doīſt venir Es ciex auec no pere.