Ave tres excellente /Eſtoile pure et mōde
/Chaſtellaine des ciex /Sauuerreſſe du monde
/Gardiēne et /dame Du poꝛpis gloꝛieus
Ou ſont vos eſleus Qui ne ſont enuieus
Prophetizie des bons FFu de ce ſui ie fis
Q՚ de /yeſſe n'eſtroit Vne flour de grant pꝛis
Et deſſus cele flour Si ſe repoſeroit
Li ſouuerains eſpꝛis Dont tous biens deſcendꝛoit
Cele flour vint de vous SS'en sōmes empꝛainte
Poꝛ l'amour de /vo fil Qnt pour nous sō coſté
Fentre a /lōgis Ce fu pour vous /marie
Benois ſoieli doulz fruis Dont iſſi tel lignie
/Maria mere au /fil Dont la ſuſtāce uient
Au cōmun de ca ius Qñt pour ſes filz nous tient
Bien mouſtra clerement Que moult vous auoit chiere
Quant en la ſainte crois Vous diſt a mate chiere
Du /dous virge iehan /Fame vez cy ton (filz) fiex
Puis a /iehan rediſt Qⁱ tant eſt dous ⁊ piex
Vez cy /ta mere /amis Ie le te recōmant
/Royne ſans ꝑeille S'il ne voꝰ amaſt tant
Ceſte recōmandiſe Au deſtroit de la moꝛt
N'eüſt faite et ꝑ ce Sathan n'ot nul remoꝛt
E noꝰ dont vous doit on Genoulz flechis loer
Et de vrai cuer ſeruir /Royne ſans amer.
Gracia de grace Eſtes enluminee
Et d'anges et d'archāges Nuit et ioꝛ encenſee
Vous eſtes /la fontaine En cloſe de vertu
Vous eſtes /li treſoꝛs Dont ſomes repeü
/Eſmeraude gentilz /Saphirs plain de purte
/Topace de noblece Et /rubis de biauté
/Dyamant de doucour Et /bericle d'amour
/Pecine de grace /Baume de grant doucour
/Oignem̄t pour ſaner /De concoꝛ de racine
Voirs eſt que vouseſtes /De tous maulz medecine
Car pꝛiez /vr՚e fil Qui nous fiſta ſ'ymage
Qu'au ioꝛ du iugem̄t Sauue l'umain līgnage
UOirs eſt que cilz Vit ſaintement
Qui met cuer Et entendement
A ſeruir /la dame et am՚
Ouli vrais diex h՚bergem̄t
Voult pꝛendꝛe car plꝰ dignem̄t
Ne ſe pooit il hoſteler
En lui ſe miſt nel volt greu՚
Cōme vrais hons ſ'i voult foꝛm՚
Tant nous amoit ꝑfaitem̄t
En ce qu'il vit de noꝰ l'amer
Si la volt de ſon ſanc lauer
Qⁱl auoit pͥs virginalm̄t
O /floꝛ des floꝛs /dame ſans per
Ꝑ vous le mōde reſtoꝛer
Voult diex qui ml՚t fu diſſolus
Cōme il aꝑꝑt au moꝛs amer
Q՚ fiſt /adans en entamer
La pōme dont fumes cōfus
Quant il li plot des ciex laſſus
En eſperit venir ca jus
Et en vr՚e coꝛps h՚iter
/Voſtre filz de pitié meus
En crois en voult moꝛir toꝰ nꝰ
Poꝛ la gñt ꝑte racheter.
O /virge excellente de pꝛis
/Aduocate ou ſaint ꝑadis
Deuant le iuge dꝛoiturier
Pour pecheours genoulz flechis
Qⁱ voꝰ pꝛient les cuers marris
Poꝛ eulz geter de l'aduerſier
C'eſt de ſathan veilliez pꝛier
Le ſeigneur qⁱ tant vous a ch՚
Qⁱl recoiue nos esꝑis
Car qñt il voꝰ pleſt a traictier
De nos pͥeres auācier
Ꝑ voꝰ .ii. sōmes es chiex mis.
/Uirge chaſcuns ſcet Vraiement.
Que char en voꝰ coꝛpoꝛelm̄t
Priſt diex qui le mōde foꝛma
Sans cri ſans noiſe sās toꝛm̄t
En deliuraſtes vraiem̄t
Onq՚s vo coꝛps n'en pecoia
Bien mouſtra cler qu'il voꝰ ama
Qñt ſon ange voꝰ enuoia.
/Gabꝛiel qui tres doucem̄t
Le ſien ſalut voꝰ apoꝛta.
Qⁱ fu d'un aue /maria.
Puis vous courōna ſaitem̄t
O /floꝛ des floꝛs enluminer
Voꝰ pleſt tous ceulz qⁱ reclam՚
Voꝰ veulent deuant /vr՚e filz
Car ce qu'a /vo fil demander
Pour toꝰ vos ſeruans enbaum՚
Volez il veult ſes cuers eſt tiex.
Come il apꝑt n'eſt hōs moꝛtiex
Tant ſerueſiſt le roy des ciex
Ne les ſains c'on doit honoꝛer
Se de /la royne gentiex
Ne ſe fait bien du tout es ciex
Des ciex ſera n'en dout douter
/Lumiere qⁱ tout eſclarcis
/Soleil qui le mōde embelis
/Virge plaine de gñt valour
O /baumes qui noꝰ adoucis
/Mirgeſſe qⁱ des maulz gueris
O /dyamant de gñt doucour
O /bericle de gñt amour
Ꝑ toy fu ſathan deſcōfis
Qⁱ noꝰ tenoit en tenebꝛour
/Royne ꝑ tres gñt feruour
Conduiſiez noꝰ au douteus ioꝛ
Qu'eſlira diex les ſiens amis