OR eſcoutez vne choſete
Petite qui eſt nouuellete
Q՚ ie doi pour dꝛoiture dire
O eſt bn̄ dꝛois q՚ ie m'ē tremete
De dire choſe ſi tres nette
Q՚ on ne puiſt ꝑ dꝛoit des dire
Droit ē eſt iugemēt ⁊ ſire
Droit dit c'ō nedoit pas mes dire
Delachoſe qui eſt bn̄ faite
Car qui eſt ē bōne matire
Drois dit c'ō nel doit cōtredire
Ceſeroit vilaine retraite
Droiz deſfant toute vilaine
Droiz mouſtre toute coꝛtoiſſie
Et en ſaīgne tout bn̄ afaire
Drois dit c'ō ſoit de bōne vie
Et que ōn' ait en ſoi ē vie
Par quoi on puiſt l'autrui foꝛtraire
Droit dit que on ſoit de bonaire
Droit dit que on ſe doit bn̄ taire
De choſe qu'a li n'afieꝛt mie
Droit dit c'ō ſoit de tel afaire
Q՚ on puiſt atreſtouz ceꝰ plaire
Les qui on eſt ē compaīgnie
Droit dit ⁊ iel ferai eſtable
Q՚ puis c'om eſt aſſis atable
C'om ne doit mie trop ꝑler
S'on dit choſe qⁱ n'eſt eſtable
On li tourne ſon dit afable
Sili veniſt miex repoſſer
C'om puet tel choſe reueler
Q՚ qui la voudꝛoit recoꝛdeꝛ
Qⁱ ne ſeꝛoit mie hōnoꝛable
Droit dit c'ō doit .iij. fois pēſeꝛ
Lachoſe c'om veut recoꝛdeꝛ
Ainz c'om ſ'en face cōneſtable
Droit dit c'ūs meſdisās vaut pis
Qu'auoir .ij. moꝛtiex anemis
C'om ē het les gēs ſans raiſon
S'uns meſdiſans dit ſon auis
Celui qui bn̄ eſt ces amis
Le banira de ſa maiſon
Droiz dit c'eſt moꝛtel traiſon
Q՚ d'aleueꝛ mauués renon
Tant c'om fait le meſfait apꝛis
Droit dit i'en fais mencion
Iugement ꝑ eſlection
Trairoit la langue atiex chaitiz
Droit dit c'ō voit aucūne gent
Mouteplieꝛ ⁊ bel ⁊ gent
C'om nés doit mie deſtourber
Ainz doit on auoir cueꝛ ioiāt
Quant diex leur dōne auēcemēt
Ꝑ quoi ſepuiſſēt amender
Droit fait le poure ē haut mōteꝛ
⁊ toꝛt fait le riche aualer
Ceuoit on auenir ſouuēt
Droit dit c'ō doit ces gas celeꝛ
Ne ne doit on nului gabeꝛ
Chaſcun ne ſet qu'a l'ueil lipent
Droit dit ⁊ en cel dꝛoit m'afi
Que on ait pitié ⁊ meꝛci
D'ome qui peꝛt ꝑ meſchéāce
S'il peꝛt ꝑ ce qu'il ait pleui
Ꝑ feu par mal ꝑ guerre auſſi
Nus nel doit auoir ē viltāce
Droit dit qui en a lapuiſſāce
.I. poi li face ſe courance
Selonc ce qu'il a deſeꝛui
Droit dit c'um poi deſouſtenāce
Sauue hōme de deſesꝑance
Au beſoing voit on ſon ami
Droit mouſtre q՚ cheualerie
A ſurtoute gent ſeīgnoꝛie
Et ꝑ hauteſce ⁊ ꝑ valour
Philoſophes n'ē mētēt mie
Ainz qu'ā latin fuſt la clergié
Eſtoient chl՚r ſeignour
Touz li mōt leur poꝛtēt hōn˞
Et en coꝛ ſont il ligreignour
Du monde ien'en doute mie
⁊ puis qu'il en ōt lemeillour
Droit dit q՚ nulle des honnour
N'en doit iſſir ne vilānie
Droit dit ⁊ retrait pour ledꝛoit
Enq՚l q՚ lui que li hō ſoit
Q՚ il poꝛte aus fames honour
⁊ ſe poꝛteꝛ ne leur vouloit
Droit dit q՚ trop ſemeſferoit
Et qⁱl feroit ſa deſhonnour
P˞ /lamere nr՚e ſeignour
En ont les fames lemeillour
Et qⁱ ainſi ne leferoit
Drois dit qⁱl auroit lepiour
Ne ia de court de jugeour
Bon jugement n'ē poꝛteꝛoit
Droiz dit ꝑ raiſon eſcriee
Q՚ puis q՚ fame eſt mariee
C'on ne li doit querre hontage
Pꝰ qu'elle eſt ꝑ bn̄ aſſenee
A celui qui on l'a donnee
Qⁱ li requieꝛt il fait outrage
Car ceteſmoīgnēt li .vij. ſage
Pꝰ que fame eſt ē mariage
⁊ elle eſt o autrui trouuee
Droit en deſcueure sō courage
Q՚le conquieꝛt ꝑ sō outrage
Q՚ on lapꝛent putain ˞puee
Drois dit ⁊ i'en ſui toꝰ c՚tains
Q՚ limaintenir de putains
Vaut puis q՚ ſeꝛpans ne q՚ viure
Car qⁱ a ou metre ſamain
Il deſpant p˞ lui ſoir ⁊ main
Tant qⁱl ſeuoit d'auoir deliure
Droit dit q՚ tiex hō nedoit viure
C'om voit p˞ fame fol ⁊ yure
Tant qu'il fait deſon oꝛ eſtain
Il a .i. ˞pueꝛbe ē mō liure
Q՚ dꝛoit yapꝛent aeſcrire
Tant as tant vaus. ⁊ ie tāt t'aīg
Droit dit .i. mot qⁱ eſt depꝛis
C'ō hōneure sō poure amis
Non pas ſans plus du ſien dōneꝛ
Mais ſalueꝛ ē mi le vis
Sien ſera plus auāt mis
S'on le vꝰ voit araisōneꝛ
Lui chaſtoieꝛ ⁊ lui blaſmer
Lui bonnemēt amōneſteꝛ
Deſfandꝛe qⁱl neſoit mellis
Les gens ſagemēt aꝑleꝛ
Non pas auec les folz aler
Car on a toſt le mal apꝛis