DOus qui volez oir Retenir ⁊ apꝛendꝛe
.ij. exāples moult biaus Ou il n'a que repꝛendꝛe
Diex doinſt q՚ le puiſſe Recoꝛder ſans meſpꝛēdꝛe
Et noꝰ gart du maluais Qⁱl ne noꝰ puiſt ſouſpꝛedꝛe
LA pꝛemiere exāple vus dirai ſans mentir
Oꝛ metez tous ⁊ toutes Les cuers a retenir
Car aincois q՚ de vous Me doie deꝑtir
Voꝰ dirai ie tel choſe Dont gñs biens puet venir
Ia diuine eſcripture Nous en fait mencion
D'un pꝛeudōme iadis Qⁱ en deuotion
Priſt les dꝛaps ⁊ le pain D'une religion
En /n՚re dame miſt Toute ſ'entention.
En /nr՚e dame amer Miſt sō cuer ⁊ ſ'amoꝛ
Deuant ſon dous ymage Eſtoit et nuit ⁊ ioꝛ.
De la haire veſtir Souffri paine ⁊ doloꝛ
De jeuner de veillier Ot tainte la coulour
En /la mere dieu ot Son cuer ſi afichiés
Qⁱl amaſt miex auoir Tous les mēbꝛes trēchiez
Q՚ il la ꝑiuraſt Ne n'en fuſt entechiez
Mais d'une male tache Fu ſon coꝛps entechiez
Le cōuers q՚ ie di Dont ie fais rem̄ebꝛāce
Poꝛ riens ne pooit croire Ne n'auoit esꝑance
Qu'yaue benoite eüſt Ne vertu ne puiſſance
Et diſoit q՚ ia ioꝛ Il n'i auroit creance
Qñt li pꝛeſtres getoit L'yaue ꝑ le mouſtier
Ia cil ne l'a pꝛochaſt Ains ſ'en traioit arrier
En ſon pꝛopos diſoit Ia ne me quier moillier
Car ie n'ai pas fiance Q՚l me peüſt aidier
Lonc tēps ali ꝯuers Ceſte vie menee
Diex qui ſcet de chaſcun Le cuer et la pensee
Volt que la ferme foy Fuſt en ſon coꝛps entee
Et la maluaiſe fuſt Toute de lui oſtee
/LI dous roys gloꝛieus Qⁱ tout ſcet et tout voit
Si voult mouſtrer q՚ foꝛce L'yaue benoite auoit
Et poꝛquoi eſtablie En ſainte egliſe eſtoit
Dont chaſcuns creſtiens Arrouſer ſe deuoit
UN iour fu li cōuers En ſa chambꝛe toꝰ ſeulz
En ſaluant /la virge D'un ſalut gracieus
Deuant lui vit venir .I. gñt poꝛc moult hydeꝰ
De l'autre ꝑt regarde Si en va choiſir .I.
Deuant li en po d'eure En vis plus de .vc.
Chaſcun eſtoit plus Noir q՚ pois ne arrem̄s
Le cōuers aſſaillirent Enuiron de tous ſens
Poꝛ ce qⁱl le voloient Deuourer a leurs dens
Onq՚s n'i ot celui Qⁱ le peüſt touchier
Juſqu'a tant q՚ le meſtre Vint tout au derrenier
.I. croc de fer poꝛtoit Ml՚t gñt cel aduerſier
Droit au conuers ſ'en ſault Sile ua acrochier
A terre l'abatirent Li autre l'apꝛochierent
Loꝛs pꝛennent le ꝯuers Et ſi le defoulerent
Li vns encontre l'autre Laidement le geterent
Et d'oꝛribles tourmens Foꝛment le tourmēterent
Li cōuers en ſon cuer /Nr՚e dame apela
Et l'aue /maria En ſon cuer recoꝛda
Hé fait il /douce dame /Q՚ chaſcuns pꝛier doit
Se ne me ſecourez Ie moꝛrai oꝛendꝛoit
Ce fu ꝑ le voloir /Le pere tout puiſſant
Pour celi chaſtier Des cele heure en auāt
Mais /la virge marie Pria tant /ſon enfant
QU'ele peüſt ſecoꝛre Et vengier ſon ſergent
Saites vr՚e voloir /Mere ce dit /ih՚us
Loꝛs de ſcendi /la dame De ꝑadis laſſus
Entre les ēnemis Qⁱ eſtoient ca ius
Si toſt cōme il la virent Chaſcuns fu eſpdus
/La douce mere dieu Le cōuers garāti
Onques puis ne touchierent A lui li ēnemi
Qñt li cōuers la vit Si li cria merci
Ha; fait il /douce dame Aiez pitié de mi
/Dame ſe i'ai meffait N'a vous n'a vr՚e enfant
Ie me veil amender De ce iour en auant
Ainſi com li cōuers Va /la dame loant.
Li abbes et .iij. moines Paſſoient par deuant
LI abbes regarda Sichoiſile ꝯuers
Qui eſtoit en ſachambꝛe Eſtendu tout enuers
Le coꝛps et tēpeſté Et plus noirs fu q՚ fers
Gñt hideur ot li abbes Qñt il le vit ſi uers.
Loꝛs le firent couchier Sile font confeſſer
Et puis ap՚s le coꝛps Noſtre ſeignoꝛ dōner
L'yaue benoite pꝛirent Deſſus lui ageter
Dont n'iot ennemi Qui peüſt demourer
Quant li conuers les vit Iſſir dela maiſon
Loꝛs cōmēce a huchier A moult haute raiſon
Getez yaue benoite Ꝑ tout a gñt foiſon
Li ēnemi ſ'en fuient Ne m'ont fait ſe mal non
Qñt li abbes l'entent S'ot gñt merancolie
Q՚ cilz ne feust fox Et plain de freneſie
Et dont li demanda Et ſon fait et ſa vie
Et li cōuers li conte Qui ne li cela mie
Tout ainſi li conta Cōme il fu abatus
Et cōment ꝑ /la dame Ot eſté ſecourus
Et de l'yaue benoite La foꝛce et la vertus
Ꝑ quoi li ēnemis S'en eſtoient iſſus
Des los ot li cōuers Ferme foy ⁊ eſtable
Q՚ l'yaue benoite eſt Et bone et poꝛfitable
Enuers dieu ſ'amenda Le pere esꝑirable
Dont il conquiſt des ciex La ioie delitable
Le ſecont des exāples vous veil ramēteuoir
Ainſi con les .s՚. peres Le nous font aſſauoir
Que iadis fu vns hons Riches de gñt auoir
C'onq՚s de bien faire N'ot talent ne voloir
Onques en ſon viuant Aumoſnene dōna
Ne de biens qu'il eüſt Poures n'en amenda
Poꝛ tant qu'il le ſceüſt Tant q՚ diex l'eſpira
Ꝑ .I. moult bel example. Si con vous oꝛrez ia.
Car diex qui eſt a tous vrais ſecours ⁊ amis
Le volt geter et traire Des mains aus ēnemis
Vne nuit en ſon lit Eſtoit ſi endoꝛmis
Con cil qui n'auoit pas Le ſien cuer a dieu mis
En sō doꝛmant sōioit Qu'il li pꝛiſt ſi gñs fains
Ꝑ po qu'il ne mēioie Ꝑ deſtrece ſes mains
Ꝑ rage de famine Eſtoit ſi foꝛs eſtains
Qⁱl ne pooit aler Tant eſtoit sō cuer vains
En cele auiſion Que cil ainſinc eſtoit
Ꝑ delez .i. jardin Fermé de murs eſtroit
De tous les fruis du mond En ce iardin auoit
Auis li fu c'uns anges Tout le vergier gardoit
Cil qui ainſi ſonioit Qⁱ auoit tel famine
Vers l'ange qui gardoit Tout le fruit ſ'a chemine
Ꝑ amours li a dit Et doucement l'encline
Q՚ du fruit du iardin Li doinſt ꝑ amoꝛs fine
La garde reſpondi Ie ne t'en donrai pas
Mais ſe tu y vois fruit De quoi l'arbꝛe plātas
Entres ens ſi en quers Tant cōme tu voudꝛas.
Se riens n'i as planté Vas t'en iſnelepas
Le fameilleus reſpont Dolant a raiſon baſſe
Certes ie n'i voi riens Q՚ ie onq՚s plantaſſe
Il me fu bien meſtier Que .i. ſeul li dōnaſſe
Ꝑ quoi a mō beſoing A ma fain en mēiaſſe
La garde reſpondi Quant elle ot eſcouté
Amis cilz v՚g՚s eſt Tous fais de charité
Puis q՚ tu n'as dedens Nule choſe planté
Tu n'ē poꝛteras riens Se ne l'as apoꝛté
C'vne toute ſeule en te Dedens planté eüſſes
Sans cōgié de nului Du fruit mēgier peüſſes
Et a tō abꝛicel Moult biē aler peüſſes
Nul ne t'en deſtoꝛnaſt Tant aler y ſceüſſes
A ce mot ſans plus dire Le fameilleus ſ'eſueille
De ce qu'il ot ſongié Li vint a gñt merueille
Sō cuer vers /ih՚ucriſt De pꝛier ſ'apareille
A dieu ⁊ a /ſa mere En ploꝛant ſe ꝯſeille
Ha; faitil /haute dame /Fleur de virginité
/Dame pꝛiez poꝛ moy /La ſainte trinité
Q՚ mō cuer ſoit ēpli De vraie charité
Car i'ai trop lōguem̄t Veſcu en vanité
Bien m'ē ſui ꝑceus Ennuit en mō doꝛmāt
C'onq՚s ie ne fis bien En treſtout mō viuant
Mais ſe diex ꝑ ſa grace Me leſſe viure tant
Ie ferai .I. vergier Merueilleuſement gñt
AInsi li riches hons Fu en cele pensee
Qñt ce vint au matin Q՚ la nuit fu paſſee
Ꝑ tout a fait crier C'on viegne a ſa dōnee
Loꝛs fu de ſon auoir Poure gent confoꝛtee
Des loꝛs toute ſa vie Grant aumoſne dōna
Et ꝑ grant ſapiēce De bons arbꝛes plāta
Qñt il fu treſpaſſez Le fruit en retrouua
Dont diex l'ame de lui Et ciex re pꝛouuenda
Tout ainſi doit chaſcuns Son v՚gier eſtablir
Et planter arbꝛiſſiaus Dont bons fruis puet venir
Y puet a ſon beſoing Hardiement cuillir
Nulz ſelonc ſon pooir Ne ſ'en doit repentir
Par menues aumoſnes Aus poures gens dōner
Puet chaſcuns ⁊ chaſcune Son iardignet planter
Ꝑ quoi en l'autre ſiecle Qⁱ tous ioꝛs puet durer
Puiſt on pꝛiueement Son bien fait retrouuer
OR pꝛions de bon cuer A /la haute roynne
/Qⁱ poꝛta /le filz dieu Ꝑ la vertu diuine
Qu'ele pꝛie pour nous Au tres dous roy hautiſme
Qⁱ nous otroit ſ'amour Qⁱ tant eſt bone ⁊ fine