OR eſcoutez Ma bone gent
Vn miracle Qⁱ ml՚t eſt gent
Vous vodꝛai dire ⁊ recoꝛd՚
Pour pecheours amoneſt՚
A rendꝛe ce q՚ adieu ˞pmeſtēt
Trop folement ceꝰ ſe demeſtēt
⁊ ſi ſe tuent ⁊ afollent
Q՚ ce que pꝛomeſtent neſollent
A dieu ⁊ a /ſa douce mere
Mō liure dit ⁊ ma matiere
Q՚ deuant vne viez ygliſe
Vn ymage oꝛēt lagēt miſe
P˞ l'igliſe qu'i refeſoient
Au piez de l'ymage metoiēt
Leur ofrandeſ (la) li treſpaſent
Souent ſ'aloient amaſent
La ioīne iāt en celle place
A la pelote ⁊ a la chace
Vn ioꝛ iot vne gñt flote
De clerſſonaus alapelote
Deuant lepoutau de l'igliſe
Ou ce lymage eſtoit aſiſe
Vn desclerſſonz iot ml՚t bel
Qⁱ en ſon doi ot .i. anel
Q՚ ſ'amie li ot doné
Amours l'out tāt aubⁱcōné
Poꝛ gñt choſe ne uoſit mie
Q՚ le anel qui fu ſ'amie
Fuſt ne ꝑdꝰ ne deſpeciez
Vers l'i gliſe ſ'eſt adꝛeciez
Pour l'anel meſtͤ en aucū lieu
Tant qⁱ ſe fuſt ꝑti du geu
Cil qui penſoit en sō coꝛage
Regardé a ſiuoit l'image
Qⁱ ml՚t eſtoit freſche ⁊ nouelle
Qñt il a veue ſi belle
Deuant li ſ'eſt aienoulliez
Deuotem̄t aux iex moilliez
L'a enclinee ⁊ ſaluee
En po de tens li fu muee
La volenté de ſon coꝛaie
/Dame dit il tout mō aage
Des oꝛe mes voꝰ ſeruirai
Q՚ onq՚s mes ne remirai
Dame meſchine ne pucelle
Qⁱ tant ꝑ ut plaiſant ne bele
Plus belle ⁊ plꝰ pleſſāt eſtanz
Q՚ celle n'et .c.M. tanz
Qⁱ cet anel m'auoit doné
Ie li auoie abandoné
Mō couraige ⁊ tout mōcuer
Mes pour voꝰ la veil ie leſſier
Li ⁊ ſ'amoꝛ ⁊ ſes ioiaux
Ceſt aniau ci qⁱ ml՚t eſt biaux
Vꝰ veul don՚ ꝑ fin amour
Par couent q՚ james iour
N'aré mes amie ne fame
Se voꝰ nō /bele douce dame
L'anel qⁱl tinſt bouta loꝛs dͦit
Ou doy de l'ymage tout dꝛoit
L'image toſt ⁊ erranment
Ploia ſon doi ſi f՚mement
Q՚ nꝰ ne l'en peüſt retreire
C'il ne uoſſit l'anel deſfere
Li clercon qⁱot gñt paoꝛ
Si ſ'e ſcria de la freoꝛ
En la gñt place ne demeure
Petit ne gñt qⁱ n'i aqueure
⁊ il leur conte tout lefet
Ce q՚ al'ymage auoit fet
Chaſcū ſe ſeigne ⁊ ſe m՚ueille
Loꝛs li dit chaſcū ⁊ ꝯſeille
Q՚ vn ſeul ioꝛ poīt il n'atenge
Leſſe le ſiecle ⁊ ſi ſe pñge
A ſeruir dieu toute ſa vie
⁊ /Madame ſainte marie
Qⁱ biē li moſtre ꝑ sō doit
Q՚ ꝑ amours am՚ ladoit
Ne autre amie ne doit auoir
Mes il n'ot pas tant deſauoir
Qⁱl li teniſt ſa ꝯuenence
Ainz l'ot toſt mis ēouibliance
Q՚ pou en niant l'an ſouint
Vn ioꝛ paſſa ⁊ l'autre vint
Le clercon crut ⁊ amanda
L'amour ſauie li banda
Si foꝛt les iex qⁱl n'i vit goute
/La mere dieu oublia toute
Cuer ot vollage qⁱ ne crut
Saichiez ꝯq՚s ne ſe recrut
Cel qui l'anel auoit eſté
Son cuer iot ſi arreſté
Q՚ poꝛ li leſſa /noſtre dame
Sil'eſpouſſa ⁊ pͥſt afame
Il fiſt esnoces feſte fere
Car il eſtoit degñt afaire
Dehaut ꝑage ⁊ de gñt gēt
Lelit fu fet ⁊ bel ⁊ gent
En vne chābꝛe bel ⁊ gente
Liclerc qⁱ ot miſe ſ'entente
A am՚ la gentil pucelle
Qⁱ tant eſtoit ⁊ gente ⁊ belle
Sideſiroit l'al՚ geſir
P˞ fere de li ſon pleſir
Mes auſi toſt ꝯuīt au lit
Ne li ſouint de nl՚ délit
Endoꝛmi ſ'es sāz plꝰ nō fere
/La douce dame debon՚e
Qⁱ plꝰ eſt douce q՚ miree
S'eſt tantoſt ali demontree
Au cler sēbla q՚ /nr՚e dame
Ieuſt entrelui ⁊ ſa fame
Lidoi lemouſtre atot l'anel
Qⁱ ml՚t li ſoiet bn̄ ⁊ bel
Car li dois eſt polis ⁊ dꝛois
Si n'eſt mie fet cele dꝛois
Ne loiauté q՚ tu me fez
Vers moy ties oꝛe tͦp meſfez
Vez ci l'anel ata meſchine
Q՚ me donas ꝑ am˞ fine
⁊ ſi diſoies q՚ .c. tanz
I'ere plꝰ bele ⁊ plꝰ plaiſanz
Q՚ pucelle que tu ſeuſes
Loial amie en moi euſes
Se tu ne m'euſes degrepie
/La roſe leſſes p˞ l'oꝛtie
⁊ /l'eſglant՚ p˞ leſeü
Chetif tu es ſi deceü
Q՚ /le fruit leſſes p˞ la fuille
/La lenpꝛoie p˞ la ſoꝛoille
Eſbahi ſ'es en ſon coꝛage
Celui cuidoit trou՚ l'image
De toutes ꝑz taſte aſes meīs
Mes n'i trueue ne plꝰ ne meīs
Loꝛs ſe cuit il adecwu
Qñt n'a aſa fame ieu
Mes il ne puet venir achief
Car /nr՚e dame de rechief
Li raparut iſnellement
Coꝛrecié ml՚t durement
Aſſez li diſt honte ⁊ ledure
Souēt le cleime ſanz ꝑiure
Foi mentie ⁊ renoié
Bn̄ tant dyable fauz noié
⁊ en chanté dit /nr՚e dame
Qñt tu p˞ ta chetiue fame
M'as renoié ⁊ degrepie
En la puante puantie
D'enf՚ ſeras en puantez
Ꝑ tes dolentes puantez
Liclerc ſaut ſus tot eſbahiz
Bn̄ ſoit q՚ moꝛs eſt ⁊ traiz
Q՚ couroucie a /nr՚e dame
Se tant ne qñt touche aſa fame
Ducuer ſoſpire ⁊ des iex pleure
Du lit ſaut ſus plꝰ n'i demeure
Si l'eſpira la belle dame
Q՚ ne le vit home ne fame
Ainz ſ'en foi en h՚mitage
⁊ pͥs abit de moniaie
La ſeruit dieu toute ſavie
⁊ /madame ſainte marie
Ne veüſt au ſiecle re manoir
Auec ſ'amie aloit manoir
Ou il auoit ꝑ amours mis
L'anel ou doi ꝯ urais amis
Treſtout le ſiecle ſi leſſa
A /marie ſe maria
Oꝛ pͥon /dieu le fil /marie
Qⁱl noꝰ doīt a touz bone vie
⁊ ap՚s vie ꝑdurable
Car celui eſt bon h՚itage