Svis q՚ diex m'a pꝛeſté Sens ⁊ entendement
Et bouche de ꝑler Et cuer d'auiſement
Que ne ſoie repꝛis Ne blaſmez folement
Dont me doi ie pener De ꝑler ſagem̄t
Uoirs eſt que biau ꝑler Ne puet aus bons deſplaire
Qⁱ bien y veult penſer On ypꝛent exāplaire
Poꝛ ſa vie amēder Et lui de pechié traire
Diex me doinſt dire choſe Qui a tous puiſſe plaire
Se vous volez a moy .I. petit entendꝛe
Voꝰ y poꝛrez tel choſe Retenir ⁊ apꝛēdꝛe
Q՚ voꝰ vous garderez Tous ioꝛs mais de meſpꝛēdꝛe
En toutes les raisōs Sus quoi ie doi deſcendꝛe
Ce ne ſont pas mēcōge Ains eſt choſe certaine
Car i'en trai ateſmoīg L'eſcripture diuine
De cui creſtienté Et la loy ſe decline
Car c'eſt confeſſion Qui tant eſt bone ⁊ digne
Uoirs eſt que il n'eſt nul S'il ſe veult amender
Et repētir de cuer Et dieu merci crier
Et en deuotion Netem̄t confeſſer
Q՚ diex ne li ꝑdoinſt Sans iamais re˞puer
Mais q՚ face penance Tele c'on li enioint
Puis ſe gart de pechié Qu'il n'i renchiee poīt
Ainſi ert racoꝛdé A dieu et en bon point
Prions li q՚ ſ'amour Et ſa grace noꝰ doinſt
Entre vous tous ⁊ toutes Le vous pꝛi et requier
Ens en l'ōnour de dieu Qⁱ tant puet iuſticier
Entendés .I. biau dit Q՚ ie voꝰ veil noncier
Qⁱl auint de certain Au tēps ca en arrier
Il fu .i. riches hons Si cō trouuos liſant
Entre li et ſa fame Auoient .i. enfant
La moꝛt pͥſt le boꝛiois Ne pot viure en auant
Qñt la moꝛt fu venue Moult ot le cuer dolant
Dolans eſt cil qui pert Sa bone cō paignie
Apꝛez que li bourgois Ot perdue la vie
La dame fu de plait Durement aſſaillie
Moult y a deſpendu De ſon auoir ꝑtie
Li filz fu a l'eſcole Qⁱ moult y deſpendi
La dame largem̄t De ſon auoir ꝑdi
Po but et po mēia Pourement ſe veſti
Tiex le ſoloit vëoir Qⁱ ſ'eſloigna de li.
La bourioiſe cheï En ml՚t gñt poureté
Ne pot auoir les aiſes Ou elle auoit eſté
Et ſi fu deliuree (Deliuree )de tout sō ꝑēté
Car il n'eſt nulz ſ'il pert Qⁱ ne chiee en vilté
UN ioꝛ cele boꝛioiſe Entra en .i. jardin
Ploꝛant deſcōfoꝛtee Ml՚t faiſoit male fin
Ses .ii. poins detoꝛdant Et eſrachant ſon crin
Dëables qui ne doꝛt Vers li pꝛiſt ſon chemin
En guiſe d'un marchant Deuant lui ſ'arreſta
Ꝑ ml՚t ſimple raiſon Tantoſt li demanda.
Dites fait il m'amie Pour quoy ploꝛez voꝰ (la)
Et cele ſans plus faire Tout ſon fait li ꝰta.
Cele cuidoit qu'il fuſt vns hons de bone vie
Certes ſire fait elle Ie ſui moult eſbahie
Ie ſoloie eſtre riche Oꝛ ſui ml՚t apourie
Li ēnemis reſpont Oꝛ ne t'eſmaie mie
Se tu veulz faire ce Que ie t'enſeignerai
Oꝛ et argent ⁊ robes A plēté te donrai
Et deſſus tō lignage Ie te ſeurmōterai
Sire diſt la bourioiſe Cōmandez ie ferai
Li ēnemis reſpont Sces tu que tu feras
Tous les ioꝛs ꝑ couſtume Au mouſtier t'en iras
Ceulz qui pꝛieront dieu Tu les areſneras
Et de toute tō pooir Tu les deſtoꝛberas
En ce poīt q՚ li p՚ſtres Fera le ſacrem̄t
Si dis tes oꝛoiſons Oians toꝰ hautem̄t
Ꝑ coy cil de l'egliſe N'aient entendement
A dieu ⁊ a /ſa mere Foꝛs a toi ſeulement
La boꝛioiſe reſpont Sire ſe ie cuidoie
Poꝛ itel choſe faire En richece mōtroie
Ce que cōmanderés Moult volentiers feroie
Et encoꝛe aſſez plus Se faire le ſauoie
Li ēnemis reſpont Encoꝛe plus ferai
.iij. poures chaſcun ioꝛ Au ſoir herbergeras
Et ius du pꝛemier ſom̄e Tu les enchaceras
Ne iamais en ta vie Ne te confeſſeras
Se tu le fais ainſi Tu auras a plenté
Auoir et gñt richece Tout a ta volenté
Ne iamais en ta vie Tu n'auras poureté
Tu ſeras honoꝛee De tout ton ꝑenté
Ie ferai dit la dame voſtre cōmandemant
Poꝛ eſtre a gñt honour Et viure largemant
Encoꝛ diſt li dëables Feras tu autrem̄t
Car ie veil q՚ tu faces Grant apꝑeillem̄t
De boire ⁊ de mengier Quelq՚ doie couſter
Loꝛs ſi fais clers et p՚ſtres Et chanoines mander
Fas q՚ ſoient ſerui Richement au diſner
Tant que ꝑ glotōnie Les puiſſes en yurer
Puis ſi les fais couchier Chaſcun en .i. biau lit
Qñt il ſeront couchiez Pouchaces ſans reſpit
A chaſcun bele fame Pour auoir ſon délit
Ainſi con ie le di Le fais ſans ꝯtredit
Cele ſi reſpondi Ne vous eſmaiez mie
De faire vr՚e gré( ſ) Sui ie apꝑeillie
Et ie de cuer pour voir Certes le vous afie
Q՚ voſtre volenté En ſera aſſouuie
Uoire dit li mauuais Si m'auras fait Grant ioie.
Et ie t'apoꝛterai Rouge oꝛ blāche mōnoie
Cele ſ'i abādōne Adont ot il gñt ioie
Li ēnemis ſ'ē part Et ſe met a la voie
La dame en ſa maiſon Maītenāt eſt entree
Sa huche de deniers Toute plaine a trouuee
De robes de ioiaus En ſa ch ābꝛe paree
Qñt elle vit l'auoir Gñt ioie a demenee
De l'auoir au dëable Gñt bobant demenoit
Tous les ioꝛs ꝑ couſtume Au mouſtier ſ'en aloit
A toutes ⁊ a toꝰ Tant de raiſons ꝯ toit
Q՚ nulz a dieu pꝛier Entendꝛe ne pooit
Trois poures chaſcun iour Herberioit enſem̄t
Et puis les boutoit hoꝛs Contre l'anuitem̄t
Des pꝛeſtres des chanoines Tenoit coꝛt ml՚t ſouuent
Chaſcuns leens auoit Fame pꝛiueement
La bourgoiſe lonc tēps Veſqui en tel vſage
Et enuers l'ēnemi Miſt tout ſon auātage.
Ne de li cōfeſſer N'auoit el nul coꝛage
Et tant qu'ele cheï En .i. moult gñt malage
Malade fu ſouuent Q՚ moꝛir la conuint
Son fil qͥ eſtoit clers Deuant ſon lit ſ'en vint
Le chief li a taſté Et lōguem̄t le tint
Qñt le vit ſi malade Du p՚ſtre li ſouuint
Mere ce diſt li clers ie voꝰ voi au deſſous
Se i'amaīne le pſtre Voꝰ confeſſerez vous
Se moꝛiez sās lāgue Ce ſeroit honte a voꝰ
Cele li reſpondi Non ferai biau filz doꝰ
Qñt sō filz l'entendi Si fu tous eſmaiez
En ploꝛant li a dit Dolant ⁊ coꝛrouciez
Se voꝰ eſtiez cōfeſſe De treſtous vos pechiez
Nulz ne voꝰ en ſeroit Deuant dieu repꝛochiez
La mere reſpondi Biaꝰ filz leſſiez m'eſter
Ie n'ai cure de p՚ſtre Ne de moi confeſſer
Qñt ſes filz l'entēdi Si cōmēce a penſer
Biē ſot q՚ li maluais Le voloit enchanter
Loꝛs li diſt doucem̄t Confeſſez vous a moi
Nulz ne doit deſconfez Moꝛir en nr՚e loy
Ie vous celerai bien Ꝑ la foy que vous doy.
La boꝛioiſe reſpont Biaus filz ie le t'otroi
Adont ſecō feſſa La dame a ſon enfant
Tout sō fait li conta Ne li vait riens celant
Si diſt ma douce mere I voꝰ pꝛi ⁊ cōmant
Q՚ le pꝛeſtre veniſt A voꝰ tout maītenant
Tant li a dit ſon filz Qu'ele li otroia
Filz puis q՚ tu le veulz Si le m'amaīnes ca.
Cilz ſ'enua chiez le p՚ſtre Tantoſt amené l'a
Tantoſt li ēnemis Au lit la dame a la
Pour ce qu'il ne volt pas Qu'ele fuſt ꝯfeſſee
A bouche de pꝛouoire Ne a dieu recoꝛdee
Ꝑ la goꝛge le pꝛēt Errant l'a eſtranglee
Et qñt ſon filz reuint Si l'a moꝛte trouee
Li filz ala boꝛioiſe Fu foꝛm̄t coꝛroucié
Le pꝛe ſtre d'autre ꝑt Si fu moult eſmaié
Sire ce dit li enfes Poꝛdieu me ꝯſeilliez
Ꝑ coy ma mere ſoit Quite de ſes pechiez
Li pꝛeſtres reſpōdi Ꝑ ma foy ie ne ſai
Sire diſt li vallés Et ie le voꝰ dirai
Toꝰ les pechiez ma m՚e I vous recoꝛderai
Et ſelonc le meffait La penance ferai.
Car ains q՚ voꝰ a laſſe Querre en vr՚e maiſon
Loꝛs regehi ma mere A moi ꝑ tel raiſon.
Qle eſtoit pꝛez de moꝛt Et en grant ſouſpecon
Q՚l ne moꝛut sās langue Oꝛ ſauez l'achoiſon
Et poꝛ ce q՚ ma mere Ne puet a voꝰ ꝑler
Vous voudꝛai ie ſes fais En ſecré recoꝛder
Pꝰ me bailliez penāce Q՚ ie puiſſe poꝛter
Ie pꝛi qⁱl m'en veille Aidier et cōfoꝛter
Li p՚ſtres reſpondi C'eſt bone choſe a faire
Pour quoi puiſſes ta mere De tenebꝛes retraire
Loꝛs ſe coucha li enfes Qui moult ert debōnaires
Sus la bouche ſa mere A poſé ſon viaire.
Otant le p՚mier mot Si diſt moult doucem̄t
Sire pꝛeſtres adieu Et a voꝰ ſeulem̄t
Et a/la mere dieu Veil dire entierem̄t
Les pechiez q՚ ma mere Fiſt outrageuſement
Adont ſe confeſſa Li enfes pour ſa mere
Au confeſſer des yex Li cheoit l'yaue clere
Li p՚ſtres entendi Treſtoute la maniere
Biē vit q՚ la boꝛioiſe Eſtoit peſme et amere
Le pꝛeſtre l'en abſolt penāce li charia
Et li enfes la pꝛiſt Et en couuent li a
Qu'il la fera moult biē Au miex q՚ il poꝛra
Loꝛs ſ'en ꝑti le p՚ſtre Et l'enfant demoꝛa
L'en demain fu li coꝛps Poꝛtez en ſaīte egliſe
Moult ot gñt luminaire A faire le ſeruice
A hōnoꝛ fu la dame Ce ioꝛ en t՚re miſe
Ses filz fiſt la penāce Q՚ poꝛ ſa mere ot pꝛiſe
Quec ce fist li enfes Treſtous les ioꝛs chanter
Meſſe de re quiem Poꝛ ſa mere ſauuer
A ml՚t de poure gent Fiſt ſ'aumoſne dōner
Q՚ diex vouſiſt ſa mere Ses pechiez ꝑdōner
Qvant vint au chief de l'an Treſtout certainem̄t
La boꝛioiſe reuint A ſon fil ˞ppꝛem̄t
Plus blanche q՚ fleur Sili diſt doucem̄t
Biau filz ꝑole a moi Ie n'ai mal ne tourm̄t
Benoite ſoit l'eure Qu'ē mes flans te poꝛtai
E an .ij. les mameles De quoi ie t'alaitai
Tu m'as traiteides paines Ou iamais neſerai
Poꝛ ce q՚ mes pechiez A toy ie recoꝛdai
Ton lit eſt apꝛeſté Aueq՚s moi es ciex
Qñt ſon filz l'entendi Si pleure de ſes yex
De la ioie qu'il ot A dit gloꝛieus diex
Con bon voꝰ fait amer Et ſeruir en tous liex
Li enfes doucement A ſa mere parla
De leur raiſon ensāble L'un a l'autre conta
La dame ſ'en ꝑti En repos ſ'enala.
En po de tēps apꝛez Li enfes treſpaſſa.
Tout ainſi fu la dame Ꝑ ſon enfant ſauuee
Ele fiſt bone paīne Qñt el fiſt tel poꝛtee
En ceſt exāple cy Nous eſt raiſon mouſtree
Ꝯfeſſion eſtre Sus toute riens amee