SEigneurs qui ci eſtes venus
Petit et grant Iōnes et chanus
Il vous eſt trop bn̄ auenu
Sachiez deuoir
Ie ne vꝰ weil pas deceuoir
Bn̄ le pourres apeꝛceuoir
Ains que men uoiſſe
Aſees vꝰ ne faites noiſe
Si eſcoutez ſil ne vꝰ poiſe
Ie ſui .i. mires
S'ai eſté par diueꝛs empires
Du caire matenu li ſires
Plus d'un eſté
Lonc tēps ai auec li eſté
Grant auoi i'ai ꝯqueste
Meꝛ ai paſſe
Simē reuing ꝑ lamoꝛee
Ou i'ai fet ml՚t gñt de moꝛee
Et ꝑ ſaleꝛne
Ꝑ burienne ꝑ biteꝛne
Enpuille en calabꝛe ē luſeꝛne
Ai heꝛbes pꝛiſſes
Qⁱ de gñt v՚tu ſont eſpꝛiſes
Sus q՚l que mal q՚ ſoiēt miſes
Li maus ſenfuit
Iuſqu'a la riuieꝛe qͥ bꝛint
Dū flū deſpieꝛres ioꝛ ⁊ nuit
Fui pieꝛres q՚rre
P՚ſtres iehan ia fet gueꝛre
Ie noſe entreꝛ en la t՚re
Ie fui au poꝛt
Ml՚t riches pieꝛres ē apoꝛt
Qⁱ font reſuſciteꝛ le moꝛt
Ce ſont feꝛrites
Rubis. iagonces margueꝛites
Grenas ſtopacez
⁊ tella cpms ⁊ galagaces
Demoꝛt ne douteꝛa manaces
Cil qui les poꝛte
Fox eſt quiſe deſcōfoꝛte
Na garde q՚ lieures lē poꝛte
S'il ſe tient bn̄
Sina garde de bai dechien
Ne de rechan daſne ancien
S'il neſt couars
Il na garde detoutes pars
Charbon ne los ⁊ garolas
Qⁱ ſont tuit inde
Heꝛbes a poꝛt des deſeꝛs d'īnde
⁊ de la t՚re lincoꝛinde
Qⁱ ſiet ſus londe
Eſquatre ꝑties du mōde
Sicōme il tiēt alaroonde
Oꝛ me crees
Vꝰ ne ſauez cui vꝰ uees
Teſſiez vꝰ ⁊ ſi vous ſees
Veez meꝛbeꝛie
Ie vꝰ di ꝑ ſainte marie
Q՚ ce neſt mie feꝛpeꝛie
Mes gñt noblece
(Ie leꝛbe qui les vez redꝛece)
(⁊ celle qui les cons eſtrece)
A pou depaīne
De toutes fieures foꝛs qr̃taine
Garis ē maīs d'une ſemaīne
Ce neſt pas faute
⁊ ſi garis de goute fautre
Ia tant nē eꝛt baſſe ne haute
Toute la bat
(Si la vaīne du cul) vꝰ bat
Ie vꝰ en garrai sāz debat
⁊ de la dent
Gariſie trop apeꝛtemēt
Ꝑ .i. petitet doignemēt
Q՚ vous diroie
Oez cōmēt iē confirai
Ia auconſire ne mentirai
Ceſt ſans riote
P՚nez ſain de la marmote
De la meꝛde de la linote
Au mardi main
Et de la fuelle du plātain
Et de leſtront de la (putain)
Qⁱ ſoit bn̄ vielle
Et de la poudꝛe deleſtrille
⁊ du rouil de la faucille
Et de la laine
Et de leſcoꝛce de lauaine
Pilee p՚mieꝛ ioꝛ de ſemaine
Sien feꝛes
.I. plaſtre ⁊ du ius laueꝛez
Ladēt. lemplaſtre meteꝛez
Deſus la ioe
Doꝛmez .i. pou ie le vꝰ loe
Sau leueꝛ nia meꝛde ouboe
Diex vous deſtruie
Eſcoutez ſi ne vꝰ ennuie
Ce neſt pas ioꝛnee de truie
Cui poez faire
⁊ vꝰ cui lapieꝛre fet bꝛeꝛe
Ie vous en garrai sās ꝯtraire
Se gi mes cure
De foir eſchaufe de routure
Garis ie toſt adés meſure
A q՚ qu'il tourt
⁊ ſe vꝰ ſauez hōme ſourt
Faites le venir a ma court
Ia ieꝛt touz ſains
Onq՚s anul ioꝛ noi mains
Se diex me gariſt ces .ij. maīs
Qui loꝛra ia
Oez ce q՚ len mēcheꝛia
Ma dame qui mē voia ca