POurce que de bn̄ faire Ne puet nul mal venir
Veil d'un fait m՚ueilleꝰ Ma parole tenir
/La vierge qui de grace Set les ſiens raemplir
Gart treſtouz ceulz ⁊ celles Qⁱ nous voudꝛont oir
DOuce gent escroniq՚s De /.s՚. denis en/france.
Voit on ml՚t de m՚ueilles Mais ſachez ſanz doutāce
Celles de/rōme ſont; De trop plus gñt ſuſtance.
S'en oꝛrez ſ'il vous plaiſt Belle ſenefiance.
UNe noble pucelle Plainne de gñt biauté
Fille fu l'emperere; De /romme la cité
Qui ſouffri en ceſt ſiecle Tant de gñt cruauté
N'eſt nulz ſ'il oit retraire Qⁱ n'en ait gñt pitié
CElle gentil pucelle Fu nommee flourence.
Qⁱ ml՚t ot a ſſouffrir De cruel peſtilence
En dieu ſeruir auoit Bien miſe ſ'eſperance
Des que n'ot que .x. ans Ot bonne conſcience
ET voua a/ih՚ucriſt Q՚ iamais en ſauie
N'auroit a homme nul Charnelle ꝯ paignie.
Puis fu ele pariure S'en ot tant de hachie
Q՚ l'eſcripture dit De ce ne doutez mie
C'Onques n'en ot tant fem̄e Elle fu eſleue
A la plus bele choſe Qui adont fuſt veue
Cōment qu'elle feüſt D'oꝛ ⁊ de ſoie veſtue
S'auoit elle la harre Tout enpꝛés ſa char nue.
AVecques la bonté ⁊ la uraie pensee
Liot nr՚e ſeignour Si gñt biauté donnee
Par toutes terres fu De li la renommee
.I. roy la voult auoir A moullier eſpouſee
LA pucelle qui n'ot ſoīg De nul charnel deſirs
Et qui ot ſon cuer mis Ou /tres douz ih՚ucris
Ne le vout eſpouſer Li roys ot tel deſpis
Par ml՚t fier mautalent Iura touz ſes amis.
DOnt puis conuint Maīt hōme a gñt dolour fenir
La pucelle meiſmes En ot tant aſſouffrir
C'onques n'en ot plus fem̄e Ce croi ie ſanz moꝛir
Ainſſi ꝯ vous oꝛrez Se me voulez oir
CAr le roy que ie di Tout ſon eſfoꝛs manda
En l'empire de /rōme Fierement ſe bouta
Par foꝛce la pucelle Ml՚t bn̄ auoir cuida
Mais ſon pere ꝯ pꝛeuz En contre li ala
A l'aſſambler d'eulz ot Ml՚t m՚ueilleuz eſtour
Le pere la pucelle Y fu nauré ce iour
D'un Carrel en ſon chief Paſmez fu de doulour
Ses hōmes l'en menerent A /romme la maiour
LEs barons de la terre Firent gñt deſconfoꝛt
Pour ce que l'emperere Eſtoit naurez amoꝛt
Sa fille la pucelle Demenoit duel trop foꝛt
Son pere li diſt fille Ꝑ foi vous auez toꝛt
QVant plourez deuant moi Car vous me faites pis
Q՚ le mal que ie ſent Le roy de paradis
Vous veille ꝯ foꝛter Douce fille gentis
Qu'au iour d'ui perdez .I. de uos meilleurs amis
LA moꝛt me tient au cuer Ie muir a trop gñt rage
Q՚ ceulz qui m'ont occis Tenront mon heritage
Il honniront la terre ⁊ metront en ſeruage
Sa fille li diſt pere Ci a griés mariage
QVant ſon pere ſenti Qu'il le conuiēt moꝛir
Il a dit aſes hōme Ie vous lo ſanz mentir
Volentiers m'acoꝛdaiſſe Ꝯ la feïſt pleuir
A hōme qui peüſt L'empire garantir
CAr plus aiſe moꝛroie S'elle eſtoit aſſenee
Adonques eſt flourence Hautement eſcriee
Chier pere i'ai a dieu Ma chaasté vouee
Se ie me marioie Ie ſeroie dampnee
Pvis q՚ pour moi moꝛez Diex qui toꝰ les bn̄s liure
Ne veille qu'a pꝛés vous .I. treſtout ſeul iour viue
Adonques fu mandé .I. pꝛeſtre atout ſon liure
Le filz du roy li firent Fiancier a deliure.
ON ne ſauoit el monde Chl՚r plus iſnel
Ne plus loial de li Il fu courtois ⁊ bel
Qvi a la damoiſele Fiſt puis tant de toꝛm̄t
Onques tant n'en ſouffri Femme de ſon uiuant
Mais puis en ot li glous Dolereus paiement
Ainſſi ꝯ vous oꝛrez Recoꝛder bn̄ bꝛieſm̄t
LE roy fu enterré De denz vne chapelle
Gñt duel mena ſa fille A /la virge pucelle
Se ꝯ plaignoit ſouuent La noble damoiſele
Cil qui l'ot eſpouſee La pꝛiſt par la main belle
ET li diſt douce ſuer Ne ſoiez en fricon
De la moꝛt vr՚e pere grant vengance pꝛēdꝛon
Aincois que vous eſpouſe Ceulz de l'oſt deſtruiron
Adont ſ'a la armer ⁊ maint autre baron
HOꝛs de la uile iſſirent Ml՚t noblem̄t armez
Cil par qui leur ſeigneur Auoit eſté tuez
Aſſaillirent ſi foꝛt Q՚ tout maugré leur nez
Iusqu'a .i. poꝛt demer Les ont fuiant menez
LE roy qui par ſafoꝛce Vouloit auoir amie.
Mais il auoit .i. frere Qⁱ n'eſtoit pas autel.
Pis valoit q՚ /cain Qⁱ miſt amoꝛt /a bel.
Entra en vne nef Pour garantir ſa uie
Mais le franc damoiſel Qui la belle ot pleuie
Apꝛés li ſe feri Par ml՚t gñt aramie
CAr gñt deſir auoit Q՚ par lui fuſt occis
Q՚ demourer li peüſt Flourence o le cler vis
Ꝑ ſon hiaume l'a pꝛist La l'eüſt amoꝛt mis
Qñt il ſ'a genoulla ⁊ li cria mercis
TAnt li pꝛomiſt afaire que il le reſpita
Mais tant ꝯme il parloient Leur nef ſe deſriua
Ꝑ la foꝛce du vent Vers /greſce ſ'en ala
Ceulz de /rōme le virent Chaſcun gñt duel mena
ENs ne poꝛrent ſaillir Pour celui ramener
A qui li emperere Voult ſa fille donner
Quant ſon frere leur diſt Seignours leſſiez eſter
Oiez de quel malice Il ſ'ala pourpenſer
A Ceuz de /rōme diſt Sauez quenous feron
Certes mon frere eſt moꝛt Iamais ne le verron.
Mais ſe vous voulez faire Mon talent ⁊ mon bon
Ie vous donrai atouz Oꝛ ⁊ argent foiſon.
POur tant que teſmoīgnés Quant a/rōme vendꝛés
Q՚ mon freres eſt moꝛt ⁊ a ſa fin alez
Et qu'i me fiſt iurer Qñt amoꝛt fu naurez
Q՚ flourence pꝛendꝛoie Vous le teſmoignerez
ET me ſouſtendꝛez tant Q՚ i'aie labaillie
De flourence la belle Q՚ mon frere ot pleuie
⁊ ie ne voꝰ faudꝛai Iamais iour de ma uie
Adonques ſ'acoꝛderent De rōmains grant partie
MAis il en y ot .ij. Qui diſtrent a cler ton
Fole gent deſloial Creez vous cel glouton
Qui atrai ſon frere Ia tant ꝯ nous viuon
Il n'aura la pucelle Loꝛs diſt le faus larron
A Ceulz qui alafraude S'eſtoient acoꝛdez
Seignours diſt il pour dieu La vengange pꝛenez
De ceuz qui me mes dient Loꝛs eſt outre paſſez
L'un des .ij. pꝛeu des hōmes A maintenant tuez
A Terre chay moꝛt Quant li autres le vit
Ꝑ doutance de moꝛt Au faus par iure diſt
Qu'il feroit ſon talent Loꝛs miſtrent ſanz reſpit
Le coꝛs en vne biere A la uoie ſe miſt
LE plus mauuais deuant ⁊ les autres derriere
Miles leur ſeigneur Dites qu'en ceſte biere
Giſt eſmeré mon frere ⁊ faites mate chiere
Loꝛs entrerent a/rōme Enſi faite maniere
ET diſoient aus gens Que moꝛt en la mellee
Fu le franc chl՚r. Plain de gñt renōmee
A qui li empereres; Ot ſa fille donnee
La pucelle l'oÿ Foꝛment fu effraee
UErs la biere ſ'en vint La pucelle au cler vis
Du duel ſ'eſcria haut Tres douz loiaus amis
Bien maudire deuroie L'eure que ie tant vis
Laſſe tant nob les hōmes Sont pour mon coꝛs ocis
LAſſe bien me deuroit La terre trangloutir
L'autre iour vi pour moi Mon chier pere mourir
A .i. franc chl՚r. M'auoit faite pleuir
Oꝛ eſt il pour moi moꝛt Ie me doi bien hai
Flourence diſt urai diex Cōme dure pleuine
Ie ſui bien de touz poins De mouree oꝛfeline
Oꝛ vouge de bon cuer A /la haute royne
Q՚ iamais de mō coꝛs N'aura homs Seignourie
Pvis que celui eſt moꝛt A cui me leſſa.
Mon pere par amours Adont Milles parla
⁊ diſt belle tielz mos Pour dieu ne dites ia.
Car aſon treſpaſſer Mon frere commanda
DEuant les haus barons Que ie vous eſpouſaſſe
⁊ pour lui que l'empire De /rōme gouueraiſſe
Flourence reſpondi A ſauoiz qu'elle oſt baſſe
Mile foi que doi dieu Miex ameroie eſtre arſe
UOus n'eſtes pas p՚udome Ie le ſai uraiement
Quant veez vr՚e frere Moꝛt deuant empꝛeſent
⁊ de vous marier Parlez ſi haſtieument
Par foi ne vous pꝛendꝛoie Pour cent Mil mars d'argēt
ADonq՚s reſpondi Miles le loſengier
Par foi vous eſtes moie Poi pꝛis vr՚e dangier
A ceulz de ſon acoꝛt A dit franc chl՚r
Prenez la veille ou non Menez la au mouſtier
Qvant le coꝛs iert en t՚re Tantoſt l'eſpouſerai
Le chl՚r l'oÿ Qui ſ'eſtoit acoꝛdé
Maugré ſien ala fraude S'en eſt tantoſt alé
Aupape ſe lia treſtout; L'auoir conté
EN haut li diſt ſaint pere de ce ſoiez certain
Le coꝛs qui giſt en biere C'eſt mon frere germain
Mile m'eüſt ocis Quant li creanté a plain
Que ia ne le diroie A franc ne a vilain
LE m'acoꝛde par doute A leur gñt tricherie
Eſmeré le courtois Qⁱ flourence a pleuie
Ie croi bien et tout ſaī ⁊ plain de bōne vie
Mais ſon frere li veult Tolir ſa ſeignourie
ADonques vint le pappe A la biere garder
Bien vit n'iert pas leur ſire Coiement fiſt mander
Les bourgois de la vile ⁊ puis les fiſt armer
Le traitour fiſt pꝛendꝛe Et em pͥſon geter
LE frere eſmeré; fu mis en vne tour
Miex veniſt ꝯ l'eüſt fait Deſtruire celui iour
Car puis fiſt a flourence Souffrir tant de dolour
Q՚ nus ne l'ot retraire Qui n'ē ait gñt tendꝛour
DOuce gent vous auez Oÿ ſouuent conter.
QU'a paine ſe puet on De fauſe gent garder
D'eſmeré le courtoiz Veul des oꝛ mais ꝑler
Qⁱ o le roy de /grece Fu en la haute mer
DE retourner a/rōme Auoit (auoit )ml՚t gñt talēt
Pour l'amour de flourence Qⁱ auoit le coꝛs gent
Auſſiques la pucelle Le de ſirroit foꝛment
Mais tant ala lanef Ꝑ la foꝛce du vent
Qv'a .i. des poꝛs de/greſſe Arriua le vaiſſel
Qñt le roy de la t՚re Le vit ml՚t li fu bel.
Li ionnes empereres Se douta de ſapel.
Mais le roy fu pꝛeudons Si li a dit iſnel
SIre n'aies doutance S'eſtes en ceſt pays
Ie ſui vr՚e hōme lige Car uous m'auez ꝯ quis
Vous n'iarez ia mal Par dieu de paradis
Liionnes empereres Li diſt ur՚e mercis
UOus ne pouez riens ꝑdꝛe A loiauté mener
Mais voꝰ ſauez q̃ /rōme Me conuient retourner
La fille l'emperere Doi bꝛiement eſpouſer
Qñt le viex roy l'oÿ Si pꝛiſt aſouſpirer
Pvis diſt franc damoiſel Ie l'ai lonc tans amee
Mais miex ſera vous Que en moi emploiee.
Aus noces voudꝛaieſtre Sire ſ'il vous agree
Adont fu la nauie Maintenant ap՚ſtee
LEs nes furent garnies De ml՚t riches treſoꝛs
Les maiſtres mariniers Firent tant par effoꝛs
Qu'a .vij. lieues de /rōme Ariuerent aus poꝛs
Quant lourence loſot Ml՚t ot gñt ioie loꝛs
MAis ſa ioie tourna Aſſez toſt en triſtreſce
Flourence qui le cuer Ot plain de gentilleſce
Son ſerouge qui ot Penſee felonneſſe
Fiſt iſſir de pꝛiſon Dont elle ot puis deſtreſce
MAis flourence le fiſt Pour l'amour ſon ami
Treſtouz les romaīs furēt Ml՚t foꝛment eſioy
Contre le nouuel roy Alerent ſanz detry
Flourence vint ap՚s Son ſerourge auec li
AInſſi ꝯme il paſſoient Vne foꝛeſt pleniere
Ꝑ la foꝛce du uent Leua ſi grant poudꝛiere
C'on ne pooit vëoir Ne auant ne arriere
Loꝛs Miles qui eſtoit Plain de male maniere
PRiſt le frain alamule Sur quoi la dame ſiſt
Ꝑ vne fauſſe ſente Qⁱl ſauoiſt bn̄ la miſt
Bn̄ .iij. lieues plenieres El bois entrer lafiſt
Aincois que la pucele Point garde ſ'empꝛeiſt
QV'elle cuidoit auoir pꝛés de li ſamaiſnie
Qvant el ſe vit ſi ſeule Foꝛment fu eſbahie
Qu'elle deuint plus blāche Q՚ n'eſt la noif negie
Loꝛs diſt a ſoi meiſmes Laſſe ie ſui traie
ARreſter ſe cuida Qñt li fauz deputaire
Liadit douce amie. Pres de moi voꝰ faut traire
Ml՚t ai pour ur՚e amour Enduré de contraire
Adont la voult baiſier; Mais el n'ē ot q՚ faire
Flourence qui n'auoit De ſon afaire cure
Li diſt en ſoupirant Tres fauſſe creature
Fem̄e ſui de ton frere ⁊ me requiers laidure
Celui qui eſtoit chaut ⁊ ardant de luxure
ORrant hoꝛs de la mule Le ſache par grant ire
Flourence ſ'eſcria Diex aidiez moi ſire
Oꝛ cōmencent les paines ⁊ le cruel martyre
Q՚ la belle ſouffri Si cō vous oꝛrez dire
Son ſerourge l'auoit. ē la foꝛeſt menee
En .i. ml՚t deſert lieu Bn̄ ſauoit la contree
Coꝛrompꝛe la cuida. Loꝛs ſ'eſt haut eſcriee
Car me veilliez aidier /Mere dieu reclamee
Si voir q՚ n'ai fiance Foꝛs en vr՚e ſecours
/Eſcharboucle luiſant Qⁱ cuers plains de dolours
En lumines de grace /Foꝛt chaſtel ferme tours
Ou touz des ꝯfoꝛtez Doiuent aler (l)e cours
EN ur՚e ſainte grace Ꝯmant mō coꝛs ⁊ m'ame
⁊ ſi pꝛomet a dieu ⁊ a vous /haute dame
Q՚ de ci a .vij. anz A hōme ne a femme
Ne me ferai connoiſtre Pour meſchief /haute iēme
N'A /rōme n'autre part Ne tendꝛai ſeignourie
Mes en eſtrange terre Querrai pour dieu ma vie
Se ie ne tuis ſeruice En aucune abaie
Ou puiſſe de mourer Loꝛs l'a li glous ſachie
A Terre l'a bati; Ml՚t felonneſſement
Mais flourence la belle Se deffendoit foꝛment
Le glout n'oſa yluec Demourer longuem̄t
Sus ſon cheual monta Ꝑ l'un des bꝛas le pꝛent
Svs la mule l'aſiſt Puis pͥſt foꝛt achacier
Cel iour paſſa maīt tertre ⁊ maint deſruble fier.
.vij. lieues el bois furent Qñt ſouleil dut couchier
A ceulz de /rōme veul. .I. petit repairier
Qvi contre leur ſeigneur Ml՚t noblement aloient
Trompes harpes naquaires ⁊ vieles ſonnoient
Nus ne poꝛroit conter La feſte qu'il faiſoient
A piece ne penſaſſent Au duel qu'il atendoient
ESmeré le vaillant; Aſſez toſt encontrerent
Nus ne vous poꝛroit dire Laioie qu'il menerent
Pour flourence. la gente Derriere eus regarderēt
Mais qñt il ne le virent Ml՚t foꝛment ſ'eſmaierēt
ADonques la cercierent Ꝑ la foꝛeſt ramee
Mais ſon ſerourge l'ot Autre chemin menee
Car trop ſouffri de maus Ainz que fuſt retoꝛnee
Ainſſi ꝯ vous oꝛrez bꝛiement ſ'il vous agree
ON la quiſt en maint lieꝰ Mais ne valoit noient
Loꝛs firent ceulz de /rōme Gñt duel ꝯmunaumēt
Eſmeré deſſus touz Ot le cuer ml՚t dolent
Adont li diſt li pappes Bel ⁊ courtoiſement
CŌment ſon frere voult La royne eſpouſer
⁊ ꝯ le fiſt par foꝛce En la tour enfermer
Mais au matin le fiſt Flourence de liurer
Oꝛ iuge qu'il'a faite Par barat deſtourner
LOꝛs iura eſmeré Sus dieu le dꝛoiturier
S'il puet ſon larron frere Iamais nul iour baillier
Q՚ ia fraternité; Ne li aura meſtier
Q՚ ne le face ardoir Ou tout Vif eſcoꝛchier
ESmeré ⁊ ſa gent A /rōme ſ'en entrerent
Paremens ⁊ courtines Tout aterre geterent
Nulz ne uous poꝛroit dire Le gñt duel qⁱl menerent
En mains lienz loīs ⁊ pꝛez Les meſſages alerent
POur querir la pucelle Qui a toꝛt fu traie
Ꝑ foꝛés par de ſers L'a li glous tant traitie
Q՚ ſouz .i. gñt rochier Vindꝛent al'anuitier
La li fiſt ml՚t de luite Le glouton plaī d'envie
Qvant flourence la belle /Ih՚ucriſt reclamoit
Son deſloial ſerourge gñz bufés li donnoit
Puis ſon coutel a poīte Sus ſon pis apoītoit
Mais la douce pucelle Miex amoꝛir vouloit
Qv'elle fuſt coꝛrompue De li ſi faitement
Du manche du co utel la feroit bn̄ ſauuent
⁊ la poignoit escuiſſes Mais ne li valu nient.
Celui qui l'anemi Auoit ſoupꝛis foꝛmēt
Qvant il fu mienuit De ſouz le rochier vinrēt
Onq՚s il n'i doꝛmirent Ne mengierent neburēt
Mais les beſtes ſauuages Ꝑ le deſert ſ'eſmurent
⁊ firent ml՚t gñt noiſe Q՚ bn̄ faire le durent
MIles les oÿ bien Mes gaires ne lespͥſe
A coꝛrompꝛe flourence Ot ſi ſ'entente miſe
Qⁱl ne doutoit riēs nee De rechief la repꝛiſe
Tant li fiſt de deſtreſce Q՚l fu ſifoꝛt aquiſe
Qv'a paine pooit ele Ne pié ne main ſachier
Il l'eut coꝛrompue Qñt dieu le dꝛoiturier
Fiſt .i. ſerpent creſté Deſcendꝛe du rochier
Loꝛs conuint au glouton La pucelle laiſſier
Qvant il vit le ſerpent lamain miſt al'eſpee
Sifflant ſ'en vint vers lui Ꝯ beſt foꝛſenee
Mais il ſ'en deffendi Ꝯ perſonne membꝛee
Qñt flourence ꝑcut D'entre eulz .ij. la mellee
TOut au miex q՚lle pot Se leua de la place
En la foꝛeſt ſemiſt. Mes tant yot gñt mace
De ronces ⁊ d'eſpines Que dꝛas coꝛs ⁊ uiſage
Li deſrompoient Si c'onueoit bn̄ la trace
DV ſanc ⁊ de la robe Q՚ la belle ot ueſtue
Mais il ne li chaloit Qu'elle fuſt de venue
Pour tant q՚ ſ'en alaſt Sanz eſtre coꝛrōpue.
Des maīs aſon ſerourge Qⁱ tint l'eſpee nue.
TAnt li aida dëable Que le ſerpent tua
Puis reuint en la place Ou flourence laiſſa
Mais qñt il ne lavit Ml՚t gñt duel de mena
/Ih՚ucriſt ⁊ ſamere Trop foꝛm̄t maugrëa
PAr deſpit ſe vouloit bouter el coꝛs l'eſpee
Qñt il ot vne piece De ſa robe trouuee.
Pendant a vne eſpine Loꝛs ſot bn̄ que paſſee
Fu par iluec flourence Qⁱ ſ'eſtoit deſciree
TAnt ala qu'il trouua La trace de ſon ſanc
Le coꝛs qu'elle auoit tēdꝛe Net ⁊ poli ⁊ blanc
Fu foꝛm̄t deſciré. En coſté et en flanc
Miles ataint flourence Pres d'un petit eſtanc
OV plus auoit ſanſues ⁊ laiſardes ⁊ dars
Singes ſerpens ⁊ ours ⁊ lyons ⁊ lyepars
Eſcoꝛpions ⁊ tingres Sōuent de toutes pars
Il venoient pour boire Ml՚t fu lais li eſſars
EN trop oꝛrible lieu Se fu flourence miſe
Puis li diſt douce ſuer Trop vous eſtes malmiſe
Miles lifaus traitres Si l'a ꝑ lamain pꝛiſe
Mais vous n'eſchaperez De moi en nule guiſe
S'Arai deur՚e coꝛs fait Treſtout mon plaiſir
Fauz glous ce diſt flourēce Miex voudꝛoie moꝛir
Adont la repꝛiſt Miles Par merueilleuz air
Mais ne plot pas adieu Qu'il peüſt a venir
LE fauz glouz qⁱ au dëable S'eſtoit treſtout donné
Li diſt fauſſe mauuaiſe Vous m'auez enchanté
Mais ſe diex ⁊ ſes ſainz L'auoient tuit iuré
Si ferai ie de vous Tout a ma volenté
LOꝛs l'a par les .ij. piez A vn arbꝛe liee
L'angoiſſe qu'il li fiſt Ne pot eſtre contee.
En ſi deſtroit la miſt Qu'il l'eüſt vergondee
Qñt vns ours m՚ueilleuz Entra en la contree
LOꝛs uers les .ij. ꝑsōnes Ml՚t fierem̄t ſ'en vint
⁊ l'oꝛs ſe leua Miles Qⁱ la pucelle tint
L'eſpee trait du fuerre Fierement ſe contint
A l'ours ſe combati Si bn̄ ꝯme il conuint
TAnt fiſt que l'ours tua Mais qñt il dut moꝛir
Il cria ſi foꝛment Qu'entour li fiſt venir
Vne ourſe ⁊ .ij. ourſiaus Qⁱ ſanz point d'alentir
Aſſaillirent le traitre Mais tant fu plain d'air
C'Onq՚s ne recula Les ourſiaus lenaurerēt
Du ſanc ⁊ de la char Des coſtez li oſterent.
Mais ſi le deffendi. Qu'en la fin ſ'enalerent
Les .ij. ours ⁊ la mere Qⁱ les cops redouterent.
CAr il n'i ot celui. Qⁱ ne fuſt me hāniez
Adonq՚s uers flourence Eſt miles repairiez
Mais n'ot ſoing de deuit Q՚ trop fu trauailliez
La belle deſlia ⁊ puis ala ſus piez
EN mi vne ſentele Entra au point du iour
Virent .i. hermitage En .i. petit deſtour
Ou .i. S՚. pꝛeudōme Ot longuem̄t fait ſeiour
A l'uis vint ſi hurta Le cuiuert traitour
L'Ermite leur ouuri L'uis ſanz atargier
Miles li diſt bons hons Auez voꝰ que mengier
.ij. a ne mangames Moi ne ceſte moullier
L'ermite reſpondi Vous aurez ſanz dangier
DE tiex bn̄s ꝯ me i'ai Loꝛs ataint .i. pain d'oꝛge
Mais onq՚s la pucelle N'en pot paſſer la goꝛge
Le glouton en menga. Qⁱ poi pꝛiſa /.S՚. goꝛge.
Puis a ſachié l'eſpee Qui fu de bonne foꝛge.
L'Ermite li a foꝛt Puis ale feu bouté
De denz ſon h՚mitage Treſtout l'a embꝛaſé
Flourence vit le fait Foꝛment l'en a peſé
Le faus ꝑ .i. des bꝛaz La pꝛiſt outre ſon gré
BIen auant l'e mena En la foꝛeſt ramue
Coꝛrompꝛe le cuida Mais diex l'a deffendue
Qñt il vit que ne pot Ꝑ li eſtre vaincue
Ꝑ ſes blons cheueus l'a. A .i. arbꝛe pendue.
LOꝛs pꝛiſt le faus larron .I. baſton d'englentier
Tant en bati flourence ⁊ deuant ⁊ derrier
De touz coſtez veoit De li le ſanc raier
Moꝛte l'eüſt en l'eure Qñt diex le dꝛoiturier
FIſt parmi la foꝛeſt Venir .i. chaſtelain
Sa gent auoit ꝑdue .I. coꝛ ſonnoit aplain
Qñt le faus larrō Mile L'oÿ tout pour certain
Cuida ce fuſt ſon frere Loꝛs ot ml՚t le cuer vain
A la fuite ſe miſt Foꝛment ſe deſconfoꝛte
La royne leſſa Qu'eſtoit de mie moꝛte
E; vous le chaſte lain Q՚ /ih՚ucriſt apoꝛte
Parmi vne ſentele Qui eſtoit toute toꝛte.
LA pucelle vit pendꝛe Si ſ'en vint celle part
Ml՚t en ot gñt m՚ueille Mais foꝛment li fu tart
Qu'elle fuſt deſpendue De ſon cheual liart
Deſcendi loꝛs flourence. Li fiſt .i. douz regart
CAr ele auoit d'angoiſſe la parole perdue
Loꝛs l'a lichaſtelains Miex qu'il pot deſcendue
Deſſouz l'arbꝛe l'aſſiſt Ml՚t l'auit de rompue
Puis li diſt ſuer. Dont eſtes vous venue
Olle li diſt douz ſire De baſſe gent ſui nee
Mais nobles genz ſeruoie. Qⁱ m'ont toute aleuee
Oꝛ m'ont mauuaiſe gent Ci endꝛoit amenee
Ne m'endemandez plus Pour /la vierge honnouree.
CAr au cuer ai tel duel Q՚ bn̄ mourir voudꝛoie
Ma ſuer diſt il chiez moi VOlentiers voꝰ menroie
Ie croi bn̄ que ma fem̄e Aroit de vous gñt ioie
Flourence li diſt ſire Ml՚t volentiers l'otroie
PAr ytel couuenant Q՚ mon coꝛs garderez
De toutes vilonnies; Le miex que vous poꝛrez
Le chaſtelain diſt ſuer Iamar endouterez
Sus la mule l'aſiſt Qⁱ ot le frain doꝛés
LE chaſtelain tierry La royne a ſuie
Deſiques au chaſtel Ne ſ'a targerent mie
La dedenz fu flourence Ml՚t noblement ſeruie
Tant que de ſes griez maus Fu la dame alegie
FOꝛment la tenoit chiere La france chaſtelaine
Bien voit n'eſt pas eſtraite De lignie vilainne
⁊ flourence ſe miſt. De li ſeruir en paine
Nous veons au iour d'ui C'eſt bn̄ choſe certaine
Qv'il a plus de ſeruice ⁊ de bōne duiſon
En .i. enfant qui eſt De bonne naſcion
Qu'en .i. truant Flourence ot laiēs bō renō
Le chaſtelain Tierry Qⁱ ml՚t eſtoit pꝛeudon
Avoit vne fillete. De .vij. anz ⁊ demi.
Ꝑ gñt chierté couchoit Flourence auecq՚s li.
Mais il auoit laiens .I. glouton anemi
Qⁱ .i. trop vilain plait Sanz raiſon libaſti
LE faus fu ſenechal au courtoiz chaſtelain
Nōmez eſtoit maq̃re C'eſt .i. non trop vilain.
Souuent requiſt flourēce ⁊ au ſoir ⁊ au main
Q՚ ſ'amour li donnaſt Mais il ouuroit en vain
CAr ele ſe laiſſaſt Auant uiue eſcoꝛchier
.I. iour le trouua ſeule Le glouton pautōnier
Ꝑ foꝛce le cuida Acoler ⁊ baiſier
Mais flourence li fiſt Le ſanc v՚meil raier
A gñt Ru de ſa bouche ⁊ .ij. denz li bꝛiſa
Li glous hoꝛs de la chambꝛe Erranment ſ'en ala
Ml՚t manace flourence ⁊ diſt qu'il bꝛacera
Tel plait ſ'il onques puet De quoi arſe ſera.
SI toſt con fu couchie le deſloial glouton
Deſſouz le liſt ſe miſt Coiem̄t alarron
Ou flourence giſoit Auecques l'enfancon
Mais pas ne ſe gardoit De telle traiſon
CAr qñt le murdꝛier vit Qu'elle fu en doꝛmie
A la fille ſon maiſtre A la coꝛge trenchie
De denz la main flourēce Qⁱ fu blanche ⁊ polie
Miſt le coutel trenchant ⁊ doꝛmant la laiſſie
MAq̃res fiſt matin; Le chaſtelain leuer
Ꝑ la chambꝛe flourence Le conuenoit paſſer
Quant vouloit de la ſeue Ens en la ſale entrer
Le ſanc du lit ſa fille Vit aual de ualer
IL vit que la goꝛge ot Trenchie ⁊ le (coutel) tuel
⁊ en la main flourence A veü le coutel
Ne pot parle duel Let li fu non pas bel
Maquares qui ot fait Le dolereus chaudel
LI diſt franc chaſtelain. C'a fait ceſte murdꝛiere
Leſſiez le duel ⁊ faites ardoir lalo ſengiere
Adont leua le cri ⁊ deuant ⁊ derriere
La chambꝛe empli de gent Qⁱ firent mate chiere
Flourence ſ'eſueilla Am՚ueilles li vint
Des gens qui la eſtoiēt ⁊ du coutel que tint
⁊ qñt l'enfant vit moꝛt Plus uermeille de vint
Q՚ roſe de roſier Loꝛs paſmer la conuint.
Ml՚t fu grant la dolour En la chambꝛe menee
La chaſte laine y vint Treſtout eſcheuelee
Errant eüſt flourence A ſes mains eſtranglee
Qñt on li a ꝑ foꝛce Hoꝛs de ſes mains oſtee.
ADont fiſt l'en flourence Si foꝛt les poins loier
Qu'aual ꝑmi les ongles Conuint le ſanc raier
En vne chartre obſcure La fiſt on eſtaier
A ardoir fu iugie Tantoſt ſanz atargier
MAis auant qu'elle fuſt Aiugement menee
Li vint dire vne vois Ma ſuer pas ne t'es free
Car tu ſeras encoꝛe. A rōme couronnee
Mais auant ſoufferras Mainte male iournee
AIes en /ih՚ucriſt. Tres parfaite creance
Q՚ ſaches que de ceulz Qⁱ te feront greuance
Auras en .i. ſeul iour Merueilleuſe uengāce
On te merra ardoir Mais n'aies ia doutance
CAr diex te gardera Oꝛ le (oꝛ le )ſerf d'amour fine
Loꝛs vint le bourel querre Flourence la royne
Droit au feu le mena Qui eſtoit fait d'eſpine
Le chaſtelain qui ot Ꝯſcience enterine
LI diſt femme ꝯment Fus tu ſi eſragie
Qu'amoꝛt meis ma fille Ieterendi lauie
Quant pendoies au bois Loꝛs flourence ſ'eſcrie
Sire pour dieu merci Tel fait ne creez mie
C'Onques feiſſe mal A la gentil pucelle
On m'a ceſt plait baſti Ne ſai par quel querelle
Diex ſet que i'ai bon dꝛoit A garant l'en apele
Adont le chaſtelain S'enclina en la ſele
SI con li chaſtelains Sus ſon arcon penſoit
Auis li fu c'un angle De par dieu li diſoit
Qu'aler leſſaſt flourence Quel part qu'ele voudꝛoit
⁊ honnour pourfit Bien bꝛiem̄t l'en vendꝛoit
LOꝛs qñt fu redꝛeciez Il diſt a haute voiz
A ſa gent ꝯ alaſt Toſt querre ſon h՚nois
En la uile ſur quoi Il l'a mena du bois
Ie ne veul qu'elle perde Du ſien vaillant .i. pois
Il li fiſt treſtout rendꝛe ⁊ quite deliure
Qñt flourence monta Foꝛment pꝛiſt aplourer
Car ou aler ne ſot Le ſire fiſt crier.
Q՚ nul ne le ſuiſt Pour les membꝛes couper
MAquare pour le cri point ne ſ'eſleeſca.
Errant l'eüſt ſuiie Mais a ler n'i oſa.
Flourence ſur la mule Foꝛment ſe dementa
D'un peril eſt iſſue Mais en plus gñt ſ'en va.
AInſſi com voꝰ oꝛrez Se me voulez entendꝛe
Flourence qui auoit De pitié le cuer tendꝛe
Trouua en ſon chemin .I. larron ꝯ vout pendꝛe
Adont tourna ſamule Celle part ſanz atendꝛe.
Av pꝛevost vint tantoſt. Si le miſt araiſon
⁊ li diſt gentis ſire Pour dieu requier .i. don
Car me donnez cel hōme Qⁱ ſera mon garſon.
Le p՚uoſt li diſt dame Pas ne vous refuſon
MAis laiſſiez la noꝰ pendꝛe Ꝑ ma foy ie me dout
Se vous le de liurez Q՚ bꝛiement ne vous couſt
Bien vous fais aſauoir Q՚ de mal a fait ml՚t
Le larron li diſt dame Mon coꝛs ie vous doīs tout.
A vr՚e plaiſir faire Se de ci me getez
Q՚ ie vous ſeruirai Sanz nule fauſetez
Adont fu le larron A flourence liurez
Miex li vauſiſt qu'il fuſt Penduz ⁊ trainez
AInſſi ꝯ vous oꝛrez Aſſez bꝛiement retraire
Flourence li diſt frere Oꝛ penſez de bn̄ faire
Se tu me poꝛtes foy Tu auras bon ſalaire
Le larron li diſt dame Q՚l part voulez voꝰ traire
Flourence li diſt frere Ml՚t volentiers iroie
Outremer au /ſepulcre Se paſſer y pouoie
Dame diſt le larron G'iſai ml՚t bn̄ lauoie
Puis diſt entre ſes denz Demain ainz q՚ iour voie
UOus ferai de la goꝛge Se ie puis .ij. ſouflois
La mule ſera moie ⁊ tout l'autre h՚nois
Droit a .i. poꝛt de mer S'en vindꝛint a eſlois
Ou le larron auoit. .I. hoſte trop mauuois.
IL ot mainte ꝑſonne en ſon hoſtel murdꝛie
Flourence ſ'eſt lanuit En l'oſtel herbergie
Le larron fiſt a l'oſte Son marchié c'onl'ocie
L'oteſſe qui l'oÿ; ne ſ'i acoꝛda mie
ET diſt ia caiens n'iert fait. Si moꝛtel pechiez
Le larron diſt oſteſſe Pas ne vous courouciez
Nous le diſon ainſſi Sauoir que vous diriez
Qui en larron ſe fie Il eſt bien en gigniez
Qvant flourence la belle Fu ꝯ nonnain veſtue
De bon cuer ſerui dieu ⁊ /la vierge abſolue
La haire iour ⁊ nuit Auoit a ſa char nue
Huimais oꝛrez ꝯment Elle fu conneue
DIex li donna tel grace Qu'il n'ot en la contree
Ꝑſonne tant malade S'en deuote pensee
Veniſt a li parler Ne fuſt reconfoꝛtee
Empluſeurs lieus aloit De li larenōmee.
BIen aparut foꝛment Q՚ a dieu fu amie
Car de ſes anemis Fu en .i. iour vengie
⁊ ſi ot puis de /rōme Toute la ſeignourie
Dont ſon ſero urge l'ot A gñt toꝛt de partie
Eſmeré ſon ſeignour Souuent pour li plouroit
Meſſes du ſaint eſperit Pour li chanter faiſoit
Q՚ diex la li rendiſt Par deſconfoꝛt iuroit
Que iamais n'auroit fem̄e S'elle ne reuenoit
NE remeſt en l'empire Ne cité ne chaſtel
Ou ne la feïſt querre Et tant que d'ū quarrel
Fu nauré l'emperere En .i. eſtour moꝛtel
El fron ml՚t malem̄t N'ot mire qui fuſt tel
Qvi l'en peüſt garir En doute de moꝛt fu.
Tant qu'il oÿ nouueles Si com plot a/jh՚u
Q՚ pour vne nonnaī Faiſoit maīte vertu
Le pere de laſſus; Loꝛs eſt le roy meu
POur venir aladamie Qui ml՚t eſtoit ſ'amie
Tout dꝛoit en /biau repaire Ou ot bonne abaie
Eſmeré cheuauchoit A petite maiſnie
Hui mais eſt bn̄ eaiſon Q՚ de Mile vous die
Qvi ot fait a flourence ſouffrir tant d'enꝯbꝛier
Il ala demourer Auec .i. cheualier
Qⁱ le tint en ſoudees Mais diex le dꝛoiturier
Qⁱ du bien ⁊ du mal Rent a chaſcun loier
FIſt le faus deſloial Si meſel deuenir
Ꝯ n'oſoit entour lui Ne aler ne venir
Gros cu ꝯme .i. tounel Ne ſe pot ſouſtenir
.I. iour fiſt a ſon meſtre Prier ⁊ requerir
QV'il le feïſt mener Tout dꝛoit a/biau repaire
Ou diex pour la nōnain Vout tant de vertuz faire
Le ſire l'otroia Ia oꝛrez de ma qiuare
Qⁱ miſt amoꝛt l'enfant Pour flourence deffaire
SI mal fu atourné Que de pié ne de main
Ne ſe pooit aidier Mais le franc chaſtelain
Le mena pour garir A la france nonnain
Ml՚t amoit le traitre Ne ſot pas le certain
COm̄ent auoit murdꝛie Sa fille entraiſon
Errant l'eüſt fait pendꝛe Plus haut que .i. larron
Oez ꝯ fu ſeruis Archembant le glouton
⁊ ſon deſloial hoſte Qui n'eſtoit pas pꝛeudon
DV feu d'enfer eſtoient Par le coꝛs alumez
Cadot li mariniers Eſtoit ſi atournez
C'apotentes aloit Les piez ot touz enflez
Touz .v. a /biau repaire Sont .i. iour ariuez
DOuce gent escroniq՚s De /rōme ſont trouuees
Les paroles qui ſont Ci de par moi contees
Mais .i. rōmans en eſt Ou en a aiouſtees
Gñz bourdes qui n'i doiuēt Pas eſtre recoꝛdees
LEs glous qui a flourēce oꝛent tant fait dolour
Vindꝛent ou ele eſtoit Treſtouz a .i. ſeul iour.
Auſſi fiſt l'emperere Qui eſtoit ſon ſeignour
La dame ſ'eſtoit ia Couchie en ſon doꝛtour
QVant l'a beeſſe ſot Q՚ pour les gñz v՚tuz
Eſtoit li empereres De /rōme la venuz
Au lit flourence vint ⁊ li rendi Salus.
Les nouueles li diſt La dam e ſailli ſus
ONques puis ne doꝛmi En oꝛoiſons ſemiſt
Doucem̄t reclama /Le tres douz ih՚ucriſt
Q՚ bon conſeil li doint Vne voiz li tramiſt
Le pere de laſſus; Ml՚t doucement li diſt
Flourence belle ſuer Tapenance eſt fenie
vij. anz a que venis En y ceſte abbaie
Diex veult q՚ tu t'en voiſes A /rōme la garnie
Auecques ton ſeignour De uous iſtra lignie
DOnt /ih՚ucriſt veult eſtre honnourez ⁊ ſeruis
Eſmerez eſt malades Mes demain iert garis
En ceſte ville ſont Treſtouz tes anemis
Diex ne veult ꝯ ſentir Q՚ plus demeurent vis
IL ont eü eſpaſſe Ml՚t gñt d'eulz amender
Demain vendꝛont a toi Pour ſanté recouurer
Il ne te connoiſtront Haut leur feras conter
Les pains qu'il t'ont faites Souffrir et endurer
Flourence diſt vrai dieu Ie ne vouſiſſe mie
Qu'il moꝛuſſent pour moi Ne ſouffiſſent hachie
De bon cuer leur pardoins Toute la felonnie
Qu'il m'ont fait; lauoiz diſt Tu ne fais pas folie
LA dame bien matin. l'en demain ſeleua
Les traitres ꝯnut. Mes point ne l'auiſa
Eſmeré ſon ſeigneur Mes bel la ſalua
Elle le cōnut bn̄. Mais il pas ne cuida
QVe ce fuſt laroyne Q՚ miles ot ebmlee
Q՚ de queurechiez fu bien ⁊ bel atournee
Adonq՚s ſ'eſt flourence Hautement eſcriee
Q՚ touz ceulz qui voudꝛoient Garir celle iournee
FAut que touz leur pechiez Dient oiant la gent
A ſon ſerourge Mile A dit pꝛemierement
Vous qui en la bꝛouete Giſiez enflez foꝛment
Ꝯmenciez tout pꝛemier Le glout diſt baſſement
DAme plus volentiers Enſecré le diroie
Flourence diſt amis Il faut que chaſcun l'oie
Ꝑ foi diſt le traitre Pour quoi le celeroie
Ie ne fis onques bien En chemin ni enuoie
COmbn̄ que meſiaus ſoie De certain ie ſui frere
A eſmeré qui eſt Des rōmains emperere.
Sa femme liemblai ⁊ li fis tant de here
Ꝯques tant n'en ſouffri Ie croi fille de mere
MAis onques ne poi faire Que fuſſe bien de li
Au derrain ꝑ les treſches En .i. bois la pendi
Qñt ſon frere l'oÿ A poi du ſens ſſi
Adonques Se leua Le chaſtelain tierry
ET diſt ahaute voiz par /lauierge abſolue
Ie trouuai vne dame A vn arbꝛe pendue
De moꝛt la garanti Trop eſtoit de rompue
Mais la bonté m'en fu Trop malem̄t rendue
A Grant honnour L'auoie tenue en mō hoſtel
Mais a .i. main trouuai En ſa main .i. coutel
Dont elle ociſt ma fille Mais onques ne fu tel
Que la feiſſe ardoir Tant auoit le coꝛs bel.
Par foy ie ne vi onques Plꝰ belle creature
Sa mule li rendi ⁊ toute ſa veſture
Qu'auoit qñt le trouua Diex ⁊ /la vierge pure.
Se elle eſt viue La veille deffendꝛe de laidure.
Chaſtelain diſt flourēce. Autrement aeſté
Au ſeneſchal fiſt dire Si ot ouuré
Maquaire qui cuidoit Ml՚t bien auoir ſanté
Cria ie ne fis onques Ne bn̄ ne loiauté
Pvis diſt franc chaſtelaī Pour dieu m՚ci deman
Voir j'ocis vr՚e fille D'un gñt coutel trēchant
En la main aladame Lamis en ſon doꝛmant
Ardoir la cuidai faire Mais diex li fu garant
POurce q՚ ſ'amiſtié Ne me vouloit dōner
Glout diſt le chaſtelain Diex te puiſt mal dōner
Iamais ne mengerai Sit'arai fait finer
Le larron qui eſtoit Eſpꝛis du feu d'enfer
SE dꝛeca ſus ſespiez ⁊ parla a chaut ton
⁊ diſt ie ne fis onq՚s Auſſi iour ſe mal non.
Mais ſachiez cele dame Dont il font mencion
Me fiſt ml՚t gñt bonté S'en ot mal guerredon
CAr on me vouloit pendꝛe Qñt par ſa gñt franchiſe
Me requiſt au pꝛeüſt ⁊ m'oſta de iuſtice
Moi ⁊ mon oſte auſſi L'euſſons amoꝛt miſe
Se ne fuſt nr՚e oſteſſe. Mais puis ꝑ conuoitiſe
L'Alaſmes ſus lamer Vendꝛe toꝰ .ij. as mariniers
Bn̄ auoir en cuidaſmes .I. plain ſac de deniers
Mais en chetis meriaus Fu n՚re argent changiez
Loꝛs parla le marchant Qⁱ ot enflez les piez
ET diſt ie l'achetai ⁊ changai v՚re argent
Mais quant de li cuidai Tout faire mon talent
.I. oꝛage leua Par la mer ⁊ tel vent
Q՚ treſtout mon auoir Y perdi ⁊ magent
FEndꝛe conuint la nef ⁊ empieces froer
A cheuauchons me mis Pour ma uie ſauuer
Sus .i. fuſt ml՚t de paines Me falut endurer
Sus .j. ſac de ferine Vi la dame floter
PAs n'eſchapa ie croi Dont ce fu gñt domage
Si fiſt diſt l'a beeſſe Laius en ce riuage
Lanoꝰ enuoia diex Flourence qui fu ſage
Ne ſe voult plus celer Tout bas en ſon lāgage
LOꝛs diſt a l'a beeſſe Souffrez vous .i. petit
Puis vint a ſon ami Qⁱ ot ſi gñt deſpit
Q՚ parler ne pouoit Sa main ſus sō chief miſt
/Ih՚ucriſt pour flourence Beles vertus y fiſt
CAr la pointe du fer Du dolereuz quarrel
Que l'emꝑere ot fichié Pres du ceruel
Sailli hoꝛs ſanz maī metre Le miracle fu bel
Flourence fu ml՚t lie Loꝛs geta ius (l'anel )ynel
LE cueurechief de quoi Elle eſtoit atournee
L'emperere le vit errant L'a auiſee
Entre ſes bꝛas la pꝛiſt Eſtroit l'a acolee
Puis diſt a haute voiz I'ai flourence trouuee
POur qui i'ai tant ſouffert De dolour nuit ⁊ iour
Mō frere le m'emble Le murdꝛier traitour
Mais ie m'ē vengerai Ꝑ dieu le creatour
Deuant touz les ferai Moꝛir a des honnour
MIex a deſerui moꝛt que nul autre murdꝛier
Flourence lirequiſt Pour dieu le dꝛoiturier
Q՚ il li par donnaſt Qu'aſſez ot d'enꝯbꝛier
Mais onques l'emperere Ne le voult otroier
AInz fiſt .i. gñt feu faire En vne ꝑaerie
Son frere ⁊ les .iiij. autres Furent ars ahachie
Le chaſtelain tierry Retint de ſa partie
⁊ puis donna biau dō A ceulz de l'abaie.
Pvis n'oꝛent poureté a nul temps les nōnaīs
L'emperere de /rōme ⁊ le franc chaſtelains
En menerent flourence Eſtre pouez certains
Q՚ pour ſ'amour menerēt Gñt ioie les rōmains
LA feſte c'on li fiſt Dire ne poꝛroit hon
Puis ot .ij. enfans marles En petit de ſaiſon
Flourence ſouffri ml՚t De paine ſanz raiſon
Mais ceulz qui mal li firēt En oꝛent guerredon
IVſqu'a la fin mena Flourence ſainte vie
Ml՚t de bonnes gens ſueffrēt A gñt toꝛt vilonnie
Mais diex les venge puis Com bien que il deſtrie
Prions dieu qu'il noꝰ veille Touz traire a ſa partie.