Clemens eſt .i. nō debōnaire
Qⁱ ꝑ dꝛoit a pitié doit traire
De li ſont li eſtatut venu
Mais ie croi q՚ cil ſont venu
Cil qui ſont aucun a cheual
A pié vont amont ⁊ aual
Cil qui les dignitez auoient
Oꝛendꝛoit li plus
S'en eſmoient
Leur eſtat tenir conuendꝛa
Mais ne ſa dont ce leur vēd˞
Dont eſtat puiſſent maītenir
Leur deſpens ne poꝛront foꝛnir
Ne finer auſſi leurs eſcos
Si metront cotes ⁊ ſurcos
En gages pour l'eſcot paier
C'eſt ce qⁱ les fait eſmaier
Cil qui ont pluiſeurs benefices
Ꝑ ce en ſeront mis
Hoꝛs des lices.
Dont ꝑdu ont maīt rigoler
Ne ſi hault ne poꝛrōt voler
Sinel doit tel eſtatut plaire
Et autre ꝑt ꝑ tel afaire
Preſtres clers qui ſe looient
Aus ſeunes qñt il y venoiēt
Ne ſeront tant loe ne pꝛis
Si demoꝛrōt tous ētrepꝛis
Et puis q̃urōt ꝑdu leurs chās
Il deuendꝛōt bergiers des chāps
A la charrue ſ'en iront
Preſtre et clerc mais il maudirōt
Ceulz ꝑ cui aurōt tel office
Ꝑdu aurōt le tēps crois ⁊ calice
Pꝰ q՚ le tēps aiſi ſ'a dōne
Pluiſeurs muceront
Leur couronne
Beſoīg leur ſera ⁊ meſt՚
De cōmēcier autre meſt՚
Dont clerc ne ſ'apelerōt mie
Car il leur ſeroit vilōnie
En courōne mener charrue
Poure qñt irōt ꝑ la rue
Li plus muceront leur tōcure
C'il veulent de viure auoir cure
Mais pꝛiuilegiez ſeront
Tuit cil qͥ tel meſtier feront
Ou ſoient clerc ou ſoient p՚ſtre
Car poꝛ ce c'on les pꝰ cōneſtre
Tele grace leur habādone
Qⁱl a a novilles courōne
Soient ſus les vilaīs de ville
Ou ſoient .C. ou ſoiēt mille
Il ſont tous reputez p˞ beſtes
Et poꝛront anōcier les feſtes
Deſſous l'oꝛme et ou cymet՚e
Et poꝛter la crois ⁊ la biere
En vne ſoꝛcaine blāche
Et l'yaue benoite au dimāche
Poꝛ ce eſt dolēte tel clergié
De teulz eſtatus ſe gramie
Aus mēdiās religions
A cui l'en fait relacions
De lais de confeſſer d'aſſoudꝛe
De pain ſec loꝛ conuēdꝛa moldꝛe
Sans plus au molin de leurs dēs
Si ne ſeront plus reſidens
Mais iront aual ⁊ amont
Puis q՚ poureté les ſemont
Il leur conuendꝛa cōtrouuer
Se leur viure veulent trouu՚
Puis qu'ainſi nous
Sont treſiete
En tel doleur et pou՚te
Controuu՚ faudꝛa
Maintes lobes
Pou leurs viures
Et pour leurs ro bes
Dōt ꝑ leurs mes biaꝰ ⁊ ſouciex
Les gens trairont
A leurs autieus
Pour faire emplir leur tirelire
Ainſinc ira de pire en pire
Et tournera tout ē deffit
Ie ne ſai qͥ tāt d'oꝛdꝛes fit.
D'vne ꝑt auons les /croiſiez
Qⁱ ſont goles ⁊ enuoiſiez
A piez reſont les guillemins
Et d'autre ꝑt les /matebins
Freres ya de /trinité
Qⁱ biē aīment charnalite
Encoꝛe ya /freres barrez
Qui ſont cōme .ij. dez q̃rrez
Q՚ l'en nōme /frere du carme
Et biē ont des fames
Sans charme.
Puis r'auōs /freres des billetes
Oꝛ ya dieu de ſes filletes
Qⁱ /filles dieu ſont apelees
Et qñt veulent ſont mariees
El ſont biē filles dieu nōmees
Teles q՚ diex n'a endēdꝛees
Biē ſceuent les hoſtiex
Aus moinnes.
Et auſſinc celes
Aus chanoines.
Ꝑ /ꝑis font leurs crieries
Apꝛés viēnent les repēties
Li bō enfant li /iacobin
Qⁱ mēiuent maīt gros lo pin
Dont biē ſceuent leurs auātages
Et poꝛchacēt les enterrages
Si font /ceulz de /s՚. auguſtin
Qui ſouuent en font
Maint huſtin
Auec ces /freres coꝛdeliers/
Et ceulz du val des eſcoliers
Apoſtres ya ⁊ h՚mites
Qui bien ſceuent
Trouuer leurs giſtes
Et ſont de /l'oꝛdꝛe /.s՚. iehā
Hé /pape iehan en ceſt an
Deſaieuure le graī de la paille
Les mauuaiſes herbes retaille
Si que foy puiſt fructefier
L'en ne ſcet hui ou ſoy fier
Tant eſt grande hypocriſie
Que l'en ne ſcet ou l'en ſe fie
Car chaſcuns penſe de bouler
Poꝛ toutes ces gens ſaouler
Et q՚ de leurs maīs ne labeurēt
Mais ꝑ le pais vont ⁊ queurent
En cherchant toꝰ les quarrefours
Poꝛ ce qu'il n'ont molins
Ne fours.
Ꝑ le pays vōt p՚chāt
Dont maint poiſſon
Sont peechans
A gñt eſcharde ⁊ groſſe teſte
Dont biē ſceuent oſter la reſte
Et la char a eulz retenir
Si cō n'en le voit auenir
Sus ſainte egliſe nr՚e mere
Mette y bō conſeil ſaīt pere
Encoꝛ ſe plaignēt d'autre ꝑt
Les beguines q՚ l'ē deꝑt
D'eux ſoient ces be guines
Li barre ꝑ dꝛoit leurs voiſines
Faites en aurōt tex meſchiez
Celes qui vendent cueurechiez
N'ē vendꝛōt tāt ꝯme ſoloiēt
Oꝛ conuiēt q՚ maīs
Vendus ſoient.
Camelins poꝛ ces bones dames
Pꝰ qⁱl ſerōt cōme autres fames
Camelins ſerōt a marchié
Mais oꝛ ya autre meſchie
Car burnete eſcarlate ⁊ vers
Fourrure de gris ⁊ de v՚s
Et de couleur la dꝛaꝑie
Nous en ſera plꝰ enchierie
Si cōperrons ceſte venue
Se n'ēuient a deſcouuenue
Li /coꝛdelier li /pꝛecheur
Qⁱ la eſtoient peſcheeur
Et maīs autres religieus
Des q՚lz il faiſoient leur diex
Et il en faoiſient deeſſes
Laiens chantoient
Il leurs meſſes
A oꝛgue a chāt ia deſchāt
Dont il aloiēt eſleecant
Maītes gens qⁱ leseſcoutoiēt
De leurs vois ſeraines
Sambloient.
Oꝛ eſt ſous le banc loꝛ viole
S'autrem̄t diex ne les citole
Loꝛ oꝛdꝛe faudꝛa pou a pou
De la pꝛoiſſe ſont /.s՚. pou.
L'apoſtre de nō ⁊ de fait
Je ne ſai qͥ ce leur a fait
Mais il en ſont ē gñt toꝛm̄t
Mais il ſ'ē plaignēt ml՚t foꝛm̄t
Veus en fōt as .s՚. ⁊ a ſaītes
Et a /.s՚ frācois loꝛ
Complaintes
Et a /.s՚. dominiq՚ ēuoiēt
Ml՚t leur pͥēt qͥl les r'auoiēt
Et /s՚. b՚nart auſſi reclaīmēt
Car sō oꝛdꝛe ⁊ ſes freres aīmēt
Et anſinc /ſainte bꝛ՚tine
Car c'eſt leur ˞pchaīne voiſine
/Nr՚e dame du /carme ap՚s
Retiēnēt il ſouuēt de pꝛez
Bō fiſt q՚ miracle en feiſſēt
Si q՚ de dens les remeiſſent
En leur iuſte poſſeſſion
Poꝛ ce ſont en affliction.
Ioꝛ ⁊ nuit q՚ diex les ſeq՚irrēt
Car le ſecours moult
Leur demeure
Enuoie ont c'eſt verité
Au pape qu'il ait d'eulz pité
Et ie croi ien q՚ tant feront
Ꝑ les freres qu'il renterront
En leur ſaiſine p՚meraine
Car les freres ymetēt paine
Carces reqͥerēt hūblem̄t
D'eſtatus au /pape clim̄t
Ioītes maīs ⁊ a nus genoulz
Auſſi /ſaīt ꝑe sōmes noꝰ
Qⁱ vos clers ⁊ vr՚e gēt sōmes
Du col noꝰ oſtez ces
Grans sōmes
Le vr՚e nō plain eſt de g˜ce
Clergie ſupplie q՚ li face
Et a ces gens q՚ i'ai nōmez
Pꝰ q՚ /g˜tiens vous nōmez
Faites g˜ce et miſericoꝛde
Il ſe rendent ou col la coꝛde
Tous a vous Mais
Qu'il puiſſent viure
Pour dieu en ce
Septieme liure
Q՚ /le pape clem̄t qͥnt fiſt
Se vous veez qͥl ſoit ˞pfit
Metez y aucune atēpꝛāce
Gardez vos cleriōs de treu
Mal bꝛouet noꝰ eſt eſmeü
Se vr՚e nō ne voꝰ viſite
Voꝰ /ſire dōt qⁱ ꝑ eſlite.
Eſtes /.s՚. ꝑe ⁊ a poſtole
Ourdiſſiez noꝰ vne tel tele
Dont nous puiſſons eſtre veſtu
Clers ne pꝛiſe l'en .i. feſtu
Chaſcūs les moq՚ ⁊ deſpꝛiſe
Mais voꝰ qⁱ l'auctoꝛite pꝛiſe
Sus tous auez faite tel choſe
Q՚ ſainte egliſe ē pais repoſe
Au beſoīg pas ne li failliez
Ne la trenchiez ne retailliez
Car elle eſt ſi foible ⁊ ſi tēdꝛe
Qu'au ioꝛ d'ieu ne ſe puet deffēdꝛe
Des gns lous qⁱ ētoꝛ li courēt
Q՚ liet toꝰ ſes bn̄s deiuourēt
Sainte egliſe et treſtout le mōde
Mais tuit pēſent qu'ē la ꝯ fōde
Auſi chaſcuns ꝯ fol tōdu
Pēſe a ſoy qⁱl ſoit ꝯfōdu
Et de ſoy meiſme deſtruire
Poꝛ ce /ſire veilliez eſtruire
Oꝛden a ce tele ⁊ tel fait
Q՚ puiſt oſter ce q՚ſt mal fait
Et tout tourner a bone voie
Faites /ſire q՚ l'ē le voie
Briement mon dit
Vous fine a tant
Car ml՚t ēnuie qⁱ atant
Poꝛ tous ceſte req՚ſte di
Qui fi faite a .i. vēdꝛedi
Tiers ioꝛ en l'aīg
Si con moi ſamble
Mil . iijc . xviij. enſamble