VN cheual ay Qui eſt avendꝛe
Pour auoir argēt A deſpendꝛe
Ie croi cil qui l'achatera
Q՚ ml՚t petit igaignera
C'eſt oꝛe voir il eſt ferās
⁊ eſt mauueſem̄t errans
⁊ a .iiii. felons reneus
⁊ a ſoz lagoꝛge .ii. neus
⁊ eſt ſoz la queue tigneus
⁊ eſt pouſis. ⁊ eſt moꝛueus
⁊ ſi dient la gent entr'eus
Q՚ il voit ml՚t petit des ieus
⁊ ſi ſai bn̄ q՚ il n'oit goute
Ne li ventres ne li tient goute
Foi q՚ ie doi /ſainte pecine
Il n'a meſt՚ de medecine
Car ſe verité eſt en recoꝛs
Riens ne li demeure ēs elcoꝛs
⁊ ſi moꝛt ⁊ regibe ⁊ grate
⁊ ſi fiert derrier de la pate
⁊ ſi meniut mauueſement
Mes il en giſt plus netemēt
Maigres eſt ⁊ roides ⁊ lons
Hauz eſt ⁊ ſieſt trop felons
Il n'emble ne paſſe netrote
Il ne vaut pas vne viez bote
⁊ qñt on fiert ⁊ il trebuce
Il chiet c'une pourie huce
⁊ ſi ne ſai que ce puet eſtre
Il mengue tout sō cheueſtre
⁊ ſi eſt de mauueiſe loi
Car il a le mal /ſainte loi
Les barbes a ⁊ le lenpas
Maueiſement va trop ⁊ pas
Ie croi qⁱl fu nez en enfer
En pié ne li demeure fer
⁊ ſi a derriere vne courbe
Qⁱ al'al՚ ml՚t li deſtourbe
⁊ ſa ferine ⁊ ſa molete
Il eſt chetiue beſtelete
En coꝛdez eſt deuāt derriere
Oꝛeilles pendanz mate chiere
Farſilleꝰ eſt ſa les relens
Il eſt mauais ⁊ ſi eſt lens
En coꝛe plus imeterons
Il eſt trop durs a esꝑons
⁊ ſi voꝰ di ſe diex m'auoie
Il chiet en rue ⁊ en voie
Foi que ie doi ames .ii. maīs
Des mehains n'i a mie maīs
Paeureux. onbꝛageꝰ. reſteux
Onq՚s mes chuaꝰ ne fu tiex
Des pꝰ le tens de/ꝑce val
Ne veiſtes ſi fier cheual
Lons eſt d'eſchines espies neus
Courbatꝰ ēfoſſet ⁊ creus
Il ſera ml՚t bons a voꝰ tieus
Oꝛl'achates ſe voꝰ voles
Vendꝰ eſt ſe ne voꝰ haſtes