VN pꝛeudons pꝛiſt dame iouenne
Vne ml՚t oꝛguilleuſſe dame
Et ſi tres deſpiteuſſe eſtoit
Q՚ riens vaincre ne la puoit
Tant que par auenture auint
Q՚ cel pꝛeudōme lidiſt
Jouēne alons vëoir uos ueces
L'en ifait ſentieꝛs ⁊ adꝛeces
⁊ en nos bles ⁊ en nos pois
L'en nous hōniſt tout nos tremois
⁊ nous deuons ſiꝯmoi ſemble
Eſtre ml՚t bōne gent ēſemble
Ꝯme ionnes gēs q՚ nos sōmes
Mout eſt oꝛ bn̄ chargie de pōmes
Vr՚e pōmieꝛ ⁊ de ml՚t blāches
Il n'a pas d'ici juſqu'a /planches
Hōme qⁱ miex reſemble faux
Mes en ging ſetu ne me faus
Ie te metrai trop bn̄ apoint.
Boi iouenne ſediex me doint
Ioie de qñ que i'ai ou monde
Ne par dieu outout bn̄ habōde
Onques ne le dis ꝑ nul mal
Car vꝰ eſtes dame loial
Et pource vꝰ eſpouſaige
Boi chetif las c'a potaige
Qñt vins en vr՚e ꝯpaignie
G'eſtoie blonde ⁊ bn̄ pingnie
Et fille de ml՚t bōne gent
⁊ ving bn̄ trouſſe d'argent
Ouil n'auoit point de rechāge
Et ſ'a poꝛtai ⁊ linge ⁊ lange
⁊ couſte en lit ⁊ coutepointe
Et huche ml՚t belle ⁊ ml՚t cointe
⁊ .iiij. paire d'oꝛilleꝛs
Et .v. paire de cheurechies
Me cuidiez vous ſouz piez tenir
Nenil ſi puiſſe ie venir
A la uraie confeſſion
Ie ſui bn̄ en poſſeſſion
D'eſtre touz iours dame de vꝰ
Boi iouanne ſi eſtez vous
Et de moy ⁊ de qñque i'ai
Voirement le ſui ⁊ ſeꝛai
Q՚ i'ai .i. art plus q՚ dëable
Iouenne cen'eſt mie fable
Se vous voulez tenir ē ceſte
Ia par dieu ꝑ ciſt ne ꝑ ceſte
Ne leꝛai q՚ ie ne m'i tieingne
⁊ mau gñt damage me veigne
Se vous n'eſtes coups ſeievif
Iouenne auſſi eſt le baillif
Ꝑ auenture ⁊ le viconte
Mes pꝛeudefame qⁱ criēt honte
Se doit tenir a ſon ſeaignoꝛ
Oꝛe iouenne ꝑ amoꝛ
⁊ pour ſainte natiuite
Ne me tenez pas en vite
Ie ſui ionne ⁊ gñt ⁊ foꝛt
Auis m'eſt q՚ uous toꝛt
D cōmancieꝛ ſi male uie
Eſfondu ſoiez vous ē abiſme
Ce faites vous qui cōmanciez
Mes vous en ſeꝛez courouciez
En la fin ou ie ifaudꝛai
Car touz iours miex de vꝰ vaudꝛai
⁊ iront mes raiſons auant
Ie l'ay voue oꝛ m'en auant
Celui qui bn̄ faire lepuet
Oꝛe iouenne il vous eſtuet
Cuire des pois car ie m'ē uois
Atandez mous n'ē poues mois
Pois aurés vꝰ ꝑ auanture
⁊ diex me doint male auēture
Se vꝰ n'auez de la poꝛee
Sien ſui ie mal eſtoꝛee
Mes c'eſt pour faire lerebours
⁊ me deuſſieꝛ cōme .i. ours
Batre ſi feꝛai ie la dame
Vaudꝛa oꝛ miex hōme q՚ fame
Ꝑ dëable qui ſe pendi
Nenil voir dieu le deſfendi
C'eſt oꝛe le plus ⁊ le mains
Q՚ miex valent mes blāches maīs
⁊ mes biaus bꝛas ⁊ ma figure
Damage eſt qñt tel creature
Eſpouſſa onc tel rodoen
Hé; mal meleuaſſe ie ouen
Qñt onc eſpouſſai ceſte fole
Et /le bon baron .s՚. nicole
M'en deliure c'el ne ſ'a mende
Agua chie oꝛ faut ci bende
Trop ſui bōne aton eus
Car tu ne vaus ne tu ne pues
Foꝛs tant com ie te fais valoir
Ceꝛtes trop te pourras douloir
Qñt de partir nous couendꝛa
⁊ ceꝛtes par tans auendꝛa
Sele ceꝛuel m'eſmuet .i. poi
Avoi dame iouenne avoy
Souſfres en coꝛe vr՚e engoiſſe
Qⁱ me tient oꝛe q՚ ne telaiſſe
De ma quenouille coup pullāt
Ꝑ dieu ie te feꝛai ſullant
Le front ⁊ le muſſel de duel
Ie voudꝛoie mourir mō weil
Qñt ie regarde mabiauté
Et ie te feꝛai loiauté
Ceꝛtes dëables le veꝛront
⁊ ou ſont ceus qⁱ ceſeꝛont
A cel mengieꝛ ia dieu n'i veīgne
Boi iouenne ſediex me doīt
Qⁱ ioie ⁊ ſanté vous doint
Sont les pois bn̄ ſalez apoint
Q՚ ie vous cōmandai afaire
C'eſt .i. mes qui trop me puet plaire
Ie n'ai touz iours eſté noꝛri
Par dieu vilain meſiau poꝛri
Tu n'i auras ne pois ne feue
Enciez changeꝛai .i. poi d'eue
A ur՚e poꝛee eſloignieꝛ
Oꝛ toſt trop pouez polognieꝛ
En non dieu iouenne il m'anuie
Benoit ſoit ceque on eſtuie
C'eſt delapoꝛee d'eꝛſoir
Par dieu vꝰ ne dites pas voir
Ainz mentez ꝑmi la guargate
Mengiez ant plaine ceſte ia te
Ia ne vꝰ iſſe elle (elle )du vētre
Tenez paſſion vꝰ ientre
Qⁱ vꝰ rut moꝛt enmi ceſte eꝛe
Oꝛ iouenne il me conuiēt taire
Il m'eſt auis q՚ c'eſt du miex
Vous dites voir ſi m'aiſt diex
Vꝰ ſauez bn̄ qu'eſtre conuiēt
Debonnaire qñt plꝰ foꝛ viēt
Et tāt plus en grouceꝛiez
⁊ tant plus q՚ folz feꝛiez
Oꝛſus vous eſtez trop ſaoul
Q՚ fuſt cil a /chaſtiau raoul
Qⁱ de nous .ij. fiſt l'aſemblee
Miex veniſt que on m'eüſt emblee
Qñt g'eꝛe genne ciez mon peꝛe
Ꝑ poi que ne m'ē deſeſpeꝛe
Qñt c'eſt vilain ne me leſt
Faire ce qu'a faire me pleſt
Oꝛ ſus c'eſt diſneꝛ achanoīgne
Boi ia diex ne m'i part d'eſſoigne
Se ie ne vous oſte la nape
Veez du dëable ꝯme elle hape
Elle eſt du lignage aeſcoufle
S'elle me pꝛiſſaſt vne moufle
Ne ne cremiſt ne ne doutaſt
Ia ſi lai dement ne m'oſtaſt
La nape cōme elle m'a oſtee
Mais ieli feꝛai tel toſtee
Ou elle aura aſſez amoꝛdꝛe
Fol ſui qñt l'ai laiſſie amoꝛdꝛe
AUp՚mieꝛ amoi meſtrieꝛ
Oꝛ m'a laiſſie tout eſtraieꝛ
⁊ ma uiande aeſpendue
A male hart ſoit el pendue
Et li ⁊ toute ſa banieꝛe
Elle poꝛteꝛa la banieꝛe
Ie cuit quel poꝛte poꝛteꝛa les bꝛais
Voire maugré q՚ tu en aies
⁊ les bꝛaies ⁊ le bꝛaiel
Va ſi t'en plaing aton aiel
Se tu en cuidez auoir dꝛoit
Harou qui me tient oꝛēdꝛoit
Qnt ie n'en rage toute viue
Qñt cel villain pullāt eſtriue
De ce que a faire me plaiſt
Ieſeꝛai dame ſe dieu plais
Voire ſi l'auoit pꝛis amain
⁊ diex m'en voit mau ioꝛ demaī
Se ie ne (me fais defouleꝛ)
(Le cul a .ij.) ou a trois
I'ai eſté ce n'eſt mie dꝛois
Trop pꝛeudefame ou q՚ iefuſſe
Plus que voiſine que g'euſſe
Mes oꝛ deuraige putain
En deſpit de vꝰ dant vilain
Oꝛ vous conuiēt eſtre ſoufrable
En non dieu iouenne au dëable
Soient celles qui te reſemblēt
Miex me ueniſt oceus qⁱ emblēt
Auoir fait compaignie .i. an
Mes foi que ie doi /.s՚. iehan
Ie m'en vengeꝛai ſeie puis
Se ie truis ou maillieꝛe oupuis
Ie t'i balenceꝛai auant
Q՚ ie ſoie d'oꝛe en auant
En tel doleur en tel tempeſte
Qu'a bon ioꝛ ni a bōne feſte
N'ai ie pais aiceſte laſſe
⁊ c'elle vouſſiſt plus l'amaſſe
C'onq՚s ne fis peꝛe ⁊ meꝛe
Mes tant la truis ſure ⁊ ameꝛe
Et plaine demale boidie
Riēs ne di q՚ elle ne deſdie
Di weil poꝛee i'aurai pois
Toute rien me fait ſus mō pois
⁊ ſe ie weil char de bacon
Loꝛs met elle cuire .i. tacon
Dela plus dure vielle vache
Q՚lle truiſſe ne q՚lle ſache
Et ſi ne m'oſſe encoꝛe en batre
A li feꝛir ne ali batre
Par en ging mecouuēt ouureꝛ
Car ie vourai ſi arengieꝛ
Trois feꝛs d'aleſne bn̄ agus
Ens ou fons de ce peꝛtus
⁊ puis ſi li deſfendꝛai
Ou peꝛtus ne boute ſon doi
Qñt ieli aurai fait deſfence
Seꝛa ce pechié ni eſfenſe
S'elle ſe blece ⁊ iboute
Honnis ſoit qⁱ pechié ē doute
Iouēne ne boutez ci rien
En ceſt peꝛtus ie vꝰ di bn̄
Q՚ celui qui riens bouteꝛa
Oupeꝛtuis ſ'en repētira
Se tu as tourne les talons
Nelairoie pour .ij. galons
De vin que ie mō doi n'iboute
Q՚ ma pen ſee ſi eſt toute
A faire ce qu'il te deſplaiſt
Oꝛ vous en ſouſfres ſi vꝰ pleſt
Ie vois .i. poi hoꝛs de la ville
Harou i'ai fait trop belle guille
Se ceſte laſſe ſe mehaīgne
Hé; /.s՚. iehan de/la champaigne
Oꝛ me ſui ie trop oubliee
Ie m'en vois toute deſliee
Bouteꝛ mon doi en ce ꝑtus
Si eſſaieꝛai quel veꝛtus
Mon chetif de mari ia
Mout roidemēt ſon doi bouta
Ou ꝑtus dont ſerepenti
Car en espas hay hay
Qñt ſe ſenti pointe ſicria
/Douce dame aue /maria
Cel larron vilain m'a traie
Harou harou aye aye
Ie ſouloie eſtre ſi ſoutiue
Mieus m'amaſſe moꝛte q՚ viue
Non pas pour mal mais p˞ lahote
Car il me tenra en ſon conte
Q՚ il m'ara pꝛiſſe aubꝛay
Ꝑ /n՚re dame de /cambꝛay
Qⁱl m'en eſt gñt honte avenue
Boi harou dont lieſt venue
Ceſte grant traiſſon ſoutaine
Hé laſſe cōme mō doi sāine
Ie cuit qu'il le m'eſtuet lieꝛ
Se ie truis fueille d'alieꝛ
Ie croit q՚lle me ſeꝛoit bōne
Oꝛ ſui ie venu iouenne
Cōme pꝛeus ⁊ bn̄ ⁊ ēſeignie
Et qu'eſt ce l'en a ci ſaignie
Iouenne ne vꝰ diſie bn̄
Ou peꝛtus ne boutiſſiez rien
⁊ que cil qⁱ riens bouteꝛoit
Ou peꝛtus ſ'en repentiroit
Tart eſt main acul pet eſt hoꝛs
Male ioie et elle deſon coꝛs
Qⁱ ml՚t bn̄ nele vous rendꝛa
Oꝛ nous ueꝛron qñ avendꝛa
Iouenne leſſon ceſte noiſſe
Il y a dequoi plus mepoiſſe
Denr՚e pꝛe qui n'eſt fauchie
Qⁱ eſt tout en tour deſchaucie
Dant guill՚e afauchie leſien
Auſſi ſoies tu bel ⁊ bon
Con fauchie n'eſt pas mes tōdu
Et il a tantoſt reſpondu
Qⁱ n'i metroit tout ſon ēhan
Ne ſeꝛoit tondu en .i. an
Et celle ſia dieu iure
Q՚ il fu tondu ⁊ touſe
Nel m'otrieꝛoit p˞ /paris
Q՚ il ne fuſt tondu touz dis
Il la pꝛent ⁊ bn̄ labati
⁊ trop duremēt la laidi
De piez depoins li dōna tāt
Q՚ deſus lui ſeua laiſſāt
Et qñt el ne pot mes ꝑleꝛ
A .ij. dois ꝯ mance amouſtreꝛ
Il fu tondu tondu fuil
Adont iot .i. grant rouil
Trait ſoit arrieꝛe ⁊ l'eſgarde
Et au dëable la cōmanda