QVant amoꝛs ot bien entendu
Que me fui a bele rendu
Pou qui ſus moy ot coꝛne pͥſe
Si me retint en sō ſeruice
Et me pꝛia ml՚t doucem̄t
Q՚ le ſeruice bonem̄t
Et q՚ ml՚t de biens me feroit
Et tant con le bois duerroit
Ie m'y pooie eſbanoier
Ꝑ tout ſans nul lieu foꝛnoier
Qñt biauté m'auoit arreſte
Et diſt qu'il eſtoit apꝛeſté
De poꝛter moy honoꝛ ⁊ ioie
Tant que en sō bois remaīdꝛoit
Mais biē me diſt ſe i'ē iſſoie
Iamais el bois ne retoꝛroie
Car il ſauoit bien ſans mentir
Nature nel puet ꝯſentir
Ainſi ſerui amoꝛs ⁊ dame
De cuer de volēté ⁊ d'ame
Sans tēps coꝛs auoir ⁊ chaſtel
Mis en ſeruir qu'il n'i a tel
Ꝯ ſeruir qñt en gré eſt pꝛis
Mais de biauté fu ſi eſpꝛis
Q՚ ne ſoi ſe ie meſpꝛenoie
De l'eſtat ou me maītenoie
Qⁱ encoꝛe eſtoie el bois iane
Ou nul de ce monde n'aſſane
Qⁱl ne conuiēgne foꝛnoier
Aucune fois ⁊ foloier
Ꝑ nule bois tant cōme il dure
Et tant ꝯ le ſueffre nature
Et le veult el bois maītenir
Nēnil ne ſ'en vouldꝛoit venir
Hoꝛs de ſon gré ſ'a foꝛce nō
De viellece doutent le nō
Nul ne ſ'i embat volent՚s
Qⁱ de ionece les ſentiers
Puiſſe tenir ē nule guiſe
Chaſcuns redoute ſon ſeruice
Et ſ'i embat chaſcuns a paīne
Tant q՚ nature les ymaine
Et qⁱl leur conuient ꝯſentir
Et l'en du ſi q՚ ie ne mēte
Qⁱ en jeu entre jeu ꝯsēte
Adont q՚ ie me fu rendu
Ml՚t bonem̄t ay entēdu
Au ſeruice faire ou i'eſtoie
Car biauté foꝛm̄t me meſtroie
Et les .ij. chiens renō ⁊ los
Me tiēnent ſe biē dire l'os
Q՚ riens ne me puet eſioir
Tant cō la vois de chieſoir
Car ſi toſt cō ie l'a ꝑdue
Et n'ai de biauté la veue
Le coꝛps trāble couleur me mue
Le cuer me faut ⁊ ſi treſſue
D'angoiſſe ſi tres f՚mem̄t